مدد يا حى .. المنتزه

[ragab2]

العون

والمدد ياحى المنتزه ..

العبد الفقير له شقة بميامى بالإسكندرية

بالطابق الثانى ونستعملها مصيف نشم فيها هواء الإسكندرية وكنا نرى منها البحر

ولكنى فوجئت فى آخر زيارة بكتلة من ناطحات السحاب غطت علينا رؤية البحر ومنعت عنا الهواء العليل والشمس المشرقة

ولا

أدرى كيف طنش حى المنتزه عن هذه العمارات التى تبلغ حوالى عشرة عمارات فى مواقع متفرقة وأحاطت بشقتى والتى ارتفعت الى عشرين وثلاثين دورا بالرغم من ضيق الشارع التى تطل عليه هذه العمارات

وقد علمت من الجيران أنهم حصلوا على ترخيص بستة وخمسة طوابق فقط ولكن الرشوة والفساد المستفحل بين موظفى حى المنتزه جعلها منارة تناطح سحب الأسكندرية وتعوضها عن جبال الالب والهملايا التى حرمت منها المحافظة ولا يدروا أن الله تعالى عوض الأسكندرية بجمال الطبيعة واعتدال الجو وهطول الأمطار صيفا وشتاءا دون الحاجة لهذه الجبال الأسمنتية والخرسانية

فهل

يستجيب لنا لواء الأسكنرية المحبوب اللواء المحجوب

بعد أن حجبت هذه البنايات الشاهقة كل ما كنا نحبه ونزور الأسكندرية من أجله

ألا وهو الشمس والهواء ومنظر البحر الجميل

[الأفوكاتو]

لو كان هذا قد حدث فى بلد تحترم نفسها, و شعبها, و بيئتها, و جمال الطبيعة, لكان مصير هؤلاء المسئولين الإقامة الطويلة فى زنزانة خرسانية, لزمن طويـــــــــــــــــــــــــــــــــــــــــــــــل

لو ..... حرف تمنى.

[Lancelot]

اللي أفتكره من قراءتي لخبر في الجرنال من فترة إن محافظ إسكندرية عامل حملة علي كل العمارات الكبيرة في إسكندرية ... العمارات المخالفة طبعا ..... و لو العمارة ديه فعلا مخالفة يبقي الناس اللي حواليها يتقدموا بشكوي للمحافظ و يستغلوا الحملة ديه ....

[وسام]

اخ رجب هوا حضرتك بقالك قد ايه منزلتش اسكندرية ؟؟؟

مشكلة ميامى من زمان ان اللى عنده حتة ارض 10 فى 10 متر لازم يبنى عليها عمارة 10 او 15 دور و تبقى شبه الخازوق المهم يأجر كل الشقق اللى فيها فى المصيف و كل مالكى الاراضى اللى حواليه بنفس الطريقة........و طبعا النتيجة حائط خرسانى طويل على امتداد كل الشوارع فى المنطقة

[elbana]

يا دكتور رجب قدم شكوى رسمية لمكتب المحافظ وأطلب مقابلته شخصياً (مش بأهزر) وكبر الموضوع ، إنت خسران إيه ، وابعت لبريد الأهرام ، على الأقل تقرف اللي خلفوهم ، لأن الموضوع أكيد ح يحصل فيه تحقيقات حسب فكرتي عن محافظ الإسكندرية .

[nora]

والله انا مع رأي البنا اقرفهم وطلع عينهم

بس يا ترى لو عملت كده هتسلم منهم :? :?

انت بتقول انهم ناس جامده وواصله لدرجت انهم بنوا ووصلوا نور ومية وباعوا كمان :? :?

انا مش بخوفك منهم ....

بس الاحتياط واجب :) :) :)

[yasser6666]

عزيزي الدكتور رجب.هذا هو الحال في مصرنا الغالية منذ سنوات طوال وهذه المشكلة ليست بالنادرة علي اهل الاسكندرية...والمشكلة الحقيقية ان كل مالك عمارة بيبني مخالف عشرة ادوار اضافية ثم يقوم بتسكين الدور الاخير لاي اسرة ولو كانت الشقة مجانآ وذلك حتي يضمن عدم ازالة الادوار المخالفة..مع ترك باقي الادوار خالية غير مسكونة!! ...وطبعآ ده تحايل علي القانون مش عارف رأي القانون فيه ايه??? ... ولكنها ظاهرة منتشرة جد, في مصر انك تجد عمارات خالية تماما والدور الاخير متنشر فيه غسيل !!!!!!!!!!