كندا التي رأيتها :)

[moheltohamy]

طب ليه الاعضاء حتي اللي مش عايشين في كندا مصدئين اللي انت بتكتبه؟وليه دايما بيهاجموا اى شخص بيذم و يلعن في كندا حتي اللي لسة ماوصلش او حتي اللي الهجرة لسة مشروع في دماغه ...عجايب...

أولاً ... الشيئ الطبيعي إن الناس تسدأ بعضها ؛ لأن مفيش داعي للكدب أو التكديب أصلاً...

ثانياً ... أنا ماليش مصلحة في إني أدحك ع الناس واوهمهم بجمال وطعامة كندا ، مفيش مكسب شخصي!

ثالثاً ... أنا باحكي حدّوتة ؛ قلت من بدري إنها انطباعات شخصية ، ومش باجبر حد إنه يسدّأها ، ولو بصّيت على أوّل صفحة ف التوبيك ده هتلائيني باستأذن السادة القرّاء اللي مش مقتنع بكلامي أو شايفه ما يستاهلش ، أو شايفه أحلام مراهقة ؛ يسيبني أحلم ، وبلاش يفوّقني... أنا عاوز أحلم يا عم الحاج... وكتير بيكون الحلم أجمل من الحقيقة!

رابعاً ... الطبيعي إن كندا تكون أحسن من مصر ؛ لما تقارن بين دولة من دول العالم الأول ، وإحدى الدول الصناعية التمانية (G8) ، وإحدى دول العالم الجديد ، وموارد اقتصادية هايلة ، وطبيعة غنية ، وسكان أد القاهرة ف العيد متوزعين على مساحة أد مصر كلها 9 مرات وزيادة... يبقى مفيش مجال للمقارنة!

خامساً ... لما تحاول تقنع الناس إن مصر أحسن ؛ اللي هيّه من دول العالم التالت! ولمّا تكون الإمارات والسعودية والكويت وقطر من دول العالم التالت ؛ يبقى احنا من فقراء العالم التالت! يعني لسّه بدري أوي!

سادساً ... لما أكون مقتنع إن التعريف بعيوب كندا لا يقل أهمّية عن التعريف بمزاياها ؛ وفتحت توبيك مخصوص لتجميع العيوب والمخاوف ، ومستنّي سعادتك تستلم قيادة الدفة هناك ؛ وتسيبه خالص ؛ ويحلوّلك ذكر العيوب في التوبيك بتاعي اللي هوّه أصلاً موضوع للتفاؤل ، وكاتبه إنسان متفائل وفرحان بيها ، و واحشه تلجها... يبقى المفروض أعمل إيه أنا؟!

سابعاً ... لو سعادتك بتشرح العيوب بترتيب وكلام منطقي وأسلوب لبق ؛ والناس تحس من كلامك إنك نفسك تبصّرهم بحقيقة غايبة عنهم ؛ الناس - وانا أوّلهم - هيشيلوك فوء دماغهم! لكن إنتا بدل كل ده بتعامل الناس بأسلوب سخرية من كلام وفي مواقف لا تحتمل السخرية! طب اقنعني الناس ازاي هتتقبّل منك كلام؟!

ولو تفتكر الراجل المحترم Jgeorge اللي متمسّك بفكرة إن الأولاد هيضيعوا هيضيعوا ف الغرب لا محالة ، وكل ماتيجي مُناسبة يجيب الأدلّة على كده من تجارب شافها وعاشها وقرأ عنها... الراجل ده كلامه يؤخذ بعين الاعتبار.

ثامناً ... معظم الناس اللي هنا جايين وناويين و واخدين القرار بالهجرة خلاص ؛ مش لسّه بيشاوروا نفسهم. وجابوا آخرهم من الحياة في مصر (ولكل منهم أسبابه وتجربته الشخصية ؛ وعندك أقرب مثال اللي حصللي في أجازتي الأخيرة ، وانا لا ليّا ف الطور ولا ف الطحين!). الناس خلاص بدؤوا طريق الهجرة ؛ ومحتاجين اللي يبشرهم ويدعوهم للتفاؤل (بشّروا ولا تُنفروا)... ودايماً فيه الجانب الكويّس في أي بلد. مفيش بلد هيّه جنة الله في أرضه ، وبرضه مفيش بلد هيّه جحيم الله ف الأرض! مش كده ولاّ إيه؟!

يبقى إنتا تعرّفهم بالدنيا اللي هيشوفوها هناك ، عشان ما يبنوش أحلام ف الهوا ، ويروحوا يتصدموا هناك. وده المُنتَظَر مننا احنا اللي رحنا وعايشنا الحياة هناك في كندا (أنا وانتا وإيهاب ود. الشامي ود. هشام وياسر وكوين وغيرنا). وكل واحد يحكي من خلال تجربته ، والناس هتشوف نماذج للحياة في كندا ، وليهم عقل يميّزوا بيه ، وهمّه أصحاب القرار في حياتهم أولاً وأخيراً!

يا ترى بكده أكون جاوبت على سؤالك؟! :h!!!h:

[newcomer]

باقول ايه يا دكتور تهامى

انا عندى اقتراح ... بجد ....بدل ما نقطع تسلسل الهاند اوفرز

فى قضية متكررة .... " حلوة و لا وحشة"

ايه رأى سعاتك ...تخلى توقيعك بيدل على ان الهاند اوفرز دى

تجربة شخصية لسعادتك ....ايجابية...و ان شاء الله تفضل ايجابيه

و لما يكون فى رأى بيشكك فى الكلام اللى بتقولة

سعادتك ...تقوله...انظر التوقيع!!

ما رأيكم ...دام فضلكم؟؟؟

و على كل حال....

متابعيين ....مستنيين....يا دكتور!!

[SoSo R]

طب ليه الاعضاء حتي اللي مش عايشين في كندا مصدئين اللي انت بتكتبه؟وليه دايما بيهاجموا اى شخص بيذم و يلعن في كندا حتي اللي لسة ماوصلش او حتي اللي الهجرة لسة مشروع في دماغه ...عجايب...

أولاً ... الشيئ الطبيعي إن الناس تسدأ بعضها ؛ لأن مفيش داعي للكدب أو التكديب أصلاً...

ثانياً ... أنا ماليش مصلحة في إني أدحك ع الناس واوهمهم بجمال وطعامة كندا ، مفيش مكسب شخصي!

ثالثاً ... أنا باحكي حدّوتة ؛ قلت من بدري إنها انطباعات شخصية ، ومش باجبر حد إنه يسدّأها ، ولو بصّيت على أوّل صفحة ف التوبيك ده هتلائيني باستأذن السادة القرّاء اللي مش مقتنع بكلامي أو شايفه ما يستاهلش ، أو شايفه أحلام مراهقة ؛ يسيبني أحلم ، وبلاش يفوّقني... أنا عاوز أحلم يا عم الحاج... وكتير بيكون الحلم أجمل من الحقيقة!

رابعاً ... الطبيعي إن كندا تكون أحسن من مصر ؛ لما تقارن بين دولة من دول العالم الأول ، وإحدى الدول الصناعية التمانية (G8) ، وإحدى دول العالم الجديد ، وموارد اقتصادية هايلة ، وطبيعة غنية ، وسكان أد القاهرة ف العيد متوزعين على مساحة أد مصر كلها 9 مرات وزيادة... يبقى مفيش مجال للمقارنة!

خامساً ... لما تحاول تقنع الناس إن مصر أحسن ؛ اللي هيّه من دول العالم التالت! ولمّا تكون الإمارات والسعودية والكويت وقطر من دول العالم التالت ؛ يبقى احنا من فقراء العالم التالت! يعني لسّه بدري أوي!

سادساً ... لما أكون مقتنع إن التعريف بعيوب كندا لا يقل أهمّية عن التعريف بمزاياها ؛ وفتحت توبيك مخصوص لتجميع العيوب والمخاوف ، ومستنّي سعادتك تستلم قيادة الدفة هناك ؛ وتسيبه خالص ؛ ويحلوّلك ذكر العيوب في التوبيك بتاعي اللي هوّه أصلاً موضوع للتفاؤل ، وكاتبه إنسان متفائل وفرحان بيها ، و واحشه تلجها... يبقى المفروض أعمل إيه أنا؟!

سابعاً ... لو سعادتك بتشرح العيوب بترتيب وكلام منطقي وأسلوب لبق ؛ والناس تحس من كلامك إنك نفسك تبصّرهم بحقيقة غايبة عنهم ؛ الناس - وانا أوّلهم - هيشيلوك فوء دماغهم! لكن إنتا بدل كل ده بتعامل الناس بأسلوب سخرية من كلام وفي مواقف لا تحتمل السخرية! طب اقنعني الناس ازاي هتتقبّل منك كلام؟!

ولو تفتكر الراجل المحترم Jgeorge اللي متمسّك بفكرة إن الأولاد هيضيعوا هيضيعوا ف الغرب لا محالة ، وكل ماتيجي مُناسبة يجيب الأدلّة على كده من تجارب شافها وعاشها وقرأ عنها... الراجل ده كلامه يؤخذ بعين الاعتبار.

ثامناً ... معظم الناس اللي هنا جايين وناويين و واخدين القرار بالهجرة خلاص ؛ مش لسّه بيشاوروا نفسهم. وجابوا آخرهم من الحياة في مصر (ولكل منهم أسبابه وتجربته الشخصية ؛ وعندك أقرب مثال اللي حصللي في أجازتي الأخيرة ، وانا لا ليّا ف الطور ولا ف الطحين!). الناس خلاص بدؤوا طريق الهجرة ؛ ومحتاجين اللي يبشرهم ويدعوهم للتفاؤل (بشّروا ولا تُنفروا)... ودايماً فيه الجانب الكويّس في أي بلد. مفيش بلد هيّه جنة الله في أرضه ، وبرضه مفيش بلد هيّه جحيم الله ف الأرض! مش كده ولاّ إيه؟!

يبقى إنتا تعرّفهم بالدنيا اللي هيشوفوها هناك ، عشان ما يبنوش أحلام ف الهوا ، ويروحوا يتصدموا هناك. وده المُنتَظَر مننا احنا اللي رحنا وعايشنا الحياة هناك في كندا (أنا وانتا وإيهاب ود. الشامي ود. هشام وياسر وكوين وغيرنا). وكل واحد يحكي من خلال تجربته ، والناس هتشوف نماذج للحياة في كندا ، وليهم عقل يميّزوا بيه ، وهمّه أصحاب القرار في حياتهم أولاً وأخيراً!

يا ترى بكده أكون جاوبت على سؤالك؟! :ninja:

أيوة جينا للمهم .........

انت قلت هتحكى اللى حصل, صح؟؟؟

[moheltohamy]

اللي حصل في إيه بس يا ست سوسوراني؟ :lol:

لو على موقف المطار... قلبك أبيض بأه!

ساعات بيكون الأفضل To let it go! دي مصر يا ستنا :blink:

إنتي اللي ما زلتي مش عاوزة تجيبي سيرة أي حاجة عن حكايتك ، وإيه موضوعك مع كندا! :ninja:

[Torontotruk]

سابعاً ... لو سعادتك بتشرح العيوب بترتيب وكلام منطقي وأسلوب لبق ؛ والناس تحس من كلامك إنك نفسك تبصّرهم بحقيقة غايبة عنهم ؛ الناس - وانا أوّلهم - هيشيلوك فوء دماغهم! لكن إنتا بدل كل ده بتعامل الناس بأسلوب سخرية من كلام وفي مواقف لا تحتمل السخرية! طب اقنعني الناس ازاي هتتقبّل منك كلام؟!

ولو تفتكر الراجل المحترم Jgeorge اللي متمسّك بفكرة إن الأولاد هيضيعوا هيضيعوا ف الغرب لا محالة ، وكل ماتيجي مُناسبة يجيب الأدلّة على كده من تجارب شافها وعاشها وقرأ عنها... الراجل ده كلامه يؤخذ بعين الاعتبار.

طب طلعلي مداخلة واحدة فيها اسلوب سخرية او تهكم علي عضو...يعني اسلوبك اللي بتكتب بيه بيسموه اسلوب راقي علشان علي هواهم او باللهجة الفلاحي بتاعت الدقهلية بيلد عليهم...وبعدين يا حاج...انا بقول رايي ومشاهداتي في كندا لا اكتر و لا اقل وماتفرقش معايا ان حد يصدق او العكس او يقبل اسلوبي او مايقبلش...كلامي اللي كتبته واحد بس اللي ممكن يحاسبني عليه...ضميري...وانا مصمم علي كل كلمة كتبتها عن البلد اللي انت بتجيها زيارات..انا احتكيت بالمستشفيات,,,بمكاتب الحكومة,,,محاسبين,,,سواقين,,,شرطة,,,وعارف البلد ماشية ازاى مش مطلوب مني في كل كلمة اكتبها انزل معاها لينك يآكد كلامي...لما يكون مسئول في وزارة الهجرة يقولي ليستة وظائف الهجرة الفيدرالي حتكون فيها سباكين و طباخين قبل ماتنزل بسبع شهور واروح اكتبها في المنتدي واللاعضاء يهاجموني و يتهموني بالكذب واني بحاول اهبط من عزيمتهم..ويشاء السميع ان اللسته تنزل ويهبطوا كلهم ...لما اقول ان فيه ليسته وظائف حتنزل لكيبيك و حيعطو صلاحيات لضابط المقابلة بالرفض او القبول بدون ابداء اسباب وان القانون حيفعل في 29 يوليو يبقي انا كده وحش و كذاب ...لما اقول للناس اسرعوا في التقديم علشان ما يحصلش معاكوا زي ما حصل في الفيدرالي يبقي انا كده مش عايز الناس تهاجر....لما اقول دكاترة صيادلة وجراحين معاهم المعادلة الكندية وبيشغلوا سواقين فوركليفت و تاكسي...يبقي اناكده بسودها ....وانت عارف الكلام ده كويس والشامي...وهشام...يا عم الحاج...الفرق اللي بيني و بينك انك راجل عشت في الخليج ومع مصريين وبتعرف ازاى بيفكروا وبتعرف تتعامل معاهم ازاى/مش عايز اقول كلمة تانية علشان انا برده اساسا مصري/من الاخر بتعرف تزوء الكلام...انا بقي معرفش...قولي انت من ساعت من دخلت وانت عمال توصف في جمال و نضافة كندا...عمري ما شفت مداخلة ليك بترد فيها علي سؤال لعضو..الرحمة يا حاج تهامي*********...ربنا يسعدكوا جميعا...سلام

تم تعديل 8 يناير 2009 بواسطة Folana
أسلوب غير لائق

[Torontotruk]

ثامناً ... معظم الناس اللي هنا جايين وناويين و واخدين القرار بالهجرة خلاص ؛ مش لسّه بيشاوروا نفسهم. وجابوا آخرهم من الحياة في مصر (ولكل منهم أسبابه وتجربته الشخصية ؛ وعندك أقرب مثال اللي حصللي في أجازتي الأخيرة ، وانا لا ليّا ف الطور ولا ف الطحين!). الناس خلاص بدؤوا طريق الهجرة ؛ ومحتاجين اللي يبشرهم ويدعوهم للتفاؤل (بشّروا ولا تُنفروا)... ودايماً فيه الجانب الكويّس في أي بلد. مفيش بلد هيّه جنة الله في أرضه ، وبرضه مفيش بلد هيّه جحيم الله ف الأرض! مش كده ولاّ إيه؟!

يبقى إنتا تعرّفهم بالدنيا اللي هيشوفوها هناك ، عشان ما يبنوش أحلام ف الهوا ، ويروحوا يتصدموا هناك. وده المُنتَظَر مننا احنا اللي رحنا وعايشنا الحياة هناك في كندا (أنا وانتا وإيهاب ود. الشامي ود. هشام وياسر وكوين وغيرنا). وكل واحد يحكي من خلال تجربته ، والناس هتشوف نماذج للحياة في كندا ، وليهم عقل يميّزوا بيه ، وهمّه أصحاب القرار في حياتهم أولاً وأخيراً!

ماشي...اانت بتقول الجانب الحلو في كندا وانا بقول الجانب الوحش و انا و انت مالناش مصلحة من وراء هذا كله...علشان الاعضاء اللي جايين يكونوا عارفين الصورة كاملة....

ايلي حصلك في مصر لا انت اول واحد يحصله و لا آخر واحد...

[Torontotruk]

عزيزي تورونتو ... شكرا.

انت زعلت ؟والله انا بحبك في الله يا حاج تهامي...والله العظيم وانت في المحنه بتاعتك في مصر كنت بدعيلك علشان انا عارف الناس الحقيرة اللي كانوا مصطدفينك...

http://jp.youtube.com/watch?v=LpDiuGclFhY

اضحك كركر

[Princesse]

الحمد لله على سلامتك يا دكتور محمد، نورت المنتدى

كان ليا تعليق على مقالات حضرتك في المنتدى، حضرتك بدافع اوي عن كندا و كأنها المدينة الفاضلة التي كان يبحث عنها افلاطون.

كندا زي اي بلد في الدنيا ليها عيوب و ليها مميزات، و الشعب الكندي نفسه فيه ناس كويسة محترمة جداا و فيه ناس قليلة الادب (معندهومش ريحة الاخلاق) و ناس عنصرية. كل بلد فيها الكويس و الوحش.

هو ليه حضرتك لحد دلوقتي مكلمتش عن الحاجات السلبية هناك؟ اصل كندا مش جنة الله في الارض اكيد فيه سلبيات صح؟

ارجوا ان اجابتك متكنش فيها مقارنة بين مصر و كندا

ثانيا/ بالنسبة لموضوع القاء الزبالة في الشارع في مصر دي حاجة منتشرة جدا للاسف في كل طبقات المجتمع المصري، سواء طبقة المتعلمين او غير المتعلمين، وبعدين ليه المصري برة مصر بيحترم نظافة البلد الي هو فيها في حين انه بسهولة جداا ممكن يرمي الفضالات في كل مكان في بلده

ارجوا انك تكلمنا عن بعض سلبيات كندا في مقالك الجاي

[د هشام ابراهيم]

..لما اقول دكاترة صيادلة وجراحين معاهم المعادلة الكندية وبيشغلوا سواقين فوركليفت و تاكسي...يبقي اناكده بسودها ....وانت عارف الكلام ده كويس والشامي...وهشام.....

أعرف إيه يا محمد؟!!

اللي أعرفه إن فيه قصص نجاح و فيه قصص فشل .... فيه ناس بتتعب و تكافح علشان تساعد نفسها و تحسن من مستواها و مستوى عيلتها و ما يعيبهاش انها تشتغل شغلانة شريفة لحد ما توصل للي هي عايزاه

كون إنك مش شايف غير اللون الأسود في كندا فربنا يعينك و يعينا

[Torontotruk]

..لما اقول دكاترة صيادلة وجراحين معاهم المعادلة الكندية وبيشغلوا سواقين فوركليفت و تاكسي...يبقي اناكده بسودها ....وانت عارف الكلام ده كويس والشامي...وهشام.....

أعرف إيه يا محمد؟!!

اللي أعرفه إن فيه قصص نجاح و فيه قصص فشل .... فيه ناس بتتعب و تكافح علشان تساعد نفسها و تحسن من مستواها و مستوى عيلتها و ما يعيبهاش انها تشتغل شغلانة شريفة لحد ما توصل للي هي عايزاه

كون إنك مش شايف غير اللون الأسود في كندا فربنا يعينك و يعينا

انا معاك في كل كلامك...اللي اقصده بعد ما انتهوا من معادلاتهم لم يجدوا فرصة عمل في مجالهم...فاضطروا يشتغلوا اى حاجة...لغاية مايلاقوا فرصة عمل في مجالهم...لي زميل في معهد لتعليم الفرنسية بيحضر للدكتوراه وبيعمل في فندق بورتير...بالعكس اللي انا فيه منتهي الواقعية ...مش سواد زى ما بتقول...انا برج الثور يا د/هشام... :ninja:

[د هشام ابراهيم]

انا معاك في كل كلامك...اللي اقصده بعد ما انتهوا من معادلاتهم لم يجدوا فرصة عمل في مجالهم...فاضطروا يشتغلوا اى حاجة...لغاية مايلاقوا فرصة عمل في مجالهم...لي زميل في معهد لتعليم الفرنسية بيحضر للدكتوراه وبيعمل في فندق بورتير...بالعكس اللي انا فيه منتهي الواقعية ...مش سواد زى ما بتقول...انا برج الثور يا د/هشام... :ninja:

ربنا يوفقه و يكرمنا جميعا يا maitre :blink:

[ايهاب سالم]

وانا مصمم علي كل كلمة كتبتها عن البلد اللي انت بتجيها زيارات..

أنا بقى مش بأجيها زيارات ... عايش فيها و بأشهد إن كل كلمه حكاها تهامي هنا حقيقه أعيشها يوميا و مفيهاش مبالغه و ساعات بتكون أقل من الحقيقه كمان

و أظن الدكتور هشام و الدكتور الشامي قالوا و حكوا زي التهامي و اكتر

و الدكتور هشام عايش هنا من 2005 مش بيجيها زيارات

و زي ما قلت قبل كده

كل واحد بيوصف عيشته و المجتمع المحيط به

تم تعديل 8 يناير 2009 بواسطة ايهاب سالم

[alaashabana]

رجعنا تانى للخلافات بتاع كندا حلوة او وحشة ..

بس انا لية تعليق صغير على الكلام دة لو تسمحولى ..

فعلا زى ما الدكتور تهامى قال ان اى حد بيقرا موضوع الهجرة بيبقى ناوى خلاص على الهجرة وبيبقى محتاج كل معلومة عنها سواء كويسة او وحشة علشان يبقى على نور..

وان لا وجهه مقارنة بين كندا ومصر اطلاقآ ..

لكن فعلا تورنتوا لية حق زى تهامى هو كمان لية حق...يعنى كل واحد بيقول وجهة نظرة ...مع احترامى لايهاب علشان هو لما بيتكلم بيجيب الاثباتات والبراهين..علشان كدة كلامة بيبقى مصدق على طول ..

لكن تورنتو بيتكلم من غير اثباتات ..علشان كدة بنقول انه بياهجم كندا...ومش هنقولك لما نت مش بتحبها قاعد فيها لية علشان كل واحد عارف ظروفة .. وفى االاول والاخر كندا بلد كويسة من ناحية حاجة واحدة بس يمكن دى اللى بفكر فيها واكيد كتير ..هى الاستقرار ..

يعنى مصر مستحيل حد يقدر يعيش فيا دلوقتى غير اللى معاهم وسايط وسلطة وفلوس ..غير كدة هتبقى حجيم لبابقىالناس..

وبردو الخليج زى ما انتم شايفين بعد الضربة الاقتصادية وهما هنا فى الامارات كنسلوا لناس كتير ورجعوا بلدهم تانى بعد ما خلاص اتأقلموا على الحياة وولادهم دخلواالمدارس..

يعنى فجاة اتهدت حياتهم وكل حاجة اتلغبطت..علشان كدة الواحد عايش فى الخليج من غير امان ..

لكن فى كندا ممكن نحس بالامان ولو حتى الفرصة صغيرة ..[س اهو ادينا بنعافر ونحاول ..يمكن نلاقى الامان هناك..يعنى بعد الشر لو كنسلت من شغل ولا اى حاجة محدش هيقولك سافر على بلدكم تانى.. ولا اية يا تورنتو

ومن ناحية الشغل سواء بقى دكتور وشغال سواق ولا اى حاجة ..مش عارف لية انتم مصممين ان دى اهانة..طيب ما تنزل مصر وتشوف الدكاترة معاحترامى ليهم بعد التخرج بيشتغلو اية بجانب انه شغال ممارس عام فى مستشفى او حاجة..

يعنى اللى ممكن تلاقى عندة مشروع سنترال ..ولا اللى جايب تاكسى ومشغلة ولا اى حاجة...يعنى دة مش عيب ...ولا هو بقى عيب علشان طلعنا برة مصر..

وكل دة والامثلة دى مش غلط...يعنى اللى بيكافح دة علشان يجمع مبلغ يقدر يحضر دراسات عليا ودكتوراة علشان يبقى حاجة كويسة فى يوم من الايام..

بصراحة مش شايف انها بتقلل من قيمة حد..

طيب ان لية واحد صاحبى فى كلية طب ربنا يقوية كان بيقولىعلشان مصاريف الدراسة غالية كان بيرسم لاصحابة رسومات دقيقة خاصة بجسم الانسان ...مش فاكر بصراحة عن اية لكن بيقولى انها لها درجات تقيمى فى الامتحان ..وكان بيرسم ال10 رسومات ب 20 جنية وشغال وزى الفل

هل دة عيب...

صدقى يا تونتو الكلام اللى بتقولة جميل وعلى عينى وراسى ...بس احنا بنحاول نلاقى امل للحياة علشان ولادنا بعد كدة...يعنى كل اللى الناس بتعملىعلشان ولادهم يتعلموا كويس ويعيشوا حياة محترمة ..

ومحدش قال ان الحياة هناك هتبقى سهلة..اذا كانت اجراءات الهجرة صعبة طيب ما بالك بقى بالحياة هناك

لكن انا معاك فى كلمة واحدة بس قولتها ...على موضوع النظافة فى كندا...

يعنى مع احترامى للدكتور تهامى انه مصور صناديق الزبالة فى كندا وانها فعلا نظيفة ودة كويس اوى لكن بردو فية من الصناديق دى كتير اوى هنا فى الامارات ونفس الشكل والحجم ...

وبردو على موضوع المواصلات وان الاماكن المخصصة لانتظار الاتوبيسات مغطاة ومكيفة بردو فى منها هنا فىالامارات كتير ..

يعنى انا قصدى ان فية حاجات موجود منها هنا فىالامارات واكيد فى الخليج..وطبعا عجبنا الشكل والوضع اوى علشان مش موجود فى مصر بس مش حاسين بية علشان عايشين جوة البلد والحياة واخدانا والشغل والسكن وباقى الحاجات ...يعنى اةكويسة لكن مش حاسين بها

علشان يمكن عايشين جوة البلد وبنشوفها كل يوم

يمكن تورنتوا عندة حق لما قال انك بتشوفها زيارات علشان كدة الحاجات الصغيرة دى بتفرق معاك...لكن لو عايش جواها خلاص اتعودت علشها ومش هتبص على الحاجات دى..

مش معنى كدة انى بشكك فى كلامك ي تهامى لا ابدا والله ...لكن انا قصدى انك انبهرت بالحاجات دى اوى نفسك مثلا كنت تشوفها فى مصر..

ورد ايهاب ودكتور هشام على ان كلامك صح دة فعلا كلام جميل جداااا...وان فعلا من غير صور ولا حاجة كلامك صح وجميل..

لكن انا قصدى لما هتقعد فيها تعالى مثلا بعد سنتين ولا ثلاثة من وجودك الدائم فى كندا هتلاقى نفسك مش بتذكر الحاجات دى علشان خلاص عينك اتعودت عليها..

هقولك مثل صغير...نفترض ان واحد قال الامارات جميلة وفيها وفها وفيها.. وان الراجل دة كان جاى زيارة ..اكيد هقول ان الراجل دة بيتكلم صح وكلامة مظبوط علشان انا عايش جوة البلد.. لكن انا مقولتش الكلامدة لية ؟؟؟ علشان عينى اتعودت علىالحاجات دى فبقيت عادى بالنسبة لية..وبقيت من كتر الايام بتشوف عيوب ولو بسيطة زى الحياة الغالية او مثلا الاولوية للمواطنين ...

هو دة بالظبط اللى بيحصل بين تورنتو ، تهامى ، وايهاب ودكتور هشام ..

تهامى بيروح كندا زيارت وبيحكى على اللى شافه..وايهاب ودكتور هشام بيصدقواعلى كلامة ودى الحقيقة ..تورنتوا يقول كلامه صح لكن بيقول عيوبها بزيادة شوية علشان عايش فيها..يعنى الحاجات اللى شافها تهامى فى زياراتته اكيد تورنتوا انبهر بها اول ما راح كندا لكن خلاص اتعود عليها وبقيت عادية بالنسبة له..

ارجوا ان يكون كلامى صح ..واننا نفض الخلاف بقى ان كندا حلوة اووحشة....لكن فى كلتا الحالات " كندا حسن من مصر والخليج مليون مرة"

تحياتى

علاء

[znaty]

بتفكرني يا تورنتو بمستر كلينكس بتاع محمد صبحي في وجهة نظر

قلتلكوا مافيش فايدة مافيش فايدةةةةة :unsure:

الغربة تربة يا اخوانا اللي هايستحمل شقاها وعندة اصرار هاينجح واللي فاكر الامور هاتمشي زي الفل من الاول ومعندوش ارادة هايتنيل على عينة اكيد

تورنتو عنده حق انه يصحي النوعية دي من الناس بدل مايسيب فرص حلوة وسهلة ويغير حياته وبعدين يندم

والباقي عندهم حق انهم يصحوا روح الطموح عند النوع الاول من الناس

انا ليا واحد صاحبي دفعتي هندسة عايش الوقت في مونتريال

شغال في شركة كبيرة براتب ممتاز وعنده فاميلي هاوس بتاعة وعربية ليه ولمراته وحياته زي الفل وشكواه الوحيدة ان الشغل تقيل جدا ومفيش وقت لباقي متع الحياه

واعرف غيرة واحد صاحبي صرف اللي وراه واللي قدامه خلال عمله في الخليج خلال 3 سنين عاشهم في كندا ورجع الخليج بيقولي كندا كدبة كبيرة كل اللي كسبته منها الباسبور

انا في وجهة نظري كندا مناسبة ليك لو هاتفتح فيها شغلك الخاص ..بيزنس صغير تكبره انت او انك تكون كواليفايد انك تشتغل معاهم بنفس الكفاءة دة موضوع تاني

في النهاية هيا ارزاق

[samehelassad]

لا اله الا الله

اية ياجماعة فية اية. والله حاجة تغيظ.

الراجل يقول انا ياجماعة مبسوط كدة واللي مش عاجبة يعتبرني بحلم ومايصحنيش من الحلم. والاقي راجل يقولة قلنا على مساوئها. يعم الراجل بيقول اللي مش عاجبة يعتبرني بحلم ومش عاوز حد يصحيني من الحلم. وفاتحلكو موضوع عشان توضحوا مساوء البلد. خلاص سيبوة وبلاش تسئلوة اسئلة مش هيجاوبكم عليها.

التاني بيقول كندا وحشة. ووالله مابكدب. ويحلف انة بينصح الناس عشان تشوف الجانبين. اية لازمة نكدبة. ونقولة ياكذاب. ونطلع نكدبة. واية الدليل. الخ الخ

انا بقى بصراحة وشديدة جدا جدا اعرف الرجالة دي كويس قوي.

الاتنين محمد التهامي ومحمد عمر. ويعرفوني كويس. ووالله بحبهم وبيحبوني لله في الله. وكل واحد فيهم اقل وصف يتقال عليهم انهم رجالة ولاد ناس ومحترمين ويتمنى اي حد ان يكونو اصحاب لية. وبحسد نفسي على انهم فعلا باعتبرهم اخواتي. دة غير تشابة الاسماء بيني انا سامح سعد و محمد سعد صاحب المنتدي. وكلام التنين صح 100\100 انا شايف زاوية كل واحد. بلاش نقعد نشكك في اي حد فيهم.

وياريت نسيب الراجل صاحب القهوة يكمل كلامة الجميل المفيد. وارجوكم بلاش نقاطعة. انا عاوز استفيد واسمع كل الاراء.

[moheltohamy]

الحمد لله على سلامتك يا دكتور محمد، نورت المنتدى

كان ليا تعليق على مقالات حضرتك في المنتدى، حضرتك بدافع اوي عن كندا و كأنها المدينة الفاضلة التي كان يبحث عنها افلاطون.

كندا زي اي بلد في الدنيا ليها عيوب و ليها مميزات، و الشعب الكندي نفسه فيه ناس كويسة محترمة جداا و فيه ناس قليلة الادب (معندهومش ريحة الاخلاق) و ناس عنصرية. كل بلد فيها الكويس و الوحش.

هو ليه حضرتك لحد دلوقتي مكلمتش عن الحاجات السلبية هناك؟ اصل كندا مش جنة الله في الارض اكيد فيه سلبيات صح؟

ارجوا ان اجابتك متكنش فيها مقارنة بين مصر و كندا

ثانيا/ بالنسبة لموضوع القاء الزبالة في الشارع في مصر دي حاجة منتشرة جدا للاسف في كل طبقات المجتمع المصري، سواء طبقة المتعلمين او غير المتعلمين، وبعدين ليه المصري برة مصر بيحترم نظافة البلد الي هو فيها في حين انه بسهولة جداا ممكن يرمي الفضالات في كل مكان في بلده

ارجوا انك تكلمنا عن بعض سلبيات كندا في مقالك الجاي

شرّفتيني يا Princesse في أول مداخلة ليكي في توبيكي...

وردّاً على سؤالك... أنا ما أولتش إن كندا هيّه المدينة الفاضلة ، ولا جنة الله في أرضه خالص! كل ما هنالك إني ما شفتش منها حاجة وحشة (صدق أو لا تصدق!)

يمكن عشان أنا ما اشتغلتش هناك ، وإني دايماً ضيف وتوريست هناك ، ويمكن عشان عيني عليها (عين الرضا)!

وسؤالك ده كان من المطالب القومية لعدد كبير من الزملاء ف المنتدى ، وأولتلهم إني ما شفتلهاش سلبيات! (يمكن انتي اللي لسّه ما خلّصتيش قراية التوبيك :rolleyes: )

ونفس الكلام قاله إيهاب سالم اللي بقاله سنة ونص عايش مستمر في كندا... يعني مش ضيف زي حالاتي!

أمّا موضوع إلقاء الزبالة ف الشارع ، وعدم إلقاءها برّه مصر ، فده موضوع طويل ؛ كنت عامل له جزء ف التوبيك برضه... أستأذنك نخلّيها بعدين.

وبالنسبة لسلبيّات كندا ، أوعدك إني لما أشوف لها سلبيّات هاقولهالك... هوّه فيه موقف زبالة كان حصل معايا... موقفين... بس برضه مش وقته!

[moheltohamy]

اسمحولي ائوللكو يا سادة إني حاسس بسدّة نفس ما حسّيتهاش أبل كده!

في النهاية أصبحت أنا - رسمي - من أصحاب الفكوك المتدلّية! وبالتالي أصبح التوبيك بتاعي عبارة عن مجموعة مُبالغات ليس لها داعي!

و ردّاً على كلمتك يا علاء... عمرك ما هتلاحظ الحاجة الكويّسة أو الوحشة في شقتك ، الضيف اللي جايلك لأول مرة هوّه اللي هيلاحظها.

أنا عشت معظم عمري في ميت غمر ، وشويّة في المنصورة. وبعد التخرُّج عشت معظم وقتي في القاهرة ، واستقرّيت في مدينة نصر. عاوز ائوللك إني لما كنت باروح ازور ماما في أجازاتي م البريمة ؛ كنت باتخنق من المنصورة وميت غمر والاحظ أد إيه العشوائية والهرجلة والبلطجة اللي الحياة ماشية بيها هناك!

تورونتو اللي متربي في النظام والنضافة وبآله سنين لغايت ما اتعوّد عليها وما بقاش خلاص بيلاحظها (بحكم التعوّد) ، لما يرجع مصر هيلاحظ كم الهرجلة واللخبطة وانعدام النظام والعشوائية في أسلوب الحياة بكافة نواحيه ، وده اللي أشار إليه ولاد عم أحمد الديب في أمريكا لما يرجع مصر ، ونصايحهم ليه إنه يخرس خالص وما ينطقش...

اللي أنا شفته وفتحت بؤي أدّامه كان من الكانيديان لايف ستايل العادية اليومية عندهم ، ومن منطلق إن عيني واخدة على أسلوب تاني ؛ لاحظت الاختلاف ونقلته... والسادة الأفاضل اللي عايشين هناك في كندا تفضّلوا مشكورين بالتأكيد إنو بيحصل (يمكن يكونو مستغربين من استغرابي ، لكن قالوا : آه بيحصل!)

وكان المفروض إني باكتب الكلام ده لحبيبي أحمد مراد ، وحبيت تشاركوني قراءته ؛ ومنها بتشجعوني أكمّل كتابته... أرجع تاني أكمّله ؛ بس المرّادي عشان أحمد مراد وبس ؛ كعهدي دائماً.

عموماً... سعدت بوجودي وسطكم ، وبالفعل أتمنى أكون من الضيوف واقعد بين صفوف الجماهير واستمتع بحكاوي الأفاضل د. الشامي و د. هشام ؛ ملك زماني ، ولا اكون بابالغ ولا باهوّل ولا ابقى (من ساعت ما دخلت باوصف في جمال ونضافة كندا ، وعمري ما كتبت مُداخلة أرد فيها على سؤال عضو)!

أستأذنكو أكون ضيف متفرّج وقارئ ومشارك بتعليقات ، زيي زيّكوا ، وشكراً على أيّامي السابقة معكم... :rolleyes:

أستأذن الإدارة غلق الموضوع :lol:

تم تعديل 8 يناير 2009 بواسطة moheltohamy

[Salwa]

شوف ياد.تهامى ..

رغم ان حضرتك تستأذن الادارة فى غلق الموضوع...!!!...ورغم انى شايفة ..(( واحد ادارى موجود )) ..الا انى سوف اقول لك رأيى كأحد اعضاء المحاورات ....وكقارئة لهذا الموضوع وغيره ..

ياسيد تهامى ..

مش مطلوب من كل اللى بيسمعنا انه ...يصفق لنا ..!!! صح ؟؟

مش مطلوب ان تكون ..(( كل اذواقنا ))..واحدة ..!!

مش شرط اللى انا شايفاه حلو غيرى يشوفوه حلو هو كمان ..!!

يمكن انا بحب آكل الحلو بالحادق ..!! وغيرى تقليدى ...ما يحبش ياكل شرائح السمك بالبيض..ويقولك ده جنان ..!!

يمكن ..!!

كل شئ ممكن ..

لكن اللى مش ممكن ...ان الناس كلها تمشينى على مزاجها ...؟؟ عمرى ما حارضى حد ...لازم حاتلاقى حد بيعترض ..

وزمان جدتى كانت حكت لى حكاية ... مرة واحد فى زواج ابنته وضع جنيه فضة فى كل علبة ملبس ..

الناس معجبهاش ..

طلعوا من الفرح يتمصمصوا (( مش عاجبهم يعنى )) قالوا ....هو يعنى مكانش قادر يضع بدل الجنيه الفضة جنيه دهب ؟؟

متحاولش ياتهامى بيه...

لن ترضى احدااااااا...

نفس حكاية جحا ....لانافع يمشى هو وابنه جنب الحمار ولا نافع يركب هو وابنه على الحمار ولا نافع واحد يركب وواحد يمشى ...مش نافع اى شئ.....والحل ؟؟؟

اعمل اللى يرضيك ..

انت حر ...ما لم تضر..

وخللى كل واحد نفسه فى حاجة يقولها ....برضه.....فى حدود المتاح..

يارب تكون الرسالة وصلت ..

وليظل هذا المكان الجميل مفتوحا ....يعطى بعض النقاء ...

كلام بصراحة طالع من القلب ...ومش مهم اى شئ آخر ..

[Alshiekh]

اسمحولي ائوللكو يا سادة إني حاسس بسدّة نفس ما حسّيتهاش أبل كده!

في النهاية أصبحت أنا - رسمي - من أصحاب الفكوك المتدلّية! وبالتالي أصبح التوبيك بتاعي عبارة عن مجموعة مُبالغات ليس لها داعي!

أستأذن الإدارة غلق الموضوع :ninja:

الفاضل / 'moheltohamy'

الأمور لاتؤخذ هكذا ياسيدى الفاضل

فى بدايات القرن الماضى قال علماء الازهر ( علماء ) ان القيامة والساعة قد اقتربت عندما سمعوا الجرامافون يغنى ( الحديد يتكلم ) لسبب واحد لانهم لم يروا الحديد يتكلم من قبل.

وفى كندا كما فى اى دولة بما فيها مصر هناك ناس يعيشون فوق خالص وناس يعيشون تحت خالص ، ودائما من يعيش تحت خالص لايعرف يعنى ايه فوق ، يتوقع ان العالم كله تحت.

وفى كندا لايمكنك مقارنة بمن قضى حياته سائق تراك ( Truck Driver ) يقضى حياته مابين سيارة نقل او غرفة فى فندق نجمة ونصف ، وبين مهندس او طبيب او بسينس مان يمتلك بيتا يقدر ثمنه بالملايين ويقضى اجازة مرة او مرتين فى العام فى فنادق خمس نجوم ونصف.

بالطبع كل واحد ينقل وجهة نظرة من زاوية مختلفة ، واحد شايف الحياة بمبى وكلها ورد وخضرة ، والثانى شايف نفس الحياة لكن مش شايف فيها غير الطين والناموس.

وفى مصر ايضا تختلف وجهات النظر تبعا للزاوية التى تنظر منها ، فقد ترى الهرجلة واللامبالاة ، ويرى غيرك طيبة الناس وكرمهم وتوادهم وتراحمهم.

واهم شيئ فى الموضوع هو ان نتقبل الاشياء كما هى ثم نفكر فى كيفية تحسينها وتطويرها لا أن نبنى حاجزا نفسيا.

وللسادة الذين لاهم لهم الا تكذيب مايراه الاستاذ 'moheltohamy' ان يكفوا عن هذا الاسلوب الاستفزازى وكما دعا بعذ الاعضاء الافاضل فليكتب كل منا تجربته فى موضوع منفصل ، لان موضوع الفاض 'moheltohamy' اسمه " كندا التى رأيتها " وليس التى رآها المتشائمون.

[د هشام ابراهيم]

أكيد ما خدتش بالك منه أول مرة :)