كندا التي رأيتها :)

[bent misr]

جميله جدا الحلقه دي يا دوك

واللي عاجبني فيها الدقه في سرد الاحداث

همتك معانا بقه عايزيين القصه كلها مع توضيح

اللايف ستايل الكندي الجميل ده

وماتنساش الصور يا تهامي يا خويا :blink:

[moheltohamy]

جميله جدا الحلقه دي يا دوك

واللي عاجبني فيها الدقه في سرد الاحداث

همتك معانا بقه عايزيين القصه كلها مع توضيح

اللايف ستايل الكندي الجميل ده

وماتنساش الصور يا تهامي يا خويا wst::

عنينا يا بنت مصر...

والكلمتين بتوعك دول بيفكروني بواحد حبيبي أوي ، ما اعرفش إيهاب خد باله منهم ولاّ لأ :happy:

عموماً النص التاني تأريباً جاهز ، هانزله بس أرد ع الناس الأول؟ :blink:

وبعدها نشوف الصور... كويّس إنك فكّرتيني بالنؤطة دي... دايماً مش في بالي!!!

[moheltohamy]

:blink: :happy: wst:: فينك يادكتور ....مهوا تاخيرك ده حاجه من اتنين ياما الطبق طار والنت فصل ياما الديفيبريليتور مش عارف تركبه ومحتاس فيه. ثانيا الجهاز بيجي راكب من المصنع ويدوب هتركب paddles

طب وليه يا د. بريكانيديان ما تئولش إن القريحة هيّه اللي ما جاتش ، أو مش متوافرة إني أقعد أحكي كل حاجة؟!

ثانياً يا عمّنا البتاع ده جاي في كرتونتين (كرتونه ليه ، والتانية للشاحن اللي جاي معاه ، ومعاه 6 بطاريّات! تئولشي رايحين نحارب؟!)

ومعاه الكابلات (leads 3, 12 leads, phoneline cable, 2 memory cards, 10 strips/pads, and the paddles)

الغريب بأه إني مش لائي حتة أحط فيها الـ Paddles خالص ، بعكس سابقه (الـ M series)!

بلاش أورّيك شكل العيادة كان عامل ازاي والفوضى اللي كانت فيها لغايت ما ركّبته!

وآدي شكله بعد التركيب المضني...

النكتة بتاعتك دي جامدة... بس لو فندناها علمياً ، هوّه الراجل لو Awake هنعملله ديفايبريلليشن برضه؟! يا زعيم لو الراجل Conscious يبقى الهارت إز بيتِنج أورّيدي!

شويّت فزلكة بأه :)

[moheltohamy]

تهامي العزيز ....كل هاند أوفر بتكتبه باعتبره جول لفريق الدروب جوز .... الصراحة سعادتك بقيت هداف الفريق .... ربنا يخليك لينا يا نجم (وش واحد كول و فريش :lol: )

يا باشا العفو... دانا اللي منك باتعلّم

طب تعرف إني افتكرتك وانا ف الحمّام؟! لا لا... ما تفهمنيش غلط :lol:

الحكاية إني وانا في حمام طيّارة جلف إير من لندن للبحرين ، لقيتهم معلقين ع الحوض تنبيه (Please use a tissue to clean the handwash basin after use, as a courtesy to the next passenger)... واخدلي بالك انتا؟ ;)

ساعتها أولت يا سلام عليك يابو الهواشم... معلّم كبير ، وأستاذ bv:-

[Bustami]

سؤال سريع للتهامي باشا

بما انك خارج كندا وزوجتك داخل كندا , كيف يتم حساب الثلاثة سنوات لحصولك انت على الجنسية

هل الفترة التي ستقضيها زوجتك (3 سنوات) تمكنك من طلب الجنسية

هل يجب عليك التواجد في كندا خلال اخر سنه فقط

شكرا

[moheltohamy]

سؤال سريع للتهامي باشا

بما انك خارج كندا وزوجتك داخل كندا , كيف يتم حساب الثلاثة سنوات لحصولك انت على الجنسية

هل الفترة التي ستقضيها زوجتك (3 سنوات) تمكنك من طلب الجنسية

هل يجب عليك التواجد في كندا خلال اخر سنه فقط

شكرا

لا يا فندم... كل واحد بيشيل شيلته!

هيه هتاخدها بعد سنتين (هتقدّم عليها بعد سنة ونص)...

عيني عليّا أنا بأه! :lol:

ممكن لو مراتك أخدت الجنسية ، ورجعت تعيش معاك في مصر... ممكن - بعد 3 سنين - تقدّم على إنك عشت معاها الـ 3 سنين اللي فاتوا ، أو ده اللي همّه آيلينه على موقع الهجرة!

وبالتالي ، لازم أقعد ع الأقل سنتين من الخمسة عشان يمتد لي حق الإقامة في كندا (الـ PR).

وبس يا سيدي

[ايهاب سالم]

تعيش وتنوّر المحكمة يا سعادة مدير الدفاع...

أنا أديم صحيح ، بس مش لدرجة اللاين برنتر أم عجلة دوّارة دي! قريت عنها بس...

ومبروك الصورة الجديدة... باحس إنها دايماً باصّالي ؛ زي الموناليزا كده :lol:

بس هوّا انتا كنت أولت كلمة أبيحة ولاّ حاجة؟! أكل عليها الزمان وشرب؟! ولاّ أكل عليها الزمان وعمل كاكا؟!

ربنا يسترها معانا كلنا... إحنا غلابة :lol:

إنتا مش عندك شغل بدري بكره؟ ما تئوم تنام يا عم الحاج bv:-

على فكره محدش عدل مشاركتي

أنا وضعت نجوم حمره من اول مره كنوع من التهريج و لتنشيط خيال القارئ لتخيل الكلمه .. زي ما حصل لسيادتك كده

أنا محدش يقدر يعدل لي مشاركه أأأأأأبدا

و طابعات العجله الدواره مش هي ال line printer .. بطلو فزلكه و خليكو في الهاند أوفر بتاعكو

[حسام يوسف]

تغيير صورة البروفايل بتاعتك يا عم ايهاب

كبرك قوى

خليك فى القديمة

ولا انت غرضك اية؟

[moheltohamy]

السلام عليكم

حلقة جميلة جدا استاذ تهامي ..

أحلى شي عجبني موضوع التاكسي ..

واحلى شي بعد عجبني ..

الكنداوي الفلاح ..

((بصراحة العيال الفلاحين دول فيهم الطيبة بتاعت زمان ، بتاعت المصري الأصيل ابن البلد! ))

ونحن من وين تعلمنا الطيبة الا من اهل مصر

بحفظ الله

ربنا يخلّيكي يا Wafa ، ومرحباً بيكي ضيفة جديدة في المنتدى... :)

ونتمنى تفضلي معانا ع الأهوة...

وتحكيلنا حكايتك بالمرة :happy:

[enjisultan]

عود حميد يا دكتور تهامى واللهى اللى يسيب قهوتك بيحصلوا كوارث انا عودت مرة اخرى الحمد للة وطول النهار هاقف لكوا على باب القهوة وانزل مشاريب وارش ميةواى خدمة حضرتك ..

[moheltohamy]

عود حميد يا دكتور تهامى واللهى اللى يسيب قهوتك بيحصلوا كوارث انا عودت مرة اخرى الحمد للة وطول النهار هاقف لكوا على باب القهوة وانزل مشاريب وارش ميةواى خدمة حضرتك ..

يا نهار أزرق... د. إنچي ترش ميّه؟! :happy:

يا افندم اتفضلي مفاتيح الأهوة ، وانا اسحبلي كرسي واقعد ضيف!

إيه بس اللي حصل كفى الله الشر... خير ان شاء الله :)

[moheltohamy]

السلام عليكم،

دكتور تهامي حمد الله على السلامة، وان شاء الله ربنا يكرمك و ييسر لك الأمر و تستقر في كندا عما قريب.

عندي سؤال لك يا دكتور، هل اي فلوس بنحولها من حساب بنكي في السعودية الى حساب في كندا بيكون عليها Income tax؟

شكرا مقدما

لا يا فندم خالص...

التحويل البنكي ما عليهوش لا تاكس ولا حتى أسئلة (الفلوس دي جبتوها منين!) :)

ولو خدتوها في جيبكو وانتو داخلين... برضه عادي ، مفيش عليها أي حاجة ؛ غير ممكن يسألوكو الفلوس دي بتاعت إيه ، لو كان المبلغ اللي مع حد منكم فوق الـ 10 تلاف دولار كندي أو ما يعادله! لكن لو كنتو 4 مثلاً ، ومعاكوا 39 ألف دولار كندي (أو ما يعادله بالأمريكي)... يبقى شكراً ، ومش محتاجين حتى تبلّغوا إن معاكو فلوس!

وربنا يسمع منك واستقر بأه هناك واترستأ... جميعاً يا رب :happy:

[enjisultan]

لا طبعا دا يافندم المكان دا لى احترامة ولا يجوز التعدى على الروح الوهمية الموجودة بسرد السئ من الاحداث المهم اخباركوا وحواراتكوا ولقائتكوا وكمان صوركوا تجنن ما شاء اللة ربنا يديمها علينا قهوة ويمنعها من الزوال (وش حد بيهزر)

[Queen]

السلام عليكم،

شكرا جزيلا يا دكتور تهامي و ربنا يجعل دائما حكاوييك عن كندا تسعدنا و اجابتك عن اسئلتنا تسعدنا و يسعدك و يحقق كل احلامك.

شكرا

[enjisultan]

اسفة اسمها ويحفظها من الزوال مش يمنعها ولامؤاخذة ضا يعة عربى.................... وانجليزى وحياتك

[Princesse]

اخيرا يا دكتور حنيت علينا:

الحلقة الاولي حلوة جداا...واسلوبك في الكتابة شيق كالعادة

بس موضوع التاكسي دا فيه حاجة غريبة ازاي البنت في التليفون تحجز ليك كدة من غير ما تتأكد معاك من البينات وبصراحة انت ليك حق تقلق

في الشغل عندنا لازم نسأل العميل عن

1. اسمه و اسم عيلته

2 تاريخ ميلاده

3 اسم والدته قبل الجواز

4. رقم التليفون

5. العنوان

وبعدين نبدأ نحل معاه المشكلة...هنعمل ايه اوامر كندية حسب قانون الكندي 68 للحفاظ على المعلومات

مش عارفة ازاي تعبت ليك تاكسي من غير ما تتاكد حتى من اسمك

[Shehab]

تهامى باشا....تسجيل حضور و اعجاب و طلب عضوية فى القهوة

طبعاً مش هاعقد اقولك...موضوع جميل و مية مية و الكلام و اقولك انى قرأت ال 120 صفحة فى 4 ايام

فى 6 ايام و حياتك...كل اللى هاقولهولك ربنا يبارك لك...و مستنيين الحلقة الجاية...و كفاية كده بقى قبل ما الدكتور هشام يشوفنى..لأنه احتمال كبير يولع فيه!!

[om reham]

حمدا علي سلامتك اضن المنتدي ميكون متحرك وفعال الا بيجود يومياتك الجميله .

[moheltohamy]

لا طبعا دا يافندم المكان دا لى احترامة ولا يجوز التعدى على الروح الوهمية الموجودة بسرد السئ من الاحداث المهم اخباركوا وحواراتكوا ولقائتكوا وكمان صوركوا تجنن ما شاء اللة ربنا يديمها علينا قهوة ويمنعها من الزوال (وش حد بيهزر)

عموماً يا فندم ربنا يطمّنك ، وما يعيدش المآسي اللي حصلتلك دي تاني :lol:

وعقبال لمّا تنضمي لشلة الناس اللي في كندا (لما تبقي تقدمي الأول :gather: )

اسمحيلي اعترفلك بحاجة... :FN:

إنتي - زي د. هشام ابراهيم - باتعقد منكو... إيه يا اخوانا العائلات الامواس دي؟! :lol:

د. هشام موس كبير ، ومراته موسة زيه (بيتهيألي تعريب المصطلح ده محدش استخدمه أبل كده! )

وباباه الله يرحمه كان موس برضه ، واخواته امواس ، وعيلة مراته كلها امواس!

ساعات باخاف اتعوّر وانا قاعد معاه (صباح الفل يا د. هشام... حد ينام برضه الساعة 9 م يا راجل؟!)

تم تعديل 4 مارس 2009 بواسطة moheltohamy

[ايهاب سالم]

تغيير صورة البروفايل بتاعتك يا عم ايهاب

كبرك قوى

خليك فى القديمة

ولا انت غرضك اية؟

انا غرضي شريف يا حسام و عايز أقابل بابا

انا برئ من موضوع تغيير الصوره ده

بنتي يا سيدي كانت قاعده جنبي مره و قالت لي صورتك دي وحشه يا بابا .. غيرها

غيرت الصوره قدامها ... بس يا سيدي .. عرفت الطريقه و بقت كل شويه تحط صوره مختلفه لوحدها