كندا التي رأيتها :)

[moheltohamy]

YOu forgot to say incha ALLAH, I say it incha ALLAH you will have the success in this exam, wi da3awatak 3ashan ana kaman incha ALLAH 3aiz adkhol 3ala el2mta7an beta3i, bas tol ma7na fi elmontada, Rabna yostor 3alina begad

والله يابو جادوليو اللي اقدر اقولهولك إن طول مانتا قاعد ع المنتدى مش هتعمل أي حاجة!

لازم تاخد لك أجازة. آه والله.

وبعد ما تخلّص امتحاناتك ؛ ممكن ترجع تعيش زي مانتا عاوز ع المنتدى وبالك رايق.

وربنا يوفقك يا رب في امتحاناتك ، وترجع تنورنا تاني ومزاجك عنب ، وتكون أنجزت في مشوار الهجرة ؛ بس تسيبك من الكيبيكواز الخونة وتيجي تنوّرنا في تورونتو

[moheltohamy]

ان شاء الله موفق

متخفش المصرى حيفضل مصرى (بس بلاش الله يخليك فبركه فى الامتحان لحسن mfb: ) :lol:

والله يا أستاذ شريف إتش إف إم ... الكلمة دي واقعية جداً جداً

المصري دايماً بتاع فهلوة وبُرَم في كل حاجة. وما تخافش ؛ الفبركة اشتغلت زي الفل :lol:

[moheltohamy]

بالتوفيق يا أبو الكباتن....قدها و قدود....مصر دايما كعبها عالى على جنوب أفريقيا

عمنا...

والله يا ريس ، الكعب فعلاً كان عالي ، واشتغل mfb:

والحمد لله الكورس عدّى زي الفل. وعقبال باقي الامتحانات اللي في كندا ما تمشي بنفس النظام... ليا وليك يا رب.

دعواتي بالتوفيق وبوافر الصحة لك وللأسرة الكريمة ، و تمنياتي أن أراك على خير في كندا عن قريب :lol:

[moheltohamy]

ربنا يوفقك يا استاذ/تهامي.

ربنا يخليك يا أستاذ حمدي

ولو إنك من الناس التانيين :lol:

بس أنا بكل روح رياضية ، وأخلاقيات الكندي الأصيل بامد يد الأخوّة الفيدرالية وباشكرك على دعوتك.

صباح الفل يا ريس

[moheltohamy]

الله اكبر .. الله اكبر

مبرررررررررررروك يا دكتور مبروك

ايوة كدة المنتدىة يحلو بالاستاذة الكبار

والله فعلا دة اجمل منتدى شوفتة فى حياتى

وعجبتنى اوى روح التعاون اللى بيننا ..وروح المنافسة الجميلة ..الواحد بقى مدمن طريقتكم فى التعبير والكلام ..

الف مليون حمد الله على السلامة يا دكتور ..ويارب ترجعلنا بحلقاتك الجميلة انت ودكتور الشامى اللى منورنا اثناء غيابك

بس انا عندى فكرة.. لية انت مش تكتب فى نفس الوقت اللى دكتور الشامى بيكتب فية.. ماهو كل واحد لية ميعاد بيتعرض فيها حلقاته ...

وهو يبقى مضيعناش وقت ..

ربنا يبارك فيكم وترفعوا راسنا دائما ونبقى فخورين بكم على طول

الله يبارك فيك يا علاء ؛ ليك وحشة والله.

والمنتدى فعلاً من أجمل التجمعات اللي شفتها ؛ بناسه طبعاً.

وإن كان بعضهم بيكرّه الواحد فيه ، وباحس إن الجو اللي اتعودت عليه في المنتدى بيبوظ!

لكن عموماً ، أنا باسعَد لما باكون هنا بصراحة ، عارف بيتك التاني اللي بترتاح فيه؟

المهم ، أنا هابدأ أركز في الهاند أوفرين الفترة اللي جاية. وأستغل الفترة اللي بيتعرض فيها مسلسل عودة د. الشامي من بلاد الجليد ، وابدأ أمخمخ ، عشان محدش يقوللي إني باتقل عليكم.

