كندا التي رأيتها :)

[qenawy]

The new law

On April 17, 2009, the law will change to end the need to retain citizenship for many people. However, people born outside Canada who are subject to the retention rules and who turn 28 before the new law comes into effect must still take action to retain their citizenship.

[hosiny]

انا اسف يا حسيني بك

انا مش قصدي خالص موضوع الترجمة انا عارف قدرات حضرتك

فاعتذر لو فهمتني خطا

برضه هما في طور الغاء هذاالقانون وليس تفعيله او تعديله

فالفرد هيبقي كندي بدون رجوع او طلب للابقاء علي الجنسية

المهم ما يضحكني في الموضوع شخصيا ان كل اللي معايا الفايل نومبر وزعلان قوي

دعواتك

يا دكترة مفيش داعي للاسف...انت اخ لينا كلنا هنا و كلنا عارفين ذوقك و اخلاقك.....كل الموضوع ان الواحد خايف ييجي عليه اليوم اللي يلاقي فيه ان الناس دي قلصت مميزات التمتع بالجنسية مع الوقت و بالذات ان كلنا عارفين ان قوة الجنسية لاي دولة مرتبط باقتصادها و ان عارف الحالة الاقتصادية في العالم اليومين دوول و اللي معتقدش انها هترجع زيالاول الا بعد 5 او 6 سنين و ربنا يستر علي اللي جوه و بره مصر.....انا لحد دلوقتي قابلت نموذجين فعليين لشخصين احدهما كان في كندا و الاخر في امريكا منذ مده كبيرة و قرروا الرجوع بعد البهدلة الاقتصادية اللي هناك بعد ما الاول قفل مكتبه الهندسي الخاص به و الثاني خريج جامعات امريكية و ماجستير في الهندسة من امريكا و اضطر في الاخر انه يبيع بيته و يسكن في بيت اصغر و بعد كده لقاها مش نافعة قال اروح الخليج اجرب حظي....وحتي الخليج كمان بدأ ينهار بقوة في معظم الدول

[moheltohamy]

تحيّاتي من مطار البحرين الدولي...

أوّل خطواتنا نحو العالم الحر :wub:

هادخل تاني أسلّم عليكو من مطار هيثرو في لندن :happy: بعد 8 ساعات :blink: وآعدين بالصلاتو على النبي أكتر من 4 ساعات :)

كلّه يهون في سبيلك يا غالية :wub:

[nizza la bella]

الحالة التانية كنا في كينيدي ستريت بنتفرّج ع الموبيليا ، وخارجين من معرض الموبيليا ، والدنيا بتمطّر على خفيف (كنا في شهر 9) ، ونلائي 2 برضه في نفس الفئة العمرية دي بيجروا ورا بعض ، ودحك وهزار ، ويغطّيها بالچاكيت من البرد ، وبوسة كده ع الماشي ، ويكمّلوا جري ورا بعض تاني (نظام عبد الحليم حافظ وزبيدة ثروت ومريم فخر الدين وميرفت أمين وشادية ونادية لطفي... مفتري عبد الحليم ده!)

بخلاف كده ما شفتش أي منظر مؤذي لعينيّا خالص الصراحة! وانا اللي كنت متخيّل الغرب ده فاتحها Public porno ف الشوارع! إن بعض الظن إثم فعلاً!

هنا بقي يا حلو و استوب

لو شفت او جربت الصب واي و الاتوبيسات في مونتريال ، حاجة تانية خالص :happy:

طبعا مفيش حاجة بورنو صريحة ، احنا مش في هولندا او فرنسا ، هنا القانوب يعاقب علي الفعل الفاضح في الطريق العام

بس المشكلة في القبلات والاحضان الحارة ، كتير اوي يا زعيم في مونتريال

ممكن لان اغلب اهلها طلبة ( جايز لاني كنت ساكن جنب الجامعة ) فاكن الحبيبة كتير اوي ، في كل مكان

ما افتكرش اني يوم من الايام خرجت و رجعت البيت من غير ما شوف اتنين بيحبوا بعض ، يا سلام زي اتنين عصافير كاناريا :lol: ، الجميل بقي ان مفيش مخلوق بيبص علي المناظر دي غيري :lol: ،

في مرة عمري ما هنساها كنت راجع الشقة في الاوتوبيس وانا قاعد علي الكرسي و بمتع عنيا المناظر الطبيعية من الشباك ( خللي بالك مدينة مونتريال مهتمة اوي بوجود الحدائق و المنتزهات في كل حي ، لو حطيت ايديك علي اي جزء في الخريطة هتلاقي حديقة عامة ) المهم

وانا قاعد و ببص من الشباك اذ فجأتن اسمع صوت غريب :wub: ، مر في دماغي شريط الذاكرة مع خبراتي السابقة بس ما عرفتش ايه الصوت ده !!! ، يكونش حاجة زي القندس دخلت الاوتوبيس مثلا ، اوم ايه اتلفت حولية ، الاقيلك يا عم شاب محترم و شابة برضة محترمة و اقفين و عمالين بيبوسو بعض ، بس بوس ايه بقي ، لا تقولي عبد الحليم في ابي فوق الشجرة ولا مش عارف مين ، اللي غاظني بقي في المرة دي هوه الصوت ، وكانو واقفين جانب الكرسي بتاعي و الاتوبيس مليان ، ابص حوليه ، ملقيتش ولا واحد متابع ، ازاي يا جدعان ، دي بالصوت و الصورة مش عادي يعني ، برضة محدش متابع ولا همه في دماغهم البني ادام اللي مبرقلهم ده :wub: كانهم في الركن البعيد الهادي ، قربت المحطة بتاعتي قلت افض الاشتباك و اقوم ممكن واحد فيهم يقعد و اخلص ، ولا كان حاجة اتغيرت ، نزلت و انا بقي متغاظ لان مفيش اي اعتبار للناس اللي لسه صايمة لحد دلوقتي ( طبعا انا بتكلم عن الصوت بس هوه اللي ضايقني مش اي حاجة تانية wst:: )

لا استاذ هنا فى فرنسا واوربا عمتن القانون يعقاب الفعل الفاضح فى الطريق العام اما البوس والاحضان دة شى عادى جدا وكمان على البلاج يا باشا فى الصيف اصل غاوى صيد سمك مش حاجة تانية اضرب عين شمالوعين يمن القى السنيور ومن غير التوب البلاج كلة كدة ودة بردو عادى جدا

والله أنا ضحكت من قلبي وانا باتخيّل موقفك انتا

إنتا أولتلي كنت ساكن فين في مونتريال؟! يا ريت العنوان بعد إذنك wst::

كلّها كام ساعة إن شاء الله وآجيلك يا غالية :blink:

كندا التي في خاطري وفي فمي :)

لا استاذ Einstein هنا فى فرنسا واوربا عامتن القانون يعقاب الفعل الفاضح فى الطريق العام اما البوس والاحضان دة شى عادى جدا, وكمان على البلاج يا باشا فى الصيف اصل غاوى صيد سمك مش حاجة تانية اضرب عين شمال وعين يمين تلاقى السنيورة ومن غير التوب والبلاج كلة كدة ودة بردو عادى جدا

[moheltohamy]

تحيّاتي من تورونتو...

هوّه أنا كتبتلكوا 3 صفحات ونص م الهاند أوفر ف الطيّارة... بس ما زالو محتاجين يتستفوا ويتظبّطوا!

بكره يوم شوبنج عالمي... ممكن أجيلكوا بعده... ربنا يسهّل...

قلت بس أطمّنكو بسلامة الوصول ، وجمال الجو ، وسرسوب الهوا البارد (مش بارد أوي... مكتوب -2 بس!) ، واللي فاتح أنا الإزاز شزيّة عشان يدخّللي السرسوب ده :sad:

أظبّط الساعة البيولوجية واجيلكو تاني :rolleyes:

[moheltohamy]

جايبلكوا معايا خبر حلو... هاقوله ، وانام ، وهامخمخ ف الهاند أوفر لمّا أصحى...

قولوا لاخونا آينشتاين مبرووووووووك

الباشا نجح وأخد الشهادة الكَبيرة (بفتح الكاف) :ninja:

اللي هيّه الــ Evaluating Exam... هيّه صحيح أوّل سلّمة ، لكن هوّه كده حط رجليه ع الطريق...

وفي نشوة الفرح اتهوّر وحجز امتحانين الـ Qualifying Exams 1 & 2 شروة واحدة ، والمفروض هيمتحنهم على بداية الصيف ده!

إلبس يا آينشتاين بأه... إنتا اللي جبته لنفسك!

المستشار بتاعه بتاع المعادلة بيقول له يعمل حسابه ما يقلّش عن 6 ساعات مذاكرة كل يوم ، يا إما ينسى إنه يعدّي فيهم!

إدعوله ، وباركوله :wub:

[Einstein]

جايبلكوا معايا خبر حلو... هاقوله ، وانام ، وهامخمخ ف الهاند أوفر لمّا أصحى...

قولوا لاخونا آينشتاين مبرووووووووك

الباشا نجح وأخد الشهادة الكَبيرة (بفتح الكاف)

اللي هيّه الــ Evaluating Exam... هيّه صحيح أوّل سلّمة ، لكن هوّه كده حط رجليه ع الطريق...

وفي نشوة الفرح اتهوّر وحجز امتحانين الـ Qualifying Exams 1 & 2 شروة واحدة ، والمفروض هيمتحنهم على بداية الصيف ده!

إلبس يا آينشتاين بأه... إنتا اللي جبته لنفسك!

المستشار بتاعه بتاع المعادلة بيقول له يعمل حسابه ما يقلّش عن 6 ساعات مذاكرة كل يوم ، يا إما ينسى إنه يعدّي فيهم!

إدعوله ، وباركوله :happy:

الله يبارك فيك يا زعيم

فعلا الامتحان ده كان مهم عندي جدا لان كنت هحدد الطريق اللي همشي فيه علي اساس النتيجة ،

زي الثانوية العامة كده ،

انا دلوقتي علي اول الطريق او زي ما بيقولو هنا I have got my foot in the door

عقبالك يا رب ان شاء الله :blink: ،

نحن السابقون و انتم اللاحقون :lol:

[Einstein]

ألف حمد الله ع السلامة يا دكتور تهامى...... عودة قوية بأخبار حلوة و تبعث ع الأمل

مبروك يا دكتور أنشتاين أنتم السابقون و نحن اللاحقون.....

بس إيه حكاية مستشار المعادلة دى؟؟!!

عايزين شوية توضيح

تمنياتى بالتوفيق وتحياتى للجميع

الله يبارك فيكي يا SoSoRaNy

عقبال ما نفرحلك يا رب بنتيجة امتحاناتك في الصيف الجاي ان شاء الله

مستشار المعادلة ده يبقي دكتور مصباح ، وده صاحب و مدير معهد مخصص لكورسات الاعداد لامتحان المعادلة في الصيدلة

وهو صيدلي متخرج من جامعة ساسكيتشوان و حاصل علي بي اتش دي و كان بيدرس في جامعة تورنتو

هوه شجعني اني ممكن اعدي جزأين امتحان الكواليفيكاشن مرة واحدة ، بس علي شرط اذاكر يوميا مش اقل من ست ساعات ، لان المطلوب مني في خلال تلت اشهر الم بكتاب Therapeutic Choices و كتاب Patient Self Care بالاضافة الي المحاضرات في مركز الاعداد و ممارسة التدريب العملي علي الاسئلة النظرية و العملية

كل ده المفروض اعمله و انا بشتغل فل تيم ، يعني محتاجين دعواتكو معانا في الفترة اللي جاية

تم تعديل 6 فبراير 2009 بواسطة Einstein

[SoSo R]

ألف حمد الله ع السلامة يا دكتور تهامى...... عودة قوية بأخبار حلوة و تبعث ع الأمل

مبروك يا دكتور أنشتاين أنتم السابقون و نحن اللاحقون.....

بس إيه حكاية مستشار المعادلة دى؟؟!!

عايزين شوية توضيح

تمنياتى بالتوفيق وتحياتى للجميع

الله يبارك فيكي يا SoSoRaNy :sad:

عقبال ما نفرحلك يا رب بنتيجة امتحاناتك في الصيف الجاي ان شاء الله

مستشار المعادلة ده يبقي دكتور مصباح ، وده صاحب و مدير معهد مخصص لكورسات الاعداد لامتحان المعادلة في الصيدلة

وهو صيدلي متخرج من جامعة ساسكيتشوان و حاصل علي بي اتش دي و كان بيدرس في جامعة تورنتو

هوه شجعني اني ممكن اعدي جزأين امتحان الكواليفيكاشن مرة واحدة ، بس علي شرط اذاكر يوميا مش اقل من ست ساعات ، لان المطلوب مني في خلال تلت اشهر الم بكتاب Therapeutic Choices و كتاب Patient Self Care بالاضافة الي المحاضرات في مركز الاعداد و ممارسة التدريب العملي علي الاسئلة النظرية و العملية

كل ده المفروض اعمله و انا بشتغل فل تيم ، يعني محتاجين دعواتكو معانا في الفترة اللي جاية

ربنا يوفقك يا دكتور أنشتاين و تحقق كل آمالك لحد الدكتوراة...... بس أنت إزاى بتقول مذاكرة 3 شهور و أنا على حد علمى الأمتحان مرتين فى السنة شهر 11 و شهر 3 فأنت هتدخل أى واحد فيهم؟؟؟

[moheltohamy]

حاضر يا سوسوراني...

كلّه إلاّ قفل القهوة! دا أكل عيش... بدل ما اجوع انا والعيال!

ونرش شويّت ميّه بأه أدّام الأهوة...

اتفضّلوا الكلام اللي عليه الدور... عشان نبقى نفوق للي بعده...

نتكلّم على تالت مرة أسافر فيها على تورونتو...

كان المفروض هانزل م البريمة على تالت طيّارة ، ماهو كده أحسنلي ؛ بدل ما أنزل بدري وكده كده قاعد مستني آخر طيارة توصل ، آديني آعد معزّز مكرّم في أرض العز والمخمخة والدماغ العالية ، وأنزل على آخر طيارة ه الأتوبيس وننجز. الجو يومها ما كانش باين له شمس ، وممكن جداً لو الجو قلب يلغوا الطيران ، والبس انا ف شجرة! وتطبيقاً للقاعدة 23 من قواعدنا الذهبية أنا والواد عطيّة أيّأم كلّية الظباط الاحتياط بتاعت اللعب ف المضمون (Play in the madmoon على رأي عطية!) ، خلّيت الراديو أوپيريتور ينزّلني ف التانية. ولمّأ وصلنا للأوفيس بتاعنا ف الخُبر ؛ والحاج إيهاب توفيق الـــ HR بتاعنا بيسألني هاعوز الليموزين تيجيني إمتى وتاخدني على فين. وبعد ما قلتله إني هاركب من مطار الدمام أتوبيس GulfAir ، آللي إنه بيطلع من محطة مش عارف إيه (مالهاش دعوة بالمطار خالص!)... وبعدين بآاااااه! واقترح إن الليموزين بدل ما يوصّلني للدمام ؛ يطلع على مطار البحرين أسرع وأبقى كسبت 4 ساعات ، والمشوار من الخبر للدمام ساعة ، ومن الخبر للبحرين هيّه الساعة برضو! وقد كان يا ريّس. وأحلى تظبيط يا ريّس ع الليموزين الليكزس التحفة اللي وصّلتني للمطار!

المهم ، مع بداية الرحلة ، وانا مقلّق موت... مانا شايل معايا كل ما أملك من حطام الحياة بالدولار الأمريكي ، وربنا ستر وانا طالع بيهم من مصر! كنت خايف ليقوللك بيهرّب عملة! المهم ، اللي خلاهم أفشوا الأدوية اللي كنت سايلها ف الهاند باج في مطار القاهرة ، سبحان من عماه عن الفلوس! المهم ، عدّت من مطار الدمّام ، ومطار الهليكوبتر في تناچيب ، وجيت على مطار البحرين ، ومع أوّل جهاز اللي بيجيبلك محتويات الشنط ده ، والائي الراجل اللي قاعد ع المونيتور مركّز بشكل غير طبيعي بالمرة ، وانا بقى أبسمل وأحوقل ، وبعد ما عديت الجهاز ؛ رايح أشيل الشنط ، والائي الراجل يقوللي (لحظة)! رحنا بلاش! وكلّها كام يوم واكتب (تحيّاتي من ليمان طرة!)... أتاري البيه بيقوللي أسيب الشنط عشان بيحزّموها بسيور بلاستيك متينة زيادة تأمين ، إجراء روتيني بيعملوه في مطار البحرين ، ما شفتوش في مطار تاني من اللي اتعاملت معاهم!

يا راجل... وقعت قلبي!

بعد كده دخلت ع الكاونترز اللي باستلم منها التذكرة العادية اللي انتا عارفهم دول,,, وطبعاً بنت اللي ييجي دوري معاها! وطبعاً سوشيالايزيشن للحوار ، وبقينا ولا كإننا اصحاب J بعد كده سألتها على مشوار الدولارات ده ؛ آلتلي المفروض إنك مش بتشيل مبلغ كبير معاك وانتا مسافر ، لكن هيّه ما عندهاش فكرة (تحب اسأل لك؟)... تسألي مين بس؟ قلبك أبيض. آلتلي خلاص ، أنا ما اعرفش حاجة ، وانتا معاكش فلوس وربنا يستر!

واللذيذ إن شنطة هند وزنها 23.5 كجم ، يعني – رسمي – دخلت ف الشريحة اللي بعدها. وكنت هادفعها الـــ 50 دولار الغرامة! أنا بأه شنطتي كانت 15 كجم (بالچاكيت)! والبنت اللي ع الكاونتر تقوللي ما تخافش ، مش هادفّعك! وانا ائوللها كان نفسي تدفعيني ع الشنطة المؤذية دي ، عشان الهانم دايماً ائوللها ناخد المفيد وبس ، مفيش فايدة! نفسي بجد أعرف إيه اللي جوّه الشنطة دي!

ما علينا... أدخل ع البوّابة اللي بعدها ، مفيش معايا غير شنطة اللاپتوپ ، وفيها البضاعة اللي العين عليها، وهتعدي ع السير اللي بيفتش كل حاجة! أعدّي يا عم الحاج من جهاز كشف المعادن ، وعيني ع الراجل اللي ع المونيتور ، والبيه بسلامته عينيه متنّحة ع الست اللي ماشية أدّامي! لبسها وماكياچها كانوا فلاشينج شويّتين... مصلحة يا عم الحاج... ما تعرفش ربك بيدبّرها ازّاي!

والطيّارة يا سيدي جاهزة تطلع في ميعادها... لكن ازّاي؟! نلائي الكابنت بيعلن إننا مستنيين كونيكشن فلايت (ناس هيعملوا ترانزيت في البحرين ، ويكمّلوا معانا على لندن) ، وأدّامنا بتاع نص ساعة! وبعد النص ساعة ، يعلن تاني إننا مستنيينهم يخلّصوا الإجراءات الورقية (Routine paperwork) وكمان 5-10 ق! الخلاصة ... متعطّلين 50 ق عشان البهوات ، وطبعاً مفيش تكييف بيشتغل غير لمّا الطيّارة تطلع ف الجو! أولع أنا بأه!

وعشان تكمل... البيه متشعبطلي فوق على ارتفاع 11.5 كم ، وماشيلي على سرعة 800 كم/س! المعتاد الارتفاع ما بيزيدش عن 10 كم ، والسرعة بتلعبلها في 1000 كم/س! يا فرحتي بالارتفاع!

المضيفات انجليز معظمهم ، وكذلك معظم الركاب. ملحوظة عرضية مالهاش دعوة بحاجة!

نيجي بأه لدخولي على لندن... أوّلاً أناكنت متابع من وقت للتاني المناظر برّه ، والخضرة واحنا فوق انجلترا عموماً. بس اخوك جه ع الحتّة دي ونام! اللذيذ إني صحيت على هزة ف الطيّارة ، وباقول لنفسي (يييييييه ، إحنا بدأنا المخمطة ايّاها؟) ، وبابُص من الشبّاك اللي جمبي... دي كانت ملامستنا للأرض! كان نزول حلو ومعلّم.

والكابتن بيبشّرنا بالجو برّه أخباره إيه... درجة الحرارة في لندن 6 مئوية... تمهيد يعني ومرحلة انتقالية للّي مستنيني! وانا خارج من الطيّارة (الممر اللي بياخدك من باب الطيارة لجوّه المطار) ، وبدأت أحس بالسأعة!

ما هو أخوك عمل فيها أبو اللماضة ، وهوّه قميص قطن كونكريت ، وبنطلون چينز كونكريت برضه! أنا كانت ليّا فلسفة ف المشوار ده... البرد المفروض مش هاشوفه غير مع خروجي من مطار پيرسون في تورونتو ، ودي المفروض بتاع 20 متر لباب عربيّت ديبو! ولو فُرض يعني طلبت معايا چاكيت ساعتها ؛ مانا هيكون معايا الشنط ساعتها ، أبقى أفتح الشنطة اللي فيها الچاكيت والبسه! مش ناقصة ألخم نفسي بيه في الرحلة دي اللي بتتكلّم في 24 ساعة ، وكمان نخنق الناس اللي ف الطيّارة بيه! إحم ... ماهو أصل الچاكيت ده يا معلّم كنت اشتريته من مطار چوهانسبيرج في جنوب أفريقيا ، وده مصنوع من جلد الجاموس البرّي. وده – الجاموس - من الـــ Big Five ، ودول ليهم احترامهم هناك لدرجة إن صورهم نازلة ع الفلوس بتاعتهم... مش موضوعنا دلوقتي. المهم ، وانا في مطار چوهانسبيرج لبسته ، حسّيت إنو بيقول عليا الصراحة... بيقول كتير :wub: وجيت أشمّه يابو حميد ؛ حسّيت إني آعد – لمؤاخذة – في زريبة! مش باتّريق والله خالص! زريبة زريبة بجد! ساعتها قلت يا سلام عليك يابو الچواكت ، هوّه ده الكلام... جاموس برّي فعلاً ، وما بيستحمّاش كمان! مش محتاجة خبرة عشان أصدق إنه جلد جاموسي! مستحيل أكون مخموم فيه ، ومستحيل حد يفكّر إنه مش أصلي! دانا لابس الجاموس نفسه!

بس كنت مقلّق ومحتار من حاجتين في مشوار الچاكيت ده! أولاً ، لو لبسته أو دخلت بيه الطيّارة ، علقة للناس اللي ف الطيارة وليّا ف الترانزيت! ولو سبته ف الشنطة ، وجه البوبي الحبّوب ايّاه وطبعاً الريحة دي هتجيبه من آخر الدنيا! ماهو لو ما شمّهاش يبقى بوبي سَكَّة لمؤاخذة! أو قط ومستعبط فيها وعامل كلب! ولو إن نوسي كان بيشم ريحة اللانشون الحلواني من جوّه الاكياس لو اتأخّرنا عليهم شويّة قبل ما ندخّلهم التلاّجة! كنا نلاقي الكيس اتقطّع ، ونوسي بيه نازل أكل ف اللانشون ، ولا كإننا معيّشينه في مجاعة!

ربنا يستر بأه ف المطار! ماهو لو البيه أعجب بريحة الشنطة ؛ يبقى أنا كده اتعلّم عليّا لمؤاخذة ، وهيجيلي ظبّاط الجوازات يتسلّوا عليّا ، وهيقفشوا طلبيّة الأدوية اللي مهرّبها معايا المرّادي! أستر يا رب!

شفت في صالة الترانزيت في مطار هيثرو مطعم ياباني ، عجبني أوي ولَفَت نظري فيه موضوع الاطباق اللي بتلف ع السير أدّامك وانتا آعد على كرسيك ، والطبق اللي يعجبك تاخده ، وهمّه 6 ألوان كل لون ليه سعر بيبدأ من واحد ونص استرليني لاربعة استرليني. المفاجأة بأه إن أوپشن الشوكة والسكينة والمعلقة ما كانش مطروح للنقاش هناك! همّه العصايتين الخشب دول يا عم الحاج ، وعيش بأه ، واتخانق مع الأكل براحتك ، ومشّي حالك!

طبعاً أنا رجعت بالذاكرة مارشدير لورا سنة 1999 لمّا رحت مطعم صيني مع كارولين ولانا ومارلين ، ومكانه أدّام أبو الهول ، وجه الواد الصيني يعلّمنا ازّاي ناكل بالعصيان الشلل دي! التكنيك ف الموضوع ، واللعب كلّه إنك تحافظ على الـــ Levelling بتاع العصايتين ايّاهم ، وما يلفّوش حوالين بعض! هيّه دي التركّة اللي ف الموضوع كلّه! وفعلاً أنا كده فهمت ليه اليابانيين سفيّفين وممقوتين! مانتا لمّا تيجي تاكل الرز رزّاية رزّاية... هتتنقط ، وتزهق ، وبلاها الأكل اللي يقل القيمة ده! يبقى لو عاوزين نقضي على البدانة في مصر ، نمنع ثقافة المعالق ، وندخّل ثقافة العصيان الخشب! وإن كنت أتخيل العقليّة المصرية في موقف زي ده لمّا يتنقط... هيئوم حادف العصيان على جمب ، ويئوم رافع الطبق على بؤه ، واقلب على جوّه يا عم الحاج ، وبعدها يخبّط ع الطبق من ورا ؛ عشان مافيش رزّاية تزوغ منه!

الأكل كان طعمه حلو الصراحة ، أكلت انا نودلز بالفراخ ، وفراخ مشويّة بصوص المش عارف إيه :FN: ! ولمحت البتاع الكلب ده اللي اسمه (وصّابي Wasabi) ، واللي اتدبّست فيها من سنتين لمّا رحنا مطعم صيني في سيتي ستارز في مدينة نصر ، وطلبِت معانا نطلب البتاع ده السوشي ونجرّبه! وانا ائول لهند (يا بنتي دي أكلة ياباني أصيلة ، وحتى دا فيه مطاعم في أمريكا بتاعت سوشي بس! يبقى عيب أوي إننا ما جرّبناهوش ولا مرّة! ومش معقول كل الناس بتحبّه ويطلع وحش!). من ضمن الجارنيش... كان فيه كورة خضرا كده... أنا قلت يمكن خيار مفروم أو فلفل مفروم ، وأومت هابشلي نص الكورة ، وبالشفا يا ريّس! سيخ نار من مناخيري ضارب في النافوخ يا عم الحاج ! ومناخيري سابت وعنيّا سابت وبقيت مش شايف أدّامي! (ساعات باحسدك إنك ما بتاكلش برة البيت خالص! مفيش احتمال للمفاجآت اللي زي الوصّابي ده!)

وطبعاً شويّت سمك فيليه على لحم كابوريا على جمبري ، وكلّه ني × ني! كانت شورة زرقا يوم ما نوينا نجرّب السوشي!

الواد الديب لما حكيتله ع المشوار ده قعد يدحك عليّا ويئوللي من أوّل طلعة تدخل ع السوشي ساشيمي والوصابي؟! المفروض إنها بتتاخد على مراحل يا سيدي... شويّة بشويّة لغايت ما تاخد عليه وتحبّه! زي أغاني أم كلثوم كده ، لما تلاقي إنك بتسمعها غصب عنك كل يوم لمّا تتعوّد عليها وتبتدي تحبها!

المهم... آجي أدخل ع النت واي فاي من مطار هيثرو ... بتاع 10 شبكات يا عم الحاج ؛ ولا واحدة منهم توحّد ربّنا ببلاش! بلاها نت يا سيدي خالص! تحس إن العالم الانجليز دول سناكيح! دا كل المطاارات اللي عدّيت عليها كانو سايبين فيه واي فاي ببلاش! ما عدا العالم الجلدة دول!

آجي أتصل من تليفونات المطار (اللي بالكريديت دي) بمصر أطمّنهم عليّا... مش نافع خالص ، أدخل على خدمة العملا ، بسلامته يقوللي البلد دي ما اقدرش أوصّلك بيها! طب ينفع كندا يا عم الحاج؟ آه طبعاً! ماشي! اللهم لا اعتراض!

جيت أشحن اللاپتوپ هناك (مانا ساعات دماغي بتفصل... في طيارات إير كندا فيه فيشة كهربا!) ، مش نافع أدخّله في السوكيتس اللي عندهم! ولمّا نفعت مرّة ، مفيش كهربا! ولمّيت العدّة ومشيت ، عشان ألحق الطيّارة كانت خلاص فتحت البوردينج. وانا ف السكّة أكتشف إني مش لاقي الماچيك چاك! مانا كنت طلّعته من شنطة اللاپتوپ قبل ما أخرّج اللاپتوپ نفسه عشان أشحنه. رجعت هوا (كان عدّى 3 دقايق) ، اختفى الماچيك جاك!

أسأل العيال اللي ف المحل اللي كنت آعد أدّامه... محدّش شاف الماچيك چاك يا جدعان؟ محدّش ساب حاجة يا بيه! (طبعاً كل ده بالانجليزي)! والواد اللي ع الكاشيير يئوللي روح للسيكيوريتي بتاع المطار! أروح للبهوات السيكيوريتي أسأل واحد منهم يئوللي لف من هنا ، وروح الناحية التانية فيه كاونتر بتاع سيكيوريتي اسألهم! ألف يا عم الحاج ؛ أتاريني دخلت في طابور الناس اللي لسّه داخلين المطار! والهانم السيكيوريتاية تئوللي ائلع الجزمة! يا ست الحاجّة دانا بآلي بتاع 4 ساعات ملطوع هنا ، ولسّه يا دوبك لافف من هناك! ودي (سوري ، يو هاف تو تيك أوف يور شوز!) يمين شمال مفيش فايدة! عارف الدماغ الانجليزي لمّا تتغابى... إنسى... جزمة كلاركس!

المهم ، أرجع تاني للواد بتاع المحل ، وائول له فين يا عم الكاونتر ده؟ آم سايب المحل بتاعه ، وجه معايا لنفس المكان! وانا ائول له خللي بالك... هيأللعوك الجزمة! ويتكلّم هوّه مع الست الريّسة بتاعتهم ، وهيّه تئوللي (أدخل من الطابور ده ، واسألهم ع الكاونتر اللي جوّا ، بس لازم يكون معاك باسبورك عشان هيبصّوا عليه وانتا راجع تاني)! واسألها... (فينا من ألع جزم؟) ، ودي تبتسم ، وتئوللي (ما تخافش ، مش هاخلّيهم يألّعوك)!

م الآخر... خلاص ... اللي راح راح :cry:

وبعدها أجري ع الطيّارة بتاعت إير كندا ؛ وابص ع اللوحة الإرشادية بتاعت المواعيد والبوّابات ؛ ألائيهم كاتبينلي Flight Closing! ماهي المصائب لا تأتي فُرادى! وآخدها جري يا عم الحاج ، والمطار بالصلاتو ع النبي إيييه... بتاع 20 فدّان! حاجة مُلك! وعلى بختي النحس بعد ما أوصل للبوابة 28 ومستني بعدها البوابة 29 اللي هاركب منها... ألائي بعدها 30! يادي الغلب! ماهي ناءصة أصلها... أروح أسأل بت سيكيوريتاية... أمّال فين اسم النبي حارسها 29؟ ودي تئوللي ارجع تاني! البهوات عاملينلي سربريز ومخبيينها قبل البوابة 26! ليييه؟! الدماغ الانجليزي بأه!

وانا داخل ع البوّابة باسأل الست السيكيوريتاية اللي هناك (أنا ازّاي عدّيت عليها وما لمحتهاش؟!) ، ودي تدحك وتئوللي مش لوحدك... الكل بيتخم فيها! طيب ... متشكرين! :blink:

اللذيذ بأه إن طيّارة إير كندا طلعت بدري عن ميعادها ربع ساعة! ما اعرفش بأه هل كان الركّاب كلهم وصلوا وبقت يوزليس إنهم يستنوا؟! ولاّ إيه السبب؟! وكمان وصلنا بدري ساعة عن ميعادنا يا ريّس!

واللذيذ بأه... اللي اتمنّيته لئيته! محدّش كان آعد ع الكرسي اللي جمبي يا ريّس! يعني هنفرد نفسنا وهندّيها نوم يا سيدي فترة التمَن ساعات على وصولنا كندا! وشفت فيلمين واحد ع اللاپتوپ ، والتاني ع المونيتور اللي في ضهر الكرسي!

اللذيذ إننا لئينا الست رئيسة المضيفات بتبشّرنا إن الجو في تورونتو -15 لمّا نوصل! جميل جداً الكلام ده! عموماً ، أنا ف البرّيمة كنت كل ما افتكر الجو في كندا ، أروح فاتح فريزر اللحوم واقعد جوّاه شويّة! كان ساعات بيوصل لـــ (-22) ، وانا ائول لنفسي مسيري هاشوف الألعن من كده... كلّه تدريب هينفعنا أدّام!

شويّة كمان... ألائيها بتعلن... معلش يا حضرات... إحنا مساهمتن مننا في الحفاظ على البيئة ، وتقليل التلوّث... مش هندّيكو سمّاعات ، واللي عاوز يسمع أغاني أو أفلام ع المونيتور اللي أدّامه ؛ يستعمل سمّاعته الخاصة! وعموماً ، اللي معاهوش سمّاعة يئوللنا واحنا نجيبلُه! طبعاً إحساساً مني بالمسئوليّة ، وحرصي على المشاركة الإيجابية الفعّالة ، وتقديراً مني للتلوّث اللي هيدمّر البيئة ، ورغبتي في حماية المجتمع والناس من الآثار المدمّرة لاستخدامي لسمّاعة هيدفون من إير كندا... لما المضيفة عدّت عليّا تدّيني سمّاعة ؛ شكرتها ، وأولتلها (ثانك يو ، آياف جوت ماين!)

وطبعاً الوجبة الاسبيشيال بتاعتي (حلال) بتجيلي بدري ، وملزوق عليها استيكر بالمكوّنات المستخدمة في تحضير الأكل!

طبعاً طيران الخليج أكلها حلال ، فاخدت فراخ! إير كندا - كالمعتاد - استعبطوا وعملوهالي نباتي! مفيش فايدة!

نيجي بأه لدخولنا ع المطار... فيه كارت بتملاه وانتا ف الطيّارة بتكتب فيه بآلك أد إيه برّه كندا ، ولو معاك أسلحة أو مواد غذائية أو فلوس فوق الـــ 10 تلاف دولار كندي! أنا علّمت على الأكل والفلوس! وانا داخل على أخينا بتاع الجوازات طلب الپاسپور والپي آر (كارت الإقامة الدائمة) ، ولا ختم دخول ولا بتاع! بس سألني عن الفلوس اللي معايا ، وإيه الأكل اللي معايا! أولتله عارف الكارداموم (Cardamom الحبّهان يعني م الآخر)؟ وده يسألني (وده إيه ده؟!)... العالم دي مالهاش ف الانجليزي على ما يبدو! أولتله دي حبوب كده بنحطّها على شوربة الفراخ عشان تدّيها نكهة حلوة! وده يسألني (يعني فيها فراخ؟!)... يا سيدي لأ! عارف المستكة (Arabic gum)؟ آللي آه... يا فرج الله! أولتله آهي حاجة زيّها كده! آللي أوكيه!

نزلت طيران على تحت ألحق الشنط قبل ما ييجي البوبي الحبّوب وينقر الچاكيت! وفعلاً أنجزت وأخدتهم! وانا خارج م المطار بأه – عكس كل مرة – الراجل يبص ف الكارت اللي متعلّم فيه ع الفلوس والنباتات (البيه بتاع الجوازات ما علّمش عليه علامة صح كبيرة!) ، ويئوللي اتفضّل ع الجمارك!

دخلت يا سيدي... وبادعي يا رب يوعدني ببنّوتة حلوة كده تمشّي أمورنا! مانا عارف الرجّالة دايماً بوزهم فقر! لكن تكملةً لمسلسل النحس... ألائي واحد اسود من آخر الصالة بينده عليّا... أوّل القصيدة!

البيه فتح الشنطتين اللي معايا ، وفتح كمان شنطة اللاپتوپ! ولمّا جيت أورّيه النباتات اللي معايا (حتت كيس نونو ما يجيبش 50 جم!) ، يئوللي (لو سمحت شيل إيدك من الشنطة ، وانا هافتّش بمعرفتي!) wst:: ... الوش البلاستيك إيّاه! آدي اللي بناخده م الرجّالة يا سيدي!

وطبعاً فتح كيس المجوهرات... قصدي كيس الأدوية اللي فيه كل ما لزّ وطاب! ويسألني دول يطلعوا إيه؟! أبداً شويّت أدوية! معاك روشتّة باستخدام الأدوية دول كلّهم؟! وانا ... لازم نشغّل الاسطوانة المشروخة ايّاها (ف الواقع لأ... بس أنا لغايت دلوأتي ما عنديش تأمين صحّي – كدّاب طبعاً – ولو تعبت ولاّ جرالي حاجة هاتبهدل! وانا أصلاً طبيب ؛ فجبت معايا شويّت أدوية للاستخدام العام). المهم ، الراجل كبّر دماغه ، وعدّت على خير!

جينا بعد كده للفلوس... إتفضّل يا سيدي الفلوس آهيه... لازم يعدّهم! يا سيدي وعلى إيه ، مانا أولتلك اللي فيها! وده... النظام هنا كده... طالما فيه فلوس ؛ يبقى لازم تتعد! وراح جابلي المشرف بتاعه (عشان يكون شاهد مثلاً) ، وسالوني الفلوس دي جايبها منين... طبعاً هند موصياني... بلاها الصراحة ف الحتة دي بالذات! أصلي بعت عربيتي وصفّيت حاجتي في مصر ، وراجع عشان أستقر بأه ، فجبت كل اللي حيلتي!

البيه المشرف سألني عربيتك نوعها إيه؟ أولتله رينو ميجان. وده يئوللي عارفها! أومت آيلله عارفها منين؟ دي فرنساوي ، وانتو بلدكو دي أصلاً مافيهاش فرنساوي! بعد كده سألني (هوات موديل؟) ، ما سمعتش! أولتله (إكسكيوز مي) ، آم آيللي (سانا كام؟)!!! يابن اللزينا... يو أنضرستاند أرابيك؟! وده يدحك ، ويئوللي طبعاً ، يو كان نوت تشيت مي! وبعد كده (چاصت كيدينج)! كان نائص يئوللي (سبع لغات وامّهم!) :lol:

المهم ، كتب ورقة بالمبلغ اللي معايا ده ، ومضيت عليها. وباسأله بعد كده ، المفروض فيه ضرايب أو مصاريف هادفعها عشان معايا الفلوس دي؟ آللي لأ طبعاً ، دي فلوسك انتا ، احنا كل الموضوع إننا لازم نبلّغ بيها البنك المركزي طالما مبلغ كاش داخل البلد! طيب محتاج أبلّغ الضرايب؟ وبسلامته يئوللي... ما تشغلش بالك... إحنا هنبلّغهم! :blink:

المهم... خلصت من الجمارك أخيراً ، وخرجت للحرّية!

تم تعديل 8 فبراير 2009 بواسطة moheltohamy

[SoSo R]

أيوة كدة يا دكتورنا العزيز... هو دة الشغل

بس يعنى هو كان لازم نداءات و حركات عشان تعبر الجماهير الغفيرة

بس بصراحة الهاند أوفر جه فى وقته لأن الواحد حالته المعدنية فى الحديييييد والنفسية تعبانة أد ما تأول

فأنت كالعادة جيت خففت ع الواحد و رسمت بسمة....ربنا يكرمك بجد يا دكتور و يجازيك ع الخير اللى بتعمله

مع شكرى و أحترامى :lol:

[kaplan]

هو ده الكلام يادكترة

التهامى راجع وبقوة :lol:

مااخدتش اى فيديو او صور من الطيارة ياكبير؟

تم تعديل 8 فبراير 2009 بواسطة kaplan

[SoSo R]

أنا كنت معدية من هنا فقلت أسلم....

صباح الخير لكل الناس اللى فى مصر و الخليج....يعنى اللى فى نواحينا

و سويت دريمز لأخواتنا اللى فى كندا اللى زمانهم بياكلوا رز مع الملايكة دلوقت...ربنا يسعدكم زى ما بتسعدونا ... ولو إن فى ظاهرة من البخل أبتدت تظهر يعنى كل واحد فيكم داخل يحكى عن الصور و جمالها و ما شفناش حاجة فى الآخر....دة كدة أسمه نظام تحنيس...و بعدين باشمهندس إيهاب كان دايما سابق بخطوة فى موضوع الصور...إيه اللى حصل بأى؟؟؟

أما بالنسبة للدكتور تهامى فمسيره يرجع يشرف جمبينا هنا على دكة الآحتياط فى الشتا اللى أتحول بأى صيف فجأة وكل الناس بأت عيانة بسببه وساعتها ما حدش هيسيبوا فى حاله...بس طبعا أنا مقدرش أوجهله أى ريكوست حاليا بعد الأستجابة السريعة و الرائعة جدا السابقة..إلا بالحق يا دكتور دى كام صفحة وورد؟؟ :)

تم تعديل 10 فبراير 2009 بواسطة SoSoRaNy

[ايهاب سالم]

أنا كنت معدية من هنا فقلت أسلم....

ربنا يسعدكم زى ما بتسعدونا ... ولو إن فى ظاهرة من البخل أبتدت تظهر يعنى كل واحد فيكم داخل يحكى عن الصور و جمالها و ما شفناش حاجة فى الآخر....دة كدة أسمه نظام تحنيس...و بعدين باشمهندس إيهاب كان دايما سابق بخطوة فى موضوع الصور...إيه اللى حصل بأى؟؟؟

اللي حصل ان التصوير تم بكاميرا تهامي

وتهامي محتجزهم

ولا حتى بعتهم لي ع الايميل زي ما وعدني

رغم انه نجح اخيرا في امتحان السواقه امبارح

لكن برضه مش عايز يفكها ع العالم

[ايهاب سالم]

رغم انه نجح اخيرا في امتحان السواقه امبارح

يا جماعه

تهامي حقق انجاز غير مسبوق

نجح امبارح في امتحان السواقه G2 .....

صحيح انا سقطت فيه مرتين .... لكن عادي يعني :)

الجديد انه نجح النهارده في امتحان G

اول مره اشوف حد يدخل الامتحان التاني بعدها بيوم

انا انتظرت 8 اشهر يا افنديه

ده مش حسد و لا حاجه

ده حقد بس :sad:

انجاز تاريخي ... و لا اروع ... و لا اجمل ... و هاتها م الشبكه يا هشام ;) (احنا التلاته فاهمين)

عموما تهامي راح يحلق و هيرجع يكمل الهانداوفر

و ينزلنا الصور الجملي :happy:

انا بقى عملت انجاز اكبر من تهامي في مصر

انا نجحت في امتحان السواقه في مصر قبل ما والدي يعلمني السواقه ... :lol:

والدي كان له نظريه ...

قال لي انت الاول تاخد الرخصه و تحطها في جيبك و بعدين اعلمك السواقه على راحتي عشان محدش يقدر يكلمك و انت بتتعلم

تم تعديل 10 فبراير 2009 بواسطة ايهاب سالم

[حسام يوسف]

من يوم الجملة اللى قالها مرة فى الهاند أوفر بتاعة بتاعة جيم المعرفش اية وفجأة بتلاقى اشارة واللعبة الكل بيقف هنا

مش فاكر قلتها امتى يا عم تهامى

بس من يومها قلت الحاج تهامى دة مش سهل أبدا

أمال اية؟

جينات المنصورة برضة يا جماعة

مبرووووووووووووووك دكتورتهامى

وشكرا يا عم ايهاب ع الأخبار اللى اول بأول دي

[moheltohamy]

فينك يا دكتورنا الحبيب .... لسه بقية المغامرة يا باشا ..... و بعدين فين الجزء بتاعي ده أنا مستنيه من زمان :happy:

د. هشام الحبيب

و الله مشغول على الأخر فى موضوع العودة النهائية...

أنا بأحاول أظبط الصورة بتاعتنا مع بعض عشان الناس تشوفك...بس مش عارف... يبدو ان السويتر بتاعك كان كبير شوية.....ماليش دعوة...

اخوانى...أخواتى...قريبا لأول مرة على الفضائيات الشامى و د. هشام...صورة اكسلكوسيف...

تحياتى

طبعاً احتراماً لأسبقيّة الحجز... ولغلاوة د. الشامي :lol:

تعلن قهوة التهامي هورتونز عن سبق صحفي في مجال المحاورات ، حيث استطاع قناصو القهوة التقاط عدة صور على حين غفلة لدكتور هشام ابراهيم... وآخرون!

طبعاً واقفين أدّام القهوة الملاّكي بتاعتي :sad: ، و د. هشام ع اليمين ، بيتكتك في عز البرد ؛ بعد ما د. الشامي أخد السويتر بتاعه عشان يديّقه... وإيهاب سالم طبعاً معروف من زمان ، وعشان كده واقف ف النص بين القوسين... أعتقد معروف ضمناً مين التالت! :)

طبعاً كنا رايحين فرع القهوة في ميلتون ؛ عشان نعدّي على البيت بتاع إيهاب سالم الفخم اللي اشتراه هناك ، ودفع فيه دم ألبُه!

الصورة هننزّلها طبعاً ؛ بس بعد ما نبخّر البيت عشان الحسد... وعينين الناس اللي بقت وحشة أوي اليومين دول! ;)

معلش يا زعيم... سامحني... بس الديّانة وائفين ع الباب... ومحتاج قرشين! وانتا عارف... السوق ما بيرحمش... والزباين قليلين ع الأهوة بتاعتي بقالهم زمان!

[SoSo R]

أولا: ألف مبروك يا د/ تهامى على كل الأخبار الحلوة

ثانيا : الصورة دى أتضحك بيها علينا لأنها صغيرة و مش واضحة

يلا هييييييه الجودة بالموجود.... دنيا

[دعاء]

:)

الف مليون مبروك يا دكتور تهامى على الرخصة G وعقبال العربية

وسعيدة بلقاء كل الافاضل ( دكتور هشام والمهندس ايهاب والدكتور تهامى ) وربنا دايما يجمعكوا على خير

كان فاضل بس الدكتور الشامى وفعلا يبقى لقاء السحاب بجد

على العموم ان شاء الله ملحوقة ودايما اجتماعكم يكون نعم الدليل على تآلف المصريين فى الغربة ببساطة وبدون تعقيد

بارك الله فيكم جميعا اخوانى الافاضل

[د هشام ابراهيم]

رغم انه نجح اخيرا في امتحان السواقه امبارح

يا جماعه

تهامي حقق انجاز غير مسبوق

نجح امبارح في امتحان السواقه G2 .....

صحيح انا سقطت فيه مرتين ;) .... لكن عادي يعني

الجديد انه نجح النهارده في امتحان G

اول مره اشوف حد يدخل الامتحان التاني بعدها بيوم

انا انتظرت 8 اشهر يا افنديه

ده مش حسد و لا حاجه

ده حقد بس md2:

انجاز تاريخي ... و لا اروع ... و لا اجمل ... و هاتها م الشبكه يا هشام ;) (احنا التلاته فاهمين)

:lol: :sad:

و جول و جول و جول و جول

الصراحة يا هيد كوتش هشام ما يقدرش يقول كلمة :happy:

ألف مبروك يا عم الحاج الدكتور تهامي ... الراجل ده دخل التاريخ يا جماعة :)