كندا التي رأيتها :)

[moheltohamy]

عزيزي د تي

صراحة

صراحة الصراحة يعني ؟؟

موش عارف اعلق على المعلقة اللي انت كاتبها دي ازاي

روح يا شيخ

ربنا يفتحها في وشك ماتفهمنيش غلط بس

يا اخوانا اللي بتتفرج وتقرا سكيتي وعدد المشاركات واحد والا اتنين والا اول مشاركة انا في كندا وعاوز اعرف ادخل العيال فين والكلام دة

لو نصحت اخوانك وزمايلك وساعدتهم

رزقك موش هاينقص والا هايروح منك

ولا حد هاياخد فرصتك والا رزقك

لانه بمزاجك او غصب عنك مكتوبلك مكتوبلك

بالعكس

مساعدتك للناس وتسهيل طريقهم هاتوسع رزقك وتسهلك حياتك انت

ان الله في عون العبد مادام العبد في عون اخيه

وكل دقيقة والا كلمة ولا خطوة في مشوار بتقضي بيه مصلحة لاخوك او بتساعده لوجه الله تفضل الملائكة تصلي عليك لغاية ماتقضيها

ربنا يكتر من امثالك انت وم ياسر ود هشام ابراهيم وكل الشباب اللي زي الورد دة

ماتستهونش بالزناتيين علشان دول منحدرين من قبائل اكلي لحوم البشر خد بالك

ستيك بأة والا كباب حلة موش هاتفرق

والله يا باشا أنا كنت أتوقع جميع رجالات وستاتات المنتدى هيكونوا زيي كده هناك.

فيه فعلاً نسبة قليلة بكل أسف بتدخل بعد وصولها كندا تسأل وتستفيد من غيرها ، وعمرها ما فكرت تضيف معلومة تفيد بيها حد! لكن هاقول لك إيه بس؟! لنا الله :sad:

وعقبالك لما تتسلم الراية هناك ، وتمسك بالمايك ، وتتكلم عن خبرة ، مش بس عن صيت :happy:

من الشخصيات الجميلة انتا يا زناتي :wub:

[زناتيين أو حتى مشمشي ، مش هتفرق بقى

المهم إن انتا دلوقتي رسمي الكتكوتة بتاعة المنتدى ، يعني أحدث رتبة معانا سعادتك!

يعني انتباه وانتا بتكلّمني يا نمرة

إلاّ انتا أخدت النمبر أصلاً ، ولا لسّه ماشي من غير نِمَر!

معلش يا حسيني بقى... النكتة حكمت ، إنتا أصلك دلوقتي بقيت زبون

ليه كده يا عم تهامي بس التخبيط و التصييح ده......انت نسيت اني اقدم منك في الجيش و ممكن تيجي تحت ايدي في يوم من الايام لو ربنا كتب عليك استدعاء.......ساعتها هاتعرف مين اللي نمره

على العموم يا عم اديك فضحتني و اللي حصل حصل.....بس الذيذ كمان اني ماشي من غير نمرة و غالبا كمان ملفي هيرجع عشان نسيت ورقة......مبسوط كده يا عم......مسيرها تفرج....ادينا بنتسلى لحد ما تفرج

إنتا أصلك بتهرج يا هندسة ، إيش حال إن ما كنتش سوابق في الهجرة!

والاستدعاء إن شاء الله هنرتاح منه قريب يا معلمي ، بس ربنا يسهّل :P هاحكيلك بعدين.

الله يعينك يا تهامي

واضح ان الكورس كان صعب خالص

لكن اللي باسطني انك كعادتك رفعت راسنا في كالجاري كما رفعتها وسنتدها ميمنة وميسرة في بريتوريا

إحم... هوه الكورس الرئيسي كان في جوهانسبيرج سعادتك... بريتوريا دي خدنا فيها يومين تبع شركة الإسعاف بس :lol:

إفصل بقى :)

ايه ده ايه ده يا دكتور محمد

لميت البنات كلهم بالصورة

استنى علي لما اكلم هند

رحتي فيها يا مسكين شهد على روحك

و على فكرة بالصورة مفيش غير دم عربي واحد

شيل النظارة

يا لهوي ع الناس... يعني عندك الكلاس كله متجمّع ، وما لفتش نظرك غير البنات؟! :blink:

وتصدقي صحيح حكاية النضارة دي... بس همه اتنين لابسين نضارات ، وانا مش هاسهلها أكتر من كده :lol:

سيبك أنت الكبير كبير برضه .....يا بني ما تتأخرش علينا كتير تاني كده ..... موهبتك عليك ليها حق

بس بجد يا تومي افتكر خلي السلاح صاحي ..... بلاش العنب و العناب دلوقتي يا دوك ...سعادتك لسه صغير و فيك حيل تكافح و تتعب ..... كلها كام سنة و خيار الحرب حيتشال من علي ترابيزة المفاوضات كده كده

أقولك كنا ناوي أنزل بخلي السلاح صاحي بس ما دمت عندك أمتحان و تحويل الانظار عن الفقرة الكوميدية بتاعة فؤاد المهندس و مدبولي ...قصدي الدكتور قناوي و الباشمهندس زناتي اليكم ديه

شيكو حبيبي...

إحنا خلاص يا عم الحاج كبرنا ، والشعر الابيض تاج على رؤوس الأصحاء... أي تهييس!

مذاكرة ومعادلة سافلة من 3 امتحانات ، ويحصللي زي ما حصل لوجدي؟ (دا واحد صاحبي انتا ما تعرفوش )

إحنا يا باشا آخرنا نلعب في الهايف ، ونعمل المزاج إياه... ولو محتاج تعيّن واحد يشيل لك الشنطة والبالطو ، ما تنسانيش... أخوك تخصص شيل شنط... محترف محترف لمؤاخذة :lol:

[moheltohamy]

عاوز أورّيكم 3 إيميلا وصلوني امبارح... منها آخر الأخبار ، ومنها تتعرفوا على أسلوب التعامل مع الناس الكنديين العساسيل :lol:

إيميل جاني من مسئولة الاستقبال في الكوليدج ، وكان ليا معاها مواقف لا تنسى :lol:

Hello Mohammed

As promised – this is me confirming that your wife has sent in your reg' docs. I have them today. I have made sure that you criminal check will be okay – so now it just needs to be processed. Once it is processed I will also send you an email and let you know that it is in the post. I am sending all your original documents (your grad cert etc) back to Hend in the envelope that was provided.

I hope Egypt is warmer than here…threatening snow on Thursday…you left in time!

Sincerely,

Julie Taylor - Reception

Alberta College of Paramedics

ورديت عليها بنفس الأسلوب العِشري بتاعها ، وبتاعي في واقع الأمر

Hi Julie,

How thoughtful of you to remember the confirmation issue! You wouldn't forget the trouble-maker, Eh?

Right now, I am in my offshore rig in Saudi Arabia (you may find attached photos of my lovely rig). Next Saturday, I'll be flying to Dubai for 3 days, to get a medical exam (related to the medical policy of my company), then back to Cairo.

Given the chance to choose between the 30s and the minuses, I miss Canada's snow

I will be waiting for your next confirmation e-mail, that I hope not to delay. I'm eager to get the membership soon.

By the way, should I expect a membership card, or what? After how many days? Roughly estimated.

Stay well, and enjoy being in my lovely blessed country, Canada

Best Regards,

Mohammed Saad

بعتت الرد تاني ، ومعاه خبر جديد :sad:

Mohammed

I was just about to email you . . . with your license number! It is R0****** EMR

So yes, how funny that you had written first (great minds obviously think alike).

So congratulations, you are now a licensed EMR practitioner in the province of Alberta! I am sending this to your Toronto address right now so let your wife know to look out for it. Canada Post will now do their bit and you should have everything next week.

It's been a real pleasure to help you through this process Mohammed and I still have a little giggle at the GPS that ALMOST thwarted the whole process;)!

Enjoy Dubai – my friend helped build the Emirates Tower there(I think they call it that? There are two of them as I recall) – so I have seen lots of great pictures of Dubai. I would say, "Enjoy your medical" but I'm not sure if anyone enjoys those!

We'll get the snow ready for your return December 7 :happy:

Sincerely,

Julie Taylor - Reception

Alberta College of Paramedics

حتت سكرة الست دي الصراحة :)

[znaty]

بجد عسولة اوي السكرتيرة دي

حاجة تفتح النفس موش تعقد الدنيا

بتقولك هاتعينلك التلج بتاعك في ديسمبر bv:-))

ماهي موش دافعة حاجة من جيبها

ماهو بالهبل في البرتا

د هشام السكر

احنا دخلنا التوبيك ميت مرة علشان نسمه دينغ دانغ دونغ بتاعتك دي

تحفةةة :lol: po::

[bent misr]

والله يا تهامي يا أخويا دي حاجه جميله أوي

الواحد بيحس بالاحترام و البساطه في كل سطر من سطور الايميل

و الف مبروك على الليسينس يا سيدي و عقبال لما تروح هناك

و تمارس العمل بجد و تنقل لنا الصوره من أرض الواقع :lol:

بس أنا عرفت دلوقتي الدرجات الحلوه الي جبتها في الايلتس

دي جبتها ازاي bv:- ده انت ردك أصعب من ايميلها يا شيخ po::

ممكن تديني درس عنجليزي لحسن أختك مزنوقه أوي في الايلتس

المهبب ده الي مش عارفه هيطلب مني امتى أصلا :blink:

بالتوفيق يا تهامي و ربنا يكرمك على قد مساعتك لينا و المعلومات

القيمه الي بتقولهالنا و الله انت ابن حلال بجد bv:-

تم تعديل 9 أكتوبر 2009 بواسطة bent misr

[ناوية ع الهجرة]

دكتورنا العزيز التهامي باشا احيي في حضرتك دماغك العالية ومزاجك العنب

والصفحتين اللي فاتو هيخلوا كتير من اطباء المنتدى يتجهوا لموضوع البارا مديكال ده وخصوصا انه مش هيبعدوا كتير عن الفيلد

وبعدين الحاجات اللي بيعملها المسعف دي حاجات مايعملهاش اطباء في مستشفياتنا العربية العظيمة واسمه دكتولا قد الدنيا

ربنا يوفقك ويجمع شملك بأسرتك قريبا في كندا ان شاء الله wst::

دكتور قناوي وباشمهندس زناتي ما تلعبوش في عداد هجرتكم المنتدى محتجلكم

وكفاية بقى كلام في الكورة والدوري لحسن زوجاتكم يرجعوا في كلامهم ويلغوا الهجرة

[isaCanadian]

الحقيقه انا مكنتش من المتابعين اوي لموضوع الدكتور تهامي، يمكن عشان انا مش دكتور ومش مهتم اوي بالأمور الطبيه رغم اني بشتغل في شركة بترول وفاهم يعني ايه بريمه ودكتور علي ال ريج وكده بس الحقيقه انا اتخضيت واستغربت

يمكن انا مش متخيل ان في لسه حد زي الدكتور تهامي موجود اليومين دول ، لأن الإيميلات الي هوه ناشرها وحاططها هنا لوجه الله ناس كتير ومنهم انا إذا قدر لي الله وسافرت كندا ممكن مفكرش احط حاجه زي دي وأعتبرها شخصيه حبتين ، يعني ممكن أفيد الناس اه ، أرد علي اجابات اه ، بس بصراحه ممكن منشرش حاجه زي دي

الحقيقه انا دلوقتي مش مستغرب زي ما كنت الاول بقول الدكتور تهامي ده ازاي بقي مشرف كده علي باب كندا رغم انه مبقالوش غير سنه ونصف في المنتدي ، بس دلوقتي الحقيقه عرفت ليه تم هذا الإختيار

مش اي حد كده تقدر تحس انه ابيض كده من جوه بالشكل ده ، اقولك حاجه

روح يا شيخ وتعالي بسرعه

[shah]

السلام عليكم و رحمه الله و بركاته

د/تهامي بصراحه مش قادر اقولك هد ايه انا باشكرك علي الموضوع المفيد و اللذيذ ده ( خصوصا اني لسه مكتشف المنتدي قريب و الموضوع و قعدت عليه لحد ما فطسته

اصدي خلصته

ده يا راجل انت حببتني في القصص

و بما اني مابحبش اتكلم كتير فاقررت ان مشاركتي ( بالمناسبه دي اول مشاركه ليه في المنتدي ) دي ما تزيدش عن تلت اربع صفح بالكتير اوي خمسه يعني

ههههههههههه هزار ما تتخضش مش هاتضطر تقرا الكلام اللي مالوش لازمه ده كتير

في الاخر احب ادعيلك ربنا يوفقك و يكرمك و يجزيك خير عن اللي بتكتبه علشان تفيدنا

و اتمني نتقابل انت و انت وكل اللي عايز يهاجر في كندا ان شاء الله

اسف علي الاطاله ان شاء الله بعد كده ماطولش

وشكرا

[moheltohamy]

تحياتي من مطار البحرين ، استعداداً للإنطلاق إلى دبي ، عشان نتطحن هناك بكره :happy:

إسمحولي أقول كلمتين محشورين في زوري! (مش قادر يا زناتي :huh: )

عمركوا جالكوا وقت تقولوا (يخرب بيت الصحوبية وسنينها)؟

أصلي من امبارح وانا ما بقولش غيرها! :closedeyes:

واحد صاحبي (دكتور على بريمة تانية هنا... الواد رمزي)... البيه يتصل بيا

- معاك شنط؟

- لأ يا رمزي ؛ هيه الهاند باج كالمعتاد!

- طيب واحد صاحبي هيقابلك يسلّمك شنطة ليا تجبها معاك وانت جاي.

- بس انا يا رمزي هاطلعع البحرين ومنها على دبي وبعد 3 تيام هارجع على مصر ، يعني هالف بالشنطة دي بين البلاد؟

- عادي يا محمد ، هوه انتا شايلها على دماغك!

- طب... فيها إيه الشنطة دي يا رمزي؟ (دي مسئولية حضراتكوا ، ولو فيها مصيبة ، أنا اللي هالبسها ، ولو فيها حاجة تتجمرك ، المفروض أكون عارف ، عشان لو سألوني في الجمرك عن محتوى الشنط مثلاً)

- فيها زتون! (زيتون بالفصيح)

- زاتون يا رمزي؟! هاتفسّح بين 4 بلاد شايل شنطة فيها زاتون؟!

- أصله زاتون أسباني ، وعجبني!

- كام كيلو يا رمزي بيه؟

- بتاع 24 كيلو

- (لفظ أبيح)... 24 كيلو زاتون يا رمزي؟ ليه إن شاء الله؟ عندك نقص في الزاتون(Hypozatonemia يعني)؟!

(فاكرين دلال عبد العزيز في النوم في العسل وهيه بتقول لولادها ... أصل بابا عنده نقص في السمك :happy: )

خلاصة الليلة... أخوكم لبس الليلة خلاص! حاضر يا رمزي... يا رب يطلع عليها وزن زيادة ، هاتلبسه!

نسيت أقول لكم إن صاحبه - اللي اتدبّس معايا في الليلة دي - ساكن في الدمام ، وشد الرحال ع الخبر امبارح عشان ييجي يديني البضاعة! وانا منتظر في اللوبي بتاع الفندق ، ألاقي واحد جاي من بره ، وشايل شنطة ، وضهره محنى واكتافة على وشك تتخلع! طبعاً ، مش محتاجة فكاكة عشان أعرف إن ده أكيد الغلبان التاني (السابقون ونحن اللاحقون)... كتفي كان هيعيّط أول ما شاف المنظر ده!

إتضح لي إن رمزي بيه اشترى 12 برطمان بلاستيك ، الواحد فيهم شايل 4 كجم زاتون أخضر! :ninja:

وصاحبه جايبلي 6 ،والـ 6 التانيين مستنين الضحية اللي عليه الدور!

5 برطمانات دخلوا الشنطة بالعافية ، وجايب السادس في كيس منفصل! قلتله... إنسى! أنا يا دول الهاندباج اللي معايا فيها مساحة يادوب تشيل الحاجات الي هاروح اشتريها لنفسي م المول!

وطول السكة النهارده مفيش على لساني غير (الله يخرب بيت سنينك يا رمزي)!

اللذيذ وانا في المطار ، وناويها...

ع الميزان ، الهاندباج بتاعتي قلت هاشحنها مع الكارجو ، والاحد يقعد خفيف خفيف كده في الطيارة ، بالإضافة إن الشنطة كان فيها بلاوي (هاند سوب ، شاور جيل ، بارفانات ، هاند سانيتايزر...) ، يعني م الآخر ، دخولها بطن الطيارة ما كانش أوبشن!

وزن الهاندباج 8 كيلو وشوية ، وشنطة الواد رمزي 23 كيلو ع القفل!

ألاقي الراجلع الكاونتر بيطبعلي البوردنج باس... أسكت؟!

لو سمحت... إنتا متأكد إن الشنطة دي مش محتاجة يتدفع لها وزن زيادة؟! :lol:

والراجل يقوللي المفروض أدفعك عشان انتا ليك 30 كيلو يدخلوا بطن الطيارة ، بس ممكن تاخد الهاندباج معاك ، وانا أقو له لأ ، أنا عاوزها تدخل الطيارة. والراجل يقوللي مفيش مشاكل... هاعديهالك...

ياما كان نفسي ألبّسك وزن زيادة يا رمزي!

ليا حق اتنقط ولاّ لأ ذمتكوا؟!!!! :ninja:

[znaty]

ادعوا لاخوكم د تي بالنجاخ

على راي قناوي

استغفروا لاخيكم انه الان يسال :unsure:

[د هشام ابراهيم]

قبل ما نقفل باب الصور يا شيكو... أحب نسيب كام صورة كده كمان...

المبنى ده مبنى متحف حربي ، أو حاجة زي كده... مش كده يا هشام؟! علّق انتا بقى

وحاطّين قدّامه دبّابة ، يبقى كده اللي باقي حيلة كندا 199 دبابة تانيين (مش كده يا زناتي؟! bv:- )

سعادتك ده مقر الفرقة ٥٦ مشاه للجيش الملكي الكندي

سؤال بس علي جنب ...تفتكر كندا محتاجة دبابات بالمئات أو بالالاف ليه ...... زحف مقدس لاحتلال ولاية نيو يورك مثلا و لا قمع الحركة المسلحة المتمردة في كويبيك ...... يا سعادة الكومندان مهام الجيش الكندي مش مهام قتالية في الأغلب الأعم ...... عادة ضمن قوات حفظ السلام في مناطق الصراع العسكري حوالين العالم و أحتياجتهم للدبابات الهجومية معدوم ..... يصرفوا بقي فلوسنا ....فلوس الضرايب يعني و المصادر التانية للدخل القومي ..... في تسليح ما لوش لازمة و لا يوجهوا الفلوس في أوجه صرف صح ...هه هه :wub:

[moheltohamy]

عاشت كندا حرة مستقلة...

بلد مجرد سيرتها تخليك تشعر بالفخر ، وترفع راسك وتقضي مصالحك في كل مكان تروحه...

وبلد تانية جايبالنا الإكتئاب ، والبهدلة وقلة القيمة ، كل ما نفكر نيجي ناحيتها!

أنا زهقت بقى بجد...

كلاكيت مش فاكر المرة الكام... هوّه عرض مستمر في واقع الأمر...

تحياتي من مطار القاهرة! :)

[bent misr]

الف حمدلله على سلامتك يا تهامي يا أخويا

و اهلا بك في موطنك الاصلي اصدي

بلدك الام :blink:

معلش الصبرررررررر بس و بكره تروق و تحلى

و الله مصر مالهاش ذنب في الي بيتعمل فيها ده

المهم انت عملت ايه في الامتحان رفعت راسنا

طمنا عليك لحسن انت لما بتنزل مصر بتختفي

[moheltohamy]

تحياتي من أرض المحروسة... وإن كنت مش عارف بعد كل البلاوي اللي فيها دي هل لا تزال محروسة؟!

المهم... مبدئياً أشكر حبايبنا القدام هنا اللي سألوا عليا (زناتي ، أحمد سيف ، د. هشام ، بنت مصر) :happy: ، وأطمنهم... هوه مفيش مشاكل يا اخواننا ، كل الموضوع إن الوضع دمه بقى تقيل أوي ، ولما الواحد يتركن ساعتين في المطار مش فاهم الوضع إيه ، أو الباسبور وصل لإيد مين دلوقتي ، ودخان السجاير في كل مكان ، ولا كإننا في غرزة... وحاجة تقرف! :wub:

المشكلة بس في اللطعة ، والإحساس بالدونية وانا خارج من طابور الجوازات ، و... تعالى على جمب يا أستاذ!

بس المطار الوحيد اللي شفته في الدول المحدودة اللي رحتها ، وألاقي الناس ماشية تدخن عادي جداً ومحدّش بيتكلم!

مطارات السعودية والبحرين والإمارات وجنوب أفريقيا وفرنسا وانجلترا وألمانيا وسويسرا وكندا... فيه التدخين فقط في حجرة مغلقة ، بخلاف الناس الأسوياء الطبيعيين اللي من حقهم أن يتنفسوا هواءً نقياً! ويا ريت اللي دخل مطارات تانية يفيدنا...

فيه بلد تانية في الدنيا الناس بتدخن في مطاراتها كيداهوه وعادي؟!

[bent misr]

معلش يا تهامي يا أخويا :happy: و الف حمدلله على سلامتك :)

أنا بس مش عايزاك تحرق دمك :wub:

أمال تقول ايه للي بيدخن في قلب المستشفى

و هيه closed area و مكيفه :wub:

و لما نقوله بس لو سمحت

السيجاره يبصلك من فوق لتحت أكن الواحد هوه المتخلف

سبحان الله في خلقه mil:

[Om Zayd]

تحياتي من أرض المحروسة... وإن كنت مش عارف بعد كل البلاوي اللي فيها دي هل لا تزال محروسة؟!

ما هو احنا السبب .. عمالين نسيب البلد و نهج !!!!!!! md2:

عموما حمد الله عالسلامة ..

:happy:

[emano]

حمدل على السلامه يادكتور تهامى باشا روق ياباشا مش كده

ياى لطعوك فى المطار تعال شوف الكندين الاخلاق

وحنا جاين كان معنا شنط كتيره جدا 12شنطه كبيره و10 هندباج

والله كنت بزق عربيه واحمد عربيه وبنت عربيه وقام اتنين

من موضفين المطار كل واحد زقله عربيه تخيل

والله مكنتش مسدقه عقلى ايه الاخلاق ده

الواحد مش متعود

على العموم احمد ربنا انك متقعدش فى مصر الحبيبه طول السنه

اخبار هند ايه سلام كبير

ايمانو من اوتاوا

[Princesse]

تحياتي من أرض المحروسة... وإن كنت مش عارف بعد كل البلاوي اللي فيها دي هل لا تزال محروسة؟! :lol:

المهم... مبدئياً أشكر حبايبنا القدام هنا اللي سألوا عليا (زناتي ، أحمد سيف ، د. هشام ، بنت مصر) wst:: ، وأطمنهم... هوه مفيش مشاكل يا اخواننا ، كل الموضوع إن الوضع دمه بقى تقيل أوي ، ولما الواحد يتركن ساعتين في المطار مش فاهم الوضع إيه ، أو الباسبور وصل لإيد مين دلوقتي ، ودخان السجاير في كل مكان ، ولا كإننا في غرزة... وحاجة تقرف! bv:-

المشكلة بس في اللطعة ، والإحساس بالدونية وانا خارج من طابور الجوازات ، و... تعالى على جمب يا أستاذ!

بس المطار الوحيد اللي شفته في الدول المحدودة اللي رحتها ، وألاقي الناس ماشية تدخن عادي جداً ومحدّش بيتكلم!

مطارات السعودية والبحرين والإمارات وجنوب أفريقيا وفرنسا وانجلترا وألمانيا وسويسرا وكندا... فيه التدخين فقط في حجرة مغلقة ، بخلاف الناس الأسوياء الطبيعيين اللي من حقهم أن يتنفسوا هواءً نقياً! ويا ريت اللي دخل مطارات تانية يفيدنا...

فيه بلد تانية في الدنيا الناس بتدخن في مطاراتها كيداهوه وعادي؟!

الف حمدلله على سلامتك يا دكتور تهامي

كان لي تعليق : مصر هتفضل طول عمرها محروسة ، يكفي ان فيها خير اجناد الارض و انها مذكورة في القرآن

العيب فينا احنا و سلوكيتنا الغلط مش في البلد

مصر زمان لما كانت الناس عندها ضمير كانت احسن البلاد

و اوعى تنسى ا دكتور تهامي انك لسة معاك البسبور المصري

يعني انت مصري رسميا سواء شئت ام ابيت

مرة تانية : نورت المحروسة :lol: :lol:

:lol:

[طبيبة مصرية]

دكتور تهامى

شفت اسمك منور فى موضوع دكتور هشام قلت آجى بسرعة أسجل حضور والحق أسحب لى كرسى..............

ألف مبروووووووووك على النجاح فى الكورسات بتاعتك وربنا يوفقك فى الحصول على الوظيفة فى كندا وترتاح بقى من التنقل والترحال بين التلات قارات.............

بالنسبة لسؤال حضرتك عن ضرورة تحديد الأهداف قبل التفكير فى الهجرة فطبعا كلامك سليم وخصوصا إنى بعد ما قريت مواضيع دكتور هشام و دكتور الشامى عرفت إن الطريق مش سهل أبدا وان القرار قرار مصيرى وخطير ويستلزم دراسة متأنية من كافة الجوانب..................

أنا عارفة إن المال والبوزيشن مش هما الهدف الرئيسى فى البداية يعنى مش قبل 5 سنين من الإستقرار فى البلد وده بفرض إننا نكون عملنا المعادلة ووجدنا فرصة نيابة ودى برضه طلعت مش سهلة زى ما فهمت من تجربة دكتور هشام...............

المشكلة كمان إن زوجى شايف إننا تأخرنا أوى وكان المفروض فكرنا فى الموضوع ده من خمس سنوات على الاقل أما بداية التفكير الان فهو يراها متأخرة جدا وخاصة إن على ما نقدم ورق الهجرة وناخد دور وييجى الرد مش قبل 4 سنوات زى ما فهمت............ يعنى القصة طويلة أوى وحتى لو فكرنا نبدأ نذاكر فى المعادلة التوازى مع إجراءات الهجرة على أساس على ما تيجى الفيزا نكون خلصنا الجزئين اللى فى الأول ودول بيدوا فرصة للتقديم للنيابات بس برضه فهمت إن التنافس رهيب على النيابات والفرصة هتكون اكبر لزوجى لان تخصصه نفسية وعصبية وده تخصص مطلوب هناك وكمان عنده خبرة طويلة واعتقد فرصته هتكون احسن منى بس هو شايف انه صعب أوى يبدأ نيابة شاقة لمدة خمس سنوات وهيكون ساعتها فى نهاية الأربعينات...........

أنا بحاول اقنعه إن ما لايؤخذ كله لا يترك كله وان إحنا لو حتى مشينا فى خطوات الهجرة وقدرنا نحصل على الفيزا و نقيم هناك 3 سنوات و ناخد الجنسية والباسبور الكندى المحترم وان ده فى حد ذاته فرصة حلوة أوى لو اتيحت لنا .........بس هو متردد جدا .......

وعلى سيرة الباسبور اكيد انت عرفت إن مصر صغرته وبقى كومبيوترايزد وبقى شيك وسمباتيك والموضوع ده بقاله سنة أو اكتر بس طبعا لا يزال بلا قيمة للأسف...........

اياً كان قرارنا فى النهاية أنا مستمتعة جدا بكتابات حضرتك وباقى الاعضاء الأفاضل وتسجيل حضورومتابعة دائم إن شاء الله...................

تم تعديل 20 أكتوبر 2009 بواسطة طبيبة مصرية

[adamdec]

أخيراً و بعد تعب شديد الأربع أيام الفاتو، خلصت ال-187 صفحة .

أنا عضوة جديدة بملا حالياً ال-application بس فاضل ال-background / declaration و أبعت على nova scotia علطول.

أولاً شكراً على التوبيك الممتع والمفيد، بصراحة very helpful.

ثانياً: تسجيل متابعة و إعجاب :lol:

ثالثاً: ألف مبروك على النجاح الساحق و على conquering ألبرتا.

رابعاً بقى و ده الاهم: حيفضل اسمك دكتور التهامي ولا حتغيره؟

أنا جوزي أول ماقلي على موضوع كندا دة انا كنت رافضه تماماً على أساس إن أنا لو رحت شرم بيجيلي home sickness أصلاً، بس بعد ماقرأت التوبيك ده و الدكتور هشام غيرت رأي 180 درجة و نزلت ال-application و عملت كام رسيرش كدة علماشي.

بتأسف مقدماً على العربي بتاعي أنا باستخدم yamli لإني ضايعة فالكيبورد العربي.

الف حمدلله على سلامتك يا دكتور تهامي

كان لي تعليق : مصر هتفضل طول عمرها محروسة ، يكفي ان فيها خير اجناد الارض و انها مذكورة في القرآن

العيب فينا احنا و سلوكيتنا الغلط مش في البلد

مصر زمان لما كانت الناس عندها ضمير كانت احسن البلاد

أنا مؤمنة جداً بالكلام دوت (عشان خاطرك دي)

مصر مشكلتها الناس و سلوك الناس البقى عجيب جداً

 

و مرحباً بك في مصر المحروسة :lol:

[ehabtaher]

بعد التحيه والشكر على الاخبر اللى نشرتها فى قوهتك وبتعط مل للاطباء ان ممكن يعملوا فى كندا فى نفس المجال لطبى ولو انه مجال مافيهوش حاجه عدله الا انه مساعده للاخرين وانقاذ حياه وده فى حد ذاته شىء مهم بيشيل عننا ذنوب كتيره

جزاك لله خير عن كل ماعملته لينا خاصه (الاطباء المطحونين فى مصر) ولكل اللى عايزين يهاجرو لكندا

احب ازود ان فيه جامعه كنديه مش فاكر اسمها تقريبا اشفورد حابقى اجيب الرابط بتاعها المره اللى جايه

ودى فيه كورسات كتيره online , وفى حدود الف دولار

اعتقد انها برضه حاتبقى مفيده لمن هم غير الاطباء ويحبو يشتغلو فى كندا قبل مايعملو المعادله فى وظيفه محترمه وتشبه مجالهم السابق