كندا التي رأيتها :)

[Princesse]

خاطرتين جم على بالي النهارده يا جماعة (من بتوع هشام)...

الأولى...

إحساس جميل جداً على فكرة إنك تحس إنك عايش في بلد أمان ، محدّش فيها مخوّن التاني ، ولا ممكن ينتظر حركة نقص ، ودي الرول مش الاستثناء...

شفت النهارده فوق صناديق البريد في العمارة في تورونتو سلسلة مفاتيح عربية ، وهند بتقوللي إنها بقالها أسبوع متسابة في نفس المكان ، ومحدّش بيفكّر ييجي ناحيتها!

هند نفسها كانت نسيت سلسلة المفاتيح في صندوق البريد ، وتاني يوم حد كان شاله ، وسابهولها على جمب ، ومفيش أي خوف.

وكذلك لو فيه جالك في صندوق البريد بتاعك جواب تبع الساكن القديم اللي قبلك مثلاً ، بتسيبه فوق الصناديق برضه ، وييجي البوسطجي تاني يوم يرجعه ، ومفيش أي قلق إن حد يفتح جواب حد أصلاً.

وباتكلّم مع هند في الموضوع ده ، قالتلي إن الست دي عادي جداً تلاقي عندها أبناء ، بس الأبناء هنا في الغرب جاحدين جداً ، ومن بدري بيستقلّوا بحياتهم ، والأهل مع نفسهم بقى! وإن دي طبيعة الرأسمالية!

بس أنا كان ليّا رأي تاني في الموضوع ده...

أنا أعتقد إن ده الحال في المدن الكبرى ، الإنعزالية... لكن لو نظرنا للحال في المدن الصغرى ، فهتلاقي أخلاق القرية ، أو نظام العلاقات الأسرية والجيران والأهل والأقارب... فرق كبير بين العمارات العالية اللي فيها أكتر من ألف شقة ، وبين منطقة كلها عبارة عن بيوت ، كل بيت تسكنه أسرة ، والمنطقة عارفين بعض ، وفيه علاقات بينهم ، لدرجة إنو لو فيه وجه جديد ، هتلاقوا الناس بيبصّوا باستغراب ده يطلع مين...

وإذا أنا في شبابي لم أحسن تكوين أسرتي ، وجيراني وأصحابي وزملائي ، وأكوّن مجتمعي الصغير اللي يملأه دفء المشاعر... يبقى لا ألومنّ إلاّ نفسي لما أوصل للسن الحرجة دي ، وأستجدي مجرد اللقمة من الأغراب!

ولو حصلت... هاعمل إيه يعني؟ ساعتها فعلاً هنتمنى حسن الختام...

أعتذر إن الحوار النهارده قلب غم شوية... بس فعلاً الست دي خلتني أفكّر كتير... ربنا يحسن خاتمتنا. آمين.

دكتور تهامي الف حمدلله على السلامة، البريمة نورت

بالنسبة موضوع الامانة دا ، من وجهة نظري كندا زي اي بلد في الدينيا، فيها الكويس و فيها الوحش...و فيها حرمية برضه...

عجبني اوي راي حضرتك ان الانسان لازم يحسن تكوين اسرته و جيرانه و زملائه وقت الشباب علشان يلاقيهم جنبه لما يحتاج ليهم ...لكن يا دكتور تهامي في ناس كتير بتسنى الحقيقة دي و تفضل طول عمرها عايشة لوحدها و مستمتعة بالوحدة دي و تجرى السنين و يفضلوا برضه لوحدهم،...اتمنى ان كلامك دا يصحي الناس دي من الاوهام الي همة عايشين فيها، ويبدأوا يغيروا حياتهم قبل فوات الاوان

كان لي تجربة اثبتت لي ان في الغرب المشاعر نحو الاباء و الامهات بتكون باردة و جافة...كنت بشتغل خدمة عملاء لمرضي في المستشفيات و دار المسنين، مرة اتصلت بي واحدة ست عجوزة و اتكلمت معايا شوية ، و في اخر المكالمة قالت لي انها حبتني و طلبت مني اني ازرها في المستشفي لانها وحيدة و محدش بيسال عنها، و انها مريضة ، و انفجرت الست دي في البكاء، و انا كمان قعدت اعيط، و اصحابي يسالوني مالك و انا مش عاوزة اقفل الخط مع الست و احنا الاتنين نعيط.

حالات كتيرة اوي صدفتني، اباء و امهات في نفس الظروف، الابناء ساعات بيروحوا يدفعوا مصاريف المستشفي فقط و ساعات التأمين الصحي بيتكلف بكل شئ..في سن الشيخوخة الواحد بيكون عاوز يحس انه مش لوحده، ان في ناس معاه بتحبه و تهتم بيه حتى لو كانوا غرباء.

اهم حاجة الواحد قبل ما يهاجر يكون واثق انه معاه اسرته علشان تهون عليه الغربة و الاوقات الصعبة...و الحمدلله يا دكتور تهامي انك معاك مدام هند الي اكيد وجودها هون عليك حاجات كتيرة في حياتك الجديدة في كندا (ما شاء الله) فبلاش تفكر الافكار السودة دي بتاعة الوحدة و تقدم السن لانك الحمدلله معاك الزوجة الصالحة و ربنا يخليكم لبعض.

عتابي الوحيد لمدام هند انها مش بتدخل المنتدى و تحكي لنا عن تجاربها في كندا...اكيد الموضوع هيكون له مذاق تاني من وجهة النظر الحريمي...يا ريت يا دكتور تحاول تقنعها انها تشارك و يبقى عندنا قهوتين الدكتور تهامي و حرمه

[znaty]

لو كابتين تيه bv:-

إنت أستاذ ......مع تحيات سنيور شيكو جونزاليس من أمام الكوبا كابانا

حمد الله علي السلامة يا دوك:

أيواااه... هوّا ده الكوبا كاماننا ده... ما شفتش البت الويتريس كريستال بقى ذات الشعر الغجري؟ :)

بس والله فرحت أوي إنه عجبك... مش ييجي الواد زي أفندي ويقول لك مش عاجباه!

العالم دي آخرها فول وطعمية أو صحن فتة!

أنزّلش أنا موضوع المطاعم ده قبل الشوبنج؟! إسكندرانية كنداوية مسافرة في شهر 7 ومستعجله على الشوبنج من شهر 1!

وكتاب الله المجيد ماتقدر تصمد او تحط منطق قدام طبق فته بالموزة البتلو اللي بيعمله اخوك ولا مؤاخذة

هيا فينها الفول السخن بالزيت واللمون ورشة كمون والطعمية السخنة بسمسم وعيش بورسعيد السخن اللي قابب دة وابيض زي الفل ..زقلبيييي

خليكم انتم في الستيك الناشف والفتوش اللبناني والاكل الافغاني اللي كرهني في حياتي هنا

هو انت تعرف تستطعم يا توو ..بكرة بس استفرد بيك في مصر واعرفك الاكل يستطعم ازاي يا ريس

وان شاء الله هافتح مطعم خطير في كندا للاكل المصري اسمه Z & G للمحا....شيييي

المومبار والطرب والنيفة لازم تحجز من اسبوع

بس انت يا تو علشان صاحبي وهاخليك تدمنه .زممكن تقعد يومين بس :)

هو ده الكلام اللي لا يعلى عليه

وقال بيحاولوا يقنعوني ان كندا فيها مطاعم جلوة بس كل ما اقارن بين شوربة اللوبستر اللي في ريد لوبستر وشوربة السي فود اللي في راقودة ولا البرج اقول عمار يا مصر عمااااار رغم كل شيء

ولا الطعمية هنا اللي بالحمص اللي لا تقارن بالطعمية السخنة برغيف لسه طالع من الفرن

كلها حاجات بسيطة بس طعمها تحفة ولا يقارن بالعك اللي هنا

وضيف للستة الاكل اللي حضرتك ذكرتها الشاورما

وانا كنت بافكر اقولكم تعملوا حسابي في شركة المقاولات لاني مهندسة مدني بس غيرت رأيي خلاص وعايزة اشارك في المطعم من كتر ما بعاني هنا من الاكل برا

على فكرة مرات بناكل في مطعم اثيوبي ومرة من المرات صورت الاكل هابقى احطلكم الصورة ان شاء الله

الله اكبر

وشهد شاهد من اهلها اهو يا ناس bv:-

هاتشاركينا في المطعم ان شاء الله ..انسي الهندسة والخلاطة الوقتي

قولي للاخ بتاعة الستيك و الاكل اللي مالوش طعم :)

[somayasaleh]

مبروك يا باشمهندس وصول الكروت بالسلامة mfb:

موضوع المطعم المصري ده انا اشجعكم فيه ميه في الميه :lol:

لان زوجي بيموت في الاكلات اللي حضرتك ذكرتها ده.... :o ...بس انا العكس تماما،،،،بشجع الستيك جدا جدا جدا

والمشويات والنواشف،،،،،،،انا اتعلمت مخصوص الاكلات ده علشانه في اول الزواج.....وح نكون اول زباين يشجعوا انتاجكم المصري الاصيل

بس فيه سؤال واحد محيرني؟؟؟؟؟؟؟؟؟؟؟؟؟؟ bsh:)

ياتري مين اللي ح يطبخ

مش معقول مدام جيجي تطبخ الاصناف ده md2:

وسؤال كمان محيرني اكتر منه؟؟؟؟؟؟؟؟؟؟؟؟؟؟؟ :lol: :o mfb:

فيييييييييييييييييييين الشوبنننننننننننننننننج يا دكتووووووووووووووووور تهامي يا خويا

تم تعديل 3 يناير 2010 بواسطة somayasaleh

[ramyfathalla]

عزيزى مشرفنا الغالى د/تهامى بعد حمد لله على السلامة و نورت و أنت أكيد منور على طول ربنا يبارك لك

انا نفسى أسألك سؤال بعيد عن الشوبينج والذى منه بس تجاوب بصراحة

السؤال الناس اللى فى كندا بشتى جنسيتهم بيبصوا لنا ازاى أقصد المصريين طبعا

عارفين ايه عننا ؟

ما هو رأيهم فى بلدنا و فينا؟

ما فيش حد سألك مثلا ليه سيبت مصر و جيت كندا؟

هل الفضايح و الكلام ده واصلهم و بتتكسف تقول انك مصرى؟

و لا العكس بيفرحوا لما يعرفوا انك مصرى و لا مش فى دماغهم أنت منين

معلش هو مش سؤال واحد بس حبيت أوضحلك الموضوع لأحسن أنا مشغول بالموضوع ده و مش عارف لو حصل و أتسألت أجاوب ازاى

أسف لو كان حد سأل عن الموضوع ده قبل كده و أنا ما قرأته

و شكرا مقدما و جزاك الله خيرا

[SoSo R]

وكتاب الله المجيد ماتقدر تصمد او تحط منطق قدام طبق فته بالموزة البتلو اللي بيعمله اخوك ولا مؤاخذة

هيا فينها الفول السخن بالزيت واللمون ورشة كمون والطعمية السخنة بسمسم وعيش بورسعيد السخن اللي قابب دة وابيض زي الفل ..زقلبيييي

خليكم انتم في الستيك الناشف والفتوش اللبناني والاكل الافغاني اللي كرهني في حياتي هنا

هو انت تعرف تستطعم يا توو ..بكرة بس استفرد بيك في مصر واعرفك الاكل يستطعم ازاي يا ريس

وان شاء الله هافتح مطعم خطير في كندا للاكل المصري اسمه Z & G للمحا....شيييي :lol:

المومبار والطرب والنيفة لازم تحجز من اسبوع

بس انت يا تو علشان صاحبي وهاخليك تدمنه .زممكن تقعد يومين بس :lol:

ممكن تستفرض بعيلتنا إحنا؟!!

ممكن بلييييييييييييييز

هنستسلم خالص مالص...

وممكن نكون رهائن ونغمى عنينا كمان :closedeyes:

دة أنا لما نزات مصر كنت هموت عالحاجات دى...

قلت لجوزى شوف لنا مسمط كدة يكون أستاذ...طبعا مش عايزة أقولك...

كان بيدور فى حوارى الحى السادس...لأن دى حتة شعبية فى مدينة نصر

بس إيه أكل يطول العمر...

اللى مش بنلاقيه بسهولة وكأنه بيتباع فى السوق السودة...العكاوى

باموت فيها وطعمها جمييييييييييييل

ممكن طاجن لو سمحت...

على فكرة الفشة والكرشة والكوارع موجودين هنا...واللسان كمان...بس الصنعة بأه...

بس اللسان هنا لكائنات غريبة...

أنا كنت باعمله طواجن فى الكويت بصراحة يستاهل بقك...

بص مع عزومة القلقاس نديها طاجان لسانات :lol:

بس هاتو معاك عشان المصدر يكون مضمون :lol:

سلام

[ehabtaher]

د سوسو خدى بالك من نفسك يعنى

د تهامى يلمح انه حاينزل بموضوع المطاعم يلاقيكى نازلاله بصور من مطعم سورى ... وفين ... فى عقر داره

د تهامى يلمح انه حاينزل بالشوبينج .... تسبقى وتنزلى انت بموضوع الثيرمال ... انا بقولك بس لو عايزه حد يشتغل ليكى سيكيوريتى ب 11 دولار الساعه .. قولى بس .. فيه ناس سداده

[د هشام ابراهيم]

أمم فتحتوا نفسي يا شباب

بص يا باشا منك ليه (كوول و فريش أهو علشان ما حدش يقول اني محبكها ) :closedeyes:

أكيد أكل البيت غير أكل المطاعم .....يعني المشويات البرازيلي غير فتة الموزة .....عارف يا Z ..... المدام الصراحة بتعمل فتة موزة ضاني ما لهاش حل و أحلي من بتاعتك يا Z و تحدي .....نرد بقي نقطة نقطة باعتباري خبير في الأكل ....و لا حتقاوح في ديه كمان

-الفول و الطعمية

مطاعم مصر تكسب طبعا .....ما فيش في كندا مطاعم فول و الفلافل هنا لبناني ...حمص مش فول .....فكرة حلوة أهو للمطاعم ....مطعم Z فول و فلافل

بيتي بقى الفول و الطعمية متوفرين و مستلزماتهم .....زيت و لمون و كمون و شطة و غيره ....و كل الأنواع الفول معلب و سايب و من كل حتة في العالم شرق و غرب ....و الطعمية من أول الفول المدشوش و الخضرة ..... مرورا بالعجينة المحبشة و لحد الهاف بروسيسد من فرج الله و الطعم زي مصر بالظبط

اللي مش موجود العيش المقبب السخن ....بس ده برضه مش بالساهل في مصر ...علي الاقل في القاهرة ....يعني ممكن تفتح مخبز بلدي كمان يا Z

اللي مصر تكسب فيه ..البدنجان ما فيش منافس

- الفتة

مطاعم ...جيروزالم عنده فتة حلوة انما الصراحة البيت يكسب بس بجد أحلي لحمة ضاني و أحلي نيفة كلتها في كندا ....... اللي وحش هنا الفراخ ...مدهننة و زفرة ..... انما اللحمة بالذات النيفة أحلي من مصر بمراحل

النقطة الأهم بقي انك ضامن الحاجة .... يعني لا مسرطنة و لا مروية بمية صرف صحي و لا ملوثة و لا ..و لا ....... هيه مش عايز أكمل علشان ما أقفلش نفس حد

- السي فود

معاكم إن شوربة فواكه البحر سواء في اسكندرية أو في السواحل عموما ما حصلتش انما الجمبري و الاستاكوزا و الكابوريا و المحار في كندا ما حصلوش .....اللي ممكن تتقارن بلجيكا انما مصر صعب الصراحة يا شباب

مصر تكسب في السمك ....بوري و بلطي و بوربون بس برضه فيه

نقطة مهمة .....أنظر عاليه بند التلوث و السرطان

- الستيك

يا Z يا راااجل ...... ستيك إيه اللي كان ناشف ده و أكلته فين ...... أوعي كمان تكون بتطلبه فيري ويل دان ....علي فكرة يا معلم Z أنا مقاطع الساحل الشمالي ....سلوكيات الناس هناك يتفات لهم بلاد

- مطاعم ما لهاش طعم

صعبة ديه قوي يا Z أنهي مطاعم اللي ما لهاش طعم ....الكندي و لا الايطالي و لا اللبناني و لا التركي و لا الافغاني و لا اليوناني و لا المكسيكي و لا البرازيلي و لا الأسباني و لا الياباني و لا الصيني و لا التايلاندي و لا الهندي و لا الفرنساوي و لا الفارسي و لا إيه بالظبط يا مفتري

- الشاورمة

معاكم طعمها مختلف بس الشاورمة الشامي في سكاربورو جامدة جدا و يا سلام لما تحبس بعديها بكنافة نابلسي و يران تركي

اللي فاضل بس باشمهندس Goodfaith يدلنا علي المطعم الأثيوبي ده علشان نجربه و نقيمه ...قلبي حاسس إنه في دانفورث قرب القرية اليونانية

بون أبتي للجميع

[moheltohamy]

صباح الخير عليكم جميعاً... صاحي بدري النهارده وشارب كابوتشينو بالفرينش فانيللا بتاع تيم هورتونز ، وعامل دماغ حلوة...

نبدأ نرد ع الناس بقى ، بس بنظام هشام ، أقدميات يعني bv:-

وطالما سخنتوا الموضوع يبقى هننزل بموضوع المطاعم أول حاجة ، بس بعد ما نرد ع الناس الأول...

يا مسهل يا رب...

[moheltohamy]

معلش يا تهامي يا أخويا :sad: و الف حمدلله على سلامتك :)

أنا بس مش عايزاك تحرق دمك wst::

أمال تقول ايه للي بيدخن في قلب المستشفى

و هيه closed area و مكيفه smk:

و لما نقوله بس لو سمحت

السيجاره يبصلك من فوق لتحت أكن الواحد هوه المتخلف bv:-

سبحان الله في خلقه -_-

الموقف ده زبالة يا بنت مصر مش هاختلف معاكي عليه ، لكن لو قارنتيه بالمطار...

المطار أول حاجة بيشوفها الأجنبي من البلد ، وبياخد الإنطباعات الأولى عن مصر. وكذلك بتكون آخر حاجة بيشوفها من البلد قبل ما يمشي. والكلام ده مش بس السائح الأجنبي ، برضه إبن البلد اللي راجع لها ، و - المفترض - واحشاه!

أنا ما شفتش الصراحة حد بيدخن أبداً في المطار كده بكل استهبال وقلة أدب غير في مصر ، في الكام مطار اللي رحتهم مستحيل حد يتجرأ ويعملها... مطارات الدمّام - الطائف - البحرين - الدوحة - دبي - جوهانسبيرج - هيثرو - شارل دي جول - فرانكفورت - زيورخ - بيرسون - كالجاري - إدمونتون! ويا ريت حد من السادة اللي راحوا مطارات تانية يصبرونا لو كانوا لمحوا حد ماشي بسيجارة في وسط أي مطار تاني!

آه سوري... كنت هانسى! فعلاً فيه واحد كان بيدخن في مطار الدمام... مصري!

حاجة هم! :sad:

حاجة تانية أحب أقول لكم عليها...

وانا ملطوع على جمب ومنتظر حد يقوللي موقف الباسبور بتاعي إيه ، وإذ بي أفوجأ بعقيد داخل على الرائد المسئول عن صالة 2 في مطار القاهرة ، واحتد بينهم النقاش في وسط الصالة ، والناس كلها متابعة الموقف ، وألاقي البيه العقيد بيزعق للرائد ، وبيقول له (يا باشا دي تقوللي أنا عليها... أنا المسؤول عن ** أم النبطشية دي مش فلان) bv:-

طبعاً مش محتاج أقول الحرفين اللي قالهم البيه بالصوت الحيّاني في وسط صالة المطار قدّام كل اللي داخلين البلد ، سواء من أهلها أو من الأجانب ، وسواء رجال أو سيدات أو أطفال! bv:-

وييجي زناتي يقوللي مش عارف إيه! بلا خيبة يا سي Z! :sad:

[Spanish Eyes]

صباح المزاج العنب bv:- يا مشرفنا يا مشرفنا بس احيات ابوك يا شيخ تنزل الاول بالشوبينج مش المطاعم مش لازم ناكل المهم الشوبينج طب اعمل استفتاء كدة وحتلاقي كل الفيميلز بيهتفوا للشوبينج طب بلاش عشان خاطري خليها عشان خاطر اختنا اسكندرانية خلاص وقتها ضيق جدا خالص مسافرة في يوليو bv:-

[myusername]

طبعاً مش محتاج أقول الحرفين اللي قالهم البيه بالصوت الحيّاني في وسط صالة المطار قدّام كل اللي داخلين البلد ، سواء من أهلها أو من الأجانب ، وسواء رجال أو سيدات أو أطفال! bv:-

وييجي زناتي يقوللي مش عارف إيه! بلا خيبة يا سي Z! bv:-

فيه معلومات استخبارية غير مؤكدة... بتقول ان البشمهندس Z استسلم بعد خبر تعيين ابن زكى بدر وزير "للتربية و التعليم" bv:- :sad:

مطارات مصر... حدث ولا حرج! و انا فى صالة الانتظار اللى بنستنى فيها الاتوبيس عشان نروح الطيارة... كان فيه طيارتين المفروض يطلعوا فى نفس الوقت... طيارة لمدريد و طيارة لبرشلونة (اللى انا كنت راكبها)... بس فضلنا ملطوعين نص ساعة عشان مكنش فيه اتوبيسات كفاية, و اضطروا يركبوا الناس اللى رايحة على طيارة مدريد الاول... و استنينا عشان يجيبوا نفس الاتوبيس عشان نروح طيارة برشلونة... طالما انهم مش قادرين يطلعوا طيارتين فى نفس الوقت, بيعملوها ليه؟ :sad:

[znaty]

أمم فتحتوا نفسي يا شباب

بص يا باشا منك ليه (كوول و فريش أهو علشان ما حدش يقول اني محبكها ) wst::

أكيد أكل البيت غير أكل المطاعم .....يعني المشويات البرازيلي غير فتة الموزة .....عارف يا Z ..... المدام الصراحة بتعمل فتة موزة ضاني ما لهاش حل و أحلي من بتاعتك يا Z و تحدي .....نرد بقي نقطة نقطة باعتباري خبير في الأكل ....و لا حتقاوح في ديه كمان

-الفول و الطعمية

مطاعم مصر تكسب طبعا .....ما فيش في كندا مطاعم فول و الفلافل هنا لبناني ...حمص مش فول .....فكرة حلوة أهو للمطاعم ....مطعم Z فول و فلافل

بيتي بقى الفول و الطعمية متوفرين و مستلزماتهم .....زيت و لمون و كمون و شطة و غيره ....و كل الأنواع الفول معلب و سايب و من كل حتة في العالم شرق و غرب ....و الطعمية من أول الفول المدشوش و الخضرة ..... مرورا بالعجينة المحبشة و لحد الهاف بروسيسد من فرج الله و الطعم زي مصر بالظبط

اللي مش موجود العيش المقبب السخن ....بس ده برضه مش بالساهل في مصر ...علي الاقل في القاهرة ....يعني ممكن تفتح مخبز بلدي كمان يا Z

اللي مصر تكسب فيه ..البدنجان ما فيش منافس

- الفتة

مطاعم ...جيروزالم عنده فتة حلوة انما الصراحة البيت يكسب بس بجد أحلي لحمة ضاني و أحلي نيفة كلتها في كندا ....... اللي وحش هنا الفراخ ...مدهننة و زفرة ..... انما اللحمة بالذات النيفة أحلي من مصر بمراحل

النقطة الأهم بقي انك ضامن الحاجة .... يعني لا مسرطنة و لا مروية بمية صرف صحي و لا ملوثة و لا ..و لا ....... هيه مش عايز أكمل علشان ما أقفلش نفس حد

- السي فود

معاكم إن شوربة فواكه البحر سواء في اسكندرية أو في السواحل عموما ما حصلتش انما الجمبري و الاستاكوزا و الكابوريا و المحار في كندا ما حصلوش .....اللي ممكن تتقارن بلجيكا انما مصر صعب الصراحة يا شباب

مصر تكسب في السمك ....بوري و بلطي و بوربون بس برضه فيه

نقطة مهمة .....أنظر عاليه بند التلوث و السرطان

- الستيك

يا Z يا راااجل ...... ستيك إيه اللي كان ناشف ده و أكلته فين ...... أوعي كمان تكون بتطلبه فيري ويل دان ....علي فكرة يا معلم Z أنا مقاطع الساحل الشمالي ....سلوكيات الناس هناك يتفات لهم بلاد

- مطاعم ما لهاش طعم

صعبة ديه قوي يا Z أنهي مطاعم اللي ما لهاش طعم ....الكندي و لا الايطالي و لا اللبناني و لا التركي و لا الافغاني و لا اليوناني و لا المكسيكي و لا البرازيلي و لا الأسباني و لا الياباني و لا الصيني و لا التايلاندي و لا الهندي و لا الفرنساوي و لا الفارسي و لا إيه بالظبط يا مفتري

- الشاورمة

معاكم طعمها مختلف بس الشاورمة الشامي في سكاربورو جامدة جدا و يا سلام لما تحبس بعديها بكنافة نابلسي و يران تركي

اللي فاضل بس باشمهندس Goodfaith يدلنا علي المطعم الأثيوبي ده علشان نجربه و نقيمه ...قلبي حاسس إنه في دانفورث قرب القرية اليونانية

بون أبتي للجميع

اهو دة الكلام اللي انا .ااقدره ..واشمه ..واستطعمه :sad:)))

احييك يا هيتش على ارائك المطبخيه ..اللي تفتح الشهيه ...

مع تحفظي على بعض الملاحظات سعادتك bv:-

انت عارف السمك في بورسعيد يا باشا كام نوع ؟؟

انت عارف ان البوري لوحدة عندنا كام نوع ؟

بوري و قطع ( بفتح القاف ) وجرانه وفحار وسهيلي وهليلي وكلهم بحر موش مزارع يعني ولا تقوللي مسرطن ولا مهدرج ولا حاجة.تسمع عن النقط سعادتك ؟ او اللوت والشفش

اكيد تسمع عن الدنيس والقاروص والوقار والسيوف والبربوني والا الحنشان ( تعبان البحر ) حاااسب يا معلم

سعادتك دول سمك الصفوة ..اللي الوجبة منها تلحس المخ

روح كل في مطعم البرج عندنا والا الكاستن وبعدين تعالي كلمني عن مطاعم العالم كله موش بس كندا في السي فود

ممكن تفقد النطق بس من الشوربة والا من الملوخية بالجمبري ( ستارتر بس )

المشويات سعادتك .. سعادتك في كندا كلها مطعم زي ابو شقرة والا الدهان ؟؟؟في الطعم قصدي

في مطعم للاسف موش فاكر اسمه بس موش هاقدر انساه ابدا

كنت معزوم فيه عزومة بيزنس وتعارف ..اللي كان عازمني فيه عارف دار غريب للنشر ؟ اشهر دور النشر في مصر بتاعة خواطر الشعراوي ..صاحبها شخصيا ..واخو مدير معرض القاهرة الدولي للكتاب

في المطعم دة شفت تقريبا نص مشاهير البلد بييجو ياخدوا طلباتهم ديلفري بالاشباح والبي ام والجاجوار وخلافه

في المدبح تقريبا او الضاهر موش فاكر ..حته شعبيه جدا جنب المدبح ..

رهيييييييييييييييييييييب ..يا خي طز في مليون كندا جنبه ..كان بيعمل سجق غريب رفيع جدا وقصير قد صباع ايدك الصغير كدة ..ايدك ايه ..صباه طفل صغير ..من ضمن المقبلات يعني

وغيره وغيره سعادتك ..النيفة عنده تتوصف في روشته bv:-

اما الستيك بقة يا صديقي موش موضوع ويل دان والا غيرة ..والا موضوع مطعم معين ..مانا كلت مليون ستيك في مليون مطعم ..بس الوجبة نفسها ناشفة كدة ماتجريش ريقي يعني

ماسيبتش نوع من انواع الستيك الا ماجربته ..بس انسي ..هيا امريكا عمرها قدمت للعالم وجبة حلوة ؟؟ اصلا ماعندهومش ذوق في الاكل يا باشا

كله هامبرجر وستيك وجانك فوود لا يسمن ولا يغني من جوع

بخصوص المطاعم الانترناشيونال بقي

انت عاوز تفهمني مثلا ..ان كندا ..فيها ميتروبوليس اكتر من دبي ؟؟

ابقي روح الاول دبي وتعالي احكم

يا فندم على مدار 4 سنين مضت وانا باقضي كل عيد صغير في دبي وبعدها اسبوع

فيها كل مطاعم العالم وبمستويات تضرب كندا بالبرطوشة :sad:

وطبيعي ..اذا كان متوسط الدخل في كندا من 4 الى 6 الاف دولار في الشهر للي حالة متزبط

ومتوسط الدخل في دبي للاجانب والاماراتيين ( موش المصريين للاسف ) من 20 الف دولار وانت طالع في الشهر

يبقي مافيش مقارنة يا حبيبي وعمر مطاعم كندا ما هاتبهرني يا شقيقي bv:-

بكرة نتقابل يا صاحبي في كندا وفي مصر وهاظبطك علشان شكلك ذواقة زيي :sad:

وانا مصمم ننزل مصر مع بعض علشان اكيد هارجعك بحلقة خواطر حلوة ومختلفة تماما

[znaty]

طبعاً مش محتاج أقول الحرفين اللي قالهم البيه بالصوت الحيّاني في وسط صالة المطار قدّام كل اللي داخلين البلد ، سواء من أهلها أو من الأجانب ، وسواء رجال أو سيدات أو أطفال! bv:-

وييجي زناتي يقوللي مش عارف إيه! بلا خيبة يا سي Z! :sad:

فيه معلومات استخبارية غير مؤكدة... بتقول ان البشمهندس Z استسلم بعد خبر تعيين ابن زكى بدر وزير "للتربية و التعليم" bv:- wst::

مطارات مصر... حدث ولا حرج! و انا فى صالة الانتظار اللى بنستنى فيها الاتوبيس عشان نروح الطيارة... كان فيه طيارتين المفروض يطلعوا فى نفس الوقت... طيارة لمدريد و طيارة لبرشلونة (اللى انا كنت راكبها)... بس فضلنا ملطوعين نص ساعة عشان مكنش فيه اتوبيسات كفاية, و اضطروا يركبوا الناس اللى رايحة على طيارة مدريد الاول... و استنينا عشان يجيبوا نفس الاتوبيس عشان نروح طيارة برشلونة... طالما انهم مش قادرين يطلعوا طيارتين فى نفس الوقت, بيعملوها ليه؟ smk:

لا لا انا بس دروخت شوية من الخبر بس فقت تاني :sad:

طب ماهو الاخ تو دة يا سيدي اتلطع في مطار تورونتو ساعة باين تاخير عن معاد الطيارة وراحت عليه الكونيكشن ورجع الدمام الساعة 2 الفجر بدل 10 بالليل :sad:

بكرة يا حبيبي هاتقلع بلبوص في مطارات اوروبا وكندا بعد التشديدات الاخيرة وتقول عمار يا مصر bv:-

[myusername]

بكرة يا حبيبي هاتقلع بلبوص في مطارات اوروبا وكندا بعد التشديدات الاخيرة وتقول عمار يا مصر bv:-

بمناسبة الموضوع ده... يا ريت اى حد يعدى عالمطارات يقول لنا ايه آخر الاخبار... bv:-

عموما ان شاء الله الموضوع هيقعد له شهرين كده و يهدى... للاسف احنا اللى بنتعك فى حوارات ملناش فيها من اساسه bv:-

[moheltohamy]

عاشت كندا حرة مستقلة...

بلد مجرد سيرتها تخليك تشعر بالفخر ، وترفع راسك وتقضي مصالحك في كل مكان تروحه...

وبلد تانية جايبالنا الإكتئاب ، والبهدلة وقلة القيمة ، كل ما نفكر نيجي ناحيتها!

أنا زهقت بقى بجد...

كلاكيت مش فاكر المرة الكام... هوّه عرض مستمر في واقع الأمر...

تحياتي من مطار القاهرة! :sad:

حمد الله على السلامة أولا يا د.تهامى

والله هو فعلا حاجة مزعجة أن الواحد يتعرض للمضايقات اللى من النوع ده فى المطار.....وخصوصا أنها متكررة معاك.

هون عليك يا دكتور.....للأسف البلد دى بقت بلدهم هما ....مش بلدن إحنا، أمال أنا مهاجر لكندا ليه؟!

نورت مصر يا دكتور

تسلم يا ابن سينا...

الموضوع مفيهوش أي مشاكل ليا ، هيه اللطعة اللي تخنق ، وكمان إنتظارك للطعة! وشكلك ويحيييش وانتا خارج م الصف وجاي على جنب ، وعسكري ياخدك على جوّه! bv:-

إحساس مهين!

لما نشوف آخرتها معاهم... وييجي زناتي يقوللي مش عارف إيه! الجدع ده هيموّتني! smk:

تحياتي من أرض المحروسة... وإن كنت مش عارف بعد كل البلاوي اللي فيها دي هل لا تزال محروسة؟! bv:-

ما هو احنا السبب .. عمالين نسيب البلد و نهج !!!!!!! -_-

عموما حمد الله عالسلامة ..

wst::

عموماً الله يسلّمك :sad:

وإن كنت مش فاهم الصراحة إيه اللي المفروض أعمله وما عملتوش؟ يمكن لو قعدت في البلد هترجع محروسة تاني؟! :sad:

يا ريت بجد تقوليلي أعمل إيه وحال البلد هينصلح ، وأنا أوعدك هاعمله فوراً! bv:-

كفااارة يا دكتور تهامى و دعوتنا معاك

واللة فكرتنى بفيلم احنا بتوع الا توبيس

انتم السابقون و نحن الاحقون (فى كندا طبعا....ان شاء اللة)

عن قريب يا هندسة ، ونسمع عنك سمع خير يا رب...

[moheltohamy]

حمدل على السلامه يادكتور تهامى باشا روق ياباشا مش كده

ياى لطعوك فى المطار تعال شوف الكندين الاخلاق

وحنا جاين كان معنا شنط كتيره جدا 12شنطه كبيره و10 هندباج

والله كنت بزق عربيه واحمد عربيه وبنت عربيه وقام اتنين

من موضفين المطار كل واحد زقله عربيه تخيل

والله مكنتش مسدقه عقلى ايه الاخلاق ده

الواحد مش متعود

على العموم احمد ربنا انك متقعدش فى مصر الحبيبه طول السنه

اخبار هند ايه سلام كبير

ايمانو من اوتاوا

ألف حمد الله ع السلامة يا باشا ، ولو إنها متأخرة أنا عارف... بس خلاص هاحاول ألتزم بترتيب المداخلات عشان ما أنساش حد.

واللي بتقوليه ده على فكرة من بديهيات الحياة والأخلاق عندهم... تحسّي إن الناس دول متربيين!

وحامده والله وشاكر فضلة على طول ، والأجازة اللي بانزلها مصر بابقى نفسي بديلي يتأخر كام يوم ، أو يطلعلي أي كورس أو تدريب فيها يقصقص من فترتي هناك شوية.

إلاّ صحيح... إنتي مش ناوية تفتحيلك قهوة كده على ما أوسوم لذكرياتك مع أوتاوا؟ وممكن برضه goodfaith تشاركك بالنص ، وأشارك معاكم باليومين اللي رحتهم في أوتاوا برضه bv:-

قلتي إيه؟ bv:-

[اسكندرانيةكنداوية]

يا نهار أبيض زى تلج كندا أغيب عن المنتدى نص ساعة ألاقى الموضوع دخل فى مقارنة بين المطارات كمان bv:- مش كفاية د/ هشام و م/ زناتى و مقارنة المطاعم لما كبروها فى دماغ د/ تهامى و عايز ينزل بحلقات المطاعم الأول

يا جماعة سيبوا د/ تهامى يركز فى موضوع الشوبينج الأول دة موضوع حيوى و دراسة الجدوى و الميزانية محتاجة وقت bv:-

و بعدين نقارن بين بين الكاستن و البرج فى بورسعيد و البرج و أسماك أبو قير فى مصر الجديدة و زفير و سى جل فى إسكندرية و كباب الوهيبى فى بورسعيد و شاكر و صبحى فى القاهرة و موزة وكباب بلبع و فتة و كوارع الصفتى فى إسكندرية الموضوع دة توبيك لوحده بس خلونا فى الشوبينج الأول

حلو نظام الزنانة المصرى دة :sad:

تحياتى للجميع bv:-

[moheltohamy]

حدش أال مبروك ٢٠٠ صفحة

ولا الاكل كبس

مبروك يا دكتور

الف مبروك وعقبال الصفحة الالف

وانشاالله ما حد حوش

مدام wnam ، أحمد باشا...

شاكر ليكم الملاحظة دي ، والله يبارك فيكم. بس خلاص بقى... العدد في اللمون!

موضوع شات وصل لـ 327 صفحة!

وانا اللي كنت فاكر إن الموضوع الكبير معناها إنه دسم ومليان معلومات!

عادي بقى! bv:-

[moheltohamy]

صباح المزاج العنب ;) يا مشرفنا يا مشرفنا بس احيات ابوك يا شيخ تنزل الاول بالشوبينج مش المطاعم مش لازم ناكل المهم الشوبينج طب اعمل استفتاء كدة وحتلاقي كل الفيميلز بيهتفوا للشوبينج طب بلاش عشان خاطري خليها عشان خاطر اختنا اسكندرانية خلاص وقتها ضيق جدا خالص مسافرة في يوليو angl::

يا صباح الورد و الكابوتشينو اللى بالفرنش فانيليا cof): تسلمى يا 'Spanish Eyes' على الكلمتين الحلوين دول و المساندة هم دول بنات حوا صحيح

أيوة و النبى يا باشمهندس دكتور مشرف تهامى باشا إنزل بموضوع الشوبينج الأول و سلم لى على مصر و المصريين هى دى ميزة مصر أى حاجة و كل حاجة فى أى وقت وكل وقت وأى مكان وكل مكان و الحياة ماشية ولا أسهل ولا أسوء أمال إحنا سايبنها و متغربين من سنين و كمان مهاجرين لية بس برضه و بالرغم من دة كله ليها مكانها فى القلب و ضرورى تفضل فيه علشان إسمه إية دة اللى بيسموه التوازن النفسى

تحياتى يا دكتور و ماتنساش موضوع الشوبينج

يا نهار أبيض زى تلج كندا أغيب عن المنتدى نص ساعة ألاقى الموضوع دخل فى مقارنة بين المطارات كمان :protest: مش كفاية د/ هشام و م/ زناتى و مقارنة المطاعم لما كبروها فى دماغ د/ تهامى و عايز ينزل بحلقات المطاعم الأول

يا جماعة سيبوا د/ تهامى يركز فى موضوع الشوبينج الأول دة موضوع حيوى و دراسة الجدوى و الميزانية محتاجة وقت

و بعدين نقارن بين بين الكاستن و البرج فى بورسعيد و البرج و أسماك أبو قير فى مصر الجديدة و زفير و سى جل فى إسكندرية و كباب الوهيبى فى بورسعيد و شاكر و صبحى فى القاهرة و موزة وكباب بلبع و فتة و كوارع الصفتى فى إسكندرية الموضوع دة توبيك لوحده بس خلونا فى الشوبينج الأول

حلو نظام الزنانة المصرى دة

تحياتى للجميع

مدام اسكندرانية...

شكلك كده حرّيفة مطاعم ، وهتتعبينا في الجناح ده لما نوصل له! :happy:

وبالنسبة لموضوع الشوبنج... الموضوع متشعب جداً بجد... يعني مثلاً ، لما نيجي نتكلم على الأجهزة الإلكترونية والكهربية ، هتيجي سيرة الكاميرات ، وساعتها هابدأ أتكلم على تقسيم الكاميرات وخصائص التصوير ، ومميزات كاميرا عن التانية ، وهينتهي في درس عن التصوير الديجيتال في الآخر! wst::

اللي أقدر أؤكدهولك إني هانزله بأسرع ما أقدر (ASAP يعني) ، بس ما تسربعونيش عشان ما يطلعش ناقص ملح! :blush2:

والعزيزة سبانيش آيز... تؤمري يا فندم ، وبجد هاحاول أنجز فيه على قد ما أقدر ، بس مش هاكون مبسوط وأنا منزله ناقص سوى!

إلا مفيش أخبار تفرح تاني صحيح؟ ;)

[Spanish Eyes]

ادعيلي انت بس لحسن الجماعة تقلانين عليا على الاخر وانا مليش في نظام السسبنس دة واكيد حتكون اول واحد افرحك

ميرسي على سؤالك