كندا التي رأيتها :)

[moheltohamy]

اولا والله بقالى كتير مبدخلش على المحاورات من بعد ماابواب كندا تقريبا بيخلوها عشان نظام الخلو ده انقرض وهم شكلهم عاوزين يبنوا كومباوند كبير ويشغلوها تايم شاير او تمليلك

عموما من الحاجات اللى لفتت نظرى الاقى التوبيك واخر مشاركه هى لماضه وقولت ايه اللى جاب القلعه جمب البحر :P :P وان لماضة المصريه شكلها بتشاور عقلها تهاجر لبلاد الفرنجه

وقولت طبعا ادخل اسلم على الدكترة تهامى واقوله ربنا معاك

على فكرة يادكترة انا اكرم اللى كنا بنتكلم من كام يوم على كونفرانس كول مع... فاكر ولا...

عموما كل سنه وانتم طيبين جميعا

شرفتنا يا أكرم باشا ، وطبعاً فاكرك ، هوه أنا في حياتي كلها عرفت كام أكرم؟ همّه اتنين... سعادتك ، وأكرم حسني بتاع نجوم إف إم

على فكرة... أفتكر برضه كان فيه جالاكسي وبدرية برضه من الطيور اللي كانوا ناويين ع الهجرة... اختفوا من زمان ، وما سمعناش عنهم حاجة إن كانوا وصلوا كندا ، ولاّ لسّه مستقرّين في الإمارات والبحرين!

يا ريت اللي يعرف أخبارهم يطمّنا عليهم.

[moheltohamy]

ليه يا دكترة كده؟؟؟؟؟؟؟ ليه تخلينى أعيط و تقلب عليا المواجع كده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أولا اسمح لى أحييك على أسلوبك الرائع فى السرد.....أنا بدأت فى الهاند أوفر بتاعك و لسه ما خلصتوش,بس حبيت أغش و أقرا من الآخر,فجت المشاركة دى ع الجرح اوى اوى.............

انا يا د.محمد-زى ما اسمى بيقول- مصرية و أفتخر بكده......أنا عاشقة تراب مصر بجد.........و مش متخيلة انه جه عليا اليوم اللى مصر تخلينى أكفر بيها و أنوى ع الهجرة..............انا كنت دايما أوصف نفسى انى زى السمك اللى لو طلع من المية يموت,و أنا لو طلعت من مصر أموت ....عارف انى لما اتجوزت كان جوزى بيشتغل فى السعودية و تمام التمام....و أنا اشترطت عليه انه كام سنة فى السريع كده و ننزل مصر عشان انا ماقدرش اعيش بره مصر.........و صدقنى قعدت فى السعودية سنتين بالعدد(و نصهم أجازات قضيتها مع اهلى فى مصر)......

فكرة الهجرة دى كانت مرفوووووووووووووووضة تماما منى و من جوزى............و حتى فى أسوأ أيام المخلوع,كنت دايما عندى أمل ان مصر هتقف على رجليها و تتعدل,و طبعا كل حد كان شايفنى مجنونة!!!!!!!!!!!!

لما قامت الثورة,جوزى كان فى التحرير و انا كنت هاموت و انزل بس هو رفض عشان الاولاد......و لما الباشا السابق تنحى حسيت ان أخيراً الأيام أثبتت انى مش مجنونة و ان مصر فيها الخير ....و كده يعنى....و بقيت مقتنعة تماما اننا كلنا لازم نشتغل عشان البلد تقف على رجليها و تنضف .....

تخيل انت بقى واحدة بالوصف ده..........لما تاخد قرار الهجرة.......يبقى البلد دى وصلتنى لإيه؟؟؟؟؟؟؟نفسى أقف فى الشارع و أصرخ:احنا ما عملناش ثورة عشان الانتهازيين يقفزوا ع الحكم......ولا عشان الجيش يتبت فيها بايديه و سنانه........ولا عشان المجرمين يملوا الشوارع و السلاح يبقى فى ايدين الجميع.....ولا........ولا.........ولا..........

بجد فجأة حسيت كأنى فقت من الحلم على الحقيقة المرة...........انى لو فضلت فى البلد دى هيجرالى حاجة فى أعصابى.....و انى لو ربيت أولادى فى البلد دى يبقى ذنبهم فى رقبتى.......و حاجات كتير اوى اوى...........بس أنا طولت عليك أنا آسفة.......بس فعلا مشاركتك أثارت شجونى و استدعت دمعى..........

إدعيلنا ربنا يوفقنا و نحصلك على كندا قريبا ان شاء الله لأننا لسه حتى ما قدمناش

آسفة تانى على الاطالة و شكرا على مشاركاتك

حمد الله ع السلامة يا فندم ، ونوّرتي التوبيك...

مش لوحدك يا فندم اللي حلمتي وأحلامك كبرت ، واتصدمتي بعد ما نزلتي لأرض الواقع... كلنا حلمنا واتصدمنا ، وحمدت ربنا إني هنا ، رغم إن كتير من أصحابي شايفينني ندل وما تمرتش فيّا العشرة والبلد اللي علّمتني وكبّرتني وأكلتني ولبّستني ولمّتني م الشوارع!

ما علينا... تعالي يا فندم شرّفينا... الكنبة واسعة ، ولسه فيه أماكن لناس تانيين أعلنوا يأسهم خلاص ، وبيقولوا فينك يا كندا!

بس أنا بجد باستغرب ليه ما بدأتوش تقديم؟ منتظرين إيه؟

يا جماعة الباب ده مش هيفضل مفتوح كتير بجد... الدنيا بتقفل في كل مكان دلوقتي... مش عايز ييجي اليوم بس وتندموا إنكم ما بدأتوش بدري!

موضوع الثورة واللي حصل فيها ده مأساة يومية بنتخانق أنا وأصحابي عليها شبه يومياً ع الفيس بوك!

نسيبنا من الكلام فيه شوية بقى ، عشان مفيش حاجة هنعملها غير حرق الدم بكل أسف.

ونرجع للكلام عن كندا والهاند أوفر بعد قليل.

[moheltohamy]

وحشنى بجد...ايه دنيا.

ما تشوفش وحش يا فندم... وربنا يديك الصحة وتمتع الناس دايماً بالحكاوي والخبرات.

[moheltohamy]

والله يا جماعة انا بشكركم جدا على الفضفضة الجميلة دى

انا والله محتار .... انا بحلم بالهجرة من حوالى 6 سنين بس كنت مستنى اكمل الشروط ... بعد ما عملت الاختبار السريع للقبول فى كيوبيك وطلعت النيجة مقبولة ومكاتب الهجرة طلبت اوراقى علشان تقدملى ....

بدأت اخاف واحس ان الحلم بتاعى اقرب ان يكون وهم وكانت الاسباب هى

1- انى اكتسبت خبرة من السفر الى السعودية والعديد من البلاد الاروبية وحسيت ان معظ الناس عندها مشاكل وبتحاول تحلها وان فى سلبيات فى كل مكان

2- اكتشفت ان احنا بنهرب من مشاكلنا بالسفر .... على اساس ان احنا بلادنا وناسنا وحشين والبلاد التانية مفيش فيها مشاكل .

بس السؤال الى محيرنى .... هى الحاجات السيئة( السلبيات ) الموجوده فى السفر هنقدر نتغلب عليها ولا ايه ؟

معلهش المواقف الى هاقولة صعبه وطبعا نسبة حدوثها ممكن تكون قليله لاننا بنحافظ على اسرنا

1- يعنى مثلا .... لما اشوف بنتى داخله عليا بصديقها وبتقولى انا هعيش مع صديقى وانا حرة .... يا تر ايه هيكون موقفى ؟ ... وهل انا كده حافظت على بنتى الى ربنا هيسألنى عليها .... ده ممكن يكون نادر الحدوث .. بس متوقع فى تلك الاوساط

2 - احنا فى بلادنا ممكن نحب نعلم الغلط ... بس لو مفيش راضع دينى ... ممكن خوفنا من الناس يمنعنا نعمل الغلط ... هل انا هقدر احافظ على نفسى فى كندا حيث انا حر اعمل الى انا عايزه.

والله يا جماعة انا بحاول اجاوب على الاسئلة دى علشان انا نفسى اسافر الى كندا ... بس خوفى من نتائج السلبيات يمناعنى من التقدم لحاجة انا بحبها.

فى حاجة كمان .... انا الحمد لله عايش كويس والحاجة الى نفسى فيها بعملها وده فضل من الله سبحانة وتعالى انا عايش فى السعودية الحياة معقولة بالنسبة للرواتب ... ياترى الرواتب فى كندا كافيه للحياة الكريمة ولا تعيشك مستورة وخلاص .انا بسمع انى مستوى المعيشة غالى جدا زى اروبا .... يعنى الى تجيبة باليمن يروح بالشمال وممكن تحتاج مساعدة من الحكومة الكندية .

انا فاهم الفرق فى الحرية بين كندا والسعودية .... بس لو انت شغال فى مكان كويس مش بيكون عندك مشاكل .

يا ريت يا جماعة تفيدونى لانى بصراحة انا محتاج لمساعدتكم ... وخصوصا من الناس الخبرة زيكم

شكرا ويارب تكونوا سعداء دائما

إسمحلي أسألك يا سيد شريف... إنتا ليه عاوز تسافر كندا؟

من الواضح إنك مرتاح ومستمتع بالحياة في السعودية ، أو دي أقرب حاجة لتفكيرك ولنمط الحياة اللي ترضاه لنفسك على ما أرى.

إذا كنت يا أ. شريف متقبّل إن المجتمع اللي يجبرك تكون ملتزم أو يجيلك البهوات بتوع هيئة الأمر بالمعروف والنهي عن المنكر يخلّيك تصلي أو يمنعك إنك تكلّم واحدة في مول مثلاً!

إذا كنت شايف دي نقطة إيجابية في المجتمع السعودي ، يبقى صدقني... كندا مش ليك. في كندا لو ليك نفس تعمل حاجة هتعملها ، إنتا اللي بتحدد الخطوط الحمرا في حياتك ، مش حد اللي بيحددهالك. لو كنت شايف إن إرادتك ضعيفة وعايز اللي يقوّيهالك ، يبقى كندا من ضمن آخر الأماكن اللي ممكن تروح تعيش فيها.

النقط اللي أثرتها في تساؤلاتك دي هيه المخاوف الكلاسيكية اللي في دماغنا كلنا كعرب وكمسلمين وكشرق أوسطيين.

النقطتين دول (تربية الأبناء ، والعلاقات بين الجنسين في كندا ، أو بين الجنس الواحد) دي ممكن تكون محور الأجزاء الجاية من الهاند أوفر...

لكن ما زلت أكرر... ما أنصحكش أبداً تفكر في الهجرة لأي دولة في العالم الغربي... أعتقد إنك هتكون مرتاح أكتر في الميدل إيست.

[moheltohamy]

دكتور تهامى

حضرتك غايب بقالك كتير

اتمنى حضرتك تطمنا عليك

انا كنت متابع من غير تسجيل

وسجلت مخصوص علشان انادى لحضرتك

دى اول مشاركه ليا فى المنتدى

وحبيت تكون فى توبك حضرتك

اتمنى متغيبش اكتر من كده

تحياتى

يسعدني إن أول مشاركاتك تكون هنا يا هندسة ، ويا رب يعينني بس وأفضى وأقدر أكمّل كلام وحواديت...

شرفتنا يا باشا

استاذ شريف..

بالنسبة لسؤال حضرتك الاولانى, ان بنتك مثلا تقول لك انها هتعيش مع بوى فريند والكلام ده..

احنا برضه لازم نكون منطقيين فى تساؤلاتنا.. يعنى عمر ما الانحراف بييجى كده مرة واحدة من الباب للطاق.. و لكن غياب دور الاب و الام فى التوجيه و الرعاية مع مرور الوقت, بيسببوا اللى حضرتك بتقول عليه.. يعنى الموضوع مبيحصلش مرة واحدة, و لكن كنتيجة حتمية للتسيب.

كلام منطقي يا فندم ، أحييك عليه. وعموماً الكلام ده أنا قلته قبل كده ، وهاتكلم عليها تاني في الجزء الخاص بتربية الأبناء.

نرجع بقى للشغل بتاع زمان... هندخل في المواضيع الساخنة ، لو سمحتوا الأجزاء القادمة +18

[moheltohamy]

نتكلّم في نقطة غريبة حبتين في كندا!

كندامن ضمن الدول القليلة في العالم اللي بتسمح بالشذوذ الجنسي (Homosexuality)! يعني بتتعامل مع الشواذ على إنهم ناس طبيعيين زيي وزيّك يابو حميد ، وليهم كل الحقوق المدنية. الغرب ساعات بيبُص للشذوذ على إنه قدر! بمعنى إن فيه خلل چيني أو هورموني في جسم الناس دي ، وبالتالي دول معذورين ، ومش المفروض نلومهم ، لأ دا المفروض نتعاطف معاهم كمان!

ومن مُنطلق إنهم مش ناس وحشين ، أصبح من حقهم دستورياً إنهم يتجوّزوا جواز مدني ، والجواز صحيح قانوناً. المصيبة الأكبر مش في كده ، الأنقح إن بمجرد جوازهم أصبحوا يكوّنوا أسرة. ولما همّه أسرة ، يبقى من حقهم تبني أطفال! ولك أن تتخيّل طفل شايف أبوه وأمه من نفس الجنس ، تتخيّل طفل بالتربية دي هيطلع عامل إزاي؟ ده بافتراض حسن النية ؛ إنهم مش هيسيئوا ليه جسمانياً أو يستغلوه جنسياً! النقطة الأخيرة دي كنت باتجادل فيها أنا والواد إد (Eduardo) زميلي في الشغل. هوّه شايف إن الناحية دي حرية شخصية لا تضرنا ولا تنفعنا كمجتمع. طيب دول كده من حقهم يتبنوا طفل... وإيه المشكلة؟ هيقلبوه زيهم ، ويمكن يستغلوه جسدياً! والواد يرد عليا ويقوللي ده كلام فارغ ، لوفكرنا بنفس الإتجاه بتاعك ده ، يبقى اللي يروح يتبنى بنت ، يبقى بيتبناها طفلة عشان يغتصبها أو يستغلها جسدياً لما تكبر!

أنا عن نفسي ما بقيتش شايف الموضوع زي ما بنشوفه في مصر... وبالأصالة عن نفسي ،الموضوع ده مش فارق معايا من قريب أو من بعيد. أنا كل اللي يخصّني في الليلة دي إني ما أشوفش في مكان عام منظر أشمئز منه ، أو يخدش حياء أبنائي فيما بعد. والحمد لله ، ما شفتش أي منظر يضايقني حتى الآن ؛ زي راجل بيبوس راجل مثلاً!

لكن لو مثلاً الشقة اللي جمبي فيها اتنين رجالة شواذ ، اللي يهمني إني ما أشوفش منظرمؤذي لعيني في الأسانسير مثلاً. بيهببوا إيه بقى جوّه شقتهم ، ده شئ ما يخصنيش! طبما أنا قعدت ساكن مع الواد الدياسطي أكتر من سنة في شقته في مصر ، وخارجين داخلين طابخين واكلين عاصرين شاربين قايمين نايمين مع بعض... تفتكر النقطة دي المفروض تفرق مع الجيران في حاجة؟!

أفتكرإني مرة شفت في الداون تاون تورونتو ، أيام مظاهرات العيال التاميل ، خارج المظاهرة لمحت واد ماشي مأنجچ واد تاني! أنا لفت نظري منظر الواد الحنين شويتين اللي كان لابسلي قميص نوم بمبي حريمي على بنطلون استريتش اسود ناعم ، وحاطط ماكياچ فاقع في عز النهار ، وحلق وكده! الواد شكله قذر بجد! بعد ما عدّوا من جمبي ، وعلى ما مخي استوعب الصدمة ، قلت يا ابن الكااالب ، هوّه انتا منهم؟!

مرة تانية كنت سايق العربية ومعدّي من شارع تشيرش في الداون تاون تورونتو ، وكان معايا واحد صاحبي ، ولفتت نظرنا صاروخ لابسة فستان قصير أقل م الميني بشوية وكعب عالي وحركات ، كانت بتعدّي الشارع قدامنا. مش عاوز أقول لك إننا تعبنا نفسياً من لبسها! واحنا معديين جمبها وبنبص على وشها... تطلع راجل ، بس لمؤاخذة! ساعتها كنت هاجيب اللي في بطني بجد مش بهزار!

برضه شفت كذا منظر يقرفوا ؛ زي واحد خارملي ودنه وحاطط فيها حلقة سودا بلاستيك عشان يوسّع الخرم ، حجمها قد العُملة الصفرا المعدن! حاجة تنرفز بصراحة! هوّه طبعاً حر يعمل اللي هوّه عاوزه ، بس مع خلفية ثقافية زي بتاعتنا ، ما بتعرفش تتعايش انتا مع الأشكال دي!

أفتكر مع بداياتي ع البريمة في السعودية ، لما جالي مشرف الأمن الصناعي في الشركة (من إنجلترا) ، ولابس حلق ، وعامل لي شعره ديل حصان ، ومربّي ديل حصان صغيّر من الحتة اللي تحت شفايفه السفلى (بيسمّوها Goaty) ، وتاتوو وحركات... بصيت له نظره أقل ما توصف بيه إنها نظرةاحتقار (إيه الخواجات اللي جايين يشتغلوا معانا دول؟)! بس لما احتكيت بيه في الشغل لقيته راجل مالوش حل! الراجل محترم وشاطر في شغله وتعامله وأسلوب كلامه فريندلي بشك لفوق الوصف. ساعتها حسيت إن الخلفية الثقافية بتاعتنا اللي بتحكم دايماً على الإنسان بمظهره مش صح ، ولا المفروض تكون هيّه الأساس في التعامل أو الحكم المُسبّق على الشخصيات.

بس اللي أقدر أؤكدهولك إن المجتمع الكندي بصورة عامة ما بيتقبلش الفئات اللمؤاخذة دي ولا بيحترمهم ، خصوصاً لو ماشيين فلاشنج في أماكن عامة. أفتكر لما كارولين كانت في مصر ، وبنتمشى مع بعض عند قلعة قايتباي في اسكندرية ، وكان ماشي قدامنا اتنين من الشلة بتاعتي ، وماسكين إيدين بعض (مشبكين صوابعهم سعادتك) ، وألاقي البنت تسرّخ وتشاورلي عليهم ، وتقوللي محمد إلحق! وندحك كلنا ، وصاحبي يرد عليها ، ويقول لها إحنا شعب رومانسي... هات إيدك تاني يا واد يا تامر... جيب بوسة كمان!

الغريب إن الواد ديبو كل ما ييجي يقابلني في المطار ، وآجي أسلّم عليه وأبوسه ، ألاقيه بيزقني من بعيد لبعيد ، ويقوللي: محمد ، إحنا في كندا! وأرد عليه وأقول له: صو؟؟؟ ويقوللي: هنتفهم غلط! أضحك وأقول له: دا لو فيه مشكلة في أي مكان في العالم ، كندا بالذات بتسمح بده! بس مفيش فايدة! الواد دماغه قافلة ، وبيقلّق من النقطة دي بالذات!

برضه لو سمعت واحد بيقول لك إني رايح أقابل البوي فريند بتاعي تعرف إنه ولمؤاخذة ، في حين لو سمعت بنت بتقول لك إنها رايحة للجيرل فريند بتاعتها ، فده معناه إنها رايحة تقابل صاحبتها الأنتيم ، ومالهاش علاقة الجملة دي بالسيكشوال أتيتيود بتاع البنت! نقطة برضه تاخد بالك منها!

أفتكر إني لمحت برضه بنتين بيتمشوا في الجنينة وأنا ماشي بالعربية ، واحدة منهم إيديها حوالين وسط التانية. أنا استغربت ، بس قلت إن بعض الظن إثم ، يمكن دي بديل الأنجچة مثلاً.

في كورس الـــ ACLS في مستشفى صني بروك في تورونتو ، كانت بتاخد معانا الكورس ممرضة اسمها صوي (Soy) ، أصولها من أمريكا الجنوبية ، ولما قلتلها إني هبطان عشان صايم ، قالتلي "أوه إتس رامادان!" ، وكويس إنك قلتلي ، عشان أتصل بواحد زميلي الأنتيم اسمه حسين ، أبارك له بمناسبة رمضان ، وده gay بالمناسبة! أنا سمعت الكلمة دي ، طبعاً اشمئزيت ومستغرب من البيه اللي هيصوم وهوّه كده لمؤاخذة! وقلتلها دا قرف (This is disgusting)! والبنت تتصدم ، وتقوللي مش المفروض تقول كده! ولما سألتها: إنتي شايفة إنها حاجة عادية؟ تقوللي: طبعاً ، وهوّه إنسان طيب ومحترم على فكرة ، وكونه gay مالوش أي علاقة بنظرتي له ، دي حياته الشخصية وهوه حر فيها! ما قدرتش أهضمها أيامها الصراحة الحتة دي ، إزاي محترم وكده؟!

مرة تانية وانا في وحدة الإسعاف ، وكانت معايا البت شيلا ، وكانت واقفة ورايا في المطبخ بتبعت رسايل من الموبايل ، وألاقيها عمّالة تقول "Wow, I'm so excited!". خير يا شيلا ، إيه الأخبار الحلوة؟ ودي تقوللي "Two of my school friends are getting engaged, they have been in love since school"، قلتلها واو ، وات آلاف ستوري ، كونجراتس تو هير. ودي تقوللي "No, it's him and him"! طبعاً من بعد فرحتي بقصة الحب الرومانسية ، في ثانية اتقلب قرف مالوش مثيل ، ومستغرب ع الاتنين يا عيني اللي قرروا أخيراً يرتبطوا رسمي ، وآهو منها يعيشوا في الحلال برضه بدل ما يكملوا حياتهم في الحرام!

طبعاً ردي المتوقع "Oh, this is yucky!" ، ودي استلمتني يا عم الحاج... وفيها إيه يا محمد؟ إنتوا ما بتتقبلوش حياة الناس دول؟ أمال الناس اللي من الجنس التالت دول مثلاً عايشين ازاي في الميدل إيست؟ قلتلها ما عنديش فكرة ، مستخبيين يمكن أو لامّين نفسهم! مش يبقوا شواذ وفاجرين كمان! ودي تقوللي دي حاجة طبيعية يا محمد ، مش باختيارهم! أنا طبعاً رافض الفكرة ، وشايفهم همه اللي قررواالسكة دي بمزاجهم. وشيلا تدافع عنهم ، وتقوللي دي حتى الحيوانات فيه منها حيوانات شاذة! ولما جيت أتلامض معاها في الحتة دي ، قالتلي ما تجادلش يا محمد ، أنا عشت التجربة دي بنفسي مش سمعت عنها من حد... من وانا صغيرة واحنا عندنا مزرعة وفيها أبقار ، وكنا مرة اشترينا ثور جديد ، ولاحظنا إنه مزاج عنده التيران التانية ، مالوش في البقر خالص! ولما سألت واحدة صاحبتي عن إيه الحل ، قالتلي غلطتكم إنتو اللي اشتريتو ثور gay! مالهاش علاج! والعلماء لاحظوا إن الشذوذ ده موجود في الحيوانات ، وعادي! عاوز أقول لك إني قريت إن في عالم الحيوان بتحصل بلاوي ، يا ريتها جات بس ع الشذوذ! آل واحنا اللي فاكرينهم هبل!

كنت مرة في الشغل (حالياً) ، مع مجموعة ناس بيمدوا بايب لاين من بريمة لمجمّع تانكات بترول ،كنت معاهم كميديكال ستاند باي لو حصل لحد منهم حاجة. المدير بتاعهم كان كل شوية ييجيلي نرغي ونهزر مع بعض شوية. مرة جه الكلام على الحكاية دي ، فحكالي إن الموضوع ده مش فارق معاه ولا يخصّه أصلاً ، وما عندوش حتى اعتراض عليه طالما بيحصل خلف الأبواب المغلقة. وقاللي حتى إن فيه من أصحابه ناس منهم. مرة كان بيتتريق وبيقول لواحد من أصحابه بقى انتا يا جدع تطلع من الناس دولم ، واحنا اصحاب بقالنا زمن وانا ما اعرفش؟ طب انتا عمرك ما جيت اتمحكت فيّا ليه؟ مش عاجبك أنا مثلاً؟ رد وقال له مش كده خالص ، بس انا عارف إن انتا بتاع ستات! (يقصد إنه من الرجالة الغريبة اللي بتنجذب للستات!)

ده بس يديك فكرة إن الموضوع ده ما بتشوفهوش في المعتاد ولابتتعرض له ، من منطلق إن لكل مقام مقال يعني.

قصة تانية... واحد صاحبي بيحكيلي على واحد صاحبه في إدمونتون. الراجل حالياً في أوائل الخمسينات، ولمؤاخذة! الراجل فكر من بدري من ييجي عشرين سنة ، وقال بدل ما أنا عامل نفسي راجل وأنا مش راجل ، طب ما أعمل العملية وأقلب ست وخلاص ، وأعيش حياتي بمزاج! الدكاترة ظبّطوه... استأصلوله الاسمه إيه ، وعملوا يورين دايفيرچن ، وطبعاً شالوله التستيكلز ، وقلبوله الاسكروتم وعملوه فاچاينال وول ، وبدؤوا معاه هورمونال ثيرابي ، لغاية ما بدأ يجيب على واحدة ست! صاحبي ده كان بيزوره في المستشفى مؤخراً وبيحكيله إنه نادمان ع اللي عمله في نفسه من عشرين سنة... بيقول له ع الأقل كنت زمان عارف أنا إيه ، دلوقتي فقدت الإحساس ، وما بقيتش عارف لي معنى ولا هيئة ؛ لا عارف أستمتع بكوني راجل ، ولا حاسس بنفسي كواحدة ست! وعيش بقى الجو بتاع فيلم جري الوحوش!

واحد صاحبنا برضه بيحكيلي إنه كان شغال في صيدلية في تورونتو ومعاه واحد من العيال دولم... بيقوللي إنه كان إنسان قمة في الاحترام والأخلاق والأمانة والكفاءة المهنية والاحترافية في الشغل ، ولو كان ليه صيدلية بتاعته ما كانش هيستأمن حد يديرها أكتر من الواد ده.

مشكلة تانية كنت قريت عنها على أحد منتديات الهجرة إلى كندا... واد أمريكاني بيعاني من مشكلة إن في أمريكا مش كل الولايات بتسمح بجواز الشواذ ، والناس حتى مش متقبلين الفكرة! ونصفه التاني يا حرام في تايلاند. مش لاقيين حل يجمّعهم في الحلال غيرالهجرة لكندا بلد الحرية ، وساعتها يقدروا يعيشوا في تبات ونبات ، ويتبنوا صبيان وبنات! المأساة إن كندا بالمنظر ده هتلاقي أعداد العالم دي في ازدياد ، وبمرورالوقت هيقدروا يؤثروا في قرارات الحكومة الكندية! دا من دلوقتي وما بيستخبّوش ومش حاسّين إنهم بيعملوا حاجة عيب. دي حياتهم ، ومن حقهم يمارسوها زي ما همّا حابّين ،طالما مش بيتعدوا على حرية الغير. زي الواد إنريكي إجليسياس اللي أغانيه بتعجبني بصراحة ، البيه بعد فترة من المدارية ، قرر إنه ما يخجلش من نفسه أو من طبيعته ، وقال للعالم إنه شاذ. طبعاً مبيعاته نزلت بصورة بشعة على مستوى العالم بعد تصريحه ده! وطبعاً من منطلق إن كندا بلد الحريات ، البهوات بيعملوا احتفال سنوي في الداون تاون تورونتو بيسموه Gay Pride أو Gay Parade ، مسيرة في شوارع وسط البلد ، من منطلق إنهم مش بيستخبوا وإنهم جزء معترف بيه من المجتمع... حاجة مسخرة رسمي!

أنا حتى الآن ما حصلش إني اتعاملت مع حد من الناس دي ، بس لو جينا نتكلم بصراحة شوية... إحنا كميدل إيسترن محتاجين نغيّر شوية من ثقافتنا ، ونخلي لكل مقام مقال... مش المفروض نخلط الحياة الشخصية بالحياة العامة أو الحياة المشتركة في العمل مثلاً ، طالما مفيش تداخل بينهم ، ونخلينا فيما يخصنا بس ، بدون تدخل في تفاصيل حياة الغير.

المشكلة إنك هتكون مُطالَب تتناقش مع أطفالك في النقطة دي ، مش هينفع ندفن راسنا في الرمل في البلد دي كعادتنا في مصر! العيال أكيد هيتعرّضوا لمواقف هيحتكوا بالعالم دي ،وما ينفعش تزرع الكراهية جواهم تجاههم! مش عارف الصراحة تظبطها ازاي بقى!

ربّك يسترها ع الغلابة!

[ViralMind]

توهامى باشا..

عايزين خواطر كل يوم.. احنا بنبات هنا فى القهوة و فين و فين لما بنشوفك :closedeyes:

ان شالله حتى طقطوقة صغيرة.. بس المهم انك تكون موجود كل يوم

[SoSo R]

يااااه....جه اليوم اللى الواحد علش و شاف فيه دكتور تهامى بيرد ع البوست بتاعى...ده انت لما غطست و ما قبتش قلت باااااااس...يا هاخد انذار يا مش هترد و تتجاهل الكلام و خلاص...

طيب مستنية انطباعاتك ابريل الجاى لما تعمل الأقرار الضريبى...اشطة يا مان؟!

بلنسبة لفيلم الرعب اللى انت بديته....

راجعالك بأه عشان اجيب النسكافيه و اقعد احكى براحتى ...انا ليا قصص فى الكويت و كندا...يعنى ممكن تقفلوا باب التوبيك عليا و ترجعوا عشان اخلص كل الحكايات....

بس انت مش ملاحظ ان ماحدش فتح بؤه ولا رد!!!

مش عارفة عشان يسمعوا كويس ...ولا عشان ده موضوع رقابى ولا ايه؟؟؟

راجعة بعد ما اخلص اللى ورايا و اجيب حاجة اشربها ...سلام

[أدهم الشرقاوى]

و الله و ربنا وحده هو العالم أنا قد إية زعلان و حزين إنى ماقابلتكوش فى الحقيقة, بجد حاسس كأنن أمخاخنا كوبى و بيست من بعضيها يعنى نسخ متكررة و نفس الأفكار و نفس المعتقدات و الرفض للواقع المصرى و الفكر المصرى بالعموم و بعد الثورة بردو ولا كأن فى أى حاجة حصلت, لسةاالزبالة مالية الشوارع و العقول لسة فى غياهب الظلمات و الوعى عموماً لدى الشارع المصرى لسة فى البلالا و لا قدامنا 30 سنة على ما نشم نفسنا.

للأسف إحنا كبرنا غلط و إتربينا غلط و إتعلمنا غلط, عمرى ما حد علمنى يعمى إية إنتماء وطنى ولا حب البلد, كنت برمى ورق الحلوات الفاضية فى الشارع ولا حد عمره قاللى عيب ولا غلط, ماإتعلمتش غير إنى لازم أحفظ و أذاكر و خلاص و إن هى دى مهمتى فى الحياة لحد ما أشتغل و أتربط فى الساقية لحد ما أموت ! بجد حتى ما إتعلمناش يعنى إية أستمتع بالحياة ! و على سبيل المثال من الأمراض النفسية لدى شعبنا العظيم:المخدرات مثلاً كانت فى المدارس و العلاقات بين البنات و الولاد فى المدارس كانت عادى و كنا فى مدارس منفصلة و الأهالى عايشين فى ملكوت تانى خالص, إحنا مجتمع منافق مريض و بشدة يدعى التدين المزيف و الصلاة و الصوم و العبادات و ميعادها و لكن الشق الأهم و الأصلى فى الدين و هو الأخلاق لا وجود له فى ثقافتنا و للأسف العقول المفكرة و المثقفين و المتعلمين بيهاجروا و يسببيوا البلد زى حالاتى كدة من الهم دة! يخرب بيت كدة يعنى مين طبيعى و سوى يرضى لأولاده إنهم يتعلموا فى كدارس كدة ولا يتعاملوا أصلا مع مجتمع بالعقلية دى؟

أنا عندى كلام كتير أوى بس قلبى واجعنى منه و من اللى بشوفه فى الشوارع كل يوم من حرقة الدم و أنت سايق و أنت راكب مواصلات و أنت بتتسوق و أنت حتى بتاكل فى أنضف المطاعم بردو أخلاق الناس هى هى مهما إغتنوا و مهما لبسوا ماركات..بس بجد خلاص...مصر بالنسبة لى خلاص كدة جابت آخرها أوى و أنا زيكوا أنا شاب فى مقتبل العمر و أعمل فى شركة إتصالات كبرى فى مصر و خريج جامعة أجنبية و الحال ميسور نسيبا لمصر و وصلت لمرحلة إنى حاسس إنى موجود فى المكان الغلط مع الناس الغلط بأفكارهم الرجعية اللى أنا رافضها, مش قادر أتعامل مع الناس خالص و بجد ببصلهم زى العبيط فى الشارع و نفسى أفهم لية الغوغائية متأصلة فى تصرفاهم؟ لية قلة الأدب على طول الخط؟ لية التحرشات فى الشوارع؟ لية المعاكسة لأى أنثى فى الشوارع؟ لية و لية و لية؟! وصلت لمرحلة أين المفر!! بس هى كندا! يا حالوللى كندا و الله لأمسح جزم بالمعنى الحرفى للكلمة ولا أعيش فى قصر فى التجمع الخامس..

أنا تعبت و عندى قناعة شخصية إنى لو خلفت طفل يشم هوا البلد دى هبقى بجد بظلمه و بتجنى علية و أبقى أجرمت فى حقة و القرار إتاخد و أدينا ماشيين فى البروسس و بننحت فى الصخر نحت من أجل شىء واحد بس.... الكرامة.

أنا كلامى لم يضف أى جديد من اللى الأساتذة الأفاضل قالوة قبلى بس كنت لازم أشارك و أفضفض مع ناس فاهمنى لأنى هنفجر و هموت من الناس اللى عايشة معايا على أرض الواقع و اللى عاش فى مصر يفهم أوى كل كلمة أنا قولتها..

سلامى للجميع و إن شاء الله نتقابل فى أرض الأحلام.

حمد الله ع السلامة يا عم أدهم يا شرقاوي ، تعالى اقعد حمب اخواتك هنا... لست وحدك

وكلنا مرينا بالليلة دي كلها ، ما طفشناش م البلد من شوية. بس أتمنى ما تكونش سلبي ، وتبدأ الخطوات الإيجابية في طريق الهجرة ، قبل ما الباب يقفل على صباعك. حكومة المحافظين دلوقتي بقت أغلبية ، يعني مش خايفين من الانتخابات أو إنهم يتقلشوا! الناس دي ضد الهجرة ، يعني عاوزين يقفلوا الباب بتاع الهجرة على قد ما يقدروا ، ويزداد استقبال المهاجرين من شرق أوروبا بدلاً من الشرق الأوسط.

مش الهدف طبعاً اللون الأبيض زي ما ناس هتفسرة ، بس الناس دولم هيقدروا يتأقلموا أحسن مننا ميت مرة مع اللايف ستايل الكندي ، مش هيتقوقعوا على نفسهم زي جالياتنا الإسلامية والناس الهنود والصينيين والزنوج!

أما بالنسبة يا عزيزي لحكاية إنك تمسح جزم دي... مش هاقول لك غير:

هوّه انتا تطول يابني تشتغل مساح جزم؟ مش بعيد والله يكون ليها دراسة قبل ما تشتغل الشغلانة دي... نفسي ألاقي الصورة اللي كنت صوّرتها للست هانم اللي بتمسح جزم في الداون تاون تورونتو... ما تحلمش إنك ترتبط بيها أصلاً سعادتك

يا أهلاً يا أهلاً !

إية النور دة كله, الأستاذ التهامى أخيراً بقى يزور القهوة بعد غياب شهور و شهور؟!

ألف حمدالله على السلامة يا راجل, دة أنت واحشنى جداً و واحشانى قصصك و مغامراتك و حكاويك و أسلوبك الشيق الممتع, أنا عشت معاك فى كل لحظة فى الهاتد أوفر دة و بجد مش هزار أتمنى إنك تلم الكلام دة كلُّه فى كتاب و تبيعه صدقنى هتكسب و الطلبات على الهجرة لكندا هترف :)

أنت من أساتذتى الكبار فى موضوع الهجرة و أول من شجعونى إنى آخد القرار الجرىء دة و أنا مقدم كيبك و معايا فايل نمبر و مستنى المقابلةإن شاء الله و بحارب مع الفرنساوى, أنا بس حبيت أوضح حاجة... أنت من غير ما تعرف خدمتنى خدمة العمر بالكلام اللى أنت كتبته و تجاربك الناجحة فى كندا اللى على أساسها أنا إقتنعت بإن فى ناس بتهاجر عادى و بتنجح و بتعيش حياة أفضل بمراجل مما نعيشة نحن فى الشرق الأوسط و صدقنى أنا مفيش حد من أصحابى بحبه و بعزُّه إلا و لازم أكلمه فى موضوع الهجرة دة لأنى بجد خايف على الناس المحترمة من المتعلمين و المثقفين و أصحاب المستويات العلمية الرفيعه إنهم يتبهدلوا فى البلد دى أكثر من كدة لأن هنا مش مكانهم الطبيى فبلدنا طاردة للعقول و بجد كفاية بقى مشاكل مالية البلد من فتنة طائفية و مجلس عسكرى و مبارك و فلول و دهس للمتظاهرين السلميين بالمدرعات دة غير التضخم و الغلا و الفقر و الثلوث يعنى هى من الآخر كدة خلاص مابقتش تنفع...بس هقول إية فى ناس ربنا مديها مكان عقولها دى حاجة تانية بتتلبس فى الرجلين, يعنى مثلاً واحد تقوله كندا يعنى عيش حرية كرامة مساواة عدالة إجتماعية إنسانية يقولك يا عم مش مهم أنا باخد 8000 جنية مرتب فى الشهر هعوز إية تانى؟! تقولله يابنى فلوس إية و نيله إية دة الفلةس عمرها ما بتعمل بنىآدميين ولا بتشترى كرامة إفهم الكلام أنا بقولك هوا نظيف و ناس متحضرة و حياة تانية خالص و تأمين صحى و شوارع نظيفة يعنى مهما حوشت فلوس ولا عمرك هتعرف تجيب الكلام دة....يا راجل بقولك ديمقراطية و حكم رشيد فى كندا و ولا الدموع و خد بقى عندك التريقة عشان بذاكر فرنساوى بس هنعمل إية!؟ هو مجتمعنا كدة! هو أنا طفشان من شوية!؟

بس سيبك أنت...القعدة مع الناس الحلوة دى فى القهوة العامرة بأصحابها ماتتعوضش, قول و غنى يا منعم و إحكيلى عن أرض الأحلام...

[مصرية و أفتخر]

ليه يا دكترة كده؟؟؟؟؟؟؟ ليه تخلينى أعيط و تقلب عليا المواجع كده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أولا اسمح لى أحييك على أسلوبك الرائع فى السرد.....أنا بدأت فى الهاند أوفر بتاعك و لسه ما خلصتوش,بس حبيت أغش و أقرا من الآخر,فجت المشاركة دى ع الجرح اوى اوى.............

انا يا د.محمد-زى ما اسمى بيقول- مصرية و أفتخر بكده......أنا عاشقة تراب مصر بجد.........و مش متخيلة انه جه عليا اليوم اللى مصر تخلينى أكفر بيها و أنوى ع الهجرة..............انا كنت دايما أوصف نفسى انى زى السمك اللى لو طلع من المية يموت,و أنا لو طلعت من مصر أموت ....عارف انى لما اتجوزت كان جوزى بيشتغل فى السعودية و تمام التمام....و أنا اشترطت عليه انه كام سنة فى السريع كده و ننزل مصر عشان انا ماقدرش اعيش بره مصر.........و صدقنى قعدت فى السعودية سنتين بالعدد(و نصهم أجازات قضيتها مع اهلى فى مصر)......

فكرة الهجرة دى كانت مرفوووووووووووووووضة تماما منى و من جوزى............و حتى فى أسوأ أيام المخلوع,كنت دايما عندى أمل ان مصر هتقف على رجليها و تتعدل,و طبعا كل حد كان شايفنى مجنونة!!!!!!!!!!!!

لما قامت الثورة,جوزى كان فى التحرير و انا كنت هاموت و انزل بس هو رفض عشان الاولاد......و لما الباشا السابق تنحى حسيت ان أخيراً الأيام أثبتت انى مش مجنونة و ان مصر فيها الخير ....و كده يعنى....و بقيت مقتنعة تماما اننا كلنا لازم نشتغل عشان البلد تقف على رجليها و تنضف .....

تخيل انت بقى واحدة بالوصف ده..........لما تاخد قرار الهجرة.......يبقى البلد دى وصلتنى لإيه؟؟؟؟؟؟؟نفسى أقف فى الشارع و أصرخ:احنا ما عملناش ثورة عشان الانتهازيين يقفزوا ع الحكم......ولا عشان الجيش يتبت فيها بايديه و سنانه........ولا عشان المجرمين يملوا الشوارع و السلاح يبقى فى ايدين الجميع.....ولا........ولا.........ولا..........

بجد فجأة حسيت كأنى فقت من الحلم على الحقيقة المرة...........انى لو فضلت فى البلد دى هيجرالى حاجة فى أعصابى.....و انى لو ربيت أولادى فى البلد دى يبقى ذنبهم فى رقبتى.......و حاجات كتير اوى اوى...........بس أنا طولت عليك أنا آسفة.......بس فعلا مشاركتك أثارت شجونى و استدعت دمعى..........

إدعيلنا ربنا يوفقنا و نحصلك على كندا قريبا ان شاء الله لأننا لسه حتى ما قدمناش

آسفة تانى على الاطالة و شكرا على مشاركاتك

حمد الله ع السلامة يا فندم ، ونوّرتي التوبيك...

مش لوحدك يا فندم اللي حلمتي وأحلامك كبرت ، واتصدمتي بعد ما نزلتي لأرض الواقع... كلنا حلمنا واتصدمنا ، وحمدت ربنا إني هنا ، رغم إن كتير من أصحابي شايفينني ندل وما تمرتش فيّا العشرة والبلد اللي علّمتني وكبّرتني وأكلتني ولبّستني ولمّتني م الشوارع!

ما علينا... تعالي يا فندم شرّفينا... الكنبة واسعة ، ولسه فيه أماكن لناس تانيين أعلنوا يأسهم خلاص ، وبيقولوا فينك يا كندا!

بس أنا بجد باستغرب ليه ما بدأتوش تقديم؟ منتظرين إيه؟

يا جماعة الباب ده مش هيفضل مفتوح كتير بجد... الدنيا بتقفل في كل مكان دلوقتي... مش عايز ييجي اليوم بس وتندموا إنكم ما بدأتوش بدري!

موضوع الثورة واللي حصل فيها ده مأساة يومية بنتخانق أنا وأصحابي عليها شبه يومياً ع الفيس بوك!

نسيبنا من الكلام فيه شوية بقى ، عشان مفيش حاجة هنعملها غير حرق الدم بكل أسف.

ونرجع للكلام عن كندا والهاند أوفر بعد قليل.

ما تقلقش يا د/ محمد

احنا ابتدينا نجهز الورق

و فى انتظار امتحان الايلتس عشان نبعت الفايل كامل ان شاء الله

ادعيلنا بقى ربنا يوفقنا للخير ان شاء الله

[مصرية و أفتخر]

معلش يا تهامى-و اسمح لى اشيل الألقاب بما اننا عشرة هاند أوفرز كتير ;)

نقطة الgay بتاعة الهاند اوفر الأخير ده...........

هل نفس الكلام ده موجود فى اماكن تانية؟؟؟؟

يعنى بصراحة بصراحة..........اول ما فكرنا فى موضوع الهجرة ده,جوزى كان مقرر كندا

و انا فكرت فى كندا أو أستراليا او نيوزيلندا

و بعدين أهلى شجعوا كندا اكتر عشان متقدمة اكتر و انضف و كده

هو استراليا و نيوزيلندا برضه فيهم نفس الdrawbacks الأخلاقية دى زى كندا؟؟؟؟؟

و هل فعلا كندا متقدمة اكتر منهم بكتير؟؟؟؟؟؟؟

و لو انت ما فكرتش اصلا فى موضوع استراليا........هل فيه حد تانى فى المنتدى هنا فكر فى المقارنات دى؟؟؟؟؟؟؟؟؟؟؟

[أدهم الشرقاوى]

معلش يا تهامى-و اسمح لى اشيل الألقاب بما اننا عشرة هاند أوفرز كتير ;)

نقطة الgay بتاعة الهاند اوفر الأخير ده...........

هل نفس الكلام ده موجود فى اماكن تانية؟؟؟؟

يعنى بصراحة بصراحة..........اول ما فكرنا فى موضوع الهجرة ده,جوزى كان مقرر كندا

و انا فكرت فى كندا أو أستراليا او نيوزيلندا

و بعدين أهلى شجعوا كندا اكتر عشان متقدمة اكتر و انضف و كده

هو استراليا و نيوزيلندا برضه فيهم نفس الdrawbacks الأخلاقية دى زى كندا؟؟؟؟؟

و هل فعلا كندا متقدمة اكتر منهم بكتير؟؟؟؟؟؟؟

و لو انت ما فكرتش اصلا فى موضوع استراليا........هل فيه حد تانى فى المنتدى هنا فكر فى المقارنات دى؟؟؟؟؟؟؟؟؟؟؟

إسمحيلى أجاوبك فى الحتة دى..فى مزايا و عيوب معروفة فى أستراليا و هى:

1. المزايا:

- ارتفاع المرتبات بشكل غريب.

- الجو الإجتماعى مناسب للمصريين.

- هتكون شهادتك متعادلة من قبل ما تسافر و هتلاقى شغل بسرعة.

2. العيوب:

- مش هتقدر تقدم ابليكاشن من غير ما تعادل الشهادة بتاعتك.

- الجو سىء و الرطوبة عالية.

- بعيدة جداً عن أمريكا.

- العنصرية الشديدة.

- مصاريف التقديم و دراسة الملف غالية جداً يعنى ممكن أقل تقدير 3000 دولار.

- مفيش معلومات متوفرة عنها فى المنتديات زى كندا.

و لامؤاخذة إحترام المثليين الجنسيين هو أ ب حضارة و هو أمر مفروغ منه فى معظم الدول المتقدمة يعنى أستراليا زى أمريكا زى كندا و إن كانت بعض الأفعال العنصرية مازالت تمارس ضدهم فى الخفاء لكن الوضع العام و القوانين تحميهم و تحمى حرية أى شخص فى إختيار توجهه الجنسى بلا أدنى قيود من الحكومات.

تم تعديل 20 أكتوبر 2011 بواسطة أدهم الشرقاوى

[moheltohamy]

يااااه....جه اليوم اللى الواحد علش و شاف فيه دكتور تهامى بيرد ع البوست بتاعى...ده انت لما غطست و ما قبتش قلت باااااااس...يا هاخد انذار يا مش هترد و تتجاهل الكلام و خلاص...

طيب مستنية انطباعاتك ابريل الجاى لما تعمل الأقرار الضريبى...اشطة يا مان؟!

بلنسبة لفيلم الرعب اللى انت بديته....

راجعالك بأه عشان اجيب النسكافيه و اقعد احكى براحتى ...انا ليا قصص فى الكويت و كندا...يعنى ممكن تقفلوا باب التوبيك عليا و ترجعوا عشان اخلص كل الحكايات....

بس انت مش ملاحظ ان ماحدش فتح بؤه ولا رد!!!

مش عارفة عشان يسمعوا كويس ...ولا عشان ده موضوع رقابى ولا ايه؟؟؟

راجعة بعد ما اخلص اللى ورايا و اجيب حاجة اشربها ...سلام

صباح الخير سوسو باشا إغ (وش الغائب الحاضر اللي كلنا عارفينه)

أعتقد المفروض تسيبي شوية نسكافيه للكنديين الغلابة... كل ده بتشربي نسكافيه؟!

بالنسبة لموضوع الضرايب ، الضرايب بتتخصم مني سعادتك كل باي تشيك ، يعني المفروض أنتظر يرجّعولي شوية فلوس على إبريل الجاي ، بعادتهم إنهم بيخصموا ضرايب أكتر من المطلوب ، واللي عند الحكومة ما بيروحش

هتصدقيني لو قلتلك إن الضرايب اللي كانت بتتخصم مني في مصر كانت أكتر من هنا؟!

بالنسبة للتعليقات ليه محدش علّق على آخر بوست... ده ليه سببين في الواقع:

أولاً بطبيعة الحال والهجرة الجماعية اللي حصلت ، والناس اللي ما زالت واخدة الموضوع بمحمل شخصي.

ثانياً عشان الموضوع شائك طبعاً ، وفيه ناس مش مهتمة بالنقطة دي ، وشايفين إن الشر بره وبعيد وكده يعني!

سيبك انتي... أنا منتظر أشوف البوست بتاعك ، واللي ربنا يديني طولة العمر وألحقه!

[dcfarouk]

نتكلّم في نقطة غريبة حبتين في كندا!

كندامن ضمن الدول القليلة في العالم اللي بتسمح بالشذوذ الجنسي (Homosexuality)! يعني بتتعامل مع الشواذ على إنهم ناس طبيعيين زيي وزيّك يابو حميد ، وليهم كل الحقوق المدنية. الغرب ساعات بيبُص للشذوذ على إنه قدر! بمعنى إن فيه خلل چيني أو هورموني في جسم الناس دي ، وبالتالي دول معذورين ، ومش المفروض نلومهم ، لأ دا المفروض نتعاطف معاهم كمان!

تحياتي يا فندم

وكل الحب والتقدير

بجد ارجو حضرتك الا تتوقف عن الكتابه

انا مبسوط ان حضرتك طرحت الموضوع ده

الاجابه ببساطه عن الموضوع ده هو انه حرام

بس ده لو اللي قدامك مسلم وفاهم عظمه الاسلام وبالتالي هيثق فيما يقوله ويمليه الاسلام بأنه فيه المصلحه للمجتمع

واحنا متعودناش علي ردود تانيه غير كلمه حرام لان ثقافتنا كده ومتعودناش نتكلم مع الغرب

انا كنت مره في حوار مع شخص اجنبي مذيع من ابرلندا علي السكياب

وهو دماغه نفس اسلوب تفكير الناس اللي حضرتك قابلتها ومكنتش عارف اقنعه بحجه قويه

انا بجد عاوز ادور وادعبس في الموضوع ده بحيث اقنع اللي قدامي باسلوب علمي مقنع لان الحوار بالدين معاهم لن يجدي

وانا تقريبا هاخد كل رد اتقال لحضرتك كنواه لاقناعهم بالعكس وجارف الفحص والتمحيص

ولعل وجودنا في كندا يجعل منها مكانا افضل

عشان كده كل كلام حضرتك مهم وياريت متحرمناش منه

[dcfarouk]

دكتور تهامي

ليه حضرتك اخترت تشتغل EMS وليس EMR

وشكرا

[moheltohamy]

معلش يا تهامى-و اسمح لى اشيل الألقاب بما اننا عشرة هاند أوفرز كتير ;)

نقطة الgay بتاعة الهاند اوفر الأخير ده...........

هل نفس الكلام ده موجود فى اماكن تانية؟؟؟؟

يعنى بصراحة بصراحة..........اول ما فكرنا فى موضوع الهجرة ده,جوزى كان مقرر كندا

و انا فكرت فى كندا أو أستراليا او نيوزيلندا

و بعدين أهلى شجعوا كندا اكتر عشان متقدمة اكتر و انضف و كده

هو استراليا و نيوزيلندا برضه فيهم نفس الdrawbacks الأخلاقية دى زى كندا؟؟؟؟؟

و هل فعلا كندا متقدمة اكتر منهم بكتير؟؟؟؟؟؟؟

و لو انت ما فكرتش اصلا فى موضوع استراليا........هل فيه حد تانى فى المنتدى هنا فكر فى المقارنات دى؟؟؟؟؟؟؟؟؟؟؟

أرفع القبعة لكلام أدهم الشرقاوي ، وأحب أضيف عليه شوية حاجات...

أكيد طبعاً يا فندم موجود في أماكن تانية ، زي السعودية والإمارات والكويت... وحيثما وُجد بني الإنسان.

خلينا واقعيين شوية.

العالم الغربي عموماً فيه دروباكس طبعاً بالنسبالنا ، ومش بس الغربي ؛ الصين وباقي منطقة جنوب شرق آسيا ، و وسط أفريقيا وأمريكا الجنوبية... تقريباً الدنيا كلها...

يمكن الموضوع عندنا مستخبي بس شوية ، بس احنا كمان مش ملايكة بالمرة!

بالنسبة لباقي البلاد ، فأنا كنت فكرت في إنجلترا وأمريكا وكندا واستراليا ونيوزيلاند...

أمريكا طريقها هوه الجرين كارد لوتري ، وده كنت باقدمه من زمان ، حتى بعد ما قدمت لكندا ، حتى بعد ما عملت اللاندنج

إنجلترا ما لاقيتلهاش أي مصدر معلومات بالمرة!

أستراليا كنت متخطي درجة نقاط القبول بتاعتهم اللي كانت 120 (كنت جايب 135 درجة) ، على اعتبار إن الأطباء كانوا على أعلى المهن المطلوبة (60 نقطة)... بس المشكلة بقى إن لازم الجافرننج بادي هناك يكون معترف بشهادتك عشان يتم اعتماد النقط دي. إتحاد أطباء استراليا يشترط النجاح في المعادلة الاسترالية عشان يقول إني طبيب! في حين نقابة المهندسين هناك كل المطلوب إن زمايلي يبعتولهم الأوراق من الجامعة ، ويدفعوا مصاريف التسجيل ، وشكراً! بلاها استراليا!

نيوزيلاند موقع الهجرة بتاعهم مش مريح ولا فاهم له شروط واضحة عشان أعرف أقيم نفسي ، وفرصي في الهجرة!

كندا بقى موقع الهجرة بتاعهم واضح ومش سايب أي تساؤل غير وجاوب عنه مقدماً. بمجرد تقديمك لأوراقك في السفارة ، بتكوني عارفة إن كنتي مقبولة أو لأ ، مسألة وقت وإجراءات لا أكتر!

وبالنسبة لطبيعة الحياة في الدول دي ، كندا تكسب بفارق أهداف نضيف...

نيوزيلاند كانت معلوماتي عنها من د. محمد عنان ، زميل ليا كان النايب المشرف علينا أيام الامتياز في مستشفى الساحل. الراجل ده كان أخد الماجستير في أمراض الكلى (Nephrology) ، ومسجل في الزمالة المصرية ، واجتاز امتحانين المعادلة الأمريكية ، كل ده في وقت قياسي! راجل معجزة م الآخر!

جاله عرض إنه لو راح نيوزيلاند وامتحن الجزء التالت للمعادلة الأمريكية هناك هياخد الإقامة ، وبعد 3 سنين هياخد الجنسية. راح هناك وقعد شوية ، بس اكتشف إن لسه قدامه ييجي 4-6 شهور على ميعاد الامتحان. رجع على أساس يخلّص سنوات الزمالة المصرية ، وبعدين يبقى يرجع لهم. وفي النهاية قاعد في الكويت حالياً!

أيام نيوزيلاند كان بيحكيلي عنها خزعبلات... إنها بلاد فوق الوصف ، لدرجة إن لو الجنة زي نيوزيلاند تبقى رائعة ، وأكتر من كفاية! بيقوللي الكل هناك مأنتخ (كانت أول مرة أسمع اللفظ ده) ، والحكومة عمالة بتصرف ع الكل. وبياخدوا يومين أجازة في الأسبوع (كان آخرنا الجمعة في مصر) ، والكل بيهيص في اليومين دول ، والبنات همه اللي بيعاكسوا الرجالة هناك ، ونسبة الجمال هناك مبالغ فيها. بيقوللي الحياة هناك رخيصة ، والبيوت فخمة ، لدرجة إنك بشوية ملاليم تعيش عيشة مش عايشها رئيس الوزرا في بلدك ، بس بعد 20 سنة تعيشهم هناك ، هتلاقي إنك ما حوّشتش حاجة!

أستراليا بقى... كان معايا في شركة البترول في السعودية مهندس كمبيوتر مصري استرالي. تقريباً كان عايش ومتربّي هناك لغاية سن 14 أو 17 مش فاكر. ورجع مصر ، وباقي الأسرة هناك تقريباً.

طبعاً الولد أخد الصدمة الحضارية صح ، من إنهيار المستوى الأخلاقي في مصر ، والعلاقات بين الجنسين ، كما لو إن أهل استراليا دول إخوان!

المشكلة في أستراليا تبعاً لكلامه كم العنصرية اللي هناك ، والحياة هناك غالية ، والدخول هناك متدنية ، لدرجة إنه خايف يرجع ، وأخوه هناك مش متفائل لو رجع هناك إنه هيلاقي شغل مجزي بسهولة!

كندا بقى...

كندا دي أنا عشت اللايف ستايل بتاعها من سنة سادسة طب ، من خلال معرفتي بكارولين (فلسطينية كندية) ، ومكالماتنا التليفونية اليومية على مدار شهور. حبيت البلد دي سماعياً ، وعرفت كتير عن أهلها وطباعهم والقوانين والشغل وحاجات كتير. خلاص كان مبدأ الحياة في كندا ده غير قابل للنقاش!

والواد ديبو اتنقل من سان فرانسيسكو لكندا ، يعني بقى ليّا ضهر هناك.

نضيف لده بقى إن دولة مساحتها قد مساحة مصر تقريباً 10 مرات ، وسكانها قد سكان القاهرة الكبرى في العيد

وكمان دولة من دول الـ G8 ، دولة ليها وزن وثقل دولي ، مسالمة ومحبوبة على مستوى العالم ، ومفيش دولة في العالم بتكره أهلها.

هنعوز إيه تاني بقى؟

[moheltohamy]

نتكلّم في نقطة غريبة حبتين في كندا!

كندامن ضمن الدول القليلة في العالم اللي بتسمح بالشذوذ الجنسي (Homosexuality)! يعني بتتعامل مع الشواذ على إنهم ناس طبيعيين زيي وزيّك يابو حميد ، وليهم كل الحقوق المدنية. الغرب ساعات بيبُص للشذوذ على إنه قدر! بمعنى إن فيه خلل چيني أو هورموني في جسم الناس دي ، وبالتالي دول معذورين ، ومش المفروض نلومهم ، لأ دا المفروض نتعاطف معاهم كمان!

تحياتي يا فندم

وكل الحب والتقدير

بجد ارجو حضرتك الا تتوقف عن الكتابه

انا مبسوط ان حضرتك طرحت الموضوع ده

الاجابه ببساطه عن الموضوع ده هو انه حرام

بس ده لو اللي قدامك مسلم وفاهم عظمه الاسلام وبالتالي هيثق فيما يقوله ويمليه الاسلام بأنه فيه المصلحه للمجتمع

واحنا متعودناش علي ردود تانيه غير كلمه حرام لان ثقافتنا كده ومتعودناش نتكلم مع الغرب

انا كنت مره في حوار مع شخص اجنبي مذيع من ابرلندا علي السكياب

وهو دماغه نفس اسلوب تفكير الناس اللي حضرتك قابلتها ومكنتش عارف اقنعه بحجه قويه

انا بجد عاوز ادور وادعبس في الموضوع ده بحيث اقنع اللي قدامي باسلوب علمي مقنع لان الحوار بالدين معاهم لن يجدي

وانا تقريبا هاخد كل رد اتقال لحضرتك كنواه لاقناعهم بالعكس وجارف الفحص والتمحيص

ولعل وجودنا في كندا يجعل منها مكانا افضل

عشان كده كل كلام حضرتك مهم وياريت متحرمناش منه

حرام؟

صباح الخير د. فاروق...

إحنا بنتكلم من منطلق مختلف تماماً عن الفكر بتاع بلادنا. لو جيت للحرام والحلال هنا ، فالحرام موجود وكتير أوي وفي كل مكان. العلاقات الشاذة حرام ، والعلاقات بين الجنسين حرام ، وشرب الخمور حرام ، وغيره كتير.

القصة بكل بساطة إن الناس هنا مؤمنة بمبدأ إن كل واحد حر. بخلاف حتى الحرام والحلال... الغلط إنتا حر تعمله ، لكن ما ينعكسش على غيرك. يعني عاوز تشرب وتتسطل طينة؟ إنتا حر. تسوق عربيتك وانتا متدرمغ كده ، هيطلّعوا عينك. عاوز تنتحر إنتا حر ، لكن رايح تنتحر بحزام ناسف وسط الناس مانتاش حر! وصلت الفكرة؟

إنتا حر في الصح ، زي مانتا حر في الغلط. حرية الاختيار يا عزيزي.

المسكلة بالنسبالي اللي مش عارف لها حل... إزاي تعرّف ولادك إن ده غلط ، من غير ما تشحنهم كراهية للناس دول. إزاي تخليهم يتعايشوا مع الجو المحيط بيهم ، من غير ما تزرع الكراهية جوّاهم... هوه ده التساؤل اللي لسّه مش عارف إجابته!

لكن إنك تقنعهم إن الشواذ دول المفروض يتضربوا بالجزمة... مش شايف الكلام ده ليه موقع من الإعراب. الناس هنا تؤمن بالحرية للجميع. اللي عاوز يعمل حاجة يعملها حتى لو غلط بس لا تتعارض مع حرية الغير. هتقنعهم بإيه؟ بإنها غلط؟ ما هما شايفينها شذوذ بالفعل. بس همه متقبلين الشذوذ عن القاعدة ده. عاوز تقنعهم إنهم مش المفروض يتقبلوه؟ ده أساس ثقافتهم تقبّل الاختلاف أياً كانت درجته.

عاوزهم يلغوا التسامح مع الناس الغريبة عنهم؟ لو حصل ده ، كندا هتفقد كل حاجة حلوة فيها. خلّي بالك إننا أساساً شاذين في فكرنا عنهم ، ومسير الدور هييجي علينا في الآخر.

إحنا يا عزيزي مش جايين كندا عشان حد فينا يقنع التاني بالحلال والحرام أو الصح والغلط.. إحنا جايين عشان نتعايش كلنا مع بعض. ده أساس الفكرة.

دكتور تهامي

ليه حضرتك اخترت تشتغل EMS وليس EMR

وشكرا

الـ EMS يا عزيزي هيه الـ Emergency Medical Service ، ودي اللي هيه الـ Prehospital medical care. ده المسمى اللي بيندرج تحته مجال الـ Paramedicine بدرجاته التلاتة:

Emergency Medical Responder

Emergency Medical Technician

Paramedic

وبالتالي فأنا EMR باشتغل في الـ EMS بفرعيها الـ Ambulance أو الـ Industrial

وصلت الفكرة؟

[mshehab]

استاذ تهامي اشكرك على واقعيتك الخيالية التي لا تقاوم انا متبعة حضرتك من زماااان أوي مش فاكرة امتى بس كنت لما افكر في حاجة عن كندا و اتزنق فيها اروح ادور على اجبتها من كلامك فى المنتدى يعني انت بالانجليزي كده virtual affection friend و بيتهيألي "الحالة التهامية" ده عند ناس كتير غيري . طب ايه الجديد؟ اشمعنى دلوقت بcommunicate مع حضرتك؟ علشان انت أثرت موضوع هام مابنمش بسببه الا و هو الاختلاف الحضاري في تعريف المفاهيم الثقافية و الاخلاقية بينا و بين المجتمع الكندي.

انا احتمال اعمل لاندنج في كندا قريب في ادمونتن وعندي و لد 10 سنين و بنت 7 سنين وانا بيقولوا عليه بالانجليزي برضه single mother

هل شايف اني شجاعة اكتر من اللازم اني اقدم على خطوة زي ده وانا بطولي و معايا عيال صغيرة؟ انا صيدلانية مخلصة اول امتحان لينا و فاضل 6 شهور انترن وامتحان تاني و اترخص و اشتغل وواخدة قرشين كويسين ممكن يسترونا لغاية ما الدنيا تتزبط فالفلوس و المديات مش قلقاني انا قلقني البنت و الولد و الculture chock الاولانية ليهم و البنت بالذات انا خايفة عليها زي الصعايدة كده انت عارف الواحد دماغه بتحدف لابعد حد لما ييجي يفكر في البنت بالذات فانت بسم الله ماشاء الله جيت نورت المحكمة و خلتني اخاف زي الصعايدة برضه على الولد كمان :)

تفتكر الموضوع حيبقى صعب عليه كsingle mother ان اربي و اتابع و اشتغل و اذاكر و الهلمه ده كلهاو الا اتكل على الله و رب هنا رب هناك و لا ايه؟ لو انا بطولي ولا يهمني انا سفرت كندا كتير علشان المعادلة و شغل تاني و مكنش الموضوع صعب عليه لوحدي, بس الولاد؟ في خوف عليهم؟ الواحد يفهمهم الفرق الحضاري ده ازاي؟ ده مرض ملهوش مناعة و انت دكتور و عارف:) و الله لو انت بالذات قلت خليكي عندك ابرك و الله لنفذ و آمين بس ارجووووووووووووك رد عليه

أسفة على المسؤولية الاخلاقية اللي حدفتها عليك ده بس ربنا يجعلها في ميزان حسناتك و يكرمك في اولادك زي ما حتكرمني في اولادي و لك جزيل الشكر

[مصرية و أفتخر]

شكرا ليك كتير يا تهامى باشا على ردك......و أدهم الشرقاوى طبعا ما قصرش فى كلامه

و تقريبا mshehab قالت نفس اللى بافكر فيه

يعنى أنا شخصيا مش خايفة على نفسى....لأنى واحدة مش بتعمل إلا اللى هى شايفاه صح!!!!! عمرى ما بامشى على كلام الناس و باعمل اللى شايفاه صح حتى لو الناس اتريقت عليا ولا شتمتنى(زى ما بيحصللى لما اقف فى الاشارة الحمرا من غير عسكرى!!!!!!!!) و بالتالى فمن المستبعد-ان ماكانش مستحيل- انى اعمل اى غلط لمجرد ان المجتمع حوليه شايفه عادى......

بس انا مشكلتى فى اولادى......ازاى اربيهم على القيم و الاخلاق بتاعتنا؟؟؟؟؟ ازاى افهمهم الconflict اللى هيواجهوه فى المجتمع ده؟؟؟؟

انا كنت خايفة جدا انى اشيل ذنبهم ادام ربنا لو لا قدر الله انحرفوا فى المجتمع ده,بس الصراحة النهارده قريت مشاركة حلوة أوى اوى لايهاب سالم على المطاريد بيقول ان الواحد مسئول عن طريقة تربيته لأولاده,لكن مش مسئول لو حد منهم بعد التربية دى انحرف, و إلا كان سيدنا نوح يبقى مسئول عن إبنه انه مات كافر!!!!!! عجبتنى اوى الصراحة :unsure:

بس بينى و بينك..... ماهو هنا فى مصر الأولاد بيواجهوا conflicts كتييييييييييييييير اوى.....

يعنى انا باربيهم ان ماحدش يرمى ان شالله حتى ورقة لبان فى الشارع, رغم ان الشوارع بقت مش باينة من جبال الزبالة!!!!!

باربيهم ان اللى يسوق غلط أو يركن صف تانى ده غلط و كمان حرام عند ربنا لأنه بيضر الناس و يعطلهم,رغم ان الdefault دلوقتى هو ان الناس تركن وراك صف تانى و تعشق العربية كمان

باربيهم على ان ماحدش يغش لأن من غشنا فليس منا, و انك لو نقصت فى امتحان عشان نسيت او ماذاكرتش يكون أحسن من انك تغش, و ألاقى المدرسة بتغششه غصب عنه(مع انهم فى مدرسة المفروض محترمة و الله مش أى كلام)

و حاجات تانية كتير......هنا المسلمين بدون إسلام و ده للأسف بيهدم قيم كتير اوى

برضه طولت عليك تانى........بس الكلام جاب بعضه

استمر انت بقى يا باشا فى هاند أوفراتك و أنا هاتابعك من مدينة نصر.....مقرى الحالى و ان شاء الله نمشى على خطاك و اتابعك بعد كده من تورنتو

P.S. لو حسيت انى شايلة التكليف شويتين و واخده راحتى فى الكلام,فده لأنى بجد من متابعتى لكتاباتك انت و باقى الأعضاء المميزين بقيت عارفة كتير عنكو و حاسة اننا عشرة قديمة.........لزقة بقى تقول ايه؟؟؟ :blink:

تم تعديل 22 أكتوبر 2011 بواسطة مصرية و أفتخر

[moheltohamy]

هممممم... أنا عارف إن ده من أهم الأفكار اللي بتلعب في دماغنا كلنا...

mshehab...

معلش أنا كنت باكلمِك على إنك راجل ، يمكن كنت فاكرك شهاب بتاعنا بتاع زمان ، أو محمد شهاب مثلاً

مش عارف ليه ما بنحددش الجنس بتاعنا في البروفايل! عموماً ، ملحوقة معلش

المهم...

بالنسبة لموضوع سنجل ماذر فده ما يخوّفش في كندا... المعظم هنا كده ، الرجالة دول مالهومش أمان يا أختي

الحكومة بتقدّم مساعدات كتير للسنجل ماذرز ، كله إلا بهدلة العيال ، ماهي كندا دي جنة الأطفال ، وسن الأطفال دول لغاية ما يبقى شحط وعنده 18 سنة.

لو ناوية على ألبيرتا ، أعتقد معونة الأطفال في حالتك هتبقى 700 دولار للطفلين. وبعد 3 شهور من اللاندنج تقدري تقدمي على الويلفير. ع الأقل هيقلل من استنزاف الفلوس اللي معاكي ، واللي أياً كانت كتير ، فمش هتصمد مع الأسعار وتكاليف الحياة في كندا.

نقول بمتوسط صرف شهري 2000 لـ 3000 دولار في حالتك ، على حسب مستوى المعيشة ، ومعدّل الصرف ، وهتستخدموا المواصلات العامة ولاّ هتجيبوا عربية. وممكن الصرف يزيد عن كده كمان ، مالناش سقف نقف عنده طبعاً ، لكن الحد الأدنى للإنفاق مش هيقل بأي حال عن 2000 دولار.

والصيادلة يا فندم سكتهم سهلة ربنا يسهل لكم ، باسمع إن ممكن لو محتاجين صيدلي ، يعينوه بالـ EE كـ Technician في ألبيرتا ، عكس الوضع تماماً في تورونتو.

وفيه كمان ممكن تقدّمي على طلب منحة من معهد Bredin في إدمونتون ، وبيدولك الكورس بتاع الـ QE ببلاش ، وشوية فلوس كمان كمصاريف معيشة ، بس بعد ما يطلعوا عينيكم شوية.

وفيه زمايل لينا شغالين حالياً في الـ Northwest territories ، وقالولي إن ممكن بيشغلوا الناس هناك بالـ EE ، بس بـ 15 دولار في الساعة ، حسب احتياجاتهم.

وتربية الأولاد طبعاً صعبة ، وخصوصاً كسنجل ماذر ، مش هنضحك على نفسنا.

طبعاً الموضوع صعب برضه في مصر ، بس في كندا هتزودي عليها حاجة تانية... إن ما ينفعش تسيبيهم في البيت لوحدهم ، ومفيش حد من الأهل عشان يروحوا عليه. أعتقد على سن 13 أو 14 ممكن الكبير يكون مسؤول يكون بيبي سيتر لأخته. وبالتالي سعادتك هتكوني متكتفة بمواعيد مدارسهم ، يا إما هتدفعي داي كير ليهم لو بتشتغلي ، وده أعتقد بيوصل لحوالي 200 دولار في الأسبوع ، أو 600 دولار في الشهر.

طبعاً دي مش مشكلتك لوحدك... كل السيدات العاملات عندهم نفس المشكلة ، والرجالة برضه.

على أي حال... فيه نتوورك كويسة من العائلات المصرية في إدمونتون سهلة تندمجي وسطهم ، وتحطي همّك على همّهم

أما إنك تقعدي عندك عشان الكلام ده بس؟ طبعاً عمري ما هاقول كده... أنا هاقول لك اللي عندي ، وتحكمي بعد كده بنفسك زي ما تحبي...

ونوّرت موضوعي يا فندم

مصرية وأفتخر...

يا فندم الحياة مش محتاجة تعقيد ، ولا ألقاب ورسميات ، الحياة أبسط من كده بكتير... ونقطة لزقة دي مالهاش أي موقع من الإعراب

كلمة إيهاب سالم دي بالحرف أنا كتبتها في الهاند أوفر... بس الجزء اللي لسه ما نزلش

وبرضه حاية إنك حاسة إنك شاذة وسط المجتمع ، أو بتعزفي نغمة نشاز وسط سيمفونية ضوضاء... الحال من بعضه يا فندم... أنا أعلنت فشلي إني أعرف أغير المجتمع أو حتى أعرف أمشي على نفس اللايف ستايل ، وهتقري الكلام ده وأكتر لما نوصل للجزء الخاص بالمرور ، وده الشجن الأكبر بجد.

عموماً... الجزء الجاي من الهاند أوفر هيكون عن آمممم... مخاوف تربية الأبناء ، مخلوط بطبيعة العلاقات بين الجنسين ، مخلوط برضه بأشكال الجنس في المجتمع الكندي (حسبما سمعت من زملاء الدراسة والعمل الكنادوة).

هوه أصلاً شبه جاهز ، بس محتاج شوية رتوش وفلترة