كندا التي رأيتها :)

[precanadian]

....اسمحيلى اقولك ان العنصرية موجودة فى كل بلد بما فيها مصر, ....

حقيقة اكتشفتها مؤخرا و لفتت انتباهي بشدة ....احنا المصريين فعلا فينا حكاية العنصرية ديه :sad:

يا رااااااااااجل

معقول يا دوك لسه واخد بالك منها قريب

ده احنا اللي بدعنا العنصريه

يا راجل ده احنا عنصريين مع بعض

ده صعيدي و ده منوفي و ده فلاح و ده سواحلي

وكل فئه شايفه نفسها احسن ناس

زي ما جزء كبير مننا مازال عايش في وهم احسن شعب و اذكى شعب و اطيب شعب و اخف دم و الحضاره و العراقه و اللطافه و الظرافه

وباقي الشعوب مبتفهمش و احنا اللي علمناهم وووووووو

كمل انت الاسطوانه اياها

انا مش معاك يا بشمهندس فى حكاية ان المصريين عنصريين

هو ممكن يكون فى شويه عنصرية

بس مش اوى

يعنى حضرتك لو خدت بالك من كم العراقيين والفلسطينين

الى استقروا فى مصر اخر 3 سنين

عايشين براحتهم

ومحدش بيعاملهم بعنصرية

وبيعملوا مشاريع ومبسوطين

بس هو ممكن يكون فى عنصرية فى معاملة الحكومة المصرية لافراد شعبها (شويتين )

العنصرية بجد فى دول الخليج ( عنصرية مع اى حد حتى عنصرية فى القبائل ما بينهم )

وفى ليبيا مثلا

صراحة أنا أول مرة أخد بالي قد إيه القبلية و العنصرية متغلغة في ثقافتنا كانت هنا في تورنتو .... تورنتو مدينة فيها مهاجرين من أنحاء الدنيا كلها ...لفت نظري جدا في الاول حكاية الزواج المختلط ده ....يعني الزوج يبقى كندي من أصل أوروبي و مراته من أصل أسيوي ...صيني و لا فيتنامي ...إلخ ...... حد من الجنس الأصفر و متجوز واحدة لاتينية ....إلخ ....ناس كتير هنا ما بيشفوش لون الجلد و لا يهمهم العرق و لا الأصل ....طبعا مش كل تورنتو و أكيد مش كل كندا ...بس الظاهرة واضحة و أثرت في

دار في ذهني مواقف كان حديث الناس في فرح إن العريس أسمر و يا عيني علي بخت العروسة الوحش ( قال يعني العروسة كانت شقرا مثلا ) .... أهل زميلة لمراتي عايشين في انجلترا و رفضوا عريس لمجرد إنه من أصل باكستاني ( الصراحة لو أنا مكانهم مش عارف موقفي حيبقى إيه فمش حاقدر أقول انهم غلط و لا صح ) ..... بلاش ديه موقفنا من العرب ....اخواتنا السودانيين ...... رأينا في الهنود .... حتي العصبية للقبيلة و المحافظة و الحي فيه نوع من التحيز و التحامل و العنصرية

لا أبرئ نفسي طبعا و لا ادعي اني مثالي بس الحكاية ديه ضايقتني جدا و ضايقني أكتر اني ما كنتش واخد بالي منها

أسف علي الاطالة

كلامك صح يا دكتور بس انا كنت اقصد ان المصريين عندهم الموضوع ده اقل من جنسيات تانيه

كتيييييييييير

وفى موضوع الجواز

كل واحد حر لان الجواز ده رباط هيفضل طول العمر يربط بين اتنين

لازم الراحة النفسية للاصل والشكل

انا عن نفسى بحترم الهنود جدا وفى ناس منهم محترمين اوى

الله ينور عليك يافرعون. كلامك سليم 100\100. كلام برنسيس وبنت مصر صح كمان 100\100

احنا فعلا اقل ناس في العنصرية. ودة بجد مش عشان انا مصري. اللي يعيش برة فترة ويتنقل بين الدول ويسمع الناس دية ويشوفها بيتاكد من الكلام دة لا محالة. ويتاكد كمان من عدم حب الاغلبية منهم للمصريين. وكمان لاما يشوف واحد مصري محترم (وما اكثرهم). يقوله لالا بس انت مصري مختلف.!!! والاغرب انك احيانا تلاقي المصري (الاهبل) دة مبسوط من الترقية الشرفية اللي بياخدها من الكلام دة. (مايعرفش ان الراجل بيقولة انا بكرة المصريين بما فيهم انت يا....).

