كندا التي رأيتها :)

[kaplan]

ايه ياعم الدكتور

بقى ده اسمه كلام

يعنى احنا ماصدقنا انك رجعت تانى بالسلامه تقوم عايز تسيبنا وتمشى

انت حاطط قوانين لموضوعك من قبل ماتبدأ وهو انك بتدى الصورة اللى شفتها ولو حلم محدش يفوقك منه

خلاص كمل ياباشا على نفس المبدأ وماتشغلش بالك باى راى تانى

الموضوع موضوعك وكلنا بنتستناك بشغف (حلوة شغف دى) يكفى ان معاك اكتر من 95% من الاعضاء بنفس وجهه نظرك مؤمنه بيك وباللى بتقوله. يبقى شيىء عادى جدا ان 5% او اقل مايعجبهاش اللى انت بتقوله

وبعدين الرد اللى مش عاجبك ولاكأنه موجود خالص هيضيع لوحده وسط الردود ومرة واتنين وتلاته هتلاقيه مش موجود خالص لانه محدش بيديله فرصه انه ينغص ويبوظ الموضوع

يكفى ان اقولك ان انت سبب كبير جدا فى انى سجلت فى المنتدى ولااكتفى بانى متفرج

همسه للاخ تورونتو

بصراحه انا احترت انى افهمك حضرتك عايز تساعد الناس وللا عايز تشد الانتباه بمبدأ خالف تعرف وللا ايه بالظبط

ولو حضرتك فعلا عايز تساعد الناس ليه متعملش موضوع يحكى جزء من تجاربك السيئه مع كندا مش لازم بالتفاصيل لو مش عايز تعلن عن شخصيتك

ليه متورناش الوش اللى احنا مش شايفينه من كندا فى موضوع يكون منفصل ومخصص لكده يكون فعلا فيه فايده لكل الناس وساعتها الرساله اللى انت عايز توصلها هتوصل اسرع لكل الناس وكلنا هنتقبلها

لكن بالشكل اللى حضرتك بتعمله حاليا حضرتك بتفقد جزء كبير من مصداقيتك وحتى لو النصيحه مخلصه مش بتوصل للناس

وطبعا الاختلاف ف الراى لايفسد للود قضيه

[ايهاب سالم]

يالا يا تهامي

مش هأنزل الفيلم إلا لما تشارك

بص كده

شايف الصوره عامله إزاي

جودة blue ray مش DVD

بس بعينك مش هتشوفه إلا لما تشارك

[Princesse]

بص بقي يا دكتور تهامي انت شجعتني اني اكتب عن الي شفته في التعامل من الكنديين

و يمكن دا يكون دليل على كلامك ان كندا فيها مميزات كتيرة

انا كنت ديما بكتفي اني اقرأ المشاركات ، بس بصراحة انت شجعتني على المشاركة و اتمنى ان اصدقاءنا في المنتدى يستفيدوا منها

موضوع التوبيك بتاعك كندا التى رايتها، ممكن استعير منك الاسم و احكي عن كندا التى سمعتها، طبعا الي شاف غير الي سمع، بس برضه السمع له فوائد

انا بشتغل دلوقتي بقالي 3 سنين في مركز اتصالات في مصر بيقدم الخدمات لدول في اروبا و امريكا و كندا.

و بقالي سنة بشتغل في قسم خدمة عملاء لشركة كندية في Quebec

العميل يتصل بينا من quebec علشان نحل مشكلته هنا في مصر

المهم مرة حصلي موقف مش قادرة انساه لحد دلوقتي، و عرفت اد ايه حياة الانسان غالية في كندا

على الصبح كدة اتصلت عميلة و بتقولي انها من البوليس المقاطعة (بصراحة انا قلبي وقع في رجلي بوليس كدة مرة واحدة) سألتها خير يا مدام ايه المشكلة؟ قالت انها دلوقتي بتكلم من بينت مدام .....و الست دي عندها اشتراك التليفون الارضي مع شركتنا و التليفون بتعها بايظ. سألتها: طيب ايه دخل البوليس في الموضوع و ليه الست نفسها مكلمتش علشان المشكلة دي؟" كانت اجابة الضابطة بجد مفجاءة ليا و فهمتني الحكاية كلها:

الست العميلة دي عايشة لوحدها و هي كبيرة في السن و مريضة، ففي قسم في بوليس او في المستشفي بتاعة المقاطعة ناس شغلتهم انهم يتصلوا بيها كل يوم علشان يطمنوا عليها و يسألوها عاملة ايه

في اليوم دا اتصلوا بيها، و لاقوا التليفون على طول مشغول، فعلى طول اتجهت سيارة من البوليس علشان يطمونوا عليها يمكن جري ليها حاجة، الست اصلا كان نايمة و متعرفش ان تليفونها بايظ

طبعا الضابطة دي طلبت مني ابعت حد يصلح التليفون انهردة، طبعا بعد التأكد من المشكلة و من شخصية العميلة بعت حد يصلح ليها التليفون في نفس اليوم

بالنسبة لقيمة حياة الانسان في مصر يكفي اني اقول مثل بسيط.

كنت راكبة العربية مع بابا على محور 26 يوليو وكانت فيه حادثة و الراجل مرمي على المحور سايح في دمه، طلبت من بابا اننا نخده في العربية و ننقله لأقرب مستشفى، بس بابا رفضت، انا ساعتها مصدقتش بابا : "يا بابا دي حياة انسان دا هيموت" رد ة قالي: "انا لو اخدته المستشفى انا الي هلبس الموضوع و هيقولوا عليا انا الي خبطه و اترمي في الحبس لحد ما الراجل يصحي و يقول مين الي خبطه و لو حصل و الراجل مات هفضل في مشاكل و حبس و قضية لحد ما اثبت ان مش انا الي خبطه".

ساعتها بس فهمت ليه محدش تاني وقف ينقذ الراجل دا، الكل العربيات ماشية عادي جداا. كل الي احنا عملناه اننا طلبنا الاسعاف الي كانت على الطريق و سيبنا الراجل و مشينا

دا الفرق بين كندا و مصر، فرق بين قيمة حياة الانسان في هناك و هنا

[pharaon]

بص بقي يا دكتور تهامي انت شجعتني اني اكتب عن الي شفته في التعامل من الكنديين

و يمكن دا يكون دليل على كلامك ان كندا فيها مميزات كتيرة

انا كنت ديما بكتفي اني اقرأ المشاركات ، بس بصراحة انت شجعتني على المشاركة و اتمنى ان اصدقاءنا في المنتدى يستفيدوا منها

موضوع التوبيك بتاعك كندا التى رايتها، ممكن استعير منك الاسم و احكي عن كندا التى سمعتها، طبعا الي شاف غير الي سمع، بس برضه السمع له فوائد

انا بشتغل دلوقتي بقالي 3 سنين في مركز اتصالات في مصر بيقدم الخدمات لدول في اروبا و امريكا و كندا.

و بقالي سنة بشتغل في قسم خدمة عملاء لشركة كندية في Quebec

العميل يتصل بينا من quebec علشان نحل مشكلته هنا في مصر

المهم مرة حصلي موقف مش قادرة انساه لحد دلوقتي، و عرفت اد ايه حياة الانسان غالية في كندا

على الصبح كدة اتصلت عميلة و بتقولي انها من البوليس المقاطعة (بصراحة انا قلبي وقع في رجلي بوليس كدة مرة واحدة) سألتها خير يا مدام ايه المشكلة؟ قالت انها دلوقتي بتكلم من بينت مدام .....و الست دي عندها اشتراك التليفون الارضي مع شركتنا و التليفون بتعها بايظ. سألتها: طيب ايه دخل البوليس في الموضوع و ليه الست نفسها مكلمتش علشان المشكلة دي؟" كانت اجابة الضابطة بجد مفجاءة ليا و فهمتني الحكاية كلها:

الست العميلة دي عايشة لوحدها و هي كبيرة في السن و مريضة، ففي قسم في بوليس او في المستشفي بتاعة المقاطعة ناس شغلتهم انهم يتصلوا بيها كل يوم علشان يطمنوا عليها و يسألوها عاملة ايه

في اليوم دا اتصلوا بيها، و لاقوا التليفون على طول مشغول، فعلى طول اتجهت سيارة من البوليس علشان يطمونوا عليها يمكن جري ليها حاجة، الست اصلا كان نايمة و متعرفش ان تليفونها بايظ

طبعا الضابطة دي طلبت مني ابعت حد يصلح التليفون انهردة، طبعا بعد التأكد من المشكلة و من شخصية العميلة بعت حد يصلح ليها التليفون في نفس اليوم

بالنسبة لقيمة حياة الانسان في مصر يكفي اني اقول مثل بسيط.

كنت راكبة العربية مع بابا على محور 26 يوليو وكانت فيه حادثة و الراجل مرمي على المحور سايح في دمه، طلبت من بابا اننا نخده في العربية و ننقله لأقرب مستشفى، بس بابا رفضت، انا ساعتها مصدقتش بابا : "يا بابا دي حياة انسان دا هيموت" رد ة قالي: "انا لو اخدته المستشفى انا الي هلبس الموضوع و هيقولوا عليا انا الي خبطه و اترمي في الحبس لحد ما الراجل يصحي و يقول مين الي خبطه و لو حصل و الراجل مات هفضل في مشاكل و حبس و قضية لحد ما اثبت ان مش انا الي خبطه".

ساعتها بس فهمت ليه محدش تاني وقف ينقذ الراجل دا، الكل العربيات ماشية عادي جداا. كل الي احنا عملناه اننا طلبنا الاسعاف الي كانت على الطريق و سيبنا الراجل و مشينا

دا الفرق بين كندا و مصر، فرق بين قيمة حياة الانسان في هناك و هنا

بصراحة فرق كبير :waf: :lol:

لكن فى نفس الوقت

انا مش قادر اتخيل انى لو لقيت واحد على الارض وسايح فى دمه مش هشيله واوديه المستشفى :lol:

ممكن انا لو مكان باباكى هعمل كده wst::

الله اعلم بصراحة انا مش قادر اتوقع رد فعلى بجد فى موقف زى ده :aslam:

[somayasaleh]

بالنسبة لقيمة حياة الانسان في مصر يكفي اني اقول مثل بسيط.

كنت راكبة العربية مع بابا على محور 26 يوليو وكانت فيه حادثة و الراجل مرمي على المحور سايح في دمه، طلبت من بابا اننا نخده في العربية و ننقله لأقرب مستشفى، بس بابا رفضت، انا ساعتها مصدقتش بابا : "يا بابا دي حياة انسان دا هيموت" رد ة قالي: "انا لو اخدته المستشفى انا الي هلبس الموضوع و هيقولوا عليا انا الي خبطه و اترمي في الحبس لحد ما الراجل يصحي و يقول مين الي خبطه و لو حصل و الراجل مات هفضل في مشاكل و حبس و قضية لحد ما اثبت ان مش انا الي خبطه".

ساعتها بس فهمت ليه محدش تاني وقف ينقذ الراجل دا، الكل العربيات ماشية عادي جداا. كل الي احنا عملناه اننا طلبنا الاسعاف الي كانت على الطريق و سيبنا الراجل و مشينا

دا الفرق بين كندا و مصر، فرق بين قيمة حياة الانسان في هناك و هنا

====================

انا ح اقول لكم عن موقف حصل لي انا شخصيا

كنت نازله اجيب الاولاد من المدرسه..... والمدارس كلها طالعة في نفس الوقت

بعد ما عديت مدرسه ابتدائي .... شفت ولد صغير مرمي علي الارض في سن ابني....

طبعا وقفت واخذته لاقرب مستشفي واخذت معه اخواته البنات الاتنين كانوا معه ......

سالتهم ايه اللي حصل قالوا سياره تاكسي خبطته ومشيت بسرعه.

طبعا مفيش داعي احكي لكم عن اللي حصل بعدها ........عملوا لي قضيه ودوشه.....والسياره اتحجزت.

مع ان البنات اخوات الولد شهدوا في محضر المستشفي ان اللي خبط اخوهم سيارة تاكسي واني انا اللي اخذته في سيارتي.

المهم ربنا بعت لي مدرسه في نفس مدرسه الولد وشافت الحادثه وشهدت بان سياره تاكسي هي اللي خبطته.

الحمد لله علي كل حال ،،،،،،مش عايزه اقولكم اللي حصل في القسم والنيابه واهل الولد المصاب طلبوا مني تعويض ويتنازلوا عن القضيه

طبعا انا رفضت بشدة لاني كنت بعمل خير واتدبست.....

ومن يومها لو لقيت اي حادث علي اي طريق ... وما اكثرهم هنا..... مليش دعوه...ولا كاني شفت حاجة

ده نوعيه الحياه في مصر اللي انا بهرب منها....... مش علشاني.....علشان اولادي يعيشوا في بيئه صحيه ونقيه وامان و..........الخ

[ايهاب سالم]

على فكره أنا فيه عماره كامله جنب العماره اللي ساكن فيها الحكومه مخصصاها لتسكين كبار السن على حسابها

وأنا عرفت بالصدفه لما كنت بأسأل على شقه للإيجار فيها

و لأنها أنضف عماره في المنطقه كنت عايز أسكن فيها

واللي عرفني سيدتين مصريتين ساكنين في العماره و قابلتهم على الباب

أنا قلتها من زمان و ناس زعلت مني

هاجروا يرحمكم الله

[Torontotruk]

العميلة دي عايشة لوحدها و هي كبيرة في السن و مريضة، ففي قسم في بوليس او في المستشفي بتاعة المقاطعة ناس شغلتهم انهم يتصلوا بيها كل يوم علشان يطمنوا عليها و يسألوها عاملة ايه

انا عايش في كيبيك واول مرة اسمع الكلام ده...فيه راجل عنده 90 سنة اويزيد فضل ميت في بيته لحد ماريحته طلعت جه الاسعاف شاله...وفي تورونتو في بيوت بيسموها شيلترز ...الكلب بتاعي يارف ينام فيها...لكن الشئ اللي انا معجب بيه لما حادثة او عركة بتحصل البوليس بيبقي موجود في اقل من خمس دقائق في كيبيك و عشر دقائق في تورونتو...

[Torontotruk]

انا حقيقي لسة ما بأتش محامي...اديني بحاول...محامين الهجرة بيكسبوا كويس...لكن سكة ال full lawersطويلةو مارشحهاش لاي مهاجر الا لو كان عمره صغير...هما بالفعل ييكسبوا كويس بس مشوار الدراسه طويل ومش سهل...ربنا ييسر ونعدي اختبار التقييم الفرنسي...وبعدين ابدأ في الزوبد...انا الحمد لله مستور...ربنا يديمه عليا وينعم علينا كلنا بالصحة و العافية.

[moheltohamy]

إيه ده؟ هوّه البتاع ده لسّه ما اتقفلش؟! :sad:

تعرفوا إن دي أوّل مرة الإدارة ما تستجيبش ليّا في طلب قفل موضوع؟! :rolleyes:

بصّوا يا سادة...

أولاً ، أنا أحسد نفسي على وجودي وسطكم بجد ، وأنا فعلاً أدمنت المنتدى ؛ لدرجة إني باعتبره زي بيتي ، آه والله :rolleyes:

بس أنا فعلاً كنت قفلت رسمي... مش تهريج ولا محاولة اختبار لشعبيتي ؛ والكلام الصغيّر ده كلّه!

ولا باهدد بالانسحاب من المنتدى ، زي ما قالت أختنا "ناوية على الهجرة"!

أنا كل اللي قلته إني هابقى زي أي واحد منكو ، وهابيع القهوة ، والقهاوي التانية كتير ، واصحابها يتمنّوا يلمّوا زباين... :happy:

الموضوع فعلاً وصل لمرحلة إنه كان فيه ضغط على أعصابي بجد... لما يتقاللي إني ما شفتش النضافة غير في كندا... ويكمل بعدها بتعليق إن صناديئ الزبالة دي حاجة عادية ومنتشرة ف الإمارات ، ولا تستدعي الاندهاش!

ما اعرفش... بس حسّيت إني جاي من ورا الــ *** ، وموهوم وفكّي متدلي على حاجة عبيطة مش مستاهلة نقرا عنها أصلاً!

وكمان ما طلعش منّي إني أرد رد واحد يساعد حد أو يجاوب على استفسار حد من الأعضاء! إنسان Useless وبتاع هلس م الآخر يعني!

أنا مش هادافع عن نفسي في النقطتين دول ؛ بس الخلاصة إني اتخنقت بعد الكام كلمة دول ؛ وحسّيت إن الهاند أوفر اتضرب من أساسه... فقد المصداقية! :lol:

كل ده خلاّني أقرر آخد جنب ؛ وأكتفي بالتواجد وسطكو كشرّيب ؛ مش صاحب قهوة...

وكنت قبلها لسّه مكلّم د. بريكانيديان وإيهاب سالم وأولتلهم إني ما باخدش الكلام بصورة شخصية خالص ، وما زلت مقتنع بحرّية الرأي بصورة قاطعة ، وبرضه أنا ضد الرقابة على الرأي بكافة أشكالها...

بس المرّادي أنا حسّيت إني اتشتمت... مش بس مجرّد اختلاف في الرأي!

الاختلاف في الرأي ده شيئ صحي ومفيد وهوّه أساس الحوار... لكن إني أحس بالإهانة... فده هوّه اللي مش صحي بأي شكل من الأشكال ؛ وده يمكن اللي وصل للسادة المشرفين إني زعلان عشان فيه ناس مختلفة معايا ف الرأي!

أنا زعلت عشان حسّيت إني اتهنت... وعشان كده كنت قررت بجد اقعد على جمب... ولمّا طلبت إغلاق الموضوع مش بس طلبت ده ع التوبيك بتاعي ؛ أنا بعثت تقرير بده للإدارة!

يعني النيّة كانت جد ؛ مش هزار ولا استظراف خااالص!

لكن بعد كلامكم ده... وطبعاً رفضي إنكو تتحايلو عليّا إني ما امشيش! ما اقدرش أتخذ القرار ده مع وجود كل هذا الضغط الشعبي

وخصوصاً بعد رد مدام سلوى ؛ الإنسانة اللي مجرّد رؤية إسمها في التوبيك بيمر في بالي خيال عصر القصور والسرايات وإحساس الهانم أو الـ Lady... إنسانة قمّة في الرُقي والسمو ، وما اقدرش أنطق بنُص كلمة بعد كلامها...

و لولا الغالية ؛ زهرة المنتدى وصاحبة البسمة الخفيفة والروح الخفيفة في أي مكان تتواجد فيه... ربّنا يزيل زعلها ؛ وينصر اخواننا في غزة ، ويكتب لهم اجتياز محنتهم... آمين.

و المشرف الفاضل / أ. محمد اللي أعجب جداً بحكمه على الأمور ونظرته المتفتحة لتقييم الأمور و وضعها في نصابها الصحيح ؛ مما يؤكد نظريّتي بأن البيئة المحيطة تؤثر على ثقافة المرء وتفكيرة ونظرته للأمور... والحياة في المجتمعات الغربية تعلّم الأفراد تحليل الأمور بشكل أشمل ومن منظور أوسع ؛ وبدون ما "نسخن" ع الفاضية والمليانة!

وأرد على السادة الباقين في مداخلات قادمة...

[moheltohamy]

قهوة ايه اللى تقفل هو معبر رفح

الاخ العظيم دكتورنا الحاج التهامى

اذا انسحبت ستكون قد ارسيت طريقة ومبدأ خطير

وهو ممكن واحد له رأى يخالف الجميع (معطم الناس حتى اكون دقيق) وينتصر على الاغلبية بمنطق ضعيف وحجج واهية

انسان سافر الى بلد و صادف ظروف سيئة وخالط ناس اكثر سوءا ومرتدى نظارة سوداء ولا يريد ان يفتح توبك خاص بكل هذا السواد

اسهل حاجة انه يستفز الناس الموجودة ويعكنن عليهم

انا اعيش فى الكويت وارى فى الكويت اشياء كثيرة جميلة وكنت اعتقد ان الكويت كبلد صغيرة الحجم لازم تكون زى بعضها يعنى منطقة السالمية زى الجهراء زى جليب الشيوخ بلد ضغيرة ولكن اكتشفت الان فى اماكن فى الكويت اسوء من اى مكان فى شعبى فى مصر ممكن تلاقى مجارى مسددوة وحلنى عبال محد يسلكها و النظافة مقولكش

و الناس هنا فى الكويت عددهم قليل واختلافتهم كثيرة من ناحية الدين والمذهب واللون والاصل

يعنى ياعم تورونتو فى بلد زى دى عددها ومساحتها صغيرة جدا و فيها اختلافات كتيييييييييييييييييرة

اذا سالت بعض الصاعيدة يقولك الكويت وحشة لانهم بيقعدوا بدون شغل معظم ايام الاسبوع واذا اشتغلوا بيعملوا عمال وفواعلية لانهم بدون حرفة و يعيشون 8 اشاخص فى غرفة والحمام مشترك و الدنيا ملطشة معاهم ومصر احسن لهم

ولكن اذا سألت واحد من الطبقة المتوسطة بيعمل عمل متوسطة وبأخد راتب متوسط عنه عربية وبيسكن سكن محترم وبيشوف

الكويت حلوة

تورنتو انا شايف انك قاعد تشارك بجد واجتهاد فى التوبك ده ونشيط جدا لدرجة ان تنتظر ان يكتب د التهامى وعلى طول بترد

كانك قاعد منفرغ للرد عليه فقط

اذا كنت بهذا النشاط والحيوية ارجو منك ان تتولى و تفتتح توبك جديد لتنشر رؤيتك وما شاهدت من عيوب فى كندا

وتحكى لنا قصتك مع الهجرة و ماذا حدث لك لتفيد الناس انها لا تقع فى نفس الاخطاء التى وقعت فيها او انها لا تهاجر من اصله

بس سيب الدكتور التهامى يحكى قصته وتجربته الخاصة بدون ان تعكننه وتتهمه بعدم الصدق وانا كنت مستتمتع بالهاند اوفر بتاعه وانا

لست مقدم على هجرة و الفكرة بعيدة عن تفكيرى

معظم الناس هنا مش سذج او اطفال علشان ممكن ينخدعوا بكلام جميل زى ما انت فاكر وينسوا عقلهم

يعنى معظمنا شوفنا دول تانية غير مصر ومعظمنا بيعشوا فى دول تانية غير مصر (دول الخليج او دول اوروبية)

و كلنا نعرف نميز بعقلنا الذى اعتقد انه لايقل عن عقل سيادتك ولنا خبرة برضة اعتقد انها لا تقل عن سيادتك والسن برضة لايقل عن سن سيادتك بل يزيد فبلاش استفزاز للتهامى الله يرضى عليك

د التهامى رجاء حار مثل حرارة الكويت فى شهر اغسطس

الا تجعل شخص واحد فقط يعكنن علينا كلنا

بلاش الاستقالة خد اجازة لمدة يومين رد فيها على حبايبك اللى ان واحد منهم

و بعد كدة ارحع للملاعب تانى بهاند اوفر جديد

وقولى هى تعدية الشارع للمشاة عندهم ازاى؟

انا بسالك السؤال دة علشان انا شوفت العجب فى تعدية الشارع فى النمسا (نقول فى قرية صغيرة)

اذا حاكيت لى عن التعدية فى كندا حكى لك عن النمسا واستغراب بناتى فى موضوع تعدية الشارع

دلوقتى بقالى ساعة فى القهوة دى ولسة السحلب مجاش (الدنيا برد يادكترة) ولا انت بخيل

انا اسمى محمد على صيدلى

عزيزي محمد علي...

يعجبني أسلوبك ، وكلامك... وأنا معاك في معظمه... والنقطة اللي أنا ما زلت مقتنع بيها... من حق أي واحد يقول إن كندا وحشة وبنت ستّين ... ! إيه اللي هيزعّلني؟ هيّه كانت من بقيت أهلي؟! كل واحد حر في رأيه وفي نظرته للأمور وحكمه لمبني من منطلق تجربته الشخصية! مش دي المشكلة خالص!

النقطة الأساسية في الموضوع اللي زهقت من تكرارها... اللي مش عاجبه كلامي ، طزّين فيا ، ويسيب التوبيك ويشوف غيره! مش شرط يسد نفسي! وأكررها تاني... التوبيك ده عن انطباعاتي أنا ، وأنا مش باكذب ولا بابالغ! وجهة نظر شخصية يا سادة!

وفتحت توبيك مخصوص عن عيوب كندا ؛ وقلب بخناقات ؛ والإدارة قفلته! فين الموضوعية؟!

قلت قبل كده العيوب أهم من المميزات ؛ بس ننقل الصورة بموضوعية وبوضوح! لكن إننا نقول الصورة مش سودة يا بوي ، دي أسود من السواد؟! مش هيفيد خالص!

دي وجهة نظري...

[moheltohamy]

حاجة برضه تزعّل ف الكانيديان لايف ستايل... موضوع التثاؤب ؛ الـــ Yawning يعني... تلائي البنت مثلاً من دول حتت بسكوتة تتّاكل أكل ، ولاّ الراجل من دول سعاتّل باشا المحترم ، وفجأة تلائي الشَروءة اتفتحت ؛ ولا كأنه أسد بيزأر ف الغابة! البيه بيتّاوب يا عم الحاج! ما عندهومش ثقافة داري المشهد المؤذي ده! الحمد لله إن ده مش من ثقافتنا يا ريّس ، والله العظيم حمدت ربّنا ، وفرحت إن تربيتنا أحسن منهم ف الحتة دي. ياااااه ، أخيراً بقي عندنا حاجة نفتخر عليهم بيها؟!!

حاجة تانية لاحظتها ؛ مش غريب هنا إنك تلائي واحدة الصبح فاتحة شنطتها ، وبتحط الميك اپ بتاعها كله ف المترو! ولا فيه أي حد شاغل باله بالحوار ده! مش هنتكلم عن إن ده مش من أصول الإتيكيت ، لكن همه سلو بلدهم كده! فلاحين معلش!

الحاجة التانية اللي هند لاحظتها مع أيام البرد ، الرجّاله اللي بيحطو كريمات على وِشّهم وعلى إيديهم أو يحطو زبدة الكاكاو ف المترو ، ولو حصل وجيت تعاتبهم ؛ يئولولك (Our skin is not made of steel) وإن زيُّه زي البشرة الحريمي محتاج لعناية ، وإلا مع البرد هيلتهب ويشقق زي الشفايف برضه. معاهم حق بصراحة! bsh:)

أفتكر بابا – الله يرحمه – أيام ما كنت في ابتدائي ، كان شايف إن كريم إيفا أو نيفيا دول دلع مِرِئ ومياصة بنات ؛ لدرجة إن فيه موقف حصللي ما ائدرش انساه... في عز الشتا ، ومع نقص الفيتامينات إيديا جالها جفاف وتشققات لدرجة إني سمعت مرة واحد م العيال اللي معايا ف الفصل بيئول لواحد تاني (إلحأ ياله ، دا إيدين محمد سعد بئت عاملة زي إيدين الواد بُشرى!) ساعتها بأه ما طِئتِش يا عم الحاج... توصل لبُشرى؟! كُلّه إلا كده! رجعت اشتريت علبت كريم إيفا بالجليسرين ؛ واللي بابا عاوز يئوله يئوله بأه! هيّه وصلت لبُشرى؟! آهو ده اللي نائص!

لاحظت هنا صحيح حاجة غريبة شوية ؛ البيبان هنا من غير جرس! يعني انتا لو رايح تزور حد ؛ يبئى يا تكلمه بالإنتركم من تحت العمارة ، أو تطلع تخبط بإيدك على باب شقته ، وف أحيان نادرة ممكن (زي شقتنا مسلاً) تلائي الإيد المعدنية اياها اللي تخبط بيها ع الباب! ما تعرفش بأه هل العالم دول لسه متخلفين وما وصلهومش اختراع جرس الباب ، ولاَّ دول مش بتوع زيارات ، ولاَّ إيه الحكاية بالظبط!

وبالنسبة للإنتركم اللي تحت ع البوابة الداخلية للعمارة. ما هو من منطلق إن الدنيا في أوقات كتيرة جداً بتكون Freezing ، يبقى حرام تسيب اللي جاي لك البيت واقف برّه ف التلج على ما ترد عليه وتعرف هوّه مين وتفتحله البوابة! وبالتالي العمارات دايماً ليها بوابتين ، البوابة الخارجية بتدخلك على مساحة بينها وبين البوابة الداخلية. المساحة دي بيكون فيها الإنتركم ، وممكن برضه تلاقي فيها كنبة ترتاح عليها على ما اللي انتا عاوزه ينزل لك أو يفتح لك البوابة الداخلية. وممكن تلاقي فيها باسكيت للزبالة وستاند عشان الجرايد الدعائية كمان!

والإنتركم ده يا سيدي مش زي الإنتركمّات اللي عارفينها في مصر... له زراير زي زراير التليفون ، وهتلاقي جمبه لستة بأسماء السكان وأرقام الـــ Buzzer بتاعهم (مالوش علاقة برقم الشقة بالمناسبة) ، سيادتك تضغط رقم الـــ Buzzer بتاع اللي انتا رايح له ، وتلاقيه بيرد عليك... من موبايله حضرتك! ولو حب يفتح لك الباب يضغط رقم 6 في موبايله! إشي خيال يا ناس

وتلاحظ برضه إن كل الشقق ومداخل العمارات مفيش حاجة اسمها بلاط ولا سيراميك! مداخل العمارات والممرات الداخلية (Corridors) بتاعتها مفروشة بالموكيت ، وهتلاحظ الكلام ده حتى من أول لحظة لوصولك كندا ؛ داخل المطار! وكذلك الشقق اللي بتأجّرها ع البلاط ، دي عندهم اسمها ع الموكيت

في حالتنا الشقة كانت ع الباركيه ؛ وده أنضف شويّتين م الموكيت. طبعاً فيه شقق كتير في أبراج (كوندو) ممكن تلاقيها بورسلين ، بس دي بتكون فوق مستوانا عشان نتكلم عليها! إحنا غلابة يا سعاتّل بيه!

وتلاحظ في كندا برضه إن بيبان المباني والمولات والمحلات والعمارات كلها بتفتح لبرّه... سيفتي سعاتّك! عشان لو فيه حريقة ، والناس بتجري عشان تهرب ، مجرّد إنهم يزؤؤا الباب لبرّه وينفدوا بجلدهم! العالم دي بتفهم يا جدع!

وتلاحظ برضه إن البيبان بتاعت كل حاجة هناك (بيبان العمارات والشقق والمولات والمترو والمحلات والمطاعم ، ... إلخ) ، كل البيبان دي بتقفل أوتوماتك (بالدراع الهيدروليك إيّاه اللي بيركب أعلى الباب ده)... نفس النظام اللي عندنا هنا في البريمة البحرية (وبراريم البحر عموماً).

الموضوع ده فكّرني بباب الميس بتاع بريمتنا الأم 92 أيام الصحرا الغربية ؛ اللي لمّا حبّوا يدلّعوا الباب ركّبوله سوستة عشان لمّا الباب يتفتح ما يترزعش على جسم الكرافان بتاع الميس! ولاّ أيّام كتيبة حرس الحدود بتاعت جنوب سينا ... كان قائد الكتيبة مركّب للباب الخارجي (اللي فيه سلك الناموس) سوستة تردُّه لما الباب يتفتح وحد يدخل له! كنت باحسده ع السوستة دي اللي راحماه من الناموس ، واحنا في استراحة الظباط كان طالعان عنينا بالسوستة الممطوطة اللي لا كانت بترُد الباب صح ولا نيلة ، وكان الناموس هارينا!

وكنت برضه ملاحظ آداب التعامل مع البيبان دي هناك... واللي شفتها لأول مرة مع رمزي ع الكوميت! كان رمزي بيعرّفني ع البريمة وكل مرة يفتح الباب يفضل ماسكه لغايت ما اعدّي أنا أو امسك انا الباب. وكنت مستغرب جداً الصراحة من الچنتلة بتاعت رمزي دي! من إمتى يابو رمزي؟! ما يسيب الباب يتئفل ولا يتنيّل ، ولما اوصل لُه هابئى أفتحه. المهم ، ومع الوأت أخدت بالي إن ده من آداب التعامل في براريم البحر.

نفس الموضوع ده هناك... دايماً أي حد خارج أو داخل مول ، صابواي ، مدخل عمارة ... دايماً يلاحظ لو حد وراه يفضل فاتح له الباب لغايت ما يستلم هوه الباب وممكن حتى يستنّاه لغايت ما يمسك هوّه الباب لنفسه ؛ ما بيفرقش بأه مين اللي فاتح الباب ومين اللي جاي وراه سواء كان راجل أو ست. طبعاً مش محتاج ائوللك إن الثانك يو شغّال معاك على طول

ما تعملليش زي هند اللي ساعات بتلاقي الراجل اللي أدّامها فاتح لها الباب على ما توصل ، تئوم سايباه ؛ وداخله م الباب اللي جمبه!! يا ريتها حتى تئول لُه ثانك يو تبرّد ناره وكبسته شويّه ، دي ولا كإنه موجود ف الحياة أصلاً!

ولاّ ماما اللي العادي بتاعها إن لو حد جد يساعدها أو يمدّلها إيده عشان يسندها مثلاً وهيّه داخلة أتوبيس ؛ تودّي وشّها الناحية التانية ولا كإنه حشرة أو كوم زبالة مؤذي لعينيك ؛ زي ما يكون الراجل بيعاكسها لمجرّد إنه حاول يعمل حاجة كويّسة! طيب يا ستي أوليلُه شكراً ، وطنشيه بعدها ، أو حتى أوليلُه كتّر خيرك! ليه بنفترض النيّة السودة ف الناس؟! لكن بتئول لمين؟ إنسى يا عم الحاج... هيّه كاراكتر!

[moheltohamy]

ssmaly أو د. محمد علي...

شكراً ليك جداً جداً يا راجل يا محترم... يسعدني بجد وجودك في التوبيك ، وأشكر ليك دعوتك للزميل تورونتو إنه يبعتلي رسالة مصالحة.

إحنا مفيش بيننا الكلام ده يا ريّس... ساعات بنزعل من بعض صحيح ، بس ف النهاية احنا عيلة كبيرة (E-Family) bsh:)

وأنا في اعتقادي الشخصي إن محمد عمر ده راجل اسكندراني جدع ، بس مشكلته إن ساعات بيطلع منّه قذائف بتزعّل الناس منّه! :lol:

وآديك شايف اللعب الجامد في التوبيك الجديد بتاعه ;)

هاني شكري... أتمنى تكون استمتعت بالهاند أوفر حتى الآن... وشكراً على مجاملتك

عزيزي Kot Kot

آديني شوطت ؛ وعلى الله ما تكونش جات ف العارضه!

د. أيمن كامل...

حمد الله ع السلامة يا ريّس ، وعود أحمد صحيح اللي بيتكلّموا عنّه cld:

باشمهندسة سمية...

آدينا رجعنا بالهاند أوفر ، وعلى الله يعجبك... والله يبارك فيكي ، آدينا بنصرف آهوه ع الأهوة من دم ألبنا ، إنتي عارفة المنافسة شرسة من الأهاوي اللي جمبنا wst::

دكتورنا :Kaplan

على الله يكون عجبك الجزء ده من اللايف ستايل الكندي اللي مش هتشوفه (وإبقى خللي أمريكا تنفعك :P )

دكتورنا العزيز : اسكندرية تاني

شكراً على مرورك...

حبيبي سامح...

عنينا يا ريّس ، ونبدأ نحضّر للي بعدها ، لسّه هابدأ أكتب فيها ... آااااه يا إيديّا... أنا اللي جبته لنفسي! cld:

الزميلة SoSoRaNy

ما زلت أصر إنك تحكيلنا عن قصّتك... وأنا متأكد إنها هتكون قصّة كفاح دولية شيّقة wst::

تم تعديل 12 يناير 2009 بواسطة moheltohamy

[SoSo R]

الزميلة SoSoRaNy

ما زلت أصر إنك تحكيلنا عن قصّتك... وأنا متأكد إنها هتكون قصّة كفاح دولية شيّقة :lol:

برده مصر؟؟!! بضم الميم ....طب لو إبتديت و أخدت منك الزباين تعمل إيه ساعتها هتقاطعنى يعنى؟؟

و أبتدى هنا ولا أفتح قهوة لوحدى؟؟ bsh:)

ع العموم إدينى يومين يمكن أسمع أخبار تستاهل....سلاااااااام cld:

[moheltohamy]

برده مصر؟؟!! بضم الميم ....طب لو إبتديت و أخدت منك الزباين تعمل إيه ساعتها هتقاطعنى يعنى؟؟ bsh:)

و أبتدى هنا ولا أفتح قهوة لوحدى؟؟ :lol:

ع العموم إدينى يومين يمكن أسمع أخبار تستاهل....سلاااااااام cld:

طيب ما ننأنأ ف الكفاحات الأديمة (يمكن ندعيلك دعوة محترمة تحدفك لفووووء )

وزي ما تحبّي يا ستي... أهوة لوحدك ، وتسحبي مننا الزباين ؛ واحنا ما سدّأنا نلمّهم من كل ناحية بعد ما اتشرّدوا لما الأهوة اتأفلت!

أو تخلّيكي هنا ، وتنزّلي مشاريبك معانا... وهنشوفك برضه wst::

أولتي إيه؟ إستبينا؟

يلاّ بأه... خير البر عاجلُه... أنا مستني آهوه cld:

[SoSo R]

أنا كنت بافكر فى العيشة برة من زمان من أيام تانية كلية ...ماكنش فى قدامى صورة واضحة هاحعمل إيه بالضبط ؟؟هجرة مش هجرة المهم كنت حاسة إن فيه حاجة غلط يا عندى يا عند الناس مش عارفة؟!!

يعنى مش مقتتنعة أبقى واقفة مستنية دورى فى أى حاجة فى الدنيا ...ألاقى اللى بيزاحم و يزق عشان يخلص قبلى ولو أتكلمت أو علقت الناس الناس تبصلى من فوق لتحت و لسان حالها يقول هى ملها مش طايقة روحها ويا سلام لو حد تكرم بموعظة عن طولة البال وتوسيع الصدر...........إلخ دة طبعا زيدوا عليه إنى كنت ف التين آجر

فى موقف كمان .....و أنا فى ثانوية عامة( أصلى كنت ثورية و كدة و باروح فى؟؟؟؟؟) ما علينا كان فيه حصة مالهاش لازمة و المدرس بيدخل عشان يفرفنا و بس و آخر حصة فى نص يوم دراسى و بعدها أجازة طويلة فاقترحت نروح أو نحضر مع الفصل التانى لأنى مش عايزة أدخل الفصل أوم مشرفة الدور وهى من الحجم العائلى أد حلة محشى كرنب كدة تزأنى بالعافية جوة الفصل و تأولى بكل أدب و إحترام :blink: مش بمزاجك يا حبيبتى (بالتأكيد ع التة) لما تخشى الجامعة إبقى ما تحضريش خالص :blink: على فكرة دى كانت أحسن مدرسة فى مدينة نصر منعا لل.....؟؟؟؟؟؟؟

عشان كدة لما أريت موضوع الشامى حزنت على نفسى و قلت أكيد الواحد كان مجرى حياته إتغير لو كان راح بدرى بس ملحوأة

يتبع بخصوص التعليم

[samehelassad]

أنا كنت بافكر فى العيشة برة من زمان من أيام تانية كلية ...ماكنش فى قدامى صورة واضحة هاحعمل إيه بالضبط ؟؟هجرة مش هجرة المهم كنت حاسة إن فيه حاجة غلط يا عندى يا عند الناس مش عارفة؟!!

يعنى مش مقتتنعة أبقى واقفة مستنية دورى فى أى حاجة فى الدنيا ...ألاقى اللى بيزاحم و يزق عشان يخلص قبلى ولو أتكلمت أو علقت الناس الناس تبصلى من فوق لتحت و لسان حالها يقول هى ملها مش طايقة روحها ويا سلام لو حد تكرم بموعظة عن طولة البال وتوسيع الصدر...........إلخ دة طبعا زيدوا عليه إنى كنت ف التين آجر

فى موقف كمان .....و أنا فى ثانوية عامة( أصلى كنت ثورية و كدة و باروح فى؟؟؟؟؟) ما علينا كان فيه حصة مالهاش لازمة و المدرس بيدخل عشان يفرفنا و بس و آخر حصة فى نص يوم دراسى و بعدها أجازة طويلة فاقترحت نروح أو نحضر مع الفصل التانى لأنى مش عايزة أدخل الفصل أوم مشرفة الدور وهى من الحجم العائلى أد حلة محشى كرنب كدة تزأنى بالعافية جوة الفصل و تأولى بكل أدب و إحترام :blink: مش بمزاجك يا حبيبتى (بالتأكيد ع التة) لما تخشى الجامعة إبقى ما تحضريش خالص :blink: على فكرة دى كانت أحسن مدرسة فى مدينة نصر منعا لل.....؟؟؟؟؟؟؟

عشان كدة لما أريت موضوع الشامى حزنت على نفسى و قلت أكيد الواحد كان مجرى حياته إتغير لو كان راح بدرى بس ملحوأة

يتبع بخصوص التعليم

تحية ل سوسوراني.

خشي على المفيد. مستنينك تكملي.

بس الاول موضوع تانية كلية دة كان من كام سنة كدة انشاء الله؟ السنة اللي فاتت يعني مع موضوع الشامي رجع من كندا يارجالة؟؟؟

[ايهاب سالم]

أنا كنت بافكر فى العيشة برة من زمان من أيام تانية كلية ...ماكنش فى قدامى صورة واضحة هاحعمل إيه بالضبط ؟؟هجرة مش هجرة المهم كنت حاسة إن فيه حاجة غلط يا عندى يا عند الناس مش عارفة؟!!

يعنى مش مقتتنعة أبقى واقفة مستنية دورى فى أى حاجة فى الدنيا ...ألاقى اللى بيزاحم و يزق عشان يخلص قبلى ولو أتكلمت أو علقت الناس الناس تبصلى من فوق لتحت و لسان حالها يقول هى ملها مش طايقة روحها ويا سلام لو حد تكرم بموعظة عن طولة البال وتوسيع الصدر...........إلخ دة طبعا زيدوا عليه إنى كنت ف التين آجر

فى موقف كمان .....و أنا فى ثانوية عامة( أصلى كنت ثورية و كدة و باروح فى؟؟؟؟؟) ما علينا كان فيه حصة مالهاش لازمة و المدرس بيدخل عشان يفرفنا و بس و آخر حصة فى نص يوم دراسى و بعدها أجازة طويلة فاقترحت نروح أو نحضر مع الفصل التانى لأنى مش عايزة أدخل الفصل أوم مشرفة الدور وهى من الحجم العائلى أد حلة محشى كرنب كدة تزأنى بالعافية جوة الفصل و تأولى بكل أدب و إحترام :blink: مش بمزاجك يا حبيبتى (بالتأكيد ع التة) لما تخشى الجامعة إبقى ما تحضريش خالص :blink: على فكرة دى كانت أحسن مدرسة فى مدينة نصر منعا لل.....؟؟؟؟؟؟؟

عشان كدة لما أريت موضوع الشامى حزنت على نفسى و قلت أكيد الواحد كان مجرى حياته إتغير لو كان راح بدرى بس ملحوأة

يتبع بخصوص التعليم

أقترح عليكي تفتحي موضوع منفصل لتجربتك وتاخدي وقتك وتحكي واحده واحده

متعمليش زيي و تبقى مشاركاتك و حكاياتك عن تجربتك متوزعه في كل موضوع شويه و بعد كده تلاقي واحد بيسألك هو إنتي ناويه تعيشي في كندا إمتى wst::

تم تعديل 12 يناير 2009 بواسطة ايهاب سالم

[moheltohamy]

أنا كنت بافكر فى العيشة برة من زمان من أيام تانية كلية ...ماكنش فى قدامى صورة واضحة هاحعمل إيه بالضبط ؟؟هجرة مش هجرة المهم كنت حاسة إن فيه حاجة غلط يا عندى يا عند الناس مش عارفة؟!!

يعنى مش مقتتنعة أبقى واقفة مستنية دورى فى أى حاجة فى الدنيا ...ألاقى اللى بيزاحم و يزق عشان يخلص قبلى ولو أتكلمت أو علقت الناس الناس تبصلى من فوق لتحت و لسان حالها يقول هى ملها مش طايقة روحها ويا سلام لو حد تكرم بموعظة عن طولة البال وتوسيع الصدر...........إلخ دة طبعا زيدوا عليه إنى كنت ف التين آجر

فى موقف كمان .....و أنا فى ثانوية عامة( أصلى كنت ثورية و كدة و باروح فى؟؟؟؟؟) ما علينا كان فيه حصة مالهاش لازمة و المدرس بيدخل عشان يفرفنا و بس و آخر حصة فى نص يوم دراسى و بعدها أجازة طويلة فاقترحت نروح أو نحضر مع الفصل التانى لأنى مش عايزة أدخل الفصل أوم مشرفة الدور وهى من الحجم العائلى أد حلة محشى كرنب كدة تزأنى بالعافية جوة الفصل و تأولى بكل أدب و إحترام wst:: مش بمزاجك يا حبيبتى (بالتأكيد ع التة) لما تخشى الجامعة إبقى ما تحضريش خالص ;) على فكرة دى كانت أحسن مدرسة فى مدينة نصر منعا لل.....؟؟؟؟؟؟؟

عشان كدة لما أريت موضوع الشامى حزنت على نفسى و قلت أكيد الواحد كان مجرى حياته إتغير :blink: لو كان راح بدرى بس ملحوأة

يتبع بخصوص التعليم

دا الكلام يا سوسوراني...

م الواضح إن الحدوتة دي هتبقى شيّقة ، وهتلم زباين فيفتي فيفتي يا باشا ;)

بس إيه حكاية الصاسبينس بتاعت المسلسلات دي؟!

تلميذة الشامي بجد :blink:

[Princesse]

نورت التوبيك يا دكتور تهامي

ايوة كدة اشتقنا لحكياتك المشوقة عن كندا و ناسها

كان ليا تعليق بسيط على حكاية الانتركم دي الموجودة في البيوت: في quebec الانتركم بيكون متوصل بتليفون البيت الارضي

يعني لو في زائر مثلا بيضغط على رقم الشقة الي عاوزه فالتليفون يرن عند صاحب البيت فيرد على التليفون كأنه مكالمة عادية

نفسي شئ بالنسبة جهاز الانذار بيكون برضه متوصل بالتليفون الارضي. يعني لو في حرامي مثلا جهاز الانذار دا بيبعت اشارة لشركة بتاعة الانذار

[ايهاب سالم]

حاجة تانية لاحظتها ؛ مش غريب هنا إنك تلائي واحدة الصبح فاتحة شنطتها ، وبتحط الميك اپ بتاعها كله ف المترو! ولا فيه أي حد شاغل باله بالحوار ده! مش هنتكلم عن إن ده مش من أصول الإتيكيت ،

أنا بصراحه معرفش اصول الإتيكيت أيه في الموضوع ده يا تهامي

لكن دي حاجه عاديه جدا بأشوفها من وقت للتاني في قطار ال GO كل يوم الصبح

و مش شايف فيها حاجه

مره لقيت واحده طلعت من شنطتها حاجه معدن كبيره شبه المقص و قربتها لعينيها و راحت قافله .. و بعدين فتحتها على العين التانيه و قفلتها و طبعا كانت ماسكه مرايه

أنا أستغربت

بس إفتكرتها بتلبس العدسات اللاصقه

رجعت البيت حكيت لمراتي

طلعت الأداه دي مكواه أو مكبس للرموش ... بتستعملها بعد المسكارا و العياذ بالله

عشان رموشها تكون طويله

متخافش م الميه و لا الدموع

الحاجة التانية اللي هند لاحظتها مع أيام البرد ، الرجّاله اللي بيحطو كريمات على وِشّهم وعلى إيديهم أو يحطو زبدة الكاكاو ف المترو ، ولو حصل وجيت تعاتبهم ؛ يئولولك (Our skin is not made of steel) وإن زيُّه زي البشرة الحريمي محتاج لعناية ، وإلا مع البرد هيلتهب ويشقق زي الشفايف برضه. معاهم حق بصراحة!

لأ دي معندكش حق فيها يا تهامي

و تعاتبهم ليه يا حشري

مفيهاش حاجه ... هو بيحط أحمر شفايف

والإنتركم ده يا سيدي مش زي الإنتركمّات اللي عارفينها في مصر... له زراير زي زراير التليفون ، وهتلاقي جمبه لستة بأسماء السكان وأرقام الـــ Buzzer بتاعهم (مالوش علاقة برقم الشقة بالمناسبة) ،

مش دايما يا تهامي

رقم البظ بتاعنا هو رقم الشقه

سيادتك تضغط رقم الـــ Buzzer بتاع اللي انتا رايح له ، وتلاقيه بيرد عليك... من موبايله حضرتك! ولو حب يفتح لك الباب يضغط رقم 6 في موبايله! إشي خيال يا ناس

بلاش التعبيرات دي يا تهامي

دلوقتي تلاقي واحد طالع يقولك مشفتوش باظات قبل كده غير في كندا

إحنا بظنا بيرن على تليفون البيت مش الموبايل و تضغط 9 لفتح الباب مش 6

فيه عمارات متقدمه بتجيب لك صورة الضيف اللي واقف على الباب تحت على قناه في تلفزيونك

و انا في هذا المقام أحب أعلن إني مش منبهر خالص بأي حاجه من دي و إني شفتها قبل كده كتير في كل دول العالم و إن كندا هي الاسوأ في هذا المجال

كده انا اصبحت خارج أي تعليقات هتحصل و هتشيلها لوحدك يا تهامي

إنتو عمركو مشفتو إنتركوم إلا في كندا

في حالتنا الشقة كانت ع الباركيه ؛ وده أنضف شويّتين م الموكيت. طبعاً فيه شقق كتير في أبراج (كوندو) ممكن تلاقيها بورسلين ، بس دي بتكون فوق مستوانا عشان نتكلم عليها! إحنا غلابة يا سعاتّل بيه!

دلوقتي فيه أرض جلد يا تهامي

leather fllor

و دي طبعا حاجه أنا عارفها من زمان و لا تمثل لي أي إنبهار

عادي خالص

إنتو عمركو مشفتو ارض جلد إلا في كندا

وتلاحظ في كندا برضه إن بيبان المباني والمولات والمحلات والعمارات كلها بتفتح لبرّه... سيفتي سعاتّك! عشان لو فيه حريقة ، والناس بتجري عشان تهرب ، مجرّد إنهم يزؤؤا الباب لبرّه وينفدوا بجلدهم! العالم دي بتفهم يا جدع!

ياااااه

في دي انا شاكر فضله يا تهامي

كان نفسي اعرف ليه من زمان