كندا التي رأيتها :)

[moheltohamy]

شكرا د. هشام علي الأضافة وكل عام وانت بخير و أنا فعلا عملت حسابي وحجزت طيارة كندا من هيثرو بعد ترانزيت 3 ساعات و نصف

د. تهامي أقبل أعتذاري حصل خطأ مطبعي في أسمك مع أسم د. هشام علي العموم واحد وانتم الأتنين تستاهلو الشكر و العيدية

إحنا فعلاً واحد ، وده شيئ يسعدني... الراجل ده أنا باحبه بجد ، ويسعدني إني يتغلط في إسمي بإسمه (سبيشيال أوكّيجن بقى وكده :wub: )

وتوصل بألف سلامة يا عم وجدي :lol:

مشرفنا العام كل سنه وانت طيب ...مشعارفه ليه حاسه انى عاوزه ادعيلك...

اللهم اجمع شمل اسرته وارزقه من حيث لايحتسب وحقق له ولزوجته اغلى ما تمنيا امين امين امين

د. صفاء...

ربنا يخلّيكي... فعلاً أنا محتاج الدعاء ده ، أو يعني حاجة زيه كده :lol:

عندي امتحان في دبي كمان أسبوعين... ربنا يستر بقى... دعواتك.

تهامي يا أخويا

كل سنه و انت وهند بألف خير و سلام

و يارب يكون عيد الفطر سعيد علينا جميعا

و ربنا يلم شملكم و تستقر بقى في تورونتو و تريحنا

علشان الشحططه دي و قعت التوبيك بتاعك خالص

ومبروك على التوقيع الجديد بجد روووووعه و جيه على الجرح

ياريت تطمنا عليك دائما

وانتي بألف صحة وسلامة يا بنت مصر يا غالية...

ربنا يكتب لنا الاستقرار بجد ، عشان أنا تعبت... والله بجد ;)

ونشوفك هناك إنتي والأسرة الكريمة عن قريب يا رب.

والتوقيع ده أنا عايش بيه دايماً ، وإن كان فيه ناس كتير شايفين إن دي سطحية في التفكير. ساعات أكون مُحلّق في الخيال ، والناس من حوالياً عايشين على أرض الواقع بقسوتها!

الله أعلم مين فينا اللي صح!

دكتور محمد كل سنة و حضرتك طيب و عيد سعيد عليك و على جميع الامة الاسلامية

و يا بختكم احنا لسة عندنا رمضان

عيد سعيد لكل الاعضاء و المشرفين و المدراء و كل سنة و كلكم طيبين

وانتي طيبة وبألف خير وسلامة يا روبي ، وعقبال اليوم اللي كل المسلمين يتفقوا على رأي واحد في أعيادهم ، عشان باخت أوي فعلاً!

تحياتي :sad:

يا نهاار أبيض يا دكتور تهامى...أعيد عليك فى بداية رمضان ترد عليا فى عيد الفطر

دة كدة يادوبك أقولك كل سنة و أنت طيب بمناسبة عيد الأضحى...عشان ترد فى الميعاد مضبوط

و ألحق أسلق اللحمة عشان أعملكم الفتة بالخل و التوم...

وبعدين مادام بتتريق على طبيخى قبل ما تشم ريحته حتى.. يبقى خليك فى الألك بتاعك...و أنا هاعزم زناتى و المدام و هشام إبراهيم و المدام على قلقاس و أنت آخرك كدة معايا عيش و جبنة

الثاندر ستورم اللى بتقول عليها نقطتين و بخ طيرت أسقف بيوت فى هاميلتون تقريبا...كان تورنيدو على صغير

ياريت تقولى بقى جاى إمتى بالضبط فى الشتا عشان ألحق أستخبى و آخد ساتر...حاكم الطبيعة بترحب بيك بزيادة

بالنسبة للعربية.........................................

عولم و تم التنفيذ

بس موضوع جوز دولارات دة مش هينفع

دة تمن لتر و نصف بنزين و أنت كلك نظر يا دكتور :lol:

أما التفاصيل عندى فى الكوفى شوب...ومش خسارة فيك السبق الصحفى...ياما شربنا عندك!!!

تحياتى

سوسورانى

ثاندر ستورم ثاندر ستورم يا سوسوراني...

واحشاني كندا بجد ، واحشني الإحساس بالجمال والنظام والنضافة والتحضر حواليّا في كل مكان.

