كندا التي رأيتها :)

[moheltohamy]

شفت بقي يا دكتور Rogers و وعمايلها علشان تعرف بقي قيمة Videotron و الرفاهية الي عايش فيها بتوع كيبيك :P

على العموم الغلطة دي مش لازم تعدي كدة بكل سهولة

انصحك تتصل بيهم في خدمة العملاء وسأل هل كل المكلمات مسجلة؟ و اشرح ليهم المشكلة gt:

و قدم شكوة فيهم و علشان الحكاية تبقي محبوكة هدد انك هتقدم شكوة فيهم في جمعيات حقوق المستهلك..

و كمان علشان الحبكة تبقي زيادة قول كدة بالكدب انك كنت مع Bell Canada و كانت احسن..و قول انك هتلغي عقدك معاهم و ترجع لBell

اشهر جملة كنت بسمعها كل يوم : (avec Bell c'etait pas comme ca ... je vais retourner a Bell)

الجملة دي ليها مفعول السحر.. اعمل بس الي بقولك عليه و بكرة تدعي لي

يا دكتور انا ياما طلع عيني مع العملاء

تخيل مرة في عميل أبن (تييييييييت) كان عاوز يعمل شكوة في الشركة

تخيل ليه؟

علشان الشركة زودت سعر اشتراك الانترنت دولار واحد (و الزيادة دي كان معلن عنها في الجرايد، و كمان الشركة بعتت جوابات للعملاء :P علشان تشرح فيه ليه فيه زيادة)

كان ردي عليه : معقول يا مسيووه يا محترم فارق معاك دولار واحد. رد البيه و قال: انه مش غني علشان يدفع الزيادة دي و الدولار بيفرق.

اوعى تسيب حقك يا دكتور

والله يا برينسيس أنا برضه ما اقدرش أظلم البونايّة... هيّه آلتلي أبئى أتصل بنفسي عشان أكانسل الخدمات أبل مامشي من كندا المرة اللي فاتت... أنا اللي كسّلت ونسيت! خصوصاً إن فيه مصاريف غرامة 100 دولار لو كانسلت الباكيدج بتاع الإنترنت!

هيّه كانت عايزاني أكلّمهم وإدتني رقم المكالمة أو الريكويست اللي اتسجّل ع السيستم ، وإدتني إسمها ورقمها الوظيفي في الشركة ، عشان آخده دليل ، واقول لمندوب خدمة العملا بتاع روجرز لما أكلّمه إن البت فلانة الفلانية اللي رقمها كزا ، عملتلي الريكويست نمرة كزا ، و وعدتني إني مش هادفع حاجة ، وإنها هتعمللي waving for cancellation charges.

أنا اللي اتفاجئت من الرقم الصراحة! فعلاً دا نجيب ساويرس لما يعمل الخدمة فلات ريت بـ 60 دولار هيكتسح السوق... ربنا يسهّل ويوصل بقى!

بس على فكرة يا برينسيس... أنا من المتعصبين لروجرز... زي مانا من المتعصّبين لفودافون مصر ، ولموبايلات نوكيا bv:-

بالرغم من كل التعب الي كنت بشوفوا كل يوم مع العملاء و وجع القلب كل يوم بس بجد وحشوني

يكفي اني كنت بتعامل مع عملاء و زملاء في الشغل في نفس المستوى الثقافي و الاجتماعي و كأني كنت عايشة في كندا كل يوم.

دلوقتي انا بعاني من التعامل مع المصريين الي بيعدوا عليا انفاسي و خطواتي و النميمة و العقد

يا ربي دا انا لما برد علي عميل مصري عندي في الشغل و اتكلم معاه بكل ذوق و كل رقة..ابص الاقي انه بيكلم معايا زي الرشاش و يقول اني كدابة

ازاي واحد (راجل) يقول لوحدة مش يعرفها انها كدابة

الكلمة دي عمري ما سمعتها من واحد اجنبي إلا مرة او اتنين على مدار 3 سنين شغل في خدمة عملاء

ليه المصريين بقوا عدوانيين كدة ؟ و بيتعصبوا بسرعة؟

بصّي يا برنسيس... كلامك ده بيفكّرني بأيّام الامتياز في مستشفى الساحل التعليمي في شبرا مصر... كان بيطلع عين أهالينا ، وبنندعك في الشغل ، وكان المرتب حقير جداً ، ونتهفّ إنذار مع أوّل مشكلة (في يوم ما رحتش الشِفت بتاعي في الاستقبال ، كنت يومها لسّه شاري كمبيوتر جديد ، ملعون أبو الشغل في اليوم ده طبعاً ، رحت تاني يوم لقيتهم عاملينلي إخلاء طرف من المستشفى )

بس كانت حياة بجد... أنا جيت أعد تذاكر استقبال الحالات اللي استقبلتها في استقبال العظام في يوم (12 ساعة بس) كانوا حوالي 70 حالة ، ده بخلاف اللي بيدخلوا من غير تذاكر ، واللي محوّلين من العيادات الخارجية! صدااااع! بس كنت باحس إني باعمل حاجة! حتى كانت أوقات الراحة ليها طعم ومعنى!

دلوقتي بقى... الليل زي النهار ، الشغل زي قلة الشغل... خصوصاً وإن بديلي دكتور كبير 52 سنة ، وبقاله زمن في البترول ، وخد ع الرحرحة!

بقالي أكتر من سنتين على البريمة دي ، وانا اللي باعمل طلبيّات الأدوية ، وهوّه منفض تماماً! وكل ما اقول له ما تطلب انتا الأدوية مرة من نفسك ، يقوللي (يا باشا ما يصحّش ، دانا جاي جديد عليك ، يعني انتا الأقدم ، وفي البحر القديم له الاحترام ، وانا ما اقدرش أتعدّى عليك! وآهو إدارة الشركة برضه تعرف إن انتا الكل × الكل ، ومفيش غيرك بيمشّي الشغل!)... مانا بريالة بقى ، والبيه بيبلفني بالبؤّين دول!

وحتى جرد العيادة مع كل تبديل للورادي ، بيفبركه! يعني آجي أعمل جرد قبل ما أنزل أجازة... ألاقي إنه مشي وسايبلي - مثلاً - 12 علبة سيبروباي ، وأنا صرفت 3 علب ، والاقي الموجود الفعلي في العيادة 13 علبة! دانا باصرف أدوية بالمايناص بقى على كده! wst::

وأوراق الكشف على الحالات (الـ Patient Contact Report) اللي المفروض العيّان والطبيب بيمضوا عليها... ولا مرة مضى عليهم... مش عارف بيخاف يمضي ولاّ إيه!

كان المفروض يتعمل Personal Medical Record اللي فيه البيانات الشخصية والطبية والسجل المرضي لكل الناس اللي ع البريمة ، اتفقنا إنه يعمل للناس اللي معاه ، ويسيبلي الناس اللي راجعة الشغل معايا أعملهولهم... البيه عمل للأمريكان اللي معاه بس ، ولا واحد من السعوديين ولا معظم المصريين ولا معظم الفلبينيين سأل فيهم!

وآخرة المتمّة ، ألاقي البيه سايبلي المرّادي هاند أوفر من 13 نقطة سايبهولي أعملهم... لدرجة إني لما قريتهم... كنت باتساءل مع نفسي... الراجل ده كان قاعد الأربع أسابيع بتوعه دول بيعمل إيه؟! :P

مش عارف إيه الدبّوس اللي فتح عليّا شويّت الفضفضة دول ، بس عادي بقى... أنا في قهوتي أقول اللي على بالي!

أنا فعلاً واحشني جداً د. أحمد مراد (اللي كنت باكتبله الهاند أوفر بتاع كندا ده)... وباترحّك على أيّامه... عارفة يا برينسيس... أجمل حاجة لمّا بديلك يكون صاحبك ؛ يخاف عليكي ويكون ستر وغطى عليكي ، نكمّل بعض ، ودايماً يكون قلبنا على بعض!

هيييييييييه... دنيا

حاجة تانية... نصيحة يا بنتي لوجه الله... حاولي تقدّمي على هجرة لكندا ، واحمدي ربنا إنك لهلوبة في الفرنساوي. أنا كنت في نفس ظروفك دي أوّل ما قدّمت ، وكل أهلي وقرايبي كانوا ضدّي في موضوع الهجرة تماماً... ودلوقتي باحمد ربنا مليون مرة إني خرجت منها!

محدّش بيشيل هم حد... حتى الأب والأم هييجي لهم وقت هيزهقوا من أولادهم ومشاكلهم وحِملهم... وفي النهاية ، كل واحد بيشيل شيلته!

واحمدي ربنا إن الإجراءات اليومين دول كويّسة وسريعة جداً عن أيّام ما قدّمت أنا فيها... وخلّي بالك ، الدنيا بتقفل يوم عن يوم... واللي بنتدلّع عليه اليومين دول ، مسيرنا بكره مش هنلاقيه متاح أصلاً.

وزي ما كنت دايماً باقول... حتت ورقة هنرميها ، وبعد سنة ولاّ اتنين لما يقولولنا تعالوا سافروا ، يبقى يحلّها حلاّل... نبقى نشوف إيه ظروفنا أيّامها ، بدل ما يجيلنا يوم ونندم wst::

ع الأقل يا بنتي هتوصلي للسلام النفسي ؛ بدل حرقة الدم اللي انتي فيها سواء في الشغل أو في المجتمع من حواليكي عموماً... وده رأيي wst::

[wagdy demian]

دكتورنا العزيز شكرا تعبك معايا و شكرا لمغامرتك في محاولة الحجز

معاك حق يظهر الحاجة أكسبيديا دي بنت حلال و ما بتكسفش حد . ربنا يسهل و متحرجنيش لما أخاطب ودها و أحجز من خلالها أول حجز طيران أنترنتي في رحلتي اللآنديجية اللي هي هتكون ون واي أن شاء اللة وكفاية علي الكويت كدة اوي أوي

دعواتك بقي معانا

[SoSo R]

دكتورنا العزيز شكرا تعبك معايا و شكرا لمغامرتك في محاولة الحجز

معاك حق يظهر الحاجة أكسبيديا دي بنت حلال و ما بتكسفش حد . ربنا يسهل و متحرجنيش لما أخاطب ودها و أحجز من خلالها أول حجز طيران أنترنتي في رحلتي اللآنديجية اللي هي هتكون ون واي أن شاء اللة وكفاية علي الكويت كدة اوي أوي

دعواتك بقي معانا

أستاذ وجدى قبل ما تتهور و تحجز على إكسبيديا

تشيك الويب سايت بتاع بريتيش إيروايز

وكى إل أم

بيبقوا عاملين عروض كويسة

وقارن بسعر إكسبيديا

وربنا يسهل لحضرتك الأمور

بالنسبة لشهادة الخبرة بتاعة السواقة

بتروح المرور اللى أنت تبعه...أنا كنت مرور حولى فى الجابرية

بتقدم طلب بيتكتب عند الكتبة و بيقولوا لك التوقيعات اللى محتاجها

و بعدين تروح مرور الشويخ يتمضى من المدير العام للمرور بتسيبه فى السكرتارية و رقم تليفونك و يكلموك لما بيخلص

و آسفة جدا على التأخير فى إجابة السؤال

مثاء الخير يا تهامى :happy:

تحياتى

سوسورانى

بالمناسبة يا ثوثوراني...

بمداخلتك دي ، أصبحت تهامي هورتونز الشهيرة بـ (كندا التي رأيتها) أكبر مواضيع المنتدى

ملحوظة بس ليس إلا

تم تعديل 3 أغسطس 2009 بواسطة moheltohamy

[wagdy demian]

دكتورنا العزيز شكرا تعبك معايا و شكرا لمغامرتك في محاولة الحجز

معاك حق يظهر الحاجة أكسبيديا دي بنت حلال و ما بتكسفش حد . ربنا يسهل و متحرجنيش لما أخاطب ودها و أحجز من خلالها أول حجز طيران أنترنتي في رحلتي اللآنديجية اللي هي هتكون ون واي أن شاء اللة وكفاية علي الكويت كدة اوي أوي

دعواتك بقي معانا

" مدام سوسوراني شكرا لأهتمامك و سوف أتايع السايتات اللي ذكرتيها ربما أحصل علي عرض أفضل بس ربنا يستر و د. تهامي ما يزعلش مني و منك لأنك كدة بتوجهي أتهام صريح , خطير للحاجة أكسبيديا .

بخصوص شهادة المرور أنا فعلا عملتها زي ما أنتي قلتي يالظبط بس طبعا هي طلعت بالعربي فهل أترجمها من هنا في أي مكتب ترجمة ولا لما نيجي أن شاء اللة ؟ و يعدين انا الرخصة بتاعتي مكتوبة بالعربي و ألآنجليزي فهل دة مش كفاية ؟

شكراا مرة أخرة ."

[moheltohamy]

أحب أقول لكوا إن البريمة الهيتش اللي فات كان عليها غزو كندي...

طبعاً العبد لله أشهر كنداوي ع البرّيمة ، لدرجة إن دايماً مدير البرّيمة في الإدارة (الـ Rig Manager النيوزيلندي) كل ما ييجي يكلّمني أو يبعتلي ميل حتى ، دايماً يقوللي (Mr. Canadian) :wub:

تاني واحد كان كامباني مان (تبع أرامكو السعودية ، وهو المشرف على أداء البريمة ، واللي بينفذ سياسة أرامكو في حفر بير البترول ، يعني م الآخر كبير القعدة)... الراجل ده كان راجل كنداوي كاو بوهاوي من كالجاري. بس بقاله بتاع 10 سنين في الميدل إيست ما بين الإمارات ومصر ، وصايع في العربي :happy:

تالت واحد كان الكامباني مان التاني اللي معاه برضه ، كان م. أشرف رضوان ، وده مصري كندي برضه ساكن في كالجاري ، ومهاجر من سنة 2000 ، ودايماً بنسنى بعض ع العشا نقعد نتكلّم شويّة في كل حاجة وأي حاجة ، وطبعاً أكتر حاجة حبيبة القلب... كندا

رابع واحد كان واحد تبع شلمبرجيه ، والمسئول عن الحفر المائل (Directional Driller) ، وده بحريني كندي من أوتاوا... ده بقى أوّل مرة شفته كان واحنا بنتعشى... وانا باجيب الأكل من ع الكاونتر ، كان داخل جمبي ، وداخل مباشرتن على الـ Tray بتاع الـ Beef Steak ، ما جاش ناحية حاجة تانية!

الواد كتلة غير طبيعية من العضلات ، لدرجة إني رحت لناصر (الـ Radio Operator ، وأوّل واحد بيستقبل الناس اللي نازلين من الهليكوبتر ، يعني م الآخر عارف كل واحد ع البرّيمة)... رجعت للترابيزة وباسال ناصر (مين البيه اللي جاي يتخانق ده؟! إيه يا عم الواد الجتة ده؟ جاي يعمل هنا إيه بسلامته ع البرّيمة؟!) ، وناصر يقوللي ماهو ده بلديّاتك ، وانا اقول له (بلديّاتي؟ م المنصورة يعني؟) ، وناصر يقوللي (منصورت إيه بس؟ ده من كندا!)... وينده عليه ويعرّفنا ببعض...

اللذيذ لمّا عرف إني من تورونتو، قاللي إنه راح تورونتو مرة وعجبته أوي... رحت فين بأه يا عم الحاج؟ طبعاً الداون تاون ، وبزّات زنزبار وبراس ريل (Striptease club حضراتكو ، والأحلى إنها فركة كعب من بيت واحد صاحبنا إنتو ما تعرفوهوش... مساء الفل يا شيكو)

وزعل جداً لمّا باقول له (دول بيتشيز) ، ويقوللي (لأ دول بنات محترمين ، وكتير منهم طالبات جامعة ، وبيشتغلوا شغلانة شريفة زي دي عشان يصرفوا على تعليمهم!) ، والبيت ده طاهر ، وهيفضل طول عمره طاهر (ده أنا اللي باقول :wub: )

أخينا ده مهندس بترول ، وفاتح هوّه مع ولاد عمه (له إبن عمه التالت على الجمهورية الكندية في كمال الأجسام) ، وبيشتغل في البترول على ما يبدو في وقت الفراغ بس! wst::

[moheltohamy]

شكرا جدا يا دكتور على ردك و نصيحتك..بس انت عارف الي فيها في موضوع الهجرة...و ان مستحيل اني اسافر لوحدي

المهم انا بعمل الي عليا علشان لو حصل ان الظروف اتغيرت يكون سهل عليا الهجرة.

