كندا التي رأيتها :)

[mshehab]

هممممم... أنا عارف إن ده من أهم الأفكار اللي بتلعب في دماغنا كلنا...

mshehab...

معلش أنا كنت باكلمِك على إنك راجل ، يمكن كنت فاكرك شهاب بتاعنا بتاع زمان ، أو محمد شهاب مثلاً

مش عارف ليه ما بنحددش الجنس بتاعنا في البروفايل! عموماً ، ملحوقة معلش

المهم...

بالنسبة لموضوع سنجل ماذر فده ما يخوّفش في كندا... المعظم هنا كده ، الرجالة دول مالهومش أمان يا أختي

الحكومة بتقدّم مساعدات كتير للسنجل ماذرز ، كله إلا بهدلة العيال ، ماهي كندا دي جنة الأطفال ، وسن الأطفال دول لغاية ما يبقى شحط وعنده 18 سنة.

لو ناوية على ألبيرتا ، أعتقد معونة الأطفال في حالتك هتبقى 700 دولار للطفلين. وبعد 3 شهور من اللاندنج تقدري تقدمي على الويلفير. ع الأقل هيقلل من استنزاف الفلوس اللي معاكي ، واللي أياً كانت كتير ، فمش هتصمد مع الأسعار وتكاليف الحياة في كندا.

نقول بمتوسط صرف شهري 2000 لـ 3000 دولار في حالتك ، على حسب مستوى المعيشة ، ومعدّل الصرف ، وهتستخدموا المواصلات العامة ولاّ هتجيبوا عربية. وممكن الصرف يزيد عن كده كمان ، مالناش سقف نقف عنده طبعاً ، لكن الحد الأدنى للإنفاق مش هيقل بأي حال عن 2000 دولار.

والصيادلة يا فندم سكتهم سهلة ربنا يسهل لكم ، باسمع إن ممكن لو محتاجين صيدلي ، يعينوه بالـ EE كـ Technician في ألبيرتا ، عكس الوضع تماماً في تورونتو.

وفيه كمان ممكن تقدّمي على طلب منحة من معهد Bredin في إدمونتون ، وبيدولك الكورس بتاع الـ QE ببلاش ، وشوية فلوس كمان كمصاريف معيشة ، بس بعد ما يطلعوا عينيكم شوية.

وفيه زمايل لينا شغالين حالياً في الـ Northwest territories ، وقالولي إن ممكن بيشغلوا الناس هناك بالـ EE ، بس بـ 15 دولار في الساعة ، حسب احتياجاتهم.

وتربية الأولاد طبعاً صعبة ، وخصوصاً كسنجل ماذر ، مش هنضحك على نفسنا.

طبعاً الموضوع صعب برضه في مصر ، بس في كندا هتزودي عليها حاجة تانية... إن ما ينفعش تسيبيهم في البيت لوحدهم ، ومفيش حد من الأهل عشان يروحوا عليه. أعتقد على سن 13 أو 14 ممكن الكبير يكون مسؤول يكون بيبي سيتر لأخته. وبالتالي سعادتك هتكوني متكتفة بمواعيد مدارسهم ، يا إما هتدفعي داي كير ليهم لو بتشتغلي ، وده أعتقد بيوصل لحوالي 200 دولار في الأسبوع ، أو 600 دولار في الشهر.

طبعاً دي مش مشكلتك لوحدك... كل السيدات العاملات عندهم نفس المشكلة ، والرجالة برضه.

على أي حال... فيه نتوورك كويسة من العائلات المصرية في إدمونتون سهلة تندمجي وسطهم ، وتحطي همّك على همّهم

أما إنك تقعدي عندك عشان الكلام ده بس؟ طبعاً عمري ما هاقول كده... أنا هاقول لك اللي عندي ، وتحكمي بعد كده بنفسك زي ما تحبي...

ونوّرت موضوعي يا فندم

]

حبة حبة كدة و براحة عليا علشان الصدمة كبيرة.....انت رديت عليا في اقل من 3 ساعات ؟ معقولة؟ ربنا يكرمك و يطمن بالك على اولادك يارب

بص يا سيدي علشان انت اتكلمت في كذا حاجة مهمة و فتحت على نفسك فتوحة ربنا يعينك عليها:)

1- انا نادرا ما اذكر النوع علشان مش كل الناس محترمة زي حضرتك و ضيوفك في موضوعاتك اينما كانت

2- الرجالة دول مالهومش أمان يا أختي..........اول و تاني و مليون :)

3- وبعد 3 شهور من اللاندنج تقدري تقدمي على الويلفير......مش عارفة انا خايفة من موضوع الول فير ده .هل صحيح بيأثر في ال credit history فيكبر الrate and deposit بتاع ال mortgage ولا ملهوش علاقة؟

4- انا يا سيدي الفاضل بقالي سنة بدرس الاندنج قبل ما اقدم علشان مش وارد عندي بهدلة الولاد و نويت و النية على الله التالي:

ا- اسكن في Oliver غلشان جنب الdowntown و جامعة البرتاو River Vally حاجر في رنج الالف condo - 2bed و افرشه من kijiji و لا goodwill و ابقى اشتري في Glenora

لما الدنيا تستقر, و اترخص علشان ده اامن حته في ادمنتون و بالتالي اغلى حته برضه

ب- مدارس الولاد: Glenora Public علشان هي الوحيدة اللي فيها IB من grade 6 to grade 9 و في نفس الوقت ترتيبها عالي في البيرتا من حيث النتائج

Old Scona High علشان هي الاولى على البرتا في مدارس الhigh و بدرس IB فقط

المدرستين بنهم وبين Oliver عشر دقايق

ج- حشوف عربية في حدود 2000 دولار used و كويسة في kijiji وطلع الرخصة الدولية قبل ماسافر - هناك الموصلات اكيد كويسة بس الامر مايسلمش بليل عيل يتعب و لا حاجة

د- عيشة المدارس الاسلامية مع احترامي لا احبذها علشان القوقعة الزيادة ممكن تجيب نتايج عكسية و كمان للاسف ربنا يسامح القائمين عليها هناك ترتبهم الاخير كل سنة

ر- اعانة الاطفال بتاجير شقتي في مصر بشغل techn. ممكن يساعدني اصمد لغاية ما اترخص...بس الاقي internship بس و الدنيا تبقى وردي ان شاء الله ده اللي مش عارفة

اظبطها من مصر و نادرة شوية على المقيمين هناك اصلا بس انا عارفة ان ربنا بيحبني

س- Berdin اسمع عنه بس لسه مركزتش معاه علشان ما بيردش على الايميلات وعاوز حد يكون هناك و يروح ويعما انترفيوهات فسبته لنا اعمل اللاندنج يخلها ربنا ان شاء الله

طبعا الدنيا مش زبادي في الخلاط اوي كده برضه حتحصل مفاجءات الله اعلم ازاي الواحد حيوجها بس على الاقل الاساسيات اللي مفهاش هزار ذاكرنالها كويس

5- يا سيدي الفاضل انت سايب مصر من زماااان اويييي علشان في مصر برضه مفيش حد تسيب عنده العيال يوميا بعد مدرستهم لغاية ماترجع من الشغل و برضه بحتاج اودي حضانات استضافة 2 ساعة لغاية مرجع و احد اسبا اختياري ل Glenora Public ان عندهم نظام اسمه Summit Kids من 3و نص لسته فعلا ب350 دولار للطفلين في الاسبوع

6- النت وورك العرب المسلمين اللي حضرتك بتقول عليها ده الواحديجيب اول خطها منين؟ انا محتاجة community كده للولاد بدل ما نطر نلجأ لcommunity تاني الله اعلم بيهم

بس يكونوا ناس عادية وواعية مش متقوقعةو ميكونوش عايشيين جنوب ادمنتون لان الشمال ناسه ارقى و احسنو كمان علشان المشوار ما يطفشناش من بعض

7- أما إنك تقعدي عندك عشان الكلام ده بس؟ طبعاً عمري ما هاقول كده... ....سيبك انت .....الرغي بتاعي ده كلهكوم و الكلمتين دول كوم تاني خالص

الكلمتبن دول من الاخر مش انت اللي كتبهوملي....ده ربنا انطقك بيهم و في اقل من 3 ساعات من سؤالي لكي يطمئن قلبي

جزاك الله عني و عن اولادي الخير الكثيييييييير و ربنا يجعل من نصيبك دعائي لك بظهر الغيب

[أدهم الشرقاوى]

إضافة إلى ما قاله العزيز الدكتور التهامى..

الهجرة إلى نيوزيلاندة و أستراليا فعلاً طريقتهم غريبة شوية عن هجرة و أنا عملت فيها بحث مطول حبتين بس أنا حطيتها ك باكب بلان لو هجرة كندا فشلت لأى سبب.

و تأكيداً على كلام الدكتور, المعادلة الأسترالية للهندسة فعلاً بالمقارنة لمعادلة الطب مثلاً أو معادلة الهندسة فى كيبك لا تقارن فى صعوبتها, أنا مهندس و لما بحثت فى المعادلة الأسترالية مش محتاجة ولا سفر ولا مذاكرة ولا إمتحانات, هم شوية ورق بتكتبية على شوية ورق تترجمية على لغة إنجليزية قوية و تبعتية و شكراً.

أستراليا و نيوزيلاندة أكيد بلاد أنضف مننا 100 مرة و لا مقارنة بين مصر و بينهم بس أنا بحسهم مش متودكين أوى فى إنتقاء المهاجرين و مش مظبطين موضوع المهاجرين دة كما يجب و مش مديينله أولوية زى كندا مثلاً و دة بيبان جداً فى شكل الويب سايت بتاعهم تلاقية ركيك كدة و مش سهل فى التعامل و مش بيرحب بيك و فى المنتديات و فى سهولة حساب الدرجات و فى نتائج البحث على جوجل لما تدور على هجرتهم يعنى مش جامدين زى كندا فى مسألة الهجرة و دة يقلقك لأن بكدة ممكن تروح تلبس فى الحيط لأن الحكومة أكيد مش مديين الموضوع إهتمام دة غير مفيش مراسلين لينا هناك زى كندا عندنا التهامى و هشام و الشامى و إيهاب و نصار و غيرهم كثير أوى اللى عيشونا معاهم يوم بيوم فى كندا و لما نروح إن شاء الله مش هنستغرب لأننا فعلاً شوفنا كندا أصلاً من خلالهم فجزاهم الله عنا كل الخير.

نيجى بقى عند العيب الوهمى...العنصرية ضد أصحاب الجلود الملونة, يعنى شوف وصلوا لفين فى الحضارة و التقدم و التكنولوجيا و العلوم بس لسة متخلفين جداً فى حتة التمييز العنصرى لأى بنى آدم بناءً على لونة أو دينة أو عرقة أو شكله أو جنسه يعنى حاجة مثيرة للعثيان و فعلاً صعب أوى إنى أعيش بمجتمع بالعقلية دى يعنى أنا هربان من أكوام التخلف و الرجعية و التعفن الفكرى فى الميدل إيس ألاقى هناك بردو عنصرية!؟ لأ يبقى خليها آخر إختيار بقى.

لو عايزين أى إستشارة فى هجرة أستراليا و نيوزيلاندة أنا ممكن أساعدكم بمعلوماتى البسيطة.

تم تعديل 23 أكتوبر 2011 بواسطة أدهم الشرقاوى

[moheltohamy]

حبة حبة كدة و براحة عليا علشان الصدمة كبيرة.....انت رديت عليا في اقل من 3 ساعات ؟ معقولة؟ ربنا يكرمك و يطمن بالك على اولادك يارب

بص يا سيدي علشان انت اتكلمت في كذا حاجة مهمة و فتحت على نفسك فتوحة ربنا يعينك عليها:)

1- انا نادرا ما اذكر النوع علشان مش كل الناس محترمة زي حضرتك و ضيوفك في موضوعاتك اينما كانت

2- الرجالة دول مالهومش أمان يا أختي..........اول و تاني و مليون :)

3- وبعد 3 شهور من اللاندنج تقدري تقدمي على الويلفير......مش عارفة انا خايفة من موضوع الول فير ده .هل صحيح بيأثر في ال credit history فيكبر الrate and deposit بتاع ال mortgage ولا ملهوش علاقة؟

4- انا يا سيدي الفاضل بقالي سنة بدرس الاندنج قبل ما اقدم علشان مش وارد عندي بهدلة الولاد و نويت و النية على الله التالي:

ا- اسكن في Oliver غلشان جنب الdowntown و جامعة البرتاو River Vally حاجر في رنج الالف condo - 2bed و افرشه من kijiji و لا goodwill و ابقى اشتري في Glenora

لما الدنيا تستقر, و اترخص علشان ده اامن حته في ادمنتون و بالتالي اغلى حته برضه

ب- مدارس الولاد: Glenora Public علشان هي الوحيدة اللي فيها IB من grade 6 to grade 9 و في نفس الوقت ترتيبها عالي في البيرتا من حيث النتائج

Old Scona High علشان هي الاولى على البرتا في مدارس الhigh و بدرس IB فقط

المدرستين بنهم وبين Oliver عشر دقايق

ج- حشوف عربية في حدود 2000 دولار used و كويسة في kijiji وطلع الرخصة الدولية قبل ماسافر - هناك الموصلات اكيد كويسة بس الامر مايسلمش بليل عيل يتعب و لا حاجة

د- عيشة المدارس الاسلامية مع احترامي لا احبذها علشان القوقعة الزيادة ممكن تجيب نتايج عكسية و كمان للاسف ربنا يسامح القائمين عليها هناك ترتبهم الاخير كل سنة

ر- اعانة الاطفال بتاجير شقتي في مصر بشغل techn. ممكن يساعدني اصمد لغاية ما اترخص...بس الاقي internship بس و الدنيا تبقى وردي ان شاء الله ده اللي مش عارفة

اظبطها من مصر و نادرة شوية على المقيمين هناك اصلا بس انا عارفة ان ربنا بيحبني

س- Berdin اسمع عنه بس لسه مركزتش معاه علشان ما بيردش على الايميلات وعاوز حد يكون هناك و يروح ويعما انترفيوهات فسبته لنا اعمل اللاندنج يخلها ربنا ان شاء الله

طبعا الدنيا مش زبادي في الخلاط اوي كده برضه حتحصل مفاجءات الله اعلم ازاي الواحد حيوجها بس على الاقل الاساسيات اللي مفهاش هزار ذاكرنالها كويس

5- يا سيدي الفاضل انت سايب مصر من زماااان اويييي علشان في مصر برضه مفيش حد تسيب عنده العيال يوميا بعد مدرستهم لغاية ماترجع من الشغل و برضه بحتاج اودي حضانات استضافة 2 ساعة لغاية مرجع و احد اسبا اختياري ل Glenora Public ان عندهم نظام اسمه Summit Kids من 3و نص لسته فعلا ب350 دولار للطفلين في الاسبوع

6- النت وورك العرب المسلمين اللي حضرتك بتقول عليها ده الواحديجيب اول خطها منين؟ انا محتاجة community كده للولاد بدل ما نطر نلجأ لcommunity تاني الله اعلم بيهم

بس يكونوا ناس عادية وواعية مش متقوقعةو ميكونوش عايشيين جنوب ادمنتون لان الشمال ناسه ارقى و احسنو كمان علشان المشوار ما يطفشناش من بعض

7- أما إنك تقعدي عندك عشان الكلام ده بس؟ طبعاً عمري ما هاقول كده... ....سيبك انت .....الرغي بتاعي ده كله كوم و الكلمتين دول كوم تاني خالص

الكلمتبن دول من الاخر مش انت اللي كتبهوملي....ده ربنا انطقك بيهم و في اقل من 3 ساعات من سؤالي لكي يطمئن قلبي

جزاك الله عني و عن اولادي الخير الكثيييييييير و ربنا يجعل من نصيبك دعائي لك بظهر الغيب

صباح الخير

عاوز أقول لك إني اتوهمت من البوست بتاعك ده... عمري ما شفت حد كده بجد.

دا أنا ما عنديش المعلومات بتاعتك دي كلها.

بصي يا mshehab... إستمري... إنتي كده بالعقلية دي ، بسم الله ما شاء الله ، ما يتخافش عليكي. ما قابلتش بجد حد بيخطط بالتفاصيل زي ما بتعملي انتي كده.

ليّا شوية تعليقات على نقاط متفرقة من كلامك...

- أنا مقتنع إن الست تقدر تصد أي حد بيحاول يضايقها. هنا مثلاً شايفين إنه عادي جداً إن الراحل يحاول يتعرف على الست ، والست من حقها تقول آه أو لأ. دا لو الرجالة ما بيخدوش خطوات ناحية الستات ، الستات تنتحر ، يا إما هياخدوا همّا الخطوة الإيجابية ناحية الرجّالة

- مكالمة زي اللوز لسه مخلّصها مع خدمة عملاء TD ع التليفون. الويلفير يا ستي ما بيأثرش على الكريديت هيستوري أو الكريديت سكور بتاعك بأي شكل م الأشكال. مش مشكلتهم الفلوس جبتيها منين. وبالنسبة للمورجيدج في المستقبل فدي اللي يعوّرها هوّه الباد أو لوو كريديت هيستوري ، واللي بينقصه إنك تكوني لسه جديدة في البلد ، ولسه ما بنيتيش سمعة ائتمانية كويسة ، أو اشتغلتي بس ما بقالكيش فترة شغالة ومستقرة مادياً ، أو عندك أكتر من كريديت كارد فوق طاقة السداد بتاعتك.

يعني يا فندم الويلفير ده لا عيب ولا حرام... بس أعتقد إنك لازم تثبتيلهم إنك بتسعي عشان تشتغلي ، بس مش لاقية فرصة.

- أنا ما عنديش أولاد ، وبالتالي ما تحرقيش دعوات ع الفاضي حضرتك ، أنا نص الدعوات بتاعتي طاشت كده

- كده إحنا هنبقى جيران يا دكترة... أوليفر بقى

بس اسمحيلي أحطم الأحلام الوردية بتاعة 1000 وأوضتين في أوليفر دي. لو هتتكلمي على أوضتين ، مش هتقلي عن 1300. ممكن في مناطق تانية تلاقي هاوس كامل 3 أوض بألف دولار ، بس مش أوليفر.

وبالنسبة للفرش ، فيه سكك تانية هتفرشي منها زي الحلاوة ، ولا تحتاجي تجيبي عفش مستعمل من كيجيجي ولا غيره. جديد يا فندم ، وأسعار لوز اللوز... توصلي انتي بالسلامة بس ، وهنظبّطوكي يا شابة

العربية دي بقى محتاجة عربية بحوالي 3000-4000 أقل واجب عشان ما تبهدلكيش. فيه عربيات بميتين دولار لو عاوزة ، بس انتي مش وش بهدلة وميكانيكية وحركات نقص في عز التلج. خللي بالك إن عربية معناها ميزانية منفصلة للصيانة والزيت والبنزين والتأمين وخلافه.

- إنتي كده غلطتي في بتوع الساوث... ماليش دعوة ، إنتي اللي قلتي! أهل الساوث يا ست هانم مش بيئة ولا أهل النورث عايشين عيشة فانسي بالمناسبة

طيب تعرفي إن أرقى مناطق إدمونتون هيّه Terwilliger ودي في أقصى الساوث ويست؟ أنا ما أحلمش أعيش هناك بالمناسبة!

بصي يا ستي... الناس اللي أعرفهم في إدمونتون أغلبهم من المنتدى ده حضرتك...

عندك حمّودي ، وسبانيش آيز ، وشيري ، و واحد تاني مشهور هيوصل هنا بعد 3 أسابيع ، بس رايح على كالجاري عشان خايف من برد إدمونتون! دول أسر كاملين ، وناس زي العسل بصراحة ، ومش منغلقين بالمرة ، و ودودين إلى أقصى درجة. الناس دول في الساوث والنورث. أنا مؤمن إن إدمونتون دي أوضة وصالة (على رأي لطفي لبيب في عسل اسود) ، تتلف في نص ساعة خصوصاً من الداون تاون.

ومش شايف إنها مشكلة إن يكون ليكي كوميونيتي من مصريين وعرب وكنديين وغيرهم... إنتي مش جاية كندا عشان تعيشي بس وسط مصريين!

- جلينورا فعلاً من أأمن مناطق إدمونتون ، بس ده بيعتمد على اللايف ستايل اللي تحبي تعيشيه ، إن كان ستايل الهدوء كمناطق القرى أو المدن الصغيرة الهادية ، أو الداون تاون زي جاسبر وأوليفر و وايت آف وغيرهم. تحبي تسكني في المعادي ولاّ مدينة نصر؟

- مش محتاجة خالص حكاية المدارس الإسلامية دي ، وكفاية مدارس السبت ولاّ الحد اللي بتدرّس عربي ودين للولاد على مدار السنة ، وأعتقد مصاريفها 800 دولار في السنة للطفل.

أحييكي على التخطيط الممتاز اللي حسبتيه ، وبإذن الله تكون كندا نقلة حلوة في حياتك...

يا عم أدهم الشرقاوي... تعتقد بعد اللي قلتهولها ده... فيه أي أمل إنها تكون لسه بتفكر مجرد احتمال في استراليا أو نيوزيلاند؟

[MZohairy]

بمناسبة انك راجل كالجرجاوي قديم يا تو

تقدر تقولي الفرق بين العيشه في الديب فريزر الكالجارياوي

و الديب فريزر في ساسكاتشوان؟

اخوك زهيري بجوار بتاع الحواوشي

فانكوفر

[mshehab]

صباح الخير

صباح الخير برضه علشان الساعة عندي 2 am بس مش قدرة انام الا لما ارد على حضرتك, اجاباتي بالاخضر

عاوز أقول لك إني اتوهمت من البوست بتاعك ده... عمري ما شفت حد كده بجد.

دا أنا ما عنديش المعلومات بتاعتك دي كلها.

بصي يا mshehab... إستمري... إنتي كده بالعقلية دي ، بسم الله ما شاء الله ، ما يتخافش عليكي. ما قابلتش بجد حد بيخطط

بالتفاصيل زي ما بتعملي انتي كده.

ربنا يطمنك و يريح قلبك -دعاوي شخصية أهو:)- كان نفسي تشوف حجم الابتسامة اللي على وشي لما قرات الكلمتين دول ...من الودن للودن والله ...و ارجع اقرأ تاني و اشوف يمكن تكون بتكلم حد تاني الاقي ان انا اللي بتكلمه اضحك زييييييييي الهبلة تاني من الودن للودن لدرحة العيال افتكروني اتهبلت قلت انيمهم و ارد براحتي على حتة حتة

ليّا شوية تعليقات على نقاط متفرقة من كلامك...

- أنا مقتنع إن الست تقدر تصد أي حد بيحاول يضايقها. هنا مثلاً شايفين إنه عادي جداً إن الراحل يحاول يتعرف على الست ، والست من حقها تقول آه أو لأ. دا لو الرجالة ما بيخدوش خطوات ناحية الستات ، الستات تنتحر ، يا إما هياخدوا همّا الخطوة الإيجابية ناحية الرجّالة

message received ياكبير...فكرتني ببنتي اللي عمرها 7 سنين كانت ماشية في النادي مع واحدة صحبتها جتلي مضايقة لوحدها قلتلها في ايه حد دايك يا جودي قالتلي لا يا ماما انا مدايأة علشان مفيش حد عاكسني في النادي زي كل يوم قلت لجنا تمشي ملوش لزوم المشي بأه :) طبعا اتفرشت على الارض ضحك وفين وفين على ملميت نفسي علشان افهمها الكلام ده غلط ليه و هذا الموقف من طفلة اكبر تصديق على كلامك

- مكالمة زي اللوز لسه مخلّصها مع خدمة عملاء TD ع التليفون. الويلفير يا ستي ما بيأثرش على الكريديت هيستوري أو الكريديت سكور بتاعك بأي شكل م الأشكال. مش مشكلتهم الفلوس جبتيها منين. وبالنسبة للمورجيدج في المستقبل فدي اللي يعوّرها هوّه الباد أو لوو كريديت هيستوري ، واللي بينقصه إنك تكوني لسه جديدة في البلد ، ولسه ما بنيتيش سمعة ائتمانية كويسة ، أو اشتغلتي بس ما بقالكيش فترة شغالة ومستقرة مادياً ، أو عندك أكتر من كريديت كارد فوق طاقة السداد بتاعتك.

يعني يا فندم الويلفير ده لا عيب ولا حرام... بس أعتقد إنك لازم تثبتيلهم إنك بتسعي عشان تشتغلي ، بس مش لاقية فرصة.

ربنا يطمنك يارب اصل الواحد عامل امل كبير على موضوع الmortgage ده عايزين بيت و صيدلية ...........انا مش طماعة و النبي يارب بس علشان خاطر العيال انا كنت مستعدة في الاول اقلب بيتي داي كير و اطبخ للناس و اعمل اي حاجة مش مهينة ليا او للولاد بس علشان مطرش الجا للول فير واضر الcredit history بتاعي بس كده الحياة ممكن تبقى اسهل على الاقل حيكون في plan B

- أنا ما عنديش أولاد ، وبالتالي ما تحرقيش دعوات ع الفاضي حضرتك ، أنا نص الدعوات بتاعتي طاشت كده

ربنا قادر كريم يا يرزق يا يعوض في الدنيا او الاخرة و تذكر حديث الخضر و موسى و بس علشان انا مبحبش اطول في المواضيع الشخصية للعمالقة امثالك اكتر من كده انا زي الاخوة الكنديين respect your own privacy

- كده إحنا هنبقى جيران يا دكترة... أوليفر بقى

طب احلف كده و النبي انك هناك ؟مش بقولك انك اشارة من عند ربنا لحاجات كبيرة و ان الملائكة تنطقك برسايل خاصة انا وحدي اللي ممكن افهمها ..شكرا لك يارب ياحبيبي

بس اسمحيلي أحطم الأحلام الوردية بتاعة 1000 وأوضتين في أوليفر دي. لو هتتكلمي على أوضتين ، مش هتقلي عن 1300. ممكن في مناطق تانية تلاقي هاوس كامل 3 أوض بألف دولار ، بس مش أوليفر.

انا عملت الدراسة ده بناء على www.rentfast.ca الناس ده شكلهم صادقيين, و لا ايه النظام؟

وبالنسبة للفرش ، فيه سكك تانية هتفرشي منها زي الحلاوة ، ولا تحتاجي تجيبي عفش مستعمل من كيجيجي ولا غيره. جديد يا فندم ، وأسعار لوز اللوز... توصلي انتي بالسلامة بس ، وهنظبّطوكي يا شابة

ايدي على كتفك يا ريت حد يكره بس انا كنت بقول عفش مستعمل علشان لما امشي و اسيبه بعد سنه و ميجبش همه نوزعه فري و منتحسرش عليه

العربية دي بقى محتاجة عربية بحوالي 3000-4000 أقل واجب عشان ما تبهدلكيش. فيه عربيات بميتين دولار لو عاوزة ، بس انتي مش وش بهدلة وميكانيكية وحركات نقص في عز التلج. خللي بالك إن عربية معناها ميزانية منفصلة للصيانة والزيت والبنزين والتأمين وخلافه.

لو حجبها بالمبلغ ده و تكفيني شر المشاكل مفيش مشكلة 1000 دولار زيادة و اريح دماغي ماشي و بعدين في شغلانات من المنم ويج بتحتاج عربية فمش حستخسر فيها برضه الفرق ده و عرفين يا فندم الميزانية ده ومخروب بيتنا بيها هنا 

- إنتي كده غلطتي في بتوع الساوث... ماليش دعوة ، إنتي اللي قلتي! أهل الساوث يا ست هانم مش بيئة ولا أهل النورث عايشين عيشة فانسي بالمناسبة

طيب تعرفي إن أرقى مناطق إدمونتون هيّه Terwilliger ودي في أقصى الساوث ويست؟ أنا ما أحلمش أعيش هناك بالمناسبة!

معلش يافندم مهي الدراسة الvirtual ده لازم تنقص حاجة عن الدراسة بتاعت حضرتك القائمة على الخبرة و المعايشة .....مع اعتذاري لكل اهل ساوث المحترمين جدا...سيد بيه قشطة ليكون قريبكم ولا حاجة:)

بصي يا ستي... الناس اللي أعرفهم في إدمونتون أغلبهم من المنتدى ده حضرتك...

عندك حمّودي ، وسبانيش آيز ، وشيري ، و واحد تاني مشهور هيوصل هنا بعد 3 أسابيع ، بس رايح على كالجاري عشان خايف من برد إدمونتون!

لو انا بفهم فهذا المشهور هو mzohairy وانا سبق بعتله مسج ايام مكنت بعمل plan B لاندنج لانها كانت حتبقى في BC لانها اقل فترة انترنشيب للصيدلة 3 شهور بس و اترخص هناك و بعدين اعمل امتحان القانون في البرتا و اشتغل فيها لان انترن البرتا 6 شهور فبقى وفرت 3 شهور بهدلة بس لقيت ان التلت شهور التوفير دول حيصرفوا نفس الفرق الزمني فعملت plan B كالجري ونصيحة للاخ زوهيري –اذا كان هو اللي عليع العين و النية- كلجاري بتاعت شغل و بس مفيهاش فسح و لا تسلية ثقافية و عقلية من اي نوع هما مهرجانين في السنة و دمتم ميزتها الوحيدة بالنسبالي انها جنب Banff بس ارجع وقلك ماهي ادمنتون جنب جاسبر بارك و مهمش مهروس زي بنف ده لو الحاجات ده بتفرق معاك .....وطبعا لا يفتى من واحدة معتبتش البرتا و التهامي في المدينة .....ما راي حضرتك ادمنتون ولا كلجاري ؟ بلان a او بلان b

دول أسر كاملين ، وناس زي العسل بصراحة ، ومش منغلقين بالمرة ، و ودودين إلى أقصى درجة. الناس دول في الساوث والنورث. أنا مؤمن إن إدمونتون دي أوضة وصالة (على رأي لطفي لبيب في عسل اسود) ، تتلف في نص ساعة خصوصاً من الداون تاون.

ومش شايف إنها مشكلة إن يكون ليكي كوميونيتي من مصريين وعرب وكنديين وغيرهم... إنتي مش جاية كندا عشان تعيشي بس وسط مصريين!

انا كان قصدي بس في الاول للولاد مش ليه علشان حبة حبة يتعودوا على المجتمع الجديد بس طبعا اكيد الاختلاط مع كل المجتمعات مهم ,اذا كان عليا فالدنيا خلتني اختلطت مع العفاريت الزرق والحمد لله متعفرتناش و هدناهم :) و عداك العيب في ده يا استاذنا

- جلينورا فعلاً من أأمن مناطق إدمونتون ، بس ده بيعتمد على اللايف ستايل اللي تحبي تعيشيه ، إن كان ستايل الهدوء كمناطق القرى أو المدن الصغيرة الهادية ، أو الداون تاون زي جاسبر وأوليفر و وايت آف وغيرهم. تحبي تسكني في المعادي ولاّ مدينة نصر؟

انا هنا ساكنة في التجمع ..يعني بحب المكان يبقى هادي و رايق و نضيف بس سنترال وفيه الخدمات كلها علشان كده نقيت اوليفر...على فكرة bredin فاتح هناك واغلب مؤسسات مساعدة المهاجريين الجدد هناك او فوق شوية ...جلينورا ده لما ربنا يكرمنا و اتسجل صيدلانية و اجيب الصيدلية و بعدييييييييين الفها حتة حتة و اجيب على مهلي او اجيب حتة ارض هناك و ابنيها بنفسي ان شاء الله ...مهو الواحد لازم يحلم علشان الحلم بيهون المشوار برضه. مش كده؟

- مش محتاجة خالص حكاية المدارس الإسلامية دي ، وكفاية مدارس السبت ولاّ الحد اللي بتدرّس عربي ودين للولاد على مدار السنة ، وأعتقد مصاريفها 800 دولار في السنة للطفل.

آمين يا كبرنا...انا و اولدي الحمد لله من حفظة القرآن وممكن لو ربنا كتبهالي اعلم ولاد المسلمين هناك عربي و قرآن لوجه الله يمكن ربنا يقعدهولي في ولادي ان شاء الله

أحييكي على التخطيط الممتاز اللي حسبتيه ، وبإذن الله تكون كندا نقلة حلوة في حياتك...

يا عم أدهم الشرقاوي... تعتقد بعد اللي قلتهولها ده... فيه أي أمل إنها تكون لسه بتفكر مجرد احتمال في استراليا أو نيوزيلاند؟

انا عمرييي ما فكرت في الاتنين دول .....يعني تبقى جاري في اوليفر الباب في الباب و احنا وكلين شربين اقتلين سرقين مع بعض...و اروح استراليا؟ (وش اللمبي :) )

تم تعديل 24 أكتوبر 2011 بواسطة mshehab

[Spanish Eyes]

يا صباح الخير ، ايوة مين بينادي ييييييياه رجعتوني سنتين قول تلات سنين لورا من 2008 لما كنت اروح الشغل معملش حاجة غير اني فاتحه موضوع الشامي وموضوع تهامي هيهيهيه ايييه كانت ايام

بصي يا ام شهاب انا بحب الناس المذاكرة كويس (صلي كنت بعمل كده) فكرتيني بأول مداخله لمهندس غريب الصراحه بهرتني كان مذاكر لندن اونتاريو دي زي ما حيكون الامتحان بكره بس هو غير البوصله وحيجي برضه على ادمنتون هيهيهيهيهييه

حقولك على كام حاجة كده من وجه نظري وطبعا ليكي حريه الاختيار:

1- اوليفر مين دي يا حاجة اللي حتسكني فيها انسي ، اولا الداون تاون هنا كلها بارات وسكر وعربده مش بتاعه عائلات بتاتا البته والحاج اوليفر ده في قلب الاحداث ، انسي

http://crimemapping.edmontonpolice.ca/

قزقزي كده في السايت ده وحتعرفي معدل الجرائم هناك، في ادمنتون الثقافه المنتشره هي ثقافه البيوت مش العمارات عشان كده هنا كام عماره يتيمه في الداون تاون ودمتم وكمان مش بيحبوا يسكنوا عائلات عشان دوشه العيال متزعجش الجيران عموما برضوا شوفي هنا

http://www.rentmidwest.com/index.php?a=details&id=45&param=buildings

وهنا

انا في الساوث اللي هما احسن ناس (سامعني يا تهامي تموت في فعل الخير) ومرتاحه الحقيقه في المنطقه الحمد لله .

ثانيا: مدارس الولاد خدي السايت ده بيديلك اعلى رانكينج للمدارس ودوري في بروجرام اسمه كوجيتو cogito البرنامج ده من اقوي البرامج في الدراسه ومعظم المدارس بتاعته توب راتنج

http://alberta.compareschoolrankings.org/elementary/Mount_Pleasant_School/Edmonton/

Report_Card.aspx

http://www.epsb.ca/

تتميز مدارس ادمنتون عن تورنتو بحاجه ظريفه ان فيه داي كير في المدرسه نفسها يعني الطفل مش مضطر يروح مكان تاني والداي كير عادة بيخلص الساعه 6 مساء، ومن حقك تقدمي على الصابسيدي بتاعت الداي كير من اول يوم توصلي فيه وبتشيل نسبه كبيره جدا من مصاريف الداي كير يعني ممكن تلاقيكي بتدفعي 100 في الشهر للطفل

http://www.child.alberta.ca/home/1153.cfm

وبالنسبه للصيف فيه مراكز للأنشطه ممكن تشتركي للولاد فيها (في ترويلجر بالمناسبه اللي تهامي ميحلمش يروحها ) هيهيهي

http://www.edmonton.ca/attractions_recreation/sport_recreation/terwillegar-community-recreation-centre.aspx

وبيعملوا تخفيض 90 % للدخل المحدود

وبالنسبه للمدارس العربي فيه مدرسه كل يوم سبت واحد هنا

http://mcemosque.com/?/eventsprograms/

المواصلات: ممتازة وكل حاجة بس انصحك بعربيه محترمة واعتقد انها حتطلع برا رانج الالفين ، على فكرة كمان ال صاب واي هنا بيقولوا عليه ال ار تي وسيله مواصلات يعتمد عليها فعلا خصوصا لو حتدخلي معهد بريدن

http://www.edmonton.ca/transportation/ets/lrt.aspx

وتامين العربيه في حدود 100 دولار ودي ارخص شركه تامين

http://www.canadiandirect.com/

بالنسبه للكارير بصي عشان انا جوزي صيدلي وماي بست فريند صيلانيه برضوا هنا فقولك اللي اعرفه عن معهد بريدن ، اولا لازم تكوني من سكان ادمنتون حتروحلهم تقدمي ورقك في ابريل حيطلبوا ايلتس اكاديمك (ممكن من مصر) وشوية بيبر ورك ويدرسوا طلبك ولو وافقوا أن شاء الله حيدولك في حدود 1200 دولار شهري مصاريف معيشه من شهر اغسطس لشهر مايو ، بس حيكون مطلوب منك تحضري كل يوم من التاسعه صباحا حتى الثالثه عصرا وساعات بعد كده بشوية وخلال الفترة دي مطلوب منك شوية انترن انتي اللي بتدوري عليه بيكون غالبا غير مدفوع بس ممكن يساعدوكي من بعيد في علميه البحث عن انترن وتمتحني ان شاء الله

بعيد بقى عن كل الكلام ده ، نيجي لأهم حاجة ودي يمكن سبب بعدي عن المحاورات وخلافي مع تهامي ، مش بحب انقل صورة ورديه عشان الناس متبنيش احلام وتيجي تصدم بالواقع ،وفي نفس الوقت كندا فيها حاجات كتير حلوة ولكن البدايه صعبه جدا جدا وخصوصا لأم لوحدها معاها اطفال (على فكرة انا بقالي لوحدي سنه ونص تقريبا انتقلت فيها من ولايه لولايه) في فرق في الثقافات والعادات والتقاليد (لسه امبارح اتعرضت لموقف محرج جدا كنت في تمرين السباحه بالاولاد ودخلت بالولد الصغير 5 سنين عشان يغير هدومة ويلبس هدوم الخروج لقيت ان غرفه تغيير الملابس السيدات بيتعاملوا مع الطبيعه تماما ومعايا الولد صغير روحت اخدته وطلعنا جري وغيرتله هدومة في العربيه ) انا في رأيي ان مش حينفع تكون ليا صاحبه انتيم مثلا كنديه مش حينفع ممكن الاولاد يكون ليهم اصدقاء طبعا بس احنا صعب والحياه بدون اصدقاء جافه جدا ومؤلمه في بعض الاوقات عشان كده كل الكوميونتي بتاعي مصريين وانا سعيده بكده الحمد لله

عموما لو احتجتي اي حاجة ابعتيلي وان شاء الله افيدك باللي اقدر عليه

(متجبش سيرتي تاني يا توو)

[ViralMind]

انا اعتقد والله أعلم ان المشهور اللى هيروح كالجارى بعد 3 اسابيع هو الدكتور قناوى..

[mshehab]

يا صباح الخير ، ايوة مين بينادي ييييييياه رجعتوني سنتين قول تلات سنين لورا من 2008 لما كنت اروح الشغل معملش حاجة غير اني فاتحه موضوع الشامي وموضوع تهامي هيهيهيه ايييه كانت ايام

بصي يا ام شهاب انا بحب الناس المذاكرة كويس (صلي كنت بعمل كده) فكرتيني بأول مداخله لمهندس غريب الصراحه بهرتني كان مذاكر لندن اونتاريو دي زي ما حيكون الامتحان بكره بس هو غير البوصله وحيجي برضه على ادمنتون هيهيهيهيهييه

حقولك على كام حاجة كده من وجه نظري وطبعا ليكي حريه الاختيار:

1- اوليفر مين دي يا حاجة اللي حتسكني فيها انسي ، اولا الداون تاون هنا كلها بارات وسكر وعربده مش بتاعه عائلات بتاتا البته والحاج اوليفر ده في قلب الاحداث ، انسي

http://crimemapping.edmontonpolice.ca/

قزقزي كده في السايت ده وحتعرفي معدل الجرائم هناك، في ادمنتون الثقافه المنتشره هي ثقافه البيوت مش العمارات عشان كده هنا كام عماره يتيمه في الداون تاون ودمتم وكمان مش بيحبوا يسكنوا عائلات عشان دوشه العيال متزعجش الجيران عموما برضوا شوفي هنا

http://www.rentmidwest.com/index.php?a=details&id=45&param=buildings

وهنا

انا في الساوث اللي هما احسن ناس (سامعني يا تهامي تموت في فعل الخير) ومرتاحه الحقيقه في المنطقه الحمد لله .

ثانيا: مدارس الولاد خدي السايت ده بيديلك اعلى رانكينج للمدارس ودوري في بروجرام اسمه كوجيتو cogito البرنامج ده من اقوي البرامج في الدراسه ومعظم المدارس بتاعته توب راتنج

http://alberta.compareschoolrankings.org/elementary/Mount_Pleasant_School/Edmonton/

Report_Card.aspx

http://www.epsb.ca/

تتميز مدارس ادمنتون عن تورنتو بحاجه ظريفه ان فيه داي كير في المدرسه نفسها يعني الطفل مش مضطر يروح مكان تاني والداي كير عادة بيخلص الساعه 6 مساء، ومن حقك تقدمي على الصابسيدي بتاعت الداي كير من اول يوم توصلي فيه وبتشيل نسبه كبيره جدا من مصاريف الداي كير يعني ممكن تلاقيكي بتدفعي 100 في الشهر للطفل

http://www.child.alberta.ca/home/1153.cfm

وبالنسبه للصيف فيه مراكز للأنشطه ممكن تشتركي للولاد فيها (في ترويلجر بالمناسبه اللي تهامي ميحلمش يروحها ) هيهيهي

http://www.edmonton.ca/attractions_recreation/sport_recreation/terwillegar-community-recreation-centre.aspx

وبيعملوا تخفيض 90 % للدخل المحدود

وبالنسبه للمدارس العربي فيه مدرسه كل يوم سبت واحد هنا

http://mcemosque.com/?/eventsprograms/

المواصلات: ممتازة وكل حاجة بس انصحك بعربيه محترمة واعتقد انها حتطلع برا رانج الالفين ، على فكرة كمان ال صاب واي هنا بيقولوا عليه ال ار تي وسيله مواصلات يعتمد عليها فعلا خصوصا لو حتدخلي معهد بريدن

http://www.edmonton.ca/transportation/ets/lrt.aspx

وتامين العربيه في حدود 100 دولار ودي ارخص شركه تامين

http://www.canadiandirect.com/

بالنسبه للكارير بصي عشان انا جوزي صيدلي وماي بست فريند صيلانيه برضوا هنا فقولك اللي اعرفه عن معهد بريدن ، اولا لازم تكوني من سكان ادمنتون حتروحلهم تقدمي ورقك في ابريل حيطلبوا ايلتس اكاديمك (ممكن من مصر) وشوية بيبر ورك ويدرسوا طلبك ولو وافقوا أن شاء الله حيدولك في حدود 1200 دولار شهري مصاريف معيشه من شهر اغسطس لشهر مايو ، بس حيكون مطلوب منك تحضري كل يوم من التاسعه صباحا حتى الثالثه عصرا وساعات بعد كده بشوية وخلال الفترة دي مطلوب منك شوية انترن انتي اللي بتدوري عليه بيكون غالبا غير مدفوع بس ممكن يساعدوكي من بعيد في علميه البحث عن انترن وتمتحني ان شاء الله

بعيد بقى عن كل الكلام ده ، نيجي لأهم حاجة ودي يمكن سبب بعدي عن المحاورات وخلافي مع تهامي ، مش بحب انقل صورة ورديه عشان الناس متبنيش احلام وتيجي تصدم بالواقع ،وفي نفس الوقت كندا فيها حاجات كتير حلوة ولكن البدايه صعبه جدا جدا وخصوصا لأم لوحدها معاها اطفال (على فكرة انا بقالي لوحدي سنه ونص تقريبا انتقلت فيها من ولايه لولايه) في فرق في الثقافات والعادات والتقاليد (لسه امبارح اتعرضت لموقف محرج جدا كنت في تمرين السباحه بالاولاد ودخلت بالولد الصغير 5 سنين عشان يغير هدومة ويلبس هدوم الخروج لقيت ان غرفه تغيير الملابس السيدات بيتعاملوا مع الطبيعه تماما ومعايا الولد صغير روحت اخدته وطلعنا جري وغيرتله هدومة في العربيه ) انا في رأيي ان مش حينفع تكون ليا صاحبه انتيم مثلا كنديه مش حينفع ممكن الاولاد يكون ليهم اصدقاء طبعا بس احنا صعب والحياه بدون اصدقاء جافه جدا ومؤلمه في بعض الاوقات عشان كده كل الكوميونتي بتاعي مصريين وانا سعيده بكده الحمد لله

عموما لو احتجتي اي حاجة ابعتيلي وان شاء الله افيدك باللي اقدر عليه

(متجبش سيرتي تاني يا توو)

ايه كمية القنابل ده؟ مش ممكن...ده انا عندي مذاكرة اسبوع قدام كده. جزاكي الله عني و عن اولادي الف خير يارب

اولا انا ام محمد وجودي مش ام شهاب :)

السايت بتاع الكريمس مصدق وقلتله اوليفر حطيلي 500 دايرة ...السكرين كانت حتفرقع :)

بس اعمل ايه بنها و بين bredin خمس دقايق مشي وعلى العموم الواحد يفكر تاني...يمكن اشد على جلينورا من الاول و هو برضه منخسرش جيرة الكبير :)

انا كنت بجيب ترتيب المدارس من:

http://www.fraserinstitute.org/report-cards/school-performance/alberta.aspx

بعد اذنك السايت اللي بعتيه عن ترتيب المدارس مش شغال....السايت بتاعي كويس ولا ايه النظام؟

انا ليه حق في الصبسدري لو جبت باي رول يقول اني بشتغل فول تايم في الانترن بيبقى ببلاش فا مش حعرف اجيب الباي رول سلب و بالتالي مليش حق فيه مش كده برضه؟ حضرتك ادرى طبعا

انا قعدت شهر احلل الكوجيتو و اجيب فروقه عن باقي الانظمة لقيت ان:

ال IB اللي هو نظام الولادحاليا في مصر ليه منحة مخصوص في U of A و مكمل مع الولاد لغاية الهاي اما الكوجيتو فلغاية elementry بس و ملوش منحة خاصة في الجامعة..انا عني حتطلع على مدرسة اسمها stratford ال12 على ادمنتون و بدرس كوجيتو بس صعب يكملوا IB بعد كده old scona high مش حتقبل غير اللي درسين IB قبل كده

بالنسبة لموضوع حمام النادي معلش ححكيلك حكاية صغيرة و مش حعطلك:

يوم الخميس قبل اللي فات كنا سهرانين انا و الولاد قدام ال TV البنت عاوزة تتفرج على so u think u can dance و اخوها قلها عيب الكلام الفاضي ده هاتوا فلم عربي لو سمحتوا و بلاش مسخرة فنزولا على رغبته علشان منعكننش السهرة جبنا الحياة و كانت مشغلة فلم اسمه عائلة ميكي تصورنا من الاسم انه فلم فكاهي فقلنا تديها لب و نتبسط .....شويةو الفلم قلب على بنت بتجيب ولاد عندها في الشقة و بتستعبط اهلهاو اخوها الظابط كذلك واخوها الصغير ماشي مع عجلاتي و التاني مزوغ من الجامعة و صايع...آم محمد ابني قلي يا ماما هاتي so u think u can dance انضف من القرف ده

القصة خلصت

حكمة العدد: مصر فيها بلاوي اكتر من ما حضرتك متخيلة ...و احنا مجتمع محافظ ...يعني بيحافظ على شكله يبقى محترم و يحافظ كمان على انه يعمل الغلط في الخبا...كندا على عينك يا تاجر واللي عاجبه عاجبه و اللي مش عاجبه- و انا اولهم طبعا- يلبس في العربية:)

ربنا يساعدني على المغامرة الصعبة ده و يساعدني احافظ على ولادي فيهامخسرهمش و انا اساسا مسافرة علشنهم و شاكرة نصحتك الصادقة من القلب و يا ريت تقبلي صداقتي الvirtual لغاية مل نتقابل ان شاء الله

[MZohairy]

بذمتك حد يسيب فانكوفر و يروح اي حته تانيه في كندا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ smk:

[mshehab]

بذمتك حد يسيب فانكوفر و يروح اي حته تانيه في كندا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ smk:

اه يروح ادمنتون طبعا :)

[MZohairy]

بذمتك حد يسيب فانكوفر و يروح اي حته تانيه في كندا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ smk:

اه يروح ادمنتون طبعا :)

الديب فرييزر؟؟؟؟

لأ طبعا :closedeyes:

[mshehab]

اسمالله Vancover هي اللي فرن عيش؟

هوحضرتك مركب سنسور على جلدك؟ بعد مينس 5 كله ديب فريزر فارق معاك اوي انت في اني درج في الفريزر؟:)

[MZohairy]

اسمالله Vancover هي اللي فرن عيش؟

هوحضرتك مركب سنسور على جلدك؟ بعد مينس 5 كله ديب فريزر فارق معاك اوي انت في اني درج في الفريزر؟:)

مطلقا

اولا فانكوفر نادرا ما تهبط تحت الصفر

يعني يمكن اقل من اسبوع متفرق خلال السنه كلها

ده اولا

ثانيا موضوع -5 زي -25 ده كلام مش صح ابدا

من بعد -10 تبتدي تحسي بكهربا من كتر البرد

و بعدين انا مالي و مال التجمد

ربنا رزقني بأجمل بلد في العالم

اسيبها و اروح اعيش في تلاجة لحمه؟؟؟؟؟؟؟

[SoSo R]

مساء الخير...

متفقة مع زهيرى فى نقطة ...-5 مش زى -25 و أكيد مش زى -45...اللى قال ان كله بيتساوى..ما عندوش فكرة و ماجربش ...لما تحسى انى البرد دخل ضلوعك وقلبك هيقف من كتر البرد و مش قادر تاخد نفسك..تتنفس يعنى...

بلس ان كميات التلج اللى بتنزل هتكون اكتر فى الديب فريزر و الزحلقة هتزيد و الزروطة...آخر قرف يعنى...

تطلع الصبح من البيت تلاقى 80 سم حلوين من التلج واصلين لوسطك...و اكسح بقى و عيش و خلى الشعب يعيش...

[mshehab]

للناس فيما يعشقون مذاهب...

الناس اللي عايشيين في درحة حرارة عالية زيي بيحسوا البرد على 10 قبل الصفر مش تحته...اول مرة رحت فيها تورونتو كنت بمنتحن EE في شهر واحد و درجة الحرارة مينس 5 و مشية في الشارع بعييييييييييط على رأي عادل امام مع ان الناس كانت لبسة لبس الشتا العادي بتاعنا ده مش الالحفة الي كنت انا لبساهاوكانت معايا واحدة صحبتي عايشة هناك من زمان كل متشوفني بتكتك تضحك و تقلي احمدي ربنا ده السنة ده الكريسماس كان جرين مش وايت ده لو كان وايت كانت درجة الحرارة بقت مستريح مينس 20

طبعا انا قطعت علاقتي بيها نهائيا بعد كده علشان برودها ده بس عرفت ان مفيش باكج كاملةلازم يطلع فيها دفوه في حتة

انا اختار الدفوه بتاعي يبقى البرد بس الاقتصاد بتاع الحتةاللي اعيش فيها يبقى احسن اقتصاد في امريكا الشمالية

البرد يا عم زوهيري ولا يبقى مفيش شغل او rates قليلة

احنا ورانا مسؤوليات :(

[ViralMind]

طيب ممكن يا مسيو زوهيرى تعرفنا الوضع الحقيقى بالنسبة للشغل فى فانكوفر؟

طبعا انا بتكلم عن فانكوفر كلها, بما فيها المدن الصغيرة/الضواحى اللى حواليها..

[mshehab]

مساء الخير...

متفقة مع زهيرى فى نقطة ...-5 مش زى -25 و أكيد مش زى -45...اللى قال ان كله بيتساوى..ما عندوش فكرة و ماجربش ...لما تحسى انى البرد دخل ضلوعك وقلبك هيقف من كتر البرد و مش قادر تاخد نفسك..تتنفس يعنى...

بلس ان كميات التلج اللى بتنزل هتكون اكتر فى الديب فريزر و الزحلقة هتزيد و الزروطة...آخر قرف يعنى...

تطلع الصبح من البيت تلاقى 80 سم حلوين من التلج واصلين لوسطك...و اكسح بقى و عيش و خلى الشعب يعيش...

انا فعلا زي ما قلت قبل كده جربت بس على خفيف ..بس حضرتك صيدلانية زيي و عرفة ان في حاجة اسمها الadaptation يعني لو نزلنا ادمونتن من اول يوم و اطزبطنا برد هناك جسمنا حيتعود على العيشة في درجة الحرارة ده بحيث فانكوفر و كالجاري حيبقوا بالنسبة لينا مصيف بس منقدرش نعيش فيها على طول زي ما استاذ زهيري بيتكلم على انه ميقدرش يعيش في ادمونتن على طول

وبرضه ده كلام علمي بحت وانتم اصحاب التجربة و الخبرة

[MZohairy]

طيب ممكن يا مسيو زوهيرى تعرفنا الوضع الحقيقى بالنسبة للشغل فى فانكوفر؟

طبعا انا بتكلم عن فانكوفر كلها, بما فيها المدن الصغيرة/الضواحى اللى حواليها..

صلي ع النبي

اولا الشغل طبعا موجود في المدن الكبيره بتاعة فانكوفر و كل ما تبعد كل ما الفرص بتقل

زي القاهره بالضبط بالطبع الشغل فيها اكتر كتييييييييييير من القليوبيه

ده اولا

ثانيا

خلينا نقول ان الشغل في كندا في تورونتو و اوتوا و موريال و البيرتا و بي سي

الفوارق مش جباره في الفرص

اي حته هتروحها بدون شهاده كنديه و بدون خبره كنديه 99% مش هتشتغل غير كاجوال بأسعار دنيا

و اي حته هتاخد فيها اي شهاده كنديه مع شوية فولنتير ان شاء الله هتشتغل

و الارزاق اولا و اخيرا بتاعة ربنا

لذلك انا ماديش عقلي لغيري ابدا و اروح ولايه متجمده علشان نسبة البطاله فيها اقل بواحد او اتنين في الميه من فانكوفر

[mshehab]

طيب ممكن يا مسيو زوهيرى تعرفنا الوضع الحقيقى بالنسبة للشغل فى فانكوفر؟

طبعا انا بتكلم عن فانكوفر كلها, بما فيها المدن الصغيرة/الضواحى اللى حواليها..

صلي ع النبي

اولا الشغل طبعا موجود في المدن الكبيره بتاعة فانكوفر و كل ما تبعد كل ما الفرص بتقل

زي القاهره بالضبط بالطبع الشغل فيها اكتر كتييييييييييير من القليوبيه

ده اولا

ثانيا

خلينا نقول ان الشغل في كندا في تورونتو و اوتوا و موريال و البيرتا و بي سي

الفوارق مش جباره في الفرص

اي حته هتروحها بدون شهاده كنديه و بدون خبره كنديه 99% مش هتشتغل غير كاجوال بأسعار دنيا

و اي حته هتاخد فيها اي شهاده كنديه مع شوية فولنتير ان شاء الله هتشتغل

و الارزاق اولا و اخيرا بتاعة ربنا

لذلك انا ماديش عقلي لغيري ابدا و اروح ولايه متجمده علشان نسبة البطاله فيها اقل بواحد او اتنين في الميه من فانكوفر

احييك على انتماءك بجد و الله ولكن ارجوك اقرأ هذا:

http://www.statcan.gc.ca/subjects-sujets/labour-travail/lfs-epa/t111007a4-eng.htm

هناك فرق 2% في unemployment rate بين BC& AL طبعا لصالخ البرتا و الاهم ان هناك فرق 10% في الemployment rate لصالح AL برضه و الاخيلا هو المؤشر الاهم و حضرتك سيد العارفين :)

[SoSo R]

صباح الخير سوسو باشا إغ (وش الغائب الحاضر اللي كلنا عارفينه)

أعتقد المفروض تسيبي شوية نسكافيه للكنديين الغلابة... كل ده بتشربي نسكافيه؟!

بالنسبة لموضوع الضرايب ، الضرايب بتتخصم مني سعادتك كل باي تشيك ، يعني المفروض أنتظر يرجّعولي شوية فلوس على إبريل الجاي ، بعادتهم إنهم بيخصموا ضرايب أكتر من المطلوب ، واللي عند الحكومة ما بيروحش

هتصدقيني لو قلتلك إن الضرايب اللي كانت بتتخصم مني في مصر كانت أكتر من هنا؟!

بالنسبة للتعليقات ليه محدش علّق على آخر بوست... ده ليه سببين في الواقع:

أولاً بطبيعة الحال والهجرة الجماعية اللي حصلت ، والناس اللي ما زالت واخدة الموضوع بمحمل شخصي.

ثانياً عشان الموضوع شائك طبعاً ، وفيه ناس مش مهتمة بالنقطة دي ، وشايفين إن الشر بره وبعيد وكده يعني!

سيبك انتي... أنا منتظر أشوف البوست بتاعك ، واللي ربنا يديني طولة العمر وألحقه!

شوف يا أخى...صحيح الدنيا دوارة!!!

جه اليوم اللى تهامى بيقولى مستنى البوست بتاعك و ربنا يدينى عمر؟!!! وكمان عامل مداخلة استدعاء!!!

فاكر آخر بوست..انت رديت عليه بعد أد ايه...روح شوف التواريخ...ورد وهاسيبك تتحرج بينك و بين نفسك...وده كله طبعا بحجة القريحة و الظروف و الجوابات :))

طيب انا كمان قريحتى بتوجعنى شوية...ومش شغالة كويس وضيف على كدة عيال و مدارس و شغل...وبيت و طبيخ و مواعين...

طب إيه بقى؟؟:closedeyes:

طيب نبتدى واحدة واحدة بالنسبة للموضوع الرقابى بتاعك...الشذوذ و ما يليه...

نبتدى من مصر...

انا كنت ساذجة جدا..اعرف يعنى ايه شذوذ..من الناحية العلمية او الطبية...بس كنت فاكرة...they don't really exist!!!

و بعدين بعد ما اتجوزت...اكتشفت بالصدفة الباحتة انهم موجودين فعلا فى مصر...لأنى مرة كنت مروحة متأخر مع جوزى...من روكسى و شايفين واحد من بعيد..مشيته مش مضبوطة...فجوزى بيقولى على فكرة ده @#%@@@...قلتله باذبهلال يا راجل؟!!!!

عرفت ازاى..مش مومكن..هو فيه كدة؟؟

قالى انتى عبيطة ولا ايه؟؟ هو انا لازم احلله يعنى معروف طبعا...ده الميعاد اللى بيظهروا فيه..عشان حد يصطادهم...

يالهوى ..دى كانت صدمة عمرى لما عرفت انهم...they do really exist

الحلقة التانية فى الكويت ودى ممكن نسميها الأنفتاح....يعنى انفجار...

بنسميهم هناك الجنس التالت...يعنى مش معروف لا رجالة ولا ستات...

وفيه كمان البويات..جمع البوية..اى البنت المسترجلة...المدكرة...

وهناك منتشرين بشدة...ورغم انهم مكروهين بس وجودهم طبيعى فى المولات..وليهم تجمعات و شلل...

وبحكم عملى اللى انتو عارفينه...كنت باتعامل معاهم كتير...كتير قوى كمان...

عشان طلباتهم و اسئلتهم وقرفهم...والهرمونات اللى عايزينها عشان يبدلوا نوعهم او يحسنوا شكلهم...

و بعدين كمان piercing بكل انواعه و اماكنه...فى الشفة و الحاجب ...بس طبعا لا مقارنة مع الوضع هنا

هناك ليهم حفلات..و بيلبسوا لبس ستات فيها و يحطوا مكياج ..و بيعاكسوا رجالة...ده حتى مرة عاكسوا زوجى:closedeyes:

و بعديها الحلقة التالتة فى كندا....نسميها التعود....

دى بقى فى الحلقة الجاية عشان ايدى و جعتنى و اكون حضرتلى مشروب آخر من النسكافيه:closedeyes:

فين أيام الهوت سموزى:protest:

سلام