عاوز اشترى حلة ضغط

[aimen]

سلامى لكل المحاورين

الأهل فى مصر ويا عينى على مصر محتاجين منى حلة بريستو ( ضغط )

المشكلة انى اجهل من بعوضة فى الحاجات دى ؟ كل اللى اعرفه انها زى الحلة العادية بس بغطاء يقفل من فوق

ممكن حد ينصحنى بماركة أو محل معين ؟

[قديم]

بما انك عزيتي ساكنه بالرياض ساقدر على الاجابه علي استفسارك

الان اشكال كثــيره وماركات اكثــر . وانواعها ومقاساتها متعدده . من 2 _ 4 _ 6 _ 8 .. لتــر حتــي 100 لتــر

انسب حاجـه للاستخدام العائلي هو 8 او 10 لتـــر مناسب جدا جدا

الماركات هناك ماركات عديده منها الالماني ودا ليه ممسك بارز زي العصا وعيبه العصا تاخذ مكان في المطبخ او على الفرن. لكنه ماركــه قويــه وسعره عال اعتقد 250 ريال

هناك انواع باكستاني وايراني الصنع وهناك ايضا هدايا مع ارز ابو كاس قدر ضغط . لكنها خفيفـه ولا لها من الضغط الا اسمها وهذه اسعارها خمسين ونتي طالعــه . . .

افضل ماركــه هي ماركت سب . ممتاز جدا ويتفتح زي القدر العادي من فــوق وليه صمامات امان قويـه وحافظ للحراره سعره 300 ونتي طالعــه

كل ما كان القدر سميك وثقيل يكون افضل . .

توجد في اسواق كثــيره وارخص اسواق للاواني المنزليـه شارع السبالــه قريب من الشميسي . الشارع كله اوانــي منزليــه

القدر متوفر في جميع محلات الاواني المنزليــه وسعره معروف . ومحدد تقريبا .في جميع الاسواق لكن بالنسبه لشارع السبالــه ارخص

واكثــر عروض .

ينصح اول ما تشتري القدر تسكبي فيه قليل من الحليب ليغلــي . ما ادري ليــه ..

وكبسـه مضغوط هنئيـه تكفي كل المنتــدى والمحاوراتيين العزاب منهم والمتاهليــن

[Heliopolis]

ماركه Fissler الالماني اكتر من ممتازه

تحياتي

[aimen]

شاكر لكم افضالكم وان شاء الله تترد لكم فى حلل الآولاد ان شاء الله

الجماعه كانوا عاوزين حلة بتصفر وان ما قصرت اشتريت لهم الحلة اللى بتصفر

عم قديم ...شكلك افتكرتنى واحدة ست ؟ انا راجل يا عم بس الظروف و طلبات مصر حكمت على انى اتعرف على الحلة الضغط

[iloveegypt]

راجل يا ا ايمن وستين راجل كمان

حبيت بس اصبح عليك صباح الخير ا ايمن يا عسل

على فكرة انا كنت فى مكة من قريب شفت مصريين جيين عمرة وبيشتروا حلة ضغط فبسئلهم عن سعرها فى مصر فاجابو زى هنا بس هنا النوعيات احسن

فاجببت بس النوع الى انتم هتشتروا ده صينى قالوا ايوة بس الصينى بتاع السعودية احلى مالصينى بتاع مصر

[aimen]

الله يكرمك يا iloveegypt فكرتنى بالذى مضى ؟.

الوالد كان فى عمرة من 3 سنوات ويا سلام على التلاليس اللى اخدها معاه

تفكير الناس بتوع العمرة حاجه مش معقولة ...المشكلة ان معظم الحاجات فى مكة أو المدينة مضروبة وهناك بيعرفوا يصطادوهم صح ...ال بتصفر ال طيب ماهى اى حلة بتصفر لما الكل بيستوى مش كده ..انا نفسى افهم هو احنا محتاجين فعلا كل الكماليات دى ولا فقط الناس بتشترى لمجرد الشراء ..اصل عمرى ما كان عندنا حلة ضغط فى البيت مش كده ولا ايه

[مهيب]

معلش آسف على المداخلة البعيدة عن الموضوع .. بس ..

فاجببت بس النوع الى انتم هتشتروا ده صينى قالوا ايوة بس الصينى بتاع السعودية احلى مالصينى بتاع مصر

اضحكتنى و الله يا iloveegypt .. فعلا فى ناس كتير تفكيرها كده و مازالت ثقافة (المروحة و الفيديو) متأصلة بشكل رهيب ..

أيمن باشا .. أنا عن نفسى أنصحك بالكترو اللى فى طريق الملك عبدالله .. هتلاقى عنده كل أنواعها و أشكالها و أسعارها برضه.

مهيب

[بندق أفندى]

بما انك عزيتي ساكنه بالرياض ساقدر على الاجابه علي استفسارك

الان اشكال كثــيره وماركات اكثــر . وانواعها ومقاساتها متعدده . من 2 _ 4 _ 6 _ 8 .. لتــر حتــي 100 لتــر

انسب حاجـه للاستخدام العائلي هو 8 او 10 لتـــر مناسب جدا جدا

الماركات هناك ماركات عديده منها الالماني ودا ليه ممسك بارز زي العصا وعيبه العصا تاخذ مكان في المطبخ او على الفرن. لكنه ماركــه قويــه وسعره عال اعتقد 250 ريال

هناك انواع باكستاني وايراني الصنع وهناك ايضا هدايا مع ارز ابو كاس قدر ضغط . لكنها خفيفـه ولا لها من الضغط الا اسمها وهذه اسعارها خمسين ونتي طالعــه . . .

افضل ماركــه هي ماركت سب . ممتاز جدا ويتفتح زي القدر العادي من فــوق وليه صمامات امان قويـه وحافظ للحراره سعره 300 ونتي طالعــه

كل ما كان القدر سميك وثقيل يكون افضل . .

توجد في اسواق كثــيره وارخص اسواق للاواني المنزليـه شارع السبالــه قريب من الشميسي . الشارع كله اوانــي منزليــه

القدر متوفر في جميع محلات الاواني المنزليــه وسعره معروف . ومحدد تقريبا .في جميع الاسواق لكن بالنسبه لشارع السبالــه ارخص

واكثــر عروض .

ينصح اول ما تشتري القدر تسكبي فيه قليل من الحليب ليغلــي . ما ادري ليــه ..

وكبسـه مضغوط هنئيـه تكفي كل المنتــدى والمحاوراتيين العزاب منهم والمتاهليــن

أضيف معلومة بسيطة .. انه سب اندمجت مع تيفال وأصبحت لفترة تيفال سب وحاليا تيفال بس .. وهى الأفضل فعلا لأنه الأنواع الجديدة منها لا تفتح الا اذا تم تفريغ البخار المضغوط بداخلها .. وهذا أخطر شئ فى حلات الضغط .. لأنه ممكن يسبب انفجار مهووووووووووول

تم تعديل 8 يوليو 2008 بواسطة بندق أفندى