كندا التي رأيتها :)

[engamr]

يا جماعه حد ملاحظ معايا ان الاعضاء القدام مبقوش يدخلوا عالمنتدي

يعني هنا د/تهامي وفي مواضيع تانيه زي مثلا موضوع د/هشام

مفيش حد منهم دخل يشارك

ياريت لو في حاجه نعرف

[أحمد سيف]

يا جماعه حد ملاحظ معايا ان الاعضاء القدام مبقوش يدخلوا عالمنتدي

يعني هنا د/تهامي وفي مواضيع تانيه زي مثلا موضوع د/هشام

مفيش حد منهم دخل يشارك

ياريت لو في حاجه نعرف

اسمح لي أجاوب على تساؤلك

الأمر طبيعي جدا ... قبل الأفاضل الذين ذكرت أسماءهم وغيرهم كانت هناك (جيل) سابق قدم خبرته ثم تنحّى بهدوء مفسحا المجال لغيره ... مثل الأفاضل فري فري ووجدي والمهندس ياسر وهادي

ربما كان السبب هو انشغالهم أو شعورهم بالملل أو خلافهم مع بعض الأعضاء أو مع إدارة المنتدى أو حتى لأنه لم يعد لديهم ما يضيفونه ... المهم أن ما ساهموا به من خبرات ونصائح باقية يستفيد منها الأعضاء ويدعون لهم بالخير على ما بذلوا من جهد في هذا السياق.

ولا أتصور كذلك أنهم يبخلون بأنهم سيبخلون بأي نصيحة أو مساعدة لمن يتصل بهم مباشرة.

[engamr]

<!--quoteo(post=627724:date=Jul 14 2010, 02:19 PM:name=engamr)--><div class='quotetop'>إقتباس(engamr @ Jul 14 2010, 02:19 PM) <a href="index.php?act=findpost&pid=627724"><{POST_SNAPBACK}></a></div><div class='quotemain'><!--quotec--><div align='center'><!--sizeo:5--><span style="font-size:18pt;line-height:100%"><!--/sizeo-->يا جماعه حد ملاحظ معايا ان الاعضاء القدام مبقوش يدخلوا عالمنتدي

يعني هنا د/تهامي وفي مواضيع تانيه زي مثلا موضوع د/هشام

مفيش حد منهم دخل يشارك

ياريت لو في حاجه نعرف<!--sizec--></span><!--/sizec--></div><!--QuoteEnd--></div><!--QuoteEEnd-->

اسمح لي أجاوب على تساؤلك

الأمر طبيعي جدا ... قبل الأفاضل الذين ذكرت أسماءهم وغيرهم كانت هناك (جيل) سابق قدم خبرته ثم تنحّى بهدوء مفسحا المجال لغيره ... مثل الأفاضل فري فري ووجدي والمهندس ياسر وهادي

ربما كان السبب هو انشغالهم أو شعورهم بالملل أو خلافهم مع بعض الأعضاء أو مع إدارة المنتدى أو حتى لأنه لم يعد لديهم ما يضيفونه ... المهم أن ما ساهموا به من خبرات ونصائح باقية يستفيد منها الأعضاء ويدعون لهم بالخير على ما بذلوا من جهد في هذا السياق.

ولا أتصور كذلك أنهم يبخلون بأنهم سيبخلون بأي نصيحة أو مساعدة لمن يتصل بهم مباشرة.

انا معاك في كل ده

بس على الاقل نعرف اذا كان ده انسحاب ولا انشغال

بس مش اكتر

[عمرو السيد]

اسمحولي يا جماعه اتا لسه مخلص قرايه في الأوبك ده معقوله اكتر من 15 يوم مفيش بني ادم كتب كلمه واللي أنا شفته انه كان في اليوم الواحد اكتر من 10 مداخلات

الموضوع ده لازم يكون في اول صفحه مش في الاخر أنا بجد مش مصدق يا تري إيه اللي حصل ؟؟؟؟؟؟

كلمه للأخ تهامي أنا سعيد جدا بكل كلمه حضرتك كتبتها في الموضوع ده سواء كانت في مواضيعك و ردودك انت بجد قدرت تجمع الناس حواليك وتحكي اللي انت بتشوفه وتجربه وانت مش ملزم تعمل كده بس احي فيك روحك وإيمانكم الشديد بالمنتدي وموضوعك أنا عارف انك ممكن تكون مشغول وبعد مسبت الشغل دخلت مرحله جديده من حياتك بس ياريت تطمن الناس اللي كانت بتللف حواليك وتسمع أخبارك

أنا إنشاء الله تكتب في الموضوع ده بطريقه مستمره عشان يرجع صفحه اولي حتي لو حكتب فيه يوميا و لوحدي

أسف علي الاطاله بس كان لازم اكتب الكلمتين دول

عمرو  

[yassergaafar]

الصراحه الدكتور محمد التهامى شخصيه رائعه و فريده من نوعها

و الله أنا حبيت الراجل ده من أول سطر قريتهولوه

تحس و أنت بتقراله أنه بيكتب لك لوحدك و كلامه صادق و فضفضه ما بين أصدقاء قدامى ..خصوصاً لما ما يكونش بينهم مصالح ماديه

و تحس أنه راجل واقعى و عملى و نزيه و لما ظروفه بتبقى حلوه بيدلع نفسه بأكله كويسه أو فسحه فى المحلات

الراجل طبيعى و بسيط مش معقد و معندهوش أى ضغائن أو كلاكيع عايش حياته ببساطه و بيستمتع بنعم ربنا عليه بلا إفراط أو تفريط

إنسان مصرى جميل بمعنى الكلمه تتمنى من كل قلبك إنه يكون أعز أصحابك

فعلاً أنا بتمنى من كل قلبى أنه يكون من أعز أصدقائى

[عمرو السيد]

و انا معاك قلبا و قالبا و ان شاء الله لو ربنا كاتبلي و رحت تورنتو اكيييييييييييييييييد هكلمه و اقابله و اكيد هيكون واحد من الناس المحترمين اللي عرفتهم فى حياتي bv:-

والله ما اقصد رياء و لا سمعه بس و الله فعلا الانسان بيبان من كلامه و د\ تهامي فعلا كان خير مثال علي كده

كان فى اوقات كتيره بحس ان اللي هوا بيعمله ده انا كنت هعمل زيه اكيد و لما بيجيب سيرة كليه ضباط احتياط و الجيش كان بيقلب عليا المواجع اصلي كنت دفعه 126 و ياما اتبهدلت :blush2: :blush2:

المهم بجد اننا نطمن عليه و الناس اللي كانت كل يوم بتكتب و اول ما الراجل اختفي و لا حد سئل و لا حد كتب و لا اي حاجه ده بصراحه اللي نرفزني بس md2:

عمرو

[أحمد سيف]

المهم بجد اننا نطمن عليه و الناس اللي كانت كل يوم بتكتب و اول ما الراجل اختفي و لا حد سئل و لا حد كتب و لا اي حاجه ده بصراحه اللي نرفزني بس md2:

عمرو

ما تقلقلش الدكتور تهامي مشرف في المنتدى يعني صاحب بيت ... هو تلاقيه مشغول شويه اليومن دول

[عمرو السيد]

المهم بجد اننا نطمن عليه و الناس اللي كانت كل يوم بتكتب و اول ما الراجل اختفي و لا حد سئل و لا حد كتب و لا اي حاجه ده بصراحه اللي نرفزني بس md2:

عمرو

ما تقلقلش الدكتور تهامي مشرف في المنتدى يعني صاحب بيت ... هو تلاقيه مشغول شويه اليومن دول

شكرا يا احمد باشا اتمني نشوفه تاني هنا قريب انشاء الله ......

عمرو

[Pharmaher]

كل سنة وانت طيب يا دكتور تهامي

ورمضان كريم عليك وعلى الاسرة الكريمة

يا ترى صايم في تورونتو ولا في مصر ؟

ربنا يتقبل منا و منك صالح الاعمال

[ramyfathalla]

حرام التوبيك ده يرجع لورا

د / تهامى بذل مجهود كبير قوى خسارة التوبيك يتهجر بالششكل ده

ده كفاية الصور و المعلومات القيمة اللى فيه

أدعى لك فى هذا الشهر الكريم يا د / تهامى بالتوفيق و النجاح دائما و أبدا و ربنا يجازيك بكل حرف و كل ثانية بذلتها فى هذا التوبيك حسنة و يكرمك ربنا و تبقى دكتور كندى قد الدنيا

تحياتى الخالصة لك يا د / تهامى و ما زلت عندى أمل فى رجوعك لنا من تانى

[yassergaafar]

الله يكرمك على روحك الحلوه دى يا رامى باشا

و رمضان كريم

[hgalal]

كل سنة وانت طيب يا دكتور تهامي ورمضان كريم

اتمنى ان تكون في احسن صحه وحال انت والإسره الكريمه

واخبار الصيام في كندا ايه ؟

معلش ان بقى لي كتير ما كتبتش لكن كنت مستني اخلص المواضييع اللي فاتتني :blush2:

بصراحه جزاك الله كل خير على الموضوعات السابقه جميعاٍ في منتهي الجمال.

ربنا يتقبل منا و منك صالح الاعمال وخساره مش حعرف اكلمك على البريمه تاني لكن ربنا يوفقك يارب.

طبعاً انا كتبت لك كذا ايميل لكن ولا رد اكيد مشغول طب ياريت حتى ترد على الخاص ، :closedeyes:

واتمنى ان نسمع اخبارك قريباً

[cutey]

لا الموضوع دا بالذااااات عيب لما يرجع ورا

لأنه من امتع وأفيد الموضوعات هنا

وخصوصا مع الأسلوب المميز لدكتور تهامي اللى كله بساطة وخفة ظل

يارب تكون بخير يا دكتور تهامي والحياة تكون ميسرة معاك في كندا

ويارب تلاقي وقت تدخل تطمنا عليك

كل سنة وحضرتك طيب

[cutey]

يا جماعه حد ملاحظ معايا ان الاعضاء القدام مبقوش يدخلوا عالمنتدي

يعني هنا د/تهامي وفي مواضيع تانيه زي مثلا موضوع د/هشام

مفيش حد منهم دخل يشارك

ياريت لو في حاجه نعرف

اسمح لي أجاوب على تساؤلك

الأمر طبيعي جدا ... قبل الأفاضل الذين ذكرت أسماءهم وغيرهم كانت هناك (جيل) سابق قدم خبرته ثم تنحّى بهدوء مفسحا المجال لغيره ... مثل الأفاضل فري فري ووجدي والمهندس ياسر وهادي

ربما كان السبب هو انشغالهم أو شعورهم بالملل أو خلافهم مع بعض الأعضاء أو مع إدارة المنتدى أو حتى لأنه لم يعد لديهم ما يضيفونه ... المهم أن ما ساهموا به من خبرات ونصائح باقية يستفيد منها الأعضاء ويدعون لهم بالخير على ما بذلوا من جهد في هذا السياق.

ولا أتصور كذلك أنهم يبخلون بأنهم سيبخلون بأي نصيحة أو مساعدة لمن يتصل بهم مباشرة.

عارف يا دكتور سيف؟؟ رد حضرتك بجد مقنع جدا... و احنا مقدرين انشغال الناس دى تماما وبندعيلهم من كل قلوبنا ان ربنا يوفقهم لكل خير وييسر لهم حياتهم.. بس احنا ممكن تقول مصدومين .. ان الناس دى كلها حبيناهم بجد .. زى دكتور تهامى ودكتور هشام و باشمهندس ايهاب .. الناس دى بجد كانت صادقة ومخلصة فى النصيحة... هو بس واقع انهم مش فاضيين واننا ممكن نتحرم من مشلؤكاتهم .. واقع صادم شوية .. لارتباطنا بالناس دى وحبنا الشديد ليهم :sad:

ربنا يكرمهم كلهم ويوفقهم ويطمنا عليهم

[Leonardo da vinci]

السلام عليكم ورحمه الله وبركاته با صحبه الخير

فينك يا دكتور محمد والله وحشينا كلنا و وحشتنا كبسولاتك اللي كانت اول لما تنزل الواحد علي طول ياخده كوبي وباست احسن النت يقطع مني واقعد اقزقز فيها برحتي يا جماعه والله حرام التوبيك ده يبقي في الاخر كده او يتم اهمله ,,,,, يا جماعه التوبيك ده في معلومات كتير قيمه وصور كتير قيمه يا دكتور كل عام وانت طيب ,,, طمن عليك و هقولك مستنين أي كبسوله من كبسولاتك اللي زي العسل ,,,, سلام يا دكتور

[ايناس احمد]

كل سنه وحضرتك طيب يادكتور تهامى

عيد سعيدوربنا يعودعلينا الايام بخير يارب تكون بخيرحضرتك ومدام هند

ياترى حضرتك قضيت العيدفى تورونتو ولا فى المنصوره

[yosef elmadysm]

كل سنه وحضرتك طيب يادكتور تهامى

نتمنى لك كل خير

[moheltohamy]

:amb: إحنا بتوع الإسعااااااااف :amb:

معلش ع الغيبة الطويلة دي... إن شاء الله نروق كده ونرجع لقعدات المصاطب بتاعتنا بتاعة زمان... مسيري أبقى أحكيلكم على لخبطة النقلة الحضارية بتاعة الاستقرار النهائي دي بعدين. وكل سنة وانتم جميعاً طيبين وبخير :wub:

بس مبدئياً...أحب أطمّنكم جميعاً ، وأحييكم من Cadotte Lake, Alberta ، ودي مدينة صغنّونة في شمال ألبيرتا. ومن نقطة إسعاف North Alta IMS ، وأثناء تصوير النسخة الكندية من فيلم 55 إسعاف ، بس عشان الحبكة الدرامية... إسمها 2057 Ambulance :D

وبرضه بطولة محمد سعد والبت ميجان هالاس... بس أحب أقول لكم حاجة... أنا مش السواق الأجير على رأي محمد سعد في انسخة المصرية ، ولا المُسعِف الحقير على رأي أحمد حلمي... في الواقع أنا وهيّا بنتبادل أدوار الأجير والحقير :blush2:

:yahoo: وسّع للإسعاااااااااااف يا جدع:yahoo:

[عمرو السيد]

حمدلله علي السلامه يا دكترة والله العظيم نورت انت فين بس سيبك انت الصورة جميله

علي العموم أنا قلت أقولك كل سنه و حضرتك طيب ومستني في الصف الاول الحكاوي بتاعت زمان.

عمرو

[terminator]

:amb: إحنا بتوع الإسعااااااااف :amb:

معلش ع الغيبة الطويلة دي... إن شاء الله نروق كده ونرجع لقعدات المصاطب بتاعتنا بتاعة زمان... مسيري أبقى أحكيلكم على لخبطة النقلة الحضارية بتاعة الاستقرار النهائي دي بعدين. وكل سنة وانتم جميعاً طيبين وبخير :wub:

بس مبدئياً...أحب أطمّنكم جميعاً ، وأحييكم من Cadotte Lake, Alberta ، ودي مدينة صغنّونة في شمال ألبيرتا. ومن نقطة إسعاف North Alta IMS ، وأثناء تصوير النسخة الكندية من فيلم 55 إسعاف ، بس عشان الحبكة الدرامية... إسمها 2057 Ambulance :D

وبرضه بطولة محمد سعد والبت ميجان هالاس... بس أحب أقول لكم حاجة... أنا مش السواق الأجير على رأي محمد سعد في انسخة المصرية ، ولا المُسعِف الحقير على رأي أحمد حلمي... في الواقع أنا وهيّا بنتبادل أدوار الأجير والحقير :blush2:

:yahoo: وسّع للإسعاااااااااااف يا جدع:yahoo:

ياااااااااه .. أخيرا رجعت يا دكتور تهامى !! كده احنا اتطمنا عليك

عاوزين بقى نتطمن على ميجان والاس:happy: