خلى الشعب يعيش

[houssin abo habaga]

أيها الشعب المصرى العظيم

أيها الصابرين على مدار السنين من عصر الفراعنه الى عصر البنزين

هذا الخطاب بمناسبه اليوم الوطنى للصمت والسكوت

وبهذه المناسبه الوطنية قررنا الآتى

بناء سجن حديث لحبس الحريات / ومستشفى لكتم الصوت والنفس

ومدرسه لتعليم ودراسه الجهل / ومصنع لتصنيع وعود كذابه

وترزى لتفصيل القرارات / وأذاعه للأحاديث الفارغه

وخلاطه لفرم المعارضه / ووزارة لتنفيذ خطط النفاق

ونقابه لهز الوسط / وجمعيه أقبضها الأول/ وحزب للتصفيق والرياء

وكل حاجه فى البلد بقت فل وآخر بحث علمى شرب الميه من الثلاجه فيه خطوره على حياتكم

أشربوا من القله ومتفكروش فى حاجه أسمها ديمقراطية أحنا خلناها وراثه وكل واحد يجيب

كراسه نديله فيها كام تصريح ومفيش حاجه أسمها خطه خليها بالبركه ونخلى البساط أحمدى

مره عندك مرتين عندى أبنك يتعين ما يتعينش ما تتكلمش ونخلى كله فى السليم ماله الفول

صحى ومضمون شوف أنفلونزا الطيور وجنون البقر والسمك اللى بيموت ومحدش يشتكى من

الزحمه ومتكلمنيش عن السكن نام فى أى حته وخليك فرى حصيرة الصيف واسعه وفى

الشتا ولع نار وأدفى وأرقص وغنى بس أوعى تربى دقنك أو تصلى وأمشوا على الموضه

حبه قصير حبه محزق بطن تعرى أحمر كحله كام ضحكه أتجوزوا فى أوضه عرفى شرقى

أهو كله جواز وأطلقوا الشباب ديسكو مسكو سجاير بانجو أنا مش معقد وفى آخر خطابى هذا

أعلن لكم لأول مره فى العالم سوف نحتفل فى بلادنا بالعيد القومى للحمار ليه لأنه دون الحيونات

كلها لا بيشكى ولا بيحكى ولا بيتألم مهما كان الضرب ولا يوجد مثيل له فى تحمل الأسيه فلذلك

قررنا نحن الآمر الناهى بعمل يوم قومى للحمار

ودمتم

وطنى يا شايل عنى همى وحمال الأسيه

العيب عمره ما كان فيك أنت أبدا العيب فيه

أنا اللى ساكت على بلوة الظالم والسكوت بليه

خايف يجى يوم أبكى بحرقه وأتنهنه زى الوليه

-------------------------------

كتابات / حسن أرابيسك

خلص الكلام وحان وقت العمل

:blink:

[لولا]

اشك ان الشعب ممكن يعيش فى ظل الوضع الجميل اللى وصفته. n2&(

اسجل حضورى . واعجابى بعمق الوصف وبساطته فى نفس الوقت الذى دائما يميز كتاباتك.

[houssin abo habaga]

اشك ان الشعب ممكن يعيش فى ظل الوضع الجميل اللى وصفته.

اسجل حضورى . واعجابى بعمق الوصف وبساطته فى نفس الوقت الذى دائما يميز كتاباتك.

وأنا أسجل أعجابى الشديد

لصاحبة الخلق الرفيع عاشقة وطنها الأستاذه لولا

لكى كل التحية والأحترام