كندا التي رأيتها :)

[moheltohamy]

يا أم ريهام...

الموضوع اللي فتحه أخونا حمزة يدخل في صميم المقابلات بتاعت كيبيك ، ودي ليها موضوع متخصص.

والناس اللي فيه دول نشطاء جداً ، وانا لامس ده بنفسي...

يمكن موضوعك يتوه وتحتاري في البحث عن موضوع مشابه. لكن الموضوع التاني ده في صميم المقابلات الشخصية!

وعندك الناس متخصصي كيبيك زي ابن سينا ونصار وجادوللي وغيرهم... ممكن يوجّه لهم الكلام مباشرةً!

كل اللي باحاول أعمله ؛ إننا نكون مسئولين شويّة ؛ وقبل ما كل واحد يفتح موضوع... يدّي نفسه وقت يقرا المواضيع السابقة ، ولو أحس إن مفيش موضوع مشابه يبقى يفتح توبيك جديد...

العملية تنظيمية ليس إلا! ولو لم ترى الإدارة أني على حق ؛ ما كانوش مسحوه!

بس استني هنا... إنتي طلعتي من العالم الكيبكواز؟!

وعاوزة أسماء الشوارع بالانجليزي ، وحركاااات! وتطلعي ف الآخر تبع الناس التانيين؟! :blush2:

[om reham]

شكرا علي سعت صدرك لكلامي إدعيلي أدخل بس ورح إتشوف رح أنا فسكم وأتكلم بلهجتكم بصراح فرنساوي رح يكون صعب علي بناتي لأنهم أمركان ولكن لست ضد تعلمهم لوغه ثالثه بحكم لوغة بلادي الثانيه بعد العربيه الفرنسيه لا تنسا أن تدعيلي فأنا في أمس الحاجه للدعاء.

[moheltohamy]

هاهاهاهاهاهاهاها :lol:

طلبت معايا أذيّة ع الصبح wst::

بس بذمّتك... مش معايا حق؟!

أنا أصلاً باتشل من أسلوب الدروس الخصوصية ، والمعلومة اللي بالمعلقة دي! محدّش بيكلف نفسه يدوّر شوية! كل واحد لسّه مسجّل وعنده سؤال ؛ يروح راميه في وشّنا ويمشي ، واحنا ندوّر عليه عشان نوصّل له المعلومة! واتفقعت بجد من واحد كان فاتح موضوع مخصوص من نفس العينة!

أنا باقول أقوم أنام شوية أحسن... إشمعنى يعني إيناس wst::

[moheltohamy]

ايه يا دكتور شايفاك بترد على كل الناس و معبرتناش بحاجة بقى هي دي اصول الضيافة في قهوتك برضه و لا انا عشان لسه جديدة يعني مبقتش من اهلك و صحابك هنا ... لا يا دكتور بصراحة انا كده اخدت على خاطري منك قوي .. انت و قهوتك كمان و "معدتش" هاجيها تاني "وش بيعيط"

بصراحة يا صافي...

إنتي شكلك جايّة واخدة على خاطرك م الأول أصلاً :hi:

وانتي هنا مش جديدة ولا حاجة ، مانتي مسجّلة من 4 شهور ، ويمكن من قبلها وانتي معانا من السنة اللي فاتت كمان... :D

ومش عارف اقوللك إيه...

بس هيّه ما اسمهاش (ما عدتش)... إسمها (ما بقيتش) :huh:

بطّلوا اللهجة الفلاّحي دي

تمنياتي أن تكوني بخير ، أنتي والأسرة الكريمة.

دعواتي بكامل الصحة... والسعادة

[ابو الخير]

السلام عليكم ورحمة الله وبركاته

بداية ده اول رد ليا في منتدى محاورات المصريين

واول رد لازم يكون في موضوع اقل ما يقال عنه انه تحفة ورائع

انا قريت الموضوع من اوله لحد اخر رد وبجد شابو يا دكتور تهامي bv:-

احب اعرفكم الاول بنفسي وازاي وصلت لهنا

انا احمد طالب طب بجامعة طنطا الفرقة الثالثة

19 سنة

ومقرر السفر والعمل خارج البلاد من قبل حتى ما اخش طب bv:-

ولما دخلت طب كنت في الاول متردد من اللي بنسمعه من الاخوة المحبطين ( اللي نيتهم سيئة وعينيهم صفرا :lol: ) واللي بيقولوه على طب وكانها نار

لكن بجد انا مستمتع جداً حتى الان في دراسة الطب

وحبيتها اكتر لما عرفت ان الطبيب له قيمة كبيرة اوي اوي في الخارج وفي دول كتير يعتبر اعلى دخل واعلى قيمة اجتماعية

ومن السنة اللي فاتت خالي ( طبيب ) ذكر عليا شهادة الزمالة البريطانية وقالي انه فلان الفلاني خدها واشتغل بره في الخليج وبيقبض كتير وكده

وقصاد الملاليم الي منتظر ناخدها في بلدنا قدرنا المر بعد المعاناة والمشقة

بدات افكر بشكل جدي

وكمان اهلي ايدوني وعلى استعداد انهم يصرفوا على مشروع الزمالة البريطانية

وانا بتنقل بين المنتديات الطبية قريت موضوع لدكتور مصري راح كندا وفشل هناك عشان مكنش عنده سابق خبرة الا قعدة القهاوي :wub: وكلام الناس اللي بتفتي

وقبل ما يفكر يرجع جرب حظه في امريكا وحالياً بيشتغل هناك مش فاكر ايه بالظبط

وفرحت اوي لما لقيت ان الزمالة البريطانية من الشهادات اللي بتسمحلك انك تشتغل هناك لحد ما تعمل المعادلة الكندية

سمعت كلام من ناس معارفي عن اقارب ليهم في كندا طلعو من مصر زي محمد هنيدي في فيلم همام ودلوقتي بسم الله ما شاء الله راكبين الهامر وعايشين اخر دلع B)

بدات امشي ورا الموضوع لقيت لينك للمنتدى هنا لموضوع اسمه 100 يوم في فانكوفر

عملتله bookmarks ونسيته

جيت بعديها بفترة وفتحت الموضوع وقريته ولما خلصته فوجئت بالقسم الرائع عن الهجرة في كندا

بجد انا انبهرت بالقسم ده وبالناس المحترمة اللي بتحب تساعد اخواتها

اول موضوع دخلته كان الموضوع الجميل ده قهوة التهامي باشا ربنا يخليه لينا :D

وقريت الموضوع على فترات وجيت دلوقتي وقررت ارد واسجل اعجابي ومتابعتي للهاند اوفر

وبجد يوميها عشت الحلم :lol:

ومن دلوقتي وانا بحلم ابقى هناك

رغم اني عارف ان قدامي مش اقل من 10 سنين من التعب عشان اوصل

لكن ده اداني دفعة معنوية للامام

لقيت نفسي تلقائياً بفكر في الدراسة اكتر عشان بجد نفسي انجح واقلل فترة اقامتي في الاته المحلولة اللي احنا عايشين فيها واللي هي قدرنا ان اهالينا جابونا على الارض دي

بالنسبة لي مصر معدتش اكتر من شوية تراب وارض

ومشواري يبدا لكندا ان شاء الله من بعد ما اخلص اخر امتحانات سنة 6

ربنا يدينا طولة العمر

انا قريت كل حاجه عن كندا حلوها ووحشها

لكن انا في رايي ان اوحش حاجه في كندا احسن من احسن حاجه في مصر

وكفاية رغي باه على كده

وسلامي لكل القهوة وفي انتظار الواجب wst::

محدش عزم عليا بكوباية مية حتى ...

اعزمك انا علي كوباية سحلب

شوف يا دكتور يا زغنطط انا لما كنت قدك او اصغر منك في سنه اولى بالتحديد ابتديت اشوف موضوع المعادلات و الحاجات دي خصوصا لما اختي - مقيمه في امريكا من 10 سنين - عرفتني ان الدكاتره هناك غير هنا و غير الخليج و غير كل حاجه .... المهم فحت موضوع امريكا ده و ابتديت اجيب الكتب بتاعته من و انا في سنه تانيه و كنت هقدم علي ال USMLE step I في سنه رابعه بس خفت ادخل و اجيب درجه اي كلام مش هتساعدني و مش هعرف اعمل اي نوع من تحسين الدرجات باي طريقه خصوصا ان فيه حاجات كتير في ستيب وان بتيجي كلينيكال و محتاجه الباطنه و كمان مطلوب اني اجيب سكور عالي جدا دلوقتي و بعد كده ظهر موضوع كندا لما ارتبطت بواحده معاها الجنسيه الكنديه

عموما اللي احب اقولهولك ان كويس جدا انك ابتديت تفكر في الموضوع من دلوقتي ... نصيحتي ليك اول ما تدخل علي التقيل في الكليه اللي هو الباطنه و الجراحه و النسا و الاطفال ... بسميهم مربع الرعب... ابتدي ذاكر كأنك بتذاكر للمعادله مش بس للكليه و الامتحانات و هات المصادر بتاعة المعادله بحيث انك تكون جاهز للمعادله اول ما تدخل علي امتياز ... و زي ما انت قلت الموضوع صعب بس ممكن و الصراحه يعني بطل تقرا كلام ناس محبطه خصوصا الاخوه المصريين ... عشان كده انا بحب المنتدى ده تحس ان كل اللي فيه بيحاولوا يساعدوا بعض

بالمناسبه بقى اللي انا ناوي اعمله ان شاء الله يعني اول ما اخلص الامتياز بتاعي هبتدي اجهز للزماله البريطانيه ستب 1 و في نفس الوقت للمعادله الكنديه ... هما الاتنين ممكن يمشوا مع بعض بعد كده هحاول اخلص موضوع الزماله ده الاول قبل ما اسافر كندا الا لو قدرت اخد fellowship في كندا او امريكا ساعتها هفكر في السفر مباشرة بمعنى تاني مش عايز اسيب مصر الا و انا جاهز للمعادله و عندي advantages كويسه عن باقى الناس اللي هتتقدم معايا

عموما بالتوفيق و ربنا معاك

[hgalal]

السلام عليكم ورحمة الله وبركاته

واقلل فترة اقامتي في الاته المحلولة اللي احنا عايشين فيها واللي هي قدرنا ان اهالينا جابونا على الارض دي

بالنسبة لي مصر معدتش اكتر من شوية تراب وارض

ربنا يوفقك يا دكتور ان شاء الله من كل قلبي واللهي ولكل مجتهداًٍ نصيب، وكلنا هنا نفكر في ما هو فضل لنا جميعاً ونعمل له. لكن كنت اتمنى منك عدم التعليق على مصر بهذا الكلام ومتنساش برضة حاجة مهمة

جداً ان لولا مصر عليك ودراستك فيها وتكفل الدولة بهذة الدراسة وحتي وآن كان فيها كل انواع العيوب . فلولا مصرا لما استطاع اي احد ان يكمل مشوار حياتة بالمزيد من الدراسة والتعليم والحصول على شهادات الزمالة.

وربنا يوفقك في حياتك العلمية والإجتماعية بإذن الله.

[شاب مصري]

لعشاق الزمن الجميل

فولا فولا بالومبيللااااااا

طيري طيري يا عصفورة أنا متلك حلوة صغيورة

بركض فوق حفاف الزهر ...بحجر ع ميات النهر و بحط بشعري بشورة

http://www.youtube.com/watch?v=2wx6u_e3x2o...feature=related

[moheltohamy]

طالما أولتو بلييييييّذذذذذذذ... ما اقدرث أتأخرذذذذذ

بث أنا مث عارف أتكلّم عن إيه يا ثينيوري!

وعثان بث أذبّط الكلام مع بعضه!

طب خدو الحتّة اللي نثيت ائولها في أول التوبيكذ... مثوا حالكوا بيها على ما أنجذ الحتّة بتاعت الكانيديان لايف ثتايل!

وانا راجع مصر أول مرة ، وانا في مطار پيرسون في تورونتو... وصلت المطار ، وكنت قبل ميعاد الطيارة بساعة وخمس دئايئ واقف في الصف! طبعاً التعليمات المكتوبة ع الويبسايت بتاع إير كندا ؛ المفروض في الرحلات الدولية تكون موجود ع الأقل 90 دئيئة أبل ميعاد الطيارة. لكن من منطلق إننا متربيين و واخدين على نظان الميدل إيست ، والطيارة اللي ممكن تستنى الركاب بتاع 10 دئايئ ؛ عادي بأه!

الصف كان فيه اللي مسافر لندن (المفروض كنت هاعمل ترانزيت في لندن) واللي رايح سكّة تانية برضه ، دئيئتين والائيهم بيندهوا ع اللي رايح لندن يتفضل على أدّام عشان الطيارة خلاص ميعادها قرّب ، وطلعنا كذا واحد ، وكان فيه واد بتاع سيكيوريتي ، عدّى كل اللي قبلي ، وجه عليّا (كنت آخر الصف) وقاللي لحظة على ما دول يخلّصوا! ماشي يا سيدي ... نو بروبليم! شويّة والائي البنت السيكيوريتي التانية (تأريباً أعلى من الواد ده شوية) بتقول له خلاص كده بتوع لندن نو مور!

نو مور مين يا حاجّة؟! أنا ملطوع هنا من مدة! ودي تقوللي آسفة المفروض الحجز بينتهي قبل ميعاد الإقلاع بساعة ، وانا اقوللها وانا هنا من قبل الساعة بشوية وكنت وائف في آخر الصف ، ودي تئوللي أنا شايفاك وانتا جاي ، وكان الوأت عدى خلاص! يا ستي أنا موجود من بدري ، إنتي اللي ما خدتيش بالك! ودي عشان تقصّر ف الحوار تقوللي آسفة أنا بالفعل بلغتهم إنو خلاص نو مور! وانا زي اللي غرئ دُراه (غرق محصول الذرة بتاعه – مثل فلاحي على ما يبدو)!

يا وأعة طين... طب وبعدين ، وهالحق أحجز ازاي تاني ، والمفروض إن بعد يومين تلاتة ميعاد تذكرتي من مصر للسعودية ، والدنيا شلفطت في وشي يا عم الحاج! واقوللها لازم فيه حل ، ودي تقوللي آم ريلي سوري فور يو... بط يو أورّيدي ميسد ذا فلايت! (واخدلي بالك انتا من كلمة أورّيدي دي؟ كلمة زبالة ؛ ما توقّعتش إني أكرهها في يوم م الأيّام زي ما كرهتها ف اليوم ده!)

وتسيبني وتمشي ، وانا أءف تايه شوية ، ولما تعدّي من أدامي تاني أشبط فيها وائوللها أنا محتاج أكلم حد ، هاتيلي المانيدچر هنا ، ودي تئوللي مش هتفرئ ؛ أنا بائوللك الكلام اللي هتسمعه ، وده كلامها وتعليماتها ، وانا ائوللها معلش سيبيني أكلمها! آخر ما زهئت مني تشاورلي على واحدة على آخر كاونتر وتئوللي اتفضل حاول و جود لَك!

رحت بأه ودي آخر أمل أدّامي ؛ إذ بي أفوجأ إن مش انا الوحيد اللي رايح أتمحّك بيها ، وأبوس الجزم عشان تعمل له استثناء! كان فيه 3 هنود يا ريّس برضه وائفين أبلي ، و واحد منهم عمّال يعيد ويزيد ف الكلام معاها ، وهيّه باين عليها ناشفة مووت! وبعد كده اتلفت لاصحابه وكلمهم شوية بالهندي ؛ وبعد كده لئيتهم بيرغو مع بعض ، سألتهم هوه إيه النظام ، ما تفهموني إيه اللي وصل له أخينا ده (ماهو هم السابقون ونحن اللاحقون) ، ودول يقولولي نو واي ، شي رفيوزد! الله يطمّنكو!

جه الدور عليّا... إحييييأحم (باسلّك زوري)... ودخلت وأولتلها إني موجود من بدري هنا ، ولسّه هاعيد الاسطوانه المشروخة إياها ، لئيتها بتجيبلي م الآخر ؛ الطيارة خلاص قفلت استقبال ناس تانيين... الموضوع منتهي حضرتك!

الاسطوانة المشروخة ما نفعتش ؛ أومت آلب بأه على نظام الشحاتة المصري اللي انتا عارفه... طب وبعدين؟ يعني أعمل إيه أنا دلوأتي؟ أنا فيه طيارة مستنياني في مصر ، والشغل ف السعودية مستنيني ، وأنا لسه جديد يا ست هانم ، ولو اتأخرت على ميعادي هيرفدوني ، وانا محتاج الشغلانة دي ، وبكده آم جوينج تو لوز ماي چوب! وذير مَصت بي أصوليوشن! وخلاص بأه نظام شوية وهاقلب على (أحب على إيدك يا ست هانم الله لا يسيئك تستري عليّا)! :rolleyes:

ألائيها حنّت ف الآخر ، ونظام الشحاتة نجح وجاب نتيجة معاها (ماهي مالهاش ف الحركات الصايعة بتاعتنا هنا دي خالص) ، وتقوللي حتى لو وافقت إنك تطلع أونبورد مش هينفع تاخد الشنطة معاك ، عشان الشنط خلاص مابقاش فيه وأت ليها! طظ يا ستي ف الشنطة المهم إني أطلع! وبعد شوية أولتلها مش أنا مسموحلي برضه بهاند باج؟ ودي تئوللي آه بس أنا مفيش عندي أي حاجة أدّيهالك ؛ ودلّتني على محل في آخر الصالة بيبيع شنط ، وممكن أسيب الشنطة عنده ف الأمانات!

وقد كان ؛ رحت اشتريت شنطة هاند باج بـــ 12 دولار ، وسبتها لمدة يوم بـــ 8 دولار ، وأخدت الرقم بتاعها ، وسبت بيانات أحمد الديب ؛ الإسم والتليفون على الكارت بتاعها ، ونقلت اللي محتاجه أوي منها للهاندباج الجديدة ، وجري ع الطيارة ، وراح ديبو تاني يوم استلم الشنطة... وعدى الموقف ده بسلام!

بس أخدت درس... الناس دول ما ينفعش نهرّج معاهم زي ما بنعمل في خطوطنا ف الميدل إيست!

[moheltohamy]

عاوز أئوللكو حاجة يا جماعة صحيح...

احنا داخلين على موف (Rig Move) في الكام ساعة اللي جايين ؛ يعني البريمة بيجيلها مركبين بيجرّوها على المينا (رايحين على ميناء الدمام Zamil Shipyard in Dammam ، بكرة الساعة 8 ص)...

طبعاً في وأت الموف مفيش أي نوع من الاتصالات ؛ لا تليفون ولا إنترنت... التليفون الوحيد المتاح - للطوارئ فقط - هوه الـ

Fleet 77 ومشتركين فيه عن طريق شركة ستراتوس ، وده حاجة زي الثريّا كده منّه للقمر الصناعي ؛ يعني شغّال في أي وأت وأي مكان ؛ صحرا ان كان أو بُستان ، بس الدئيئة بتاعته بحوالي 3-4 دولار!

فــ أشوفكو بعد أسبوع بأه لما أرجع مصر بالسلامة...

وخدوا شويّت صور لموفات مرّينا بيها أبل كده ؛ آهو تاخدوا فكرة

أول 2 دول كانو للموف بتاع برّيمة الـ Comet في البحر الأحمر (من رأس شقير إلى الغردقة)

والصور اللي جايّة دي لبرّيمتي حالياً (Main Pass 1) في الموف بتاعها من الشارقة (الإمارات) للسعودية...

والصورتين دول بأه كانوا متّاخدين والبريمة جايّة من خليج المكسيك (أمريكا) في الطريق للإمارات السنة اللي فاتت!

تخيّلتو بأه يعني إيه كلمة وطن؟ قصدي يعني إيه Rig Move

[bent misr]

الاسطوانة المشروخة ما نفعتش ؛ أومت آلب بأه على نظام الشحاتة المصري اللي انتا عارفه... طب وبعدين؟ يعني أعمل إيه أنا دلوأتي؟ أنا فيه طيارة مستنياني في مصر ، والشغل ف السعودية مستنيني ، وأنا لسه جديد يا ست هانم ، ولو اتأخرت على ميعادي هيرفدوني ، وانا محتاج الشغلانة دي ، وبكده آم جوينج تو لوز ماي چوب! وذير مَصت بي أصوليوشن! وخلاص بأه نظام شوية وهاقلب على (أحب على إيدك يا ست هانم الله لا يسيئك تستري عليّا)!

بجد فظيع يا د/تهامي طريقتك في سرد الاحداث تجنن

وطبعا طريقة المصريين عمرها ما تخييب أبدا :blink:

تيجي مصر بالسلامه ان شاء الله :rolleyes:

[محمد شلبى]

د تهامى

انت راجل عثثثثثثثثثثثثثثثثثثثثثثثثثثثثثثثثثثثثثثثثل :rolleyes:

مع انى واخد على خاطرى منك :blink:

انا لو سقطت بكره فى الامتحان هيبقى بسبب قهوة حضرتك اللى من ساعة ما دخلتها الساعة 6 الصبح لسه ما خرجتش منها,شربت كل المشاريب اللى ممكن تتخيلها من اول النسكافيه بتاع الصبح لحد قهوة الظهيرة(حلوة الظهيرة دى :lol: ) مرورا بمج الشاى ابو نعنعاع واذ بى أفوجأ بانى قعدت 6 ساعات لغاية ما خلصت على القهوة كلها

اعمل انا ايه الوقتى فى امتحام الadvanced life support بتاع بكره :blink:

روح يا شيخ وانت

بالف صحة و خير :lol:

[moheltohamy]

السلام عليكم ورحمة الله وبركاته

بداية ده اول رد ليا في منتدى محاورات المصريين

واول رد لازم يكون في موضوع اقل ما يقال عنه انه تحفة ورائع bv:-

انا قريت الموضوع من اوله لحد اخر رد وبجد شابو يا دكتور تهامي bv:-

احب اعرفكم الاول بنفسي وازاي وصلت لهنا

انا احمد طالب طب بجامعة طنطا الفرقة الثالثة

19 سنة

ومقرر السفر والعمل خارج البلاد من قبل حتى ما اخش طب

ولما دخلت طب كنت في الاول متردد من اللي بنسمعه من الاخوة المحبطين ( اللي نيتهم سيئة وعينيهم صفرا ) واللي بيقولوه على طب وكانها نار

لكن بجد انا مستمتع جداً حتى الان في دراسة الطب

وحبيتها اكتر لما عرفت ان الطبيب له قيمة كبيرة اوي اوي في الخارج وفي دول كتير يعتبر اعلى دخل واعلى قيمة اجتماعية :sad:

ومن السنة اللي فاتت خالي ( طبيب ) ذكر عليا شهادة الزمالة البريطانية وقالي انه فلان الفلاني خدها واشتغل بره في الخليج وبيقبض كتير وكده

وقصاد الملاليم الي منتظر ناخدها في بلدنا قدرنا المر بعد المعاناة والمشقة

بدات افكر بشكل جدي

وكمان اهلي ايدوني وعلى استعداد انهم يصرفوا على مشروع الزمالة البريطانية

وانا بتنقل بين المنتديات الطبية قريت موضوع لدكتور مصري راح كندا وفشل هناك عشان مكنش عنده سابق خبرة الا قعدة القهاوي smk: وكلام الناس اللي بتفتي

وقبل ما يفكر يرجع جرب حظه في امريكا وحالياً بيشتغل هناك مش فاكر ايه بالظبط

وفرحت اوي لما لقيت ان الزمالة البريطانية من الشهادات اللي بتسمحلك انك تشتغل هناك لحد ما تعمل المعادلة الكندية

سمعت كلام من ناس معارفي عن اقارب ليهم في كندا طلعو من مصر زي محمد هنيدي في فيلم همام ودلوقتي بسم الله ما شاء الله راكبين الهامر وعايشين اخر دلع B)

بدات امشي ورا الموضوع لقيت لينك للمنتدى هنا لموضوع اسمه 100 يوم في فانكوفر

عملتله bookmarks ونسيته

جيت بعديها بفترة وفتحت الموضوع وقريته ولما خلصته فوجئت بالقسم الرائع عن الهجرة في كندا

بجد انا انبهرت بالقسم ده وبالناس المحترمة اللي بتحب تساعد اخواتها

اول موضوع دخلته كان الموضوع الجميل ده قهوة التهامي باشا ربنا يخليه لينا :D

وقريت الموضوع على فترات وجيت دلوقتي وقررت ارد واسجل اعجابي ومتابعتي للهاند اوفر

وبجد يوميها عشت الحلم wst::

ومن دلوقتي وانا بحلم ابقى هناك

رغم اني عارف ان قدامي مش اقل من 10 سنين من التعب عشان اوصل

لكن ده اداني دفعة معنوية للامام

لقيت نفسي تلقائياً بفكر في الدراسة اكتر عشان بجد نفسي انجح واقلل فترة اقامتي في الاته المحلولة اللي احنا عايشين فيها واللي هي قدرنا ان اهالينا جابونا على الارض دي

بالنسبة لي مصر معدتش اكتر من شوية تراب وارض

ومشواري يبدا لكندا ان شاء الله من بعد ما اخلص اخر امتحانات سنة 6

ربنا يدينا طولة العمر

انا قريت كل حاجه عن كندا حلوها ووحشها

لكن انا في رايي ان اوحش حاجه في كندا احسن من احسن حاجه في مصر

وكفاية رغي باه على كده

وسلامي لكل القهوة وفي انتظار الواجب wst::

يا د. أحمد شرفتنا وآنستنا كمان ، وألفين مرحب بيك وسطنا :wub:

معلش أنا ساعات بيجيلي وقت باتشغل فيه ، وأحياناً تانية باكون قاعد فاضي على طووووول!

وعموماً... هيه كندا مش جنة الله في أرضه ؛ هيه بس Individual Variations... يعني فيه ناس عندها تقعد وسط الأهل والأصحاب والجيران أحسن من أي حاجة ف الدنيا. وناس تانية مش شايفة حاجة وحشة ف البلد. وناس تالتة شايفاها كُحل!

لكن أنا شايف إن اللي متغرّب عن بلده ، تبقي غربة بغربة بقى ، ويعيش في كندا... مش هيحس بموضوع الغربة ده أوي مقارنةً بالخليج مثلاً!

تحيّاتي :)

[moheltohamy]

حبيبي يا دكتور تهامي وحشتني جداٍ والهي بس انا كنت مشغول شوية وإتاخرت عليك في مبروك النجاح ياريس وعقبال ال RIG Medic وبعدها المعادلة ان شاء الله.

اصل انا كنت مستني بردة لما اخلص ال ٦٠ صفحة بتوع القهوة بتاعتك دي. وكان نفسي في الكابتشينو من عم ُّTIM Hortons. بس قلت حرام كفاية كدة على دكتور تهامي دا دفع مشاريب كتير اوي لحد دلوقتي wst:: . وعلى فكرة يا دكتور اخبار روايات د نبيل فاروق معاك اهة؟ و بصراحة انا اليومين دول عندي اهتمام شوية ب كتابات دكتور احمد خالد توفيق ٠( فنتازيا يعني) على فكرة روايات فنتازيا دي فيها ميزة خطيرة جدا بتديللك معلومات حلوة اوي تاريخية او علمية و في وقت صغبر جدا و مشوق.

انا مش عايز اخرج برة الموضوع يا دكتور ومستني الحلقة الجاية ومستني كمان تليفون من حضرتك او بس استني من انا تليفون بس ابعتلي نمرتك على ال ٍRIG :sad: :wub: :) wst::

وطبعا قبل ما امشي انا عايز اشكر الإساتذة الإفاضل د الشامي و إيهاب قبل ما ابداء في قراءة موضوعاتهم الخاصة وكل من تفضل بمساعدة اخوانة والكتابة في هذا المنتدي ولم اتشرف بمعرفتة بعد.

تسلم يا باشمهندس هشام...

بس انا فعلاً دماغي بايظة اليومين دول! وزهقان ومكتئب فعلاً عشان كذا حاجة بتحصل حواليّا!

عموماً... ربّنا يسهّلها ويصلح الحال.

وبصراحة معاك حق... القعدة على قهاوي الناس التانيين برضه أريح... لا مسئوليتي أنزّل مشاريب ولا بتاع! ممكن أعزم بكبّايت سحلب ع الماشي ع الترابيزة اللي جمبي... بس مش مسئولية برضه!

وشكراً لمشاركتك... وأشوفك عن قريب bv:-

تم تعديل 5 ديسمبر 2008 بواسطة moheltohamy

[moheltohamy]

د تهامى

انت راجل عثثثثثثثثثثثثثثثثثثثثثثثثثثثثثثثثثثثثثثثثل :sad: :wub:

مع انى واخد على خاطرى منك smk:

انا لو سقطت بكره فى الامتحان هيبقى بسبب قهوة حضرتك اللى من ساعة ما دخلتها الساعة 6 الصبح لسه ما خرجتش منها,شربت كل المشاريب اللى ممكن تتخيلها من اول النسكافيه بتاع الصبح لحد قهوة الظهيرة(حلوة الظهيرة دى bv:- ) مرورا بمج الشاى ابو نعنعاع واذ بى أفوجأ بانى قعدت 6 ساعات لغاية ما خلصت على القهوة كلها

اعمل انا ايه الوقتى فى امتحام الadvanced life support بتاع بكره wst::

روح يا شيخ وانت

بالف صحة و خير B)

أنا ماليش دعوة يا عم... انتا اللي جيت وقعدت... محدّش خطفك وجابك عندنا wst::

بس انتا طلعت زُمُل في مشوار الـ ACLS على كده؟! دانتا هتطلع عينك! :)

جاي على ده ، وتقرا التوبيك؟! بتهرّج! داحنا طلعت عنينا فيه في جوهانسبيرج! أرخم كورس ف الأربعة!

بالشفا يا ريّس ، وابقا طمّنّا عليك bv:-

[moheltohamy]

عفارم عليك يا دكترة :wub:

المصريين مش بيغلبوا ويشتغلوا الجن الأزرق bv:-

مش أوي يا شاب مصري... ماحنا اتشمّينا خلاص! :)

والسبهللة اللي كانت موجودة زمان ريحتها فاحت ، وعشان كده بدؤوا يغلّسوا في موضوع الهجرة ، والناس اللي عايشة هناك عارفة ومقدّرة التغييرات اللي حصلت دي! :sad:

[moheltohamy]

بجد بجد ابثوليوتلبي فانتاثتك. ا :wub: wst::

نت لو كنت ماركبتش الطيارة كنت قلت عليك مش مصري. وكنت طالبت بثحب الجنثية المصرية بتاعتك. تروح وتيجي بالسلامة. وكل مووف وانت طيب. وتوصل مصر بالسلامة. وعيد سعيد وكل سنة وانت طيب.

أسكت يا سامح ياخويا... دا أنا كنت لايص والله العظيم ، وخلاص شايف المستقبل ضلّم والدنيا بظوطت!

وكل شويّة ائول هوه انا هامشي كده ، واستسلم؟ وائوم مغلّس ع البت السيكيوريتي ، وهيّه تسدّها في وشّي!

الموضوع ده حصل بتاع 4-5 مرّات ، لدرجة إنها كانت بتتجنب تعدّي من أدّامي :)

وف آخر مرّة أولت ماهي بايظة بايظة بأه... نسوء عليها السئالة ، وزي ما تيجي تيجي!

وانا باكتب على فكرة ، ومتوقّع في أي لحظة يفصلوا الساتلايت (Kill the Signal) ، وهابقى زي اليتيم لمدة يمكن 3 تيّام :sad:

وكل سنة وانتا طيب ، واشوفك بألف سلامة bv:-

[moheltohamy]

يا ترى الجماعة الهنود عملوا ايه؟؟؟؟؟؟؟؟؟؟؟؟؟ :) :sad:

كل سنة وانت طيب يا دكتور تهامى وعيد سعيد اينما كنت

اديه دا كله دا انت استاذ يا دوك هى الموظفة دى ما سألتكش انت جنسيتك ايه؟

وكمان زى اختنا الوافده الجديده الجماعة الهنود عملوا ايه؟

باحيك وباسجل اعجابى باسلوبك الرائع وكل سنة وانت ومدام هند بخير وصحة وسلامه وترجع مصر بالسلامه

كل سنة وجميع الاخوه والاخوات فى المحاورات طيبين وبخير

بتركّزوا ف حاجات يا جدعان!!!!!!!!!

أكيد خدوا صابونة طبعاً! ما همّا واخدينها من أبل ما أجرّب بختي مع الست الريّسة wst::

وعيب عليكي السؤال ده يا دكتورتنا يا رحّالة! ماسك في إيدي فردة الشبشب... هيسألوا ع الجنسية ليييييه؟!

بيتهيّألي البلد الوحيدة اللي باسبورها بالحجم المتفحّل ده! أنا شفت باسبورات من كل اتجاه في العالم ؛ السودان والأردن وجنوب أفريقيا والهند والفلبين والسعودية وانجلترا وأمريكا وترينيداد وإسرائيل والصين وروسيا وأمريكا وكندا... مفيش واحد منهم زي بتاعنا!

يمكن احنا المتميزين؟! :wub:

وعيد سعيد عليكي يا رب انتي وجميع الموجودين معانا هنا... وكل عام وانتم بخير وسلام bv:-

[moheltohamy]

كل سنة وانت طيب يا دكتور

انا فضلت مستنى انا والعيال قدام طبق الملوخية والفتة لحد ما مراتى قالت لى ( خلى التهامي ينفعك ...... انا هروح اعيد عند أمى و أخد معايا العيال قولت ليها طيب خدونى معاكم بدل ما اقعد هنا فى العيد براسى زى الخروف برضه أسكندرية هتكون أرحم من هنا لو تامر بحاجة من مصر أنا تحت أمرك ) وكل سنة وانت مليون طيب bv:-

طب اعمل إيه أنا قوللي؟! آديني محبوس حبسة سودة بعيد عنّك!

والحج حجزته ودفعته ، وطلعلي تصريح الحج ، والحملة طلعت من غيري ، وقلت مش مهم... هابقى أحصّلهم بري في منى!

آخر المتمّة... ما ينفعش أنزل من البريمة غير بعد الموف ما يخلص!

والموف المفروض هيكون النهارده في خلال ساعات ؛ أو حسب حالة الجو! والمفروض هنطلع على رأس تنّورة نستنّى هناك لما بعد أجازة العيد على ما الحكومة السعوديّة تفتح ، وناخد Clearance ؛ نطلع بعده على المينا بتاع الدمّام!

يعني كده خلاص... كل سنة وانا طيب... وراح عليّا الحج خلاص ومفيش في إيدي حتى أي حاجة اعملها! مش باقول لكو جالي اكتئاب؟!

كل سنة وانتا طيب انتا والأسرة... وعيد سعيد عليكم يا رب.

[moheltohamy]

كندا التي لم اراها تصدق يا دكتور انا كنت بفكر اكتب موضوع بالعنوان ده بس علشان أقول اني كونت انطباع جيد جدا عن كندا من المنتدى ومن اخويا اللي عمل لاندنج في الصيف وقريبتي التي تعيش هناك

ورأي الشخصي ان كل مكان له مزاياه وله عيوبه نحن لسنا في الاخرة وسنذهب الى الجنة والخالية من كل المنغصات نحن على الأرض

ولكن ببساطة نحن نختار البلد التي مزاياها اكثر من عيوبها bv:-

ياعني هقارن بين مصر وكندا طبعا مقارنة ما لهاش معنى wst:: smk:

نقارن بين الخليج وكندا............ ايضا كندا افضل بكل المقاييس wst::

واللي شايف غير كده ما فيش داعي اصلا يدخل على الحياة والهجرة لكندا ويدور على الحياة والهجرة ل.........البلد اللى عايز يعيش فيها كل واحد حر :)

وانا شايفة ان زي ما كتير من الاعضاء قال ان اللي بيبحث عن الهجرة لكندا غالبا مرتاحين ماديا لكنه يبحث عن استقرار وامان وحياة نظيفة بعيدة عن التلوث والضغوط والهم

وده رأي الشخصي !! يعني ما حدش يزعل مني ويارب ييسر لنا أمورنا كلنا بما فيه الخير لنا جميعاً

كلام تمام وميّه ميّه :wub:

وعلى فكرة... الإنطباع اللي هتكوّنيه عن كندا ده زي الإنطباع اللي كوّنته قبل أكتر من 9 سنين ، أيّام مكالماتي مع كارولين...

وأحب أطمّنك... لمّا تروحي هناك برضه هتفتحي بؤّك ؛ رغم إنك حافظاها سماعي :sad:

[moheltohamy]

مين نده علياااااااا؟ انا سمعت اسمي!!

دكتور تهامي العسل و كل الموجودين عالقهوة الشهيرة ... تحياتي القلبية لكم جميعا ... انا على فكرة متابع بس من بعيد لبعيد ولما لقيت اسمي اتنده علطول رفعت ايدي (موجود يا فندم)

انا بس حابب اعلق على كام نقطة

اولا بخصوص ريحة النضافة حابب اقول ان التلج لما بيدوب في الشوارع بيبقى ليه ريحة مش حلوه قوي ودي شمينها في اول شهر 4 (دخول الربيع في كندا) وكانت الشمس مشرقة و التلج بدأ يدوب و الريحة بدأت تظهر ... هي مش وحشة قوي وممكن محدش ياخد باله منها بس انا اتضايقت شوية منها

ثانيا بخصوص العطور و مزيلات العرق اكيد الناس بتحط عطور لكن بكميات خفيفة مش زي الجماعة الخلايجة اللي بيدلقوا أزازة العطر كلها على دماغهم قبل ما يخرجوا من البيت ... التصرف ده لو عملتوا في بعض مناطق كندا (دلقت أزازة الريحة على هدومك) ممكن القانون يعاقبك او الناس تشتكي عليك بحكم ان في ناس عندها حساسية من الروائح النفاذة وده ممكن يؤذيهم

نييجي بقى لنقاش الاستاذ تورنتو ترك

اولا كلنا عارفين ان كندا ليست جنة الله على الارض لكن في النهاية لقينا فيها اللي ملقانهوش في بلادنا .... بلادنا اللي كل يوم عن يوم احوالها بتدهور و بسرعة الساروخ ... على فكرة في ناس كتير مهاجرين من زمان (30سنة واكتر) بيقولوا لك كندا بقت زي الزفت والأحوال مش زي الاول و التعقيدات بتزيد و الجريمة بتزيد وده كلام صحيح في كل الاحوال كل البلاد احوالها بتتغير حتى الخليج .. تفتكر ان السعودية دلوقتي زي السعودية من 25 سنة فاتت ؟ انا ساكن في الرياض بقالي 9 سنين... الرياض دلوقتي مش زي الرياض من 9 سنين ... الزحمة زادت و الناس اخلاقها بقت اوحش ... لكن تسال واحد جاي جديد على الرياض يقوللك يا راااااااااجل دي احلى ميت مرة من بلادنا ... وهكذا هو الحال معنا نحن المهاجرين الجدد ... شاهدنا في كندا ما كنا نحلم به دائما وهو الحد الادنى من الآدميه و الحياة تمشي ببساطة معك بدون واسطات او تعقيد او فوت علينا بكرا يا سيد ... بتلاقي الناس بتحيي بعضها في الشارع و الناس بتقابلك بإبتسامة ترحيب.... يا راجل انا حاسس ان وشي كرمش من قعدتي في الرياض اللي مستحيل تمشي فيها و انت مبتسم احسن ما يفتكرك السعودي انك بتضحك عليه و لا بتعاكس مراته او في احسن الاحوال انك (عبيط)

حضرتك ذكرت موضوع ماهرعرار بس ما لاحظتش انه اتعذب برا كندامش في قلبها؟وده يعني ان ليه حقوق على الارض الكندية و الدليل لما رفع قضيه على الحكومة كسبها و اخد التعويض ... هل هذا موجود في بلادنا ؟ يا راجل الصحفي السوري ( ميشيل كيلو ) راجل لا ليه اي ارتباط مع دول اجنبية و ليس له اي اجنده يريد تنفيذها و كل مصيبته انه بيحب بلده قوي و لسانه بيتكلم على السلبيات و بيطالب بحرية الصحافة و الضرب بيد من حديد على الفاسدين في الدولة ( يعني حتى لم يطلب الديمقراطية او قلب نظام الحكم )ومع ذلك بقالو سنتين بيكح تراب في المعتقل ....

ارجع و اقول ان كندا سكانها بشر و ليسوا ملائكة وهي كغيرها من الدول يوجد فيها الانسان المستقيم و الانسان اللعوب وكن فيها ايضا ناس بتحاسب و ناس بتراقب و صحافة حرة و مؤسسات مجتمع مدني متطور

من اسبوع و على جريدة تورنتو ستار تم ذكر خبر مفاده ان الدبدوب الشهير اللي لابس لبس الحرس الملكي الاحمر و اللي بينباع في محلات الهدايا التذكارية ضار بالصحة لأن الحزام اللي لابسه الدبدوب مصنوع من مواد داخل فيها الرصاص ... عارف مين اكتشف الموضوع ظ محرر من الجريدة شاف ان الدبدوب وهو رمز شهير لكندا بييجي من الصين و بعد مشكلة الحليب الملوث خطر له ان يشوف ان المنتجات الصينية عليها رقابة ولا لأ و كانت المفاجأة لما اخد الدبدوب على مختبر التحليل و ثبت انه ملوث و يا داهيه دقي

وخبر تاني ان كندا اول دولة في العالم تمنع الببرونة البلاستك لأنها ضارة على الاطفال و النهاردة بيناقشوا موضوع منع الاكياس البلاستك عشان عايزين البلد بحلول عام 2012 تبقى بدون اكياس البلاستك المعروف انها ما بتتحللش و صعب تدويرها و معروف خطرها على البيئة و اكيد شفت الاعلانات اللي مالية الجرايد لتشجيع الناس على استخدام المواصلات العامة او البسكليت او المشي عوضا عن ركوب السيارة الخاصة طيب دي دولة الواحد يموت نفسه عشان يهاجر لها ولا لأ ؟

بلادنا فين و الناس فين دا احنا اتهرينا من الاكل الفاسد و قلة الضمير و المياه الملوثة حضرتك بتتكلم عن بحيرة اونتاريو الملوثة تعالى شوف المياه الملوثة اللي احنا بنشربها هل هذا موجود في كندا ؟اطلع برج تورنتو وشوف النضافة و اطلع برج القاهرة ولا المقطم وشوف السحابه السودا اللي فوق البلد وكأن البلد عبارة عن غرزة كبيرة

انا مش عايز اسود الصورة في بلادنا لكن فيه كتاب اسمه ( الحروب الصليبية كما رآها العرب ) للكاتب الفرنسي اللبناني امين معلوف لو قريته حتلاقي ان العرب هذه هي بلادهم و اخلاقهم من الف سنة الى يومك هذا ... الشي الوحيد المميز كان القضاء العادل و اللي للأسف مبقاش عادل (على الأقل في بلدي) و بالتالي مفيش فايده

انا مش عاوز اخرج عن الموضوع كتير لكن ومن تجربتي الشخصية كندا بالنسبة لي هي ما كنت احلم به تماما... يا رجل ده انا بقيت بأغير عليها اكتر من بلدي الاصلي

والله يا راجل يا طيّب إنتا دماغك دي تستاهل مييييت بوسة

بيعجبني كلامك فعلاً ، وباحس إنه إثراء للتوبيك بتاعي إنه ينزل فيه كلام من ده... فيه الفيتامين كلّه :)

ما تحرمناش من مرورك ع الأهوة كتير كده bv:-