كندا التي رأيتها :)

[znaty]

أنا نجاااااااااااحت

أو زي ما بيقولوها بتوع القاهرة... أنا نجيييييييييييييييييحت

نتيجة امتحان الكوليدج أوف باراميديكس وصلت لهند ع البيت ، والنتيجة :

Congratulations, you have successfully completed the EMR Provincial Registration Examination.

بكده بقى نقدر نتكلم بقلب جامد...

فينك يا د. بريكانيديان تيجي تلحقني بالأغنية بتاعتك إياها؟

وانا وكتاب الله المجيد لسة جاي من السفر

كان نفسي ابقي اول واحد يهنيك والله بس كنت في الجبيل الصناعية يومين شغل ولسة راجع البيت هلكان حالا والله من يوم الخميس الصبح

الف الف مليون مبروك يا دكتور ودايما في نجاح مستمر يارب

وصلني سؤالك عليا من الهامي واشكرك علية وقريب جدا ان شاء الله لينا اتصال او لقاء

بخصوص الدبابات

متهيالي بعد لما تشيل استوكات الحرب العالمية الاولي سعادتك

هايتبقي في كندا 3 دبابات موش 200

منهم اتنين من غير جنزير والتالتة كانت ربع نقل واتقيفت

دة من وجهة نظري العسكرية سعادتك

مبروك تاني يا صاحبي وادعيلي لما ييجي دوري اعدي الكابوس دة

[moheltohamy]

أنا كنت فاهم الموضوع حاجه ثانيه خالص ... اللي جه في دماغي لما قريت اسم الشهاده عربية اسعاف وسارينه وأوفرأول أزرق ... إنما ما دام الموضوع فيه بريمه وأنتخه و دماغ عنب زي شغل السعوديه يبقى أقولك ألف ألف مبرووووووووووووووك بنفس المره دي :lol:

يا عم سيّبت ركبي... أنا بقيت في نص هدومي وانا بارُد عليك ، وعمّال أقول لنفسي... وده هنقول له إيه الجدع بتاع الـ PhD دوت؟!

يا كسفتي قدام المراية... ويا فضيحتي قدّام كبارات المنتدى!

إلاّ هوه انتا اللي كان عندك استعداد تشتغل صنايعي في كندا مع المعلّم قناوي؟ ولاّ باينّه كان زناتي!

أيوه يا عم الحاج هابقى زي محمد سعد (بالفعل) ، وهامثل فيلم 55 أمبيولانص!

ودي الأوبشنز فيها كتير ؛ ممكن على إسعاف عادية في المدن الكبرى ، وممكن تبع براريم ، وممكن تبع مناطق صناعية ، أو قرى ومدن نائية... الأوبشنز كتير ، وسهل جداً تختار ، وممكن تتنقل بينهم!

أصبر في الجزء الجاي من الهاند أوفر ، أو اللي بعده ، هنتكلّم على حاجات كتيرة تحفة :rolleyes:

على فكرة صحيح... أي شغل هتشتغله في كندا هيكون ممتع... النظام نفسه مريح يابو حميد. أي نظام مبني على بروتوكول وبوليسي وليه سيستم ماشي بيه ، أكيد هترتاح معاه.

واللي مش محسسني إني هاشتغل شغلانة حقيرة... إني كطبيب على بريمة بترول أصلاً ، وده مش المجال الكلاسيك للطبيب (اللي هوه مستشفى وعيادة وبالطو أبيض) ، إن طبيعة الشغل هنا أصلاً هيه Medic يعني مسعف! العادي إنهم بره في الدول بتاعت الطحينة :happy: ما بيشغلوش الدكاترة في البراريم ، وكان الحال كده سابقاً في مصر والمنطقة العربية ، إلى أن تسبب أحد الممرضين على بريمة في وفاة أحد العاملين بسبب حقنة بنسلين أدت لوفاته (حسبما سمعت) ، ومن ساعتها قرروا إن اللي يشتغلوا في مجال البترول يكونوا أطباء فقط!

لكن طبيعة العمل نفسها... بطيخ!

أصبر... الجزء الجاي من الهاند أوفر هيكون عن النقطة دي بالذات :closedeyes:

الكلمتين دول كنت كتبتهم من يومين ، لكن مع الـ Rig Move فقدنا كل أنواع الاتصالات :blush2:

[أحمد سيف]

تصدق يا دكتور ... أنا ما فيش يوم بيعدي عليا من غير ما أقعد أفكر في اللي باعمله صح ولا غلط ... له لازمه ولا مالوش ... يا ترى يا هل ترى بعد 4 أو خمس سنين دحّ وسنتين ثلاثه سنكحه كـ Post Doc Fellow وفوقهم خمس ولا ست سنين تنطيط في الجامعات لحد التثبيت هيببقى في العمر بقية الواحد يستمتع بنتيجة تعبه وشقاه ... فيها ايه لو الواحد أخذها من قاصرها وولع في الشهادات وراح اتعلم شغلانه بسيطه في كندا وعاش زي بقية الناس طالما الكل عايش محترم ومبسوط ... أيوه أنا اللي كنت بادافع عن إن الواحد يروح كندا يتعلم صنعه لو بيحبها ولقى نفسه هيبتدي طريق التعليم والمعادلة من أوله عشان في الآخر يلاقي نفسه بيشتغل حاجه مش حاببها وكل اللي كان جابره عليها مجموع الثانويه ... أوعى تفتكر إن شغلانة المسعف مش عاجباني ... ربنا يوعدني بشغلانه حلوه زيها لما أروح كندا بإذنه تعالى ... بس كل الموضوع إني كنت متابع رحلة كالجاري والكورس والامتحان وحسيت انك معتبر الشهادة والشغلانه دي مجرد محطه مؤقته ووسيلة للاستقرار في كندا في البداية فحبيت أحمسك على الاستمرار والتقدم ... عموما يا سيدي ألف مبروك كمان مره على النجاح وسواء كنت ناوي تكمل المشوار أو تاخذ استراحة المحارب فأتمنى لك دوام التوفيق والنجاح ... وأعذرني على أي كلمه تكون طلعت أو اتفهمت غلط ... أنت مقامك عالي أوي عندي يا بو سعد في كل الأحوال ... دكتور ولا مسعف ولا حتى تلميذ زي حالاتي.

تحياتي واحترامي

[moheltohamy]

دكتور تهامى بمناسبة النجاح المفروض تيجى تشرح لى شوية كارديوفاسكولار :lol:

يمكن أفلح فيه ولا حاجة

إحم... محسوبك يا فندم ساقط قديم في موضوع الكارديو فاسكيولار والـ ECG ، وباكرههم زي ما باكره الضاني والكوارع والفسيخ ، وموبينيل ، واللادا :happy:

عندك المعلّم الكبير في الموضوع ده... د. هشام!

الراجل ده ما بيعملش في حياته غير إنه يقعد يحكي للعيان حدوتة لغايت ما ينام ، ويفضل قاعد جمبه في أوضة العمليات ، مركب الهيدفون في ودانه وبيسمع رزع حلل ، وعنيه ع المونيتور بتاع الـ ECG! ما بيعملش في حياته غير إنه بيبُص ع المونيتور ورسم الـ ECG! عايزة إيه أحسن من كده؟!

صباح الفل يا هشام :D

إلا أنتوا بتخلوا الكلام يمشى كدة إزاى؟؟؟

هه؟؟هه؟؟

إزاى ...إزاى :happy:

دي حاجة لو عرفتوها... تبقوا عُمَد :D

دي حاجات ما يعرفوهاش غير البهوات المديرين ... ومستشارين الـ IT :rolleyes:

[moheltohamy]

وبالمناسبه دي

اهديك الشعر ده

تعيش لنا يا بو نصار... طبعاً ردّيت عليك ع الخاص.

الف الف مبروك يا د. تهامى

اى خطوة فيها نجاح لحد فى كندا بتدى أمل لكل الناس

تحياتى

الله يبارك فيك يا باشا...

ويا دكترة ، هوه فعلاً أمل لكل الناس... وهتعرف قريباً الفكرة اللي في دماغي.

الله أكبر ....مليون مبروك ...والله العظيم انا فرحانه قوى ...انا كنت مشغوله على النت مع الاهل اللىفى مصر وفجأه قريت الخبر العاجل قلتلهم سيبونى لازم اهنى حالا

انا حاسه ان دعوتى ليك استجيبت :rolleyes: ربنا يبارك لك فى النجاح ده ويكون احلى بدايه وعقبال كل اخواتنا وعقبالنا مبرووووووك يا مدام هند دكتورنا ها ييجى عندك خلاص

تسلمي يا دكتورة ، وعقبال ما تدعيلي في معادلة الأطباء إن شاء الله.

ويا رب عن قريب نبارك لك بالفيزا ، وتيجي تنورينا في كندا التي أحبها.

الف مبروك يا دكترة :D .......و بالتوفيق دايماً يا رب

معلش متأخرة شويتين تلاتة خمسة......بس ما بقدرش ادخل ع النت بسهولة اليومين دول

يا عم شهاب إنتا صاحب مكان ، وإن ما شالتكش قهوة سوسوراني ، قهوة التهامي هورتونز مفتوحة دايماً...

وربنا يعدّل لك الأحوال من عنده عن قريب.

والله يا تهامي لسه شايفاها حالا

الف الف الف مليوووووووووووووووووووووون مبروك

بجد تستاهلها يا تهامي يا أخويا :D

شد حيلك بقه و روووووح كندا حبيبتنا لحسن هند صبرت

كتير و استنونا هناك لحد ما نجيلكم واحد ورا التاني

ان شاء الله و نكون كده عزوه كلنا مع بعضنا يا رب

أختنا الغالية بنت مصر...

الله يبارك فيكي ، وما يحرمناش من وجودك جمبنا.

إلاّ هيه يعني هند اللي صبرت ، وأنا ما صبرتش؟!!!! :lol:

ولاّ همّه دايماً الفيميلز كده؟ :P

وعلى فكرة... أنا نفسي بجد إننا نتجمع كلنا كعيلة واحدة هناك...

أنا حتى الآن كل اللي قابلتهم هناك من المنتدى حبايبي ، وناس الواحد بجد يتشرف بمعرفتهم... شدوا حيلكم انتو بقى ، عشان العيلة تكمل.

السلام عليكم

أنا زي العادة ديما متأخر في كل حاجة و كله بسبب الزبالة اللي اسمه الايلتس ،عشان كده ياريت تقبل التهنئة مني ولو انها متأخرة جدا و أنا عارف انك أبو الكرم يا عمدة

خيبان و عامل زي الأطرش في الزفة,بس على العموم مليون و ترليون مبروك :happy:

يادي الآيلتس اللي واكل دماغ الناس!

الله يبارك فيك يا باشا... شد حيلك انتا بس ، وإخلص منه ، وبعدين تيجي تآنسنا ع المصطبة اللي كل الناس قاعدة عليها مستنيين دورهم!

بالتوفيق.

الف مليار مبروك ليك وربنا يجعاها خطوة ليك نحو ماتتمنى . صدقني فرحت ليك كتير وربنا معاك انت وعائلتك الكريمة.

ربنا يكرمك يا أبو زياد... ويزيد فرحك...

تحياتي

الف الف مبروك يا د/ تهامي و من نجاح لنجاح آخر ان شاء الله و على فكرة انا متابع معاكم و لكن مشاركاتي قليلة شوية ...

لكن المهم انا لقيت ده خبر جميل و كان لازم اهنيك عليه طبعاً و بالتوفيق دايما

المهم إنك موجود يا حاج أحمد... وشاكرين مهللين يا باشا وجودك :happy:

[moheltohamy]

أخى تهامى باشا

نهنىء أنفسنا

فرحت قلبى

يا جميل ربنا يفرّحك كمان وكمان... وطبعاً لازم تقول (نهنئ أنفسنا) :happy:

معلش أنا عارف إني متأخر ، بس انتا عارف دماغي... لازم الأفكار كلها تستوي عشان أنزلها.

وهيه عموماً بدأت تحمرّ آهيه... وصلنا كده لـ 15 صفحة ع الوورد... باقي شوية ، ممكن أنزل اللي خلص ، ونبقى نكمّل بعدين.

وإن كنت أنا مش باحب أنزل الموضوع ناقص :rolleyes:

[moheltohamy]

تهامي باشا الف الف مبروك فرحتلك بجد وقولتك مبدهاش لازم تهنئة كبيرة كبيرة منها الى الأعلى يا فندم، احلى حاجة بتعجبني فيك تقديرك للمزاج العنب (كلمة زوجي العزيز لما يبقى مزاجي عنب)

الله يبارك فيكي يا مدام مروة... وانا راجل قنوع :rolleyes: أهم حاجة عندي أكون محترم في المكان اللي باشتغل فيه ، وآخد مرتب كويّس ما أستناش أول الشهر (عشان مش باعف أحسب بصراحة :D ) ، وأمخمخ ، وأعمل مزاج عنب :D

على فكرة... جميلة أوي الكلمة دي (زوجي العزيز)... ربنا يسعدكم دايماً :happy:

وانا وكتاب الله المجيد لسة جاي من السفر :P

كان نفسي ابقي اول واحد يهنيك والله بس كنت في الجبيل الصناعية يومين شغل ولسة راجع البيت هلكان حالا والله من يوم الخميس الصبح

الف الف مليون مبروك يا دكتور ودايما في نجاح مستمر يارب

وصلني سؤالك عليا من الهامي واشكرك علية وقريب جدا ان شاء الله لينا اتصال او لقاء

بخصوص الدبابات

متهيالي بعد لما تشيل استوكات الحرب العالمية الاولي سعادتك

هايتبقي في كندا 3 دبابات موش 200

منهم اتنين من غير جنزير والتالتة كانت ربع نقل واتقيفت

دة من وجهة نظري العسكرية سعادتك

مبروك تاني يا صاحبي وادعيلي لما ييجي دوري اعدي الكابوس دة

زناتي... مُصِر تحسسني إنك إنسان مهم ، وبزنس مان وكدهوت ، وعلى طول مشغول!

إرحم نفسك من حركات المالتي تاسك دي! wst::

ومش عارف أقول لك عقبال ما نباركلك في كندا ، ولاّ أقول لك إبقى اشبع بالخليج بتاعك لما ترجع له يا سيادة المش عارف إيه التنفيذي! :P

الف مبروك يا دكتور تهامى على النجاح وربنا يوفقك كي تحصل على افضل استفادة من هذه الشهادة فى سوق العمل

الله يبارك فيك يا خالد باشا...

وربنا يسمع منك ، ويوفقنا في حكاية سوق العمل دي...

أشكرك مرة تانية... :lol:

ألف ألف مبروك يا دكتور تهامى على النجاح و ان شاء الله ربنا يبارك لك ويجمعك مع مدام هند على خير ان شاء الله

الله يبارك فيكي مدام فرح... ويا رب يسهّل ونستقر في كندا عن قريب ، في حال مُرضي.

وشكراً ليكي على أولى مشاركاتك معايا :happy:

إلاّ صحيح... إنتي لسّه برضه ناوية تشتري المحول المتوحش أبو 7 كيلو؟! :D

[SoSo R]

إلا أنتوا بتخلوا الكلام يمشى كدة إزاى؟؟؟

هه؟؟هه؟؟

إزاى ...إزاى :happy:

دي حاجة لو عرفتوها... تبقوا عُمَد :D

دي حاجات ما يعرفوهاش غير البهوات المديرين ... ومستشارين الـ IT :rolleyes:

عرفتها :happy:

عرفتها :D

يا عم شهاب إنتا صاحب مكان ، وإن ما شالتكش قهوة سوسوراني ، قهوة التهامي هورتونز مفتوحة دايماً...

وربنا يعدّل لك الأحوال من عنده عن قريب.

أنا حاسة إنك عايز تسحب الزباين :lol:

إحنا غلابة جنبك ...سيب لنا أى حد وربنا يباركلك يا سيدى فى الكام ألف اللى بيدخلوا موضوعك :P

سوسورانى

[znaty]

زناتي... مُصِر تحسسني إنك إنسان مهم ، وبزنس مان وكدهوت ، وعلى طول مشغول!

إرحم نفسك من حركات المالتي تاسك دي!

ومش عارف أقول لك عقبال ما نباركلك في كندا ، ولاّ أقول لك إبقى اشبع بالخليج بتاعك لما ترجع له يا سيادة المش عارف إيه التنفيذي! :P

وبقيت انا المدييييييييييييير

[moheltohamy]

الف مبروك يارفيق الكفاح

وان شاء الله تعجبك الشغلانة

وانا فعلا معجب بقرارك

بالمناسبة انا عندي ٢ ماجستير

ومش ناوي اعمل معادلة لما ارجع كندا

وناوي اعمل زيك تمام

ويا ريت تحكيلنا عن مميزات الوظيفة الراتب وفرص الترقي

يعني ممكن الواحد يشتري عربية اسعاف ويشغلها لحسابه بعد الظهر wst::

معلش احنا بنتعلم :lol:

تحياتي يا باشا :hi:

أنا باحترم أي واحد مش متشعبط في الشهادة بتاعته ، أو في الحياة الميري :rolleyes:

عموماً إنتا لا تقلق خالص... هنظبّط نفسينا في بريمة هناك ، وهاحجزلك البريمة اللي جمبي :happy:

وتعرف إن من حقك تفتح شركة إسعاف خاصة بيك هناك؟ عادي جداً smk:

حااااضر يا ريس... هننزل بالحتة اللي عليها الدور قريباً...

[moheltohamy]

تصدق يا دكتور ... أنا ما فيش يوم بيعدي عليا من غير ما أقعد أفكر في اللي باعمله صح ولا غلط ... له لازمه ولا مالوش ... يا ترى يا هل ترى بعد 4 أو خمس سنين دحّ وسنتين ثلاثه سنكحه كـ Post Doc Fellow وفوقهم خمس ولا ست سنين تنطيط في الجامعات لحد التثبيت هيببقى في العمر بقية الواحد يستمتع بنتيجة تعبه وشقاه ... فيها ايه لو الواحد أخذها من قاصرها وولع في الشهادات وراح اتعلم شغلانه بسيطه في كندا وعاش زي بقية الناس طالما الكل عايش محترم ومبسوط ... أيوه أنا اللي كنت بادافع عن إن الواحد يروح كندا يتعلم صنعه لو بيحبها ولقى نفسه هيبتدي طريق التعليم والمعادلة من أوله عشان في الآخر يلاقي نفسه بيشتغل حاجه مش حاببها وكل اللي كان جابره عليها مجموع الثانويه ... أوعى تفتكر إن شغلانة المسعف مش عاجباني ... ربنا يوعدني بشغلانه حلوه زيها لما أروح كندا بإذنه تعالى ... بس كل الموضوع إني كنت متابع رحلة كالجاري والكورس والامتحان وحسيت انك معتبر الشهادة والشغلانه دي مجرد محطه مؤقته ووسيلة للاستقرار في كندا في البداية فحبيت أحمسك على الاستمرار والتقدم ... عموما يا سيدي ألف مبروك كمان مره على النجاح وسواء كنت ناوي تكمل المشوار أو تاخذ استراحة المحارب فأتمنى لك دوام التوفيق والنجاح ... وأعذرني على أي كلمه تكون طلعت أو اتفهمت غلط ... أنت مقامك عالي أوي عندي يا بو سعد في كل الأحوال ... دكتور ولا مسعف ولا حتى تلميذ زي حالاتي.

تحياتي واحترامي

كلامك - زي مقامك - كبير وعميق يا جميل :rolleyes:

تعرف إن مشكلتنا بجد هيه الفكر والتربية اللي نشأنا عليها... الشهادة اللي بتحميك من غدر الزمان ، والوظيفة الميري اللي بتضمن لك المعاش لما تكبر!

طبعاً أنا واجهت اعتراضات زي الرز لما كبّرت دماغي عن ماجستير العظام اللي كنت أنجزت فيه مشوار محترم ، وعملت فيه البدع كمان! لكن لما جيت حسبتها بعد كده... ماجستير جراحة العظام ده لا هينفعني في شغلي هنا ع البريمة في السعودية ، ولا مُعترف بيه في كندا. أحرق دمي فيه ليه ، وأخلّي المشرف التاني المفعوص يتأمّر عليّا ، وشيل ده وحط ده ، والحتة دي ما تجيبش سيرتها خالص!

تخيل لما قلت لماما إن شهادة الماجستير دي مش هتنفعني في شغلي ، ولا أنا متخيّل نفسي هارجع أشتغل في مصر ، أو أفتح عيادة بابا تاني... تقوللي (خدها وعلقها ع الحيطة! مش هتخسّر!) :happy:

والوظيفة الميري اللي قارفانا في عيشتنا ، والتأمينات اللي لازم كل سنة أروح أدفع زي الباشا ما يعادل 1800 جنيه ، وإجراءات حكومية زبالة ولف ع المكاتب ، و وجع قلب! مش هاتكلم على (ما جبتلناش هدية معاك من السعودية؟) ، اللي هيّه بخلاف الفلوس التظبيط اللي هياخدها الأفندي بتاع الوزارة هوّه واللي جمبه واللي قدّامه!

وآجي أبص لبابا الله يرحمه ، اللي بعد 36 سنة خدمة في وزارة الصحة كاستشاري جراحة عظام ، ومكافأة نهاية الخدمة من وزارة الصحة اللي كانت مبهدلاه... 12 ألف جنيه! والمعاش 600 جنيه! يا فرحتي! دا لو كان عامل في التليفونات أو شركة الكهربا كان أخد مكافأة 80-100 ألف!

تعرف صحيح إن مكافأة الماجستير في الحكومة - بخلاف التقدير الأدبي - أقل من 5 جنيه على مرتبك الشهري (في أي وظيفة تانية خلاف الطب)! وتعرف إن منحة الجواز أو مش فاكر اسمها إيه حوالي 2 جنيه ونص في الشهر! ومحتاجة أصل عقد الجواز ، ومش فاكر تعتمده منين وحاجات كده!

وإجراءات الاستقالة من وزارة الصحة - اللي خلّصتها آخر أجازة - وبقينا والحمد لله عاطل حكومي رسمي...

مش عاوز أتكلم طبعاً على كم الاعتراضات من كل ناحية واتجاه ، والتحذير من غدر الزمان ، والقرش القليل بس مضمون اللي أحسن من الكتير المقطوع! وإني أهوج ، ومش مقدر المسئولية ، ولا باحسب حساب بكره! الفكر الميري بتاع (إن فاتك الميري ، إتمرّغ في ترابه!)...

أنا مش متخيّل نفسي تاني في مستشفى ، أُجبَر فيها على أوضاع وممارسات تهريج في تهريج ، وييجي مدير مالوش أي لازمه يشطب عليّا عشان اتأخرت ربع ساعة في الإمضا ، أو أظبّط موظف الدفتر - زي ما كنا بنعمل أيّام الامتياز - ويمضيلنا هوّه!

في البريمة الجميع من مدير البريمة للمشرف العام على البريمة في الإدارة بيتعاملوا معايا باحترام فوق الوصف. والمشرف على أداء البريمة تبع أرامكو شايف إني لقطة ؛ وإنهم مُبختين لمجرد وجد طبيب (Medical Doctor) وسطهم! تعرف صحيح إن الكل هنا بيتنادى بإسمه المجرّد (إن لم يكن إسم الدلع) ، ما عدايا أنا الوحيد اللي بيتقاللي Doc (بينطقوها زي Duck طبعاً wst:: )

تتخيل إني أقدر أتحمّل الوضهع الميري في مصر من تاني؟!!! :lol:

المسخرة دي خلاص... ما بقاش عندي أعصاب ولا طولة بال ليها نهائياً!

أنا لو اتفتحت مش هاتسد بجد ، خلّوني ساكت أحسن

[moheltohamy]

لقولك يا تهامي

انا فتحت تورنتو نوتس

وقفلتها تاني

قال ايه كالسيوم وهيبر كالسيميا وباراثيرويد واستبحس

بلا نيلة

حد عاوز يشتري تورنوتو نوتس بتلاتين جنيه؟

الدماغ المتكلفة دي أرفعلها القبعة :lol:

شعارنا (All Fa2dana... All the time) :rolleyes:

تعرف يا د. قناوي إني اشتريت تورونتو نوتس 2008 بـ 170 دولار (دولار ينطح دولار) مع بداية وصولنا كندا في 2007. واشتريتها أونلاين من موقع جامعة تورونتو نفسها ، وعملوا هولد على الأوردر بتاعي عشان كانت لسّه في المطابع! ودلوقتي ما زالت في البيت ع الرف في تورونتو - بلد المنشأ - بالسيلوفان بتاعها؟! :happy:

لما نروح هناك يا عم الحاج ، ونقعد ونمخمخ في البرّيمة كدهوت نبقى نشوف هنعمل إيه!

هوّه احنا هنصطاد سمك في ميّه يا عم الحاج؟! wst::

(أنا فاقد في حاجات المذاكرة دي... اللي عاوز يذاكر يذاكر ومالوش دعوة بيّا... واللي فاقد زي حالاتي كده ، ييجي يونسنا ع المصطبة... المصطبة حتى الآن عليها العبد لله وقناوي وصعيدي من مونتريال وأحمد سيف)

[moheltohamy]

ألف مبروك يا دكتور محمد

وربنا يوفقك دايما للخير يا رب

تسلمي يا ولاء ، ولله يبارك فيكي... وكل غيبة وانتي طيبة :rolleyes:

زمان الدكاتره كانوا يقولولهم عندكوا 5 ع

عياده

عروسه

عربيه

عزبه

عماره

عايزين نعرف محمد بقى عمل كام عين في البريمه و كام عين حيعملها في كندا

الف مبروك يا محمد رغم اني كنت عارف انك نجحت rs:

لا يا حبيبي... إنتا معلوماتك دي بايتة...

اللي كنت تعرفه إني نجحت في امتحان العملي ، وعشت اللحظة التاريخية دي معايا smk:

لكن دي نتيجة النظري سعادتك... اللي بيها كملت نتيجة الامتحان الكلّي. شكلك اتعديت مني ولقطت الأمنيجيا :hi:

وبالنسبة للعِينات دي سعادتك... محسوبك أبيض يا ورد ، وأنضف م الصيني بعد غسيله... طول ما فيها إلك وبايزون ولوبستر ومستانج ولينكون و300 ... يبقى آدي دقني لو شفنا عيناية منهم توحّد ربنا :D

ألف مليون ميروك يا دكتور محمد

ربنا يوفقك لما يحبه ويرضاه

:happy: :lol: wst::

جزيل الشكر يا أبا نور ، ولك مثله... وربنا يوفقك للخير أينما كان.

[moheltohamy]

إلا أنتوا بتخلوا الكلام يمشى كدة إزاى؟؟؟

هه؟؟هه؟؟

إزاى ...إزاى

دي حاجة لو عرفتوها... تبقوا عُمَد :D

دي حاجات ما يعرفوهاش غير البهوات المديرين ... ومستشارين الـ IT :happy:

عرفتها smk:

عرفتها rs:

سوسورانى

إنتي كده وقعتي على مخبأ الكنز اللي فيه كل الزُبَد :lol:

يا إما استعنتي بصديق!

يا إما... جات معاكي بالصدفة ;)

يا عم شهاب إنتا صاحب مكان ، وإن ما شالتكش قهوة سوسوراني ، قهوة التهامي هورتونز مفتوحة دايماً...

وربنا يعدّل لك الأحوال من عنده عن قريب.

أنا حاسة إنك عايز تسحب الزباين :hi:

إحنا غلابة جنبك ...سيب لنا أى حد وربنا يباركلك يا سيدى فى الكام ألف اللى بيدخلوا موضوعك :D

يا باشا نسحب مين بس ، والتوبيك بتاعك فاكهة المنتدى على رأي فرح :rolleyes:

إحنا بس بنحاول نخف الزحمة من عندك شوية ، عشان تفوقي للمذاكرة والبنات ، وما تفضحيش المحاورات وسط بلاد بني الأبيض wst::

[moheltohamy]

الف مليون مبروووووووووووووووووووووك على النجاح ...فعلا طعم النجاح دايما وفي اي سن ..جميييييل خاصة بعد التعب ..ربنا يوفقك ...وييسر اموركم ....ويجمعكم عن قريب ......

آه والله يا أم محمد... هابقى أحكيلكو على طعم النجاح ده بعدين :happy:

وألف شكر لمشاركتك :lol:

وبقيت انا المدييييييييييييير :D

طب عيني في عينك كده يا زناتي!

أشوفك بعد 6 أكتوبر ، ونبقى نشوف هتقول إيه ساعتها :D

الف الف الف الف ملييييييييييييييييييييييون مبررررررررررررررررررررررررررررروووووووووووك علي النجاح يا دكتورنا العزيز

وعقبال لما نبارك لك علي الوظيفة في كندا قريبا ان شاء الله wst::

مدام سمية...

الله يبارك فيكي ، وعقبال ما نبارك لك قبلها ع الفيزا بقى. هيه طوّلت كده ليه؟! smk:

الف الف مبروك يا دكتورنا العزيز ولو انها جت متاخرة 180 صفحة بس............................ :hi: .......

الله يبارك فيك يا باشا... وطالما إحنا لسه عايشين تبقى مش متأخرة :rolleyes:

بئالي كتير ما دخلتش منتدى "الحياة والهجرة إلى كندا" مش عارف ليه!

لكن دخلت المرة دي وكان لازم اشارك واهني

ألف مبروك يا بلدياتي .. مبروك يا DUCK أتمنالك المزيد من النجاح والتوفيق

يا سيدي عقبال ما تدخل الحياة والهجرة لكندا نفسها مش المنتدى.

وتسلم يا أبو علي على زيارتك... ويا رب تيجي تزورنا تاني ، ومعاك خبر حلو م السفارة rs:

[moheltohamy]

قبل ما أنسى المشاركتين دول...

عندي امتحان في دبي كمان أسبوعين... ربنا يستر بقى... دعواتك.

هو ايه الغرض من انهم بيخلوكو تمتحنو فى بلاد تانية ؟؟؟ مرة فى جنوب افريقا ومرة فى دبى ؟؟

بص يا سيدي... محسوبك كان عنده 4 كورسات في جنوب أفريقيا. الـ Basic Life Support ، والـ Advanced Cardiac Life Support ، والـ International Trauma Life Support ، والـ Topside Support...

الـ 3 الأولانيين دولم شهادات طبية معترف بيها عالمياً. الشهادة الأخرانية دي خاصة بالسياسة الطبية لشركة ترانس أوشن بس!

ومن منطلق إني كنت عامل حسابي إني كلها كام شهر وهاخلع على بلدي المحبوب... فما كنتش مهتم أوي بالكورس الأخير بتاع ترانس أوشن. نجحت في الـ 3 كورسات الأولانيين زي اللوز ، وريّحت بقى! :rolleyes:

وفي الكورس الرابع المفروض إني جبت من 50 : 70% ، ودي بتديني شهادة مؤقتة لمدة سنة (بدل الشهادة الأصلية اللي مدتها سنتين) ، وكان المفروض أجيب فوق الـ 70 %.

وبالتالي في خلال السنة دي المفروض أعيد الامتحان تاني في أي فرع للـ International SOS ؛ الشركة اللي مسئولة عن الدعم الطبي لشركتنا على مستوى العالم.

ومسئول التدريب بيتصل بيا يخيّرني ويسألني إيه الميعاد اللي يناسبني وفي أنهي بلد أحب أروح أمتحن ، وطبعاً إقترَح فرع كندا اللي على بختي موجود في شمال تورونتو ، يعني مفيش تفتوفة فسحة! wst::

ساعتها قلتله لأ... أنا مش رايح كندا خالص اليومين دول!

(أنا باروح كندا توريست يا عم الحاج... هيّه ناقصة شد أعصاب كمان؟!)

وقلتله يا ريت أروح فرع أبيردين في إنجلترا ، ويا ريت لو عرفت تظبّطني في فرع فرنسا ، يبقى فيها فيزة شنجن وناخد لنا لفة في أوروبا ونتدلّع شوية :happy:

الراجل حاول فعلاً ، وبعت يستفسر عن المطلوب ، ردوا عليه في المقر الرئيسي بتاع ISOS في جنوب أفريقيا ، وقالوله أقرب مكان لسكنه!

ساعتها ما جبتش سيرة كندا خالص ، وطبعاً مالهومش فرع في مصر ، وبالتالي كان أقرب فرع هوه دبي! حاولت أقنعهم إن إيطاليا أقرب لمصر من دبي... لكن على ما يبدو إن دبي أقرب :lol:

ما شاء الله الكاميرا ممتازة

عايز نوعها ورقمها , نواي اشتري وحده

إتفضل يا عم بسطامي... Top of the line ، والتفاصيل بقى نبقى نقولها بعدين...

smk: منور التوبيك بتاعك و الله يا تهامي " على اساس انك ضيف غالي بتيجي كل سنه مره تنورنا "

ياريت بس تعملنا ولو حتي مره كل شهر زيارة تكتبلنا فيهم كلمتين و تمشي ......

إيه رأيك يا عم حسيني... لسّه ضيف غالي برضه؟!

ولاّ انتا اللي ضيف غالي؟! يا ابو فايل جديد :hi:

[د هشام ابراهيم]

الصور ممكن تتعرض بحجم معقول أهو يا كابتشين :lol:

الصراحة يا تومي أنا ما كنتش مستنيك تخلص تصوير و بس الحقيقة كنت مستني الفطار كمان .....سبحان الله رمضان عدي هوا .....ربنا يستر السنين الجاية بقي و يعينا .....بالمناسبة فين صورة الفرسان الأربعة اللي قدام المطعم اللي في أجلينتون

[moheltohamy]

ألف ألف مبروك يا كابتين أبو السعد .....باذن الله من نصر لنصر يا زعيم و سمعنا سلام خللي السلاح صاحي wst::

كلاكيت تاني مرة و باذن الله علي طول يا صاحبي ..... :lol:

لأ تاني مرة مين بقى؟! إحنا عاوزين نريّح بقى ، والحرب تحط أوزارها!

سلاح مين اللي صاحي؟ إحنا بنقول دماغ عنب يا عم الحاج!

الصور ممكن تتعرض بحجم معقول أهو يا كابتشين :lol:

الصراحة يا تومي أنا ما كنتش مستنيك تخلص تصوير و بس الحقيقة كنت مستني الفطار كمان .....سبحان الله رمضان عدي هوا .....ربنا يستر السنين الجاية بقي و يعينا .....بالمناسبة فين صورة الفرسان الأربعة اللي قدام المطعم اللي في أجلينتون

800×600 دي صعبة أوي يا شيكو! بترجعني لبتاع 10 سنين ورا!

بس بيني وبينك ، معاك حق... خصوصاً في ظل وضع المنتدى الحالي ، ولخبطة السوفتوير. خلاص ، نمشيها بعد كده بالحجم الننوس دوت!

مانتا عارف... الفارس الرابع عامل لي فيها العذراء في خدرها! أعمل له إيه بقى؟! smk:

هو فيه إيه يا كباتن لا مؤاخذة :blink:

:sad: wst::

معلهش احنا بنتكلم :blink:

دي هاصت وظاطت بقى!

إتقالت حكمة يا ولاد قبل كده...

ولاد الفلاحين دخلوا الحربية يا إنجي!

:lol:

[د هشام ابراهيم]

سعد سعد يحيا سعد ...مش إنت .... ده بمناسبة أنجي و الفلاحين اللي دخلوا الجيش يابا العمده (بكسر الهاء كمان ) :sad:

أنا عندي فكرة ..... ممكن تحط وش ميكي ماوس علي الفارس الرابع كولاج و تنزل الصورة التاريخية ...لا إما بعد كده الواد الدسيسة ده ما يتصورش معانا :lol:

كنت علي بالي النهارده و أنا راجع من سانت كاثرين علي النبتشية بالاتوبيس ...سعادتك الدنيا مغيمة و بتمطر و علي الناحية التانية من البحيرة تورنتو سكايلاين مشمسة تماما .....منظر تحفة يا تومي

[moheltohamy]

سعد سعد يحيا سعد ...مش إنت .... ده بمناسبة أنجي و الفلاحين اللي دخلوا الجيش يابا العمده (بكسر الهاء كمان ) :blink:

أنا عندي فكرة ..... ممكن تحط وش ميكي ماوس علي الفارس الرابع كولاج و تنزل الصورة التاريخية ...لا إما بعد كده الواد الدسيسة ده ما يتصورش معانا wst::

كنت علي بالي النهارده و أنا راجع من سانت كاثرين علي النبتشية بالاتوبيس ...سعادتك الدنيا مغيمة و بتمطر و علي الناحية التانية من البحيرة تورنتو سكايلاين مشمسة تماما .....منظر تحفة يا تومي

ناباطشي حضرتك!

وانا عمال اقول الجدع ده إيه اللي مصحّيه وش الفجر كده (بكسر الدال سعادتك)! smk:

وعموماً ، هاحاول أتفاوض مع الواد الدسيسة يمكن قلبه يحن :lol: الصورة بجد حلوة!

بس دي يا معلّم لو انضربت 800 × 600 الفرسان هيبقوا صراصير :sad:

ولو سعادتك تشيل كاميرا معاك عشان خاطر المنتدى ، والناس اللي متشحتفة على نسمة من ريحة بلدي المحبوب دول! لكن هنقول إيه بس؟!

طيب إنتا بتتكلم عبر البحيرة... أمّال لو اتكلّمت أنا على الطريق بتاع كالجاري - بانف ، اللي شفت فيه الأربع فصول في كام متر! :blink:

ننزل بقى بجزء من الهاند أوفر... اللي ناس كتير مستنياه :lol: