كندا التي رأيتها :)

[icehearted girl]

اي دا استاذ شهاب حضرتك تقصد نايل موتورزززززززززززززز :lol:

انتو هناك انتو كمان؟ :rolleyes:

لا يفندم انا معرفتش المنتدي دا من هناك لا :blink:

دي جت قدرا كدا

ومتفكرنيش بقي بالفوبيا عشان بكرة معاد كوبري اكتوبر :ph34r:

[د هشام ابراهيم]

ويا رب ما تضيق الأحلام أبداً يا راجل يا طيب! دا لو بطّلنا نحلم نموت على رأي على الحجار! :blink:

على الحجار برضه :rolleyes:

لو بطّلنا نحلم نموت غناها طيب الذكر محمد حماقه :lol:

وهي اصلا مش اغنيته ده سرقها من فريق

iron maiden

يا راااجل و أنا كنت فاكر إنه الأخ المبتسر الغلبان محيو :P

........................................

علي صعيد آخر فيه ترجمة تانية لفريقك المفضل شوف لو عجباك قول يا ملك الدفاع :ph34r:

Dream of mirrors

[د هشام ابراهيم]

اي دا استاذ شهاب حضرتك تقصد نايل موتورزززززززززززززز :P

انتو هناك انتو كمان؟ :rolleyes:

لا يفندم انا معرفتش المنتدي دا من هناك لا :lol:

دي جت قدرا كدا

ومتفكرنيش بقي بالفوبيا عشان بكرة معاد كوبري اكتوبر :ph34r:

أستاذ شهاب ...نايل موتورز .... مكعب ثلج يتساقط منه الدموع ..... هل يا تري نقدر نستنتج حاجة من المعلومات ديه (وش المفتش كرومبو ) :blink:

[moheltohamy]

إحتلااااااااااااااااااااااااااااااااال

يلا يابني انتا وهوّه وهيّا... بيتك بيتك...

بدل ما أجيب الرجّالة بتوعنا هنا ، ويعلنوا الحرب على منتداكم الغازي ده ، خصوصاً إننا جرّبنا المشوار ده قبل كده ، وعندنا حصانة منه خلاص!

والرجّالة مستعدّين بالأسلحة ، بدءاً من الخرزانة بتاعت لولا لإبر السرنجات البلاستيك اللي مالية العيادة وكافة أنواع الأسلحةوحتى أحدث دبابة بلاستيك لعبة نزلت السوق

هنيجو نفجّروكو!

إلا صحيح يا هشام... يا ترى مين كبير البصّاصين؟ (وش حسين فهمي في ألف ليلة وليلة) :rolleyes:

[د هشام ابراهيم]

إحتلااااااااااااااااااااااااااااااااال

يلا يابني انتا وهوّه وهيّا... بيتك بيتك...

بدل ما أجيب الرجّالة بتوعنا هنا ، ويعلنوا الحرب على منتداكم الغازي ده ، خصوصاً إننا جرّبنا المشوار ده قبل كده ، وعندنا حصانة منه خلاص!

والرجّالة مستعدّين بالأسلحة ، بدءاً من الخرزانة بتاعت لولا لإبر السرنجات البلاستيك اللي مالية العيادة وكافة أنواع الأسلحةوحتى أحدث دبابة بلاستيك لعبة نزلت السوق

هنيجو نفجّروكو!

إلا صحيح يا هشام... يا ترى مين كبير البصّاصين؟ (وش حسين فهمي في ألف ليلة وليلة) :rolleyes:

و لا يهمنا يا عم الحاج :blink:

ده أنا بفكر حاليا أفتح فرع تالت للقهاوي و أخليه مخصوص للمعدنيين ...زي ال-X men كده ...يا سلام لو ينفع أجيب موتو و برو درايف هنا تبقى ميه ميه و أستا لا فيستا بيبي (وش السيد الوزير المحافظ شوارزينجر) :ph34r:

[moheltohamy]

يا باشا أنا أي حد انتا تعرفه أبصم بالعشرين إنه هيكون راجل محترم وناس زي الفل... ويا ريت تبعتلهم ينضمّولنا هنا في بيتك التاني ، ومكسب لينا معارفك يا إتش :blink:

وخد حتة بأه من الهاند أوفر لسّه كاتبها النهارده ، عشان أنا عارف إنك بتزعل لما نؤعد نرتاح لنا شوية ونكون باسيف! :rolleyes:

الحتة دي برضه مش لاقيلها تصنيف ، وهيّه أصلاً على لسان الواد ديبو... فلو طلعت فطش ، يا ريت ما تفضحنيش أدّام البارتيتة ، وتبعتلي ع الخاص تقوللي إنها وسعت... أوم ، أشد الأستك شويّة ، ولا من شاف ولا من دري :ph34r:

[moheltohamy]

كنت برضه باتكلم مع الواد ديبو فبيحكيلي عن الخبر اللي قراه ما اعرفش فين عن تقرير الجهاز المركزي للمحاسبات إنه وجد عجز في الميزانيّة بتاعت المصروفات الحكومية 40 مليار جنيه تقريباً ، مش عارفين راحو فين ولا اتصرفوا ف إيه! 40 ملياااااار ، مش 40 جنيه! عارف يعني إيه 40 مليار؟!

طبعاً الجهاز ده بيراقب كافة هيئات الدولة مدنية وعسكرية وحتى السادة الوزراء... واللذيذ إن الجهاز بيرفع تقريره لرئيس الجمهورية مباشرتن! بعد التقرير الميمون ده صدر قرار إن الجهاز فيما بعد يرفع تقاريره لمجلس الوزرا ، وهمّه يقرروا إن كان التقرير يتركن ع الرف ، أو يترفع لرئيس الجمهورية! يا حلاوة يا عيال... كده بقى رسمي ؛ سلّموا القط مفتاح الكرار!

وبما إن الشيئ بالشيئ يُذكَر... آم أحمد حاكيلي على موقف كان لسّه طازة وفريش (على مسئوليّة أحمد!)...

مستشار الدولة الكندي (مش عارف تبع وزارة الزراعة ولا العدل ولا إيه!) ، واللي يُعتبر اليد اليمنى أو مساعد الوزير ، كان في رحلة عمل ف انجلترا ، شغل وكده! الراجل ده بعد ما رجع ، فوجئ بحملة صحفية وتليفزيونية ضدّه من الحزب المنافس للحزب الحاكم ، وكان محور الفضيحة والتسييح ده كلّه... إن سعادة المستشار من ضمن فاتورة إكسپنساته (البدلات بتاعته يعني ، اللي بيدفعها من جيبه ، وبيجيب بيها فاتورة عشان الحكومة تدفعهاله) فاتورة فطار في الفندق اللي كان نازل فيه في لندن... الفاتورة كانت بـــ 20 استرليني (بتاع 40 دولار كندي)! فطرت إيه يا سيادة المستشار بـــ 40 دولار! نسيت اقوللك إن الفطار الكلاسيك للكنديين غالباً كوبّايت نسكافيه من عند عمك الحاج تيم هورتونز ، وحتت دوناتاية (قطعة من المخبوزات)! بيكفّيهم الفطار ده لغايت ميعاد الغدا (في الـــ Lunch Break) الساعة 12 الضُهر.

استمرّت الحملة الخايبانة دي شويّة ، لغايت ما المستشارين الإعلاميين للحزب الحاكم نصحوا المستشار إنه يظهر في الميديا (وسائل الإعلام) ، ويرد عليهم ؛ عشان يخرسوا بأه ، بدل السياحة والجُرسة وإحراج الحزب الحاكم أدّام اللي يسوى واللي ما يسواش ، واللي ما يشتري يتفرّج!

طلع الراجل في لقاء (مُخطط له مسبّقاً) على التليفزيون عشان يرد على الاتهامات دي بتبديد أموال الدولة (الـــ 40 دولار لمؤاخذة!) ، ونظام بأه الاستيلاء على المال العام ، وسوء استغلال المنصب والحركات دي كلها!

الراجل قال:

مبدئياً يا سادة دي كانت وجبة إفطار لشخص واحد (يعني ما كانش عازم واحدة صاحبته على حساب الحكومة الكندية ودافعي الضرائب الكنديين ... إحم... زيي أنا!) ، وثانياً الفطار كان حتت بيضاية وشويّت فول... قصدي بيضاية وباتيهاية مع كوبّايت نسكافيه مثلاً... ما افتراش الراجل يعني! كل الموضوع – والكلام للمستشار – إنه اختار يسكن في فندق في وسط البلد (داون تاون لندن) ، والفندق ده أسعار الأكل فيه عالية حبّتين! كان ممكن يسكن في فندؤ تاني في ضواحي لندن ، بس هيتكلّف مصاريف مواصلات أغلى ، و وقت كبير هيضيع عشان يوصل لوسط البلد في مجلس العموم ، حيث كل الأشغال اللي رايح يخلّصها لكندا ، بالتنسيق مع الحكومة البريطانية! وبكده هيتكلّف مواصلات أكتر ، وإقامته هتزيد هناك عشان يخلّص اللي جاي يعمله!

فمعلش يعني على الفطار الغالي حبّتين ، بس وفرت أكتر منهم للبلد!

والكل اتكتم بعدها! طب خلص المشوار على كده؟! لأ طبعاً... صدر قرار بعدها بإنشاء ويبسايت ع النت تبع الحكومة ؛ يُنشر عليه الإكسپنسات بتاعت أي موظّف حكومي لمدّة شهر ، واللي عاوز يعترض يتفضّل يعترض في خلال الفترة دي ، وبعد الشهر ده محدّش يفتح بؤه بنص كلمة! نظام مش ناءصين أرف وخوتة دماغ!

كووول الفيلم ده عشان العشرين استرليني... مُتخيّل؟! عالم ما عندهاش أصل يا جدع... راجل من كُبارات البلد ، وراح وحب يفرفش شويّة... بلاش؟! هوّه بيتعب عشان مين؟ مش عشاننا برضه؟! ولازم يستريّح عشان يعرف يدّي! لكن تؤول إيه بأه؟ إللت أصل بعيد عنك!

فعلاً ... عمار يا مصر! وربّنا عالم باللي في ضميري (وش محمد صبحي في تخاريف)

[د هشام ابراهيم]

فعلاً ... عمار يا مصر! وربّنا عالم باللي في ضميري (وش محمد صبحي في تخاريف)

انتو بتقولوا ايه؟ :rolleyes:

ما هو النظام في أوروبا و الدول المتقدمة اللي بتحط طحينة علي الكباب و الكفتة إن فلوس الحكومة ديه أصلا ملك للشعب ....أموال دافعي الضرايب كما يقولون taxpayer money ....لما ييجي الافندي الوزير (أفندي لانه شغال عند الشعب أيوه إسمه كده public servant ) و يفطر علي حسابي يبقى حقي أحاسبه .... ده لو ما حاسبتوش يبقى تقصير مني كمان

بالنسبة بقي لحكاية الجهاز المركزي للمحاسبات فما عنديش غير تعليق واحد سمعته قبل كده و عجبني قوي ...قالك إيه بقي ...مصر أغني دولة في العالم ..... ازاي يا عم الحاج ....بلد بتتسرق بقالها ٧ الآف سنة و لسه فيها فلوس تتسرق لحد النهارده يبقى أغني بلد و لا لأ :ph34r:

[moheltohamy]

كلام منطقي... بس في بلدنا ما ينطبقش عليها ، أو بمعنى آخر ما حسّيتش غير بتعليق الفيلم (عاوز حقي) ، لما كان اللي اسمه إيه ده بتاع (عدلة حانل؟ ) في يوميّات ونيس ، لمّا قال (إيه ده؟ هيّه البلد دي بتاعتنا ، ومش بتاعت الحكومة؟)

وهاحاول أدخل في مواضيع الشوبنج ، هيّه اللي عليها الدور! إيدك معايا ، إنتا راجل مُسرف زي حالاتي!

بعتلك ميل صحيح! ما زالت الرسائل الخاصة مقفولة عندك! ممكن نكلّملك المدير لولا يفتحهالك :ph34r:

ولو إنها لسّه مدير Trainee :rolleyes: (مساء الفل يا لولا)

[د هشام ابراهيم]

كلام منطقي... بس في بلدنا ما ينطبقش عليها ، أو بمعنى آخر ما حسّيتش غير بتعليق الفيلم (عاوز حقي) ، لما كان اللي اسمه إيه ده بتاع (عدلة حانل؟ ) في يوميّات ونيس ، لمّا قال (إيه ده؟ هيّه البلد دي بتاعتنا ، ومش بتاعت الحكومة؟)

وهاحاول أدخل في مواضيع الشوبنج ، هيّه اللي عليها الدور! إيدك معايا ، إنتا راجل مُسرف زي حالاتي!

بعتلك ميل صحيح! ما زالت الرسائل الخاصة مقفولة عندك! ممكن نكلّملك المدير لولا يفتحهالك :lol:

ولو إنها لسّه مدير Trainee :rolleyes: (مساء الفل يا لولا)

شكلك حطتني في قائمة التجاهل و لا حاجة :lol:

أنا وصل لي اليومين اللي فاتوا دول بتاع ٦ رسايل و رديت عليهم كمان .... منهم زباين هنا و منهم من بره ...... ازاي بقي مقفول يا عم الحاج wst::

[the doors]

الدكتور جودت الملط قلب الدنيا فى التقرير عن عام 2008 انه فى 18 مليار جنية الدكتور بطرس مش عارف يجيهم من ضرائب الشركات - والدكتور بطرس معرفش يرد عليه

المهم فعلا يادكتور هشام الناس فى مصر متعرفش معنى الضرائب ايه الى ضريبة المبيعات فقط - احنا بلد بلا ضرائب لانهم كلهم مرتشون بسبب الفقر ماهو مامور الضرائب موظف غلبان برده

طبعا لو قرنا ضرائب كندا بضرائب مصر - الغريب ان حتجد كندا اكتر بكتير - انما تعالى فى مصر - ما فيش حاجة ببلاش عكس كندا

[icehearted girl]

معلش تسمحولي اعلق علي نقطة محددة خلت الدم يجري في عروقي

من فترة بسيطة كنت بحب بلدي اوي_ومازلت يعني_ بس مكنتش بحب اهل بلدي وشايفة فيهم كل النقط

السودا الموجودة حوالينا

بعدين خدت بالي ان موظفي الجهاز المركزي للمحاسبات اللي حضرتك بتتريق عليه

دا بالاضافة للوزير فلان وعلان

يبقي والدي وخالك وعمتك وبن أخوك

كلنا بنتكلم كاننا بعيد عن الدايرة السودا دي

وحنا جزء منها

سواء بصنعها

او بسلبيتنا في مواجهتها

بصراحة فكرتني بمشهد للحجاج الثقفي في مشهد من مسرحية دماء علي استار الكعبة لما قال:

القهر فيكم ليس في حكامهم

فأنا بشر

انت صنعتموني بيديكم..ثم جئتم ترجموني الآن؟؟؟

أنا لم اقل للشعب ان يحيا بهذا الخوف

شعب يحب الخوف

يعيش لكي يخاف

يموت لكي يخاف

يخاف لكي يخاف

رجال حكمي من هذا الشعب

المشنقة شنقت بايدي هذا الشعب

[ايهاب سالم]

شعب يحب الخوف

يعيش لكي يخاف

يموت لكي يخاف

يخاف لكي يخاف

القهر و الخوف عندنا تراث ... فلكلور ... تربيه ... سلسال ممتد بامتداد الاجيال و بنسلمه لبعض

من اول البيت .. للمدرسه ... لقسم الشرطه .... الخ

المصري هيفضل طول عمره مصري

النيل رواه

و الخوف جواه

[Shehab]

و لا يهمنا يا عم الحاج :sad:

ده أنا بفكر حاليا أفتح فرع تالت للقهاوي و أخليه مخصوص للمعدنيين ...زي ال-X men كده ...يا سلام لو ينفع أجيب موتو و برو درايف هنا تبقى ميه ميه و أستا لا فيستا بيبي (وش السيد الوزير المحافظ شوارزينجر)

تصدق يا دكترة ...انا كنت لسه مستغرب و بأقول ازاى الدكتور هشام ما حاولش يستقطب الزباين...و يخليهم عملاء مزدوجين...قصدى معدنيينgt:...بس واضح انه بعد الصدمة اللى حصلت للدكتور تهامى...فانت عندك خطة بتنفذها ع المدى الطويل:lol:..تجنباً لحدوث انتكاسات أثناء فترة التحول:)

[Shehab]

انتو بتقولوا ايه؟

أنا عن نفسى ما بقولش حاجة ...غير بس ان الدكتور تهامى و اضح انه متعمد يتجاهل الرد ع موضوع علاج الاكروفوبيا....واضح جداً انه متعمد....و لا عامل حساب مشكلتك.....و لا مقدر معضلة كبرى اكتوبر...و لا وصلة غمرة و لا فى اى تقدير لمشاكل....الأخرين...و لا تقدير للمسؤلية...و لا مراعاة لأبعاد المشكلة بمحاورها المختلفة....و ما ينبثق عنها من توابع

حقيقى انا مضايقك لك جداً...مش اسلوب خالص...و لا طريقة تعامل مع زباين لسه جداد...ده احنا كده استكفينا و بنطفش الناس:lol:

[د هشام ابراهيم]

المهم فعلا يادكتور هشام الناس فى مصر متعرفش معنى الضرائب ايه الى ضريبة المبيعات فقط - احنا بلد بلا ضرائب

الغريب يا سيدي الفاضل إن مصلحة الضرايب في مصر متشددة جدا .... بس مع الملتزمين و الموظفين بس ...... الضرايب بتخصم من المنبع لاعضاء هيئة تدريس الجامعة مع إن المرتب مخجل أصلا ....و آه بقي من ضرايب المهن الحرة .... سفاحين ....و بعدين تلاقي ناس متهربة من ضرايب بالملايين و ما تبقاش فاهم أصلا ازاي .....تشدد مع الملتزم و تسيب مع المنحل !!

[د هشام ابراهيم]

كلنا بنتكلم كاننا بعيد عن الدايرة السودا دي

وحنا جزء منها

سواء بصنعها

او بسلبيتنا في مواجهتها

موافقك تماما ...العيب فينا مش في حكومة و لا رئيس .... بس ما ينفعش الواحد يخبط راسه في الحيط مرارا و تكرارا .... يعني كل ما تحاولي تعملي حاجة كويسة تلاقي حيطة مسدودة (ناهيك عن المواطنين اللي حواليك اللي بيحدفوك بالطوب لا لشيء أكتر من الشر المطلق) .... تكملي اللي بتعمليه و ما فيش فايدة الحيطة سد ....تفضلي تخبطي في الحيطة برضه علي أمل التغيير و ما فيش فايدة ..... تعملي إيه بقي ساعتها؟

[د هشام ابراهيم]

تصدق يا دكترة ...انا كنت لسه مستغرب و بأقول ازاى الدكتور هشام ما حاولش يستقطب الزباين...و يخليهم عملاء مزدوجين...قصدى معدنيين:)...بس واضح انه بعد الصدمة اللى حصلت للدكتور تهامى...فانت عندك خطة بتنفذها ع المدى الطويل:lol:..تجنباً لحدوث انتكاسات أثناء فترة التحول:sad:

يا أفندم إنت بتتعامل مع أقوي جهاز مخابرات في المنتدي ..... بس ما تقولش لحد و النبي

[om reham]

حمدا علي سلامتك اضن المنتدي ميكون متحرك وفعال الا بيجود يومياتك الجميله .

سلام عليكم حركيه طيبه وممتعه بعثنا السلام والتحيه معبرتناش فها أنا أجددها وأنا في شوق وإنظار لصور اللتي وعدتنا بها ولي سآل لمذا الكره والعنصريه لظفه الفرنسيه بدون زعل وموفق إن شاء لله.

هوّه مبدئياً... أنا ما اخدتش بالي م المشاركة دي ، معلش سماح

وبالنسبة للصور... أنا فعلاً ناسي الموضوع ده... هانزّلهم بعد المشاركة الصغنّونة اللي جاية حاضر!

أمّا بالنسبة لباقي كلامك... فـــ إن شاء الله هارد عليه... بس محتاج شويّت وقت على ما أفهمه الأول! :sad:

الحلو فيك أن روحك خفيفه :lol: , سآلي لماذا كرهك إلى النصف الفرنسيquebec و تنصح كل واحد الخروج منها والإلتحاق بالترونتو ماهو السر المختفي علينا ? أرجو أن أكون وضح السآل. تم تعديل 18 مارس 2009 بواسطة om reham

[moheltohamy]

الحلو فيك أن روحك خفيفه mfb: , سآلي لماذا كرهك إلى النصف الفرنسيquebec و تنصح كل واحد الخروج منها والإلتحاق بالترونتو ماهو السر المختفي علينا ? أرجو أن أكون وضح السآل.

العزيزة أم ريهام...

على عُجالة كده لغايت ما تيجي الحتة بتاعت كيبيك في الهاند أوفر...

السبب أنا قلته قبل كده في مداخلة ليّا مع أخونا جادوللي (يمكن ما اخدتيش بالك منها)! هاجيبهالك هنا تاني تقرئيها ، وأتمنى يوصلك معناها...

طبعاً ما ينفعش يا محمد عمر بيك...

الراجل كندي مخلص ، وجاي يمسّي ع الرجالة اللي ع الأهوة بالمشروب القومي الكندي!

فين الوطنية؟! حاسس إنك هتطلع عميل ألبيرتاوي ، أو مصيبة سودة لتطلع أحد الخونة الكيبيكاويين!

تعيش يا دكتورنا يا بريكانيديان ، ودايماً صاحب واجب

قاعد تلقح كلام علينا يا تهامي, الشكلة ان اخوك مزنوق و مجاليش جواب الانترفيو لحد دلوقتي مع ان الناس اللي مقدمة 5 2008 جالهم, كل الناس خلصت ما عدا ولاد البطة السودة او القلة المندسة و ده اللي مخليني صابر و مش عايز ارد عشان ربنا يكرمني

و حاجة تانية اخوك مزنوق في امتحان التمهيدي بتاع الدكتوراه اللي مش راضي يخلص لحد دلوقتي

بس حاجة علي الماشي

fier d'etre quebecois

يا انجلوفون يا محتلين كندا ,

vivre le Quebec

طبعا بتاكله في نفسكم مننا عشان احنا الحضارة و الاستيل كله و اللغة الراقية, و طبعا بتموته لما تيجوا عندنا و نتجاهلكم عشان مش مستوانا خالص, حتجيب ثقافة الكاوبوي للثقافة الفرنساوي اصل الحضارة و التقدم

أهلاااااان سي لطفي ، قصدي سي جادوللي mfb:

بقى انتا شايف إن احنا اللي محتلّين! همممممم... طيب إديني ودنك واسمع كده ، واحكم انتا. أحكموا انتوا يا جماعة ياللي من برّه...

حتت بت مفعوصة بتلعب مع اخواتها الـ 12 التانيين ف الشارع. وكل شوية تقول لهم أنا مش لاعبة معاكم ، وتروح لماما ؛ وانا عاوزة ألعب لوحدي يا ماما. وطبعاً ماما من حنّية قلبها ما يرضيهاش العيال يتفرّقوا ، وخصوصاً البنت المايصة المتدلّعة دي. معلش يا حبيبتي ، خدي الشوكولاتاية دي ، وروحي كمّلي لعب مع اخواتك ، عشان خاطر ماما. وطبعاً من منطلق اللي تغلب به العب به ، ولعبة بأه وبنكسب من وراها ، وكل شوية ماما تقعد تصالح ف المفعوصة الصغيرة ، وتراضيها إشي شوكولاتة إشي بومبوني إشي لبان بيطرقع! ولو حتى على حساب باقي اخواتها ، ولو حتى من عرقهم وتعبهم وتحويشة مصروفهم!

ليهم حق بقى باقي الاخوات يتنقطوا ولاّ لأ؟! واشمعنى البت المش مؤدبة دي هيه اللي عمّالة تتدلّع على ماما؟ هوه احنا مش ولادها ولاّ إيه؟

في حين إن لو ماما جمّدت قلبها شويّة وقالتلها خلاص انتي حرة ، روحي بأه العبي لوحدك ، وسابتها ومشيت ، هيه شوية وهترجع تاني زي الكلبة وأنا آسفة يا ماما ، ومش هاعمل كده تاني!

وحتى لو فضلت مأموصة وقاعدة على جمب لوحدها... همه 12 أخ وأخت مع بعض ، وهيفضلوا برضه من ضمن الـ 8 الكبار في الحارة ، ولا حد هيقدر يدوس لهم على طرف. هيه بأه هيبقى اسمها إيه؟ وقيمتها إيه وهيه لوحدها؟!

أما مسألة أصل الحضارة بأه والكلام الكبير ده... ما ترجع على مصر ، ودي بأه أصل الحضارة بجد. إيه رأيك؟!

ثانياً ، إنتو مش فرنسا. دايماً كده بتتمحكوا في فرنسا ، مش عارف ليه؟ عشان بتتكلموا فرنساوي؟ طب ماهي السنغال بتتكلم فرنساوي أحسن منكم! وتقوللي اللغة الراقية؟! يا رااااجل!

طب اسمع دي... صديقة كانت بتشتغل في شركة خدمة عملاء في مصر يملكها جماعة كيبيكواز ، وهيه أصلاً خريجة آداب فرنساوي ، ومن قبلها مدارس فرنسية. بتقوللي الجماعة بتوع الكيبيك دول بوّظوا اللغة! ما بيعرفوش فرنساوي أصلاً... ساعات بيألّفوا أي فعل انجليزي ويزوّدوله er ف الآخر ، وفاكرينه كده قلب فرنساوي! ونطقهم ومخارج ألفاظهم عك × عك! إزيّك بجااااه؟!!!

والاستايل كله؟ برضه بتتمحّكوا لسّه في فرنسا!

وبتتجاهلونا عشان احنا مش من مستواكم؟! هاهاهاهاها... يا راجل دا فرنسا اللي هيه فرنسا ، لما بيروح لهم حد من كندا ، وهوه في المطار ، بتشوف الاحترامات ولا كأنه الخواجة الأجنبي اللي جاي يشرّف البلد. ولما الكندي يرجع تاني ؛ يقعد يشتم لك في فرنسا البلد الزبالة! (كتير على فكرة رجعوا بالانطبع ده بالمناسبة... إزيّك بجااااه؟)

وخلاص شايفينّا كاوبوي؟ بقينا أمريكان في نظركم؟! تسدأ إن كده عيب أوي بجد!!! خونة! mfb: (وش أحمد مظهر - الأيدي الناعمة)

آدي يا سادة نظرة البنت المارقة لاخواتها الكويّسين... واحكموا انتم mfb:

فهمتي حاجة؟! mfb:

تم تعديل 18 مارس 2009 بواسطة moheltohamy