على فكرة يا دكتور انا داخلة معاك تحدي بيني و بين نفسي:

انت قاعد تكلم ليل و نهار عن شهادة الايلتس دي و عمال تقول انها صعبة و فرحان اوي بدرجاتك

علشان كدة انا نفسي بقي اغلبك في تخصصك (الانجليزي) و انجح في الشهادة دي و ان شاء الله اجيب درجات اعلى منك

:wub:

يا بنتي سبحان الله... المفروض إنك أستاذة فرنساوي... ما تنجزي في الـ TEF ، وممكن تقفلي فيه المطلوب ، ويكون لغة أولى ليكي ، وتاخدي الـ 16 درجة بتوعه ، وتدخلي الـ IELTS لغة تانية ممكن تجيبي فيها 4-6 وممكن 8 كمان وانتي سايبة إيديكي (في حالة اللغة التانية الحياة أسهل بكتير )

وسكة كيبيك - رغم إني ما باقبلهومش - سهلة جداً بالنسبالك ، والشغل فيها مستنيكي زي ما قلتي قبل كده!

وإذا كنتي منتظرة الظروف تتغيّر ، ما تستنيها تتغيّر وفي إيدك فايل نمبر! هتخسري حاجة؟! :happy:

وتمنياتي بالتوفيق على أي حال

[Princesse]

هو ايه ال TEF يا دكتور تهامي؟

انا معايا ال Alliance Francaise هي في نفس مستوى ال Delf

و كمان معايا شهادة من السفارة الفرنسية تثبت اني كنت في مدرسة فرنساوي و اني معفية من اختبار القبول في حالة اني قدمت في أي جامعة في فرنسا

و هو لازم اخد ال TEF كمان؟. ولا كدة كفاية؟ و يا ترى ليسانس الاداب من جامعة القاهرة معترف بيها هناك؟

اسفة يا دكتور اني وجعت دماغك بكتر الاسئلة ..شكرا اوي على سعة صدرك

[moheltohamy]

ودي مشاركة كمان

شوفي يا دكتورة سوسو

اي نعم انا بشوف وش القفص واغلب شغلي علاج مشاكل الشعر وتفتيح لون البشرة ولكن ايضا هناك البهاق والصدفية اللي كل ما يدخل لي مريض بجد اتضايق كرونيك بقي وهنبقي صحاب كالعادة

تصدقي اني بقي لي اصحاب كتار من المرضي

اي نعم انا حاطط فاصل

بس مش الصيادلة الذين لا يعرفون المرضي علي الاطلاق

حتة حقد

السلام عليكم دكتور

انا اخصائي جلدية في الكويت وقي احد اصدقائي بيقوللي على موضوع الهجرة لكندا وانا لسه جاي من سنه الكويت بصراحة متردد وعايز اعرف ازاي الواحد ح يقدر يشتغل هناك مع العلم انني متزوج واعول :lol: وياترى الواحد لازم يكون معاه مبلغ قد اية؟

اسف على الاطالة

عندك أكبر مثال يا mizozizo د. قناوي...

لازم قبل أي حاجة تحدد إن كنت فعلاً محتاج تهاجر وتعيش في كندا ، ولاّ انتا مرتاح ومبسوط في وضعك الحالي. ولو عاوز تسافر تسأل نفسك: "عاوز تعيش في كندا ليه؟"

لو الفلوس ، يبقى انسى كندا ، وخلّيك عايش في الكويت أحسن لك.

وعندك تساؤلات د. قناوي في بداية مشاركاته معانا في المنتدى لما كان لسّه بيفكّر أكيد هتفيدك...

[moheltohamy]

هو ايه ال TEF يا دكتور تهامي؟

انا معايا ال Alliance Francaise هي في نفس مستوى ال Delf

و كمان معايا شهادة من السفارة الفرنسية تثبت اني كنت في مدرسة فرنساوي و اني معفية من اختبار القبول في حالة اني قدمت في أي جامعة في فرنسا

و هو لازم اخد ال TEF كمان؟. ولا كدة كفاية؟ و يا ترى ليسانس الاداب من جامعة القاهرة معترف بيها هناك؟

اسفة يا دكتور اني وجعت دماغك بكتر الاسئلة ..شكرا اوي على سعة صدرك

بصّي يا ستي... Test d'Evaluation de Francais أو الـ TEF ده عامل زي الآيلتس الجينيرال ، طالباه سفارة كندا كدليل عن مستواكي في اللغة الفرنسية. هتقدّمي نتيجة امتحان الـ TEF والـ IELTS ، هتتحسبلك درجاتك مباشرتن ، ومن غير تعطّف من موظف السفارة ، ولا تحطّي إيدك تحت ضرسه!

بالنسبة بقى للـ Delf أو شهادة السفارة دول ، فممكن تعتبريهم زي الآيلتس الأكاديميك ، هتحتاجيهم لمّا تيجي تقدّمي على دراسة في جامعة كيبيكاوية أو فرنسية.

ممكن بتوع الهجرة لكيبيك ما يحتاجوش للـ TEF ، وفي الإنترفيو ينبهروا بمستواكي وتاخدي الأبروفال. ممكن!

وممكن زملاءنا خبراك كيبيك زي نصّار ولاكا والسيد منير وابن سينا وقناوي وزناتي وغيرهم يكون عندهم إضافات في الموضوع ده.

إنوي انتي بس ، وكل مشكلة تتحل

[moheltohamy]

حلوة اوى حتة البيت ده طاهر

وهيفضل طول عمره طاهر

نفسي بس يا عم تهامى تغير موقفك من الكيبيك والكيبيكاوية

أكيد هاغيّره يا حسام لمّا يعترف العيال الكيبكوا إنهم كنديين ، ولمّا يبطّلوا يشوفوا إنهم أحسن من باقي أهل المقاطعات الكندية التانية ، ولمّا يبطّلوا يبلطجوا ع الحكومة الفيدرالية الكندية ، ولمّا يبطّلوا يبتزّوا الحكومة من وقت للتاني ، ولمّا يبطّلوا يلوّحوا كل شويّة بكارت الانفصال عن كندا ، ولمّا يعترفوا إن اللغة الإنجليزية إحدى اللغتين الرسميتين في كندا!

أعتقد إن دي حاجات بديهية المفروض تحصل من غير أي حاجة ، وبدون مقابل!

ولا انتا رأيك إيه؟! :lol:

يا عم تهامي انا مش باغطس ولا حاجة بس مبدخلش القهوة الا لما انت تكون موجود غير كده بصراحة مبدخلش.....تفتكر بقي انا مش بادخل كتير ليه بقي؟؟؟؟؟؟؟

منور يا دكتور ت و ه

ت و ه؟! بتكلّمني بالسيم عشان ما افهمش؟! :lol:

خد يا عم حسيني الخاطرة اللي جايّة دي... أي مشاريب والسلام

[moheltohamy]

في قعدة من ضمن قعداتنا مع الباشمهندس أشرف (الكامباني مان المصري الكنداوي)... كنا بنتكلّم على المواقف اللي اتعرّض ليها ناس من اصحابنا في المطارات الكندية...

مرة الواد ديبو كان راجع من مصر على كندا بعد انتهاء أجازته في مصر ، ومامته قالتلُه – بحنية أمهاتنا المعروفة طبعاً – أكل الطيّارة مش مُغذّي ، وعملتله شويّت كفتة وحطّتهومله في علبة عشان ياكلها في الطريق لكندا. طبعاً ديبو أكل منها شويّة ، ونسي أمرها تماماً، وما افتكرهاش غير مع وصوله مطار پيرسون في تورونتو! اللذيذ بقى إن من باب الطيّارة وحتى شباك الجوازات ؛ مفيش صندوق زبالة يوحّد ربنا! وبعد ما عدّى من الجوازات ، وداخل على الجمارك ، وملخوم بالشنط ، وبيدوّر على صندوق زبالة يرمي فيه علبة الكفتة قبل ما يعدّى ع البوّابة اللي منها لباب المطار أو للجمارك... جه الكلّوب الننّوس اللطيف إياه ، وريحة الكفتة المضروبة – ما هو بعد حوالي 30 ساعة برّه التلاّجة كان لازم تضرب طبعاً – جابت مناخيرالكلب من آخر الدنيا ، وجَت موظّفة الجمارك علّمت لُه بالاحمر على الكارت بتاعه اللي كاتب فيه إنه مفيش معاه أي مأكولات... يا ستّي دانا بادوّر على حتة أرمي العلبة فيها ، إنسى! وإلبس ع الجمارك يا معلّم!

طالما العمليّة فيها جمارك ؛ تبقى الشنط لازم هيفلّوها حتة حتة! طبعاً ديبو استبيَع ، وخلاص بقى ما هي بايظة بايظة ، وضربوا الاعور على عينه! جه ظابط الجوازات وقال له لو سمحت ارفع الشنط على ترابيزة الفحص وافتحهم. طبعاً ديبو طلبت معاه غلاسة لوجه الله ، وصدّرلُه وِش الكلب ، وقال له (إتفضّل انتا شيل الشنط ، وافتحهم انتا ، بس خللي بالك... الشنط ترجعلي متستّفة ، والهدوم المكويّة اللي جوّاها زي مانا راصصهم)! الراجل خد الكلمتين وراح ناتع الشنط ع الترابيزة ، وبيشيل القمصان المكويّة بكل احترام عشان ما تتكرمشّ ، وفي وسط القمصان كان ديبو واخد معاه كتاب فقه السنة ، مجلّد محترم والزخارف الإسلاميّة عليه من برّه ، طبعاً باين إنه كتاب إسلامي! والظابط ماسكه بالجوانتي من الطرف وبيرفعه وبيسأل أحمد (?What is this) ، وديبو يرد بالوش إيّاه (This is a book) ، والراجل يرد بكل براءة (?I know it is a book! What is it about) ، وديبو يدّيهومله بقى ويقول له (هوّه طلع قانون وانا برّه يمنع القراءة؟)! الراجل الغلبان يسهّم شويّة ، وبعدين يقول له (Ok) ويرص الحاجة تاني في الشنط زي الشاطر ، ويقفلها ويدّيهوملُه.

باسأل ديبو (مش يمكن فاكره كتاب إرهابي يا احمد؟) ، وديبو يقوللي حللني بقى على ما يثبت ، ويروح المحكمة ، وينتدبوا مترجم تبعهم يترجمه حرفيّاً ، والقاضي يقعد يقراه ، ويشوف في الآخر إن كان كتاب متطرّف ولاّ لأ ، وممكن أوي بعدها أقول لهم إني لسّه ما قريتوش ولا عندي فكره باللي جوّاه. وإذا كان فيه ناس شايفة إن القرآن فيه نصوص إرهابية... يبقى إزيّك بجاااااه؟!

بغض النظر إنه لبس غرامه 100 دولار عشان كذب في الكارت إيّاه بتاع الطيّارة! كان ممكن يروح المحكمة ويشتكي ، بس على بخته كان ميعاد جلسة الشكوى في وقت الشغل ، ودفع زي الشاطر!

ملحوظة كده على جمب... لو الموقف ده حصل مع ظابط مصري ، وديبو إدّالُه نفس الكلمتين إيّاهم... تتخيّل إيه ممكن يكون رد الفعل؟! أقل واجب... (طب تعالى على جمب يا روح امك لما نشوف حكايتك إيه!)

ملحوظة تانية برضه على جمب... في دليل الجمرك الكندي ، مكتوبة صريحة إن مسئولية المسافر إنه يفتح الشنط لمسئول الجمارك ويعيد ترتيبها! بس الراجل هوّه اللي طلع غلبان وطيّب!

موقف تاني حكاهولي الباشمهندس أشرف عن واحد صاحبه كان داخل ع الجمرك ومعاه كرتونة مانجه! طبعاً إترفض دخولها البلد بأي شكل م الأشكال! الراجل اتصدم ومش قادر يتخيّل إنه بعد ما يشيلها معاه المسافة دي كلّها ؛ يكون مصيرها ف الزبالة! يعني نو واي إن المانجة دي أعدّي بيها م المطار؟ طبعاً نو واي! راح الراجل مبروش ع الأرض في المطار ، وقاعد على كرتونة المنجة لغايت ما شطّب عليها ، أدّام كل اللي في المطار ، وظبّاط الجمارك هلكانين على نفسهم من الدحك! وبعدها راحلُهم (أقدر أعدّي بأه دلوقتي؟) ، طبعاً اتفضل!

غيره... ظابط جمرك بيفتح شنطة واحد تاني شاف فيها مجموعة بدل ، وحب يغلّس عليه (في دي كانت غلاسة بجد) ، ويقول له (كل دي بدل؟) والراجل يرد عليه خبط لزق (وانتا مالك)! طبعاً ظابط الجمرك يتخطف من الدخلة الوش دي ، ويقاوح شوية (بس دول كتير) ، وصاحبنا (أنا باحب ألبس بدل كتير) ، و (بس دول جداد والمفروض تدفع عليهم جمرك) ، وصاحبنا (لأ ، دول مستعملين ، بس ودّيتهم لوندري)... فعلاً ، على رأي م. أشرف ، حتى لو بتوع الجمارك حبّوا يغلّسوا عليك ، وكنت عارف حقوقك كويّس ، بيلمّوا الدور!

[mohamedadel]

زبون لوووز أنا ... مش كده ولاّ إيه بزمّتكو؟! :happy:

مش لوحدك يا دكتور ...

انا البت بتاعت روجرز معطتنيش أي معلومه وانا بشتري الخط المدفوع مقدم الي تقريبا بيسموه عندهم Pay As You Go ( دي اول مره اسافر فيها بره مصر والخليج ) رحت شاري الخط ب 40$ وشحنته برده ب 40$ وبعد يومين وأنا بكلم واحد صحبي في امريكا وهو المتصل عليا وقاعد يتكلم ويرغي وانا مش في دماغي ... ما هو الي متصل بأه :blink: ...... لقيت التليفون قطع النفس ...

وجتني رساله ان الرصيد غير كافي ...... كافي ايه وبتاع ايه ده انا متصلتش تقريبا بحد خالص ..... اتاري الباشا بيسحب من رصيدك سواء كنت انته متصل او مستقبل ...

" ان شاء الله في المسقبل مش حعمل كده خالص "

شوفت انك مش لوحدك زبون لوووز ...... يا دكتور

صحيح ..... انا حاليا في تورونتو بقالي 10 ايام بعمل رحلة الاندينج انا والأسره ... دعوتكم يا شباب ....

وان شاء الله ححكي لكم أخبار الرحلة لما نرجع الإمارات بسلامه إن شاء الله .......

[روبي]

معلومة بس

le test d'évaluation de français

est très facile

يعني سهل جدا

هنا في الرابط ده حتلاقي مثال بسيط عن الاسئلة المطروحة

إضغط هنا لزيارة موقعي

إضغط هنا لزيارة موقعي

بس قولي يا دكتور محمد الا صحيح هنا مفيش تيتتتتتتتتتت و لا مقصات :wub:

[أحمد سيف]

د. تهامي بعد التحية /

حيث أن حضرتك خبير في السفر أود ان أستفسر منك عن حاجة

1-في حالة السفر علي الخطوط البريطانية الي كندا فهل أحتاج الي تأشيرة دخول لبريطانيا ؟

2- هناك عرض كويس للسفر الي كندا علي البريطانية الي لندن ثم الي تورنتو علي اير كندا فهل لك تجربة علي هذا الخط

شكرا يا دكتور

بعد اذنك يا دكتره

المسافر ترانزيت عن طريق لندن الى كندا ويحمل تأشيرة كندا أو كارت إقامة دائمة بها لا يحتاج تأشيرة ترانزيت بريطانية بغض النظر عن جنسيته ... والجنسية المصرية عموما هي من ضمن الجنسيات التي لا تحتاج تأشيرة ترانزيت أساسا حتى لو لم يكن مع المسافر تأشيرة كندا... الكلام ده هما قايلينه على المواقع دي

http://www.ukvisas.gov.uk/en/howtoapply/infs/inf20transit#Q1

http://www.ukvisas.gov.uk/en/doineedvisa/visadatvnationals

السفر عن طريق لندن كويس في إن الرحلات منتظمه وفيه خيارات كثير لشركات الطيران والرحلة وقتها بيتقسم نصين متساويين تقريبا وغالبا بتكون فترة الانتظار بسيطة لكن مطار هيثرو دايما بيكون زحمه ومتعب خصوصا لو احدي الرحلات في تيرمينال 5 الجديدة والثانية في التيرمينالز القديمة 1-3

تم تعديل 18 أغسطس 2009 بواسطة أحمد سيف

[moheltohamy]

سعادة المشرف العام د تهامى كل عام وانتم بخير واسأل الله العلى القدير ان يجعله عليكم شهر خير وبركه وان يحقق لكم كل فيه كل امانيكم....

سعادة الدكتورة العزيزة... وانتي طيبة وبخير ، ويا رب يحقق لك كل الأماني االطيبة لك ولكل الأسرة الكريمة...

مشرفنا الهمام دكتور تهامي كل عام وأنت والأسرة الكريمة بخير، اسأل الله أن يملأ أيامكم كلها بهجة وسروراً .

تحياتي

وانتي بألف خير وسلام يا مروة ، ويا رب يملال أيامك كلها برضه رضا ونجاح ، وتستمتعي برمضان بره كندا! :wub:

كل سنة وانت طيب يا دكتور تهامى

رمضان كريم

أعاده الله علينا باليمن والبركات وشملنا بفضائله

وانتا طيب يا دكتور حسام ، والله أكرم ، وتمنياتي برمضان القادم نشوفك على خير هنا في تورونتو (الناس الكويّسين) :P

السلام عليكم

دكتور محمد سعد كل سنة و حضرتك طيب

و رمضان كريم

أهله الله علينا باليمن و البركات

البطاقة من نور :lol:

وانتي طيبة يا روبي ، ويا رب يتقبل منا جميعاً الشهر ده ، وينوبنا من أفضاله ولو مثقال ذرة :wub:

أخويا د / تهامي

كل سنه و انت طيب و هند بخير يا رب

و رمضان كريم علينا جميعا

و ربنا يحقق كل أحلامك و أحلامنا جميعا

آمين يا رب يا بنت مصر... ونتجمّع كلنا ونجيب فوانيس ، وفطار مجمّع لكل حبايبنا هنا ، بدل ما رمضان هنا ما لوش أي روحانيات ، ولا حتى فتة بالخل والتوم!

أنا عاوز أروح آكل عند ماما :lol:

محمد سعد شعار معروف

يخللي اللي ما بيشوفش يشوف

فينك يا حاج

رمضان كريم

الله أكرم يا د. خالد... والله موجود يا باشا ، بس بعيد عنك... مطحون شويتين!

والسيكو سيكو باكتب فيه (باتكلم بالسيم آهوه) بس اصبربقى لما نخلص كل البواقي عشان ينزل الموضوع على بعضه! إنتا كده كده مش جاي بكرة wst::

والله أكرم يا باشا :)

د/تهامى رمضان كريم وكل وسنه وحضرتك والاهل بخير

وانتو بخير جميعاً د. توتا ، والله أكرم ، ويا رب تنالي ما تتمنى ، طالما كان فيه الخير لك :lol:

---------------------------------------

معلش يا اخواننا أعذروني... أنا لسّه واصل تورونتو من يومين ، ومطحون بعيد عنكو! :sad: ربنا يعديها على خير ، ويعيننا ع الصيام في البلد دي :lol:

[moheltohamy]

حمد الله على السلامة يا دكتور...

كندا نورت ..بس المشكلة أنت نورك زيادة قوى إتحول لثاندر ستورم :)

يعنى عشان جيت.... الطبيعة ترحب بيك بالشكل الفظيع المريع دة

من حر ورطوبة...لسيول ورعد وبرق

الله يكرمك ما تيجيش كتير

بجد ألف حمد الله على السلامة

ورمضان كريم...تقبل الله منا و منكم

لو محتاج أى أكل إحنا حاضرين نبعتهولك على يانج ...ماتقلقش إحنا نحب نخدم

ولو ليك فى القلقاس موجود برضه...حاكم المنتدى كله طلع عنده حرمان قلقاسى

أنت بس حدد المنيو اللى عايزه

والفاتورة هابعتهالك بالبوسطة آخر الشهر

وليك عندى صينية كنافة بونص...

بالحق ...تريبل زيرو مابعتش الظرف بتاعى معاك؟؟

عايزين نشترى العربية بأة :)

تحياتى

سوسورانى

وانتي طيبة يا سوسو ، والله أكرم ، وكل سنة وانتي طيبة بمناسبة العيد (كوكتيل تهاني :sad: )

نفسي بقى أستقر في تورونتو ، بدل حياة التشرد اللي أنا فيها دي... وندوق القلقاس اللي الناس كلهم متحنسين بيه ، واقول لهم ع اللي فيها :)

بس لو الموضوع فيه أختار المنيو اللي عاوزه ، يبقى هتندمي :) الموضوع هيكون فيه إلك وبايزون وكاريبو كمان... والرك كمان مش عليهم ؛ لأ ده ع الصوص اللي بيتسووا فيه ؛ ده اللي فيه اللعب كله

المرة اللي جاية إن شاء الله هاجيلكو ع الشتا ، يعني هتكون ملطـّشة من غير حاجة أصلاً! إنتي لسّه ما شفتيش شتا كندا... Welcome to the club

وما كانوش كام يوم الدنيا نقطت فيهم شوية ، وبخ على كده! ده صيف مايص أصلاً! بكره تشوفي!

وبالنسبة للعربية ، بجد إنتي لازم تنجزي في الليلة دي بسرعة... آه والله العظيم. دي هتريّحك ، وهتستمتعي بيها بجد مووووووووت :rolleyes:

وعندك طبعاً الموسوعة بتاعتنا - ذات الأفكار الغريبة - د. هشام إبراهيم :lol: ولو احتجتي خبراتي التأجيرية مش هاتأخر عليكي. آهو ممكن نتسفلأ عليكي وناخدها كام يوم ، ونفوّتلك جوز دولارات :lol:

[moheltohamy]

زبون لوووز أنا ... مش كده ولاّ إيه بزمّتكو؟!

مش لوحدك يا دكتور ...

انا البت بتاعت روجرز معطتنيش أي معلومه وانا بشتري الخط المدفوع مقدم الي تقريبا بيسموه عندهم Pay As You Go ( دي اول مره اسافر فيها بره مصر والخليج ) رحت شاري الخط ب 40$ وشحنته برده ب 40$ وبعد يومين وأنا بكلم واحد صحبي في امريكا وهو المتصل عليا وقاعد يتكلم ويرغي وانا مش في دماغي ... ما هو الي متصل بأه ...... لقيت التليفون قطع النفس :lol: ...

وجتني رساله ان الرصيد غير كافي ...... كافي ايه وبتاع ايه ده انا متصلتش تقريبا بحد خالص ..... اتاري الباشا بيسحب من رصيدك سواء كنت انته متصل او مستقبل ...

" ان شاء الله في المسقبل مش حعمل كده خالص "

شوفت انك مش لوحدك زبون لوووز ...... يا دكتور

صحيح ..... انا حاليا في تورونتو بقالي 10 ايام بعمل رحلة الاندينج انا والأسره ... دعوتكم يا شباب ....

وان شاء الله ححكي لكم أخبار الرحلة لما نرجع الإمارات بسلامه إن شاء الله ....... :rolleyes:

عجبتني أوي كلمة (ما هو الي متصل بأه ) دي! تفكير مصري صميم... إنتا م الأحرار يابو عادل :sad:

ما هو لو الناس تسأل الناس الخبرة اللي اتقرصت وطلعت عنيها قبل كده؟ لكن كل واحد عامل لي كولومبس ، وعاوز يستكشف الأرض الجديدة لوحده... إلبس بقى :lol:

صحيح... إنتا كل ده لسّه ما رجعتش؟؟؟ :)

[moheltohamy]

د. تهامي بعد التحية /

حيث أن حضرتك خبير في السفر أود ان أستفسر منك عن حاجة

1-في حالة السفر علي الخطوط البريطانية الي كندا فهل أحتاج الي تأشيرة دخول لبريطانيا ؟

2- هناك عرض كويس للسفر الي كندا علي البريطانية الي لندن ثم الي تورنتو علي اير كندا فهل لك تجربة علي هذا الخط

شكرا يا دكتور

بعد اذنك يا دكتره

المسافر ترانزيت عن طريق لندن الى كندا ويحمل تأشيرة كندا أو كارت إقامة دائمة بها لا يحتاج تأشيرة ترانزيت بريطانية بغض النظر عن جنسيته ... والجنسية المصرية عموما هي من ضمن الجنسيات التي لا تحتاج تأشيرة ترانزيت أساسا حتى لو لم يكن مع المسافر تأشيرة كندا... الكلام ده هما قايلينه على المواقع دي

http://www.ukvisas.gov.uk/en/howtoapply/infs/inf20transit#Q1

http://www.ukvisas.gov.uk/en/doineedvisa/visadatvnationals

السفر عن طريق لندن كويس في إن الرحلات منتظمه وفيه خيارات كثير لشركات الطيران والرحلة وقتها بيتقسم نصين متساويين تقريبا وغالبا بتكون فترة الانتظار بسيطة لكن مطار هيثرو دايما بيكون زحمه ومتعب خصوصا لو احدي الرحلات في تيرمينال 5 الجديدة والثانية في التيرمينالز القديمة 1-3

تسلم يابو حميد على ردك الدوكيومنتد... ومش هاضيف عليه كتير.

بس الملحوظة البسيطة اللي هاضيفها إنهم بيطلبوا منك في المطار يشوفوا الباسبور والتذكرة بتاعت الطيارة وفيزة كندا أو كارت البي آر. ده اللي حصل معايا في الـ 3 مرات اللي رحتهم عن طريق هيثرو.

النقطة التانية... المفروض فعلاً تحاول تسيب ساعتين تلاتة ترانزيت بين الطيارتين في هيثرو ، عشان تاخد فرصة إن الشنط تتنقل بين الطيارتين ، وسيبك من القاعدة العامة اللي بتقول إنك تتفادى الرحلة اللي الـ Connection time بتاعها أقل من 45 دقيقة. ساعتين أحسن بكتير... واسأل مجرب :sad:

النقطة الأخيرة ... المفروض مفيش حاجة اسمها فيزا ترانزيت... الوحيدة اللي عايشة الدور في الليلة دي هيه أمريكا ، وعشان كده يستحسن تفادي الخطوط الأمريكية لغايت ما نمسك بإيدينا الباسبور الكندي... ربنا يوعدنا بقى :rolleyes:

[moheltohamy]

كل عام وأنت طيب يا تهامى

حازم

الله أكرم يا دكترة ، وكل سنة وانتا طيب وعيد سعيد دايماً يا رب :sad:

دكتورتهامى كل عام وانت بخير بمناسبة عيد الفطر المبارك اعادة اللة علينا بالخير ان شاء الله

عساكم من عوادة

وعساكم دي ردّها إيه إن شاء الله؟! :)

بس عموماً ، لغاية ما نعرفلها رد... كل سنة والجميع بخير وسلام ، وعقبال كل عيد يا رب متجمعين مع بعض :rolleyes:

[أبو نور]

د. تهامي

كل سنة وأنت بألف صحة وعافية وربنا يجمع شملك على أسرتك الكريمة على الخير في أقرب وقت إن شاء الله

:sad: :tease: :lol: