كندا التي رأيتها :)

[د هشام ابراهيم]

يا جماعة إسمحولي أقولكم

إنتو ناس زي العسل

انا بصراحة من ساعة مافتحت التوبيك الإبتسامة ما فارقتنيش

دكتور تهامي ، بأشكر حضرتك على القهوة التمام دي

وحضرتك سامحني علشان أنا ماشي بلاي باك

والظروف دايما تعطلني من إني أكون على اللايف :sad:

لكن أنا كنت متابع مع الدكتور هشام

وأعتقد كده ، أنه فاكرني

فياترى موافقة العضوية بتبقى ممكنه ولا إيه النظام

وبالنسبة لسجلي السابق ، حضرتك أنا دايما لو قدمت تأشيرة لأي بلد بتترفض >>فال خير إن شاء الله smk:

ولو كانت الشروط والزوائد بتاعة الشروط مزبوطه ساعتها بأتوقف في مطار البلد اللي رايحها كام ساعة ضيافه يعني :happy:

فياترى إيه النظام هنا ياباشا ؟؟

باشمهندس إيهاب ، لو حضرتك تسمحلي أقولك

بنتك جميله جدا :closedeyes:

هنيئا لك يا ساهر باشا بطاقة العضوية في المركز الرئيسي لقهوة التهامي هورتنز .....عايزينيك بقي تنضم لفريق الدروب جوز ..... شد حيلك يا باشا :sad:

[د هشام ابراهيم]

توجد أوقات سرحت فيها بعيدا

و أوقات انسابت فيها دموعي

عندما أستجيبت دعواتي و صلاتي

و أوقات كذبت فيها

لكن اذا سألتني الآن سؤالا

هل من المفروض أن أصارحك القول

توجد حقيقة واحدة مؤكدة

ليس لديك ما تخسره في الحياة

عندما أجلس بجانب النافذة

أحدق في قطرات المطر المنساب

قلبي يعتصر حزنا

و لكني لا أحس بأي ألم

هل تستطيع البوح لي

بمعني و مغزي حياتي

أجري متعبا في طريق طويل

لكني لا أصل للنهاية أبدا

يا رب اعطني معني لحياتي

يا رب اعطني اجابة لاحلامي

يا رب اعطني قبول لدعائي

يا رب اعطني مغزي لوجودي

محاولة متواضعة لترجمة واحدة من أحب الاغنيات إلي ..... اذا ما عجبتكم المعاني قد أستطيع حينها الأعتراف بماهية المؤديين الموسيقيين :happy:

الدوك الكبير

أيه الكلام الجامد ده .. أنا اول مره أشوف المشاركه دي

ع السريع و حياتك يا دوك ...

لينك عليه الاغنيه دي

و كمان الاغنيه اللي شغلتهالنا في العربيه لنفس الفريق .. فاكرها .. اللي كانت عن الصين و أولها صولو الإلكتريك جيتار الجميل ده اللي كان بيزعق و بعدها الدرامز دخل يرزع و التهامي كان بيفرفر مننا ساعتها و إضطرينا نقفل الاغنيه عشان مكانش معانا جهاز الدفيبليتور بتاعكو ده عشان نسعفه

غالي و الطلب رخيص يا باشا :closedeyes: ....الأغنيتين من نفس الألبوم اللي متسمي علي إسم الأغنية الاولي .... الألبوم ليه صفحة علي الويكيبيديا أصلا

Wiki page

الاغنية الاولي اللي حاولت أترجمها :

No prayer for the dying

الاغنية بتاعة العربية بقي :

Mother Russia

تأثير الأغنية ديه علي تهامي كان أشبه بتأثير أغنية حماقي علي العبد لله

[د هشام ابراهيم]

........

كبرت في نظري اكتر يا دكتور بعد الكلام ده ...

أنا أختى اللي أصغر مني ماتت و عندها 32 سنه و تركت خلفها طفلين نتيجة إهمال و غلطة طبيب و مستشفى خاص في عمليه ولاده ..

تخيل ....... ولاده

انا بعد اسبوع واحد خبرة ف المستشفيات وهو اول اسبوع ف الامتياز ف ابو الريش يادكتور هشام

بقول ان لو فى حد ف مصر يقدر يعمل حاجه زى malpractice insurance على الدكاترة والمستشفى هيكسب ملايين

.............

بعد جهود مضنية وابحاث واختبارات استغرقت سبعة اعوام متواصلة, قام لفيف من اساتذة البحث العملي بكلية طب القصر العيني, بالتعاون مع اعضاء هيئة التدريس العليا بكليات الهندسة, بتطوير حامل الجلوكوز التقليدي ليكون كما ترونه في الصورة التالية, والتي تم نشرها لاول مرة في موقع منظمة الصحة العالمية كسبق مصري رائد لا مثيل له الحامل الجديد اسمه (جلوكوز السماء - heaven glucose) ............

قطط يعني ؟

لولا اني شفتها بعيني ماكنتش اصدق

ناقص كانت تنونو تحت رجلين الدكتور لولا ان الراجل فطس علي روحه من الضحك وقالنا عادي

كانت اول واخر دخول لغرفة عمليات لي كطبيب

شكلكوا كلكوا بتلعبوا في عداد عمر عضوياتكم على رأي إيهاب

وانا هنا في السعودية اتعرفت علي مدير مستشقي كبيرة جدا بالخبر و فتحنا الكلام عن الطب في مصر

الراجل بيقولي انه ساب مصر عشان كان مره في غرفة العمليات في عملية ولادة و بعد ما خلص القطة اللي كانت في اوضة العمليات اخدت الخلاص تقريبا او الجزء اللي بيطلع من بطن الام بعد البيبي و خطفته و مشيت عشان تاكله.....عمار يا ارض اللوا

بصراحة كنت بافكّر أفتح توبيك عن الفضائح الطبية في مصر... لكن حسّيت إنه هيعمل مشاكل...

ما فيش كلام مستوي الخدمة الطبية في مصر غير مرضي علي الأطلاق .... ربنا يرحم أختك يا ايهاب و الوالد يا تهامي و والدي أنا شخصيا و حماي .....ربنا يرحمهم جميعا و يرحم جميع موتانا و يرحمنا احنا الاحياء كمان

فاكر يا تهامي يا أخويا كنت علقت علي الموضوع ده قبل كده بجملة عجبتك " مستوي الطب حيتحسن في مصر لما الناس تقف في إشارة المرور من غير عسكري " بمعني إن مستوي الطب مش بمعزل عن بقية أوجه المجتمع كله ...لما الاهمال و الفساد و التسيب اللي ملي أوجه حياتنا يتصلح مستوي الطب حيتصلح ....ما ينفعش نصلح مجال واحد من مجالات حياتنا و بقية المجالات كلها بايظة ..... منظومة واحدة

[hazemtara]

مبيسمحوش بالموبايل في غرفة العمليات ؟

أيه قلة الادب دي

ليه هو في مصر الدكتور بياخد معاه الموبايل و لو جاله مكالمه يسيب العيان متفتح و يتكلم

قول لأ عشان خاطري

ده حتى الموبايل يتعاص دم

فى مصر كل حاجة مسموح بيها فى غرفة العمليات للأسف!!!!! هو مين هيقدر يكلم الجراح الى شغال إذا كان هو بيعتبر نفسة كل الناس الى شغالة معاة دى بترزق بسببة هو

مثلاً واحد بتاع نساء وولادة وجايب يشتغل حالة وأم مطلع سجارة كدة ودخن مزاج يعنى؟؟؟؟؟ ما تقوليش إنة مش بيحصل فى مصر!!!!؟؟؟؟؟ هل يجرؤ بتاع التخدير والى الأطفال والى الممرضة الموجودة فى الغرفة أو أى حد يكلمة

الجواب لا طبعاً أبسط حاجة هيقلوة خلاص ما عنتش تيجى معاية تانى أشوف غيرك على طول للأسف هوة دة الواقع. :closedeyes:

كبرت في نظري اكتر يا دكتور بعد الكلام ده ...

أنا أختى اللي أصغر مني ماتت و عندها 32 سنه و تركت خلفها طفلين نتيجة إهمال و غلطة طبيب و مستشفى خاص في عمليه ولاده ..

تخيل ....... ولاده

و معرفناش نثبت أي حاجه على الطبيب لأن زملاء الطيبب و المستشفى و نقابة الاطباء تضامنو في الطرمخه على الموضوع و من صارحنا بالحقيقه أطباء في نفس المستشفى و لكنهم رفضوا الشهاده ضد زميلهم في تحقيق رسمي

الله يرحمها ويصبركم إن شاء الله

مستحيل إنك تثبت شيئ على أى طبيب فى مصر!!!!! الطبيب فى مصر عامل زى أعضاء الحزب الوطنى عندهم حصانة من كل شيئ.

العبد لله أخصائى أطفال ؟؟؟؟ واخد بالك بس مش راضى عن الوضع دة.

[حسام يوسف]

أسجل متابعة للثلاثى المحبوب

دكتور هشام

دكتور تهامى

باشمهندس ايهاب

والله التوبيك دة بيخفف عن الواحد كتير

وبيديلة أمل انة يعرف ناس محترمة وعسل زيكم

ربنا يحميكم من كل رضي يارب

والله يا حسام انتا اللي مختفي بقالك زمن ، حتى تواجدك ومشاركاتك قلت جداً!

على أي حال... يسعدني إن يكون توبيكي ده هوّه اللي بيجيبك تاني... ياما اتعلّمنا MBA في إدارة الأهاوي على أهوتك... ما انكرش

ويا رب بأه تتحرّك وتقدّم الفايل بتاعك بأه ، قبل ما الدنيا تقفل أكتر ما هي متنيّلة!

موجود يا حاج تهامى

وتحت الأمر وفى الخدمة دايما

وبخصوص التحرك حصل حضرتك وعملت ملف كيبيك فى 13يناير اللى فات

ودعواتك انت بس

مع خالص تحياتى

[nizza la bella]

نيزا بيلا

WHAT IS THIS

فكرتنيني بموضوع صور من الوحدة الصحية اللي الناس ما صدقتش انه حقيقي

قصدك عود القصب الى كان جمب المكتب :lol:

بس اية رايك فى الاختراع (جلوكوز السماء - heaven glucose)

بس انا عاوز اسال سؤال الكلام دة يليق بى بلد عندة حضارة خمس تلاف سنة

معلش يا دكتور genawy برد متاخر علشان مشغول وبحضر نفسى لى نزول مصر

وطبعا متابع الدكتور تهامى اول بى اول

:)

[enjisultan]

ها يا د. هشام... آديك شايف السؤال ... تجاوب انتا... ولاّ أجاوب أنا؟! :rolleyes:

:lol: :lol:

تهامي يا أخويا يا حبيب هارتي السؤال موجه لسعادتك يا عم الحاج ... و القهوة قهوتك يا زعيم.... فلتتفضل بالاجابة يا دكترة wst::

الا اية الاجابة صحيح .....مافيش

حاجة يعنى احنا جين نهدى النفوس

بس انا بيتهئ لى ان عشان اسلوبك فى براءة wst:: مش دا برضوا عن الاخت سوسورانى

وبعدين يا ستى بذمتك تطلعى طفلة اجدع ولا يقولوا عليكى موس mc:

[Shehab]

ها يا د. هشام... آديك شايف السؤال ... تجاوب انتا... ولاّ أجاوب أنا؟! :rolleyes:

:lol: :lol:

تهامي يا أخويا يا حبيب هارتي السؤال موجه لسعادتك يا عم الحاج ... و القهوة قهوتك يا زعيم.... فلتتفضل بالاجابة يا دكترة wst::

الا اية الاجابة صحيح .....مافيش

حاجة يعنى احنا جين نهدى النفوس

بس انا بيتهئ لى ان عشان اسلوبك فى براءة wst:: مش دا برضوا عن الاخت سوسورانى

وبعدين يا ستى بذمتك تطلعى طفلة اجدع ولا يقولوا عليكى موس mc:

الا يا دكتور تهامى...استسمحك فى سؤال كده صغير....

هو انت ما تقعش تحت بند امواس ده؟؟؟ بما انك دكتور برده و والدك كان برده دكتور

و لا أيه؟؟

و بعدين يا باشا فين بقية الحلقات مش تظبط الزباين باى حاجة كده !!

[SoSo R]

ها يا د. هشام... آديك شايف السؤال ... تجاوب انتا... ولاّ أجاوب أنا؟! :lol:

bv:- :P

تهامي يا أخويا يا حبيب هارتي السؤال موجه لسعادتك يا عم الحاج ... و القهوة قهوتك يا زعيم.... فلتتفضل بالاجابة يا دكترة :P

طيب يا أنكل هشام مادام أنت فاضى و خلصت البريزينتيشين خلاص و داخل و عمال ترد على الناس أمال أنا ردى فين؟؟؟؟ smk:

و بعدين أنت ما حددتش أى وجه للطفولة ...البراءة(زى ما دكتورة إنجى قٌالت)...البساطة...ولا العباطة و الهبل

عشان بس الكلام يبقى واضح خصوصا بعد ما سوات سمعتى على صفحات المنتدى بالتهمة دى :P

بس وضحت لى الصراحة ليه كل لما حد بيدخل الصيدلية بيقولى ....روحى يا ماما شوفى لنا حد كبير نكلمه :P

فيا ريت ترد بسرعة و ما ترميش الليلة ع التهامى لأن أنت اللى قلت مش هو

لحسن أقعد أتشاقى على صفحات المنتدى و أبهدل الدنيا....ما أهو أنا عيلة بقى!!! :P

[د هشام ابراهيم]

طيب يا أنكل هشام مادام أنت فاضى و خلصت البريزينتيشين خلاص و داخل و عمال ترد على الناس أمال أنا ردى فين؟؟؟؟ smk:

و بعدين أنت ما حددتش أى وجه للطفولة ...البراءة(زى ما دكتورة إنجى قٌالت)...البساطة...ولا العباطة و الهبل

عشان بس الكلام يبقى واضح خصوصا بعد ما سوات سمعتى على صفحات المنتدى بالتهمة دى bv:-

بس وضحت لى الصراحة ليه كل لما حد بيدخل الصيدلية بيقولى ....روحى يا ماما شوفى لنا حد كبير نكلمه :P

فيا ريت ترد بسرعة و ما ترميش الليلة ع التهامى لأن أنت اللى قلت مش هو

لحسن أقعد أتشاقى على صفحات المنتدى و أبهدل الدنيا....ما أهو أنا عيلة بقى!!! :P

:P

ما دام السؤال المرة ديه موجه لي نبقى نجاوب يا دكتورة

الموضوع كله كان في سياق إن عم الحاج تهامي شايف اني منشي زيادة عن اللزوم و إن طريقة كلامي مخلياني شكلي كبير في السن ساعتها قولتله شكلك عايزني أبقي فريش و كول زاي طلبة الجامعة اللي زي سوسوراني و عندها بس اكتشفت إن حضرتك صيدلانية و ربة أسرة و نفس الجيل بتاع الجين أكسرز يعني :lol:

[SoSo R]

واللى كان قايل ع الجهاز برى كنادين مش هشام عشان التوضيح بس.... يا ريت نركز شوية

أنا برضه اللي أركز شويّة؟!

تقبّلي تحيّاتي وامتناني وشكري لحضرتك bv:- (وش د. هشام ابراهيم :lol: )

ماشي يا عم الحاج ...... Hi there (كوول و فريش أهو ) :P

فين يا عمنا الهاند أوفرز .... أوعي تكون جربت الدفيبرليتر علي حد :P

عايزين الترجمة يا دكترة فى الشريط السفلى اللى بيعدى فى الشاشة إنجليزى دة يا مرسى؟؟

و بعدين إيه حكاية hi there دى اللى بادية من ساعة ما دكتور تهامى راح كندا :P ؟؟

أنا حاسة بريحة خيانة و إن أنتوا بتتكلموا بالسيم :P

لأ ما هو أنا لازم أفهم smk: فيها لاخفيها

أفهمممممممم

تحياتى

سوسورانى

هتقولي بريكانيديان برضه؟!

معلهش خليها عليك و ما يبقاش قلبك أسود.... أنا خدت بالى منها تانى يوم و أنا فى الشغل أفتكرت و قلت أكيد هتسيحلى فى المنطقة و فعلا ما خيبتش ظنى و قمت بالواجب بس أنا كنت مواصلة من غير نوم بقالى 16 ساعة غير دوام طويل 10 ساعات

يعنى الرحمة حلوة

[SoSo R]

طيب يا أنكل هشام مادام أنت فاضى و خلصت البريزينتيشين خلاص و داخل و عمال ترد على الناس أمال أنا ردى فين؟؟؟؟ :angry:

و بعدين أنت ما حددتش أى وجه للطفولة ...البراءة(زى ما دكتورة إنجى قٌالت)...البساطة...ولا العباطة و الهبل

عشان بس الكلام يبقى واضح خصوصا بعد ما سوات سمعتى على صفحات المنتدى بالتهمة دى :lol:

بس وضحت لى الصراحة ليه كل لما حد بيدخل الصيدلية بيقولى ....روحى يا ماما شوفى لنا حد كبير نكلمه wst::

فيا ريت ترد بسرعة و ما ترميش الليلة ع التهامى لأن أنت اللى قلت مش هو

لحسن أقعد أتشاقى على صفحات المنتدى و أبهدل الدنيا....ما أهو أنا عيلة بقى!!! wst::

:lol:

ما دام السؤال المرة ديه موجه لي نبقى نجاوب يا دكتورة

الموضوع كله كان في سياق إن عم الحاج تهامي شايف اني منشي زيادة عن اللزوم و إن طريقة كلامي مخلياني شكلي كبير في السن ساعتها قولتله شكلك عايزني أبقي فريش و كول زاي طلبة الجامعة اللي زي سوسوراني و عندها بس اكتشفت إن حضرتك صيدلانية و ربة أسرة و نفس الجيل بتاع الجين أكسرز يعني :lol:

ربنا يكرمك يا دكتور هشام عملتنى طلبة جامعة

ما أنا مش كبيرة قوى برضه :lol:

بس هارجع أقولك ركز و أنت بتقرأ أمال الباسبورات اللى إستلمتها..و القصة إياها بتاعة الست فى السفارة كل دة كان إيه؟؟!!

حواديت قبل النوم!!! :)

[SoSo R]

مساء الخير يا دكتور تهامى شايفاك مضىء بس مش عارفة فين فى المنتدى و مساء الخير يا باشمهندس إيهاب شايفة حدرتك منور التوبيك فوجب علينا التحية

أنا كنت داخلة و ناوية أكتب كلام كتير كان على بالى بس الصراحة لقيت 3 صفحات زيادة مرة واحدة ما شاء الله و حاجات لازم أعقب عليها و أنا بصراحة هامووووت من التعب

يبقى أقول اللى كنت داخلة أقوله و بعدين أعقب

مساء الفل يا فندم...

ما زلنا منتظرين الكلام الكتير... مانتي مش هتفضلي تعبانة العمر كله :)

في انتظار التعقيبات :lol:

المداخلة دى رقم 100 بالنسبة لى وأنا كنت محوشاها و ما أكتبهاش فى أى حتة إلا عند دكتور التهامى زى ما كتبت أول مداخلة لى فى المنتدى دة هنا برضه وهى زى ما قلت سابقا أول مداخلة فى حياتى أكتبها

وعقبال ما أكتب هنا المداخلة ال200 و ال 300 وال 1000

يا فندم ده شرف ليّا وشرف للأهوة... برغم إنك تراجعتي عن سرد خبراتك الحياتيّة الغنيّة ، واللي ظهرت بوادر الموهبة الأدبية مع بداية عدم التأقلم مع الحياة في مصر اللي هي أمنا ، في مرحلة الثانوي :lol: بس نتمنى إعادة سرد المواقف الميلودرامية دي... السمّيعة في الانتظار wst::

وبالمناسبة دى قررت إنى أعزم كل السادة الأعضاء على كابتشينو على حساب دكتور محمد(ها يا دكتور عملت الأشتراك ولا لسة؟ فى تيم هورتونز)

يا سلااااام... دا إيه الجمال ده؟! يعجبني جداً موضوع اللي بيعزم من جيب غيره! طب ما تخلّيها عزومة أوبن بوفيه على حسابي بالمرة!

أنا قررت أجيب معايا كرتونة برطمانات كابوتشينو اللي زي ده ، واعملهالكو بإيديّا ارخصلي! يا إمّا نقفل الأهوة دي اللي مش جايبة مصاريفها دي!

ودة طبعا لأن أنا لسة فى كى جى وإنى زى ما دكتور هشام كان معتقد....بس يا ريت توضحلى الأعتقاد دة جاله منين بالضبط؟؟

هل ضبطنى و أنا لابسة اليونيفورم و رايحة المدرسة ولا إيه الحكاية؟؟؟ أرجو التوضيح

ها يا د. هشام... آديك شايف السؤال ... تجاوب انتا... ولاّ أجاوب أنا؟! :lol:

لآ من فضلك أنا عاملة حسابى فى العزومة على الكابتشينو الجاهز ما تضحكش ع الزباين!!!

وبعدين فيها إيه لما أعزم على حسابك مش المكان مكانك و أحنا فى ضيافتك

يعنى ينفع أحاسب و أنت موجود ده حتى الأتيكيت ما بيسمحش بكدة :angry:

أما بالنسبة للأوبن بوفيه ما يمشيش مع الكابيتشينو

ممكن إنجليش كيك أو كوكيز...شوف إيه موجود و هاته

آه صحيح...ما تنساش شوية ميه ساقعة :lol:

[د هشام ابراهيم]

ربنا يكرمك يا دكتور هشام عملتنى طلبة جامعة

ما أنا مش كبيرة قوى برضه wst::

بس هارجع أقولك ركز و أنت بتقرأ أمال الباسبورات اللى إستلمتها..و القصة إياها بتاعة الست فى السفارة كل دة كان إيه؟؟!!

حواديت قبل النوم!!! :lol:

العفو يا دكتورة و عند حضرتك حق انا فعلا ما كنتش مركز في المشاركات ديه أو نسيت التفاصيل بعد حين .....النسيان ديه خصلة في العبد لله اكتشفها تهامي كذا مرة في الزيارة الأخيرة ....تحياتي يا باشا ( بحاول أبقى كول و فريش أهو :))

[SoSo R]

نيجى بأى للهاند أوفر التحفة اللى كل مرة ما بالحقش أعقب عليه....

أنت مزنوق فى الفلوس بينك و بين نفسك يعنى ما حدش خد باله بس لما تبقى الفضيحة منتشرة قصاد الناس تعمل إيه :lol: ؟؟ زى الحكاية دى...

كنت لسه عروسة جديدة بقالى 3 أسابيع بالضبط و أول يوم شغل اللى كان فى مدينة نصر منطقتى الحبيبة ورايحة الشغل آخر شياكة (عروسة بأى) وبعد ما خلصت أتصلت بجوزى ع الموبايل أنا رايحة أجيب شوية طلبات للبيت

طيب إستنينى لما أخلص و آجى معاكى...

لالالالالالالالا و ألف لا معاك أسد ...قصدى ست بيت نمبر وان هاضبط أنا كل شىء خلص و حصلنى

طيب معاكى فلوس كفاية؟؟

أكيد طبعا (هنا الغلط إبتدى)

ورحت سوبرماركت المحمل اللى فى عمارات عثمان أكيد عارفينه و قعدت أحمل فى العربية ما أنا ست بيت شاطرة و عايزة أثبت جدارة wst::

و غلطت 3 غلطات

1. ركنت بعيد جدا

2. كنت لابسة كعب عالى كان هاين عليا أقلعه فى الآخر و أمشى حافية بس الأناقة :)

3. رحت أحاسب و حصلت الفضيحة اللى باقولك عليها ما عييش نصف المبلغ و الراجل حط فى أكياس و طبع الفاتورة..

و أول ما قلتله خلاص هارجع شوية حاجات لقيته بيبصلى بقرف من فوق لتحت و لسان حاله يقول هو أنت منهم وراح رمى لى الأكياس فى الأرض ونادى واحد:

شوف الآتسة عايزة ترجع إيه ..و أعمله مرتجع من الفاتورة

التانى قرفان منى و رمى الأكياس قدام المدخل.... بأى اللى داخل يتفرج و اللى طالع يتفرج بااس ,و أنا عرقت ووشى أحمر و حسيت بإحراج فظيع و كان هاين على أمشى و أسيب كل حاجة و طبعا ما أقدرش أستعين بصديق.... قصدى بجوزى بعد ما عملت فيها أسد :angry:

[SoSo R]

فيه بأى حكاية فكاهية شبه حكاية الأكل اللى حصلت مع هند و الرد الواووو اللى رديته عليها و اللى هيخلينى أغير رأيى فيك غالبا و أنا اللى كنت باقول باين عليك راجل جنتل :lol:

بس هاحكيها بعدين عشان عندى شغل بدرى و أخدت منكم وقت كتيير بحكاياتى

تحياتى سوسورانى

[bent misr]

رووووووووووووعه الهاند أوفر الأخير يا تهامي يا أخويا

وعلى رأي د/ هشام ماحنا طلعنا كلنا جيل واحد :)

المشاركه متأخره شويه بس ملحوقه أنا برضوا معاكم على الخط

و فظيعه قصتك يا سوسوراني بتفكرني بقصه حصلتلي زيها

بالضبط بس في أولاد المحلاوي الي في الطيران محنا طلعنا

كلنا جيران و من سكان مدينه نصر جانبك يا د/ تهامي تقريبا

في الشارع الي جنبك :angry:

وفينك يا د/ تهامي ايه بقى الي شاغلك عننا و عن الهاندأفر

الجديد wst:: المفروض مالاكش حجه بقه :lol:

معلش وعشان الاخوه اللي بينا أنا لازم أعرف هند

موضوع الخطوبه الجديده دي ( بقى عاوز تتجوز واحده قد ولادك

يا دكتور ) :lol: :lol: :lol:

ماشاء الله بنتك زي القمر يا باش مهندس ايهاب

أنا ممكن أخطبها لابني بس هوه أصغر منها حبتين

بس مش مشكله فرق السن مش مهم المهم النسب wst::

تم تعديل 10 مارس 2009 بواسطة bent misr

[ناوية ع الهجرة]

نيجى بأى للهاند أوفر التحفة اللى كل مرة ما بالحقش أعقب عليه....

أنت مزنوق فى الفلوس بينك و بين نفسك يعنى ما حدش خد باله بس لما تبقى الفضيحة منتشرة قصاد الناس تعمل إيه :lol: ؟؟ زى الحكاية دى...

كنت لسه عروسة جديدة بقالى 3 أسابيع بالضبط و أول يوم شغل اللى كان فى مدينة نصر منطقتى الحبيبة ورايحة الشغل آخر شياكة (عروسة بأى) وبعد ما خلصت أتصلت بجوزى ع الموبايل أنا رايحة أجيب شوية طلبات للبيت

طيب إستنينى لما أخلص و آجى معاكى...

لالالالالالالالا و ألف لا معاك أسد ...قصدى ست بيت نمبر وان هاضبط أنا كل شىء خلص و حصلنى

طيب معاكى فلوس كفاية؟؟

أكيد طبعا (هنا الغلط إبتدى)

ورحت سوبرماركت المحمل اللى فى عمارات عثمان أكيد عارفينه و قعدت أحمل فى العربية ما أنا ست بيت شاطرة و عايزة أثبت جدارة wst::

و غلطت 3 غلطات

1. ركنت بعيد جدا

2. كنت لابسة كعب عالى كان هاين عليا أقلعه فى الآخر و أمشى حافية بس الأناقة :)

3. رحت أحاسب و حصلت الفضيحة اللى باقولك عليها ما عييش نصف المبلغ و الراجل حط فى أكياس و طبع الفاتورة..

و أول ما قلتله خلاص هارجع شوية حاجات لقيته بيبصلى بقرف من فوق لتحت و لسان حاله يقول هو أنت منهم وراح رمى لى الأكياس فى الأرض ونادى واحد:

شوف الآتسة عايزة ترجع إيه ..و أعمله مرتجع من الفاتورة

التانى قرفان منى و رمى الأكياس قدام المدخل.... بأى اللى داخل يتفرج و اللى طالع يتفرج بااس ,و أنا عرقت ووشى أحمر و حسيت بإحراج فظيع و كان هاين على أمشى و أسيب كل حاجة و طبعا ما أقدرش أستعين بصديق.... قصدى بجوزى بعد ما عملت فيها أسد :angry:

اه دي مشكلة عندنا في مصر لو انت داخلة محل وما اشترتيش تلاقي البياع بيعاملك معاملة ...........

ولو مش معاك فلوس كفاية وانت بتحاسبي تبقى فضيحة وكأنك شحاتة

مع ان ده ممكن يحصل مع اي شخص و بصراحة ده مش بلاقيه خالص في الكويت

بالعكس حصل مع زوجي الموضوع ده قبل كده وعادي بيرجع الحاجات والكاشير بيبتسم وبيقولك thank u sir

[SoSo R]

أنا عارفة تهامى فين يا جماعة...

هو بس راح مشوار صغير لحد عمو تيم يجدد الأشتراك بتاع الأبونيه اللى بيدى خصم على المجموعات....و جاى علطووول

بافكر أنزل القصة الكوميدية بتاعتى عقبال ما ييجى ....ولا إيه رأيكم؟؟

نذيع؟؟؟

[SoSo R]

الحكاية دى هاكتبها تعليقا على الرد المريع اللى قاله التهامى أخونا و حبيبنا فى مرحلة الخطوبة للمدام و اللى لو كان خطيبى إتجرأ و قاله لى مش عارفة كنت عملت فيه إيه؟؟؟؟!!!!!

:lol: أكيد كنت هاخبطه بحاجة فى وشه

الحكاية دى حصلت مع صاحبتى الأنتيم كانت لسة مخطوبة جديد بعد ما إتخرجنا وكان البيه بتاعها بخيل حبتين فى كل حاجة

المهم كان يوم عيد و الباشا طبعا كان معزوم ع الغدا عندهم وماماتها كانت عاملة ما لذ و طاب من الأكل وكميات كبيرة

وهى بالصدفة ما كانتش جعانة ساعتها فأكلت بسيط

المفروض البيه ياخدها بأى يخرجها مش طفح خلاص فى آخر زاده..؟؟؟؟

لأنه إنسان كريم جدا خدها يتمشوا فى روكسى و شارع بطرس غالى لجد لما قالت جاااااى

يأولها تعبتى؟؟؟ يا دمك يا أخى أمال شايف إيه و انت ساحلها وراك و المفروض إنه عيد و كدة !!!!

المهم البنت جاعت لأنها ما أتغدتش و المشى الكتير زود الجوع

فقالت له أنا جعانة....

يعنى إيه؟؟؟(كلمة جديدة) :wub:

يعنى جعانة !!!!

طيب ما أكلتيش فى البيت ليه؟؟ ما هو الأكل كان كتيير ولا لازم الأكل اللى ندفع فيه فلوس

أستنى لما تروحى و أبقى كلى براحتك

طبعا أنا لو مكانها مش عارفة..... كنت تقريبا هاقتله

المهم بعد ما أتحايلت عليه لقى محل قذر فى روكسى جاب منه همبرجر بجنيه تقريبا و كل شوية هااه...شبعتى...مبسوطة كدة؟؟

عشان يسمم لها اللقمة

اليوم دة عدى بس الخطوبة دى أتفسخت

عارفين ليهههههههههه؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كان عايز يهاجر كندا و هى ما كانتش موافقة ha)

الشخص دة فى كندا على فكرة دلوقت wst::

تحياتى

سوسورانى