تقدر توصف مصر فى كلمتين؟

[فالحة هانم]

مصر صعبانة عليا أوي

اللي ماسكين الحكومة والمسؤولين فيها فاكرين انهم حيخلدوا على الكرسي ونازلين فيها نهب وسرقة ورشاوي

ده كل واحد فيهم من اللي سرقها وحاطط فلوسه في بنوك اجنبية علشان قال يعّيش يعني أهله وعياله في الأبراج العاجية اللي بنسمع عنها . . مش حيطولوا منها حاجة ولا حتى عيالهم حيستفادوا من المال الحرام في حاجة . . وده مش كلامي . . ( الله يمهل ولا يهمل )

وأي واحد ظالم أو واكل حقوق الناس أو محتكر أو أي حاجة من الحاجات الوحشة دي . . ربنا حياخذ حق الناس الغلابة منه ولو مش في الدنيا يبقى في الآخرة ويا ويله ساعتها . . ربنا مش بيتسامح في حق عبده . .

مش فيه دعاء بيقول : اللهم إذا ما كان لك حق علي فإغفره لي. . وما كان لعبدك عندي فتحمله عني . .

انا مش زعلانة من مصر لكن زعلانة من اللي ماسكين مصر . . خلونا نتغرب علشان مفيش أشغال بمرتبات محترمة ومش عارفين نرجع لأن الأحوال كل مدى بتسوء أكتر وأكتر والواحد مش عارف يعمل ايه ؟ ؟ كل المسؤولين مظبطين عيالهم في وظائف محترمة و باقي الشعب في داهية

زعلانة من الناس اللي عايشين فيها ومشفقة عليهم في نفس الوقت

زعلانة منهم علشان نظرات الحقد اللي بقت في عيونهم وكأنهم بيتمنوا زوال النعمة عيني عينك من عندك وفاكرين الواحد معندوش مشاكل . . وبأشفق عليهم لأن اللي وصلهم لكده . . ضيق ذات اليد والأسعار المولعة والمرتبات المتدنية

زمان ناس مصر ما كانوش كده كنت تلاقيهم كلهم بيضحكوا في وشك سواء تعرفهم او متعرفهمش . . دلوقت نااااادر لما تلاقي حد يبتسم أو يضحك . . . حيضحك على إيه ؟؟ ع الخيبة اللي بقت فيها أحوال البلد والغلاء والفقر

عمالين يقولوا ديمقراطية ديمقراطية . . حاسة كأنهم سايبين الشعب في أوضة كبيرة ويقولولهم قولوا رأيكم وبعد ما تخلصوا كل اللي في نفسكم ابقوا اضربوا دماغكم في الحيط وطبعا الحكومة في وادي تاااني وبتنفذ اللي في مصلحة أفرادها بس وكل واحد بيلحق ياخد حتة من التورتة قبل ما أجله ييجي

مش عايزة اقول كل الناس كده في مصر . . بالعكس فيه ناس بتسبح ضد التيار وبتحاول أنها تقول رأيها لعلها تغير شئ من الواقع . . او حتى علشان لما تقابل ربنا تقول له والله يارب انا قلت وقلت وعملت اللي عليا بس الناس طمعها كان عميها

مثلا دكتور قدير زي الدكتور العالمي الفذ د / فاروق الباز . . قال للحكومة على اللي حينقذ البلد كلها مش لسنة ولا اتنين بس . . . ده قالهم مشروع العمر للقرون القادمة مشروع لكل المصريين واللي يخلي مصر بلد مثمرة بصحيح . . الناس تهاجر لها مش تهاجر منها

وهو مشروع الوادي الجديد ( مش فاكرة اسمه بالظبط ) بس هي قناة مائية طويلة تبدأ من أسوان في جنوب مصر إلى تفريعات النيل وقال بكده المياة اللي بتهدر من الفيضانات حتلاقيلها مكان تروحه وتتكون حياة جديدة على جانبي القناة دي واكيد الناس حتشتغل بالزراعة جنبها وبالتالي عايزين بيوت . .

وبكده حنشغل مهندسين تبني بيوت ومدارس ومستشفيات وبعدين عايزين صرف صحي ومياة وكهربا وعايزين عمال وسباكين ونجاريين ودكاترة ومدرسين

وحنقدر نزرع الصحراء بالقمح ونلاقي قوتنا واللي بقت الدول العربية بتشحتهولنا

وبدل ما يصعبوا امتحانات الثانوية العامية :happy: على الطلاب علشان ميدخلوش طب ولا هندسة علشان الأعداد مبقوش قادرين يتحكموا فيها ولا يشغلوهم فين . . حيلاقوا الأماكن اللي يشغلوهم فيها ويستفادوا منهم في الأراضي الصحراوية اللي حتتخضر

مش رايحين يزرعوا في توشكى ويضيعوا فلوس وجهد وعرق علشان شوية جرجير وفجل . . إلا ما شفت خضار ولا فاكهة مكتوب عليهم وارد توشكى

والمقولة بتقول ( اللي قوته مش من فاسه . . يبقى قراره مش من راسه ) وسلم لي على أمريكا

ده احنا كلنا ال 78مليون مصري قاعدين في 7% من مساحة مصر كلها . . أمال الباقي سايبينه لمين ؟؟؟

سايبينه نبيع فيه حتة حتة لمستثمرين أجانب ولا ليهود الله أعلم وبعدين ييجوا يقولولنا دي أرضنا وإنتم ملكمش حق فيها

أنا نفسي في مشروع العمر ده يتعمل لمصر أو أي مشروع كبير يعيد صياغة مصر وترتيبها ..

زي مثلا مشروع حرب 73 اللي كلنا اتكاتفنا فيه من كبيرنا لصغيرنا وانتصرنا

نفسي في حاجة قومية تجمعنا ونعملها لمصر أولا ولولادنا بعد كده يعيشوا فيها . . مشاريع اكبر كده من مستشفى السرطان أو اكبر من مكتبة الإسكندرية

مشاريع تدر الخير على المصريين جوة وبرة . . بدل مشاريع مدينتي والرحاب والشروق ودريم لاند وبورتو مارينا والعين السخنة وووو...... المشاريع دي مش وحشة بس دي عايزة اللي معاهم فلوس يعني مش مشاريع انتاجية

لكن انا عايزة مشاريع تقوم الشباب من على القهاوي . . مشاريع تخلي الناس اللي طلعت معاش مبكر من 40 و 45 سنة يقوموا يتحركوا وتدب فيهم الحيوية والشباب ويقولوا عايزين نبني لمصر ولولادنا

مشاريع تخلي الستات في البيوت تساعد وهي في البيت مع ولادها كله بيشتغل لمصر بدل القعدة الخايبة أدام التليفزيون . . زي حالاتي كده

مشاريع متخليش فرق بين الناس وأديانهم . . كله عايز يبني وبس وترجع مقولة ( الدين لله والوطن للجميع ) هي الشعار . . وكل واحد متمسك بتعاليم دينه بدون تشدد أو تكشيرة . . لأن الدين الصح بيخلي وش الواحد بشوش ومش مكشر زي دلوقت B)

مصر بتاعة زمان وحشتني أوي أوي .. B)

[محمد عبدالعزيز]

مصر صعبانة عليا أوي

اللي ماسكين الحكومة والمسؤولين فيها فاكرين انهم حيخلدوا على الكرسي ونازلين فيها نهب وسرقة ورشاوي

ده كل واحد فيهم من اللي سرقها وحاطط فلوسه في بنوك اجنبية علشان قال يعّيش يعني أهله وعياله في الأبراج العاجية اللي بنسمع عنها . . مش حيطولوا منها حاجة ولا حتى عيالهم حيستفادوا من المال الحرام في حاجة . . وده مش كلامي . . ( الله يمهل ولا يهمل )

وأي واحد ظالم أو واكل حقوق الناس أو محتكر أو أي حاجة من الحاجات الوحشة دي . . ربنا حياخذ حق الناس الغلابة منه ولو مش في الدنيا يبقى في الآخرة ويا ويله ساعتها . . ربنا مش بيتسامح في حق عبده . .

مش فيه دعاء بيقول : اللهم إذا ما كان لك حق علي فإغفره لي. . وما كان لعبدك عندي فتحمله عني . .

انا مش زعلانة من مصر لكن زعلانة من اللي ماسكين مصر . . خلونا نتغرب علشان مفيش أشغال بمرتبات محترمة ومش عارفين نرجع لأن الأحوال كل مدى بتسوء أكتر وأكتر والواحد مش عارف يعمل ايه ؟ ؟ كل المسؤولين مظبطين عيالهم في وظائف محترمة و باقي الشعب في داهية

زعلانة من الناس اللي عايشين فيها ومشفقة عليهم في نفس الوقت

زعلانة منهم علشان نظرات الحقد اللي بقت في عيونهم وكأنهم بيتمنوا زوال النعمة عيني عينك من عندك وفاكرين الواحد معندوش مشاكل . . وبأشفق عليهم لأن اللي وصلهم لكده . . ضيق ذات اليد والأسعار المولعة والمرتبات المتدنية

زمان ناس مصر ما كانوش كده كنت تلاقيهم كلهم بيضحكوا في وشك سواء تعرفهم او متعرفهمش . . دلوقت نااااادر لما تلاقي حد يبتسم أو يضحك . . . حيضحك على إيه ؟؟ ع الخيبة اللي بقت فيها أحوال البلد والغلاء والفقر

عمالين يقولوا ديمقراطية ديمقراطية . . حاسة كأنهم سايبين الشعب في أوضة كبيرة ويقولولهم قولوا رأيكم وبعد ما تخلصوا كل اللي في نفسكم ابقوا اضربوا دماغكم في الحيط وطبعا الحكومة في وادي تاااني وبتنفذ اللي في مصلحة أفرادها بس وكل واحد بيلحق ياخد حتة من التورتة قبل ما أجله ييجي

مش عايزة اقول كل الناس كده في مصر . . بالعكس فيه ناس بتسبح ضد التيار وبتحاول أنها تقول رأيها لعلها تغير شئ من الواقع . . او حتى علشان لما تقابل ربنا تقول له والله يارب انا قلت وقلت وعملت اللي عليا بس الناس طمعها كان عميها

مثلا دكتور قدير زي الدكتور العالمي الفذ د / فاروق الباز . . قال للحكومة على اللي حينقذ البلد كلها مش لسنة ولا اتنين بس . . . ده قالهم مشروع العمر للقرون القادمة مشروع لكل المصريين واللي يخلي مصر بلد مثمرة بصحيح . . الناس تهاجر لها مش تهاجر منها

وهو مشروع الوادي الجديد ( مش فاكرة اسمه بالظبط ) بس هي قناة مائية طويلة تبدأ من أسوان في جنوب مصر إلى تفريعات النيل وقال بكده المياة اللي بتهدر من الفيضانات حتلاقيلها مكان تروحه وتتكون حياة جديدة على جانبي القناة دي واكيد الناس حتشتغل بالزراعة جنبها وبالتالي عايزين بيوت . .

وبكده حنشغل مهندسين تبني بيوت ومدارس ومستشفيات وبعدين عايزين صرف صحي ومياة وكهربا وعايزين عمال وسباكين ونجاريين ودكاترة ومدرسين

وحنقدر نزرع الصحراء بالقمح ونلاقي قوتنا واللي بقت الدول العربية بتشحتهولنا

وبدل ما يصعبوا امتحانات الثانوية العامية :ninja: على الطلاب علشان ميدخلوش طب ولا هندسة علشان الأعداد مبقوش قادرين يتحكموا فيها ولا يشغلوهم فين . . حيلاقوا الأماكن اللي يشغلوهم فيها ويستفادوا منهم في الأراضي الصحراوية اللي حتتخضر

مش رايحين يزرعوا في توشكى ويضيعوا فلوس وجهد وعرق علشان شوية جرجير وفجل . . إلا ما شفت خضار ولا فاكهة مكتوب عليهم وارد توشكى

والمقولة بتقول ( اللي قوته مش من فاسه . . يبقى قراره مش من راسه ) وسلم لي على أمريكا

ده احنا كلنا ال 78مليون مصري قاعدين في 7% من مساحة مصر كلها . . أمال الباقي سايبينه لمين ؟؟؟

سايبينه نبيع فيه حتة حتة لمستثمرين أجانب ولا ليهود الله أعلم وبعدين ييجوا يقولولنا دي أرضنا وإنتم ملكمش حق فيها

أنا نفسي في مشروع العمر ده يتعمل لمصر أو أي مشروع كبير يعيد صياغة مصر وترتيبها ..

زي مثلا مشروع حرب 73 اللي كلنا اتكاتفنا فيه من كبيرنا لصغيرنا وانتصرنا

نفسي في حاجة قومية تجمعنا ونعملها لمصر أولا ولولادنا بعد كده يعيشوا فيها . . مشاريع اكبر كده من مستشفى السرطان أو اكبر من مكتبة الإسكندرية

مشاريع تدر الخير على المصريين جوة وبرة . . بدل مشاريع مدينتي والرحاب والشروق ودريم لاند وبورتو مارينا والعين السخنة وووو...... المشاريع دي مش وحشة بس دي عايزة اللي معاهم فلوس يعني مش مشاريع انتاجية

لكن انا عايزة مشاريع تقوم الشباب من على القهاوي . . مشاريع تخلي الناس اللي طلعت معاش مبكر من 40 و 45 سنة يقوموا يتحركوا وتدب فيهم الحيوية والشباب ويقولوا عايزين نبني لمصر ولولادنا

مشاريع تخلي الستات في البيوت تساعد وهي في البيت مع ولادها كله بيشتغل لمصر بدل القعدة الخايبة أدام التليفزيون . . زي حالاتي كده

مشاريع متخليش فرق بين الناس وأديانهم . . كله عايز يبني وبس وترجع مقولة ( الدين لله والوطن للجميع ) هي الشعار . . وكل واحد متمسك بتعاليم دينه بدون تشدد أو تكشيرة . . لأن الدين الصح بيخلي وش الواحد بشوش ومش مكشر زي دلوقت :sad:

مصر بتاعة زمان وحشتني أوي أوي ..

كلام جميل جداً

بس مين اللى حينفذ كل المشاريع الجميلة دى غير المصريين مادام ولادها مش عاوزين يعرقوا فيها عشان ممكن مايشوفوش نتيجة فى المدى القريب؟

حنجيب هنود وصينين ينفذوها؟!

[فالحة هانم]

الأخ الفاضل / محمد عبد العزيز

بس مين اللى حينفذ كل المشاريع الجميلة دى غير المصريين مادام ولادها مش عاوزين يعرقوا فيها عشان ممكن مايشوفوش نتيجة فى المدى القريب؟

فيه مصريين كتير نفسهم يعملوا حاجة لمصر . . بس احب اوضح الأول ان أنا بأتكلم عن مشروع قومي زي مكتبة الإسكندرية مثلا . . .

يعني الدولة تحط مبلغ محترم لحاجة زي دي . . زي ما عملت لمشروع توشكى . .والقرية الذكية والحاجات دي

وبعدين فيه ناس كتييير نفسهم يشتغلوا ويعرقوا ويزرعوا ويعملوا حاجة لولادهم . .

وممكن حضرتك تراجع أحلام أعضاء المنتدى في شراء قطعة أرض زراعية ويستصلحوها

بس طبعا مش عايزين يضيعوا عمرهم في توصيل المية والكهربا واعطاء الرشاوي للناس علشان الخدمات كلها تكتمل

حنجيب هنود وصينين ينفذوها؟!

والله احنا لو عرضنا الموضوع ده على الأخوة في الهم ( الهنود والصينيون ) أكيد حيرحبوا جدا ... ؟؟ عارف حضرتك ليه .. ؟؟ اكيد مش علشان سواد عيون مصر

بس علشان حياخدوا المقابل المادي لكده . . وكل اللي انا بأقوله نعطي الشباب نفس المبالغ اللي حنديها للهنود والصينيين ونديهم فرصة سنة نشوف إيه اللي تم انجازه ..!!

اذا ماكنوش اد المسؤولية نبقى نعمل استقدام للهنود والصينيين

وزي ما جابوا في التليفزيون من فترة . . ان المنطقة الحرة في بورسعيد بقى فيها بسم الله ما شاء الله حوالي 10000

(عشرة آلاف هندي على الأقل ) بيشتغلوا هناك وراتب كل واحد فيهم يبدأ من 300دولار يعني اكتر من 1500جنيه مصري . .

يعني لو احنا كنا شغلنا شبابنا الموجودين في بورسعيد في الأعمال بنفس المرتبات دي مش كان يخفض نسبة البطالة . . بس حنعمل ايه . . محدش من المسؤولين بيفكر الا في نفسه وولاده

تقبل تحياتي

[مصري جدا]

مصر عايشه......

....في دمنا

تم تعديل 5 يوليو 2008 بواسطة مصري جدا

[لولا]

مصر..

ومتى كانت كلمه او كلمتين يمكن ان تختصر

وصف مصر فى عيوننا.

مصر يا بلدى

انت قريبه منى لدرجة اعجز فيها عن رؤيتك..

غائرة فى جسدى لدرجة تمنعنى من ان احسك..

مختلطة بأنفاسي لدرجة انى استنشقك فى هوائي.

وعندما اختصرك يا مصر لا املك اكثر من ان اقول:

مصر.. احبك!

[Alshiekh]

شكرا للفاضلة لولا على الموضع الجميل

ثانيا ياستى جانبك التوفيق عندما تخيلتى ان مصر ممكن تكون بتموت او ماتت.

مافيش وطن بيموت ، رئيس ممكن يموت ورئيس تانى يحل محله ، مملك ممكن يموت ويحل وريثه محله ، شعب ممكن ينهزم ، ويستعد وينتصر ويستعيد امجاده.

ومهما طالت الكبوة اللى اتسبب فيها اولادها ، انشاء الله مصر حاتقف على رجليها تانى ، مصر كانت منارة الشرق ومستودع غذائه ، وقريبا يمكن مش فى جيلنا ، حاترجع تانى رائدة وسيدة.

اما وصفى لمصر فى كلمتين ، فكلمة واحدة تكفى

أمى

[ابو الخير]

iهو ايه ظروف الاشراف هنا ؟

نتكلم جد بقى مصر في كلمتين

مسكينه مدبوحه

تم تعديل 6 يوليو 2008 بواسطة ابو الخير

[لولا]

شكرا للفاضلة لولا على الموضع الجميل

ثانيا ياستى جانبك التوفيق عندما تخيلتى ان مصر ممكن تكون بتموت او ماتت.

مافيش وطن بيموت ، رئيس ممكن يموت ورئيس تانى يحل محله ، مملك ممكن يموت ويحل وريثه محله ، شعب ممكن ينهزم ، ويستعد وينتصر ويستعيد امجاده.

ومهما طالت الكبوة اللى اتسبب فيها اولادها ، انشاء الله مصر حاتقف على رجليها تانى ، مصر كانت منارة الشرق ومستودع غذائه ، وقريبا يمكن مش فى جيلنا ، حاترجع تانى رائدة وسيدة.

اما وصفى لمصر فى كلمتين ، فكلمة واحدة تكفى

أمى

اسجل فائق الإحترام لك سيدى الفاضل على هذه المداخله الصادقة.

[لولا]

تحت نفس الشمس وفوق نفس التراب

كلنا بنجرى ورا نفس السراب

كلنا من أم واحدة.. أب واحد.. دم واحد

بس حاسِّين باغتراب

الحقيقة نار تعيش تحت الرماد

في ضياها بهتدي لحلمي وخيالي

والمحبة تفجر الروح ف الجماد

وبمحبة قلبي حا أقدر ع الليالي

يا زمان الغربة مهما حا تكاسرنا

حلمنا حانحققه مهما خسرنا

طول ماخيرنا لغيرنا حتى لو رحلنا

بالحياة حانمد لينا جدور مسيرنا

من حنان الحب هل الغل جانا

من مرارة الغل جلجل صوت رجانا

نبكى من الغل اللي بعكر حياتنا

ولا من الحب اللى هدهدنا وشجانا

نفس الشموس بتبوس على رؤوسنا

نفس التراب يحضن خطاوينا

طب ليه بنجرى ونهرى فى نفوسنا

وليه نعيش ناكل فى بعضينا

يا غربتي بين صحبتي وأهلي

يا توهة الروح ف زمان مجروح

بهدهد الأحلام على مهلي

ياخوفي قبل ما تيجي عمري يروح

آدى الحقوق وآدى اللى طالبينها

والحق تاه فى الباطل البطال

وقلوبنا تاهت عن محبينها

ونجومنا عالية بعيدة ما تنطال

" كلمات أغنية البداية لمسلسل (الشهد والدموع) "

[مصري جدا]

الأخت لولا

أنا قلت الكلمتين بتوعي ....بس لسه في كلام كتير عاوز أقوله ..ودي غنوة حب لكل من كان له قلب ....وهي موجوده في باب الأدب والشعر بس أسمحي لي أعيدها هنا

غنوة حب

عالبعد حبيتك أكثر….وسهرت لوحدي أفكر

في حبيبة قلبي اللي بعيده…..وقعدت في الغربة أتذكر

****

أتذكر يوم ماسافرت وسيبتك….حسيت يومها بغلاوة قيمتك

حسيت أني في الغربةحأضيع….لوشغلتني في يوم عن حبك

*****

حسيت مدي حبك جوايا …..عشت سنين وهو معايا

يمكن مقدرتش وقتها أعبر …..عن حب حياتي وهوايا

****

حبيتك من غير ولا كلمة …..ماهو حبك أكبر م الكلمة

كان عايش جوايا دفين….. وهنا في الغربة طلعته في غنوة

*******

حبيتك في جميع أوقاتي….حبيتك وكان حبك زادي

ولما سألني الناس عن حبي …..قلت لهم مصر دي حب حياتي

أحمد جلبي

[mozaboza]

عزبة مبارك

تم تعديل 5 يوليو 2008 بواسطة mozaboza

[حلواني]

اجمل ما في مصر

بلد يجمع كل المتناقضات

[المصـــــــرى]

"ذمة ورحما"

تم تعديل 6 يوليو 2008 بواسطة المصـــــــرى

[capitshino]

ظلمناها وظلمتنا

[المصـــــــرى]

خير أجناد الأرض

[iloveegypt]

حبيبى دائما wst::

[المصـــــــرى]

تقصد "حبيبتى دائما" مش "حبيبى دائما" صح؟

[iloveegypt]

صح يا باشا بس علشان تمشى مع اسم الفيلم wst:: :blink:

[النيل حبيبي]

عظيمه يامصر

[se_ Elsyed]

استاذى الفاضل

حب مصر هو حق للجميع .. والحق يجب ان لا يتخذ ذريعة للنيل من الآخرين

والتطاول عليهم بوصف غير مقبول والتدخل ايضا فى مسائل دينيه كالزكاهوهى امر بين العبد وربه لا يحتاج لتقرير منشور لأثبات القيام به.

ومصر اولا واخير ام واب لكل المصريين ولم تختص مصر بأمومتها وابوتها فئه مختاره.

إسمحي لي .. ده دب ورزع كلام ومصطلحات أسف يعني أقول لحضرتك أنك لا تعرفي معناها !!!!!

ومن فضلك إرجعي إلى معنى كلمة تطاول قبل ما تتهميني بها .... لإنها عيب ولا أسمح لك أن تستخدمي تلك الألفاظ معي خصوصاً وانتي سيدة ولا تسمح لي اخلاقي بأن أستخدم نفس الأسلوب معك .