كندا التي رأيتها :)

[ناوية ع الهجرة]

يا سوسو راني انا بحسبك هتقولى فسخت الخطوبة n2&( علشان بخله؟؟؟؟؟ :giveup:

[moheltohamy]

علي فكرة عم الحاج التهامي قاعد في القهوة يا حضرات دلوقتي ..... قول حاجة بقي يا أخي :110: po::

إنتا بتروح فين يا راجل انتا؟! :blink: واحشني جداً ، ونفسي اكلمك بجد bv:-

يعني لسّه كاتب مداخلتك ، ودئيئة واتصل بيك ع الموبايل ، ومفيش أدّامي غير الفويس ميل! n2&(

هيّه المشكلة إن القريحة مش رايقة عشان نرستأ الكلام كده ونستفه ، وانا من الناس اللي باحب أكون كاتيجورايزد ، يعني نمسك الستايل حاجة حاجة كده نخلص منها!

وكمان النت بقالها يومين بطيئة بسفالة! يعني عشان افتح الصفحة بتاعت الرد دي قعدت مستني 3-4 دئايئ!

عموماً... النت بس يتعدل ، ونرد على الناس الأول ، واكون خلّصت الحتة اللي عليها الدور ف الهاند أوفر...

ادعيلنا انتا بس ، وابقى اسمع الفويس ميل! :giveup:

[moheltohamy]

نيجى بأى للهاند أوفر التحفة اللى كل مرة ما بالحقش أعقب عليه....

أنت مزنوق فى الفلوس بينك و بين نفسك يعنى ما حدش خد باله بس لما تبقى الفضيحة منتشرة قصاد الناس تعمل إيه :giveup: ؟؟ زى الحكاية دى...

كنت لسه عروسة جديدة بقالى 3 أسابيع بالضبط و أول يوم شغل اللى كان فى مدينة نصر منطقتى الحبيبة ورايحة الشغل آخر شياكة (عروسة بأى) وبعد ما خلصت أتصلت بجوزى ع الموبايل أنا رايحة أجيب شوية طلبات للبيت

طيب إستنينى لما أخلص و آجى معاكى...

لالالالالالالالا و ألف لا معاك أسد ...قصدى ست بيت نمبر وان هاضبط أنا كل شىء خلص و حصلنى

طيب معاكى فلوس كفاية؟؟

أكيد طبعا (هنا الغلط إبتدى)

ورحت سوبرماركت المحمل اللى فى عمارات عثمان أكيد عارفينه و قعدت أحمل فى العربية ما أنا ست بيت شاطرة و عايزة أثبت جدارة :110:

و غلطت 3 غلطات

1. ركنت بعيد جدا

2. كنت لابسة كعب عالى كان هاين عليا أقلعه فى الآخر و أمشى حافية بس الأناقة po::

3. رحت أحاسب و حصلت الفضيحة اللى باقولك عليها ما عييش نصف المبلغ و الراجل حط فى أكياس و طبع الفاتورة..

و أول ما قلتله خلاص هارجع شوية حاجات لقيته بيبصلى بقرف من فوق لتحت و لسان حاله يقول هو أنت منهم وراح رمى لى الأكياس فى الأرض ونادى واحد:

شوف الآتسة عايزة ترجع إيه ..و أعمله مرتجع من الفاتورة

التانى قرفان منى و رمى الأكياس قدام المدخل.... بأى اللى داخل يتفرج و اللى طالع يتفرج بااس ,و أنا عرقت ووشى أحمر و حسيت بإحراج فظيع و كان هاين على أمشى و أسيب كل حاجة و طبعا ما أقدرش أستعين بصديق.... قصدى بجوزى بعد ما عملت فيها أسد :lol:

مش عارف ائوللك إيه بس يا سوسوراني!

بجد إنتى أسعدتيني بمشاركتك دي ، فعلاً خلتني أبتسم في بداية يومي... يا رب يكرمك... :blink:

وانا م الأول وانا قلبي حاسس إنك موهوبة وقصّاصة ، وكفاءة إنك تفتحي قهوة لوحدك ، ومستعد أشتغل لك صبي فيها كمان. من أسلوب حكاويكي ، وتوقعي إن أكيد في سفرك وقبل سفرك كمان ، أكيد فيه حكاوي تملا كتب... دا بخلاف بدايات تفكيرك للهجرة لكندا ، وخطواتك فيها...

عموماً يا فندم إنتي بجد صاحبة مرور خفيف الظل علينا ، ويا رب ما تحرمينا من وجودك معانا من وقت للتاني ، لما تكوني فاضية n2&(

وهابقى احكيلك موقف مشابه للي حصل معاكي ، بس مع تغيير الديكور... حصل مع هند في كندا bv:-

بس النت تتعدل ، بكره إن شاء الله...

[د هشام ابراهيم]

علي فكرة عم الحاج التهامي قاعد في القهوة يا حضرات دلوقتي ..... قول حاجة بقي يا أخي bv:- :lol:

إنتا بتروح فين يا راجل انتا؟! po:: واحشني جداً ، ونفسي اكلمك بجد :wub:

يعني لسّه كاتب مداخلتك ، ودئيئة واتصل بيك ع الموبايل ، ومفيش أدّامي غير الفويس ميل! :110:

هيّه المشكلة إن القريحة مش رايقة عشان نرستأ الكلام كده ونستفه ، وانا من الناس اللي باحب أكون كاتيجورايزد ، يعني نمسك الستايل حاجة حاجة كده نخلص منها!

وكمان النت بقالها يومين بطيئة بسفالة! يعني عشان افتح الصفحة بتاعت الرد دي قعدت مستني 3-4 دئايئ!

عموماً... النت بس يتعدل ، ونرد على الناس الأول ، واكون خلّصت الحتة اللي عليها الدور ف الهاند أوفر...

ادعيلنا انتا بس ، وابقى اسمع الفويس ميل! :giveup:

:lol: :lol:

يا باشا أنا لسه في المستشفي .... فاضلي ربع ساعة و أخلص شغل النهارده .....ربع ساعة كمان و أبقي في البيت إن شاء الله ..... حبيبي هارتي يا تهامي n2&( :blink:

[enjisultan]

:blush2: :wub:

الحكاية دى هاكتبها تعليقا على الرد المريع اللى قاله التهامى أخونا و حبيبنا فى مرحلة الخطوبة للمدام و اللى لو كان خطيبى إتجرأ و قاله لى مش عارفة كنت عملت فيه إيه؟؟؟؟!!!!!

:lol: أكيد كنت هاخبطه بحاجة فى وشه

الحكاية دى حصلت مع صاحبتى الأنتيم كانت لسة مخطوبة جديد بعد ما إتخرجنا وكان البيه بتاعها بخيل حبتين فى كل حاجة

المهم كان يوم عيد و الباشا طبعا كان معزوم ع الغدا عندهم وماماتها كانت عاملة ما لذ و طاب من الأكل وكميات كبيرة

وهى بالصدفة ما كانتش جعانة ساعتها فأكلت بسيط

المفروض البيه ياخدها بأى يخرجها مش طفح خلاص فى آخر زاده..؟؟؟؟

لأنه إنسان كريم جدا خدها يتمشوا فى روكسى و شارع بطرس غالى لجد لما قالت جاااااى

يأولها تعبتى؟؟؟ يا دمك يا أخى أمال شايف إيه و انت ساحلها وراك و المفروض إنه عيد و كدة !!!!

المهم البنت جاعت لأنها ما أتغدتش و المشى الكتير زود الجوع

فقالت له أنا جعانة....

يعنى إيه؟؟؟(كلمة جديدة) :happy:

يعنى جعانة !!!!

طيب ما أكلتيش فى البيت ليه؟؟ ما هو الأكل كان كتيير ولا لازم الأكل اللى ندفع فيه فلوس

أستنى لما تروحى و أبقى كلى براحتك

طبعا أنا لو مكانها مش عارفة..... كنت تقريبا هاقتله

المهم بعد ما أتحايلت عليه لقى محل قذر فى روكسى جاب منه همبرجر بجنيه تقريبا و كل شوية هااه...شبعتى...مبسوطة كدة؟؟

عشان يسمم لها اللقمة

اليوم دة عدى بس الخطوبة دى أتفسخت

عارفين ليهههههههههه؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كان عايز يهاجر كندا و هى ما كانتش موافقة :lol: :lol:

الشخص دة فى كندا على فكرة دلوقت wst::

تحياتى

سوسورانى

[bent misr]

جامده جدا جدا القصه دي يا سوسوراني

بس معلش صاحبتك دي تستاهل الي جرالها

بقى سابتو علشان مهاجر كندا :ninja:

مهاجر ولا مش مهاجر وهوه اللي عمله معاها ده كان شويه

ده كان يوميها لازم وهيه بتاكل السندويتش أبو جنيه ده

ترميله الدبله في وشه و تقوله خدها شوف هاتجبلك

بيها كام سندويتش زيه :) :ninja:

تم تعديل 12 مارس 2009 بواسطة bent misr

[SoSo R]

نيجى بأى للهاند أوفر التحفة اللى كل مرة ما بالحقش أعقب عليه....

أنت مزنوق فى الفلوس بينك و بين نفسك يعنى ما حدش خد باله بس لما تبقى الفضيحة منتشرة قصاد الناس تعمل إيه :lol: ؟؟ زى الحكاية دى...

كنت لسه عروسة جديدة بقالى 3 أسابيع بالضبط و أول يوم شغل اللى كان فى مدينة نصر منطقتى الحبيبة ورايحة الشغل آخر شياكة (عروسة بأى) وبعد ما خلصت أتصلت بجوزى ع الموبايل أنا رايحة أجيب شوية طلبات للبيت

طيب إستنينى لما أخلص و آجى معاكى...

لالالالالالالالا و ألف لا معاك أسد ...قصدى ست بيت نمبر وان هاضبط أنا كل شىء خلص و حصلنى

طيب معاكى فلوس كفاية؟؟

أكيد طبعا (هنا الغلط إبتدى)

ورحت سوبرماركت المحمل اللى فى عمارات عثمان أكيد عارفينه و قعدت أحمل فى العربية ما أنا ست بيت شاطرة و عايزة أثبت جدارة

و غلطت 3 غلطات

1. ركنت بعيد جدا

2. كنت لابسة كعب عالى كان هاين عليا أقلعه فى الآخر و أمشى حافية بس الأناقة

3. رحت أحاسب و حصلت الفضيحة اللى باقولك عليها ما عييش نصف المبلغ و الراجل حط فى أكياس و طبع الفاتورة..

و أول ما قلتله خلاص هارجع شوية حاجات لقيته بيبصلى بقرف من فوق لتحت و لسان حاله يقول هو أنت منهم وراح رمى لى الأكياس فى الأرض ونادى واحد:

شوف الآتسة عايزة ترجع إيه ..و أعمله مرتجع من الفاتورة

التانى قرفان منى و رمى الأكياس قدام المدخل.... بأى اللى داخل يتفرج و اللى طالع يتفرج بااس ,و أنا عرقت ووشى أحمر و حسيت بإحراج فظيع و كان هاين على أمشى و أسيب كل حاجة و طبعا ما أقدرش أستعين بصديق.... قصدى بجوزى بعد ما عملت فيها أسد :lol:

مش عارف ائوللك إيه بس يا سوسوراني!

بجد إنتى أسعدتيني بمشاركتك دي ، فعلاً خلتني أبتسم في بداية يومي... يا رب يكرمك... :wub:

وانا م الأول وانا قلبي حاسس إنك موهوبة وقصّاصة ، وكفاءة إنك تفتحي قهوة لوحدك ، ومستعد أشتغل لك صبي فيها كمان. من أسلوب حكاويكي ، وتوقعي إن أكيد في سفرك وقبل سفرك كمان ، أكيد فيه حكاوي تملا كتب... دا بخلاف بدايات تفكيرك للهجرة لكندا ، وخطواتك فيها...

عموماً يا فندم إنتي بجد صاحبة مرور خفيف الظل علينا ، ويا رب ما تحرمينا من وجودك معانا من وقت للتاني ، لما تكوني فاضية :lol:

وهابقى احكيلك موقف مشابه للي حصل معاكي ، بس مع تغيير الديكور... حصل مع هند في كندا :lol:

بس النت تتعدل ، بكره إن شاء الله...

مساء الخير يا دكتور أشكرك على الرد الجميل و آسفة على التأخير فى الرد لأن ال CTS عامل عمايله و مش قادرة آجى جنب الكومبيوتر و لا ألمسه

فاعذرنى لحد ما أتحسن ولى تعقيب مفصل فيما بعد

تحياتى

سوسورانى

[SoSo R]

الأخوات العزيزات: بنت مصر,ناوية ع الهجرة,إنجى سلطان

طبعا صاحبتى فسخت الخطوبة عشان بخله الشديد و أسلوب تعامله السىء جدا معاها و موضوع الهجرة كان أحد الأسباب الإضافية أو الثانوية اللى يأكد قرارها أنا بس ذكرته عشان موضوع الهجرة هو اللى بنحكى فيه هنا....

و دلوقت أستأذنكم أكتب حاجة كنت هاكتبها فى واحة المنتدى... بس لأنى باعتبر هنا واحتى هاكتبه هنا وأرجو إنى ما أبعدش عن الجو المرح يا جماعة

أعذرونى

إسمح لى أن أنزوى فى ركن مظلم بعيد....

أدفن وجهى بين كفىَ.......

و أترك العبرات الساخنة تلهب وجهى....

فقد لمستنى مسحة من الحزن العميق....

ودفعتنى لهاوية سحيقة...

كأن أحدهم ألقى بحجركبير..

فى تلك البركة الهادئة التى ترسبت فيها جروح الماضى ورواسبه....

فعكر صفوها وعلت تياراتها و أشعل فيها نيران الغضب....

فاتركنى أغرق فى صمتى و أحزانى...

لعل الصمت يضمد جراحى..

و يكفكف دموعى..

و يطيب حروق وجنتىَ..

أترك نفسى تنطلق...

ودع روحى تحلق فى الفضاء الفسيح...

لعل الفراغ المحيط يطهر روحى...

من هذا الحزن البغيض.........

و عندها سأعود إن تعافيت

سوسورانى

[moheltohamy]

كنت عاوزة اسال اصدقاء المنتدي الي عايشين في كندا ، واسألك يا دكتور تهامي عن احوال المسلمين في كندا.

هل المسلمين هناك عارفيت يحافظوا على هويتهم؟ هل الاجيال الجديدة تجيد اللغة العربية؟

وازاي المسليمن بيربوا اطفالهم في ظل العادات و التقاليد المختلفة؟ وخصوصا ان الكبار نفسهم بيجدوا صعوبة في التعامل مع المجتمعات الغربية.

معلش يا برينسيس...

المشاركة دي تاهت ف الزحمة ، بس استأذنك ... ليها جزء ف الهاند أوفر...

وطبعاً المشاركة دي بتنده وبتقول ... يا إيهاب رد عليّا! :unsure:

[moheltohamy]

الا اية الاجابة صحيح .....مافيش

حاجة يعنى احنا جين نهدى النفوس

بس انا بيتهئ لى ان عشان اسلوبك فى براءة مش دا برضوا عن الاخت سوسورانى

وبعدين يا ستى بذمتك تطلعى طفلة اجدع ولا يقولوا عليكى موس mc:

wst::

الا يا دكتور تهامى...استسمحك فى سؤال كده صغير....

هو انت ما تقعش تحت بند امواس ده؟؟؟ بما انك دكتور برده و والدك كان برده دكتور

و لا أيه؟؟

و بعدين يا باشا فين بقية الحلقات مش تظبط الزباين باى حاجة كده !!

بص يا عم شهاب...

تئدر تؤول كده إني موس تلِم ، ما يعوّرش ، لكن الدور والبائي بأه ع اللي اتعينوا في سلك الجامعة وبؤوا أعضاء هيئة تدريس ، دول بأه الامواس اللي تعوّر (صباح الخير د. إنچي) :blink:

فيه ناس تانية بأه كل من يتعلّق بيه أو عيلته أو معارفه أو جرايبينه امواس... دول بأه اللي يشرّحوا :D

فهمت بأه أقصد إيه بالامواس؟!

وما تخافش ع الزباين... هيتظبّطوا دلوقتي :unsure:

إختفاء التهامى فى ظروف غامضة وجارى البحث عنة فى كل مكان ولا أثر لة حتى الأن!!!!!!!!!

هو إنت عمات زى الشامى واله إية؟؟؟!!!!!!! wst::

لا والله يا دكترة... موجودين آهوه.

امبارح دخلت أرد ، وبعد ما طلعت عيني رد وتنسيق ، كلّه راح! على بختي ؛ الأبديت بتاع السيرفر ده اتعمل في وقت كتابتي للرد! ونام المنتدى ننه هوه!

وساعات القريحة ما بتكونش مهاودة ، فـــ باتكسف أدخل بإيدي فاضية! :lol:

[moheltohamy]

صحيح يا تهامي هو ايه معنى الكلام الغريب اللي في توقيعك ده

فيجيب الدمع والماضي الجريح ... لم عدنا؟ ليت أنّا لم نعد!

مش ماشي معاك خالص

وهي "ليتنا" و الا "ليت أنّا"

معلش احنا بنتكلم مع بعض مفيش اي حاجه

خلاص بأه يا عم إيهاب... ربنا أمر بالستر :blink:

ثانياً ... لمّا أبو سعد يكتب حاجة يا باشا... إنسى إنك تدوّر وراه ف البانكتيويشن أو الاسبيلينج!

ليت أنّا... مش ليت أننا حتى!

"

مغرووووووووووووووور :lol: (على رأى حليم)

والله أبداً يا سوسوراني... كل الموضوع إني محسْوِك زيادة شويّتين ، وموضوع الاسبلينج عندي واخد أكتر من حقه!

دانا باتتريق ع الأمريكان اللي عندنا هنا لما يغلطوا في كتابة كلمة أو جملة (سواء اسبيلينج أو جراماتيكال) ، وغلطاتهم دي كتير والحمد لله!

وأيّام الثانوية العامة في الكيميا (والعضوية تحديداً) ، كان لازم وأساسي عندي وزن المعادلة (يعني مثلاً عدد ذرات الكربون اللي داخلة التفاعل يساوي اللي خارجة ، وكذلك الأكسجين والهيدروجين والنيتروجين والكبريت والصوديوم و غيرهم لو فيه!) ، رغم إن المدرّسين كانوا يئولولنا الوزن مش هتنقصوا عليه في الامتحان ، بس أنا كنت باستف المعادلة تبعاً للوزن!

هوّه كاراكتر! يعني حسوَكة... مش غرور خالص والله! :unsure:

[moheltohamy]

طيب يا أنكل هشام مادام أنت فاضى و خلصت البريزينتيشين خلاص و داخل و عمال ترد على الناس أمال أنا ردى فين؟؟؟؟

و بعدين أنت ما حددتش أى وجه للطفولة ...البراءة(زى ما دكتورة إنجى قٌالت)...البساطة...ولا العباطة و الهبل

عشان بس الكلام يبقى واضح خصوصا بعد ما سوات سمعتى على صفحات المنتدى بالتهمة دى wst::

بس وضحت لى الصراحة ليه كل لما حد بيدخل الصيدلية بيقولى ....روحى يا ماما شوفى لنا حد كبير نكلمه mc:

فيا ريت ترد بسرعة و ما ترميش الليلة ع التهامى لأن أنت اللى قلت مش هو

لحسن أقعد أتشاقى على صفحات المنتدى و أبهدل الدنيا....ما أهو أنا عيلة بقى!!! :lol:

wst::

ما دام السؤال المرة ديه موجه لي نبقى نجاوب يا دكتورة

الموضوع كله كان في سياق إن عم الحاج تهامي شايف اني منشي زيادة عن اللزوم و إن طريقة كلامي مخلياني شكلي كبير في السن ساعتها قولتله شكلك عايزني أبقي فريش و كول زاي طلبة الجامعة اللي زي سوسوراني و عندها بس اكتشفت إن حضرتك صيدلانية و ربة أسرة و نفس الجيل بتاع الجين أكسرز يعني :blink:

يا رااااجل...

هيّه كلمة (دي طفلة) اللي أولتها كان معناها طلبة جامعة؟!

إن بعض الظن إثم صحيح... :D

تسدّأ إني تخيّلت إنك قلتلي (شوفت كاتبة إسمها ازاي؟) و (وعمّالة تئوللي خلّيك فريش) و (احنا في رحلة!)

دي طفلة

معلش احنا بنتكلم مع بعض مفيش اي حاجه (كوبي وبيست من إيهاب سالم :unsure:)

[moheltohamy]

لآ من فضلك أنا عاملة حسابى فى العزومة على الكابتشينو الجاهز ما تضحكش ع الزباين!!!

وبعدين فيها إيه لما أعزم على حسابك مش المكان مكانك و أحنا فى ضيافتك

يعنى ينفع أحاسب و أنت موجود ده حتى الأتيكيت ما بيسمحش بكدة :D

أما بالنسبة للأوبن بوفيه ما يمشيش مع الكابيتشينو

ممكن إنجليش كيك أو كوكيز...شوف إيه موجود و هاته

آه صحيح...ما تنساش شوية ميه ساقعة

بأه كييييدا :lol:

إنتي بتئولي أضحك ع الزباين ، وبنت مصر تئوللي زهآنة من بتاع البيت!

ونسْيت إنها بتكلّم التهامي هورتونز بنفسه ، اللي بسر خلطته ، كل مصر حبّته! :blink:

يا بنتي دا أنا أوّل ما جبت المج السحري بتاعي ده مع أول زيارة لكندا ، وطبعاً لازم مج الكابوتشينو المزاج بتاع الصبح وانا طالع أحضر الـ Morning Meeting ، والبريمة هنا اتقلبت... من كبيرها لصغيّرها... الواد مسك المقص... أصدي التهامي مسك المج!

واللي رايح واللي جاي يسأل ويستفسر... إيه حكاية مج التهامي اللي كل البني آدمين بيسألوا عليه؟!

تسدئي بأه... إنتو الخسرانين!

أولاً ... البرطمان ده هوّه هوّاه اللي بيقدموه في تيم هورتونز! كل الموضوع إنهم بيقلبوا عليه شويّت ميّه سخنين ، ودمتم!

شوفي بأه أبو سعد في التهامي هورتونز بيعمل إيه؟

هاكلمك عن اللي باعمله اليومين دول ، في غياب حتى البرطمان التيم هورتوناوي ده... ما لحقتش أشتري كام واحد وانا جاي المرّادي ، بالإضافة... ماكانش فيه مكان ف الشنط! ولا وزن!

أصحى الصبح ، أطلع ع الميس في الدور اللي فوق... ومعايا المج السحري بتاعي...

آخد شويّت لبن من التلاّجة ، وفي كبّاية ورق ، ولمدة دقيقة و10 ثواني في المايكرو ويف! وعلى ما يغلِي اللبن ، آخد المج السحري بتاعي ، وأحط فيه السكر ، وبتاع معلقة فانيليا بودرة ، يطلع اللبن سخن موحوح م المايكرو ويف ، آخده و ع المج السحري ، وهاتك يا لف! وبعد ما يعمل الوش المحترم اللي مفيش منه ، أزوّد شويّت لبن مكثف وهوّه بيضرب فيه! وبعد ما يتعذب ، وخلاص يحرّم يعملها تاني ؛ أوقف اللف ، وأزوّد النسكافيه (ماكينة النسكافيه شغالة على طول ما بتبطّلش... معانا أمريكان لو كنتي نسيتي!)... أزوّد النسكافيه ع المج ، وبعدين رشة جريئة من الكاكاو (لزوم الحركات) ع الوش...

كده بأه كابوتشينو دسم بـ 3 طبقات ، وأستك... قصدي 3 طبقات و رشة جريئة! wst::

خُديلك بصة كده على المج السحري...

ده مع بداية الضرب (حطّيتلكو ميّه عشان تفهموا فكرة العمل). طبعاً اللي تحت ده (المنطئة السودا) مكان البطّاريتين AA (بيكفوا شهر أو شهر ونص من الاستخدام اليومي) والموتور!

وبعد بداية الضرب بكام دئيئة ، يبدأ تكوين الرغوة... وكل ما تسيبيه أكتر ، كل ما الرغوة تبقى كثيفة وثابتة.

وآدي أحدث إنتاج للتهامي هورتونز! الكابوتشينو التهامي بالفرينش فانيللا والكاكاو wst::

بذمّتك بأه - وانا راضي ضميرك - أنهو أحسن ، وأشيك؟! :unsure:

[moheltohamy]

الحكاية دى هاكتبها تعليقا على الرد المريع اللى قاله التهامى أخونا و حبيبنا فى مرحلة الخطوبة للمدام و اللى لو كان خطيبى إتجرأ و قاله لى مش عارفة كنت عملت فيه إيه؟؟؟؟!!!!!

:P أكيد كنت هاخبطه بحاجة فى وشه

الحكاية دى حصلت مع صاحبتى الأنتيم كانت لسة مخطوبة جديد بعد ما إتخرجنا وكان البيه بتاعها بخيل حبتين فى كل حاجة

المهم كان يوم عيد و الباشا طبعا كان معزوم ع الغدا عندهم وماماتها كانت عاملة ما لذ و طاب من الأكل وكميات كبيرة

وهى بالصدفة ما كانتش جعانة ساعتها فأكلت بسيط

المفروض البيه ياخدها بأى يخرجها مش طفح خلاص فى آخر زاده..؟؟؟؟

لأنه إنسان كريم جدا خدها يتمشوا فى روكسى و شارع بطرس غالى لجد لما قالت جاااااى

يأولها تعبتى؟؟؟ يا دمك يا أخى أمال شايف إيه و انت ساحلها وراك و المفروض إنه عيد و كدة !!!!

المهم البنت جاعت لأنها ما أتغدتش و المشى الكتير زود الجوع

فقالت له أنا جعانة....

يعنى إيه؟؟؟(كلمة جديدة) :P

يعنى جعانة !!!!

طيب ما أكلتيش فى البيت ليه؟؟ ما هو الأكل كان كتيير ولا لازم الأكل اللى ندفع فيه فلوس

أستنى لما تروحى و أبقى كلى براحتك

طبعا أنا لو مكانها مش عارفة..... كنت تقريبا هاقتله

المهم بعد ما أتحايلت عليه لقى محل قذر فى روكسى جاب منه همبرجر بجنيه تقريبا و كل شوية هااه...شبعتى...مبسوطة كدة؟؟

عشان يسمم لها اللقمة

اليوم دة عدى بس الخطوبة دى أتفسخت

عارفين ليهههههههههه؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كان عايز يهاجر كندا و هى ما كانتش موافقة ;) :lol:

الشخص دة فى كندا على فكرة دلوقت wst::

تحياتى

سوسورانى

مبدئيّاً ... شكراً ليكي على مداخلاتك التحفة... واللي بتثبت وبتؤكّد وجهة نظري... إن البنت سوسوراني دي كنز مليان ومعبّي ، ومنتظر اللي يكتشفه :wub:

وهوّه م الواضح إن البنات ياما بيشوفوا... والمصيبة الأزليّة اللي اسمها جواز الصالونات دي ، بيشوفوا من وراها فضاااايح! ويتكتب عليها مجلّدات!

ومش هادافع عن نفسي إني مش بخيل وكده... (حاسس إن القصة دي فيها إسقاط سياسي عليّا :sad: )

بس هائوللك حاجة واحدة... يا ريتني كنت بخيل!

آهو ع الأقل كان زماني عملتهم على قلبي آد كيداهوه!

لكن ، وبعد حوالي خمس سنين في قطاع البترول - داخل وخارج مصر - وكل اللي حيلتي في البنك...

أقل من مرتب شهر واحد حضرتك! :P

تم تعديل 13 مارس 2009 بواسطة moheltohamy

[moheltohamy]

و دلوقت أستأذنكم أكتب حاجة كنت هاكتبها فى واحة المنتدى... بس لأنى باعتبر هنا واحتى هاكتبه هنا وأرجو إنى ما أبعدش عن الجو المرح يا جماعة

أعذرونى

إسمح لى أن أنزوى فى ركن مظلم بعيد....

أدفن وجهى بين كفىَ.......

و أترك العبرات الساخنة تلهب وجهى....

فقد لمستنى مسحة من الحزن العميق....

ودفعتنى لهاوية سحيقة...

كأن أحدهم ألقى بحجركبير..

فى تلك البركة الهادئة التى ترسبت فيها جروح الماضى ورواسبه....

فعكر صفوها وعلت تياراتها و أشعل فيها نيران الغضب....

فاتركنى أغرق فى صمتى و أحزانى...

لعل الصمت يضمد جراحى..

و يكفكف دموعى..

و يطيب حروق وجنتىَ..

أترك نفسى تنطلق...

ودع روحى تحلق فى الفضاء الفسيح...

لعل الفراغ المحيط يطهر روحى...

من هذا الحزن البغيض.........

و عندها سأعود إن تعافيت

سوسورانى

يا فندم يسعدنا استضافة حضرتك في واحة التهامي هورتونز... ملاذ كل حزين أو وحيد أو غلبان... أو CTSــاته بتوجعه :P

مش عارف هيّه دي خواطر ، ولاّ ترجمة لأغنيّة من رزع الحلل بتوع أخونا هشام ، اللي راح ترجمهم على قهوة لولا :P

وألف سلامة على CTSـــك يا فندم... إن شالله اللي يكرهوكي :sad:

[moheltohamy]

أنا قاعده مستنظره الهاندأوفر الجديد

يا تهامي يا خويا :P

معلش أصلي حسيت انها بتعجبك يا تهامي ياخويا دي

وحسيت ان ليها واقعه حصلت معاك ياريت تبقى

تحكيهلنا :P

:wub: اييييييييه دنيا ;)

الحكاية وما فيها يا بنت مصر يا اختي...

إن هشام لما كنا مع بعض هناك المرة اللي فاتت... كان دايماً بيندهلي كده... (وكانت بتطلع منه زي الشربات بصراحة :P )

نمشي ازاي يا تهامي يا خويا؟

نعمل إيه يا تهامي يا خويا؟

مش عارف هاجيلك منين يا تهامي يا خويا ، الواد النافيجيتور هوّه اللي هيقرر!

دا مرّه كان بيحكيلي إنه كان بيفكر مع نفسه ، وبيتساءل ، طب نعمل إيه يا هشام يا خويا :sad:

الراجل ده حتت سُكّرة... وكان أحد أسباب سعادتي في زيارتي الأخيرة :lol:

[moheltohamy]

بجد يا حاج تهامى

بقت قهوة وقمة فى الشياكة كمان

تهامى هورتونز بصحيح

تسلم يا حسام يابو القهاوي يا كبير...

يا رب نشوفك حدانا في كفر الكنادوة ، وأعملهالك بإيديّا دول الحلوين دول :sad:

تم تعديل 13 مارس 2009 بواسطة moheltohamy

[moheltohamy]

نرجع بأه للهاند أوفر... أكيد وحشكو :sad:

أحكيلك بأه عن قصتي مع الحلاقة...

من صغري وموضوع الحلاقة ده خنيق بالنسبالي! كان بابا الله يرحمه يكره الحلاقة عشان بيفضل آعد متخشب أدّام الحلاّق ، ويمطوَح في راسه سنّه يمين وسنّه شمال! أنا كنت باستمتع جداً بموضوع الماكينة اليدوية اللي بتأيّف أفا سعادتك... كنت باحس انها بتزغزغني! وكمان البتاعة اللي عاملة زي فروة الأرنب والبودرة دي اللي كنت باسخسخ من الإغراء بتاعها من وانا طفل ، ومش عارف هيّه إيه فايدتها أصلاً! وسألت الحلاّق بتاعي في ميت غمر عليها من كام شهر ، وأولتله أنا كاتم السؤال ده في قلبي من سنين ، ونفسي أعرف إيه الداعي ليها! الراجل صُعُبت عليه ، وشرحلي ، لكن كالمعتاد ... نسيت! هيّه حاجة من اتنين... يا إمّا دي بتعمل كـ Lubricant قبل ما يأيّفلك أفاك بالموس ، يا إمّا – ودي الأرجح – عشان بتظهر لو فيه شعراية فلتت ومش باينة ؛ البودرة بتظهرها! وكانت مشكلتي في الحلاقة دايماً الشعر اللي بيؤع عليّا أثناء الحلاقة ده ، لدرجة إني بعد ما باخلّص حلاقة تلاقيني وانا ماشي - أو لو حتى سايق العربية بعدها ، ومروّح ع البيت - دايماً محنى لأودّام ، وإنسى إني أحط الحزام وانا سايق (واللي يحصل يحصل) ، وقرفان من نفسي لأقصى درجة! ما بارتاحش ، وارجع إنسان طبيعي غير لما ارجع البيت وآخدلي دش ، أرجع مُعقّم بعده تاني!

المهم... أنا على مدار سنوات عمري ، ما كنتش مرتاح مع حلاّق بعينه... لغايت ما رحت لصالون بتاع اتنين اخوات مفتوح جمب بيت الواد عمر (واحد صاحبي في ميت غمر) ، هوّه اللي اقترحه عليّا! من ساعتها يا ريّس وانا ما باتكيّفش غير معاهم! حتى بعد ما اتجوّزت واستقرّيت في مدينة نصر... كنت استنى أروح ازور ماما في المنصورة ، واعدّي على ميت غمر أحلق ، وع البيت آخد دش ، وبعدين أنطلق ع المنصورة! وبعد ما جاني الشغل في السعودية ، وطلعنا ع الإمارات ، وبعدها ع السعودية ، كنت باستنى في أجازاتي أنزل احلق في ميت غمر! وبعد ما رحنا كندا ، برضه كنت بارجع على مصر ، أحلق ، وبعدين تاني يوم اطلع ع السعودية! وكذلك المشوار بتاع جنوب أفريقيا ، رحت حلقت أبل ما أطلعه ، وأولتلهم ما يقصّروش أوي عشان هارجعلهم تاني بعد 22 يوم ، أحلق تاني أبل ما ارجع السعودية! هند كانت هتلطم... بأه يعني لا القاهرة ولا السعودية ولا كندا فيهم حد ينفع يحلق لسعادتك؟! بس تعمل إيه بأه؟ القلب وما يريد!

مرتين في حياتي بس اللي شزّيت عن القاعدة ، وحلقت برّه... واحنا في فترة المستجدّين في كلّية الظبّاط الاحتياط ، ودي طبعاً مجبر أخاك لا بطلُ! والمرّة التانية كانت في الحج من كام شهر... وبرضه ، ما فيهاش مَفْيَص!

فضلت القاعدة ماشية زي الفل... لغايت آخر مرة. طلعت من السعودية على كندا ، وهارجع تاني ع السعودية! يعني فيها 3 شهور ، هابقى كانيش فيهم! فكان لا بد مما ليس منه بد... مضطر أحلق في كندا!

أحكيلك عن الخلفيه الموجودة عندي عن صالونات الحلاقة في كندا قبل ما اجرّبها... الأسعار بتتفاوت من مكان للتاني ، والمكان له سعر محدد ، المفروض تدفعه ، بالإضافة للتيپس اللي بتسيبه (مش زي مصر ، اللي تدّي للحلاّق اللي يطلع من ذمّتك ، والمفروض ما ينطقش)! كانت البداية أيّام البرّيمة 92 ، كنت باكلّم الواد عبهادي (في ألبيرتا) ، وبندردش شويّة وبيحكيلي... باحلق بـــ 20 دولار ، باحلق راسي يا بو سعد بميت جنيه حار ونار! وفي سكاربرو أول ما رحنا عند إيلما جستهاوس ، كان فيه صالون حلاقة قريّب م البيت كاتب بره سعره 8.5 دولار ، وده يُعتبر رخيص. لو رحت على مناطق إجلنتون ولورانس إيست ، هتزيد شويّة (بتاع 15 دولار مثلاً) ، وكل ما تقرّب من يانج استريت بيعلى السعر وبيوصل في المنطقة بتاعتنا (يانج آند إجلنتون) لـــ 25-30 دولار ، والحريمي لـــ 60 دولار!

والحلاقة هناك مختلطة ، مش يونيسيكس (Unisex) ، وده معناه إن ممكن اللي بيحلق لك يكون راجل ، وممكن جداً تكون واحدة ست (والأغلب في الشغلانة دي حلاّقات)! وكذلك ممكن تتلِفِت يمينك تلاقي واحدة بتاخد دقنها ع الكرسي اللي جمبك... عادي جداً! هيّه مش بتعمل حاجة عيب ، يبقى تستخبّى ليه! تعرف... كنا واحنا صغيّرين زمان ، نتمنى الباب بتاع الكوافير الحريمي يتفتح ، ونشوف إيه اللي بيحصل جوّه! وكنا – بكل استغراب – نلاحظ إنهم قاعدين ع الكراسي عادي يعني ، مفيش حاجة عيب بتحصل جوّه! أمّال قافلين الباب ليه ، وحتى لو إزاز بيكون معتم ؛ بحيس مستحيل تلمح اللي بيحصل جوّه ، والعيال في المدرسة بأه يحكولك أساطير ع اللي بيحصل جوّه في الكوافيرات! بيفكّرني الموضوع ده بـــ ليه دايماً دورة المياه الحريمي مقفولة ، والرجالي مفتوحة ، وممكن ما يكونش ليها باب أصلاً! نظام (إحنا ما عندناش حاجة نخبّيها أو نخاف منها لمؤاخذة!) :P

المهم... هند بتقوللي إن الستات دول پروفيشنال فعلاً ، وبيفهموا في شغلهم كويّس جداً ، ومحترمات ، وأحسن ميت مرّه من بتوع مصر! مع إنها كانت بتروح لواحدة أستاذة في مصر الجديدة اسمها يولا ، لبنانية أصلاً ومتخصصة في العناية بالبشرة ، وجوزها عصام ، مصري وهوّه اللي ماسك الكوافير! اللذيذ بأه إني مرة اتصلت بيها على تليفون المحل ورد عليّا عصام ده... إيه يا اخواتي الطعامة دي؟! على رأي عبد الفتاح القصري لمّا كان بيتكلّم على الباز افندي في ابن حميدو لما قال "دا راجل... أنا نفسي أتمناه"! أنا سمعت صوته وتعبت نفسيّاً! إيه الرقة والحنّية دي كلّها... يا خلاسي ع العسل! الراجل من كُتر تعامله مع الستات ، ما بآش عارف هوّه إيه! واسأل هند بعدها... هيّه مين الأخت اللي ردّت عليّا من شويّة ، ودي تئوللي (دا عصام)! ياختي أولي كلام غير ده

المهم... حتى في قصة الشعر مع هند... في كندا ، الست اللي بتروحلها بتقصّلها الأطراف المقصّفة بزاوية ؛ بحيث لو مسكتها شعراية شعراية ؛ تلائيها مشطوفة! دا بخلاف الكريمات والشامبوهات وغيره... تحس إن الناس دي بتشتغل عن علم!

لمّا رحت كندا بأه ، وكان لازم زيارة لصالون الحلاقة... كنت في سكاربرو ، في Fairview Mall (مول كبير فوق محطة مترو دون ميلز) ، باستلم العربيّة اللي أجّرتها من هناك (هاحكيلك المشوار ده بعدين)... لفت نظري وانا هناك كذا صالون حلاقة... وكنت باكلّم د. هشام ابراهيم (واحد صاحبي انتا ما تعرفوش) إني رايح أحلق شعري ، والاقيه بيدّيني نصيحة من خبرته الحلاقية... يُستحسن أخلّيني مع الحلاّقات ، غير كده معظم الحلاّقين الرجّالة تحس إنهم ولمؤاخذة شويّة!

المهم... استنضفت صالون حلاقة منهم ودخلته... طبعاً فيه فريق ريسيپشن من بنتين ، واحدة منهم أخدت بياناتي ع الكمبيوتر ، وعملتلي New Account عندهم ، وبعدين دخلت على كرسي أنتظرها تجيبلي حد من جوّه ، ورجعت ومعاها واحد عرّفني بنفسه (تأريباً هوّه الافندي يبقى صاحب الصالون ، عشان الإيصال طالع بإسمه "Yossi") ، وأخدني على كرسي بانام عليه عشان يغسللي شعري. بعد كده على كرسي الحلاقة المعتاد ، وطلباتي إيه في القَصّة ، وبعدين بدأ يشتغل مبدئيّاً بالماكينة الكهربا معظم الشغل ، وبعدين بدأ ينأنأ بالمقص في الأواخر ، وبعد كده ، تمام كده؟ لأ يا خفيف ، قصّرلي شويّة كمان (كان كلّها أسبوع وارجعلُه تاني)! وائول له ممكن تأيّفلي من ورا بالموس؟ والبيه يئوللي إنهم ما بيستعملوش الموس خالص! ليه بسلامتك؟ أصل معظم زبايننا هنا ستات ، وبالتالي الموس ممنوع يستخدموه (في وقتها على بختي أنا ، كنت أنا والزبون اللي جمبي رجّالة واللي بيحلقولنا كانو رجّالة)! وكمان إنهم مش حلاّقين من الأساس! (دول أصلاً Salon & Spa وليهم 5 فروع في تورونتو)... بتوع الـــ Spa دول يعني زي مركز للعناية بالبشرة والضوافر والشعر وكده يعني ، مش الحلاقة وبس! واللي يحلق للراجل يحلق للست... دا شعر ، ودا شعر ، مش كده برضه!

وطبعاً كعادة معظم الحلاّقين ، لازم يرغي وهوّه شغال! وبيسألني أنا منين وباشتغل فين وكده ، وبعدها سألته هوّه منين ، والبيه يئوللي... إسرائيل!

يا حلاوة! كداهوه؟ أومت آيل لُه "Our potential enemies"، وهوّه يئوللي "Don't say this!" ، يا عم مانا بالطّفها آهوه وبائول لك پوتينشيال! يا سبحان الله... من بين بلاد الدنيا كلّها رقبتي ما تجيش غير تحت إيدك انتا؟! ساعتها – بجد والله - حمدت ربّنا إنه ما عندوش امواس!

قعد يرغي إنه كان عايش في نيو يورك خمس سنين ، ومعاه الجرين كارد ، وقدّم على الهجرة لكندا ، وخلاص استقر بقاله سنين! وطبعاً البيه زار مصر كتييير ، وبيموت في سينا ، وطابا وشرم الشيخ ودهب ، وشايف شرم أجمل مكان على وجه الأرض! وبيموتو في سينا! إشمعنى يا عم الحاج؟ عشان قعدة دماغ ، والطبيعة والبحر... والحشيش! حشيش؟ آه طبعاً – والكلام على لسانه - أمّال بنحب نروح هناك ليه؟ بنقعد قعدة عربي مع البدو هناك ، وهمّه بيجيبولنا الحشيش ، وبيظبّطوا الشرطة ، وشفتهم بنفسي بيقبّضوا البوليس ، وعشان كده بنشرب أدّام البوليس هناك ، ولا بيهمّنا ، أمّال البوليس هيسكت علينا من لا شيئ؟! وطبعاً العيشة هناك رخيصة ، بنأجّر العشش الخوص دي أم 5 جنيه ف الليلة ، ونقضي ف المصلحة!

المهم... خلّصت وبعدين خرجت برّه ، البنت بتسألني إيه الأخبار؟ ليك أي ملاحظات؟ يا ستي متشكرين... خلّصوني! انتا فاهم بأه... لازم الدُش المُعقِّم! وطبعاً ما كانش ليّا مزاج أدفع أي نوع من التپس ، ودفعت بكارت الفيزا ، وحمدت ربّنا إن مفيش مجال إني أسيب أي تِپس! كفاية أوي الـــ 26 دولار وربع اللي سفحتهم! دا بأه يخلّيك تروح للحلاّق بتاعك في مصر تبوس إيده!

ودي كانت أول خبراتي مع دنيا الحلاقة في كندا! بس سيبك انتا... لا يُعلَى على محمد واحمد (الحلاّقين بتوعي في ميت غمر!)

طبعاً فيه هناك بتوع الـــ سپا ، ودول بتوع العناية بالوجه والبشرة والحواجب بأه وكل الحاجات دي. دا بخلاف بتوع حمامات الزيت والتدليك والمساچ. وبتوع النيل سپا (Nail Spa) ، اللي همّا بتوع العناية بالضوافر (مانيكير وپيديكير يعني)! بلد مايصة يا عم الحاج!

مرّه كنت باعدّي ع الواد ديبو... وباستأذن منه عشان ألحق أمشي ، وبيقوللي ما لسّه بدري ، فـــ بارُد عليه (عاوز بس ألحق Mr. Nail قبل ما يقفل!) ، واحمد يسألني يطلع إيه ده؟ دا الـــ Nail Spa يا احمد اللي في المنطقة هنا ، عاوز أروح أظبّط ضوافري عنده ؛ أصلي مش لاقي القصّافة!)... وديبو يتنحلي ويقوللي "أنا كل ما افتكر إني عرفت آخرك يا محمد وفهمت دماغك ، يتضحلي إنك ما لكش آخر ، إنتا يابني ما لكش حد تؤف عنده؟!". وفي النهاية ، إتسدّت نفسي إني أروح ، واضطرّيت أشتري قصّافة من وول مارت بدولار ونص!

موقف دمّه خفيف هند بتحكيهولي... قرت في جرنال إعلان عن بيت من بيوت المساچ وكل العاملين فيه فيميلز. عز الطلب! آمت متصلة بيهم ، وعاوزة تحدد معاد عشان تروح تدلّع نفسها شويّة ، فـــ ردّت عليها البنت اللي بتشتغل هناك إنو... معلش إحنا مش بنستقبل سيدات... المكان هنا للرجال فقط! طبعاً هند ذهلت ، وعلى ما فاقت ولسّه هتدّيها محاضرة في المساواة بين الجنسين ، والتفرقة العنصرية... آمت البنت موضحالها (إحنا هنا بتوع إجزوتيك أو إيروتيك مَساچ Exotic / Erotic massage)! آخر حلاوة! طبعاً مش محتاج ائوللك المساچ ده لإيه بالظبط ، ولاّ نهايته بتكون إيه! طبعاً ده علم ، والمفروض إنه للرجّالة والستات ، مش بس للرجّالة... وليه أسس ونظريّات علمية ، زيّه زي ما الرقص الشرقي والاسترپتيز ما همّا علّم وفن ، ليهم أصول وقواعد! صباح الفضا... وإللت الأدب!

[moheltohamy]

حتة مج تحفة يادكتور تهامى اهو دا بقى المشروب الرسمى للقهوة ويخلى الزباين كدا كدا

طيب تتخيّلي المج ده بكام؟!

$1... :P

أيون... دولار واحد بس حضرتك ، من دولاراما!

عمار يا كندا! :P

فينك يا إيهاب :sad:

[Princesse]

ت

دكتور تهامي اخر هاند اوفر اكتر من رائع...كله ضحك

يعني لو الواحد راح كندا يضمن انه هيصرف المرتب على الكوافير.

وبعدين برضه يا تهامي يا خويا في حاجات بتحصل في الكوافير الحريمي مينفعش الولاد تشوفها، ففكرة الكوافير المختلط دي مش مقبولة.

الي يعيش ياما يشوف..