كندا التي رأيتها :)

[مصرية و أفتخر]

ليه مش ممكن في مصر؟

الدويقه مليانه

و الدرب الأحمر

و الزاويه الحمرا

و الجياره

و دار السلام

و قلعة الكبش

و السبتيه و الشرابيه و المنيب و القللي و مصر القديمه

بلاش تكبروا على مصر

احم احممممممممم

ماهو مش غريبة عليك...........واحد فى سنة 2011 عايز يأجر فى العجمى,يبقى أكيد هيسكن فى الحتت الجميلللللللللللللللللة دى bsh:)

عظيمة يا مصر...........

[alaashabana]

كل سنة وحضراتكم طيبين يا جماعه وعيد سعيد للجميع فى مصر وكندا وجميع الدول الاخرى . ويارب نكون كلنا متجمعين السنة اللى جاية فى عرفات ان شاء الله ..

[MZohairy]

شد حيلك يا علاء و اشوفك عندنا بتصلي العيد الجاي في كندا ان شاء الله

[moheltohamy]

مساء الخير

رجعنا فضينا تاني ، وأعلّق على شوية مشاركات فاتوا...

إكسيلانس... أخيراً حسيت إني مش ماسك الربابة لوحدي ، ومشاركتك تستحق التحية فعلاً!

الناس دول أكيد موجودين بيننا ، ماهو مستحيل أقتنع إن الطفرات كلها بتحصل بس في الغرب! بس إحنا أسهل حل لكل مشاكلنا تجاهلها أو دفنها تحت الترابيزة ، ونشتري دماغنا!

وبالنسبة لموضوع المصريين والأجانب ، فمجرد كون أحدهما أو كلاهما مصري الجنسية ، فلازم تقديم ما يُثبت العلاقة بصورة رسمية! حاجة مستفزة بجد! الموضوع يا عم فايرال مش غلاسة من الموظفين في الفنادق ، دي غلاسة من شرطة السياحة أعتقد أو هيئة تفتيشية في المجال السياحي! يعني إدارة الفندق مش هدفها تغلّس! الفنادق الـ 3 نجوك بقى بيعملوها من باب الغلاسة ، بمزاج يعني!

هاحكيلكم على شوية مواقف في النقطة دي في الهاند أوفر بتاع المرور أحسن ، عشان نكون كاتيجورايزد.

بس بجد... ما تحكيلنا من خبراتك يا عم إكسيلانس... إنتا أكيد عندك حكايات تشيّب! كفاية mshehab اللي مش عاوزة تكمّل حكايات ع اللي شافته!

زهيري العزيز... أنا باقول تخلع من المنطقة الموبوءة دي! إنتا إزاي تقبل إن جيرانك يكونوا بالشكل ده؟ دا المثل بيقول لك إختار الجار قبل الدار! دا الملايكة ما تعتبش منطقتكم كده يا عم الحاج!

صحيح يا زهيري... إيه الفكرة اللي هتنقلها لولادك عن طريقة التعامل مع الناس دي؟ أنا بجد والله محتار إزاي المفروض نشرح للأطفال نوعية العلاقة دي ، وإيه الإنطباع اللي هتزرعه جواهم؟ ما تنوّرنا يا عم الحاج.

سوسو... مشاركتك ممتازة ، وفي الجون. لفتت نظري كذا جملة وسط مشاركاتك. "على المستوى المهني" هيه دي المبدأ في التعامل ، ما ندخّلش عيشة في أم الخير. ورغم إن المثل بتاعنا بيقول (واحد شايل دقنه ، التاني زعلان ليه) ، لكن لو واحد معدّي قدّامك ومطوّل شعره أو راسم تاتووو هتقولي عليه خواجة. صح؟! رغم إن حتى زمان في الأرياف كان الوشم ده عادي جداً!

لفتت نظري برضه حكاية الولد اللي متبنيينه وبياخد أدوية اكتئاب ، هل عندك أي فكرة إن كان الموضوع ده ليه علاقة من قريب أو بعيد بأبويه مثليي الجنس؟!

فرح العروستين ده اللي بتقولي ما كانش ينفع! يا ريتك رحتي وكنتي نقلتي لنا انطباعاتك عن شكل الكوشة ، وآراء ونظرات الناس اللي حاضرين الفرح. حرمتينا من فرصة ما تتعوّضش.

عن نفسي أنا أحبذ مشاركتك الجاية تكون عن الجنس التالت ده يا ريت ، عشان ما نكونش بعدنا أوي عن النقطة دي.

بالنسبة لحكاية التاتوو والبييرسنج والصبغات...

التاتوو أنا ملاحظ إنهم مهووسين بيه بشكل غبي! ممكن ما تحرميش الأولاد منه ، بشرط ما يكونش مستديم ، يعني تاتوو مؤقت. أنا بطبعي مقتنع إن الإنسان بيتغيّر ذوقه مع العمر ، فكوني أختار رسمة أو كتابة تلتصق معايا لآخر العمر ، ما تتشالش غير بجراحة ، وبرضه هتسيب أثر... مرفوض!

البييرسنج ده أنا شفته زمان (يمكن سنة 2004) في شركتي في مصر! البنت السكرتيرة كانت عايشة في أمريكا ، وعاملة حلق في الأنف ، ولما سألتها إن كانت الخرزة دي بتوجعها ، قالتلي لأ خالص ، وشالتها من مكانها ، ولقيت فيه ثقب صغيّر زي حلق الودن بالظبط! هنا باشوف ناس كتير عاملين البادي بييرسنج ده بأشكال مختلفة ؛ كذا ثقب في الودن بيتركب فيهم حلقان سواء في حلمة الودن أو في صوان الودن أو في الحتة الصغيّرة اللي قدّام دي (الـ Tragus of the ear) ، واللسان والشفايف والحواجب وسرة البطن ، وحتت تانية (طبعاً ما شفتش الحتت التانية دي :blush2:)!

الصبغة برضه ممكن لو فيه صبغة مؤقتة... اللي أقصده إن الحرمان التام مش هيحل المشكلة ، وممكن يخليها تعملها في أقرب فرصة تقدر تاخد فيها قرار.

منتظر تعليقاتك يا فندم ، ولو ممكن نبدأها بالجنس التالت اللي ما سمعتش عن وجودة بصراحة غير في كتاب لأنيس منصور... وبعد ما ننهي الحوار فيه ، ممكن ندخل على الأولاد وتربيتهم.

مصرية وأفتخر... ليه دايماً مشاعر راقية وجميلة لازم ولادنا يخبوها ويتكسفوا منها؟! يعني أنا باستغرب إن الأب والأم يمنعوا إبنهم أو بنتهم إنه يحب أو يتعلّق بحد من الجنس الآخر! أنا ما زلت ما عنديش أبناء ، ويمكن عشان كده باتكلم نظري... أنا من نفس الجيل يا فندم اللي لما يحب بنت ، لازم يستخبى ، ويحترس لا الخبر يوصل لأهله ، وساعتها يبدأ يتحط في مشاكل ما تنتهيش!

ليه ما يكونش الحب ده تحت عنينا وإشرافنا ومباركتنا؟ ليه ما نشجّعش ولادنا يحبوا؟ يمكن أكون باتكلم نظري ، بس حاسس إن المنطق بيقول كده!

طبيعي إن البنت هتنجذب لولد ، والولد هينجذب لبنت... إن ما دخلوش في النقطة الشاذة اللي بنتكلم عليها دي!

كون إننا نربي البنت إن الحب عيب ، والحب ده لما تبقي تتجوزي ، كما لو كان زرار هنضغطه بس بعد الجواز! ليها احتمالين بس في نظري:

- يا إحنا عايزين البنت تطلع غير سوية ، وحياتها كلها حواجز وممنوعات ، ونيجي في ليلة واحدة نطلب منها تنسى كل الممنوعات دي ، لأ ونطلب منها كمان تكون عكس كل اللي اتربت عليه طول عمرها ، والنتيجة... مآسي في العلاقة الزوجية تقريباً ما بتخلاش منها معظم بيوتنا!

- يا إما بطبيعة اللايف ستايل بتاعنا في الميدل إيست ، إحنا عاوزين نضحك على نفسنا ، ونصدق إن البنت زي الفل ، بس ما عندهاش وقت للمشاعر عشان ملخومة بمذاكرتها ، ونصدّق إنها ماشية على التعليمات اللا منطقية اللي بنحاول زرعها جواها! وساعتها نبقى هنود!

سبانيش... مشاركة مالهاش حل بتاعة شرح استراتيجية تغيير الحارة المرورية ، أنا هلكت م الضحك لما لقيت إن لسه فيه نمرة 4

بس باقول لك إيه... إمسكي نفسك لما نوصل لجزء المرور... إنتي كده فعلاً هتاكلي مني الجو ، وما ينفعش مع المعلّمين الكبار نقطّع على بعض.

خليكي فاكرة إنك برضه مستجدّة على إدمونتون ، وإنك كنتي صبي من كام شهر.

تعملي معلّمة على mshehab ماشي ، لكن على المعلّم صاحب القهوة؟ إنسى يا عمرو :happy:

mshehab... أرفع لك القبعة يا فندم عن الاستراتيجية التحفة اللي بتتبعيها في تربية الأولاد... إنتي مدرسة بجد!

وأتمنى ما توقفيش الحكاوي عن ما رأيتي في مصر من أوضاع شاذة مستخبية ، ما بتظهرش على السطح.

بعد إنتهاءنا من النقاش في الموضوع ده اللي ما أعتقدش إنه هيطوّل كتير ، هابدأ أدخل على طبيعة العلاقة بين الجنسين في البلد دي ، ومنها على تربية الأولاد... المواضيع داخلة في بعضها بصراحة ما عرفتش أفصلهم.

كيوتي... إن شاء الله هادخل في باقي المواضيع اللي بدأنا الحوار فيها قبل موضوع المرور ، وسبانيش مش هتزعل :happy:

بالنسبة للامتحان فده كان مجرد كورس يوم ع السريع في الفيرست إيد ، مش اختراع يعني ، بس كان ضروري عشان أقدر أجدد لايسنس الـ EMR بتاعتي للسنة الجديدة. كنت متخيّله امتحان ورزع من البداية ، بس طلع فيه شرح وكل حاجة يعني ، والامتحان نفسه بسيط وزي الفل... شكراً ع السؤال.

د. فاروق...

الساعة الأوفر تايم بتتحسب بـ 25 دولار ، ودي لو اشتغلت أكتر من 12 ساعة في اليوم. الحساب هنا مش بسيط زي أي شغلانة تانية. فيه جزء من المرتب داخل كبديل وجبات غذائية ، ودي خارج الضرايب. الساعة لو هتشتغل في الأمبيولانص في المدينة بتتحسب بـ 22 دولار. في البترول حسبتها مختلفة ، ومع شركتي حسبتها مختلفة أكتر.

الرخصة المهنية (F License في أونتاريو أو Class 4 في ألبيرتا) شرط لقيادة الأمبيولانص. الطبيعي إن العربية بيكون عليها 2 ميديكس ، واحد بيسوق العربية ، والتاني مع الحالة ورا. الحالة اللي بعدها ، بيتبادلوا الأدوار. مفيش حد سوّاق والتاني مسعف! حصلت معانا مرة كم مبالَغ فيه من الاتصالات واشتغلنا بتاع 16-18 ساعة متصلة ، وقبل ما نسلّم الريبورت بتاعنا للمستشفى نلاقي الديسباتش (911) بيكلمنا وبيقول لنا فيه حالة مستنياكم إلحقوا ارجعولها (بنتكلم في 100 كم رايح وزيهم راجع)! والتمريض في المستشفى قالوا مفيش مشكلة إبعتولنا الريبورت بالفاكس ، وبعته لهم في آخر الليلة عن طريق حسابي الشخصي على الإيفاكس (www.efax.com).

الخلاصة... ما ينفعش واحد بس اللي يشيل السواقة في مواقف زي دي. أنا اتصلت بيهم وقلتلهم إحنا خارج الخدمة 4 ساعات عشان لازم ننام ، خلاص ما بقيتش شايف قدّامي!

وبالنسبة للمذاكرة ، فطبعاً تنفع ، بالذات مع الشغل في البترول ، وده تقريباً قاعد ما بتعملش حاجة تستاهل طول اليوم. لو عندك الإرادة ممكن تحضر دكتوراة... بس فين النفس؟ :happy:

[dcfarouk]

شكرا يا دكتور تهامي علي الرد المستفيض

طيب هو اخد فتره كام شهر او كام سنه لو هبتدي من الجي 1 ...لحد ما اوصل الي كلاس فور او f license

لو مش معايا اي شهادات رخصه من مصر

[alaashabana]

يارب يارب يا مستر زهيرى اشوف كندا واعيش فيها دة حلم حياتى بجد .. بس للاسف هبدا فى كبيك ولسة بقى الفرنساوى من البداية وربنا معانا ..

دكتور تهامى كل سنة وانت كيب والاسرة الكريمة بخير يارب وكل الاعضاء بخير دائما يارب ..

بالنسبة لموضوع مثيلى الجنس بصراحة انا بقرا الموضوع بس مستغرب شوية انكم بتتكلموا فية اوى .. هو فعلا بقيت حاجة زيادة شوية حبتين خصوصا مثلا فى الكويت ودلوقتى فى الامارات فى الجنسية الفلبينية ..

انا فى مرة كنت قاعد فى نت كافية فى دبى وكان اللى شغالين فية من نفس النوع يعنى ذكر بس جسمة وشكلة زى البيت .. بس اللى استغربتة ان بلاقى الشباب خصوصا العرب بيبصوا اوى عليهم والاقى منهم اللى بيحاول يكلمه زى ما يكون مثلا مستغرب وعاوز يعرف هو دة اية راجل ولا بت ولا ازاى بقى شاذ.. انا سالت واحد صدقيى من الفلبين قال ان الجنس دول عادى جدا هناك فى بلدهم وانه طبيعى جدا وان الناس كمان بتتعاطف معاه لانه ولا طايل سما ولا ارض ..

هى فعلا حاجة غريبة والواحد ساعات بيفكر يتعامل معاهم ازاى .. يعنى مثلا لو لاقيت زميل لية فى الشغل من نفس النوعية اخاف اتكلم معاه يقولوا ان انا زية وكدة وبردو اخاف ابعد عنه يقولوا دة تفكيرى محدود او متعصب فى دينة او اى حاجة تانية .. فتلاقى فعلا الواحد مش عارف يتعامل معاهم ازاى ..

لكن اللى فعلا يخلى الواحد بقى خايف من اللى بيحصل قدامة ان الحاجت دى بقيت فى الافلام عينى عينك خصوصا بين البنات وبعضهم .. يعنى الواحد زمان لما كانوا بيكتبوا فيلم لعمر 18 فيما فوق بيبقى الفيلم فية منظر قبلات او اى حاجة من دى لكن دلوقتى بقيت الافلام بتميل انها تظهر مثيلى الجنس زى ما يكون حاجة عادية .. وللاسف بردو ظهرت فى فيلم عربى على ما اظن اسمة حين ميسرة.. يعنى احنا فعلا بقينا فى عالم تانى وحياة تانية .. والله انا حاسس ان دى بقيت من علامات يوم القايمة .. ربنا يعفينا يارب ويحسن ختامنا .

لكن فعلا من كتر اللى بيحصل حوالينا لما اولادنا يشفوا الحاجات دى وبالذات فى السنين القادمة هتزيد اوى الحاجات دى ومش بعيد تلاقى منظمات بتشجع الحاجات دى او بتحافظ على حقوقهم ساعتها هنقول لاولادنا اية او نشرحلهم ازاى .. بجد الله يقويكم على تربية اولادكم خصوصا اللى فى كندا والبلاد اللى فيها الحاجات دى عينى عينك ..

كل عام وانتم بخير ويارب يكون عيد سعيد عليكم وعلى احبائكم وعائلتكم والسنة اللى جاية تكونوا يارب واقفين فى عرفة .سلام عليكم

[MZohairy]

صحيح يا زهيري... إيه الفكرة اللي هتنقلها لولادك عن طريقة التعامل مع الناس دي؟ أنا بجد والله محتار إزاي المفروض نشرح للأطفال نوعية العلاقة دي ، وإيه الإنطباع اللي هتزرعه جواهم؟ ما تنوّرنا يا عم الحاج.

انقل ايه لولادي؟؟:blush2:

يا عم و احنا مالنا؟؟

هو احنا بنشوفهم بيمارسوا الرزيله في الشارع لا سمح الله؟؟؟ :blink:

احنا بنشوف اتنين رجاله داخلين و خارجين ...ايه الغلط في كده اللي يستدعي اني احاول اشرحه للعيال ؟

على فكره... القانون الكندي بيجرم اي افعال خادشه للحياء في العلن و من حقك تتصل بالبوليس و تبلغ و ييجوا يقبضوا عليهم متلبسين

بالمناسبه صحيح حصولك على رخصة لكلاس 4 ...مش بيتطلب امتحان رود تست و نولدج تست تاني غير اللي عملتهم في كلاس 5 ؟

عندنا في بي سي مش من حقك تقدم على امتحان 4 الا لما تكون رخصتك ال 5 مضى عليها 3 سنوات...او تكون معاك ما يثبت من بلدك انك عندك حاجه مشابهه لل 4 و لفتره معينه مش فاكرها

اورفوار

[moheltohamy]

شكرا يا دكتور تهامي علي الرد المستفيض

طيب هو اخد فتره كام شهر او كام سنه لو هبتدي من الجي 1 ...لحد ما اوصل الي كلاس فور او f license

لو مش معايا اي شهادات رخصه من مصر

يا دكترة... وليه ما تطلّعش شهادة الخبرة من مصر؟!

أكيد معاك رخصة سواقة ، ولو حتى سنة واحدة! ولو مش معاك ، ما تلحق تطلّعها.

العادي في أونتاريو إنك بعد ما تعدّي الـ G1 بتاخدلك سنة (أو 10 شهور مش فاكر) ويبقى من حقك تقدّم على الـ G2 ، وبعدها نفس المدة برضه وتقدّم على الـ G

بعدها تقدر فوراً تقدّم على الـ F ، ومن غير انتظار ، بتلاقي امتحان نظري ورود تست ، وشهادة طبية إنك صحتك بمب وركبك حديد. بس عشان ما أفتيش برضه يمكن يكون عملوا ويفنج لفترة الانتظار في حالتي عشان متسجل على ملفي إني عندي خبرة في السواقة. مش مقتنع بالكلام ده بصراحة ، بس ما أقدرش أجزم بيه بصفة نهائية الصراحة.

أعتقد نفس الموضوع ينطبق على ألبيرتا ، في حالتي أنا إديتلهم الـ F License ، وإدوني الـ Class 4 ، من غير امتحانات. طلبوا مني بس أعيد الكشف الطبي.

أي شهادة خبرة يا دكترة من مصر هتنفع...

صحيح... مش محتاج الـ Class 4 لو هتشتغل بس في الأويل فيلد. فيه شركات كتير بتقبل بالـ Class 5. إنتا ما بتسوقش أمبيولانس ، بتسوق عربية بيك اب زي الدودج رام مثلاً ، ومتقفلة من ورا حجرة كشف. بس ميزة إن الـ Class 4 بتفتح لك مجالات أوسع شوية ، خصوصاً مع انعدام الخبرة الكندية ، أو الخبرة في مجال البترول كمان.

[moheltohamy]

علاء شبانة... إن شاء الله تنوّر في كندا عن قريب ، إبجأ بس خطواتك.

اللي انتا بتتكلم عليهم دول همه الجنس التالت ، واللي بيكون عندهم خلل جيني مع الخلل الهورموني على ما أذكر. دول بقى رسمي مش بمزاجهم ، ودول بينفع معاهم العلاج الطبي أو الجراحي لتحويل الجنس ، ويمكن ده مثال ليه سيد طالب الطب اللي اتحوّل لسالي من زمان في مصر.

doctors... وانتا طيب يا باشا ، والجميع عندك بخير وسلام.

زهيري... أنا معاك من إنه ممنوع في العلن أي أفعال خادشة للحياء ، وإن الناس دول لامّين نفسهم فعلاً. بس السؤال مسيره ييجي في بال العيال إن إزاي دول أسرة ما فيهاش ست. ممكن في السن الحالي يتخيلوا إنهم ساكنين مع بعض وبيتقاسموا الإيجار مثلاً ، بس مسيرهم في مرحلة عمرية جاية هيبدؤوا يلاحظوا الكلام ده معاهم في المدرسة ، أو زمايلهم هيحكولهم عليه.

ساعتها يا حلو هتبقى مضطر ترد عليهم ، وتقول رأيك.

يعني المصيبة مؤجلة حتى إشعار آخر ، ما راحتش!

[ViralMind]

انقل ايه لولادي؟؟:blush2:

يا عم و احنا مالنا؟؟

هو احنا بنشوفهم بيمارسوا الرزيله في الشارع لا سمح الله؟؟؟ :blink:

احنا بنشوف اتنين رجاله داخلين و خارجين ...ايه الغلط في كده اللي يستدعي اني احاول اشرحه للعيال ؟

على فكره... القانون الكندي بيجرم اي افعال خادشه للحياء في العلن و من حقك تتصل بالبوليس و تبلغ و ييجوا يقبضوا عليهم متلبسين

كل سنة و انتم طيبين كلكم...

معلش يا مسيو ظهيرى بقى.. لغاية هنا و ستومب..

هو ايه الفعل الخادش للحياء اللى بيجرمه القانون الكندى؟

يعنى لو واحد باس واحدة و حضنها و عمل فيها البدع كلها اللى ممكن تشوفها كتير جدا فى الشارع او المواصلات.. هل ده شىء ممنوع؟

ممكن يكون فيه بعض الحظر على الدعارة اللى هى بفلوس..

انا هتكلم عن اللى شفته فى بلاد الفرنجة..

فيه هناك محلات خاصة بممارسة الدعارة.. و حتى فيه gay clubs و دعارة شواذ.. ممنوع مثلا ان البنت تطلع تقف برة باللبس اللى بتلبسه جوة المحل.. و شوية حاجات تانية كده..

لكن لو واحد بيبوس حبيبته و لا بيحضنها فى المترو او القطر.. محدش هيمنعه و محدش بيبص على حد اشاسا.

ده غير اصلا ان كان فيه حكم محكمة فى كندا من كام سنة كده.. ان من حق الواحدة انها تمشى من غير هدوم من فوق.. زى الراجل بالظبط اللى ممكن يمشى بالشورت بس و من غير ما يلبس فانلة.. و دى كانت قضية كبيرة فى كندا و رفعتها بنت مش فاكر اسمها.

طالما انك عايش فى الغرب.. فأكيد انك هتصطدم بانحرافاتهم.. شئت ام ابيت..

صحيح انك ممكن تسكن فى منطقة آمنة او بعيدة عن المناظر دى باكبر قدر من الامكان.. لكن برضه لازم هتشوف ده.

يعنى برضه من الحاجات اللى شفتها فى اوروبا.. الفلايرز بتاعت المحلات الجنسية و الكلابز سواء الدعارة او الشواذ.. بتتوزع عينى عينك.. و تلاقيهم واقفين كذا واحد ورا بعض.. كل واحد بيحاول يعمل دعاية للمكان..

مش عارف ده موجود فى كندا ولا لا..

[hosiny]

ممممم.............في كل مكان هتلاقي الاشكال دي...بما فيهم السعودية نفسها

انا شفت كام منظر غريب......اول مرة لما جيت للسعودية (الدمام).....و الغريب بعد صلاة الجمعة و بعد ما خلصنا الاقيلك اتنين فلبينيين قدام الجامع و شكلهم ولا مؤاخذه خالص يعني....و كل واحد فيهم رافع يافطة لفوق مكتوب عليها "مساج".....طبعا انا كنت لسه جاي من مصر و لم اظن بهم اي ظن سوء خالص لاننا طبعا في السعودية...لكن بعدين فهمت..........الاغرب بقى ان بعد صلاة الجمعة و قدام باب المسجد الاقي السعوديين بياخدوم عشان لا مؤاخذه المساج بردو....

تاني موقف برده بعع سنه كده بردو في الدمام غيرت الشركة و رحت شركة تانية و في اول يوم ليا جت عربية الشركة عشان تاخدني انا و اتنين موظفين تودينا الجست هوس بتاع الشركة لحد ما الاقي سكن.....المهم كان فيه واد فلبيني لمحته وانا داخل الشركة في الاول ....بس انا معرفتش انه واد "دكر يعني" الا بعدين....لاني اول ما شفته افتكرت الشركة وظفت ستات و استغربت قوي لان اول مره اشوف موظفات بالسعودية......المهم الواد ده ولا مؤاخذه...لان اعتقد ان كلمة واد دي ممكن تجرحه قوي.....حاطط قدامه على مكتبه تفاحة قزاز لونها احمر و لامؤاخذه مفلوقة نصيين.....طبعا انديكيشن قوي لحاجه اكيد بردو انا مقدرتش اعرفها.....و اول ما تدخل مكتبه تشم ريحة البارفان الحريمي و الكريمات زي اللي الستات بتستخدمها و ريحتها حريمي بحت....و مش عايز اقولكم انه مش عارف طبيعي ولا صناعى ان خدوده و شفايفه حمرا و منفوخة زي الستات و قصته نازله على عنيه و بشرته شكلها عامل زي الستات خالص و لما جيت بسأله على حاجه في الشغل و لأول مره باسمع صوته طلع بردو صوته لا مؤاخذه رقيييق و حنين.....المهم نرجع للقصة بقى انه ركب جنبي العربيه عشان توصلنا للجست هاوس...الاقي الباشا و هوا قديم في الشركة جايله تليفون و صوت اللي بيكلمه كان عالى و مسموع و كان باين انه عربي....و كان بيتفق معاه على معاد بس للاسف البيه كان جدول اعماله فول على الاخر لغاية اخر الاسبوع......انا طبعا جسمي قشعر لما سمعت الحوار و كنت عايز ارجع.......وبعده بيوم سألت السواق و كان فلبيني بردو بس راجل و كنت اتصاحبت عليه بقوله ايه حكاية صاحبنا ده....قالي عادي هوا gay و مبسوط كدة و لو دخلت اوضته هتلاقي فيها ما لذ و طاب من اكل و جوالات و تليفزيون 50 بوصة و جميع اشكال الرفاهية اللي ميقدرش علي تمنها موظف صغير ......و البيه كان بيتاخد في الكامب بتاع الشركة و يلبسوه لانجيري و لا مؤاخذه بردو حاجات تانيه و بيعملوا عليه حفلة الويك اند كل اسبوع ....وبعدين انتوا عارفين الباقي

تاني موقف زباله بقى اتعرضتله....بعد ما قدمت شويه في الشركة و كنت شغال في موقع بعيد عن المدينة ب 300 كيلو مع ارامكو بعتولنا محاسب جديد عشان قبض العمال و كنت اتعرفت عليه قبل كده في الشركة شاب فلبيني مؤدب جدا و خجول و شكله مثقف بنضارة بس للامانة مكنش عليه اي اعراض غير طبيعية.....يعني كان شكله راجل في المجمل بس ملوش دقن خالص.....المهم حوارنا الاول كان عادي و شوية هزار و خلاص على السريع.....و لما جه عندنا المشروع اضطر يبات عشان مكنش لحق يخلص شغله.....طبعا الطبيعي انه يروح ينام في الجيست هاوس....الاقي الباشا قدام الناس بيقولي ممكن اجي انام معاك في البيت .....اصل انا بحبك.....و بحب رجولتك.....طبعا انا عملت نفسي عبيط بس كنت في قمة الاحراج و اللي عرفته بعد كده انه كان من اياهم بس انا مكنتش اعرف لانه جديد.....والاقي صاحبك مطلع شنطة كريمات و بارفانات حريمي و بدأ يدهن قدامنا و انا كنت هاجيب اللي في بطنى

كل ده في السعودية .....يعني محدش يلوم او يزعل لما يشوف اكتر من كده في اي حته تانيه بس زي ما قلت قبل كده حتى لو تعايشت مع الاشكال دي في الشغل و التعاملات اليومية بس ده مش معناه انى قابلهم على الصعيد الشخصي و الديني

[cutey]

معلش يا تهامي ياخويا ( على رأي د هشام :) ) انا ليا بس تعليق صغنن .. هو ايه المشكلة اننا نربي ولادنا على انهم يقرفوا من العالم دي زينا عادي .. طالما هيعامله عادي بدون عنصرية في الدراسة او الشغل ... احساسه بالقرف منه يخصه لوحده طالما مش هيتعصب ضده

[dcfarouk]

على فكره... القانون الكندي بيجرم اي افعال خادشه للحياء في العلن و من حقك تتصل بالبوليس و تبلغ و ييجوا يقبضوا عليهم متلبسين

افصح أبن اوضح

[MZohairy]

انا درست جزء من القانون الكندي لما كنت باخد لايسنس السيكيوريتي اول ما جيت كندا زمان

يعني لو مثلا شفت اتنين بيمارسوا الجنس في عربيه في الشارع

او حد ماشي قالع هدومه

و ما شابه

ده ممنوع قانونا

مره كنت في جنينه على بحيره و واحد قاعد يصور في واحده و هي بتقلع هدومها

راحت واحده خوجايه عجوزه رايحالهم منفضه بكرامتهم الارض و طردتهم و هي بتهددهم تبلغ البوليس

كذلك لو لقيت اي محل من اللي بيبيعوا الامور الجنسيه عارض بضاعته على العلن في فاترينة المحل، تقدر تبلغ

وهكذا

على فكره... القانون الكندي بيجرم اي افعال خادشه للحياء في العلن و من حقك تتصل بالبوليس و تبلغ و ييجوا يقبضوا عليهم متلبسين

افصح أبن اوضح

[dcfarouk]

شكرا يا دكتور تهامي وشكرا يا بشمهندس زوهيري

وكل سنه ونتوا طيبين

وبجد مجهود جبار ومشاركات بتفيد كل الناس

جزاكم الله خيرا

[SoSo R]

مساء الخير و كل سنة و انتم طيبين بمناسبة العيد..ربنا يعيده على الكل بالخير و يحقق لكم كل ما تتمنوا...

كنت مترددة أكمل فى الموضوع إياه رغم أهميته لأن لقيت لسه برضه لكنة التريقة بس نفسى اتفتحت تانى لردود الناس المحترمين اللى دخلوا و اتشجعوا يحكوا...واللى واضح ان الموضوع كلنا شايفينه و حاسينه بس عاملين نفسنا مش واخدين بالنا!!

إنى وايز عشان ما اكسرش تسلل الموضوع نكمل عن الجنس التالت و بعدين ندخل فى البيريسنج و التاتو و خصوصا إن ديه منفده على علاقات الجنسين بعد كدة و ما تسألونيش ازاى؟!:closedeyes:

[Spanish Eyes]

سبانيش... مشاركة مالهاش حل بتاعة شرح استراتيجية تغيير الحارة المرورية ، أنا هلكت م الضحك لما لقيت إن لسه فيه نمرة 4

بس باقول لك إيه... إمسكي نفسك لما نوصل لجزء المرور... إنتي كده فعلاً هتاكلي مني الجو ، وما ينفعش مع المعلّمين الكبار نقطّع على بعض.

خليكي فاكرة إنك برضه مستجدّة على إدمونتون ، وإنك كنتي صبي من كام شهر.

تعملي معلّمة على mshehab ماشي ، لكن على المعلّم صاحب القهوة؟ إنسى يا عمرو :happy:

يا معلم تومي أنا ونت ماينفعش نقطع على بعد أبدن هيهيهي ممكن نرغي ماشي نشد ماشي بس بص أنا حستناكو تخلصوا حلقات مسلسل how to be gay for dummies :P عشان العيد فرحة و استنى لما الكلام ينضف شوية وأدخل أنا بقى

[ايهاب سالم]

أنا التوبيك ده تعب لي أعصابي خالص

أنا حاسس إني بأقرا عمارة يعقوبيان

حدش معاه لمونه عشان أقدر أكمل

[MZohairy]

منور يا بييييييييبووووووو

الذ حاجه بقى ان جيراني الاتنين يوميا بيروحوا الجيم و بيشيلوا حديد

[ايهاب سالم]

منور يا بييييييييبووووووو

الذ حاجه بقى ان جيراني الاتنين يوميا بيروحوا الجيم و بيشيلوا حديد

طب ما أنا و إنت بنروح الجيم و بنشيل حديد

بس رجاله

رجاله قوي

رجاله بجد مش فوتوشوب

لأ بجد أنا مكنتش أفتكر إن تهامي يدحدر بيه الحال و يتكلم في الحاجات دي

أنا مسدوم و كدهوت يعني

ولسه داخلين في بيرسينج و كلام فارغ

أدي أخرة العيشه في إيدمنتون

الواد كان فله شمعه منوره في تورونتو

العيبه متطلعش منه

ميعرفش تشيرش سترييت من يانج سترييت

رحمتك يا رب