لخبراء البارفانات..هل فيه انواع مناسبه للسمر وانواع لذوي البشره البيضاء؟

[MZohairy]

الموضوع ده قالتهولي جارتنا الست العظيمه المذيعه بنت الناس أوي صديقه حياتي ..الله يصبحها بالخير

قالتلي ان في بارفانات تناسب السمر وانواع تناسب البيضي البشره

انواع بالليل وانواع الصبح

انواع في الحر و انواع في البرد

ايه معلوماتكم؟ و ايه هي الكاتيجوريز؟

[مهيب]

والله يا زهيرى أنا أعرف ان فى أنواع فعلا للصيف و أنواع للشتاء .. و أيضا أنواع نهارية و أنواع سهرة أو ليلية .. لكن موضوع البيض و السمر دى أول مرة أسمع عنها ..

يعنى مثلا فى الشتوى و الصيفى .. أعرف ان البيرفيوم الصيفى المفروض يبقى خفيف .. تبان ريحته لما تتحرك حركة خفيفة .. لكن ميبقاش فواح قوى .. و أو جاثم .. زى مثلا هيريرا تو وان تو .. أو هوجو أو لاكوست و الحاجات دى ..

أما الشتوى فبيبقى دسم شوية و تقيل .. زى آراميس أو دانهيل .. أو كورس أو جنجر .. و ده بيبقى فواح أكتر و بيتشم مجرد ما تتدخل مكان .

ده اللى أعرفه و الله .. و اللى عنده اضافات ياريت ينورنا

مهيب

[JAY]

المهم يا حبيبي الغالي محمد أن الألوات تكون متناسبة....... فمثلا مش ممكن نلبس السمراء (الداكنة) ملابس داكنة فالبشرة في بعض المناطق الجنوبية غامقة جداً كالأبانوس فلو لبست ملابس سوداء لما تبينت الملابس من أطرافها... وبالتالي لا يليق عليها هذا اللون......... بل يليق عليها الألون التي تميل إلى الاعتدال ... والبيضاء مش ممكن تلبس أبيض لأنك لن ترى إلا قطعة قماش بنفس اللون

أنظر مثلاً واحكم بنفسك

أهذا أنسب

أم هذا؟؟

البيضاء

[Folana]

السلام عليكم ورحمة الله....

الموضوع ده فيه كلام من دهب عن أنواع البرفانات للزميل العزيز "وجدى"

http://www.egyptiantalks.org/invb/index.ph...أنواع+البرفانات

[MZohairy]

ميغسي بوكوو فولانه هانم

[iloveegypt]

اللى انا اعرفه فيه برفان للست الطويلة وللست القصيرة

وفى برفان للست السمينة والرفيعة :blink:

وفى برفان للست النكدية واللى دمهاخفيف

انا بقى عايز 500 مليون زجاجة من البرفان الى يخلى الستات دمهم خفيف (طبع مش لمراتى لان دمها خفيف بمقياس ريختر)

واسكت بقى يازهيرى هتودينى فى داهية :blink: