كندا التي رأيتها :)

[bent misr]

ألف ألف ألف حمدلله على سلامتك يا د/تهامي

والله كنا مفتقدينك جدا :lol:

يللا بقى ملكش حجه دلوقتي ماتكتبش

مستانيين حكايات أخر رحله و اللقاء التاريخي

مع م/ ايهاب و د/ هشام

وكله بالصور و مج تيم هورتنز :) ماشي

[precanadian]

:happy: wst:: :) فينك يادكتور ....مهوا تاخيرك ده حاجه من اتنين ياما الطبق طار والنت فصل ياما الديفيبريليتور مش عارف تركبه ومحتاس فيه. ثانيا الجهاز بيجي راكب من المصنع ويدوب هتركب paddles

تم تعديل 28 فبراير 2009 بواسطة precanadian

[moheltohamy]

صباح رومانسي عليكم جميعاً...

الجو النهارده تحفة هنا في الخليج ، وسط الميّه وأسماك القرش :lol:

حبّيت بس أطمّنكو إني موجود وزي الفل ، وشغال في الهاند أوفر ؛ بس كل اللي كتبته صفحتين ونص ع الوورد. بدأت برحلة العودة من كندا للسعودية ، وبعدين نرجع تاني فلاش باك للكلام الكاتيجورايزد عن جوانب الحياة هناك ، والمواقف اللي حصلت هناك...

صاحي النهارده بدري ، وشارب واحد كابوتشينو بالفانيليا ، وع الغدا فيه جمبري (هاطلبه يتعمل لي مشوي مش مقلي)... يعني جميع نواحي الحياة اللي تجيب مزاج عنب... يعني ماليش عذر ما اكتبش! wst::

وهارد عليكم نافار نافار ، بس دوسمو ، واحدة واحدة! أثناء ما باكتب ف الهاند أوفر

[د هشام ابراهيم]

في انتظارك يا زعيم ...أخوك نبطشي و شكلها للصبح

[somayasaleh]

صباح رومانسي عليكم جميعاً...

الجو النهارده تحفة هنا في الخليج ، وسط الميّه وأسماك القرش wst::

حبّيت بس أطمّنكو إني موجود وزي الفل ، وشغال في الهاند أوفر ؛ بس كل اللي كتبته صفحتين ونص ع الوورد. بدأت برحلة العودة من كندا للسعودية ، وبعدين نرجع تاني فلاش باك للكلام الكاتيجورايزد عن جوانب الحياة هناك ، والمواقف اللي حصلت هناك...

صاحي النهارده بدري ، وشارب واحد كابوتشينو بالفانيليا ، وع الغدا فيه جمبري (هاطلبه يتعمل لي مشوي مش مقلي)... يعني جميع نواحي الحياة اللي تجيب مزاج عنب... يعني ماليش عذر ما اكتبش! wst::

وهارد عليكم نافار نافار ، بس دوسمو ، واحدة واحدة! أثناء ما باكتب ف الهاند أوفر

دكتورنا العزيز

حمد لله علي السلامة.....نورت الخليج العربي :lol:

في الانظار يا باشا...... wst::

.الجو هنا في مصر برد جدا جدا جدا جدا cld: cld: cld:

[ايهاب سالم]

ثانيا نرفض طريقة الحكومة بتاعة حتشوفوا الرخاء بعد الخطة الخمسية . whistling.gif ... ٢٠٠٩ إيه يا عم الهيد كوتش ..... احنا عايزين القهوة دلوقتي يا باشا

عزيزي الدوك الكبير

مشغول و حياتك مشغول و لأخر الأسبوع مشغول

عندنا أول موعد في الdesign center بعد بكره و عمال أذاكر عشان أقرر هأختار أيه upgrades

شكلي كده هاتدبس في 20K زياده على ثمن البيت الاصلي

ال 9 feet ceiling لوحده 6500 دولار و ال OAK stairs مع الميتال بيكيتس 6400 دولار و غيرهم كتير

إن شاء الله هأحكي على التفاصيل دي على قهوتي wst::

هذا أمر شرحه يطول ...... و انا الليلة .... زغلول wst::

الله يكون في العون يا هيد كوتش :lol: .... تعب هي الحياة يا صديقي .... طبعا يا باشا عارف رأيي هو الواحد حيشتري بيت كام مرة ...اتوكل علي الله و اختار أعلي مواصفات ممكنة و ربنا المعين .

شكرا يا دوك ع النصيحه

عملنا بها و الحمدلله ... ذهبنا يوم الجمعه صباحا ... جلسنا مع الست / كوليت .. الديزياين كونسلتانت ثلاث ساعات ..

و خرجنا مدبسين في upgrades ب 16573 دولار

و دي أول طلعه بس

أبريل القادم جلسه أخرى بالصلاتو ع النبي

يا خراب بيتك يا برعي

مالو الإيجار

[pharaon]

صباح رومانسي عليكم جميعاً...

الجو النهارده تحفة هنا في الخليج ، وسط الميّه وأسماك القرش :lol:

حبّيت بس أطمّنكو إني موجود وزي الفل ، وشغال في الهاند أوفر ؛ بس كل اللي كتبته صفحتين ونص ع الوورد. بدأت برحلة العودة من كندا للسعودية ، وبعدين نرجع تاني فلاش باك للكلام الكاتيجورايزد عن جوانب الحياة هناك ، والمواقف اللي حصلت هناك...

صاحي النهارده بدري ، وشارب واحد كابوتشينو بالفانيليا ، وع الغدا فيه جمبري (هاطلبه يتعمل لي مشوي مش مقلي)... يعني جميع نواحي الحياة اللي تجيب مزاج عنب... يعني ماليش عذر ما اكتبش! wst::

وهارد عليكم نافار نافار ، بس دوسمو ، واحدة واحدة! أثناء ما باكتب ف الهاند أوفر

يا صباح الورد عليك يا دوك

حمدالله على السلامه ونورت السعوديه

وبالهنا والشفا مقدما wst::

[bent misr]

اييييييييييييييييه يا د/ تهامي

أدينا قاعدين من الصبح لبليل مافيش شغل

و مافيش مذاكره و مستنيه الهاند أوفر الجديد

بس مافيش حاجه نزلت :lol:

انت شربت الكابيتشينو و نمت ولا اييه :sad:

معلش كل تأخيره وفيها خيره :blush2:

أنا هاروح بقى أشوف الاولاد و أرجع تكون نزلتلنا يجي

صفحتين كده wst::

[moheltohamy]

طيب بصوا بأه... عملاً بنصيحة أختنا بنت مصر... هاقسم الحلقة اللي جايّة (العودة التالتة من كندا) نصّين ، تاخدولكو نص تنأنؤوا فيه على ما أخلّص النص التاني...

النص الأول:

نتكلّم بأه عن رحلة العودة التالتة من كندا...

كانت المشكلة إني هاسافر من تورونتو يوم الاتنين الساعة 9 صباحاً... يعني يوم شغل بالنسبة لديبو (اللي متلطّم معايا دايماً) ، وم الآخر... هاعيش مع نفسي. هاتحرّك من البيت الساعة 6 الصبح ، عشان أكون ف المطار قبل ميعاد الطيّارة بساعتين (ما انساش الأرصة بتاعت أول مرة أرجع من كندا على مصر)! وكان الحل إني اتصلت بشركة تاكسيّات تبعتلي السوّاق تحت البيت في الميعاد اللي أحدده. صادف إن كان في إيدي كتالوج سياحي عن تورونتو لمحت فيه إسم شركتين للتاكسيّات (بخلاف شركات الليموزين) ، واحدة منهم على ما أذكر كان اسمها شركة دياموند حاجة ، والتانية كان اسمها التعاونية حاجة (Co-Op) ، وطبعاً من منطلق إن إسم التعاونية ده بيدّيني إيحاء بأتوبيسات شرق الدلتا ، ولاّ ميني باصات السرفيس بتاعت مجلس المدينة في ميت غمر (عقد قديمة!) ، فكان الاختيار لشركة الماس واللولي

اتصلت بيهم بالتليفون وحجزت بعد ما طلبت مني العنوان وعاوزه الساعة كام وهتدفع بإيه! ومع السلامة! بعد ما قفلت ؛ حسّيت إني اتدحك عليّا ، ومحدّش هيجيلي بكره وهاتسوّح! كان المفروض ياخدوا إسمي وتليفوني وإيميلي عشان يملو البيانات عندهم لو كانوا فعلاً ناويين يبعتولي عربية!

اتصلت تاني وقلت للست إني عاوز أعمل كونفيرميشن على الحجز بتاعي... آلتلي بتاع بكره الساعة 6 ص في العنوان الفلاني يا أستاذ محمد؟! إحم ... أيوة حضرتك بس أصل الست التانية ما خدتش لا إسمي ولا رقم تليفوني ولا حتى خدت رقم الكريديت كارد بتاعي (يعني ممكن أطنّشه واتصل بتاكسي تاني وهمّه يبقو خدو صابونة!) ، آلتلي أيوه ماهو تليفونك رقم كذا يا أ. محمد التهامي. مش كده مظبوط برضه؟! وهيّه هتسألك على إسمك وتليفونك ليه ، إذا كان بيبان عندنا؟! والسوّاق لمّا يجيلك بكره ابقى ادفعلُه ، هيكون معاه ماكينة الكريديت! ساعتها لمّيت الدور ، وانسحبت بلطافة! معلش بأه ، ما بيجيش في بال الواحد الديسينسي والهاي تِك ده خالص! جاي من حضارة سبع تلاف سنة بأه يا جدعان... معلش!

وفي تمام الساعة 6 و 7 دقائق صباحاً ألائي الراجل بيتصل يقوللي إنه مستنيني أدّام العمارة! كانو السوّائين بتوع الكايرو كاب في مصر بيدّوني مسد لما يوصلوا! ما علينا!

واحنا في السكة بأه طبعاً قعدت أدردش مع السوّاء اللي كان باكستاني (المهنة اللي واخدينها احتكار في كل الدنيا!)... البيه بقاله بتاع 20 سنة في كندا. البداية كانت لمّا أبوه هاجر ليبيريا (في أفريقيا) ، وعاشو هناك كزا سنة معززين منغنغين. كان عندهم الخدم والحشم (Servants and maids بتعبيره) ، والفلوس والعز كلّه كان هناك ، لغايت ما قامت الحرب الأهلية هناك والحياة ادّاتهم ضهرها! ساعتها جُم على كندا وبدؤوا من الأول تاني. طبعاً الراجل اشتغل كل حاجة ومنها مثلاً مدير مخازن أد الدنيا لمدة بتاع 8 سنين. وبعد كده الشغل استغنى عن خدماته ، فمشي في سكة التاكسي دي وبآله 12 سنة سوّاء تاكسي. طبعاً الراجل في الأول كان بيتحسّر على أيام العز في ليبيريا لغايت ما تأقلم مع السيستم في كندا وخلاص ما يتخيّلش نفسه برّاها! :lol:

هابقى اتكلّم على تفاصيل المهنة دي بعدين... لكن عموماً ، كان كلامه إنه مع الوقت أدرك إن الفلوس مش هيّه كل حاجة. فيه حاجات تانية كتير أهم وأولى م الفلوس ؛ زي الاحترام والاحساس بالأمان وانك مش خايف من بكره. ممكن جداً يوقفك الشرطي ويدّيلك تكت (مخالفة يعني) ، ساعتها بيسأله (ممكن أشوف صورة المخالفة؟) وفي الغالب الأوفيسر ما بيكونش صوّرها ، وبيبقى يعني مكسوف وهوّه بيقول له إنه ما صوّرهاش ، وساعتها بياخد التِكِت ، وهوّه عارف إنها ف الهوا ، ومسيره يروح المحكمة ويقول ما حصلش ، والبيّنة على من ادّعى!

وحالياً الراجل مبسوط بالشغلانة دي ، وشايف إنها بتجيبله فلوس كويّسة ، وإنها شغلانة هَلال (حلال يعني!) زي ما الرسول قال ، يبقى إيه المشكلة إنه يفضل شغالها؟!

ملحوظة ع السريع كده... واحنا ف الطريئ للمطار عدينا جمب عربية تاكسي ميني فان تبع شركة التعاونية ايّاها... عربية فخمة وزي الفل! مش زي سرافيس ميت غمر خالص! أنا آسف يا كندا!

المهم... في المطار بأه أكتشف إن الشنطة اللي واخدها معايا 32 كيلو (70 رطل) ، يعني عدّت الليميت لوزن الشنطة اللي هوّه 23 كجم أو 50 رطل! طب يا ستّي ماهي شنطة واحدة وانا مسموحلي بشنطتين ، ودي تعتذرلي وتئوللي إن التعليمات واضحة ، وإنها لو ما عملتش كده ممكن الخطوط التانية اللي انا عامل كونّيكشن معاهم تكتب تقرير إنها بتصهين يعني م الآخر! وآلتلي لو فيها حاجة تئيلة ممكن تفتحها وتنقلها للشنطة التانية. وانا ما سدّأت أصلاً إني أفّلت الشنط بالعافية بعد ما كربستهم! اعتذرتلي الست مرتين على فكرة وهيّه بتخلّص في إجراءات السفر على إنها مضطرة تغرّمني! والمفروض إني هادفع 100 دولار كندي! يا حلاوة! طبعاً دفعت بالفيزا الكندية ، بس مش عندها ، على كاونتر تاني عنده الماكينة بتاعت الفيزا. اللذيذ بأه إن الشنطة دي تأريباً ما كانش فيها حاجة تخصّني أنا! هدايا على طلبات أشتريها من كندا ، على حاجات مبعوتة معايا من كندا لمصر! جميل جداً!

حتة بأه دمّها خفيف... الست وهيّه بتطبعلي البوردنج پاس بتاع الرحلتين لندن والبحرين ؛ وباتأكّد منها إنهم الـــ 2 ويندو مش آيل (يعني قاعد ع الكرسي اللي جمب الشبّاك مش اللي ع الممر) ، ودي تبص ف التيكيت ، وتئوللي (آه طبعاً ، دا حتى نفس الكرسي... دي حاجة نادرة جداً... أنا بآلي سنين ما شفتش الصدفة دي!)... بنت حلال مصفي أوي على فكرة! ما سمعتش باختراع الإكسپيديا على ما يبدو!

لمّا أولت للست صحيح إني مش هاكمّل الرحلة بتاعتي للدمّام ، وإني هانزل البحرين ، وعاوز شنطي تنزل البحرين... تئوللي حاول وانتا في لندن تبقى تبلّغ جَلف إير عشان يلغوا الحجز بتاعك من البحرين للدمّام. وانا ائوللها مش مهم ، مانا كده كده نازل البحرين ومش فارقة معايا ، وهمّه مش هيستنوني إني واي ، ترد عليّا رد كسفنني من نفسي الصراحة ، وتئوللي أيوه ، بس عشان تسيب مكانك متاح لحد مريض أو مستعجل يكون محتاج الكرسي بتاعك ده ، وهيفرق معاه! الناس دي اتربّت بأسلوب وتفكير غير اللي اتربّينا بيه تماماً على فكرة!

المهم ، رحت للمكتب التاني ده ، والست اللي عليه بتطبعلي الإيصال إني دفعت ، والائي الإيصال بيتطبع على برينتر من الدوت ماتريكس دول ، بتوع زمان اللي بيطبعوا على ورق مخرّم م الناحيتين ده. فاكرهم؟! زي الپرينتر بتاعت كمبيوتر صخر الأديم بتاعي من 19 سنة! ساعتها طبعاً – وكالمعتاد – ما عرفتش أمسك لساني! إيه داااه؟ إنتو لسّه عندكو برينترات م اللي انقرضت دي؟! أنا بقالي بتاع 15 سنة ما شفتهومش! ودي تبتسم بكسوف وتقوللي (Don't start!) ، والشركة بتوفر ، وطالما دي شغالة وزي الفل يبقى خلاص مش فارقة! وبعد ما خصمِت الميت دولار م الفيزا بتاعتي باسألها (مش محتاجة أمضي ولا حاجة؟) ، ودي تقوللي إنها خلاص العملية تمت خلاص إلكتروني ، و... (إتس تكنولوچي)... وتشاورلي ع البرينتر اللي وراها وتئوللي (لايك ذس) وتضحك!

وانا في طريقي لصالات الانتظار... ألائي واحد تبع بنك RBC يقوللي تحب تطلّع كريديت كارد تبعنا؟ وأملى استمارة وياخد رقم الرخصة بتاعتي ، والعنوان والبيانات والمهنة والمرتب ، ويئوللي إن الكارت هيوصلني ع البيت في خلال أسبوعين ، والمفروض أأكتِفُه ومصاريفه 120 دولار ف السنة ، أدفعها مع أول فاتورة! طبعاً المبلغ كبير ؛ لو حطّينا ف الاعتبار إن هند مثلاً ما بتدفعش مصاريف سنوية للكارت بتاعها معاهم م الأساس (بس هند مطلّعاه بضمان الشغل ، وانا عديم الشغل بأه مانتا فاهم!). المهم إن الكارت ده طالع پلاتينَم (بلاتيني يعني) ، يعني فوق فئة الجولد (الفئة دي بتغطيلك التأمين بتاع العربية لو أجّرتها) ، يعني م الآخر ، لو أجّرتلي عربية 4 تيّام بس ف السنة ؛ هيكون الكارت ده جاب تمنُه! دايماً باحسبها كده (عشان ما ازعّلش نفسي)!

وادخل على صالة الانتظار... لسّه أدامي ساعة... قعدت أظبّط ف الواي فاي عشان أدخل ع النت لاسلكي في المطار. وقبل ميعاد الإقلاع بتلت ساعة كده أئوم أنطلق ع البوابة بتاعتي. أروح ع البوابة بتاعتي رقم 31 ، ألائي 30 و 31 في منطئة واحدة ، وناس كتير آعدين منتظرين! قلت بدل ما اقعد استنى معاهم ، أروح أسأل اللي ع الكاونتر ، وأبل ما انطأ بكلمة يسألوني انتا رايح لندن؟ أيوه يا جماعة ، ودول يسألو (What's your last name?) ، التهامي يا اخوانّا! طيب يللا اتفضل ، الطيّارة هتطلع! كان نائص أول ما يشوفوني يئولولي (هوّانتا التهامي؟! يلاّ يا عم مستنيينك!)... من كتر ما شفت ؛ ما كنتش هاستغرب لو حصلت!

الطيّارة معظمها كوكتيل جنسيّات ، غالباً من الانجليز ؛ حتى لمحت واحدة مسلمة محجّبة بتكلّم ابنها بالآكسنت البريتيش المُميّزة دي! دي أكيد ما بتعرفش تنطق عربي... مش محتاجة كلام! والركّاب ماليين الطيّارة... يمكن الناس دول نفسهم يشوفوا مدينة الضباب ، وهوّه ده وأتها الصراحة!

والائي واد كنداوي آعد جمبي جوّه الطيّارة... الواد بصراحة ذوق ولذيذ وابن حلال جداً. وبيعرّفني على نفسه إنه مش من أبناء المدن ، دا ساكن في قرية كنداوية جمب أوشوا (Oshawa) ودي مدينة تعتبر في ضواحي تورونتو ، والواد شغال سوّاء على أتوبيس تبع جراي هاوند ، وآهي شغلانة مؤقتة تصرف على دراسته (بيدرس دبلومة في الميكانيكا). بصراحة العيال الفلاحين دول فيهم الطيبة بتاعت زمان ، بتاعت المصري الأصيل ابن البلد!

[wafa]

السلام عليكم

حلقة جميلة جدا استاذ تهامي ..

أحلى شي عجبني موضوع التاكسي ..

واحلى شي بعد عجبني ..

الكنداوي الفلاح ..

((بصراحة العيال الفلاحين دول فيهم الطيبة بتاعت زمان ، بتاعت المصري الأصيل ابن البلد! ))

ونحن من وين تعلمنا الطيبة الا من اهل مصر

بحفظ الله

[Queen]

السلام عليكم،

دكتور تهامي حمد الله على السلامة، وان شاء الله ربنا يكرمك و ييسر لك الأمر و تستقر في كندا عما قريب.

عندي سؤال لك يا دكتور، هل اي فلوس بنحولها من حساب بنكي في السعودية الى حساب في كندا بيكون عليها Income tax؟

شكرا مقدما

[precanadian]

اتصلت تاني وقلت للست إني عاوز أعمل كونفيرميشن على الحجز بتاعي... آلتلي بتاع بكره الساعة 6 ص في العنوان الفلاني يا أستاذ محمد؟! إحم ... أيوة حضرتك بس أصل الست التانية ما خدتش لا إسمي ولا رقم تليفوني ولا حتى خدت رقم الكريديت كارد بتاعي (يعني ممكن أطنّشه واتصل بتاكسي تاني وهمّه يبقو خدو صابونة!) ، آلتلي أيوه ماهو تليفونك رقم كذا يا أ. محمد التهامي. مش كده مظبوط برضه؟! وهيّه هتسألك على إسمك وتليفونك ليه ، إذا كان بيبان عندنا؟! والسوّاق لمّا يجيلك بكره ابقى ادفعلُه ، هيكون معاه ماكينة الكريديت! ساعتها لمّيت الدور ، وانسحبت بلطافة! معلش بأه ، ما بيجيش في بال الواحد الديسينسي والهاي تِك ده خالص! جاي من حضارة سبع تلاف سنة بأه يا جدعان... معلش!

مع الوقت أدرك إن الفلوس مش هيّه كل حاجة. فيه حاجات تانية كتير أهم وأولى م الفلوس ؛ زي الاحترام والاحساس بالأمان وانك مش خايف من بكره. ممكن جداً يوقفك الشرطي ويدّيلك تكت (مخالفة يعني) ، ساعتها بيسأله (ممكن أشوف صورة المخالفة؟) وفي الغالب الأوفيسر ما بيكونش صوّرها ، وبيبقى يعني مكسوف وهوّه بيقول له إنه ما صوّرهاش ، وساعتها بياخد التِكِت ، وهوّه عارف إنها ف الهوا ، ومسيره يروح المحكمة ويقول ما حصلش ، والبيّنة على من ادّعى!

بس عشان تسيب مكانك متاح لحد مريض أو مستعجل يكون محتاج الكرسي بتاعك ده ، وهيفرق معاه! الناس دي اتربّت بأسلوب وتفكير غير اللي اتربّينا بيه تماماً على فكرة!

يا باشا الظاهر ان الواحد لما يروح كندا هيتعلم الاصول والادب من اول وجديد لكن الحته الاخيره بتاعت المطار دي حاميه قوي ودبحتني .

[precanadian]

الله اكبر الساعه الان2.33 بتوقيت السعوديه وعدد الزوار لباب الهجره لكندا 192 والاعضاء 10 :lol: clp::

[ايناس احمد]

حلوة الحلقة دى قوى يادكتوردمها خفيف وفيها شوية معلومات مستخبية متابعيين ومنتظريين الباقى

[newcomer]

... هاقسم الحلقة اللي جايّة (العودة التالتة من كندا) نصّين ، تاخدولكو نص تنأنؤوا فيه على ما أخلّص النص التاني...

عودا احمد حميدا...... bv:-

اخيرا و بعد طول انتظار.....حلقة زى الفل

كالعادة ....طبعا :)

بس بجد مش هاينفع كل نص حلقة نقعد نستنى اسبوع

( وش مدير غلس....ناقص يقول بدفع فلوس..... اخد شغل clp:: )

ربنا يخليك يا دكتور .....بجد بتغير الموود المقلوب خالص

برضه.....متابعيين ....مستمتعين :lol:

[د هشام ابراهيم]

تهامي العزيز ....كل هاند أوفر بتكتبه باعتبره جول لفريق الدروب جوز .... الصراحة سعادتك بقيت هداف الفريق :blink: .... ربنا يخليك لينا يا نجم (وش واحد كول و فريش :happy: )

[د هشام ابراهيم]

شكرا يا دوك ع النصيحه

عملنا بها و الحمدلله ... ذهبنا يوم الجمعه صباحا ... جلسنا مع الست / كوليت .. الديزياين كونسلتانت ثلاث ساعات ..

و خرجنا مدبسين في upgrades ب 16573 دولار

و دي أول طلعه بس

أبريل القادم جلسه أخرى بالصلاتو ع النبي

يا خراب بيتك يا برعي

مالو الإيجار

:happy:

ألف مبروك يا هيد كوتش .... من جهة غرامة فهي غرامة بس تستاهل الصراحة .... و يا رب يديك الصحة و طولة العمر و تجوز أولاد أولادك في البيت الجديد باذن الرحمن :blink:

[ايهاب سالم]

المهم ، رحت للمكتب التاني ده ، والست اللي عليه بتطبعلي الإيصال إني دفعت ، والائي الإيصال بيتطبع على برينتر من الدوت ماتريكس دول ، بتوع زمان اللي بيطبعوا على ورق مخرّم م الناحيتين ده. فاكرهم؟! زي الپرينتر بتاعت كمبيوتر صخر الأديم بتاعي من 19 سنة! ساعتها طبعاً – وكالمعتاد – ما عرفتش أمسك لساني! إيه داااه؟ إنتو لسّه عندكو برينترات م اللي انقرضت دي؟! أنا بقالي بتاع 15 سنة ما شفتهومش! ودي تبتسم بكسوف وتقوللي (Don't start!) ، والشركة بتوفر ، وطالما دي شغالة وزي الفل يبقى خلاص مش فارقة!

هو مش بالضبط كده يا تهامي

فيه انظمة كمبيوتر كتير بتبقى عتيقه و مكتوبه بلغات أكل عليها الزمان و ****** زي الكوبول مثلا و حاجات الماين فرامز العتيقه

و بيكون البرنامج اللي كتبه راجل مات من زمان و ميعرفش يعدله حد تاني متضبط على الطباعه على الطابعات من النوع ده و تغيير الطابعه يعني الحاجه لتغيير البرنامج و دي مخاطره كبيره محدش بيحاول يعملها

ده طبعا غير إن فيه برامج كتير بتطبع تقارير لازم قانونيا يكون منها نسخ بالكربون .. (مش نفس الورقه تنطبع كذا نسخه)

و الحل الوحيد لذلك هو الطابعات النقطيه (دوت ماتركس) و بيكون شريط الورق عباره عن عدد من الصفحات بينهم كربون

عشان كده الطابعات دي لن تنقرض ... مش موضوع توفير .. بس هي الأموره مش فاهمه

أمال لو شفت ال line printer هتقول أيه ...

[ايهاب سالم]

تهامي العزيز ....كل هاند أوفر بتكتبه باعتبره جول لفريق الدروب جوز .... الصراحة سعادتك بقيت هداف الفريق :blink: .... ربنا يخليك لينا يا نجم (وش واحد كول و فريش :happy: )

الدكتور الشامي هو المدير الفني

التهامي هو رأس الحربه الهداف

دكتور هشام هو صانع الألعاب

أنا بقى الهاف ديفندر .. مهمتي التصدي للهجمات المضاده للمنافسين ...

و نتيجة لإستعمالي بعض العنف (اللازم في بعض الاحيان) مع المنافسين بأحصل على إنذارات تتسبب في غيابي لفترات عن الملاعب

wst::

[moheltohamy]

تعيش وتنوّر المحكمة يا سعادة مدير الدفاع...

أنا أديم صحيح ، بس مش لدرجة اللاين برنتر أم عجلة دوّارة دي! قريت عنها بس... :blink:

ومبروك الصورة الجديدة... باحس إنها دايماً باصّالي ؛ زي الموناليزا كده wst::

بس هوّا انتا كنت أولت كلمة أبيحة ولاّ حاجة؟! أكل عليها الزمان وشرب؟! ولاّ أكل عليها الزمان وعمل كاكا؟!

ربنا يسترها معانا كلنا... إحنا غلابة :happy:

إنتا مش عندك شغل بدري بكره؟ ما تئوم تنام يا عم الحاج :)