المشكلة بجد ان احنا بنعشق ننقد نفسنا عمال على بطال. وفاضحين نفسنا في التليفيزيون والفضائيات و النت.وفي كل حتة. لا واللي بينقد فاكر نفسة ابن بارم ديلة ومنزل من السماء ولا يخطيء ابدا لا في تقييمة للامور ولا في وجهة نظرة. والاغرب ان اللامثلة والمشاهد التليفيزيونية اللي بنفضح بيها نفسنا في التليفيزيون وبيكون فيها مبالغة شديدة جدا لزوم الاكشن ودية هي اللي بتتصدق علينا. وكمان بدات تتطاول علينا واحنا بنتفرج. (ياراجل دة نسبة كبيرة جدا من العرب فاكريين ان مصر عبارة عن كازينوهات شارع الهرم فقط لاغير اللي هما اصلا يتعدوا على الصوابع. فقط من المشاهد اللي في كام فيلم في كازينو). والاسواء ان الناس التانية دية مغطية على نفسها ومش فاضحة نفسها في كل حتة زينا(متعرفش هل لعدم وجود حرية تعبير اصلا عندهم. زي الحرية التعبير المقيدة اللي عندنا ولا عشان هما بيطبقوا قاعدة واذا بليتم فاستترو) الله اعلم. بس الحقيقة اللي مابينكرهاش حد ان احنا عنيفين جدا في حكمنا على بعض وفضايحنا مالية الدنيا وبايدينا.

ولّعتيها يا برينسيس؟! ;)

اسمحولي اقول لكو حاجة...

بغض النظر عن إن العنصريّة دي سلوك شخصي ، بس ممكن يزداد في مجتمعات معيّنة عن غيرها... ومش عاوز أقوللكو ع العنصرية بتاعت جنوب أفريقيا! :)

إحنا - كعرب - فينا حاجة تانية لو تاخدوا بالكو... الطبقية!

يمكن ده من أيّام الأتراك والباشوات والحاجات دي! ونظام الناس مقامات!

ويمكن من أيّام العرب الأوائل ؛ من العصر الجاهلي!

وفينا حتت عقدة الخواجة ، واحترام اللون الأبيض ؛ يمكن بسبب ترسّبات ثقافية من أيّام الاحتلالات الأوروبية والعثمانية لمصر!

وحتت النزعة والنعرة القبلية اللي قال عليها إيهاب دي صحيحة بكل أسف! شوفوا حكاية الأشراف ، والعرق التركي ، ... إلخ!

حدّوتة الأصل والفصل دي عندنا - العرب - واخدة أكتر من حقها الصراحة!

(إمبارح وانا باتغدّى ؛ شلّة من السعوديين ف الميس عاملين فيلم عشان واحد كان يقنع الباقيين إنه تاروتي - يعني من تاروت - مأصّل!) آل يعني تاروت دي مركز الكون!

فيه استثناءات طبعاً ؛ لكن أنا باتكلّم ع الصورة العامة!

انا في رأيي يا دكتور ان العنصريه دي موضوع نسبي في كل الناس .كل مجموعه من البشر بتحاول تتعالي علي غيرها ودي عاده جاء الاسلام ونفاها تماما لكن للاسف رجعت تاني

في رأيي بدل منقعد نتفتح الموضوع ده ونتكلم فيه مي عنصري احنا والا هما .نقول كيف نقلل العنصريه داخلنا وكيف نتعامل مع العنصريين في كندا .

تم تعديل 15 يناير 2009 بواسطة precanadian

[moheltohamy]

ايه حكايه الليزر ده . يعني اي كي بورد ممكن تكتب عربي بس المهم تعرف فين الحروف ؟ ومش لازم يكون عندنا كي بورد عربي في كندا؟؟

بص يا باشا... الموضوع ليه تو كومبونَنتس (2 Components)... سوفتوير وهاردوير...

السوفتوير إنك تركّب اللغة العربي ع السيستم بتاعك (اللي هوّه الويندوز) ودي أمرها سهل...

لكن هتفضل برضه محتاج توزيعة الحروف العربي ع الكيبورد ؛ بدل ما تفضل دايماً بتتخيّل توزيعت الحروف والألف ع الـ H ولاّ ع الـ G؟! وحرف الحه على أنهو زرار الـ P ولاّ الـ O ؟! وتقضّيها تجارب وباك سبيسات!

ساعتها يا تجيب الاستيكرز الشفافة اللي بـ 5 جنيه دي ، دي يا تطبعها ليزر بالـ 100 جنيه!

وصلت؟! :)

[moheltohamy]

ايه حكايه الليزر ده . يعني اي كي بورد ممكن تكتب عربي بس المهم تعرف فين الحروف ؟ ومش لازم يكون عندنا كي بورد عربي في كندا؟؟

بص يا باشا... الموضوع ليه تو كومبونَنتس (2 Components)... سوفتوير وهاردوير...

السوفتوير إنك تركّب اللغة العربي ع السيستم بتاعك (اللي هوّه الويندوز) ودي أمرها سهل...

لكن هتفضل برضه محتاج توزيعة الحروف العربي ع الكيبورد ؛ بدل ما تفضل دايماً بتتخيّل توزيعت الحروف والألف ع الـ H ولاّ ع الـ G؟! وحرف الحه على أنهو زرار الـ P ولاّ الـ O ؟! وتقضّيها تجارب وباك سبيسات!

ساعتها يا تجيب الاستيكرز الشفافة اللي بـ 5 جنيه دي ، دي يا تطبعها ليزر بالـ 100 جنيه!

وصلت؟! :P

وصلت يا باشا والله ينور . هل ممكن الواحد يلاقي ويندوز arabic enabled اصلي في كندا والا لازم نجيبه من مصر

يا باشا عيب أوي الكلام ده :rolleyes:

بتقول أرابيك إنيبُلد؟! ماهي جميع نُسخ الويندوز أرابيك إنيبُلد وتشاينيز إنيبُلد وجابانيز إنيبُلد!

م الواضح إنك بآلك كتير ما ستّبتش ويندوزات من أيام ويندوز 98 wst::

وعندك المواقع بنت الحلال صديقة المهاجرين ، وحراميّة الداونلودز برضه :lol: زي مثلاً www.phazeddl.com وغيرها كتير م اللي معمول لُه بلوك داخل السعودية!

هتعمل سيرش فيها على Windows XP أو Vista مثلاً ، أو إن شللا حتى Windows 7 الجديد اللي بيحضرولُه ده (على ما توصل هناك مسيره يكون نزل) ، وتركّب العربي أثناء عمليّة التستيب ، أو بعدها يا زعيم wst::

اللي مش هيكون مُتاح هناك في كندا البلد هوّه الطباعة العربي ع الكيبورد ، ولا هتلاقي حد بيبيع الاستيكرز العربي ويمكن تلاقي بس بعد ما تطلع عينك. يبقى تاخد معاك شويّت ستيكرات ينفعوك و ينفعوا أي حد من أصحابك اللي هناك مثلاً :lol:

أو ممكن أروح أنا أنتهز الفرصة دي وأشتريلي كمّية ، وافتح محل متخصص بيع الاستيكرز دي بسعر مهاود للعرب الغلابة... 30 دولار للواحدة :lol:

[moheltohamy]

النهاردة زوجى كان بيوثق ورق بتاعى من السفارة الكندية ...كان سأل الموظفة الكندية إذا كان لازم آجى بنفسى و لا ممكن هو يعمله (فى وقت سابق) و كان الرد هات الباسبور و أعمله إنت عادى.

لما راح النهاردة الأول موظفة مواطنة قالت له ما ينفعش لازم هى تيجى!!

إزاى زميلتك آلت ممكن ؟؟......نادى عليها

جات الأخت الكنديةو غيرت الكلام و بعدين بدأت حملة التهزيء

والله يا سوسوراني أنا مش عارف إنتي مالك ، ليه التلطيش ده بيحصل معاكي!

ثانياً إنتو تاعبين نفسكو في توثيق إيه بس؟!

شهادات الخبرة اللي طالعة من مصر مش فارقة في كندا ، يعني محدّش هيسألك عليها هناك... بتعرفي تعملي الشغلانة اعمليها ، ما بتعرفيش ، مع السلامة!

عموماً ، كلها تلات سنين يا بلد... دايماً قولي لنفسك الكلمتين دول :rolleyes:

[SoSo R]

لما هو أصر على كلامه ما هو راجلPR بأه ...إتحولت و آلت إحنا بنخم الكنديين بس!! :lol:

و بدأ سيل من إلة الأدب بما معناة إنت ما فهمتش أنا أولت إيه ... و أنتوا ما بتفهموش و الكنديين بييجوا قاريين و فاهمين و أنتوا من الأخر بهااااااايم و ما بتفهموش إنجليزى :rolleyes:

إتصل بي زوجى و هو بيغلى بمعنى الكلمة :lol: لأن كل دة حصل كمان على مسمع و مرأى من الناس اللى مستنية دورها و آلى بلهجة حادة فى مصر مش نافع...خليج مش نافع ...حتى فى كندا؟؟؟

طيب نروح فين؟؟

عارفين ردى كان إيه؟؟؟؟؟؟؟؟؟؟؟؟

[moheltohamy]

لما هو أصر على كلامه ما هو راجلPR بأه ...إتحولت و آلت إحنا بنخم الكنديين بس!! :P

و بدأ سيل من إلة الأدب بما معناة إنت ما فهمتش أنا أولت إيه ... و أنتوا ما بتفهموش و الكنديين بييجوا قاريين و فاهمين و أنتوا من الأخر بهااااااايم و ما بتفهموش إنجليزى :lol:

إتصل بي زوجى و هو بيغلى بمعنى الكلمة :lol: لأن كل دة حصل كمان على مسمع و مرأى من الناس اللى مستنية دورها و آلى بلهجة حادة فى مصر مش نافع...خليج مش نافع ...حتى فى كندا؟؟؟

طيب نروح فين؟؟

عارفين ردى كان إيه؟؟؟؟؟؟؟؟؟؟؟؟

كندت مين بس يا ستي الله يكرمك؟

دول لازم يجيبولك بي آرات لبط عشان يعرفوا يسلكوا مع لماضة الشعب المصري حضرتك!

وبصراحة معاهم حق في أحيان كتيرة! :rolleyes:

كندا كندا... مسيرك تروحي وتشوفي التعامل هناك بيكون عامل ازاي... بس يا ريت تفتكرينا ساعتها ، وتيجي تحكيلنا وتفرحينا معاكي ، مش بس نكون في أحزانكو مدعية وفي الفرْح منسية :lol:

[SoSo R]

حاولت أهديه و قلت له كندا مش المدينة الفاضلة بس المشكلة قبليها كنت مدياله شحنة من كلام المنتدى :rolleyes: و إن خلاص زمن العبودية إنتهى و ما حدش يقدر يدوسلك على طرف.....بس أهه اللى حصل !! وإن مش شرط السفارة تكون صورة للبلد و الأمثلة كتير

السؤال بأه و ده موجه لأستاذ إيهاب سالم (المهندس) عشان عارفة بتعصبك أستاذ,تخليص المعاملات هناك واخد نفس النهج بتاع إحنا بنحسن عليكو و طولة اللسان و خلافه؟؟؟

[SoSo R]

كندت مين بس يا ستي الله يكرمك؟

دول لازم يجيبولك بي آرات لبط عشان يعرفوا يسلكوا مع لماضة الشعب المصري حضرتك!

مش فاهمة قصدك فى الحتة دى؟؟؟

[moheltohamy]

حاولت أهديه و قلت له كندا مش المدينة الفاضلة بس المشكلة قبليها كنت مدياله شحنة من كلام المنتدى :lol: و إن خلاص زمن العبودية إنتهى و ما حدش يقدر يدوسلك على طرف.....بس أهه اللى حصل !! وإن مش شرط السفارة تكون صورة للبلد و الأمثلة كتير

السؤال بأه و ده موجه لأستاذ إيهاب سالم (المهندس) عشان عارفة بتعصبك أستاذ,تخليص المعاملات هناك واخد نفس النهج بتاع إحنا بنحسن عليكو و طولة اللسان و خلافه؟؟؟

وليه إيهاب؟

أجاوبك أنا...

التعاملات الحكومية والخدمية هناك بتنتهي بكل شياكة وجمال ولذاذة ، ولو كنتي ركّزتي في الهاند أوفر ؛ من موقف موظفة الهجرة ف المطار ، إلى موقف استخراج كارت الـ OHIP بتاع التأمين الصحي ، إلى موقف الرخصة اللي لسّه ما حكيتهوش... التعامل هناك تعامُل حضاري موووت!

المشكلة إنهم في السفارة في مصر بيعاملوكي بالأسلوب المصري! يمكن من كتر ما بيشوفوا أو من كتر الضغط اللي عليهم في السفارة... الله أعلم!

لكن هناك... إنسي بأه كل الزبالة دي خالص! هتشوفي حياة آدمية ، وتعامل راقي ، وابتسامة في كل مكان تروحيه ، و (جود مورنينج ، و هاف أنايس داي) مع كل ميشَن بتعمليها :rolleyes: .

سعادتك ما زلتي مصرية على أرض مصرية... إكسري واحدة من الاتنين دول ، وانتي تشوفي التعامل اتغيّر ازاي (يعني مصرية بي آريّة على الأرض الكندية ، أو كندية رايحة السفارة اللي داخل الحدود المصرية)

ويا سلام بأه لو كسرتي الاتنين :lol:

[د هشام ابراهيم]

وليه إيهاب؟

أجاوبك أنا...

التعاملات الحكومية والخدمية هناك بتنتهي بكل شياكة وجمال ولذاذة ، ولو كنتي ركّزتي في الهاند أوفر ؛ من موقف موظفة الهجرة ف المطار ، إلى موقف استخراج كارت الـ OHIP بتاع التأمين الصحي ، إلى موقف الرخصة اللي لسّه ما حكيتهوش... التعامل هناك تعامُل حضاري موووت!

المشكلة إنهم في السفارة في مصر بيعاملوكي بالأسلوب المصري! يمكن من كتر ما بيشوفوا أو من كتر الضغط اللي عليهم في السفارة... الله أعلم!

لكن هناك... إنسي بأه كل الزبالة دي خالص! هتشوفي حياة آدمية ، وتعامل راقي ، وابتسامة في كل مكان تروحيه ، و (جود مورنينج ، و هاف أنايس داي) مع كل ميشَن بتعمليها :rolleyes: .

سعادتك ما زلتي مصرية على أرض مصرية... إكسري واحدة من الاتنين دول ، وانتي تشوفي التعامل اتغيّر ازاي (يعني مصرية بي آريّة على الأرض الكندية ، أو كندية رايحة السفارة اللي داخل الحدود المصرية)

ويا سلام بأه لو كسرتي الاتنين :lol:

كلام صحيح ....موظفي السفارة الكندية في منتهي السخافة و الغلظة و قلة الأدب ....من أول أفراد الأمن اللي علي الباب ....الحقيقة مش بس السفارة الكندية ....سفارات العالم كلها بتعامل المصريين معاملة سيئة للغاية ..... أنظر سفارة ليبيا و لا السعودية و لا ألمانيا .....إلخ

أنا برضه حصلت لي مشكلة في الاول لما الموظف المسئول بقى مش راضي يديني تأشيرة لدخول كندا ( معايا عقد عمل و مقدم علي هجرة فبسلامته مش راضي يديني تأشيرة عمل ) الموضوع ما أتحلش غير ما كلمت الناس في جامعة تورنتو و بعت شكوي لمكتب السفير الكندي و الحمد لله ده كان سبب في تسريع الموافقة علي طلب الهجرة

المضحك المبكي في الموضوع انك أول ما تطلع ال-PR كارد أصلا بتخش السفارة من باب تاني خالص لمبني مختلف تماما .... المعاملة مختلفة و الناس مختلفة و حتي العفش مختلف !!!

[SoSo R]

على فكرة أنا مش فى مصر أنا فى دولة خليجية مش هاقول عليها حاليا عشان أحكى براحتى فى المستقبل

الموظفة الكندية كانت أسوأ من المواطنة الخليجية صاحبة لبلد و بتتعامل كإننا حشرات أو طفيليات مش المفروض تعيش اساسا.... و دة قريب من أسلوب التعامل اللى بيحصل فى أى هيئة حكومية تخلص فيها ورق...

كأنهم بيدوك فلوس من جيبهم

[samehelassad]

انا رائيي تروحي تشتكيها لاي مدير في السفارة او للسفير نفسة. او تبعتي ايميل للسفير الكندي في البلد دية وتشتكيلي من الاسلوب المتدني اللي اتعامل بية زوجي وانك اخترتي كندا عشان وعشان وعشان. وكندا اختارتك ك skilled worker ودية تعني الكثير عندهم. يعني انتي مش لم شمل ولا لجوء. فازاي ممثلي دولة كندا في البلد دية يتعاملوا مع الناس بلشكل دة. ايا كان الناس دول اية. دية سمعة البلد. اللي بتتاثر بامثلال هولاء. اول الكلام دة وشوفي هيردو عليكي يقولو اية. وانا متاكد ان جوزك هيحس بكل الكلام اللي بيقولهولك التهامي هورتنز. وماتقلقيش وماتخافيش انا عندي تجربة اقوى من كدة هبقى احكيها بعدين.

[somayasaleh]

انا رائيي تروحي تشتكيها لاي مدير في السفارة او للسفير نفسة. او تبعتي ايميل للسفير الكندي في البلد دية وتشتكيلي من الاسلوب المتدني اللي اتعامل بية زوجي وانك اخترتي كندا عشان وعشان وعشان. وكندا اختارتك ك skilled worker ودية تعني الكثير عندهم. يعني انتي مش لم شمل ولا لجوء. فازاي ممثلي دولة كندا في البلد دية يتعاملوا مع الناس بلشكل دة. ايا كان الناس دول اية. دية سمعة البلد. اللي بتتاثر بامثلال هولاء. اول الكلام دة وشوفي هيردو عليكي يقولو اية. وانا متاكد ان جوزك هيحس بكل الكلام اللي بيقولهولك التهامي هورتنز. وماتقلقيش وماتخافيش انا عندي تجربة اقوى من كدة هبقى احكيها بعدين.

انا كمان مع رآي الاستاذ سامح

لازم ترسلي ايميل للهجره بكل ما حدث من الموظفين دول

لازم نبقي ايجابيين علشان نغير الخطأ

يعني كندا مش ح تسكت علي الشكوي ده.. وسوف تنظر لها باهتمام ... وممكن يغيروا الموظفين دول

وبكده تكوني عملتي خير في باقي الاجيال القادمه

وتشعري انك اخدتي حقك.....احنا اللي مخلينا ساكتيين علي الخطأ والاهانه...ان احنا متاكدين ان حكومتنا ولا فارقه معها شكوي ولا مواطنين ولا غيره

علشان كده الواحد بيوفر تعبه ويسكت (بس بيدعي عليهم في سره.... وده اضعف الايمان)

كندا مش ح تسكت..... صدقيني وجربي.... مش ح تخسري حاجه

وربنا يوفقك

[secowerewolf]

النهاردة زوجى كان بيوثق ورق بتاعى من السفارة الكندية ...كان سأل الموظفة الكندية إذا كان لازم آجى بنفسى و لا ممكن هو يعمله (فى وقت سابق) و كان الرد هات الباسبور و أعمله إنت عادى.

لما راح النهاردة الأول موظفة مواطنة قالت له ما ينفعش لازم هى تيجى!!

إزاى زميلتك آلت ممكن ؟؟......نادى عليها

جات الأخت الكنديةو غيرت الكلام و بعدين بدأت حملة التهزيء

تسمحيلى يا سوسو اسألك ايه نوعية الورق اللى بيوثقه من السفارة؟؟ لو ورق هجرة ما بيحتاجش توثيق... الا اذا كان علشان امتحان معادلة او شئ من هذا القبيل بيحتاج ختم..و احيانا لا يطلب فى حالات البلاد العربية التى بها قنصليات كندية و ليست سفارات...مثل الكويت مثلا...كافى ختم محامى بالغة الانجليزى و عندى عناوين كتير بيقدموا ده فى الكويت

امثلة لهذه الاوراق ورق document evaluation of pebc الخاص بالصيادلة ..على فكرة انا عديت بكل ده و لو حد عايز يسأل اى حاجة خاصة بالصيادلة اللى فى الخليج انا تحت امره

[newcomer]

ايه الاخبار يا دكتور

فين الهاند اوفرز المتأخرة؟؟؟؟

مستنييييييييين...

[hgalal]

نسيت اقوللكو ع البلان بتاع الزيارة اللي جايّة لكندا...

كنت ناوي أخلّيها في ديسمبر ويناير (كانت تبقى فرصة واشوف د. الشامي) ، لكن اتلخبطت عشان مشوار الحج طبعاً ، وبعده 3 أسابيع أجازة ؛ يعني آخري كان هيبقى أسبوعين في كندا... شكراً!

أولت خلاص نطلع بأه يوم 1 فبراير من مصر (كده كده الشركة بتجيبلي تذكرة الطيران لمصر) ، وأرجع قبل ميعاد سفري من مصر... طبعاً عدّلت ميعاد السفر 2 فبراير (عشان اخواننا اياهم ومفاجآتهم في المطار ما تتضمنش ، ومنها ألحق أطلّع تصريح السفر من شئون الظباط) ، والعودة هتكون يوم الحد 22 فبراير (يكون يوم أجازة وديبو ييجي يوصّلني فيه للمطار). وكانت التكلفة 980 دولار (ماهي خطوط الطيران الأمريكية وقصّة فيزا الترانزيت دي كمان... مش ناءصة وجع قلب هيّه!)

وبعد المشوار بتاع المرة اللي فاتت في جوازات المطار ، وعشان نخلص من مشوار تصريح السفر ، أولت ما تبُصّلك بصّة يابو سعد على التذكرة من الدمّام وناخد فكرة ، مش هتخسّر... وكانت المفاجأة الآتية:

بقى يا عالم من الدمّام لتورونتو أرخص من القاهرة لتورونتو؟! وما تسألش ازّاي! إحنا لينا أكل ولاّ بحلقة؟ ناخدها من سُكات وسكمم بُكمم :blink:

يبقى كده وفرتلي بتاع ميتين دولار ، وقضّيت 5 تيّام زيادة في كندا ، واشتريت دماغي من احتمال غلاسة اصحابنا ايّاهم...

وآدي تفاصيل الرحلة اللي حجزتها:

كده بأه لوووز أوي... وجبت معايا شنط السفر بتاعت كندا ، وسبتهم في أمانات الفندق بتاعنا ف الخُبر. ومن برّه برّه يا ريّس واشتري دماغك...

لأ واللذيذ إني كده وفرت ع الشركة بتاعتي تمن التذكرة لمصر ذهاب وعودة ؛ وبُناءً عليه ، ومن مُنطَلَق إن الحدّاية - أنا - مش بترمّي كتاكيت ؛ فلسّه حالاً مكلّم الـ Rig Manager (المشرف العام ع البريمة - راجل نيوزيلندي سُكّرة وبيعزّني مووووت) ، وآللي أبعتلُه ميل بالتفاصيل وهوّه هيحاول يساعدني ؛ يا هيتكفلوا بكامل تمن التذكرة ، يا هيدفعولي تمن التذكرة ذهاب وعودة لمصر (بتاع 500 دولار) أقل واجب. ولما أولتلُه (آت ليست آم نوت جوينج تو جِت زيرو :lol: ) ، قعد يدحك دحك :)

شفت يا عم حسيني... فاكر لما كنت بتستغرب من الرقم بتاع تذكرة المرة اللي فاتت؟! الـ 843 دولار ، وبتئوللي مش لائيهم خالص؟!

دا اللذيذ بأه إن فيه تذكرة من مصر طلعت أرخص من كده كمان ، بس يغور السفر من مصر (السفر من هنا أشتري بيه دماغي ، وموفر 500 دولار كمان)...

وإكسبيديا ما بتكدبش :lol: ... أي خدمة :)

أهو كدة الشغل ........واضح إنك إبتديت تدخل فى الموود و تتألق :blink: إدينى أكتر و إحنا وراك يا زعيم

حبيبي يادكتور تهامي، معلش انا متأخر شوية في متابعة القهوة لإني كنت مشغول شوية ويادوب وصلت لحد حجز تذكرة تورونتو. فقلت بقى لازم انبهك لو كنت مش عارف

ان التذكرة دي بتبتدي بآتوبيس مش طيارة :) لا ما تخافيش هو اتوبيس لحد البحرين بس ومن هناك تأخد الطيارة. طبعا الإتوبيس للبحريين بياخد حوالي

ساعتين بالوقوف على جوزات جسر الملك فهد. wst:: ويمكن علشان كدة هيه رخيصة شوية. تروح وتيجي بالسلامة ان شاء الله.

[moheltohamy]

إنت فين يا عم الحاج الدكتور wst::

أنا هنا يا باشا... شويّت زحمة شغل ، وتفتيش من مدير الأمن الصناعي في الشركة ، والمشرف على البرّيمة (Rig Manager) النيوزيلندي.

وطبعاً يدور الكلام عن المحبوبة الغالية... قاعد ف العيادة والائي اللي بينده عليّا ع الـ Public Announcement:

Doctor Mohammed the Canadian Saad, Line 2

وطلعتله مكتب مدير البرّيمة ، واتكلّمنا شويّة ، وبعدها جولي الـ 2 ع العيادة ، وقعدنا نتكلّم ع الحياة في كندا ، ويا ترى عامل حسابك في هدوم ، وشويّة والائيه يئوللي دا بتاع مين اللابتوب ده؟ ممكن أشوفه؟ جبته بكام؟ والهارد بتاعه كام؟ ومركّب عليه سكايب عشان تكلّم مراتك؟

وانا ائول له... لما باعوز أكلّمها باستعمل ده ، وأورّيلُه الماجيك جاك ، والراجل يتوهم ، وعاوز يعرف إيه حكايته ، أصل مراته عايشة في أمريكا ، وهوّه ساكن ف البحرين... وعشان ينول كل الرضا ، لازم يتصل بيها مرتين (وش عبد المطلب )

وبصراحة يا د. هشام... أنا بعد الميل اللي بعتهولك (أبو 6 ساعات ده) ، حسّيت إني محتاج أريّحلي 6 تيام بعده

و ف نفس ذات الوأت... الحلقات الصغيّرة دي بتلخبطلي الترتيب اللي في دماغي ، وتخلّيني أكتب الكلام مرتين ، والناس يمسكوها عليّا غلطة

فقلت أقعد أمخمخ من وأت للتاني واحضّر في حلقة دسمة

[moheltohamy]

تهامي باشا. انت فين. لعل المانع خير. غطستط المرة دي مش مريح اية الحاية المرة دي.

يا راجل ما تخافش على اخوك...

طول مانا ع البريمة ؛ يبقى إن شاء الله أمااان

آخرنا هندّيها غطس بجد ف الميّه لو حصلت مصيبة ، ومننا لسمك القرش بأه

[moheltohamy]

حبيبي يادكتور تهامي، معلش انا متأخر شوية في متابعة القهوة لإني كنت مشغول شوية ويادوب وصلت لحد حجز تذكرة تورونتو. فقلت بقى لازم انبهك لو كنت مش عارف

ان التذكرة دي بتبتدي بآتوبيس مش طيارة لا ما تخافيش هو اتوبيس لحد البحرين بس ومن هناك تأخد الطيارة. طبعا الإتوبيس للبحريين بياخد حوالي

ساعتين بالوقوف على جوزات جسر الملك فهد. ويمكن علشان كدة هيه رخيصة شوية. تروح وتيجي بالسلامة ان شاء الله.

يا عم هشام...

تعتقد إني مش شايف حكايت الأتوبيس دي؟! تفتكر الضياع اللي انا فيه هيوصل للدرجة دي؟!

ماحنا ياما رحناها م البحرين لمصر ، ومقضيينها رايح جاي!

وأنا عن نفسي كنت باحب أسافر من البحرين بدل الدمّام. والمسافة بتاخد ساعة من الخُبر للبحرين بالليموزين اللي بتأجّرها الشركة توصّلني لمطار البحرين.

وبالمرّة ، أنا فكّرت أحجز من البحرين لتورونتو والعكس ، والعربية الليموزين بتاعت الشركة بدل ما توصّلني مطار الدمام توصّلني مطار البحرين ، لكن لقيتها أغلى!

جرّب كده تدوّر بنفسك ع الإكسبيديا

[hgalal]

حبيبي يادكتور تهامي، معلش انا متأخر شوية في متابعة القهوة لإني كنت مشغول شوية ويادوب وصلت لحد حجز تذكرة تورونتو. فقلت بقى لازم انبهك لو كنت مش عارف

ان التذكرة دي بتبتدي بآتوبيس مش طيارة لا ما تخافيش هو اتوبيس لحد البحرين بس ومن هناك تأخد الطيارة. طبعا الإتوبيس للبحريين بياخد حوالي

ساعتين بالوقوف على جوزات جسر الملك فهد. wst:: ويمكن علشان كدة هيه رخيصة شوية. تروح وتيجي بالسلامة ان شاء الله.

يا عم هشام...

تعتقد إني مش شايف حكايت الأتوبيس دي؟! تفتكر الضياع اللي انا فيه هيوصل للدرجة دي؟!

ماحنا ياما رحناها م البحرين لمصر ، ومقضيينها رايح جاي!

وأنا عن نفسي كنت باحب أسافر من البحرين بدل الدمّام. والمسافة بتاخد ساعة من الخُبر للبحرين بالليموزين اللي بتأجّرها الشركة توصّلني لمطار البحرين.

وبالمرّة ، أنا فكّرت أحجز من البحرين لتورونتو والعكس ، والعربية الليموزين بتاعت الشركة بدل ما توصّلني مطار الدمام توصّلني مطار البحرين ، لكن لقيتها أغلى!

جرّب كده تدوّر بنفسك ع الإكسبيديا wst::

حبييبي يا دكتور انا قلت بردة مش معقول ده الدكتور تهامي دخل الجيش وعارف كل حاجة مش ذي انا شافو فيديو بس.:)

وعلى فكرة انل جربتها قبل كدة وسئلت على تذكرة من الدمام لماليزيا او من القاهرة لماليزيا فتخيل بقى لقيت اية؟

ال اه لو خدت تذكرة من القاهرة على شركة جلف اير الى ماليزيا يعني حعمل ترانزيت كدة كدة في البحرين وانا راجع حبيت انزل في البحرين وما اكملش التذكرة على مصر، يعني بوفر عليهم مكان فاضي على الطيارة من البحرين للقاهرة.

لاقيتها اغلى من اني احجزها رجوع كامل لحد القاهرة. طب اقوالهم اية دول بقى :roseop:

قلت طيب بادام انتو شاطريين كدة ادوني التذكرة لحد القاهرة وابقى اهرب انا بقى في مطار البحرين وارجع على الدمام من برة برة بنفسي. wst:: wst::