كندا التي رأيتها :)

[moheltohamy]

١ يونيو ...١ يونيو

٢ يونيو ....٢ يونيو

٣ يونيو ....٣ يونيو

٤ يونيو .....٤ يونيو

٥ يونيو ...............

أكمل و لا إيه يا عم الحاج :blush2:

لا يا معلّم... قلبك ابيض :closedeyes:

إنتا بتعذبني بالأغنيّة دي... الحمد لله إنو لسّه بدري على يولية ، واقدر أتدلّع براحتي على ما ييجي يولية

عموماً ، نضيف صورتين كده ع الماشي كان المفروض أنزلهم من بدري في السفرية اللي فاتت في فبراير.

صورة الستيكر اللي ع الـ Muslim meal ...

الصورة الجاية دي مهمة جداً... ده الكارت اللي بتملوه في الطيّارة قبل ما تنزلوا كندا. الكارت بعد كده بيشوفه بتاع الجوازات ، وبيعلّم عليه بالأحمر علامة صح لو كان جميع الاختيارات بتاعت الأسلحة والأكل والنباتات والفلوس وكل حاجة No. أما لو كان واحدة منهم Yes هيسأل عليها زي موضوع الـ 4 كيلو جبنة رومي أول مرة ، وممكن يعدّيها. أما الفلوس لو فوق الـ 10 تلاف دولار كندي أو ما يعادلها ، فدي لازم يتكتب بيها ريبورت!

وانتو خارجين بالشنط ، وداخلين ع البوابة الداخلية في طريقكم لخارج المطار ، بتعدّوا ع الأوفيسَر قبل الباب ، وبيبُص على الكارت ده ؛ فيه علامة صح الحمرا دي ، يبقى مع السلامة ، مفيش ، هيدخلكوا ع الجمارك!

بافكّر أخلع من موضوع الشوبنج ده مؤقتاً... نأجّله شويّة! بدل ماهو موقف حالنا وأكل عيشنا

[moheltohamy]

HI THERE,

أنت بتصور حاجات غريبة قوى!!!

ناقص تصور الوجبة...و الحمام بتاع الطيارة

إرحم نفسك شوية...فضحتنا يا راجل و جات لى شكاوى كتير منك :sad:

بالنسبة للشوبنج..ودة عشان معزتك مش أى حاجة تانية :unsure: بافكر أضرب فى قهوتك و أطلع بالطلعة دى

إيه رأيك؟؟

تحياتى

سوسورانى

لأ في عرضك... أبوس إيدك :D

فيميل - وكمان سوسوراني - تتكلّم عن الشوبنج؟! كده هتجيبي ضرف موضوعي تماماً! :D

إنتي تصبري على اخوكي شوية ، أنزل بالتتر بتاع الشوبنج ، وبعدها ممكن تتكلّمي زي مانتي عايزة! مش نقطّع على بعض!

المفروض يكون فيه تنسيق شويّة بين القهاوي. مش كده ولاّ إيه؟ :lol:

ودول يا ستي ورقتين أخدتهم معايا وانا في الطيارة وعملتلهم سكانينج ؛ من باب العلم بالشيئ لاخواننا ع المنتدى!

[moheltohamy]

من مُنطَلق إن شهر يولية بدأ ، والفيرجن الجديد من الأغنية إياها على وشك ينزل... يبقى ألحق نفسي وأنزّل أي حاجة

شوية خواطر بقى ع الماشي (وش د. هشام ابراهيم ) ، نظام الوجبات السناكس اللي ما بتشبعش اللي ماشي سوقها اليومين دول على قهوة شيكو...

حقيقة مرة اكتشفتها مؤخراً ، والاعتراف بالحق فضيلة... فيه دبّان وناموس في كندا! الناموس شفته في بانف في ولاية البيرتا لما كنت هناك! كنت واقف على جسر خشبي فوق جدول مائي رقراق وسط الطبيعة الساحرة! وانا في لحظة الانسجام دي أفوجأ بسحابة صغيرة من البيبي موسكيتو! انتا عارف طبعاً إن الناموس بيتلمّ على مناطق الرطوبة ، وطبعاً يرقات بيض الناموس بتفقس وهيّه عايمة تحت سطح المياه الراكده زي ما درسنا في الأحياء! وبغض النظر عن إن المياه الجارية بتاعت الجدول دي ما تنفعش أصلاً لوضع البيض لسرعة حركة المياه فيها ، لكن المهم إن المساخيط دول كانوا بيتخرّفوا فوق جدول المياه إيّاه! وابص للبيت اللي جمبي هناك في المنطقة دي وسط الطبيعة اللي تهبل ، واقول لنفسي تغور الطبيعة على الماء على الخضرة على الوجه الحسن ، لو هتوصل إني أكون مُهدَّد طول الصيف أتبهدل م الناموس!

لأ والألذ بقى إن الواد ديبو بيقوللي إن الناموس اللي نعرفه يُعتَبَر فرفور لو اتقارن بالناموس بتاع الغابات! ماهو ديبو غاوي هايكينج وكامپينج من أيّام الجوّالة في الجامعة. تخيّل وانتابتعمل كامپينج وسط الغابات ، ويجيلك الناموس المتوحّش ايّاه ، اللي خراطيمه مُصمَّمة لاختراق جلد الدببة... وعشان تخيّل الصورة صح... تخيل نفسك جايب الشنيور الدقاق اللي بيخترق جدار مسلّح ، وبتستعمله عشان تخرم ورق الخرايط الشفاف بتاع الجغرافيا! وحلاوتها بقى وانتا بتلبّي نداء الطبيعة ، والناموس ايّاه يشتغل ع المسائل!

ولمّا اتكلّمت ع الدبّان ؛ قاللي ديبو إن الدبّان موجود طبعاً ، بس مستحيل يظهر في الشتا في درجة حرارة تحت الصفر بمراحل! لكن الدبّان بيكون حاطط بيضه وسط الأشجار في الغابات مثلاً ، وبمجرّد دخول الصيف ومع ارتفاع درجة الحرارة ، وبداية ظهور الشمس الخجولة على استحياء ، تلاقي البيض بدأ يفقس هوا. بس برضه مش من المنتظر تلمح الدبّان وسط المدن اللي زي تورونتو مثلاً ، خصوصاً مع غياب الزبالة اللي بيتلمّ عليها ، وتعتبر مرتع مثالي له!

موضوع تاني... كنت بادردش مع خدمة العملا بتوع روچرز (فبراير 2009) ، وكان واد فريندلي جداً بصراحة. قعدنا نرغي بتاع ساعة إلا ربع ، واللي خلاني أقفل معاه إن ديبو كان وصل تحت البيت بالعربية ومستنيني! قعدنا نتكلّم ونرغي في كل حاجة تبع روچرز وشبكات الموبايلات في كندا ، والأسعار والعروض وتكنولوچيا الاتصالات!

قاللي إن العرض بتاع النت المفتوح ده انتهى من فترة بسبب الناس المفتريين بتوع النوكيا الـــ N95 (زي حالاتي كده) اللي طلّعوا عين الشبكة ، وهروها داونلود! وكان فيه 2 أوپشنز ؛ يا يقفلوا البراوزنج والداونلود المعتاد ع الشبكة ، ويسيبوا بس الـــ WAP ، يعني بدل ما بنتفرّج ع الويبسايتس بشكلها المعتاد ، مش هيكون قدّامنا غير النسخة العرة المعمولة للموبايلات اللي ترجّعك 5 سنين لِوَرا! يا يعملوا ليميتيشن للداونلود بـــ 500 ميجا شهرياً بدل ما يقفلوها ع الكل! وده اللي عملوه! أما الناس المحترمين اللي متعاقدين ع البلاك بيري اللي ما طلعتش منهم العيبة ، فما زالت مفتوحة معاهم!

معلومة تانية أكّدهالي إن روچرز هيّه الشبكة الوحيدة اللي بتقدم الخدمة ببروتوكول GSM ، باقي الشبكات زي Bell mobility و Telus mobility بيستخدموا بروتوكول CDMA. فيه طبعاً شبكة Fido ودي اشترتها روچرز مؤخراً ، وبرضه كانت شغالة GSM ، وبعد شراءها أصبحت روچرز اللاعب الوحيد في ميدان الـــ GSM. وحتى فايدو دي نفسها مش بكفاءة روچرز ، والدليل على كده إن الواد ديبو اللي كان بينصحنا أوّل ما وصلنا كندا نشتري خط فايدو عشان المكالمات بين المشتركين داخلها أرخص باين أو ببلاش ، وطبعاً رفضت عشان ما كانش عاجبني إسمها :blink: اللذيذ إنو بعد ما أنهى عقده معاهم ما جددوش ، وطلب نقل نمرة تليفونه إلى روچرز عشان أنضف :lol:

وطبعاً سألت الواد بتاع خدمة عملاء روچرز على شبكة Vidéotron بتاعت كيبك ، فقاللي إنهم معتمدين على شبكة روچرز كمقدّم للخدمة ، وهمّه فقط وسيط أو مقاول ، وبيلعبوا في كيبك بس! وفيه كلام إنهم مسيرهم ينشئوا شبكتهم الخاصة في المستقبل ، وكلام تاني إنهم هيتوسّعوا في التغطية ويدخلوا ولايات تانية أولها طبعاً أونتاريو!

فيه كلام تاني عن قرب إنشاء شبكة جديدة تملكها شركة مصرية! الكلام ده كانت هند مكلّماني عليه قبلها بييجي سنة! الحكاية يا سيدي إن عمك ساويرس هيلعب لعبته في بلاد الفرنجة ؛ وقرر يبدأها في بلاد الخصب والنماء... كندا وكانت هند سمعت إنه بيدوّر على موظفين في كندا من العرب والمصريين كطلعة أولى. ولمّا سمعت الكلام ده تاني م الواد بتاع روچرز قلت يبقى الكلام بجد بقى! وطبعاً ساويرس صايع موت ؛ هيقدّم الخدمة شاملة كل الخدمات (إظهار رقم – مؤتمرات – رسايل – إنترنت – استقبال مجاني – إلخ) فلات ريت بـــ 60 دولار شهرياً! لعبة مجرمة الكنديين مش واخدين عليها! والبداية هتكون في أونتاريو وكيبك بطبيعة الحال حيث أكبر تركّز للعرب خصوصاً وللسكان بصفة عامة!

ومن ضمن كلام الواد برضه حكاية القنوات التليفزيونية بتاعت الإيريال دي اللي عمّالة تقل لغايت ما هتختفي خالص. قاللي إن القنوات دي هينتهي التعامل بيها تماماً على أخر السنة باين. ما اعرفش جابها منين المعلومة دي ، ولا مدى صحتها!

[Princesse]

من مُنطَلق إن شهر يولية بدأ ، والفيرجن الجديد من الأغنية إياها على وشك ينزل... يبقى ألحق نفسي وأنزّل أي حاجة :sad:

شوية خواطر بقى ع الماشي (وش د. هشام ابراهيم :110: ) ، نظام الوجبات السناكس اللي ما بتشبعش اللي ماشي سوقها اليومين دول على قهوة شيكو...

حقيقة مرة اكتشفتها مؤخراً ، والاعتراف بالحق فضيلة... فيه دبّان وناموس في كندا! الناموس شفته في بانف في ولاية البيرتا لما كنت هناك! كنت واقف على جسر خشبي فوق جدول مائي رقراق وسط الطبيعة الساحرة! وانا في لحظة الانسجام دي أفوجأ بسحابة صغيرة من البيبي موسكيتو! انتا عارف طبعاً إن الناموس بيتلمّ على مناطق الرطوبة ، وطبعاً يرقات بيض الناموس بتفقس وهيّه عايمة تحت سطح المياه الراكده زي ما درسنا في الأحياء! وبغض النظر عن إن المياه الجارية بتاعت الجدول دي ما تنفعش أصلاً لوضع البيض لسرعة حركة المياه فيها ، لكن المهم إن المساخيط دول كانوا بيتخرّفوا فوق جدول المياه إيّاه! وابص للبيت اللي جمبي هناك في المنطقة دي وسط الطبيعة اللي تهبل ، واقول لنفسي تغور الطبيعة على الماء على الخضرة على الوجه الحسن ، لو هتوصل إني أكون مُهدَّد طول الصيف أتبهدل م الناموس!

لأ والألذ بقى إن الواد ديبو بيقوللي إن الناموس اللي نعرفه يُعتَبَر فرفور لو اتقارن بالناموس بتاع الغابات! ماهو ديبو غاوي هايكينج وكامپينج من أيّام الجوّالة في الجامعة. تخيّل وانتابتعمل كامپينج وسط الغابات ، ويجيلك الناموس المتوحّش ايّاه ، اللي خراطيمه مُصمَّمة لاختراق جلد الدببة... وعشان تخيّل الصورة صح... تخيل نفسك جايب الشنيور الدقاق اللي بيخترق جدار مسلّح ، وبتستعمله عشان تخرم ورق الخرايط الشفاف بتاع الجغرافيا! وحلاوتها بقى وانتا بتلبّي نداء الطبيعة ، والناموس ايّاه يشتغل ع المسائل!

ولمّا اتكلّمت ع الدبّان ؛ قاللي ديبو إن الدبّان موجود طبعاً ، بس مستحيل يظهر في الشتا في درجة حرارة تحت الصفر بمراحل! لكن الدبّان بيكون حاطط بيضه وسط الأشجار في الغابات مثلاً ، وبمجرّد دخول الصيف ومع ارتفاع درجة الحرارة ، وبداية ظهور الشمس الخجولة على استحياء ، تلاقي البيض بدأ يفقس هوا. بس برضه مش من المنتظر تلمح الدبّان وسط المدن اللي زي تورونتو مثلاً ، خصوصاً مع غياب الزبالة اللي بيتلمّ عليها ، وتعتبر مرتع مثالي له!

موضوع تاني... كنت بادردش مع خدمة العملا بتوع روچرز (فبراير 2009) ، وكان واد فريندلي جداً بصراحة. قعدنا نرغي بتاع ساعة إلا ربع ، واللي خلاني أقفل معاه إن ديبو كان وصل تحت البيت بالعربية ومستنيني! قعدنا نتكلّم ونرغي في كل حاجة تبع روچرز وشبكات الموبايلات في كندا ، والأسعار والعروض وتكنولوچيا الاتصالات!

قاللي إن العرض بتاع النت المفتوح ده انتهى من فترة بسبب الناس المفتريين بتوع النوكيا الـــ N95 (زي حالاتي كده) اللي طلّعوا عين الشبكة ، وهروها داونلود! وكان فيه 2 أوپشنز ؛ يا يقفلوا البراوزنج والداونلود المعتاد ع الشبكة ، ويسيبوا بس الـــ WAP ، يعني بدل ما بنتفرّج ع الويبسايتس بشكلها المعتاد ، مش هيكون قدّامنا غير النسخة العرة المعمولة للموبايلات اللي ترجّعك 5 سنين لِوَرا! يا يعملوا ليميتيشن للداونلود بـــ 500 ميجا شهرياً بدل ما يقفلوها ع الكل! وده اللي عملوه! أما الناس المحترمين اللي متعاقدين ع البلاك بيري اللي ما طلعتش منهم العيبة ، فما زالت مفتوحة معاهم!

معلومة تانية أكّدهالي إن روچرز هيّه الشبكة الوحيدة اللي بتقدم الخدمة ببروتوكول GSM ، باقي الشبكات زي Bell mobility و Telus mobility بيستخدموا بروتوكول CDMA. فيه طبعاً شبكة Fido ودي اشترتها روچرز مؤخراً ، وبرضه كانت شغالة GSM ، وبعد شراءها أصبحت روچرز اللاعب الوحيد في ميدان الـــ GSM. وحتى فايدو دي نفسها مش بكفاءة روچرز ، والدليل على كده إن الواد ديبو اللي كان بينصحنا أوّل ما وصلنا كندا نشتري خط فايدو عشان المكالمات بين المشتركين داخلها أرخص باين أو ببلاش ، وطبعاً رفضت عشان ما كانش عاجبني إسمها :110: اللذيذ إنو بعد ما أنهى عقده معاهم ما جددوش ، وطلب نقل نمرة تليفونه إلى روچرز عشان أنضف :110:

وطبعاً سألت الواد بتاع خدمة عملاء روچرز على شبكة Vidéotron بتاعت كيبك ، فقاللي إنهم معتمدين على شبكة روچرز كمقدّم للخدمة ، وهمّه فقط وسيط أو مقاول ، وبيلعبوا في كيبك بس! وفيه كلام إنهم مسيرهم ينشئوا شبكتهم الخاصة في المستقبل ، وكلام تاني إنهم هيتوسّعوا في التغطية ويدخلوا ولايات تانية أولها طبعاً أونتاريو!

فيه كلام تاني عن قرب إنشاء شبكة جديدة تملكها شركة مصرية! الكلام ده كانت هند مكلّماني عليه قبلها بييجي سنة! الحكاية يا سيدي إن عمك ساويرس هيلعب لعبته في بلاد الفرنجة ؛ وقرر يبدأها في بلاد الخصب والنماء... كندا :110: وكانت هند سمعت إنه بيدوّر على موظفين في كندا من العرب والمصريين كطلعة أولى. ولمّا سمعت الكلام ده تاني م الواد بتاع روچرز قلت يبقى الكلام بجد بقى! وطبعاً ساويرس صايع موت ؛ هيقدّم الخدمة شاملة كل الخدمات (إظهار رقم – مؤتمرات – رسايل – إنترنت – استقبال مجاني – إلخ) فلات ريت بـــ 60 دولار شهرياً! لعبة مجرمة الكنديين مش واخدين عليها! والبداية هتكون في أونتاريو وكيبك بطبيعة الحال حيث أكبر تركّز للعرب خصوصاً وللسكان بصفة عامة!

ومن ضمن كلام الواد برضه حكاية القنوات التليفزيونية بتاعت الإيريال دي اللي عمّالة تقل لغايت ما هتختفي خالص. قاللي إن القنوات دي هينتهي التعامل بيها تماماً على أخر السنة باين. ما اعرفش جابها منين المعلومة دي ، ولا مدى صحتها!

Times New Roman"] تعقيبا على كلام حضرتك يا دكتور تهامي، المنافسة بين شركات الاتصالات في كندا شرسة جداا...في كيببك المنافسة قوية جداا بين شركة Bell و شركة Videotron. كل واحدة فيهم بتضرب التانية في الاسعار. كل شركة فيهم ليها عيوب و مميزات..مثلا Videotron معروفة ان فيها خدمة الدعم الفني 24 ساعة مجانا... وخدمة العملاء على احسن مستوي و خدمة التصليح و انتقال الTechnicien مجانية كمان..اسعار المكالمات مجانية بين جميع عملاء Videotron حتى لو كانت المكالمة long distance...خدمة الانترنت تعتبر الاحسن في كيبيك من حيث السرعة و السعر. اما عن خدمة التليفزيون و تليفون المحمول بصراحة معرفش عنها حاجة لاني كنت بغطي خدمة التليفون الارضي و الانترنت بس...و من خلال سنة في الشغل اقدر اقول ان فيه عيوب في خدمة التليفون الارضي...لان Videotron بتعتمدت على الاسلاك Fibre optique و هي تكنولوجيا حديثة و رخصية في نفس الوقت ولكن مع سواء الاحوال الجوية ممكن الاسلاك دي تتقطع و النتيجة انقطاع الخدمة. كمان لو الكهرباء انقطعت البطرية الي في الجهاز بتشتغل 8 ساعات بس و بعدين تفصل و النتيجة انقطاع التليفون.

نيجي بقي لشركة Bell هي زي شركة المصرية للاتصالات كدة، كانت محتلة السوق و مفيش ليها منافس، و كانت مزهقة العملاء في عيشيتهم ...تعتمد في الخدمة بتعتها على الكبلات الارضية زي الموجود في مصر، و دي الميزة الوحيدة الي فيها لان بكدة التليفون مش بيقطع الا نادرا جدااا. اما عن العيوب: خدمة غالية، خدمة عملاء سيئة جدااا، خدمة ال technicien في البيت مدفوعة، الانترنت بطئ بالمقارنة مع Videotron.

ميزة تانية موجودة في Videotron هي ان صاحب الشركة من كيبيك و من انصار الانفصال عن كندا، و علشان كدة الشركة دي ليها شعبية في كيبيك.

نقطة تانية: انا مش معاك يا دكتور تهامي ان ساويرس ممكن يشغل ناس عرب في كندا علشان يغطوا له الخدمة...دا يبقى عبيط لو عمل كدة لان في كندا المرتبات كبيرة جداا غير حقوق العمل و النقابات...وبعدين اذا كانت كندا بتفتح خدمة عملاء في مصر و المغرب علشان ارخض يبقي ساويرس هيروح هناك؟؟؟

تم تعديل 2 يوليو 2009 بواسطة Princesse

[somayasaleh]

مدام priincess

ساويرس فعلاً هيروح هناك ، والكلام ده مؤكد من أحد أصدقائي اللي بيشتغلوا في أوراسكوم ، وكنت باكلمه على إني أقدم في الشركة بتاعته بتاعت كندا ، قالي إنه سياستهم إن اللي هيتعينوا كلهم لازم يكونوا PR أو معاهم الجنسية

يا عم يا عم.....ايه ده كله......ما شاء الله ولا قوة الا بالله

بكلمه ....كده حته واحدة....ماشي ياعمنا ...الله يسهل لك

بس اوعي تنسي اختك المهندسة الطبية الغلبانة :angry2: .... احجز لي مكان معاك هناك مع عمك ساويرس

ان شاء الله حتي مديرة ولا حاجة..... اوعي تنسي

تم تعديل 3 يوليو 2009 بواسطة somayasaleh

[الأهلاوي الأصيل]

يا باشمهندسة...ركزي

اللي كلمته ده صاحبي مش ساويرس

على فكرة ساويرس سهل أي حد يقابله أو يوصله مش صعب زي الناس ما متخيلة

يا عم يا عم.....ايه ده كله......ما شاء الله ولا قوة الا بالله

بكلمه ....كده حته واحدة....ماشي ياعمنا ...الله يسهل لك

بس اوعي تنسي اختك المهندسة الطبية الغلبانة :angry2: .... احجز لي مكان معاك هناك مع عمك ساويرس

ان شاء الله حتي مديرة ولا حاجة..... اوعي تنسي

تم تعديل 3 يوليو 2009 بواسطة الأهلاوي الأصيل

[Princesse]

مدام priincess

ساويرس فعلاً هيروح هناك ، والكلام ده مؤكد من أحد أصدقائي اللي بيشتغلوا في أوراسكوم ، وكنت باكلمه على إني أقدم في الشركة بتاعته بتاعت كندا ، قالي إنه سياستهم إن اللي هيتعينوا كلهم لازم يكونوا PR أو معاهم الجنسية

على العموم ساويرس لو عمل كدة يبقي يستاهل الي يجرى له...الناس في كندا مدلعين و واخدين حقهم تالت و متلت، يعني مثلا مفيش حاجة اسمها تغلى اجازة لموظف او تشغله بدون اجازة سنوية أو تمنعه من الاجازة المرضي او من اجازة الوضع بتاعت مراته( لان هناك الزوج بيخد اجازة علشان يكون جنب مراته بعد الولادة) لان في الحالة دي من حق الموظف رفع قضية على الشركة و هيكسبها...في مصر الامر مختلف تماما..مفيش حاجة اسمها اجازة سنوية ولا مرضية و ساعات كتير بيتم الغاء الاجازة الاسبوعية..

افتكر في ديسمبر الي فات كان كل زميلنا الي في كندا وخدين اجازة الكريسماس و احنا هنا في مصر شغلين بكامل طاقتنا، و بعدين حصلت مشكلة انقطاع الانترنت في مصر و الconnection انقطع..مما جع الشركة الكندية مضطرة لالغاء اجازة الموظفين في كندا و دا كلفها فلوس كتير جداا و خسائر كبيرة.

انا بكلم يا اهلاوي من منطلق اني اشتغلت 4 سنين في المجال دا..وشركات في اوروبية كتيرة و كندية بدأت تنقل خدمة العملاء هنا في القاهرة لان المصريين محرومين من اي حقوق

على العموم لو حضرتك بتعرف فرنساوي كويس اتفضل قدم في القرية الذكية..دول مش لاقيين موظفين هناك..و على فكرة بيقبلوا طلبة و مش شرط السن او الجنسية ولا حتى الكمبيوتر...اهم شئ اللغة تكون native

حاجة اخيرة يا اهلاوي بلاش كلمة مدام لاني مش مدام دا اولا، ثانيا بلاش اي اللقاب..Just say Princesse

تم تعديل 3 يوليو 2009 بواسطة Princesse

[الأهلاوي الأصيل]

أولاً: sorry هو تعود مش أكتر لإن 90% من الجنس اللطيف هنا مدامات...عديهالي المرة دي يا princess (من غير ألقاب)

ثانياً: هو فعلاً موضوع إن أوراسكوم هتشتغل في كندا ده أكيد لإن زي ما قلتلك الكلام من مصدر موثوق منه ومن جوه المطبخ ، والمثل بيقول : إذا كنت في روما فافعل كما يفعل الرومان ، فأكيد ساويرس في كندا هيفعل كما يفعل الكنديين ، وهو مجبر على كده ، وأكيد هو عامل دراسات جدوى محترمة قبل ما ياخد الخطوة دي

حكاية أقدم في مصر تدي مستبعدة لعدة أسباب ، أهمها إن مش في نيتي أرجع مصر دلوقتي خالص (أنا خارج مصر) -الفرنساوي أنا باعافر فيه حالياً عشان أنا مقدم كيبك -

بس دي كل الحكاية..

على العموم ساويرس لو عمل كدة يبقي يستاهل الي يجرى له...الناس في كندا مدلعين و واخدين حقهم تالت و متلت، يعني مثلا مفيش حاجة اسمها تغلى اجازة لموظف او تشغله بدون اجازة سنوية أو تمنعه من الاجازة المرضي او من اجازة الوضع بتاعت مراته( لان هناك الزوج بيخد اجازة علشان يكون جنب مراته بعد الولادة) لان في الحالة دي من حق الموظف رفع قضية على الشركة و هيكسبها...في مصر الامر مختلف تماما..مفيش حاجة اسمها اجازة سنوية ولا مرضية و ساعات كتير بيتم الغاء الاجازة الاسبوعية..

افتكر في ديسمبر الي فات كان كل زميلنا الي في كندا وخدين اجازة الكريسماس و احنا هنا في مصر شغلين بكامل طاقتنا، و بعدين حصلت مشكلة انقطاع الانترنت في مصر و الconnection انقطع..مما جع الشركة الكندية مضطرة لالغاء اجازة الموظفين في كندا و دا كلفها فلوس كتير جداا و خسائر كبيرة.

انا بكلم يا اهلاوي من منطلق اني اشتغلت 4 سنين في المجال دا..وشركات في اوروبية كتيرة و كندية بدأت تنقل خدمة العملاء هنا في القاهرة لان المصريين محرومين من اي حقوق

على العموم لو حضرتك بتعرف فرنساوي كويس اتفضل قدم في القرية الذكية..دول مش لاقيين موظفين هناك..و على فكرة بيقبلوا طلبة و مش شرط السن او الجنسية ولا حتى الكمبيوتر...اهم شئ اللغة تكون native

حاجة اخيرة يا اهلاوي بلاش كلمة مدام لاني مش مدام دا اولا، ثانيا بلاش اي اللقاب..Just say Princesse

[moheltohamy]

تعقيبا على كلام حضرتك يا دكتور تهامي، المنافسة بين شركات الاتصالات في كندا شرسة جداا...في كيببك المنافسة قوية جداا بين شركة Bell و شركة Videotron. كل واحدة فيهم بتضرب التانية في الاسعار. كل شركة فيهم ليها عيوب و مميزات..مثلا Videotron معروفة ان فيها خدمة الدعم الفني 24 ساعة مجانا... وخدمة العملاء على احسن مستوي و خدمة التصليح و انتقال الTechnicien مجانية كمان..اسعار المكالمات مجانية بين جميع عملاء Videotron حتى لو كانت المكالمة long distance...خدمة الانترنت تعتبر الاحسن في كيبيك من حيث السرعة و السعر. اما عن خدمة التليفزيون و تليفون المحمول بصراحة معرفش عنها حاجة لاني كنت بغطي خدمة التليفون الارضي و الانترنت بس...و من خلال سنة في الشغل اقدر اقول ان فيه عيوب في خدمة التليفون الارضي...لان Videotron بتعتمدت على الاسلاك Fibre optique و هي تكنولوجيا حديثة و رخصية في نفس الوقت ولكن مع سواء الاحوال الجوية ممكن الاسلاك دي تتقطع و النتيجة انقطاع الخدمة. كمان لو الكهرباء انقطعت البطرية الي في الجهاز بتشتغل 8 ساعات بس و بعدين تفصل و النتيجة انقطاع التليفون.

نيجي بقي لشركة Bell هي زي شركة المصرية للاتصالات كدة، كانت محتلة السوق و مفيش ليها منافس، و كانت مزهقة العملاء في عيشيتهم ...تعتمد في الخدمة بتعتها على الكبلات الارضية زي الموجود في مصر، و دي الميزة الوحيدة الي فيها لان بكدة التليفون مش بيقطع الا نادرا جدااا. اما عن العيوب: خدمة غالية، خدمة عملاء سيئة جدااا، خدمة ال technicien في البيت مدفوعة، الانترنت بطئ بالمقارنة مع Videotron.

ميزة تانية موجودة في Videotron هي ان صاحب الشركة من كيبيك و من انصار الانفصال عن كندا، و علشان كدة الشركة دي ليها شعبية في كيبيك.

نقطة تانية: انا مش معاك يا دكتور تهامي ان ساويرس ممكن يشغل ناس عرب في كندا علشان يغطوا له الخدمة...دا يبقى عبيط لو عمل كدة لان في كندا المرتبات كبيرة جداا غير حقوق العمل و النقابات...وبعدين اذا كانت كندا بتفتح خدمة عملاء في مصر و المغرب علشان ارخض يبقي ساويرس هيروح هناك؟؟؟

العزيزة برينسيس...

معاكي حق في موضوع المنافسة في مجال الإتصالات في كندا ، وفي كل حاجة الصراحة! والعروض والتخفيضات والتطوير في الخدمات ما بيقفش!

وبالنسبة للمكالمات المجانية دي كانت موجودة مع فايدو اللي اشترتها روجرز ، وعشان كده الواد ديبو كان عاوزنا نشترك فيها!

لكن بصفة عامة الـ My 5 قايمة بالواجب وزيادة ، بتختاري لستة من خمس أرقام لوكال (5 دولار في الشهر) أو لونج ديستانس (10 دولار شهرياً) ، وتكلميهم في أي وقت ، ومن أي مكان ببلاش تماماً. ودي كانت نافعاني لمّا كنت في كالجاري الصراحة :blink:

ولما سمعت إن فودافون مصر عملتها ، قلت ياااااه ... أخيراً!

لكن أفوجأ إن برضه الفهلوة والاستعباط مش ممكن يسيبوا الناس في مصر! البهوات خلّو الاتصال بـ 3 أرقام بـ 15 قرش (يعني مش مجاناً) ، والتوفير ده بحد أقصى ساعة شهرياً ، بعدها يرجع السعر المعتاد للدقيقة ، وحتى لو ما استخدمتيهومش ؛ بيخصموا 9 جنيه شهرياً ، والساعة موجودة بالسعر المخفّض تستخدميها تسيبيها انتي حرّة!

حاجة هم!

شوفتي صحيح بقى... مش قلتلك خونة؟! :blink: بقت ميزة إن الراجل صاحب الشركة انفصالي؟! :ninja:

وبالنسبة للي ساويرس عاوز يشغّلهم ، فـ زي ما قال أهلاوي ، بيدوّر على العرب أو المصريين اللي هناك في كندا... مش عارف لي الصراحة ، بس يمكن عشان الإنسجام الأكتر مع العملاء المحتملين من عرب كندا. الله أعلم!

ويمكن يعمل زي ما شركتكم السابقة بتعمل من حيث خدمة العملاء ، لكن فيه وظائف ما ينفعش فيها الشغل عبر الأثير ، زي التركيبات والإصلاحات ، وغيره!

عموماً ، يا خبر بفلوس... بالكتير سنة ولاّ حاجة وهيبقى ببلاش :rolleyes:

وشكراً لمتابعتك :unsure:

[hgalal]

في الرحلة دي برضه قلت أغيّر بقى شوية ، وطلبت من طنط الحاجة إكسپيديا إن وجبتي تكون كوشر (Kosher) ، ودي وجبة ولاد عمّنا... اليهود! كان الواد ديبو دايماً يقوللي آهو أكل اليهود حلال... تخيّل؟! لإنهم بيسمّوا على الحيوان قبل ما يدبحوه ، وما بيجوش ناحية الخنزير. قلت طيب ما تجرّب يابو سعد ، وبالمرّة ترحم نفسك من الحركات الصايعة بتاعت إير كندا!

بصورة عامة ، الكوشر أحسن من الـــ Muslim Meal ، يمكن عشان ليها معايير جودة بيلتزموا بيها ، والصينية بتجيلك متغلّفة سيلوفان متبرشم عشان ضمان إن الوجبة ما يتلعبش فيها! واستيكر بمكونات الوجبة (زي في المسلم ميل) ، وكمان كارت ضمان داخل التغليفة السيلوفان ؛ بإن الوجبة دي تضمنها مجموعة المش عارف مين في أوروبا ، وإنها مطابقة لمعايير المش عارف إيه برضه! قلت سبحان الله... إشمعنا احنا مالناش منظّمة تمسك الموضوع ده ، وتفرض معايير للخدمات المقدمة للمسلمين؟! :blink:

حبيبي يا دكتور واحشني واللهي.

على فكرة يا دكتور ماليزيا عندها النظام ده وبتلزم الشركات المصدره للسوق الماليزي او المنتجه فيه بوضع شعارhalal علي منتجاتها. وانا شفتها بنفسي على علب الكوكاكولا وعلى الشيكولاته الكادبوري حتى.

لوجو حلال من ماليزيا

[qenawy]

ودي مشاركة كمان

شوفي يا دكتورة سوسو

اي نعم انا بشوف وش القفص واغلب شغلي علاج مشاكل الشعر وتفتيح لون البشرة ولكن ايضا هناك البهاق والصدفية اللي كل ما يدخل لي مريض بجد اتضايق كرونيك بقي وهنبقي صحاب كالعادة

تصدقي اني بقي لي اصحاب كتار من المرضي

اي نعم انا حاطط فاصل

بس مش الصيادلة الذين لا يعرفون المرضي علي الاطلاق

حتة حقد

[SoSo R]

ودي مشاركة كمان

شوفي يا دكتورة سوسو

اي نعم انا بشوف وش القفص واغلب شغلي علاج مشاكل الشعر وتفتيح لون البشرة ولكن ايضا هناك البهاق والصدفية اللي كل ما يدخل لي مريض بجد اتضايق كرونيك بقي وهنبقي صحاب كالعادة

تصدقي اني بقي لي اصحاب كتار من المرضي

اي نعم انا حاطط فاصل

بس مش الصيادلة الذين لا يعرفون المرضي علي الاطلاق

حتة حقد

يا تهااااااااااااامى

ال23 مداخلة خلصوا أهم

يا محظوووووظ :lol:

بص يا دكتور خالد...الصيدلى دة أغلب من الغلب

لأن المرضى الكرونيك بييجوا ياخدوا علاج شهرى

وغالبا أوفر ويت

و عندهم خشونة

والصيدلية فيها كرسى

باااااااااااس

يقعد العيان من دول...يحكى تاريخ حياته

وأنا وحظى...مرة مجنون

مرة واحدة مهووسة

فصام

وسواس قهرى

إحساس بالأضطهاد

بتحكى عن جوز بنتها اللى بيخون بنتها

والمفروض إنى أسمع و أشارك و أعلق

واللى جبت لى عريس

وعايزانى اتجوز إبنها

غير بلاوى ما ينفعش تتحكى من أساسه :lol:

ربنا يعفو عنا :wub:

يا بختك

ياحظك

ياسعدك

سوسورانى كتبت عندك :rolleyes:

تحياتى

سوسورانى

[moheltohamy]

والله يا جماعة مش عارف اقول لكو إيه... تسلمولي بجد :lol:

بس أنا ليّا وجهة نظر... مش مهم أبداً الكم ، المهم دايماً الكيف. وكده كده فيه كلام كتير عاوز اتكلّم فيه عن التي رأيتها دي ، بس القريحة مش متظبّطة ، وكذا حاجة محتاج أنجزها سواء في الشغل ، أو أحضّرها عشان السفر لكندا كمان 3 أسابيع إن شاء الله.

وفي نفس ذات الوقت يعني باكتب في موضوع الشوبنج ، وموضوع المعادلة بتاعة الـ EMR ، المشوار اللي رحته كالجاري آخر مرة ، واللي هاروحلُه مخصوص برضه المرّادي إدمونتون...

وعلى فكرة... إستكمالاً لمسلسل تذاكر الطيران الغريبة ؛ المرّادي حجزت التذكرة على إكسبيديا ما بين القاهرة وتورونتو بـ 758.20$ امريكي بس ، على الرغم من إنه في السيزون! سبحان الله... هيّه إرَف :blink:

والسفر القاهرة - لندن (طيارة BMI الإنجليزية لكن بإدارة مصر للطيران :lol: ) ، وساعة ونص ترانزيت بس ، وبعدها لندن - تورونتو (طيران Air Canada حبيب قلبي :wub: ) ، والعودة القاهرة - فرانكفورت (طيران Air Canada كالمُتوَقع) ، وترانزيت 3 ساعات (لوز أوي ، مطار أوّل مرة أروحه ، يبقى لازم أستكشفه... وبالمرّة نعمل لنا فضيحة هناك... كالمعتاد :lol: ) ، وفرانكفورت - القاهرة (طيران Lufthansa الأستاز :blink: )...

وطبعاً حجزت الكرسي بتاعي على كل الرحلات ، ما عدا واحدة بس هيّه اللي مش عارفين يحجزولي الكرسي عليها ، وكاتبينلي (إبقى احجز كرسيك ع الكاونتر بقى لما توصل المطار... يا حلو :blink: )

مش هاقول طبعاً أنهي رحلة في الأربعة اللي فاقعالي مرارتي... هاسيب ده لخيالكو wst::

[SoSo R]

. :blink: ) ، وفرانكفورت - القاهرة (طيران Lufthansa الأستاز :blink: )...

مش هاقول طبعاً أنهي رحلة في الأربعة اللي فاقعالي مرارتي... هاسيب ده لخيالكو :lol:

الأستاز بالزين برضه ...يادكتور يا متنور يا بتاع المدارس :lol:

أنا اللى هاقولك برضه ....

أستاذ طبعا طبعا....

بالسين :lol:

على أسمى :blink:

وبعضا قصدك إيه بخيالنا...

قصدك تعيب فى فخر الصناعة الوطنية...

وطيران بلدنا الذى يشق عنان السماء...

أنا بهدى النفوس بس مش أكتر

هبقى أجيلك بعيش وكفتة فى أمن الدولة :wub:

see ya wst::

مداخلة إهيه كمان

تحياتى

سوسورانى

[mizozizo]

ودي مشاركة كمان

شوفي يا دكتورة سوسو

اي نعم انا بشوف وش القفص واغلب شغلي علاج مشاكل الشعر وتفتيح لون البشرة ولكن ايضا هناك البهاق والصدفية اللي كل ما يدخل لي مريض بجد اتضايق كرونيك بقي وهنبقي صحاب كالعادة

تصدقي اني بقي لي اصحاب كتار من المرضي

اي نعم انا حاطط فاصل

بس مش الصيادلة الذين لا يعرفون المرضي علي الاطلاق

حتة حقد

السلام عليكم دكتور

انا اخصائي جلدية في الكويت وقي احد اصدقائي بيقوللي على موضوع الهجرة لكندا وانا لسه جاي من سنه الكويت بصراحة متردد وعايز اعرف ازاي الواحد ح يقدر يشتغل هناك مع العلم انني متزوج واعول :lol: وياترى الواحد لازم يكون معاه مبلغ قد اية؟

اسف على الاطالة

[د هشام ابراهيم]

العودة القاهرة - فرانكفورت (طيران Air Canada كالمُتوَقع) ، وترانزيت 3 ساعات (لوز أوي ، مطار أوّل مرة أروحه ، يبقى لازم أستكشفه... وبالمرّة نعمل لنا فضيحة هناك... كالمعتاد :P )

ما تقلقش يا تهامي يا أخويا خالص ..أسهل حاجة تعمل فضيحة في مطار فرانكفورت دكهم ;)

عارف مساحة صني بروك بالنسبة للمستشفيات إيه ...علي نفس القياس مساحة مطار فرانكفورت بالنسبة للمطارات ......ده مش مطار ده مدينة بحالها ..... لما رحته في ٢٠٠١ كان ٥ ترمينالز كل واحد فيهم مطار كبير أصلا و متوصلين بشبكة مواصلات تحت الأرض و علي الأرض و فوق الأرض ....مترو انفاق و اوتوبيسات و تيلفريك و يا سلام يا سلام بقي لو نازل في ترمينال و طالع من ترمينال تاني بعيد :lol: .....خلص الترانزيت يا كابتشين :blink:

و أدي المشاركة رقم ١٨٥ :blink:

[moheltohamy]

خاطرة ع الماشي قبل ما أرد على الناس اللي نوّروني في المداخلات السابقة...

تخيّلوا يا جدعان إني اتصدمت وانا باخدلي فكرة عن فاتورة روجرز اللي عليها الدور... الفاتورة دي ما فيهاش أي نوع من الاستخدام ، كلّها الاشتراكات فقط ، بس أنا اللي نسيت ألغيها! رغم إني قايل للكلبة بتاعت خدمة العملا إن الخدمات تقف توماتيكي يوم كذا اللي أنا هاسافر فيه ، لكن على ما يبدو كده... الهانم حلقتلي! نعيماً عليّا :unsure:

وآدي مختصر الفاتورة...

زبون لوووز أنا ... مش كده ولاّ إيه بزمّتكو؟! :lol:

[wagdy demian]

د. تهامي بعد التحية

أولا و لايهمك وفداك ألف فاتورة

ثانيا لي أستفسار عند حضرتك و لاسيما انك خبير في السفر

هل لو حجزت تذاكر سفر عن طريق حبيبك أكسبيديا بفيزا كارت صديقي لأني هلغي الفيزا بتاعتي قبل السفر بفترة فهل فيها مشكلة عند السفر ؟ لأن أحيانا بعض شركات الطيران بتشترط ان يكون صاحب التذكرة هو نفسة صاحب كارت الفيزا ؟

ياريت تفيدونا أفادكم اللة و لكم جزيل الشكر

[Princesse]

بالرغم من كل التعب الي كنت بشوفوا كل يوم مع العملاء و وجع القلب كل يوم بس بجد وحشوني

يكفي اني كنت بتعامل مع عملاء و زملاء في الشغل في نفس المستوى الثقافي و الاجتماعي و كأني كنت عايشة في كندا كل يوم.

دلوقتي انا بعاني من التعامل مع المصريين الي بيعدوا عليا انفاسي و خطواتي و النميمة و العقد

يا ربي دا انا لما برد علي عميل مصري عندي في الشغل و اتكلم معاه بكل ذوق و كل رقة..ابص الاقي انه بيكلم معايا زي الرشاش و يقول اني كدابة

ازاي واحد (راجل) يقول لوحدة مش يعرفها انها كدابة

الكلمة دي عمري ما سمعتها من واحد اجنبي إلا مرة او اتنين على مدار 3 سنين شغل في خدمة عملاء

ليه المصريين بقوا عدوانيين كدة ؟ و بيتعصبوا بسرعة؟

[moheltohamy]

نعيما مسيو محمد التهامى

الله ينعم عيكي يا فندم... ده أوّلاً.

سانياً بقى (مزاجي أكتبها كده يا سوسوراني :P )...

المثل بيقول إذا بُليتم فاستتروا... يعني مش كفاية إنك تبع الناس التانيين إيّاهم؟! ما تخلّيها مستر وخلاص...

سالساً (نفس الـ :P )...

نحمد ربنا إنك أخيراً لقطتيها يا جيسيكا gt:

د. تهامي بعد التحية

أولا و لايهمك وفداك ألف فاتورة

ثانيا لي أستفسار عند حضرتك و لاسيما انك خبير في السفر

هل لو حجزت تذاكر سفر عن طريق حبيبك أكسبيديا بفيزا كارت صديقي لأني هلغي الفيزا بتاعتي قبل السفر بفترة فهل فيها مشكلة عند السفر ؟ لأن أحيانا بعض شركات الطيران بتشترط ان يكون صاحب التذكرة هو نفسة صاحب كارت الفيزا ؟

ياريت تفيدونا أفادكم اللة و لكم جزيل الشكر

تسلم يا عم وجدي :P

ومن حيس الفلوس ، فتقدر تطّمّن عليّا تماماً في الموضوع ده... أخوك من حيث الفلوس... فاااااااااااقد

وبالنوسبة لموضوع ستنا الحاجة إكسبيديا... دي ست سُكّرة وعمرها ما بتزعّل حد...

دخلتلك مخصوص أحجز تزكرة طيران لماما (كإنها جايّالي كندا) ، وكل ما أضغط (Continue booking) ، وأحط إيدي على قلبي ، ويا ترى لو فوجئت إنهم دبّسوني في التزكرة ، سي وجدي هينفعني؟! bv:-

بس الحمد لله... ست الحاجة ما بتقفشّ خالص ، والخطوات ماشية سموووث لآخر لحظة... بص يا معلّم:

ممكن تعمل بروفايل لأي شخص ، مجرّد هتدخّل بياناته ، وهيتضاف أوتوماتيك للستة البروفايلز اللي موجودة في الأكاونت بتاعك على إكسبيديا. وممكن تختار أي بروفايل منهم تطلع التذكرة بإسمه ، أو تعمل بروفايل جديد ، وممكن تختار الكريديت كارد اللي هتدفع بيه (أنا مسجّل بيانات كارت فيزا الكندي وماستر كارد المصري عندهم ، لتسهيل الدفع بدل ما كل مرة أدخّل بيانات الكارت وأتعّب إيديا الحلوين دول wst:: ) ، وممكن كمان تختار تبعت الإيتينراري (أو الـ E-ticket) ع الميل بتاعك المتسجّل عندهم ، أو تبعته على إيميل تاني...

يعني م الآخر الحياة لزيزة ، والدنيا خضرا ومليانة معيز... wst::

تهامى إيه دة يا تهامى؟؟؟؟؟؟؟؟؟؟

دى فاتورة تقابل بيها ربنا

يا للصاعقة

ماقدرتش أستحمل منظرها...

يعنى ربنا لما يسألك عنها هترد تقول إيه؟؟؟

بعد إذنك هاخدها عندى الكافيه و أحللها

تحياتى

سوسورانى

ما تخافيش يا سوسوراني عليّا... آخر حاجة نقلق منها الفلوس لمؤاخزة...

أنا راجل كسّيب ، والفلوس مش عارف أودّيها فين... وآهو نسيب الناس دول يُسترزَؤوا ، خصوصاً في الأزمة الاقتصادية اللي عايشين فيها اليومين دول... برضه عندهم عيال ومحتاجين يربّوهم wst::

يااااااااااااااااااااااااه و اخيرا زيست قصدي تهامي...........ايه يا عم فييينك من زماااان

منور المنتدى يا غالي

حاولت اكلمك كتير بس مفيش فايده

يا دي النور... حسيني هنا... رجّالتنا القديمة اللي ما بقيناش نشوفهم غير كل حين ومين!

يا راجل دانتا لسّه في السعودية ، أمّال لو رحت كندا زي اخوك سامح الأسد اللي راح وغطس ، وقطع بينا خالص... ماهي الروس اتساوت يا عم الحاج! ;)

عموماً... هاحاول ندردش شوية كده مع بعضشينا على حوار كان مع الكامباني مان على مطارات كندا ، والتفتيش فيها...