كندا التي رأيتها :)

[د هشام ابراهيم]

ألف مبروك يا أينتشتين باشا .... إن شاء الله نسمع دايما كل خير عن حضرتك

:D

الله يبارك و يكرمك يا رب يا دكتور هشام wst::

بصراحة حضرتك شمعة تحترق من اجل الاخرين

مش قادر اتخيل ازاي بتلاقي وقت لمشاركاتك القيمة و الغنية في اكثر من موضوع

هل يا تري كان ممكن تلاقي نفس الوقت ده ايام ما كنت لسه بتذاكر للكواليفينج وبتشتغل في نفس الوقت ؟؟

ولا الموضوع امكانيات و اختلافات فردية

انا مش بحسد ولا حاجة md2:

انا بقرررر :D

;) :o

الله يخليك يا دكتورنا العزيز كلام حضرتك و ثنائك علي شخصي الضعيف أسعدني حقا ... الحقيقة اني دايما باحس اني مديون لربنا و فك ديني إن اساعد الناس علي قد ما أقدر و ربك المعين :)

[د هشام ابراهيم]

......

والله عمّال أجمّع لكو في صور وحاجات لمّا خلاص اتفضحت ف البلد!

استنّوا بأه لمّا نشوف هنبات فين ف البلد دي!!!

ولو اتوصّيت يا حسام ف الهاند أوفر ؛ مش هيتفتحلي باب فندؤ أبات فيه الليلادي! :D

آل بيقولولي 150 دورار بلاص تاكسيز! ومن غير حتى شندوتش فول!

مانا شكلي هندي بأه!!! wst::

.......

أوعي ده يكون تأثير الأخوة جمال و سليم ماليك يا تهامي يا أخويا :o md2: ;)

[bent misr]

أهلا أهلا أهلا يا تهامي يا اخويا

فينك من زمان و فين حكاويك الجديده

أكيد في مغامرات جديده و شيقه في السفريه الاخيره دي :D

والله منور في الصوره انت و م/ ايهاب و د/ هشام

وتتجمعوا في الخير دائما يا رب و عقبال ما نكون معاكم

ونبقى عزوه في كندا متهيقلي ماحدش هيقدر يكلمنا

بعد كده md2:

هنضطر نصبر عليك لما ترجع بالسلامه و تحكيلنا بالصور

عن رحلتك , ماحدش هيقدر يطلب منك حاجه دلوقتي

هنعمل ايييييييه ادينا صابرين ;)

وسلامي لمدام هند wst::

[the doors]

مساء الخير:

جميعا the doors is pink floyd

مساء الخير دكتور تهامى - ايها ب باشا - و المحترم دكتور هشام

و حبيبى تورنتو

حشوفكم جميعا ان شاء الله

و سلامى لكل من مدام جيهان - و المحترم و الذى افاد كثيرين وهو هادى و العزيز وجدى

أ. حازم - هو مش بيت كلب - ده بيت اطفال يافندم وشكرا

[Princesse]

يا دكتور تهامي غيبتك طولت اوي، على العموم اتمتع بكندا برحتك

أحب اقول لأستاذ إيهاب الف مبروك على البيت الجديد، ربنا يزيدك، انت تستهال كل خير

وعقبالك يا تهامي لما تستقر في كندا

قد ايه فرحت لما شفت صورتكم انتم التلاتة على المنتدي، ايوة كدة المصري لازم يكون سند للمصري في الغربة

الواحد بيفرح لما بيعرف ان المصريين ناجحين برة وعقبال ما ينجحوا جوا

بس الي يصعب على الواحد لما يقابل واحد مصري مش عارف يكلم كلمة عربي

[د هشام ابراهيم]

الافاضل بنت مصر و the doors و princesse جزاكم الله كل خير علي كلامتكم الرقيقة .... بالنسبة لمخاوف السيدة الفاضلة princesse فهي في محلها و علشان كده لا نمل من تكرار إن دور الأبوين محوري في الحكاية ديه ...اللغة و الدين .... مجهود مضاعف و متابعة و تدقيق لا يكل و لا يمل .... مش بس في كندا بس أكيد زيادة .... انما في الاول و الأخر " انك لا تهدي من أحببت و لكن الله يهدي من يشاء "

[SoSo R]

حبيت أوزع إستكانة شاى عقبال ما صاحب القهوة برجع بالسلامة

جات لى من كام يوم مريضة أمريكية من تكساس بتسألنى على دوا وهى واقفة معايا بتتكلم جه واحد من إياهم بيدخن سيجارة و ينفخ فى وشنا الدخان إنسان مش محترم بالمرة...

أولت له من فضلك أطلع أطفى السيجارة و أرجع أسال على اللى أنت عايزة

طبعا طلع وهو متأفف وبيبرطم ....ساعتها الست الأمريكية بتبصلى و تقول إزاى يدخل صيدلية وهو بيدخن؟؟ دى زى المسنشفى...فى بلدى(هى اللى بتقول) الناس اللى بيعملوا كدة بيدخلوا السجن

(عديها المرة دى(

وأنا أصلا ما بقدرش أتنفس لما باشم الدخان....وكدة يعنى

ساعتها علطول أفتكرت السينسورز بتوع أخونا التهامى الله يمسيه بالخير و يرجعهولنا بالسلامة

تمت

[Princesse]

الافاضل بنت مصر و the doors و princesse جزاكم الله كل خير علي كلامتكم الرقيقة .... بالنسبة لمخاوف السيدة الفاضلة princesse فهي في محلها و علشان كده لا نمل من تكرار إن دور الأبوين محوري في الحكاية ديه ...اللغة و الدين .... مجهود مضاعف و متابعة و تدقيق لا يكل و لا يمل .... مش بس في كندا بس أكيد زيادة .... انما في الاول و الأخر " انك لا تهدي من أحببت و لكن الله يهدي من يشاء "

مع حضرتك حق يا دكتور هشام في كل كلمة، في اي مكان دور الاب و الام حاجة مهمة سواء كندا او حتى في مصر خصوصا بعد ما بلدنا اصبحت مفتوحة على العالم كله بالاضافة الي اننا بنأخد من الغرب اسوأ ما فيه.

في سوأل ديما بسأله لنفسي بس مش لاقية ليه اجابة: ليه الناس هناك محترمة ومتربية واسلوبهم في التعامل راقي بالرغم انهم مش متدينين؟

وليه احنا في بلدنا المساجد و الكنائس زحمة بس الشتيمة عندنا حاجة سهلة، والناس اسلوبها مش كويس؟ ليه فقدنا القيم الجميلة الي اتربينا عليها؟ احنا ايه الي وصلنا لكدة؟ ولو كل الناس الكويسة في البلد هاجروا مين هيفضل فيها؟

ياترى حضرتك والدكتور تهامي او اي حد هاجر عنده الاجابة؟

[د هشام ابراهيم]

ونعم بالله يادكتور. بس لازم كلنا نبقى عارفين وفاكرين ان (كلكم راع وكل راع مسئول عن رعيتة) صدق رسول الله صلى الله علية وسلم.

مع حضرتك حق يا دكتور هشام في كل كلمة، في اي مكان دور الاب و الام حاجة مهمة سواء كندا او حتى في مصر خصوصا بعد ما بلدنا اصبحت مفتوحة على العالم كله بالاضافة الي اننا بنأخد من الغرب اسوأ ما فيه.

في سوأل ديما بسأله لنفسي بس مش لاقية ليه اجابة: ليه الناس هناك محترمة ومتربية واسلوبهم في التعامل راقي بالرغم انهم مش متدينين؟

وليه احنا في بلدنا المساجد و الكنائس زحمة بس الشتيمة عندنا حاجة سهلة، والناس اسلوبها مش كويس؟ ليه فقدنا القيم الجميلة الي اتربينا عليها؟ احنا ايه الي وصلنا لكدة؟ ولو كل الناس الكويسة في البلد هاجروا مين هيفضل فيها؟

ياترى حضرتك والدكتور تهامي او اي حد هاجر عنده الاجابة؟

الأفاضل سامح باشا و Princesse متفق معكما تماما في وجوب الاخذ بالاسباب و بذل أقصي ما في وسعنا و أحيانا أكثر كمان ... انما سواء في تربية الأطفال أو أي أمر أخر لا توجد محصلة مضمونة ....أنا أريد و أنت تريد و الله يفعل ما يريد

بالنسبة لتساؤلاتك سيدتي أعتقد إن غياب شق "الدين المعاملة" عن ضميرنا الجمعي أوجد تلك الحالة التي تفضلت بالشكوي منها .... كيف وصلنا لتلك الحالة قد يجرنا لنقاش جدلي لا أجد جدوي منه .... الأنفع هو محاولة إيجاد حلول سواء علي المستوي الشخصي أو الجماعي .... تقبلي تحياتي و امنياتي الطيبة لكي و لاسرتك الكريمة

[DrGM]

ياللهول ... اخيييييييييييييييييييييييييييييييييييييييييييييراً !!!!

قرأت 121 صفحه في اربع ايام يا عالم يا هوو !!!!!

بجد كتاباتك للهاند اوفر اكتر من رائعه يا دوك ... وليا تعليقات متتابعه هبقا اكتبها ...

بس تعليق سريع ملوش اي علاقه بالكتابه نفسها .... الطياره مفهاش مكيفات ...

الطياره بتاخد الهوا البارد من برا (درجه حراره -60 و -70) بيعدوه على المحركات (يحصل تبادل حراري) ويدخلوه على الكبينه ساخن (نسبه لما كان عليه) ... يعني نظام تهويه مش اكتر بس متتطور شوية :)

تحياتي

[Princesse]

الأفاضل سامح باشا و Princesse متفق معكما تماما في وجوب الاخذ بالاسباب و بذل أقصي ما في وسعنا و أحيانا أكثر كمان ... انما سواء في تربية الأطفال أو أي أمر أخر لا توجد محصلة مضمونة ....أنا أريد و أنت تريد و الله يفعل ما يريد

بالنسبة لتساؤلاتك سيدتي أعتقد إن غياب شق "الدين المعاملة" عن ضميرنا الجمعي أوجد تلك الحالة التي تفضلت بالشكوي منها .... كيف وصلنا لتلك الحالة قد يجرنا لنقاش جدلي لا أجد جدوي منه .... الأنفع هو محاولة إيجاد حلول سواء علي المستوي الشخصي أو الجماعي .... تقبلي تحياتي و امنياتي الطيبة لكي و لاسرتك الكريمة

د"]دكتور هشام احب اشكرك جداا على ردك ومعك كل الحق لازم كل واحد يبدأ بنفسه حتى نفخر جميعا بأننا مصريين.

على فكرة يا دكتور كلمة سيدة دي بتخليني احس اني عجوزة،. فقولي اميرة يا دكتور من غير رسميات لاننا كلنا في المنتدى اصدقاء و اخوات

ممكن تسمحوا لي احكي عن موقفمهم في حياتي

في بداية حياتي العملية أول ما اتخرجت من الكلية، كنت لسة لم استلم شهادة الجامعة المؤقتة، كنت بشتغل في بازار بردي. في يوم دخل فوج كبير من السياح عرفنا انهم من كندا و بالتحديد كيبيك ...كان من ضمن السياح طبيب قلب كبير مصري مهاجر لكندا، اتكلمت معاه و حكي ليه انه كان في مدرسة فرير الظاهر وانه في رحلة مع المرضي بتوعه لمصر علشان ياخدوا فترة نقاهة و سألني عن درستي و كمان عن مرتبي افتكر انه قالي: انتي لازم تيجي كندا هناك المستقبل..وطلب مني اني افكر في كلامه

الانسان دا بجد غير حاجات كتير فيا بعدها بكام اسبوع تركت الشغل والتحقت بالدرسات العليا في الكلية وبعدين لما اشتغلت طلبت نقلي للقسم الكندي في الشركة

يمكن لحد دلوقتي لسة لم اخذ قرار الهجرة لاني بنت ولاني لسة مش عارفة اعيش بعيد عن مصر..

بس لو في يوم من الايام هيكون عندي اولاد هل هقدر اربيهم كويس واعلمهم كويس زي الدكتور هشام ما بيقول؟ هل التعليم في مصر هيخليهم يكونوا زي الدكتور الي انا قابلته؟ هل انا نفسي بعد ما اوصل سن المعاش هلاقي الرعاية الطبية زي ما بيحصل في كندا؟

كلنا في المنتدى هنا بنجتمع على الهاند اوفر بتاع دكتور تهامي، بنستناه بفارغ الصبر لانه بيكلمنا عن شئ كلنا من داخلنا بنتمناه، شئ محرومين منه، بيكلمنا عن احترام الانسان، عن النظام، عن الجمال، عن الحرية، عن النظافة، عن الجدية، وعندما اقرأ كلام الدكتور تهامي بحس اني مسافرة عبر كلماته الي بلد لم تطئها قدمي بعد..خلتني مهوسة بكندا و بالهاند اوفر يا دكتور محمد

[د هشام ابراهيم]

على فكرة يا دكتور كلمة سيدة دي بتخليني احس اني عجوزة،. فقولي اميرة يا دكتور من غير رسميات لاننا كلنا في المنتدى اصدقاء و اخوات

:wub:

حاضر يا أميرة باشا سموك تؤمري ;)

الموقف اللي حضرتك حكتيه عن الطبيب الكندي أعتقد إن الكتير مروا بتجارب مماثلة له ... مش شرط طبعا نفس التفاصيل .... موقف حياتي يخلي الواحد يراجع حياته و أتجاهه و مواقفه ..... ربنا يصلح لنا الحال جميعا

[Princesse]

دكتور تهامي وحشتنا، كل يوم ادخل المنتدي واشوف يمكن تكون كتبت حاجة

كلنا مستنين حكاياتك عن اخر زيارة

بجد من التعامل مع الكنديين ومن الحكايات الناس في المنتدي، حبيت كندا قبل ما اشوفها

الناس هناك بجد اسلوبها راقي اكتر من الاوربيين بكتير

اول ما اشتغلت مع الشركة الكندية هنا في مصر، كانت ساعات كتير بتقابلني مشاكل عملاء وكنت لازم اصعد ال case

لقسم المهندسيين (وكلهم اصلا في كيبيك) كنت جديدة وساعات كنت بسأل اسئلة عبيطة و سخيفة وطبعا كنت بغلط :oops: بس الناس هناك كويسين جدا كانوا يشرحولي ويفهموني وعمر ما حد فيهم احرج أي حد فينا..

وفي مهندس هناك كتب للموظفين المصريين شكر على جروب بتاعنا على الفيس بوك كانت لمحة بسيطة بس كلنا اتبسطنا لما شفناها...يمكن الي بحكيه يكون شئ عادي بس بجد اثر في

في كيبيك الناس لذيذة يموتوا في الضحك والهزار، وطيبين بيكلموا عن حياتهم الشخصية عادي كدة. وفي وقت الغضب md2: مفيش بجد اي حد بيشتم ولو شتم بيشتم الشركة مش الشخص الي بيكلمه

وساعات كتير كان في عملاء بيتصلوا ويعيطوا علشان عندهم مشكلة، ساعات بيكون الغلط من الشركة والعميل يعيط و يترجاني احل المشكلة، أو مثلا مش عارف يستخدم الكمبيوتر يقوم معيط :cry: ،مشاعرهم رقيقة اوي..

والغريب كمان هناك انهم بيستعينوا بالجيران، زينا هنا في مصر بالظبط ويمكن دي حاجة مش موجودة في اوروبا

يعني الجارة ممكن تروح تتصل من تليفون الجيران، او تستلف كمبيوتر الجيران عادي أو حتى يتصلوا علشان الجيران عندهم مشكلة و تسأله طب انت مالك بتتصل تحل مشاكل الجيران ليه خليك في نفسك.

أما عن العرب بصراحة هناك ناس زي العسل (معدا واحد كان من اصل مغربي كان عنده مشكلة جامدة بصراحة وعنده حق فيها وكان عصبي :) وقال كلام في الشركة مش المفروض بنت تسمعه)

ايوة طبعا في كلام مش المفروض سيدات يسمعوه، طبعا في كندا بيعملوا النساء كأنهم قطعة من البسكوت يخافوا عليها تتكسر، اسلوب الحوار والكلمات راقية..اظن السيدات هنا حاسين بالمعاناه الي بنعيشها كل يوم في شوارع القاهرة

هناك في ثقافة اسمها "شكرا" اقصد اقول: يعني لو عملت حاجة كويسة في الشغل والعميل الكندي اتبسط من شغلك بيطلب

يبعت جواب شكر للمدير بتاعك، ولو المدير او قسم المهندسين مبسوطين من شغلك بيبعتوا ايميل شكر ومدح في شغلك

طبعا في مصر نادر جداا لما يحصل دا لانه ببساطة مش في ثقافة شعبنا

في كندا ممكن تفقد وظيفتك علشان غلطت بس في مصر تفقدها علشان اعترضت

شئ محزن لما تلاقي المصري ابن بلدك هو الي يجي عليك ويأكل حقوقك ويهينك ويقولك الباب مفتوح استقيل وانا تاني يوم اعين عشرة زيك..الكندي الغريب يقولك انت على حق ودافع عن حقك، ويحترمك ويقدرك ويخلي المعنويات عندك في السما و يقولك لو هاجرت مكانك في الشركة في كيبيك موجود

كل يوم في الشغل على مدي سنة ونص كنت بعيش الفرق بين البلدين مصر و كندا

دكتور تهامي استغلين غيابك واخدت مساحة كبيرة متزعلش مني

[precanadian]

اسمحلي يا دكتورنا الغالي ابو سعد انزل حاجه للزباين يشوفوها لحد متجيبلهم طلباتهم

when_GOD.pps

[bent misr]

بريكانيديان بجد رووووووووووووووعه التسجيل ده

رفع من روحي المعنويه كتير

شكرا لك

[د هشام ابراهيم]

ايه ده ،،،، ايه ده،،،،،انا لخبطت في التوبيكات ولا ايه :wub:

سوري دكتور تهامي،،،،،،العتب علي النظر bv:-

معلش بقه...... انت ودكتور هشام واحد.... مش كده

طبعا يا باشا القهاوي كلها فروع لتهامي هورتونز و كلها في بيتها يعني :) فينك يا عم الحاج الدكتور :P

[د هشام ابراهيم]

باشمهندس ايهاب .... وين الكمثري (وش هندي في صاحب صاحبه)

اقصد فين القهوه؟؟؟؟؟؟ بقالنا شهور في انتظارها......

مفيش كمثرى ... ينفع بينابل :)

القهوه إن شاء الله سيتم إفتتاحها

قبل نهاية 2009 بإذن الله bv:-

إديني وقت و إرميني البحر

صديقي الهيد كوتش ...أولا صورة البروفايل الجديدة ديه ميه ميه يا زعيم :P

ثانيا نرفض طريقة الحكومة بتاعة حتشوفوا الرخاء بعد الخطة الخمسية . :wub: ... ٢٠٠٩ إيه يا عم الهيد كوتش ..... احنا عايزين القهوة دلوقتي يا باشا

[moheltohamy]

أخيراً رجعنا بريمتنا الغالية حيث الدماغ وروقان البال

ونرجع بأه نفوق للهاند أوفر المتين اللي اتشغلنا عنه هناك في الغالية... واحكيلكو ع المواقف اللي حصلت هناك مع الإخوة الأشقاء الكنديين... والمصريين برضه bv:-

نبدأ نشتغل في الهاند أوفر ، واللي يكمل ننزله :P

[hosiny]

اهلا اهلا

نورت قهوتك

ايه يا عم تهامي كل ده؟؟؟؟؟

هو كده انتوا يارجاله لما الفلوس تجري في ايديكو علي طول تسيبوا شغلكو و تروحوا تبصوا بره....خد بالك ياعم تهامي من اكل عيشك و قهوتك.....متلعبش في رزقك

حمد الله بالسلامة

[moheltohamy]

حبيبي يا حسيني :P

والله يا باشا أنا مش باتبطّر على أكل عيشي خالص!

أنا بس كنت بائول بدل ما أضيّع وأت في كتابة الهاند أوفر وانا في كندا... أستفيد بالوأت ده ، وأستكشف البلد. وآهي كلها ريسورسِز هنتكلّم عليها ف الهاند أوفر

وطبعاً زي مانتا واخد بالك... بناخدها واحدة واحدة ع الهادي كده... كل زيارة بشويّت إنجازات نحققها في كندا ، وعقبال تمام الإنجازات (الجوب أوفر) ، وساعتها نترستأ هناك يا ريّس... دعواتك bv:-