كندا التي رأيتها :)

[SoSo R]

يا نهار أخضر!!!!

آه طبعا ماهو دة اللون الرسمى للمنتدى...مع إنى ما بحبوش صرف اللون يعنى ممكن مشتقاته :waf:

إنذار مرة واحدة يا دكتور؟؟؟!!!

إلا إيه هو إنذار أنشه؟؟ :aslam:

ولا ده خطأ مطبعى و لا إيه؟؟

أنا كنت بانكشك بس عشان ترجع تفتح القهوة...الزباين كلوا وشنا الصراحة

و أديك شايف د.هشام كان قرب يزهق

طيب ننقذ الموقف إزاى...إزاى...إزاى؟؟

قلت أعملك إنذار أحمر من اللى بنشوفهم فى الجرايد..وأهو الواحد يعيش الحلم شوية إنه أزرق

و بعدين دة أنا كنت لسة داخلة أحكيلك مواقفى مع المطاعم الصينى ..لقيتك بتتهمنى إنى مش مدياك فرصة تتكلم فى القهوة

خلاص يا عم ..سحبنا الموقفين...هات بقى الكابتشينو بتاعى اللى واعدنى بيه من أيام المداخلة رقم 100 و أدينى قربت على ال200 و ما دقتش حاجة لحد دلوقت

ولا هتقولى أصل اللبن خلص من البريمة وإحنا أصلا فى عرض البحر و الحجج الفاضية دى

لو ما فيش حضر الباتتيسرى و الجاتوة سواريه للناس اللى نشف ريقها وأنا عايزة تشيز كيك سبشيال لى....ماشى يا زعيم؟؟!!

تحياتى

سوسورانى

[د هشام ابراهيم]

يا شحاتينك يا كندا :aslam:

رغم انها يعني مشاركة نونو نونو انما أحسن من مفيش ....الصراحة برافو للدكتورة سوسو راني ...نرفع القبعة يا أفندم

تهامي يا أخويا يللي مغلبنا و مقصر رقابينا أدام رواد القهاوي الشقيقة المجاورة .... ممكن تديلنا معاد واضح و محدد علشان الهاند أوفر اللي قاعدين نايمين صاحيين بنحلم بيه ده

[moheltohamy]

يا نهار أخضر!!!!

آه طبعا ماهو دة اللون الرسمى للمنتدى...مع إنى ما بحبوش صرف اللون يعنى ممكن مشتقاته wst::

إنذار مرة واحدة يا دكتور؟؟؟!!!

إلا إيه هو إنذار أنشه؟؟ :unsure:

ولا ده خطأ مطبعى و لا إيه؟؟

أنا كنت بانكشك بس عشان ترجع تفتح القهوة...الزباين كلوا وشنا الصراحة

و أديك شايف د.هشام كان قرب يزهق

طيب ننقذ الموقف إزاى...إزاى...إزاى؟؟

قلت أعملك إنذار أحمر من اللى بنشوفهم فى الجرايد..وأهو الواحد يعيش الحلم شوية إنه أزرق

و بعدين دة أنا كنت لسة داخلة أحكيلك مواقفى مع المطاعم الصينى ..لقيتك بتتهمنى إنى مش مدياك فرصة تتكلم فى القهوة

خلاص يا عم ..سحبنا الموقفين...هات بقى الكابتشينو بتاعى اللى واعدنى بيه من أيام المداخلة رقم 100 و أدينى قربت على ال200 و ما دقتش حاجة لحد دلوقت

ولا هتقولى أصل اللبن خلص من البريمة وإحنا أصلا فى عرض البحر و الحجج الفاضية دى wst::

لو ما فيش حضر الباتتيسرى و الجاتوة سواريه للناس اللى نشف ريقها وأنا عايزة تشيز كيك سبشيال لى....ماشى يا زعيم؟؟!!

تحياتى

سوسورانى

إنذار أنشهولك يعني ... أمممممم ... عارفة لمّا يقوللك بينش عصفورة أو ناششها بطوبة ، يعني حاجة كده زي (ينشه إنذار - يطسه إنذار - يخبطه إنذار - يفقعه إنذار) ، حاجة تدي الإيحاء إن الإنذار بيعوّر! wst::

وإيه ده اللي يخلص يا فندم؟! دي الحاجات عندنا كراتين كراتين (وش الكامبوس - مدير شركة التغذية - أيّام بريمتي في مصر :happy: )

تشرفينا انتي هنا بس ع البريمة في وسط الميّه ، بس انتي تفلتي من سمك القرش اللي بيبلبط في الميّه حوالينا ، واللي تحلمي بيه هاخلّي الشيفات يعملوهولك (دا لو بيعرفوا يطبخوا أصلاً :lol: )

بس استني انتي بس... أوعي تتكلّمي عن المطعم الصيني دلوقتي خالص! لما أبدأ الحكاوي عن المطاعم هناك الأول...

يا مطاعمك يا كندا (عارفين وش مين طبعا :closedeyes: )

[moheltohamy]

يا شحاتينك يا كندا wst::

رغم انها يعني مشاركة نونو نونو انما أحسن من مفيش ....الصراحة برافو للدكتورة سوسو راني ...نرفع القبعة يا أفندم

تهامي يا أخويا يللي مغلبنا و مقصر رقابينا أدام رواد القهاوي الشقيقة المجاورة .... ممكن تديلنا معاد واضح و محدد علشان الهاند أوفر اللي قاعدين نايمين صاحيين بنحلم بيه ده

يا خراب بيتك يا صميدة

انذار من الحاكومه .....لع لع

احنا و لا مؤخذة حنسعد أي هومليس أو شحات كنداوي و نديله الجوانتي أبو ٤٠ دورار اللي عندنا رهينة :P

هشام حبيبي wst::

والله يا زعيم أنا بارستق في الكلام ، وربك يعيننا. مش عاوز التسرّع يخلّيني أنسى حاجة ، خصوصاً إن موضوع الشوبنج ده مبهوأ لوحده من غير حاجة أصلاً! :happy:

ثانياً ، شحاتين كندا دلوقتي الدنيا ربيع والجو بديع :unsure: ودرجة الحرارة 9 ، ومش محتاجين جوانتيات!

ثالثاً بأه... وخللي بالك إن ثالثاً دي تحتها خط!

الجوانتي ده هوّه الحاجة الوحيدة اللي مخلّياني ساكت على موضوعك بتاع الحلل ، والخضار البايت! :lol:

ممكن واحد ذكي يقوللي يا كابتن لطيف إزاي هتقفله وانتا راجل اخضر لسّه ما استويتش ، يعني آخرك تلعب أدّام بيتكو؟!

أقول له أنا صحيح هنا (الرجل الأخضر) اللي لمّا بيتنرفز بيقطّع التي شيرت ، وبرّه هناك لو حد نفخ فيّا يوقعني... بس سهلة أوي... اللي هيزعلني برّه ، هادخل وألبد له هنا ، واجيبه من هنا wst::

وانتا والحمد لله موجود هنا كتير أوي ، وسهل جداً ندخلو عليك هنا ، ونريّحوك :closedeyes:

[Shehab]

ايه ده ....بدأنا بالتلويح بالاستخدام الغير مشروع ...للسلطة والنفوذ فى تحقيق أغراض شخصية...بدرى بدرى كده؟؟

و مع مين كمان ...مع الدكتور شيكو؟!!....و كل ده عشان حتة جوانتى بأربعين دو....

لأ معلش ...لحظة واحدة...بكام؟؟بأربعين دولار!!! ...انت مش قلت قبل كده انك لما تنساه ديتها تضحى بالخمستاشر دورر...تيجى دلوقتى تقولوا 40؟؟....لأ لأ معلش يا شيكو الراجل معذور و ليه حق...

بس خلى بالك برده يا دكترة...شيكوا باشا ممكن يتربص بيك و ينشك طقم حلل تيفال...قصدى أغنية من اياهم ...و انت عارف و مجرب...و شوفت كمان فى الموضوع بتاعه اصغر واحد من صبيانه بيتكلم ازاى....ايوه الواد اياه بتاع الثقافة اللى و قفت!

طبعاً العينة المرة ديه صغيرة...بس تمام كالعادة..و ع رأى الدكتورهشام احسن من مفيش!!.....فى انتظار التقيل يا باشا

تم تعديل 26 مارس 2009 بواسطة Shehab

[moheltohamy]

تسلم يابو شهاب... ودانا أحمد ربّنا على إنها جت على الجوانتي! (الجوانتي جلد غزال حضرتك ، ومن جوّه الشعر بتاع الغزال... عرفت ليه بأه بـ 40 دولار؟)

أنا في اليوم ده كنت باضيّع! مش مركّز في أي حاجة! آخر ليلة ليّا في كندا ، وبانسى كل وأي حاجة!

والسعودية دي بلد محترمة ، لا تسمح بدخول الحلل في إنترنتها لمؤاخذة!

وربنا يسهلها مع التقيل... :closedeyes:

[د هشام ابراهيم]

حاضر يا تهامي يا أخويا يا حبيب هارتي .... حنستني ...كله يهون في سبيل المصلحة العامة يا أفندم :unsure:

بس زاي ما شهاب باشا قالك كده ... ديتك المرة الجاية إن شاء الله أقعدك جنب الصب ووفر و نديها حاجة لبانتيرا أو انثراكس :closedeyes:

[SoSo R]

يا سلام يا دكتور دة إيه المعزة دى كلها؟؟!!

أنشه باة طلعت فعل مش صفة أنا كنت فاكراها صفة للإنذار اللى شكلى هاخده قريب..مع إنى مسالمة جدا و فى حالى و ماشية جوة الحيط..مش جنبها حتى :unsure:

و بعدين بريمة إيه اللى هتفضل فيها؟؟؟ هاعمل إسقاط من الهليكوبتر يعنى؟؟؟

إلا صحيح مش عايزين صيادلة عندكم يشتغلوا فى البريمة؟؟؟ :lol:

أهو أكون نفسى قبل ما أطلع على كندا... wst::

وبعدين هو كل ما أكلمك على أى عزومة تغير الموضوع...شكلك كدة تقرب لناس إصحابنا wst::

أنا برضه مش هتنازل عن التشيزكيك و الكابتشينو بتاعى إن شالله تشترى جاهز

المهم الموسيقى الشحاتينى دى تحفة الصراحة....أنت متأكد إنهم شحاتين؟؟ :closedeyes:

أمال الفنانين موسيقتهم عاملة إزاى؟؟؟ :happy:

وشكلى مش هاعرف أحكى أى حاجة فى القهوة دى تانى أبدا..أنت بقيت مزنقها عليا قوى

أنا هافتح فرع لوحدى و رزقى على الله

وهادور على صبيان للقهوة ولا الحوجة لقهوتك يا سيدى!!!!

تحياتى

سوسورانى

[SoSo R]

ربنا يسامحك يا هشام...إيه الفضايح دى؟؟ :closedeyes:

أهه زمانه سمع السر و هيجرى يمسح الأعتراف وينكر و يقول ما حصلش...

الحق عليا..كنت لازم أمضيه على ورقة بالكلام دة قبل ما يخضر

بس نقول إيه بأى فى النصيب؟!!!

طبعا كدة أنا ضمنت الأنذار أكيد.. و مش بعيد أخده دبل :unsure:

حسرة عليكى يا سوسورانى

ومين غير تحياتى كمان

ماكنش يومك يا ختى

[د هشام ابراهيم]

ربنا يسامحك يا هشام...إيه الفضايح دى؟؟ :closedeyes:

أهه زمانه سمع السر و هيجرى يمسح الأعتراف وينكر و يقول ما حصلش...

الحق عليا..كنت لازم أمضيه على ورقة بالكلام دة قبل ما يخضر

بس نقول إيه بأى فى النصيب؟!!!

طبعا كدة أنا ضمنت الأنذار أكيد.. و مش بعيد أخده دبل :unsure:

حسرة عليكى يا سوسورانى

ومين غير تحياتى كمان

ماكنش يومك يا ختى :P

و لا يهمك يا سوسو راني باشا .... الانذار للجدعان و أخوكي العبد لله كان حيتنش انذار برضه علشان عم المشرف الحاج الدكتور تهامي يا أخويا مش عاجبه موضوع رزع الحلل

ركزي إنتي بس في الكافيه بتاعك و اعتبريني مقدم CV من دلوقتي .... العبد لله خبرة أهو و مدور ٣ قهاوي غير المشاريب اللي بتنزل علي القهاوي التانية

[د هشام ابراهيم]

:roseop:

wst::

[moheltohamy]

مش أوي كده يا عم هشام يا خويا

كل الموضوع - بخلاف زحمة اليومين دول - إني دخلت على جزء مكلكع وطويل ومتشعّب في الهاند أوفر كنت باهرب منه دايماً ، وبأؤجله على قد ما اقدر! الشوبينج... واللي زيّه السواقة في كندا!

الـ 2 دول كنت باتفادى أفتح فيهم ، عشان عارف إن فيها قعدة طوييييييييييلة عشان أعرف ألمّهم!

وانتو اللي طالبتو بيها... استحملوا بقى wst::

وانا نفسي عاوز أنجز الجزء ده بصراحة ، فـــ كان الله في عوني بقى!

وألف مبروك يا بنت مصر على الشعار الجديد... عقبال ما تقفي قدّامه ، وترفعي إيدك اليمين وتحلفي ع المصحف مانتي مزعلاه ، وتدعيله يفضل يرفرف أدام المخفي التاني أبو 50 نجمة :sad:

أما بالنسبة لسوسوراني...

يعني انتي معاكي 2 من عتاولة القهاوي... وانا اللي هاقول لأ فيها؟!

وانا كمان يا فندم باقدّم طلب أشتغل صبي ترينيه عندك في قهوتم اللي لسه بتتشطّب. ويمكن أستغل سلطاتي الإشرافية عشان آخد الوظيفة دي قبل الناس التانيين :P

وطبعاً شوفيني في لقمة العيش أشوفك بالعينتين ، وكده ما اقدرش أعمل لك نقد حتى مش إنذار!

إنذار مين بس ، وانتي هتبقى ولية نعمتي؟! :lol:

صباح الفل يا باشا smk:

[SoSo R]

سوسورانى تحدثكم من إحدى مستشفيات الحكومة :lol: بعد أن قام الرجل الأخضر smk: بنشها أول إنذار :sad: ....وكان نتيجة الكشف الطبى كالتالى:

إصابة مباشرة فى الكىبورد أدت إلى نزيف حاد فى الحروف

فيروس مجهول الهوية أصاب الهارد و السوفت وكل أعضاء الكومبيوتر مما أدى إلى تلف دماغى حاد و تعطل كل الوظائف الحيوية و غير الحيوية

غير بأه الCTS إتضر برضه من الأنذار

يعنى خلاص سوسورانى ما بقتش نافعة تانى...مش بعيد ما يقبلونيش فى كندا wst::

وكل دة عشان قلت إنه طلب جوب أوفر...

و جاى دلوقت عامل فيها برىء و يقول عايز الوظيفة :P

إحترس يا هشام و إلحق إستخبى ...أهلك و كندا محتاجينك يا بنى

تحياتى من إحدى المستشفيات

سوسورانى

[د هشام ابراهيم]

[hazemtara]

معلش يا دكتور ، مضطر أوجّهلك نفس سؤالك:

هل توجد مصادر موثقة للمعلومات دي؟

الكلام ده سمِعته إشاعة ؛ وسألت ناس عليه هناك في كندا ؛ وكدّبوها... فلو عندك أدلّة يبقى يا ريت تفيدنا بيها ، واكون ليك شاكر.

من غير أدلّة... أستأذنك بلاش نشتت الناس... دول متشتتين خلأة :lol:

والمنطق بيئول: لما يبؤوا يشغّلوا الدكاترة اللي معاهم المعادلة ؛ يبؤوا بعد كده ممكن يشغّلوا غيرهم!

لكن دا الدكاترة ناجحين ف المعادلة الكندية بمراحلها التلاتة ، وشغّالين سوّائين تاكسي ؛ تيجي تئوللي هيشغّلوا الجي بي من غير معادلة؟! :rolleyes:

لية كدة يا تُهامى يا أخوى ضربتنى فى الهرتى بتاعى والله هو أنا كل ما أقدم رجل ترجعُونى عشرين لورا ؟؟!!!

يبقى خلينى فى عرعُرتى أحسن يا عم بدل موضوع سواق تاكسى ولا مبيض محارة ، أهو الواحد هنا معاة وظيفى ميرى والدَكتُور راح الداكتُور جِة أفضل.

معلش يا دكتور ، مضطر أوجّهلك نفس سؤالك:

هل توجد مصادر موثقة للمعلومات دي؟

الكلام ده سمِعته إشاعة ؛ وسألت ناس عليه هناك في كندا ؛ وكدّبوها... فلو عندك أدلّة يبقى يا ريت تفيدنا بيها ، واكون ليك شاكر.

من غير أدلّة... أستأذنك بلاش نشتت الناس... دول متشتتين خلأة :wub:

والمنطق بيئول: لما يبؤوا يشغّلوا الدكاترة اللي معاهم المعادلة ؛ يبؤوا بعد كده ممكن يشغّلوا غيرهم!

لكن دا الدكاترة ناجحين ف المعادلة الكندية بمراحلها التلاتة ، وشغّالين سوّائين تاكسي ؛ تيجي تئوللي هيشغّلوا الجي بي من غير معادلة؟! :happy:

كان معايا دكتور جراحة من سوريا في كورس ال air break adjuestment automatوعلي فاكرة مخلص 3 جراد في المعادلة الكندية...و مش لاقي شغل...الكلام ده لما كنت في تورونتو...واخيرا بعد ما رسب في الجزء العملي في الكورس...حلف انه مش حيشتغل حاجة الا دكتور وسيبته بيذاكر وبيشتغل باترول سيكيورتي...اى والله...هههههههههه B)

ماشى يا بنيأدمين ، عاجبك أنت الموضوع دة يا تُورنتو و داخل مزاجك مية مية فرحان فيَّة شكلك.

والله يظهر عليك ها تكسب يا تُورنتو اللعبة دخلت فى الأزرق كدة وشَكلنا بنهبل والى إيهههههههههههههههههههههه :P :D

[moheltohamy]

مصاء الخير صيداتي آنساتي صادطي...

الأعزاء الغاليين: د. هشام ، بنت مصر ، طنط إيناس...

أخيراً وبعد طول انتظار النت اتظبطت ، والتليفونات رجعت ، والدنيا رجعت تتظبّط (شوية) بعد اللخبطة الكام يوم اللي فاتوا!

والغريب بأه النت بتاعتنا (ترانس أوشن) تتلخبط وتتنيّل ، وف نفس ذات الوأت شركة أرامكو السعودية تبعت مهندس اتصالات عشان يركّب Antenna مخصوصة لطبق الإتصالات بتاعهم عشان الإشارة ما تتقطعش حتى أثناء سير وتحرّك البريمة (Rig Move)!

جتنا نيلة ف حظنا الهباب!

وأحب أقول لكو إني أنا اللي جبت نفسي... يعني أنا لوحدي اللي أستحق المكافأة بتاعت العثور على الراجل الـ Wanted ده يا هشام يا خويا! :closedeyes:

يا ريت تضيفها على الهديّة المستخبّية بتاعت عيد ميلادي اللي مستنيها ، أمّا نشوف أبو الحلل لمّا بيوجّب

الحاجة التانية اللي مش سايبة فرصة لأي هاند أوفر... إنكوا زنقتوني في موضوع تقيل جداً... موضوع الشوبنج ده من الوزن التقيل هوّه والسواقة في كندا ، ومن لحظة بدايتي في الهاند أوفر من سنة ونص ، وانا عمّال بأؤجل فيهم!

معلش اصبروا بقى!

[moheltohamy]

فكّرتني صحيح يا هشام بحكايتي مع الراجل الأخضر وانا صغيّر...

طبعاً كنت كأي طفل صغيّر باتفرّج على المسلسل ده (مش متأكّد هوّه كان مسلسل ولاّ فيلم!) ، وبأعجَب وبانبهر جداً بالراجل السوبر مان ده اللي مفيش حاجة بتقف أدّامه ، ويا ويله اللي ينرفزه... طبعاً النتيجة معروفة... بيتضخّم ، وبيقطّع التي شيرت :lol: ده أوّلاً ، وبعد كده بيقطّع كل اللي يقف أدّامه!

طبعاً مين بيصطاد في الميّه العكرة... بابا وماما ، وعمّاتي واعمامي!

كنت ساعات باروح عند جدو وتيته في البلد... ييجوا يحمّوني (الشاور يعني :closedeyes: ) ، وطبعاً ده من الحاجات التقيلة على نفسيّة أي طفل ، خصوصاً لو ما كانش فيها أي نوع من الـ Fun! مع شويّت كسوف إن عمّتي اللي تحمّيني وانا طبعاً... كده يعني

فكان فيه واحد اسمه الحاج عبد الحميد رسلان ، الراجل ده كان جتّة طول بعرض وكدهوّت (الله يرحمه بقى )... وكان صوتة عميق وتخين (أو كان بالنسبالي كده ساعتها)... الراجل ده كانوا بيخوّفوني بيه! الراجل ده بقى يبقى عم الراجل الأخضر! مش فاكر الصراحة مين كان صاحب الفكرة الشريرة دي لكن الكل لعبها عليّا! وعلى حظّي أنا... كان داخل البيت وهمّه بيقنعوا فيّا أدخل استحمى! وفجأة ألاقي حد قال (باااااس... آدي عم الراجل الأخضر جه) :lol:

يا نهار زي بعضه! دا الراجل الأخضر محدّش قادر عليه ، وعمّال يكسّر في العربيّات والبيوت ، ومش سايب حاجة تقف أدّامه... يقوم حظي أنا يقع مع عمّه! هوّه أنا حِمل نرفزة الراجل الأخضر لمّا هانرفز عمّه!

وطبعاً يشتكولُه إني مش باسمع الكلام ، ومش راضي أخلّيهم يحمّوني! وهوّه يدخل عليّا (وانا كلّي على بعضي بتاع نص متر!) ، ويدخل عليّا بالتصوير البطئ ، وفاتح إيديه وصوابعه وهوّه داخل عليّا (واخدين بالكوا من المؤثرات؟!) ، وانا طبعاً... خلاص هاروح هاروح...

وكمان طبعاً لازم يكمّلوا اللعبة وانا باستحمّى (شرّيرين أوي عيلتنا دول) ، والاقي اللي بيرزع ع الباب ، وعاوز يدخل ياكلني! وعمّتي: خلاص يا عم الراجل الأخضر... هوّه بيسمع الكلام ، وباحمّيه أهوه! وبسلامته يقوللها أنا واقف مستنّيه ورا الباب آهوه... مش ماشي!

متخيّلين الرعب بقى كل ما أشوف ضل حد بيتحرّك ورا الباب!

وحتى بعد ما اتنيّلنا واستحمّينا ، وقبل ما يمشي يحدف كلمة (لو شفتوه مش بيسمع الكلام اندهولي وانا آجيلُه على طول!)... مأساة في طفولتي!

دي يا حضرات - باختصار - حكايتي مع الراجل الأخضر!

تقتكروا الإدارة جابتلكوا راجل أخضر لنفس السبب برضه؟! wst::

[ايناس احمد]

ضحكتنى والله يادكتور تهامى

بس ايه الرعب اللى عيلتك معيشينك فيه دا

اوعى تقولى ان طنط ايناس الحقيقيه هى كمان كدا

[moheltohamy]

ضحكتنى والله يادكتور تهامى

بس ايه الرعب اللى عيلتك معيشينك فيه دا

اوعى تقولى ان طنط ايناس الحقيقيه هى كمان كدا

طنط إيناس دي كانت دايماً حبيبة قلبي (هوّه أنا باعزّك من شويّة )... أصغر الخالات ، وأقربهم لينا - إحنا الأحفاد - في السن ، وياما لعبنا مع بعض ، كوتشينة وصلّح واستغمّاية واستريب بوكر :lol: وتماثيل!

وأكلها ياما استمخّيت منه... كانت أحسن واحدة في خالاتي بتطبخ ، وأكل دلع ، وخصوصاً صينية الروستو ، والجيلي المتعدد الطبقات ده (حتى مش فاكر كان اسمه إيه)... كان الطبقة الأولى جيلي مع بسكوت ماري متكسّر ، وفوقها كاستر بالفانيليا ، وفوقه مهلبية بالكاكاو ، وفوق خالص جيلي عادي ، وعليه كريم شانتيه!

ولاّ أيّام الكشري مكرونة اللي كنا كلنا - الأحفاد - نتجمّع في بيت العيلة عند خالاتي ، ونهيص!

والبسبوسة ، والفيشار ، ... مش عارف هاحكيلك على إيه ولاّ إيه!

خالتنا التانية اللي كنا بنحبّها موت ، ونفرح جداً وأقصى مُنانا إنها تخرج معانا نتفسّح... كانت طنط يسرية!

كان أساسي في الفسحة معاها اللأس... طول الفسحة... عصاير - فيشار - غزل البنات - شوكولاتة كورونا - بسكوت بيمبو - سوداني (Pea-Nut) - عصير قصب... إلخ!

هوّه إيه أقصى أحلام أي طفل في الأزمنة دي (أوائل التمانينات)؟!!!

بس تعرفي صحيح إن خالاتي دول كانوا بيشتغلونا موووت؟! كانوا لمّا يشوفونا - الأحفاد طبعاً - عاملين دوشة ييجي دور اللعبة العبقرية... التماثيل! كلنا نعمل تمثال ، والخسران هوّه اللي يتحرّك أو يتكلّم الأوّل! وتسيبنا ، وكل شويّة تيجي تعدّي علينا عشان تحبُك الفيلم!

لدرجة إنهم لما ماما أو خالتي الكبيرة تقلق (ما همّا مش سامعين لنا صوت) تفتكر إنها ربطتنا الربطة السودة دي ، ونسيتنا! تيجي وبرافوووو ، إنتو كلكوا شاطرين ، كلّكوا كسبتوا!

وطبعاً كانت مشهورة جداً لعبة (سكت الجميع ثم تكلّم الحمار وقال...)

طبعاً أوّل واحد هينطق بعدها معروف هيبقى هوّه إيه! :closedeyes:

مرّة بابا الله يرحمه عملها مع سامح أخويا (كان شقي جداً) ، والمهم طبعاً مفيش كلمة... وناموا (سامح وبابا) ، وتاني يوم الصبح لما صحينا... وبابا بيقول لسامح يللا الفطار... وسامح السوسة طبعاً... هيييييييييييييه ، إنتا اللي اتكلّمت!

مش هاجي لليومين دول بقى ، واستلمي بقى قنوات الدش بتاعت الأطفال ، والبلاي ستيشن ، والموبايل...

دا المفعوصة بنت (بنت خالتي وتاني فريق الأحفاد - أنا التالت)... البنت دي - نورهان ، بتاع 3 سنين - كانت عندنا في البيت (مامتها سابتها عندنا تلعب شويّة على ما تروح تخلّص مشوار) ، فباعزم عليها بشوكولاتاية (من نوعيّة كوفرتينا بتاعت العلب دي)... أفوجأ بالهانم تاخدها مني ، وتفضل ماسكاها! ما تاكلي يا نورا... البنت تتكسف وتقوللي... أنا باكل شوكولاتة كادبوري بس!

مش قادر أوصفلك كان شكلي عامل ازاي ساعتها... أنا بقيت في نُص هدومي ، لدرجة إني احتقرت نفسي بعدها! :lol:

من يومها وحياتك... مفيش غير شوكولاتة Lindt اللي باروح لها بيها!

[moheltohamy]

مبروك ياابو تهامى على الاشراف ولو انها متأخرة

وباين اوى جدا خالص انها مأثرة على الهاند اوفر

كده ممكن نعمل انقلاب ونشيلك من الكرسى

خللى بالك بقى

الله يبارك فيك يابو الدكاترة... وده تكليف مش تشريف ولا فخفخه ولا ملك وجاه حلم تقيل وهموم جيل جياه واجيال جيه وراه ، علشان كده احنا اختارناه... إحم... :closedeyes:

ومن حيث مأثرة... فأنا لايص أصلاً!

ربنا يهوّنها ، وننجز!