كندا التي رأيتها :)

[moheltohamy]

تسجيل متابعة ياباشا. وبناء على مشاكل الاتصالات. والرصيد اللي بيخلص. ونظرا لان اهلنا في مصر خصوصا امهاتنا اليكم الموقع دة.

http://www.nonoh.net/en/index.php دة موقع تقدر تتكلم بية دولي باسعار مخفضة جدا جدا. ارخص من السكاي بي. وكندا وامريكا تكلمهم ببلاشششششششششششش. كل اللي عليك انك تعمل ريجستريشن وعيش يامعلم. (بس عشان تستخدمة لازم النت عندك يكون شغال) :P

اتمنى الموقع دة يفيد الناس.

يا سلام عليك يابو السوامح يا بتاع الزُبَد :blush2:

هوّه ده الكلام يا عم الحاج ;)

عقبال يا رب ما توصل كندا عن قريب ، وتدلّع الناس اللي هنا ف المنتدى بحكاويك ، وتفتح لك قهوة هنا انتا كمان ، وتبقى من أصحاب الأملاك :rolleyes:

شكراً تاني ليك يا سامح... وجاري التجربة :lol:

[moheltohamy]

اوعى القلق يدخل جواك يا تهامي يا خويا wst:: انتى لسه

شباب لأ و في عز شبابك كمان ;) ولا يهمك الشعرتين

البيض دول ده حتى بيطلعوا للاطفال دلوقتي :lol: عادي يعني

وبصراحه خطير و رائع الشعار بتاع التهامي هورتنز ده بجد يجنن

وانتى و قهوتك تستحقوه و تستحقوا أحسن من كده كمان :lol:

ماهو ده اللي بنصبّر بيه نفسنا!

بس تعرفي يا دكتورة صحيح... معايا واحد هنا Assistant Derrickman ، والواد بتاع 28 سنة ومن السويس ، ولسّه متجوّز الأجازة اللي فاتت ، وعنده شعر أبيض أد اللي عندي 3-4 مرات!

ساعتها أولت يبقى أنا أحمد ربّنا! أنا اللي كده باتدلّع بأه!

وربنا يخلّيكي... أسعدتيني وأسعدتي قهوتي :P

أنا بنادي معاكي

:blush2:

فينك يا دكتور و فين قصصك و مواقفك الجميله

ياريت تنزلنا كام حاجه حلوه قبل ماتسافر بالسلامه

وطبعا وانت هناك مش هنقدر نطلب منك حاجه :sad:

عنينا يا دكتورة... ومن غير ما تندهي يا فندم...

هانزّل لكو حتة من الكانيديان لايف ستايل :rolleyes:

وممكن جداً أكتبلكو ف الهاند أوفر من هناك برضه. مفيش مشاكل خالص. واللي عاوز يسأل على أي حاجة بس يؤمرني ، وانا كده كده فاضي (في معظم الأوقات ومعظم الأحوال) ، وأسأل لكو وانا هناك... وعنيّا ليكو :P

[د هشام ابراهيم]

نورت قهوتك يا زعيم ...في انتظار هاند أوفر من اللي هما بقى :blush2:

:rolleyes:

[newcomer]

هانزّل لكو حتة من الكانيديان لايف ستايل :rolleyes:

:wub:

مستنيين ...يا دكتور

نهارك سعيد.....( وش حسين صدقى ...فى اى فيلم) :blink:

[moheltohamy]

حاضر يا نيو كمر... خدوا الحتّة دي على ما الرقابة تفحص الحتّة اللي بعدها :rolleyes:

حاجة أساسيّة تانية في الكانيديان لايف ستايل... الپرايفاسي... الخصوصية يعني! محدّش بيقحم نفسه في حياتك بأي شكل من الأشكال! كل واحد مخلّي نفسه في حاله ؛ إلاّ طبعاً لو محتاج مساعدة ؛ بتلاقيهم بيتلككوا يساعدوك! وأفتكر شويّت مواقف كده...

مرّه واحنا ف الصابواي ، ألائي اتنين في أوائل العشرينات كده جُم ركبوا معانا و وائفين في العربيّة. الواد عامل شعره سبايكي وسابغه بنفسجي ، وتاتّوو مش عارف فين ، والبت اللي معاه سابغالي خصلة من شعرها بمبى! آه والله بمبى! وعاملة حلق في حاجبها والتاني في بطنها باين! الغريب إن البنت قمر ، ومشلفطة نفسها بالماكياچ الغريب اللي حاطّاه ومسوّده بيه وشّها! والاتنين شكلهم شاربين حاجة ، ومضيّعين! الغريب إن الناس اللي ف الصابواي كلهم مالهومش دعوة ، وانا وهند اللي متابعين المسلسل!

شويّة وبدأت المشاهد اللي تعترض عليها الرقابة في مصر ، والعيال هايمانين يا ريّس ، ولا في دماغهم البشر اللي حواليهم أساساً ، والناس أصلاً ولا في دماغهم العيال دول بيعملوا إيه! مفيش غير أنا وهند اللي متنّحين! وعلى فكرة... دول حالة من الحالتين الوحيدين اللي شفتهم في المواقف الغرامية دي ف الشارع ، In Public يعني.

الحالة التانية كنا في كينيدي ستريت بنتفرّج ع الموبيليا ، وخارجين من معرض الموبيليا ، والدنيا بتمطّر على خفيف (كنا في شهر 9) ، ونلائي 2 برضه في نفس الفئة العمرية دي بيجروا ورا بعض ، ودحك وهزار ، ويغطّيها بالچاكيت من البرد ، وبوسة كده ع الماشي ، ويكمّلوا جري ورا بعض تاني (نظام عبد الحليم حافظ وزبيدة ثروت ومريم فخر الدين وميرفت أمين وشادية ونادية لطفي... مفتري عبد الحليم ده!)

بخلاف كده ما شفتش أي منظر مؤذي لعينيّا خالص الصراحة! وانا اللي كنت متخيّل الغرب ده فاتحها Public porno ف الشوارع! إن بعض الظن إثم فعلاً!

مرّة تانية... كنا راكبين الصابواي برضه ، وفي محطّة من المحطّات لمحنا بنت (في سن الثانوي كده) داخلة وعلى وشها ابتسامة عريضة كده مع نفسها ، وجت على كرسي وقعدت ، والابتسامة ما زالت موجودة! والائي هند بتبُصّلي ، وانا ائوللها يا رب يديمها عليها يا ستّي! المهم ، مفيش كام دئيئة يا عم الحاج ، والائي البنت فاتحة في العياط ، عياط بجد ، عياط بشحتفة ونهنهة وبحُرقة كمان ، ولا كإن ماتلها قتيل! أنا أولت من أوّل ما شفت البنيّة دي إنها مش طبيعيّة ، وبالمنظر ده أكيد عندها اكتئاب وعنيف كمان.

الغريب إننا لاحظنا إن الناس اللي وائفين أدّامها في الصابواي ، و وشهم في وشها ، كلّه مضيّع خاااالص ، وباصّين من الشبّاك على برّه! ولا واحد يابو حميد فكّر يبص لها بصة استفسار حتى! البنت متدايئة شويّة ، وحبّت تفُك عن نفسها شويّة ، ما فيهاش أي حاجة يعني! وكونهم يبصّوا عليها في اللحظات دي ، فده هيبقى انتهاك لخصوصيّتها! وكالمعتاد ، ما كانش فيه غيري انا وهند اللي متابعين الموقف من على بُعد!

تخيّل الموقف ده في مصر كان إيه السيناريو اللي هيحصل؟! طبعاً واحدة من الستّات الكبار هتاخدها في حضنها ، ومالك يا حبيبتي؟ احكيلي! وطبعاً بائي العربيّة هتتلمّ عشان يتابعوا الموضوع عن قرب!

فيه ناس ممكن يعجبها الموضوع ده ، ويئولولك شوف حنيّت ألب الشعب المصري ، وتعاطفه مع بعضه! لكن أنا عن نفسي شايفها فضول وتدخّل في شئون الغير ، ولو أنا في الموقف ده هاكون عاوز الناس تسيبني في حالي!

نفس الموضوع ده بيفكّرني بموت بابا الله يرحمه ، بعد ما قفلنا عليه القبر ، وعاوز ادعيلُه ، وشيرين موصّياني (أوعى تسيب بابا ف الوأت ده) ، والناس مش سايبينّي في حالي ، واقول لهم يا جماعه ممكن تسيبوني معاه شويّه (إنه الآن يُسأل) ، ويجبروني أمشي معاهم واسيب بابا عشان أسلّم على زمايل بابا اللي جايين من سفر عشان يعزّوني ، ونصّهم أنا أصلاً ما اعرفوش! ولمدّة 3 أيّام أفضل مرزوع في العزا عشان اللي جاي معدّي ف الشارع ييجي يسلّم ع الناس اللي مترصّصة دي ، ولا انا اعرفهم ، ولا همّه يعرفوني! كان أقصى أملي في الفترة دي إنهم يسيبونا أنا وماما وشيرين نقعد شويّة مع نفسنا. ما كنّاش محتاجين غير كده! لكن اللي يحصل (الأصول) إني اترزع ع الكرسي في انتظار اللي رايح واللي جاي ، وماما وشيرين بيطبخوا للزوّار اللي جايين من سفر (عشان دي الأصول)! F***

وطالما اتكلّمنا في النؤطة دي ، فاشيئ بالشيئ يُذكر... السؤال المطروح للنقاش دائماً... معاك أولاد؟ لأ... ولا فيه حاجة جايّة ف السكة؟ لأ! وطبعاً تعليقات م اللي انتا فاهمها بأه (طب وبعدين؟ بعدين إيه حضرتك؟ ما تشد حيلك! أشدّه ازّاي يعني؟ يعني ترفع راسنا! وانتا إيه دخل راسكو أصلاً؟ يعني الحق عليّا عشان عاوز أطّمّن عليك؟ وهوّه لو ما خلّفتش مش هتطّمّن عليّا؟ لأ بس قصدي تشرّفنا! يا بني وانتو إيه علاقتكو بيّا أصلاً عشان أشرّفكو ولاّ أعرّكو؟ طب هوّه انتو اللي مانعينه ولاّ عادي؟ فيه إيه يا عم انتا؟ طب هوّه العيب منّك ولاّ منها؟!)

دا ماما اللي هيّه ماما ما سألتنيش السؤال ده أصلاً! وبترد ع اللي يسألها يا جماعه لما يكون فيه حاجة هوّه هيقول من نفسه ، مالوش لزمة السؤال!

الخصوصية وهامش الحرّيّة الشخصية غير مفهوم ولا محترم في بلدنا ، إلا لو كان المفهوم للحرية الشخصية هو تفسير أخينا ايّاه بتاع الموبايل (اللي كان لازئ في أفايا ف الميكروباص ، ومن حقه - تبعاً لمبدأ الحرية الشخصية - إنه يشغّل النغمات اللي تعجبه ف المواصلات)!

موقف تاني بس مختلف شويّة... كنت برضه ف الصابواي ، وفي محطّة من المحطّات ألاحظ معظم الناس اللي ف العربيّة مركّزين في حاجة ع الرصيف ورا ضهري ، واتلفت ابص ورايا ، مش شايف حاجة ، وف الآخر باسأل واحد جمبي (هوّه فيه إيه؟) ، ويرد عليّا إن واحد فجأة جاتله إپيلپتِك فِت ، وعارف انتا طبعاً أصوات التشنجات اللي بتطلع في النوبة دي! يمكن استغربت إن الناس أخيراً حاجة لفتت انتباههم!

الموقف التاني اللي برضه لاحظت فيه شويّت إيچيپشيان ستايل بيهيفيار... كنت راكب الأتوبيس ع الساعة 11 ص ، ورايح على شارع لورانس إيست أترجم شهادة بيانات رخصة السواءة. طبعاً الدنيا تلج في كل مكان ، ورجليك تغوص فيه كمان ، والأتوبيس شغّال تدفئة عشان يعوّض الفريزر اللي شغال بره ده (درجة الحرارة بتلعب ف الـــ -20) ، واللي يحسسك بكلمة يوسف وهبي (وما الدنيا إلاّ فريزرُن كبيرُن!)

في الجو ده نلائي واحدة ست في أوائل التلاتينات كده داخلة الأتوبيس. الهانم لابسة فستان بمبى منفوش يفكّرك بالأميرة وسندريللا وسنو هوايت وكده يعني. كل ده كلام كويّس وزي الفل وما عنديش اعتراض عليه ، لكن في جو زي ده ، وفستان نُص كم خفيف وميني ، وصندل سيور مفتوح وكعب عالي كمان ، وماكياچ كامل (في عز الضُهر)! هنا بأه لأوّل مرة ألاحظ نظرات الناس اللي ف الأتوبيس ع الست دي! وبزّات راجل كان متنّح للمنظر ، وبنت في سن ثانوي كده نسيت نفسها وهيّه بتبُص على أختنا دي!

هوّه على أد ما المنظر كان Provocative ، لكن الأغرب منه... هيّه مستحملة نفسها ازاي في جو زي ده بالمنظر دوكهوّه؟! يمكن لسّه مستنّية صرف معونة الشتا المتأخرة؟!

[moheltohamy]

لما تدرس باطنة بتفكر باسلوب غريب

بتحس ان الدنيا كلها puzzle وانك كل الحاجات مربطة في بعضها يغني كله اسباب ونتايج لكله

ده طبعا غير ان اي كحة بتبقي يا سل يا سرطان في الرئة

واي صداع ورم في المخ

واي انيميا لوكيميا واي lymph node بتبقي lymphoma او metastasis

أبصم بالـ 15 يا دكترة :wub:

وحياتك انتا من قبل الباطنة... هوّه معروف دايماً كده... الناس الـ Paramedical دايماً بيفترضوا إن عندهم بلاوي الدنيا!

أفتكر لمّا كنت في تالتة (أيّام الباثولوجي الله لا يعيدها :unsure: )... كان طلعلي أُبيسس صغيّر (تصغير Abscess في لغتنا العربية الجميلة بتاعت الضاد) :blink:

الأبسوس ده كان طالعلي في ضهري ف الـ Lower Lumbar area ، ومش شايفه! طبعاً بإحساسي بإيدي فقط كنت حاسس بيه زي الرسمة بتاعت أطلس الباثولوجي (الـ Papilloma تيبيكال!) ، وفضلت موهوم كده وحاسس إن العمر ضاع خلاص ، وعد أيّامك يا جحا! :rolleyes: لغايت ما الأبسيس ده بوينتِد ، وخلص بنفسه ومع نفسه!

ياااااه... كانت لنا أيّام (وش أنيس منصور :blink: )

[د هشام ابراهيم]

أبصم بالـ 15 يا دكترة :unsure:

وحياتك انتا من قبل الباطنة... هوّه معروف دايماً كده... الناس الـ Paramedical دايماً بيفترضوا إن عندهم بلاوي الدنيا!

أفتكر لمّا كنت في تالتة (أيّام الباثولوجي الله لا يعيدها :lol: )... كان طلعلي أُبيسس صغيّر (تصغير Abscess في لغتنا العربية الجميلة بتاعت الضاد) :wub:

الأبسوس ده كان طالعلي في ضهري ف الـ Lower Lumbar area ، ومش شايفه! طبعاً بإحساسي بإيدي فقط كنت حاسس بيه زي الرسمة بتاعت أطلس الباثولوجي (الـ Papilloma تيبيكال!) ، وفضلت موهوم كده وحاسس إن العمر ضاع خلاص ، وعد أيّامك يا جحا! :rolleyes: لغايت ما الأبسيس ده بوينتِد ، وخلص بنفسه ومع نفسه!

ياااااه... كانت لنا أيّام (وش أنيس منصور wst:: )

:blink:

Hypochondriac :)

الله يجازيك خير يا صديقي .... فكرتني بواحد زمل في الكلية كان دايما حاطت وش فاتن حمامة في أيامنا الحلوة و لما يجيله شوية برد كان يقولنا بكل جدية " أصلي عندي pre-pneumonia " ما أعرفش جابها منين ديه :blink:

[pharaon]

والله يا دكتور هاند اوفر رائعة جدا جدا

وفعلا من عيوب المصريين موضوع الخصوصية وتدخل فى شئون الغير بداعى او بدون داعى

ده حاجة سخيفة بجد

زى واحد اعرفه

كل ما اعمل حاجة يسالنى رايح فين جاى منين طيب ليه عملت كده انتا كنت بتكلم باباك طيب فى حاجة عاوزه ليه انتا رحت عند باباك ليه

وانا اقوله لا يا عم عادى مفيش حاجة موضوع عادى انتا عاوز حاجة ؟ يقولى كلمة مستفزة

مش قصدى

بس انا بطمن عليك ( وانا اقول فى دماغى تطمن عليه ليه هو انتا امى )

:blink:

ياله الحمدالله على كل حال اما الحق اروح اولع فيه :wub:

تسلم ايدك يا دوك على الهاند اوفر :rolleyes:

[hgalal]

الله يحرق أرامكو على ترانس أوشن ، ويريّحنا منهم! md2:

النهارده ألائي إيهاب توفيق (الـ HR بتاعنا مش اللي بيغني!) بيتصل ، ويقوللي (إنتا يا دكتور أدّامك 2 أوبشن ؛ يا تأجّل سفرك من الدمّام يوم السبت الجاي ، يا إمّا ترجع من كندا الاتنين 23 فبراير بدل الخميس 26 فبراير)

خير يا حاج إيهاب؟!

أرامكو منعو الدخول للمطارات والمواني بتاعتهم بالـ Temporary Pass ، والأسلوب الوحيد هوّه التعامل بـ ARAMCO ID ، والمفروض إني هاروح للبهوات في أرامكو عشان أطلّع الكارنيه ده!

دخلت عشان أعدّل تذكرة العودة بتاعتي ؛ ما نفعش ع السايت بتاع إكسبيديا ، كلّمتهم ع التليفون phn:

غيّرت التذكرة ، ودفعت غرامة 111.23 دولار أمريكي (100 دولار كندي غرامة بتحصّلها خطوط الطيران ، و30 دولار أمريكي بتحصّلها إكسبيديا هانم!)

البهوات يتمرقعوا ف الشركة ، والبس أنا الغرامة!

والغريب إنهم بعد ما عدّلوا التذكرة وخدوا بيانات الماستر كارد ع التليفون ، أدخل ع الـ Itinerary ألائي البهوات كاتبينلي:

يا ولاد الحراميّة! :happy:

أتّصل تاني بخدمة العملا أفضحهم ؛ يرد عليّا واحد ويشرحلي إن ده السعر الريجيولار لو حجزتها من برّه إكسبيديا. وإني لو عاوز يحطّلي 111.23 دولار تمن التذكرة (هوّه تمن التعديل ، لكن البيه بيعتبره تمن التذكرة!) ، ممكن يعدّلهالي في الـ Itinerary ، بس ده هيعمللي مشاكل في المطار ؛ لمّا الناس اللي ع الكاونترز يتساءلوا إزاي رحلة دولية بميت دولار!

بس م الواضح إني حسدت نفسي لمّا غظت حسيني وأولتله إني جبت التذكرة بسعر تحفة! :sad:

واللي ييجي ع الحسيني ما يكسبش! :closedeyes:

ايه يا دكتور دة :blink: انا مش فاهم يعني حتدفع ١٥٠٠ دولار ولا لا :sad:

[hgalal]

حبيبي يا دكتور تهامي بجد بجد بجد بجد موضمع الخصوصية دة جنني ومن اساسيات الإيجيبشين بيهافير. خصوصاً في موضوع الخلفة والحمل وكدة يعني وهي الناس يعني لو تفكر شوية صغيرة قبل ما تسأل السسؤال دة. حيلاقوا انه مالوش لازمة اصلاً لإن اكيد لو الناس ما بتخبيش على حد لمه تخلف. لية بقى يحرجوا الناس بسؤالهم ويحرجو نفسهم؟ :closedeyes:

وبجد سلامي وتحياتي للسيدة الوالدة يا دكتور. هما دول ولاد الإصول والعائلات المحترمة

[Einstein]

الحالة التانية كنا في كينيدي ستريت بنتفرّج ع الموبيليا ، وخارجين من معرض الموبيليا ، والدنيا بتمطّر على خفيف (كنا في شهر 9) ، ونلائي 2 برضه في نفس الفئة العمرية دي بيجروا ورا بعض ، ودحك وهزار ، ويغطّيها بالچاكيت من البرد ، وبوسة كده ع الماشي ، ويكمّلوا جري ورا بعض تاني (نظام عبد الحليم حافظ وزبيدة ثروت ومريم فخر الدين وميرفت أمين وشادية ونادية لطفي... مفتري عبد الحليم ده!)

بخلاف كده ما شفتش أي منظر مؤذي لعينيّا خالص الصراحة! وانا اللي كنت متخيّل الغرب ده فاتحها Public porno ف الشوارع! إن بعض الظن إثم فعلاً!

هنا بقي يا حلو و استوب

لو شفت او جربت الصب واي و الاتوبيسات في مونتريال ، حاجة تانية خالص :rolleyes:

طبعا مفيش حاجة بورنو صريحة ، احنا مش في هولندا او فرنسا ، هنا القانوب يعاقب علي الفعل الفاضح في الطريق العام

بس المشكلة في القبلات والاحضان الحارة ، كتير اوي يا زعيم في مونتريال

ممكن لان اغلب اهلها طلبة ( جايز لاني كنت ساكن جنب الجامعة ) فاكن الحبيبة كتير اوي ، في كل مكان

ما افتكرش اني يوم من الايام خرجت و رجعت البيت من غير ما شوف اتنين بيحبوا بعض ، يا سلام زي اتنين عصافير كاناريا bsh:) ، الجميل بقي ان مفيش مخلوق بيبص علي المناظر دي غيري :blink: ،

في مرة عمري ما هنساها كنت راجع الشقة في الاوتوبيس وانا قاعد علي الكرسي و بمتع عنيا المناظر الطبيعية من الشباك ( خللي بالك مدينة مونتريال مهتمة اوي بوجود الحدائق و المنتزهات في كل حي ، لو حطيت ايديك علي اي جزء في الخريطة هتلاقي حديقة عامة ) المهم

وانا قاعد و ببص من الشباك اذ فجأتن اسمع صوت غريب :happy: ، مر في دماغي شريط الذاكرة مع خبراتي السابقة بس ما عرفتش ايه الصوت ده !!! ، يكونش حاجة زي القندس دخلت الاوتوبيس مثلا ، اوم ايه اتلفت حولية ، الاقيلك يا عم شاب محترم و شابة برضة محترمة و اقفين و عمالين بيبوسو بعض ، بس بوس ايه بقي ، لا تقولي عبد الحليم في ابي فوق الشجرة ولا مش عارف مين ، اللي غاظني بقي في المرة دي هوه الصوت ، وكانو واقفين جانب الكرسي بتاعي و الاتوبيس مليان ، ابص حوليه ، ملقيتش ولا واحد متابع ، ازاي يا جدعان ، دي بالصوت و الصورة مش عادي يعني ، برضة محدش متابع ولا همه في دماغهم البني ادام اللي مبرقلهم ده كانهم في الركن البعيد الهادي ، قربت المحطة بتاعتي قلت افض الاشتباك و اقوم ممكن واحد فيهم يقعد و اخلص ، ولا كان حاجة اتغيرت ، نزلت و انا بقي متغاظ لان مفيش اي اعتبار للناس اللي لسه صايمة لحد دلوقتي ( طبعا انا بتكلم عن الصوت بس هوه اللي ضايقني مش اي حاجة تانية mfb: )

[Einstein]

ايه يا عم ، في ايه :happy:

يعني هيه الكحكة في ايد اليتيم عجبة

وبعدين انت شربت خلاص ، سيب اللي لسه صايمن يفطروا بقي يا اخي :rolleyes:

عقلي الباطن ( شكلها عروسة باربي ، ربنا يستر )

ماشي يا عم اليتيم...

إشرب بأه... أنا كان بس قصدي أحميك من إنك تاخد المطب ده ، وقلت دا أنا أفديه بروحي أبو الأناشيت (دلع آينشتاين ، على وزن أبو الأداهيم كده ) ، وآجي على نفسي وآخد أنا شكّة الإبرة دي بداله!

إستلم بأه ، وبكرة تندم يا جميل :P

بقي الحكاية كده ، طيب سماح المرة دي

بس انت عارف يا صاحبي " وان منكم الا واردها "

يعني لا مفر ، لازمن يا عمدة اخوض التجربة بنفسي ، ولو كانت ناجحة نكررها :blink:

انا محتج ان الاقي قهوتي المفضلة في الصفحة التانية

وطبعا اكيد عارف ان ليه تعليق علي الحلقة الاخيرة ، يتبع

إلبس يا باشا...

وبكره نؤعُد ع الحيطة ونسمع الزيطة! mfb:

مش عاوز حاجة أجيبهالك معايا م السعودية وانا جاي؟! شويّت شمس مثلاً؟! bsh:)

ولا انتا ما زلت مستمتع بالتلج اللي بيلمع ;)

انتم السابقون و نحن الاحقون :P

منظر التلج الفيرجن الطازة مع اضواء الليل الصناعية لا يوصف ،

بقولك فعلا ولا اجمل كريستال في احلي نجفة i*: .

بس مش عارف ده ممكن يطلع في الصورة ولا لا ،

علي فكرة انا بصيت دلوقتي علي التلج ( لانه لسه بتمطر تلج ) ملقيش اللمعان اللي قولتلك عليه ، ده بيظهر بس في الضوء الصناعي بليل .

تم تعديل 29 يناير 2009 بواسطة Einstein

[moheltohamy]

الحالة التانية كنا في كينيدي ستريت بنتفرّج ع الموبيليا ، وخارجين من معرض الموبيليا ، والدنيا بتمطّر على خفيف (كنا في شهر 9) ، ونلائي 2 برضه في نفس الفئة العمرية دي بيجروا ورا بعض ، ودحك وهزار ، ويغطّيها بالچاكيت من البرد ، وبوسة كده ع الماشي ، ويكمّلوا جري ورا بعض تاني (نظام عبد الحليم حافظ وزبيدة ثروت ومريم فخر الدين وميرفت أمين وشادية ونادية لطفي... مفتري عبد الحليم ده!)

بخلاف كده ما شفتش أي منظر مؤذي لعينيّا خالص الصراحة! وانا اللي كنت متخيّل الغرب ده فاتحها Public porno ف الشوارع! إن بعض الظن إثم فعلاً!

هنا بقي يا حلو و استوب

لو شفت او جربت الصب واي و الاتوبيسات في مونتريال ، حاجة تانية خالص

طبعا مفيش حاجة بورنو صريحة ، احنا مش في هولندا او فرنسا ، هنا القانوب يعاقب علي الفعل الفاضح في الطريق العام

بس المشكلة في القبلات والاحضان الحارة ، كتير اوي يا زعيم في مونتريال

ممكن لان اغلب اهلها طلبة ( جايز لاني كنت ساكن جنب الجامعة ) فاكن الحبيبة كتير اوي ، في كل مكان

ما افتكرش اني يوم من الايام خرجت و رجعت البيت من غير ما شوف اتنين بيحبوا بعض ، يا سلام زي اتنين عصافير كاناريا :P ، الجميل بقي ان مفيش مخلوق بيبص علي المناظر دي غيري i*: ،

في مرة عمري ما هنساها كنت راجع الشقة في الاوتوبيس وانا قاعد علي الكرسي و بمتع عنيا المناظر الطبيعية من الشباك ( خللي بالك مدينة مونتريال مهتمة اوي بوجود الحدائق و المنتزهات في كل حي ، لو حطيت ايديك علي اي جزء في الخريطة هتلاقي حديقة عامة ) المهم

وانا قاعد و ببص من الشباك اذ فجأتن اسمع صوت غريب mfb: ، مر في دماغي شريط الذاكرة مع خبراتي السابقة بس ما عرفتش ايه الصوت ده !!! ، يكونش حاجة زي القندس دخلت الاوتوبيس مثلا ، اوم ايه اتلفت حولية ، الاقيلك يا عم شاب محترم و شابة برضة محترمة و اقفين و عمالين بيبوسو بعض ، بس بوس ايه بقي ، لا تقولي عبد الحليم في ابي فوق الشجرة ولا مش عارف مين ، اللي غاظني بقي في المرة دي هوه الصوت ، وكانو واقفين جانب الكرسي بتاعي و الاتوبيس مليان ، ابص حوليه ، ملقيتش ولا واحد متابع ، ازاي يا جدعان ، دي بالصوت و الصورة مش عادي يعني ، برضة محدش متابع ولا همه في دماغهم البني ادام اللي مبرقلهم ده bsh:) كانهم في الركن البعيد الهادي ، قربت المحطة بتاعتي قلت افض الاشتباك و اقوم ممكن واحد فيهم يقعد و اخلص ، ولا كان حاجة اتغيرت ، نزلت و انا بقي متغاظ لان مفيش اي اعتبار للناس اللي لسه صايمة لحد دلوقتي ( طبعا انا بتكلم عن الصوت بس هوه اللي ضايقني مش اي حاجة تانية :P )

والله أنا ضحكت من قلبي وانا باتخيّل موقفك انتا :rolleyes:

إنتا أولتلي كنت ساكن فين في مونتريال؟! يا ريت العنوان بعد إذنك ;)

كلّها كام ساعة إن شاء الله وآجيلك يا غالية :happy:

كندا التي في خاطري وفي فمي :blink:

[Einstein]

والله أنا ضحكت من قلبي وانا باتخيّل موقفك انتا

إنتا أولتلي كنت ساكن فين في مونتريال؟! يا ريت العنوان بعد إذنك i*:

كلّها كام ساعة إن شاء الله وآجيلك يا غالية :happy:

كندا التي في خاطري وفي فمي :blink:

كنت ساكن في منطقة Cote Des Neiges ( علي اساس انها بين جامعة مونتريال و جامعة كونكورديا و ميجيل )

شوفت بقي يا سيدي ليه مونتريال وحشاني :rolleyes:

بالمناسبة انا في تورنتو مفشفتش المنظر ده غير مرة او اتنين bsh:)

مع اني قعدت هنا تقريبا اكتر من الفترة اللي قضيتها في مونتريال

مرة منهم كانت في الداون تانون ، والقيلك يا عم الواد بيبص حوليه الاول قبل ما يبوس ، كانه عامل عملة و لا سارق سريقة mfb:

[moheltohamy]

والله أنا ضحكت من قلبي وانا باتخيّل موقفك انتا

إنتا أولتلي كنت ساكن فين في مونتريال؟! يا ريت العنوان بعد إذنك :P

كلّها كام ساعة إن شاء الله وآجيلك يا غالية :blink:

كندا التي في خاطري وفي فمي bsh:)

كنت ساكن في منطقة Cote Des Neiges ( علي اساس انها بين جامعة مونتريال و جامعة كونكورديا و ميجيل )

شوفت بقي يا سيدي ليه مونتريال وحشاني :rolleyes:

بالمناسبة انا في تورنتو مفشفتش المنظر ده غير مرة او اتنين mfb:

مع اني قعدت هنا تقريبا اكتر من الفترة اللي قضيتها في مونتريال

مرة منهم كانت في الداون تانون ، والقيلك يا عم الواد بيبص حوليه الاول قبل ما يبوس ، كانه عامل عملة و لا سارق سريقة i*:

طول عمري اقول على التورونتاويين وش كسوف! :happy:

تعالى يا عم الحاج انزل مصر! ما بقاش حد بيتكسف خلاص! :P

فعلاً ، صدق أحمد الديب لمّا قاللي... كندا أرحم بكتيييير من أمريكا من الناحية دي!

وفرق السما والأرض بينها وبين أوروبا!

[د هشام ابراهيم]

طول عمري اقول على التورونتاويين وش كسوف! :rolleyes:

تعالى يا عم الحاج انزل مصر! ما بقاش حد بيتكسف خلاص!

فعلاً ، صدق أحمد الديب لمّا قاللي... كندا أرحم بكتيييير من أمريكا من الناحية دي!

وفرق السما والأرض بينها وبين أوروبا!

كلام صحيح ١٠٠ في ال-١٠٠ ...كندا بمقاييس الدول الغربية دولة محافظة جدا .... ما رحتش أمريكا و مش عايز أروحها بس عمري ما شفت و لا حاشوف انحلال و اباحية دول وسط اوروبا ....ألمانيا (برلين و فرانكفورت ) و هولندا (أمستردام ) تحديدا .... بلجيكا (بروكسل ، بروج و جينت ) ما كانتش وحشة ..بالعكس الصراحة كانت زاي الفل .... عمار يا كندا

[hosiny]

سلامو عليكو

بعد اذنك يا حج تهامي هورتونز .....شوفتوا الحته دي

3. Canadian citizenship rules change for those born outside of Canada

As of April 17, 2009, Canada's Citizenship Act will be amended. The new law now limits Canadian citizenship to the first generation born abroad to Canadian citizens.

[qenawy]

الاخ الفاضل حسيني

فيه قانون في كندا ان من يولد خارج كندا ويعيش خارج كندا لاب كندي بالتجنس عليه اثبات انه يرغب في الحفاظ علي الجنسية الكندية قبل اكمال 25 سنة تقريبا من عمره

وهذا القانون قيد الالغاء

فالموضوع ما يخصناش اساسا اقصد لا يخص الفئات التي تطلب الهجرةوالاقامة في كندا فهؤلاء لهم حق التجنس بعد 3 سنوات اقامة

واطفالهم بالتبعية

[hosiny]

الاخ الفاضل حسيني

فيه قانون في كندا ان من يولد خارج كندا ويعيش خارج كندا لاب كندي بالتجنس عليه اثبات انه يرغب في الحفاظ علي الجنسية الكندية قبل اكمال 25 سنة تقريبا من عمره

وهذا القانون قيد الالغاء

فالموضوع ما يخصناش اساسا اقصد لا يخص الفئات التي تطلب الهجرةوالاقامة في كندا فهؤلاء لهم حق التجنس بعد 3 سنوات اقامة

واطفالهم بالتبعية

والله يا دكتور انا بافهم انجليزي كويس.....بس انت مفهمتش المغزي من الحته دي....الناس دي بدأت تفوق و تعرف ان معظم اللي بيروحلهم بيبقي بهدف الجنسيه ليه و لمن بعده عشان كده بدأوا يشوفوا ويلغوا الحجات اللي ممكن قاصدوا الجنسية فقط يلعبوا عليها.....يعني الموضوع ده ممكن يبقي بداية لسلسلة طويلة من القوانين التي تمنع تمتع المتجنسين الذين يسكنوا خارج كندا بمميزات في المستقبل...يعني مش بعيد ان نشوف قانون بعد كده بيقولك ان انت حتي لو اخدت الجنسية بصفة ان حضرتك متجنس لازم تيجي و تقيم في البلد شهر بالسنة مثلا انت و اولادك.....فهمت قصدي يا دكترة؟؟؟

[qenawy]

انا اسف يا حسيني بك

انا مش قصدي خالص موضوع الترجمة انا عارف قدرات حضرتك

فاعتذر لو فهمتني خطا

برضه هما في طور الغاء هذاالقانون وليس تفعيله او تعديله

فالفرد هيبقي كندي بدون رجوع او طلب للابقاء علي الجنسية

المهم ما يضحكني في الموضوع شخصيا ان كل اللي معايا الفايل نومبر وزعلان قوي

دعواتك