كندا التي رأيتها :)

[moheltohamy]

أعزائي / رامي ، أبو رقية ، حسيني... شكراً لوجودكم ، وخالص التقدير.

م. عمرو... يا ألف مرحب بيك في التوبيك ، وفي كندا عن قريب.

بص يا سيدي... بالنسبة لسؤالك عن تورونتو...

جايز عشان جوّها من أحسن الأجواء في كندا في معظم السنة (بخلاف فانكوفر طبعاً) ، وجايز عشان التنوّع الثقافي والجاليات وخصوصاً العربية فيها ، وفرَص الشغل فيها كمدينة كبيرة (زي القاهرة مثلاً) ، وجايز عشان المهاجرين الجدد ليهم معارف هناك.

إدمونتون بقى يا حلو إبقى احكيلنا عنها في الشتا ، ومغامراتك مع الـ -30 والـ -50! ومش بعيد أبقى أحكي أنا لو رحت على إدمونتون :P

ونبقى نتكلّم على مختلف مدن كندا اللي شفتهم بعدين.

وبالنسبة للتقديم على الهجرة من داخل كندا ، فالمفروض إنها فعلاً بتكون أسرع ، وفرصتك بتكون أحسن في الشغل كواحد دارس في جامعة كندية ، بس ربنا يستر وما يقولولكش إنك Overqualified!

وبالنسبة للورق اللي تاخده معاك ، فبصراحة ما عنديش فكرة ممكن تحتاج إيه. ممكن تعمل لحد من الأقارب توكيل عام ، وهوّه يلف لك في مصر على أي ورق تحتاجه من هناك ، ويبعتهولك. ثانياً إنتا أكيد هتنزل في أجازة الصيف مثلاً على مدار سنين دراستك هناك... مش رايح وبايع القضية زي ما هاعمل أنا المرة دي! :D

النجمة صافي...

آمين يا ستي ، ويوعدنا ويوعدك ربنا بالراحة ونول المراد في كندا عن قريب.

ومحسوبك مالوش في الكورة خالص سعادتك...

آخري أسمع من الناس اللي معانا التعليقات (أمريكا صيّفت خلاص) ، (البرازيل بايعة الماتش للبرتغال) ، (الرجّالة الكبار اتقنطروا من الدور الأول)... حاجات كده يعني :blink:

وبالنسبة لهند ، فهيّا كان رأيها إني أستنى شوية على الاستقرار ، خصوصاً مع حالة الـ Recession اللي ضربت كندا السنة اللي فاتت ، خصوصاً وإني متدلّع ومايص في بريمتي هنا!

لكن بصورة عامة... هيّه شايفة إن الحياة في كندا تستاهل البهدلة ، لو كان فيه بهدلة.

ومسيرها كمان 3 شهور هتقدّم ع الجنسية... وأنا... زي خيبتها طبعاً! :sad:

أنا عن نفسي شايف إنو... يا ريتني كنت خدتها من بدري وخلصت!

هييييه... نصيب بقى!

وعقبالك يا بت يا صافي... آمين :lol:

[moheltohamy]

من مُنطلَق إننا ما زلنا في الشوبنج برضه ، فيه حتة بيرسونال شوية ، بس هوّه إيه في الهاند أوفر ده كله مش بيرسونال؟!

أفتكر لما حبّيت أستنصح واشتريت سلسلتين دهب لماما وشيرين من وول مارت ، وديبو اشترى برضه لمامته واخته في مصر عشان آخدهم معايا ، واستغربت من السلسلة اللي بتلاتين دولار ، وإشي رُخص يا كندا! ولما رجعت البيت هند شافتهم ، ولمحت اللي ما ركّزناش فيه أنا وديبو ، ما احنا في الطراوة بقى... (Gold Plated) يعني دهب قشرة ، وفضحتني طبعاً (حد في الدنيا يشتري دهب من وول مارت؟!)! وكمان الدهب القشرة ده عيار 14! طبعاً سبتهم لها رجّعتهم تاني يوم وأخدت الريفانض!

بالنسبة للدهب في كندا ؛ العادي 14 قيراط ، وآخرهم فيه 18 قيراط ، وده يعني كده م الغالي كمان! بس عشان الإنصاف ، الناس دول اهتمامهم بالدهب مش هوّه الأساس في المجوهرات بتاعتهم ؛ لكن الأساس في السوليتير (الألماظ أو الماس بالعربي) ، وخاتم الشبكة كمثال عندهم لازم يكون سوليتير (بيلعب في رينچ الـــ 10 تلاف دولار)! تلاقي عندهم الماس والأحجار الكريمة واللؤلؤ! حاجات مش معتادة في بلادنا!

هاحكيلك تجربتي في الموضوع ده طالما اتكلّمنا عنه ، وآهو منه برضه تاخد فكرة عن نوع من أنواع الشوبنج المحرومين منه في بلدنا الغالية...

في عيد ميلاد هند 2008 كنت ع البرّيمة ، ومش رايح كندا كمان الأجازة اللي بعدها. قلت طيب هوّه مش الأساس إنها تشوف وشّي زي ما الأهم الهديّة طبعاًّ!

طلعت على چاك (البارچ ماستر الأمريكي أو يعتبر القبطان بتاع البرّيمة ، ورئيسي المباشر إدارياً) ، وقلتله بص يا چاك ؛ إنتا أكيد الموقف اللي انا فيه ده عدّى عليك مع سنين شغلك ع البراريم في خليج المكسيك... عيد ميلاد مراتي الشهر الجاي ، ومش هاكون معاها فيه ، وعاوز أتصرّف لها في هدية من ع النت. ما عندكش أي أفكار؟ چاك أفندي فكّر ومخمخ ، وطلعلي بفكرة ساقطة زيّه...

- يو كان سند هير فلاورز!

- فلاورز؟

- ييس أوف كورس!

- همممم (فلاورز مين بس يا عم الحاج)! ما عرفتش أقول له إيه البيه اللي عايشلي في العصور الوُسطى ده ، ومش عاوز أكسفه! قلتله:

Well, that's a brilliant idea, but knowing my wife's mentality; flowers alone will not be a satisfying gift!

قام قايللي: Women like jewellery! الله يحرقك يا چاك ، هوّه يا بوكيه ورد بجوز جناهات ، يا مجوهرات أشحت بعدها؟! مفيش وسط؟! يا عم چاك... تشتري مجوهرات من ع النت؟ وانتا تآمن تشتريها أونلاين؟ هتوصل؟ آللي آه ، وجرّبها قبل كده والخدمة زي الفل ، ومش غالية ولا حاجة... ممكن بـــ 50 دولار تجيب حاجة كويّسة (البيه خطب مراته بخاتم سوليتير من أبو 500 دولار وشكراً ، وكل برغوت على قد دمه يعني)! طيب ، نجرّب ، ومش هنخسر حاجة!أخدت منه الموقعين بتوع الورد والمجوهرات ، ونزلت ع العيادة أمخمخ براحتي.

كان مدّيني موقع مجمّع كل بتوع الورد في كندا وأمريكا ، وانتا تعيش حياتك معاه وتدوّر على بتاع الورد اللي يعجبك ، وممكن تعمل البحث حسب القرب من عنوانك ، وبيدّيلك العنوان والبوستال كود والتليفون كمان ، بس من غير الويبسايت. بس دي مش مشكلة... أمّال الواد جوجل بيعمل إيه؟ آخد الإسم وعلى جوجل ، و... Voila J. وقعدت أفاضل بين العناوين على جوجل إيرث لغايت ما لقيت واحد جمب البيت (في تقاطع يانج وإجلنتون) ، 400 متر م البيت ، يعني 5 دقايق مشي! دخلت على موقع المحل دوت ، ونقيت بوكية دمه خفيف ، وكتبت الكارت اللي عاوزه يتبعت مع البوكيه ، ودفعت بالكريديت كارد ، وطبعاً حددت اليوم ، والفترة المناسبة ، ولو فيه ملحوظات. طلبت إن التوصيل يكون الساعة 6 م ، عشان أضمن تكون رجعت من شغلها ، وقبل عيد ميلادها بيوم ؛ عشان كانت مسافرة فرنسا في نفس يوم عيد ميلادها تبع الشغل... صدفة عجيبة!

اللذيذ بقى... باتصل بيها على 7 م كده عاوز أعرف الورد وصل ولا لسّه ، وباسألها على أخبار الشغل في اليوم ده. والبنت ولا تجيب سيرة أي حاجة! قفلت معاها وقمت متصل بالراجل بتاع الورد راصصهومله! وده يأكّدلي إن الورد وصل واستلمته كمان ، وماضية باستلامه ، وانا أقول له شوف انتا ودّيته لمين ، أنا لسّه قافل معاها ، وما استلمِتش حاجة!

المهم ، قمت متصل بيها تاني وباسألها ، ما استلمتيش حاجة النهارده؟ ودي تقوللي حاجة زي إيه؟ من نبرة صوتها عرفت انها بتشتغلني! يا بنت اللزينا ، ومدوّخاني ومدوّخة الراجل بتاع الورد ؛ ودي تقوللي أصلك بتتصل وعامللي نفسك ذكي وبتسأل ع الشغل ، وما جبتش سيرة ، وبتسوّس عليّا (الـــ Verb المشتق من سوسة) ، فالهانم قالت تتسلّى عليّا شوية! اتفضّل يا عم... هنقول إيه؟ عالم رايقة!

اللذيذ برضه... البوكيه بـــ 60 دولار ، بعد الضريبة والمستنقعات ، وخدمة التوصيل (الـــ 5 دقايق مشي) بقى 75 دولار ، واتحسبو عليّا في HSBC مصر بحوالي 450 جنيه! ساعتها قعدت أتحسّر على الواد بتاع الورد اللي قدام النادي الأهلي في مدينة نصر ، واللي كنت باعدّي عليه كل مرّة وانا راجع م البرّيمة يظبّطلي البوكيه المتين اللي م الآخر أبو 10 جنيه! والأنقح بقى إن من لحظة دخولي البيت بتاع مدينة نصر ، والبوكيه بيتركن على ترابيزة الصالون ، وبعد أسبوعين وانا خارج راجع البريمة تاني أشيله من ركنته ع الترابيزة بعد ما دبل وعفّن ... و ع الزبالة!

ودخلت كمان على الموقع بتاع المجوهرات ، واتفسّحت فيه شويّة... الموقع تحفة بشكل مبالغ فيه. وبعد ما وصلت للخاتم اللي دخل دماغي ، وخلاص هابدأ أشتريه ، ألاقيه بيسألني عن المقاس (5 – 5.5 – 6 – 6.5 – ... – 9)! يا حلاوة! وافهمها انا ازاي دي ان شاء الله؟! أنا آخري أعرف إن مقاسها بيوصل للعقلة الوسطانية في صابعي الصغيّر. غير كده ؛ ما خدناهاش في المدرسة لسّه! بلاها الخاتم!

دخلت قلّبت في الحلقان ، ما فيهاش مقاسات دي بقى! ونقيت الحلق اللي مخمخ معايا ، كنت بادوّر طبعاً إن الفص بتاعه يكون لونه موف (لونها المفضّل) ، وكان الأوپشن الوحيد قدامي باللون ده هو الـــ Amethyst (حجر الجمشت – من الأحجار الكريمة – بلغة الضاد)! واخترت Express delivery ، ع الفيديكس وصلها بعد يومين ، وملفوف في علبة شيك جداً ، ومعاه ضمان دولي. الجميل في الموقع ده إنه بيدّيلك الحق ترجّعه في خلال 30 يوم وتاخد فلوسك ، وممكن كمان تقسّطه على 5 أقساط شهرية تتخصم من الكريديت كارد بتاعك لو حبّيت ، وبدون أي زيادة في السعر!

بس العيب بقى إنه ما بيقبلش أي كريديت كارد خارج أمريكا وكندا! وده طبعاً اضطرّني أشتري بالفيزا الكندية ، واللي فاتورتها بتتبعت ع البيت ، وهند بتقراها! مش المفروض طبعاً إنها تعرف سعر الهدية ، بس هاعمل إيه؟ ما باليد حيلة! ماهي ممكن تدخل ع الويبسايت وتجيب قراره برضه! مانا عارف دماغها ، ما بتريّحش نفسها البنت دي!

[engamr]

أعزائي / رامي ، أبو رقية ، حسيني... شكراً لوجودكم ، وخالص التقدير.

م. عمرو... يا ألف مرحب بيك في التوبيك ، وفي كندا عن قريب.

بص يا سيدي... بالنسبة لسؤالك عن تورونتو...

جايز عشان جوّها من أحسن الأجواء في كندا في معظم السنة (بخلاف فانكوفر طبعاً) ، وجايز عشان التنوّع الثقافي والجاليات وخصوصاً العربية فيها ، وفرَص الشغل فيها كمدينة كبيرة (زي القاهرة مثلاً) ، وجايز عشان المهاجرين الجدد ليهم معارف هناك.

إدمونتون بقى يا حلو إبقى احكيلنا عنها في الشتا ، ومغامراتك مع الـ -30 والـ -50! ومش بعيد أبقى أحكي أنا لو رحت على إدمونتون :lol:

ونبقى نتكلّم على مختلف مدن كندا اللي شفتهم بعدين.

وبالنسبة للتقديم على الهجرة من داخل كندا ، فالمفروض إنها فعلاً بتكون أسرع ، وفرصتك بتكون أحسن في الشغل كواحد دارس في جامعة كندية ، بس ربنا يستر وما يقولولكش إنك Overqualified!

وبالنسبة للورق اللي تاخده معاك ، فبصراحة ما عنديش فكرة ممكن تحتاج إيه. ممكن تعمل لحد من الأقارب توكيل عام ، وهوّه يلف لك في مصر على أي ورق تحتاجه من هناك ، ويبعتهولك. ثانياً إنتا أكيد هتنزل في أجازة الصيف مثلاً على مدار سنين دراستك هناك... مش رايح وبايع القضية زي ما هاعمل أنا المرة دي! :P

:blink:

شكرا ليك يا د/تهامي وان شاء الله اول ما اوصل واظبط نفسي هناك نبقى نحكي عن الحياه هناك

انا ناوي ان شاء الله اول ما اوصل اقدم على PR وربنا يسهل

شكرا ليك وربنا يوفقك

مستنين منك باقي موضوعاتك الجملية

[engamr]

أعزائي / رامي ، أبو رقية ، حسيني... شكراً لوجودكم ، وخالص التقدير.

م. عمرو... يا ألف مرحب بيك في التوبيك ، وفي كندا عن قريب.

بص يا سيدي... بالنسبة لسؤالك عن تورونتو...

جايز عشان جوّها من أحسن الأجواء في كندا في معظم السنة (بخلاف فانكوفر طبعاً) ، وجايز عشان التنوّع الثقافي والجاليات وخصوصاً العربية فيها ، وفرَص الشغل فيها كمدينة كبيرة (زي القاهرة مثلاً) ، وجايز عشان المهاجرين الجدد ليهم معارف هناك.

إدمونتون بقى يا حلو إبقى احكيلنا عنها في الشتا ، ومغامراتك مع الـ -30 والـ -50! ومش بعيد أبقى أحكي أنا لو رحت على إدمونتون :blink:

ونبقى نتكلّم على مختلف مدن كندا اللي شفتهم بعدين.

وبالنسبة للتقديم على الهجرة من داخل كندا ، فالمفروض إنها فعلاً بتكون أسرع ، وفرصتك بتكون أحسن في الشغل كواحد دارس في جامعة كندية ، بس ربنا يستر وما يقولولكش إنك Overqualified!

وبالنسبة للورق اللي تاخده معاك ، فبصراحة ما عنديش فكرة ممكن تحتاج إيه. ممكن تعمل لحد من الأقارب توكيل عام ، وهوّه يلف لك في مصر على أي ورق تحتاجه من هناك ، ويبعتهولك. ثانياً إنتا أكيد هتنزل في أجازة الصيف مثلاً على مدار سنين دراستك هناك... مش رايح وبايع القضية زي ما هاعمل أنا المرة دي! :sad:

:happy:

شكرا ليك يا د/تهامي وان شاء الله اول ما اوصل واظبط نفسي هناك نبقى نحكي عن الحياه هناك

انا ناوي ان شاء الله اول ما اوصل اقدم على PR وربنا يسهل

شكرا ليك وربنا يوفقك

مستنين منك باقي موضوعاتك الجملية :ninja:

بس يعني اسه overqualified

وليا سؤال تاني معلش

هو انا هناك هبقي research assistant ومنها هاخد المنحة فهل ده يعتبر شغل وانا بقدم لل PR ولا لأ؟؟

[dodietman]

عزيزي دكتور تهامي

تحيه عنيفه ليك ولتوبيكك :sad:

لا زلت اتابع قهوتك باصرار واستمتاع مع إني متدهول (العبد لله نايب طوارئ :blink: ) بس حريص علي متابعة كل المشاركات.فاكر أنا أيام امتياز كنت بقعد اقرا في التوبيك بتاعك مره واتنين وتلاته ادمان والله .هييييييه أيام امتياز دي كان الواحد عامل دماغ رسمي زي ماتكون دماغي طالعه من الفريزر :happy: .تصدق أنا نفسي في الانتخه بتاعة البريمه ديه!!!!!

سؤال محيرني .الدكتور هشام فييييييييييين؟. بالله عليك طمني عليه .تحياتي :ninja:

في رعاية الله

تم تعديل 27 يونيو 2010 بواسطة dodietman

[yassergaafar]

عزيزى الباشا الكبير قوى سعادة الأستاذ الكتور / محمد باشا التهامى

شفاك الله و عفاك .. سلامتك و ألف لا بأس عليك

حركة الإستقاله ديت فكرتنى بالرئيس السادات لما فاجىء العالم و المصريين بحرب أكتوبر ثم زيارة الإسرائيليين فى عقر دارهم .. الله يرحمه كان جرىء و غير نمطى

و زمان قالوا "لا يفوز بالملذات إلا كل مجازف" و قالوا برضه "و من يأبى صعود الجبال يعش أبد الدهر بين الحفر"

السؤال إللى ممكن يفرض نفسه الأن :- "أكلك منيين يابطه (أو يا كندا) ؟" أو بطريقه تانيه "إزاى أجيب فيكى جون يا كندا ؟"

لو تسمح لنا فى مقهاك الجميل ده نعمل Brain Storming و نفكر مع بعض على أساس إن إيد لوحدها متسقفش و نشوف إزاى ممكن كل واحد فينا يصنع قصة نجاحه فى حدود الممكن

و لك منى و لمحبيك أرق و أعطر التحيات

[Safystar]

من مُنطلَق إننا ما زلنا في الشوبنج برضه ، فيه حتة بيرسونال شوية ، بس هوّه إيه في الهاند أوفر ده كله مش بيرسونال؟! wst::

أفتكر لما حبّيت أستنصح واشتريت سلسلتين دهب لماما وشيرين من وول مارت ، وديبو اشترى برضه لمامته واخته في مصر عشان آخدهم معايا ، واستغربت من السلسلة اللي بتلاتين دولار ، وإشي رُخص يا كندا! ولما رجعت البيت هند شافتهم ، ولمحت اللي ما ركّزناش فيه أنا وديبو ، ما احنا في الطراوة بقى... (Gold Plated) يعني دهب قشرة ، وفضحتني طبعاً (حد في الدنيا يشتري دهب من وول مارت؟!)! وكمان الدهب القشرة ده عيار 14! طبعاً سبتهم لها رجّعتهم تاني يوم وأخدت الريفانض!

بالنسبة للدهب في كندا ؛ العادي 14 قيراط ، وآخرهم فيه 18 قيراط ، وده يعني كده م الغالي كمان! بس عشان الإنصاف ، الناس دول اهتمامهم بالدهب مش هوّه الأساس في المجوهرات بتاعتهم ؛ لكن الأساس في السوليتير (الألماظ أو الماس بالعربي) ، وخاتم الشبكة كمثال عندهم لازم يكون سوليتير (بيلعب في رينچ الـــ 10 تلاف دولار)! تلاقي عندهم الماس والأحجار الكريمة واللؤلؤ! حاجات مش معتادة في بلادنا!

هاحكيلك تجربتي في الموضوع ده طالما اتكلّمنا عنه ، وآهو منه برضه تاخد فكرة عن نوع من أنواع الشوبنج المحرومين منه في بلدنا الغالية...

في عيد ميلاد هند 2008 كنت ع البرّيمة ، ومش رايح كندا كمان الأجازة اللي بعدها. قلت طيب هوّه مش الأساس إنها تشوف وشّي زي ما الأهم الهديّة طبعاًّ!

طلعت على چاك (البارچ ماستر الأمريكي أو يعتبر القبطان بتاع البرّيمة ، ورئيسي المباشر إدارياً) ، وقلتله بص يا چاك ؛ إنتا أكيد الموقف اللي انا فيه ده عدّى عليك مع سنين شغلك ع البراريم في خليج المكسيك... عيد ميلاد مراتي الشهر الجاي ، ومش هاكون معاها فيه ، وعاوز أتصرّف لها في هدية من ع النت. ما عندكش أي أفكار؟ چاك أفندي فكّر ومخمخ ، وطلعلي بفكرة ساقطة زيّه...

- يو كان سند هير فلاورز!

- فلاورز؟

- ييس أوف كورس!

- همممم (فلاورز مين بس يا عم الحاج)! ما عرفتش أقول له إيه البيه اللي عايشلي في العصور الوُسطى ده ، ومش عاوز أكسفه! قلتله:

Well, that's a brilliant idea, but knowing my wife's mentality; flowers alone will not be a satisfying gift!

قام قايللي: Women like jewellery! الله يحرقك يا چاك ، هوّه يا بوكيه ورد بجوز جناهات ، يا مجوهرات أشحت بعدها؟! مفيش وسط؟! يا عم چاك... تشتري مجوهرات من ع النت؟ وانتا تآمن تشتريها أونلاين؟ هتوصل؟ آللي آه ، وجرّبها قبل كده والخدمة زي الفل ، ومش غالية ولا حاجة... ممكن بـــ 50 دولار تجيب حاجة كويّسة (البيه خطب مراته بخاتم سوليتير من أبو 500 دولار وشكراً ، وكل برغوت على قد دمه يعني)! طيب ، نجرّب ، ومش هنخسر حاجة!أخدت منه الموقعين بتوع الورد والمجوهرات ، ونزلت ع العيادة أمخمخ براحتي.

كان مدّيني موقع مجمّع كل بتوع الورد في كندا وأمريكا ، وانتا تعيش حياتك معاه وتدوّر على بتاع الورد اللي يعجبك ، وممكن تعمل البحث حسب القرب من عنوانك ، وبيدّيلك العنوان والبوستال كود والتليفون كمان ، بس من غير الويبسايت. بس دي مش مشكلة... أمّال الواد جوجل بيعمل إيه؟ آخد الإسم وعلى جوجل ، و... Voila J. وقعدت أفاضل بين العناوين على جوجل إيرث لغايت ما لقيت واحد جمب البيت (في تقاطع يانج وإجلنتون) ، 400 متر م البيت ، يعني 5 دقايق مشي! دخلت على موقع المحل دوت ، ونقيت بوكية دمه خفيف ، وكتبت الكارت اللي عاوزه يتبعت مع البوكيه ، ودفعت بالكريديت كارد ، وطبعاً حددت اليوم ، والفترة المناسبة ، ولو فيه ملحوظات. طلبت إن التوصيل يكون الساعة 6 م ، عشان أضمن تكون رجعت من شغلها ، وقبل عيد ميلادها بيوم ؛ عشان كانت مسافرة فرنسا في نفس يوم عيد ميلادها تبع الشغل... صدفة عجيبة!

اللذيذ بقى... باتصل بيها على 7 م كده عاوز أعرف الورد وصل ولا لسّه ، وباسألها على أخبار الشغل في اليوم ده. والبنت ولا تجيب سيرة أي حاجة! قفلت معاها وقمت متصل بالراجل بتاع الورد راصصهومله! وده يأكّدلي إن الورد وصل واستلمته كمان ، وماضية باستلامه ، وانا أقول له شوف انتا ودّيته لمين ، أنا لسّه قافل معاها ، وما استلمِتش حاجة!

المهم ، قمت متصل بيها تاني وباسألها ، ما استلمتيش حاجة النهارده؟ ودي تقوللي حاجة زي إيه؟ من نبرة صوتها عرفت انها بتشتغلني! يا بنت اللزينا ، ومدوّخاني ومدوّخة الراجل بتاع الورد ؛ ودي تقوللي أصلك بتتصل وعامللي نفسك ذكي وبتسأل ع الشغل ، وما جبتش سيرة ، وبتسوّس عليّا (الـــ Verb المشتق من سوسة) ، فالهانم قالت تتسلّى عليّا شوية! اتفضّل يا عم... هنقول إيه؟ عالم رايقة!

اللذيذ برضه... البوكيه بـــ 60 دولار ، بعد الضريبة والمستنقعات ، وخدمة التوصيل (الـــ 5 دقايق مشي) بقى 75 دولار ، واتحسبو عليّا في HSBC مصر بحوالي 450 جنيه! ساعتها قعدت أتحسّر على الواد بتاع الورد اللي قدام النادي الأهلي في مدينة نصر ، واللي كنت باعدّي عليه كل مرّة وانا راجع م البرّيمة يظبّطلي البوكيه المتين اللي م الآخر أبو 10 جنيه! والأنقح بقى إن من لحظة دخولي البيت بتاع مدينة نصر ، والبوكيه بيتركن على ترابيزة الصالون ، وبعد أسبوعين وانا خارج راجع البريمة تاني أشيله من ركنته ع الترابيزة بعد ما دبل وعفّن ... و ع الزبالة!

ودخلت كمان على الموقع بتاع المجوهرات ، واتفسّحت فيه شويّة... الموقع تحفة بشكل مبالغ فيه. وبعد ما وصلت للخاتم اللي دخل دماغي ، وخلاص هابدأ أشتريه ، ألاقيه بيسألني عن المقاس (5 – 5.5 – 6 – 6.5 – ... – 9)! يا حلاوة! وافهمها انا ازاي دي ان شاء الله؟! أنا آخري أعرف إن مقاسها بيوصل للعقلة الوسطانية في صابعي الصغيّر. غير كده ؛ ما خدناهاش في المدرسة لسّه! بلاها الخاتم!

دخلت قلّبت في الحلقان ، ما فيهاش مقاسات دي بقى! ونقيت الحلق اللي مخمخ معايا ، كنت بادوّر طبعاً إن الفص بتاعه يكون لونه موف (لونها المفضّل) ، وكان الأوپشن الوحيد قدامي باللون ده هو الـــ Amethyst (حجر الجمشت – من الأحجار الكريمة – بلغة الضاد)! واخترت Express delivery ، ع الفيديكس وصلها بعد يومين ، وملفوف في علبة شيك جداً ، ومعاه ضمان دولي. الجميل في الموقع ده إنه بيدّيلك الحق ترجّعه في خلال 30 يوم وتاخد فلوسك ، وممكن كمان تقسّطه على 5 أقساط شهرية تتخصم من الكريديت كارد بتاعك لو حبّيت ، وبدون أي زيادة في السعر!

بس العيب بقى إنه ما بيقبلش أي كريديت كارد خارج أمريكا وكندا! وده طبعاً اضطرّني أشتري بالفيزا الكندية ، واللي فاتورتها بتتبعت ع البيت ، وهند بتقراها! مش المفروض طبعاً إنها تعرف سعر الهدية ، بس هاعمل إيه؟ ما باليد حيلة! ماهي ممكن تدخل ع الويبسايت وتجيب قراره برضه! مانا عارف دماغها ، ما بتريّحش نفسها البنت دي!

يا سلام اهى دى المواضيع اللى انا بحبها (المجوهرات والسولستير فى كندا ), :unsure: وخصوصا انه موضوع جديد محدش اتكلم فيه قبل كدة:

ودى فعلا معلومات حلوة قوى ومفيدة عن الدهب فى كندا بس انا كنت متاكدة انهم معندهمش اكتر من عيار 18 (دة العيار المفضل ليا ) واعتقد مش كندا بس انما اميركا واغلب اوروبا كمان لانى فى الخبر هنا اجانب كتير جدا زى ما انت عارف و عمرى ما شفتهم بيشتروا حاجة غير 18فى الدهب او السولستير بالذات فى الماس و اما الهنود والباكستان وكل الجنسيات القريبة منهم بيفضلوا 22 جدا اما ال21 فهو الشائع عندنا فى مصر وكل العالم العربى لانى الدهب بتدخل فيه جدا العادات والتقاليد ويعتبر من ثقافات الشعوب على مستوى العالم ومن حوالى نصف قرن وخاصة العشرين سنة الاخيرة ابتدىنا فى مصر والعالم العربى نهتم جدا بالالماس والسوليتير وهنا فى السعودية بيعشقوا حاجة اسمها احجار كريمة

بجد خبرة شراء الدهب عن طريق النت حلوة جدا وجديدة جدا واحسن مليون مرة من الشراء العقيم هنا لانى مش كل الماركات بتنزل والفرجن اللى بينزل بيبقى محدود قوى فى الاختيارات وساعات كتير بتبقى مش اصلية ومتقلدة

ايوة ياريت تركز على المواضيع دى وتكلمنا اكتر واكتر عن الشوبينج بكل انواعه الما بتخلصشلى

[[بص بصراحة لو سمحت وياريت تعمل هاند اوفر تكلمنا فيه عن خبرة فرش شقة هناك بالتفصيل

فى انتظار هاند اوفراتك المفيدة والشيقة

وطالما هند بتقول ان كندا تستاهل التعب وهى عايشة فيها وبتشتغل يبقى اكيد كلامها صح وخلاص توكل على الله وان شاء الله ربنا يوفقك

صافى

[اسكندرانيةكنداوية]

د/ تهامى حمد الله على السلامة و سلامتك ألف سلامة الحمد لله إنك بخير دلوقت و يارب يزيد لك فى الشفا wst:: :lol:

دهب و مرجان و يا قوت أحمدك يارب هو دة الشوبينج الصح هل من مزيد wst::

تعرف يا د/ تهامى أنا أول ما قريت جملة إنك قدمت إستقالتك بطنى وجعتنى و حسيت بالخوف و القلق مع إن لسة قدامى ييجى سنتين قبل ما أفكر فى الإستقالة حقيقى الله يكون فى عونك بجد هو قرار مش سهل لكن لابد منه لإن دة القرار اللى تم التخطيط له من سنين ولإن هو دة القرار الصح وإن شاء الله ربنا يوفقك فى المرحلة الجاية و يهون عليك لحظات المشاعرالمتضاربة وقت تنفيذ القرار :unsure:

وفى إنتظار هاند أوفر المشاعر بعد الإستقالة و الإستقرار بأرض الأحلام

تحياتى يافندم :sad:

[dcfarouk]

واستنى يا احمد يا سيف لما أشوف إزاي أزوّق الكلام ، عشان ما يبقاش صادم لبعض الناس... ناس مقتنعين إن التسمية بتقلل عدد الباكتيريا في اللحوم... هاكلّمهم إزاي في اللي بتقول عليه ده بس؟!

بسم الله الرحمن الرحيم

اولا قبل اي حاجه يا دكتور تهامي الاختلاف لا يفسد في الود قضيه

وانت ليك فضل علينا كلنا في المنتدي

ممكن فعلا ناس كتير تستغرب من كلامي والموضوع ان البسمله بتقلل عدد البكتيريا في اللحوم المذبوحه

وجبت فيديو بيوضح كده ولكن حضرتك شكيت في مصداقيه الفيديو او بمعني اصح انه دجل

ولكن الفيديو ده بيوضح تاثير القران او البسمله وتاثيرها علي الماء في شكل بلوراتها

وقد نشر عالم ياباني غير مسلم كتاب عن ذلك باسم راسله من الماء

واعتقد ان مجرد كلمه تقال ممكن تاثر علي تكوين الجزئ في الماء اللي هو المكون الاساسي لجسم اي كائن حي

بالتالي ممكن يغير في تفاعلات او تكونات بكتيريه في الماء ده او متمثل في الذبيحه التي قد تم التسميه عليها

انا اللي اقصد ان الموضوع مش دجل

http://www.youtube.com/watch?v=RfOTouziEig...feature=related

والفيديو الجاي شوف بالذات دقيقه 4 و 47 ثانيه وشوف الاذان عمل ايه في الميه

http://www.youtube.com/watch?v=CaLbPyx7hvA...feature=related

وشكرا لحضرتك

[yassergaafar]

يا ترى .. إنت فين يا دكتره ؟

ربنا يطمنا عليك يا غالى

ربنا يجعلك فى كل خطوه سلامه

قهوتك من غيرك .. ساده

ما تطل علينا طله .. أصل كلامك دوا .. أى و الله دوا

مستنيينك يا أبو الكرم و الشهامه

تم تعديل 5 يوليو 2010 بواسطة yassergaafar

[ايفانوفيتش]

الف سلامة عليك يا تهامي باشا وابقي طمنا عليك كل شوية يا عم ماتسبناش كدة

[أكسيلانس]

أنت فين يا دكتور - أنا مقصر معاك و الله أني مشغول مش مسألة البر ده و البر التاني و لا حاجه

أنا قرأت لك في مداخلاتك الاخيره أنك أنهيت أرتباطك بالسعوديه و البريمه - و ناوي علي الهجره التانيه - الاستقرار بأرض الاحلام -

و بحكم أني تم أنتخابي المقرر ألاجتماعي لطابور المنتظرين بأرض المحروسه - و بناء علي طلب الجمهير :lol: - نطمع في لقاء مشرفني الفاضل قبل السفر

و أتمني أن تقبل دعوانا و تزودنا بمواعيد سفرك أمتي - يا رب تكون مخطط للترنزيت بمصر ,, :unsure:

خالص تحياتي

[الكندى باذن الله]

يا نهار اسود يا ....يا نهار اسود يا جدعان :unsure:

اسيب مصر كام سنه الاقى كل الناس دى عاوزه تهاجر . طب مين اللى هيعد فى البلد..

معلش ياعمنا د تهامى عضو جديد تايه فى المنتد ى دخل يريح عندك على القهوه ويفضفض شويه من اللى شافه فى التوبيكس التانيه

وعلشان اشكرك على رشاقة الاسلوب والنصايح الجميله

وعندى سؤال ممكن ادخل كندا لللاندنج برا عن طريق امريكا

وتسلملى

[engamr]

هو الناس راحت فين :blink:

يارب يكون المانع خير ان شاء الله

فينك يا د. تهامي؟

[bent misr]

ايه يا تهامي يا أخويا :lol: انت فين يا مرزوق wst::

بجد كتاباتك و موضوعاتك ملهاش حل :blink:

يا ريت تستمر و ماتسبناش لوحدنا هنا لحسن

ايام اللوز و الدماغ العنب شكلها هتذهب مع الريح خلاص :sad:

وهتروح لبلد الكفاح و الوقت من دهب و الكلام ده :ninja:

انا من رأي الف الف مبروك على الاستقاله و ان شاء الله

يكون هوه ده الخير و تروح بقى تقعد مع هند الغلبانه دي

لحسن لو خدت الجنسيه و انت لأ هتبقى مشكله و مش

هاتعرف تكلمها تاني smk: :D

ربنا معاك و يوفقك انت تستاهل كل خير

تم تعديل 11 يوليو 2010 بواسطة bent misr

[Princesse]

شكراً للجميع... واسمحولي أرد إجمالاً... آهو نختصر بس الردود اللي ورانا :ninja:

بالنسبة لودني ، فبعد ما كنت باخد أقراص أوجمنتين 4 جم يومياً لمدة أسبوع ، والالتهاب عمال يزيد ، تقولوش باخد باستيليا؟! wst::

بطلت خالص من كتر الزهق ، وقلت... عيشي يا باكتيريا :blink:

والغريب إن الموضوع قلب على إلتهاب وتورُّم في قناة الأذن الخارجية... والأذن الوُسطى خفت! smk: :D

وقبل السفر للسعودية رحت كشفت عند دكتور بتاع أنف وأذن ، وقاللي على آخر أمل ليّا ، ولو حصلت بعده يبقى كندا تشوف لها حل بقى!

الجيل الرابع من الكينولونز ، Avalox قرص يومياً لمدة 5 تيّام. ومن مُنطلَق إني جايب آخري ، بدأت آخد ضعف الجرعة لضعف المدة... قرصين يومياً لمدة 10 تيّام!

والحمد لله... تمام التمام دلوقتي... وربنا يكمّلها بالستر بقى.

وبالنسبة لباقي أخباري... رجعنا البريمة ، أرض المخمخة والمزاج العنب... لغاية هنا عادي...

اللي مش عادي بقى...

قدمت استقالتي من الشركة ، ودي هتكون آخر شفت ليا في الشغل ، وبكل أسف هاسيب كل الدلع والرفاهية والجو اللي عشت فيه 3 سنين مع نفس الناس اللي مدلّعينني ، ورايح البلد المحبوبة ، اللي الحياة فيها جد إلى حد ما... ولأول مرة في حياتي... أحجز... One-Way Ticket! :lol:

مش عاوز أقول لكم إحساسي عامل إزاي اليومين دول... ولا كأني مهاجر جديد ، وأول مرة أروح كندا!

كندا اللي باحس بالألفة أول ما باوصل مطارها ، بعكس بلدنا الغالية ، واللي متهانين دايماً في مطاراتها ، وجوّاها ، وبسببها في كل مكان! :sad:

هييييييه... ما علينا...

المهم... شكراً للجميع ، وأشوف لكم كبسولاية من اللي بيقول عليهم ليوناردو wst::

واستنى يا احمد يا سيف لما أشوف إزاي أزوّق الكلام ، عشان ما يبقاش صادم لبعض الناس... ناس مقتنعين إن التسمية بتقلل عدد الباكتيريا في اللحوم... هاكلّمهم إزاي في اللي بتقول عليه ده بس؟! :sad:

أحسن قرار اخدته يا دكتور هو تقديم الاستقالة، ألف مبروك و اتمنى انك تجد عمل مناسب في كندا و تقدر تستقر هناك و تبدأ حياة جديدة في كل شئ. بس هناك بقي يا دكتور الشغل مفهوش دلع، الكنديين بيشتغلوا بكل دقة و الشغل مفهوش رحمة و الغلطة بفورة . ربنا معاك و الف مبروك مرة تانية

[dcfarouk]

هيه الحركه الوهابيه دخلت على التوبيك و لا إيه الحكايه يا د / تهامى ؟

ما كنا ماشيين حلو ، إيه إللى حصل ؟

هو الباب ده عن الهجرة للقصيم و بريدة و الرس و لا إيه ؟

إلحقنا يا دكتور تهامى قبل ما نغرق !!!

بجد الرد ده مش عارف ضحكني ليه

ربنا يكرمك

[وليدمحمد]

:rolleyes: :sad: [size="6"]الف سلامة عليك يا دكتورنا يا كبير بجد واللة ان سعيد وانا متابع معاك والكتابة الشيقة الجميلة

اللى متعنا بيها

واللة انا استفت كتيير من خبراتك وربنا يجزيك خير

وادعى لنا ياد تهامى وانا مستنى الكشف الطبى وانا بتفائل بيك وبصراحة انا مش هشكر عن د ياسر جعفر وهو بصراحة نعم الرجل

والاخلاق ميتخيرش عنك من خيرة الناس وهو اخويا الكبير بجد

وادولنا يا جماعة نبقى كدة مع بعض كدة فى كندا على طول صحبة صالحة ونعين بعض على الخير ونقف جنب بعض

باللة عليكم ادعولنا ربنا يعجل بالكشف الطبى

اللهم امين

والف الف مليون مبروك على الاستقالة ودة بصراحة قرار جرىء بس احسن خبر سمعتة انك تسيب البلد دية الا بصراحة

بلد مش مقدرا الناس اللى فيها ةاللة انا لو مسكت منصب هتكون اول وزير صحة فى وزارتنا

ربنا يبارك فى العقول المصرية العبقرية الفذة هى مصر كدة منبع العلماء

وباللة عليك ادعيلى تانى مرة على الكشف الطبى وتحياتى بدوام الصحة العافية

تم تعديل 12 يوليو 2010 بواسطة وليدمحمد

[yassergaafar]

[size="6"]الف سلامة عليك يا دكتورنا يا كبير بجد واللة ان سعيد وانا متابع معاك والكتابة الشيقة الجميلة اللى متعنا بيها

واللة انا استفت كتيير من خبراتك وربنا يجزيك خير

وادعى ياد تهامى وانا مستنى الكشف الطبى وانا بتفائل بيك وبصراحة انا مش هشكر عن د ياسر جعفر وهو بصراحة نعم الرجل والاخلاق ميتخيرش عنك من خيرة الناس وهو اخويا الكبير بجد

وادولنا يا جماعة نبقى كدة مع بعض كدة فى كندا على طول صحبة صالحة ونعين بعض على الخير ونقف جنب بعض

باللة عليكم ادعولنا ربنا يعجل بالكشف الطبى

اللهم امين

أخى الحبيب وليد باشا

ألف شكر على كلماتك الرقيقه

الصراحه الدكتور محمد التهامى حبيته من أول سطر قريته فى التوبيك بتاعه و أتمنى من كل قلبى أنه ينجح فى كندا و كذلك كل الأخوه و الأخوات و عائلاتهم إللى معانا هنا فى المنتدى .. إللى فعلاً باحس من مشاركاتهم و كلماتهم أننا كلنا نعرف بعض من زمان و فيه بينا حب و موده حقيقيه جوه قلوبنا حتى لما بشوف خلافات فى وجهات النظر بأبقى حاسس أنها بدافع حبنا لبعض و خوفنا على بعض و ده من وجهة نظرى الشخصيه قمة الإنسانيه

و بالمناسبه ديه الباشمهندسه سميه صالح الإنسانه الرائعه و السباقه للخير كان نفسها تعمل رابطه للمصريين فى كندا و الرابطه ديه يمكن متحسوش بقيمتها إلا لما تشوفوا بنفسكم النجاح المبهر للجاليتين الصينيه و الهنديه لأن كل عضو قديم بيساعد عضو جديد فى البدايه و أول لما العضو الجديد يقف على رجليه يبتدى هو راخر يتبنى مهاجر جديد من جاليته و هكذا و بالطريقه ديه بينجحوا ومش بيحسوا بالغربه وبيحلوا مشاكل كتيره و أهمها زواج البنات هناك

[عنبو]

واستنى يا احمد يا سيف لما أشوف إزاي أزوّق الكلام ، عشان ما يبقاش صادم لبعض الناس... ناس مقتنعين إن التسمية بتقلل عدد الباكتيريا في اللحوم... هاكلّمهم إزاي في اللي بتقول عليه ده بس؟! :rolleyes:

بسم الله الرحمن الرحيم

اولا قبل اي حاجه يا دكتور تهامي الاختلاف لا يفسد في الود قضيه

وانت ليك فضل علينا كلنا في المنتدي

ممكن فعلا ناس كتير تستغرب من كلامي والموضوع ان البسمله بتقلل عدد البكتيريا في اللحوم المذبوحه

وجبت فيديو بيوضح كده ولكن حضرتك شكيت في مصداقيه الفيديو او بمعني اصح انه دجل

ولكن الفيديو ده بيوضح تاثير القران او البسمله وتاثيرها علي الماء في شكل بلوراتها

وقد نشر عالم ياباني غير مسلم كتاب عن ذلك باسم راسله من الماء

واعتقد ان مجرد كلمه تقال ممكن تاثر علي تكوين الجزئ في الماء اللي هو المكون الاساسي لجسم اي كائن حي

بالتالي ممكن يغير في تفاعلات او تكونات بكتيريه في الماء ده او متمثل في الذبيحه التي قد تم التسميه عليها

انا اللي اقصد ان الموضوع مش دجل

http://www.youtube.com/watch?v=RfOTouziEig...feature=related

والفيديو الجاي شوف بالذات دقيقه 4 و 47 ثانيه وشوف الاذان عمل ايه في الميه

http://www.youtube.com/watch?v=CaLbPyx7hvA...feature=related

وشكرا لحضرتك

تصحيح معلومه يا دكتورفاروق

البحث اللى نشره الدكتور اليابانى ده غير مبنى على اسس علميه

وفيه بروف من امريكا دعاه اكثر من مره لكى يثبت صحة كلامه ولكن رفض الدعوه ورفض اللقاء

وعلى فكره الدعوه مكنتش مقتصره على البحث ده كانت شامله كل ابحاثه

تحياتى

عنبو