القادسية-طريق القاهرة - الاسماعيلية - الكيلو 48

[ZAG]

السلام عليكم ورحمة اللة وبركاتة

اذا حد عندة معلومات جديدة او اي اخبار حول موضوع الاراضي اللي بتتقسم هناك وهل مسموح البناء فيها - وهل في هناك حد ابتدى يبني -- وكم وصل سعر المتر في هذة المناطق -كذلك يرجى الافادة عن اسعار الاراضي الزراعية في منطقة القادسية - كام وصل سعر الفدان في الوقت الحالي - وهل هناك امكانية لامتداد البناء والتقسيم لهذة الاراضي وهل يوجد مستقبل لهذة المنطقة - او هل حصل هناك اي تطوير -- مع العلم بانها قريبة جدا من العاشر من رمضان - وهي تقع ما بين العاشر واراضي العبور وجمعية الامل واحمد عرابي - لذا فهي تعد قريبة من القاهرة اكثر من مدن اخرى - كمدينة بدر او العاشر مثلا -- وكذلك هناك اعلانات كثيرة بتنزل يوميا عن وجود اراضي للبناء تباع بالمتر - يرجى الافادة للاهمية

وشكرا جزيلا

[Advisor]

قام الفاضل se_elsyed بالتعقيب على موضوع مشابه و شرح الموقف بالكامل بالنسبة لهذه الأراضى.

[mohamedyehia]

اخى العزيز سي السيد اشكرك على الافادة الدائمة

لقد اشتريت فى سنة 2004 قطعة ارض فى مدينة القادسية و اعطونى عقدا مكتوب فية بناءا استثمارى حيث ان هذة الارض لا تصلح للزراعة كونها صخرية. وعملت صحة توقيع للعقد وعملت سور وعلقت يافطة واعرف الاف المشترين الصغار زى حالاتى. وسامع ان الوزير فى مواجهة جامدة علشان الموضوع دة لان اتعملت تسوية قبل كدة مع يوسف والىعل العموم القادسية مشروع كبير وفية زراعة و مواشى يعنى شغال بعكس جمعية الامل اللى بيقولوا للمشترين احنا هنحول استثمارى زي القادسية وبكرة هنشوف لان كلة ساكت دلوقتى لبعد التغيير الوزارى

[se_ Elsyed]

اخى العزيز سي السيد اشكرك على الافادة الدائمة

لقد اشتريت فى سنة 2004 قطعة ارض فى مدينة القادسية و اعطونى عقدا مكتوب فية بناءا استثمارى حيث ان هذة الارض لا تصلح للزراعة كونها صخرية. وعملت صحة توقيع للعقد وعملت سور وعلقت يافطة واعرف الاف المشترين الصغار زى حالاتى. وسامع ان الوزير فى مواجهة جامدة علشان الموضوع دة لان اتعملت تسوية قبل كدة مع يوسف والىعل العموم القادسية مشروع كبير وفية زراعة و مواشى يعنى شغال بعكس جمعية الامل اللى بيقولوا للمشترين احنا هنحول استثمارى زي القادسية وبكرة هنشوف لان كلة ساكت دلوقتى لبعد التغيير الوزارى

إنت قلتها بنفسك : القادسية مشروع كبير وفيه زراعة ومواشي .... يبقى إيه اللي جاب المباني للموضوع ده ؟

من الناحية القانونية البحته : العقد الإبتدائي حتى لو حصل على صحة توقيع ... لا ينقل الملكية .

يعني روح حضرتك بالعقد ده الشهر العقاري وحاول تسجل الأرض .. وشوف هايقولوا لك إيه

وأعلم تماماً إن الآلآف شاريين ومعلقين يُفط وفي ناس هوامير بانيين قصور هناك وعايشين فيها ..

أما موضوع التغيير الوزاري ... فشيء مضحك جداً والناس بتضحك على نفسها .. لإن إش عرفك إن الوزير الجاي مش هايطربقها على دماغ الكل ويسحب الأراضي دي اللي هي ملك للدولة وقام من لا يملك في بيع ما لا يملك بدون الرجوع للمالك الأصلي وهو الدولة ...

ما هي لو كانت أراضي تابعة للشعوائيات والناس دول يملكوها .. كنا قلنا ماشيء ما أكثر من 95 % من أراضي ومباني مصر عشوائية ..

لكن الموضوع هنا يُشبه إىل حد كبير حكاية وضع اليد ...

[ZAG]

الاخ سي السيد المحترم

شكرا جزيلا على هذة المعلومات القيمة التي دائما تزودنا بها ونرجو ان تضح الامور اكثر في المستقبل القريب بالنسبة لهذة الاراضي

مع اطيب التمنيات

ZAG

[omhamed refaat]

سيدى الفاضل : يبدو ان هناك بعض الخلط في الامور فهناك فرق بين مدينة القادسية الزراعية

والاراضى الواقعة علي يسار طريقها وانت داخل المدينة من طريق الاسماعلية ....فهناك تقسيم شركة مصر للطيران وتقسيم احدى شركات البترول وتقسيم القوات المسلحة .... وانا اشتريت قطعة ارض 240 متر بجوار تقسيم مصر للطيران مباشرة وقد قمت بتسجيلها في الشهر العقاري بعقد نهائى من المالك الاصلي للارض سليم الزقله وليس من الشركة التى باعت ليه ...

واتمنى من كل مشتري بهذه المنطقة الاخذ بنصيحة الاخ سى السيد في التسجيل بالشهر العقاري والتأكد من ان الارض تم تحويلها الي مشروع مبانى اسثماري وليست مللك وزارة الزراعة او استصلاح الاراضى

[omhamed refaat]

http://www.egyptiantalks.org/invb/index.php?showtopic=49074

هذا الرابط عليه معلومات كثيره عن الموضوع

واتمنى التواصل ووضع الروابط الخاصة بالموضوع في مكان واحد لتعم الفائدة علي الجميع

[mohamedyehia]

الاخوة الاعزاء لقد مررت اليوم على هذا الطريق فوجدت هيصة والبلدوزرات بتكسر فى مشروع الامل لانة لسة تبع وزارة الزراعة وعاملين مشاكل وهم المقصودين بس ممكن ياخدوا اى حد تانى فى الرجلين المهم مايكونش عقد

استصلاح زراعى لكن استثمارى مبانى مالهمش دعوة لانة مش تبعهم

تم تعديل 12 يوليو 2008 بواسطة mohamedyehia

[omhamed refaat]

لاحول ولا قوة الا بالله يعنى الضحية هو المواطن المسكين اللي راح شقاه تحت البلدوزر بينما اصحاب الشركات والحيتان منهم للله

[maged zaki]

سيدى الفاضل : يبدو ان هناك بعض الخلط في الامور فهناك فرق بين مدينة القادسية الزراعية

والاراضى الواقعة علي يسار طريقها وانت داخل المدينة من طريق الاسماعلية ....فهناك تقسيم شركة مصر للطيران وتقسيم احدى شركات البترول وتقسيم القوات المسلحة .... وانا اشتريت قطعة ارض 240 متر بجوار تقسيم مصر للطيران مباشرة وقد قمت بتسجيلها في الشهر العقاري بعقد نهائى من المالك الاصلي للارض سليم الزقله وليس من الشركة التى باعت ليه ...

واتمنى من كل مشتري بهذه المنطقة الاخذ بنصيحة الاخ سى السيد في التسجيل بالشهر العقاري والتأكد من ان الارض تم تحويلها الي مشروع مبانى اسثماري وليست مللك وزارة الزراعة او استصلاح الاراضى

الاخت الفاضلة

بعد خالص التحية والتقدير أرجو التكرم بافادتنا عن طريقة تسجيل الشعر العقاري بخطوات واضحة مفصلة تفصيل دقيق ولكم في ذلك الاجر والمثوبة والله ولي التوفيق

بمعني بعد استلام العقد يتم الذهاب الى شهر عقاري مصر الجديدة مثلا ويتم طلب تسجيل ام ماذا بالتحديد في تفصيل لو تكرمتم والدال على الخير كفاعله

مع الشكر

[omhamed refaat]

المحامي اللي خلص الموضوع بالكامل في مدة حوالي 3 شهو والتكاليف كانت عالية جدا وصلت باتعاب المحامة 6000 جم بس اللي انا فهمته بالموضوع رقم العقد الاصلي من وزارة الزراعه الي مالك الارض هو محور الموضوع وعليه موافقات البناء من الجهات السيادية مثل البترول والاثار والجيش والتسجيل تم في شهر عقاري مدينة السلام التابع لها المنطقة حاليا

[MohammadIbrahim]

شاركنا على الفيس بوك

جمعية مُلاك اراضي القادسية

جمعية مُلاك اراضي القادسية

[MR NOOR]

في نقابة اسمها نقابة التطبيقين كل شوية بتعلن عن بيع اراضي مسجلة بالشهر العقاري في المنطقة دي فايه صحة الكلام دا

لان الاسعار صراحة تخلي الواحد يشك ويقلق وخصوصا ان الكيلو 48 دا يعني مش بعيد للدرجة اللي تخلي الناس في مصر متاخدش اراضي سعر المتر 70 جنيه واغلي سعر تقريبا 800 جنيه وكاتبين ان الاراضي جاهزة للبناء وان المرافق موجودة كمان ايه صحة الكلام دا ياجماعة ولو حقيقي الاسعار متدنية كدا يبقي اكيد في حاجة غلط او ان تجار الاراضي والعقارات جاتلهم تخمة لدرجة انهم مش عاوزين يدفعوا لهم كم مليون ويسقعوا الارض دي ويبيعوها زي اخواتها المتر ب 3000 و4000 اكيد في حاجة غلط ومستنين من سي السيد الافادة ان كان عنده جديد في الموضوع دا