هيييه ... دنيا.

ومبروك مقدّماً ع العربية ، ومستنيين حكاويكي عن شراء العربية ، واللي هتشوفيه من طوابير في المرور ، واللي هيطلب منك الدخان عشان يمشيكي بسرعة ، والمهندس اللي هيفحص العربية ، ولازم تظبّطيه عشان ما يعطّلكيش... وغيرهم.

متابعين :closedeyes:

د. تهامي

كل سنة وأنت بألف صحة وعافية وربنا يجمع شملك على أسرتك الكريمة على الخير في أقرب وقت إن شاء الله

وانتا بألف عافية يا أبو نور ، ويسمع منك ربنا.

وخالص شكري على دعواتك...

[moheltohamy]

بناءً على أوامر وتوجيهات عُليا... أحب أنزل لكم شوية صور من العزيزة سانت كاثرين (St. Catharine) حيث يقيم حبيبنا هشام إبراهيم... طبعاً الصور دي متّاخدة بالكاميرا الجديدة اللي محتاجة الواحد يحكي عليها وعلى التحضيرات لشراءها ، اللي لو باشتري عربية مش هاعمل اللي عملته ده!

يبقى ييجي المعلّم هوبا بقى ويورّينا كاميرته :wub:

المهم... في اليوم ده كنت معزوم على فطار رمضاني محترم ترم ترم :lol: من هشام ومدام هشام :lol:

والطريق كان زحمة موووت من تورونتو لسانت كاثرين ، من المرّات القلائل اللي يمكن مرة في الأسبوع ، بس زحمة من النوع اللي ما يعصبش الواحد ولا يخنقه... حتى بصوا كده؟!

مش هنقارنها طبعاً باللي متعودين عليه يوم الخميس مثلاً في أم الدنيا ، حاولوا تبصوا كده لما وراء العربية ، مش مهم نوسي دلوقتي :sad:

وحتى السما ساعتها كان شكلها غريب ، والمناظر المحيطة برضه كانت بخلاف اللي متعودين نشوفه :wub:

مُغرم بالسما في كندا الصراحة...

وشويت صور بقى من سانت كاثرين وما حولها ، وأسيب د. هشام لو يحب يعلّق عليها... Be my guest :closedeyes:

حتة زي دي ما تطوّلش العمر بذمتكم؟!

غيره...

غيره...

الجامع الشهير بتاعهم... أحلى حاجة عاجباني في الصورة دي إيه يا شيكو؟!

إن إسم محمد مكتوبة على الجامع من بره زي ما باكتبها بالظبط :lol:

والستايل الأغلب في سانت كاثرين بيوت بالمنظر دوت

لدرجة إن عمارة زي دي تعتبر ناطحة سحاب بالنسبالهم ، يمكن أعلى عمارة في المدينة دي!

قلتلي ساكن في الدور الكام في تورونتو يا هشام؟! ;)

[ايهاب سالم]

أحب أضيف كمان إن عشان الصور متطلعش مهزوزه بالشكل ده .. بلاش تخلي حد يزغزغك و إنت بتصور

:closedeyes:

[moheltohamy]

يا تهامي حرام عليك

في الدول اللي بتاكل طحينه مع الكباب بيصغروا الصور شويه قبل ما يحملوها عشان الناس دماغها متتلوحش م السكرولينج

إتعلموها بقى

مليتو كندا :closedeyes:

أحب أضيف كمان إن عشان الصور متطلعش مهزوزه بالشكل ده .. بلاش تخلي حد يزغزغك و إنت بتصور

:lol:

طيب تصدّق إني مصغر الصور دي مخلّيها ربع حجمها الأصلي؟! :sad:

الصور الأصلية يا معلم حجمها 4000×3000 بيكسلز وحجمها حوالي 4 ميجا بايت! وطبعاً مفيش موقع هوستنج هيقبل صور بالحجم ده ، وآخري ميجا ونص ، عشان كده صغرتها ، والصور وصل حجمها - في بعض الصور - لـ 250 كيلو بايت!

أقطّع نفسي أنا يعني؟! :wub:

أنا يتقال لي مهزوزة يا إيهاب؟!!!

الحكاية إن هشام أفندي كنت أقول له هدّي يا عم الحاج ، يقول بدل ما يمشي على 80 كم يمشي على 60! ما تقف خلينا نلقط الصورة؟ وده يقوللي إحنا على طريق سريع مفيش حاجة اسمها أقف!

مسيري أحكيلكو ع الفضايح اللي كنت باعملها في كالجاري :lol:

[moheltohamy]

أنا يتقال لي مهزوزة يا إيهاب؟!!!!

مهزوووووووووووووووووووووزه

الحكاية إن هشام أفندي كنت أقول له هدّي يا عم الحاج ، يقوم بدل ما يمشي على 80 كم يمشي على 60! ما تقف خلّينا نلقط الصورة؟ وده يقوللي إحنا على طريق سريع مفيش حاجة اسمها أقف!

ما هو عشان كدهوت .. في بلاد الطحينه مع الكباب بيعملوا الكاميرات فيها optical image stabilizer

عشان سواء حد زغزغك أو كنت راكب جنب هشام و مشغل شريط رزع حلل ... متطلعش الصور مهزووووووووووووووووووزه :lol:

بتقوللي أوبتيكال مش عارف إيه وكدهوت وبتاع؟! وبتكتبهالي بالإنجليزي كمان؟!

طيب...

المشاركة الجاية بقى هاورّيك اللعب اللي على أصوله... عشان لما تشوف الكاميرا بتاعتي بعد كده ماشية في الشارع تنحنيلها وتدّيها احترامات!

ولسّه لما أحكيلك قصة شراءها أصلاً... دانا طلعت عيني ، وهيبقى درس في الكاميرات الديجيتال كمان ، بس مش وقته دلوقتي!

المشاركة التانية بالصور الأستاذة نخلّيها بكره ، عشان دلوقتي ننامو شوية ، عشان ورانا مورنينج ميتنج الصبح كمان 6 ساعات! :closedeyes:

[moheltohamy]

الف مبروك علي الكاميرا يا باشا ومستنيين تكاتك في شراء الديجيتال.

نفسي اشتري واحده بس يكون فيها اوتو و مانيوال فوكاس.

حقيقي الصوره تووحححففههه توحفه وتطول العمر وتشيل كل الامراض النفسيه كمان

بالنسبه للشقق الي فيها بلكونات يا دكتور هل في حاجه بتمنع تراكم التلج جواها في الشتاء؟

ربنا يوفقك في امتحان دبي .

الله يبارك فيه يا دكترة ، ومسيرنا نتكلم في التصوير الديجيتال ، وهيبقى درس تعليمي مختصر في الحكاية دي ، بس إدّيني عُمْر :lol:

وبالنسبة للأوتو مع المانيوال دي... هممم ، ممكن نتحايل عليها شوية. لأنك طبعاً أكيد مش محترف عشان ندخل في سكة الـ DSLR ، وفقع المرارة بتاعها! أصبر لما نبدأ الكلام ، وهنفصص الليلة كلها :blink:

وبالنسبة للبلكونات والتلج ، طبعاً ممكن نمنع تراكم التلج... إننا نزيله أول بأول hypr:

مش متأكد موضوع التندات ده منتشر في كندا ولاّ لأ الصراحة ، أنا عن نفسي ما أفتكرش إني لمحته! ممكن إيهاب وهشام يفيدوك في النقطة دي.

وربنا يسمع منك يا دكترة ، ويعدّي الامتحان على خير... أنا مش عارف أنا بقيت باطلع من امتحان عشان أستعد أدخل في اللي بعده! بقى الغريب إنو تعدّي فترة من غير امتحانات مثلاً! wst::

فين النظام المصري ، إنك بعد ما تتخرّج - الماجستير للدكاترة - تنسى خلاص أيّام المذاكرة!

[moheltohamy]

نيجي بقى للدلع واللعب ، عشان نورّي الكابتن هوبا إن كاميرت أبو سعد مش بتهرّج ولا بتلعب ، ولا بتهز! :lol:

كنت جيت حبّيت أصوّر الدفاية بتاعت هشام ، وكان نفسي أصوّرها ع الطبيعة ، و طفينا النور بالكامل ، وصوّرناها طلعت كده...

قمت قلت لازم بقى نستغل إمكانات الآيزو بتاعها ، وعلّيت الآيزو ع الآخر ، وظبطت فتحة الـ Shutter على 15 ثانية عشان أعوّض نقص الإضاءة... طلعت الصورة واضحة في إضاءة كحل! طبعاً شوية الـ Blurring دول المُنتظر والمُتوَقـّع من الآيزو العالي.

نيجي بقى للصورة بعد ما فتحنا الأنوار...

نيجي للي بعده... الزوم الـ 24X يا سي هوبا أفندي

رحنا على مطعم دمه خفيف على شط بحيرة أونتاريو في سانت كاثرين (كان أحد 2 أوبشنز سايبني هشام أختار بينهم)...

وقاللي إن ممكن عبر البحيرة أشوف تورونتو (Toronto Skyline) ، وأخدت الصورة دي

قلت طيب ما نحاول نقرّب الصورة شوية... عشان خاطر عم الحاج إيهاب wst::

فكانت هذه الصورة...

وسلّملي ع اللوميكس يابا الحاج :blink:

[moheltohamy]

رائع جدا يا تهامى باشا ...

وهكذا يا اخوان ... يعود الرجل الأخضر للكتابة مرة أخرى بعد توقف دام 82 سنة وشهرين ...

welcome back يا حاج تهامى ..

ربنا يخلّيك يا باشا...

نعمل إيه بس... بنتعب :lol:

عموماً ، ربنا يسهّل وأنزل حتة محترمة من الهاند أوفر قبل ما ندخل في الموف (Rig Move) على بالليل.

يا مسهّل يا رب :blink:

[MZohairy]

لو مش بتتريق يا عم زهيري ، يبقى انتا كده بتفهم في التصوير صح :blink:

تسلم يا غالي ، دانتا اللي منوّر التوبيك والله wst::

بس انتا صحيح إيه اللي مسهّرك كده؟ الساعة عندك 10 م ، وعندي أنا 8 ص! دنيا غريبة أوي يا جدع!

مش ده ميعاد النسكافيه عشان تستعد للنوم برضه؟! hypr:

والله النهارده يا حماده الحراره ما طلعتش عن 8 مئويه طول اليوم

عملت فيها عنتر ابن شداد بالبوا و قلت اتمشى للجيم العب شويه

دقيقتين و حسيت بارتعاش و انتفاخ في الاطراف و تضخم في عضلة القلب يعشق كل جميل و اقتراب المنيه

رحت محترم نفسي و راجع البيت و واكل رز بلبن و داخل انام اهو بعد النسكافيه :lol:

[moheltohamy]

قبل ما نقفل باب الصور يا شيكو... أحب نسيب كام صورة كده كمان...

المبنى ده مبنى متحف حربي ، أو حاجة زي كده... مش كده يا هشام؟! علّق انتا بقى

وحاطّين قدّامه دبّابة ، يبقى كده اللي باقي حيلة كندا 199 دبابة تانيين (مش كده يا زناتي؟! :lol: )

طبعأً هشام برضه بيتحرّك بالعربية وانا باصوّر يا عم إيهاب ، وللأمانة برضه ، كنت لسّه ما أخدتش ع الكاميرا :blink:

والصورة دي يا هشام...

فاكر كنت قلتلك عليها إيه؟! بتفكّرني بأيّام پريتوريا في جنوب أفريقيا ، المدينة اللي بيسمّوها الـ Jacaranda City أو الـ Yakaranda Stad باللغة الأفريكانس!

شجرة الچاكاراندا دي مميّزة في پريتوريا بالذات ، ومدّياها إحساس وانطباع مميّز.

شوف الصورة دي...

وأخيراً... دي صورة هشام الغلبان يا عيني ، وهوّه قاعد في العربية مستنيني أخلّص تصوير wst::

[moheltohamy]

أنا نجاااااااااااحت

أو زي ما بيقولوها بتوع القاهرة... أنا نجيييييييييييييييييحت

نتيجة امتحان الكوليدج أوف باراميديكس وصلت لهند ع البيت ، والنتيجة :

Congratulations, you have successfully completed the EMR Provincial Registration Examination.

بكده بقى نقدر نتكلم بقلب جامد...

فينك يا د. بريكانيديان تيجي تلحقني بالأغنية بتاعتك إياها؟

[moheltohamy]

10000000000000000000000000000000000000000000000

مبرووووووووووووووووووووووووووووووووووووووووووووووووووووووووووووك

ربنا يخليك يا حسام ويبارك فيك ، وعقبال يومك وفرحتك وفرحتنا بيك يا رب

مبروك يا أخ محمد التهامي، وعقبال النجاح في جميع الامتحانات القادمة.

هو طبعاً أنا ما عرفش كتير بهذه المواضيع ، لكن يبقى كم امتحان حتى تستطيع تعمل هناك بشكل عادي.

مع تحياتي للجميع

الله يبارك فيك يا باشا...

كم امتحان مين بقى؟ ما خلااااص... إحنا عبرنا كده خط بارليف ، ومش باقيلنا غير إننا نشتبك :blink:

بس هشام أفندي كعب الغزال يا متحني ينجز في سنته ، ويخلّص الورقة اللي عنده :ninja:

[moheltohamy]

ألف مبروك يا دكتور تهامى...بجد فرحتلك

عقبالى ياااااااااااااااااااارب

وبعدين دكتور بريكناديان مش موجود أنا موجودة برضه و أسد عنه :ninja:

على الله بس هو مايزعلش منى....لأنى خدت الحتة الزفرة اللى بييجى بيها :blink:

وألف مبروك تانى

تحياتى

سوسورانى

ياااااه... الأغنية دي فعلاً هوّه ده وقتها يا سوسوراني

إنتي عارفة بقى لما تخلّصي إمتحان آخر السنة ، وخلاص بقى... هيييييييييييييييه ، أجازة

مستحيل تشبه إمتحانات التيرم أو الميدتيرم...

كده خلاص مش باقيلنا غير شويت ورق ، ونقعد نرش في سيفيهات ، والمفروض نلاقي شغل عن قريب في الغالية كندا ، ونيجي نستمتع بالتلج والرصرصة المنعشة بقى :sad:

متشكر بجد ع التهنئة السريعة دي ، وعقبال فرحتك بمرمر

[moheltohamy]

الف مبرووووووووووووك يا حج تهامي.....ايوه كده ارفع راس الكنادوه

و عقبال الشهاده الكبيرة يا باشا...............لولولولولولولولويييييييييييييييييييييي

ما هي دي الكبيرة يا ريّس clp::

إلاّ لو كنا بقى هنتكلّم ع الكارير ، ودي بقى هيكون ليها حسابات تانية ، مش وقتها خالص.

البرايوريتي بالنسبالي حالياً أي سبّوبة تحقق لنا الاستقرار في البلد ، ويكون مزاجها عنب برضه :P

ألف مبروك يا دكتور .. :D

عقبال ما تالقى شغل و تستقر بقى فى الغالية كندا ان شاء الله

تسلمي يا فندم ، ويسمع من بقك ربنا... وتحصّلينا عن قريب ، إنتي وكل اللي واقفين في الطابور لسّه. :rolleyes:

[moheltohamy]

ألف مبروك يا دكتور تهامي ... والله ابن حلال وتستاهل ... وعقبال النجاح للجميع

الله يبارك فيك يابو حميد... والله وانتا كمان من الناس اللي معرفتهم كنز.

وعقبال الجميع فعلاً.

تحياتي :rolleyes:

[moheltohamy]

Congratulations

ميرسي يا هوبا ، ما نتحرمش منك أبداً :rolleyes:

[moheltohamy]

الف الف مبروك يا بو سعد . حقيقي فرحت لك ودائما من نجاح لنجاح .

يارب ايامك كلها نجاح وربنا يوسع لك رزقك وتبقي العمده بتاعنا في ترونتو

ربنا يخليك يا دكترة... بس انتا اتأخرت ، وسوسوراني قامت بالواجب :P

بس محدّش قاللي أرقص يا مستر تي ، هيص يا مستر تي

كنت مستنيها الصراحة :D

أكتر حاجة مفرّحاني بالنجاح ده بالذات ، إنه نجاح فاينال ، يعني كده خاص خلّصنا المذاكرة و وجع القلب. طبعاً مش هاوصفلك إحساسي بالنجاح يوم امتحان العملي... ده كان إحساس تووحفة بجد.

فاكر أيام امتحانات الشفوي في الكلية ، أو الماجستير؟ أنا عشتها تاني ، بعد ما كنا نسيناها!

ده موضوع تاني... مش وقته دلوقتي...

مسيري أحكي كل التفاصيل دي عن قريب... هانت :rolleyes:

[moheltohamy]

الف الف مبروك يا دكترة

معلش تهنئة متاخرة اصلي لسة عارف

ولا متأخرة ولا حاجة... دا - تخيل - هند وصلتها الأوراق من امبارح ، وبعتلي ع الماسنجر امبارح ، وانا ما كنتش مشغله!

النهارده بعتالي إيميل بتقوللي (شكلك مش هتشتغل باراميديك في كندا) ، فقمت اتصلت بيها وانا مخطوف! :P

عالم رايقة! wst::

مبروووووووووووووك مبروووووووووك

مبرووووووووووووووك

clp:: مبروووووووووووووووووك

ومن نجاح الي نجاح

ويارب تحقق كل احلامك

نصار

ربنا يخلّيك يا بو نصّار... وعقبال سلسلة نجاحاتك يارب عن قريب... إنتا والناس التانيين :P

إحترافاتك كترت يا عم الحاج... ربنا يعينك عليها! هتقطّع نفسك يعني؟! wst::

مبروك يا تُهامى وللأمام دائماً .

بمناسبة النجاح نرسل

باقة حب مع

سلة بوسااااات

نسكبها على أجمل

خد يملكه أغلى بشر

تسلم يا دكترة... بس انتا متأكّد إن الكلام دوت ليّا أنا؟! :D

وعموماً مسيرنا نتجمّع بعربيّات إسعافنا ، ونشرب الشاي أنا وانتا وقناوي ومش عارف مين كمان brth)

بس قول يا رب ، وما تتبطرش ع النعمة... بس تيجي :rolleyes:

[moheltohamy]

مش عاوز أبوظ عليك فرحتك يا مستر تي ... بس ايه الخطوه الجايه في الكارير بتاعك ... يتهيألي مش هيا دي نهاية المشوار اللي ترضي طموحاتك... أنت مقامك أعلى من كده بكثير.

هوّه مش أعلى أوي ، بس والله أنا نفسي محتار يا بو حميد ، محتار جداً!

المشكلة إن كندا فيها إتجاهات كتير تنفع تمشي فيها... وكل ما زادت الاختيارات بتتوه! زي ما تجيب 90% في الثانوية (أيام ما كان كيلو الزيتون اليوناني بتسعة جنيه إلا بريزة :D ) ، وتلاقي كل الطرق مفتوحة قدامك ، وبتتخانق مع العيلة كلها عشان نفسك تدرس هندسة كمبيوتر ، والكل عاوزك تدخل طب! وده طبعاً على عكس اللي جايب 55% ، وفرحان إنه لحق تجارة انتساب! :P

كل ما آجي أحتار... أقول لنفسي... وعلى إيه الحيرة؟ آهو واحنا قاعدين في بريمة كندا ، وعاملين الدماغ العنب إيّاها ، ومنها نكون متواجدين في البلد ، وداخل سوق العمل الكندي ، نبقى نمخمخ ، وممكن نذاكر أي حاجة نلاقي نفسنا فيها.

ممكن أبدأ في معادلة الأطباء خصوصاً مع وجود بوادر أمل في انفراج الخنقة اللي عاملينها ع الأطباء هناك ، والفاميلي ميديسن مش بطال خالص بالنسبالي (وإن كنت مش باحب المجال الطبي في واقع الأمر) ، وممكن أبدأ أدرس IT (أوبشن متاح ، والحلم القديم ، بس محتاج دراسة جدوى) ، وممكن ندخل في سكة الـ Trauma Life Suppor Instructor ، وممكن برضه أكمّل في المجال بتاع الباراميديك ده لآخره ، وأبقى Flight Paramedic ودول بقى المعدّيين ، وممكن لو أتيحت الفرصة للعمل الخاص (الإستيراد والتصدير مثلاً) نبقى نشوفها.

طبعاً فيه فرق بين الجوب والكارير ، وانا ما جيتش ناحية الجوب خالص دلوقتي ، لكن أياً ما كان... ما زال أمامي الوقت للتفكير. وممكن هناك تتفتح طرق تانية.

وربك المعين بقى :rolleyes:

[moheltohamy]

عملوها ولاد اللذينا ، وبدؤوا الـ Rig Move فجأتن!

ما صدقوا إن الجو اتحسن شوية ، والبحر هدي ، وقالوا يلحقوا يتحرّكوا ، عشان تقرير توقعات الطقس بيقول إن الجو هيلخبط تاني من بكره ليوم الاتنين!

البريمة دلوقتي عايمة على وش الميّه ، وعمالة تتهادى آهوه على وش الميه وانا باكتب لكم... حاجة زبالة!

ألحق آخدلي حبّايتين عشان الـ Motion Sickness...

وعلى الله ألحق أرد ع الناس :closedeyes: