حكاية من بلدنا

[مهيب]

هذه غنوة من أروع ما كتب الشاعر مجدى كامل .. غناها يحيى غنام و فرقته بلحن و تنفيذ رائعين .. رأيت أن تشاركونى الكلمات ...

وقف الضحى و خبط على جنينة الليمون

والشمس محنيه على السور الدهب

وبعد لحظه غنى صوت دافى حنون

وايدين حليوه بتفتح الباب الخشب

فتح عيونه على الجمال وعلى الصبا

على وش زى البدر بيقول مرحبا

شافها اندهش ... قلبه ارتعش

معرفشي روحه هو فين ولا هو مين

****

كان الضحى والحى عارف قصته

جاى من غيطان القمح راكب مهرته

جاى قاصد الحلوه وسامع عنها

جاى يشترى بالمال شبابها منها

قالت له يا ابن الحلال مهرى كبير

املالى شالى نجوم وخدنى يا أمير

لو كنت تقدر تملا قلبى انا كنت اقول

لكن ما تقدرش عليه يا ابن الاصول

سمع اندهش ... قلبه ارتعش

معرفشي روحه هو فين ولا هو مين

*****

جاب الجواهر والحرير فى صندوقين

و ضحكت الحلوه وقالت ده لمين

لو تفرش السكه دهب ليا انا

انا اعيش سعيده احسن لى من نار الغنى

بعت المراسل يطلبوله ودها

رجعوا ولا جابوا خبر من عندها

فات تحت شباكها و غنى واشتكى

قالت له قلبى متخلقش للبكا

سمع اندهش ... قلبه ارتعش

معرفشي روحه هو فين ولا هو مين

*****

ام الضفيره السمرا والعين نرجسه

بتوشوش النسمة وتضحك للمسا

وتنسج الاشواق غنا و تكسي القمر

احلام ما تخطرشي على بال البشر

وتفتح الشباك تلاقى الدنيا عيد

والارض فضه وفجر اخضر جاى سعيد

اكمن محبوبها الى عاش مشغول بها

بعد ماغنى لها غناوى فى حبها

اللى اندهش ... واللى ارتعش

عرف النهارده هو فين ..

و هوه مين.

ما رأيكم فى هذه الكلمات ؟؟

مهيب

[لولا]

تقول ما رايكم بالكلمات؟؟!!

وهل نملك حق نقد الروائع يا استاذ؟!!!!!!!!!

اما المديح ..

فلا اقول سوى ان هناك بعض الجمال احيانا

نعجز حتى عن وصفه بالجمال !!!!!

لأننا بذلك نكون قد ظلمناه اذا ما وضعنا لجماله

حدود فى حروف كلمه حتى لو كانت ..الجمال!

حقا اكثر من راااااائعه.

ليتنا نتكاتف هنا سويا لنعمم هذه الروائع وغيرها

هنا فى المنتدى ليستمتع الجميع بكل ما خطه

هؤلاء العظماء من فن راقى.

[shahd]

ابيات قمة في الجمال والروعه واختيار موفق.. مهيب كعادتك دائما تتحفنا بكل ماهو متميز... شكرا لك