كندا التي رأيتها :)

[moheltohamy]

وطبعاً بتوع اسكندرية دول في دنيا تانية لوحدهم... زي شَرَبت (يمكن الكلمة دي كمان سمعتها من واحد صاحبي من بلطيم) ، و جِني (جنيه يعني ، مش جنا ) ، وقامت عاركة ، والأربَع (بترقيق اللام والألف والراء والباء والعين كمان) ، ونروحو ونشترو و(إحنا بنقولولك إيه) ، والإمّة (يعني ناصية الشارع)، وأحّييه (لأ ما تفهمونيش غلط... كلهم بيقولوها الكلمة دي ، حتى بنات اسكندرية!) حد يقدر يعترض؟

صباح الفل د. الشامي phn:

تحياتي

تهامىىىىىىىىىىىىىىىىىى

بدأت تدوس فى الحلل.....

الا الاسكندرانية....دا احنا ناكلوكو....

أوعى وشك....صبح ...صبح

سوري يا دكتور بس مجرد تصحيح لغوي ... إظاهر كندا هتنسيك اللغة بدري بدري

إسمها هتخبط في الحلل

وبعدين يا تهامي خد راحتك ولا يهمك إحنا وراك رافعين راية المنصورة والهتافات شغالة بالروح والدم نفديك يا ....

أي نعم إحنا الفلاحين غلابة وما نجيش حاجة جنب الأسكندرانية اللي ممكن يودونا البحر ويجيبونا عطشانين ... بس هنقف جنبك ما تقلقش .... :blush2:

تحياتي للجميع

يا عم درويش... يودّوا مين البحر وعطشانين مين بس يا عم الحاج؟!

وهوه يعني المفروض تشرب م البحر عشان ما نرجعش عطشانين؟!

البحر عند أجدادي وأجدادك كان هوه الترعة اللي على وش البلد ، وكانوا بيسمّوها البحر! يعني كان ممكن نشرب منها ونأربَع كمان (يعني نشرب بافترا للي مش فاهم) wst::

لكن بحر اسكندرية ده ما يتشربش منه! واللي كانوا بيسمّوه البحر المالح!

وخلّونا نركز في موضوعنا الله يخلّيكوا...

دكتورنا البري كانيديان سبقني وحط صور كندا وتلجها! phn:

تم تعديل 9 نوفمبر 2008 بواسطة moheltohamy

[precanadian]

لكن لو انت حتي العجله ممعكش فلوسها وبتحب تمشي هذا ممكن جدا واسهل من ان يكون ملكك وسيله مواصلات لكن لازم تتكلفت كويس جدا جدا وربنا معانا wst:: phn: phn:

[precanadian]

واكيد سياتي يوم و الجو يحلو كده

فدوام الحال من المحال

احنا يا جماعه لو نتفق وندعي ان ثقب الوزون يوسع شويه والاحتباس الحرري يزيد شويتين كندا دي هتبقه ميه ميه ...... : ياعم حتي وهي كده انا باحب كندا :blush2:

[moheltohamy]

عنينا يا د. الشامي...

بس ننزل بقى بشويّت صور متلجة ع الترابيزات...

الناس بقالها زمان ما شافتش صور ، وما يصحّش د. بريكانيديان الضيف يجيب صوره معاه اللي ما شافهاش أصلاً ، واصحاب القهوة اللي لمسوه بإيديهم ، واتبرشوا عليه بـ ... هدومهم ؛ ما ينزّلوش صوره!

إستعنّا على الشقا بالله...

[شاب مصري]

precanadian الصور جميلة جدا وأول مرة أشوف منظر العربيات ده

من حوالي 10 او 15 سنة في التسعينات حصل ذوبان جليدي في سويسرا او شمال ايطاليا تقريبا او دولة تانية

ولما حصل الذوبان لقوا جثة راجل عمرها الاف السنين ومحفوظة في التلج

الموضوع دا شهير جدا

والراجل ده اطلقوا عليه اسم بس نسيته

الحكاية دي درسوهالنا في الانجليزي ايام المدرسة الاعدادية من حوالي 8 سنين كدا

التلج بيعمل عمايل :blush2:

[qenawy]

لكن لو انت حتي العجله ممعكش فلوسها وبتحب تمشي هذا ممكن جدا واسهل من ان يكون ملكك وسيله مواصلات لكن لازم تتكلفت كويس جدا جدا وربنا معانا :blush2: ;)

الشيء العجيب في الصورة ان العواميد منورة يا جدعان

هنا في مصر اول ما بتمطر بتاوقع ان الكهرباء تقطع علي طول ويا ما حصلت

سبحان الله

[moheltohamy]

الشيء العجيب في الصورة ان العواميد منورة يا جدعان

هنا في مصر اول ما بتمطر بتاوقع ان الكهرباء تقطع علي طول ويا ما حصلت

سبحان الله

بتركّز في حاجات يا د. قناوي!!!!!! :blush2:

[precanadian]

precanadian الصور جميلة جدا وأول مرة أشوف منظر العربيات ده

من حوالي 10 او 15 سنة في التسعينات حصل ذوبان جليدي في سويسرا او شمال ايطاليا تقريبا او دولة تانية

ولما حصل الذوبان لقوا جثة راجل عمرها الاف السنين ومحفوظة في التلج

الموضوع دا شهير جدا

والراجل ده اطلقوا عليه اسم بس نسيته

الحكاية دي درسوهالنا في الانجليزي ايام المدرسة الاعدادية من حوالي 8 سنين كدا

التلج بيعمل عمايل :blush2:

شكرا اخي شاب مصري. والله قصه ظريفه جدا .

بعد اذن الدكتور تهامي احط اللينك ده لستورم من يوتيوب

snow storm.

[HDarwish]

لأ بصراحة صعبة قوي حكاية عواصف الثلج دي ...

إذا كان أنا يادوب الجو يمطر ويبرد شوية وتلاقيني ما بتحركشي من تحت كوم البطاطين والألحفة (جمع لحاف) اللي بيبقى متكوم فوقي (بيات شتوي يعني) يبقى على كده لو جيت كندا هقضيها نوم طول فترة البرد دي ولا هادور على شغل ولا حتى هاشتغل إذا كنت حصلت شغل ....

أنا كنت فاكر الثلج ده يعني شوية ثلج زي اللي بيجوا في الأفلام وبيبقى شكله حلو قوي وهو نازل رزاز كده أو على شكل كرات لكن يبقى ثلج وعواصف زي كده لأ صعبه قوي ...

ربنا يقويكم ويعينكم على العيشة دي

صبح صبح يا عم تهامي ... ده أنا كنت بضحك مع د. الشامي (وش ياسمين عبد العزيز أو منى زكي في مسرحية كده أوكيه) :blush2:

تحياتي

[ahmed_saleh]

واكيد سياتي يوم و الجو يحلو كده

فدوام الحال من المحال

احنا يا جماعه لو نتفق وندعي ان ثقب الوزون يوسع شويه والاحتباس الحرري يزيد شويتين كندا دي هتبقه ميه ميه ...... : ياعم حتي وهي كده انا باحب كندا :o

الاخ / قبل ما تبقى كانديان

الصور جميلة و عقبال اما نشوف صورنا كلنا هناك

الاخ / تهامي

انا كنت فاكر ان د / الشامي بيطول في المسلسل بتاعه طلعت انت كمان بتزود في الفترة الاعلانية ... فين الهاند اوفر

<_<

[alaashabana]

الصور جميلة اوى يا دكتور تهامى ..

بس انا عندى سؤال..

يعنى انا تخيلت نفسى عايش فى الجو دة ..طيب هنزل ازاى مثلا اجيب الجرايد اللى فى الشارع او انزل السوبر ماركت ولا حتى ادور على شغل ازاى فى الجو دة.يعنى هو تلاقى المواصلات شغالة عادى والدنيا ماشية ولا اية...

طيب مش هيكون صعب اوى مثلا اننا ندور على شغل فى الجو دة ولو عندنا انترفيو ولا حاجة نروح واحنا لابسين الدولاب كلة والايس كاب والجوانتى والحاجات دى ولا اية...

بصراحة انا مش عارف اتخيل الحياة ازاى فى الجو دة ..ارجو الرد منك يا دكتور

وكمان صحيح فين الحلقات بتاعتك..انت بتدخل تسلم على الناس وبقالك اكتر من 10 ايام مشفناش منك اى كلمة ...

احنا اة عاوزين صور بس تكون بجانب الحلقات..علشان يبقى قراية وصور ....لكن انت اما تجيب صور بس او تكتب بس..

لا لا لا يا دكتور انا احتج <_< :o

يارب يارب افتح المرة اللى جاية الاقى حلقة كويسة تعوض الكام شهر اللى انت مش كتبت فيهم حاجة cld:

تحياتى ليك ولكل اسرة كندا واللى عاوزين يسافروا كندا ...وتحيا كندا

[moheltohamy]

والله يا تهامى ..بجد ..بجد كل ما بدخل هنا بحس قد ايه المنتدى دا جميل

وفيه ناس روحهم حلوه .. سواء انت او د.شامى او كل الناس الحلوه دى .

ربنا يديم عليكم الروح الحلوه دى على طول .

لولا

آمين يا رب...

ويا رب يديمها كمان علينا هناك لما نتقابل... الدنيا فعلاً صغيّرة!

وبتسعدني جداً رؤيتك يا لولا... يمكن عشان انتي بالذات - بخلاف الروح الخفيفة المميزة لكتاباتك - مالكيش في مشوار كندا من الأساس ، ولا حتى وارد إنك تعتّبي حدودها cld:

يمكن بتعدي ع الأهوة تدحرجي التماسي وتمشي <_<

ويا رب ما يحرمنا من مرورك ، ولو حتى من غير مشاريب :o

[moheltohamy]

السلام عليكم ورحمة الله وبركاته

دكتور تهامى

طبعا كالعادة انا متاخرة جدا بس كان لازم اعدى علشان اقول لك حمد لله على السلامة وكمان الف مبروك على نتايج الامتحانات وعقبال ما تطمن على الباقى

وانا متابعاك كويس ومستمتعة جدا باسلوبك المرح البسيط

ربنا معاك ويوفقك فى كل خطواتك القادمة

وفقكم الله

وعليكم السلام ، وحمداً لله على سلامتك يا دعاء. <_<

إيه أخبار الفايل بتاعك؟ وصلتي لفين؟

وهتنوّري كندا إمتى؟

يا رب تلحقي بس الصيف اللي جاي ، ما أحبذش تروحي تاخدي وش تلج من أولها كده :o

[moheltohamy]

ميرسى يا دوك على ردك الجميل ده والدعوه كانت فوق السحاب زى ما قلتلك

انا لسه داخله المنتدى النهارده وكسفتنى اوى بحلقه تلج كندا دى

يقى انا افعده جنب اخويا قناوى فى درجه حراره 30 ولما تنزل بالليل تبقى 13 اتغطى بالبطانيه اقول الدنيا بردت خليتنى رجعت البطانيه مكانها واقال ايه ناويه اكتب البرتا <_<

متشكريين على الحلقه الدسمه دى فى انتظار الحلقه القادمه

:o

والله هيه ما تخوّفش أوي الحياة في كندا...

هاقوللك حاجة...

هند كانت معذباني في مصر... أنا عاوز أشغل التكييف ع البارد وطالع من هدومي ، وهيه عاوزا تشغله ع السخن ، والدفّاية على آخرها (بخلاف التكييف) ، وطبعاً قربة الميّه إياها تحت رجليها!

ألاقيها في كندا وف عز السأعة... تقوللي إنها بتشغل التكييف نص ساعة قبل ما تنام ؛ وتفصله. وبتفضل الشقة محتفظة بالدفء بتاعها لغايت تاني يوم الصبح! مانا قلت قبل كده إن العزل هناك رائع سواء للصوت أو للحرارة. إحنا مثلاً على يانج استريت زي ما قلت ، ولا حاسّين بالعربيات اللي ماشية (غير بس عربيّات المطافي لما بتشغل السرينة بتاعتها ، الصوت بيوصل إلى حد ما)

يعني الخلاصة... مش البرد هيكون نقطة الخلاف! حطوا في بالكوا دايماً إن دي مش الإسكيمو cld:

[moheltohamy]

تسجيل متابعة و اعجاب

فى انتظار المذيد

تحياتى :o

ماما نونا cld:

ميرسي ليكي... وألف مبروك ع التحديثات بتاعت المجلة ، والموسوعات والصورة العامة عن العالم الجديد <_<

مجهود تشكري عليه...

[moheltohamy]

لأ بصراحة صعبة قوي حكاية عواصف الثلج دي ...

إذا كان أنا يادوب الجو يمطر ويبرد شوية وتلاقيني ما بتحركشي من تحت كوم البطاطين والألحفة (جمع لحاف) اللي بيبقى متكوم فوقي (بيات شتوي يعني) يبقى على كده لو جيت كندا هقضيها نوم طول فترة البرد دي ولا هادور على شغل ولا حتى هاشتغل إذا كنت حصلت شغل ....

أنا كنت فاكر الثلج ده يعني شوية ثلج زي اللي بيجوا في الأفلام وبيبقى شكله حلو قوي وهو نازل رزاز كده أو على شكل كرات لكن يبقى ثلج وعواصف زي كده لأ صعبه قوي ...

ربنا يقويكم ويعينكم على العيشة دي

صبح صبح يا عم تهامي ... ده أنا كنت بضحك مع د. الشامي (وش ياسمين عبد العزيز أو منى زكي في مسرحية كده أوكيه) wst::

تحياتي

يا ابو علي العملية مش زي مانتو فاكرين خاااااالص!

فينه د. الشامي ييجي يشهد! :wub:

بتيجي أيام بتلاقي في نشرة الأحوال الجوّية إن فيه عاصفة ثلجية ، وتشوفها ع الياهو ويذر. ومش كل عاصفة تلجية هتلاقيها بالمنظر بتاع اليوتيوب ده اللي حطهولنا د. بريكانيديان. أنا عاصرت كذا واحدة في شهر مارس. يمكن منهم واحدة بس اللي كانت صعبة حبتين! وف نفس الوقت كنت شايل دوسيه أوراق ، ومش قادر أدفّي إيدي ، والتلج مقابلني في عيني ومش قادر أمنعه! الموضوع ده كان لمسافة 200 متر!

وف نفس الوأت... شقتك وعمارتك مكيّفة ، وعربيتك والمواصلات كلها مكيفة ، والمولات اللي تحت الأرض مكيفة ، والمحلاّت مكيفة ، والمدارس والجوامع والمستشفيات والمصالح الحكومية ... كل مكان هتروحه مكيف.

وبالتالي ؛ مشكلتك لو ساكن بعيد عن خطوط المواصلات الرئيسية أو في ضواحي المدن أو في المدن الصغيرة يبقى لازم يكون معاك سيارتك الخاصة.

يبقى مشكلتك هيه من باب بيتك لباب العربية ، ومن باب العربية لباب الشغل! ودي كمان عرفنا هتعمل فيها إيه... جاكيت وآيس كاب وجوانتي وكوفية!

وبس wst::

[moheltohamy]

شكرا اخي شاب مصري. والله قصه ظريفه جدا .

بعد اذن الدكتور تهامي احط اللينك ده لستورم من يوتيوب

snow storm.

يا باشا البيت بيتك ، وآديك قائم بالواجب وزيادة مع زباين الأهوة ، على ما انتهي من رفع الصور بتاعتي...

بس آديك هتخسّرني أنا و د. الشامي ، والكومّيشن بتاعنا هيروح! :wub:

وعموماً آديني هابدأ بالصور اللي أخدتها ، وبعدين ممكن نشوف موضوع الفيديو. wst::

وشكراً على اجتهادك wst::

[moheltohamy]

هابدألكو بالصور بترتيبها الزمني...

وكانت البداية بالصور اللي هند كانت بتبعتهالي من كندا مع بداية تعاملها مع التلج...

وطبعاً دي كانت الـ Background المرعبة اللي خلتني قلقان من المرواح هناك!

أولاً ... صورتين من هند لمّا راحت أوتاوا...

ندخل بقى على صور تورونتو ؛ اللي هند مصوّراهم من ورا إزاز الريسيبشن جوّه الشقة (أمال يعني هتخرج تتبهدل في التلج عشان تصوّرلكو - ولاّ تصوّرلي أنا حتى - الجو هناك؟!)

وآدي عربيّة متركّب لها معدّات كسح التلج...

وإذا كان الحمام عايش في عز البرد... خايفين انتو تتواجدوا هناك؟!! :blink:

دي الطلعة الأولانية... وأول ترسيب للرعب جُوّايا من اللي هاشوفة لما أروح لها تاني مرة في عزّو wst::

محدّش أخد باله من أول وتاني ورابع صورة من صور تورونتو؟ الواد الصغيّر اللي راكب الزحليقة وأمه بتسحبه ع التلج! ماهو الواد لازم يطلع بمصلحة م الموضوع ده... وعلى فكرة... العيال هناك بيستمتعوا بالحركة دي موووت wst::

بذمتكم وانا راضي بحكمكم... ده منظر ناس بتعاني؟! :wub:

تم تعديل 10 نوفمبر 2008 بواسطة moheltohamy

[moheltohamy]

ربنا يخلّيكي يا أم ريهام ، وتيجي تصوريه بنفسك... مانتو أكيد ده مش عندكوا ف الجنوب wst::

وبكره هانزل باقي الصور ، وممكن الفيديو كمان...

بس النوم وجب دلوقتي :wub:

[precanadian]

يا ابو علي العملية مش زي مانتو فاكرين خاااااالص!

فينه د. الشامي ييجي يشهد! :wub:

... شقتك وعمارتك مكيّفة ، وعربيتك والمواصلات كلها مكيفة ، والمولات اللي تحت الأرض مكيفة ، والمحلاّت مكيفة ، والمدارس والجوامع والمستشفيات والمصالح الحكومية ... كل مكان هتروحه مكيف.

وبالتالي ؛ مشكلتك لو ساكن بعيد عن خطوط المواصلات الرئيسية أو في ضواحي المدن أو في المدن الصغيرة يبقى لازم يكون معاك سيارتك الخاصة.

يبقى مشكلتك هيه من باب بيتك لباب العربية ، ومن باب العربية لباب الشغل! ودي كمان عرفنا هتعمل فيها إيه... جاكيت وآيس كاب وجوانتي وكوفية!

وبس wst::

اعزائي انا لم ازر كندا سابقا واكيد الدكتور تهامي او الدكتور الشامي هم افضل في نقل الانطباع الحقيقي بالثلج

ولاكن اوكد علي كلام الدكتور تهامي ان اللحضات الصعبه هي في التنقل من مكان مكيف الي مكان مكيف اخر وهذا ما عايشته في لندن uk فالتدفئه داخل البيوت والمولات والمحلات لدرجه اني ممكن احس بالحر لو الدفايه عاليه شويه وامعضم الفتيات في الشوارع والمحلات ولا هاممهم برد ... وعموما احنا هنروح بعيد ليه الي عايش في الخليج ودرجات الحراره عكس كندا يعني ب البلس مش المينس واعتقد محدش فينا يقدر يستغني عن التكيف البارد في كل الاماكن وبتيجي المشكله بس في لحظات الانتقال من سياره لمبنى او لو مظطر تمشي علي رجليك......ز اخواني تحياتي لكم

يا باشا البيت بيتك ، وآديك قائم بالواجب وزيادة مع زباين الأهوة ، على ما انتهي من رفع الصور بتاعتي...

بس آديك هتخسّرني أنا و د. الشامي ، والكومّيشن بتاعنا هيروح!

وعموماً آديني هابدأ بالصور اللي أخدتها ، وبعدين ممكن نشوف موضوع الفيديو.

وشكراً على اجتهادك

يا دكتورنا الا كده ...مقدرش اعمل حاجه تخليني اخسركم بس الله العالم ايه الي خلاني انزل بالصور .

هابدألكو بالصور بترتيبها الزمني...

وكانت البداية بالصور اللي هند كانت بتبعتهالي من كندا مع بداية تعاملها مع التلج...

وطبعاً دي كانت الـ Background المرعبة اللي خلتني قلقان من المرواح هناك!

أولاً ... صورتين من هند لمّا راحت أوتاوا...

صور جميله يا دكتور محمد ربنا يكتب لنا الخير لاكن انا ملاحظ ان البيوت معضمها دورين او ثلاثه في الحي الي لنتم ساكنينه هو معضم ترونتو كده ؟...............شاكرين لكم