كندا التي رأيتها :)

[precanadian]

bravo ,هذا هو الكلام , صور من أرض الواقع الله يبارك فيك وفي حرمك المصون

علي فكره الصور الي انا عرضتها كمان من ارض الواقع والي مش مصدق يعمل OR CANADA OR MONTREAL SURCH*TORONTO STORM

وانا نزلت الصور كنوع من الفكاهة وفتح تعليقات وملاحظات من اهل كندا وممن سوف يكونون ان شاء الله. ومره اخري اكيد اهل كندا ادري بشعابها.

[دعاء]

وعليكم السلام ، وحمداً لله على سلامتك يا دعاء. wst::

إيه أخبار الفايل بتاعك؟ وصلتي لفين؟

وهتنوّري كندا إمتى؟

يا رب تلحقي بس الصيف اللي جاي ، ما أحبذش تروحي تاخدي وش تلج من أولها كده wst::

السلام عليكم ورحمة الله وبركاته

الله يسلمك يا دكتور تهامى

الحقيقة احنا استلمنا الفيزا لكن بعد ولادة ياسين ابنى باسبوع فكان لازم نعمل له اجراءات اضافة الاول وزى ما انت عارف الموضوع كبير وعايز وقت ومش عارفين هايخلص امتى ؟

علشان كده لسة مش عارفين ممكن السفر يكون امتى؟ وربنا ييسر الامور لينا وللجميع

وعلى العموم كندا مش مستنيانا علشان تنور لانها منورة من زمان بكل الافاضل اللى شرفوها قبلنا بارك الله فيهم جميعا

وعقبال ما توصل هناك بالسلامة وتسلملنا سلامات كتير لمدام هند

وفقكم الله

[moheltohamy]

السلام عليكم ورحمة الله وبركاته

الله يسلمك يا دكتور تهامى

الحقيقة احنا استلمنا الفيزا لكن بعد ولادة ياسين ابنى باسبوع فكان لازم نعمل له اجراءات اضافة الاول وزى ما انت عارف الموضوع كبير وعايز وقت ومش عارفين هايخلص امتى ؟

علشان كده لسة مش عارفين ممكن السفر يكون امتى؟ وربنا ييسر الامور لينا وللجميع

وعلى العموم كندا مش مستنيانا علشان تنور لانها منورة من زمان بكل الافاضل اللى شرفوها قبلنا بارك الله فيهم جميعا

وعقبال ما توصل هناك بالسلامة وتسلملنا سلامات كتير لمدام هند

وفقكم الله

حمداً لله ع السلامة يا ياسين بيه... إيه اللي جابك بس دلوقتي؟!

ما كنت قاعد ف الروقان ومتدفي ولا في دماغك الدنيا! جبته لنفسك ؛ استلم بأه تلج كندا على وَشَك!

نصيحة لوجه الله يا دعاء ... حاولوا تأجّلوا السفر لأبريل أو مايو الجايين عشان خاطر الأستاذ ياسين...

البرد هيكون صعب عليه أوي ف السن ده ، وفي بداية تواجدكوا هناك هتدخلوا في دوّامة التأمين الطبي الخاص ، والعلاج ومصاريف الأدوية.

كام شهر مش هيفرقوا كتير... طبعاً في حدود فترة الفيزا.

وبالتوفيق مقدماً

[moheltohamy]

بصراحة يادكتور تهامى مش عارفين نشكرك ازاى على شوية الضحك اللى بنضحكهم من قلبنا واحنا فى الغربة وكمان على المعلومات الشيقة اللى حضرتك قدمتها انا متابعة حضرتك انا وزوجى بس مرضيتشى اكتب تعليقى الا لما اخلص قراية التوبيك كلة اصلى بدات اقراه متاخر بس عاملة ذى حلقات مسلسل شيق وكوميدى فى نفس الوقت (حلقات هند والكتور نعمان ( فاكر المسلسل

عموما جزاك اللة كل خير وربنا يوفقك ودعواتك لينا نكمل مشوار هجرتنا ونتقابل جميعا هناك

ياااااااه... نوّرتي أخيراً؟! :lol:

يا ستي يسعدني استمتاعك بالهاند أوفر اللي عامل زي المسلسل ؛ بس اسمه "هند والدكتور تهامي"

وأتمنى ويا ريت نتقابل فعلاً هناك ... بس فين إن شاء الله؟ ع الحدود؟! خصوصاً إنكو تبع (الناس التانيين) md2:

والغريب إن الناس بتوع كيبيك دول عاملين زي ما باقي المنتدى بيتتريق علينا (إننا عايشين في دنيا لوحدنا ، ومالناش دعوة بأي حاجة برّه منتدى كندا!)... إنتو بأه عايشين جوه كندا ؛ ومنعزلين تماماً عن مواضيع كندا ، ومتقوقعين جوه الكام توبيك بتوعكو! أمّال لما تروحو هناك هتعملوا إيه؟!

لا يكفّر عن هذا الذنب غير إنكو تعملوا زي ما عمل آينشتاين... من مونتريال (موغيال :lol: ) وتيجو على تورونتو... باب التوبة مفتوح ليكو دائماً :lol:

أسعدني وجودك في التوبيك... تقبّلي تحياتي :lol:

[moheltohamy]

اعزائي انا لم ازر كندا سابقا واكيد الدكتور تهامي او الدكتور الشامي هم افضل في نقل الانطباع الحقيقي بالثلج

ولاكن اوكد علي كلام الدكتور تهامي ان اللحضات الصعبه هي في التنقل من مكان مكيف الي مكان مكيف اخر وهذا ما عايشته في لندن uk فالتدفئه داخل البيوت والمولات والمحلات لدرجه اني ممكن احس بالحر لو الدفايه عاليه شويه وامعضم الفتيات في الشوارع والمحلات ولا هاممهم برد ... وعموما احنا هنروح بعيد ليه الي عايش في الخليج ودرجات الحراره عكس كندا يعني ب البلس مش المينس واعتقد محدش فينا يقدر يستغني عن التكيف البارد في كل الاماكن وبتيجي المشكله بس في لحظات الانتقال من سياره لمبنى او لو مظطر تمشي علي رجليك......ز اخواني تحياتي لكم

إنتا كده وصلك اللي عاوز اقوله :lol:

صور جميله يا دكتور محمد ربنا يكتب لنا الخير لاكن انا ملاحظ ان البيوت معضمها دورين او ثلاثه في الحي الي لنتم ساكنينه هو معضم ترونتو كده ؟...............شاكرين لكم

شوف يا سيدي...

هيه فعلاً معظم الـ Neighbourhood اللي حوالينا بنظام الـ Low-rise building ، فيه عمارات عالية طبعاً حوالينا... ورانا بعمارتين برج كبير طالع جديد ؛ شغالين فيه حالياً وأسعاره غالية ناااار!

ومعظم الشارع اللي ورانا عمارات كبيرة

وف الشارع اللي أدامنا (راجع أول صور تورونتو المثلجة) برضه عمارة عالية.

وف المنطقة بتاعتنا عموماً البيوت اللي ع الشارع معظمها لو رايز ، لكن فيه عمارات عالية وكتير كمان!

وف التقاطع بأه (Yonge and Eglinton) جنوباً خطوتين ، هتلاقي برجين حكاية وأسعار الشقق فيهم بنتكلم في مليون وانتا طالع

واللذيذ إن كل الشقق متباعة ، ومش باقي غير الروف (Upper Residences) ودول $1,750,000 و $1,850,000 ! ولو هتاخد يبقى أنصحك تخلّيك في أم مليون وتمنومية وخمسين ألف ؛ مش فارقة 100 ألف وتبقى أخدت شقة برحة 255 متر بدل التانية اللي يا دوب 243 متر! فعلاً ... سدأ المثل اللي قال... يا مسترخص يا متنغص!

وعموماً في الصور اللي جاية ، ممكن تشوف عمارات م العالية (لو نفسك تشوفهم! )

أي خدمة يا دكترة :lol:

[moheltohamy]

طبعاً شويّت الصور دول بقى همه اللي عقّدوني بجد! حسيت إني ساكن في خرابة!

جاتلي كآبة بعد ما شفتهم :lol:

المشكلة إنهم اتصوّروا يوم 1 يناير الساعة 10 ص (مع هبوب عاصفة تلجية)! وطبعاً لا أثر للحياة الآدمية ولا حتى الحيوانية! تقولشي ساكن في سايبيريا؟!

شوفو كده...

دي أثناء هبوب العاصفة التلجية (خللو بالكو... دا كده واحنا أحسن من غيرنا ؛ ف الميد تاون ، والعمارات مهدّية اللعب ، الله يكون في عون اللي ساكنين ف الضواحي!)

بغض النظر عن المنظر الكئيب اللي جاي... واخد بالك يا دكتور بريكانيديان من العمارات العالية؟!

وكذلك الشجر اللي واقف بلبوص ومسلّم نِمَر خالص؟!

حتى فيوتشر شوب قافل هناك آهوه! وحتّى مطعم يامّيز (بتاع ولاد عمّنا :lol: ) قافل!

شكل اليوم ده كان أجازة (حتى كندا بوست اللي أدام البيت كان قافل!)

وطبعاً من باب الرفق بالحيوان ، وحرام البهدلة... لازم نكلفت الكلاب بفانلة صوف وشراب عشان التلج ، واحنا واخدينهم يعملوا حمام (المشوار اليومي بتاع الصبح)!

وكمان على بداية فبراير الساعة 9 ص ، يعني قبل ما أروح كندا بأسبوع

بس م الواضح إن الناس رايحة شغلها عادي اليوم ده.

حتى كندا بوست فاتح آهوه...

ولو تاخدو بالكو صحيح ؛ آدي الصناديق بتاعت الجرايد اللي اتكلمنا عنها قبل كده...

ودي محطة الباص ، وزي مانتو شايفين هيه عباره عن - زي ما تقولو كده - كشك زجاج يرحمك من المطر والتلج والرياح الباردة. (واخد بالك انتا يا سامح... يعني مش محتاج عربية من أول يومين ليك ف البلد... ما تتلككش :lol: )

عرفت بأه إن الصور اللي فاتت يا مديح كانت مسح زور؟! :lol:

تم تعديل 12 نوفمبر 2008 بواسطة moheltohamy

[alaashabana]

الله يا دكتور تهامى عليك وعلى الصور الجميلة.

انا بدات اخاف من الحياة هناك بصراحة..يعنى انا لما شوفت صور البشمهندس ايهاب فرحت كدة وقولت الدنيا ربيع والجو المشمس والبارد شوية والشمس طالعة يعنى جو جميل

شوفت الصور بتاعتك يا دوك بصراحة لو انا عايش فى الجو دة حاسس انى هبقى متكلفت تحت اللحاف ومش هنزل من البيت خالص..

طيب انا عندى سؤال...الشوراع كلها مغطيها الثلج ومفيش حاجة باينة ولا اشارات مرور ولا انك تعرف دة فية اشارة ولا لأ ولا طريق مشاه ..حتى الطريق والرصيف متغطين بالثلج ..

مش عارف يا دكتور تهامى يعنى بصراحة بدأت اخاف ...طيب لما ان شاء الله لو ربنا اراد وروحت البلد دى هندور على شغل ازاى..هنكمل دراستنا ازاى..

الواحد فى مصر لما كان بيطلع البلكونة ويحس بس ان الجو فية هواء برد وساقعة بقعد فىالبيت ومش بروح الكلية ولا بنزل من البيت ..طيب هنعيش ازاى فى الجو دة..

طمنى الله يخليك...

كمان هل الجو دة بيستمر كتير..كام شهر فى السنة ؟؟؟

[moheltohamy]

أعزائي...

حبيت بس أورّيكو حتت عين حمرا (أو للدقة... عين بيضا :lol: )

مش أولتلكو إني جاني اكتئاب لما شفت الصور دي ، وبالذات الصورتين التانية والتالتة اللي حسسوني إن البلد خراااااابة مهجورة! :sad:

وعادي يا علاء... ما الناس أودّامك آهوه عايشين حياتهم والدنيا ما بتقفش خالص ، وزي ما قلتلكم قبل كده ؛ المشكلة بس في المسافة من باب البيت لباب المواصلات سواء عربيتك أو منزل الصابواي أو السوبر ماركت اللي تحت الأرض.

وأنا جبتلكو م الآخر... المنظر يخوّف صحيح ، لكن أنا في جو زي ده ، وعاصفة تلجية برضه ، وقبل ما أمشي آخر مرة رحت م البيت على فيوتشر شوب مرتين رايح جاي عشان الدياسطي بيه كان بيتدلّع ، وعاوزني أغيّرله اللابتوب! يخوّف آه... لكن في حقيقة الأمر... اتكلفت كويّس ؛ ولا هيفرئ معاك الهجص ده كله!

وعامّةً ... العربيّات بتمشي براحتها خالص ؛ ما اعتقدش هتتجاوز 20 كم/س بأي حال في جو زي ده ، وخصوصاً التلج اللي مغطّي الأرض ، ومن الصعب السيطرة على الفرامل بشكل تام!

والإشارات منوّرة على آخرها آهيه يا علاء ؛ بص على أول صورة كده... دي بذمتك مش واضحة عياناً بياناً؟! clp::

ثانياً... بيبسي إيه وكولِت إيه وآيس كرييم إيه بس؟! إنتو بتهرّجوا؟! الحاجات دي لا تجرؤ إنها تمر بخاطر الواحد أو تعبر خياله هناك خالص...

حاجة واحدة كنت بافكّر فيها ف الوأت ده... كابوتشينو بالفرينش فانيللا من التهامي هورتونز (تيم هورتونز سابقاً :lol: ... صباح الفل يا حسيني)

وساعات لما كنت بانسى أجيب الجوانتي معايا ، وخارج مشوار ف الجو ده ، وكنت هاموت على واحد كابوتشينو... أقول يغور الكابوتشينو اللي هيخلّيني أخرّج إيدي من جيب الجاكيت! :lol:

نكمّل؟

تحبّوا أكمّل لكو صور التلج ، ولاّ صور تانية من غير تلج حسب التسلسل الزمني اللي شفتها بيه؟!

أنا باقول أكسر حدة السأعة شويّة بشويّت صور ترجّع لكو تاني الأمل في بكره :wub:

أي خدمة يا أم ريهام... آهو نرجع نلمّ الزباين اللي طفشت تاني بكام صورة هيعجبوكو :blink:

[moheltohamy]

عنينا يا حسيني ويا بنت مصر... ويا أبو نور من ده كتيير لو تحب lo::

بس على فكرة ، مش معني إن فيه شمس إن الجو حر! أبسوليوتلي :lol:

الصور اللي جاية دي ، ودرجة الحرارة تحت الصفر... عادي جداً :blink:

أحب بس اقول إن الصور دي وصلتني قبل ما أنزل م البريمة بكام يوم ، يعني مثلاً قبل ما أروح كندا بأسبوع...

الصور دي رجعتلي الأمل تاني ؛ لدرجة إني قلت لهند : حرام عليكي! بقى عندك الصور دي مصوراها من كذا يوم ، وسايباها عندك؟!!

اتفضلوا شكل مختلف لكندا في الشتا...

الدنيا كلها فاتحة آهيه ، والناس عايشة حياتها عادي جداً...

خليكوا فاكرين... ما زلنا تحت الصفر wst::

وآدي صورة واضحة للعمارة إياها يا د. بريكانيديان :happy:

وآدي فيوتشر شوب هناك آهوه. واخد بالك يا عم سامح من محطة الأتوبيس؟!

وآدي أتوبيس المدارس... اللي يروح منّك 6 نقاط demerit points لو قرّبت منه وهوه بينزّل العيال من المدرسة!

التلات صور الجايين دول هند صوّرتهم عشان حسّت إن فيه مصيبة هتحصل ، وعربيتين بوليس جُم عشان الأتوبيس ، ومع متابعة الموقف (تيبيكال إيجيبشيان بيهيفيار :lol: ) ؛ إتضح إن كان فيه واحد تاعبان ع الأتوبيس ، والسوّاق اتصل بالـ TTC وهمه بلغوا البوليس ، وجه البوليس ، ومعاه عربيّت الباراميديك (المسعف) ، وأخدوا الراجل العيّان ، ومشيو بعد نص ساعة!

وطبعاً ولا واحد م اللي ف الأتوبيس هينطق بكلمة (إتكرر الموقف ده وكانت هند جوّه الأتوبيس ساعة كاملة ، ومعاصرة للأحداث) ، ومحدّش قال "نزّله على جمب يا ريّس ونتكل احنا على الله ، ورانا أشغال ومصالح متأخرين عليها!" ولا حَدّاية قالت "يللا يا خويا الله لا يسيأك ، سايبة العيال لوحدهم ف البيت والست جارتي الله يسترها قاعدة بيهم ، وجوزي على وصول ، ولسه ما طبختش!"

نفسي حد يقوللي لو الموقف ده حصل في بلدنا ؛ بلد المرجلة والحاجات الكويّسة... كان السيناريو هيمشي ازاي؟! i*:

على فكرة... الراجل ده مش Police officer ولا حاجة ، ده Volunteer فاضي اليوم ده ، وحب يتطوّع إنه يساعد الناس وينظم المرور ، ويساعد كبار السن على عبور الطريق (آل يعني همه محتاجين!) ، والكل بيحترمه جداً على فكرة!

إيه رأيكو؟ wst::

[jessika]

جميل يا استاذ تهامى بس ياتترى هو فى فصل صيف ولا لا؟ والمطر والتلج دة كل يوم؟ وممكن ييجى فجاة ولا بيكون متوقع من نشرة الاخبار بتاع الساعة التاسعة بالليل قبلها؟.

[precanadian]

ومعظم الشارع اللي ورانا عمارات كبيرة

وف الشارع اللي أدامنا (راجع أول صور تورونتو المثلجة) برضه عمارة عالية.

وف المنطقة بتاعتنا عموماً البيوت اللي ع الشارع معظمها لو رايز ، لكن فيه عمارات عالية وكتير كمان!

وف التقاطع بأه (Yonge and Eglinton) جنوباً خطوتين ، هتلاقي برجين حكاية وأسعار الشقق فيهم بنتكلم في مليون وانتا طالع

وعموماً في الصور اللي جاية ، ممكن تشوف عمارات م العالية (لو نفسك تشوفهم! )

أي خدمة يا دكترة

بغض النظر عن المنظر الكئيب اللي جاي... واخد بالك يا دكتور بريكانيديان من العمارات العالية؟!

وكذلك الشجر اللي واقف بلبوص ومسلّم نِمَر خالص؟!

اتفضلوا شكل مختلف لكندا في الشتا...

الدنيا كلها فاتحة آهيه ، والناس عايشة حياتها عادي جداً...

خليكوا فاكرين... ما زلنا تحت الصفر

اهنيك يا دكتور تهامي مناسبه تغير ديكورات القهوه الحقيقه ماجصرت (يعني عملت احسن مايكون) والصور قويه ,معبره, وكلها اكشن. اكرر شكري لك عن مجموعة الصور الي تورينا اختلاف الوان الشتاء في كندا.

ولفت انتباهي انك كمان بتدينا كلمات انجلش جديده الحقيقه انا مبسوط ان تكون الفايده ميلتيبلانر.

اما بالنسبه للعمارات العاليه ففيها ميزه ان الواحد لو ملقاش شغل وحب يرمي نفسه ...يموت مش يقع من الدور الثاني ويتكسر بس lo:: :happy: :blink:

وآدي أتوبيس المدارس... اللي يروح منّك 6 نقاط demerit points لو قرّبت منه وهوه بينزّل العيال من المدرسة!

ايه الحكايه انا مش فاهم ؟؟

[ELSHAMY]

ايه الحكايه انا مش فاهم ؟؟

لمؤاخذة يا صاحب القهوة.....الطلب ده عندى المرة دى...

Demerit points هى نقاط الجزاء للمخالفات المرورية و التى تكتب عليك اذا ارتكبت مخالفة....و من الكبائر هناك الا تقف على بعد 15 متر من اتوبيس المدرسة الى أن ينزل جميع الاولاد....و يطفىء انواره و يبدأ فى التحرك....

تحياتى....

[samehelassad]

حبيب قلبي التهامي باشا:

ياجماعة الراجل دة والله مفيش بعد كدة. اخلاق واحترام وجدعنة فعلا مصري اصيل وابن اصول. الف شكر ياريس على المكالمة الطويلة الجميلة دي من اعماق الخليج العربي.(خلاص ياباشا الجهاز اتصلح وكلة بقى فل الفل) وانشاء الله نتقابل كلنا عن قريب في كندا انا وانت ودكتورنا الشامي وزعيم المخابرات القوي جدا القديم بتاعنا ياسر باشا او اكس الهجان باشا ربنا يرجعهولنا ولو حتى يسلم علينا ومايحرمناش من تواجدة معانا.

[samehelassad]

]ودي محطة الباص ، وزي مانتو شايفين هيه عباره عن - زي ما تقولو كده - كشك زجاج يرحمك من المطر والتلج والرياح الباردة. (واخد بالك انتا يا سامح... يعني مش محتاج عربية من أول يومين ليك ف البلد... ما تتلككش wst:: )

ياباشا لا تلاكيك ولا حاجة. خلاص بصمت بالعشرة. بص احنا انشاء الله نروح في شهر خمسة ولا ستة سوا (بس انت ادعي ربنا يكرمكني وييسر لي الامور وتيجي الفيزا اوام). ونستمتع بالصيف. وربنا يكرم ونلاقي شغل والدنيا تحلو ونجيب عربية على الشتا ويبقى فل الليالي.

[precanadian]

سوال اخر يا دكتور تهامي

بالنسبه للجاكيت والشوز الخاص ببرد كندا هل اي نوعيه يمشي حالها والا هناك انواع خاصه مش بتيجي الاسواق العربيه وهل هناك شوز خاص يقلل من النزلاق علي الجليد...؟؟؟

تحياتي###

[newcomer]

[quote name=moheltohamy' date='Jul 31 2008, 10:13 PM' برضه أنا اللي هاسبقك في المرواح لمصر. بكره إن شاء الله هانطلق على هناك. وراجعين للبهدلة تاني ؛ للنار والعذاب والتراب والزحمة والأرف من تاني!

باسجل استمتاعى الشديد و انا بقرأ ( مسلسل ) اليوميات التهامية فى الحياة الكندية.......... و معجبة جدا ما شاء الله بواقعية حضرتك و المدام.... و اهو ادينى باحاول اجتهد علشان اخلص المسلسل كلة............ بس يا دكتور ربنا يخليك بلاش ال notes اللى شبه اللى فوق دى احسن باحس ان حد رش علية مية ساقعة و انا بتفرج على فيلم لطيف و ليه هدف ........يمكن الواحد مش عاوز يشوف الحاجات الوحشة اللى فى مصر او زعلان عليها ..... خلينا نتفق ان كلنا لما نشوف حاجة جميلة مش عندنا ، ندعى ان ربنا يصلح حالنا و يصلح حال البلد اللى كلنا بنحبها ( مهما بان عكس كدة)

بس pleaseانا مش عايزة افتح عليك مواضيع جانبية تضايقك ...... ده بس خاطر كده على جنب.

تانى باحيى حضرتك على صراحتك (اللى مش موجودة كتير) فى سرد الاحداث......

[moheltohamy]

حمد الله على سلامتي :big_boss:

أعتذر عن الكام يوم اللي فاتو دول كنت منقطع عن هنا!

فجأتن نفوجأ إن الاتصالات اختفت (سواء تليفونات أو إنترنت) ، ويتضح إن السبب مشكلة مش عارف في الدش اللي شايل الاتنين ، ولاّ المودم بتاعه!

وفضل الوضع على ما هو عليه كده (زي اليتيم) ، لغايت ما بعتولنا واد م الرياض اسمه Alex ومعاه كل الأسلحة اللازمة للتعامل مع الوضع! طبعاً كان لاوم يستنوا لحين استخراج التصاريح اللازمة والـ Temporary Pass من أرامكو... شغلاااانة!

ويا دوب اتصلّحت الدنيا يوم ، وفجأة تختفي الإنترنت فقط ؛ ونسمع تبريرات إن السلاتلايت بيتعمل له Upgrade ، وفيه اللي يقول إن فيه مشكلة في الاتصال ما بين البروفايدر بتاعنا ف الرياض و Aberdeen في انجلترا!

أفلاااااام!

المهم ، حمد الله على سلامتها ، وسلامتي... ونرجع نشوف المشاريب ، ومعانا اتصال تليفوني ونئول ...

آلو :king:

[moheltohamy]

جميل يا استاذ تهامى بس ياتترى هو فى فصل صيف ولا لا؟ والمطر والتلج دة كل يوم؟ وممكن ييجى فجاة ولا بيكون متوقع من نشرة الاخبار بتاع الساعة التاسعة بالليل قبلها؟.

طبعاً يا فندم فيه فصل صيف... أمال السنة كلها كده؟!!! وهنحكي عنه في الجزء اللي جاي من الهاند أوفر

وطبعاً المطر والتلج ده مش كل يوم ولا حاجة! دانا نفسي - اللي باموت ف التلج - كنت انتحرت! :lol:

التلج ده بينزل كام يوم كده في الشتا ، وبيبقى الحال على ما هو عليه فترة تانية ، والشمس تطلع والتلج يختفي مع استمرار البرودة فترة تالتة ، وتلاقي فترة الجة فيها دافي أوي فترة رابعة ، وبعدين تلاقي دش تلج ينزل كده في الوقت الضايع فترة خامسة...

لا تقلقي ... الحياة مسلية جداً ودايناميك إلى أقصى حد :king:

وكل حاجة هتلاقيها موجودة (أسبوع للأمام) على نشرة الأخبار ، وممكن تشوفيها على ياهو ويذر. مفيش مفاجآت سيادتك...

مانا قلت لازم الصبح قبل ما تخرجي تعملي تشيك ع النشرة الجوية (سواء اللي بتبث ع التليفزيون ، أو ع النت) قبل ما تخرجي شغلك أو تروحي أي مكان ؛ عشان تكوني عاملة حسابك في اللبس وكده.

دانا كنت عامل صفحت الياهو ويذر دي الهوم بيدج بتاعتي :big_boss:

[moheltohamy]

الله ينور يا دكتور تهامى

وعليك يا معلم :big_boss:

وحمد الله على سلامتك ، رجعت تنوّرنا هنا من تاني... برضه بيتك ومطرحك :king:

[moheltohamy]

اهنيك يا دكتور تهامي مناسبه تغير ديكورات القهوه الحقيقه ماجصرت (يعني عملت احسن مايكون) والصور قويه ,معبره, وكلها اكشن. اكرر شكري لك عن مجموعة الصور الي تورينا اختلاف الوان الشتاء في كندا.

ولفت انتباهي انك كمان بتدينا كلمات انجلش جديده الحقيقه انا مبسوط ان تكون الفايده ميلتيبلانر.

اما بالنسبه للعمارات العاليه ففيها ميزه ان الواحد لو ملقاش شغل وحب يرمي نفسه ...يموت مش يقع من الدور الثاني ويتكسر بس :lol: :yahoo: :swing:

وآدي أتوبيس المدارس... اللي يروح منّك 6 نقاط demerit points لو قرّبت منه وهوه بينزّل العيال من المدرسة!

ايه الحكايه انا مش فاهم ؟؟

يا باشا فيه طرق جديدة أسهل بكتير وأكيده عشان تخلص خالص ، ولا تتكسر لك رجل ولا صباع!

مع الأسف الـ CN Tower مش أوبشن منهم ، الدنيا متقفلة هناك! :sofa:

هاحكيلك على طريقة لوووووووز تنتحر بيها هناك (برضه من الهاند أوفر) ، بس اصبر بس انتا :king:

وطبعاً تكرم عمنا د. الشامي وجاوبك على سؤالك :big_boss: