تقدر توصف مصر فى كلمتين؟

[لولا]

بصراحة انا حبيت افتح الموضوع ده هنا بعد ما موضوع بيوحشك ايه فى مصر

مات خلاص واتدفن والحمد الله بعد الجنازة ما طلعت من جامع مصطفى محمود

بالمهندسين اتفتح العزا هنا وكل واحد يتكرم يوصف المرحومه بكلمتين !!

مع ملاحظه ان اى فرد ما اطلعش على موضوع بيوحشك ايه فى مصر

يفضل انه يطلع عليه اول قبل ما تاخده مشاعر الحزن ويكتب اى كلمه

عن المرحومه يندم عليها بعدين!

وانا عن نفسي حكون اول وحده واقول:

كنت بلاد طيبة وقريبة وحبيبة كنت امل وحياة

و حضنك دفى وامان ..

واذا كنت مرة جنيت حقك على راسى

[المصـــــــرى]

كلمتين بس؟

أوكى

"جمهورية مصر"

تم تعديل 5 يوليو 2008 بواسطة المصـــــــرى

[كمبورا 6]

الزملاء الافاضل ........ اسعد الله اوقاتكم جميعا

الفاضلة لولا

يا عمو بتقولى كلمتين وكاتبة 18 كلمة . ما علينا

الكلمتين بتوعى

حتفضلى بلدى

مع الاحترام

[ahmedarab]

حاضر يا ستى ...كلمتين وبس

بتجــــــــــــــــــــري فدمـــــــــي

تحياتى ...

[هشام عباس]

حلمي الجميل الي بتمنى ارجعله

[Rakan]

(( ام الدنيا ))

[المصـــــــرى]

ممكن سؤال؟

اللى يوصف مصر فى كلمتين أفضل من اللى يوصف مصر فى 3 أو أربع كلمات؟

عشان فيه ناس بتغش هنا وأنا عايز أعرف نظام اللعبة قبل ما تتغير القوانين. B)

تم تعديل 5 يوليو 2008 بواسطة المصـــــــرى

[لولا]

ممكن سؤال؟

اللى يوصف مصر فى كلمتين أفضل من اللى يوصف مصر فى 3 أو أربع كلمات؟

عشان فيه ناس بتغش هنا وأنا عايز أعرف نظام اللعبة قبل ما تتغير القوانين. B)

الحقيقة انا قلت كلمتين وكنت خايفة قوى من الكلام الوحش

فقلت كلمتين كفايه B)

بس اى حد عنده حاجة حلوه يكتب انشالله ميه كلمه :happy:

[المصـــــــرى]

الحقيقة انا قلت كلمتين وكنت خايفة قوى من الكلام الوحش

هوه الكلام الوحش بيبدأ من تلات كلمات وطالع؟ B)

تم تعديل 5 يوليو 2008 بواسطة المصـــــــرى

[se_ Elsyed]

ما فيش كلام يتقال بعد قولك على مصر " مرحومة " !!!!!!!!!!!!!!!!!!!!!!!! وأبتديتي تستخدمي الفعل الماضي في وصفها ..

لكن تصحيح مفهوم ...

الوطن يمرض ولا يموت

ولكن من يموتون ويندفنوا بالحياة غير مأسوفاً عليهم هم اللي اكلوا من خيرها ثم انكروا جميلها لمجرد إن الواحد فيهم شد حيله وخلع البامبرز بعد ما تخن وربرب وبقى يعرف يتكلم وبقى معاه قرشين بيتفاخر بهم ..

واللي بيموت هو اللي ضميره مات .. وقلبه الإسود سمح له إنه يتطاول على بلده اللي ربته ...

واللي بيموت هو اللي بيقف بيننا بكل فخر ويقول : أنا ماحدش علمني " ما بتفكركمش الجُملة دي بقارون اللي ربنا خسف به الأرض لما قال إنما اوتيته على علم عندي ؟ " .. يا واد يا واد ياللي علمت نفسك منه فيه ومن غير ما تعتمد على حد وإتولدت لقين نفسك قد الباب ..

والمرحوم هو اللي شايف نفسه فوق الكل وواد اجنبي وخواجه ومتغرب ومريش وياي بيقرف من بلده اللي فيها فقراء ، والله أعلم هو بيؤدي حق الله في هذا المال ام برضوا هايقول " إنما أؤتيته على علم عندي "

------------------------

حبيت بس أفوق كل واحد شايف نفسه .. وافوق نفسي معاكو بالمرة

ولو لخصت كلمة مصر في كلمتين هاقول " هي الأم والأب " فإذا تطاول في يوم من الأيام على أبوك وامك ... تبقى أنت إبن ..................... وكمل إنت الجُملة اللي بنقولها على كل ناكر جميل يا عم الخواجه

[المصـــــــرى]

هناك مصريين كثيرين ولدوا بالخارج ولم يشربوا ماء مصر أو يتنفسوا هوائها وهم أكثر إخلاصا لمصر من كثيرين ولدوا بمصر وخانوها ولوثوها بطبقيتهم وجشعهم وحبهم للسلطة والمال بل وباعوها للأعداء.

لا يمكن أن نصل لحقيقة أو معلومة حتى تكون هناك بيانات، فلا نحكم على الناس بناء على تقسيمات مبنية على أهواء أو تجربة شخصية.

تم تعديل 5 يوليو 2008 بواسطة المصـــــــرى

[مصرى لم يندثر أثره]

( مصر امى )

[Tafshan]

احب ما كتبت الى قلبى :

يا ارض الديابه و الغلابه و اللى مسنـود و اللـى مـا لهـش ظهـر

يا ارض العزب و السريات و اللى واكلها بدقه و اللى بيموت من الفقر

يا شمس المغارب و نسمة عصارى و دوشه و تراب و سكر و صبر

بحبك بعبلك بخيرك و شرك ...و مهما بنبعـد بيوحشنا حـضـنـك

و لـمـا نـقـرب بـيوحشـنا شوقـنا ..نـهـرب و نرجع لحضن الغـريب

و لو اختصرت مصر فى كلمتين :

"مصر امى"

و ان كانت ليست اكثر النساء جمالاً او مالاً او زكاءً .... فلن تعوضنى من هى اكثرهم جمالاً و مالاً و زكاءً نظره واحده من عينيها ....

[المصـــــــرى]

أرض الكنانة.

[لولا]

سبق وقلت ان حب مصر الأساسي الذى يجرى فى دماء كل مصرى

موضوع غير قابل بتاتا للتشكيك فيه .

اما كون مصر هنا وصفت بالمرحومه - فهذا الوصف جاء مجازا ارتباطا

بتوقف موضوع بيوحشك ايه فى مصر بعد ان خرج عن مسار مشاعر

الحنين الإيجابيه تجاه مصر.

والمرحومه هى استعاره مكنيه لوفاه الصوره الحلوه فى عيون البعض.

روح مصر لا يمكن لها ابدا ان تموت مهما ومهما حدث.

ولكن جسد مصر تسربت له الأمراض حتى صار واهنا..

وتشعب فيه المرض بما لا يدعوا مجال للشك ان شراسه

المرض قد قتلت الجسد وهذا الأمر واضح للجميع عيانا بيانا

ولا يحتاج للنكران فنكون كما النعامة نخبى رؤسنا فى الرمال

وننادى من تحت التراب بأن مصر سليمه ولا تعانى من اى مرض

وان ما تلك سوى اشاعات وارهاصات ناس مغلوله حاقده

على البلد .. مصيرهم جهنم وبئس المصير.

كلنا نحب مصر. اكررها 75 مليون مره بعدد افراد شعب

مصر .. كلنا نحب مصر.

ولكن للحب اشكال والوان مختلفة.

هناك حب يكون عقلانى ..يجعلك تعرف مزايا وعيوب من تحب.

وهناك حب افلاطونى تطير وتحلق فيه للعالى لتفاجأ بسقطة تكسر رأس افلاطون!

وهناك حب عذرى. نحب مصر ولم تطأ اقدامنا ترابها يوما.

وهناك حب اعمى ..نحب مصر وفيها من العيوب ما فيها ونحن نرفض ان نراها

لأننا نظنها مقدسه ونظن ان اداركنا لعيوبها فيه انتقاص لقدسيتها !

وهناك حب واقعى متوازن.. نحب مصر ونكره ما اّل اليه الحال فى مصر..

ومن السخريه ان يكون فى إعتناق هذا الحب لمصر جريمه تقتضى

قطع الألسنه وتطيير الرقاب.

مره اخرى اوضح مصر لم تكن يوما جسدا لتموت..

مصر روح غائره فى تراب ارض لا يملك احد ان ينتزعها.

واذا ما حدث ان مات جسدك يوما يا حبيبه لأن الذئاب

امعنت فى نهش جسدك الطاهر فهذا لن يعنى ابدا

ان مصر صارت غائبه. لأن الجسد العفن هو الذى سيغيب

والروح الطاهره ستظل تحلق.

نحن كلنا هنا مصريين وسنظل.دوما لأن قرار مصريتنا لم يكن يوما

ملك شخص واحد ليسحبها من اى شخص هنا.

والحديث عن العفن الذى هجم على جسد مصر فقتلها لم يكن يوما

جريمه تستحق الرمى للمحرقه.

هنا فى هذا العالم الإفتراضى ملايين البشر..ملايين الآهات..ملايين الجروح

نحن لا نعرف خبايا ّالام الآخرين ولا نملك ان نحجم اهاتهم.

هناك نوع من البشر يملك ان يرى النصف الممتلئ من الكوب.

وهناك نوع من البشر يلفته قبل اى شيء ان الكوب ناقص!

وهناك نوع اخر يمسك الكوب فيقول سأشرب من كوب نصفه ممتلئ ونصفه فارغ!

وفى النهايه هل نملك ان نقول عن احد انه مخطىء؟

كلهم وصف الكوب ولكن بطريقته..باسلوبه..بشخصيته..بتكوينه..بتجاربه.

انا عن نفسي احب مصر.كنت ولازلت وسأظل للأبد.

عندى القدره ان ارى جانبها المشرق فى لحظات الحنين وفى كل لحظه.

والحمد الله انى ولدت لم اجد ان ابى الخواجه كارلوس فأصبح من بنات الخواجات.

ولكن عندما لايستطيع سواى ان يرى ذلك الجزء الجميل الذى رايته فانا

اولا واخيرا احترم رؤيته وشخصه وكلامه وكينونته. ولا يحق لى ان انتقص

منه شيئا .

لذلك اخوانى جميعا ارجوا ان لايتم هنا اى تراشق بالكلمات بين الأعضاء

ولا التطاول بعبارات مثل تلاقيه مبيدفعش زكاه ربنا.

العلاقة بين المسلم وربه الحمد الله علاقة مباشره لا تحتاج لأى وسائط

او حكام وذلك من رحمته بنا عز وجل .

الرقى فى الحوارات والتعبير عن مشاعرنا هو ما لأجله نجتمع كلنا هنا.

تم تعديل 5 يوليو 2008 بواسطة لولا

[Diab]

مستودع هجرة B)

[المصـــــــرى]

ما طلبها عدو إلا أهلكه الله.

[مصري أصيل]

كنت أستمع للشيخ الشعراوي رحمه الله أمس فقال :-

الحب نوعان : حب القلب و حب العقل .

و أعطي مثال علي هذا الحب هو

يحب الشخص أبنه بقلبه حتي لو غبياً و يحب أبن عدوه بعقله لو ذكياً .

كذلك حبنا لمصر .

بعضنا يحبها بعقله فقط .

و بعضنا يحبها بقلبه فقط.

و بعضنا يحبها بعقله و بقلبه و أنا منهم .

أحبها لو منهوبة لو مريضة لو مهزومة . بحبها في كل الأحوال.

لذلك الكلمتين بتوعي بحب مصر

[لولا]

قبل ما نكتب كلمتين

خلينا نفكر الأول يعنى ايه مصر ؟

يعنى ايه مصر ؟

هيا مصر ديه الارض والتراب والسما ولا هيا الاخلاق والشهامة والطيبة والجدعنة بتاعة ولاد البلد ولا هيا النيل وسمار بشرتنا

هيا مصر ديه الناس والشعب اللى عايشيين على ارض مهما كانت هيا فين الارض ديه ولا مصر ديه الارض اللى الناس عايشة عليها مهما كان مين اللى عايش على الارض

احنا بنحب البلد ديه علشان اتولدنا فيها واتربينا فيها يعنى حب بالامر الواقع علشان مفيش غيرها

احنا بنحب ايه فى مصر

ايه اللى خلانا نزعل من مصر

الحكومة والتوريث والتعديلات الدستورية والسرقة والفساد والرشوة وحادثة العبارة واللبن المجنس واحتكار الحديد وسرقة الاثار ومنافقين الحزب الوطنى والضعف والهوان والذل اللى الشعب شايفه على ايد

الحكام وتحكم امريكا فينا

ايه اللى خلانا نحب مصر

وايه اللى خلانا نزعل من مصر

يعنى ايه مصر

الشعب ولا الارض ولا النظام

مين اللى عمل عظمة مصر وربا جوانا حبها

الناس ولا الارض

فكر كويس وبعدين اكتب .

وفكر فى كلام صلاح جاهين :

القمح مش زى الدهب

القمح زى الفلاحين

عيدان نحيلة جدرها بياكل فى طين

زى اسماعين

و محمدين

و حسين أبو عويضه اللى قاسى و انضرب

علشان طلب

حفنة سنابل ريها كان بالعرق

عرق الجبين

القمح زى حسين يعيش ياكل فى طين

يلبس حريير

و السنبله

يبعت رجاله يحصدوها من على

عود الفقير !!

تم تعديل 5 يوليو 2008 بواسطة لولا

[لولا]

ما فيش كلام يتقال بعد قولك على مصر " مرحومة " !!!!!!!!!!!!!!!!!!!!!!!! وأبتديتي تستخدمي الفعل الماضي في وصفها ..

لكن تصحيح مفهوم ...

الوطن يمرض ولا يموت

ولكن من يموتون ويندفنوا بالحياة غير مأسوفاً عليهم هم اللي اكلوا من خيرها ثم انكروا جميلها لمجرد إن الواحد فيهم شد حيله وخلع البامبرز بعد ما تخن وربرب وبقى يعرف يتكلم وبقى معاه قرشين بيتفاخر بهم ..

واللي بيموت هو اللي ضميره مات .. وقلبه الإسود سمح له إنه يتطاول على بلده اللي ربته ...

واللي بيموت هو اللي بيقف بيننا بكل فخر ويقول : أنا ماحدش علمني " ما بتفكركمش الجُملة دي بقارون اللي ربنا خسف به الأرض لما قال إنما اوتيته على علم عندي ؟ " .. يا واد يا واد ياللي علمت نفسك منه فيه ومن غير ما تعتمد على حد وإتولدت لقين نفسك قد الباب ..

والمرحوم هو اللي شايف نفسه فوق الكل وواد اجنبي وخواجه ومتغرب ومريش وياي بيقرف من بلده اللي فيها فقراء ، والله أعلم هو بيؤدي حق الله في هذا المال ام برضوا هايقول " إنما أؤتيته على علم عندي "

------------------------

حبيت بس أفوق كل واحد شايف نفسه .. وافوق نفسي معاكو بالمرة

ولو لخصت كلمة مصر في كلمتين هاقول " هي الأم والأب " فإذا تطاول في يوم من الأيام على أبوك وامك ... تبقى أنت إبن ..................... وكمل إنت الجُملة اللي بنقولها على كل ناكر جميل يا عم الخواجه

استاذى الفاضل

حب مصر هو حق للجميع .. والحق يجب ان لا يتخذ ذريعة للنيل من الآخرين

والتطاول عليهم بوصف غير مقبول والتدخل ايضا فى مسائل دينيه كالزكاه

وهى امر بين العبد وربه لا يحتاج لتقرير منشور لأثبات القيام به.

ومصر اولا واخير ام واب لكل المصريين ولم تختص مصر بأمومتها وابوتها فئه مختاره.