كندا التي رأيتها :)

[somayasaleh]

أنا كنت بافكر فى العيشة برة من زمان من أيام تانية كلية ...ماكنش فى قدامى صورة واضحة هاحعمل إيه بالضبط ؟؟هجرة مش هجرة المهم كنت حاسة إن فيه حاجة غلط يا عندى يا عند الناس مش عارفة؟!!

يعنى مش مقتتنعة أبقى واقفة مستنية دورى فى أى حاجة فى الدنيا ...ألاقى اللى بيزاحم و يزق عشان يخلص قبلى ولو أتكلمت أو علقت الناس الناس تبصلى من فوق لتحت و لسان حالها يقول هى ملها مش طايقة روحها ويا سلام لو حد تكرم بموعظة عن طولة البال وتوسيع الصدر...........إلخ دة طبعا زيدوا عليه إنى كنت ف التين آجر :sad:

فى موقف كمان .....و أنا فى ثانوية عامة( أصلى كنت ثورية و كدة و باروح فى؟؟؟؟؟) ما علينا كان فيه حصة مالهاش لازمة و المدرس بيدخل عشان يفرفنا و بس و آخر حصة فى نص يوم دراسى و بعدها أجازة طويلة فاقترحت نروح أو نحضر مع الفصل التانى لأنى مش عايزة أدخل الفصل أوم مشرفة الدور وهى من الحجم العائلى أد حلة محشى كرنب كدة تزأنى بالعافية جوة الفصل و تأولى بكل أدب و إحترام :lol: مش بمزاجك يا حبيبتى (بالتأكيد ع التة) لما تخشى الجامعة إبقى ما تحضريش خالص :lol: على فكرة دى كانت أحسن مدرسة فى مدينة نصر منعا لل.....؟؟؟؟؟؟؟

عشان كدة لما أريت موضوع الشامى حزنت على نفسى و قلت أكيد الواحد كان مجرى حياته إتغير :lol: لو كان راح بدرى بس ملحوأة

يتبع بخصوص التعليم

أقترح عليكي تفتحي موضوع منفصل لتجربتك وتاخدي وقتك وتحكي واحده واحده

متعمليش زيي و تبقى مشاركاتك و حكاياتك عن تجربتك متوزعه في كل موضوع شويه و بعد كده تلاقي واحد بيسألك هو إنتي ناويه تعيشي في كندا إمتى :lol:

نورت القهوة يا دوك... والله لك كارزما خاصة لذيذة (ما شاء الله)

الاخ العزيز ايهاب

انا كمان اضم صوتي لصوتك ونطلب من الاخت سوسو ان تفتح توبيك جديد تحكي فيه تجربتها

وحضرتك يا استاذ ايهاب .... ياريت برضه تفتح توبيك منفصل تلم فيه كل الاجابات المفيده اللي سبق وقلتها للناس هنا

وهي فعلا معلومات رائعه ما شاء الله لان تجربة حضرتك ثرية وبها معلومات كتير

[SoSo R]

خبر عاجل:

سوسورانى تحييكم و تعلن أنه فى تمام الساعة 3 عصرا من يوم الثلاثاء تم إستلام الباسبورات و الأن الفيز فى قبضة يدى.....

نداء إلى تهامى هورتونز :blush2: كلم مدام هند تحجز شقة فى العمارة ....دة بجد على فكرة

مطلوب دعوات بالتوفيق عشان هنبتدى مع العندليب نغنى وابتدى المشوار.....

إنتهى البيان

[samehelassad]

الف الف مبروك ليكي ياسوسوراني. وادعيلنا ربنا يكرمنا ويجيلنا جواب الفيزا اوام.

[SoSo R]

الف الف مبروك ليكي ياسوسوراني. وادعيلنا ربنا يكرمنا ويجيلنا جواب الفيزا اوام.

إن شاء الله يوصل بسرعة إنت واصل لأنهى مرحلة فى الجوابات؟

على فكرة لما أولتلى أدخل فى المفيد أنا ما عنديش مفيد أوى أنا أولت أنزل بفاصل إعلانى عبال لما تهامى يستعد للحلقة الجاية

دة كل الموضوع لو حيضايق أى حد أنا هاوقف .....بعد إذن صاحب القهوة :blush2:

[moheltohamy]

خبر عاجل:

سوسورانى تحييكم و تعلن أنه فى تمام الساعة 3 عصرا من يوم الثلاثاء تم إستلام الباسبورات و الأن الفيز فى قبضة يدى.....

نداء إلى تهامى هورتونز wst:: كلم مدام هند تحجز شقة فى العمارة ....دة بجد على فكرة

مطلوب دعوات بالتوفيق عشان هنبتدى مع العندليب نغنى وابتدى المشوار.....

إنتهى البيان

يا بنت اللزينا :lol:

دانتي خلاص تعتبري كندية بي آريّة! ومخبّية طول الفترة دي إنك على وَشَك! أنا كنت فاكرك في بداية المشوار وبتبالغي ؛ مش في آخره خلاص!

عموماً ، ألفين خمسمية تلاتة وتمانين مبروك انتهاء المشوار ، وشدّي حيلك مع بداية المشوار في كندا في عز التلج (إنتي ناوية ع اللاندنج إمتى أصلاً؟)

ولو بجد عاوزة تسكني في منطئتنا... يبقى ده عين العقل wst::

المنطئة بتاعتنا أمان جداً (بغض النظر عن حادثة المطوا اللي حصلت قريب :lol: )

لكن بصفة عامة دي أمااااااان جداً ، خصوصاً لو زوجك بيفكر يبيعك ويرجع لفترة حتى استقرار الأوضاع زي ما عملت أنا و د. الشامي :lol:

بس عموماً إحنا بنتكلّم في حولين الـ 800 لو هتاخديها باتشيلور ، وبتاع 1000 لو هتاخديها وَن بِد روم ، وبتاع 1400 لو هتاخديها تو بِد روم في حالة وجود أطفال.

طيب... إحنا عموماً مستنيين التفاصيل حضرتك :lol:

وكلمة مديح اللي مفيش على لساننا في المنتدى ده غيرها... متابعييييييييييين :blush2:

[moheltohamy]

بص بقي يا دكتور تهامي انت شجعتني اني اكتب عن الي شفته في التعامل من الكنديين

و يمكن دا يكون دليل على كلامك ان كندا فيها مميزات كتيرة

انا كنت ديما بكتفي اني اقرأ المشاركات ، بس بصراحة انت شجعتني على المشاركة و اتمنى ان اصدقاءنا في المنتدى يستفيدوا منها

موضوع التوبيك بتاعك كندا التى رايتها، ممكن استعير منك الاسم و احكي عن كندا التى سمعتها، طبعا الي شاف غير الي سمع، بس برضه السمع له فوائد

انا بشتغل دلوقتي بقالي 3 سنين في مركز اتصالات في مصر بيقدم الخدمات لدول في اروبا و امريكا و كندا.

و بقالي سنة بشتغل في قسم خدمة عملاء لشركة كندية في Quebec

العميل يتصل بينا من quebec علشان نحل مشكلته هنا في مصر

المهم مرة حصلي موقف مش قادرة انساه لحد دلوقتي، و عرفت اد ايه حياة الانسان غالية في كندا

على الصبح كدة اتصلت عميلة و بتقولي انها من البوليس المقاطعة (بصراحة انا قلبي وقع في رجلي بوليس كدة مرة واحدة) سألتها خير يا مدام ايه المشكلة؟ قالت انها دلوقتي بتكلم من بينت مدام .....و الست دي عندها اشتراك التليفون الارضي مع شركتنا و التليفون بتعها بايظ. سألتها: طيب ايه دخل البوليس في الموضوع و ليه الست نفسها مكلمتش علشان المشكلة دي؟" كانت اجابة الضابطة بجد مفجاءة ليا و فهمتني الحكاية كلها:

الست العميلة دي عايشة لوحدها و هي كبيرة في السن و مريضة، ففي قسم في بوليس او في المستشفي بتاعة المقاطعة ناس شغلتهم انهم يتصلوا بيها كل يوم علشان يطمنوا عليها و يسألوها عاملة ايه

في اليوم دا اتصلوا بيها، و لاقوا التليفون على طول مشغول، فعلى طول اتجهت سيارة من البوليس علشان يطمونوا عليها يمكن جري ليها حاجة، الست اصلا كان نايمة و متعرفش ان تليفونها بايظ

طبعا الضابطة دي طلبت مني ابعت حد يصلح التليفون انهردة، طبعا بعد التأكد من المشكلة و من شخصية العميلة بعت حد يصلح ليها التليفون في نفس اليوم

بالنسبة لقيمة حياة الانسان في مصر يكفي اني اقول مثل بسيط.

كنت راكبة العربية مع بابا على محور 26 يوليو وكانت فيه حادثة و الراجل مرمي على المحور سايح في دمه، طلبت من بابا اننا نخده في العربية و ننقله لأقرب مستشفى، بس بابا رفضت، انا ساعتها مصدقتش بابا : "يا بابا دي حياة انسان دا هيموت" رد ة قالي: "انا لو اخدته المستشفى انا الي هلبس الموضوع و هيقولوا عليا انا الي خبطه و اترمي في الحبس لحد ما الراجل يصحي و يقول مين الي خبطه و لو حصل و الراجل مات هفضل في مشاكل و حبس و قضية لحد ما اثبت ان مش انا الي خبطه".

ساعتها بس فهمت ليه محدش تاني وقف ينقذ الراجل دا، الكل العربيات ماشية عادي جداا. كل الي احنا عملناه اننا طلبنا الاسعاف الي كانت على الطريق و سيبنا الراجل و مشينا

دا الفرق بين كندا و مصر، فرق بين قيمة حياة الانسان في هناك و هنا

نورت التوبيك يا دكتور تهامي

ايوة كدة اشتقنا لحكياتك المشوقة عن كندا و ناسها

كان ليا تعليق بسيط على حكاية الانتركم دي الموجودة في البيوت: في quebec الانتركم بيكون متوصل بتليفون البيت الارضي

يعني لو في زائر مثلا بيضغط على رقم الشقة الي عاوزه فالتليفون يرن عند صاحب البيت فيرد على التليفون كأنه مكالمة عادية

نفسي شئ بالنسبة جهاز الانذار بيكون برضه متوصل بالتليفون الارضي. يعني لو في حرامي مثلا جهاز الانذار دا بيبعت اشارة لشركة بتاعة الانذار

العزيزة Princesse

دانتي جوهرة مستخبّية من زمان!

وعلى كده عندك حكاوي يومية عن الكانيديان لايف ستايل! دانتي تعتبري عايشة معاهم وعارفة حياتهم أكتر منّي!

طب ما تفتحيلك توبيك مخصوص عن (كندا معايا ع التليفون) ، أو (حكاوي الكنديين التحف ع التليفون) :lol:

أو لو تحبّي ؛ التوبيك بتاعي يتشرّف باستضافتك ، ونخدّم ع السمّيعة بتوعك :lol:

وآهو كلّه زباين للأهوة ، وسبّوبة ناكل منها عيش :lol: ، وعلى رأي المثل (المشهد إيّاه بتاع ماجدة): اللي مالوش قهوة... التهامي هورتونز قهوته :blush2:

شرّفتينا ، وفي انتظار حكاويكي :lol:

تم تعديل 13 يناير 2009 بواسطة moheltohamy

[moheltohamy]

يالا يا تهامي

مش هأنزل الفيلم إلا لما تشارك

بص كده

شايف الصوره عامله إزاي

جودة blue ray مش DVD

بس بعينك مش هتشوفه إلا لما تشارك

فين الهديّة يا عم الحاج؟! :blush2:

ولاّ هوّه صاسبينس والسلام؟! :lol:

بس تعرف إنك جيت ع الجرح؟!!!! أوّل ما أولت كلمة Blu-ray دي! حسّيت إني اتأهرت :lol:

الكمبيوتر العرّة اللي اشتريته لسّه جديد من جوهانسبيرج لما كنت هناك... كنت محتار ؛ فيه كل حاجة ، بس من غير بلو راي! بس أولت ماجاتش على دي!

وآدي موقع الزبون:

عرفت ليه كلمتك جات ع الوجيعة؟!

والموقع ده بيتكلّم عن مميزات العيلة بتاعت المحروس!

تم تعديل 13 يناير 2009 بواسطة moheltohamy

[moheltohamy]

شفت بقي يا ريس

اهيك قلبت صعيدي

عشان ما تخبطش في الصعايدة ودماغ الصعايدة

انا انتظرت بهدوؤ ومعي الستوب ووتش منتظر عودتك وعملت رسم بياني بالفارق انت مخك صعيدي بنسبة 23 %

لان انا كلمة واحدة وقفلت لمدة 120 ساعة

اين التسجيل الكورة او حتي سبحة وسجادة صلاة يا سيدي ؟

تعرف يا د. قناوي إني ما جبتش أي أي أي حاجة وانا راجع م الحج :sad:

هوّاحنا رايحين نحج ولاّ رايحين نعمل شوبنج؟!

مفيش غير همّه الـ 5 لتر ميّت زمزم عشان خاطر ماما :ninja:

بخلاف كده... Merci d'avance :sad:

[moheltohamy]

تهامي باشا ..................

حمدا لله ع السلامة .... و عايز اقولك ياباشا انك كبير و ماحدش يقدر يهينك يا ريس ..... الكبير كبير و لو ما اكلش فطير (اي حاجة علشان القافية... هههههه)....

تسلم يا جيمي...

وعلى ذكر الفطير يا سيدي ؛ أرجع بالذاكرة أيّام ما كنا طلاب في كلية الظباط الاحتياط في فايد ، في فترة المستجدين...

كان يوم الخميس دي بعد الساعة 5 مساءً ، كانو بيسيبونا كام ساعة نريّحهم شويّة ؛ لغايت طابور 8 مساءً (طابور العشا)...

كان أقصى متعة في الحياة إنك تشتريلك فطيرة بـ 50 إرش م الكافيتيريا وعليها مثلثين جبنة ميلكانا ، ومعاهم كبّايت شاي مجهول الماركة بربع جنيه (وتزوّد السكر من معاك انتا) ، ونؤعد (شلة العنبر) ع الأسفلت جمب الكافيتيريا نفتكر أيّام ما كنا بني آدمين محترمين (اللي دكتور واللي مهندس واللي مبرمج واللي مصوّر سينمائي ، ... إلخ) ، أبل ما نبقى ملطشة وبنسف تراب الأرض (وش الضباع في لايون كنج :sad: )

كنا ساعتها بنحس إن مش ناقصنا حاجة ف الدنيا دي ، ولا كأنك (حزت الدنيا بما فيها) ، وخلاص هتتمنى إيه تاني من دنيتك بعد العز اللي احنا فيه ده... :sad:

باتكلّم بجد والله العظيم! :ninja:

فاكر يا حسيني الأيام دي؟ :lol:

[Princesse]

السلام عليكم

مرسي اوي يا دكتور تهامي إنك سمحت لي اكتب في التوبيك بتاعك حكياتي عن الكنديين الي كلمتهم على التليفون

و احب اسجل اعجابي بأسلوبك في الكتابة.

اسمحوا ليا احكي لكم عن حكايتي في اول تعامل ليا مع الكنديين. انا كنت بتشغل قبل في account بيقدم خدمات لكل المتحدثين الفرنسية في اوروبا (فرنسا و بلجيكا و سويسرا) و بصراحة التعامل مع الفرنسيين خلاني اكره فرنسا جدا بالرغم ان طول عمرى كنت مبهورة بكل ما هو فرنسي، بس التعامل معهم اثبت لي ان اغلبهم عنصريين جداا

طلبت نقلي للaccount الكندي، كان المدير الكندي بنفسه بيدينا التدريب، المدير دا قدي في السن ( الترقية عندهم بالاجتهاد مش بالسن) و كان لذيذ جداا. في اول يوم اتكلم فيه محدش فهم منه كلمة، اصل الفرنساوي بتاع كيبيك غريب موووت، مع الوقت بدأنا نفهمه ونحبه. اكتر حاجة المدير دا استغرب منها ان الفصل بتعنا كان كله بنات فقالنا "انا حتى في كندا عمري ما اديت تدريب لكل عدد البنات دي، اغلب الي بيشتغلوا في technical ولاد مش بنات" ..المهم بدأنا التدريب و كان عندنا امتحانات و الي بيصحح الامتحانات دي مدير مديري (يعني الرأس الكبيرة ) والي يسقط في الامتحان خلاص باي باي مش هيكمل في الشغل مفيش هزار

طبعا زي ما طول عمرنا اتعلمنا في المدرسة و الجامعة ان لو جه سوال في الامتحان يعني ندش المنهج كله، وان الزيادة مش هتخسر، احنا بقي عملنا كدة في الامتحان الكندي..المهم المدير الكندي الرأس الكبيرة استدعى المدير المصرى و قاله "الناس دي مش فاهمة حاجة ومش هينفعوا دول مش فاهمين الاسئلة :ninja: " الحمد لله المدير المصري شرح له ان دا سلو التعليم في بلادنا.. بعد كدة اتعلمنا اننا نجاوب على قد السوأل

عرفت يومها الفرق بين تعليمنا و التعليم عندهم هناك

الحمدلله كل البنات عدت الامتحان وبدأنا الشغل.. :sad:

الكنديين في كيبيك و منتريال طيبين، وابعد ما يكونوا عن العنصرية، حتى لو عرفوا اننا مصريين يبدأ الرغي بقي وفيض من الاسئلة عن مصر و بيسألوا في حاجات غريبة اوي زي حالة الطرق، وحرية المرأة و الفراعنة و طبعا حالة الجو، انا بغيظهم بصراحة واقولهم ان عندنا شمس في عز الشتاء. :sad: .في ناس منهم كتير بيشكروا في المصريين. بكون فخورة اوي وانا بسمع كلامهم عن بلدي

[ايناس احمد]

الف الف مبروك على فتح التوبيك تانى يادكتور

كنت عايزة اسالك سؤال يادكتور هى الفترة اللى حضرتك بتروحها كندا بتتحسب من 3 سنين علشان تاخد الجنسية ولا لازم يكونو متصلين يعنى مننزلشى اجازات خالص فى 3سنين دول

انا شايفة الاستاذ ايهاب منور انت حتطبق ال3 سنين يااستاذ ايهاب ولا اية الاخبار عندك

احب اقول للاخت سوسورانى الف الف مبرووووووووووووووووووك

دا انتى مفاجئة دا احنا كنا لسة حنقولك قدمتى ولا لسة عموما ربنا يوفقك ونسمع عنك كل خير والف مبروك مرة تانية

[د هشام ابراهيم]

منور المنتدي و قهوتك يا باشا .... فعلا التهامي هورتنز هو الأصل

الحاجة التانية اللي هند لاحظتها مع أيام البرد ، الرجّاله اللي بيحطو كريمات على وِشّهم وعلى إيديهم أو يحطو زبدة الكاكاو ف المترو ، ولو حصل وجيت تعاتبهم ؛ يئولولك (Our skin is not made of steel) وإن زيُّه زي البشرة الحريمي محتاج لعناية ، وإلا مع البرد هيلتهب ويشقق زي الشفايف برضه. معاهم حق بصراحة! :)

[b

أخوك باعتباره صعيدي لسه مصمم علي المبدأ .... لا كريمات و لا زبدة كاكاو و لا بتاع ....بس لا أخفيك قولا جلدي أتهري من البرد و التعقيم في العمليات و شكلي حارفع الراية البيضا ....لا بد مما ليس منه بد ....يا بووي

والإنتركم ده يا سيدي مش زي الإنتركمّات اللي عارفينها في مصر... له زراير زي زراير التليفون ، وهتلاقي جمبه لستة بأسماء السكان وأرقام الـــ Buzzer بتاعهم (مالوش علاقة برقم الشقة بالمناسبة) ،

مش دايما يا تهامي

رقم البظ بتاعنا هو رقم الشقه

سيادتك تضغط رقم الـــ Buzzer بتاع اللي انتا رايح له ، وتلاقيه بيرد عليك... من موبايله حضرتك! ولو حب يفتح لك الباب يضغط رقم 6 في موبايله! إشي خيال يا ناس

بلاش التعبيرات دي يا تهامي

دلوقتي تلاقي واحد طالع يقولك مشفتوش باظات قبل كده غير في كندا

إحنا بظنا بيرن على تليفون البيت مش الموبايل و تضغط 9 لفتح الباب مش 6

فيه عمارات متقدمه بتجيب لك صورة الضيف اللي واقف على الباب تحت على قناه في تلفزيونك

و انا في هذا المقام أحب أعلن إني مش منبهر خالص بأي حاجه من دي و إني شفتها قبل كده كتير في كل دول العالم و إن كندا هي الاسوأ في هذا المجال

كده انا اصبحت خارج أي تعليقات هتحصل و هتشيلها لوحدك يا تهامي

إنتو عمركو مشفتو إنتركوم إلا في كندا

في حالتنا الشقة كانت ع الباركيه ؛ وده أنضف شويّتين م الموكيت. طبعاً فيه شقق كتير في أبراج (كوندو) ممكن تلاقيها بورسلين ، بس دي بتكون فوق مستوانا عشان نتكلم عليها! إحنا غلابة يا سعاتّل بيه!

دلوقتي فيه أرض جلد يا تهامي

leather fllor

و دي طبعا حاجه أنا عارفها من زمان و لا تمثل لي أي إنبهار

عادي خالص

إنتو عمركو مشفتو ارض جلد إلا في كندا

وتلاحظ في كندا برضه إن بيبان المباني والمولات والمحلات والعمارات كلها بتفتح لبرّه... سيفتي سعاتّك! عشان لو فيه حريقة ، والناس بتجري عشان تهرب ، مجرّد إنهم يزؤؤا الباب لبرّه وينفدوا بجلدهم! العالم دي بتفهم يا جدع!

ياااااه

في دي انا شاكر فضله يا تهامي

كان نفسي اعرف ليه من زمان

احنا حدانا في العمارة في تورنتو رقم الBuzzer ما لوش علاقة برقم الشقة .... و بيرن علي تليفون البيت و علشان تفتح الباب تدوس علي ٦

عندنا الدائرة المغلقة اللي بتبقى شايف مين اللي بيضرب ال-Buzzer علي قناة تلفزيونية العبد لله مسميها The real reality show channel ....الصراحة كانت أبيض و أسود لحد بتاع سنتين فاتوا و بعدين الادارة مشكورة جابت كاميرات ألوان .... أهم ميزة في رأيي متابعة الحركة في مدخل العمارة وقت حدوث انذار الحريق ....ببقى قاعد في شقتي في الدور ال-٢٤ و شايف رجال المطافي و السكان حركتهم إيه عند الباب ....يعني مفزوعين و لا الموضوع كله قلي بطاطس و حيخلص في دقايق

الأرضية الجلد ديه تستاهل واحد "فغر فاه دهشة "

الصراحة ما شفتهاش قبل كده

ألف شكر علي معلومة الباب ديه ....ما كنتش أعرفها خالص .... تعيش كندا حرة مستقلة

[moheltohamy]

د .تهامى الموضوع يجنن يمكن انا كنت كتبت كومنت لما كان التوبيك مقفول بس معش اصلا انا جاهلة موت فى المنتديات اصلا كتبتة فى موضوع كندا وحشة وعلى راي زباين الاهوة ال(الاتجاة المعاكس )وش قناة الجزيرة الحادية عشر بتوقيت جرينتش :sad:

يا فندم ولا يهمّك... نروح احنا ونجيبهولك :)

بعد متابعة صامتة لموضوع كندا والتطورات فى الهاند اوفر حبيت بس اقو ل يا د.تهامى اخلاقك عالية اوى ما شاء اللة ...وروحك رياضية.... مع ان ماليش اى عاقة بكندا حاليا الا انى بقيت متابعة الموضوع ..

ويا ستي كتّر ألف خيرك... وأعتقد المفروض كلنا هنا تكون روحنا رياضية (بقدر الإمكان)

وساعات بتكون السعادة إنك تشوفي اللي حواليكي سعداء... بجد والله

بس مين ده اللي مالوش علاقة بكندا؟

يا فندم إنتي من زمان وبتيجي تضربي ودن في مواضيع الإخوة الخونة بتوع كيبك ؛ لدرجة إني افتكرتك واحدة منهم :sad:

عرفتي بأه إن العين عليكي... مش سايبة هيّه ؛ أي حد يدخل ويخرج ومحدش يحس بيه

مش ناوية تعترفي إنتي علاقتك إيه بكندا؟

[enjisultan]

د .تهامى الموضوع يجنن يمكن انا كنت كتبت كومنت لما كان التوبيك مقفول بس معش اصلا انا جاهلة موت فى المنتديات اصلا كتبتة فى موضوع كندا وحشة وعلى راي زباين الاهوة ال(الاتجاة المعاكس )وش قناة الجزيرة الحادية عشر بتوقيت جرينتش mf-:

يا فندم ولا يهمّك... نروح احنا ونجيبهولك :blink:

بعد متابعة صامتة لموضوع كندا والتطورات فى الهاند اوفر حبيت بس اقو ل يا د.تهامى اخلاقك عالية اوى ما شاء اللة ...وروحك رياضية.... مع ان ماليش اى عاقة بكندا حاليا الا انى بقيت متابعة الموضوع ..

ويا ستي كتّر ألف خيرك... وأعتقد المفروض كلنا هنا تكون روحنا رياضية (بقدر الإمكان)

وساعات بتكون السعادة إنك تشوفي اللي حواليكي سعداء... بجد والله :wub:

بس مين ده اللي مالوش علاقة بكندا؟

يا فندم إنتي من زمان وبتيجي تضربي ودن في مواضيع الإخوة الخونة بتوع كيبك ؛ لدرجة إني افتكرتك واحدة منهم wst::

عرفتي بأه إن العين عليكي... مش سايبة هيّه ؛ أي حد يدخل ويخرج ومحدش يحس بيه :)

مش ناوية تعترفي إنتي علاقتك إيه بكندا؟

اة خيبة مش باقولك جاهلة جاهلة يعنى... بس فعلا واللهى الواحد لما بيشوف الناس مبسوطة هو كمان بيتبسط اما عن علاقتى بكندا فهى علاقة حب من طرف واحد حب افلاطونى يعنى...على العموم انا وجوزى كنا قررنا نذاكر لusmle يعنى بعد تفكير عميق لان معادلات استراليا وكندا ما عندناش معلومات كافية عنها ..طبعا دا قبل ما ادخل المنتدي عشان كدة بقي كنت بتلاقينى موجودة فى كل الحورات...ودن بس i*:

[moheltohamy]

اة خيبة مش باقولك جاهلة جاهلة يعنى... بس فعلا واللهى الواحد لما بيشوف الناس مبسوطة هو كمان بيتبسط اما عن علاقتى بكندا فهى علاقة حب من طرف واحد حب افلاطونى يعنى...على العموم انا وجوزى كنا قررنا نذاكر لusmle يعنى بعد تفكير عميق لان معادلات استراليا وكندا ما عندناش معلومات كافية عنها ..طبعا دا قبل ما ادخل المنتدي عشان كدة بقي كنت بتلاقينى موجودة فى كل الحورات...ودن بس :wub:

ضاكتووورة؟

فرصة سعيدة يا دكتورة ، وعقبال يا رب ما يبقى الحب ده من طرفين ، وتاخدو خطوة إيجابية في موضوع التقديم للهجرة...

وبيتهيألي عيب أوي تقولي إنك مش فاهمة حاجة عن المعادلة الكندية... دا الدكتور هشام مأطّع نفسة في التوبيك بتاعه عليها!

شايف يا د. هشام؟ الطلبة مش فاهمين أي حاجة من شرحك آهوه! :blink:

وأعتقد هيكون فرصتكو أحسن وأسهل ، خصوصاً لو حد منكم معاه الماستر ، يبقى تروحوا ترمولكو أبليكيشن وتخلصوا بأه! :)

[moheltohamy]

السلام عليكم

مرسي اوي يا دكتور تهامي إنك سمحت لي اكتب في التوبيك بتاعك حكياتي عن الكنديين الي كلمتهم على التليفون

و احب اسجل اعجابي بأسلوبك في الكتابة.

اسمحوا ليا احكي لكم عن حكايتي في اول تعامل ليا مع الكنديين. انا كنت بتشغل قبل في account بيقدم خدمات لكل المتحدثين الفرنسية في اوروبا (فرنسا و بلجيكا و سويسرا) و بصراحة التعامل مع الفرنسيين خلاني اكره فرنسا جدا بالرغم ان طول عمرى كنت مبهورة بكل ما هو فرنسي، بس التعامل معهم اثبت لي ان اغلبهم عنصريين جداا

طلبت نقلي للaccount الكندي، كان المدير الكندي بنفسه بيدينا التدريب، المدير دا قدي في السن ( الترقية عندهم بالاجتهاد مش بالسن) و كان لذيذ جداا. في اول يوم اتكلم فيه محدش فهم منه كلمة، اصل الفرنساوي بتاع كيبيك غريب موووت، مع الوقت بدأنا نفهمه ونحبه. اكتر حاجة المدير دا استغرب منها ان الفصل بتعنا كان كله بنات فقالنا "انا حتى في كندا عمري ما اديت تدريب لكل عدد البنات دي، اغلب الي بيشتغلوا في technical ولاد مش بنات" ..المهم بدأنا التدريب و كان عندنا امتحانات و الي بيصحح الامتحانات دي مدير مديري (يعني الرأس الكبيرة ) والي يسقط في الامتحان خلاص باي باي مش هيكمل في الشغل مفيش هزار

طبعا زي ما طول عمرنا اتعلمنا في المدرسة و الجامعة ان لو جه سوال في الامتحان يعني ندش المنهج كله، وان الزيادة مش هتخسر، احنا بقي عملنا كدة في الامتحان الكندي..المهم المدير الكندي الرأس الكبيرة استدعى المدير المصرى و قاله "الناس دي مش فاهمة حاجة ومش هينفعوا دول مش فاهمين الاسئلة :) " الحمد لله المدير المصري شرح له ان دا سلو التعليم في بلادنا.. بعد كدة اتعلمنا اننا نجاوب على قد السوأل

عرفت يومها الفرق بين تعليمنا و التعليم عندهم هناك

الحمدلله كل البنات عدت الامتحان وبدأنا الشغل.. mf-:

الكنديين في كيبيك و منتريال طيبين، وابعد ما يكونوا عن العنصرية، حتى لو عرفوا اننا مصريين يبدأ الرغي بقي وفيض من الاسئلة عن مصر و بيسألوا في حاجات غريبة اوي زي حالة الطرق، وحرية المرأة و الفراعنة و طبعا حالة الجو، انا بغيظهم بصراحة واقولهم ان عندنا شمس في عز الشتاء. wst:: .في ناس منهم كتير بيشكروا في المصريين. بكون فخورة اوي وانا بسمع كلامهم عن بلدي

تسلم إيديكي وكيبورديك يا Princesse i*:

وتعيشي وتحمكيلنا كمان وكمان...

فكّرتيني بامتحاناتنا وأيّامها!

أفتكر إن نظام الامتحانات عندنا ف الكلّية كان يا إما Discuss أو Give full account on أو (نادراً جداً لدرجة إني ما صادفتهاش ، سمعت عنه بس) Give brief account on!

تعرفي إنهم مرة جابو الأسئلة من غير رأس السؤال! :wub:

يعني مثلاً:

1. Femoral triangle

2. Talocalcaneonavicular (subtalar) joint

3. Erb's palsy

4. Brachial artery

كده يعني! ما همّه هيكتبوا ليه رأس السؤال؟ إذا كان الطالب بمجرّد ما يشوف التايتل بتاع الموضوع بيروح داشش الصفحتين تلاتة اللي تحت التايتل ده ف التشريح!

هييييييييييييه... أيّام! :blink:

وفي انتظار باقي الحكاوي الكنداوي wst::

[moheltohamy]

الف الف مبروك على فتح التوبيك تانى يادكتور

كنت عايزة اسالك سؤال يادكتور هى الفترة اللى حضرتك بتروحها كندا بتتحسب من 3 سنين علشان تاخد الجنسية ولا لازم يكونو متصلين يعنى مننزلشى اجازات خالص فى 3سنين دول

انا شايفة الاستاذ ايهاب منور انت حتطبق ال3 سنين يااستاذ ايهاب ولا اية الاخبار عندك

احب اقول للاخت سوسورانى الف الف مبرووووووووووووووووووك

دا انتى مفاجئة دا احنا كنا لسة حنقولك قدمتى ولا لسة عموما ربنا يوفقك ونسمع عنك كل خير والف مبروك مرة تانية

الله يبارك فيكي يا طنط إيناس :wub:

الفترة يا افندم بتتحسب طبعاً ، أمّال إيه! بس لما يكون شهر ف السنة اللي باروحه ؛ مالوش لزمة يُذكر أصلاً!

ومش شرط خلص يكونو متّصلين! أبصوليوتلي (وش محمد سعد في اللي بالي بالك)

وإن شاء الله هاستقر في كندا For good ، بس مش عارف إمتى بالظبط! كنت ناوي شهر 5 اللي جاي ده ؛ لكن - مع ازدياد المغريات في الشركة هنا ف السعودية - بافكر أخلّيها على 5 السنة الجاية 2010!

وبعد إذنك يا إيهاب أجاوب على لسانك انا (السؤال اتسأل على قهوتي أنا لمؤاخذة :blink: )

وإيهاب ناوي يرزع الـ 3 سنين ورا بعض برضه ، وياخد الجنسية ، عشان يخلص بأه ويحط إيده ع الباسبور الكندي ، وبعدها...

يستقر في كندا برضه :)

[moheltohamy]

:wub:

إحنا مش قلنا بلاش كلام فى المواضيع ديه

معاكي حق الصراحة...

الواحد يا أختشي بيتزحلق ف الكلام ، وهتيجي على دماغنا ف الآخر!

إستني هنا... إنتي معدّية كده ، ومش جايبالنا حاجة معاكي؟!

فين باقي الحدّوتة؟! :)

وإيه حكاية الشقة اللي عاوزاها في يانج آند إجلينتون؟!

فين التفاصيل؟! :blink:

[moheltohamy]

اتاخرت لية ياريس عاوزين الحلقة الجديدة اوام. والف مبروك ياباشا على اللاب توب الجديد بتاعك؟ انا ناوي اغير في كندا ياعم. وبمناسبة انة من جوهانسبرج سيادتك بتكتب عربي علية ازاي. جايب كي بورد خارجية ولا جايب الورق بتاع الحروف اللي بيتلزق على الكي بورد؟

عيب عليك يا سامح... هوّانا وش كِدِه (وش الراجل العجوز اللي كان مع نجيب الريحاني لمّا كان عاوز يرجّع له تذكرة اليانصيب وياخد النص ريال بتاعُه :blink:)

طبعتها عليه ليزر يا ريّس (يعني زيّها زي الحروف الانجليزي الأصلية) ، وسافح 100 جنيه من دم ألبي :)

وعموماً أنا لسّه ما خلّصتش الحتّة اللي عليها الدور...

خدوا يا عم حتة تانية صغنّونة مشوا حالكو بيها :wub:

[moheltohamy]

نيجي بأه للإشارات ، انتا لما تحب تعدي الشارع ، تلاقي تحت إشارة المشاه فيه زرار أبيض أو برتُئاني تضغط عليه ، بعد شوية يوقَّف لك العربيات (إشارة العربيات تحمرّ) ، وساعتها إشارة المشاه تنوّر (بتنوّر أبيض) تئوم تعدي سعاتّك الشارع بكل أمان ، بعد شوية تبدأ تنوّر وتطفي (منظر إيد حمرا زي ما تكون بتقول لك تُؤَف) ودي معناها لو بدأت تعدي كمل طريقك بسرعة ولو ما كنتش بدأت يبئى تخليك مكانك. بعد شوية هتلائي الإيد دي منورة أحمر بصورة مستمرة يبئى ممنوع التعديه وترجع تاني تضغط ع الزرار عشان يوقّف لك الطريق.

تعرف صحيح إنك لو كسرت إشارة ، ممكن تاخد مخالفة (Ticket) ، وبالنسبة لكسر الإشارة هنا ، أنا قصدي ع المشاه! لو عديت من غير المكان المخصص لعبور المشاة ، عادي جداً إنك تلاقي عسكري المرور جاي يديلك تِكِت وغرامة تتدفع (مش عارف بقى بياخدها فوري ولا بتروح تدفعها بعدين ، التفاصيل مش عارفها بالظبط)! دي الأصول ، بس بصراحة ما شفتش حد بيعمل أي حاجة للناس اللي بتعدي من وسط الشارع! وسألت ديبو ع الموضوع ده ؛ قاللي هوه ده اللي – رسمي – المفروض يحصل ؛ لكن عمرنا ما سمعنا عن حد خد تِكِت عليها!

تعرف حاجة تانية دمها خفيف... أول أيامنا هنا ، هند كانت كل مرة نعدي الشارع ، ألاقيها باصّة الناحية التانية عكس اتجاه العربيات (زي ما كتير من الناس في مصر بتستلطخ وترمي نفسها أدام عربيتك وباصين الناحية التانية ، آل يعني مش شايفينك) ، وتقوللي بكل فرح (أنا مش بابُص للعربيات) :blink: ماهو كل واحد له دوره وله إشارته ، بخلاف الحال في مصر ؛ تحس إن كله عمال يتغابى على كله ، العربيات نفسها تدوس الناس ، والناس بترمي نفسها أُدام العربيات ولو راجل إلمسني ، فتضطر تُؤَف لهم إنتا ، بدل ما تخبطهم وتجيب لنفسك بَلْوَه!!

لاحظت حاجة غريبة هنا... الناس متربية بشكل فوء الوصف! لاحظت إن دايماً الأولوية للمشاه ، ولو حتى الإشارة خضراء للعربية ، فدايماً إنتا لو بتعدي الشارع ، بيتلطع ويستناك لما تعدي! موقف حصل ، كنت انا وهند ماشيين ع الرصيف أتارينا كنا بنعدي مدخل شارع جانبي ، وما كنّاش مركزين ، فوجئت بعربية كانت داخلة الشارع ده ، الراجل مدي إشارة وداخل ، قمت لحقت وقَّفْت هند ورجعنا خطوة لورا ع الرصيف ، على ما الراجل يعدي ، وعمالين نتكلم ، بعد شوية خدت بالي إن الراجل لسه واقف من ساعتها بالعربية مستني إننا نعدي! وبعد ما عدينا ، لقيته لسه برضه واقف ، أتاري فيه واحدة كانت بدئت تعدي الشارع الجانبي ده م الناحية التانية ، وبالتالي فضل واقف مستنيها! أنا اتنأطّ ! ما كان زمانه عدى وخلصنا!

ومثلاً لما باجي أعدي الشارع (يانج ستريت اللي أُدام البيت ، وده 4 حارات ، حارتين في كل اتجاه ، من غير جزيرة ف الوسط) ، مجرد ما أبدأ أعدي الشارع من أي حتة ، ألائي الاتجاهين وئفولي ، كيداهوه من غير لا إشارة ولا بتاع ، طالما بدأت أعدي الشارع ، يبئى كل العربيات تترزع مكانها لغايت أبو سعد ما يوصل الناحية التانية بسلام!

ومرّة تانية كنت باعدّي الشارع بسرعة – برضه من غير المكان المخصص لعبور المشاة – ماهي الدنيا كانت بترخ تلج ، ومش هاستنى لما أوصل لآخر الشارع عشان أنزل آخد الصابواي ؛ في حين إنو فيه مَنزَل أُصادي الناحية التانية! وكالمعتاد برضه... الطريق وئِف تماماً عشان حضرتنا – الدكاترة أبو سعد - نعدّي! وبعد ما عدّيت نص الشارغ وانا باصص شِمال (جنوباً يعني) ، ماهو الشارع إتجاه واحد... ألائي عربية جايّة من الناحية التانية بتدوس فرامل جامد - على التلج - عشان الراجل فوجئ بيّا ؛ وبابُصّلُه وانا باعدّي بكل أرف ، ولسان حالي بيؤول مين الحيوان ده اللي ماشي عكس الاتجاه ، وكمان بيجري؟! حتى في كندا فيه أغبيا بيمشوا عكس الاتجاه زي مصر؟! جتكو البلاوي مليتو البلد!... والراجل ساكت خالص ما نطأش ؛ ولا كلاكس ولا يشاور بإيده ولا كشّر في وشّي حتى... قاعد بكل أدب مستني سعادتي أكمل تعدية! واللذيذ إني بعد ما عدّيت افتكرت... شارع يانج أصلاً ماشي ف الاتجاهين! شكلي كنت سكران ولاّ شارب حاجة ولاّ إيه؟! يعني الراجل كان من حقه يدوسني أصلاً... بس عادي بأه!