كندا التي رأيتها :)

[starsideus]

بالمناسبة يا دكتور اغلب الصور اللي حضرتك نشرتها مش ظاهرة :sad:

[Princesse]

د. تهامي كل سنة وانت طيب و رمضان كريم, بجد توبيك اكتر من رائع و موهبة قصصية لا شك فيها, انا عضو في المنتدى من حوالي سنة و نصف تقريبا بس كنت مركز بس على التوبيكس الخاصة بمعلومات الهجرة و الاوراق و التقديم بس من اول رمضان كدة قلت افتح التوبيك و من ساعتها و انا مش عاوز اكتب اي تعليق غير لما اخلص ال140 صفحة اللي في التوبيك, بجد ادمان لدرجة ان مديري ابتدى يخنق عليا من كتر ما باكون فاتح التوبيك بتاع حضرتك وانا في الشغل بالرغم من اني task based مش shift based يعني هو بيديني الtasks بتاعت الاسبوع كلة و انا و شطارتي اخلصها في 5 ايام او في 5 ساعات زي ما انا عايز المهم اني التزم بالdeadline بس مع ذال الادارة المصرية للاسف زي الزفت.

احساس غريب جدا ان الواحد يتعرف على انسان و يقرا قصة حياتة كاملة من على الورق, عشان كدة حاسس اني اعرفك من زمااااااان يالرغم من ان عمري ما قابلتك, دة الى جانب التشابه في الطباع اصل اخوك غاوي برضة اليكترونيكس و مدمن meat steaks و عاشق للسفر جوة مصر و برة مصر دة الى جانب اني مشاركك في عشق كندا بالرغم من اني لسة ما شفتهاش بس اخدت فكرة عنها نوعا ما من خلال زيارتي ل California في شهر ابريل اللي فات بعد الثورة و طبعا من خلال الهاند اوفر الاكتر من رائع الخاص بحضرتك.

الللي زعلني بجد ان بعد الجو الجميل اللي الواحد عاشة في القهوة بتاعت حضرتك في الاسبوعين الللي فاتو دلوقتي حاسس انها بقت فاضية و متربة, بجد ياريت نسمع من حضرتك تاني, و عموما انا باستأذنك اني اكتب شوية مواقف كدة حصلتلي في اثناء سفرياتي تأكيدا على النقط اللي حضرتك اتكلمت فيها و ياريت تقبلني صديق ليك و عل و عسى نتقابل في كندا عن قريب, اخوك مقدم فيدرال من شهر كدة في النظام الجديد و ربن يسهل بس دعواتك لينا.

يمكن في ناس بتستغرب ان اللي كان عايز يسافر قبل الثورة لسة عايز يسافر بعد الثورة بس انا عايز اوضح حاجة, في ديسمبر 2010 انا كنت و صلت لمرحلة من اليأس من البلد لا توصف بالرغم من اني موظف في شركة multinational و مرتبي محترم بالنسبة للمقاييس المصرية لكن فية حاجات كتير مش هاتقدر تشتريها بالفلوس حتى لو معاك مليارات, وقت الثورة انا كنت في ميدان التحرير و اعز اصدقائي اتقتل قدامي, و اعتصمت لحد ما مبارك سقط و كتبت مقالات و شاركت في ندوات و لما رحت امريكا في ابريل شفت الاحترام في عيون الامريكان لية لمجرد انهم يعرفو اني مصري, بس ليلة سفري ابويا سألني ان كنت ناوي ارجع تاني و لية مصر على السفر بعد ما مبارك مشي و البلد هاتبتدي تنضف, طبعا قلتلوا ان امريكا مش هي خطتي بس كندا هتكون ان شاء الله الخطوة الجاية اما بخصوص اصراري على السفر فدة مافيهوش تعارض مع مشاركتي في الثورة, انا زي ملايين من المصريين اللي زهقوا و طهقوا و نزلو الشارع لكن بعد مبارك هل البلد هتكون جنة بين يوم وليلة؟ هل السلبيات اللي انتشرت فينا هتختفي مع شروق شمس اليوم الجديد؟ اكيد لأ, السلبيات دي محتاجة تغيير بشر كبروا و اتعودوا عليها يعني في جيل جديد دلوقتي من الاطفال بيتربى على انو يقول اسف و بعد اذنك و لو سمحت و بيتعلم يكون ايجابي و يشارك في السياسة الجيل دة هيكون هو الامل و دة هيكون نقي بنسبة 70% و الجيل اللي هييجي بعدة هيكون نقي بنسبة 100% يعني بنتكلم في 30 ل 40 سنة ساعتها اكون انا على المعاش ان كان لينا عمر, طيب السؤال التاني انا اقدر اعمل اية لبلدي دلوقتي؟ حاليا مش كتير يعني انا مش احمد زويل او فاروق الباز ولا انا رجل اعمال غني اقدر اصرف على المشاريع الجديدة, لكن من خلال سفري اقدر اغير الوضع دة يا اما احقق طموحاتي الاكاديمية اللي اندفنت في مصر من زمااااااان او احقق نجاحات مادية و في الحالتين هاقدر اساعد البلد افضل مما لو كنت جواها.

حاجة اخيرة: اسوأ حاجة عملها مبارك مش انو سرق البلد او سجن وقتل و عذب ابرياء كتير او حتى انو دمر البنية التحتية و باع ثروات البلد لأعداءنا لا لا لا, الحاجات دي كلها تتعوض بسهولة, لكن اللي ميتعوضش هو الدمار الهائل في العقول و النفوس و الاخلاقيات.

أتقف معاك يا starsideus

أن مبارك خرب ضمائر الناس...وشوه النفوس

أنا زاحدة من الناس مش مستغربة ان حضرتك لسة مصمم تسافر بعد الهجرة...بالعكس انا شايفة ان الاقبال على الهجرة زاد بعد الثورة

الكل خايف من المستقبل: هل هيحكم مصر السلفيين و الجماعات المتطرفة؟

هل هيكون فيه حرب قادمة مع إسرائيل؟

هل في ثورة جياع ؟

أسئلة كتييييرة

[moheltohamy]

هو انا ليه حاسة بمبالغة زيادة...يعنى الحياة عمرها ما هى شهر عسل...وبعدين انت بتحكى عن دلوقتى...طيب لحد ما لقيت شغل و استقريت فيه...كان الوضع ايه.. وما تنساش إنه لولا فلوس السعودية...ماكنتش اساسا هتصمد...

حاجة كمان..

موضوع ان الشغل بمجهود أٌل من السعودية دى مشكوووووووووووووووك فيها جدا لأنك أصلا ماكنتش بتعمل حاجة فى السعودية..يبقى انت هنا بتقبض و انت نايم فى البيت ولا إيه:closedeyes:

معلش احنا بنتكلم مع بعض يعنى ما فيش حاجة...

و عظيمة يا كندا يا ارض النعم

إيه عايزين انطباعك بعد ما قدمت الأقرار الضريبى و هل ساعتها كنت اشتغلت ولا لسه؟؟ و قبضت الفلوس اللى هى اكتر من بتاعة السعودية:protest:

لما قدمت الإقرار الضريبي كنت باشتغل ، ورجعولي 1700 دولار وقالولي إحنا آسفين يا أستاذ تهامي ، ما كناش نعرف إنك المشرف الأخضر بتاع كندا

ومبدئياً كده فلوس السعودية اللي قعدت أتطحن فيها 3 سنين ، صمدت معايا لمدة... آممم... 3 شهور :blush2:

وحكاية المجهود أقل من السعودية دي كتبتها وأنا باتذكر أحد الكونصالتانتس اللي اشتغلت معاهم لما رحت له في أول أيامي ، وبعد ما قاللي أندهلك بإيه بقى يا دكتور؟ (لاري اللي غاوي يتمنظر بيا دايماً)... المهم لما سألته كالمعتاد في البداية (What are your expectations from me?) ، والاقيه بيقوللي (Just don't let people die). smk:

أنا حتى في مرة كاوتشة ضربت من عربيتي وانا في الطريق للكامب عشان الغدا ، كلمته وقلتله أنا معكوك في الكاوتشة (ملحوظة: درجة الحرارة كانت سالب حاجة وعشرين وأنا بارش على ركبي ع التلج وباعافر عشان أفك الكاوتشة) ، لقيته جايلي (مدير الموقع بنفسه) ، وينزل تحت العربية ويغيّرلي الكاوتشة ، ولما حاولت أساعده في فك الكاوتشة البايظة ألاقيه يرفض ، ويقوللي ارتاح انتا...

ناس بسكويت يا بنتي بجد ، وهوّه أنا حبيت البلد دي وناسها من شوية؟ :wub:

في المعتاد بيقوللي عايزك تحضر الميتنج الصباحي وأحياناً المسائي ، وتاخد توقيع كل واحد جديد في اللوكيشن ، وتنسق مع الإسعاف الطائر ، وحاجات كده يعني.

وحتى الشغل المُنتظر مني هنا مجرد إسعافات أولية ، في السعودية كنت باعالج كل حاجة ، وحاجات فوق المسموح بيه ، وباشيل المسؤولية لو حصل لها مضاعفات.

ويكفي إني في كندا ، بلدي المحبوب :wub:

[لماضة مصرية جدا]

السلام عليكم و رحمة الله و بركاته

احم احم

دااااااااستور

احسن يكون حد خالع راسه و لا حاجة

انا جيت علشان اقول لدكتور توهامي و الناس اللي منورين التوبيك هنا

و انا

و انت

و الناس الحلوة

و اللي مقدمين علي الهجرة

و اللي لسه بيفكروا

و اللي مستنين

و سمعنا يا جدع اجمد سلام مربع

ربنا يوفقكم

و اسمحولي ازق كتف معاكم...مستمتعة اخر سبع حاجات

مش بس بالحكايات

لا علشان انتو بتحطوا عليها جزء من شخصياتكم و بتاخدونا بعيونكم جوه مصر و براها

انا عايشة دلوقتي بين مصر و الخليج...لكين ليه لا...(وش حد بيهرش في دماغه)

مش يمكن....يمكن مش.....و تلاقوني بفكر للجوء الي كنكا

مساكم....صباحكم....حواديت انسانية اوي

[moheltohamy]

دكتور تهامى رمضان كريم اوى جدا عليك و على كال المسلمين اخوك من الناس إللى عايشة فى الخليج و من حزب المقتنعين بان اليخمة بتاعتة ما تتعوضش

و لحظة الاختيار قربت بين خطة السنتين و خطة ال3 سنين و بعد اذنك يا ريس اية عيوب خطة السنتين و اية مميزات خطة ال3 سنين

هل فى اى احتمالات حركات نص كم عند تجديد البى ار بعد سنتين عالجنط

غلطان يا عزيزي...

لو على اليخمة بتاعة الخليج ، فيخمة كندا أحلى منها بكتير ، واللي هتبدأه بعد 3 سنين ممكن تبدأه بعد سنتين ، وترستق أمورك بدري بدري...

أنا عن نفسي ضيعت سنين ع الفاضي ، عشان كنت فاكر إن الفلوس في الخليج ، بس لقيت الفلوس أكتر في كندا لو مشيت في السكة بتاعتك صح من بدري.

وبدل ما تقدم على تجديد بي آر ع الجنط ، ما تقدم ع الجنسية مباشرةً وتبقى ملك زمانك. المفروض تبعاً لموظف الهجرة اللي كلمته ع التليفون إن القانون واضح ، وسنتين داخل كندا من آخر خمسة ، يبقى هتاخد بي آر جديد ، بس لو مش مرتاحين لحاجات في الأبليكيشن بتاعتك هيبعتوا يطلبوا مستندات وإثباتات.

اللي أنا ملاحظه إن الدنيا بتقفل وبتزيد صعوبة كل يوم عن اللي قبله ، ومع سيطرة المحافظين بأغلبية على الحكومة ، ودي ما حصلتش من مدة ، توقع الدنيا هتخنق أكتر ماهي مخنوقة أصلاً.

السنة دي هتحوّش لك كام من مرمطة الخليج؟ 30 ألف دولار؟ 40 ألف دولار؟ 50 الف دولار؟

طيب ما تيجي إن شاللا حتى تاخد قرض دراسي وتدرس في أي جامعة بروجرام سنة أو اتنين ، وده هيغطي مصاريف الدراسة ومصاريفك الشخصية ، وبعد ما تتخرج وتشتغل ، وتدخل سوق العمل ، تقدر تسدده بالتقسيط المريح ، وتعيش حياتك ، وتستمتع بالحياة في مجتمع نضيف. الحياة مش طويلة أوي عشان تضيّع منها سنة في وهم اسمه يخمة الخليج!

إبدأ يا عزيزي بناء هيستوري وخبرة في البلد ، وما تحرقش بنزين ع الفاضي!

[moheltohamy]

السلام عليكم و رحمة الله و بركاته

احم احم

دااااااااستور

احسن يكون حد خالع راسه و لا حاجة

انا جيت علشان اقول لدكتور توهامي و الناس اللي منورين التوبيك هنا

و انا

و انت

و الناس الحلوة

و اللي مقدمين علي الهجرة

و اللي لسه بيفكروا

و اللي مستنين

و سمعنا يا جدع اجمد سلام مربع

ربنا يوفقكم

و اسمحولي ازق كتف معاكم...مستمتعة اخر سبع حاجات

مش بس بالحكايات

لا علشان انتو بتحطوا عليها جزء من شخصياتكم و بتاخدونا بعيونكم جوه مصر و براها

انا عايشة دلوقتي بين مصر و الخليج...لكين ليه لا...(وش حد بيهرش في دماغه)

مش يمكن....يمكن مش.....و تلاقوني بفكر للجوء الي كنكا

مساكم....صباحكم....حواديت انسانية اوي

لمااااضة...

دا يبقى يوم الهنا لما ربنا يهديكي وتنوي ع القدوم لبلدي المحبوب ، ربنا يكمّلك بعقلك يا بنتي.

واحنا نطول نلاقي لماضة بنفسها منورة هنا وسط التلج ، وتبقي لماضة كندية جداً :closedeyes:

وميرسي يا فندم على وجودك

[moheltohamy]

طيب يا دكتور لتغيير الموضوع , مردتش عليا في سؤالي يا تري olive garden موجود عندكوا ولا لا ؟؟؟؟ -_-

أنا ما لمحتوش يا هندسة الصراحة... ممكن د. هشام يفيدك في القصة دي ، من منطلق إنه غاوي مطاعم زيي! md2:

بس بشوية سيرش بُساط... عرفت إنه قفل الفرع بتاعه في تورونتو ، واستمر بعدها شوية في الغرب (ألبيرتا وفانكوفر) ، وحالياً ، مالهومش أي فروع في كندا!

بس فيه مطاعم إيتاليانو تانية كتير ، هتعجبك... ما تقلقش :closedeyes:

مشاركة قديمة ، أحب أضيف ليها ملحوظة عشان هيما ما يزعلش :)

أوليف جاردن موجود يا باشا في جنوب إدمونتون على Gateway Blvd. يعني مش هتبقى نفسك في حاجة لو جيت كندا. أكله حلو فعلاً ، بس ما تطلبش أكتر من طبق واحد مين ميل. عملت فيها الـ 7 رجال في بعض وطلبت طلبين ، وقلت للويتر ما لكش دعوة ، أنا باحب كده. وكنت هاموت ، وما عرفتش أخلّص الطبق التاني ، وأخدته تو جو في الآخر :blush2:

[MZohairy]

طيب ما تيجي إن شاللا حتى تاخد قرض دراسي وتدرس في أي جامعة بروجرام سنة أو اتنين ، وده هيغطي مصاريف الدراسة ومصاريفك الشخصية ، وبعد ما تتخرج وتشتغل ، وتدخل سوق العمل ، تقدر تسدده بالتقسيط المريح ، وتعيش حياتك ، وتستمتع بالحياة في مجتمع نضيف. الحياة مش طويلة أوي عشان تضيّع منها سنة في وهم اسمه يخمة الخليج!

الراجل الدكتور ده بيتكلم صح في الحته اللي فوق دي

صح جدا

[moheltohamy]

د. تهامي كل سنة وانت طيب و رمضان كريم, بجد توبيك اكتر من رائع و موهبة قصصية لا شك فيها, انا عضو في المنتدى من حوالي سنة و نصف تقريبا بس كنت مركز بس على التوبيكس الخاصة بمعلومات الهجرة و الاوراق و التقديم بس من اول رمضان كدة قلت افتح التوبيك و من ساعتها و انا مش عاوز اكتب اي تعليق غير لما اخلص ال140 صفحة اللي في التوبيك, بجد ادمان لدرجة ان مديري ابتدى يخنق عليا من كتر ما باكون فاتح التوبيك بتاع حضرتك وانا في الشغل بالرغم من اني task based مش shift based يعني هو بيديني الtasks بتاعت الاسبوع كلة و انا و شطارتي اخلصها في 5 ايام او في 5 ساعات زي ما انا عايز المهم اني التزم بالdeadline بس مع ذال الادارة المصرية للاسف زي الزفت.

احساس غريب جدا ان الواحد يتعرف على انسان و يقرا قصة حياتة كاملة من على الورق, عشان كدة حاسس اني اعرفك من زمااااااان يالرغم من ان عمري ما قابلتك, دة الى جانب التشابه في الطباع اصل اخوك غاوي برضة اليكترونيكس و مدمن meat steaks و عاشق للسفر جوة مصر و برة مصر دة الى جانب اني مشاركك في عشق كندا بالرغم من اني لسة ما شفتهاش بس اخدت فكرة عنها نوعا ما من خلال زيارتي ل California في شهر ابريل اللي فات بعد الثورة و طبعا من خلال الهاند اوفر الاكتر من رائع الخاص بحضرتك.

الللي زعلني بجد ان بعد الجو الجميل اللي الواحد عاشة في القهوة بتاعت حضرتك في الاسبوعين الللي فاتو دلوقتي حاسس انها بقت فاضية و متربة, بجد ياريت نسمع من حضرتك تاني, و عموما انا باستأذنك اني اكتب شوية مواقف كدة حصلتلي في اثناء سفرياتي تأكيدا على النقط اللي حضرتك اتكلمت فيها و ياريت تقبلني صديق ليك و عل و عسى نتقابل في كندا عن قريب, اخوك مقدم فيدرال من شهر كدة في النظام الجديد و ربن يسهل بس دعواتك لينا.

يمكن في ناس بتستغرب ان اللي كان عايز يسافر قبل الثورة لسة عايز يسافر بعد الثورة بس انا عايز اوضح حاجة, في ديسمبر 2010 انا كنت و صلت لمرحلة من اليأس من البلد لا توصف بالرغم من اني موظف في شركة multinational و مرتبي محترم بالنسبة للمقاييس المصرية لكن فية حاجات كتير مش هاتقدر تشتريها بالفلوس حتى لو معاك مليارات, وقت الثورة انا كنت في ميدان التحرير و اعز اصدقائي اتقتل قدامي, و اعتصمت لحد ما مبارك سقط و كتبت مقالات و شاركت في ندوات و لما رحت امريكا في ابريل شفت الاحترام في عيون الامريكان لية لمجرد انهم يعرفو اني مصري, بس ليلة سفري ابويا سألني ان كنت ناوي ارجع تاني و لية مصر على السفر بعد ما مبارك مشي و البلد هاتبتدي تنضف, طبعا قلتلوا ان امريكا مش هي خطتي بس كندا هتكون ان شاء الله الخطوة الجاية اما بخصوص اصراري على السفر فدة مافيهوش تعارض مع مشاركتي في الثورة, انا زي ملايين من المصريين اللي زهقوا و طهقوا و نزلو الشارع لكن بعد مبارك هل البلد هتكون جنة بين يوم وليلة؟ هل السلبيات اللي انتشرت فينا هتختفي مع شروق شمس اليوم الجديد؟ اكيد لأ, السلبيات دي محتاجة تغيير بشر كبروا و اتعودوا عليها يعني في جيل جديد دلوقتي من الاطفال بيتربى على انو يقول اسف و بعد اذنك و لو سمحت و بيتعلم يكون ايجابي و يشارك في السياسة الجيل دة هيكون هو الامل و دة هيكون نقي بنسبة 70% و الجيل اللي هييجي بعدة هيكون نقي بنسبة 100% يعني بنتكلم في 30 ل 40 سنة ساعتها اكون انا على المعاش ان كان لينا عمر, طيب السؤال التاني انا اقدر اعمل اية لبلدي دلوقتي؟ حاليا مش كتير يعني انا مش احمد زويل او فاروق الباز ولا انا رجل اعمال غني اقدر اصرف على المشاريع الجديدة, لكن من خلال سفري اقدر اغير الوضع دة يا اما احقق طموحاتي الاكاديمية اللي اندفنت في مصر من زمااااااان او احقق نجاحات مادية و في الحالتين هاقدر اساعد البلد افضل مما لو كنت جواها.

حاجة اخيرة: اسوأ حاجة عملها مبارك مش انو سرق البلد او سجن وقتل و عذب ابرياء كتير او حتى انو دمر البنية التحتية و باع ثروات البلد لأعداءنا لا لا لا, الحاجات دي كلها تتعوض بسهولة, لكن اللي ميتعوضش هو الدمار الهائل في العقول و النفوس و الاخلاقيات.

شرفت موضوعي يا Starsideus

مشاركتك عميقة بجد ، ولو بدأت أرد على الأفكار اللي فيها ، هتملا كتاب. ويمكن عشان كده ردي على مشاركتك أجلته عشان ألاقي بال رايق وأعرف أقعد له قعدة مزاج.

أولاً بالنسبة للمشترك بيننا يا عزيزي ، فهتلاقي جنة أحلامك هنا في كندا ، يمكن مش هتكون زي أمريكا الفاجرة في كل حاجة دي ، بس هتلاقي صرفة تجيب كل اللي انتا عاوزه من أمريكا ، حتى لو دماغك لسعت زيي كده ، لما كنت بافكر جدياً أقدم على فيزة أمريكا عشان أعبر الحدود وأروح أشتري التليفزيون اللي باحلم بيه!

بس هنا هتلاقي اللي مش هتلاقيه في أمريكا ؛ حكومة عاقلة ومتسامحة لأقصى حد ، لدرجة الغباء في أحيان كتير. هتلاقي ناس Laidback جداً ، وده مش هتلاقيه بسهولة بره البلد دي. هتلاقي نقاء وجمال الطبيعة وصفاء وبعد عن التلوث. هتلاقي مجتمع متعدد الثقافات بجد.

أنا لما باقول إني باحب البلد دي ، لا بابالغ ولا بامثل... البلد دي تتحب بكل ما فيها ومن فيها. طبعاً احنا مش في الجنة ولا المدينة الفاضلة وفيه سيئات وسلبيات كتير ، بس هنا بقى هيرجع التقييم لعينيك وشخصيتك انتا ، هل انتا من الناس الكئيبة اللي دايماً شايفة الحياة وحشة ، والدنيا بتلطّش فينا؟ ولاّ انتا زي حالاتي ، دايماً شايف إن الحياة فيها جانب جميل ، وأي فترة من حياتك ليها جمالها وطعمها الخاص بيها واللي هتفتكره بابتسامه في يوم من الأيام؟

أنا يمكن بطبعي ما باندمش على أي حاجة عملتها أو حصلت لي ، ولو كنت حتى عملت أخطاء أثرت عليا ، هنا باحب أنصح غيري عشان ما يلبسهاش ، أنا ممكن أفيد غيري ومش هيضرني حاجة. وفعلاً المنتدى هنا خلاني أعيش أحاسيس جميلة فعلاً ، وارتبطت بناس من أنضف الشخصيات اللي عرفتها في حياتي. في نفس الوقت لقيت نماذج ما تشرفش وجابتلي اكتئاب في أوقات كتير!

بالمناسبة... موضوع الصور أنا فوجئت بيه بعد كلامك ، ولقيت إن موقع الاستضافة ما غيّرش أي حاجة... سوفتوير المنتدى هوّه اللي غير مع نفسه كده الكود بتاع كل الصور ، ومحتاج بقى أدخل أعدّل الكود بتاع كل صورة ، وأقعد أفكر هيه أنهي صورة في أنهي مشاركة! بصراحة حاجة تضايق ، ولا عندي طولة بال ولا حماسة أعمل الليلة دي كلها!

مصر بالنسبالي تعتبر صفحة في الماضي بتاعي ، أو تقدر تقول كده زي ماما ، أدين ليها بالكتير بطبيعة الحال ، ومش هارد لها جمايلها عليّا... دايماً الأم بتعطي ، وما بتاخدش مقابل. المقابل بيروح للأبناء! ويمكن المقولة الجميلة دي كان قالها الزميل سكوربيون هنا في فريق الإشراف لما في حوار مع والده اعترف له بأفضاله عليه ، وهنا أبوه قال له إنه مش منتظر منه غير إنه يرد الأفضال دي لأبنائه ، ودي سنة الحياة وطبيعتها.

ناس كتير شايفاني متشائم ، بس استقراء الواقع المصري وسير مجرياته بتقول كتير لأحد أبناء المجتمع ده واللي عاش في مختلف مواقع العمل فيه. أنا لا أتوسم أو أنتظر الكتير من مصر ما بعد الثورة ، أعترف لك إني زي كتير منا هنا استفتحت خير بعد تنحي مبارك ، وعلى قد الضغط والسكر والعصبية اللي كنت فيها يوم 10 فبراير وانا باسمع خطابه وهوه للمرة المش عارف كام بيقول إنه هيراعي طلبات أبنائه من الشعب ودم الشهداء مش هيضيع هدر وهاسمع لكم يا ولاد ، وجمبي زمايلي الكنادوة في الإسعاف ، ومشغل السي إن إن ع التليفزيون ، وماسك في إيدي الآيفون باتابع بث قناة الجزيرة المباشر عشان أسمع الكلمات بلفظها من البيه. طبعاً أنا شايط وعمّال باشتم عربي وانجليزي ، والواد إد بيسألني هوه بيقول إيه الراجل؟ ولما وصلت البت شيلا عشان تبدّلني سألتني مالك؟ ولما قلتلها على خطاب البيه ، شاورتلي ع التليفزيون ، وسألتني هوه مبارك ده مش شايف المنظر اللي في التحرير ده؟!

وانا ماشي باكلّم ديبو وباقول له 10 دقايق رفعوا الضغط والسكر وحرق بيهم ابن الـ *** دم أكتر من 80 مليون ، يعني أنا بيني وبينه بتاع 10 تلاف كيلو ويحرقلي دمي؟ دا إيه الجبروت ده يا عم الحاج؟! هوّه الراجل الـ *** ده ما بيفهمش عربي؟ الناس من تاني أو تالت يوم ما بيقولوش غير كلمة واحدة "مش عايزينك" ، وهوّه مرة يقول هاغير الحكومة ، ومرة هاعين نائب ، وآخر المتمة بعد ما كل الناس حتى المذيعين بتوع السي إن إن ، وحتى موقع جريدة الدستور بيقول خطاب التنحّي بعد قليل... يقوم يقول لنا... خلاص يا ولاد مش هاعيد ترشيح نفسي!

والغريب إن على قد حرقة الدم اللي فاتت دي ، في 10 ثواني تاني يوم في خطاب عمر سليمان... الـ 80 مليون كلهم كانوا بيرقصوا من الفرحة!

تعرف صحيح... لاري مدير الشركة بتاعتي بيحكيلي إن بعد خطاب التنحي قال لمراته وبنته بكره تشوفوا الميدان ده بيلمع وزي الفل. مراته استغربت وما علّقتش. تاني يوم شافوا التصوير على السي إن إن والشباب بينضفوا الميدان وبيدهنوا الرصيف وأسوار الكباري. لما مراته استغربت وسألته إنتا عرفت منين امبارح إن ده هيحصل النهارده؟ قال لها: "عشان هيّه خلاص بقت بلدهم دلوقتي"! تخيل؟!

بس تنحي مبارك من الحكم كشف عورات البلد ، وده اللي كنت متوقعه بصراحة... كنت دايماً باعترض على كلمة الناس اللي يقولولك مصر وحشة بس المصريين كويسين ، وأنا كنت باعترض على ده ، وباقول إن مشكلة مصر في أهلها. أيوه إحنا وحشين وأنا أول الوحشين. إحنا اتربينا على مبادئ غلط بكل صراحة. فيه أخطاء كتيرة أوي في تربيتنا وتعليمنا وثقافتنا. أولوياتنا في الحياة غلط ، ونظرتنا للحياة غلط ، وأساسيات تقييمنا للناس غلط ، ومعايير النجاح في الحياة غلط ، وكله مترتب على كله... غلط × غلط!

يمكن أنا اتربيت على حاجات غلط وألوم عليها أهلي ، بس أنا دلوقتي وفي كندا سيد قراري ، وأقدر أعيد بناء شخصيتي بما يتوافق مع قناعاتي وتفكيري الحر. بس بداخل مصر ، المنظومة متكاملة من الفساد ، إزاي تبدأ إصلاحها؟ منين تبدأ وهيه كلها حلقات مفرغة متشابكة؟ والأهم من ده ، فين النية للتغيير؟ ومين اللي هيغيّر؟ وإيه الشكل المطلوب نوصل له عشان نبدأ التخطيط له؟ هل الدولة الدينية؟ الدولة المدنية كخة؟

دا أنا يا محترم مع إني ثورجي على التقاليد من زمان ، ساعات باكتشف فيا فسفوسة مترسبة من عقد الثقافة بتاعتنا من وقت للتاني! هاديلك مثال مباشر وعنيف هيوضح لك المعنى بتاعي...

إيه رأيك لما تبقى عارف إن جارك رجل شاذ جنسياً ، والراجل مش مكسوف من ده ، وبيصرّح بيه لو اتسأل ، لكن في نفس الوقت راجل ما شفتش منه حاجة تزعلك ، وبيعاملك وأسرتك بكل احترام ، وقايم بمسؤولياته تجاه العمارة أو المنطقة كما يجب؟ هل إنتا كـ Starsideus المثقف المتعلم المتفتح هتتقبل ده ، وتقول حرية شخصية ، طالما لا تتعدي حريتي الشخصية ، ومش هاشوف منه منظر يضايقني؟

قس على رد فعلك انتا بقى ردود أفعال تانية في الريف والصعيد ومجتمعات متدينة أو متشددة أو مقفولة ولا تقبل بالاختلاف في كل حاجة. نظرة المتدينين للبنت اللي لابسة بنطلون أو مش لابسة حجاب ، نظرة المسلمين للمسيحيين إنهم كفار وما يصحش إنهم يمسكوا الحكم والحمد لله إن المسلمين أغلبية في البلد ، نظرة واحد ملتحي لزميله اللي عامل وشم بالألوان على دراعه ولابس حلق أو مطوّل شعره ، نظرة والدتك لخطيبتك لما تعرف إنها كانت ماشية مع واحد أيام الجامعة ، نظرتك انتا نفسك لواحدة أعجبت بيها ورايح تتقدم لها بس تعرف إنها كان مكتوب كتابها قبل كده ، نظرتك لزميلتك لما تلاقيها بتشرب سجاير أو لابسة جيبة قصيرة شوية ، نظرتك لزميلك في الشغل في نفس القسم بتاعك بعد ما تعرف إنه من الفلاحين أو خريج معهد أو دبلوم فني وما دخلش جامعة زيك ، تعاملك مع أحد السياح الأمريكان في مصر لما تعرف إنه يهودي الديانة ، نظرة الناس في الشارع لراجل أو ست في سننا وشكله مسلم ، وداخل مطعم ياكل في نهار رمضان ، موقف السلفيين من وجود قاضية في المحكمة ، نظرة دكتورة لواحد خريج آداب جاي يتقدم لها ، نظرة المقيمين في مصر للمصريين المقيمين في الخارج ... والأمثلة كتير يا عزيزي.

شوية الأمثلة اللي قلتها فوق دي المفروض إنها لا تؤثر عليك ولا على البلد أو على انتظام الحياة واستقرار المجتمع ، لكن بعقلية الفلاحات اللي قاعدين ع المصطبة قدام الدار ، يبصوا ع الرايح واللي جاي ، ويجيبوا في سيرة دي وسيرة ده... صعب أوي إنك تلغي الثقافة السائدة من نقد الناس لبعضهم ، أو تدخلهم في الحياة الخاصة والشخصية لغيرهم ، حتى لو كانت لا تتعرض لهم ولحياتهم ولمصالحهم بشكل من الأشكال!

الثقافة دي بتؤثر في حياتنا كمصريين بدايةً من اختياري للبسي وتسريحة شعري وألوان هدومي ، ودراستي واختياري لزوجتي ، وطريقة تربيتي لأطفالي ، وبرنامجي الانتخابي كذلك لو مرشح نفسي للرئاسة أو للبرلمان. لما تلاقي إن مش مهم إنتا ملتزم في شغلك وحريص على المصلحة العامة ، قد ما الأهم شكلك ولبسك وحجاب مراتك ولبس بنتك والمصحف في عربيتك والآيات القرآنية في مكتبك وجوّه بيتك!

منظومة متكاملة يا عزيزي الدوق خلاصتها إن المظهر أهم ويكسب كتير عن الجوهر. وبعد ما كانت مصر دي بتاعتهم مش بتاعتنا ، وصلت إنها بقت مش بتاعة حد!

الصورة مش سوداية أوي كما قد يوحي كلامي ، واللي حصل يُعتبَر نقلة لقدام ، بس نقلة بسيطة بكل أسف ، وما تنتظرش منها الكتير لأننا ما ينفعش نطلع لقدام في حين إننا مربوطين بجذور ترجع في إتجاهيها لـ 7 تلاف و1400 سنة. الجذر القديم بنتمنظر بيه عشان ما حيلتناش غيره ، أو يمكن على رأي المثل اللي بيقول القرعة تتباهى بشعر بنت اختها. والجذر الأحدث اللي كتير شايفين إننا لن تقوم لنا قائمة بغير العودة شكلاً وموضوعاً للماضي ، بدون اعتبار إن تشكيلة الماضي كانت طبيعة حياة يحكمها الزمن والبيئة.

نهايته... الوضع في مصر مسيره يستقر بعد فترة من الزمن ، وتتحسن الأحوال تحسن طفيف عن ما قبل ، بدون أحلام العصافير إننا بين يوم وليلة هنبقى صورة تانية من كندا التي رأيتها.

تحياتي ليك ولخواطرك اللي قلبت علينا المواجع ، وشكراً على تواجدك هنا ، وعلى أمل بلقائك في القريب إن شاء الله في كندا... زوجتي الجميلة :wub:

[لماضة مصرية جدا]

أيوه إحنا وحشين وأنا أول الوحشين. إحنا اتربينا على مبادئ غلط بكل صراحة. فيه أخطاء كتيرة أوي في تربيتنا وتعليمنا وثقافتنا. أولوياتنا في الحياة غلط ، ونظرتنا للحياة غلط ، وأساسيات تقييمنا للناس غلط ، ومعايير النجاح في الحياة غلط ، وكله مترتب على كله... غلط × غلط!

يمكن أنا اتربيت على حاجات غلط وألوم عليها أهلي ، بس أنا دلوقتي وفي كندا سيد قراري ، وأقدر أعيد بناء شخصيتي بما يتوافق مع قناعاتي وتفكيري الحر. بس بداخل مصر ، المنظومة متكاملة من الفساد ، إزاي تبدأ إصلاحها؟ منين تبدأ وهيه كلها حلقات مفرغة متشابكة؟ والأهم من ده ، فين النية للتغيير؟ ومين اللي هيغيّر؟ وإيه الشكل المطلوب نوصل له عشان نبدأ التخطيط له؟ هل الدولة الدينية؟ الدولة المدنية كخة؟

دا أنا يا محترم مع إني ثورجي على التقاليد من زمان ، ساعات باكتشف فيا فسفوسة مترسبة من عقد الثقافة بتاعتنا من وقت للتاني! هاديلك مثال مباشر وعنيف هيوضح لك المعنى بتاعي...

إيه رأيك لما تبقى عارف إن جارك رجل شاذ جنسياً ، والراجل مش مكسوف من ده ، وبيصرّح بيه لو اتسأل ، لكن في نفس الوقت راجل ما شفتش منه حاجة تزعلك ، وبيعاملك وأسرتك بكل احترام ، وقايم بمسؤولياته تجاه العمارة أو المنطقة كما يجب؟ هل إنتا كـ Starsideus المثقف المتعلم المتفتح هتتقبل ده ، وتقول حرية شخصية ، طالما لا تتعدي حريتي الشخصية ، ومش هاشوف منه منظر يضايقني؟

قس على رد فعلك انتا بقى ردود أفعال تانية في الريف والصعيد ومجتمعات متدينة أو متشددة أو مقفولة ولا تقبل بالاختلاف في كل حاجة. نظرة المتدينين للبنت اللي لابسة بنطلون أو مش لابسة حجاب ، نظرة المسلمين للمسيحيين إنهم كفار وما يصحش إنهم يمسكوا الحكم والحمد لله إن المسلمين أغلبية في البلد ، نظرة واحد ملتحي لزميله اللي عامل وشم بالألوان على دراعه ولابس حلق أو مطوّل شعره ، نظرة والدتك لخطيبتك لما تعرف إنها كانت ماشية مع واحد أيام الجامعة ، نظرتك انتا نفسك لواحدة أعجبت بيها ورايح تتقدم لها بس تعرف إنها كان مكتوب كتابها قبل كده ، نظرتك لزميلتك لما تلاقيها بتشرب سجاير أو لابسة جيبة قصيرة شوية ، نظرتك لزميلك في الشغل في نفس القسم بتاعك بعد ما تعرف إنه من الفلاحين أو خريج معهد أو دبلوم فني وما دخلش جامعة زيك ، تعاملك مع أحد السياح الأمريكان في مصر لما تعرف إنه يهودي الديانة ، نظرة الناس في الشارع لراجل أو ست في سننا وشكله مسلم ، وداخل مطعم ياكل في نهار رمضان ، موقف السلفيين من وجود قاضية في المحكمة ، نظرة دكتورة لواحد خريج آداب جاي يتقدم لها ، نظرة المقيمين في مصر للمصريين المقيمين في الخارج ... والأمثلة كتير يا عزيزي.

شوية الأمثلة اللي قلتها فوق دي المفروض إنها لا تؤثر عليك ولا على البلد أو على انتظام الحياة واستقرار المجتمع ، لكن بعقلية الفلاحات اللي قاعدين ع المصطبة قدام الدار ، يبصوا ع الرايح واللي جاي ، ويجيبوا في سيرة دي وسيرة ده... صعب أوي إنك تلغي الثقافة السائدة من نقد الناس لبعضهم ، أو تدخلهم في الحياة الخاصة والشخصية لغيرهم ، حتى لو كانت لا تتعرض لهم ولحياتهم ولمصالحهم بشكل من الأشكال!

السلام عليكم و رحمة الله و بركاته

يعني انا قاعدة و مربعة ايديا و مش عايزة ارد علشان مطلعشي بره سرد حضرتك للموضوع اللي هو فوق الرائع بقيمة دورين تلاتة

بس الكلام اللي حضرتك قولته فوق ده....داس علي زرار الاشتعال الذاتي عندي

ايوه يا دكتور لان حضرتك بتقول الحقيقة جدا

بس خليني اضيف لحضرتك عليها

تخيل لو انت مؤمن بكل القناعات دي

بس انا مش ولد

انا بنت

و بؤمن بالحرية في الافكار و في المعتقدات و معترضة علي كتير من اللي اتربينا عليه

و زيد علي ده كله

اني عايشة في مصر

مبتدتشي اشوف اني هكون سيدة قراري غير لما اخدت اول خطوة ليا اني اسافر و كانت علي الامارات البلد اللي كان بالنسبة ليا حلم

لكن دلوقتي و بعد 3 سنين هناك.....حاسة اني زي ما حضرتك بتقول....بنحرق بنزين علي الفاضي

و بالعكس اصطدمت هناك بثقافة كده بنسميها انا و صحباتاي اللي هما شبهي....الفراخ المجمدة...اللي هو تبقي قاعد حاسس انك قاعد مأنتخ في التكييف بس روحك فااااضية و دماغك قاعدة مستنية السلق في الحلة

مش عارفة الحل ان الواحد فعلا يفكر في الهجرة ل "وطن" جديد

و لا هي كانت الغربة جوانا اصلا

لان احنا حسينا ان احنا لا ننتمي لكل "وطن" سافرنا فيه

معلشي قاطعت تسلسل حضرتك

معاك المكرفون

بس كنت عايزة اقول البوقين دولم

صباحك.....سؤال "يعني ايه وطن؟؟" و يعني ايه اصلا سعادة؟؟؟

[starsideus]

نورت المنتدى يا دكتور تهامي بجد, قبل ماكتب اي حاجة احب اقولك اني بقالي في القهوة هنا حوالي شهرين محدش عبرني بأي حاجة, مفيش لاتية ولا فرابية او اسبرسو معتبر من تهامي هورتون؟

المهم انا من زمان ونا عندي احساس بعدم الانتماء, مش للبلد انما لاولاد البلد, بمعنى انا عارف اني مصري و منتمي لكن مش قادر اني احس اني جزء من النسيج المصري, كان احساسي اني في وادي و الشعب كلة في وادي تاني, يمكن لمل الثورة قامت و الناس بطلت تبقى سلبية شفت و اتعرفت على ناس كتير بنفس عقليتي و دي كانت احد حسنات الثورة, انا بتألم لما بشوف ولاد بلدي جهلة مش بيقروا عايشين في المقابر مش لاقيين حتى مية نضيفة يشربوها و حتى المتعلمين من ابناء الطبقة الوسطى و فوق الوسطى اغلبهم ماشي في الحباة مش عارف هو هنا لية, مش بيقرا في اي حاجة خارج تخصصة دا لو قرا تخصصة اصلا, النفاق و الرياء هو الصفة السائدة, مقدرتش اكون جزء من السيرك دة, مش عشان انا ملاك او ابن زوات خالص, انا اول الغلطانين و باعترف اني كنت سلبي بدرجة بشعة لحد فترة قريبة قبل الثورة و كان التغيير نتيجة موقف اتعرضتلة زلزلني و غير موقفي في الحياة 180 درجة, انا من ابناء الطبقة الوسطى و والدي موظف عادي في الجمارك لو حب يعمل زي اغلب موظفي الحكومة و تحديدا الجمارك كان زماني بروح الشغل بال BMW Z3 الجديدة و بروح بعد الشغل في القصر بتاعي, اصقائي عموما يعرفوا عني اني مثقف و بحب القراءة و يمكن دة اللي حمى عقلي من عملية الغسيل اللي بتحصل لكل الاطفال و بتحولهم لما سيكون فيما بعد ما يسمى بالمواطن المصري المعاصر.

انا لحد ما دخلت الجامعة كان مصدر معلوماتي و ثقافتي هو مكتبة والدي اللي ابتداها اصلا جدي, و اللغة اتعلمتها من الافلام و الحمد لله جايب 8 من 9 في ال IELTS و دخلت تجارة انجليزي غصب بالرغم من اني كنت عاوز ادخل كلية علوم قسم فلك و بالرغم من ان مجموعي يجيب علوم لكن مكتب التنسيق كان لة رأي تاني و قعدت خمس سنين بدرس محاسبة و في الاخر اتخرجت و حاليا بشتغل في ال Marketing بتاع شركة telecommunications كبيرة هنا و free lance web developer في وقت فراغي, يعني من الاخر كل الوقت بتاع المدارس و الجامعة كان wasted time اشتريت بية كام شهادة عشان في الاخر اشتغل حاجة تانية خالص مالهاش علاقة بالشهادة دة, بلد شهادات صحيح.

بس لحد دلوقتي لسة بجيب كتب في علوم الفلك و الفيزياء و حلم حياتي ان لما اجي كندا ان شاء الله ادخل جامعة تاني و اتخصص في الفيزياء الفلكية و اخد بكالوريوس جديد و ماجيستير و دكتوراة.

لحد ما كان عندي 16 سنة كان عندي عجلة و كنت بروح بيها كل حتة كنوع من الرياضة وانا اصلاا اكتر حاجة بكرهها في حياتي هي السواقة في مصر عموما لان دي مش سواقة دي سويقة او خناقة او بلطجة, دة مرة انا و اهلي كنا على الطريق السريع و بابا ماشي شمال زي ما القانون بيقول و المفروض قانونا النقل يمشي يمين فا كان ورانا نقل عمال يضرب الفلاش عشان نعدية و بابا راسة و الف سيف ان لا يمكن و ان هو صح و كانت المفاجأة ان النقل داس بنزين و هيدوسنا فراح بابا موسعلة في اخر لحظة و وهو ماشي من جنبنا راح مطلع ايده من الشباك و حدف طوبة كسرت الازاز الامامي كلة دة واحنا ماشيين على 120 كيلو بس ربنا ستر و محدش جرالة حاجة.و من سنتين كدة كنت في زيارة لالمانيا و جبت من هناك عجلة من اللي بتتطبق و تتشال في شنطة بس تحفة, و اول يوم اجربها في منطقتي لما رجعت لقيت اهلي و جيراني نازلين تريقة علية و اللي يقولي يابني مش كنت تجيبلك عربية احسن مش عيب واحد في سنك يركب عجلة, و كل ما اناقش حد يقولي المفروض العجلة دي اخرها معاك 15 16 سنة, انا سمي و موتي كلمة المفروض دى اللي بقت لبانة في بق الناس, كل اما تكلم اي حد بالعقل و المنطق و ميعرفش يرد يقولك المفروض, مين اللي فرضة؟؟؟؟؟؟

كلمة المفروض دي خدها بقى عندك في كل حاجة, المفروض ان يكون معاك شهادة جامعية حتى لو مش في المجال اللي انتا عايزة, المفروض لما تدخل مصلحة حكومية تشوف الموظفين و تديهم شاي, المفروض انك تبادر بسحق جارك قبل ما هو يسحقك, المفروض ما تتكلمش في السياسة, المفروض تحترم رئيسك حتى لو حرامي عشان سنة كبير, المفروض لو شفت حد بيسرق متتكلمش عشان ما تتأذيش, المفروضات كتييييييرة بس مين اللي فرضها؟؟؟؟

اما بالنسبة ل لماضة المصرية و بقيت البنات ف الله يكون في عونكم, انتم عايشين في مجتمع جاهلي ذكوري قبلي رجعي و عزائي الوحيد في كلمة سمعتها في فيلم ايام السادات لما جيهان السادات كانت بتقولة ان الست في مصر مالهاش حقوق فقالها ولا الراجل!

اما الدين اللي هو علاقة شديدة الخصوصية بين العبد و ربة فأصبح مصدر للفشخرة و المنظرة و الرياء و تم اختزال الدين في مجموعة من الشعاثر الكهنوتية و القشور, لما افتح التليفيزيون الاقي واحد بيسأل شيخ عن جواز لعب بلعبة fifa و هل هي حرام ولا حلال, هل الاخ اللي بيسأل حج و قام الليل و حفظ القرأن كامل و امتنع عن الكذب و الغيبة و النميمة و اخرج زكاتة و درس علم ينفع بية امتة و صنع كل الفضائل و تجنب كل الشرور و خلاص مافاضلش غير لعبة fifa هي دي اللي شاكك فيها ان كانت حرام ولا حلال؟؟؟؟ اللي يغيظ اكتر ان بدل الشيخ ما يرد علية رد مفحم و بقولة بلاش تفاهة انة ابتدي يقولة حلال بشرط عدم لعبها في اوقات العمل و حرام لو هتضيع الوقت!!! خلاص احنا فكينا كل الغاز الكون و مش ناقص غير ال fifa!!!

بيفكرني بموقف كنت قريتة عن شيخ ازهري اسمة الشيخ المراغي, في ثلاثينيات القرن العشرين احد تلامذتة بيسألة هو دخول الحمام بالرجل اليمين ولا الشمال؟ فالشيخ اتنرفز علية و غضب و قالة الاوروبيين و الامريكان بيطيروا في السما بيطييييييروا وانت لسة بتسأل ادخل الحمام بالرجل اليمين ولا الشمال؟؟؟؟

ارحمني يارب و خرجني منها سليم العقل.

في ميدان التحرير اهل مصر اللي هللوا للثورة هما برضة اللي اتهموا المتظاهرين و المعتصمين بالشذوذ لمجرد ان بعضهم مطول شعرة, و اتهمو وائل غنيم بانة ماسوني عشان لابس تيشيرت علية بادج اسد وعشان لابس حظاظه في ايدة.

مصر هي البلد الوحيد اللي المحجبة فية محترمة و ان كانت فتاة ليل و الغير محجبة تعامل معاملة الغواني حتى ولو كانت اكثر البنات حياء, انا مش ضد الحجاب, انا بس بسجل موقف ضد النفاق.

مصر هي البلد الوحيد اللي لو فتحت هارد ديسك اي مراهق هتلاقي محاضرات عمرو خالد و افلام بورنو جنبا الى جنب.

طبعا بعد كل دة اعتقد هتفهموني لو قلت اني مش لاقي نفسي في مصر.

طبعا الدنيا مش ضلمة اوي كدة, في حاجات كتير ايجابية ابتدت تظهر مؤخرا زي رجل الاعمال اللي اتبرع ب ربع مليار جنية لمدينة زويل العلمية, الثورة خرجت افضل ما في المصريين و اسوأ ما فيهم, شفت في ميدان التحرير اخواتنا المسيحيين و هما بيحمونا وقت الصلاة و وقفت مع اخواتي المسلمين نحمي المسيحيين وقت القداس, شفت الشباب عاملين حلقة واسعة حوالين البنات عشان محدش يتحرش بيهم و شفت شيخ ازهري و قس بيحضنوا بعض بحب حقيقي مش الاحضان المصطنعة اياها بتاعت مؤتمرات الوحدة الوطنية المشبوهة اللي كانت برعاية الحزن الوطني المحظور, وقفت مع جيراني طول الليل كل يوم لمدة شهر كامل احمي بيوتهم و يحمو بيتي, الخلافات كلها اتبخرت, شفت شباب صغير بيشيل الزبالة بأيدة و بيدهن الرصيف بعد ما كان سهران على القهاوي لوش الفجر, تضامن و تكاتف مالوش حل, الله, صورة جميلة صح؟

بس كمان شفت واحد عمل حادثة على الصحراوي و بيستنجد بحد يساعدة فجالو واحد سرق موبايلة و سابة ينزف, و شفت البلطجية بيدبحوا واحد وسط الشارع في عز الضهر, و شفت ناس مسكت حرامي و اقامو علية الحد و زيادة فقطعوا ايدية و رجلية و نسيوا ان تطبيق الحدود مرهون بطاقة الناس على الاحتمال و بحد الكفاية.

الدنيا كانت ضلمة كحل, دلوقتي بقت لونها عامل زي لون السما وقت الفجر فية لمسة خفيفة من اللون الازرق الفاتح, لسة فية امل, امل بسيط وليد و ضعيف بس بيكبر, slowly but surly, انا بقى قررت اخوض المعركة بشكل تاني و في ميدان تاني و البداية هتكون تحقيق الذات في كندا ان شاء الله, ما تنسانيش في دعواتك يا دكتور :)

اخيرا بما انك من محبي ال steak يا دكتور تهامي جربت ال beef jerky؟

انا اكتشفتها في امريكا و جبت معايا مخزون و انا راجع مصر.

تم تعديل 4 سبتمبر 2011 بواسطة starsideus

[starsideus]

يا Princess كل اللي اقدر اقولهولك ان مستقبل مصر القادم هيبان و كل الاسئلة دي هيتجاوب عليها في الكام شهر اللي جايين, الموضوع مش هيطول, بس بجد لو مكنتيش قدمتي على الهجرة فأنصحك قدمي دلوقتي لأن محدش عارف بكرة عامل ازاي.

أستاذ starsideus

أنت أول واحد يكتب في قهوة الدكتور تهامي من فترة طويلة..

أنا كنت بتابع القهوة 3 سنين تقريبا...أيامها الدكتور تهامي كان بيكتب فيها كل يوم...أيامها كان كل واحد في القهوة بيعيش افراح وقلق الدكتور تهامي لحظة بلحظة

دكتور تهامي من الناس الي بتسيب أثر في نفس الواحد

حتى لو كان منقطع دلوقتي عن الكتابة

بس يكفي أن القهوة بتاعته بتفكرنا بيه

أتقف معاك يا starsideus

أن مبارك خرب ضمائر الناس...وشوه النفوس

أنا زاحدة من الناس مش مستغربة ان حضرتك لسة مصمم تسافر بعد الهجرة...بالعكس انا شايفة ان الاقبال على الهجرة زاد بعد الثورة

الكل خايف من المستقبل: هل هيحكم مصر السلفيين و الجماعات المتطرفة؟

هل هيكون فيه حرب قادمة مع إسرائيل؟

هل في ثورة جياع ؟

أسئلة كتييييرة

[HeshamNoamanAbdelRaheem]

لو تسمح لى سؤال أنا مدرس أكاديمى بكلية الطب هل فيه فرصة الواحد يهاجر وبرضه يشتغل فى نفس المجال اللى بيفهم فيه وايه وهل مطلوب عمل المعادلة فى الوظائف الأكاديمية بالجامعات الكندية؟؟؟ فى انتظار ردكم الكريم

[MohamedEsamilSalah]

اسمحلى آسجل مـُـتابعتى واعجابى بالموضوع

انا قريت الموضوع من اول الصفحة الاولى لـ حد الصفحة 101 .. وبحاول اخلص قراية باقى الموضوع × 10 ايام لحد الان

بس احساسك ونقــَـلك للصورة وتجربتك . خلتنى فعـَـلاً اعيش معاك جوا خيالك .. طبعاً دا غير الكوميديا والضحك اللى فِ المواقف ( زى موقف لما الطيارة نزلت وبتحاول تجرى عَ الباب )

اشـُـكرك بشدة للموضوع اللى بجد خلانى احس بـآنى عايش فِ كندا فعلاً

ويارب تكون لسا مـُـشارك فِ الموضوع لانى حابب اتابعك

تقبـَـل مرورى يا دكتـُـور

[Princesse]

بمناسبة كلام الدكتور تهامي عن تربيتنا الغلط

اسمح لي اشارك بتعليق كتبه صديق لي و حسيت انه بعيبر عني

.هو احنا اتربينا غلط؟ معلش يعني ده مجرد سؤال خطر على بالي .. اكيد الاهالي عملوا كل اللي في وسعهم من وجهه نظرهم .. والبتاعة اللي انا كاتبها دي من وجهة نظري !!

بداية الماساه اتربينا على مبدأ هشك النونا .. نفضل كده ندلع واللي نعوزوا نلاقيه .. متعلمناش نمشي على رجلينا ونحاول و نقف ونقع ونقف تاني.. لأ لو مش عارف تمشي بابا هيشيلك وماما تأكلك وتلعبك عشان تاكل كمان ما نشالله ماكلت مش هتموت يعني!

شويه كده وفي المدرسة .. مينفعش بنت تكلمك عشان هضيعلك وقتك وتلاقي مامتك تجري على ابوك وهو راجع مهدود من شغله و تقوله: " اصل ابنك متعرف على واحدة كدة –متعمدة متقولش اسمها على سبيل الأهمال- وجايباه ورا" وبانسبة للبنت مينفعش ولد يكلمها عشان تحافظ على شرفها على اساس ان الواد بنسبة 100% هياخدها على مصنع الكراسي "مع الأعتذار لمكي"

برده اتربينا على اساس مينفعش يبقى عندك هواية ععشان فيه مذاكره ولازم تدخل هندسة او طب طبعا المصطلح الفاشل بتاع كليات القمة والقاع بدل ما نتربى على اساس تقسيم الوقت وازاي تحافظ على نفسك وتجدد طاقتك بهوايتك او رياضتك.

اتربينا ان مرواح النادي غلط لأن فيه ولاد بيشربوا مخدرات بدل ما نتعلم ازاي نثق في نفسينا. طبعا مش هتروح النادي ف تقعد في البيت وتاكل وتشرب وتتفرج على مازنجر وجرندايزر واليس في بلاد العجائب ومخك يتلحس مع الوقت وتكتشف ان المخدرات ارحم.

اتربينا ان رأيك اكيد صح واللي قدامك حمار .. متعلمناش ازاي بدل استجماع القوي لمهاجمته.. اني اوصل معاه لأرض مشتركة نتكلم من خلالها.

اتربينا ان دايما نشغل بالنا بالمستقبل ونتحصر عالماضي .. لكن مش بنفكر في المضارع، مش بنفكر في اللحظة اللي عايشنها وكأنه حرام لاسمح الله.

اتربينا ان دينك هو اللي صح ودين اي حد تاني -حتى لو معندوش- فهو غلط.. ونسينا المسائل الأنسانية اللي بتنظم العلاقات بين البشر ودخلنا في بُعد غريب من عينة أصل ده مسيحي كافر وهيروح النار واصل ده مسلم مؤمن داخل الجنة او العكس يعني ونسينا ان تقريبا كده مش احنا اللي بنحدد مين الكافر ومين المؤمن وعُمرنا ما فكرنا ان الجنة والنار مكانهم قلبك وروحك.

اتربينا ان على سن 28 تكون متجوز وتنتهي حياتك بدليل: انت فينك دلوقتي .. الحمدلله اتجوزت!!

وفي النهاية ده مجرد رأي شخصي ومش معنى الكلام ده ان الأهالي غلط.. هم اكيد عملوا كل اللي في وسعهم من وجهه نظرهم وبرضه مش معنى كده ان المواقف دي كلنا عدينا بيها .. المقصود ان اللي مش عجبك في نفسك غيروا وان مفيش حاجة اسمها متأخر.

أيوة يا دكتور تهامي ...أحنا اتربينا غلط

الاسبوع الي فات اخدت اكبر قلم في حياتي

قلم هزني و حسيت ان الشهامة و الرجولة بقت تقريبا مش موجودة

كنت انا و أسرتي الاسبوع الي فات مسافرين الساحل الشمالى و فجاءة لاقينا حادثة على طريق

الراجل مرمي في الطريق و سايح في دمه

اول مرة في حياتي اشوف حد ميت و اول مرة في حياتي اشوف واحد دماغه مفتوحة

الراجل مرمي و مفيش حد قادر يبعد الجثة عن الطريق حتى والدي لما طلبت منه يقف قالي انتي عاوزة تجيبي لنا مصيبة...البوليس هيخودنا ويحقق معانا و هنتأخر او هيفتكروا ان احنا الي خبطنا الراجل

وعند اقرب نقطة ناجدة لقيناها في الطريق رحنا بلغنا ان فيه حادثة و واحد ميت...رد الفعل الناس هناك كان في قمة البرود و اللامبالاه

اتصدمت

اتصدمت في رد فعل اهلي و رجال النجدة و رد فعل كل الناس الي شافت المنظر

ايه البرود دا

دا إنسان يا جماعة...روح ماتت

انا انهرت في العياط علشان عرفت ان اروحنا رخيصة اوي

اهلي كانوا شايفين ان رد فعلى كان اوفر و ان دا عادي

فين تعاليم الإسلام؟ فين شهامة ولاد البلد؟ فين الانسانية؟

هل المنظر دا ممكن يحصل في اي دولة تحترم الانسان؟

اصعب حاجة انك تحس انك في المكان الغلط و في الزمان الغلط

انك تحس ان الي زيك عاشوا من 100 سنة فاتوا

انك مؤمن بمبدأ ديني و اخلاقي مش موجود دلوقتي في مصر

اصعب حاجة انك تحس بالعجز و انك غريب في وطنك

تم تعديل 9 سبتمبر 2011 بواسطة Princesse

[SoSo R]

هو انا ليه حاسة بمبالغة زيادة...يعنى الحياة عمرها ما هى شهر عسل...وبعدين انت بتحكى عن دلوقتى...طيب لحد ما لقيت شغل و استقريت فيه...كان الوضع ايه.. وما تنساش إنه لولا فلوس السعودية...ماكنتش اساسا هتصمد...

حاجة كمان..

موضوع ان الشغل بمجهود أٌل من السعودية دى مشكوووووووووووووووك فيها جدا لأنك أصلا ماكنتش بتعمل حاجة فى السعودية..يبقى انت هنا بتقبض و انت نايم فى البيت ولا إيه:closedeyes:

معلش احنا بنتكلم مع بعض يعنى ما فيش حاجة...

و عظيمة يا كندا يا ارض النعم

إيه عايزين انطباعك بعد ما قدمت الأقرار الضريبى و هل ساعتها كنت اشتغلت ولا لسه؟؟ و قبضت الفلوس اللى هى اكتر من بتاعة السعودية:protest:

لما قدمت الإقرار الضريبي كنت باشتغل ، ورجعولي 1700 دولار وقالولي إحنا آسفين يا أستاذ تهامي ، ما كناش نعرف إنك المشرف الأخضر بتاع كندا

ومبدئياً كده فلوس السعودية اللي قعدت أتطحن فيها 3 سنين ، صمدت معايا لمدة... آممم... 3 شهور :blush2:

وحكاية المجهود أقل من السعودية دي كتبتها وأنا باتذكر أحد الكونصالتانتس اللي اشتغلت معاهم لما رحت له في أول أيامي ، وبعد ما قاللي أندهلك بإيه بقى يا دكتور؟ (لاري اللي غاوي يتمنظر بيا دايماً)... المهم لما سألته كالمعتاد في البداية (What are your expectations from me?) ، والاقيه بيقوللي (Just don't let people die). smk:

أنا حتى في مرة كاوتشة ضربت من عربيتي وانا في الطريق للكامب عشان الغدا ، كلمته وقلتله أنا معكوك في الكاوتشة (ملحوظة: درجة الحرارة كانت سالب حاجة وعشرين وأنا بارش على ركبي ع التلج وباعافر عشان أفك الكاوتشة) ، لقيته جايلي (مدير الموقع بنفسه) ، وينزل تحت العربية ويغيّرلي الكاوتشة ، ولما حاولت أساعده في فك الكاوتشة البايظة ألاقيه يرفض ، ويقوللي ارتاح انتا...

ناس بسكويت يا بنتي بجد ، وهوّه أنا حبيت البلد دي وناسها من شوية؟ :wub:

في المعتاد بيقوللي عايزك تحضر الميتنج الصباحي وأحياناً المسائي ، وتاخد توقيع كل واحد جديد في اللوكيشن ، وتنسق مع الإسعاف الطائر ، وحاجات كده يعني.

وحتى الشغل المُنتظر مني هنا مجرد إسعافات أولية ، في السعودية كنت باعالج كل حاجة ، وحاجات فوق المسموح بيه ، وباشيل المسؤولية لو حصل لها مضاعفات.

ويكفي إني في كندا ، بلدي المحبوب :wub:

يا فتاح يا عليم يا رزاق يا كريم...اصطبحنا و صبح الملك لله....شكلى هاشمر و اضرب حد النهاردة

بست...بست ...تهامى...ايوة انت...شايفنى...انا هناك فى اونتاريو...

انت يا بنى ...هتعصبنى ليه؟؟؟؟

انا ماسكة نفسى و دايسة على سنانى أهوه...اهوه عشان ما أزعقش و اعلى صوتى....

انت ليه محسسنى ان انت فى بلد تانية و انا فى بلد غير كندا اللى بتحكى عليها...

ناس مين اللى بسكوت...و بيقولك اغير لك العجلة كمان...لأ قول كلام غير ده....هو ايه تصنيفات السكان عندكم؟؟؟

يا عمنا انا اتمسح بيا بلاط كندا...وعشان تبقى عارف...المهاجرين مع بعضهم زفت و زبالة ايا كانت الجنسية...

البيض او الكنديين ...فى مناطقهم اللى مافيهاش تقريبا مهاجرين بيبصولنا على اننا غوغاء...عارف نظرتنا للبنغال فى الخليج...هى دى نفس النظرة...و العنصرية و التعامل بقرف...وليهم كدة شوية حركات نبقى نقولها بعدين ...لو ما اتشتمتش يعنى...بس حتى سألت واحدة صاحبتى بتشتغل فى العقارات و قالت لى نفس التعليق.

هه..أقول كمان...

باانوسبة للضرايب اللى رجعوها لسيادتك...ده سببه حسبه بسيطة...انت استقريت فى النص التانى من السنة...و طبعا ما لقيتش شغل علطول...يعنى كل اللى اشتغلتهم شهرين تلاتة فى السنة كلها ...ايا كان المرتب اللى بتاخده لما يتقسم الدخل ع السنة كلها هيطلع ان انت دخل محدود...فطبعا يرجعلك فلوس ومش بعيد يكون جالك كمان ضريبة السلع و الطاقة و الحاجات اللى بتتقسم دى ع الناس الغلابة اللى بتاكل كل يوم فى مطعم زى حضرتك.

أما بالنسبة للمجهود و الشغل اللى اقل من الخليج...فخلينى ساكتة احسن...ولا أقولك ....تييييييييييييت... يعنى بصراحة لأن الشغل هنا فحت وردم و لا تقولى مصر و لا خليج...انت بتاخد دولار بياخدوا حبابى عنيك قصاده...و أسأل اى حد فى اى شغلانة كبيرة او صغيرة...

يا راجل ده الناس بتاخد منيمم و يدج وبيشتغلوا فيزيكال لحد ما يبانلهم اصحاب...شغل مش آدمى....

طبعا انا متوقعة الشتيمة هتنزل ترف....والله ما انتوا قايمين....

انا هاخد الباب فى إيدى!!!

بس على فكرة بعد الطحن و العجن و المرمطة...لما الدنيا تبتدى تتحسن...البلد مش وحشة...بس الواحد لازم يفهم السيستم...

ويستقر عشان يقدر يحس بأى حاجة حلوة حواليه...

فوتكم بعافية

[جايه لك يا كندا]

يا فتاح يا عليم يا رزاق يا كريم...اصطبحنا و صبح الملك لله....شكلى هاشمر و اضرب حد النهاردة

لأ لأ يا سوسو حرام عليكي ..... ده المشرف بتاعنا برضه

بست...بست ...تهامى...ايوة انت...شايفنى...انا هناك فى اونتاريو...

انت يا بنى ...هتعصبنى ليه؟؟؟؟

انا ماسكة نفسى و دايسة على سنانى أهوه...اهوه عشان ما أزعقش و اعلى صوتى....

انت ليه محسسنى ان انت فى بلد تانية و انا فى بلد غير كندا اللى بتحكى عليها...

ناس مين اللى بسكوت...و بيقولك اغير لك العجلة كمان...لأ قول كلام غير ده....هو ايه تصنيفات السكان عندكم؟؟؟

يا عمنا انا اتمسح بيا بلاط كندا...وعشان تبقى عارف...المهاجرين مع بعضهم زفت و زبالة ايا كانت الجنسية...

البيض او الكنديين ...فى مناطقهم اللى مافيهاش تقريبا مهاجرين بيبصولنا على اننا غوغاء...عارف نظرتنا للبنغال فى الخليج...هى دى نفس النظرة...و العنصرية و التعامل بقرف...وليهم كدة شوية حركات نبقى نقولها بعدين ...لو ما اتشتمتش يعنى...بس حتى سألت واحدة صاحبتى بتشتغل فى العقارات و قالت لى نفس التعليق.

هه..أقول كمان...

باانوسبة للضرايب اللى رجعوها لسيادتك...ده سببه حسبه بسيطة...انت استقريت فى النص التانى من السنة...و طبعا ما لقيتش شغل علطول...يعنى كل اللى اشتغلتهم شهرين تلاتة فى السنة كلها ...ايا كان المرتب اللى بتاخده لما يتقسم الدخل ع السنة كلها هيطلع ان انت دخل محدود...فطبعا يرجعلك فلوس ومش بعيد يكون جالك كمان ضريبة السلع و الطاقة و الحاجات اللى بتتقسم دى ع الناس الغلابة اللى بتاكل كل يوم فى مطعم زى حضرتك.

أما بالنسبة للمجهود و الشغل اللى اقل من الخليج...فخلينى ساكتة احسن...ولا أقولك ....تييييييييييييت... يعنى بصراحة لأن الشغل هنا فحت وردم و لا تقولى مصر و لا خليج...انت بتاخد دولار بياخدوا حبابى عنيك قصاده...و أسأل اى حد فى اى شغلانة كبيرة او صغيرة...

يا راجل ده الناس بتاخد منيمم و يدج وبيشتغلوا فيزيكال لحد ما يبانلهم اصحاب...شغل مش آدمى....

طبعا انا متوقعة الشتيمة هتنزل ترف....والله ما انتوا قايمين....

انا هاخد الباب فى إيدى!!!

بس على فكرة بعد الطحن و العجن و المرمطة...لما الدنيا تبتدى تتحسن...البلد مش وحشة...بس الواحد لازم يفهم السيستم...

ويستقر عشان يقدر يحس بأى حاجة حلوة حواليه...

فوتكم بعافية

ايوه كده يابنتي قووووولي كمااااان عشان اعمل الف حساب قبل ماتجنن وارمي نفسي في البحر... قصدي في ليك أونتاريو

بجد احكي اكتر وماتخبيش احنا هنا مصريين في بعض يعني الحال من بعضه

بس الغريبه اني باسمع قصص نجاح كتيره، وماشاء الله اللي ربنا بيفتح عليه ويشارك على صيدليه واحدة تلاقي البلية لعبت معاه بسرعه ويقعد يفتح في صيدليات ... ده انا سمعت عن واحد فاتح (الله أكبر الله أكبر) خمسه وتلاتين صيدليه

أي والله خمسه وثلاثون فارماسي

انا مابانقش ولا حاجه ......أنا هاتجنن بس.....عقبالنا يااااارب

حكم انا سمعت برضه ان الصيدليات هناك ممكن أي حد يفتحها كمشروع مش لازم يكون صيدلي، بس الشرط ان اللي يديرها صيدلي

[sayedmido]

متشكر علي المعلومات المفيدة يا دكتور تهامي اعطتني امل انا دكتور بعمل لاندنج حاليا في كيبك استفدت من تجربتك في كندا وهتساعدني في قرار الاستقرار هنا بعد التردد بسبب شغلي في السعودية وربنا يكمل مشوارك علي خير

[ViralMind]

يا فتاح يا عليم يا رزاق يا كريم...اصطبحنا و صبح الملك لله....شكلى هاشمر و اضرب حد النهاردة

بست...بست ...تهامى...ايوة انت...شايفنى...انا هناك فى اونتاريو...

انت يا بنى ...هتعصبنى ليه؟؟؟؟

انا ماسكة نفسى و دايسة على سنانى أهوه...اهوه عشان ما أزعقش و اعلى صوتى....

انت ليه محسسنى ان انت فى بلد تانية و انا فى بلد غير كندا اللى بتحكى عليها...

ناس مين اللى بسكوت...و بيقولك اغير لك العجلة كمان...لأ قول كلام غير ده....هو ايه تصنيفات السكان عندكم؟؟؟

يا عمنا انا اتمسح بيا بلاط كندا...وعشان تبقى عارف...المهاجرين مع بعضهم زفت و زبالة ايا كانت الجنسية...

البيض او الكنديين ...فى مناطقهم اللى مافيهاش تقريبا مهاجرين بيبصولنا على اننا غوغاء...عارف نظرتنا للبنغال فى الخليج...هى دى نفس النظرة...و العنصرية و التعامل بقرف...وليهم كدة شوية حركات نبقى نقولها بعدين ...لو ما اتشتمتش يعنى...بس حتى سألت واحدة صاحبتى بتشتغل فى العقارات و قالت لى نفس التعليق.

هه..أقول كمان...

باانوسبة للضرايب اللى رجعوها لسيادتك...ده سببه حسبه بسيطة...انت استقريت فى النص التانى من السنة...و طبعا ما لقيتش شغل علطول...يعنى كل اللى اشتغلتهم شهرين تلاتة فى السنة كلها ...ايا كان المرتب اللى بتاخده لما يتقسم الدخل ع السنة كلها هيطلع ان انت دخل محدود...فطبعا يرجعلك فلوس ومش بعيد يكون جالك كمان ضريبة السلع و الطاقة و الحاجات اللى بتتقسم دى ع الناس الغلابة اللى بتاكل كل يوم فى مطعم زى حضرتك.

أما بالنسبة للمجهود و الشغل اللى اقل من الخليج...فخلينى ساكتة احسن...ولا أقولك ....تييييييييييييت... يعنى بصراحة لأن الشغل هنا فحت وردم و لا تقولى مصر و لا خليج...انت بتاخد دولار بياخدوا حبابى عنيك قصاده...و أسأل اى حد فى اى شغلانة كبيرة او صغيرة...

يا راجل ده الناس بتاخد منيمم و يدج وبيشتغلوا فيزيكال لحد ما يبانلهم اصحاب...شغل مش آدمى....

طبعا انا متوقعة الشتيمة هتنزل ترف....والله ما انتوا قايمين....

انا هاخد الباب فى إيدى!!!

بس على فكرة بعد الطحن و العجن و المرمطة...لما الدنيا تبتدى تتحسن...البلد مش وحشة...بس الواحد لازم يفهم السيستم...

ويستقر عشان يقدر يحس بأى حاجة حلوة حواليه...

فوتكم بعافية

سوسو باشا إغ..

كلامك صح طبعا.. ولا شتيمة ولا حاجة.

موضوع الشغل الفيزيكال ده ناس كتير اتكلمت عنه, و كله بيؤكد انه بيهد الحيل..

و للاسف ده بيخلى الواحد ينسى انه فى كندا, لان اثناء الشغل, مبتفكرش كتير فى الخضرة و الوجه الحسن.. و لكن كل تفكيرك انك عايز تخلص اليوم علشان تروح تنام الكام ساعة..

بس فيه حاجة اهم من كل ده فى كندا..

انتى عارفة اننا هنا فى مصر, الواحد على ما بيوصل سن الاربعين, بيكون جاله كل الامراض ولعياذ بالله, من قلب و سكر و ضعط و حرقة دم و اعصاب؟

احنا هنا بيتم استهلاكنا و اضعافنا بشكل ممنهج و وحشى و غير آدمى.. ده مش مبالغة والله.. دى حقيقة بجد... و يا ريت فيه مقابل بعد كل ده, العكس تماما.

[moheltohamy]

السلام عليكم و رحمة الله و بركاته

يعني انا قاعدة و مربعة ايديا و مش عايزة ارد علشان مطلعشي بره سرد حضرتك للموضوع اللي هو فوق الرائع بقيمة دورين تلاتة

بس الكلام اللي حضرتك قولته فوق ده....داس علي زرار الاشتعال الذاتي عندي

ايوه يا دكتور لان حضرتك بتقول الحقيقة جدا

بس خليني اضيف لحضرتك عليها

تخيل لو انت مؤمن بكل القناعات دي

بس انا مش ولد

انا بنت

و بؤمن بالحرية في الافكار و في المعتقدات و معترضة علي كتير من اللي اتربينا عليه

و زيد علي ده كله

اني عايشة في مصر

مبتدتشي اشوف اني هكون سيدة قراري غير لما اخدت اول خطوة ليا اني اسافر و كانت علي الامارات البلد اللي كان بالنسبة ليا حلم

لكن دلوقتي و بعد 3 سنين هناك.....حاسة اني زي ما حضرتك بتقول....بنحرق بنزين علي الفاضي

و بالعكس اصطدمت هناك بثقافة كده بنسميها انا و صحباتاي اللي هما شبهي....الفراخ المجمدة...اللي هو تبقي قاعد حاسس انك قاعد مأنتخ في التكييف بس روحك فااااضية و دماغك قاعدة مستنية السلق في الحلة

مش عارفة الحل ان الواحد فعلا يفكر في الهجرة ل "وطن" جديد

و لا هي كانت الغربة جوانا اصلا

لان احنا حسينا ان احنا لا ننتمي لكل "وطن" سافرنا فيه

معلشي قاطعت تسلسل حضرتك

معاك المكرفون

بس كنت عايزة اقول البوقين دولم

صباحك.....سؤال "يعني ايه وطن؟؟" و يعني ايه اصلا سعادة؟؟؟

صباح الخير يا لماضة

معلش أنا مش عارف أنتظم زي زمان ، فباجي كل حين ومين...

واله يا فندم البوقين دولم بيثيروا شجون ، ومشكلة مش شايف لها حل. بتفكرني برواية قريتها زمان لنبيل فاروق من سلسلة زهور بتحكي عن واحدة ثائرة على العادات والتقاليد ، واللي ما يعجبهاش ما بتعملهوش بكل حرية ومسؤولية في نفس الوقت. نهاية القصة إن نبيل فاروق عاوز يوصل المعنى إن المجتمع وتقاليده وعاداته هيه اللي هتكسب في النهاية ، واللي يقف في طريقها هتدوسه ، ومفيش مانع إنه يحاول يقنعنا إننا الصح دايماً والتانيين همه اللي وحشين ، بنفس الفكر بتاع فيلم الحفيد لما كانوا عاوزين يوصّلوا فكرة إن محاولة تأجيل الإنجاب فكرة شريرة والبطل الحمد لله رجع لعقله ولميرفت أمين الأستاذة في الآخر

زي فيلم جري الوحوش اللي أثبت إن محاولة المشي ورا العلم هتدمر كل الأطراف ، وإبقى خللي الطرلوب ينفعك! الفيلم حلو ، بس الفكرة العامة ساذجة ورجعية بجد!

اللي عاوز أقوله إن بكل أسف صعب جداً تغيير ناس عقولهم متبرمجة على فكر ومنهج معيّن ، إلا إذا كانوا هم نفسهم رافضيينه ، وأعتقد إن فيه نسبة مش قليلة رافضة كتير من عاداتنا وتقاليدنا يا لماضة.

ولو إنتي فعلاً يهمك تحسي بنفسك وبمعنى كلمة حرية في مجتمع يحترمها ويقدسها ، يبقى غيري المجتمع يا لماضة ، مش هتعرفي تغيري طباع كتيرة فينا كمصريين ، يبقى الحل زي ما سمعته من زمان (لو عايز تخلي مصر زي أمريكا ، يبقى مشّي المصريين منها ، وهات أمريكان فيها ، هتبقى حتة من أمريكا)!

مش هاروح لبعيد... أنا نفسي تفكيري مختلف من زمان ، حتى بنت خالتي بتقوللي بعد حوار بيننا ع التليفون (إنتا من زمان وانتا دماغك بايظة ، والعيلة كلها شايفين تفكيرك حادف شمال من وانتا في مصر)! كان ده تعليقاً على تشجيعي ليها تيجي أمريكا منحة تبع جامعة هناك ، وتسيبها من كلام العمات والقرايب اللي بيقولولها إن سفر الست لوحدها مسخرة ، ومكانك هوه بيتك وعيالك!

أما بالنسبة لموقفك انتي ، فانتي طلعتي من مصر حيث المجتمع منغلق على أفكاره ، ورحتي الإمارات الأكثر انغلاقاً! بالتأكيد إنتي مش عايشة في دبي. الإماراتيين مش متحررين ولا متحضرين ، والتحضر هنا بالأفكار ، مش بالعمارات ولا بالعربيات! دا يمكن في مصر إحنا أكثر تحضراً منهم!

أما سؤالينك الأصعب فعلاً عن تعريف كلمة وطن وكلمة سعادة ، فده إنتي اللي تجاوبي عليه. كل واحد بيختار معنى حياته وأولوياتها بناءً على معاييره الشخصية. بالنسبالي أنا الوطن هوه المكان اللي أحس فيه بالألفة وأحن له لو بعدت عنه. يمكن كان للمكان أو لناسه أو لذكرياته. وبكل أسف المكان بيتغير والناس بتتغير والذكريات ما بتركبش على تغيّر المكان بكل أسف. وعشان كده كنت حاسس بالغربة في المكان اللي اتربيت فيه معظم سنين عمري! يمكن دلوقتي أصبح الوطن بالنسبالي هوه المكان اللي باحس فيه بالأمان والاطمئنان ، وراحة الأعصاب وبالانسجام مع نظام المكان وطباع أهله.

كنت دايماً رافض مبدأ إني لازم أسكن جمب أهلي أو أصحابي. مقتنع إن مكان سكني واستقراري يكون بما يتماشى مع معاييري الشخصية ، وبالنسبة للأهل والأصحاب ، فدول سهلة أوي نروح نزورهم من وقت للتاني. مش ده أساس الحياة ، ولا هما هيكونوا متفرغين لزياراتي اليومية أصلاً.

الوطن مش بالضرورة أو بالإجبار المكان اللي اتولدت وأخدت أول نفس ملوّث فيه ، الأرض كلها وطن لبني البشر. مكان ما ترتاحي للاستقرار والحياة يكون وطنك. وكلمة بلدي اللي فيها مراتي ، ليه ما تكونش بلدي اللي فيها سعادتي واستقراري النفسي والمادي؟

السعادة برضه معيار شخصي... أنا عن نفسي باكون سعيد كل مرة باجيب حاجة حلوة ، وخدي عندك من الحاجات الحلوة بالنسبالي دي كتير... لما اشتريت حلة الخضار مثلاً ، حلة الرز ، قطّاعة السلاطة ، سلاّقة البيض ، كسّارة البيض ، تويستا عشان تقطيع البصل ، صنوبر ومستكة وحبهان بودرة ، لما اتعزمت عند واحد صاحبي على أكلة كشري مصري أحلى من اللي في مصر ، لما طبخت أنا كباب حلة بالفحم ، ولما عملت فتة بالخل والتوم أستاذة... إلخ! مش عارف هوه الكلام قلب على طبيخ ليه كده صحيح؟!

معلش أصلي لسه مجهّز المطبخ في شقة إدمونتون مؤخراً

لو هنتكلم على معيار أكبر ، فالسعادة ممكن تحسيها لو عايشة الحياة اللي راضية عنها وكنتي طول عمرك تتمنيها. أو زي ما قالوها السعادة في الرضى ، سواء كان الرضا ده بإنك حصلتي على ما تتمنين أو رضاكِ بما تملكين.

شخصيتك هيّه اللي بتحكم المعايير الشخصية للسعادة ، و ممكن تكوني سعيدة بأبسط حاجة في الدنيا ، وممكن عندك الكتير ومش سعيدة عشان كنتي منتظرة أكتر من كده... هي شخصيات أولاً وأخيراً.

ختاماً ، تمنياتي يا لماضة بالوصول لما يمكن تسميته وطن ، تعيشي فيه بكل سعادة ورضا وحب.