تقدر توصف مصر فى كلمتين؟

[حنان فخر الدين]

يتيمتنا وغربتنا اصبحنا بلا وطن

[yasser6666]

مصر المغتصبة

[لولا]

عزبة مبارك

آه يا بلد.. فيكي اتولد

من كام سنة.. حتة ولد

.. اسمه نظيف

من بختنا.. من حظنا

.. اسمه نظيف

مش بهرجة

مش فشخرة

هو نظيف.. بالمسطرة

شد الحزام على وسطنا

خطف الرغيف من بؤنا

آه.. يا بلد، ياللي ما فيكي لباس نضيف

آه.. يا بلد، من وكستك.. مسكك نظيف

آه.. يا بلد، يا أم العيون مدمعة

يا أم القلوب متمزعة

ما بقاش فيكي ولو حريف

إلا نظيف

آه.. يا بلد، فيكي الضعيف ما لهوش سوي

فيكي الشديد، شديد أوي

فيكي الهنا مش من هنا

فيكي الفقير بأى مستوي

فيكي التجارة مش شطارة

نصب.. واسأل بالإمارة

حديد ورغيف

بقلم احمد نصار

[لولا]

(نفسي أوريكم حاجات حلوة في البلد بس نبقى بنضحك على نفسنا

لأن مافيش واحدة بيبقى عندها غرغرينا وتلون صوابع رجليها!!!!)

عباره اعجبتى كثيرا بقلم وائل عباس نقلا من مدونته الوعى المصرى.

[dawn walker]

قديما وصفوا مصر مقبرة الغزاة

حديثا يصفون مصر مقبرة الشعب

تم تعديل 10 يوليو 2008 بواسطة dawn walker

[مغتربة]

مصر بجد هى امى و استعير فى وصف شوقى لها بكلمات محمود درويش (احن لخبز امى , وقهوة امى , و لمسه امى ) حقيقى احن الى امى

و لكن كلما فكرت فى مصر الان تقفز فى عقلى رائعه عبدالحليم عدى النهار فاجد انها تنطبق على حال مصر الان و ان كانت الاغنيه ظهرت بسبب نكستنا الحربيه فى 1967 فمصر ايضا تمر الان بنكسه اقتصاديه اجتماعيه حضاريه ادعو الله ان تخرج منها فى اسرع وقت ممكن لتعود لنا مره اخرى مصرنا الحلوة الجميله

تعود لنا بهيه الى بنغنى لها

يا ام طرحه وجلابيه

الزمن شاب وانتي شابه

هوا رايح وانتي جايه

جايه فوق الصعب ماشيه

فات عليكي ليل وميه

واحتمالك هوا هوا

وابتسامتك هيا هيا

تضحكي للصبح يصبح

بعد ليله ومغربيه

تطلع الشمس تلاقيكي

معجبانيه وصبيه يا بهيه

[mohamedta]

مشتاقين يا ناس لبلاد الدهب

[mohdfawzy]

very nice topic .. i was astonished when i did not saw the comment i've expected !!!

two words made for the only

Mafeeesh faydah

[عمرو طمان]

بحبك يابلدى ياللى فيكى اتولد خير أجناد الارض

بحبك يامصر ياللى فيكى الهزيمة بتتحول لنصر

بحبك يا أرض الفراعنة وبكره أى واحد يشوه فى صورتك

تم تعديل 10 يوليو 2008 بواسطة عمرو طمان

[moheltohamy]

very nice topic .. i was astonished when i did not saw the comment i've expected !!!

two words made for the only

Mafeeesh faydah

يعني أول كلمة تقولها في أول مشاركة ليك معانا يا سيد / محمد فوزي ، هيه:

مفيش فايدة

وبس على كده؟ بيريود على رأي الأمريكان اللي معايا ف الشغل؟ نهاية الجملة يعني ، ومفيش كلام يتقال بعدها!

طب ما نقفّلها ونروّح بقى طالما الكلام خلص!

تم تعديل 10 يوليو 2008 بواسطة moheltohamy

[لولا]

very nice topic .. i was astonished when i did not saw the comment i've expected !!!

two words made for the only

Mafeeesh faydah

يعني أول كلمة تقولها في أول مشاركة ليك معانا يا سيد / محمد فوزي ، هيه:

مفيش فايدة

وبس على كده؟ بيريود على رأي الأمريكان اللي معايا ف الشغل؟ نهاية الجملة يعني ، ومفيش كلام يتقال بعدها!

طب ما نقفّلها ونروّح بقى طالما الكلام خلص!

اخونا تهامى ..

طبعا كلنا مقدرين الحاله التى انت بتمر بيها فى كندا

بس برضه حاول تسيطر على اعصابك :rolleyes:

ميصحش نعمل كده مع الضيوف :fool:

المهم تهدى انت بس اعصابك وكل حاجة مصيرها تتصلح :lol:

[لولا]

فيها حته حلوه قوى اسمها

شرم الشيخ :blush2:

[لولا]

البلد اللى جدوا وستوا عاشوا فيها كل حياتهم..

وبعدين ماما وبابا عاشوا فيها جزء من حياتهم..

وبعدين انا وجوزى بنشوفها فى الأجازات بس

[مصري جدا]

مصر بلدنا ياحبيبه

في الغربه نلآكي قريبه

ولما شوقنا يزيد ….ونرجع

لبلدنا …نلآكي غريبه

وعجبي

من رباعيات الغربه

تم تعديل 11 يوليو 2008 بواسطة مصري جدا

[moheltohamy]

مصر بلدنا ياحبيبه

في الغربه نلآكي قريبه

ولما شوقنا يزيد ….ونرجع

لبلدنا …نلآكي غريبه

وعجبي

والله ما جصّرت يا مصري جداً...

فعلاً ، عشان ترجع تحب مصر تاني ... إبعد عنها!

لما تبعد عنها ، مش هتفتكرها بحاجة وحشة ، ولما تزورها شهر ف السنة ولا شهرين ، مش هتلحأ تكرهها وتتعقد منها ، ومش هتتحط تحت مفرمتها!

زي أهل المصايف ، نادر ما بيشوفو البحر. بخلاف اللي بيروحو يصيفو أسبوع كل سنة ؛ بتلاقيهم هيموتو ع البحر!

[ترنيم]

علشان أوصفها فى كلمتين هقول

بلدى وإن جااااااااااااااااااارت على عزيزة :roseop: :blink: :sad:

[المرشد]

كلمتين بس ؟؟

ترابها بالدنيا

[nizza la bella]

فساد واهمال

[aimen]

اعود لكلمات المفكر العلامة أحمد عدوية لما قال " السح الدح امبو " اهى دى مصر يا عبله

[nizza la bella]

اعود لكلمات المفكر العلامة أحمد عدوية لما قال " السح الدح امبو " اهى دى مصر يا عبله

قول ياسكامونى قول :closedeyes: