كندا التي رأيتها :)

[Salwa]

ألكبير كبير يا زعامه - أنا عارف أنك بتفضل تنزل بافضل أنتاجك مع موسم الاجازات لتحقيق أعلي أيراد لنجم الشباك الاول - الكنج تو ,,, مش ناوي تعمل زياره لمشاهديك من أبناء الصعيد و الجبل يا زعيم و لا أيه - يا راجل ده حتي الزعيم عرض مسرحيته في أسيوط - تعالي أعرضلك ولو حلقه عن صالونات الحلاقه بكندا و شوف أهل الجبل هيحتفلوا بيك أزاي ( تصدق موضوع حلو فعلا و محدش أتكلم فيه ) - و متقلقش كل السلاح عندنا مرخص !!! و مفيش ضرب تحت الحزام

خالص تحياتي

[color="#0000FF"]السيد الفاضل اكسيلانس ..

اظن ان حضرتك مش واخد بالك ...ان اهل البندر واخدين بالهم ..

والزعيم مش بيحب يروح الجبل على فكرة ....

وعلى فكرة ...برضه ..

ف البندر مفيش ضرب تحت الحزام ....

ولا حد متراقب ..

والصراحة عندك حق ...الدنيا كلها بجبالها وسهولها واراضيها وسماها ...بتحب الكنج تو ..

منورنا بجد :roseop: .wst::

[terminator]

لو سمحت يا دكتور تهامى ...

أنا عارف انك روحت زيارة سريعة اى مونتريال .. ياريت لو تعمل حلقة عن الزيارة دى وايه اﻷختلافات اللى ﻻحظتها بين مونتريال وتورنتو ؟؟

وشكرا جدا

[اسكندرانيةكنداوية]

الف سلامة عليك يا د/ تهامى

يارب دلوقت تكون أحسن فى إنتظار المزيد من الإبداع

[Safystar]

ودني اللي مبهدلاني بقالها 5 تيّام ، وإلتهاب في الأذن الوسطى ، والمضادات الحيوية مش عارفة تعمل حاجة!

سلامتك يا تهامى وان شاء الله تكون بخير وتكون خفيت ان شاء الله عشان تعرف تتفرج على كاس العالم

والله مش عارفة اعمل ايه اقطع نفسى يعنى

بين امتحانات الولد اللى مش عايزة تخلص وكاس العالم تلات ماتشات فى اليوم وشغل البيت كمان

ربنا يعين الستات بجد

الف سلامة مرة تانية

صافى

[أحمد سيف]

ايه الجمال ده كله يا دكتور تهامي .... مبدع يا ابني والله

ليا بس تعقيب صغير على حكاية إن الأكل الحلال بتكون جودته أقل وسعره أغلى وخياراته محدودة مقارنة الأكل العادي ... وأفتكر احنا اتناقشنا في المسألة دي قبل كده لما كنا في مول دبي ... أنا شايف إن الموضوع ده طبيعي جدا لأنك بتتكلم على سوق أصغر أو زي ما بيسموه niche market فبالتالي هتكون تكلفة الانتاج والتوزيع أعلى والمنافسة اقل فيزيد السعر وتقل الجودة والتنوع ... وعلشان الأمور تتظبط لازم حجم السوق يزيد وده مش هيحصل إلا لو كل المسلمين في كندا اشتروا منتجات حلال فالشركات الكبيرة هتسعى لطرح منتجات حلال للمسلمين حتى لا تخسر هذه الشريحة مثل ما تطرح منتجات للنباتيين واليهود واللي عاملين دايت واللي عندهم حساسية من اللبن.

مسألة الحرام والحلال زي ما انت قلت هي في النهاية اقتناع والتزام شخصي وأرجو من الأفاضل - من غير عصاية ولا حاجه أهو - أن يحترموا قناعات وخصوصيات وأسلوب حياة كل شخص طالما أنه لا يسعى لفرضها على الآخرين ولا يدّعي أنها الرأي الديني الوحيد والملزم.

لكن تعرف من أول ما بدأت سلسلة حلقات الشوبينج وأنا عندي كلمه عايز أقولها لك ... الحلقات جميلة فعلا وبتدل على انسان لديه موهبة التسوق ... لكنها بتفكرني بمجلة مستفزة كانت بتوصلني مع جريدة الفاينانسيال تايمز اسمها How to spend it ... الهدف من المجلة زي ماهو باين من عنوانها انها تساعدك على إنك تصرف فلوسك لو مش عارف تصرفها ازاي ... لكن الناس يهمها أكثر تعرف ازاي تجيب الفلوس اللي هتصرفها How to make it ... فأتمنى أن تتمكن أيضا من عمل سلسلة جديدة من الحلقات حول العمل في كندا لأن ذلك هو فعلا الهاجس الأكبر لكل من يهاجر (طبعا باستثاء اللي عامل شوية فلوس وناوي يقضيها 3 سنين في كندا فسح وأنتخه لحد ما ياخذ الجواز ويرجع). وبرضه يا ريس انت مش راضي تنزل بحلقة الجنس في كندا (فاكرها) واللي هتريح بيها بال ناس كثيير حول النقطة الحساسة دي.

تحياتي يا جميل

تم تعديل 16 يونيو 2010 بواسطة أحمد سيف

[ramyfathalla]

ايه الجمال ده كله يا دكتور تهامي .... مبدع يا ابني والله

ليا بس تعقيب صغير على حكاية إن الأكل الحلال بتكون جودته أقل وسعره أغلى وخياراته محدودة مقارنة الأكل العادي ... وأفتكر احنا اتناقشنا في المسألة دي قبل كده لما كنا في مول دبي ... أنا شايف إن الموضوع ده طبيعي جدا لأنك بتتكلم على سوق أصغر أو زي ما بيسموه niche market فبالتالي هتكون تكلفة الانتاج والتوزيع أعلى والمنافسة اقل فيزيد السعر وتقل الجودة والتنوع ... وعلشان الأمور تتظبط لازم حجم السوق يزيد وده مش هيحصل إلا لو كل المسلمين في كندا اشتروا منتجات حلال فالشركات الكبيرة هتسعى لطرح منتجات حلال للمسلمين حتى لا تخسر هذه الشريحة مثل ما تطرح منتجات للنباتيين واليهود واللي عاملين دايت واللي عندهم حساسية من اللبن.

مسألة الحرام والحلال زي ما انت قلت هي في النهاية اقتناع والتزام شخصي وأرجو من الأفاضل - من غير عصاية ولا حاجه أهو - أن يحترموا قناعات وخصوصيات وأسلوب حياة كل شخص طالما أنه لا يسعى لفرضها على الآخرين ولا يدّعي أنها الرأي الديني الوحيد والملزم.

لكن تعرف من أول ما بدأت سلسلة حلقات الشوبينج وأنا عندي كلمه عايز أقولها لك ... الحلقات جميلة فعلا وبتدل على انسان لديه موهبة التسوق ... لكنها بتفكرني بمجلة مستفزة كانت بتوصلني مع جريدة الفاينانسيال تايمز اسمها How to spend it ... الهدف من المجلة زي ماهو باين من عنوانها انها تساعدك على إنك تصرف فلوسك لو مش عارف تصرفها ازاي ... لكن الناس يهمها أكثر تعرف ازاي تجيب الفلوس اللي هتصرفها How to make it ... فأتمنى أن تتمكن أيضا من عمل سلسلة جديدة من الحلقات حول العمل في كندا لأن ذلك هو فعلا الهاجس الأكبر لكل من يهاجر (طبعا باستثاء اللي عامل شوية فلوس وناوي يقضيها 3 سنين في كندا فسح وأنتخه لحد ما ياخذ الجواز ويرجع). وبرضه يا ريس انت مش راضي تنزل بحلقة الجنس في كندا (فاكرها) واللي هتريح بيها بال ناس كثيير حول النقطة الحساسة دي.

تحياتي يا جميل

منور المحاورات يا أستاذ أحمد باشا سيف

بجد أنا سعيد جدا بمداخلتك فى التوبيك بتاع د/ تهامى حبيب قلبى

و أنا لى رأى أن المواضيع الدينية تناقش فى مكانها و هو باب الدين الاسلامى لأننا قطعنا التسلسل الجميل بتاع حلاقات الشوبينج

بس أنا عايزك تعزرنا كل واحد خايف من المصير اللى منتظرنا فى كندا خصوصا الناس اللى ما شافتش كندا الا فى الصور زى حالاتى

و بصراحة د / تهامى ربنا يباركله و يجازيه كل خير بينقل لنا الصورة بكل تفاصيلها و بيحكيلنا على خبرته الشخصية و هو مش مطالب بأكثر من كده

و احنا علينا ناخد اللى يعجبنا و نترك اللى ما ..............

و أخيرا يا د / تهامى يا ريت تكمل الموضوع و ما تحرمناش من جمال صورك الجميلة

و على الأقل يا رجل بتعيشنا فى حلم كندا الجميل اللى باين عليه حايفضل حلم كندا شكلها حاتسك على الطلبات بتاعتنا :D

و أجمل و أحلى تحية من أعماق قلبى لأحسن تهامى فى الدنيا :rolleyes:

[mohamedadel]

السلام عليكم

يا جماعة انا عايز اقول ان د تهامي نقل وجهة نظره الشخصية في موضوع الأكل الحلال ......

والراجل كان واضح وصريح و لم يلزم اي حد منا إنه يعمل بيها او ما يعملش .......

من الآخر كل واحد فينا حيشيل الليله بنفسه ......... عندك كده و عندك كده ..... وعقلك في راسك .. تعرف خلاصك .. وشوف انته عايز ايه و حتقدر تعمل ايه ؟؟؟؟

تحياتي لك يادكتور على اسلوبك الأكثر من رائع ... في سرد حكاويك ....

وإن شاء الله اشوفك في أتاوا قريب او يعم ننزلك تورونتو ما فيش مشكله.... احنا حضريين

سلاااااااااااااااام

[dcfarouk]

دكتور تهامي

انت فينك

الف سلامه عليك

بجد وحشنا كلامك واوعي تكون زعلت مني

وامانه عليك السلام للدكتور هشام وطمنا عليه

[اسكندرانيةكنداوية]

د/ تهامى

فينك طمنا عليك ليك فترة مش موجود يارب تكون بخير [/color]

[ramyfathalla]

تهامى باشا حبيب قلبى

مفتقدينك كتير يا باشا و التوبيك و المحاورات مضلمة من غيرك

حقك على أنا لو لسه زعلان و فى انتظار رجوعك حتى و لو نظرة كده خلينا نحس بوجودك معانا

و ادى راسك اهه بوسة كبيرة قوى :lol:

[Digital]

الظاهر يا جماعة ان الدوك زعل

[أحمد سيف]

الظاهر يا جماعة ان الدوك زعل

زعل من ايه بس ... الدكتور تهامي اللي أعرفه عقله أكبر من كده

أوعى تكون كندا غيرتك يا دوك :D

منور المحاورات يا أستاذ أحمد باشا سيف

بجد أنا سعيد جدا بمداخلتك فى التوبيك بتاع د/ تهامى حبيب قلبى

المحاورات منورة بيك يا عم رامي يا صديقي

وربنا يديم المودّة

[Leonardo da vinci]

دكتور محمد التهامي ازيك يا كبير

اظهر يا دولي اظهر وبان عليك الامان ,,,,, دوكتور مستني الابداع بقلنا زمان عيشين من غير الكبسولات بتاعت حضرتك

[moheltohamy]

شكراً للجميع... واسمحولي أرد إجمالاً... آهو نختصر بس الردود اللي ورانا :blush2:

بالنسبة لودني ، فبعد ما كنت باخد أقراص أوجمنتين 4 جم يومياً لمدة أسبوع ، والالتهاب عمال يزيد ، تقولوش باخد باستيليا؟! :blink:

بطلت خالص من كتر الزهق ، وقلت... عيشي يا باكتيريا :happy:

والغريب إن الموضوع قلب على إلتهاب وتورُّم في قناة الأذن الخارجية... والأذن الوُسطى خفت! :blink: :blink:

وقبل السفر للسعودية رحت كشفت عند دكتور بتاع أنف وأذن ، وقاللي على آخر أمل ليّا ، ولو حصلت بعده يبقى كندا تشوف لها حل بقى!

الجيل الرابع من الكينولونز ، Avalox قرص يومياً لمدة 5 تيّام. ومن مُنطلَق إني جايب آخري ، بدأت آخد ضعف الجرعة لضعف المدة... قرصين يومياً لمدة 10 تيّام!

والحمد لله... تمام التمام دلوقتي... وربنا يكمّلها بالستر بقى.

وبالنسبة لباقي أخباري... رجعنا البريمة ، أرض المخمخة والمزاج العنب... لغاية هنا عادي...

اللي مش عادي بقى...

قدمت استقالتي من الشركة ، ودي هتكون آخر شفت ليا في الشغل ، وبكل أسف هاسيب كل الدلع والرفاهية والجو اللي عشت فيه 3 سنين مع نفس الناس اللي مدلّعينني ، ورايح البلد المحبوبة ، اللي الحياة فيها جد إلى حد ما... ولأول مرة في حياتي... أحجز... One-Way Ticket! :unsure:

مش عاوز أقول لكم إحساسي عامل إزاي اليومين دول... ولا كأني مهاجر جديد ، وأول مرة أروح كندا!

كندا اللي باحس بالألفة أول ما باوصل مطارها ، بعكس بلدنا الغالية ، واللي متهانين دايماً في مطاراتها ، وجوّاها ، وبسببها في كل مكان! :sad:

هييييييه... ما علينا...

المهم... شكراً للجميع ، وأشوف لكم كبسولاية من اللي بيقول عليهم ليوناردو wst::

واستنى يا احمد يا سيف لما أشوف إزاي أزوّق الكلام ، عشان ما يبقاش صادم لبعض الناس... ناس مقتنعين إن التسمية بتقلل عدد الباكتيريا في اللحوم... هاكلّمهم إزاي في اللي بتقول عليه ده بس؟! :unsure:

[moheltohamy]

بمناسبة إن فيه ناس كتير رايحين كندا في القريب... أحب أقول ملحوظة سريعة كده على جمب ، ما دمنا لسّه في الشوبنج... ولا حياء في الدين ، ولا حياء في العلم ، ولا حياء مع ظباط المباحث :happy:

نتكلّم في نقطة حريمي شوية... هتستغرب لما تلاقي عدم اهتمام الستات في كندا بموضوع الـــ Epilation ، في أوقات كتيرة بيكون ده شئ صادم لناس عاشوا في الثقافة بتاعتنا ، ومش واخدين ع الأتيتيود ده! مش نقطتنا حالياً... اللي يخصّنا هوّا إن لما تحب مثلاً تشتري التولز بتاعة الموضوع ده مش هتلاقيها زي ما بتلاقيها حالياً في مصر والميدل إيست بصفة عامة! دلوقتي في الصيدليات والهايبر ماركتس في بلادنا ممكن تلاقي السويت جاهز ومش محتاج تحضير ، وطبعاً أنواع كتير من الأجهزة المساعدة من عينة براون سلك إيپيل. وفي الخليج هتلاقي أحدث الأجهزة الموجودة ، واللي مش هتلاقيها في كندا بسهولة في السوق! وبالتالي يُنصح طبعاً الستات يعملوا حسابهم وهمّا رايحين. هناك في كندا التركيز بيكون على ماكينة چيليت الحريمي ، ودي أنا باستغرب من مبدأ استخدامها من الأساس! طبعاً الكريمات التانية هتلاقيها متوفرة وبأنواع كتير ، والواكس برضه ، لكن مفيش سويت!

ممكن طبعاً تلجأ للإنترنت ، وتشتري الجهاز بتاع السيلك إيپيل ده من أمريكا مثلاً وتشحنه ع البيت في كندا ، لكن النقطة إنه مش بالانتشار اللي هتشوفه في البلاد العربية.

لكن بصفة عامة ، هتلاقي في السپا بيقدموا خدمات من النوعية دي ، وأسعارها مش كارثة بالمناسبة ، وممكن بيستخدموا الليزر في الموضوع ده كمان ، واللي بيعملوه الرجالة والستات (إيكواليتي يا فندم)! وسمعت إن ممكن في السپا تلاقيهم بيحضروا السويت ، وممكن تاخد منهم طريقة عمايله ، أو تشتريه منهم.

[ramyfathalla]

حمد لله على السلامة يا د / تو :happy:

و ألف سلامة على الأذن الوسطى و الخارجية و الداخلية و الجهاز السمعى كله

والله منور يا باشا سواء فى البريمة أو فى كندا منور و حاتفضل طول عمرك منور أى مكان بتروحه

و ان شاء الله ربنا يوفقك فى كندا و تنجح و تبقى دكتور قد الدنيا

والله تستاهل كل خير يا د/ تهامى :blush2:

[hosiny]

حمد الله بالسلامة يا تو و انا بجد عارف الاحساس اللي انت بتتكلم عنه.....ربنا يعينك و يكون معاك

[ابو رقية]

.

سلامتك من الآه... :happy:

الف حمدالله على سلامتك .. والله المحاورات نورت يا دكتور تهامي ..

تحياتى لك..

اخوك ابو رقية

[engamr]

السلام عليكم ورحمة الله

انا عضو جديد في المنتدى الجميل ده و ده اول مشاركة ليه :blink:

الصراحة الموضوع ده عجبني جدا جدا وحاسس اني قاعد في كندا ده غير اسلوبك المميز والظريف في سرد الهانداوفر بتاعك. :wub:

انا بس كنت عاوز اخد رايك (وراي الاعضاء برده) بالنسبة لحاجة

انا الحمد لله جاتلي منحة دراسة ماجستير في كندا وطلعت الفيزا (study permit) ومسافر اول سبتمبر ان شاء الله لادمنتون جامعة البرتا.

انا بسال لو كده عندي فرصة احسن اني اقدم ل PR وانا هناك وهل وانا هناك الرد على هيكون اسرع؟ لاني لاحظت ان الرد بيوصل للناس اللى في مصر بعد 2-3 سنين او اكتر كمان.

وهل في ورق معين مطلوب مني اخده معايا من مصر قبل سفري بخصوص الموضوع ده.

انا برده ملاحظ ان كل المصريين بيروحوا على تورنتو مش عارف ليه يعني؟ طيب وادمنتون مفيش اخبار عنها؟ :sad:

انا الصراحة وانا بدور على المنح في مختلف الجامعات قدمت في جامعه كويسة في الامارات بنظام وسيستم دراسة امريكي وجالى اوفر منها بفلوس كويسة بس انا رفضته وقلت اروح كندا احسن. مش عارف اذا كان قراري ده صح ولا لأ خصوصا اني في كندا هتكلف فلوس وشوية مصاريف فوق المنحة.

شكرا ليك ولكل الناس المشاركة في هذا الموضوع المفيد.

تم تعديل 26 يونيو 2010 بواسطة engamr

[Safystar]

'622871']

شكراً للجميع... واسمحولي أرد إجمالاً... آهو نختصر بس الردود اللي ورانا :sad:

بالنسبة لودني ، فبعد ما كنت باخد أقراص أوجمنتين 4 جم يومياً لمدة أسبوع ، والالتهاب عمال يزيد ، تقولوش باخد باستيليا؟! :rolleyes:

بطلت خالص من كتر الزهق ، وقلت... عيشي يا باكتيريا :blink:

والغريب إن الموضوع قلب على إلتهاب وتورُّم في قناة الأذن الخارجية... والأذن الوُسطى خفت! :rolleyes: :blush2:

وقبل السفر للسعودية رحت كشفت عند دكتور بتاع أنف وأذن ، وقاللي على آخر أمل ليّا ، ولو حصلت بعده يبقى كندا تشوف لها حل بقى!

الجيل الرابع من الكينولونز ، Avalox قرص يومياً لمدة 5 تيّام. ومن مُنطلَق إني جايب آخري ، بدأت آخد ضعف الجرعة لضعف المدة... قرصين يومياً لمدة 10 تيّام!

والحمد لله... تمام التمام دلوقتي... وربنا يكمّلها بالستر بقى.

الف سلامة عليك وان شاء الله ربنا يكملها بالستر معاك ومعانا كلنا ومنور يا دكترة

وبالنسبة لباقي أخباري... رجعنا البريمة ، أرض المخمخة والمزاج العنب... لغاية هنا عادي...

اللي مش عادي بقى...

قدمت استقالتي من الشركة ، ودي هتكون آخر شفت ليا في الشغل ، وبكل أسف هاسيب كل الدلع والرفاهية والجو اللي عشت فيه 3 سنين مع نفس الناس اللي مدلّعينني ، ورايح البلد المحبوبة ، اللي الحياة فيها جد إلى حد ما... ولأول مرة في حياتي... أحجز... One-Way Ticket! :wub:

اوه وجول وجول وجول (وش عصام الشوالى بما اننا فى المونديال)

بجد ربنا يوفقك وان شاء الله يكون قرار سليم مش عارفة اقولك انا انبسطت اد ايه بقرارك دة انا حتى مش عارفة ليه يمكن لانى متشجعة جدا وهو القرار اللى واخداه من الاول من قبل حتى ما اروح واشوف البلد يمكن لانى صريحة قوى مع نفسى واللى حوالية كمان وعارفة انا عايزة ايه بالضبط وايه اللى ممكن اعيش من غيره وايه اللى مش ممكن اعيش فيه على طول

"]مش عاوز أقول لكم إحساسي عامل إزاي اليومين دول... ولا كأني مهاجر جديد ، وأول مرة أروح كندا!

يا تهامى انت بتقول كدة امال احنا نقول ايه اللى هنروح ون واى على حاجة لسة ماشفنهاش ومعشنهاش !بس انا عارفة هو الموضوع مش سهل ابدا والمشاعر بتبقى متضاربة بين الخوف والفرح بس انا شايفة ان الانسان = قرار والانسان اللى ما بيعرفشى ياخد قرار يبقى فى حاجة كبيرة قوى نقصاه وفى ناس حياتها بتقف على قرار خايفة تاخده لان الانسان بدون قرار = خوف بلا قرار

معلش انا اتفلسفت زيادة بس والله دى من اعراض المونديال اصل انا باشتغل محللة رياضية بعد الضهر سيادتك وباحلل كل حاجة فى الفرق واطلع بيها بحكم زى ما انت شايف

كندا اللي باحس بالألفة أول ما باوصل مطارها ، بعكس بلدنا الغالية ، واللي متهانين دايماً في مطاراتها ، وجوّاها ، وبسببها في كل مكان! :sad

:

وانا كمان wst::

يارب يارب تتوفق يا تهامى وتنجح فى كندا وتحبها اكتر واكتر وتنبسط فيها قولو آمين

لو مفيهاش تطفل (فيها هه )برضه ياريت تحكيلنا عن شعور هند وهل هى ساعدتك فى اتخاذ القرار الجرىء الجميل دة ولا ايه ؟ wst::

عقبالك يا بت يا صافى قولو آمين