كندا التي رأيتها :)

[moheltohamy]

طبعاً ما ينفعش يا محمد عمر بيك...

الراجل كندي مخلص ، وجاي يمسّي ع الرجالة اللي ع الأهوة بالمشروب القومي الكندي!

فين الوطنية؟! حاسس إنك هتطلع عميل ألبيرتاوي ، أو مصيبة سودة لتطلع أحد الخونة الكيبيكاويين!

تعيش يا دكتورنا يا بريكانيديان ، ودايماً صاحب واجب

قاعد تلقح كلام علينا يا تهامي, الشكلة ان اخوك مزنوق و مجاليش جواب الانترفيو لحد دلوقتي مع ان الناس اللي مقدمة 5 2008 جالهم, كل الناس خلصت ما عدا ولاد البطة السودة او القلة المندسة و ده اللي مخليني صابر و مش عايز ارد عشان ربنا يكرمني

و حاجة تانية اخوك مزنوق في امتحان التمهيدي بتاع الدكتوراه اللي مش راضي يخلص لحد دلوقتي

بس حاجة علي الماشي

fier d'etre quebecois

يا انجلوفون يا محتلين كندا ,

vivre le Quebec

طبعا بتاكله في نفسكم مننا عشان احنا الحضارة و الاستيل كله و اللغة الراقية, و طبعا بتموته لما تيجوا عندنا و نتجاهلكم عشان مش مستوانا خالص, حتجيب ثقافة الكاوبوي للثقافة الفرنساوي اصل الحضارة و التقدم

أهلاااااان سي لطفي ، قصدي سي جادوللي :lol:

بقى انتا شايف إن احنا اللي محتلّين! همممممم... طيب إديني ودنك واسمع كده ، واحكم انتا. أحكموا انتوا يا جماعة ياللي من برّه...

حتت بت مفعوصة بتلعب مع اخواتها الـ 12 التانيين ف الشارع. وكل شوية تقول لهم أنا مش لاعبة معاكم ، وتروح لماما ؛ وانا عاوزة ألعب لوحدي يا ماما. وطبعاً ماما من حنّية قلبها ما يرضيهاش العيال يتفرّقوا ، وخصوصاً البنت المايصة المتدلّعة دي. معلش يا حبيبتي ، خدي الشوكولاتاية دي ، وروحي كمّلي لعب مع اخواتك ، عشان خاطر ماما. وطبعاً من منطلق اللي تغلب به العب به ، ولعبة بأه وبنكسب من وراها ، وكل شوية ماما تقعد تصالح ف المفعوصة الصغيرة ، وتراضيها إشي شوكولاتة إشي بومبوني إشي لبان بيطرقع! ولو حتى على حساب باقي اخواتها ، ولو حتى من عرقهم وتعبهم وتحويشة مصروفهم!

ليهم حق بقى باقي الاخوات يتنقطوا ولاّ لأ؟! واشمعنى البت المش مؤدبة دي هيه اللي عمّالة تتدلّع على ماما؟ هوه احنا مش ولادها ولاّ إيه؟

في حين إن لو ماما جمّدت قلبها شويّة وقالتلها خلاص انتي حرة ، روحي بأه العبي لوحدك ، وسابتها ومشيت ، هيه شوية وهترجع تاني زي الكلبة وأنا آسفة يا ماما ، ومش هاعمل كده تاني!

وحتى لو فضلت مأموصة وقاعدة على جمب لوحدها... همه 12 أخ وأخت مع بعض ، وهيفضلوا برضه من ضمن الـ 8 الكبار في الحارة ، ولا حد هيقدر يدوس لهم على طرف. هيه بأه هيبقى اسمها إيه؟ وقيمتها إيه وهيه لوحدها؟!

أما مسألة أصل الحضارة بأه والكلام الكبير ده... ما ترجع على مصر ، ودي بأه أصل الحضارة بجد. إيه رأيك؟!

ثانياً ، إنتو مش فرنسا. دايماً كده بتتمحكوا في فرنسا ، مش عارف ليه؟ عشان بتتكلموا فرنساوي؟ طب ماهي السنغال بتتكلم فرنساوي أحسن منكم! وتقوللي اللغة الراقية؟! يا رااااجل!

طب اسمع دي... صديقة كانت بتشتغل في شركة خدمة عملاء في مصر يملكها جماعة كيبيكواز ، وهيه أصلاً خريجة آداب فرنساوي ، ومن قبلها مدارس فرنسية. بتقوللي الجماعة بتوع الكيبيك دول بوّظوا اللغة! ما بيعرفوش فرنساوي أصلاً... ساعات بيألّفوا أي فعل انجليزي ويزوّدوله er ف الآخر ، وفاكرينه كده قلب فرنساوي! ونطقهم ومخارج ألفاظهم عك × عك! إزيّك بجااااه؟!!!

والاستايل كله؟ برضه بتتمحّكوا لسّه في فرنسا!

وبتتجاهلونا عشان احنا مش من مستواكم؟! هاهاهاهاها... يا راجل دا فرنسا اللي هيه فرنسا ، لما بيروح لهم حد من كندا ، وهوه في المطار ، بتشوف الاحترامات ولا كأنه الخواجة الأجنبي اللي جاي يشرّف البلد. ولما الكندي يرجع تاني ؛ يقعد يشتم لك في فرنسا البلد الزبالة! (كتير على فكرة رجعوا بالانطبع ده بالمناسبة... إزيّك بجااااه؟)

وخلاص شايفينّا كاوبوي؟ بقينا أمريكان في نظركم؟! تسدأ إن كده عيب أوي بجد!!! خونة! md2: (وش أحمد مظهر - الأيدي الناعمة)

آدي يا سادة نظرة البنت المارقة لاخواتها الكويّسين... واحكموا انتم wst::

بجد يا د.تهامى

أنا استمتعت جدا بالحلقة دى من الهاند اوفر بتاعك

ربنايكرمك على قد ما بتساعد الناس

فعلا التامين الصحى كان أهم النقط اللى فى دماغى وكنت عايز أعرفها

وانت كدة جبت اخر الموضوع

الف شكر

تحية كبيرة من أسوان

اه

معلهش نسيت حتة كنت عايز أقولهالك

الناس هنا فى مصر مش مقتنعة ان الدوا فى مصر من أرخص ما يمكن

همة معذورين

الدخل هوة اللى مسخرة

يعنى عارف السيبروباى اللى بعض الناس بتستغلاة

وهوة انتى بيوتك قوى من مجموعة الفلوروكينولون

السيبروباى 750 دة عاملاة شركة مصرية تخيل بكام؟

25 جنية؟

تخيل

تيجى نعملنا طلبية دوا محروق على كندا؟

يا راجل دا في مصر الناس عايشة ببلاش... بس همه لما بيقارنوا دايماً بيقارنوا بمصر زمان. لكن لو قارنوها بأي بلد تانية بره مصر... هتلاقي مصر أرخص بكتييير في معظم الحاجات. (بس انتا ابعد عن العربيات والأجهزة الكهربائية والإلكترونية ، وأي حاجة فخمة ومستوردة) :lol:

و اللهي يا جماعة انا لي صديق في تورونتو..منتظر من اربعة شهور علشان يعمل عملية من ابسط العمليات الجراحية..ممكن اي دكتور مبتدئ يعملها..و معاه كارت الأوهيب..و كنسلوا ليه ميعادين مع المتخصص بالتليفون برده...

ما قلتلك يطلع برّه تورونتو ؛ هيلاقي الزحمة خفّت!

ولو كده ؛ طالما العملية بسيطة ومش مستاهلة... يبقى العادي إنهم يأخروه ، ويستعجلوا في العمليات الخطيرة اللي مستعجلة ، أو اللي الانتظار فيها هيجيب مضاعفات. مش كده ولاّ إيه؟

وفي رأيك انتا... تحب إنه يرجع مصر يعملها؟! ولا كندا رغم كل ده ؛ بتعمل العملية وانتا مطّمّن ومش خايف من الكوارث اللي بنسمع عنها في مصر. رأيك انتا إيه؟

عموماً ، مبروك تاني ع الكشف الطبي يا ريس... وكفارة يابو كوكي وألبيرتا :blink:

ايه يا د/ التهامي الحلاوه دي انت أظن حكيت كل حاجه عن التأمين الصحي بالتفصيل

بس ماتجيبش سيرة التأمين في مصر الحبيبه وحيات أبوك لأني منغمسه في الموضوع

ده و بشوف كل حاجه بعيني... الفكره عندنا في مصر ان كله ماشي بالواسطه حتى المرض

و العلاج ,,, والي عاوز يسعف نفسه يدفع من جيبه بقه ده لو كان أصلا عنده جيب :blink:

وأنا من رأيي ان المريض ينتظر الدكتور أحسن ما يتفق معاه ولي يعملوه العمليه واحد تاني

خالص كان معدي أمام غرفة العمليات ( ربنا يستر علينا جميعا )

أسجل اعجابي ومتابعتي

والله يا دكتورتنا أنا اللي لو حكيتلك أنا و د. قناوي ع الفضايح اللي شفناها ، هيقولولنا بتسبوا الأمة والبلد والميدل إيست!

وربنا ما يحوجنا ولا يحوجك لأي دكتور! (تاني غير نفسنا طبعاً :lol: )

وأشكرك على متابعتك ، وإن كانت هتتأخر شوية ، معلش :sad:

بالنوسبة لموضوع الخشاف ده.....انا هاديلك النصيحة الذهبية اللي هتخلي الامريكان قبل المسلمين ياكلوا الخشاف بتاعك ده و يقولولك كمااااااااااان

هاتلك قطة صغيرة كده في البريمة و ياحبذا لو عنيها صفرة و شعرها اخضر....وخليها تمد ايديها بس في الخشاف....هتلاقي الامريكان صاموا عشان ياكلوا الخشاف من ايديها......سلك نفسك يا دكتور.....خش بس كلم مدير البريمة و خد منه بيرميشن و القطة عليا يا عم......ملكش دعوه انت......دووول ما هيصدقوا "وش بئر الحرمان"

يا باشا القطة دي لو جت هنا ، مش هاقول لك الخشاف يتسف! دا مشاكل البريمة بالكامل هتنتهي!

محدش هيشتكي من أيّاتوها حاجة ، ولا حد هينزل أجازة ، وكله هيشتغل أوفر تايم ومن غير ما يطالبوا بزيادة مرتب ، وممكن جداً يدفعوا فلوس عشان يشتغلوا أوفر تايم كمان wst::

تعرف يا حسيني...

المصريين دول من أسوأ الجنسيات اللي ممكن تتعامل معاها بجد في الشغل ،!

...

يا راجل يا طيب !!!

باينك ما اتعاملتش مع الفلسطينيين أو السودانيين

عموما بشكرك بشدة على الوقت اللي اقتطعته و خدمت بيه الناس و ربنا يجعله في ميزان حسناتك

ممكن نبذه بالمناسبة عن الـ GERD

لو كان وقتك يسمح لأنني بعاني منه عالآخر من سنتين

هوه أكيد انتا مش بتسألني عن معلومات رسمية عن الـ GERD ، صح؟

أنا كنت باتكلم عن المرحلة البسيطة خالص منه ، واللي بتحسها بعد أكلة تقيلة ، أو دسمة أو فيها مسبكات أو توم مثلاً ؛ خصوصاً قبل النوم. ودي كفاية عليّا أوي الـ موتيليام أقراص. وشكراً على كده.

ويا عم بسطامي... الراجل بيتكلم جينيرال! مالوش لزوم نقلبه جنسيّات! مانا لسّه قايل المصريين وحشين ، وما حدش اتحمق! ما تاخدش الموضوع على أعصابك!

وأياً كان الوضع السياسي للبلد ، مالوش علاقة بأسلوب التعامل بين الناس وبعضها!

تهامى ممكن طلب

عاوزك تحكيلنا على الحياة اليومية فى كندا.. يعنى الحياة ازاى والناس ازاى.. بتمشى فى الشارع بتاقبل جنسيات اية واية اغلب الجنسيات اللى بتقابلهم .. الجو فى ايام الثلج ممكن تلاقى ناس بتجرى ولا قاعدين يفطروا ولا كل واحد فى سيارتة .. بجد عاوزك تحكى علشان اعيش ولو لحظة واتخيل الحياة فى كندا ..

اة على فكرة انا محاسب بس كنت بجرب الحركات دى وقولت اجربها فيك الاول..

متتأخرش.. وطول فى الحلقة شوية احنا فى رمضان ..

إنتا يا علاء ناسي اللي ورايا :blink:

عموماً ، أخلص بس م اللي ورايا ، وبعدين عنيّا ليكم. إدعولي بس تعدّي على خير الكورسات دي!

[moheltohamy]

أعزائي ، وضيوفي في قعدتنا هنا ، وحكاوي القهاوي...

أعتذر لكم مقدماً عن التغيب الفترة القادمة ، بجد ورايا هم ما يتلم!

7 كتب هامتحنهم بعد يمكن 10 تيّام!

وانا فعلاً باهرّج!

عموماً ، أنا رايح جوهانسبيرج من يوم 28 سبتمبر ليوم 20 أكتوبر ، وهاكون هنا ع الكرسي ده تاني ؛ يوم 24 أكتوبر! معلش سامحوني ؛ بس بجد الفترة دي زحمة موووووت.

وادعولي أنجز فيهم ، والكورس يعدّي على خير ، وإلاّ فضيحتي هتبقى بجلاجل! wst::

وأشوفكم على خير... وكل سنة وانتم طيبين :lol:

[qenawy]

تروح وترجع بالسلامة

حضر مطواة معاك وقاموس شتايم عشان دي جوهانسبرج يا معلم يعني زي عرب المحمدي لما كنت بدخلها وانا عمال اشتم في الفارغة والمليانة تهويش يعني

[bentbatota]

يا خسارة

الموضوع دة كان فى الصفحة الاولى ودكتور تهامى كان دائما منورنا بوجودة فية ...دلوقتى لاقيتة فى الصفحة الرابعة ومفيش حد بيكتب فية حاجة ..

زعلت بجد اوى وخوفت كمان جداا من الزمن اللى بيبعد الناس كدة وننسى بعض ..

عمر الناس المحترمه والكويسه زى دكتور تهامى ودكتور الشامى والباشمهندس ياسر وغيرهم فى المنتدى ما يتنسوا ابدااااااااااا

لانك صعب تلاقى زيهم تانى ناس بتخدم لله وربنا يجعلوا فى ميزان حسناتهم

بس دوك تهامى محيرين ندعيله ان ينجح ويرجعلنا منصور ولا ندعيله يروح فرنسا

كل سنه وانتم طيبين وكلنا ان شاء الله نهاجر ونشوف بعض هناك فى كندا ونتجمع فى العيد آمييييييييييييييييييييييييييييين

[moheltohamy]

تحياتي من جوهانسبيرج :rolleyes:

شكلنا هنكتب هاند اوفر من جوهانسبيرج كمان bv:-

ربنا يستر الموضوع طلع بجد والامتحانات هتبدا من بكرة

دعواتكم بجد محتاج دعواتكم

اعتقد البريك خلصت ونطلع نكمل المطحنة فوق :sofa:

والفيرشوال كيبورد دي طلعت عيني :wub:

سلام دلوقتي ومنتظر دعواتكم بجد bv:-

[moheltohamy]

وعَدينا يا شوق عادّييييييينا ، على بر الهوا راسّيييييينا

وعدينا الامتحانات على خير ، وأنجزنا ، ورفعنا رأس كندا عاليةً خفاقة ، ولا برج الـ CN Tower

ورجعنا لبريمتنا الغالية ، ولقعدة المزاج ، ومنتدانا اللي واحشني موووووت.

واحب اقول لكم إن الدعوات اشتغلت ، وعملت أحلى شغل

ودعوة طائشة جاتني من مصدر لم يكن في الحسبان ، أكيد عملت شغل جامد برضه :D

أكرر شكري لكل الأحباء اللي سعدت بتشريفهم لموضوعي في غيابي ، واللي حسيت إن ليَّا مشاعر ود لوجه الله فقط. ويا رب ما اخسرها في يوم من الأيام

وهنبدأ تاني نحضّر لباقي الكلام عن كندا تاني. ويمكن كمان ننزل بهاند أوفر من جنوب أفريقيا (دي حكاية لوحدها) ;)

بس طبعاً أفسح المجال في الوقت الحالي لعمنا د. الشامي ، ونعود بحلقاتنا بعد انتهاء السيزون الجديد من مسلسل الشامي (ما احنا مش هنقطّع على بعض لمؤاخذة واحنا ولاد كار واحد )

مساء الفل يا د. الشامي

تم تعديل 25 أكتوبر 2008 بواسطة moheltohamy

[alaashabana]

moheltohamy مشاركة بتاريخ اليوم, 04:42 PM

وعَدينا يا شوق عادّييييييينا ، على بر الهوا راسّيييييينا laugh.gif

وعدينا الامتحانات على خير ، وأنجزنا ، ورفعنا رأس كندا عاليةً خفاقة ، ولا برج الـ CN Tower laugh.gif

ورجعنا لبريمتنا الغالية ، ولقعدة المزاج ، ومنتدانا اللي واحشني موووووت.

واحب اقول لكم إن الدعوات اشتغلت ، وعملت أحلى شغل bravo.gif

ودعوة طائشة جاتني من مصدر لم يكن في الحسبان ، أكيد عملت شغل جامد برضه biggrin.gif

أكرر شكري لكل الأحباء اللي سعدت بتشريفهم لموضوعي في غيابي ، واللي حسيت إن ليَّا مشاعر ود لوجه الله فقط. ويا رب ما اخسرها في يوم من الأيام blush2.gif

وهنبدأ تاني نحضّر لباقي الكلام عن كندا تاني. ويمكن كمان ننزل بهاند أوفر من جنوب أفريقيا (دي حكاية لوحدها) wink.gif

بس طبعاً أفسح المجال في الوقت الحالي لعمنا د. الشامي ، ونعود بحلقاتنا بعد انتهاء السيزون الجديد من مسلسل الشامي (ما احنا مش هنقطّع على بعض لمؤاخذة واحنا ولاد كار واحد laugh.gif )

مساء الفل يا د. الشامي roseopen.gif

الله اكبر .. الله اكبر

مبرررررررررررروك يا دكتور مبروك

ايوة كدة المنتدىة يحلو بالاستاذة الكبار

والله فعلا دة اجمل منتدى شوفتة فى حياتى

وعجبتنى اوى روح التعاون اللى بيننا ..وروح المنافسة الجميلة ..الواحد بقى مدمن طريقتكم فى التعبير والكلام ..

الف مليون حمد الله على السلامة يا دكتور ..ويارب ترجعلنا بحلقاتك الجميلة انت ودكتور الشامى اللى منورنا اثناء غيابك

بس انا عندى فكرة.. لية انت مش تكتب فى نفس الوقت اللى دكتور الشامى بيكتب فية.. ماهو كل واحد لية ميعاد بيتعرض فيها حلقاته ...

وهو يبقى مضيعناش وقت ..

ربنا يبارك فيكم وترفعوا راسنا دائما ونبقى فخورين بكم على طول

[precanadian]

وعَدينا يا شوق عادّييييييينا ، على بر الهوا راسّيييييينا :lol:

قدها وتستحقها يا دكتور

تم تعديل 25 أكتوبر 2008 بواسطة precanadian

[moheltohamy]

قدها وتستحقها يا دكتور

كتر ألف خيرك يا باشا.

ويا رب أنجح في الأهم بأه. والله يا دكترة أنا عملت قرد عشان أعرف أظبّط موضوع الحج ، والحمد لله كله ماشي كويّس ، ما عدا قصة التطعيم بتاع المينينجايتيس ده اللي ما عرفتش أعمله :lol:

ربنا يسترها بأه ، وما تتكلكعش الدنيا على دماغي بعد كل الأفلام اللي عملتها mfb:

ويكون ليّا نصيب واقابلك في الحرم إن شاء الله. دعواتك

[moheltohamy]

تروح وترجع بالسلامة

حضر مطواة معاك وقاموس شتايم عشان دي جوهانسبرج يا معلم يعني زي عرب المحمدي لما كنت بدخلها وانا عمال اشتم في الفارغة والمليانة تهويش يعني

ربنا يوفقه في الامتحانات

تسلم يا د. قناوي يا سُكّرة :lol:

ومبروك يا ريس تثبيت موضوعك. بقيت مستشار الهجرة لكندا ف المنتدى ، وانتا أصلاً ما لكش فايل ف السفارة

تعرف يا عمنا... نفسي كل البهوات اللي أول مشاركة ليهم ف المنتدى توبيك جديد بعنوان "يا ريت تساعدوني وتقولولي إزاي أهاجر كندا خطوة خطوة" ، يا ريت الناس دول يبصوا لمعاليك ؛ كنت جاي لنا كتكوت ولسه مش عارف تعمل إيه "طبيب ناجح بالصعيد أفكر في الهجرة" ، ودلوقتي بقيت زعيمنا كلنا. سبحان العاطي الوهاب :lol:

باهرج معاك طبعاً ... إنتا عارف طبعاً محبتك عندي قد إيه mfb:

اللي قصدي أقوله... إنك بقيت خبير في تفاصيل الهجرة بعد تواجدك وقراءتك للمنتدى بتاعنا (وغيره) بيمكن 3 شهور مثلاً. نفسي الأعضاء الجداد معانا هنا ياخدوا منك مثال وقدوة ؛ بدلاً من تسببهم في حذف مواضيع كندا بالكامل من البانر بتاع المنتدى!

وبالنسبة لجوهانسبيرج يا ريس ، فدي حدوتة كبييييرة ، وبافكر والله أكتب هاند أوفر عنها هيه كمان. إشمعنا دي اللي مش هاكتب لأحمد مراد هاند أوفر منها هيه كمان؟!

عموماً ... هابدأ أمخمخ في الموضوعين... وربنا يسهل.

[لولا]

العزيز الدكتور تهامى..

دون مبالغة حقا هناك روح ما كانت غائبة عن المنتدى بغيابك.

حمد الله على سلامتك ومنور التوبيك بتاعك يا عمده.. :lol: (صاحب قهوة دى مبقتش تليق بيك) mfb:

مستنين نشوف بقى ونسمع اخبار رحلتك وبالصور لو امكن .. احنا طماعين وانتا عودتنا على كده

الف حمدالله على سلامتك تانى يا تهامى.

لولا

[moheltohamy]

حبايبي واعزائي واخواتي الكرام والله وحشتوني مووت.

انا بكلمكم من قطر وصلت والامور استقرت الحمد لله.

اعتزر مرة اخيرة على التاخير في مشاركاتي معاكم. بس والله كان غصب عني.

كما احب ان اشكر حبيبي حسام والتهامي باشا على سؤالهم عني واقولهم ربنا يكرمكو وتبقوا على طول بصحة وسعادة.

بالسبة لاخويا الحبيب والغالي ياسر الف الف الف شكر على اهتمامك. والله لو اعرف انك هتتكلم كنت شغلت التليفون. بس للاسف وانا في مصر ببقى قافل تليفون قطر وبشغل تليفون مصر عشان كدة انت لقيتة مقفول وانت معكش تليفون مصر هبقى اديهولك.

اخيرا احب اوجة الشكر الخاص لدكتورنا التهامي ربنا يكرمة ويسهلة مذاكرتة وينجحة في امتحاناتة على حكاوي القاهاوي المهمة بتاعتة وحلقة التامين الطبي في كندا الجميلة اللي عمالهالنا واسجل اعجاب ومتابعة وانتظار حار لحلقاتك الجاية.

وفي النهاية ياريت دكتور الشامي زعيمنا يحكيلنا على ايامة في كندا اليومين دول خصوصا انة هناك على حسب كلام التهامي وممكن يطمنا علية ويحكيلنا شوية عن الحياة هناك.

وسلام

تسلم يابو السوامح...

ونوّرت قطر والخليج كله. وآدي أمنيتك اتحققت ورجعلك د. الشامي ورجعت مسلسلاته

ويسعدني إن حلقة التأمين الطبي عجبتك ، وعقبال الحلقات القادمة يا رب.

طمني عليك ، وصلت لفين مع السفارة؟!

[moheltohamy]

العزيز الدكتور تهامى..

دون مبالغة حقا هناك روح ما كانت غائبة عن المنتدى بغيابك.

حمد الله على سلامتك ومنور التوبيك بتاعك يا عمده.. mfb: (صاحب قهوة دى مبقتش تليق بيك) wst::

مستنين نشوف بقى ونسمع اخبار رحلتك وبالصور لو امكن .. احنا طماعين وانتا عودتنا على كده

الف حمدالله على سلامتك تانى يا تهامى.

لولا

يااااااااااااااه... والله يا لولا دانتي اللي منوّرة التوبيك بتاعي دوت :lol:

وأحلامك أوامر يا افندم ...

يبدأ العد التنازلي على:

مغامرات أبو سعد في أدغال أفريقيا وبلاد مانديللا :lol:

[moheltohamy]

حمد الله علي السلامة يا سامح .....نورت المنتدي من تاني....عايزينك معانا كده علي طول ولو ان صاحب القهوة "التهامي هورتونز" هيرجع للبيات الصيفي بتاعه تاني و هيحرمنا منه......بس كله عشان خاطر البريمة و لو اني مش عايز ادعيله ينجح لحسن يتحرم من مرواح فرنسا.......بس يالله ربنا يوفقه للي فيه الخير....تحياتي

مدير قهوة "التهامي هورتنز" بالانابة.......حسب الاحوال.....الله الوطن

فينك يا حسيني وفين أيامك...

ويا ترى قهوة التهامي هورتونز عاملة إيه وانا غايب؟ wst::

بلغني إن أختنا Queen كانت بتوصّي بالمشروب اللي إسمه فرينش فانيللا. :lol:

وانا عمّال أعزم في كل واحد أشوفه واقول كابوتشينو بالفرينش فانيللا يا جدعان! :lol:

وراحت فرنسا يا عم حسيني. mfb:

بس سيبك انتا... دا جنوب أفريقيا دي طلعت بأوروبا كلها ، بلا فرنسا بلا هجص

[moheltohamy]

بالتوفيق ان شاء الله يا دكتور تهامي .... و تروح و ترجع بالسلامة من جوهانسبرج

بالمناسبة حلقة التامين الطبي قمة في الروعة

و الله العظيم ليك وحشة يا دكتور

ربنا يوفقك و يكرمك بالنجاح منتظرين الهاند اوفر من كل مكان تروحه

و عقبال ما ترجع بالسلامة

اخوك مديح

ربنا يوفقه في الامتحانات

يا رب امين

عشان هو راجل يستاهل كل خير

تسلم يا مديح... وشكراً على دعوتك. وإن شاء الله الحلقات اللي جاية تعجبك برضه.

وعموماً هابدأ في الهاند أوفر عن جنوب أفريقيا ، ويا رب يعجبكو ، زي ما انا أعجبت بيها وبالناس اللي هناك

تم تعديل 25 أكتوبر 2008 بواسطة moheltohamy

[moheltohamy]

ربنا يوفقك يا د/تهامي و ترجع بالسلامه غانم فائز ان شاء الله

ألف شكر ليكي يا بنت مصر ، وحصل يا افندم ورجعنا بالسلامة ، وبحاجات تانية كتيير

[moheltohamy]

mfb:

أعزائي ، وضيوفي في قعدتنا هنا ، وحكاوي القهاوي...

أعتذر لكم مقدماً عن التغيب الفترة القادمة ، بجد ورايا هم ما يتلم!

7 كتب هامتحنهم بعد يمكن 10 تيّام!

وانا فعلاً باهرّج!

عموماً ، أنا رايح جوهانسبيرج من يوم 28 سبتمبر ليوم 20 أكتوبر ، وهاكون هنا ع الكرسي ده تاني ؛ يوم 24 أكتوبر! معلش سامحوني ؛ بس بجد الفترة دي زحمة موووووت.

وادعولي أنجز فيهم ، والكورس يعدّي على خير ، وإلاّ فضيحتي هتبقى بجلاجل!

وأشوفكم على خير... وكل سنة وانتم طيبين :wub:

كلنا ثقة فيك يادكتور تهامى

موفق باذن الله

وترجعلنا بالشهادة الكبيرة جوى :lol:

ربنامعاك يا دكتور تهامى

وترجعلنابالشهادة الكبيرة جوى جوى يا بوى

حلوة يا د.شامى

ناقص تقولة هتغلب 2-صفر

وحشتنا وحشتنا وحشتنا يا عم تهامى

ربنايوفقك

ويكرمك ان شاءالله

مستنيينك بفارغ الصبر

ورجعنا بالــ 3 شهادات الكبيرة جوي جوي يا حسام. وربنا يستر ع الرابعة بأه!

بس سيبك انتا... كفاية إننا رجعنا لمنتدانا ولقعدتنا اللي قطمت ضهرنا الهيتش اللي فات wst::

وليكو وحشة كلكم يا حسام بجد :lol:

[moheltohamy]

حضرتك معانا في كل و قت ..تروح و ترجع بالسلامة..بدعيلك ان ربنا ييسرك الأمور و تنجح و تاخد الشهادة الكبيرة.

ياجماعة ادعوا للدكتور تهامي في هذه الايام المفترجة ان ربنا يوفقه و يرجع لنا بالسلامة بالشهادة .

تسلم يا باشا ، ولو تعرف والله أنا دعوتينك دول - وخصوصاً وانتا بتطلب من الناس يدعولي - والله أثّروا فيا جداً جداً وانا في جوهانسبيرج.

بجد أنا سعيد بوجودي في المنتدى ده ، والناس اللي عرفتهم عن طريقه. وباعتبر نفسي من المحظوظين بمعرفتهم

وتعرف صحيح... كنت عمّال باقول : هوه مين الجدع ده اللي عمّال بيفتي وبينصح في الناس ولا كأنه راح تورونتو؟! وهوه أصلاً لسه السفارة باعتاله الموافقة من يومين!

لغايت ما حسيني عرّفني إنتا مين wst:: (مانتا كل يومين بإسم mfb: )

يا رب تكون بخير انتا والأسرة الصغيرة :lol:

تحياتي :lol:

تم تعديل 25 أكتوبر 2008 بواسطة moheltohamy

[moheltohamy]

عمر الناس المحترمه والكويسه زى دكتور تهامى ودكتور الشامى والباشمهندس ياسر وغيرهم فى المنتدى ما يتنسوا ابدااااااااااا

لانك صعب تلاقى زيهم تانى ناس بتخدم لله وربنا يجعلوا فى ميزان حسناتهم

بس دوك تهامى محيرين ندعيله ان ينجح ويرجعلنا منصور ولا ندعيله يروح فرنسا

كل سنه وانتم طيبين وكلنا ان شاء الله نهاجر ونشوف بعض هناك فى كندا ونتجمع فى العيد آمييييييييييييييييييييييييييييين

كل سنه وانت طيب يا دكتور تهامى

واحنا بندعيلك يا بطل بالتوفيق وترفع راس كندا فى جوهانسبرج بحكم انك كندين بى ر

ربنا يكرمك يا دكتورة ، وكل سنة وانتي طيبة وبخير وسلام

وبجد نفسي نتلاقى في كندا ، ونكون اخوات نقف جمب بعض.

ودعواتك وصلت واشتغلت ، وراحت فرنسا علينا

بس زي ما قلت لحسيني... فرنسِت مين؟ جنوب أفريقيا برقبتها :lol:

وراس كندا اترفعت يا دكتورة (لا تقلقي) ، وعملت بالبي آر ده أحلى شغل هناك mfb:

[moheltohamy]

ربنا يعينك يادوكتور وكلنا بندعيلك ان ربنا يوفقك وترجع بالسلامه وانت قدها وقدود

شكراً يا قمرين...

وبسم الله ما شاء الله انتي بقيتي عضوة نشطة في المنتدى.

وعلى فكرة ، ده شيئ يسعدني لما ألاقي الناس اللي معانا في مواضيع كندا بيخرجوا بره القمقم ده ، ويتواجدوا براه شوية يستكشفوا الدنيا.

وأشكرك على دعواتك :lol: