كندا التي رأيتها :)

[Scorpion]

الفاضل moheltohamy

تزامن وقت كتابتنا في نفس الموضوع ... و في هذه الحالة .. و بعد ردك الوافي و "الجميل" ... لا يسعني الا إعادة مداخلة الفاضل سكراب المحذوفة مرة أخري مع تعديل بسيط عليها ليتناسب و ردك .. مع حذف كل ما لا يمت بصلة حول سؤ التفاهم هذا .. ليبقي هذا الموضوع بدون أي شوائب تؤثر علي مجراه ...

تحياتي و شكري لك

[abee]

تحية للجميع ...

عندي سؤال يا د.تهامي ليك و لكل الاطباء المصريين المهاجرين .... السؤال

الدبلوم اللي بعد البكالوريس اللي هو تخصص زي ما في الطب و طب الاسنان ... ده لي سكور اكتر من البكالوريس و لا بياخد نفس النقط بتاعت البكالوريس ( 20)

[moheltohamy]

رأيي - والله أعلم - 20!

همه كاتبين لك Three-year Diploma بخلاف الـ 15 سنة دراسة!

والدبلوم بتاعنا سنة واحدة دراسة... مش كده يا د. قناوي؟

تم تعديل 7 سبتمبر 2008 بواسطة moheltohamy

[حسام يوسف]

بجد يا دكتور تهامى

دة طلب عشانى انا

(بجانب الأفلام طبعا)

ممكن تكلمنا عن سلبيات كندا من وجهة نظرك الشخصية؟

[moab]

الأخوة الأفاضل

الأخ الكريم الدكتور تهامي

إسمحولي أوضح لكم موضوع الدبلومة لأني أنا كمان كنت محتار فيه لحد ما تأكدت منه من أكتر من محامي هجرة

المقصود بالدبلومة لمدة سنة واللي بيتاخد عليها 15 نقطة

والدبلومة سنتين واللي بيتاخد عليها 20 نقطة

والدبلومة ثلاث سنوات واللي بيتاخد عليها 22 نقطة

هي الدبلومات الفنية اللي بتمنحها المعاهد الفنية لمدة سنة أو سنتين أو ثلاثة بعد الثانوية العامة أو الثانوية التجارية أو الصناعية

زي المهاهد الفنية التجارية والصناعية ومعاهد الحاسب الآلي وما شابه

وقبل كده كنت طرحت سؤال في المنتدى ورجعت طرحته تاني على محامي هجرة

إزاي اللي معاه بكالوريوس أو ليسانس بياخد 20 نقطة واللي معاه معهد فني صناعي أو تجاري مثلاً بياخد برده 20 نقطة ؟

قالي إنهم بيبصوا على إن المعاهد دي بيكون فيها نوع من التدريب العملي والفني غير الكليات النظرية

أتمنى أكون أفدتكم بمعلومة بسيطة

[سكراب]

سكراب...

العربية في كندا مصاريفها غالية ، وفي نفس ذات الوأت يعني ... المواصلات العامة أكتر من ممتازة.

عندك تأمين عربية (بيبدأ بحوالي 300 دولار) ، وبيزيد مع ارتفاع نوع العربية.

والبنزين غالي هناك (اللتر بيلعب في 1.30 دولار).

والعربيات هناك غالباً أكبر من 1600 سي سي (بتاكل البنزين)

والصيانة هناك غالية ومكلفة ؛ الصنايعية هناك إيديهم - أورّيدي - ملفوفة في حرير!

والباركنج غالي جداً ؛ خصوصاً في الداون تاون.

والمشي أسرع ، خصوصاً برضه في الداون تاون.

والمواصلات العامة (أتوبيسات - صابواي - ستريت كار - كاب) زي الفل ، وقمة الاحترام والنضافة ، ومواعيدهم بيرفيكت ، وأسعار أرخص بكتير.

وفي الشتا ، وف عز التلج... يبقى أحسن لك تقضّي مشاويرك تحت الأرض ، تجيبلك نسكافيهاية من هنا ، كرواصوناية من هناك.

يبقى لو سكنك وشغلك في مناطق المواصلات العامة الآدمية الرخيصة النضيفة واصلة لها ؛ هتشغل بالك ليه بالعربية الخاصة؟ (وخصوصاً لو ما عندكش أبناء)

وممكن تجيبها ، بس ما تستخدمهاش غير في المشاوير اللي تستاهل بس ؛ لو هتشتري اللحوم والفراخ والخضار الأسبوعي ، أو حاجة كبيرة محتاجة نقلة (زي أحمد الديب ما بيعمل مثلاً)

نسيت اقول إن المشي رياضة ، وصحي!

يا ترى ده يفسر ليه الناس بتلاقيهم أكتر م العربيات؟

حقا,,؟!!!!

حسنا هذه الاسباب كافية لمعرفة سر الحكاية, والفضل للاخ العزيز التهامي,,

تحياتي لك

تم تعديل 7 سبتمبر 2008 بواسطة سكراب

[yassir]

يسعدني بجد نتقابل هناك يا ريس ، ونتجمّع كلنا (أنا وانتا ود. الشامي وإيهاب سالم وياسر ، واللي هيحصلونا فيما بعد زي د. قناوي وحسام والباقيين). حفلة باربيكيو محترمة تجمّعنا كلنا :ninja: لكن الناس الوحشين بتوع كيبيك (اللي ماصّين دم حكومتنا المُوقرة) مش هنعزمهم! لا هُمّه ولا الناس التانيين بتوع ألبيرتا (إبقى خلّي ألبيرتا تنفعك يا حسيني wst:: )

ربنا يوفقك ياتهامى و تقدر تعمل ده , بس بعد سنوات العيشه فى جليد كندا عاشت معى فيها أمنيات أن المصريين يمكنهم الثقه فى بعض بشكل أقل تعقيدا , و التواصل مع بعضهم البعض على أرض الواقع بدون أفتراض السوء مسبقا , و تناسى سنوات التعايش فى قبضه الآخريين ...أقدر أقول أنى على وشك أستعمال تعبير هانى رمزى فى مسرحيه وجهه نظر ............بلاش سعد زغلول ...مشيها هانى رمزى....علشان ميبقاش كلام فى السياسه ....تحياتى .

[moheltohamy]

بصوا بقى... أنا بصراحة مش ملاحق أخلّص لكم النظام الطبي في كندا... مشّوا نفسكو بالحتة دي ، على ما أبقى أخلص الباقي...

ولما أرجع بس هابقى أقعد كده وأروّق ، ونشوف إيه حكاية التوبيك بتاعنا ده!

ع الماشي كده... هاتكلم عن الجرايد اللي شفتها في كندا.

وعندك ف الشوارع بأه أكشاك الجرايد. مش زي الأكشاك اللي هنا (زي عم حسني بتاع الجرايد في ميت غمر ) ، ولاَّ الواد أحمد اللي كانت مامتُه هيه اللي بتبيع الجرايد والمجلاَّت أُدَّام النفق (وما زالت حتى لحظة كتابة هذه السطور ، وهوه معاها)، وكان معانا الواد في المدرسة في إعدادي ، وكنت باحقد عليه مووت ؛ كل يوم نلائيه جايب رُزمة مجلات ؛ إشي ميكي وسوبر ميكي وميكي جيب وماجد وسمير وسعد وتان تان والحاجات دي كلها ، وببلاش طبعاً! كل يوم يابو حميد ؛ لما اتعقدت ف عيشتي ، وكنت باتمنى بابا يكون بياع جرايد كان زماننا اتنغنغنا!

هنا بقى الجرايد موجودة في سناديئ ف الشارع ، غالباً عند كل ناصية أو محطة أتوبيس (تأريباً كل 200 – 300 متر) ، تحط انتا الدولار ف البوكس ، وتلف الدراع يتفتح لك البوكس ، تاخد لك نسخة ، وتئفله. طبعاً إنتا راجل محترم ومش نصاب ولا أونطجي عشان تاخد لك نسختين!

أمثلة للجرايد دي تورونتو ستار ، تورونتو صَن و جلوب آند ميل. والأخيرة دي هند جالها أوفَر شغل فيها ، ورحت معاها هناك ، الإنترفيو في مقر الشركة (بالقرب من يانج مع كِنج) ، وكان المفروض إنها هتمسك متابعة العملاء اللي عاملين اشتراكات ، وتشوف مدى رضاءهم عن الخدمة ! وكان المفروض إنها پارت تايم الشُغلانة دي. مش فاكر هيه ليه كبّرِت دماغها عنها بصراحة! يمكن الفلوس بتاعتها مش كويّسة ، أو توقيت الشغل ماكانش مناسب.

وفيه برضه جرايد من أبو بلاش ؛ منها مثلاً مترو ، ناو ، 24 (الجورنال إسمه كده 24)! ودي موجوده برضه في سناديئ زي التانية بالظبط ، بس من غير قفل ، تفتحها ، وتاخد منها اللي انتا عاوزه ، وتقفلها تاني. ومترو دي جريدة يومية – آه والله – وكنت دايماً آجيبها كل ما آجي أخرج أركب أي مواصلة توديني في أي حتة ، عشان بس أقضي الوأت ف المواصلات ، في حاجة واحدة ... السودوكو :closedeyes: إدمااان يا مُعلّم! بس بخلاف كده ، بيكون فيها مقالات لذيذة أوي بجد ، لدرجة إني وهند كنا مستغربين من اللي بيشتروا الجرايد أم فلوس لما أبو بلاش بالجمال والحلاوة دي!

والفروق بين الجرايد من أبو بلاش ، والجرايد من أبو دولارات : يمكن المحتوى ؛ الإعلانات كتير حبتين على أبو بلاش طبعاً. وجودة الطباعة ؛ أبو بلاش ، تلائي الحبر بتاعها بيطلع في إيدك (زي جرايدنا القومية مسلاً). وجودة التغليف والإخراج ؛ جودة ورق أبو دولارات ، والورق بتاعها متدبس مش سايب من بعضه (زي برضه حال الجرايد ف السعودية – ورقها Glossy – وملزوء بالصمغ) بعكس الحال في جرايدنا القومية برضه!

إيسكوت ، مش شفت من ضمن الإعلانات ف الجرايد من أبو بلاش دي إعلانات عن إيه؟ تخيل ... بيتشيز! يعني تكلم واحدة على نمرة كزا ، والدقيقة بكزا ، وهتهيّصك! وصور بأه وعيشة! وبرضه السادة الشواذ ، مالهومش نِفس يعني؟ وفيه برضه إعلانات توظيف ؛ يعني مثلاً واحدة شايفة في نفسها الموهبة ، تأدّم ورأها ف الحتة الفلانية ، واحنا نعملَّها اختبار!

وفيه مطبوعات مجانية أسبوعية للوظايف ، والعقارات ، والسيارات ، والتعليم ، والصحة ، ... إلخ. وكلّه ببلاش يا ريّس ، وف الشارع!

ومن ضمن اللي أريتُه مره في مترو (الجورنال) مقال بيئول CN Tower, the Highest… No More! ، وكان الكنديين بيتحسروا على البرج بتاعهم! فبعد ما كان أعلى Watch building ف العالم ، راحت عليه لما بلدية دبي أعلنت عن بناء "برج دبي" ، واللي هيعدي الـــ 800 متر ارتفاع! ودي الصورة اللي كانو ناشرينها ف المقال. وفيه شوية مواقع بتحكي عنه ع النت زي ده ، وده ، وده! وصفحة مخصوصة عن الأبراج الموجودة في دبي لوحدها!

وبالمرة في وسط الهيصة ، تلائي دُبي ناوية تعلّي عن برج دبي كمان! واشمعنى دبي؟ تقوم الكويت والبحرين يخشّوا وسط الهيصة!

وفيه مقارنة دمها خفيف عن أعلى مباني على مستوى العالم ع الويكيپيديا كان نفسي ألائي أي منظر لبرج الجزيرة بتاعنا ، وأحد علامات شموخ الإنسان المصري! لكن إتضحلي إننا فضلنا شامخين بالهرم بتاعنا من 2600 ق.م. حتى 1300 ق.م. ومن ساعتها يا ريس ... ضربنا غطس ، وما طلعناش... لغايت دلوقتي!

[حسام يوسف]

السؤال مرة تاالتة يا دكتور تهامى

اية السلبيات فى كندا؟

ولا مفيش؟

تحياتى

[لولا]

احم احم ..انا جيت يا دكتره هنا امبارح وسلمت ومحدش رد عليا..

اكمنى كنت عايزه اثبت حسن النية بعد التلغراف بتاعك واقولك

ان القلب ابيض خاااااااااااااااااااااااااااااااااالص.

كلام جد بقى عشان اللى فات دا كان هزار..

حقيقى يا دكتور النهارة كالعادة دخلت اتابع موضوعك الشيق ووجدت بوست من اروع البوستات

اللى بجد مكنش ينفع امشي من غير تعليق عليه لأن المادة نفسها اللى فى البوست مهمة

ولأن الروابط اللى حضرتك منزلها بجد بتعكس قدى ايه انت بتتعب فى الموضوع دوت عشان تفيد بيه الكل لأقصى درجة ممكنه.

انا بشكرك حقيقى على اللينكات دى ، كل مرة يا تهامى والله ببقى نفسي اشكرك على اللينكات و بعمل سيف للينكات اللى بتنزلها من حلاوتها واهميتها .

عجبنى قوى نظام بيع الجرايد عندهم تفتح البوكس تاخد الجرنال بتاعك وتمشي ، طبعا الحاجة دى لو عندنا احنا المسلمين كان البوكس اتنهب من اول دقيقة !! شوف بس التربيه والثقة المتبادله ..بجد حاجه حلوة اوى. واخلاق عاليه .. وانا لسه امبارح كنت بتكلم فى موضوع ماذا لو لم عن موضوع القرايه دوت وبقارن بين الشعوب العربيه والأجانب فى القرايه ، يعنى القرايه بتبقى حتى فى المترو والباصات عشان الواحد يستغل وقته ويستفيد ويطلع على اخبار العالم . وحكاية ان فى جرايد ببلاش دى حقيقى هايلة

يا ريتها بس كانت عندنا ، بس احنا حننهب كفايه الوسيط اللى كلها اعلانات !! فى ثقافة اكتر من كدا!!

ميرسى يا تهامى على البوست ومستغربة انو مفيش تفاعل معاه ..متهيألى الناس مستنيه بوست

بنات كندا عشان تتفاعل

[Ebn Sina]

والله انا مستمتع جدا يا دكتور تهامى ...ومعلش اعذرنى عشان بقالى فترة ما اضفتش مشاركات من فترة عشان شوية مشاكل فى ملف الهجرة بتاعى مع المحامى

ارجو المعذرة

وطبعا انا مش فى حاجة ان ابدى اعجابى بالحلقة الاخيرة من مشاركاتك....يا جرايدك يا كندا !

