كندا التي رأيتها :)

[myusername]

انا عندى اقتراح... و طبعا حضرتك تقدر ترفض او تقبل.

بما ان حضرتك هترد على مشاركات من اكتر من شهرين, ايه رأى حضرتك تقفل الموضوع عشان محدش يضيف اى ردود جديدة, و طبعا بما ان حضرتك مشرف... يبقى تقدر ترد على الموضوع حتى لو مقفول!

عشان اكون واضح اكتر.. الفكرة ان الردود عمالة بتزيد.. فالحل ان الموضوع يتقفل عقبال ما حضرتك ترد على كل المشاركات.

1- حضرتك تقفل الموضوع.

2- حضرتك ترد على كل المشاركات اللى فاتت, و طبعا هتقدر ترد لانك مشرف حتى لو الموضوع مقفول.

3- حضرتك تفتح الموضوع تانى بعد ما تخلص الرد على كل المشاركات القديمة.

اتمنى ان يكون الاقتراح واضح.

[moheltohamy]

انا عندى اقتراح... و طبعا حضرتك تقدر ترفض او تقبل.

بما ان حضرتك هترد على مشاركات من اكتر من شهرين, ايه رأى حضرتك تقفل الموضوع عشان محدش يضيف اى ردود جديدة, و طبعا بما ان حضرتك مشرف... يبقى تقدر ترد على الموضوع حتى لو مقفول!

عشان اكون واضح اكتر.. الفكرة ان الردود عمالة بتزيد.. فالحل ان الموضوع يتقفل عقبال ما حضرتك ترد على كل المشاركات.

1- حضرتك تقفل الموضوع.

2- حضرتك ترد على كل المشاركات اللى فاتت, و طبعا هتقدر ترد لانك مشرف حتى لو الموضوع مقفول.

3- حضرتك تفتح الموضوع تانى بعد ما تخلص الرد على كل المشاركات القديمة.

اتمنى ان يكون الاقتراح واضح.

واضح يا فندم... بس حاسس إنه هيكون جاف جداً إني أعمل حاجة زي دي. بالإضافة إن ردودي مش واجب عاوز أعمله وأخلص منه...

دي إنطباعات وآراء ممكن جداً حد يحب يعلّق عليها ، أو يقول رأيه فيها.

مش مرتاح أبداً إني أعمل كده...

وشكراً لرأيك على أي حال

[moheltohamy]

الف حمدلله على سلامتك يا دكتور تهامي

كان لي تعليق : مصر هتفضل طول عمرها محروسة ، يكفي ان فيها خير اجناد الارض و انها مذكورة في القرآن

العيب فينا احنا و سلوكيتنا الغلط مش في البلد

مصر زمان لما كانت الناس عندها ضمير كانت احسن البلاد

و اوعى تنسى ا دكتور تهامي انك لسة معاك البسبور المصري

يعني انت مصري رسميا سواء شئت ام ابيت

مرة تانية : نورت المحروسة :protest:

الله يسلمك يا برنسيس...

أنا ما جيتش ناحية أجناد الأرض خالص دلوقتي! وحتى لو خير أجناد الأرض من غير تسليح كويّس ، هيحارب بإيه؟ بالكوع؟ :blush2:

ثانياً... هيه مصر إيه يا برنسيس غير بأهلها؟! لو أهلها وحشين تبقى إيه قيمة مصر؟

اللي بيخنقني وخنق الدكتور هشام هوّه الفلاح البسيط اللي طيبة الدنيا فيه (زي ما ناس بتقول) ، اللي مُصِر يحرق قش الرز ، ويتحايل على القانون إنه يحرقه في عز الليل ، وطظ في التلوث ، هيه البيئة دي من بقية أهلنا؟

اللي بيسممني هوه العامل البسيط وصاحب المصنع اللي بيصرّف الكيماويات السامة في نهر النيل ، ومش فارقة معاه إن دي المياه اللي بنشربها ، وإن السموم دي مش رايحة بعيد... آخرها كلاوينا!

اللي بيرمي مخلفاته والحيوانات الميتة في النيل همّه البسطاء في القرى ، ولا يفرق معاهم نتيجة عمايلهم دي!

اللي بيلوث النيل والترع بالبلهارسيا هوّه برضه الفلاح البسيط ، اللي بس لو عمل دوران 180 درجة ، وعمل بيبيه ع الأرض يبقى ماتت السركاريا في كام ساعة!

اللي بيخنقني بدخان سيجارته هوّه المواطن البسيط اللي ما عندوش دم ، ولازم أطلب منه يطفيها بمذلة ومسكنة عشان يتعطف عليّا ويطفيها!

اللي بيغلّس عليّا في كمين مرور (زي اللي في طريق شرم مثلاً) هوّه حتت أمين شرطة لا عنده علم ولا عقل ولا ذوق ، لكن بوظيفته بقى له سلطة عليّا!

اللي بيعطل مصالحي الحكومية أو في المرور مثلاً هوّه مواطن مصري بسيط ، ممكن يكون ساكن جمبي مثلاً ، ولازم أشوفه بقرشين عشان آخد حقي!

اللي بيعاكس بنت ماشية في الشارع مواطن مصري بسيط مش شايف إن البنت اللي في الشارع دي أخته ولا من جنسه أصلاً ، وإلا كان ع الأقل كف أذاه عنها.

لما واحد راكب عجلة ويخبط بنت وهيه ماشية من ضهرها ، ويجري ، ومحدّش من الشارع يتحرك من مكانه! لدرجة إني أنا اتجننت وجريت وراه بالعربية ولبسته في الرصيف ، ونزلت فيه تلطيش! والناس ماشية.... عااااادي جداً!

لما أتسرق والحرامي بيجري قدامي وأقول للناس اللي في الشارع حرامي يا جدعان ، والحرامي ماشي في وسطهم ، ودول عمالين يتفرجوا علينا! تقوليلي مصريين؟!

لما أشوف كليب ع اليوتيوب لمخبر زي البغل ماسك بنت من شعرها ونازل فيها ضرب لدرجة إن قلبي وجعني أوي من المنظر ، وتقرئي تعليقات إن أكيد دي شـ***** ، وتستاهل اللي يجرالها ده! هيه بقت كده؟!

لما ألاقي مصالحي وقفت بعد عذاب 3 أسابيع بسبب غباء الموظفين! وخلاص لبست في شجرة! والدنيا قفلت ومالهاش حل خلاص... تقوليلي المصريين؟

لما يكون الأساس في أي عمل أو أي حاجة إن الحاجة هتتعمل غلط ، ولازم تحتاطي عشان ما تبوظش الدنيا منك ، ولازم تقفي فوق دماغهم عشان الشغل يمشي صح... تقوليلي مصريين؟

لما يكون المتوقع إن همبكة والفهلوة هي الطبيعي في كل حياتنا ، حتى فيما يتعلّق بأرواح الناس... تقوليلي مصريين؟

لما يكون الفساد بقى هوه الديفولت يا برنسيس ، ولم يعد استثناء... هتقوليلي مصر برضه؟

مين هوّه المصري بالتحديد يا برنسيس؟ حدديهولي يمكن أكون غلطان! angl::

هل هوّه أنا وانتي و د.هشام والشامي وباقي زمايلنا في المنتدى؟ في دي ما اعتقدش!

ساعات باحس إن اللي هنا دول crème de la crème. ولاّ يمكن يكون كل المصريين كده؟ :happy:

أنا مصري صحيح يا برنسيس... بس بجد تعبت من الحياة في مجتمع كله مصريين!

ساعات الفلاّح بيخفف تركيز الزرع عشان يعرف يستفيد بخيرات التربة ، وينمو صح.

يمكن ده حالنا... تركيزنا في حتة واحدة هيقضي عليها وعلينا؟!

[GSoleiman]

تهامي باشا...

أن لسة راجع من سفرية طويلة ويادوب فتحت المنتدى لقيت ردك دة...

أنا متفق معاك ١٠٠ في ال-١٠٠ في كل حاجة قلتها ...

وربنا يديم علينا نعمة كندا أو حتى الفيزا إلي الحمد لله أخدنها...وربنا يكتبلنة الإستقرار هناك ونرتاح من الفساد إلي مشي في مصر زي السرطان...

ابقى سمعنا صوتك كدة يا دكترة زي زمان...احنا بردو ولاد كار واحد...

حمدلله عالسلامة يا مديرنا...

[adamdec]

والله يا دوك مش عارفة اقولك ايه غير عندك حق

انا لما ابديت اقرأ المحاورات كنت يسأل نفسى هى فين الناس دى؟ هو لسة فى ناس كده؟ يا ريت مصر كلها كانت تبقى زى الناس الحلوة الى هنا.

انا شخصيا جوزى قالى ان الNew year resolution بتاعى ان انا ابتدى افكر فى نفسى و بس عشان اعرف اعيش فى البلد دى. هو الأول كان مقتنع بوحهة نظرى ان لو كل واحد اتغير للأوحش يبقى البلد حتفضل محلك سر و عمرها ما حتتغير. بس السنين بتعدى و احنا زى ماحنا بنحاول نبقى ناس محترمة و متحضرة و مافيش أى تحسن حوالينا, لدرجة ان انا بيجيلى اكتئاب لما بعرف انى لازم انزل اعمل مشوار فى مصلحة حكومى أو غير حكومى والله كله محصل بعضه.

انا اسفة انى طولت و فضفت بس مشاركتك دى جت على الجرح

[alaashabana]

أنا ما جيتش ناحية أجناد الأرض خالص دلوقتي! وحتى لو خير أجناد الأرض من غير تسليح كويّس ، هيحارب بإيه؟ بالكوع؟

ثانياً... هيه مصر إيه يا برنسيس غير بأهلها؟! لو أهلها وحشين تبقى إيه قيمة مصر؟

اللي بيخنقني وخنق الدكتور هشام هوّه الفلاح البسيط اللي طيبة الدنيا فيه (زي ما ناس بتقول) ، اللي مُصِر يحرق قش الرز ، ويتحايل على القانون إنه يحرقه في عز الليل ، وطظ في التلوث ، هيه البيئة دي من بقية أهلنا؟

اللي بيسممني هوه العامل البسيط وصاحب المصنع اللي بيصرّف الكيماويات السامة في نهر النيل ، ومش فارقة معاه إن دي المياه اللي بنشربها ، وإن السموم دي مش رايحة بعيد... آخرها كلاوينا!

اللي بيرمي مخلفاته والحيوانات الميتة في النيل همّه البسطاء في القرى ، ولا يفرق معاهم نتيجة عمايلهم دي!

اللي بيلوث النيل والترع بالبلهارسيا هوّه برضه الفلاح البسيط ، اللي بس لو عمل دوران 180 درجة ، وعمل بيبيه ع الأرض يبقى ماتت السركاريا في كام ساعة!

اللي بيخنقني بدخان سيجارته هوّه المواطن البسيط اللي ما عندوش دم ، ولازم أطلب منه يطفيها بمذلة ومسكنة عشان يتعطف عليّا ويطفيها!

اللي بيغلّس عليّا في كمين مرور (زي اللي في طريق شرم مثلاً) هوّه حتت أمين شرطة لا عنده علم ولا عقل ولا ذوق ، لكن بوظيفته بقى له سلطة عليّا!

اللي بيعطل مصالحي الحكومية أو في المرور مثلاً هوّه مواطن مصري بسيط ، ممكن يكون ساكن جمبي مثلاً ، ولازم أشوفه بقرشين عشان آخد حقي!

اللي بيعاكس بنت ماشية في الشارع مواطن مصري بسيط مش شايف إن البنت اللي في الشارع دي أخته ولا من جنسه أصلاً ، وإلا كان ع الأقل كف أذاه عنها.

لما واحد راكب عجلة ويخبط بنت وهيه ماشية من ضهرها ، ويجري ، ومحدّش من الشارع يتحرك من مكانه! لدرجة إني أنا اتجننت وجريت وراه بالعربية ولبسته في الرصيف ، ونزلت فيه تلطيش! والناس ماشية.... عااااادي جداً!

لما أتسرق والحرامي بيجري قدامي وأقول للناس اللي في الشارع حرامي يا جدعان ، والحرامي ماشي في وسطهم ، ودول عمالين يتفرجوا علينا! تقوليلي مصريين؟!

لما أشوف كليب ع اليوتيوب لمخبر زي البغل ماسك بنت من شعرها ونازل فيها ضرب لدرجة إن قلبي وجعني أوي من المنظر ، وتقرئي تعليقات إن أكيد دي شـ***** ، وتستاهل اللي يجرالها ده! هيه بقت كده؟!

بجد يا دكتور تهامى كلامك دة خلانى اكتب فى موضوعك يمكن من زمانة اوى وانا متابع المنتجى وخصوصا موضوعك بس لما لاقيت الكلام عن مصر قولت كفاية بقى ولازم اتكلم

من فنرة تقريبا فتحت موضوع يبقى انت اكيد فى مصر وحطيت صور عن اللى موجوج فى مصر وناس كتير هاجمتنى وقالت كلام مش كويس فى حقى وقالوا انى علشان طلعت برة مصر بقيت مش طايقها

انا فعلا عاوز اقول حاجة فى قلبى اوى من زمان وانا اسف اللى يزعل يزعل .. لو بايدى كنت استغنيت عن الجنسية دى بجد .. علشان كدة كلنا هنا بنحاول نشوف بلد تانية نلاقى فيها الراحة والامان والاحترام اللى مش موجود فى بلدنا ..

فعلا الناس بتتكلم عن مصر ويقولوا الحكومة هى اللى غلطانة بس لاسف يا جماعه زىما تهامى قال العيب مش بس فى الحطومة العيب من اصغر موظف لاكبر موظف فيها

للاسف فعلا الواحد مننا لما بنزل اجازة مصر بيبقى مش طايق يكمل فيها باقى الاجازة .. وان كان عليا نفسى اجيب كل واحد صاحبى وكل واحد اعرفة بلد تانية بعيد عن مصر ..

للاسف فعلا والله كل البلاد هتتغير الا احنا لاننا خلاص بقينا بلد من اعفن البلاد فى العالم من حيث النظام والنظافة والمرور والروتين والهبكة وكل الكلمات اللى تخطر فى بال سيادتكم ..

الناس اللى بتتكلم عن مصر وهى بتقول ان مصر بلد الامان ومصر هى امى ومصر هتفضل محروسة وانا اراهن بكل ما املك انه لو راح فى يوم علشان يطلع ورقة من الحكومة ولما يلف السبع دوخات علشان موظف ملهوش اى لزمة غير انة مكسل يشتغل ساعته هيقول طظ ومليون طظ فى مصر وفى اللى عاوز يحبها ..

يا استاذة احنا فى مصر متبهدلين متهدلين متبهدلين وللاسف بنزعل علشان دة بيحصلنا جوة بلدنا لوما بنخرج برة بلدنا ونروح اى بلد تانية بنلاقى الاحترام فى كل شى والمساواة فى كل حاجة ... ساعتها بنعرف قيمة مصر اللى اصلا ملهاش اى قيمة بالنسبالى واكيد بالنسبة لناس كتير .

نفسى بجد اللى بيحب مصر اوى اوى كدة وبيموت عليها وبيغير عليها يجى يقولى حاجة واحدة بس نفتخر بيها ونقول دى بلدنا .. يمكن كلنا لما فريق الكرة بيلعب مع بلد تانية بتبقى متحمسين يمكن علشان بتلاقى حاجة نقول اهى مصر شايفها دى بلدى ,, يمكن دى الخاجة الوحيدة اللى بتفكرنا بمصر واننا كويسين وباينين فى وسط العالم بس تعال عيش فيها وقولى رايك فيها اية وتعال شوف نفسك وانت دايخ علشان تطلع حتة ورقة ولا ليها اى قيمة علشان مجرد روتين مقرف البلد حطيتة لمجرد عاوزة شوية فلوس زياجدة ولا موظف ابن ستين فى سبعين عاوز يدوخك علشان حاسس انه قاعد فاضى مش اكتر ...

هتقولو عن مصر اية ولا اية .. هتتكلموا فى التعليم ومبادئ التعليم والمدارس والكليات.. ولا هتتكلموا فى التأمين الطبى والحياة الطبيه اللى بلا فخر عار بجد على بلد كبيرة زىمصر . ولا هتتكلموا عن الروتين اللى كل حاجة بتمشى بالواسطة والفلوس . ولا هتتكلموا عن المرور والعربياتاللى تلاقى عيل صغير سايق ميكروباص واول ما يشوف الشرطة يجرى وميهموش لو كانت واحدة كبيرة بتركب ولا عيل صغير بيركب..

هنتكلم عن الزبالة والدخان اللى فى كل شارع ولا عن الطرق اللى متكسرة علشان الحكومة هتركب الغاز وبعد ما يركبوة يسيبوا الشوارع زى ماهى متكسرة ملعون ابوها ما اتعملت تانى ..

هنتلكم عن الموظفين فى المطارات اللى لما بيشوفوا مصرى جاى من اى بلد تانية بيعاملوة كانة عسكرى تحت ايدة لمجرد فاكر ان كل واحد جاى من برة بيبقى متنك عليهم ..ولما بشوف اى اجنية بيعملها تعظيم سلام ..

هنتكلم عن الحمامات اللى فى طريق شرم الشيخ اللى بتدخلها بفلوس وللاسف كتير من القراء كتبوة فى بريد الاهرام عن المهازل دى ومحدش اتحرك ولا اى تغير حصل

..

هنتكلم عن المواصلات فى مصر والاتوبيسات اللى متنفعش للاستخدام الادامى ..

انا بقولها وقدام كل الناس واجرى على الله .. لو بايدى كنت اشتغنيت عن الجنسية المصرية وبستعر منها كمان .. ياريت كفاية لغاية كدة احسن الواحد فية كتير من اللى شافة فى مصر ...

[د هشام ابراهيم]

اهو دة الكلام اللي انا .ااقدره ..واشمه ..واستطعمه :D)))

احييك يا هيتش على ارائك المطبخيه ..اللي تفتح الشهيه ...

مع تحفظي على بعض الملاحظات سعادتك :P

.......................

روح كل في مطعم البرج عندنا والا الكاستن وبعدين تعالي كلمني عن مطاعم العالم كله موش بس كندا في السي فود

في المدبح تقريبا او الضاهر موش فاكر ..حته شعبيه جدا جنب المدبح ..

.................................

رهيييييييييييييييييييييب ..يا خي طز في مليون كندا جنبه ...............

باقضي كل عيد صغير في دبي وبعدها اسبوع فيها كل مطاعم العالم وبمستويات تضرب كندا بالبرطوشة :lol:

غلبتني معاك يا Z ...بس أرجع و أقول برضه الله يكون في عونك و يعينك ....واضح انك متوافق مع أحوال الشرق الاوسط و أكيد اللي رماك علي المر في كندا الشديد القوي ...ربنا معاك يا باشا و يعينا كلنا ...بص يا سيدي حارد برضه نقطة نقطة

أنا قلت مصر تكسب كندا في السمك بس لو حنقارن بقي يبقى بلجيكا تكسب مصر و بمراحل ...حتقولي إيه اللي جاب سيرة بلجيكا حاقولك و هو إيه اللي جاب سيرة دبي

علي ذكر دبي ...دبي إيه اللي متروبوليتان .....المدينة الوحيدة في العالم اللي تنافس تورنتو في تعدد الجنسيات و الثقافات هي نيو يورك ... أنا زرت دبي و ما عجبتنيش ....آه متزوقة جدا انما ما فيهاش روح ...كل حاجة فيها اصطناعية و مبالغ فيها ده غير إن الناس فيها معاملتهم مش لطيفة ....علي الأقل مقارنة ببلاد الدنيا المحترمة قال متروبولتان قال .... يا Z دبي مستعمرة هندية ...مواطني شبه القارة الهندية من هنود و باكستان و بنجلادش و سريلانك هما أهل البلد الحقيقيين ..... تورنتو فيها هنود أيوه بس مش كده ...تورنتو فيها أحياء كاملة متشربة بثقافة البلد الأصلي للسكان يعني زي شينا تاون كده فيه ذا جريك فيلاج و ليتيل ايطالي إلخ إلخ ...يعني لما تروح مطعم يوناني في الحي اليوناني قوي كل اللي شغالين فيه أصلهم يوناني و بيتكلموا يوناني و بيطبخوا يوناني مش زي ما تروح مطعم يوناني كل اللي فيه هنود ...قيس علي كده كل المطاعم اللي رصتها فوق ديه ...تقولي دبي .....و بعدين متوسط دخل إيه يا Z بس ....ما طبعا الشيوخ و الخبراء الأجانب دخولهم خرافية انما دبي فيها عشوئيات أسوأ من اللي في مصر و عمال بيشتغلوا بالسخرة و في ظروف غير ادمية أسكت يا Z و النبي خلي الواحد ساكت

نرجع للسمك ....السمك حتي لو فرضنا كله من البحر يبقى برضه ملوث يا عم الحاج ..البحر المتوسط أكتر بحر متلوث علي سطح الأرض ما فيش دولة بتطل عليه إلا لما بترمي بلاوي فيه و مائه مش متجدد بسرعة لأن اتصاله بالمحيط في نقطة ضيقة ......ما علينا .....

المطاعم أنا أكلت في البرج و أكلت في الكاستن اه الأكل حلو بس مش مبهر يعني ....أعلي من العادي .....مطاعم في كندا كتير جدا كمان أحسن منه بمراحل ....ده كفاية قلة أدب و قلة ذوق الجارسونات اللي في الكاستن ....

علي ذكر الاكل بقي أحلي مطاعم في الدنيا كانت في اسطنبول و أشيك مطاعم في العالم في باريس و أكتر مطاعم تخسسك في اليابان اللي فيها أغلي مطاعم شفتها في حياتي في طوكيو ... و أسوأ مطاعم في ألمانيا و أحلي سي فود في بروكسل و أحلي ستيك في كندا و أجمد كنافة كانت في عمان إيه اللي جاب سيرة دول ...أنظر عاليه ...ده غير إن أنت اللي قلت مطاعم العالم

الدهان و أبو شقرة و كمان فرحات و شاهين و عنتر و أنس و حتي المطعم اللي في المدبح اللي مش عايز حتي أعرفه .....آه أكلهم حلو و لما بانزل مصر لازم أكل من حد منهم ...انما طعمهم ما فيش أحلي منه ...لا و ألف لا و مش حاقول مطاعم العالم ... في كندا اللي بتشتم فيها ديه في أحلي منهم و بمراحل بس لما تيجي و تقعد شوية حتعرف و المطاعم فيها علي كل المستويات لو عايز الغالي قوي و اللي يبهرك فيه ...أنا مصمم انك ما كلتش ستيك بجد في تورنتو و ما رحتش مطعم ستيك من التقال لا إما طلبت السوا زيادة ....علي العموم أدي الجمل و أدي الجمال ..المرة الجاية بس نظبطها و حاوريك يا مغلبني

[moheltohamy]

عزيزي جورج ، مدام نادين...

والله يا جماعة أنا يمكن متشائم شوية في نظر البعض ، لكني شايف نفسي عملي في حقيقة الأمر.

كنت قبل كده ثورجي ونفسي أعدّل الحال المايل ، وكانت النتيجة إني كنت بابقى معرّض للمشاكل والرفد من شغلي في أحيان كتيرة. وفضلت كده لغاية ما كبرت وعقلت وفهمت الجنيا على حقيقتها... الدنيا المصرية.

سيب الدنيا زي ماهي ماشية... مش انتا اللي هتغير الكون... الكون المصري برضه!

وأينما وُجد المصري في موقع المسئولية (حتى بره مصر ، في الخليج مثلاً) ، توقعوا الأتيتيود ده... وده الديفولت بكل أسف... إلا من رحم ربي!

يعني تتخيّلوا إني أكره لبلدي تكون سعيدة وراقية ومتحضرة؟! أكره إن ماما وأختي اللي مصرين على الإستقرار في مصر حتى إشعار آخر ، إنهم يعيشوا في بلد أمان ومحترمة؟!

لكن أنا مش باحلم أحلام العصافير زي زناتي ، ومسيرها تروق وتحلى ، إلى آخر الكلام والأحلام الوردية دي!

أنا بكل أسف لا أعتقد إننا هنلحق نشوف حال البلد اتعدل ، يمكن أحفادنا يشوفوه! لكن لا أعتقد إننا أو أولادنا هنلحقه!

عاوزكم بس تبصوا على الفيديو اللي سيبته في المداخلة اللي فاتت ، وتقولولي لو كنت مبالغ في إحساسي إن قلبي وجعني! أه والله العظيم حسيت زي ما يكون بغصة بس في قلبي وانا باشوف الحيوان ده بيضرب البنت ، أياً كان الذنب اللي عملته!

والأدهى والأمر ، لو قدرتوا تلاحظوا نظرة الرعب ع البنت التانية اللي واقفة على جمب ، من اللي منتظرها بعد زميلتها ما تخلّص المطحنة ، وييجي الدور عليها!

يرضي مين بس ده يا ربي؟! :lol:

أقول لكم على حاجة كنت عاوز أتكلم عليها لما نبدأ الكلام عن المرور في كندا.

كان عندي أمل إن ممكن بشوية ضبط وتنفيذ قوانين المرور ، وحال المرور يتظبط في البلد ، ويرجع الاحترام للمشاه وإشارات المرور ، لغاية ما شفت مشهد دمّر جوّايا أي أمل... فاكرين الفيلم بتاع (المواطن أحمد ابراهيم القاكن بدير النحاس ، لا تشرب هذا الدواء ، الدواء فيه سم قاتل)... فاكرين الفيلم ده؟

في أول الفيلم والبنت بتعدّي شارع رمسيس على ما أتخيل... جه واحد مسكها من إيديها ، وبيساعدها تعدّي الشارع. حد خد باله من المشهد ده؟

الراجل والبنت بيعدّوا الشارع ، والعربيات هتدوسهم ، وهمّا بيسلّكوا نفسهم ما بين العربيات! :D

نفس النظام اللي بنعمله دلوقتي... يعني من أيام الفيلم ما اتعمل (1930 بأقصى تقدير) ولغاية دلوقتي (2010) يعني بنتكلم في 80 سنة ، وأسلوبنا ما اتغيّرش! تنتظروا إيه اللي هيتغير ونشوفه في عمرنا أو عمر أولادنا؟! :lol:

تاخدوا حتتين كمان ، لأ ... 3 حتت ، عشان نقضي على أي أمل لسّه جوّاكم ، وسامحوني على كده؟

أفتكر موقف كان حصل أيام تانية طب ، وكان دكتور التشريح العصبي في المحاضرة وسأل واد مننا سؤال ، وبيتدوّر يكتبه ع السبورة. الواد غمز اللي قاعد جمبه عشان يسنده بأي حاجة... الواد قال له هات 3 جنيه!

اللذيذ إن الدكتور سمعها وضحك ، وقال له يعني بيقول لك اسندني بمعلومة تقول له هات 3 جنيه؟ فرد عليه وقال له بزنس يا دكتور!

ساعتها الدكتور قال لنا كلنا: بصّوا يا ولاد... البلد دي بخير طول ما البزنس ده ما دخلش في حاجتين... الطب والقضاء. ومش هاقول أي تعليق ، أسيب لكم انتو التخيل والتفكير في الحقيقة المرة.

وبرضه كان عندي أمل إن حال البلد ينصلح لأي سبب كان ، بس فوجئت بجزئيتين خوفوني جداً على أي أمل في صلاح للبلد ، ع الأقل على المستوى القريب...

في سورة الحشر (بَأْسُهُمْ بَيْنَهُمْ شَدِيدٌ) ودي كانت وصف لليهود ، وكان تفسيرها إنهم أشداء فيما بينهم ، لكنهم يضعفون عند حربهم لله ورسوله.

تعالى نشوف الصورة دي في الوقت الحالي... بكل أسف الصورة دي تنطبق علينا بالحرف! هتلاقينا إحنا المصريين بأسنا بيننا شديد على بعض ، لكن لو ظهر في الصورة حد أجنبي أو عربي ، نقلب نعامة قدامه! جرب تروح القسم بمشكلة مع حد أجنبي ، مش هيبان لك أصحاب! جرب تعمل مشكلة في اي دولة عربية مثلاً... هتاخد بالجزمة ، حتى لو كنت صاحب حق! وما تنتظرش سفارة بلدك تنصفك ؛ إذا كنت رخيص جوّه بلدك ، متوقع هتغلى عليها وانتا برّاها؟! :D

آخر حاجة بقى... فيه حديث بيقول (لعن الله قوماً ضاع الحق بينهم) ، وأعتقد مفيش مثال أوضح من حال البلد اليومين دول ، في أي مكان وأي موقف! وكنت دايماً باقولها (البلد دي ما بتجيبش حق حد)!

يا ترى يا زناتي لسّه شايف الأمل قريب؟! :P

[حسام يوسف]

حمد الله ع السلامة يا دكتور محمد

وربنا يعينك على الاشراف وعلى الرودو فى موضوعك

بجد ربنا يعينك

تحياتى من أسوان

[moheltohamy]

بجد يا دكتور تهامى كلامك دة خلانى اكتب فى موضوعك يمكن من زمانة اوى وانا متابع المنتجى وخصوصا موضوعك بس لما لاقيت الكلام عن مصر قولت كفاية بقى ولازم اتكلم

من فنرة تقريبا فتحت موضوع يبقى انت اكيد فى مصر وحطيت صور عن اللى موجوج فى مصر وناس كتير هاجمتنى وقالت كلام مش كويس فى حقى وقالوا انى علشان طلعت برة مصر بقيت مش طايقها

انا فعلا عاوز اقول حاجة فى قلبى اوى من زمان وانا اسف اللى يزعل يزعل .. لو بايدى كنت استغنيت عن الجنسية دى بجد .. علشان كدة كلنا هنا بنحاول نشوف بلد تانية نلاقى فيها الراحة والامان والاحترام اللى مش موجود فى بلدنا ..

فعلا الناس بتتكلم عن مصر ويقولوا الحكومة هى اللى غلطانة بس لاسف يا جماعه زىما تهامى قال العيب مش بس فى الحطومة العيب من اصغر موظف لاكبر موظف فيها

للاسف فعلا الواحد مننا لما بنزل اجازة مصر بيبقى مش طايق يكمل فيها باقى الاجازة .. وان كان عليا نفسى اجيب كل واحد صاحبى وكل واحد اعرفة بلد تانية بعيد عن مصر ..

للاسف فعلا والله كل البلاد هتتغير الا احنا لاننا خلاص بقينا بلد من اعفن البلاد فى العالم من حيث النظام والنظافة والمرور والروتين والهبكة وكل الكلمات اللى تخطر فى بال سيادتكم ..

الناس اللى بتتكلم عن مصر وهى بتقول ان مصر بلد الامان ومصر هى امى ومصر هتفضل محروسة وانا اراهن بكل ما املك انه لو راح فى يوم علشان يطلع ورقة من الحكومة ولما يلف السبع دوخات علشان موظف ملهوش اى لزمة غير انة مكسل يشتغل ساعته هيقول طظ ومليون طظ فى مصر وفى اللى عاوز يحبها ..

يا استاذة احنا فى مصر متبهدلين متهدلين متبهدلين وللاسف بنزعل علشان دة بيحصلنا جوة بلدنا لوما بنخرج برة بلدنا ونروح اى بلد تانية بنلاقى الاحترام فى كل شى والمساواة فى كل حاجة ... ساعتها بنعرف قيمة مصر اللى اصلا ملهاش اى قيمة بالنسبالى واكيد بالنسبة لناس كتير .

نفسى بجد اللى بيحب مصر اوى اوى كدة وبيموت عليها وبيغير عليها يجى يقولى حاجة واحدة بس نفتخر بيها ونقول دى بلدنا .. يمكن كلنا لما فريق الكرة بيلعب مع بلد تانية بتبقى متحمسين يمكن علشان بتلاقى حاجة نقول اهى مصر شايفها دى بلدى ,, يمكن دى الخاجة الوحيدة اللى بتفكرنا بمصر واننا كويسين وباينين فى وسط العالم بس تعال عيش فيها وقولى رايك فيها اية وتعال شوف نفسك وانت دايخ علشان تطلع حتة ورقة ولا ليها اى قيمة علشان مجرد روتين مقرف البلد حطيتة لمجرد عاوزة شوية فلوس زياجدة ولا موظف ابن ستين فى سبعين عاوز يدوخك علشان حاسس انه قاعد فاضى مش اكتر ...

هتقولو عن مصر اية ولا اية .. هتتكلموا فى التعليم ومبادئ التعليم والمدارس والكليات.. ولا هتتكلموا فى التأمين الطبى والحياة الطبيه اللى بلا فخر عار بجد على بلد كبيرة زىمصر . ولا هتتكلموا عن الروتين اللى كل حاجة بتمشى بالواسطة والفلوس . ولا هتتكلموا عن المرور والعربياتاللى تلاقى عيل صغير سايق ميكروباص واول ما يشوف الشرطة يجرى وميهموش لو كانت واحدة كبيرة بتركب ولا عيل صغير بيركب..

هنتكلم عن الزبالة والدخان اللى فى كل شارع ولا عن الطرق اللى متكسرة علشان الحكومة هتركب الغاز وبعد ما يركبوة يسيبوا الشوارع زى ماهى متكسرة ملعون ابوها ما اتعملت تانى ..

هنتلكم عن الموظفين فى المطارات اللى لما بيشوفوا مصرى جاى من اى بلد تانية بيعاملوة كانة عسكرى تحت ايدة لمجرد فاكر ان كل واحد جاى من برة بيبقى متنك عليهم ..ولما بشوف اى اجنية بيعملها تعظيم سلام ..

هنتكلم عن الحمامات اللى فى طريق شرم الشيخ اللى بتدخلها بفلوس وللاسف كتير من القراء كتبوة فى بريد الاهرام عن المهازل دى ومحدش اتحرك ولا اى تغير حصل

..

هنتكلم عن المواصلات فى مصر والاتوبيسات اللى متنفعش للاستخدام الادامى ..

انا بقولها وقدام كل الناس واجرى على الله .. لو بايدى كنت اشتغنيت عن الجنسية المصرية وبستعر منها كمان .. ياريت كفاية لغاية كدة احسن الواحد فية كتير من اللى شافة فى مصر ...

يا علاء يا حبيبي لو ركزت في كلامنا كلنا (بخلاف الواد Z الفلتان ده :lol: ) ، هتلاقينا كلنا لامسين كل العيوب دي وطلعت عين أهالينا كمان! أصبر بس لما أحكيلكوا على أجازتي اللي فاتت في مصر والنكد اللي شفته فيها :D

بس المشكلة إن أسلوبك هجومي شوية ، وده اللي بيزعل الناس منك. مانتاش محتاج تتكلم بكل العصبية والحُرقة دي يا عم الحاج عشان تقول إنك كاره الأوضاع اللي في البلد. كاره البلد دي كلمة كبيرة شويتين ، ومن الصعب تلمّها أو توصل لتعريف واضح لمعناها.

واسمحلي أوضح لك حاجة يا علاء... بلدك دي الناس اللي بره بيحبّوها ، ومش شايفينها وحشة ولا بالسوء اللي شايفينه إحنا اللي اتطحننا في مطحنة الروتين والعسكر بتوعها. يعني مش حاجة تستعر منها ولا أي حاجة زي ما بتقول.

وعلى فكرة... إنتا مصري مهما عملت ، أو حاولت تطلع من جلدك ، مش هتقدر صدقني.

الناس هتشوفك هيقولولك إنتا مصري؟ أنا قبل ما أسيب كندا بـ 3 تيام (من أسبوع بالظبط) مطعم أسباني في تورونتو ، لقيت الشيف جاي بيسلّم عليا عشان يشوف طلباتي المخصوصة ، وأول سؤال سألهولي كده خبط لزق (Are you Egyptian?) :P

ما تعملش زي الأرنب اللي خرج مبرطم من بيته عشان كل يوم أمه بتأكّله الخس والجزر! لف ولف ورجع تاني!

كلنا ناقمين ع الأوضاع الموجودة في البلد ، سواء من الحكومة أو من أهل مصر نفسهم أو من الطباع والمبادئ اللي اتربينا عليها واتضح لنا في الآخر إنها هجص!

لكن يا عزيزي خليك كووول ، وتعالى نتناقش بهدوء في المساوئ قبل المحاسن ، على الأقل عشان هدوءك وسلامك النفسي ، قبل أن يكون مع الغير.

[أكسيلانس]

:P

أحم أحم ,,

أن شايف الجو هنا سخن علي ألأخر ,, و أخنا في عز الشتاء ,,

أن ألحقيقه مش هدافع و ل أعترض علي كلام مشرفنا الفاضل,, لكن أن عايز أأكد علي شئ واحد ,, حب الناس لأوطنها ليس له علاقه بمدي جمال هذه ألأوطان ,, أو حتي بطيبه أهلها ,, هي مسألة فطره بشريه ,, كل واحد يحب يرجع لمسقط رأسه و يتمني لو كان هو أجمل مكان في الكون - و الدليل علي كده في كل مكان أسئلوا أخوانا العراقين ألي شافوا الويل علي أيد صدام حسين و هربوا من بلدهم - و أنا كنت التقي بيهم في لندن - و رغم بشاعة الوضع في العراق كانوا يبكوا علي بلدهم - و حتي ألأن - التقي بهم في 6 أكتوبر بمصر - نفس الشعور رغم أن بعضهم هرب بعد أن قتل أحد أفراد أسرته -

أما عن مصر -- فأنا أعتقد أن الوضع لا يختلف كثيرا - و كل منا له معها وجيعه شكل - ظلم , أو فساد , او كوسه ضيعت عليك حق - أنا شخصيا كنت أعتقد أني أخذت نصيبي من الغربه و السفر و أن لا يمكن أسافر تاني - الحمد لله مرتاح ماليا جدا ,, و عندي ألي يعيشني ملك ,, لكن فوجئت أن الفساد في ألأخلاق و الزمم وصل للقطاع الخاص - متمثل في شخصيه المدير الذي لا يحاسب - ثم يسخر كل وسائل العمل أرضائا لنزواته الشخصيه- راجل تعدي ألأربيعن - و يا ويل الي يعترض أو حتي يسأل - المسأله يصعب علي وصفها - عندما تشعر أن العداله و الحق و أصبحت سبه ,, لما تضطر تذاكر لمديرك الماجستير و تعملوا ألأبحاث علشان يسيبك تذاكر في حالك ,, هنا ,, تجد أن الهجره من مكان يوصم فيه من تمسك بالأخلاق أو المبادئ بأنه رجعي ,, قديم ,, راجل مش روش,, أحنا بنتكلم علي ناس 40 ال 45 سنه - تخيلوا أني عايز أهاجر من بلاد مسلمين الي بلاد غير ألمسلمين بحثا عن ألآحترام و ألمبادئ و ألأدميه , حاجه تزعل صح ,,

و كلي أيمان أن كل شئ بقدر ,, أنه لولا دفع الله الناس بعهم ببعض لفسدت ألأرض و يمكن يجي اليوم ألي أشكر فيه هذا الشخص الي هججني من البلد علي قرفوا ليه ,, لأنوا خلاني أخد قرار مصيري لم أكن أبدا أفكر فيه

للذلك رأي أننا ليس مخيرين ,, و أنما كل شئ بقدر - مصر حلوه , كندا وحشه ,, شبرا شقيه - مش مهم - أنت مكتوب للك أيههههههههههههه

:D ]

[znaty]

اهو دة الكلام اللي انا .ااقدره ..واشمه ..واستطعمه :D)))

احييك يا هيتش على ارائك المطبخيه ..اللي تفتح الشهيه ...

مع تحفظي على بعض الملاحظات سعادتك :lol:

.......................

روح كل في مطعم البرج عندنا والا الكاستن وبعدين تعالي كلمني عن مطاعم العالم كله موش بس كندا في السي فود

في المدبح تقريبا او الضاهر موش فاكر ..حته شعبيه جدا جنب المدبح ..

.................................

رهيييييييييييييييييييييب ..يا خي طز في مليون كندا جنبه ...............

باقضي كل عيد صغير في دبي وبعدها اسبوع فيها كل مطاعم العالم وبمستويات تضرب كندا بالبرطوشة mfb:

غلبتني معاك يا Z ...بس أرجع و أقول برضه الله يكون في عونك و يعينك ....واضح انك متوافق مع أحوال الشرق الاوسط و أكيد اللي رماك علي المر في كندا الشديد القوي ...ربنا معاك يا باشا و يعينا كلنا ...بص يا سيدي حارد برضه نقطة نقطة

أنا قلت مصر تكسب كندا في السمك بس لو حنقارن بقي يبقى بلجيكا تكسب مصر و بمراحل ...حتقولي إيه اللي جاب سيرة بلجيكا حاقولك و هو إيه اللي جاب سيرة دبي

علي ذكر دبي ...دبي إيه اللي متروبوليتان .....المدينة الوحيدة في العالم اللي تنافس تورنتو في تعدد الجنسيات و الثقافات هي نيو يورك ... أنا زرت دبي و ما عجبتنيش ....آه متزوقة جدا انما ما فيهاش روح ...كل حاجة فيها اصطناعية و مبالغ فيها ده غير إن الناس فيها معاملتهم مش لطيفة ....علي الأقل مقارنة ببلاد الدنيا المحترمة قال متروبولتان قال .... يا Z دبي مستعمرة هندية ...مواطني شبه القارة الهندية من هنود و باكستان و بنجلادش و سريلانك هما أهل البلد الحقيقيين ..... تورنتو فيها هنود أيوه بس مش كده ...تورنتو فيها أحياء كاملة متشربة بثقافة البلد الأصلي للسكان يعني زي شينا تاون كده فيه ذا جريك فيلاج و ليتيل ايطالي إلخ إلخ ...يعني لما تروح مطعم يوناني في الحي اليوناني قوي كل اللي شغالين فيه أصلهم يوناني و بيتكلموا يوناني و بيطبخوا يوناني مش زي ما تروح مطعم يوناني كل اللي فيه هنود ...قيس علي كده كل المطاعم اللي رصتها فوق ديه ...تقولي دبي .....و بعدين متوسط دخل إيه يا Z بس ....ما طبعا الشيوخ و الخبراء الأجانب دخولهم خرافية انما دبي فيها عشوئيات أسوأ من اللي في مصر و عمال بيشتغلوا بالسخرة و في ظروف غير ادمية أسكت يا Z و النبي خلي الواحد ساكت

نرجع للسمك ....السمك حتي لو فرضنا كله من البحر يبقى برضه ملوث يا عم الحاج ..البحر المتوسط أكتر بحر متلوث علي سطح الأرض ما فيش دولة بتطل عليه إلا لما بترمي بلاوي فيه و مائه مش متجدد بسرعة لأن اتصاله بالمحيط في نقطة ضيقة ......ما علينا .....

المطاعم أنا أكلت في البرج و أكلت في الكاستن اه الأكل حلو بس مش مبهر يعني ....أعلي من العادي .....مطاعم في كندا كتير جدا كمان أحسن منه بمراحل ....ده كفاية قلة أدب و قلة ذوق الجارسونات اللي في الكاستن ....

علي ذكر الاكل بقي أحلي مطاعم في الدنيا كانت في اسطنبول و أشيك مطاعم في العالم في باريس و أكتر مطاعم تخسسك في اليابان اللي فيها أغلي مطاعم شفتها في حياتي في طوكيو ... و أسوأ مطاعم في ألمانيا و أحلي سي فود في بروكسل و أحلي ستيك في كندا و أجمد كنافة كانت في عمان إيه اللي جاب سيرة دول ...أنظر عاليه ...ده غير إن أنت اللي قلت مطاعم العالم

الدهان و أبو شقرة و كمان فرحات و شاهين و عنتر و أنس و حتي المطعم اللي في المدبح اللي مش عايز حتي أعرفه .....آه أكلهم حلو و لما بانزل مصر لازم أكل من حد منهم ...انما طعمهم ما فيش أحلي منه ...لا و ألف لا و مش حاقول مطاعم العالم ... في كندا اللي بتشتم فيها ديه في أحلي منهم و بمراحل بس لما تيجي و تقعد شوية حتعرف و المطاعم فيها علي كل المستويات لو عايز الغالي قوي و اللي يبهرك فيه ...أنا مصمم انك ما كلتش ستيك بجد في تورنتو و ما رحتش مطعم ستيك من التقال لا إما طلبت السوا زيادة ....علي العموم أدي الجمل و أدي الجمال ..المرة الجاية بس نظبطها و حاوريك يا مغلبني

اه ..مخرجني من مصر الشديد القوي يا هيتش ...زي ماتقول عليا تار ولابد في الدرة :P

بص يا هيتش

باختصار علشان انا صدعت حقيقي وجالي اكتئاب ( موش منك والله اكيد ..ياريت كل اللي بيتحاوروا زيك والا حتى ربعك )بس انت اكيد فاهمني

موسوعة المطاعم العالمية والويكيبديا دي ماكنش الغرض منها مقارنة المطاعم والاكل والكلام دة ..قد ما كان المقصود من اللي انا قلته ..ان مصر برده جميلة واقدر استمتع فيها واشوف منها الحلو زي ما برده بعاني من الوحش

دي حاجة

الحاجة التانية ..صدقني يا صاحبي ..مافيش حاجة موجودة في العالم ...موش موجود زيها ويمكن احلى في مصر ..بس للاسف .للي معاه فلوس

اما ابو شقره احسن والا البرازيلي واللبخ ده ..دة في الاخر موضوع اذواق والاختلاف فيه طبيعي ومبرر ..لولا اختلاف الازواق لبارت السلع

بالمناسبة ؟؟دبي كلها هنود ..اوكي موافق ..طب وهو تورونتو اللي موش اكتر من نص سكانها صينيين ؟؟ وربعها طليان ؟؟ والربع الباقي بقة من كل الجنسيات ؟؟هانضحك على بعض ؟؟ دة انا كنت ماشي في بكين سعادتك موش في كندا

وبصراحة انا موش عارف ازاي بتقارن الدخل في كندا بالدخل في دبي ؟؟دة الهنود اللي انت بتتكلم عليهم في دبي دول انا شايفهم بعنيا نازلين من رولز رويس يا باشا

ماعتقدش ان كندا كلها فيها عربيتين رولز رويس على بعض ..والا ماكانوش الكنديين مغرقين الخليج ولا مؤاخذة واخوانا اللي شغالين في الخليج فاهمين انا باتكلم على ايه وجايز دة السبب الريئسي في مشروع الهجرة عندهم

انا اللي باقولك خليك واقعي ..انا قابلت ناس كتير اوي في الاسبوعين دول في كندا وموش عاوز اتكلم بس لاحسن الناس تفتكرني تورونتو والا حاجة :lol: ..خليني ساكت بس

موضوع الستيك دة ولو انه موش مهم اوي يعني :D

يا صديقي انا كلت ستيك في مطعم فرنساوي في كينج ويست وانت عارف المنطقة دي طبعا ..نظام تدفع 200 دولار كدة انت ومراتك زي الباشا وتقوم ..وكل اللي حوالينا كانوا بيزنس مين

واتغديت في مطعم السي ان تاور

وكلت ستيك في الفندق وانت عارفه لما كرهت حياتي

وكلت شاورمة في مطعم لبناني في سكاربروه

و و و 14 يوم غدا وعشا بالف علي المطاعم بجميع انواعها

عموما الخلاصة ..ممكن صحيح في مطاعم حلوة انا مالحقتش اروحها كلامك صح دول بس 14 يوم

بس قسما بربي ..لو كلت في كندا المن والسلوي ..ماتسوي عندي اكله حلوة مع اهلي في مصر ..اذواق بقة تقول ايه ؟

[Alrefaey]

باشمهندس زناتى

هل انت صدمت فى كندا ولا الواقع اللى شوفته بعد زيارتك لها كان مفاجىء بالنسبه لك ولا انت كنت عارف ولكن عيوبها كانت لا تعنيك لأنها لن تؤثر على هدفك .

كلنا بنحب مصر وفى نفس الوقت نسعى الى تحسين الاوضاع وتحقيق الطموح والاهداف

لكن عندى إحساس ان انطباعاتك بعد الاندنج انطابعات شخص مصدوم او ما رأءة لا يرقى الى مستوى طموحاته

ما جعلنى اقول لك ذلك لأن اى شخص كان يرى حماس زناتى فى الايلتس وقبل اللاندنج سيندهش من انطباعاته بعدها

عفوا اذا كنت مخطأ او تدخلت فى خصوصياتك

[znaty]

يا صلاة النبي

بقي سعادتك يا تو قائد مظاهرة ما شاء الله ما شاء الله في كره مصر

وهربان من مصر علشان الفلاح بيعمل بيبييه في الترعة ؟؟ :D

ايه يا واد المثاليه العالية دي ؟؟

تكونش نبي وانا موش واخد بالي ؟؟وهربان بدينك من بلاد الكفار ؟

المشكلة انك صاحبي وموش عارف اشوط فيك بس هاقولك الخلاصة علشان ارضي ضميري وبعدين ااقتلك براحتي باه :P

ماقدرش انكر اي حاجة من العيوب اللي انت ذكرتها واللي غيرك ممكن يذكرها وانا كمان ممكن اذكرلك اكتر واكتر لو عايز

ولو عملت كدة ابقي راجل موش واقعي وموش منطقي وباحلم احلام عصافير زي مابتقول

انا في برج عاجي ماناش عارف اللي بيحصل في بلدي والا دافن راسي في التراب زي النعامة

موش دي القضية يا صاحبي

لكن تسمح تقوللي انت عملت ايه يا كابتن مثالي في بلدك علشان تحاول تصلح الامور دي على قدك وحواليك بس غير انك تشتمها وتنتقدها فقط لا غير ؟

عمرك في سجدة بينك وبين ربنا وانت بتصلي تهجد والا حتى جمعه في المسجد ..دمعت ..وقلت من قلبك يااارب ..ارفع الغمة عن بلدي ..وهذب اخلاق اخواني المسلمين ..وارفع بلاء الغلاء والوباء وضياع الذمم والدين ؟؟

ياربي انت اللي قلت ..اهبطوا مصرا فان لكم ما سالتم

يارب ..انت اللي قلت ادخلوا مصر ان شاء الله امنين

يارب ..حبيبك ونبيك اللي قال ..استوصوا باهلها خيرا

يارب ..هاجر ام العرب وجدة نبيك المصطفي مننا ..يارب ازح الغمة عن قرابة رسول الله ..رد اهلي لاخلاقهم ودينهم يارب ..وارفع عنهم الحاكم الظالم

يارب ..اهلي عايشين في ظلم ..اين الرباط الي يوم الدين يا رب ؟

انت يا صديقي في المنتدي دة ..تعتبر على منبر صغير من منابر الاعلام ..اه فعلا ..زي التليفزيون كدة ..اي حد اي حد يقدر يفتحه ويتفرج

تقدر تقف قدام ربنا يوم القيامة وتقوله ايوة انا كنت باكره المصريين في بلدهم بدل ما حاول اني ارجع ثقتهم في بلدهم وافكرهم ان بيهم الغمة هاتزول لو التزموا باخلاق دينهم وربوا عيالهم على كدة ونصحوا جيرانهم وزمايلهم ؟؟

ما عاملتش ليه توبيك زي ماعملوا د الشامي زمان يحاول ...مجرد محاولة ..انه يعالج سلبيات على قده ولو حتى مانجحش ..زيحاجي بيه ربه يوم القيامة ويقول انا حاولت ياربي

بدل تشجع الناس على الفخر بوطنهم مهما كان فيه وفيه ..ومهما ضلمت يبقي اكيد هاتنور ..وهاتنور بيكم ..تسخنهم على بلدهم للدرجة اللي تخلي ناس انا شخصيا استعر من انهم مصريين للاسف ..يخش قدام الناس ويقول انا باستعر ان انا مصري ؟؟ لا والله مصر اللي بتستعر منك يا شيخ ..روح ماحدش ماسكك ولا هاتفرق معاها ..روح بره وخد جنسيه تانية وشوف مين اللي هايحترمك وانت مالكش اصل ولا جلد ..زي الحرباية مالهاش لون معروف

عارفين ؟؟اللي بيمدح كندا موش علشان هيا حلوة او بنظرة محايدة ..فقط ..علشان يذم في مصر واهلها بيفكرني بايه؟؟

باللي بيقول ..اللي يجوز امي ..ااقوله يا عمي

مثل قذر ...خلاص اللي هايعوضك عن مشاكل بلدك يبقي عمك ؟؟

هو لازم بلدك تبقي احلى بلد في الدنيا علشان تحبها ؟؟

اللي عمري ما شفت سوري مثلا بيشتم في بلده على الاقل قدام الناس برغم ان فيها فساد ماوردش على حد..وبطالة وغلا ووبا وفساد ذمم وكمان ارضهم محتلة و لسه عندهم شيوعية اللي خلصت من الدنيا كلها

اللي ما شفت سوداني بيشتم في بلده مع انهم عندهم بلاوي الدنيا وحرب اهلية ومرض ووفقر وجهل وغيره

الا ما شفت صيني بيشتم بلده مع انها قمة الدكتاتوريات وسياسة العبيد وهضم الحريات في العالم

مالكم يا مصريين ؟؟نشتم بلدنا وفي منتدي اسمه حوارات المصريين وعليه العلم اللي مات علشانه كتير وكتير ؟؟

شكلنا ايه قدام الناس يا اخي ؟؟

بص يا تو ..نناقش العيوب علشان ندور على حلول حاجة ..ونقود مظاهرات تكره الناس في بلدهم حاجة تانية

بالله عليكم يا اخوانا كفاية بقي .زرفقا ببلدنا واهلنا

ياما مرت علينا ايام اسوا من كدة والدنيا اتغيرت بعد كدة

انت عارف ان في 67 و 73 و 56 لم تسجل اي قسم من اقسام الشرطة حادثة واحدة ..حتي ياربي خناقة والا حادث مرور؟؟

في حين يوم ما بغداد وقعت ..كل البنوك اتسرقت واثارها بره لغاية النهاردة وهرب منها ملايين العراقيين

واحد صاحبي بيحيكيلي عن فلسطينيين معاهم جنسيات كندي وامريكي وغيره

اصحاب مناصب ورواتب

لما بيقولهم انا نازل اجازة ..بيقولوا ايه ؟؟ يا بختك ..عندك وطن

معني الوطن اكبر بكتير من نضافة ونظام يا صاحبي ..وبكرة تندم عليه

بس ساعتها لما تكبر ..اوعي تشتكي من برودة وجفاء الغربة

مانت اللي ضيعتك وطنك واهلك بايديك

لسة د فاروق الباز كان بيحكي

حفيدته بتتعلم في امريكا عندها 10 سنين

اول يوم في الدراسة المدرسة اتكلمت عن الحضارة المصرية

وقالت

التاريخ بيعيد نفسه

وممكن اوي مصر ترجع تاني زي زمان

راحت الطفلة سالت جدها

ممكن يا جدو التاريخ يعيد نفسه

قالها الباز

لازم موش ممكن

مصر تمرض اه ..تعيا وتذبل اه ..تموت لااا

احنا للاسف على دين الحاكم ..ودة فيه العبر ..يتغير ..هانتغير ..وفرجة قريب

بالله عليكم يا اخوانا كفاية اوي كدة سب في مصر

والا اسفا ..واعتزلكم وما تعبدون

بتسالني لسه عندك امل ؟؟

اه لسة عندي امل

عارف ليه ؟

علشان اشد ساعات الليل اظلاما ..قبل الفجر مباشرة

انا كدة قلت اللي عندي

[د هشام ابراهيم]

اه ..مخرجني من مصر الشديد القوي يا هيتش ...زي ماتقول عليا تار ولابد في الدرة :P

بص يا هيتش

باختصار علشان انا صدعت حقيقي وجالي اكتئاب ( موش منك والله اكيد ..ياريت كل اللي بيتحاوروا زيك والا حتى ربعك )بس انت اكيد فاهمني

موسوعة المطاعم العالمية والويكيبديا دي ماكنش الغرض منها مقارنة المطاعم والاكل والكلام دة ..قد ما كان المقصود من اللي انا قلته ..ان مصر برده جميلة واقدر استمتع فيها واشوف منها الحلو زي ما برده بعاني من الوحش

دي حاجة

الحاجة التانية ..صدقني يا صاحبي ..مافيش حاجة موجودة في العالم ...موش موجود زيها ويمكن احلى في مصر ..بس للاسف .للي معاه فلوس

اما ابو شقره احسن والا البرازيلي واللبخ ده ..دة في الاخر موضوع اذواق والاختلاف فيه طبيعي ومبرر ..لولا اختلاف الازواق لبارت السلع

بالمناسبة ؟؟دبي كلها هنود ..اوكي موافق ..طب وهو تورونتو اللي موش اكتر من نص سكانها صينيين ؟؟ وربعها طليان ؟؟ والربع الباقي بقة من كل الجنسيات ؟؟هانضحك على بعض ؟؟ دة انا كنت ماشي في بكين سعادتك موش في كندا

وبصراحة انا موش عارف ازاي بتقارن الدخل في كندا بالدخل في دبي ؟؟دة الهنود اللي انت بتتكلم عليهم في دبي دول انا شايفهم بعنيا نازلين من رولز رويس يا باشا

ماعتقدش ان كندا كلها فيها عربيتين رولز رويس على بعض ..والا ماكانوش الكنديين مغرقين الخليج ولا مؤاخذة واخوانا اللي شغالين في الخليج فاهمين انا باتكلم على ايه وجايز دة السبب الريئسي في مشروع الهجرة عندهم

انا اللي باقولك خليك واقعي ..انا قابلت ناس كتير اوي في الاسبوعين دول في كندا وموش عاوز اتكلم بس لاحسن الناس تفتكرني تورونتو والا حاجة :lol: ..خليني ساكت بس

موضوع الستيك دة ولو انه موش مهم اوي يعني :D

يا صديقي انا كلت ستيك في مطعم فرنساوي في كينج ويست وانت عارف المنطقة دي طبعا ..نظام تدفع 200 دولار كدة انت ومراتك زي الباشا وتقوم ..وكل اللي حوالينا كانوا بيزنس مين

واتغديت في مطعم السي ان تاور

وكلت ستيك في الفندق وانت عارفه لما كرهت حياتي

وكلت شاورمة في مطعم لبناني في سكاربروه

و و و 14 يوم غدا وعشا بالف علي المطاعم بجميع انواعها

عموما الخلاصة ..ممكن صحيح في مطاعم حلوة انا مالحقتش اروحها كلامك صح دول بس 14 يوم

بس قسما بربي ..لو كلت في كندا المن والسلوي ..ماتسوي عندي اكله حلوة مع اهلي في مصر ..اذواق بقة تقول ايه ؟

أنا بقي ما عنديش صداع و ما جاليش اكتئاب و حاكمل يا معلم Z

طبعا أكيد عليك تار امال سايب الكاستن و جاي ذا كيج ليه

بص يا محيرني معك نقطة نقطة برضه

- معاك مصر فيها حاجات حلوة كتير انما ما تقولش زي بقية الدنيا و لا عمرها ما حتحصل و لا حصلت ....و الله يا Z ما هي ويكبيديا ..الأماكن اللي كلمتك عليها كلها رحتها و شفتها بعيني غير أماكن كتير ما جبتش سيرتها أصلا

- مختلف معاك في حكاية الفلوس ديه خالص ...فاكر لما تقابلنا اختلفنا في نفس النقطة ....الفلوس في مصر مش ضمان لأي حاجة و لا هي المشكلة ... حتي اللي معاهم فلوس في مصر و واصلين كمان بيعانوا ...أكيد مش زي أغلب الشعب انما فيه حاجات الفلوس مش حتحلها و إديتك مثال الخدمة الطبية بس أنت ناسي

و بالمناسبة كمان زي ما اتفقنا اللي بيدور علي فلوس يبقى الخليج أحسن من كندا .....اللي عايز فلوس يعني

- الصينيين في تورنتو ...آه طبعا عددهم كبير لو حطيت مواطني شرق اسيا ..صين و يابان و اندونسيا و فلبين و ماليزيين يطلعوا بتاع تلت العالم كله تقريبا ...تورنتو مدينة كوزموبولتانية و فيها تمثيل لكل الأجناس و الأعراق ...إيه علاقة ده بدبي و بقية الخليج اللي متغرق بمواطني شبه القارة الهندية

و بعدين عندك حق في شينا تاون حتحس انك في شنغهاي و في ليتل ايتالي روما و في الحي البرتغالي لشبونة و قيس علي كده بقية تورنتو

- طبعا لولا اختلاف الأذواق و مش حازعل لو سعادتك أو الغائب الحاضر الميتر تورنتو أو أي حد ما عجبتوش تورنتو أو كندا كلها حتي ..... طبيعي جدا .... انما اللي مش طبيعي إن حاجة ما تعجبكش و تصمم عليها ..... حتي صعبة نفسيا حتي .....يعني أنا مش عاجبني حال الشرق الأوسط كله هجيت .... جيت كندا أستريحت استمريت و ربنا يديمها نعمة ...يوم ما أبقي كاره كندا و مش طايقها يبقى اسيبها إلا لو مانعني الشديد القوي ده اللي طبيعي و لا إيه بس يا Z .....

- عدد الهنود اللي راكبين رولز رويس في دبي قد إيه يا باشا مقارنة بعدد الهنود اللي ساكنين العشش و شغالين في المعمار زي العبيد

كل العربيات اللي تفكر فيها موجودة في كندا يا Z ما تخافش ..... أكيد مش زي الخليج اللي العربيات بتنزل ليهم مخصوص ايشي مدهب و ايشي مألمظ ....الكنديين مغرقين الخليج لان أصحابه بيغرفوا بالكبشة و يدوا أي خواجة أشقر من حاملي الباسبورتات المحترمة .....و من غير ضرايب ...ما يروحوش ليه ....بس افتكر نفس كلامي اللي إنت أصلا أقنتعت بيه ...إلي عايز فلوس ما يجيش كندا يروح راية ...قصدي الخليج يعني

- بالعكس يا Z مفروض تتكلم و تقول كل اللي حصل زي ما شفته ده واجبك ...فيه ناس كتير بتبني قرارات مصيرية علي اللي الناس بتقوله يبقى تقول الكويس و تقول الوحش علشان الناس تبقى علي بينة و ما تخافش احنا عارفين انك Z مش الميتر تورنتو

- يا دي الستيك ...أكيد طلبته فيري ويل دان ...اعترف .....يعني أكلت استيك ٣ مرات و نازل تشنيع علي الستيك في قارة أمريكا الشمالية كلها يا أبو العربي باشا - سيب نفسك بس ليا لما تشرف تورنتو و أنا حاغير رأيك

- صادق يا Z من غير حلفان ..بس كندا ما فيهاش من و لا سلوي هو الستيك اللي حيلتهم ...ينفع و لا لأ يا مغلبني

[د هشام ابراهيم]

Z أنا ما شفتش مداخلتك لتهامي غير بعد ما رديت علي مداخلتك ليا ...... بص روح أتوضي و صلي ركعتين و أهدي و بعدين تعالي .... حافظ علي وضوئك بقي علشان إن شاء الله حتلاقي رد مني حينرفزك تاني ....

أدعلنا معاك و إنت بتصلي يا عم الحاج

[znaty]

Z أنا ما شفتش مداخلتك لتهامي غير بعد ما رديت علي مداخلتك ليا ...... بص روح أتوضي و صلي ركعتين و أهدي و بعدين تعالي .... حافظ علي وضوئك بقي علشان إن شاء الله حتلاقي رد مني حينرفزك تاني ....

أدعلنا معاك و إنت بتصلي يا عم الحاج

انا قلت اللي عندي يا هيتش..لمن كان عنده قلب ..او القي السمع وهو شهيد

وكل انسان الزمناه طائره في عنقه

[د هشام ابراهيم]

يا صلاة النبي

بقي سعادتك يا تو قائد مظاهرة ما شاء الله ما شاء الله في كره مصر

وهربان من مصر علشان الفلاح بيعمل بيبييه في الترعة ؟؟ :D

ايه يا واد المثاليه العالية دي ؟؟

تكونش نبي وانا موش واخد بالي ؟؟وهربان بدينك من بلاد الكفار ؟

المشكلة انك صاحبي وموش عارف اشوط فيك بس هاقولك الخلاصة علشان ارضي ضميري وبعدين ااقتلك براحتي باه :P

الراجل ما قالش كده يا مفتري و ما حدش قال إنه بيكره مصر ...مين قالها ...كنا مصريين ده قدر محتوم و مش حيتغير و اعتزازنا بمصريتنا ضرورة علشان نعرف نعيش ...بس هو النقد عدم وطنية ...بلاش ديه الهجرة خيانة للوطن ....لو قلت آه حاحترمك جدا يا Z بس تبقى الحكاية خلصت خلاص

ماقدرش انكر اي حاجة من العيوب اللي انت ذكرتها واللي غيرك ممكن يذكرها وانا كمان ممكن اذكرلك اكتر واكتر لو عايز

ولو عملت كدة ابقي راجل موش واقعي وموش منطقي وباحلم احلام عصافير زي مابتقول

انا في برج عاجي ماناش عارف اللي بيحصل في بلدي والا دافن راسي في التراب زي النعامة

موش دي القضية يا صاحبي

حلو ...معاك ...إيه القضية

لكن تسمح تقوللي انت عملت ايه يا كابتن مثالي في بلدك علشان تحاول تصلح الامور دي على قدك وحواليك بس غير انك تشتمها وتنتقدها فقط لا غير ؟

عمرك في سجدة بينك وبين ربنا وانت بتصلي تهجد والا حتى جمعه في المسجد ..دمعت ..وقلت من قلبك يااارب ..ارفع الغمة عن بلدي ..وهذب اخلاق اخواني المسلمين ..وارفع بلاء الغلاء والوباء وضياع الذمم والدين ؟؟

ياربي انت اللي قلت ..اهبطوا مصرا فان لكم ما سالتم

يارب ..انت اللي قلت ادخلوا مصر ان شاء الله امنين

يارب ..حبيبك ونبيك اللي قال ..استوصوا باهلها خيرا

يارب ..هاجر ام العرب وجدة نبيك المصطفي مننا ..يارب ازح الغمة عن قرابة رسول الله ..رد اهلي لاخلاقهم ودينهم يارب ..وارفع عنهم الحاكم الظالم

يارب ..اهلي عايشين في ظلم ..اين الرباط الي يوم الدين يا رب ؟

في ديه معاك حق احنا ما عملناش حاجة لمصر ...فينا اللي حاول و فشل و فينا اللي ما حاولش و حال مصر مسئوليتنا جميعا ...دايما باقول كده ....بس أشمعني تهامي بس اللي حتشيله الليلة ...كلنا هذا الرجل و أولهم أنا و أنت

علي فكرة الايتين اللي في دعائك موجهين لبني اسرائيل مرة أيام سيدنا موسي و كانوا زهقوا من المن و السلوي و نفسهم في بقوليات و قثاء و عدس و بصل و فوم

و التانية ايام سيدنا يوسف

الحديث بقي ما بيعترفش بيه شيوخ الخليج كلهم و لا إيه يا حاج

انت يا صديقي في المنتدي دة ..تعتبر على منبر صغير من منابر الاعلام ..اه فعلا ..زي التليفزيون كدة ..اي حد اي حد يقدر يفتحه ويتفرج

تقدر تقف قدام ربنا يوم القيامة وتقوله ايوة انا كنت باكره المصريين في بلدهم بدل ما حاول اني ارجع ثقتهم في بلدهم وافكرهم ان بيهم الغمة هاتزول لو التزموا باخلاق دينهم وربوا عيالهم على كدة ونصحوا جيرانهم وزمايلهم ؟؟

ما عاملتش ليه توبيك زي ماعملوا د الشامي زمان يحاول ...مجرد محاولة ..انه يعالج سلبيات على قده ولو حتى مانجحش ..زيحاجي بيه ربه يوم القيامة ويقول انا حاولت ياربي

بدل تشجع الناس على الفخر بوطنهم مهما كان فيه وفيه ..ومهما ضلمت يبقي اكيد هاتنور ..وهاتنور بيكم ..تسخنهم على بلدهم للدرجة اللي تخلي ناس انا شخصيا استعر من انهم مصريين للاسف ..يخش قدام الناس ويقول انا باستعر ان انا مصري ؟؟ لا والله مصر اللي بتستعر منك يا شيخ ..روح ماحدش ماسكك ولا هاتفرق معاها ..روح بره وخد جنسيه تانية وشوف مين اللي هايحترمك وانت مالكش اصل ولا جلد ..زي الحرباية مالهاش لون معروف

متفق معاك ..المنتدي منبر من منابر الاعلام و كل كلمة محسوبة عليك و حتتحاسب عليها .....نقول الحق بقي و لا نقلب زي التيلفزيون المصري و الجرايد القومية و ننزل مديح و تبجيل .....فيه كلمة اتقالت مش حقيقية ...فيه نقد اتقال فيه تجني ....حد كدب و لا الف قصة علشان ينقد و لا يشتكي ....يعني نعمل إيه طيب

مكسوف علشان تهامي قال علي الفلاح اللي بيقضي حاجته في الترعة ....لو شفت منظر الناس اللي بيموتوا كل يوم من نزيف دوالي المريء بسبب البلهارسيا و إنت مش عارف تعملهم حاجة ما كنتش قلت حاجة

عارفين ؟؟اللي بيمدح كندا موش علشان هيا حلوة او بنظرة محايدة ..فقط ..علشان يذم في مصر واهلها بيفكرني بايه؟؟

باللي بيقول ..اللي يجوز امي ..ااقوله يا عمي

مثل قذر ...خلاص اللي هايعوضك عن مشاكل بلدك يبقي عمك ؟؟

هو لازم بلدك تبقي احلى بلد في الدنيا علشان تحبها ؟؟

اللي عمري ما شفت سوري مثلا بيشتم في بلده على الاقل قدام الناس برغم ان فيها فساد ماوردش على حد..وبطالة وغلا ووبا وفساد ذمم وكمان ارضهم محتلة و لسه عندهم شيوعية اللي خلصت من الدنيا كلها

اللي ما شفت سوداني بيشتم في بلده مع انهم عندهم بلاوي الدنيا وحرب اهلية ومرض ووفقر وجهل وغيره

الا ما شفت صيني بيشتم بلده مع انها قمة الدكتاتوريات وسياسة العبيد وهضم الحريات في العالم

مالكم يا مصريين ؟؟نشتم بلدنا وفي منتدي اسمه حوارات المصريين وعليه العلم اللي مات علشانه كتير وكتير ؟؟

شكلنا ايه قدام الناس يا اخي ؟؟

بص يا تو ..نناقش العيوب علشان ندور على حلول حاجة ..ونقود مظاهرات تكره الناس في بلدهم حاجة تانية

بالله عليكم يا اخوانا كفاية بقي .زرفقا ببلدنا واهلنا

ياما مرت علينا ايام اسوا من كدة والدنيا اتغيرت بعد كدة

انت عارف ان في 67 و 73 و 56 لم تسجل اي قسم من اقسام الشرطة حادثة واحدة ..حتي ياربي خناقة والا حادث مرور؟؟

في حين يوم ما بغداد وقعت ..كل البنوك اتسرقت واثارها بره لغاية النهاردة وهرب منها ملايين العراقيين

واحد صاحبي بيحيكيلي عن فلسطينيين معاهم جنسيات كندي وامريكي وغيره

اصحاب مناصب ورواتب

لما بيقولهم انا نازل اجازة ..بيقولوا ايه ؟؟ يا بختك ..عندك وطن

معني الوطن اكبر بكتير من نضافة ونظام يا صاحبي ..وبكرة تندم عليه

غريب أمرك يا Z لسه قايلين الكلمة مسئولية و أمانة و حنتحاسب عليها ...بقي صورتنا قدام العرب هي اللي فارقة .....احنا مالنا و مالهم في الزمن ده كل حاجة معروفة و ما فيش حاجة بتستخبي خلاص ...ما يقولوا اللي هما عايزين يقولوه انهي الاهم صورتنا قدام الناس و لا صورتنا قدام نفسينا

احنا في عصر اضمحلال يا Z مش حينفع معاه شعارات و خطب ....لا تحاول تصلح لا تسيب الدنيا و تمشي انما تغطية الجروح المتقيحة المسرطنة مش حيفيد حد

بس ساعتها لما تكبر ..اوعي تشتكي من برودة وجفاء الغربة

مانت اللي ضيعتك وطنك واهلك بايديك

الكلام بتاع دفء الشرق و برودة الغرب ده كلام هجص في هجص لا الشرق كله دفء و مودة و لا الغرب برود و جفاء ...فيه ده و فيه ده ...هنا و هنا

لسة د فاروق الباز كان بيحكي

حفيدته بتتعلم في امريكا عندها 10 سنين

اول يوم في الدراسة المدرسة اتكلمت عن الحضارة المصرية

وقالت

التاريخ بيعيد نفسه

وممكن اوي مصر ترجع تاني زي زمان

راحت الطفلة سالت جدها

ممكن يا جدو التاريخ يعيد نفسه

قالها الباز

لازم موش ممكن

كلام جميل ...قولتلي بقي فاروق الباز فين دلوقتي ...طب و لما حاول يعمل حاجة في مصر إيه اللي حصل

مصر تمرض اه ..تعيا وتذبل اه ..تموت لااا

احنا للاسف على دين الحاكم ..ودة فيه العبر ..يتغير ..هانتغير ..وفرجة قريب

بالله عليكم يا اخوانا كفاية اوي كدة سب في مصر

والا اسفا ..واعتزلكم وما تعبدون

بتسالني لسه عندك امل ؟؟

اه لسة عندي امل

عارف ليه ؟

علشان اشد ساعات الليل اظلاما ..قبل الفجر مباشرة

انا كدة قلت اللي عندي

برضه كلام جميل ما أقدرش أعلق عليه انما سؤال ...كون الناس علي دين حاكمهم ديه غلطة مين

يالا أرجع صلي ركعتين تاني و ما تنساش الدعا :lol:

[EmanRasmy]

يا جماعه ... انتوا كلكوا بتتكلموا صح.... مصر مليانه مشاكل و حاجات غلط... لكن لازم نفرق بين حاجتين مهمين .... حب مصر و حب الناس اللي في مصر .... متهيألي حب مصر مش عايز كلام .... دي حاجه غريزيه زي النفس كده ... حد يقدر يوقف نفسه؟!!.... أما حب الناس اللي فيها فممكن نشبهه بواحد مثلا ليه أب أو أخ مش كويس ... مدمن مثلا و حرامي و مش ملتزم بدينه ... هايبقى قرفان منه بس جواه بيحبه .. و بيدعيله انه ف يوم من الأيام يبقى كويس ... و طول الوقت زعلان عليه .. و بينتقده زينا كلنا ... ما ينفعش يبقى ( بعد الشر) أي حد أخوه كده ... و يروح يقتله مثلا أو يعاديه أو ينساه ..... ممكن يبعد عنه بس ف قلبه بيحن له و بيدعيله....

انا من كل قلبي بقول يا رب أصحى ف يوم ألقي مصر أم الدنيا رجعت تاني أم الدنيا بجد ... و أهلها اللي بيتقال عنهم طيبين .. يرجعوا طيبين بجد .. مش كده و كده... ده مصر برغم كل عيوبها ...هاتفضل بلدنا.. الحته الوحيده اللي بنرجع لها و يدفينا فيها حضن العيله سواء زعلانين أو مبسوطين ... مش طايقينها آه ... لكن نكرهها لأ...صحيح كندا بعد شويه ممكن تبقى بلدنا ... لكن مش وطننا ... يعني ذكريات الطفوله و الشباب و حكاياتك و حكايات صحابك و أهلك ... كل ده هو الوطن ... و كل أعضاء المنتدى لو مبيحبوهاش بجد في أعماقهم ... مش هينتقدوها ... لأن لو في واحد مضايقك و ما يهمكش أمره.. بكل بساطه هاتتجنبه ... لكن إنك تبقى زعلان منه أو عليه ... ده هو قمة الحب!!!

[ehabtaher]

الله ينور عليكى يا مدام ايمان

كل الحكايه ان علشان واحد يتعالج لازم تشخصى المرض واللى احنا بنعمله دلوقت تشخيص المرض اللى مصابه بيه مصر دلوقت علشان نفكر ازاى نعالجه (يمكن مثلا لما نستولى على كندا ونخلى مصر الولايه الاخيره فى الولايات الكنديه حالها يتصلح)

بس نرجع نقول ربنا مش حيحاسبنا ان احنا ليه سبنا مصر وعشنا فى كندا ... لكن حيحاسبنا احنا ليه مثلا سيبنا الصلاه والصوم والفروض) ولو مثلا قلنا علشان الناس فى مصر مش بيساعدونا نعمل كده .. ربنا ساعتها حيقول لنا الم تكن ارض الله واسعه .

يعنى الله بيحضنا للهجره . لان ارض الله واحده وربنا عايزنا نعمرها ونخلفه فيها. مش معنى كده اننى الزق فى مصر يعنى

لا .. ممكن اعمر فى كندا ..... ولو كنت السبب فى نشر دين الاسلام اللى هو دينى مثلا بين الكنديين اكيد فى ده ثواب اكبر من قعدتى فى مصر بين اهلى وناسى .... وحتى لو كنت مسيحى ملتزم وحاولت نشر دينى فى كندا (علشان محدش يقول عليا متعصب) اكيد حسابه برضه حيبقى عند ربنا... مش ده هو المفروض......... فى نهايه الامر ربنا عايزنا نخلفه فى الارض.... مش شرط تكون صحراء او مليانه تلج المهم ...... نعيش فى اى مكان ونعمل اللى علينا بما يرضى الله

اما حكايه الوطن دى .... ماشى انا مصرى وباحب مصر.... يا Z .... بس مش باحن للعوده اليه .... الا فى الاجازات فقط لا غير

لانها فى وضعها الحالى مش محتاجانى الا فى الاجازات

لما تحتاجنى فى حاجه اكتر من كده ... يمكن افكر ... بس مش ضامن الموضوع ده .... وانت كمان يا زناتى ... مش ضامنه

يا رب نشوفك كده فى كندا ... وابنك على حجرك وانت بتعلمه .... قول يا ولد ....... مصر هى امى ..... وهو يقول لك ... لا كندا