كندا التي رأيتها :)

[znaty]

إحنا قلنا ميت مرة إنه ما ينفعش مناقشة قرارات إدارية ع العام يا هانم!

آهو دلوقتي الناس هتفهم غلط تماماً...

كل الحكاية إني بعتت لسوسوراني رسالة ع الخاص باوضح لها الموضوع ، وباستأذنها بكل أدب وأخلاق إنها تتمهل شوية لغاية ما أنزل الموضوع بتاعي... هيّه بقى اللي فهمته غلط! غلطان أنا؟! :lol:

وآدي رسالتي... الرقيقة جداً :wub:

عارفة لو مديتي إيدك على موضوع الشوبنج ، هاقطعهالك... وهاخفي المداخلة!

مش بعد ما تطلع عيني فيه ، ولسّه بتطلع... وتيجي تاخدي السبق الصحفي!

مانتي عندك موضوع الطبيخ بتاع مازن أطرش! ما تشتغلي فيه شوية!

مش هنقطّع على بعض لمؤاخذة...

أنا باقول آهوه brth)

ذنبي بقى إنها فهمتها غلط؟! brth)

عارفين يا جماعة

اكتر حاجة بتعجبني في الجدع الدكتور المشرف بتاعنا دة ايه ؟؟

قلبه الابيض ..حقيقي ..قلبه كبير جدا ويتسع لكل الرعية

دوس يا ريس واحنا معاك

اوعي تخللي اي شرذمة مندسة توقف مسيرتك للنجاح ابدا

اخترناااك اخترناااك ..ماهو انا عاايز اعيييش ..

صباحك زي القشطة يا توو ;)

انا رايح الشغل ويارب اروح ...مابقاش زي احنا بتوع الاتوبيييس

[bent misr]

إحنا قلنا ميت مرة إنه ما ينفعش مناقشة قرارات إدارية ع العام يا هانم!

آهو دلوقتي الناس هتفهم غلط تماماً...

كل الحكاية إني بعتت لسوسوراني رسالة ع الخاص باوضح لها الموضوع ، وباستأذنها بكل أدب وأخلاق إنها تتمهل شوية لغاية ما أنزل الموضوع بتاعي... هيّه بقى اللي فهمته غلط! غلطان أنا؟! brth)

وآدي رسالتي... الرقيقة جداً ;)

عارفة لو مديتي إيدك على موضوع الشوبنج ، هاقطعهالك... وهاخفي المداخلة!

مش بعد ما تطلع عيني فيه ، ولسّه بتطلع... وتيجي تاخدي السبق الصحفي!

مانتي عندك موضوع الطبيخ بتاع مازن أطرش! ما تشتغلي فيه شوية!

مش هنقطّع على بعض لمؤاخذة...

أنا باقول آهوه md2:

ذنبي بقى إنها فهمتها غلط؟! wst::

ده ايييييييه الرقه و العذوبه دي

لأ لأ يا سوسو مالكيش حق خاااالص تخافي

ولا تقلقي من كلام تهامي أخويا ده حته كل كلامه

بينقط عسل اسود :lol: قصدي أبيض brth)

معلش أنا من رأي تخلينا في موضوع الطبيخ لحد

ما نشوف اخريتها ايه مع مشرفنا العزيز wst::

يا رب ينزل بالمضوع بقى :wub:

هوه هايبقى عن الشوبينج بس ولا فيه هدايا brth)

أصله طول أوي بتاع سنتين كده أنا قولت تهامي أخويا يدووووب

بيحوش عشان الهدايا الي هيدخل بيها علينا يللا بقى أما نشوف smk:

[moheltohamy]

خاطرتين جم على بالي النهارده يا جماعة (من بتوع هشام)...

الأولى...

إحساس جميل جداً على فكرة إنك تحس إنك عايش في بلد أمان ، محدّش فيها مخوّن التاني ، ولا ممكن ينتظر حركة نقص ، ودي الرول مش الاستثناء...

شفت النهارده فوق صناديق البريد في العمارة في تورونتو سلسلة مفاتيح عربية ، وهند بتقوللي إنها بقالها أسبوع متسابة في نفس المكان ، ومحدّش بيفكّر ييجي ناحيتها!

هند نفسها كانت نسيت سلسلة المفاتيح في صندوق البريد ، وتاني يوم حد كان شاله ، وسابهولها على جمب ، ومفيش أي خوف.

وكذلك لو فيه جالك في صندوق البريد بتاعك جواب تبع الساكن القديم اللي قبلك مثلاً ، بتسيبه فوق الصناديق برضه ، وييجي البوسطجي تاني يوم يرجعه ، ومفيش أي قلق إن حد يفتح جواب حد أصلاً.

لو داخل محل أو سوبر ماركت أشتري حاجة ، وشايل معايا شنطة فيها حاجات تانية لسّه شاريها من مكان تاني ، بادخل بيها عادي جداً ، وانا خارج ، محدّش بيخوّنني ، ولا بيتوقع إني مخبّي حاجة في الشنطة اللي في إيدي! وطبعاً مفيش فكرة حد واقف لك ع الباب يقول لك سيب الشنطة اللي معاك ، ويديلك بون فيه رقم عشان تستلمها وانتا خارج!

واحد صاحبنا راح النهارده يرجّع التليفزيون اللي اشتراه من 3-4 تيام. سألوه (شغلته؟) ، قال لهم أيوه ، (فيه مشكلة؟) ، لأ ، بس انا اللي عاوز أشتري واحد تاني أكبر! ، بصوا بصه سريعة جوّه الكرتونة لمحوا الريموت ، وباقي الحاجة (من غير ما يطلّعوا أي حاجة من الكرتونة)... وفي خلال 3 دقايق (الحدوتة كلها) كانت فلوسه رجعتله ع الحساب بتاعه في البنك ، من غير حتى ما يفحصوه ليكون حرق الشاشة مثلاً أو كسرها!

محدّش مخوّن حد!

تاني خاطرة...

النهارده رحت اتعشيت في مطعم لبناني قدّام البيت في يانج آند إجلنتون (الأفندي اللي مش عاجباه مطاعم كندا brth) )...

كانت واقفة قدامي ست عجوزة لدرجة إني كنت فاكرها - من تون الصوت - راجل عجوز brth)

المهم... الراجل اللبناني اللي في المطعم قال لها ما يهمكيش الفلوس ، وبيناولها طبق شوربة خضار! الست قعدت تاكله أو تشربه! وأثناء ما باتكلم مع الراجل جات تسأله على كراكرز! الراجل قال لها ما فيش واحنا آسفين! باقول له (ما تديها يا عم حتى شوية رز تبلع بيهم الشوربة ، وأحاسبك أنا عليهم!) ، ألاقيه بيقوللي هيه مش عاوزه غير كراكرز ، واحنا ما بنبيعش الحاجات دي عشان فيها منتجات خنزير! والست دي شكلها شاربة حاجة! قلتله أو شكلها كبيرة في السن... ما احنا مسيرنا يا سيدي نبقي زيها في يوم من الأيام ;)

المهم قعدت آكل الوجبة بتاعتي ، وشايف الست ماشية قدّامي زي ما تكون بتجرجر في رجليها ، وراحتله تاني ، وإدّاها طبق شوربة تاني ، وبرضه ما أخدش منها فلوس! قمت بعد ما خلّصت أكل ، ورحت أرمي البواقي بتاعتي في التراش ، وعدّيت عليها وقلتلها:

- Ma'am , is there anything I can get you? Would you like to eat anything

- I don't have money

- Don't think about money, it's on my treat

- Whatever you want

- You are the one who will eat, which one do you prefer

- ...

- Would you like those Trio sandwiches (كان هدفي إنها ممكن تاخد الباقي معاها ، بدل الوجبة اللي فيها رز ، ومش هتنفع تاخدها معاها البيت مثلاً)

- Ok, thank you so much

- Would you like anything else to drink

- No

ورحت حاسبت ، وجبتلها الساندوتشات ، و Enjoy ، وانا خارج قلتلها Have a good night ، وشكرتني تاني! كل ده والست باصّالي أصلاً نظرة استغراب غير طبيعية! :wub:

أرجو إن محدش يعلّق ويقوللي إنتا كويّس يا محمد وفيك الخير والكلام ده... أرجوكم بجد! أنا كنت متردد أصلاً إني أقول لكم على الموقف ده... لكن حبيت أشارككم الفكرة اللي جت في دماغي ساعتها.

الموقف ده كان السبب إني خارج وأنا حاسس بسعادة غير طبيعية... تقريباً كده... طاير من الإحساس بالسعادة brth)

بس الموقف جاب في دماغي فكرة... يا ترى لما أوصل للسن بتاع الست دي ، وإن كان ده مستبعد شوية... الرجّالة في عيلتنا بيقضوا في المصلحة بدري بدري!

لما أوصل للسن ده ، وأبقى فعلاً كما يقال (أكل عليه الدهر وشرب) ، أو كما يقال عنها مرحلة (أرذل العُمُر)... هل ده هيكون حالي؟ هيكون الـ Main Concern بالنسبالي... شوية كراكرز؟! :lol:

هل ساعتها هافكر إني أرجع مصر ، يمكن ألاقي شوية دفء في العلاقات الإنسانية؟! مجرّد إني ألاقي حد يعدّي عليّا ويكلّمني وأكلّمه!

وإيه اللي ممكن يوصل بالإنسان لحالة زي دي؟!

وباتكلّم مع هند في الموضوع ده ، قالتلي إن الست دي عادي جداً تلاقي عندها أبناء ، بس الأبناء هنا في الغرب جاحدين جداً ، ومن بدري بيستقلّوا بحياتهم ، والأهل مع نفسهم بقى! وإن دي طبيعة الرأسمالية!

بس أنا كان ليّا رأي تاني في الموضوع ده...

أنا أعتقد إن ده الحال في المدن الكبرى ، الإنعزالية... لكن لو نظرنا للحال في المدن الصغرى ، فهتلاقي أخلاق القرية ، أو نظام العلاقات الأسرية والجيران والأهل والأقارب... فرق كبير بين العمارات العالية اللي فيها أكتر من ألف شقة ، وبين منطقة كلها عبارة عن بيوت ، كل بيت تسكنه أسرة ، والمنطقة عارفين بعض ، وفيه علاقات بينهم ، لدرجة إنو لو فيه وجه جديد ، هتلاقوا الناس بيبصّوا باستغراب ده يطلع مين...

وإذا أنا في شبابي لم أحسن تكوين أسرتي ، وجيراني وأصحابي وزملائي ، وأكوّن مجتمعي الصغير اللي يملأه دفء المشاعر... يبقى لا ألومنّ إلاّ نفسي لما أوصل للسن الحرجة دي ، وأستجدي مجرد اللقمة من الأغراب!

ولو حصلت... هاعمل إيه يعني؟ ساعتها فعلاً هنتمنى حسن الختام...

أعتذر إن الحوار النهارده قلب غم شوية... بس فعلاً الست دي خلتني أفكّر كتير... ربنا يحسن خاتمتنا. آمين.

[goodfaith]

السلام عليكم ورحمة الله

استاذي الفاضل انا معك في اول ملاحظة ويوميا باحس بيها في كل مكان وفي اغلب التعاملات الرسمية والشخصية واكتر من مرة ابني يوقع العابه وارجع امشي على نفس الطريق الاقيها مستنياني ارجعلها ووبالفعل الامانة وان محدش بيخون حد دي القاعدة والحاجات دي بيغرسوها في الاطفال في المدارس مع قيم اخلاقية تانية كتير

عندي صديقتي ابنها مرة وجد مبلغ مالي كبير فسلمه لادارة المدرسة فالمديرة شكرته ولما رجع حكى لامه قالت له يا ماما مقلتلهاش ليه ان انا مسلم ومن اخلاق ديني الامانة فقال لها لا يا ماما الموضوع ملوش علاقة اذا انا مسلم او يهودي الموضوع يعتمد على اخلاق الشخص نفسه وقالها انه عنده زملائه في المدرسة مسيحيين ويهود وهو واثق ان هما لو لقوا المبلغ هيسلموه ايضا للادارة

المهم الست صديقتي معرفتش ترد على ابنها خصوصا انه بيشوف تناقضات كتير من مسلمين وعرب

بالنسبة للست اللي حضرتك شفتها في المطعم حسب علمي المتواضع ان السنيورز في كندا لهم اكتر من معاش يعني من الحكومة معاشين ومن المدخرات معاش تالت وكمان فيه خدمات وتخفيضات خاصة للسينيورز في كل مكان وبيوت خاصة لهم مخفضة والوجبات فيها مجانية وفيها رحلات ووسائل ترفيه وحاجات مش ممكن احنا نتخيلها :wub: انا مرات اقول يا بختهم بس كل ما الاقي عربية الاسعاف تحت مباني السينيور بيصعبوا عليا واقول الله يكون في عونهم

وانا كتير برضو بييجي على بالي يا ترى لما نكبر زيهم كده هنعمل ايه وباستغرب جدا لما بلاقي تيم هورتنز الساعة 6 صباحا مليان ناس عواجيز طيب لا شغلة ولا مشغلة صاحيين من النجمة ليه .. مش فاهمة

الست اللي حضرتك شفتها دي بتكون مدمنة كحول او مخدرات ومش عايزة حد يقيدها زي اغلب الهوملس اللي في شوارع تورنتو اللي كل ما تيجي ستورم يقعدوا ينادوا عليهم في نشرات الاخبار تعالوا الشالتر بس هما مختارين بارادتهم انهم يكونوا في الشوارع

طبعا انا مش ضد مساعدتهم بس انا مع انك تديهم ملابس او اكل زي ما حضرتك عملت لانهم غالبا بيحوشوا الفلوس يشتروا بيها هباب على عينهم

[Pharmaher]

والله يا دكتور حتة الثقة وعدم التخوين دي احنا فعلا بنفتقدها في كتير من البلاد العربية

الواحد مننا شبه اتعود خلاص ان اي حاجة بتنساها في الشارع او في المكتب حتى ..عوضك على ربنا

و الحاجة اللي بتشتريها انت لبستها خلاص لاينفع تتبدل ولا تترجع ولو كان فيها مشكلة

لانك لما ترجع حيسالوك عاوز ترجعها ليه ؟؟ طب شغلتها و رجعتها للعلبة تاني ؟ وتكونش وصلتها على 220 وهي 110 ؟ لا ياسيدي بس عاوز اغيرها بموديل تاني...وتلاقي البياع يبصلك بصة معناها طب م الاول كدة اعرف انت عايز ايه قبل ما تشتري

يعني من الاخر خد حاجتك و اشتري دماغك احسن

الحتة بتاعة الست العجوزة دي فعلا لما الواحد بيفكر فيها تخوفه

بس الواحد امله من ربنا ان اولاده يكونو صالحين و بارين و يكونوا عون لينا بعد ربنا في كبرنا

وده لو مش ح يحصل فهو مش ح يحصل لا في كندا ولا في اي حتة تانية لو الاولاد مش بيخافوا ربنا في اهلهم

و ناس كتيرة في مصر او في السعودية اولادهم بيرموهم لمأوى عجزة او بيزوروهم في العيد بالكتير

العبرة في التربية و كما تزرع تحصد

تم تعديل 28 ديسمبر 2009 بواسطة Pharmaher

[safaalabana]

خاطرتين جم على بالي النهارده

تاني خاطرة...

النهارده رحت اتعشيت في مطعم لبناني قدّام البيت في يانج آند إجلنتون (الأفندي اللي مش عاجباه مطاعم كندا mfb: )...

كانت واقفة قدامي ست عجوزة لدرجة إني كنت فاكرها - من تون الصوت - راجل عجوز wst::

المهم... الراجل اللبناني اللي في المطعم قال لها ما يهمكيش الفلوس ، وبيناولها طبق شوربة خضار! الست قعدت تاكله أو تشربه! وأثناء ما باتكلم مع الراجل جات تسأله على كراكرز! الراجل قال لها ما فيش واحنا آسفين! باقول له (ما تديها يا عم حتى شوية رز تبلع بيهم الشوربة ، وأحاسبك أنا عليهم!) ، ألاقيه بيقوللي هيه مش عاوزه غير كراكرز ، واحنا ما بنبيعش الحاجات دي عشان فيها منتجات خنزير! والست دي شكلها شاربة حاجة! قلتله أو شكلها كبيرة في السن... ما احنا مسيرنا يا سيدي نبقي زيها في يوم من الأيام :tease:

المهم قعدت آكل الوجبة بتاعتي ، وشايف الست ماشية قدّامي زي ما تكون بتجرجر في رجليها ، وراحتله تاني ، وإدّاها طبق شوربة تاني ، وبرضه ما أخدش منها فلوس! قمت بعد ما خلّصت أكل ، ورحت أرمي البواقي بتاعتي في التراش ، وعدّيت عليها وقلتلها:

- [

-د الباقي معاها ، بدل الوجبة اللي فيها رز ، ومشت ، وجبتلها الساندوتشات ، و Enjoy ، وانا خارج قلتلها Have a good night ، وشكرتني تاني! كل ده والست باصّالي أصلاً نظرة استغراب غير طبيعية!

أرجو إن محدش يعلّق ويقوللي إنتا كويّس يا محمد وفيك الخير والكلام ده... أرجوكم بجد! أنا كنت متردد أصلاً إني أقول لكم على الموقف ده... لكن حبيت أشارككم الفكرة اللي جت في دماغي ساعتها.

الموقف ده كان السبب إني خارج وأنا حاسس بسعادة غير طبيعية... تقريباً كده... طاير من الإحساس بالسعادة :sofa:

بس الموقف جاب في دماغي فكرة... يا ترى لما أوصل للسن بتاع الست دي ، وإن كان ده مستبعد شوية... الرجّالة في عيلتنا بيقضوا في المصلحة بدري بدري!

لما أوصل للسن ده ، وأبقى فعلاً كما يقال (أكل عليه الدهر وشرب) ، أو كما يقال عنها مرحلة (أرذل العُمُر)... هل ده هيكون حالي؟ هيكون الـ Main Concern بالنسبالي... شوية كراكرز؟! :blink:

هل ساعتها هافكر إني أرجع مصر ، يمكن ألاقي شوية دفء في العلاقات الإنسانية؟! مجرّد إني ألاقي حد يعدّي عليّا ويكلّمني وأكلّمه!

وإيه اللي ممكن يوصل بالإنسان لحالة زي دي؟!

وباتكلّم مع هند في الموضوع ده ، قالتلي إن الست دي عادي جداً تلاقي عندها أبناء ، بس الأبناء هنا في الغرب جاحدين جداً ، ومن بدري بيستقلّوا بحياتهم ، والأهل مع نفسهم بقى! وإن دي طبيعة الرأسمالية!

بس أنا كان ليّا رأي تاني في الموضوع ده...

أنا أعتقد إن ده الحال في المدن الكبرى ، الإنعزالية... لكن لو نظرنا للحال في المدن الصغرى ، فهتلاقي أخلاق القرية ، أو نظام العلاقات الأسرية والجيران والأهل والأقارب... فرق كبير بين العمارات العالية اللي فيها أكتر من ألف شقة ، وبين منطقة كلها عبارة عن بيوت ، كل بيت تسكنه أسرة ، والمنطقة عارفين بعض ، وفيه علاقات بينهم ، لدرجة إنو لو فيه وجه جديد ، هتلاقوا الناس بيبصّوا باستغراب ده يطلع مين...

وإذا أنا في شبابي لم أحسن تكوين أسرتي ، وجيراني وأصحابي وزملائي ، وأكوّن مجتمعي الصغير اللي يملأه دفء المشاعر... يبقى لا ألومنّ إلاّ نفسي لما أوصل للسن الحرجة دي ، وأستجدي مجرد اللقمة من الأغراب!

ولو حصلت... هاعمل إيه يعني؟ ساعتها فعلاً هنتمنى حسن الختام...

أعتذر إن الحوار النهارده قلب غم شوية... بس فعلاً الست دي خلتني أفكّر كتير... ربنا يحسن خاتمتنا. آمين.

اخونا الفاضل دكتور تهامى ....احييك وبشده على هده الجزئيه الرائعه من مداخلتك القيمه التى تجعلنا نفكر ونتدبر ....ونفسى اقول تعليق ولو انى خفت شويه من الى ح يقول ايه الوعظ ده واللى ح يقول الناس دى لابسه عباية الدين وبعدين افتكرت الايه الجميله اللى معناها وتخشى الناس والله احق ان تخشاه ...فقلت احكى ليكم خاطرتين حصلوا وح يردوا شويه على سؤالك (يا ترى لما اوصل للمرحله دى .......)

الاولى كان لينا جاره وهى سيده فاضله كانت تتقرب الى الله كثيرا وتزوجت مرتين ولم تنجب....كنت اراها تبكى وتقول يعنى لو عندى بنت او ولد كانوا ح يقفوا على يو م مماتى هى كانت ميسورة الحال ولها اقارب ولكنها كانت تبكى حين يمر بها دلك الخاطر وكان هو اكثر ما يؤلمها

ولكنها كانت شديدة القرب الى الله فمادا حدث هى ماتت ولكن قدر الله لها الا تحتاج الى الابناء وقر لها ان يكرمها فقد ماتت فى الحج فى الاترض الطاهره ووقف معها كل الناس وصلى عليها كل الناس لمادا ......لان من معه الله معه كل الناس

والخاطره الثانيه ايضا هى ل جار لنا وكان رب اسره قد وهبه الله 4 بنات وولد واحد وكان الرجل من فرط حسن خلقه وتدينه (لا نزكيه على الله ) تكاد تقول وكأنه من الصحابى من كثرة ما راينا من اخلاقه الكريمه حتى اانى ادكر وانا طفله كيف انه دائم التسبيح فى اى وقت تراه ...

كانت بناته قمة الاخلاق ولكن الابن لم يكن كوالده فلم يرزقه الله بر هدا الابن ...اتعلمون حين وافة هدا الرجل المنيه مات وهو صائم مات وهو ممسكا بالمصحف الشريف ...اعتقد ان الابن لم يحضر ولكن كل ابناء الجيران والاقارب وقفوا وشيعوه الى مثواه الاخير وزهبوا معه لبلدته البعيده ....وكان قران المغرب يتلى طول الطريق سبحان الله وما ان وسدوه الثرى حتى جاءصوت الادان ادان المغرب ودعا له كل الناس فى ساعة نحن نعرف انها ساعة استجابه ..

هدا الرجل رحمه الله كان مع الله ...ومن كان مع الله كانت معه كل الناس ...

سامحونى طولت عليكم واخر مره

وه

[znaty]

موش عارف يا تو ياخويا انت النهاردة معلم معايا من اول اليوم

اول ماصحيت من النوم اثناء قهوة الاصطباحة لقيتك اونلاين

واول ما روحت البيت فتحت التليفزيون لقيت الاعلان السمج بتاع ميلودي

انت بالمناسبة مفروض تغير اسمك بسببه

ودة داخل عليه بيقوله ( حبيب قلبي تهامي باشا ) :tease: :blink:

قلبت التليفزيون لقيت فيلم 55 اسعاف ..المستقبل القريب ان شاء الله :sofa:

اليوم بتاعك يا تو النهاردة

على فكرة الخاطرة التانية جت في بالي اني اكتبها عندي في الانطباعات بس مارضيتش للناس تقول تشاؤمي

بس اللي انت فكرت فيه الصح

الدفا في السن دة في مصر بس بشرط

ماكونش قطعت خط الوصل مع بلدك واهلك واصحابك

وولادك يتوصلوا بمصر وببقية اهلهم علطوووول

علشان لما يكبروا يعرفوا يعني ايه بر الوالدين مابيبقوش كنديين ومن 18 سنة سفلق يا باشا

[SoSo R]

خاطرتين جم على بالي النهارده يا جماعة (من بتوع هشام)...

أرجو إن محدش يعلّق ويقوللي إنتا كويّس يا محمد وفيك الخير والكلام ده... أرجوكم بجد! أنا كنت متردد أصلاً إني أقول لكم على الموقف ده... لكن حبيت أشارككم الفكرة اللي جت في دماغي ساعتها.

الموقف ده كان السبب إني خارج وأنا حاسس بسعادة غير طبيعية... تقريباً كده... طاير من الإحساس بالسعادة :blush2:

أنت عارف...أنت معلم...معلم بصحيح...

تنزل بالتهديد بتاعك ورسالتك...الرقيقة :blush2:

وبعدين...

خواطر زى بتوع هشام...

وأرجوكم يا جماعة ...

ماحدش يقولى ...أنت كويس يا محمد...أنت شاطر..يا محمد

هتروح الجنة حدف...

طيب بصوا يا جماعة...قولولى بس من غير ماخد بالى :)

يعنى جاملونى ودلعونى...وأنا هاشوفكم فى علاوة عيد العمال :blush2:

هو دة الديستراكشن اللى على حق...ملعوبة يا ريس :sad:

بص ...

أنا ليا تعليق على المداخلة...

بس أصبر عليا شوية...

هاخد حبتين نفاق من بتوع فؤاد المهندس :blush2:

وأرجعلك حالا..

برضه الواحد يعمل لمستقبله ومستقبل البنات

تحياتى

سوسورانى

[dcfarouk]

وإقتراح بسيط للأطباء أنا سمعت إن فى مراكز فى كندا Aaffiliated لجمعية القلب الأمريكية و بتدفع مبلغ مش بطال حسب الكورس يعنى لو أخدت أوأخدتى كورس ممارس ثم مدرب تقدروا تشتغلوا يها فى كندا إن لم تكن شغلة أساسية لكن ممكن تكون بارت تايم مش بس كورسات جمعية القلب الأمريكية لكن كمان بكورسات Trauma (ATLS ) أتمنى أكون أضفت فكرة للأخت bentbatota

لأن أنا حأعمل كدة حتى لو وجدت عمل ستكون عمل إضافى وأتمنى من إلإخوة المقيمين فى كندا لو يقدروا يفيدونا بأسماء و أماكن المراكز فى كندا

الي اعرفه ان heart&strok foundation في كندا هيا الشريك ل american heart assocation في كندا

بالنسبة للكورسات BLS, ACLS, PALSفي اماكن كتير جدا بتدريها عن نفسي اعرف ان SAIT&NAIT في البرتا بيدرسوها في اونتاريو ممكن تسئلي اي حدد من الجمعية يدلك علي accredit ones بس الي لقيته ان جامعة ماكماستر

McMaster University

ده كان رد في احد المواضيع في المنتدي

هل فعلا يا دكتور تهامي ان اللي معاه مدرب ACLS

يشتغل بيها في كندا لانك يا دكتور تهامي قلت انه مش معترف بيها وده حصل لما قدمت للباراميديك

يا ريت تعليق حضرتك

[dcfarouk]

كان ليه استفسار للدكتور تهامي بخصوص دراسه الباراميديك

انا دورت علي جامعات تانيه ولقيت في كورسات في جامعه sait

وده الرابط

http://sait.ca/pages/cometosait/continuing...rtificate.shtml

انا كنت عاوز استشير حضرتك

هل انت شايف انها زي اللي حضرتك درست فيها وانا مستغرب فرق مده الدراسه لاني هنا شايف انها بتاخد فتره كبيره اكتر بكتير من اللي زيها في

Alberta Health and Safety Training Institute

هل يوجد فرق في فرص العمل المتاحه بعد التخرج علي اساس ان جامعه سيت كبيره ومشهوره

وهل فعلا مده الدراسه طويله لاني مش عارف اعرف بالظبط (في تواريخ تحت ) هل ديه بتاعه الدراسه

هل الحصول علي منحه دراسه بينطبق علي اي جامعه خاصه او حكوميه وهل ممكن احصل علي منحه دراسه للemr

[د هشام ابراهيم]

لو كابتين تيه :blink:

إنت أستاذ ......مع تحيات سنيور شيكو جونزاليس من أمام الكوبا كابانا

حمد الله علي السلامة يا دوك :rolleyes:

[moheltohamy]

مساء الخير عليكم جميعاً... وصلنا البريمة حيث المخمخة والمزاج العنب ، والفرااااااغ! :blush2:

على أي حال... أنا فيه حاجات كتير عاوز أتكلم معاكم عليها!

محتاج أرد ع الناس اللي بقالها كاتبة مشاركات من شهرين تلاتة ، وملخوم بالرد على مشاركات تانية ، وشكلي كده هامشي بالترتيب زي هشام عشان ما أتلخبطش ولا أنسى مشاركات حد.

وفيه مواقف كتير عاوز أتكلم عليها ، وكنت حتى كتبتها قبل كده ، لكن في لحظة فوجئت بالصفحة عملت ريفريش لوحدها باين أو عملت باك ، وكل اللي كتبته بتاع 3 صفحات باين راح مع اللي راحوا في 67!

إستعننا على الشقا بالله.

[moheltohamy]

حمد الله على السلامة يا د/ تهامى نورت الخبر

كل سنة وإنت و أسرتك طيبين ويارب 2010 تكون سنة خير عليكم

ويا رب يكون موضوع الشوبينج خير بداية لموضوعات 2010

ربنا يخلّيكي يا فندم... هيه الخبر منورة بأهلها ، ولو إني ما كنتش عاوز أنورها خالص... مالها يعني لو فضلنا منورين كندا؟!

وإن شاء الله 2010 هتكون سنة الاستقرار في كندا ، وربنا يستر بقى!

وهتكون السنة اللي هينزل فيها موضوع الشوبنج برضه :D

حمد الله ع السلامه يا جاي من السفر..... أديك عدت إلى قواعدك سالما غانما آمنا .... جبتلنا معاك إيه بقى ؟؟ :rolleyes:

جبت معايا حاجات كتييييير جداً... تعالوا البريمة واستلموها بقى...

والله يسلّمك يا فندم :blush2:

حمدلله عالسلامة يا دكتور..

الله يسلّمك يا ماي يوزر نيم...

فين ال جى بى اس بتاعى

مفيش فايدة برضه؟!

[moheltohamy]

لو كابتين تيه :D

إنت أستاذ ......مع تحيات سنيور شيكو جونزاليس من أمام الكوبا كابانا

حمد الله علي السلامة يا دوك :blush2:

أيواااه... هوّا ده الكوبا كاماننا ده... ما شفتش البت الويتريس كريستال بقى ذات الشعر الغجري؟ B)

بس والله فرحت أوي إنه عجبك... مش ييجي الواد زي أفندي ويقول لك مش عاجباه!

العالم دي آخرها فول وطعمية أو صحن فتة!

أنزّلش أنا موضوع المطاعم ده قبل الشوبنج؟! إسكندرانية كنداوية مسافرة في شهر 7 ومستعجله على الشوبنج من شهر 1! :rolleyes:

[moheltohamy]

انا لقييت الناس كلها ملمومه هنا ...فيه ايه ؟ قالوا د تهامى وصل ....حمد الله على السلامه كنت فاكره ان حلقة الشوبينج ح توبث وتطلع من تورونتو لقيتها ح تطلع من الخبر زى بعضه منتظرين مع الفاصل

الله يسلمك يا دكترة...

مش المهم يا فندم الإرسال بيبث منين... المهم إن المذيع هوّه اللي بيبثه!

طيب تصدّقي إن سوسوراني في بداية دخولها المنتدى (بعد ما كان موضوعي عدّى الـ 60 صفحة) اتصدمت لمّا عرفت إن كل علاقتي بكندا عبارة عن زيارتين مدتهم شهر ونص! وكان بقالي حوالي سنة ما رحتش كندا ، وباكتب من الذاكرة (المتآكلة أصلاً)

يلا عايزيين نفتح الشنط بقا وكل واحد طالب حاجة يخدها

إللي طالب جي بي أس يجي النحيادي

وللي طالب زتون يجي على جنب هنا

وللي طالب تيم بيتس يقف هناك :rolleyes:

كل سنة و أنت طيب يا دكتور

إحنا عايزين عدد واحد هاند أوفر ممتع من بتوع زمان

وحمد لله عسلامه

وانتا طيب يا باشا...

بس انتا طلعت مذاكر ومتابع آهوه ، وزتون وتيم بيتس وحركات... صباح الفل :blush2:

وهاحاول الهيتش ده في البريمة نشتغل شوية بقى... قول يا رب.

[اسكندرانيةكنداوية]

لو كابتين تيه :)

إنت أستاذ ......مع تحيات سنيور شيكو جونزاليس من أمام الكوبا كابانا

حمد الله علي السلامة يا دوك

أيواااه... هوّا ده الكوبا كاماننا ده... ما شفتش البت الويتريس كريستال بقى ذات الشعر الغجري؟ B)

بس والله فرحت أوي إنه عجبك... مش ييجي الواد زي أفندي ويقول لك مش عاجباه!

العالم دي آخرها فول وطعمية أو صحن فتة! B)

أنزّلش أنا موضوع المطاعم ده قبل الشوبنج؟! إسكندرانية كنداوية مسافرة في شهر 7 ومستعجله على الشوبنج من شهر 1! :D

:blush2: لأ لأ لأ يا د/ تهامى أوعى يوزك عقلك وتنزل بموضوع المطاعم قبل الشوبنج mc: دة أصبح مطلب قومى ه أنا صحيح عايزة أعرف أية حكاية الكوبا كامننا و البت الويترس ذات الشعر الغجرى :rolleyes: من باب الفضول يعنى و الإستحراس لكن الشوبنج أولا الوقت ضيق باقى 6 شهور بس :o

[أكسيلانس]

(هل ساعتها هافكر إني أرجع مصر ، يمكن ألاقي شوية دفء في العلاقات الإنسانية؟! مجرّد إني ألاقي حد يعدّي عليّا ويكلّمني وأكلّمه!

وإيه اللي ممكن يوصل بالإنسان لحالة زي دي؟!)

عزيزي د\ محمد -

دوست علي الجرح يا أكسيلانس - أخوك مش مستني يوصل للسن ده - و أعتقد كتير منا هنا زي حلاتي لكن يمكن مش مركزين فيها قوي علشان هموم الدنيا و العائله و العيال لخمنا

لكن أنا عايز أقول لحضرتك أني كنت أعشق شلةالأصدقاء ألي أتربيت معاهم و المدرسه الثانوي و الجامعه ألخ - و سافرت من مصر عمري 21 سنه يوم سبت الساعه 4 عصرا مع واحد فقط من أصدقائي ,, المعروف لديكم هنا بأسم ( هادي ) صاحب قهوة ملف شامل عن كندا - عارف بقالي كام سنه ماروحتش بتنا - 18 سنه - رغم أني رجعت مصر من 13 سنه لكن ليسه متغرب جوه مصر - ألصحاب فركش - فين و فين لما نتقابل مره - والدتي الله يرحمها من 3 سنسين- أخي ظابط و لا أنا و لا عيالوه بيشفوه - و بشتغل 15 ساعة في اليوم - أنا في الغردقه - و أسرتي في القاهره - بلف العالم مره في السنه - لوحدي ) رحلات يومين أو تلاته منتهي الملل- يعني السن ملهوش دعوه أذا كنت محتاج الناس و لا لآ - ألشعور المحزن فعلا أنك تكتشف بعد فتره طويله أن كتير من الحاجات الحلوه بتقع منا و أحنا بنجري و را الوظيف و المال و العيال و البيوت و خلافه - ديجي تدور علي صاحب بجد ماتلقيش !! (علشان كده أن مربي 3 كلاب- بتكلم معاهم طول الليل) - بس متقلش مجنون - قول لاسع,, أتمني أني لو رحت كندا ما تكملش علي الربع الي بقيلي - و أبدأ أكلم العصافير و بكده أبقي وصلت علي ألأخر :sad: wst::

[znaty]

لو كابتين تيه :)

إنت أستاذ ......مع تحيات سنيور شيكو جونزاليس من أمام الكوبا كابانا

حمد الله علي السلامة يا دوك :happy:

أيواااه... هوّا ده الكوبا كاماننا ده... ما شفتش البت الويتريس كريستال بقى ذات الشعر الغجري؟ :)

بس والله فرحت أوي إنه عجبك... مش ييجي الواد زي أفندي ويقول لك مش عاجباه! :blink:

العالم دي آخرها فول وطعمية أو صحن فتة! :lol:

أنزّلش أنا موضوع المطاعم ده قبل الشوبنج؟! إسكندرانية كنداوية مسافرة في شهر 7 ومستعجله على الشوبنج من شهر 1! wst::

وكتاب الله المجيد ماتقدر تصمد او تحط منطق قدام طبق فته بالموزة البتلو اللي بيعمله اخوك ولا مؤاخذة

هيا فينها الفول السخن بالزيت واللمون ورشة كمون والطعمية السخنة بسمسم وعيش بورسعيد السخن اللي قابب دة وابيض زي الفل ..زقلبيييي

خليكم انتم في الستيك الناشف والفتوش اللبناني والاكل الافغاني اللي كرهني في حياتي هنا

هو انت تعرف تستطعم يا توو ..بكرة بس استفرد بيك في مصر واعرفك الاكل يستطعم ازاي يا ريس

وان شاء الله هافتح مطعم خطير في كندا للاكل المصري اسمه Z & G للمحا....شيييي :lol:

المومبار والطرب والنيفة لازم تحجز من اسبوع

بس انت يا تو علشان صاحبي وهاخليك تدمنه .زممكن تقعد يومين بس wst::

تم تعديل 3 يناير 2010 بواسطة znaty

[znaty]

وكتاب الله المجيد ماتقدر تصمد او تحط منطق قدام طبق فته بالموزة البتلو اللي بيعمله اخوك ولا مؤاخذة

هيا فينها الفول السخن بالزيت واللمون ورشة كمون والطعمية السخنة بسمسم وعيش بورسعيد السخن اللي قابب دة وابيض زي الفل ..زقلبيييي

خليكم انتم في الستيك الناشف والفتوش اللبناني والاكل الافغاني اللي كرهني في حياتي هنا

هو انت تعرف تستطعم يا توو ..بكرة بس استفرد بيك في مصر واعرفك الاكل يستطعم ازاي يا ريس

وان شاء الله هافتح مطعم خطير في كندا للاكل المصري اسمه Z & G للمحاشيييي

المومبار والطرب والنيفة لازم تحجز من اسبوع

بس انت يا تو علشان صاحبي وهاخليك تدمنه .زممكن تقعد يومين بس

________________________________________________________________________________

_______________

يا سلام يا باشمهندس زناتى يا أخويا جريت ريقى على العيش السخن و الفول و الطعمية و الباذنجان و يا سلام لو من عند العيوطى :lol: عماااااار يا بورسعيييد

أنا ماليش فى كل الباقى اللى إنت قلته دة لكن أنا متأكدة إن جوزى حيكون زبون دائم عندك أصله محروم من كل دة يا حرام يعنى كدة إنت ضامن زبون :lol:

وأيه أخبار السمك و الجمبرى و الكابوريا و خاصة لو حتشويها على الطريقة البورسعيدى أنا مش قادرة أفتكر الفرن اللى بيشوا فية بنشارة الخشب إسمه إية بس ممكن تستورده من بورسعيد لو عملت جزء مأكولات بحرية تبقى ضمنت زبونين دائمين :happy:

يا ريييييييييييييت

بس المشكلة ان سمك كندا كله يا اما سلمون يا اما سمك كبير كدة كله جزل لحمة شبه السلمون برده :blink:

بس الكابوريا والاستكاوزر والسيبيا ( السبيط ) والجمبري لا يعلى عليه هناك

على فكرة دي موش نشارة دي رده wst::

بس احلى حاجة في الشوي في بورسعيد انهم بيشواا على رخامه والنار جنبها نار خشب

تحفهههههههههههههه

انا اللي ريقي جري

وانتي هانخليكي تدمني الموبار والطرب والنيفة مالكيش دعوة انتي wst::

[goodfaith]

لو كابتين تيه bv:-

إنت أستاذ ......مع تحيات سنيور شيكو جونزاليس من أمام الكوبا كابانا

حمد الله علي السلامة يا دوك

أيواااه... هوّا ده الكوبا كاماننا ده... ما شفتش البت الويتريس كريستال بقى ذات الشعر الغجري؟ B)

بس والله فرحت أوي إنه عجبك... مش ييجي الواد زي أفندي ويقول لك مش عاجباه!

العالم دي آخرها فول وطعمية أو صحن فتة! bv:-

أنزّلش أنا موضوع المطاعم ده قبل الشوبنج؟! إسكندرانية كنداوية مسافرة في شهر 7 ومستعجله على الشوبنج من شهر 1!

وكتاب الله المجيد ماتقدر تصمد او تحط منطق قدام طبق فته بالموزة البتلو اللي بيعمله اخوك ولا مؤاخذة

هيا فينها الفول السخن بالزيت واللمون ورشة كمون والطعمية السخنة بسمسم وعيش بورسعيد السخن اللي قابب دة وابيض زي الفل ..زقلبيييي

خليكم انتم في الستيك الناشف والفتوش اللبناني والاكل الافغاني اللي كرهني في حياتي هنا

هو انت تعرف تستطعم يا توو ..بكرة بس استفرد بيك في مصر واعرفك الاكل يستطعم ازاي يا ريس

وان شاء الله هافتح مطعم خطير في كندا للاكل المصري اسمه Z & G للمحا....شيييي :)

المومبار والطرب والنيفة لازم تحجز من اسبوع

بس انت يا تو علشان صاحبي وهاخليك تدمنه .زممكن تقعد يومين بس :)

هو ده الكلام اللي لا يعلى عليه

وقال بيحاولوا يقنعوني ان كندا فيها مطاعم جلوة بس كل ما اقارن بين شوربة اللوبستر اللي في ريد لوبستر وشوربة السي فود اللي في راقودة ولا البرج اقول عمار يا مصر عمااااار رغم كل شيء

ولا الطعمية هنا اللي بالحمص اللي لا تقارن بالطعمية السخنة برغيف لسه طالع من الفرن

كلها حاجات بسيطة بس طعمها تحفة ولا يقارن بالعك اللي هنا

وضيف للستة الاكل اللي حضرتك ذكرتها الشاورما

:)

وانا كنت بافكر اقولكم تعملوا حسابي في شركة المقاولات لاني مهندسة مدني بس غيرت رأيي خلاص وعايزة اشارك في المطعم من كتر ما بعاني هنا من الاكل برا

على فكرة مرات بناكل في مطعم اثيوبي ومرة من المرات صورت الاكل هابقى احطلكم الصورة ان شاء الله