قول بصراحة......بتخاف؟؟!!!

[~Heba~]

السلام عليكم

الاب الفاضل الاستاذ عادل ابو زيد كشفنى امام نفسى لما كلمنى على موضوع الغاز اللى بيوصل اسرائيل و مش بيوصل الصعيد

قلتله طب اعمل ايه يا استاذ

قالى اتكلمى قولى رأيك

ساعتها بس حسيت انى جبانة و ان بخاف اتكلم فى السياسة

انا فى قوة شخصيتى مجيش حتى نص اسراء عبد الفتاح و انتوا شفتوا اللى حصل لها

نعمل ايه بقى غير اننا نسكت....و نرضى بقليله....آه يا قليله دى كرامتنا هى اللى شكلها قليله

انتوا بقى الاخبار عندكم ايه

[المنصوراوى]

مش بلاش يا هبة الاسئلة المحرجة دى

على كل حال انا حقول ليكى حالى انا عن

نفسى لو عارف كلامى حيغير حاجة اكيد مش

حسكت و اكيد دا حال الكل

و سيب الناس تاكل عيش يا هبة B)

حنلقيها من مين ولا من مين بس :happy:

[Automatic]

لأ

[moheltohamy]

هممممممم...

بصراحة ولا اختيار م الــ 3 بتوعك يا هبه يمشي معايا!

أنا اساساً ماليش ف السياسة ، مش مسألة خوف ، بس هيه كده ولا كده مش فارقة! :blink:

وليه تتعبي نفسك ، وتشجعي الفريق بتاعك ، إذا كنتي عارفة مقدماً - على رأي الزميل طفشان - إن... الماتش متباع B)

هوه طفش من شوية؟! :happy:

وبدل ما نتكلم ونبح صوتنا ، ويبقى بنحرق بنزين ع الفاضي... قلة الكلام أحسن ، وان كان الكلام من فضة ................

وبس B)

[قائد المدفعيه الهولنديه]

انا مش عارف اختار اى اختيار من الثلاثه لان انا مش جبان و مش شجاع و كمان لسه معنديش حاجه اخاف عليها لكن الموضوع بصراحه ان لو فى امل ان الواحد يتكلم و يغير يبقى هينجى بنفسه و ببلده لكن فى ظل الظروف الحاليه و القهر الموجود فى البلد مبروك عليهم البلد و مبروك علينا السلبيه ....... نحن لا نملك من الامر سوى الدعاء على الاقل نوحد الدعاء يمكن ربنا يستجيب و يزيح الغمه اللى طابقه على نفسنا كلنا و نشم هواء نظيف و ليس هواء احمد نظيف

[~Heba~]

شكرا لتجاوبكم

الغريب ان غالبية اللى ردوا ارائهم سلبية بعكس نتيجة التصويت رغم قلة عدد المصوتين

يعنى فى الاخر هى كلها سلبية بس درجاتها بتختلف

[قديم]

الكلام في السياســه ادمان مثله مثل ادمان العادات الاخــري مثل التدخين ....الخ

هو تسليــه وتقضيــه وقت لكن ما له اي فائده تعود عليك بالعكس فائدتـه قد تنعكس عليك سلبا بالضغط .. الخ

لو فكـر الانسان بدل ما يتكلم في السياسـه ويضيع وقت كبير في الكلام عنها . لو فكر في نفســه وفي اوضاعــه الشخصيــه . كيف يدبر احوالـه الصحيه مثلا والتعلميــه والتجاريــه .. بدل ما يفكر في لي الدوله ماتعمل وتعمل .والاف الافكار .

يا اخي فكر في مشروع شخصي ليك ولاولادك وسيب الحكومــه والناس في حالها ,,

تم تعديل 7 يوليو 2008 بواسطة قديم

[عادل أبوزيد]

الفاضلة هبة غير راضية عن نتيجة هذا الإستبيان حتى الآن و لها كل الحق غى عدم الرضا و ليس العيب فى جمهور القراء و لكن الخطأ فى تصميم الإستبيان نفسه الذى كان يحتاج لمزيد من الجهد.

ما سبق كان إستهلالا لابد منه

القاعدة رقم واحد فى تصميم أي إستبيان هى عدم إختيار الأسئلة الموحية التى تدفع الجمهور لإختيار معين ، فى حالتنا هذه أحد الإختيارات "أنا ما بخامش إلا من اللى خلقنى" هل تتصورين أى إنسان يرفض هذا القول رغم أننا كلنا نخاف ربما من رئيسنا فى العمل و من عسكرى المرور و من سائق الميكروباص و من طبيب الأسنان إلخ و مع ذلك سنختار كلنا الخيار الأول.

الخيارات يجب أن تكون متباينة و الفروق بينها واضحة لا يمكن أن يكون بين الخيارات الملوخية أو السيراميك مثلا

و عند بدء تصميم إستبيان يجب أن يكون موضوع الإستبيان واضحا جليا للجميع مصمم الإستبيان و من سيقوم بالرد عليه فى حالتنا هذه "قول بصراحة ... بتخاف؟؟!!" ماذا يفهم القارئ من هذا العنوان ؟ بداية لن يهتم القارئ بهذا العنوان و لن يكلف نفسه مجرد تصفحه ، و إذا نظرنا للعنوان الفرعى و أظنه "الكلام فى السياسة" أيضا مفهوم غامض صحيح أن كلمة سياسة معلومة لرجل الشارع و لكن عند تصميم إستبيان يحسن أن واضحين و نبين ما الذى نقصده بالسياسة هل المقصود الحديث فى الشأن العام ؟ أو الحديث كمعارض سياسى يلعن سلسفيل النظام و رئيس النظام ؟ أو المقصود مجرد المشاركة فى باب السياسة فى محاورات المصريين ؟ السياسة هى الدعوى للتكفير و الهجرة ؟

كان من الممكن السؤال عن باب السياسة فى محاورات المصريين هل تفتح موضوعات هل تضيف مشاركات هل تتصفح الموضوعات .... إلخ

[المرشد]

السلام عليكم

هي الأخت هبة ألقت فكرة سريعـة

جايز كانت محتاجة معالجة للتصميم . بس خلونا نسيب التصميم دا لرأينا في فريق أوربا وكاس العالم

في حاجات واضحة وتكفى كلمة واحدة للإشارة ليهـا

أيوة إحنـا جبنـاء

مش أنا لوحدى وللا انتى ولا بس القراء

في البداية كل واحد يقول وأنا لو عارف إن رأيى هيغر حاجة كنت قولت وإتكلمت

وخلصنا من المشكلة وبدأت في ناس تتكاتف وتقول رأيهـا بصراحة

ومظاهرات سلمية

وشجب في الجرايد

ومفكرين معارضين

وإهانات للذات الرئيسية ؟

دى كانت جبهـة

وجبهة تانية اتكونت بغباء في الانترنت وافترضت ان حرية الرأى وحل المشكلة بس في سب الرئيس

وملعون أبو الحكومة وكلام لا يودى ولا يجيب ؟؟؟

خلاص الكلام والرأي دووول موضة قديمـة

إحنا شعب لا يعتـد بيه ولا يؤخذ برأية

الحكومة عرفت إن معندناش غير الكلام والاعتصام الفارغ

وإحنا فاكرين إننا أقويا علشان بنشوف المعارضين بيتكلموا براحتهم

مش عارفين ان الحكومة عارفة إن أخرنا كدا كلام فى كلام

الله يرحمك يأحمد ياعـرابي

أنـا شايف إن الحكاية محتاجة أكبر من كلام محتاجة حرب

بس خايف إنهـا تقلب بحرب أهلية بين المتسارعين ع الحكم

خايف تقلب حرب بين الاخوان والمعـارضين وحزب ناصـر

ووتحول القضية لمين يمسك الحكم ؟

يعنى وقعنـا بين المطرقة والسندان

لا قادرين نقوم بعملية تطهير قوية ونتفق على مبدأ واحد

ولا كلامنـا بيودى أو يجيب مع الحكومـة ؟؟

طيب نعمل أيه ؟؟؟؟؟؟؟؟؟؟

أنـا هصوت إنى مش بخاف إلا من اللى خالقنى لأن دا وضع طبيعى

سواء إتكلمت في السياسة

أو عن الطيور المهاجرة ؟

لازم أتقى الله وأخـاف ربنا وحدة في كلامـى !!!!!!!

مش كدا ولا إيه

المـرشـ

[~Heba~]

الفاضلة هبة غير راضية عن نتيجة هذا الإستبيان حتى الآن و لها كل الحق غى عدم الرضا و ليس العيب فى جمهور القراء و لكن الخطأ فى تصميم الإستبيان نفسه الذى كان يحتاج لمزيد من الجهد.

ما سبق كان إستهلالا لابد منه

القاعدة رقم واحد فى تصميم أي إستبيان هى عدم إختيار الأسئلة الموحية التى تدفع الجمهور لإختيار معين ، فى حالتنا هذه أحد الإختيارات "أنا ما بخامش إلا من اللى خلقنى" هل تتصورين أى إنسان يرفض هذا القول رغم أننا كلنا نخاف ربما من رئيسنا فى العمل و من عسكرى المرور و من سائق الميكروباص و من طبيب الأسنان إلخ و مع ذلك سنختار كلنا الخيار الأول.

الخيارات يجب أن تكون متباينة و الفروق بينها واضحة لا يمكن أن يكون بين الخيارات الملوخية أو السيراميك مثلا

و عند بدء تصميم إستبيان يجب أن يكون موضوع الإستبيان واضحا جليا للجميع مصمم الإستبيان و من سيقوم بالرد عليه فى حالتنا هذه "قول بصراحة ... بتخاف؟؟!!" ماذا يفهم القارئ من هذا العنوان ؟ بداية لن يهتم القارئ بهذا العنوان و لن يكلف نفسه مجرد تصفحه ، و إذا نظرنا للعنوان الفرعى و أظنه "الكلام فى السياسة" أيضا مفهوم غامض صحيح أن كلمة سياسة معلومة لرجل الشارع و لكن عند تصميم إستبيان يحسن أن واضحين و نبين ما الذى نقصده بالسياسة هل المقصود الحديث فى الشأن العام ؟ أو الحديث كمعارض سياسى يلعن سلسفيل النظام و رئيس النظام ؟ أو المقصود مجرد المشاركة فى باب السياسة فى محاورات المصريين ؟ السياسة هى الدعوى للتكفير و الهجرة ؟

كان من الممكن السؤال عن باب السياسة فى محاورات المصريين هل تفتح موضوعات هل تضيف مشاركات هل تتصفح الموضوعات .... إلخ

آسفة انا لما كتبت الموضوع كتبته بتسرع و بدون ترتيب فقط حاولت اخليه يعبر عن اللى فى دماغى من ساعه ما حضرتك كلمتنى لغاية دلوقتى لما بشوف تعقيبك على جملة "يرضوا بقليله" اللى انا قلتها

بالنسبة للاستبيان دا مجرد تعبير عن رأيى بخصوص المشاركة فى المواضيع السياسية و المشاركة فى النشاط السياسى بشكل عام

بقولها بصراحة انا اجبن من انى انخرط فى الاتجاه ده لانه بصراحة مفيش نتيجة مرجوه منه

احيانا بحس ان الاحزاب السياسية و الرؤوس الكبيرة فيها كلها بتضحك على الناس

كلها غرضها السلطة

و ما ادراك و ما السلطة و بريقها

و المواطن الغلبان هو اللى بيروح فى الرجلين لانه اصحاب المكاتب المكيفة معندهمش فكرة عن الشقى اللى هو فيه

اقول لحضرتك حاجة

فيه عضو زميل لنا فى توقيعه صورة و كلمة

يا تفكر في احوالك.. يا تحُط الحكومة في دماغك

[الباشمهندس ياسر]

السلام عليكم

معلش بقى انا لسه جديد عندكم بس استحملونا بقى

انا شايف ان الموضوع مش بيفرق مع الحكومة فى حاجه اوى يعنى اتكلمت زى متكلمتش الفكرة اننا احنا نتحسن ونتغير ونبقى ناس كويسه والتغير هيجى لوحده بس طبعا بعد سنييين ( يدينا ويديكم الصحة بقى )

يعنى انا من انصار ان التغيير يبدأ من قاعدة الهرم مش من راسه (قاعدة ايه وراس ايه احنا هنقلبها حساب مثلثات ولا ايه ) المهم يعنى انا شايف انى اهتم بشغلى ومصالحى واكون انسان محترم و بعامل الناس والمجتمع وحتى الشارع بما يرضى الله افضل جدا من انى اقضيها مظاهرات بقى وتخريب وكلام فاضى واروح بعد المظاهرة متهيألى انى جبت الديب من ديله و طبعا كل واحد حر فى رأيه وممكن اكون غلط وغيرى صح

[~Heba~]

يعنى انا شايف انى اهتم بشغلى ومصالحى واكون انسان محترم و بعامل الناس والمجتمع وحتى الشارع بما يرضى الله افضل جدا من انى اقضيها مظاهرات بقى وتخريب وكلام فاضى

طيب يا ياسر انت ممكن تلاقى تعبك و اهتمامك بمصالحك ده كله راح هدر

و تلاقى معقوات امامك تمنعك من انك تمشى بما يرضى الله لانه اصل اللى اعلى مك فاسد و مش مديك فرصة

كمثال

رجل اعمال شريف مش عايز يرشى و لا يتهرب من ضرايب و لا يحتكر انما المسؤولين مش بيدوه فرصة

عشان مصالحه تمشى لازم يرشى

و بسبب الخسارة حيتاخر عن الضرائب غصب عنه

و بسبب المنافسة الغير شريفة مضطر انه يواجهها بالمثل

يا ياسر يا اخى الواحد مش عايش فى الدنيا دى لوحده ;)

[الباشمهندس ياسر]

يعنى انا شايف انى اهتم بشغلى ومصالحى واكون انسان محترم و بعامل الناس والمجتمع وحتى الشارع بما يرضى الله افضل جدا من انى اقضيها مظاهرات بقى وتخريب وكلام فاضى

طيب يا ياسر انت ممكن تلاقى تعبك و اهتمامك بمصالحك ده كله راح هدر

و تلاقى معقوات امامك تمنعك من انك تمشى بما يرضى الله لانه اصل اللى اعلى مك فاسد و مش مديك فرصة

كمثال

رجل اعمال شريف مش عايز يرشى و لا يتهرب من ضرايب و لا يحتكر انما المسؤولين مش بيدوه فرصة

عشان مصالحه تمشى لازم يرشى

و بسبب الخسارة حيتاخر عن الضرائب غصب عنه

و بسبب المنافسة الغير شريفة مضطر انه يواجهها بالمثل

يا ياسر يا اخى الواحد مش عايش فى الدنيا دى لوحده ;)

المهندسة هبه

يا زميلتى العزيزة

وجود المعوقات شىء طبيعى فى كل مكان و ربما كانت المعوقات فى نفسك .. تقصير فى المجهزد اللازم... خفة فى التفكير ... عدم تقدير العواقب لاى خطوة

و ربما كانت فى المجتمع المحيط بك

و ربما كانت فى محل ثقتك

او غيره

الذى اريد ان اقوله هو ان تبدأ والله الموفق

قال الله و هزى اليك بجزع النخلة تساقط عليك

الاية هنا تتحدث عن ستنا مريم رضى الله عنها وهى فى الالام المخاض التى نعلم شدتها ورغم ذلك امرت ان تهز جذع النخلة

سؤال هل يستطيع اى من شبابنا ان يقوم بهز جذع النخله

قليل ما هم وبالتالى المعنى من الاية ان تبدأ و على الله النتائج

اختى اعلمى ان الله يسألنا عن العمل ولا يسألنا عن النتائج

و اعلمى ان السماء لا تمطر ذهبا ولا فضة

و اعلمى انه ما من عامل الا ويجازى على عمله

و الله حتى المفسدين بل والكافرين يجازيهم الله على اعمالهم

و انا اعنى الجزاء الدنيوى لا الاخروى فان له مقام من الحديث الاخر

و السلام عليكم

تم تعديل 13 أغسطس 2008 بواسطة الباشمهندس ياسر