وانت كنت برضه باضم صوتى لصوت حسام وارجو ان تفرد مشاركة كاملة للحديث عن عيوب كندا من وجهة نظرك؟

بالمناسبة يا دكترة ....انا شغال فى السعودية برضه ...فى الاحساء تحديدا....يعنى قريب جدا من الخبر ...ونفسى اكلمك فى التليفون لو معندكش مانع ..كمان انا رايح الخبر ان شاء كمان اسبوعين عشان هاشترى شوية حاجات....هابقى سعيد جدا لو حضرتك هتبقى موجود فى الفترة دى فى الخبر عشان نفسى اقابلك....لان حاسس انى اعرفك من زمان

والى الامام دائما

[moheltohamy]

الأخوة الكرام

أحب أعرفكم أني سعدت بمكالمة الدكتور التهامي اليوم منذ قليل

و هو شخص أقل ما يوصف عنه أنه طيب القلب و اللسان يحب الخير و خدوم في الإجابة عن كافة الأسئلة التي راودتني عن كندا و الحياة هناك

و قد شجعني كثيرا على إتخاذ قرار الهجرة بعد نقاش طويل كنت مقتنع به أصلا و لكن كان لدي بعض النقاط التي تحدثنا فيها باستفاضة

تحياتي للجميع

ملاحظة

الدعوة مفتوحة لجميع أعضاء المنتدى في الخبر و ضواحيها

مش بس على فنجان قهوة و لكن على إفطار

mil:

عمايل زوجتي العزيزة

:D

سلام :waf:

:aslam:

يا باشا كان ليا الشرف ، وأتمنى التعرف بك بصفة شخصية.

وأحب اقول لك حاجة... الواحد لا شيئ بنفسه ، لكن بمعرفة الناس المحترمة ؛ بيكون لوجوده معنى!

شكراً لكلامك... وأخجلتم تواضعنا :blink:

[moheltohamy]

نورت الهاند اوفر يا دكتور تهامى ومتشكرين على التحيز لبنات بلدك الكنديين باعتبار انك كندى دلوقتى

معلش يا لولا تاكتلوا عليكى لانك وحدك ولا يهمك ده كلوا كلام انما ساعة الجد بنات وستات مصر يكسبوا

نجى للرد كل واحد عارف انه لو ترك الست اللى ريحتها ملوخيه وتوم كمان فى اى مكان فى الدنيا ووسط رجاله عارف ان يرجع يلاقى ريحتها زى ماهى اما الحلوه ام عيينين خضرا وشعر اصفر مش حيقدر يغمض عينيه ولو

تركها ممكن يرجع تقوله ايم سورررررررررررى ........................ ولاداعى للتعليق

سوال لدكتور تهامى بم انك ان شاء الله ناوى تاخد كورس بارا ميدك شهاده المواد اللى معانا ممكن تعفى من بعض الكورسات وتقلل وقت الدراسه ؟حاجه تانيه هل pr فى المصروفات بيعامل على انه كندى ام لا لان هناك فرق فى المصروفات كبير؟

رحالتنا العزيزة...

بصي يا ستي... بالنسبة لينا كأطباء ... أنا مش ناوي آخد الكورس ؛ أنا ناوي أChallenge the exam وننجز!

وكلّمت مسئولة التنسيق في College of Paramedics ، وقالتلي إني طالما ناوي أدخل ع الامتحان مباشرتن ؛ يبقى لازم أبعتلها شهاداتي وأوراقي اللي بتدعم موقفي ، أو بتثبت إن مستوايا أعلى من مستوى الكورس. وهمه هيكوّنوا لجنة لدراسة أوراقي وتقرر الموافقة ، أو إني لازم آخد الكورس.

والكورس بحوالي 800 دولار على ما أذكر ، وبياخدله تقريباً أسبوعين على ما أذكر برضه! يعني مش كارثة لو اضطريت آخده! ومش كل الكورسات بيسالوا أصلاً إنتي PR ولا جاية البلد زيارة ؛ زي كورسات الـ ACLS والـ ITLS اللي كعّيتهم هناك!

والمفروض إن PR زيها زي الجنسية الكندية. فروق بسيطة جداً هيه اللي ممكن تلاقيكي محرومة منها حتى الحصول على الجنسية ؛ زي مثلاً الانتخابات (الترشيح والانتخاب). وبعض المهن ؛ زي البوليس والجيش والزبالين (على رأي أحد الزملاء هنا :waf: ).

أما بخصوص الست اللي ريحتها ملوخية وتوم... ومسألة احتفاظها بريحتها وسط ميت راجل!

والحلوة أم عينين خضرا وشعر أصفر ... اللي هتقول له آم سوري!

مش هاقول لك غير إنك متأثرة شويتين بالسينما وأفلامها! :blink:

مش هاقدر أقول أكتر من كده عشان خاطر لولا :aslam:

[moheltohamy]

لوة الحركة دي يا علاء...الحركة دي بتاعة مقدمة الفوازير بتاعة التهامي يمكن يحن و يكتب حلقة ولا حاجة

بص يا حسيني...

إنتا بالذات عارف اللي فيها!

وبرضه بتلوموني انتا وعلاء ، وناس كتير شايفين إني باتأخر في الكتابة بمزاجي!

طيب أحب أوضّح شويّة!

أولاً ، انا ما زلت باكتب في الهاند أوفر!

ثانياً ، المفروض أنجز في الكتابة ، وأرد ع الناس اللي بتشارك معايا (وده أقل واجب الصراحة) ، وأرد ع الناس اللي بتبعتلي ع الخاص (والمعظم بيسألني على موضوعات شخصية) ، وفي نفس ذات الوقت باحب أشارك في مواضيع تانية في المنتدى ، وعاوز أعمل جرد للأدوية اللي في العيادة عشان أحضّر طلبية الأدوية اللي جاية (بديلي بايع القضية دي خالص!) ، والمفروض أذاكر 4 كتب عشان كورس جوهانسبيرج بعد أسبوعين ونص!

قللي انتا... كده أنا "مش باحن واكتب حلقة ولا حاجة"؟!!! :blink:

[moheltohamy]

إقسملك بالله انا مفتحت ولا موضوع لحد دلوقت فى المنتدى ده الا موضوع التهامى حتى عامله

save

وبفتح عليه على طول مابدخلش جوه المنتدى ولا اعرف فيه إيه وده عشان شوفت الموضوع جميل والناس بتهزر

وداخلين عشان يفكو عن نفسهم من قرف الدنيا اللى بره

ههههههههههه عموما انا أسف جدا انى اكون ديقت حد انا هفضل مشاهد من بعيد لبعيد لأنى عاشق لطريقة إلقاء الدكتور تهامى

وكل عام جميعا وإنتم بخير

أسعدتني يا سافو بكلامك :blink:

[moheltohamy]

ربنا يوفقك ياتهامى و تقدر تعمل ده , بس بعد سنوات العيشه فى جليد كندا عاشت معى فيها أمنيات أن المصريين يمكنهم الثقه فى بعض بشكل أقل تعقيدا , و التواصل مع بعضهم البعض على أرض الواقع بدون أفتراض السوء مسبقا , و تناسى سنوات التعايش فى قبضه الآخريين ...أقدر أقول أنى على وشك أستعمال تعبير هانى رمزى فى مسرحيه وجهه نظر ............بلاش سعد زغلول ...مشيها هانى رمزى....علشان ميبقاش كلام فى السياسه ....تحياتى .

والله يا ياسر... أتمنى ما اشوفش النماذج اللي انتا شفتها! ولا أتصدم على أرض الواقع بإن الناس اللي توسمت فيهم الخير ؛ يطلعوا ف الآخر ... بتوع مصلحتهم :aslam:

أنا عموماً اتعودت إني ما احتاجش حاجة من حد ، ولو طلبت ما باطلبش غير من أقرب الناس ليا! ويا رب ما نحتاج لأي حد في يوم م الأيام!

وما اعتقدش إن مجرد الود اللي بدون أي مصلحة ولا هدف من وراه غير العلاقات الطيبة ؛ ممكن يتفسّر غلط ، أو يُقابَل بحاجة وحشة! أنا مش طالب مقابل أصلاً لأي حاجة باعملها.

وأتمنى نكون اخوات في الغربة. مش طالب أكتر من كده! :blink:

[moheltohamy]

يا سلام يا دكتور تهامي

مسلسل شيّق جدًا

بس يعني لازم تعمل كل يوم حلقة

ورمضــــــــــــــــاااااااااان يجمعنا

يا سيد دراكولا (عم مصاص الدماء انت ... على رأي محمد زيدان :waf: )

أشكرك. والمفروض انتا كمان تكتب عن كندا... مانتا خلاص بقيت كندي انتساب بالصور بتاعتك :aslam:

أحييك عليها :blink:

[moheltohamy]

السؤال مرة تاالتة يا دكتور تهامى

اية السلبيات فى كندا؟

ولا مفيش؟

وانت كنت برضه باضم صوتى لصوت حسام وارجو ان تفرد مشاركة كاملة للحديث عن عيوب كندا من وجهة نظرك؟

وأنا والله جاوبت عليك من بدري يا حسام :blink:

وعلى فكرة ... ده أسلوب اللي بيتلكك!

عمال أقول لك كندا حلوة ، كندا جميلة ، باحلم باليوم اللي أرجعها! وانتا تقوللي جمّعلنا عيوبها!!!

وعموماً ؛ كندا مش الجنة! واللي أنا شايفه ميزة غيري ممكن يشوفه عيوب! وبرضه كل واحد بيتكلم من منطلق تجربته الشخصية! الناجح هيقول البلد حلوة ، والفاشل هيقول البلد جحيم!

والنقطة التانية ؛ إني ما اتعكّيتش فيها أوي! أنا كنت باقعد هناك تووريست. ولا اشتغلت ولا كنت بادور على شغل أصلاً! أنا بانقل الصورة في حدود تجربتي!

ممكن ياسر يفيد في نقطة العيوب دي أكتر مني!

بذمّتك يا ياسر الناس دي مش بتتلكك؟ وبتدوّر على ------- القرد وتشمّها؟! :aslam:

تم تعديل 9 سبتمبر 2008 بواسطة moheltohamy

[moheltohamy]

والله انا مستمتع جدا يا دكتور تهامى ...ومعلش اعذرنى عشان بقالى فترة ما اضفتش مشاركات من فترة عشان شوية مشاكل فى ملف الهجرة بتاعى مع المحامى

ارجو المعذرة

وطبعا انا مش فى حاجة ان ابدى اعجابى بالحلقة الاخيرة من مشاركاتك....يا جرايدك يا كندا !

بالمناسبة يا دكترة ....انا شغال فى السعودية برضه ...فى الاحساء تحديدا....

ولا يهمك يا عمنا... و ربنا يسهللك المكلكع يا ريس...

وقاعدلي في صعيد السعودية؟! :waf: الناس اللي بينزلوا في الفيرجن السعودي من النكت "مرة واحد حساوي... "

وعلى رأيك... يا جرايدك يا كندا :aslam: (وش إيهاب سالم :blink: )

[moheltohamy]

وفيه مقارنة دمها خفيف عن أعلى مباني على مستوى العالم ع الويكيپيديا :aslam: كان نفسي ألائي أي منظر لبرج الجزيرة بتاعنا ، وأحد علامات شموخ الإنسان المصري! لكن إتضحلي إننا فضلنا شامخين بالهرم بتاعنا من 2600 ق.م. حتى 1300 ق.م. ومن ساعتها يا ريس ... ضربنا غطس ، وما طلعناش... لغايت دلوقتي! :blink:

احنا مضربناش غطس يا معلم

احنا اللى غسطوا مقبوش

عندك حق والله ياباشمهندس ياسر بس بردو محدش ينكر ان مصر لسه محتفظه بحضارتها

وشكرا ليك يادكتور تهامي على الموضوع الحلو

والله شكله غلبان الحمار ده... تحسي إنه شايل الهم ، زيه زي المواطن المصري!

تعالي شوفي الحمير في كندا!

هاهاهاهاهاهاهاها