كندا التي رأيتها :)

[moheltohamy]

شوقتنا يا ريس وحمستني لجولة مذاكرة ليلية مع الاليتس

وتصبح علي خير

صباح الخير د. خالد...

وبالتوفيق مع الآيلتس ، وربنا يهوّنها!

الله ينور يا دوك

قول كمان

وعليك يا إيهاب :wub:

بس بيتهيّألي عيب وما يصحّش إن انتا بالذات تعدّي من غير ما تجيب حاجة حلوة معاك لزباين الأهوة...

فين خواطرك ، وخبراتك يا راجل؟ دانتا من أهلها ، وعندك خبرة فسحية صيفية أكتر مني!

بانتظار كلماتك wst::

الله ينور عليك ياباشا والله من اول كلمة وانا عمال بدحك لحد اخر كلمة.

متتاخرش باة علينا وازل بالحلقة الجاية اوام. تسجيل متابعة واعجاب ياباشا.

يا رب دايماً يا سامح :blush2:

وعموماً فيه كام حتّة ع السريع كده هاحاول أجهّزهم أوام...

ربنا يسهّل.

هو ده الشغل يا دكتور...... الله ينور

بس يا ريت شوية تركيز واللهى......... انا طلبت نسكافيه...... مايجيليش كابيتشينو؟؟؟؟

بعدين healthy life و كده...... الاطفال مايجلهمش نسكافية....... فين الهوت تشوكليت؟؟؟؟؟؟

مممممممممم ...... يبدو ان القهوة دى عايزة تفرغ اكتر

متابعييييييين...... يا فندم!!

يا سلاااام... ما أعز على ألبي... النسكافيه أرخص :lol:

بس الموضوع دخل في هوت شوكليت وكده؟

أروح أعمل كارت الإشتراك مع تيم هورتونز بأه!

بس الله يكرمك ما تنسيش تئوليلي جايّة إمتى ؛ آهو أعمل حسابي وأحوّشلها! واحضّر الكارت! :unsure:

موضوع شيق وجميل..واسلوب متناسق و ملئ بالنغمات ذات الايقاعات الحالمة.تسجيل متابعة

هممممم

مش عارف ليه الكلام حاسس إنه مش جايب على برئ خالص؟!

فينك يا حسيني تأكّدلي الفكرة اللي في دماغي! :blink:

عموماً - لو كان الكلام على برئ - فشاكرين ليك يا سيدي المشاعر الطيبة.

ولو كان كما أتخيّل... فده رأيي وانطباعي الشخصي ، وقد يختلف معه آخرون ، وكل واحد بيتكلّم من منطلق تجربته الشخصية! mfb:

تسجيل متابعة و اعجاب بالاسلوب اللذيذ , اللة ينور عليك يا دكترة

هونت علينا شوية من اخبار ال Recession و الJob cuts الى عايشين فيها اليومين دول

مراسلكم من دبى ABO ADAM

يا رب دايماً منوّرنا يابو آدم :lol:

وإني تايم يا ريّس wst::

[moheltohamy]

الفيديو اللي صوّرته هند للماراثون في يانج استريت في مايو اللي فات...

طبعاً هند آخرها تصوّر من ورا إزاز الليفينج :blush2:

وطبعاً الريزوليوشن صعب، بسبب اليوتيوب!

عموماً لو حد يحب ينزّل الملف الأصلي (ملف بامتداد MOV وبحجم 45 ميجا!) ، ممكن ينزّله من ع الـ RapidShare

[moheltohamy]

اسلوبك اكثر من رائع دكتور تهامى بصراحة انا عن نفسى بضحك من قلبى لما بقرا كلماتك وياترى حضرتك بقالك كم سنة بكندا؟

إحمممم... سؤال محرج ، وشكلنا هنخسر زبونة!

هيه تجربتي مع كندا كلها على بعضها 7 أسابيع على زيارتين... الأولى بتاعت اللاندينج كانت 3 أسابيع زي ما قلت أبل كده وكانت في سبتمبر 2007 ، والتانية كانت 4 أسابيع فبراير ومارس 2008.

والكلام ده إنطباعاتي اللي شفتها في الفترة دي ، إضافة للمكالمة التليفونية اليومية مع هند ، واللي من خلالها عايش الحياة هناك برضه!

وربنا يسهل ورايح تاني 3 أسابيع في يناير إن شاء الله :blush2:

[moheltohamy]

حتة زوّدتها ع الجزء اللي فات... آهو عشان دايماً باستنى أكتب كل اللي بييجي في بالي ؛ عشان كده دايماً باتأخر :blink:

وعلى ذكر مزيلات العرق... أحب أضيف لك معلومة كويّسة هتعجبك...

الفرق بين موانع العرق Anti-Perspirant ومزيلات رائحة العرق Deodorants ، هو إن الأولى تحتوي على أملاح (aluminum and zirconium) بتدخل عبر قنوات الغدد العرقية (Apocrine sweat glands) وتمنع إفراز العرق تماماً ، وبالتالي مفيش عرق يبقى مفيش ريحة! بس فيه أبحاث وجدت علاقة بين أملاح الـــ Aluminum وسرطان الثدي ؛ حيث إنه بيسبب DNA mutations ، إضافة إلى إنهم وجدوا إن ممكن تكون مادة الألومينام دي قاتلة لو استعملت بكميات كبيرة في حالات خلل وظائف الكلى ، وفيه أبحاث تانية بتئول إن مالهاش دعوة بالسرطان! إشتري دماغك يا عم الحاج ، وبلاها أحسن!

مزيلات رائحة العرق بأه مالهاش دعوة بالعرق... دي بتموّت أو بتثبط (Bacteriostatic) عمل البكتيريا الـــ Commensals اللي عايشة في الغدد العرقية دي ، واللي بتحلل الدهون والپروتينات الموجودة في العرق وبتطلّع الريحة المميزة للعرق من مناطق الـــ Apocrine sweat glands ؛ زي الـــ Axilla مثلاً ؛ عن طريق إنها بتلعب في الـــ pH بتاعت المنطئة دي أو تركيز الأملاح بما يجعلها غير مناسبة لنشاط البكتيريا دي. طبعاً دي أفضل من النوع الأوّلاني. يبقى يستحسن تاخد بالك م اللي مكتوب على علب مزيلات العرق اللي بتشتريها ؛ لأن فيه أنواع شغالة بالنوعين (يعني Antiperspirant و Deodorant في نفس الوأت)!

ويُنصَح عامّةً إنك تدوّر ع الحاجات ذات المنشأ الطبيعي ، وبيكون مكتوب عليها كده... ولو إنه برضه ممكن يكون فيها مواد كيماوية برضه! :unsure:

طريقة قريتها عشان تعمل بنفسك مزيل لرائحة العرق ف البيت من مواد طبيعية ومضمونة... تخلط كميات متساوية من النشا (نشا الذرة) + البيكنج صودا (بيكربونات الصوديوم ، يعني الكربوناتو بتاعت الطعميّة مش البيكنج پاودر اللي بيتضاف عليه حاجات تانية بخلاف بيكربونات الصوديوم) ، وتقلبهم كويّس ، وتحطهم في علبة من ذوات البلية الدوّارة Roll On دول (عارف پوردة أصالة بتاعت إزالة رائحة العرق؟ أنا استخدمت علبتها الفاضية وعبّيتها من الخلطة دي) ، وتستعملها يا ريّس وانتا ضامن 100% إنها طبيعية 100%! :blush2:

واللي استغربتله إني في تورونتو ما لمحتش حاجة زي پودرة أصالة دي الصراحة ، وعشان كده ناوي آخد معايا باكتتين ولا تلاتة أعيش عليهم لغايت ما ابقى أنزل مصر تاني!

[moheltohamy]

، ومعايشتي للكانيديان لايف ستايل ، الناس هناك متعوّدين على دش يومي ع السريع كل يوم الصبح.

الله ينور يادكتور ايه كمان ممكن تقوله لنا عن الكانديان لايف ستيل .

يا سلام عليك يا دكترة...

دا ولا كأنك عارف النقاط اللي ف الهاند أوفر اللي ناوي أتكلم عليها :unsure:

عنينا... الحتّة اللي جايّة عن الثقافات المرتبطة بأسلوب الحياة الكندية :blush2:

أروح أحضّرها بأه... :blink:

[moheltohamy]

تلات عيال و أمهم يشغلوا العفريت

:o مش عارف ليه حسّيت إني باسمع (7 لغات ... 7 لغات يا افندم؟... 7 لغات واممممممهُم! :unsure:)

XXXXXXXXXXXxXX

يعجبني فيك يا إيهاب إنك راجل متفَوْتر... يعني دوكيومِنتِد

وبصراحة يا إيهاب ياخويا... أنا كان كلامي واضح من البداية... الهاند أوفر ده إنطباعات شخصية... تجربة شخصية... الحياة كلها تجربة شخصية!

أنا صح ، وانتا صح ، وتورونتو صح ، و د. الشامي صح ، و أ. حمدي صح ، وياسر صح ، وPhoenician صح ، و جادوللي صح ، وآينشتاين صح!

ليه عاوزين الحياة مونوكلَر؟! :lol:

لو سألت الناس على مصر ، كل واحد هيقوللك فيها رأي... لو سألت المغتربين عن حكمهم عن الحياة والعمل ف الخليج ، كل واحد هيقوللك رأي... لو سألت الناس عن معنى الحياة في نظرهم ، كل واحد هيجيبهالك برأي...

وكلامي كان واضح في أول صفحة في الهاند أوفر إنه عن انطباعات شخصية ، حدوتة باحكيها لأحمد صاحبي ، وحبيت أحكي معاكم فيها! ودلوقتي باكتب لأحمد مراد وباكتبلكو... يمكن ده يكون حلم دمّه خفيف حلمته ، وباحكيلكو عليه... مفيش داعي كل شويّة ييجي واحد ياخدني قلمين عشان يفوّقني ، ويؤكدلي إنه حلم!

ولو يحب ممكن ننزّل توبيك منفصل عن كندا التي لم أرَها! ويعدد مساوئ البلد ، من منطلق تبصير اللي رايح بالعيوب قبل المميزات ، ومن منطلق الحرص على إفادة الناس قبل أي شيئ تاني (زي سد نفسهم مثلاً!) :sad:

لكن مش مجاله خالص التوبيك بتاعي ده!

سبحان الله! et:(

تم تعديل 25 نوفمبر 2008 بواسطة Scorpion
حذف أصل الأقتباس

[samehelassad]

تلات عيال و أمهم يشغلوا العفريت

:D مش عارف ليه حسّيت إني باسمع (7 لغات ... 7 لغات يا افندم؟... 7 لغات واممممممهُم! :unsure:)

إحساسك صحيح

toronto

TorontoBack

toronto over the all

torontobanker

Torontotruk

ده غير الأسماء اللي مش باديه ب toronto

عموما أنا كنت مستغرب

تهامي عمال يقول شعر في كندا

و لسه محدش قاله إنت فكك السفلي متدلي من الإنبهار

واضح إن دورك جه يا معلم

حاسب على فكك السفلي بقى :o

يعجبني فيك يا إيهاب إنك راجل متفَوْتر... يعني دوكيومِنتِد

وبصراحة يا إيهاب ياخويا... أنا كان كلامي واضح من البداية... الهاند أوفر ده إنطباعات شخصية... تجربة شخصية... الحياة كلها تجربة شخصية!

أنا صح ، وانتا صح ، وتورونتو صح ، و د. الشامي صح ، و أ. حمدي صح ، وياسر صح ، وPhoenician صح ، و جادوللي صح ، وآينشتاين صح!

ليه عاوزين الحياة مونوكلَر؟! :lol:

لو سألت الناس على مصر ، كل واحد هيقوللك فيها رأي... لو سألت المغتربين عن حكمهم عن الحياة والعمل ف الخليج ، كل واحد هيقوللك رأي... لو سألت الناس عن معنى الحياة في نظرهم ، كل واحد هيجيبهالك برأي...

وكلامي كان واضح في أول صفحة في الهاند أوفر إنه عن انطباعات شخصية ، حدوتة باحكيها لأحمد صاحبي ، وحبيت أحكي معاكم فيها! ودلوقتي باكتب لأحمد مراد وباكتبلكو... يمكن ده يكون حلم دمّه خفيف حلمته ، وباحكيلكو عليه... مفيش داعي كل شويّة ييجي واحد ياخدني قلمين عشان يفوّقني ، ويؤكدلي إنه حلم!

ولو يحب ممكن ننزّل توبيك منفصل عن كندا التي لم أرَها! ويعدد مساوئ البلد ، من منطلق تبصير اللي رايح بالعيوب قبل المميزات ، ومن منطلق الحرص على إفادة الناس قبل أي شيئ تاني (زي سد نفسهم مثلاً!) :sad:

لكن مش مجاله خالص التوبيك بتاعي ده!

سبحان الله! et:(

يص يادكتورنا: انا مع كلامك 100 في ال 100 بس عاوز اضيف حاجة صغيرة.

الحياة كلها تجارب. وكل واحد فينا بيختار التجارب اللي بيخوضها بمزاجة مش غصب عنة. وكل واحد فينا برضة بيشوف تجاربة وتجارب غيرة بمزاجة وبعينة مش بمزاج واحد تاني. انت يادكتورنا بتحاول بقدر الامكان تكون واقعي بدليل انك تقريبا بتنقل اوجة حياة هناك (حياة يومية بيعيشها كل الناس) مش احاسيس او وجهة نظر. ومن كلامك بيبان مميزات كندا وعيوبها لكل واحد. زي ماقلت انت شايف الحاجة دي حلوة وغيرك شايفها حاجة وحشة. بس في النهاية ربنا خلقنا وادانا القدرة على تغير اي شي مايعجبناش الي شي يعجبنا. وادانا قدرة على التاقلم مع اي وضع جديد. ومحاولة النجاح فية. وادانا حرية الاختيار والتعديل والتغيير. السوال هنا هل احنا دايما بنحب نبقى ضحايا ومش عاجبنا حالنا ومش عاوزين في نفس الوقت نغير من اوضاعنا؟ هل اي حد بيفشل بيستمر في فشلة؟ هل اللي مش عاجبة مكان بيفضل قاعد فية؟ هل الاعمى اللي زي حالاتي ولسة ماشافش حاجة محتاج واحد يساعدة ويحمسة ولا يخوفة ويرعبة؟ هو في حد عاقل يعيش في النار ويقول للناس اوعى تدخل وهو مش عاوز يخرج؟؟؟

[moheltohamy]

اتفضل يا ا/تهامي احكي انطباعاتك ووعد مني لاتعليق من ناحيتي علي اى كلام حتقوله فقط علشان اسلوبك الممتع ودمك الخفيف.

عزيزي... مش ده اللي أنا عاوزه ولا اللي أتمناه يكون!

أنا أتمنى التفاعل ، والمشاركة اللي بجد. ما يفرّحنيش حد يفضل يصفّق لي ويقوللي هايل ؛ لو شايف إني غلطان!

هوه كل الموضوع إني باحكي حدّوتة شفتها... مش باناقش قضيّة!

وعشان كده فتحت توبيك تاني بيناقش القضية من وجهة النظر الأخرى! نقدر كلنا ، وانا أوّلكم نناقش مخاوفنا واعتراضاتنا هناك لو تحبوا.

ولو انتا تورونتو الشهير... فأنا كنت على فكرة من المعجبين جداً بيك ، وكنت دايماً باستغرب من الهجوم عليك. وكنت دايماً اقول يا ناس الراجل شايفها وحشة ؛ هوه حر ، ونشكره على رأيه... ومن حقه يقول كندا وحشة زي ما من حقنا نقول مصر وحشة!

يمكن بس كان اعتراضي إنك بتقول إنها وحشة بس ؛ بدون ذكر نقاط العيوب عشان الناس تبقى متوقعاها ، وحاطّة تخيُّل في ادماغها لـ پلان احتياطي للتعامل مع الظروف الصعبة اللي انتا شايفها.

الناس اللي هنا لا عايزة اللي يغرّقها ويعيّشها الوهم! ولا عايزة اللي يحطّم حلمهم ويسد نفسهم... وعشان كده أنا باقول اللي شفته ، واللي سمعت عنه ، ولو سمعت عن عيوب باقول ، ولو شفت ميزات باقول.

وعموماً يا سيدي... إنتا صاحب مكان ؛ وخبراتك تسبقني بسنين... يعني إنتا هنا السنيور!

وإنتا تشرّفني في موضوعي في أي وقت...

واكون لك من الشاكرين كمان

تم تعديل 25 نوفمبر 2008 بواسطة moheltohamy

[samehelassad]

مش ممكن تكون عنده ظروف مخلياه يعيش في النار لفترة و يستحمل لهيبها ؟ولما الظروف تسمح مع اول طلعة حيفتح علي الخامس ويقول يا فاكيك...اتمني مانخلطش الاوراق ببعضها..والسمع غير الشوف...اتفضل يا ا/تهامي احكي انطباعاتك ووعد مني لاتعليق من ناحيتي علي اى كلام حتقوله فقط علشان اسلوبك الممتع ودمك الخفيف.

الحقيقة انا مش شايف خالص حاجة ممكن تخلي الواحد يعيش في نار مدام ممكن يخرج منها بارادتة.

انا كنت عايش في السعودية وكان الوضع تمام. ولما اتقلي الوضع قلت ارجع بلدي بكرامتي حتى لو هشحت فيها ولا يوم في السعودية. اتقالي الفلد فيها فلوس. اشتري فيزا وتعالى. جالي عروض تحفة لو اشتريت فيزا. قلت ابدا. انا عاوز اعيش محترم ومترحب بيا. وملعون ابو القرش اللي يهين صاحبة. والمثل بالمثل ملعون ابو الباسبور اللي يعيشني في نار عشان اخدة. واخد لية باسبور مابحبوش. وباسبور بلد قرفان منها. افتكر ابويا الله يرحمة زمان اتعرض علية باسبور بلد معين. قال اخد باسبور بلد ماحبيش انتميلها او انتمي لاهلها؟

لو انا غلط فهمني ورينا انت شايف اية؟ وماتنساش ان الدنيا مابقيتش بالكلام وبس. كل كلمة لازم ليها دليل.

[ناوية ع الهجرة]

كندا التي لم اراها تصدق يا دكتور انا كنت بفكر اكتب موضوع بالعنوان ده بس علشان أقول اني كونت انطباع جيد جدا عن كندا من المنتدى ومن اخويا اللي عمل لاندنج في الصيف وقريبتي التي تعيش هناك

ورأي الشخصي ان كل مكان له مزاياه وله عيوبه نحن لسنا في الاخرة وسنذهب الى الجنة والخالية من كل المنغصات نحن على الأرض

ولكن ببساطة نحن نختار البلد التي مزاياها اكثر من عيوبها :blink:

ياعني هقارن بين مصر وكندا طبعا مقارنة ما لهاش معنى :blink: :blink:

نقارن بين الخليج وكندا............ ايضا كندا افضل بكل المقاييس :)

واللي شايف غير كده ما فيش داعي اصلا يدخل على الحياة والهجرة لكندا ويدور على الحياة والهجرة ل.........البلد اللى عايز يعيش فيها كل واحد حر :blink:

وانا شايفة ان زي ما كتير من الاعضاء قال ان اللي بيبحث عن الهجرة لكندا غالبا مرتاحين ماديا لكنه يبحث عن استقرار وامان وحياة نظيفة بعيدة عن التلوث والضغوط والهم

وده رأي الشخصي !! يعني ما حدش يزعل مني ويارب ييسر لنا أمورنا كلنا بما فيه الخير لنا جميعاً

[samehelassad]

لو انا غلط فهمني ورينا انت شايف اية؟ وماتنساش ان الدنيا مابقيتش بالكلام وبس. كل كلمة لازم ليها دليل.

انت غلطان...ووالدك الله يرحمه كان عنده حق..لكن فيه اشياء من الصعب جدا ان اللانسان يكتبها علي صفحات المنتديات كل من هب و دب يقرئها...انا قولت رايي و انطبعاتي زي ماناس كتير قالوها...وانا حر في رايي ومش شرط يكون صحيح...ضعني في قائمة التجاهل علشان ما فوئكشي ...ولمعلوماتك انا معايا باسبور افرس من الكندي...وجهات نظر ياريس.

بص ياسيدي انا بجد زيي زي اي حد مقدم ولسة مارحش كندا. انا كمان على وشك اني اكون هناك عن قريب انشاء الله. وبجد انا عاوز اجمع اي معلومة عن البلد دي سواء حلو او وحش. كل دة هيسهلي عملية التاقلم هناك. متزعلش مني انا مؤمن جدا بالمثل اللي بيقول يابختي بمن بكاني وبكا عليا ولا دحكني ودحك الناس عليا. وماخاب من استشار. انا من ناحيتي عايز افوء ياسيدي. بل بالعكس انا اكون شاكر ليك جدا لو تفوئني على الاقل عشان لما اروح اعرف ازاي مااقعش في الغلط واعرف اظبط خطتني هناك. ولا اية؟

ثانيا: انا بجد ماعرفش انت مين ولا اعرف ان كنت انت عايش اصلا في كندا ولا لاء. ومش ممكن اضر واحد بيساعدني؟ اية الصعوبة لواحد محدش يعرفة الاباسم حركي ان يضع خبرتة للناس لفايدتهم . مع العلم ان دة مش ممكن يكون شيء صعب ابدا. خصوصا انة اصلا مالهوش وجود دة اسم حركي قط لاغير؟ ولا اية.

من ناحية الباسبور الكندي ومين اقوى من مين دة مش ممكن يكون الهدف الوحيد لاي مهاجر خصوصا لو كان مصري. لسبب واحد بس ان محدش يعرف القانون بكرة هيغيروة ولا لاء. ومش ممكن الواحد يعلق كل امالة على احتمال وحيد وممكن مايتحققش. ولا اية رائيك.

انا مش برد عليك او باقول انك غلطان. انا ماروحتش هناك اصلا. بس بجد عاوز استفيد منك. ياراجل دا الواحد فينا بيحتاج ساعات ابوة يثبت لة وجة نظرة عشان يسمع كلامة. هيروح يامن لواحد كدة من غير اي دليل؟

مع خالص تحياتي وعذرا للاطالة.

[Torontotruk]

بعيدة عن التلوث والضغوط والهم

من ناحيه التلوث ...يوجد اكتر من مليون سيارة في تورونتو بس...بحيرة اونتاريو فيها اكتر من 300نوع من السموم مش عارفين اسامي ليها...بعني شوفت فنادق بترمي الصرف الصحي فيها... اكبر نسبة للناس ايلي بتعاني من الاكتئاب كانت في اسكندنافيا و كندا والاكتئاب ناتج عن اشياء كثيرة منها الهم والضغوط اليومية....فساد و محسوبية فيه والدليل قضيه رجل الاعمال الالماني ايلي متورط فيها رئيس الوزاراء السابق... استهتار موجود وخير دليل الرجل البولندي ايلي صعقته الشرطة في فانكوفر لما اتنرفز عليهم لجهله بالانجليزية حتي مكلفوش نفسهم يجيبولوا مترجم...عدل موجود بس لما وسائل الاعلام بتفضحهم زى قضيه ماهر عرار المواطن الكندي من اصل سوري ايلي اتهم بالارهاب بناء علي معلومات غير صحيحة قدمت من الامن الكندي للشرطه الامريكية تم ترحيله لسوريا بدل من ارساله الي كندا لتعذيبه علي ايدي زبانية التعذيب السوريين ولما الفضيحة ريحتها طلعت اقالوا وزير الامن الكندي واعتذار ستيفان هاربر الرسمي لعرار...مع العلم ان عرار طلب اعتذار رسمي من امريكا وحتي الان لم يحدث.وعوضته كندا ب 12 مليون دولار تقريبا.

[Phoenician]

مين نده علياااااااا؟ انا سمعت اسمي!!

دكتور تهامي العسل و كل الموجودين عالقهوة الشهيرة ... تحياتي القلبية لكم جميعا ... انا على فكرة متابع بس من بعيد لبعيد ولما لقيت اسمي اتنده علطول رفعت ايدي (موجود يا فندم)

انا بس حابب اعلق على كام نقطة

اولا بخصوص ريحة النضافة حابب اقول ان التلج لما بيدوب في الشوارع بيبقى ليه ريحة مش حلوه قوي ودي شمينها في اول شهر 4 (دخول الربيع في كندا) وكانت الشمس مشرقة و التلج بدأ يدوب و الريحة بدأت تظهر ... هي مش وحشة قوي وممكن محدش ياخد باله منها بس انا اتضايقت شوية منها

ثانيا بخصوص العطور و مزيلات العرق اكيد الناس بتحط عطور لكن بكميات خفيفة مش زي الجماعة الخلايجة اللي بيدلقوا أزازة العطر كلها على دماغهم قبل ما يخرجوا من البيت ... التصرف ده لو عملتوا في بعض مناطق كندا (دلقت أزازة الريحة على هدومك) ممكن القانون يعاقبك او الناس تشتكي عليك بحكم ان في ناس عندها حساسية من الروائح النفاذة وده ممكن يؤذيهم

نييجي بقى لنقاش الاستاذ تورنتو ترك

اولا كلنا عارفين ان كندا ليست جنة الله على الارض لكن في النهاية لقينا فيها اللي ملقانهوش في بلادنا .... بلادنا اللي كل يوم عن يوم احوالها بتدهور و بسرعة الساروخ ... على فكرة في ناس كتير مهاجرين من زمان (30سنة واكتر) بيقولوا لك كندا بقت زي الزفت والأحوال مش زي الاول و التعقيدات بتزيد و الجريمة بتزيد وده كلام صحيح في كل الاحوال كل البلاد احوالها بتتغير حتى الخليج .. تفتكر ان السعودية دلوقتي زي السعودية من 25 سنة فاتت ؟ انا ساكن في الرياض بقالي 9 سنين... الرياض دلوقتي مش زي الرياض من 9 سنين ... الزحمة زادت و الناس اخلاقها بقت اوحش ... لكن تسال واحد جاي جديد على الرياض يقوللك يا راااااااااجل دي احلى ميت مرة من بلادنا ... وهكذا هو الحال معنا نحن المهاجرين الجدد ... شاهدنا في كندا ما كنا نحلم به دائما وهو الحد الادنى من الآدميه و الحياة تمشي ببساطة معك بدون واسطات او تعقيد او فوت علينا بكرا يا سيد ... بتلاقي الناس بتحيي بعضها في الشارع و الناس بتقابلك بإبتسامة ترحيب.... يا راجل انا حاسس ان وشي كرمش من قعدتي في الرياض اللي مستحيل تمشي فيها و انت مبتسم احسن ما يفتكرك السعودي انك بتضحك عليه و لا بتعاكس مراته او في احسن الاحوال انك (عبيط)

حضرتك ذكرت موضوع ماهرعرار بس ما لاحظتش انه اتعذب برا كندامش في قلبها؟وده يعني ان ليه حقوق على الارض الكندية و الدليل لما رفع قضيه على الحكومة كسبها و اخد التعويض ... هل هذا موجود في بلادنا ؟ يا راجل الصحفي السوري ( ميشيل كيلو ) راجل لا ليه اي ارتباط مع دول اجنبية و ليس له اي اجنده يريد تنفيذها و كل مصيبته انه بيحب بلده قوي و لسانه بيتكلم على السلبيات و بيطالب بحرية الصحافة و الضرب بيد من حديد على الفاسدين في الدولة ( يعني حتى لم يطلب الديمقراطية او قلب نظام الحكم )ومع ذلك بقالو سنتين بيكح تراب في المعتقل ....

ارجع و اقول ان كندا سكانها بشر و ليسوا ملائكة وهي كغيرها من الدول يوجد فيها الانسان المستقيم و الانسان اللعوب وكن فيها ايضا ناس بتحاسب و ناس بتراقب و صحافة حرة و مؤسسات مجتمع مدني متطور

من اسبوع و على جريدة تورنتو ستار تم ذكر خبر مفاده ان الدبدوب الشهير اللي لابس لبس الحرس الملكي الاحمر و اللي بينباع في محلات الهدايا التذكارية ضار بالصحة لأن الحزام اللي لابسه الدبدوب مصنوع من مواد داخل فيها الرصاص ... عارف مين اكتشف الموضوع ظ محرر من الجريدة شاف ان الدبدوب وهو رمز شهير لكندا بييجي من الصين و بعد مشكلة الحليب الملوث خطر له ان يشوف ان المنتجات الصينية عليها رقابة ولا لأ و كانت المفاجأة لما اخد الدبدوب على مختبر التحليل و ثبت انه ملوث و يا داهيه دقي

وخبر تاني ان كندا اول دولة في العالم تمنع الببرونة البلاستك لأنها ضارة على الاطفال و النهاردة بيناقشوا موضوع منع الاكياس البلاستك عشان عايزين البلد بحلول عام 2012 تبقى بدون اكياس البلاستك المعروف انها ما بتتحللش و صعب تدويرها و معروف خطرها على البيئة و اكيد شفت الاعلانات اللي مالية الجرايد لتشجيع الناس على استخدام المواصلات العامة او البسكليت او المشي عوضا عن ركوب السيارة الخاصة طيب دي دولة الواحد يموت نفسه عشان يهاجر لها ولا لأ ؟

بلادنا فين و الناس فين دا احنا اتهرينا من الاكل الفاسد و قلة الضمير و المياه الملوثة حضرتك بتتكلم عن بحيرة اونتاريو الملوثة تعالى شوف المياه الملوثة اللي احنا بنشربها هل هذا موجود في كندا ؟اطلع برج تورنتو وشوف النضافة و اطلع برج القاهرة ولا المقطم وشوف السحابه السودا اللي فوق البلد وكأن البلد عبارة عن غرزة كبيرة

انا مش عايز اسود الصورة في بلادنا لكن فيه كتاب اسمه ( الحروب الصليبية كما رآها العرب ) للكاتب الفرنسي اللبناني امين معلوف لو قريته حتلاقي ان العرب هذه هي بلادهم و اخلاقهم من الف سنة الى يومك هذا ... الشي الوحيد المميز كان القضاء العادل و اللي للأسف مبقاش عادل (على الأقل في بلدي) و بالتالي مفيش فايده

انا مش عاوز اخرج عن الموضوع كتير لكن ومن تجربتي الشخصية كندا بالنسبة لي هي ما كنت احلم به تماما... يا رجل ده انا بقيت بأغير عليها اكتر من بلدي الاصلي

تم تعديل 26 نوفمبر 2008 بواسطة Phoenician

[jessika]

phonicia حقيقى كلامك صادق ومن القلب لانة بجد اثر كتير فية وانا بقراة وحسيتت بية وبمدى اللى احنا فية مش هاقولك غير اللة ينور وفعلا بقول للاخ ترونتو زعلان من بحيرة فيها تلوث واحنا اللى بنشرب ماية ملوثة كل دقيقة ياريت تجيب حد من شركة فلاتر يحللك الماية اللى بتشربها وتشوف اللون الاسود اللى بيها وتعرف ان بتشرب اية ياراجل دة من كم شهر لقينا ريحة الماية تقرف وبلغنا عليها ولا حياة لمن تنادى بقالنا اكتر من 7 شهور ومحدش سال واتارى ماية الصرف دخلت على الماية العادية تخيل بقى عايشين على الماية المعدنية ومش بس بنشربها لا بنغسل ادينا منها وناخد شور كمان بالماية المعدنية ومحدش اتصرف احنا اللى لمينا وعملنا مواسير جديدة لكل المنطقة تفتكر الاسر اللى عايشة بالعافية تقدر تشترى كم كرتونة ماية معدنية باليوم وكمان كان فى الصيف فى عز الحر والعطش؟ والاطفال الصغيرة تستحمل كل دة ازاى انا بعد اللى حصل دة قررت وبشدة السفر والهجرة رغم اننا فكرنا قبل كدة وترددنا من ساعة اللى حصل و بقى كل هدفنا وتركيزنا اننا نقدر نهاجر حبيت بس اقول رايى واضيف عيب واحد من عيوب بلدنا العزيزة بالرغم انى بحبها لكن بجد كتير قوى اللى بيحصلنا وشكرا

[ايهاب سالم]

بعيدة عن التلوث والضغوط والهم

من ناحيه التلوث ...بحيرة اونتاريو فيها اكتر من 300نوع من السموم مش عارفين اسامي ليها...

300نوع !!!!

مش عارفين اسامي ليها !!!!

يا سلام

ده راجع لضعف إمكانيات معامل التحاليل مثلا

على رأي تهامي أنا راجل متفوتر

قصدي دوكيمنتد

Regular monitoring of the quality of water supplies drawn from Lake Ontario shows that water quality meets or exceeds public health standards for drinking supplies. Open lake surveillance monitoring conducted as part of Canadian and United States research efforts also confirms the high quality of Lake Ontario water

تم تعديل 26 نوفمبر 2008 بواسطة ايهاب سالم

[hamdy farag]

['ايهاب سالم' date=Nov 26 2008, 07:26 PM' post='414951]

[

300نوع !!!!

مش عارفين اسامي ليها !!!!

يا سلام

ده راجع لضعف إمكانيات معامل التحاليل مثلا

على رأي تهامي أنا راجل متفوتر

قصدي دوكيمنتد

السلام عليكم...كلام ا/ايهاب مظبوط مية في المية ...اصدقائي كانوا في تورونتو العام الماضي صيفا وكلهم سبحوا في البحيرة وان كانت بحيرة اونتاريو مليئة بالسموم لكانو جميعا اخذوا عدوة....تورونتو ليست مدينة صناعية وتجارية فقط ولكنها سياحية...ومن المستحيل ان تكون بحيرة كاونتاريو مليئة بسموم..انا ارشحها لكل العرب والمصريين هواة رياضة السباحة ...وسمعت ايضا انها يمكن الشرب منها مباشرة نظرا لنقاء المياه فيها وعدم السماح للفنادق او مصانع الاسمدة المنتشرة حولها بالقاء فضلاتها او مخلفاتها فيها...والله اعلم....

[moheltohamy]

يا سادة...

معلش ؛ أنا حسيت إني مش لاقي كلام اقوله ، ولا عارف اكتب إيه الصراحة خالص!

أنا عمري ما اعترضت على وجود أي حد معايا أو مشرّفني هنا ف التوبيك... ولا شايف نفسي أحسن من أي حد هنا (زي ما قال بعض الأطباء في توبيكس تانية ، أو بعض الزملاء عن أعضاء أسرة كندا)...

كلّنا بنفيد وبنستفيد من بعض... وإن كنتم شايفين إني مفيد ليكم في بعض النواحي ، أو بادّيكم بعض المعلومات عن حاجة نفسكوا توصلولها... فأنا باستفيد بوجودي هنا معاكم... باحس بيكم إني ... موجود!

وكنت قريت كلمة زمان لعبد الوهاب مطاوع إن اللي بيدّي الناس وبيساعدهم ، مش بيساعدهم عشان بيكافئهم ؛ لأ ... دا هوّه بيساعد عشان نفسه... عشان هوه بيكون سعيد وبيفرح لما بيساعدهم.

أنا لما أساعد حد عجوز بأي شكل من أشكال المساعدة ، وأمشي في طريقي... أنا أخدت المقابل لخدماتي خلاص - بخلاف الثواب عند ربنا - كفاية الإحساس بالرضا عن الذات ، والسعادة Euphoria اللي ولا طربتين حشيش يحسسوهالي clp::

وإن كنا قلّة في المنتدى اللي بيتكلموا عن واقع عاشوه ولمسوه بحكم تواجدهم في كندا (أنا - د. الشامي - إيهاب سالم - أ. حمدي فرج - محمد عمر تورونتو - ياسر - وجدي - فينيشيان - آينشتاين - كوين - أتوماتيك - كنج توت ، وناس تانية ناسي أسماؤهم حالياً ، يمكن عشان مختفيين من فترة)... فكلامنا بيؤخذ من الباقين بثقة باعتبار إننا مش بنتكلم من فراغ أو عن سمع أو تخيُّل ، بل عن أشياء عايشناها ولمسناها... وهذا شرف ومسئولية في واقع الأمر! وإن كان أحياناً بيكون أوفرلود بشع في بعض الأوقات ؛ وناس بتزعل لو تجاهلت أو تأخرت في الرد عليهم!

وأحب أقول حاجة... زي ما ذكرت قبل كده ؛ اللي بيفتّح عينينا على عيوب كندا ؛ زيّه زي اللي بيورّي الناس مزاياها... الاتنين مطلوبين. المشكلة إن الزميل تورونتو بيحبط الناس بإن الصورة سووووودة وشكراً على كده ، وبدون تفاصيل... وعشان كده فتحت التوبيك بتاع عيوب كندا ؛ على أمل إننا نناقش بموضوعية العيوب اللي رآها ، والمخاوف اللي لدى البعض ، والخواطر اللي بتمر على بال كل واحد مننا (وانا أوّلكم)!

لكن الغريب إن كل التنشنة كانت هنا في ركن الحواديت (التهامي هورتونز على رأي حسيني اللي غطس ما طلعش من زمن!) ، في حين إن الناحية التانية مفيش أي عيب اتناقش بموضوعية ؛ بل على العكس ألائيه بيعتذرلي هناك ، وبيطلب مني - هناك - أكمّل الهاند أوفر بتاعي! :lol:

الموضوع مش اعتذار ؛ ولا أنا مستني اعتذار من أي حد... الراجل ده عنده كنز ثمين بجد يا جماعة ؛ ومش المفروض نطلب منه يسكت أو يخرس ويحل عننا (لزوم السياق الدرامي يا أخ تورونتو مش بجد يعني!)

لكن بكل أسف... ما زال يبخل علينا بمشاركته العيوب اللي رآها...

وبالنسبة لموضوع إنه بيتخفّى وراء عدة أسماء يا أ. حمدي... فالراجل عنده مبدأ... و ولاء لتورونتو ؛ رغم إنه سابها :lol: ودايماً من السهل إنك تعرف إنّه هوه ده تورونتو الشهير! دايماً إسمه تورونتو حاجة! حط نفسك مكانه ؛ لو اتقفل الأكاونت بتاعك ؛ وكنت من محبّي المحاورات ومرتاديها... تعمل إيه؟ هتعمل أكّاونت جديد!

واللي أنا ملاحظه جداً إنه بيستحمل كتير بصراحة ، وبياخد هجوم من كل اتجاه... أنا عن نفسي ما اقدرش أستحمله! وبعد كده بالاقيه بيعتذر للجميع. ودي شجاعة أدبية مش عند الكتير مننا!

عاوز أقول لكم جملة قريتها من زمان لعبد الوهاب مطاوع ، ومأثرة فيّا جداً لغايت دلوقتي... من علامات شقاء المرء زهده في راغبٍ فيه! تقريباً الجملة دي عن علي بن أبي طالب على ما أذكر.

وكون الراجل ده متمسّك بوجوده معانا... فأنا أشكره على كده ، وأرحب دوماً بوجوده معايا ؛ وإن كنت أتمنى فقط إنه يخفف من لهجة السخرية في حواراته.

وإن كان شايف إن كندا فيها عيوب ؛ فيا ريته يفتّح عينينا عليها. وأنا - قبلكم كلّكم - متشوّق أعرفها.

أنا مقتنع تماماً إن كل واحد بيتكلم من منطلق تجربته الشخصية ؛ واللي حصل مع واحد ممكن يختلف رد الفعل مع واحد تاني... لكن هكذا يتم تبادل الخبرات يا سادة.

ونحن لسنا في مجال لعقد المقارنات بين كندا ومصر... كده بنظلم مصر! بتقارن دولة من دول العالم التالت بدولة من الـ G8 ، وإحدى الدول الصناعية الكبرى؟ لا مجال للمقارنة أصلاً! دا الإمارات والكويت والسعودية وباقي دول الخليج من دول العالم التالت حضراتكو... تقولولي مصر؟!

مصر بلدنا وقدرنا ونصيبنا في حياتنا! خلصت!

لكن الكلمة اللي قالتها عفاف شعيب لجوزها في مسلسل الشهد والدموع (أنا ما اخترتش أبويا وأمي... لكن اخترتك انتا)... احنا ما اخترناش نكون مصريين ؛ لكن احنا مصريين! بس بإيدينا نختار إننا نكون كنديين... طب ليه لأ؟!

وزي ما انتا أدرى بظروفك اللي - أنا مصدّق - إن ممكن تخلّيك تقعد في بلد مانتاش راضي عنها... برضه كل واحد هنا أدرى بظروفه! وما لا يناسبك ، يناسب ويسعد كتير غيرك!

وأحب اقول لك إن إنتا مش في جانب وباقي المنتدي في جانب... إحنا كلنا فريق واحد ؛ وماشيين في طريق واحد... زي الماراثون بالظبط ، أو زي الناس اللي بتتسلّق الجبل ، ناس وصلت فوق ؛ وناس لسّه في الطريق لفوق... كل الفرق إن الناس اللي سبقت دي شافت حاجات اللي وراهم لسّه ما شافهاش ، والصورة بالنسبالهم أوضح من فوق عن اللي لسّه تحت.

عشان كده مطلوب من اللي سبق إنه يساعد اللي جاي بعده...

خلص الكلام... :lol:

[ahmedmustafamarey]

السلام عليكم ورحمة الله وبركاته

بداية ده اول رد ليا في منتدى محاورات المصريين

واول رد لازم يكون في موضوع اقل ما يقال عنه انه تحفة ورائع

انا قريت الموضوع من اوله لحد اخر رد وبجد شابو يا دكتور تهامي bv:-

احب اعرفكم الاول بنفسي وازاي وصلت لهنا

انا احمد طالب طب بجامعة طنطا الفرقة الثالثة

19 سنة

ومقرر السفر والعمل خارج البلاد من قبل حتى ما اخش طب :lol:

ولما دخلت طب كنت في الاول متردد من اللي بنسمعه من الاخوة المحبطين ( اللي نيتهم سيئة وعينيهم صفرا :o ) واللي بيقولوه على طب وكانها نار

لكن بجد انا مستمتع جداً حتى الان في دراسة الطب

وحبيتها اكتر لما عرفت ان الطبيب له قيمة كبيرة اوي اوي في الخارج وفي دول كتير يعتبر اعلى دخل واعلى قيمة اجتماعية :)

ومن السنة اللي فاتت خالي ( طبيب ) ذكر عليا شهادة الزمالة البريطانية وقالي انه فلان الفلاني خدها واشتغل بره في الخليج وبيقبض كتير وكده

وقصاد الملاليم الي منتظر ناخدها في بلدنا قدرنا المر بعد المعاناة والمشقة

بدات افكر بشكل جدي

وكمان اهلي ايدوني وعلى استعداد انهم يصرفوا على مشروع الزمالة البريطانية

وانا بتنقل بين المنتديات الطبية قريت موضوع لدكتور مصري راح كندا وفشل هناك عشان مكنش عنده سابق خبرة الا قعدة القهاوي smk: وكلام الناس اللي بتفتي

وقبل ما يفكر يرجع جرب حظه في امريكا وحالياً بيشتغل هناك مش فاكر ايه بالظبط

وفرحت اوي لما لقيت ان الزمالة البريطانية من الشهادات اللي بتسمحلك انك تشتغل هناك لحد ما تعمل المعادلة الكندية

سمعت كلام من ناس معارفي عن اقارب ليهم في كندا طلعو من مصر زي محمد هنيدي في فيلم همام ودلوقتي بسم الله ما شاء الله راكبين الهامر وعايشين اخر دلع B)

بدات امشي ورا الموضوع لقيت لينك للمنتدى هنا لموضوع اسمه 100 يوم في فانكوفر

عملتله bookmarks ونسيته

جيت بعديها بفترة وفتحت الموضوع وقريته ولما خلصته فوجئت بالقسم الرائع عن الهجرة في كندا

بجد انا انبهرت بالقسم ده وبالناس المحترمة اللي بتحب تساعد اخواتها

اول موضوع دخلته كان الموضوع الجميل ده قهوة التهامي باشا ربنا يخليه لينا :D

وقريت الموضوع على فترات وجيت دلوقتي وقررت ارد واسجل اعجابي ومتابعتي للهاند اوفر

وبجد يوميها عشت الحلم :lol:

ومن دلوقتي وانا بحلم ابقى هناك

رغم اني عارف ان قدامي مش اقل من 10 سنين من التعب عشان اوصل

لكن ده اداني دفعة معنوية للامام

لقيت نفسي تلقائياً بفكر في الدراسة اكتر عشان بجد نفسي انجح واقلل فترة اقامتي في الاته المحلولة اللي احنا عايشين فيها واللي هي قدرنا ان اهالينا جابونا على الارض دي

بالنسبة لي مصر معدتش اكتر من شوية تراب وارض

ومشواري يبدا لكندا ان شاء الله من بعد ما اخلص اخر امتحانات سنة 6

ربنا يدينا طولة العمر

انا قريت كل حاجه عن كندا حلوها ووحشها

لكن انا في رايي ان اوحش حاجه في كندا احسن من احسن حاجه في مصر

وكفاية رغي باه على كده

وسلامي لكل القهوة وفي انتظار الواجب :lol:

تم تعديل 28 نوفمبر 2008 بواسطة ahmedmustafamarey

[moheltohamy]

صباح الفل يا إيناس :lol:

والله فتح قهوتين ده كتير ع الواحد بصراحة!

وكمان موضوع الراجل السكرة د. هشام برضه واخد من تركيز الواحد...

عموماً ربنا يسهّل واحاول اكتب شوية في اللي عليه الدور... ربنا يسهّل والحق أنزّله النهارده...

المشكلة إن احتمال كبير يكون عندنا تفتيش النهارده ، و Disaster Drill ، وهتبقى عكّة!

ربنا يستر بأه :blush2:

[om reham]

سلام عليكم أخيmoheltohamy ماتزعل مني أعارض رأيك في موضوع أخي mehamza دعاء لله أن يطمن قلبه وينوله مبتغاه, أنا إتبعت اللوايح و طلبت معلومات عنSt-Laurent بكباك كتبت في (الميزانيه الشهريه للمهاجر لكندا) و(كل شئ عن كيبك )ولم يجب أحد ربما لم يدخلو للموقع أو أنه ليس مهم لهم مثلما مهم لي ولم أصر عليه لأني لم آخذ موافقه علي الهجرا ولكن لو ربي كرمني ونلت مبتغايا سوف أفتح موضوع عشان يكون واضح و يشفوف الكل ربما لن يهتم أحد و يجيب وهذا مافعله أخيmehamza وشكر لك و للجميع