كندا التي رأيتها :)

[أدهم الشرقاوى]

و الله و ربنا وحده هو العالم أنا قد إية زعلان و حزين إنى ماقابلتكوش فى الحقيقة, بجد حاسس كأنن أمخاخنا كوبى و بيست من بعضيها يعنى نسخ متكررة و نفس الأفكار و نفس المعتقدات و الرفض للواقع المصرى و الفكر المصرى بالعموم و بعد الثورة بردو ولا كأن فى أى حاجة حصلت, لسةاالزبالة مالية الشوارع و العقول لسة فى غياهب الظلمات و الوعى عموماً لدى الشارع المصرى لسة فى البلالا و لا قدامنا 30 سنة على ما نشم نفسنا.

للأسف إحنا كبرنا غلط و إتربينا غلط و إتعلمنا غلط, عمرى ما حد علمنى يعمى إية إنتماء وطنى ولا حب البلد, كنت برمى ورق الحلوات الفاضية فى الشارع ولا حد عمره قاللى عيب ولا غلط, ماإتعلمتش غير إنى لازم أحفظ و أذاكر و خلاص و إن هى دى مهمتى فى الحياة لحد ما أشتغل و أتربط فى الساقية لحد ما أموت ! بجد حتى ما إتعلمناش يعنى إية أستمتع بالحياة ! و على سبيل المثال من الأمراض النفسية لدى شعبنا العظيم:المخدرات مثلاً كانت فى المدارس و العلاقات بين البنات و الولاد فى المدارس كانت عادى و كنا فى مدارس منفصلة و الأهالى عايشين فى ملكوت تانى خالص, إحنا مجتمع منافق مريض و بشدة يدعى التدين المزيف و الصلاة و الصوم و العبادات و ميعادها و لكن الشق الأهم و الأصلى فى الدين و هو الأخلاق لا وجود له فى ثقافتنا و للأسف العقول المفكرة و المثقفين و المتعلمين بيهاجروا و يسببيوا البلد زى حالاتى كدة من الهم دة! يخرب بيت كدة يعنى مين طبيعى و سوى يرضى لأولاده إنهم يتعلموا فى كدارس كدة ولا يتعاملوا أصلا مع مجتمع بالعقلية دى؟

أنا عندى كلام كتير أوى بس قلبى واجعنى منه و من اللى بشوفه فى الشوارع كل يوم من حرقة الدم و أنت سايق و أنت راكب مواصلات و أنت بتتسوق و أنت حتى بتاكل فى أنضف المطاعم بردو أخلاق الناس هى هى مهما إغتنوا و مهما لبسوا ماركات..بس بجد خلاص...مصر بالنسبة لى خلاص كدة جابت آخرها أوى و أنا زيكوا أنا شاب فى مقتبل العمر و أعمل فى شركة إتصالات كبرى فى مصر و خريج جامعة أجنبية و الحال ميسور نسيبا لمصر و وصلت لمرحلة إنى حاسس إنى موجود فى المكان الغلط مع الناس الغلط بأفكارهم الرجعية اللى أنا رافضها, مش قادر أتعامل مع الناس خالص و بجد ببصلهم زى العبيط فى الشارع و نفسى أفهم لية الغوغائية متأصلة فى تصرفاهم؟ لية قلة الأدب على طول الخط؟ لية التحرشات فى الشوارع؟ لية المعاكسة لأى أنثى فى الشوارع؟ لية و لية و لية؟! وصلت لمرحلة أين المفر!! بس هى كندا! يا حالوللى كندا و الله لأمسح جزم بالمعنى الحرفى للكلمة ولا أعيش فى قصر فى التجمع الخامس..

أنا تعبت و عندى قناعة شخصية إنى لو خلفت طفل يشم هوا البلد دى هبقى بجد بظلمه و بتجنى علية و أبقى أجرمت فى حقة و القرار إتاخد و أدينا ماشيين فى البروسس و بننحت فى الصخر نحت من أجل شىء واحد بس.... الكرامة.

أنا كلامى لم يضف أى جديد من اللى الأساتذة الأفاضل قالوة قبلى بس كنت لازم أشارك و أفضفض مع ناس فاهمنى لأنى هنفجر و هموت من الناس اللى عايشة معايا على أرض الواقع و اللى عاش فى مصر يفهم أوى كل كلمة أنا قولتها..

سلامى للجميع و إن شاء الله نتقابل فى أرض الأحلام.

تم تعديل 15 سبتمبر 2011 بواسطة أدهم الشرقاوى

[لماضة مصرية جدا]

السلام عليكم و رحمة الله و بركاته

دكتور توهامي

ايه ده

دهدي....(وش اي حد بيشد علي ايدين حضرتك و بيباركلك بقلب جامد و بيقولك ها...هتعزمني علي حلة محشي كرنب امتي بقي...و ده طبعا بمناسبة تجهيز المعمل قصدي المطبخ)

متفقة مع حضرتك جدا فيما يتعلق بمعطيات المجتمع و ازاي تطوع افكارك و تحاول تعيش في عالم تصنعه بمفرداتك انت لغاية ما ربنا يكرمك بقي و تلاقيه في الحقيقة

بس حضرتك دمرت برنامج ذاكرة السينما توماما....عندك بقي و كفاية علي كده...انا خايفة تخش علي فيلم الارض و تقولي لا عبهادي مكنشي لازم يطاوع ابا الحج سويلم

مع حضرتك حق فيما يتعلق بالمعيشة في الامارات...المفروض اني في العاصمة....لكني في اوقات كتير بحس اني في معسكر عمل.....الفح الفاس من الصبح بدري و انزل اعزق في ارض مش بتاعتي و بعدين ارجع بالليل اسال نفسي مليون سؤال...و غالبيتهم....هو انا بعمل ايه هنا

حضرتك اصبت كبدة الحقيقة لما قولت الانفتاح مش مباني...الانفتاح افكار و عقول تقدر تحسسك انك قادر تتعلم حاجات جديدية و تضيف لخبراتك و تحس انك قادر تتنفس و انك بني آدم لسه بيتعلم مهارات تانية

انا شخصيا ببحث عن وطن اعلم ملامحه جيدا مش مرتبط بمساحة جغرافية علي الارض....مساحتي هلاقيها في الجنة بقي و عليكوا خير...(ده ايه الاحباط دوت...اوعي حد يضرب...انا عيلة و ممكن ازعق و الم عليكو الناس)

و عشان كده مفهومي عن الوطن بيتغير....تفاصيل حياتي الي بتسعدني...(و تشبه كتير حملة تطهير و تجهيز المطبخ عند حضرتك)...دي اللي بعتبرها اوطاني الصغيرة...و الميزة اللي فيها ان التفاصيل دي متجددة....يعني ممكن حاجات غير متوقعة تملاني دفا و سعادة

طولت علي حضرتك

بس الكلام في النواحي دي....بيعمل طراوة...(وش حد شايل جردل ميه وواقف يرش)

و بالمناسبة الحلوة دي

و بمناسبة اني كل ما اخش التوبيك اكتشف اني مش لوحدي اللي بفكر في هذه الفكاكير

ما تيجو نعمل رابطة كدهوت

و نسميها مثلا

رابطة...الدينازورات المنقرضة

ايون

اهو ناخد بخاطر بعض كل شوية...و نحافظ علي سلالة الافكار من الاندثار

هذا و بالله التوفيق

و السلام عليكم و رحمة الله و بركاته

كان معكم

مراسل قطاع الحفريات

التلفزيون المصري

لماضة....عضمة..:)

[starsideus]

بجد انا هاموت من الضحك يا لماضة, و الله عندك حق في موضوع جمعية الديناصورات دة bv:- , عموما الاختيار اللي كان دايما بيتحط قدامي من اصدقائي و قرايبي هو انت عايز تكون في الشرق المؤمن المتدين الورع بغض النظر بقى عن كل السلبيات التاني دي اللي احنا عمالين نتكلم فيها من الصبح ولا عايز تكون مع الغرب الفاسق الفاجر اللي مبيعرفش ربنا بغض النظر عن كونهم بيشغلوا دماغهم و بيدوك حقك و كل حاجة هناك ماشية بالعقل و المنطق؟

طب مينفعش ابقى متدين و محترم و في نفس الوقت عايش برة وسط ناس بيشغلوا دماغهم و محترمين و بيتعاملوا بالميزان؟

بمعني اصح اخد افضل ما في العالمين؟ انا عايز اكون قريب من ربنا بس في نفس الوقت مش عايز امشي في شوارع زبالة وسط ناس العقل بيالنسبالهم اصبح عضو ضامر.

احنا قليلين قوىي و قربنا ننقرض عشان كدة انا اضم صوتي لصوتك يا لماضة و نعمل جمعية حماية ديناصورات الشرق.

بس هو مفيش توقيع تاني غير العضمة؟

[لماضة مصرية جدا]

بجد انا هاموت من الضحك يا لماضة, و الله عندك حق في موضوع جمعية الديناصورات دة bv:- , عموما الاختيار اللي كان دايما بيتحط قدامي من اصدقائي و قرايبي هو انت عايز تكون في الشرق المؤمن المتدين الورع بغض النظر بقى عن كل السلبيات التاني دي اللي احنا عمالين نتكلم فيها من الصبح ولا عايز تكون مع الغرب الفاسق الفاجر اللي مبيعرفش ربنا بغض النظر عن كونهم بيشغلوا دماغهم و بيدوك حقك و كل حاجة هناك ماشية بالعقل و المنطق؟

طب مينفعش ابقى متدين و محترم و في نفس الوقت عايش برة وسط ناس بيشغلوا دماغهم و محترمين و بيتعاملوا بالميزان؟

بمعني اصح اخد افضل ما في العالمين؟ انا عايز اكون قريب من ربنا بس في نفس الوقت مش عايز امشي في شوارع زبالة وسط ناس العقل بيالنسبالهم اصبح عضو ضامر.

احنا قليلين قوىي و قربنا ننقرض عشان كدة انا اضم صوتي لصوتك يا لماضة و نعمل جمعية حماية ديناصورات الشرق.

بس هو مفيش توقيع تاني غير العضمة؟

السلام عليكم و رحمة الله و بركاته

طب اتصدق بقي حضرتك انت قاعد تضحك....و انا لما قريت وصف حضرتك اللوذعي لينا ان احنا "عضو ضامر" انا الدمعة فرت من عيني و دخلت علي مناخيري و اشنهفت جدا(يعني ايه اشنهفت...بس تقريبا ده الصوت الشقيق لخرير الدموع و كدهوت :blink: )

انا فعلا حاسة اني freak...(ده الوصف الافرنكة يعني للضمور النفسي اللي حضرتك حدفتني بيه)

و ع فكرة عجبتني فكرة جمعية دينازورات الشرق ديت...وااااااااااو ده احنا هنلم تبرعات...يا دين النبي....(مش هما دلوقتي اي حد بيؤيد الثورة بيقولك اجندات و تمويل و بتاع...تخيل بقي حضرتك احنا نحط كل الناس اللي بتفكر عكس عكاس من منطق مجتمعهم و نخليها في طبق واحد...ده احنا هناااااكل ضرب:)

بجد

ما تفتح توبيك بده...و اكيد باقي الديناصورات هيجوا علي الريحة يعني

بدل ما احنا ما شلفطنا التوبيك دهوت بتاع دكتور التوهامي

اؤيدك بشدة يا رفيق نجمة

توكل علي الله....(خد انت الطلعة الاولانية و ان شاء الله تلاقيني في كتفك.....احتمال كبير تتلفت متلاقيش حد اصلا وراك...انا عارفاني...اول حد اهرب)

كان معكم

لماضة...لابسة خوذة

متنسوش

الله

الوطن

الشعب

الديناصور

و الله الموفق

وش اي حد من الظباط الاحرار لما حطوا ايديهم في ايدن بعض و عملوا كيلو بامية...و اكلناها خمسييييييييييين سنة

[akramgroup]

اولا والله بقالى كتير مبدخلش على المحاورات من بعد ماابواب كندا تقريبا بيخلوها عشان نظام الخلو ده انقرض وهم شكلهم عاوزين يبنوا كومباوند كبير ويشغلوها تايم شاير او تمليلك

عموما من الحاجات اللى لفتت نظرى الاقى التوبيك واخر مشاركه هى لماضه وقولت ايه اللى جاب القلعه جمب البحر :P :P وان لماضة المصريه شكلها بتشاور عقلها تهاجر لبلاد الفرنجه

وقولت طبعا ادخل اسلم على الدكترة تهامى واقوله ربنا معاك

على فكرة يادكترة انا اكرم اللى كنا بنتكلم من كام يوم على كونفرانس كول مع... فاكر ولا...

عموما كل سنه وانتم طيبين جميعا

[لماضة مصرية جدا]

عموما من الحاجات اللى لفتت نظرى الاقى التوبيك واخر مشاركه هى لماضه وقولت ايه اللى جاب القلعه جمب البحر :P :P وان لماضة المصريه شكلها بتشاور عقلها تهاجر لبلاد الفرنجه

وقولت طبعا ادخل اسلم على الدكترة تهامى واقوله ربنا معاك

على فكرة يادكترة انا اكرم اللى كنا بنتكلم من كام يوم على كونفرانس كول مع... فاكر ولا...

عموما كل سنه وانتم طيبين جميعا

السلام عليكم و رحمة الله و بركاته

استاذنا الرائع- و لا نزكي علي الله احدا- أكرم ليمتد و شركاؤه...(ايون مش حضرتك جروب و كدهوت)

هو الحقيقة انا عقلي بشاورملي من بعد التخرج مباشرة و جتلي منحة لاستكمال دراستي في لندن...بس اهلي اعترضوا عليها علشان اني بنت و اني ديت بلاد الخواجات و حاجات كتيرة كدهوت فوق بعضيها

و عشان انا طول عمري مطيعة...(بحاول يعني كده و كده) وافقت في وقتها

بس الحلم فضل جوه مني عامل زي العيل الرخم لما يمسك ودن امه و يقول عايزة امبووووو:)

دلوقتي باذن الله بحاول ارجع لحلمي القديم

و بآجي هنا كل شوية....لأن تجربة دكتور تو ثرية جدا مش علشان هو سافر كنكا.....ابسلوتلي...(وش اللمبي)

علشان هي تجربة انسانية...بيحكيلك فيها حاجات كتير يا مرت بيك يا هتمر عليك و ده انا بستفيد منه علي المستوي الشخصي و الانساني و السيكوباتي و الفيزيقي و حاجات كتير فوق بعضيها

بيساعدني مش بس اني احلم و افرد جناحاتي في السما

لا بيساعدني اني افصل ملامح للحلم ده في الحقيقة و انزل من السما اللي لونها فانيليا و شيكولاتة و اعرف ابتدي اروح فين و آجي منين

يمكن يستقر بيا الحال في كنكا...ليه لا

و يمكن الاقي..."الوطن" اللي بدور عليه اللي يساعدني اني اكون البني آدم اللي ربنا استخلفه في الأرض

شكرا كتير لاهتمام حضرتك

و متغبشي علينا تاني

سؤال علي هامش الشلتة اللي احنا بنتكلم عليها ديت

يعني ايه كونفرس كول.....ده نوع جديد من الزبادي...(وش حد رافع ايده و بيسال من اخر الفصل و هو قزعة اوي)

كان معكم

من امام تختة تالتة تاني

اخر صف في الفصل

لماضة.....قزعة:)

[مصرية و أفتخر]

د. تهامي كل سنة وانت طيب و رمضان كريم, بجد توبيك اكتر من رائع و موهبة قصصية لا شك فيها, انا عضو في المنتدى من حوالي سنة و نصف تقريبا بس كنت مركز بس على التوبيكس الخاصة بمعلومات الهجرة و الاوراق و التقديم بس من اول رمضان كدة قلت افتح التوبيك و من ساعتها و انا مش عاوز اكتب اي تعليق غير لما اخلص ال140 صفحة اللي في التوبيك, بجد ادمان لدرجة ان مديري ابتدى يخنق عليا من كتر ما باكون فاتح التوبيك بتاع حضرتك وانا في الشغل بالرغم من اني task based مش shift based يعني هو بيديني الtasks بتاعت الاسبوع كلة و انا و شطارتي اخلصها في 5 ايام او في 5 ساعات زي ما انا عايز المهم اني التزم بالdeadline بس مع ذال الادارة المصرية للاسف زي الزفت.

احساس غريب جدا ان الواحد يتعرف على انسان و يقرا قصة حياتة كاملة من على الورق, عشان كدة حاسس اني اعرفك من زمااااااان يالرغم من ان عمري ما قابلتك, دة الى جانب التشابه في الطباع اصل اخوك غاوي برضة اليكترونيكس و مدمن meat steaks و عاشق للسفر جوة مصر و برة مصر دة الى جانب اني مشاركك في عشق كندا بالرغم من اني لسة ما شفتهاش بس اخدت فكرة عنها نوعا ما من خلال زيارتي ل California في شهر ابريل اللي فات بعد الثورة و طبعا من خلال الهاند اوفر الاكتر من رائع الخاص بحضرتك.

الللي زعلني بجد ان بعد الجو الجميل اللي الواحد عاشة في القهوة بتاعت حضرتك في الاسبوعين الللي فاتو دلوقتي حاسس انها بقت فاضية و متربة, بجد ياريت نسمع من حضرتك تاني, و عموما انا باستأذنك اني اكتب شوية مواقف كدة حصلتلي في اثناء سفرياتي تأكيدا على النقط اللي حضرتك اتكلمت فيها و ياريت تقبلني صديق ليك و عل و عسى نتقابل في كندا عن قريب, اخوك مقدم فيدرال من شهر كدة في النظام الجديد و ربن يسهل بس دعواتك لينا.

يمكن في ناس بتستغرب ان اللي كان عايز يسافر قبل الثورة لسة عايز يسافر بعد الثورة بس انا عايز اوضح حاجة, في ديسمبر 2010 انا كنت و صلت لمرحلة من اليأس من البلد لا توصف بالرغم من اني موظف في شركة multinational و مرتبي محترم بالنسبة للمقاييس المصرية لكن فية حاجات كتير مش هاتقدر تشتريها بالفلوس حتى لو معاك مليارات, وقت الثورة انا كنت في ميدان التحرير و اعز اصدقائي اتقتل قدامي, و اعتصمت لحد ما مبارك سقط و كتبت مقالات و شاركت في ندوات و لما رحت امريكا في ابريل شفت الاحترام في عيون الامريكان لية لمجرد انهم يعرفو اني مصري, بس ليلة سفري ابويا سألني ان كنت ناوي ارجع تاني و لية مصر على السفر بعد ما مبارك مشي و البلد هاتبتدي تنضف, طبعا قلتلوا ان امريكا مش هي خطتي بس كندا هتكون ان شاء الله الخطوة الجاية اما بخصوص اصراري على السفر فدة مافيهوش تعارض مع مشاركتي في الثورة, انا زي ملايين من المصريين اللي زهقوا و طهقوا و نزلو الشارع لكن بعد مبارك هل البلد هتكون جنة بين يوم وليلة؟ هل السلبيات اللي انتشرت فينا هتختفي مع شروق شمس اليوم الجديد؟ اكيد لأ, السلبيات دي محتاجة تغيير بشر كبروا و اتعودوا عليها يعني في جيل جديد دلوقتي من الاطفال بيتربى على انو يقول اسف و بعد اذنك و لو سمحت و بيتعلم يكون ايجابي و يشارك في السياسة الجيل دة هيكون هو الامل و دة هيكون نقي بنسبة 70% و الجيل اللي هييجي بعدة هيكون نقي بنسبة 100% يعني بنتكلم في 30 ل 40 سنة ساعتها اكون انا على المعاش ان كان لينا عمر, طيب السؤال التاني انا اقدر اعمل اية لبلدي دلوقتي؟ حاليا مش كتير يعني انا مش احمد زويل او فاروق الباز ولا انا رجل اعمال غني اقدر اصرف على المشاريع الجديدة, لكن من خلال سفري اقدر اغير الوضع دة يا اما احقق طموحاتي الاكاديمية اللي اندفنت في مصر من زمااااااان او احقق نجاحات مادية و في الحالتين هاقدر اساعد البلد افضل مما لو كنت جواها.

حاجة اخيرة: اسوأ حاجة عملها مبارك مش انو سرق البلد او سجن وقتل و عذب ابرياء كتير او حتى انو دمر البنية التحتية و باع ثروات البلد لأعداءنا لا لا لا, الحاجات دي كلها تتعوض بسهولة, لكن اللي ميتعوضش هو الدمار الهائل في العقول و النفوس و الاخلاقيات.

شرفت موضوعي يا Starsideus

مشاركتك عميقة بجد ، ولو بدأت أرد على الأفكار اللي فيها ، هتملا كتاب. ويمكن عشان كده ردي على مشاركتك أجلته عشان ألاقي بال رايق وأعرف أقعد له قعدة مزاج.

أولاً بالنسبة للمشترك بيننا يا عزيزي ، فهتلاقي جنة أحلامك هنا في كندا ، يمكن مش هتكون زي أمريكا الفاجرة في كل حاجة دي ، بس هتلاقي صرفة تجيب كل اللي انتا عاوزه من أمريكا ، حتى لو دماغك لسعت زيي كده ، لما كنت بافكر جدياً أقدم على فيزة أمريكا عشان أعبر الحدود وأروح أشتري التليفزيون اللي باحلم بيه!

بس هنا هتلاقي اللي مش هتلاقيه في أمريكا ؛ حكومة عاقلة ومتسامحة لأقصى حد ، لدرجة الغباء في أحيان كتير. هتلاقي ناس Laidback جداً ، وده مش هتلاقيه بسهولة بره البلد دي. هتلاقي نقاء وجمال الطبيعة وصفاء وبعد عن التلوث. هتلاقي مجتمع متعدد الثقافات بجد.

أنا لما باقول إني باحب البلد دي ، لا بابالغ ولا بامثل... البلد دي تتحب بكل ما فيها ومن فيها. طبعاً احنا مش في الجنة ولا المدينة الفاضلة وفيه سيئات وسلبيات كتير ، بس هنا بقى هيرجع التقييم لعينيك وشخصيتك انتا ، هل انتا من الناس الكئيبة اللي دايماً شايفة الحياة وحشة ، والدنيا بتلطّش فينا؟ ولاّ انتا زي حالاتي ، دايماً شايف إن الحياة فيها جانب جميل ، وأي فترة من حياتك ليها جمالها وطعمها الخاص بيها واللي هتفتكره بابتسامه في يوم من الأيام؟

أنا يمكن بطبعي ما باندمش على أي حاجة عملتها أو حصلت لي ، ولو كنت حتى عملت أخطاء أثرت عليا ، هنا باحب أنصح غيري عشان ما يلبسهاش ، أنا ممكن أفيد غيري ومش هيضرني حاجة. وفعلاً المنتدى هنا خلاني أعيش أحاسيس جميلة فعلاً ، وارتبطت بناس من أنضف الشخصيات اللي عرفتها في حياتي. في نفس الوقت لقيت نماذج ما تشرفش وجابتلي اكتئاب في أوقات كتير!

بالمناسبة... موضوع الصور أنا فوجئت بيه بعد كلامك ، ولقيت إن موقع الاستضافة ما غيّرش أي حاجة... سوفتوير المنتدى هوّه اللي غير مع نفسه كده الكود بتاع كل الصور ، ومحتاج بقى أدخل أعدّل الكود بتاع كل صورة ، وأقعد أفكر هيه أنهي صورة في أنهي مشاركة! بصراحة حاجة تضايق ، ولا عندي طولة بال ولا حماسة أعمل الليلة دي كلها!

مصر بالنسبالي تعتبر صفحة في الماضي بتاعي ، أو تقدر تقول كده زي ماما ، أدين ليها بالكتير بطبيعة الحال ، ومش هارد لها جمايلها عليّا... دايماً الأم بتعطي ، وما بتاخدش مقابل. المقابل بيروح للأبناء! ويمكن المقولة الجميلة دي كان قالها الزميل سكوربيون هنا في فريق الإشراف لما في حوار مع والده اعترف له بأفضاله عليه ، وهنا أبوه قال له إنه مش منتظر منه غير إنه يرد الأفضال دي لأبنائه ، ودي سنة الحياة وطبيعتها.

ناس كتير شايفاني متشائم ، بس استقراء الواقع المصري وسير مجرياته بتقول كتير لأحد أبناء المجتمع ده واللي عاش في مختلف مواقع العمل فيه. أنا لا أتوسم أو أنتظر الكتير من مصر ما بعد الثورة ، أعترف لك إني زي كتير منا هنا استفتحت خير بعد تنحي مبارك ، وعلى قد الضغط والسكر والعصبية اللي كنت فيها يوم 10 فبراير وانا باسمع خطابه وهوه للمرة المش عارف كام بيقول إنه هيراعي طلبات أبنائه من الشعب ودم الشهداء مش هيضيع هدر وهاسمع لكم يا ولاد ، وجمبي زمايلي الكنادوة في الإسعاف ، ومشغل السي إن إن ع التليفزيون ، وماسك في إيدي الآيفون باتابع بث قناة الجزيرة المباشر عشان أسمع الكلمات بلفظها من البيه. طبعاً أنا شايط وعمّال باشتم عربي وانجليزي ، والواد إد بيسألني هوه بيقول إيه الراجل؟ ولما وصلت البت شيلا عشان تبدّلني سألتني مالك؟ ولما قلتلها على خطاب البيه ، شاورتلي ع التليفزيون ، وسألتني هوه مبارك ده مش شايف المنظر اللي في التحرير ده؟!

وانا ماشي باكلّم ديبو وباقول له 10 دقايق رفعوا الضغط والسكر وحرق بيهم ابن الـ *** دم أكتر من 80 مليون ، يعني أنا بيني وبينه بتاع 10 تلاف كيلو ويحرقلي دمي؟ دا إيه الجبروت ده يا عم الحاج؟! هوّه الراجل الـ *** ده ما بيفهمش عربي؟ الناس من تاني أو تالت يوم ما بيقولوش غير كلمة واحدة "مش عايزينك" ، وهوّه مرة يقول هاغير الحكومة ، ومرة هاعين نائب ، وآخر المتمة بعد ما كل الناس حتى المذيعين بتوع السي إن إن ، وحتى موقع جريدة الدستور بيقول خطاب التنحّي بعد قليل... يقوم يقول لنا... خلاص يا ولاد مش هاعيد ترشيح نفسي!

والغريب إن على قد حرقة الدم اللي فاتت دي ، في 10 ثواني تاني يوم في خطاب عمر سليمان... الـ 80 مليون كلهم كانوا بيرقصوا من الفرحة!

تعرف صحيح... لاري مدير الشركة بتاعتي بيحكيلي إن بعد خطاب التنحي قال لمراته وبنته بكره تشوفوا الميدان ده بيلمع وزي الفل. مراته استغربت وما علّقتش. تاني يوم شافوا التصوير على السي إن إن والشباب بينضفوا الميدان وبيدهنوا الرصيف وأسوار الكباري. لما مراته استغربت وسألته إنتا عرفت منين امبارح إن ده هيحصل النهارده؟ قال لها: "عشان هيّه خلاص بقت بلدهم دلوقتي"! تخيل؟!

بس تنحي مبارك من الحكم كشف عورات البلد ، وده اللي كنت متوقعه بصراحة... كنت دايماً باعترض على كلمة الناس اللي يقولولك مصر وحشة بس المصريين كويسين ، وأنا كنت باعترض على ده ، وباقول إن مشكلة مصر في أهلها. أيوه إحنا وحشين وأنا أول الوحشين. إحنا اتربينا على مبادئ غلط بكل صراحة. فيه أخطاء كتيرة أوي في تربيتنا وتعليمنا وثقافتنا. أولوياتنا في الحياة غلط ، ونظرتنا للحياة غلط ، وأساسيات تقييمنا للناس غلط ، ومعايير النجاح في الحياة غلط ، وكله مترتب على كله... غلط × غلط!

يمكن أنا اتربيت على حاجات غلط وألوم عليها أهلي ، بس أنا دلوقتي وفي كندا سيد قراري ، وأقدر أعيد بناء شخصيتي بما يتوافق مع قناعاتي وتفكيري الحر. بس بداخل مصر ، المنظومة متكاملة من الفساد ، إزاي تبدأ إصلاحها؟ منين تبدأ وهيه كلها حلقات مفرغة متشابكة؟ والأهم من ده ، فين النية للتغيير؟ ومين اللي هيغيّر؟ وإيه الشكل المطلوب نوصل له عشان نبدأ التخطيط له؟ هل الدولة الدينية؟ الدولة المدنية كخة؟

دا أنا يا محترم مع إني ثورجي على التقاليد من زمان ، ساعات باكتشف فيا فسفوسة مترسبة من عقد الثقافة بتاعتنا من وقت للتاني! هاديلك مثال مباشر وعنيف هيوضح لك المعنى بتاعي...

إيه رأيك لما تبقى عارف إن جارك رجل شاذ جنسياً ، والراجل مش مكسوف من ده ، وبيصرّح بيه لو اتسأل ، لكن في نفس الوقت راجل ما شفتش منه حاجة تزعلك ، وبيعاملك وأسرتك بكل احترام ، وقايم بمسؤولياته تجاه العمارة أو المنطقة كما يجب؟ هل إنتا كـ Starsideus المثقف المتعلم المتفتح هتتقبل ده ، وتقول حرية شخصية ، طالما لا تتعدي حريتي الشخصية ، ومش هاشوف منه منظر يضايقني؟

قس على رد فعلك انتا بقى ردود أفعال تانية في الريف والصعيد ومجتمعات متدينة أو متشددة أو مقفولة ولا تقبل بالاختلاف في كل حاجة. نظرة المتدينين للبنت اللي لابسة بنطلون أو مش لابسة حجاب ، نظرة المسلمين للمسيحيين إنهم كفار وما يصحش إنهم يمسكوا الحكم والحمد لله إن المسلمين أغلبية في البلد ، نظرة واحد ملتحي لزميله اللي عامل وشم بالألوان على دراعه ولابس حلق أو مطوّل شعره ، نظرة والدتك لخطيبتك لما تعرف إنها كانت ماشية مع واحد أيام الجامعة ، نظرتك انتا نفسك لواحدة أعجبت بيها ورايح تتقدم لها بس تعرف إنها كان مكتوب كتابها قبل كده ، نظرتك لزميلتك لما تلاقيها بتشرب سجاير أو لابسة جيبة قصيرة شوية ، نظرتك لزميلك في الشغل في نفس القسم بتاعك بعد ما تعرف إنه من الفلاحين أو خريج معهد أو دبلوم فني وما دخلش جامعة زيك ، تعاملك مع أحد السياح الأمريكان في مصر لما تعرف إنه يهودي الديانة ، نظرة الناس في الشارع لراجل أو ست في سننا وشكله مسلم ، وداخل مطعم ياكل في نهار رمضان ، موقف السلفيين من وجود قاضية في المحكمة ، نظرة دكتورة لواحد خريج آداب جاي يتقدم لها ، نظرة المقيمين في مصر للمصريين المقيمين في الخارج ... والأمثلة كتير يا عزيزي.

شوية الأمثلة اللي قلتها فوق دي المفروض إنها لا تؤثر عليك ولا على البلد أو على انتظام الحياة واستقرار المجتمع ، لكن بعقلية الفلاحات اللي قاعدين ع المصطبة قدام الدار ، يبصوا ع الرايح واللي جاي ، ويجيبوا في سيرة دي وسيرة ده... صعب أوي إنك تلغي الثقافة السائدة من نقد الناس لبعضهم ، أو تدخلهم في الحياة الخاصة والشخصية لغيرهم ، حتى لو كانت لا تتعرض لهم ولحياتهم ولمصالحهم بشكل من الأشكال!

الثقافة دي بتؤثر في حياتنا كمصريين بدايةً من اختياري للبسي وتسريحة شعري وألوان هدومي ، ودراستي واختياري لزوجتي ، وطريقة تربيتي لأطفالي ، وبرنامجي الانتخابي كذلك لو مرشح نفسي للرئاسة أو للبرلمان. لما تلاقي إن مش مهم إنتا ملتزم في شغلك وحريص على المصلحة العامة ، قد ما الأهم شكلك ولبسك وحجاب مراتك ولبس بنتك والمصحف في عربيتك والآيات القرآنية في مكتبك وجوّه بيتك!

منظومة متكاملة يا عزيزي الدوق خلاصتها إن المظهر أهم ويكسب كتير عن الجوهر. وبعد ما كانت مصر دي بتاعتهم مش بتاعتنا ، وصلت إنها بقت مش بتاعة حد!

الصورة مش سوداية أوي كما قد يوحي كلامي ، واللي حصل يُعتبَر نقلة لقدام ، بس نقلة بسيطة بكل أسف ، وما تنتظرش منها الكتير لأننا ما ينفعش نطلع لقدام في حين إننا مربوطين بجذور ترجع في إتجاهيها لـ 7 تلاف و1400 سنة. الجذر القديم بنتمنظر بيه عشان ما حيلتناش غيره ، أو يمكن على رأي المثل اللي بيقول القرعة تتباهى بشعر بنت اختها. والجذر الأحدث اللي كتير شايفين إننا لن تقوم لنا قائمة بغير العودة شكلاً وموضوعاً للماضي ، بدون اعتبار إن تشكيلة الماضي كانت طبيعة حياة يحكمها الزمن والبيئة.

نهايته... الوضع في مصر مسيره يستقر بعد فترة من الزمن ، وتتحسن الأحوال تحسن طفيف عن ما قبل ، بدون أحلام العصافير إننا بين يوم وليلة هنبقى صورة تانية من كندا التي رأيتها.

تحياتي ليك ولخواطرك اللي قلبت علينا المواجع ، وشكراً على تواجدك هنا ، وعلى أمل بلقائك في القريب إن شاء الله في كندا... زوجتي الجميلة :wub:

ليه يا دكترة كده؟؟؟؟؟؟؟ ليه تخلينى أعيط و تقلب عليا المواجع كده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أولا اسمح لى أحييك على أسلوبك الرائع فى السرد.....أنا بدأت فى الهاند أوفر بتاعك و لسه ما خلصتوش,بس حبيت أغش و أقرا من الآخر,فجت المشاركة دى ع الجرح اوى اوى.............

انا يا د.محمد-زى ما اسمى بيقول- مصرية و أفتخر بكده......أنا عاشقة تراب مصر بجد.........و مش متخيلة انه جه عليا اليوم اللى مصر تخلينى أكفر بيها و أنوى ع الهجرة..............انا كنت دايما أوصف نفسى انى زى السمك اللى لو طلع من المية يموت,و أنا لو طلعت من مصر أموت ....عارف انى لما اتجوزت كان جوزى بيشتغل فى السعودية و تمام التمام....و أنا اشترطت عليه انه كام سنة فى السريع كده و ننزل مصر عشان انا ماقدرش اعيش بره مصر.........و صدقنى قعدت فى السعودية سنتين بالعدد(و نصهم أجازات قضيتها مع اهلى فى مصر)......

فكرة الهجرة دى كانت مرفوووووووووووووووضة تماما منى و من جوزى............و حتى فى أسوأ أيام المخلوع,كنت دايما عندى أمل ان مصر هتقف على رجليها و تتعدل,و طبعا كل حد كان شايفنى مجنونة!!!!!!!!!!!!

لما قامت الثورة,جوزى كان فى التحرير و انا كنت هاموت و انزل بس هو رفض عشان الاولاد......و لما الباشا السابق تنحى حسيت ان أخيراً الأيام أثبتت انى مش مجنونة و ان مصر فيها الخير ....و كده يعنى....و بقيت مقتنعة تماما اننا كلنا لازم نشتغل عشان البلد تقف على رجليها و تنضف .....

تخيل انت بقى واحدة بالوصف ده..........لما تاخد قرار الهجرة.......يبقى البلد دى وصلتنى لإيه؟؟؟؟؟؟؟نفسى أقف فى الشارع و أصرخ:احنا ما عملناش ثورة عشان الانتهازيين يقفزوا ع الحكم......ولا عشان الجيش يتبت فيها بايديه و سنانه........ولا عشان المجرمين يملوا الشوارع و السلاح يبقى فى ايدين الجميع.....ولا........ولا.........ولا..........

بجد فجأة حسيت كأنى فقت من الحلم على الحقيقة المرة...........انى لو فضلت فى البلد دى هيجرالى حاجة فى أعصابى.....و انى لو ربيت أولادى فى البلد دى يبقى ذنبهم فى رقبتى.......و حاجات كتير اوى اوى...........بس أنا طولت عليك أنا آسفة.......بس فعلا مشاركتك أثارت شجونى و استدعت دمعى..........

إدعيلنا ربنا يوفقنا و نحصلك على كندا قريبا ان شاء الله لأننا لسه حتى ما قدمناش

آسفة تانى على الاطالة و شكرا على مشاركاتك

تم تعديل 24 سبتمبر 2011 بواسطة مصرية و أفتخر

[Sherif]

والله يا جماعة انا بشكركم جدا على الفضفضة الجميلة دى

انا والله محتار .... انا بحلم بالهجرة من حوالى 6 سنين بس كنت مستنى اكمل الشروط ... بعد ما عملت الاختبار السريع للقبول فى كيوبيك وطلعت النيجة مقبولة ومكاتب الهجرة طلبت اوراقى علشان تقدملى ....

بدأت اخاف واحس ان الحلم بتاعى اقرب ان يكون وهم وكانت الاسباب هى

1- انى اكتسبت خبرة من السفر الى السعودية والعديد من البلاد الاروبية وحسيت ان معظ الناس عندها مشاكل وبتحاول تحلها وان فى سلبيات فى كل مكان

2- اكتشفت ان احنا بنهرب من مشاكلنا بالسفر .... على اساس ان احنا بلادنا وناسنا وحشين والبلاد التانية مفيش فيها مشاكل .

بس السؤال الى محيرنى .... هى الحاجات السيئة( السلبيات ) الموجوده فى السفر هنقدر نتغلب عليها ولا ايه ؟

معلهش المواقف الى هاقولة صعبه وطبعا نسبة حدوثها ممكن تكون قليله لاننا بنحافظ على اسرنا

1- يعنى مثلا .... لما اشوف بنتى داخله عليا بصديقها وبتقولى انا هعيش مع صديقى وانا حرة .... يا تر ايه هيكون موقفى ؟ ... وهل انا كده حافظت على بنتى الى ربنا هيسألنى عليها .... ده ممكن يكون نادر الحدوث .. بس متوقع فى تلك الاوساط

2 - احنا فى بلادنا ممكن نحب نعلم الغلط ... بس لو مفيش راضع دينى ... ممكن خوفنا من الناس يمنعنا نعمل الغلط ... هل انا هقدر احافظ على نفسى فى كندا حيث انا حر اعمل الى انا عايزه.

والله يا جماعة انا بحاول اجاوب على الاسئلة دى علشان انا نفسى اسافر الى كندا ... بس خوفى من نتائج السلبيات يمناعنى من التقدم لحاجة انا بحبها.

فى حاجة كمان .... انا الحمد لله عايش كويس والحاجة الى نفسى فيها بعملها وده فضل من الله سبحانة وتعالى انا عايش فى السعودية الحياة معقولة بالنسبة للرواتب ... ياترى الرواتب فى كندا كافيه للحياة الكريمة ولا تعيشك مستورة وخلاص .انا بسمع انى مستوى المعيشة غالى جدا زى اروبا .... يعنى الى تجيبة باليمن يروح بالشمال وممكن تحتاج مساعدة من الحكومة الكندية .

انا فاهم الفرق فى الحرية بين كندا والسعودية .... بس لو انت شغال فى مكان كويس مش بيكون عندك مشاكل .

يا ريت يا جماعة تفيدونى لانى بصراحة انا محتاج لمساعدتكم ... وخصوصا من الناس الخبرة زيكم

شكرا ويارب تكونوا سعداء دائما

[Eng Hesham]

دكتور تهامى

حضرتك غايب بقالك كتير

اتمنى حضرتك تطمنا عليك

انا كنت متابع من غير تسجيل

وسجلت مخصوص علشان انادى لحضرتك

دى اول مشاركه ليا فى المنتدى

وحبيت تكون فى توبك حضرتك

اتمنى متغيبش اكتر من كده

تحياتى

[ViralMind]

استاذ شريف..

بالنسبة لسؤال حضرتك الاولانى, ان بنتك مثلا تقول لك انها هتعيش مع بوى فريند والكلام ده..

احنا برضه لازم نكون منطقيين فى تساؤلاتنا.. يعنى عمر ما الانحراف بييجى كده مرة واحدة من الباب للطاق.. و لكن غياب دور الاب و الام فى التوجيه و الرعاية مع مرور الوقت, بيسببوا اللى حضرتك بتقول عليه.. يعنى الموضوع مبيحصلش مرة واحدة, و لكن كنتيجة حتمية للتسيب.

[Muhammad Zidan]

د. تهامي كل سنة وانت طيب و رمضان كريم, بجد توبيك اكتر من رائع و موهبة قصصية لا شك فيها, انا عضو في المنتدى من حوالي سنة و نصف تقريبا بس كنت مركز بس على التوبيكس الخاصة بمعلومات الهجرة و الاوراق و التقديم بس من اول رمضان كدة قلت افتح التوبيك و من ساعتها و انا مش عاوز اكتب اي تعليق غير لما اخلص ال140 صفحة اللي في التوبيك, بجد ادمان لدرجة ان مديري ابتدى يخنق عليا من كتر ما باكون فاتح التوبيك بتاع حضرتك وانا في الشغل بالرغم من اني task based مش shift based يعني هو بيديني الtasks بتاعت الاسبوع كلة و انا و شطارتي اخلصها في 5 ايام او في 5 ساعات زي ما انا عايز المهم اني التزم بالdeadline بس مع ذال الادارة المصرية للاسف زي الزفت.

احساس غريب جدا ان الواحد يتعرف على انسان و يقرا قصة حياتة كاملة من على الورق, عشان كدة حاسس اني اعرفك من زمااااااان يالرغم من ان عمري ما قابلتك, دة الى جانب التشابه في الطباع اصل اخوك غاوي برضة اليكترونيكس و مدمن meat steaks و عاشق للسفر جوة مصر و برة مصر دة الى جانب اني مشاركك في عشق كندا بالرغم من اني لسة ما شفتهاش بس اخدت فكرة عنها نوعا ما من خلال زيارتي ل California في شهر ابريل اللي فات بعد الثورة و طبعا من خلال الهاند اوفر الاكتر من رائع الخاص بحضرتك.

الللي زعلني بجد ان بعد الجو الجميل اللي الواحد عاشة في القهوة بتاعت حضرتك في الاسبوعين الللي فاتو دلوقتي حاسس انها بقت فاضية و متربة, بجد ياريت نسمع من حضرتك تاني, و عموما انا باستأذنك اني اكتب شوية مواقف كدة حصلتلي في اثناء سفرياتي تأكيدا على النقط اللي حضرتك اتكلمت فيها و ياريت تقبلني صديق ليك و عل و عسى نتقابل في كندا عن قريب, اخوك مقدم فيدرال من شهر كدة في النظام الجديد و ربن يسهل بس دعواتك لينا.

يمكن في ناس بتستغرب ان اللي كان عايز يسافر قبل الثورة لسة عايز يسافر بعد الثورة بس انا عايز اوضح حاجة, في ديسمبر 2010 انا كنت و صلت لمرحلة من اليأس من البلد لا توصف بالرغم من اني موظف في شركة multinational و مرتبي محترم بالنسبة للمقاييس المصرية لكن فية حاجات كتير مش هاتقدر تشتريها بالفلوس حتى لو معاك مليارات, وقت الثورة انا كنت في ميدان التحرير و اعز اصدقائي اتقتل قدامي, و اعتصمت لحد ما مبارك سقط و كتبت مقالات و شاركت في ندوات و لما رحت امريكا في ابريل شفت الاحترام في عيون الامريكان لية لمجرد انهم يعرفو اني مصري, بس ليلة سفري ابويا سألني ان كنت ناوي ارجع تاني و لية مصر على السفر بعد ما مبارك مشي و البلد هاتبتدي تنضف, طبعا قلتلوا ان امريكا مش هي خطتي بس كندا هتكون ان شاء الله الخطوة الجاية اما بخصوص اصراري على السفر فدة مافيهوش تعارض مع مشاركتي في الثورة, انا زي ملايين من المصريين اللي زهقوا و طهقوا و نزلو الشارع لكن بعد مبارك هل البلد هتكون جنة بين يوم وليلة؟ هل السلبيات اللي انتشرت فينا هتختفي مع شروق شمس اليوم الجديد؟ اكيد لأ, السلبيات دي محتاجة تغيير بشر كبروا و اتعودوا عليها يعني في جيل جديد دلوقتي من الاطفال بيتربى على انو يقول اسف و بعد اذنك و لو سمحت و بيتعلم يكون ايجابي و يشارك في السياسة الجيل دة هيكون هو الامل و دة هيكون نقي بنسبة 70% و الجيل اللي هييجي بعدة هيكون نقي بنسبة 100% يعني بنتكلم في 30 ل 40 سنة ساعتها اكون انا على المعاش ان كان لينا عمر, طيب السؤال التاني انا اقدر اعمل اية لبلدي دلوقتي؟ حاليا مش كتير يعني انا مش احمد زويل او فاروق الباز ولا انا رجل اعمال غني اقدر اصرف على المشاريع الجديدة, لكن من خلال سفري اقدر اغير الوضع دة يا اما احقق طموحاتي الاكاديمية اللي اندفنت في مصر من زمااااااان او احقق نجاحات مادية و في الحالتين هاقدر اساعد البلد افضل مما لو كنت جواها.

حاجة اخيرة: اسوأ حاجة عملها مبارك مش انو سرق البلد او سجن وقتل و عذب ابرياء كتير او حتى انو دمر البنية التحتية و باع ثروات البلد لأعداءنا لا لا لا, الحاجات دي كلها تتعوض بسهولة, لكن اللي ميتعوضش هو الدمار الهائل في العقول و النفوس و الاخلاقيات.

شرفت موضوعي يا Starsideus

مشاركتك عميقة بجد ، ولو بدأت أرد على الأفكار اللي فيها ، هتملا كتاب. ويمكن عشان كده ردي على مشاركتك أجلته عشان ألاقي بال رايق وأعرف أقعد له قعدة مزاج.

أولاً بالنسبة للمشترك بيننا يا عزيزي ، فهتلاقي جنة أحلامك هنا في كندا ، يمكن مش هتكون زي أمريكا الفاجرة في كل حاجة دي ، بس هتلاقي صرفة تجيب كل اللي انتا عاوزه من أمريكا ، حتى لو دماغك لسعت زيي كده ، لما كنت بافكر جدياً أقدم على فيزة أمريكا عشان أعبر الحدود وأروح أشتري التليفزيون اللي باحلم بيه!

بس هنا هتلاقي اللي مش هتلاقيه في أمريكا ؛ حكومة عاقلة ومتسامحة لأقصى حد ، لدرجة الغباء في أحيان كتير. هتلاقي ناس Laidback جداً ، وده مش هتلاقيه بسهولة بره البلد دي. هتلاقي نقاء وجمال الطبيعة وصفاء وبعد عن التلوث. هتلاقي مجتمع متعدد الثقافات بجد.

أنا لما باقول إني باحب البلد دي ، لا بابالغ ولا بامثل... البلد دي تتحب بكل ما فيها ومن فيها. طبعاً احنا مش في الجنة ولا المدينة الفاضلة وفيه سيئات وسلبيات كتير ، بس هنا بقى هيرجع التقييم لعينيك وشخصيتك انتا ، هل انتا من الناس الكئيبة اللي دايماً شايفة الحياة وحشة ، والدنيا بتلطّش فينا؟ ولاّ انتا زي حالاتي ، دايماً شايف إن الحياة فيها جانب جميل ، وأي فترة من حياتك ليها جمالها وطعمها الخاص بيها واللي هتفتكره بابتسامه في يوم من الأيام؟

أنا يمكن بطبعي ما باندمش على أي حاجة عملتها أو حصلت لي ، ولو كنت حتى عملت أخطاء أثرت عليا ، هنا باحب أنصح غيري عشان ما يلبسهاش ، أنا ممكن أفيد غيري ومش هيضرني حاجة. وفعلاً المنتدى هنا خلاني أعيش أحاسيس جميلة فعلاً ، وارتبطت بناس من أنضف الشخصيات اللي عرفتها في حياتي. في نفس الوقت لقيت نماذج ما تشرفش وجابتلي اكتئاب في أوقات كتير!

بالمناسبة... موضوع الصور أنا فوجئت بيه بعد كلامك ، ولقيت إن موقع الاستضافة ما غيّرش أي حاجة... سوفتوير المنتدى هوّه اللي غير مع نفسه كده الكود بتاع كل الصور ، ومحتاج بقى أدخل أعدّل الكود بتاع كل صورة ، وأقعد أفكر هيه أنهي صورة في أنهي مشاركة! بصراحة حاجة تضايق ، ولا عندي طولة بال ولا حماسة أعمل الليلة دي كلها!

مصر بالنسبالي تعتبر صفحة في الماضي بتاعي ، أو تقدر تقول كده زي ماما ، أدين ليها بالكتير بطبيعة الحال ، ومش هارد لها جمايلها عليّا... دايماً الأم بتعطي ، وما بتاخدش مقابل. المقابل بيروح للأبناء! ويمكن المقولة الجميلة دي كان قالها الزميل سكوربيون هنا في فريق الإشراف لما في حوار مع والده اعترف له بأفضاله عليه ، وهنا أبوه قال له إنه مش منتظر منه غير إنه يرد الأفضال دي لأبنائه ، ودي سنة الحياة وطبيعتها.

ناس كتير شايفاني متشائم ، بس استقراء الواقع المصري وسير مجرياته بتقول كتير لأحد أبناء المجتمع ده واللي عاش في مختلف مواقع العمل فيه. أنا لا أتوسم أو أنتظر الكتير من مصر ما بعد الثورة ، أعترف لك إني زي كتير منا هنا استفتحت خير بعد تنحي مبارك ، وعلى قد الضغط والسكر والعصبية اللي كنت فيها يوم 10 فبراير وانا باسمع خطابه وهوه للمرة المش عارف كام بيقول إنه هيراعي طلبات أبنائه من الشعب ودم الشهداء مش هيضيع هدر وهاسمع لكم يا ولاد ، وجمبي زمايلي الكنادوة في الإسعاف ، ومشغل السي إن إن ع التليفزيون ، وماسك في إيدي الآيفون باتابع بث قناة الجزيرة المباشر عشان أسمع الكلمات بلفظها من البيه. طبعاً أنا شايط وعمّال باشتم عربي وانجليزي ، والواد إد بيسألني هوه بيقول إيه الراجل؟ ولما وصلت البت شيلا عشان تبدّلني سألتني مالك؟ ولما قلتلها على خطاب البيه ، شاورتلي ع التليفزيون ، وسألتني هوه مبارك ده مش شايف المنظر اللي في التحرير ده؟!

وانا ماشي باكلّم ديبو وباقول له 10 دقايق رفعوا الضغط والسكر وحرق بيهم ابن الـ *** دم أكتر من 80 مليون ، يعني أنا بيني وبينه بتاع 10 تلاف كيلو ويحرقلي دمي؟ دا إيه الجبروت ده يا عم الحاج؟! هوّه الراجل الـ *** ده ما بيفهمش عربي؟ الناس من تاني أو تالت يوم ما بيقولوش غير كلمة واحدة "مش عايزينك" ، وهوّه مرة يقول هاغير الحكومة ، ومرة هاعين نائب ، وآخر المتمة بعد ما كل الناس حتى المذيعين بتوع السي إن إن ، وحتى موقع جريدة الدستور بيقول خطاب التنحّي بعد قليل... يقوم يقول لنا... خلاص يا ولاد مش هاعيد ترشيح نفسي!

والغريب إن على قد حرقة الدم اللي فاتت دي ، في 10 ثواني تاني يوم في خطاب عمر سليمان... الـ 80 مليون كلهم كانوا بيرقصوا من الفرحة!

تعرف صحيح... لاري مدير الشركة بتاعتي بيحكيلي إن بعد خطاب التنحي قال لمراته وبنته بكره تشوفوا الميدان ده بيلمع وزي الفل. مراته استغربت وما علّقتش. تاني يوم شافوا التصوير على السي إن إن والشباب بينضفوا الميدان وبيدهنوا الرصيف وأسوار الكباري. لما مراته استغربت وسألته إنتا عرفت منين امبارح إن ده هيحصل النهارده؟ قال لها: "عشان هيّه خلاص بقت بلدهم دلوقتي"! تخيل؟!

بس تنحي مبارك من الحكم كشف عورات البلد ، وده اللي كنت متوقعه بصراحة... كنت دايماً باعترض على كلمة الناس اللي يقولولك مصر وحشة بس المصريين كويسين ، وأنا كنت باعترض على ده ، وباقول إن مشكلة مصر في أهلها. أيوه إحنا وحشين وأنا أول الوحشين. إحنا اتربينا على مبادئ غلط بكل صراحة. فيه أخطاء كتيرة أوي في تربيتنا وتعليمنا وثقافتنا. أولوياتنا في الحياة غلط ، ونظرتنا للحياة غلط ، وأساسيات تقييمنا للناس غلط ، ومعايير النجاح في الحياة غلط ، وكله مترتب على كله... غلط × غلط!

يمكن أنا اتربيت على حاجات غلط وألوم عليها أهلي ، بس أنا دلوقتي وفي كندا سيد قراري ، وأقدر أعيد بناء شخصيتي بما يتوافق مع قناعاتي وتفكيري الحر. بس بداخل مصر ، المنظومة متكاملة من الفساد ، إزاي تبدأ إصلاحها؟ منين تبدأ وهيه كلها حلقات مفرغة متشابكة؟ والأهم من ده ، فين النية للتغيير؟ ومين اللي هيغيّر؟ وإيه الشكل المطلوب نوصل له عشان نبدأ التخطيط له؟ هل الدولة الدينية؟ الدولة المدنية كخة؟

دا أنا يا محترم مع إني ثورجي على التقاليد من زمان ، ساعات باكتشف فيا فسفوسة مترسبة من عقد الثقافة بتاعتنا من وقت للتاني! هاديلك مثال مباشر وعنيف هيوضح لك المعنى بتاعي...

إيه رأيك لما تبقى عارف إن جارك رجل شاذ جنسياً ، والراجل مش مكسوف من ده ، وبيصرّح بيه لو اتسأل ، لكن في نفس الوقت راجل ما شفتش منه حاجة تزعلك ، وبيعاملك وأسرتك بكل احترام ، وقايم بمسؤولياته تجاه العمارة أو المنطقة كما يجب؟ هل إنتا كـ Starsideus المثقف المتعلم المتفتح هتتقبل ده ، وتقول حرية شخصية ، طالما لا تتعدي حريتي الشخصية ، ومش هاشوف منه منظر يضايقني؟

قس على رد فعلك انتا بقى ردود أفعال تانية في الريف والصعيد ومجتمعات متدينة أو متشددة أو مقفولة ولا تقبل بالاختلاف في كل حاجة. نظرة المتدينين للبنت اللي لابسة بنطلون أو مش لابسة حجاب ، نظرة المسلمين للمسيحيين إنهم كفار وما يصحش إنهم يمسكوا الحكم والحمد لله إن المسلمين أغلبية في البلد ، نظرة واحد ملتحي لزميله اللي عامل وشم بالألوان على دراعه ولابس حلق أو مطوّل شعره ، نظرة والدتك لخطيبتك لما تعرف إنها كانت ماشية مع واحد أيام الجامعة ، نظرتك انتا نفسك لواحدة أعجبت بيها ورايح تتقدم لها بس تعرف إنها كان مكتوب كتابها قبل كده ، نظرتك لزميلتك لما تلاقيها بتشرب سجاير أو لابسة جيبة قصيرة شوية ، نظرتك لزميلك في الشغل في نفس القسم بتاعك بعد ما تعرف إنه من الفلاحين أو خريج معهد أو دبلوم فني وما دخلش جامعة زيك ، تعاملك مع أحد السياح الأمريكان في مصر لما تعرف إنه يهودي الديانة ، نظرة الناس في الشارع لراجل أو ست في سننا وشكله مسلم ، وداخل مطعم ياكل في نهار رمضان ، موقف السلفيين من وجود قاضية في المحكمة ، نظرة دكتورة لواحد خريج آداب جاي يتقدم لها ، نظرة المقيمين في مصر للمصريين المقيمين في الخارج ... والأمثلة كتير يا عزيزي.

شوية الأمثلة اللي قلتها فوق دي المفروض إنها لا تؤثر عليك ولا على البلد أو على انتظام الحياة واستقرار المجتمع ، لكن بعقلية الفلاحات اللي قاعدين ع المصطبة قدام الدار ، يبصوا ع الرايح واللي جاي ، ويجيبوا في سيرة دي وسيرة ده... صعب أوي إنك تلغي الثقافة السائدة من نقد الناس لبعضهم ، أو تدخلهم في الحياة الخاصة والشخصية لغيرهم ، حتى لو كانت لا تتعرض لهم ولحياتهم ولمصالحهم بشكل من الأشكال!

الثقافة دي بتؤثر في حياتنا كمصريين بدايةً من اختياري للبسي وتسريحة شعري وألوان هدومي ، ودراستي واختياري لزوجتي ، وطريقة تربيتي لأطفالي ، وبرنامجي الانتخابي كذلك لو مرشح نفسي للرئاسة أو للبرلمان. لما تلاقي إن مش مهم إنتا ملتزم في شغلك وحريص على المصلحة العامة ، قد ما الأهم شكلك ولبسك وحجاب مراتك ولبس بنتك والمصحف في عربيتك والآيات القرآنية في مكتبك وجوّه بيتك!

منظومة متكاملة يا عزيزي الدوق خلاصتها إن المظهر أهم ويكسب كتير عن الجوهر. وبعد ما كانت مصر دي بتاعتهم مش بتاعتنا ، وصلت إنها بقت مش بتاعة حد!

الصورة مش سوداية أوي كما قد يوحي كلامي ، واللي حصل يُعتبَر نقلة لقدام ، بس نقلة بسيطة بكل أسف ، وما تنتظرش منها الكتير لأننا ما ينفعش نطلع لقدام في حين إننا مربوطين بجذور ترجع في إتجاهيها لـ 7 تلاف و1400 سنة. الجذر القديم بنتمنظر بيه عشان ما حيلتناش غيره ، أو يمكن على رأي المثل اللي بيقول القرعة تتباهى بشعر بنت اختها. والجذر الأحدث اللي كتير شايفين إننا لن تقوم لنا قائمة بغير العودة شكلاً وموضوعاً للماضي ، بدون اعتبار إن تشكيلة الماضي كانت طبيعة حياة يحكمها الزمن والبيئة.

نهايته... الوضع في مصر مسيره يستقر بعد فترة من الزمن ، وتتحسن الأحوال تحسن طفيف عن ما قبل ، بدون أحلام العصافير إننا بين يوم وليلة هنبقى صورة تانية من كندا التي رأيتها.

تحياتي ليك ولخواطرك اللي قلبت علينا المواجع ، وشكراً على تواجدك هنا ، وعلى أمل بلقائك في القريب إن شاء الله في كندا... زوجتي الجميلة :wub:

ليه يا دكترة كده؟؟؟؟؟؟؟ ليه تخلينى أعيط و تقلب عليا المواجع كده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أولا اسمح لى أحييك على أسلوبك الرائع فى السرد.....أنا بدأت فى الهاند أوفر بتاعك و لسه ما خلصتوش,بس حبيت أغش و أقرا من الآخر,فجت المشاركة دى ع الجرح اوى اوى.............

انا يا د.محمد-زى ما اسمى بيقول- مصرية و أفتخر بكده......أنا عاشقة تراب مصر بجد.........و مش متخيلة انه جه عليا اليوم اللى مصر تخلينى أكفر بيها و أنوى ع الهجرة..............انا كنت دايما أوصف نفسى انى زى السمك اللى لو طلع من المية يموت,و أنا لو طلعت من مصر أموت ....عارف انى لما اتجوزت كان جوزى بيشتغل فى السعودية و تمام التمام....و أنا اشترطت عليه انه كام سنة فى السريع كده و ننزل مصر عشان انا ماقدرش اعيش بره مصر.........و صدقنى قعدت فى السعودية سنتين بالعدد(و نصهم أجازات قضيتها مع اهلى فى مصر)......

فكرة الهجرة دى كانت مرفوووووووووووووووضة تماما منى و من جوزى............و حتى فى أسوأ أيام المخلوع,كنت دايما عندى أمل ان مصر هتقف على رجليها و تتعدل,و طبعا كل حد كان شايفنى مجنونة!!!!!!!!!!!!

لما قامت الثورة,جوزى كان فى التحرير و انا كنت هاموت و انزل بس هو رفض عشان الاولاد......و لما الباشا السابق تنحى حسيت ان أخيراً الأيام أثبتت انى مش مجنونة و ان مصر فيها الخير ....و كده يعنى....و بقيت مقتنعة تماما اننا كلنا لازم نشتغل عشان البلد تقف على رجليها و تنضف .....

تخيل انت بقى واحدة بالوصف ده..........لما تاخد قرار الهجرة.......يبقى البلد دى وصلتنى لإيه؟؟؟؟؟؟؟نفسى أقف فى الشارع و أصرخ:احنا ما عملناش ثورة عشان الانتهازيين يقفزوا ع الحكم......ولا عشان الجيش يتبت فيها بايديه و سنانه........ولا عشان المجرمين يملوا الشوارع و السلاح يبقى فى ايدين الجميع.....ولا........ولا.........ولا..........

بجد فجأة حسيت كأنى فقت من الحلم على الحقيقة المرة...........انى لو فضلت فى البلد دى هيجرالى حاجة فى أعصابى.....و انى لو ربيت أولادى فى البلد دى يبقى ذنبهم فى رقبتى.......و حاجات كتير اوى اوى...........بس أنا طولت عليك أنا آسفة.......بس فعلا مشاركتك أثارت شجونى و استدعت دمعى..........

إدعيلنا ربنا يوفقنا و نحصلك على كندا قريبا ان شاء الله لأننا لسه حتى ما قدمناش

آسفة تانى على الاطالة و شكرا على مشاركاتك

تقريباً مراتي كانت زي حضرتك كده ..... وضيفي عليهم شوية انتماءات عائلية وعلاقات أُسرية ودفئ عائلي وما إلى ذلك

لكن الحمد لله وبعد مجهود مضني لمدة 5 سنين أقنعتها نهاجر بره مصر .... المهم نخرج بره بلد ما لهاش مستقبل

والحمد لله قد كان وأدينا منتظرين الميديكال لكندا بعد رحلة تقديم كيبك الشاقة

على الله حضرتك ما تتراجعيش ... عشان ما تندميش

[Muhammad Zidan]

وحشنى بجد...ايه دنيا.

سلامات ... فينو ؟؟؟

[مصرية و أفتخر]

أ/ محمد

ان شاء الله مش هارجع فى كلامى ولا حاجةوبس حضرتك ادعيلى ربنا يثبتنى و يكتب لنا الخير...........أدينا ابتدينا نجهز الورق أهو

الصراحة انا بيجيلى home-sickness بشكل رهيب....بس كمان القعدة فى مصر دلوقتى بقت تجيبلى انهيار عصبى من الهرجلة و الفوضى و قلة النظام و قلة الأدب.........ربنا يجازى اللى كان السبب

و ربنا يكتب الخير للجميع

[akramgroup]

عموما من الحاجات اللى لفتت نظرى الاقى التوبيك واخر مشاركه هى لماضه وقولت ايه اللى جاب القلعه جمب البحر :P :P وان لماضة المصريه شكلها بتشاور عقلها تهاجر لبلاد الفرنجه

وقولت طبعا ادخل اسلم على الدكترة تهامى واقوله ربنا معاك

على فكرة يادكترة انا اكرم اللى كنا بنتكلم من كام يوم على كونفرانس كول مع... فاكر ولا...

عموما كل سنه وانتم طيبين جميعا

السلام عليكم و رحمة الله و بركاته

استاذنا الرائع- و لا نزكي علي الله احدا- أكرم ليمتد و شركاؤه...(ايون مش حضرتك جروب و كدهوت)

هو الحقيقة انا عقلي بشاورملي من بعد التخرج مباشرة و جتلي منحة لاستكمال دراستي في لندن...بس اهلي اعترضوا عليها علشان اني بنت و اني ديت بلاد الخواجات و حاجات كتيرة كدهوت فوق بعضيها

و عشان انا طول عمري مطيعة...(بحاول يعني كده و كده) وافقت في وقتها

بس الحلم فضل جوه مني عامل زي العيل الرخم لما يمسك ودن امه و يقول عايزة امبووووو:)

دلوقتي باذن الله بحاول ارجع لحلمي القديم

و بآجي هنا كل شوية....لأن تجربة دكتور تو ثرية جدا مش علشان هو سافر كنكا.....ابسلوتلي...(وش اللمبي)

علشان هي تجربة انسانية...بيحكيلك فيها حاجات كتير يا مرت بيك يا هتمر عليك و ده انا بستفيد منه علي المستوي الشخصي و الانساني و السيكوباتي و الفيزيقي و حاجات كتير فوق بعضيها

بيساعدني مش بس اني احلم و افرد جناحاتي في السما

لا بيساعدني اني افصل ملامح للحلم ده في الحقيقة و انزل من السما اللي لونها فانيليا و شيكولاتة و اعرف ابتدي اروح فين و آجي منين

يمكن يستقر بيا الحال في كنكا...ليه لا

و يمكن الاقي..."الوطن" اللي بدور عليه اللي يساعدني اني اكون البني آدم اللي ربنا استخلفه في الأرض

شكرا كتير لاهتمام حضرتك

و متغبشي علينا تاني

سؤال علي هامش الشلتة اللي احنا بنتكلم عليها ديت

يعني ايه كونفرس كول.....ده نوع جديد من الزبادي...(وش حد رافع ايده و بيسال من اخر الفصل و هو قزعة اوي)

كان معكم

من امام تختة تالتة تاني

اخر صف في الفصل

لماضة.....قزعة:)

والله يالماضه هانم انا عاجبنى جدا تشبيهك ((بس الحلم فضل جوه مني عامل زي العيل الرخم لما يمسك ودن امه و يقول عايزة امبووووو:) ))

هو فعلا زى العطشان وللاسف بقينا بنحلم حلم مش عارف اذا كان المفروض نحلم بيه ولا المفروض انه حقنا البسيط يعنى احنا لسه بنحلم بفرصه نهاجر لبلد جديده ونقدر نبتدى فيها من الاول ونسعى ونجتهد بس واحنا عارفين ان تعبنا مش هايضيع فى الهوا بجد شىء محزن جدا ان الانسان يستنى سنين من عمره عشان يقدر يحصل على ااقل حقوقه

اسوأ حاجه فعلا ان الواحد تمر عليه كام سنه كده وهو مش عارف بيعمل ايه ولا اخرتها ايه بس اللى اقدر اقولهولك انك ماتتنازليش عن حلمك وجربى كل حاجه صح او على الاقل من وجهه نظرك انها صح لحد مايثبت العكس

واوعى تأجلي احلامك ... اسوء حاجه وعن تجربه شخصيه الاحلام المؤجله

اما بخصوص الكونفرنس كول يعنى لما بتكلمى اكتر من شخص فى المكالمه الواحده يعنى انا طلبتك وطلبت شخص تانى واتكلمنا احنا التلاته ( قعدة شلته ثلاثيه :P )

ربنا يسعدك

[moheltohamy]

نورت المنتدى يا دكتور تهامي بجد, قبل ماكتب اي حاجة احب اقولك اني بقالي في القهوة هنا حوالي شهرين محدش عبرني بأي حاجة, مفيش لاتية ولا فرابية او اسبرسو معتبر من تهامي هورتون؟

المهم انا من زمان ونا عندي احساس بعدم الانتماء, مش للبلد انما لاولاد البلد, بمعنى انا عارف اني مصري و منتمي لكن مش قادر اني احس اني جزء من النسيج المصري, كان احساسي اني في وادي و الشعب كلة في وادي تاني, يمكن لمل الثورة قامت و الناس بطلت تبقى سلبية شفت و اتعرفت على ناس كتير بنفس عقليتي و دي كانت احد حسنات الثورة, انا بتألم لما بشوف ولاد بلدي جهلة مش بيقروا عايشين في المقابر مش لاقيين حتى مية نضيفة يشربوها و حتى المتعلمين من ابناء الطبقة الوسطى و فوق الوسطى اغلبهم ماشي في الحباة مش عارف هو هنا لية, مش بيقرا في اي حاجة خارج تخصصة دا لو قرا تخصصة اصلا, النفاق و الرياء هو الصفة السائدة, مقدرتش اكون جزء من السيرك دة, مش عشان انا ملاك او ابن زوات خالص, انا اول الغلطانين و باعترف اني كنت سلبي بدرجة بشعة لحد فترة قريبة قبل الثورة و كان التغيير نتيجة موقف اتعرضتلة زلزلني و غير موقفي في الحياة 180 درجة, انا من ابناء الطبقة الوسطى و والدي موظف عادي في الجمارك لو حب يعمل زي اغلب موظفي الحكومة و تحديدا الجمارك كان زماني بروح الشغل بال BMW Z3 الجديدة و بروح بعد الشغل في القصر بتاعي, اصقائي عموما يعرفوا عني اني مثقف و بحب القراءة و يمكن دة اللي حمى عقلي من عملية الغسيل اللي بتحصل لكل الاطفال و بتحولهم لما سيكون فيما بعد ما يسمى بالمواطن المصري المعاصر.

انا لحد ما دخلت الجامعة كان مصدر معلوماتي و ثقافتي هو مكتبة والدي اللي ابتداها اصلا جدي, و اللغة اتعلمتها من الافلام و الحمد لله جايب 8 من 9 في ال IELTS و دخلت تجارة انجليزي غصب بالرغم من اني كنت عاوز ادخل كلية علوم قسم فلك و بالرغم من ان مجموعي يجيب علوم لكن مكتب التنسيق كان لة رأي تاني و قعدت خمس سنين بدرس محاسبة و في الاخر اتخرجت و حاليا بشتغل في ال Marketing بتاع شركة telecommunications كبيرة هنا و free lance web developer في وقت فراغي, يعني من الاخر كل الوقت بتاع المدارس و الجامعة كان wasted time اشتريت بية كام شهادة عشان في الاخر اشتغل حاجة تانية خالص مالهاش علاقة بالشهادة دة, بلد شهادات صحيح.

بس لحد دلوقتي لسة بجيب كتب في علوم الفلك و الفيزياء و حلم حياتي ان لما اجي كندا ان شاء الله ادخل جامعة تاني و اتخصص في الفيزياء الفلكية و اخد بكالوريوس جديد و ماجيستير و دكتوراة.

لحد ما كان عندي 16 سنة كان عندي عجلة و كنت بروح بيها كل حتة كنوع من الرياضة وانا اصلاا اكتر حاجة بكرهها في حياتي هي السواقة في مصر عموما لان دي مش سواقة دي سويقة او خناقة او بلطجة, دة مرة انا و اهلي كنا على الطريق السريع و بابا ماشي شمال زي ما القانون بيقول و المفروض قانونا النقل يمشي يمين فا كان ورانا نقل عمال يضرب الفلاش عشان نعدية و بابا راسة و الف سيف ان لا يمكن و ان هو صح و كانت المفاجأة ان النقل داس بنزين و هيدوسنا فراح بابا موسعلة في اخر لحظة و وهو ماشي من جنبنا راح مطلع ايده من الشباك و حدف طوبة كسرت الازاز الامامي كلة دة واحنا ماشيين على 120 كيلو بس ربنا ستر و محدش جرالة حاجة.و من سنتين كدة كنت في زيارة لالمانيا و جبت من هناك عجلة من اللي بتتطبق و تتشال في شنطة بس تحفة, و اول يوم اجربها في منطقتي لما رجعت لقيت اهلي و جيراني نازلين تريقة علية و اللي يقولي يابني مش كنت تجيبلك عربية احسن مش عيب واحد في سنك يركب عجلة, و كل ما اناقش حد يقولي المفروض العجلة دي اخرها معاك 15 16 سنة, انا سمي و موتي كلمة المفروض دى اللي بقت لبانة في بق الناس, كل اما تكلم اي حد بالعقل و المنطق و ميعرفش يرد يقولك المفروض, مين اللي فرضة؟؟؟؟؟؟

كلمة المفروض دي خدها بقى عندك في كل حاجة, المفروض ان يكون معاك شهادة جامعية حتى لو مش في المجال اللي انتا عايزة, المفروض لما تدخل مصلحة حكومية تشوف الموظفين و تديهم شاي, المفروض انك تبادر بسحق جارك قبل ما هو يسحقك, المفروض ما تتكلمش في السياسة, المفروض تحترم رئيسك حتى لو حرامي عشان سنة كبير, المفروض لو شفت حد بيسرق متتكلمش عشان ما تتأذيش, المفروضات كتييييييرة بس مين اللي فرضها؟؟؟؟

اما بالنسبة ل لماضة المصرية و بقيت البنات ف الله يكون في عونكم, انتم عايشين في مجتمع جاهلي ذكوري قبلي رجعي و عزائي الوحيد في كلمة سمعتها في فيلم ايام السادات لما جيهان السادات كانت بتقولة ان الست في مصر مالهاش حقوق فقالها ولا الراجل!

اما الدين اللي هو علاقة شديدة الخصوصية بين العبد و ربة فأصبح مصدر للفشخرة و المنظرة و الرياء و تم اختزال الدين في مجموعة من الشعاثر الكهنوتية و القشور, لما افتح التليفيزيون الاقي واحد بيسأل شيخ عن جواز لعب بلعبة fifa و هل هي حرام ولا حلال, هل الاخ اللي بيسأل حج و قام الليل و حفظ القرأن كامل و امتنع عن الكذب و الغيبة و النميمة و اخرج زكاتة و درس علم ينفع بية امتة و صنع كل الفضائل و تجنب كل الشرور و خلاص مافاضلش غير لعبة fifa هي دي اللي شاكك فيها ان كانت حرام ولا حلال؟؟؟؟ اللي يغيظ اكتر ان بدل الشيخ ما يرد علية رد مفحم و بقولة بلاش تفاهة انة ابتدي يقولة حلال بشرط عدم لعبها في اوقات العمل و حرام لو هتضيع الوقت!!! خلاص احنا فكينا كل الغاز الكون و مش ناقص غير ال fifa!!!

بيفكرني بموقف كنت قريتة عن شيخ ازهري اسمة الشيخ المراغي, في ثلاثينيات القرن العشرين احد تلامذتة بيسألة هو دخول الحمام بالرجل اليمين ولا الشمال؟ فالشيخ اتنرفز علية و غضب و قالة الاوروبيين و الامريكان بيطيروا في السما بيطييييييروا وانت لسة بتسأل ادخل الحمام بالرجل اليمين ولا الشمال؟؟؟؟

ارحمني يارب و خرجني منها سليم العقل.

في ميدان التحرير اهل مصر اللي هللوا للثورة هما برضة اللي اتهموا المتظاهرين و المعتصمين بالشذوذ لمجرد ان بعضهم مطول شعرة, و اتهمو وائل غنيم بانة ماسوني عشان لابس تيشيرت علية بادج اسد وعشان لابس حظاظه في ايدة.

مصر هي البلد الوحيد اللي المحجبة فية محترمة و ان كانت فتاة ليل و الغير محجبة تعامل معاملة الغواني حتى ولو كانت اكثر البنات حياء, انا مش ضد الحجاب, انا بس بسجل موقف ضد النفاق.

مصر هي البلد الوحيد اللي لو فتحت هارد ديسك اي مراهق هتلاقي محاضرات عمرو خالد و افلام بورنو جنبا الى جنب.

طبعا بعد كل دة اعتقد هتفهموني لو قلت اني مش لاقي نفسي في مصر.

طبعا الدنيا مش ضلمة اوي كدة, في حاجات كتير ايجابية ابتدت تظهر مؤخرا زي رجل الاعمال اللي اتبرع ب ربع مليار جنية لمدينة زويل العلمية, الثورة خرجت افضل ما في المصريين و اسوأ ما فيهم, شفت في ميدان التحرير اخواتنا المسيحيين و هما بيحمونا وقت الصلاة و وقفت مع اخواتي المسلمين نحمي المسيحيين وقت القداس, شفت الشباب عاملين حلقة واسعة حوالين البنات عشان محدش يتحرش بيهم و شفت شيخ ازهري و قس بيحضنوا بعض بحب حقيقي مش الاحضان المصطنعة اياها بتاعت مؤتمرات الوحدة الوطنية المشبوهة اللي كانت برعاية الحزن الوطني المحظور, وقفت مع جيراني طول الليل كل يوم لمدة شهر كامل احمي بيوتهم و يحمو بيتي, الخلافات كلها اتبخرت, شفت شباب صغير بيشيل الزبالة بأيدة و بيدهن الرصيف بعد ما كان سهران على القهاوي لوش الفجر, تضامن و تكاتف مالوش حل, الله, صورة جميلة صح؟

بس كمان شفت واحد عمل حادثة على الصحراوي و بيستنجد بحد يساعدة فجالو واحد سرق موبايلة و سابة ينزف, و شفت البلطجية بيدبحوا واحد وسط الشارع في عز الضهر, و شفت ناس مسكت حرامي و اقامو علية الحد و زيادة فقطعوا ايدية و رجلية و نسيوا ان تطبيق الحدود مرهون بطاقة الناس على الاحتمال و بحد الكفاية.

الدنيا كانت ضلمة كحل, دلوقتي بقت لونها عامل زي لون السما وقت الفجر فية لمسة خفيفة من اللون الازرق الفاتح, لسة فية امل, امل بسيط وليد و ضعيف بس بيكبر, slowly but surly, انا بقى قررت اخوض المعركة بشكل تاني و في ميدان تاني و البداية هتكون تحقيق الذات في كندا ان شاء الله, ما تنسانيش في دعواتك يا دكتور :)

اخيرا بما انك من محبي ال steak يا دكتور تهامي جربت ال beef jerky؟

انا اكتشفتها في امريكا و جبت معايا مخزون و انا راجع مصر.

العزيز Starsideus... تعرف... أنا كتبت مانشيت بتاع صفحتين تلاتة هنا ع التوبيك مباشرة ، على مدار كذا ساعة ، وقلت أكمّل الصبح ، تاني يوم لقيت الويندوز كراشد Crashed!

مش هقدر أبرين استورم تاني ، معلش!

بس الخلاصة إني تقريباً مريت بمعظم اللي مريت بيه ده ، وكمان أكتر منه في مجالات تانية... فيه واحد صاحبنا في إدمونتون أجبر يدخل كلية رغم إرادته ويتنازل عن حلمه... العادي في مصر...

هاتكلم في الليلة دي لو كان لينا عمر واتكلمنا على تربية الأبناء في كندا...

والمساخر اللي شفتها في مصر في المرور دي يتكتب فيها كتاب لوحدها ، ربنا يسهل وأقدر أكمل كتابة الجزء بتاع المرور ده بالذات ، لأن الكلام فيه ذو شجون...

البيف جيركي مرطرط يا جميل في كل السوبر ماركتس ، ما تقلقش :) وفيه منه فليفارز كتير كمان :)

أنا ما استمخيتش منه أوي الصراحة ، يمكن عشان بيبهدل لي سناني اللي مش مستحملة أصلاً بكل أسف!

It's Ok anyway...

هيه عبارة عن شرايح لحوم مجففة ، وبيقول لك إن الفراعنة كانوا بياكلوها ، مش اختراع كندي أو أمريكي يعني

[moheltohamy]

لو تسمح لى سؤال أنا مدرس أكاديمى بكلية الطب هل فيه فرصة الواحد يهاجر وبرضه يشتغل فى نفس المجال اللى بيفهم فيه وايه وهل مطلوب عمل المعادلة فى الوظائف الأكاديمية بالجامعات الكندية؟؟؟ فى انتظار ردكم الكريم

والله يا فندم ما عنديش أي فكرة ، ويُسأل في ذلك الجامعات ، تقدر تبعت لهم وتستفسر منهم ، والناس دي ما بتتجاهلش أي مراسلات.

نظرياً ، مش المفروض يُطلَب من حضرتك أي معادلات ، بس المرجع الرئيسي في الموضوع ده الجامعات نفسها.

[moheltohamy]

بمناسبة كلام الدكتور تهامي عن تربيتنا الغلط

اسمح لي اشارك بتعليق كتبه صديق لي و حسيت انه بعيبر عني

.هو احنا اتربينا غلط؟ معلش يعني ده مجرد سؤال خطر على بالي .. اكيد الاهالي عملوا كل اللي في وسعهم من وجهه نظرهم .. والبتاعة اللي انا كاتبها دي من وجهة نظري !!

بداية الماساه اتربينا على مبدأ هشك النونا .. نفضل كده ندلع واللي نعوزوا نلاقيه .. متعلمناش نمشي على رجلينا ونحاول و نقف ونقع ونقف تاني.. لأ لو مش عارف تمشي بابا هيشيلك وماما تأكلك وتلعبك عشان تاكل كمان ما نشالله ماكلت مش هتموت يعني!

شويه كده وفي المدرسة .. مينفعش بنت تكلمك عشان هضيعلك وقتك وتلاقي مامتك تجري على ابوك وهو راجع مهدود من شغله و تقوله: " اصل ابنك متعرف على واحدة كدة –متعمدة متقولش اسمها على سبيل الأهمال- وجايباه ورا" وبانسبة للبنت مينفعش ولد يكلمها عشان تحافظ على شرفها على اساس ان الواد بنسبة 100% هياخدها على مصنع الكراسي "مع الأعتذار لمكي"

برده اتربينا على اساس مينفعش يبقى عندك هواية ععشان فيه مذاكره ولازم تدخل هندسة او طب طبعا المصطلح الفاشل بتاع كليات القمة والقاع بدل ما نتربى على اساس تقسيم الوقت وازاي تحافظ على نفسك وتجدد طاقتك بهوايتك او رياضتك.

اتربينا ان مرواح النادي غلط لأن فيه ولاد بيشربوا مخدرات بدل ما نتعلم ازاي نثق في نفسينا. طبعا مش هتروح النادي ف تقعد في البيت وتاكل وتشرب وتتفرج على مازنجر وجرندايزر واليس في بلاد العجائب ومخك يتلحس مع الوقت وتكتشف ان المخدرات ارحم.

اتربينا ان رأيك اكيد صح واللي قدامك حمار .. متعلمناش ازاي بدل استجماع القوي لمهاجمته.. اني اوصل معاه لأرض مشتركة نتكلم من خلالها.

اتربينا ان دايما نشغل بالنا بالمستقبل ونتحصر عالماضي .. لكن مش بنفكر في المضارع، مش بنفكر في اللحظة اللي عايشنها وكأنه حرام لاسمح الله.

اتربينا ان دينك هو اللي صح ودين اي حد تاني -حتى لو معندوش- فهو غلط.. ونسينا المسائل الأنسانية اللي بتنظم العلاقات بين البشر ودخلنا في بُعد غريب من عينة أصل ده مسيحي كافر وهيروح النار واصل ده مسلم مؤمن داخل الجنة او العكس يعني ونسينا ان تقريبا كده مش احنا اللي بنحدد مين الكافر ومين المؤمن وعُمرنا ما فكرنا ان الجنة والنار مكانهم قلبك وروحك.

اتربينا ان على سن 28 تكون متجوز وتنتهي حياتك بدليل: انت فينك دلوقتي .. الحمدلله اتجوزت!!

وفي النهاية ده مجرد رأي شخصي ومش معنى الكلام ده ان الأهالي غلط.. هم اكيد عملوا كل اللي في وسعهم من وجهه نظرهم وبرضه مش معنى كده ان المواقف دي كلنا عدينا بيها .. المقصود ان اللي مش عجبك في نفسك غيروا وان مفيش حاجة اسمها متأخر.

أيوة يا دكتور تهامي ...أحنا اتربينا غلط

الاسبوع الي فات اخدت اكبر قلم في حياتي

قلم هزني و حسيت ان الشهامة و الرجولة بقت تقريبا مش موجودة

كنت انا و أسرتي الاسبوع الي فات مسافرين الساحل الشمالى و فجاءة لاقينا حادثة على طريق

الراجل مرمي في الطريق و سايح في دمه

اول مرة في حياتي اشوف حد ميت و اول مرة في حياتي اشوف واحد دماغه مفتوحة

الراجل مرمي و مفيش حد قادر يبعد الجثة عن الطريق حتى والدي لما طلبت منه يقف قالي انتي عاوزة تجيبي لنا مصيبة...البوليس هيخودنا ويحقق معانا و هنتأخر او هيفتكروا ان احنا الي خبطنا الراجل

وعند اقرب نقطة ناجدة لقيناها في الطريق رحنا بلغنا ان فيه حادثة و واحد ميت...رد الفعل الناس هناك كان في قمة البرود و اللامبالاه

اتصدمت

اتصدمت في رد فعل اهلي و رجال النجدة و رد فعل كل الناس الي شافت المنظر

ايه البرود دا

دا إنسان يا جماعة...روح ماتت

انا انهرت في العياط علشان عرفت ان اروحنا رخيصة اوي

اهلي كانوا شايفين ان رد فعلى كان اوفر و ان دا عادي

فين تعاليم الإسلام؟ فين شهامة ولاد البلد؟ فين الانسانية؟

هل المنظر دا ممكن يحصل في اي دولة تحترم الانسان؟

اصعب حاجة انك تحس انك في المكان الغلط و في الزمان الغلط

انك تحس ان الي زيك عاشوا من 100 سنة فاتوا

انك مؤمن بمبدأ ديني و اخلاقي مش موجود دلوقتي في مصر

اصعب حاجة انك تحس بالعجز و انك غريب في وطنك

تعليق صديقك ده صح جداً طبعاً ، مش هاقول أبلغ م اللي قاله...

بالنسبة للموقف اللي حضرتيه ، فبكل أسف أهلك معاهم حق... الكلام هنا واقعي لا أكتر!

أفتكر كانت مدام سميية صالح كانت اتكلمت قبل كده على موقف اتحطت فيه برضه في حوادث على كوبري أكتوبر ، واتبهدلوا في القسم ، وكل ذنبهم إنهم حاولوا يساعدوا!

القانون بيقول إن اللي ناقل العيان هو المشتبه في الأول ، ولو العيان مات قبل ما يصرّح إن الراجل ده مش اللي خبطه ، يبقى الراجل الشهم لبس حديد! وفي أحسن الأحوال ، ارتبط مصيره بالمُصاب ، وضاع وقته معاه لغاية ما يفوق ، ده لو فاق!

هابقى أتكلم على خدمات الطوارئ دي في الهاند أوفر في جزء المرور... ربنا يدينا طولة العمر!

[moheltohamy]

يا فتاح يا عليم يا رزاق يا كريم...اصطبحنا و صبح الملك لله....شكلى هاشمر و اضرب حد النهاردة

بست...بست ...تهامى...ايوة انت...شايفنى...انا هناك فى اونتاريو...

انت يا بنى ...هتعصبنى ليه؟؟؟؟

انا ماسكة نفسى و دايسة على سنانى أهوه...اهوه عشان ما أزعقش و اعلى صوتى....

انت ليه محسسنى ان انت فى بلد تانية و انا فى بلد غير كندا اللى بتحكى عليها...

ناس مين اللى بسكوت...و بيقولك اغير لك العجلة كمان...لأ قول كلام غير ده....هو ايه تصنيفات السكان عندكم؟؟؟

يا عمنا انا اتمسح بيا بلاط كندا...وعشان تبقى عارف...المهاجرين مع بعضهم زفت و زبالة ايا كانت الجنسية...

البيض او الكنديين ...فى مناطقهم اللى مافيهاش تقريبا مهاجرين بيبصولنا على اننا غوغاء...عارف نظرتنا للبنغال فى الخليج...هى دى نفس النظرة...و العنصرية و التعامل بقرف...وليهم كدة شوية حركات نبقى نقولها بعدين ...لو ما اتشتمتش يعنى...بس حتى سألت واحدة صاحبتى بتشتغل فى العقارات و قالت لى نفس التعليق.

هه..أقول كمان...

باانوسبة للضرايب اللى رجعوها لسيادتك...ده سببه حسبه بسيطة...انت استقريت فى النص التانى من السنة...و طبعا ما لقيتش شغل علطول...يعنى كل اللى اشتغلتهم شهرين تلاتة فى السنة كلها ...ايا كان المرتب اللى بتاخده لما يتقسم الدخل ع السنة كلها هيطلع ان انت دخل محدود...فطبعا يرجعلك فلوس ومش بعيد يكون جالك كمان ضريبة السلع و الطاقة و الحاجات اللى بتتقسم دى ع الناس الغلابة اللى بتاكل كل يوم فى مطعم زى حضرتك.

أما بالنسبة للمجهود و الشغل اللى اقل من الخليج...فخلينى ساكتة احسن...ولا أقولك ....تييييييييييييت... يعنى بصراحة لأن الشغل هنا فحت وردم و لا تقولى مصر و لا خليج...انت بتاخد دولار بياخدوا حبابى عنيك قصاده...و أسأل اى حد فى اى شغلانة كبيرة او صغيرة...

يا راجل ده الناس بتاخد منيمم و يدج وبيشتغلوا فيزيكال لحد ما يبانلهم اصحاب...شغل مش آدمى....

طبعا انا متوقعة الشتيمة هتنزل ترف....والله ما انتوا قايمين....

انا هاخد الباب فى إيدى!!!

بس على فكرة بعد الطحن و العجن و المرمطة...لما الدنيا تبتدى تتحسن...البلد مش وحشة...بس الواحد لازم يفهم السيستم...

ويستقر عشان يقدر يحس بأى حاجة حلوة حواليه...

فوتكم بعافية

والله يا بنتي يا بتاعة أونتاريو أنا باحكيلك اللي حصل معايا...

نرجع ونقول دي تجربة شخصية ، صح؟

فيه ناس هنا مقتنعة إن كندا هتموّت نفسها عشان تفرق بين الناس وربها ، وبين الزوج وزوجته!

وفيه ناس شايفاها ضلمة!

كل واحد بيحكم من منطلق تجربته الشخصية ، صح؟

هنا زي الخليج ، هتلاقي فيه ناس متبهدلة عشان تلاقي المقابل ، وناس تانية بتستمتع بالحياة من غير ما تتبهدل ، ما ينفعش تاخدي قاعدة عامة على الحياة في أي مكان...

أنا فعلاً لقيت الكونصالتانت بجد جاي شايلني من ع الأرض شيل ، ده بصراحة كان أحسن كونصالتانت أتعامل معاه على مدار شغلي في البترول ما بين مصر والسعودية وكندا! بجد والله.

وبصفة عامة ، يا سوسو... الناس هنا بخلاف أونتاريو خالص... هنا جناح الفلاّحين في البلد حضرتك

حتة البيض والسمر دي ما شفتهاش بصراحة... كان زماني ولّعت في نفسي بجد من زمان... إنتي محتاجة تبعدي عن الناس اللي اتربت على الثقافة دي ، زي الهنود والباكستانيين واللي زيهم!

ما تجربي تروحي تسكني في يانج آند إجلنتون

بالنسبة للضرايب ، فطبعاً معاكي حق... أنا بدأت الشغل هنا في 9/9 ، بعد 3 سنين بالظبط من يوم اللاندنج معايا ، وطبعاً طالما دخلك أقل من 18 ألف دولار حتى نهاية ديسمبر بيرجعولك الفلوس اللي كانت بتتخصم من كل باي تشيك. وأنا دخل محدود طبعاً يا ستو هانم ، وربنا بيحب الغلابة.

وبالنسبة لحكاية المجهود الأقل من السعودية... خلينا نتفق على حاجة... هناك في السعودية كنت باتعامل كطبيب ع البريمة ، وبالتالي كنت باعالج طيف أكبر من الحالات الطبية والإصابات. هنا بقى سعادتك أنا ميديك غلبان وآخري أبوس الواوا ، ولا معايا حتى قرص اسبرين!

وبالتالي المجهود أقل. وصلت الفكرة؟

ساعات طبعاً باكون ميديكال ستاند باي في بريمة سيرفيس أو موقع كونستراكشن ، ودي بافضل قاعد في العربية الدودج رام أو اللي زيها معظم النهار ، ودي أنا فعلاً باكرهها ، مش عشان تعب الشغل ، عشان باتعب من كتر القعدة بجد والله! تخيّلي نفسك قاعدة على كرسي العربية 10 ساعات أو أكتر في اليوم أحياناً ، كما هو الحال دلوقتي وانا باكتب لك الكلمتين دول!

في الغالب اليوم بيعدّي وانا بابراوز النت أو بادردش ع التليفون أو باتفرج على أفلام أو باسمع نجوم إف إم أو باقرا كتب ع الآيباد أو اللابتوب. هييييييه... بنتعب!

[moheltohamy]

لأ لأ يا سوسو حرام عليكي ..... ده المشرف بتاعنا برضه

ايوه كده يابنتي قووووولي كمااااان عشان اعمل الف حساب قبل ماتجنن وارمي نفسي في البحر... قصدي في ليك أونتاريو

بجد احكي اكتر وماتخبيش احنا هنا مصريين في بعض يعني الحال من بعضه

بس الغريبه اني باسمع قصص نجاح كتيره، وماشاء الله اللي ربنا بيفتح عليه ويشارك على صيدليه واحدة تلاقي البلية لعبت معاه بسرعه ويقعد يفتح في صيدليات ... ده انا سمعت عن واحد فاتح (الله أكبر الله أكبر) خمسه وتلاتين صيدليه

أي والله خمسه وثلاثون فارماسي

انا مابانقش ولا حاجه ......أنا هاتجنن بس.....عقبالنا يااااارب

حكم انا سمعت برضه ان الصيدليات هناك ممكن أي حد يفتحها كمشروع مش لازم يكون صيدلي، بس الشرط ان اللي يديرها صيدلي

يا جاية هانم أنا باندم ع الوقت اللي ضيّعته في الوهم اللي اسمه السعودية والخليج ، آل وكنت فاكر الفلوس في الخليج والحياة في كندا... هنا يا فندم الفلوس والحياة والاحترام والنظام وكل حاجة ممكن تتخيليها.

كل سنة بتقضيها في الخليج سنة ضايعة من عمرك ، ده اللي أقدر أقولهولك.

آخرها لو خابت خالص هتدخلي حضرتك في جامعة من الجامعات الكندية سنة أو اتنين ، وتاخدي قرض دراسي يتسدد بالتقسيط الأكتر من مريح ، يبدأ بعد 6 شهور من التخرج...

وممكن جداً تشتغلي من غير دراسة ، وأعرف ناس كتير معانا هنا عملوها...

بس ما تجيش وتقولي أنا عاوزة أبدأ بدون أي خبرات كندية في قلب تورونتو... نخلينا منطقيين شوية.

ممكن جداً تيجي ألبيرتا مبدئياً ولو مؤقتاً ، لغاية ما تكوّني خبرة كويسة ، وبعد كده لو جاتلك فرصة شغل كويسة ممكن تسافري تورونتو أو حتى فانكوفر. أنا أعرف ناس معانا في الشركة ساكنين في تورونتو وفي سانت جونز في أقصى الشرق الكندي. الناس دي بتيجي طيران في كام ساعة ، وتشتغل الشهر أو الـ 3 أسابيع ويرجع الأجازة بطيارة تانية ، وعادي

طول ماحنا خايفين ناخد أول خطوة يا فندم يبقى مفيش حاجة هتتغيّر غير إن جزء من عمرنا راح ع الفاضي! ع الأقل لو أخدتي أول خطوة ، هيبقى لسّه قدّامك ألف ميل إلاّ خطوة...

وبالتوفيق.

[moheltohamy]

و الله و ربنا وحده هو العالم أنا قد إية زعلان و حزين إنى ماقابلتكوش فى الحقيقة, بجد حاسس كأنن أمخاخنا كوبى و بيست من بعضيها يعنى نسخ متكررة و نفس الأفكار و نفس المعتقدات و الرفض للواقع المصرى و الفكر المصرى بالعموم و بعد الثورة بردو ولا كأن فى أى حاجة حصلت, لسةاالزبالة مالية الشوارع و العقول لسة فى غياهب الظلمات و الوعى عموماً لدى الشارع المصرى لسة فى البلالا و لا قدامنا 30 سنة على ما نشم نفسنا.

للأسف إحنا كبرنا غلط و إتربينا غلط و إتعلمنا غلط, عمرى ما حد علمنى يعمى إية إنتماء وطنى ولا حب البلد, كنت برمى ورق الحلوات الفاضية فى الشارع ولا حد عمره قاللى عيب ولا غلط, ماإتعلمتش غير إنى لازم أحفظ و أذاكر و خلاص و إن هى دى مهمتى فى الحياة لحد ما أشتغل و أتربط فى الساقية لحد ما أموت ! بجد حتى ما إتعلمناش يعنى إية أستمتع بالحياة ! و على سبيل المثال من الأمراض النفسية لدى شعبنا العظيم:المخدرات مثلاً كانت فى المدارس و العلاقات بين البنات و الولاد فى المدارس كانت عادى و كنا فى مدارس منفصلة و الأهالى عايشين فى ملكوت تانى خالص, إحنا مجتمع منافق مريض و بشدة يدعى التدين المزيف و الصلاة و الصوم و العبادات و ميعادها و لكن الشق الأهم و الأصلى فى الدين و هو الأخلاق لا وجود له فى ثقافتنا و للأسف العقول المفكرة و المثقفين و المتعلمين بيهاجروا و يسببيوا البلد زى حالاتى كدة من الهم دة! يخرب بيت كدة يعنى مين طبيعى و سوى يرضى لأولاده إنهم يتعلموا فى كدارس كدة ولا يتعاملوا أصلا مع مجتمع بالعقلية دى؟

أنا عندى كلام كتير أوى بس قلبى واجعنى منه و من اللى بشوفه فى الشوارع كل يوم من حرقة الدم و أنت سايق و أنت راكب مواصلات و أنت بتتسوق و أنت حتى بتاكل فى أنضف المطاعم بردو أخلاق الناس هى هى مهما إغتنوا و مهما لبسوا ماركات..بس بجد خلاص...مصر بالنسبة لى خلاص كدة جابت آخرها أوى و أنا زيكوا أنا شاب فى مقتبل العمر و أعمل فى شركة إتصالات كبرى فى مصر و خريج جامعة أجنبية و الحال ميسور نسيبا لمصر و وصلت لمرحلة إنى حاسس إنى موجود فى المكان الغلط مع الناس الغلط بأفكارهم الرجعية اللى أنا رافضها, مش قادر أتعامل مع الناس خالص و بجد ببصلهم زى العبيط فى الشارع و نفسى أفهم لية الغوغائية متأصلة فى تصرفاهم؟ لية قلة الأدب على طول الخط؟ لية التحرشات فى الشوارع؟ لية المعاكسة لأى أنثى فى الشوارع؟ لية و لية و لية؟! وصلت لمرحلة أين المفر!! بس هى كندا! يا حالوللى كندا و الله لأمسح جزم بالمعنى الحرفى للكلمة ولا أعيش فى قصر فى التجمع الخامس..

أنا تعبت و عندى قناعة شخصية إنى لو خلفت طفل يشم هوا البلد دى هبقى بجد بظلمه و بتجنى علية و أبقى أجرمت فى حقة و القرار إتاخد و أدينا ماشيين فى البروسس و بننحت فى الصخر نحت من أجل شىء واحد بس.... الكرامة.

أنا كلامى لم يضف أى جديد من اللى الأساتذة الأفاضل قالوة قبلى بس كنت لازم أشارك و أفضفض مع ناس فاهمنى لأنى هنفجر و هموت من الناس اللى عايشة معايا على أرض الواقع و اللى عاش فى مصر يفهم أوى كل كلمة أنا قولتها..

سلامى للجميع و إن شاء الله نتقابل فى أرض الأحلام.

حمد الله ع السلامة يا عم أدهم يا شرقاوي ، تعالى اقعد حمب اخواتك هنا... لست وحدك

وكلنا مرينا بالليلة دي كلها ، ما طفشناش م البلد من شوية. بس أتمنى ما تكونش سلبي ، وتبدأ الخطوات الإيجابية في طريق الهجرة ، قبل ما الباب يقفل على صباعك. حكومة المحافظين دلوقتي بقت أغلبية ، يعني مش خايفين من الانتخابات أو إنهم يتقلشوا! الناس دي ضد الهجرة ، يعني عاوزين يقفلوا الباب بتاع الهجرة على قد ما يقدروا ، ويزداد استقبال المهاجرين من شرق أوروبا بدلاً من الشرق الأوسط.

مش الهدف طبعاً اللون الأبيض زي ما ناس هتفسرة ، بس الناس دولم هيقدروا يتأقلموا أحسن مننا ميت مرة مع اللايف ستايل الكندي ، مش هيتقوقعوا على نفسهم زي جالياتنا الإسلامية والناس الهنود والصينيين والزنوج!

أما بالنسبة يا عزيزي لحكاية إنك تمسح جزم دي... مش هاقول لك غير:

هوّه انتا تطول يابني تشتغل مساح جزم؟ مش بعيد والله يكون ليها دراسة قبل ما تشتغل الشغلانة دي... نفسي ألاقي الصورة اللي كنت صوّرتها للست هانم اللي بتمسح جزم في الداون تاون تورونتو... ما تحلمش إنك ترتبط بيها أصلاً سعادتك