[moheltohamy]

ألف حمد الله على السلامة يا دكتور

وألف مبروك النجاح

ربنا يوفقك ويكرمك إن شاء الله

الله يسلمك يا moab

ويبارك فيك... ولو إني ما تشرفتش بمعرفتك قبلاً ، بس أشكرك على سلامك.

تحياتي لك

[moheltohamy]

السلام عليكم،

اهلا و مرحبا بك يا دكتور تهامي و حمد الله على السلامة.

فرينش فانيلا ايه بقي، انا اعتزلت الكتابة في المنتدى نهائيا بسبب موضوع حضرتك الجبار و كمية التفاصيل الرائعة اللي فيه، و قال انا اللي فاكرة انني باعمل سبق صحفي بموضوع الفرينش فانيلا mfb:

ربنا يوفقك حضرتك ، و اعود انا بقى للبيات الشتوي.

الله يسلمك يا كوين...

بس أوعي تقولي كده ، إنك اعتزلتي الكتابة... دا إنتي عملتي توبيك لذيذ بجد والله. وانا عن نفسي من المعجبين بيه ؛ وإن لم أشارك بالرد فيه ؛ فده يمكن عشان كنت مشغول شوية في جنوب أفريقيا. لكن تجربتك حلوة بجد والله :lol:

وعلى فكرة ؛ أنا شايفها تجربة غنية جداً بالمناسبة. مش شرط أبداً إنك تشوفي الجانب الحلو عشان تكون تجربتك ناجحة. خالص!

زي البيه اللي راح هناك ، وشاف المر وطلعت عينه ، وكنت أنتظر منه يكتب لنا هاند أوفر عن البلاوي اللي شافها هناك. لكن مش باينله!

بس حد برضه يسكن في الداون تاون؟ مش كنتي تستفيدي بالكلام اللي عمالين نقوله هنا؟! وعمّال اقول شيربورن وتشيرش وجارفيس! وتيجي تروحيلهم برجليكي؟! محدّش بيسمع الكلام أبداً!!!

عموماً ، أنا أرجو منك معاودة الكتابة في موضوعك عن كندا ، ونفنكري معانا التفاصيل ، لأنها هتهم الناس اللي هيروحوا هناك بالتأكيد. يا ترى هترضي؟

ومعروف إن اللستّات رغّايين بطبعهم. أمال فيه إيه بأه؟!

منتظر أشوف أي رد فعل منك :lol:

[medopharm]

حمدالله ع السلاااااااااااااامه يادكتورنا

ومبرووك ع التلات شهادات

وعقبال الرابعه ان شاء الله

ومنتظرين الهانداوفر

[Einstein]

الف مبروك يا دكتورنا علي الشهادة ، والبراءة من المذاكرة ووجع الدماغ :blink: :blink:

ربنا يتوب علينا و اعرف الاقي وقت اذاكر فيه كلمتين قبل الامتحان :lol: او حتي استقر في شغل هنا العملية مش ناقصة بهدلة البحث عن شغل في الشتا ، والجو بدأ يتلج ( من يومين خرجت اجيب عيش لبناني من سوبر ماركت جنبي ، يادوب ميتين تلتميت متر محطتين اتوبيس ، والله رجعت للبيت تلت مرات علشان البس هدمو زيادة ، كانت درجة الحرارة 2 مؤية و درجة الاحساس بيها -7 و فيه رياح باردة قوية و مطر خفيف ، تالت مرة رجعت للبيت كانت علشان البس الجوانتي بس تخيل ، مع اني قلت لنفسي في تاني مرة مش مهم احط ايد في جيبي و التانية امسك بيها الشمسية و ابدل ، بس الجو تلللللللللج )

تخيل البحث عن شغل و عمل مقابلات واخد مني لحد دلوقتي 3 اسابيع هنا و لسه ما استقرتش علي حاجة مريحة ، هوه الشغل كتير اوك بس اغلبه عن طريق مكاتب عمل ، اجنسيز ، ربنا ما يوقعك فيهم .

الهاند اوفر بتاعك كان هو الانالجسك بتاعي لما كنت في مونريال ، كنت ادخل كل يومين تلاتة ( سرقة طبعا ) افرفش شوية علشان انسي شوية من اللي كنت فيه :lol: ، فعلا يا ريس انت و دكتور الشامي ليكوا اسلوب متميز و شيق جدا و مفيد للجميع ، جزاكم الله كل خير.

[moheltohamy]

والله اسمك منور يادوك في صفحة المشاركات الجديدة والدنيا كلها

وحشتنا ياراجل وفات علينا يومين ضلمة شوية من غيرك

ألف حمدالله على السلامة وعايزين الهاندأوفر يرجع..باك تو لايف

ربنا يخليك يا هندسة ;)

وعينينا يا عم الحاج... بس انتا تبقى تقرا ؛ بدل مانتا مضيع وأتك في المحاورات اياها وحرئت الدم!

[moheltohamy]

يااااااااااااااااااااااااااااااااااااااااااااااااااااااااااااااااااااااااااااااا

اااااااااااااااااااه

ازيك يا حبييييييييييييييييييييييي

ليك واحشه والله...............يا اخي المنتدي كان مضلم من غيرك والله.....بصراحة انا كنت قرفان من المنتدي كله واللي كان بيحصل في الاخر و يادوب بادخل علي موضوع دكتورنا الشامي و الاخت كوين و الباقي شبه اعتزلته....

بس كده هرجع تاني......................منور الكافيه بتاعك يا باشا

وانا من هذا المنبر اعيد صولجان الكافيه الي رئيسه و مديره......د/التهامي

تسلملي يا حسيني... والله وحشتني بجد ;)

وصولجان إيه بأه يا عمنا؟ هوه انتا خلّيت فيها صولجان؟ سايب الأهوة تضرب تئلب ، وعمال تلف ع الأهاوي التانية؟! وطبعاً جاي تسلمني الصولجان ، وتئوللي الأهوة ما عملتش بتلاتة دولار و 6 سنت (تمن اتنين كابوتشينو بالفرينش فانيللا)!

عموماً يا سيدي ؛ متشكرين :lol:

وهنرجع تاني نشغل الأهوة ونلم الزباين بتوعنا المتنطورين ع الأهاوي اللي برّه!

[moheltohamy]

الف الف الف حمدلله على سلامتك يا د/ التهامي

والف الف الف مبروك على النجاح ( والله ورفعت راس مصر بلدنا ) :110:

ودائما ناجح ان شاء الله.

احنا في شوق لما سوف تكتبه لنا عن تجربتك الي أكيد رائعه مثلك :lol:

وعقبال ما تروح لمدام هند في كندا الحبيبه قول أمين :D ;)

ألف ألف ألف الله يسلمك يا بنت مصر :lol:

وألف ألف ألف (يعني مليار) الله يبارك فيكي ;) ولو إني مش متفائل بنتيجة الامتحان الرابع :lol:

وعنينا يا افندم : نكتب الهاند أوفر الجديد ، وربنا يستر ع الفضايح اللي هتتكتب! على الله ما يطردوناش بعد ما نكتبه! bv:-

وآمين آمين آمين يا ستي... أنا فعلاً كندا واحشاني مووووووووووت

إحم... كندا :wub:

[moheltohamy]

حمدا لله علي سلامتك ومبروك علي تحقيق النجاح وعقبال النهاء عشان ترتاح, الحمد لله أن دكتور الشامي قام بالواجب حتي ترجع أنت ونتمنا أن تكمل مابديتو . لي رجاء حاول أن تكتب أسامي الأماكن بenglish عشان يسهل بحثنا عليها في النات موفق إن شاء لله

الله يسلمك يا أم ريهام ، ويا رب يسمع منك ، ويعدي الامتحان الرابع على خير (ولاّ حتى ما يعدّيش ، مش فارءة أوي )

بس انا مش فاهم أسامي إيه اللي مش باكتبها بالانجليزي؟! يمكن أسماء الشوارع Sherbourne و Jarvis و Church ؟

أصل بخلاف كده - على ما أذكر - كنت دايماً باكتب الأسامي باللغتين ، ويمكن حتى باسيب اللينكات كمان لموقعها الرسمي. فين اللخبطة بأه؟! ;)

عموماً لو فيه حاجة تاهت منك وتحبي تسأليني عليها ؛ تحت أمرك في أي وأت.

[moheltohamy]

حمدالله ع السلاااااااااااااامه يادكتورنا

ومبرووك ع التلات شهادات

وعقبال الرابعه ان شاء الله

ومنتظرين الهانداوفر

الله يسلمك يا دكتورنا ، ويبارك فيك.

وعموماً ... كلها كام يوم ونعرف النتيجة ، وربنا يستر ع الفضيحة ;)

وشغال يا ريس في الهاند أوفرين مع بعض ، وربنا يسهل...

[moheltohamy]

الف مبروك يا دكتورنا علي الشهادة ، والبراءة من المذاكرة ووجع الدماغ :lol: :lol: :lol:

ربنا يتوب علينا و اعرف الاقي وقت اذاكر فيه كلمتين قبل الامتحان bv:- او حتي استقر في شغل هنا العملية مش ناقصة بهدلة البحث عن شغل في الشتا ، والجو بدأ يتلج ( من يومين خرجت اجيب عيش لبناني من سوبر ماركت جنبي ، يادوب ميتين تلتميت متر محطتين اتوبيس ، والله رجعت للبيت تلت مرات علشان البس هدمو زيادة ، كانت درجة الحرارة 2 مؤية و درجة الاحساس بيها -7 و فيه رياح باردة قوية و مطر خفيف ، تالت مرة رجعت للبيت كانت علشان البس الجوانتي بس تخيل ، مع اني قلت لنفسي في تاني مرة مش مهم احط ايد في جيبي و التانية امسك بيها الشمسية و ابدل ، بس الجو تلللللللللج )

تخيل البحث عن شغل و عمل مقابلات واخد مني لحد دلوقتي 3 اسابيع هنا و لسه ما استقرتش علي حاجة مريحة ، هوه الشغل كتير اوك بس اغلبه عن طريق مكاتب عمل ، اجنسيز ، ربنا ما يوقعك فيهم .

الهاند اوفر بتاعك كان هو الانالجسك بتاعي لما كنت في مونريال ، كنت ادخل كل يومين تلاتة ( سرقة طبعا ) افرفش شوية علشان انسي شوية من اللي كنت فيه :wub: ، فعلا يا ريس انت و دكتور الشامي ليكوا اسلوب متميز و شيق جدا و مفيد للجميع ، جزاكم الله كل خير.

والله يا عم آينشتاين (هوه الإسم الحئيئي لسّه ما اتكشفش؟) ، هيه براءة مؤقتة! يعني شوية وهنبدأ نشتغل في معادلة الميديك الكندية ، وبعدها المعادلة الكندية للأطباء بمراحلها الـ 3! يعني المرمطة مش باينلها نهاية!

والله يا دكترة إنتا اللي كلامك أنالجيزيك وزي السكر كمان ونفسي لو تحكي عن مغامرات أبو الأناشيت (دلع آينشتين ;) ) في الحواري والأزقة التورونتاوية

وعشان خاطر الكلام ده ؛ نخلّي التوبيك اللي جاي ف الهاند أوفر عن تلج كندا اللي واحشني موووت ، وباحلم آجي أشوفه ;)

وعلى الله يعجبكوا ، ويطمّن الناس اللي مرعوبة منه من قبل ما تشوفه! (مش عارف ليه!) :D

[moheltohamy]

الله الله الله و عملها الدكتور التهامي

الف الف مبروك يا دكتور و الله واحشتنا و حمدالله على السلامة و عقبال باقي الامتحانات و يارب يعاليك اعلى المراتب ووووووووووووووووووو

و الله يا دكتور انت و دكتور الشامي و كتير من الاعضاء امثلة يحتذى بها في مساعدة الناس

ربنا يبارك فيك و يباركلك و يجعل اعمالك في ميزان حسناتك

تسلم يا عم مديح...

لكن استنى هنا... إنتا بقالك زمن معانا هنا ورامي ودن في مواضيع كندا ، ولا عارفين حاجة عنك! :blink:

إنتا إيه حكايت كندا معاك؟! قدّمت ولاّ ناوي؟ ولا بتقراها حواديت قبل النوم؟! :unsure:

تم تعديل 26 أكتوبر 2008 بواسطة moheltohamy

[moheltohamy]

ألف ألف مليون مبرووووووك :blink: يا دكتور / تهامى ... أخوك محمد الهامى بيمسى عليك و بيقولك دعوة العشاء اللى هربت منها مازالت قائمة فى أى يوم تحب ومستنى منك تليفون بمجرد أنك تنزل الخبر ;) ...

ربنا يوفقنا جميعاً ............. و تحيا مصر ... :unsure:

إزيك يا ريس يا اللي بيلخبطني في إسمي md2:

والله مش باهرب منها خالص بوتايتن (وش اسماعيل ياسين :sofa: )

الظروف بس مش سامحة في أغلب الأوقات!

دانا أصلاً ما باسدّأ ، وباتلكك أحياناً ؛ طالما الموضوع فيه أكل مصري ، وبيتي كمان.

دا الواحد يا راجل بطنه حمضت من أكل الشيفات الهنود اللي هنا دول wst::

وباتحسر واترحّم على أكل ماما وتيته بتاع زمان ، واللي مقرّب منه شويّة أكل الشيفات المصريين أيام براريم مصر. (محشي - مكرونة بالبشاميل - روستو - كانيلوني - بامية - شوربة - فتة - صينية بطاطس بالفرن - ........)

طبعاً لا يُعلـَى على الأكل الصحي ، اللي بيحافظ على صحتنا ، ولا يرفع الضغط ولا يعلّي الكولستيرول! :blink:

المكان هنا برضه مش أمان ، والواحد يحترم نفسه أحسن :lol:

[moheltohamy]

والله يا د. قناوي موجودين آهه...

بس زميلنا الأهلاوي الأصيل أحرجني بكلامه إني مقضّيها سلامات...

قلت خلاص بأه... ما بدهاش... أتركن أنا على جمب لغايت ما أخلّص الحتّة اللي عليها الدور ف الهاند أوفر.

وخلاص عموماً هيه جاهزة... بس ننزلها بكره لما أصحى بأه :blink:

وابقى طمّني على المشوار بتاعك ، وبقيت دلوأتي من ذوي الأرقام ولاّ لسّة شويّة؟ :)

[ahmedib]

عزيزى د.محمد التهامى ,,

تحيه صغيره وحمد لله على السلامه والف مبروك النجاح ويارب دايما بالتوفيق ,, من اخوك الصغير احمد ابراهيم من معسكر الاعداء (الكيبيكواز) , من زمان وانا متابع على فترات الموضوع بتاعك انت ود. الشامى , وبستمتع وباستفاد كتير من الهانداوفر و المعلومات المفيده منك ومن الاخوه جميعا .ربنا يباركلكم جميعا .

اتمنى الخير لكل القراء والمساهمين فى المنتدى .

ما حبيت اجى اسلم وانا ايدى فاضيه , ولذلك لما لقيت هديه حلوه جبتها وجيتلك اجرى .

الفيديو على اللينك ده من youtube اتنين مسنين بيغنوا اغنيه جميله اوى اظنها هتعجب كل القراء على المنتدى , وفيها الجو الكندى الى واحشك :-

http://www.youtube.com/watch?v=xYKbTG3MdQI...t=1&index=2

اتمنى تستمتعوا بيها جميعا .

ود. الشامى اول ما الاقى هديه تانيه باذن الله هاعدى اسلم فورا.

تحياتى .

[moheltohamy]

ألف شكر يا ahmedib على هديّتك ودمّها الخفيف...

وبالنسبة للفيديوهات ، فدي ليها جزء خاص ف الهاند أوفر...

وبالنسبة لمعسكر الأعداء اللي بتكلمني منه... فده برضه ليه جزء جاي ف الهاند أوفر... ويمكن تكون أخدت بالك من كلامي عن البنت المتدلّعة بين اخواتها. خدتش بالك انتا؟!

تحياتي إلى معسكر الأعداء :rolleyes: