محدش يعرف ليه المصريين شعب دمه خفيف ؟

[لولا]

انا بتكلم بجد والله.

وياما إتسألت السؤال ده من اصحابى اللى مش مصريين

على طول بيقولولى انتوا شعب دمه خفيف قوى. :ninja:

بس انا مش عارفة احنا ليه دمنا خفيف .. ونادرا ما تلاقى

مصرى مكشر او واخد كل حاجة جد قوى.

وعشان كده قعدت افكر يمكن اوصل للإجابه

مره اقول دى اكيد حاجة فى الجينات الوراثيه التى تخلى

شعب كامل يتحلى بالصفه دى.

ومره اقول دى اكيد حاجة فى ميه النيل الى بنشربها.

ومره اقول طب يمكن ده رد فعل عكسي عندنا من الهموم

والضغط الى عايشينه وبعدين اقول فى ناس تانيه تعبانه

اكتر مننا ودمها تقيل على الآخر :sad:

ياريت لو حد يعرف الإجابه يساعدنى..

وانا برضه حكمل تفكير ... احنا ليه دمنا خفيف..احنا ليه دمنا خفيف :)

[aimen]

محاولات للهروب من الواقع والظروف وسرقة الأحلام والعمر

[لولا]

محاولات للهروب من الواقع والظروف وسرقة الأحلام والعمر

يا استاذ ايمن تفتكر دى اجابه اقولها لصحابى اللى سالونى احنا ليه دمنا خفيف :ninja:

وبعدين الواقع قشطة :sad:

الظروف..زى الفل :)

الأحلام..خدنا بطوله قارة افريقيا :D

العمر..هنا حتكبر وهناك حتكبر ;)

حاول تساعدنى اكتر من كده

[فالحة هانم]

أعتقد يا أخت لولا . . لأن ربنا مقسم الأرزاق على الشعوب كلها

يعني عندك مثلا الأخوة السعوديين ربنا مديهم الحرمين الشريفين والفلوس والبترول والطيبة

الأخوة السودانيين ربنا مديهم الأمطار والأراضي الخضراء وأحلى فواكه في الجنوب (حسب كلام صديقة سودانية )

الأخوة الإماراتيين ربنا مديهم الكرم والشهامة والفلوس

وعندك جنب المغرب العربي ربنا مديهم الخضرة زي تونس ومزارع الشاي الأخضر

أما أحنا بأة الحمد لله على الفقر والجدعنة . . :ninja:

لأ بجد . . الحمد لله على نهر النيل ربنا يديمها علينا نعمة وخدي عندك البحر الأبيض المتوسط من الشمال والأحمر من جهة الشرق والصيد بأة له أباطرة ومراكب الصيد لها محتكريها والعبّارات لها ناسها ومحتكريها وفيها حرامية الله ينور .

فالحمد لله ربنا وهبنا الدم الخفيف علشان نستحمل الهم والسرقة ونلاقي حاجة تخفض ضغطنا علشان نعرف نعيش

[cute teen]

ومره اقول دى اكيد حاجة فى ميه النيل الى بنشربها

مفنكرش ان ده السبب في مصريين بارا مصر دمهم خفيف

بس عالا فكرا مش كل المصريين دمهم خفيف دي صافا في الناس

it about the personalty and has nuthing to do with us being egyptians

تم تعديل 5 يوليو 2008 بواسطة cute teen

[لولا]

أعتقد يا أخت لولا . . لأن ربنا مقسم الأرزاق على الشعوب كلها

يعني عندك مثلا الأخوة السعوديين ربنا مديهم الحرمين الشريفين والفلوس والبترول والطيبة

الأخوة السودانيين ربنا مديهم الأمطار والأراضي الخضراء وأحلى فواكه في الجنوب (حسب كلام صديقة سودانية )

الأخوة الإماراتيين ربنا مديهم الكرم والشهامة والفلوس

وعندك جنب المغرب العربي ربنا مديهم الخضرة زي تونس ومزارع الشاي الأخضر

أما أحنا بأة الحمد لله على الفقر والجدعنة . . :sad:

لأ بجد . . الحمد لله على نهر النيل ربنا يديمها علينا نعمة وخدي عندك البحر الأبيض المتوسط من الشمال والأحمر من جهة الشرق والصيد بأة له أباطرة ومراكب الصيد لها محتكريها والعبّارات لها ناسها ومحتكريها وفيها حرامية الله ينور .

فالحمد لله ربنا وهبنا الدم الخفيف علشان نستحمل الهم والسرقة ونلاقي حاجة تخفض ضغطنا علشان نعرف نعيش

الغاليه فالحة هانم..

عجبنى قوى التفسير بتاع ان ده رزق ونعمه من ربنا لينا.

تصورى اول مره اشوف الموضوع كده..

وهى بجد نعمه من احلى النعم علينا كمصريين وربنا يديم علينا الضحك والفرفشه :ninja:

[لولا]

تصدقوا لما كتبت الموضوع هنا بدأت الاقى اسباب

كتير لخفه الدم ديه..

يعنى مثلا انا شايفة الضحك عند المصرى سلاح بيستعمله

ضد اى حاجة ممكن تزعله. يعنى يحب يضحك عشان يروق دمه

ويتفاءل وكل ده يديه قوه اكتر وطاقه.

[JAY]

(ليه المصريين شعب دمه خفيف) :ninja:

يمكن من قله الأكل :sad:

حتة طعمياية ورغيف (بتاع الربع جنيه) والسلام بالتأكيد دمنا حا يخف

[moheltohamy]

وانا برضه حكمل تفكير ... احنا ليه دمنا خفيف..احنا ليه دمنا خفيف

والله يا لولا انتي اللي دمك خفيف :lol:

في خلال أقل من 10 تيام ، بقى ليكي 110 مشاركة!!! ومعظمها في الأبواب الخفيفة wst::

حاسس كده ؛ إنك كنتي مستنية الفرصة تلاقي المنتدى ده ، عشان المواهب دي تنطلق :blink:

مستغربه ان مصر كلها مفيهاش حد بيبع حديد غير حديد عز-بصفه احتكاريه-

ورغم كده بينزل اعلانات فى التلفزيون :D

مش قادره افهم ليه؟ استفزاز وخلاص

الكلمة دي اللي ضحكتني بجد ، وفكرتني برضه بتساؤل ، ليه المصرية للإتصالات شاغلة نفسها بالإعلان برضه عن خدماتها ؛ وأصلاً مفيش غيرها!

(ليه المصريين شعب دمه خفيف)

يمكن من قله الأكل :sad:

حتة طعمياية ورغيف (بتاع الربع جنيه) والسلام بالتأكيد دمنا حا يخف ;)

:lol: وجهة نظر برضو يا Jay clp::

[Alshiekh]

محدش يعرف ليه المصريين شعب دمه خفيف ؟

يمكن بسبب الحركات النص كم اللى عملوها فى الميزان

فمثلا زمان كان وحدة الوازين المستخدمة هى الاقة ( كيلو وربع ) قوم ايه فكروا يخففوا الميزان علشان الدم يخف معاه ، فالعبوة الأقة اصبحت كيلو.

قوم بعد كده حبوا يخففوا عبوات الدم ، راحوا عاملين العبوة 900 جرام ، فالدم خف اكثر

قالوا طيب نخفف اكثر ، لحد ماوصلوا لـ 650 جرام للعبوة ، كشان كده الدم بقى خفيف ... زى المية . وقيسى على كده رغيف العيش اللى كان يملى العينة زمان ودلوقتى مابقاش يملى حتى عين الكتكوت ، وطبق الفول ابو نص جنيه اللى البياع بيعد عشر فولات وثلاث ملاعق ماء فول ،

وعشان كده من كثرة خفة دم المصريين ، تلاقيهم بيشتغلوا خمس دقايق ويريحوا ساعتين علشان الدم يركز تانى ، وده السبب ان معدل دقائق الشغل اليومى يصل لـ 23 دقيقة ، علشان الدم خفيف ( الهيموجلوبين نسبته منخفضة ).

تكلم بقى عن خفة الدم من الجانب الآخر المقصود به السؤال

لان مصر هى مركز العالم العربى ، فلهجتها مفهومة على المستوى العربى ، بالاضافة لانتشار العمالة المصرية فى معظم الدول العربية ، وزيارة العرب لمصر سياحيا او للبيزنيس ، فنجد ان تعليقات او قفشات المصريين سهلة الوصول الى الآخرين مما يشعرهم بالالفة ، فلا يضيعون وقتهم لفهم ماذا يقصد المصرى كما يحدث مع اصحاب اللهجات " المكلكعة ".

[Alshiekh]

(ليه المصريين شعب دمه خفيف) :blink:

يمكن من قله الأكل :D

حتة طعمياية ورغيف (بتاع الربع جنيه) والسلام بالتأكيد دمنا حا يخف wst::

تفسير علمى برضه ، بس هوه ايه اللى بربع جنيه؟

[iloveegypt]

بصراحة مش عارف

بس اللى انا متأكد منه ان خفة الدم للرجال موجودة

اما السيدات قبل الزواج موجودة و بعد الزواج :blink: :D ;) برده موجودة علشان مراتى بتقرا معايا المحاورات ياريت كل الاخوة المشرفين يعملوا المحاورات بالشفرة وانت تسمعوا منى العجب wst::

تم تعديل 6 يوليو 2008 بواسطة iloveegypt

[المصـــــــرى]

أنا برضه كنت فاكر كده، بس لما سافرت بلاد كتيره لاقيت شعوب كتيره عندهم نكت وخفة دم، معرفش ليه أهل مصر بيفتكروا إنهم أكثر شعب فى خفة الدم، هوه فيه إحصائية عالمية وللا ده بس من حبنا لمصر؟

[tahereyad]

فعلا احنا عشان مصر بلدنا و بنحبّها بنبقي فاكرين اننا كمصريين مميزين شويه عن غيرنا, بالنسبه لخفة الدم أنا برضه اتعاملت مع أكثر من جنسيه, منهم الفرنسيين و الأمريكان و الهنود,, و بصراحه كان دمهم خفيف جدا و عندهم ايفيهات حلوه, غير أن أهم ميزه فيهم انهم مش بياخدوا أي حاجه علي أعصابهم زينا احنا المصريين..

و متهيألي انه مش في خفة الدم بس,, في حاجات تانيه كتير فاكرين أننا مميزين فيها لكن لما بنسافر و نحتك بناس تانيه بنلاقي باقي البشر برضه شغالين و زي الفل.

أما بأه بالنسبه للسيدات بتبقي منتهي خفة الدم قبل الخطوبه, و منتهي الرومانسيه بعد الخطوبه, و منتهي الحنان بعد الزواج علطول,, و بعد الأولاد خد عندك بأه,, طلبات و مشتروات و بس,, و لو بس حبيت تستظرف ولا تهزر ولا تضحك, يبقي نهارك اسود و هاتفتكرك بتتريق عليها و ماعدتش بتحبها زي الأوي... و عيش يا باشا و سيبني أعيش..

[المصـــــــرى]

و متهيألي انه مش في خفة الدم بس,, في حاجات تانيه كتير فاكرين أننا مميزين فيها لكن لما بنسافر و نحتك بناس تانيه بنلاقي باقي البشر برضه شغالين و زي الفل.

**************************

تم تعديل 6 يوليو 2008 بواسطة مهيب
الرجاء التزام أسلوب أكثر تأدبا من هذا

[JAY]

(ليه المصريين شعب دمه خفيف) :sad:

يمكن من قله الأكل :sad:

حتة طعمياية ورغيف (بتاع الربع جنيه) والسلام بالتأكيد دمنا حا يخف :D

تفسير علمى برضه ، بس هوه ايه اللى بربع جنيه؟

اللي بربع جينه يا محمد يا خويا رغيف العيش (السياحي) بتاع اللقمتين ونص عشان التاني أنا متأكد إنه لا يمكن أن يكون مصنوع من الدقيق الصافي ((((فيه خلطة عجيبة))) بصراحة أنا مش عارفها ... ومش قادر أتوصل لتركيبتها الكيميائية .. تقول فيها نايلون فيها قص فيها بقايا طعمية فيها حاجة كده الله أعلم.. بتخلي الواحد يفضل الصوم على أن يأكل منها :lol:

wst:: wst::

[لولا]

الأخوه الأفاضل..

انا لا حظت ان الموضوع قلب من خفه دم الشعب المصرى ككل

الى استبيان نوعى لخفه الدم :sad:

وربنا يستر من النتايج -_-

[لولا]

انا بقول برضه يمكن من الكيماوى اللى بيترش الصبحيه ده فى الشوارع..

قال يعنى بيموتوا بيه الناموس.

ممكن يكون بيحتوى على جرعات بتأثر على النفوخ والإشارات العصبيه

فبدل ما الناس تعيط تلاقى نفسها بتضحك.

تفتكروا الحكومه ورا المؤامره دى :D

[لولا]

الناس اللى قالت عن مراتاتها ( من وراهم طبعا :D )ان دمهم بقى تقيل بعد الجواز

بجد مالهومش حق. :D

انا لسه امبارح بس سألت جوزى smk: عن الموضوع ده وقالى لأ طبعانظريه غلط

الست الى دمها خفيف (زى كده :D ) بيفضل طول عمرها دمها خفيف :D

سواء قبل او بعد ..وبلاش افترى بقى mfb:

[iloveegypt]

الناس اللى قالت عن مراتاتها ( من وراهم طبعا :D )ان دمهم بقى تقيل بعد الجواز

بجد مالهومش حق. :D

انا لسه امبارح بس سألت جوزى :D عن الموضوع ده وقالى لأ طبعانظريه غلط

الست الى دمها خفيف (زى كده :D ) بيفضل طول عمرها دمها خفيف :D

سواء قبل او بعد ..وبلاش افترى بقى :D

على فكرة بردة زوجتى لما بتسئلنى عن خفة دمها بقول نفس الاجابة mfb:

العمرمش بعزقة ومن خاف سلم smk: