كندا التي رأيتها :)

[MaYousof]

وَإِذْ قُلْتُمْ يَا مُوسَى لَنْ نَصْبِرَ عَلَى طَعَامٍ وَاحِدٍ فَادْعُ لَنَا رَبَّكَ يُخْرِجْ لَنَا مِمَّا تُنْبِتُ الأَرْضُ مِنْ بَقْلِهَا وَقِثَّائِهَا وَفُومِهَا وَعَدَسِهَا وَبَصَلِهَا قَالَ أَتَسْتَبْدِلُونَ الَّذِي هُوَ أَدْنَى بِالَّذِي هُوَ خَيْرٌ اهْبِطُوا مِصْرًا فَإِنَّ لَكُمْ مَا سَأَلْتُمْ وَضُرِبَتْ عَلَيْهِمُ الذِّلَّةُ وَالْمَسْكَنَةُ وَبَاءُوا بِغَضَبٍ مِنَ اللَّهِ ذَلِكَ بِأَنَّهُمْ كَانُوا يَكْفُرُونَ بِآيَاتِ اللَّهِ وَيَقْتُلُونَ النَّبِيِّينَ بِغَيْرِ الْحَقِّ ذَلِكَ بِمَا عَصَوْا وَكَانُوا يَعْتَدُونَ (61)

الآية طبعا نزلت في بني إسرائيل لما خرجوا من مصر هروبا من الكفر والظلم والاستعباد ثم أرادوا العودة اليها لإن أكلها حلو !! الظاهر الأكل الحلو اللي بتحكي عنه يا هندسه هوا اللي مخلّي المصريين من قديم الأزل صابرين على العيشه المرّه والظلم والفساد ومش عايزين يسيبوها أو يغيروا أوضاعها.

اخي العزيز أحمد سيف

"مصر" البلد المذكور في القرآن الكريم اسم ممنوع من الصرف

"اهْبِطُوا مِصْرًا" المذكورة في هذه الآية ليست مصر التي خرج منها بنو اسرائيل

ليست مصر التي قال تعالى فيها "وَقَالَ الَّذِي اشْتَرَاهُ مِنْ مِصْرَ لامْرَأَتِهِ أَكْرِمِي مَثْوَاهُ "

وقال تعالى "وَقَالَ ادْخُلُوا مِصْرَ إِنْ شَاءَ اللَّهُ آمِنِينَ "

وقال تعالى "قَالَ يَا قَوْمِ أَلَيْسَ لِي مُلْكُ مِصْرَ وَهَذِهِ الأَنْهَارُ تَجْرِي مِنْ تَحْتِي"

فمصر البلد المعروف بهذا الاسم من أيام الكنعانيين هي اسم ممنوع من الصرف بخلاف مصر الكلمة العربية التي تأتي بمعنى مكان كما في قول "الأقطار والأمصار"

ولو كانت مصر البلد اسم عربي قابل للصرف لكانت الآيات الأخرى جاءت على غير ما هي عليه فكانت "مِنْ مِصْرَ" لتصبح "مِنْ مِصْرِ" وكانت "ادْخُلُوا مِصْرَ" لتصبح "ادْخُلُوا مِصْرًا" وكانت "لِي مُلْكُ مِصْرَ" لتصبح "لِي مُلْكُ مِصْرِ"

وأحب اضيف إني متفق مع حضرتك جدا في النقطة دي:

لا نريد مواطن مصري بسيط من نوعية (سيد حباره) ... الشخصية التي أبدع في وصفها الدكتور أحمد خالد توفيق ... نريد مواطن مصري حرّ ومسؤول لا يهتف للحكومة في العلن ليلعنها في السرّ ولا يتمسح في حبّ الوطن والشعب ليدوس عليه في أول فرصه ... نريد مواطن لا ينظر لمصر كأمه يمتص خيرها ثم يهجرها ويتعلق في ذيل الحكومة كأنها هي التي أنجبته ... نريد من يؤمن ويتصرف أن مصر ملكه وملك أبناءه وأحفاده والحكومة موظفين لديه.

خالص تحياني

تم تعديل 5 يناير 2010 بواسطة MaYousof

[MaYousof]

عزيزي باشمهندس زناتي

مصر أكبر من إن حد يتجرأ يشتمها ويطلعلها السكاكين

وأكبر من إنها تحتاج حد يدافع عن مكانتها

ييجي عمرو بن العاص رضي الله عنه ويمشي ومصر هي مصر

والأمويين

والعباسيين

والفاطميين

والمماليك

والعثمانيين

ومحمد علي

ومحمد حسني

ومصر برضه مصر

وهتفضل مصر أكبر من إن حد يعرف يطلعلها دبوس حتى

المشكلة مش مصر يا هندسة

واللي بيتكلم هنا مش بيذم في مصر يا هندسة

في فرق بين مصر

والمصريين

أنا بحب مصر

[moheltohamy]

صباح الخير يا بهوات...

هوه لا كده لا كده؟!

يا نقول كل اللي نفسنا فيه يا سكتم بكتم؟! حتى هشام اللي كان بيتكلّم بهدوء وبكل عقلانية برضه جاب مارشدير لورا؟ :)

يا نغلط في البلد ونستعر منها ، يا ناخد أتيتيود عنيف في الدفاع عنها كما لو كنا حماة الحمى؟!

أولى خطوات الإصلاح يا سادة الإدراك... أولاً ندرك إن فيه مشكلة ، وبعدين نعترف إن عندنا مشكلة ، وبعدين نحللها ونشوف إيه اللي ممكن نعمله عشان تتصلح. وحتى لو اعترفنا بعدم قدرتنا على إحداث تغيير ، فده مش معناه إننا نعمل زي النعامة.

بصوا بقى... كلنا هنا لامسين كل العيوب اللي اتذكرت ، ومحدّش يقدر ينكرها ، هنحاول نجيب المبررات للي وصلناله ، أنا مش باخدها كده خالص... أنا بابُص ع النتيجة النهائية (واقعي شوية)... النتيجة لا تسر عدو ولا حبيب!

كنت بارُد على برنسيس في نقطة المواطن المصري البسيط (اللي أحمد سيف عاوز يقضي عليه :lol: ). وأوضح وجهة نظري شوية في النقطة دي بالذات...

بنتكلم دايماً على إن المصري البسيط ده اللي هوّه تراب البلد زي ما ساعات بنقول ، وفيه طيبة ونقاء المصري ، واللي بنضرب بيه المثل في الأصالة. أساس مشاكل البلد ، أو 90% منها جاي من المواطن المصري البسيط ده. وممكن يكون المواطن ده أنا أو هشام أو د. الشامي برضه... إحنا مش بهوات! لما أنا هنا ع البريمة مثلاً ما أشوفش شغلي صح ، وأسيب الكامبوس (مدير شركة التغذية) يستلم طلبية الأكل وفيها حاجات بايظة أو منتهية الصلاحية أو عفنت عشان هوّه مستخسر إنه يرميها ، وأتقاعس عن القيام بشغلي... أبقى كده ضريت كل الموجودين معايا في الشغل.

لما أكون أنا - المواطن البسيط - بأؤذي مواطن مصري تاني بدخان سيجارتي ، أو براديو العربية الأجرة بتاعتي اللي باسوقها ، أو إني أمد إيدي على مواطن مصري تاني أنثوي لا لشئ إلا لأني مستمتع بكده ، أو إني أعطل مصالح الناس عشان باطلب ما لا حق لي فيه ، أو إني أكسر ع العربية اللي جمبي عشان شايف نفسي أحق بالمتر اللي فضي من نهر الطريق ، أو إني أقدم خدمة طبية دون المستوى عشان ببلاش في المستشفى لكن في عيادتي هيكون التعامل أصح وأنضف (إلى حد ما) ، وفي كل المجالات هنشوف وهنلمس ده. طبعاً أنا ما جيتش ناحية الجرائم واللي الشرطة متقاعسة عنها تماماً! كل كلامي على سلوكيات يومية بنعايشها كلنا ، وسببها... المواطن المصري البسيط!

أنا باتكلم عن سلوكيات لا ليها علاقة بحكومة ، ولا برئيس ، ولا بشرطة ، ولا بأي حاجة في الدنيا... دي من مواطن بسيط لمواطن بسيط تاني... واحد منهم بينغص حياة اللي جمبه!

ومعلش يا برنسيس... مبدأ البلد اللي علمتك وأكّلتك وربتك وعملتك بني آدم ده مبدأ مش قادر أستسيغه! البلد دي شئ مالوش وجود... ممكن تقولي الناس اللي عملت كده ، مش البلد!

الفلاح اللي زرع وأكّلني أخد مقابل الزرع ده ، يعني واحدة بواحدة وخلصت. دكتور الجامعة اللي كان بيدرّسلي كان بياخد مرتب ارتضاه لنفسه و وافق عليه. بابا الله يرحمه لما كان بيعالج الناس ، أو بينقذ ناس جايين من حادثة كان بيقبض مرتب أقل ما يوصف بيه إنه مرتب عرّة ، لسّه جايب بيه من 4 تيّام سماعة هيدسيت Bose من الدوحة! بس هوّه كان مرتضيه ، ومالوش الحق يشتكي! موظف الحكومة اللي بيشتكي من قلة المرتب اللي بيقبضه وبيضطر ياخد رشوة (مالهاش مسمّى تاني) عشان يعمل شغله كان هيموت عشان يتعيّن في الحكومة ويضمن شغل ثابت وأنتخة ومعاش قليل بس مضمون!

ومفيش دولة متحضرة بتعمل كده مع مواطنينها ، ولا بتعايرهم إنها عملت لهم وسوّت لهم! يمكن احنا اللي دايماً شايفين أي خدمة حتى لو من حقنا إنها منحة بناخدها من الحكومة أو من البلد علينا ، والمفروض نكون عبيد إحسانها بالخدمة دي! مش هنقول بقى إننا كنا بندفع ضرايب ، وراضيين بمرتبات حقيرة ، وجودة حياة متدنية... هننسى كل ده ، ونفتكر إن البلد أكّلتنا وشربتنا من نيلها (اللي هوّه مش بتاعنا) ، وحمتنا وخدتنا تحت جناحها ، إلى آخر الاسطوانة المهينة ، اللي لا يرضاها أي إنسان عنده كرامة!

يا برنسيس... في كندا وأوروبا والدول المتقدمة ، تربية الطفل حق للطفل ، و واجب على أولياء الأمر ، وليس منحة منهم له. الوالدين عندهم التزامات تجاه الطفل بما إنهم أنجبوه لهذه الدنيا ، ولو أحبوا يتنصلوا من هذه المسئولية ، هتقوم بيها مؤسسات الدولة عن طيب خاطر ، والمهم في الموضوع ده إن الطفل ينشأ في جو يحميه ، ويخرجه إنسان صالح. في مصر الأهل بيعتبروا إن مجرد تربية الإبن أو الإبنة جميل في رقبة أبنائهم ، ممكن بعضهم يذلوا بيه الأبناء فيما بعد ، لو لمسوا منهم تكاسلاً عن رد الجميل!

ونفس الأسلوب بتتبعه البلد أو بالأدق الحكومة معانا في أداءها لواجباتها ، وآدينا احنا نفسنا بنعمله بيننا وبين بعض! :blink:

وتأكيداً على كلام د. الشامي...

الناس بينقسموا لفئتين من حيث الـ Tolerance لأحوال البلد والمعيشة فيها... قسم متعايش وما عندوش مشاكل ، أو مش متأزم أوي من الحياة فيها ، وده يا بخته بالحياة في مصر. العيشة رخيصة وممكن الواحد يعيش بأي مبلغ فيها! مش هنتكلم على الكواليتي أوف لايف طبعاً... بس آهي عيشة والسلام ، طالما مرتاح نفسياً.

وقسم تاني مش قادر يتأقلم مع الحياة دي ، وده حرام نطلب منه يرضى بما لا يطيقه ، وحرام برضه نطلب منه يخرس ، وما يتكلمش ولا يفضفض حتى! القسم ده من حقه يعيش في مكان تاني يرتاح فيه ، ومن حقه برضه يتكلم عن بلده زي ما يحب... هوّه مش مصري ولاّ إيه؟!

وأنا أرى إن حقي إني أغلط في بلدي ده حق من حقوق المواطنة! بلدي وأنا حر أغلط فيها زي ما أحب ، ولا حقي بس إني أمجّد في حبها بس ، لكن التذمر ده حق غير موجود؟!

أفتكر كلمة كان الواد ديبو قالهالي أيام ما كان عايش في كاليفورنيا... في مصر إنتا ممكن في أي قعدة تشتم وتلعن في أم البلد ، ومحدّش بيمنعك من كده ، لكن هنا لو برطمت وشتمت في البلد ، ممكن تلاقي واحد يطلع لك ويقول لك بكل بساطة (مش عاجباك البلد ، سيبها وارجع بلدك. قاعد فيها ليه؟!)... ساعتها الكلمة دي بتوجعك أوي

ونقطة أحب أوضحها للجميع... علاء ده لو ما كانش حاسس بمصريته ، ما كانش جه وقعد وسطنا واتكلم ، أو حتى كتب كلمتين على بعض! يمكن الكلام (اتدلدق) منه شوية ، بس نلتمس له العذر ، ونحاول نكلمه برفق. مش رد العنف بالعنف هوّه الحل! الـ 2 عبارة عن Extremes ، وده مش الحل! سواء العنف ضد مصر ... أو معاها!

وعلى قد ما استغلطت علاء في تحامله على البلد ، على قد ما استغلط Z أفندي في تصديه لمن يقول كلمة مش ولا بد عن مصر. الرفق والحوار الهادئ يا سادة هو السبيل لنقاش ثري ومفيد. أنا مش عاوز حد يطبل ليّا أو لغيري ، أو يقوللي الله يا ست... أنا فقط أطلب حوار على نار هادية

وأستأذنكم بلاش سكتم بكتم... إحنا هنا مش عشان سكتم بكتم :sad:

مش كده ولا إيه يا هشام؟! wst:: إنتا بالذات بأسعد بحوارك ، وباحس إنه حوار باستمخ وباعمل دماغ وانا باقراه...

أستأذنك ما تحرمنيش من المخمخة ، خصوصاً وانا في البريمة... أرض الدماغ والمزاج... العنب

[Bustami]

سلام عليكم جميعا

رغم اني كل يوم بدخل المنتدى الا اني ما بكتبش كتير ولما بكتب حاجة بتكون عن الهجرة لكندا , لكن هذا الموضوع يسبب لي الحزن قليلا , صورة مصر والمصرين داخل وخارج مصر , وهذا ما دعاني للكتابة

حقيقي اشعر ببعض الخجل وانا اكتب هذا التعليق لانني احب مصر من باب السياحة يعني

صورة مصر والمصرين تغيرت في الداخل والخارج لعدة اسباب منها الافلام المصرية وبعض الممثلين المصرين ويمكن عادل امام اولهم

تغيرت الصورة من الاحسن وهو ان مصر وشعبها هم محاربون للعدو ورجالة حقيقي , تغيرت الى ان المصري ليس له قيمه

النكت قلبت صورة الفلاحين والصعايده من مكافحين الى .....

قلة المال قلبت صورة المصري المتعلم في احسن الجامعات الى حارس عمارة ولا شيال يائس وممكن مجرم

الروتين , التعليم , الصحة , الخدمات , الحكومات , التلوث ,,, كل دول غيروا صورة مصر والمصرين في الداخل والخارج

لكن اكثر ما يصدمني هنا في الغربة هو انه من سنه 1991 دخل نص مليون مصري للعمل والاستقرار وخلال 10 سنين يعني من سنه 2001 بدأت اسمع ان في شركات ترفض تعين المصرين في بعض الاقسام كقسم المبيعات وان بعض المؤسسات التعليمية الخاصة ترفض المصرين المتقدمين لوظيفة مدرس انجليزي مثلا

وبعدها بسنتين يعني 2003 /2004 بدات اسمع ان بعض الشركات الي بتمشي اي موظف مصري ان البديل لازم يكون غير مصري بغض النظر عن الوظيفة

وفي 2008 كانت الصدمة ,, اعلان في الجرائد ,,, مطلوب موظفين من عدة تخصصات وفي نهاية الاعلان ,,, يفضل الجنسيات التالية ,,,بتوع بلاد الشام والبدون ( وهم من لا ينتمون لاي جنسية من سكان البلد ومعظمهم من البدو والحكومة لا تريد منحهم الجنسيات) ,,, يعني الجنسية المصرية لا

واصبح سكان البلد من جميع الجنسيات على درايه بصفات المصري ويستطيع اي واحد ان يحلل لك شخصيه اي مصري وينتقده(حتى الهنود)

هذا هو الشيء المؤلم

والشيء المؤلم الاخر هو تعامل المصرين المتعلمين احسن تعليم وفي مناصب اداريه مع بعضهم البعض ,,, مؤلم لانهم متعلمين احسن تعليم مش جهلة

تم تعديل 5 يناير 2010 بواسطة albostamy

[GSoleiman]

صباح الخير يا بهوات...

هوه لا كده لا كده؟!

يا نقول كل اللي نفسنا فيه يا سكتم بكتم؟! حتى هشام اللي كان بيتكلّم بهدوء وبكل عقلانية برضه جاب مارشدير لورا؟

يا نغلط في البلد ونستعر منها ، يا ناخد أتيتيود عنيف في الدفاع عنها كما لو كنا حماة الحمى؟!

أولى خطوات الإصلاح يا سادة الإدراك... أولاً ندرك إن فيه مشكلة ، وبعدين نعترف إن عندنا مشكلة ، وبعدين نحللها ونشوف إيه اللي ممكن نعمله عشان تتصلح. وحتى لو اعترفنا بعدم قدرتنا على إحداث تغيير ، فده مش معناه إننا نعمل زي النعامة.

بصوا بقى... كلنا هنا لامسين كل العيوب اللي اتذكرت ، ومحدّش يقدر ينكرها ، هنحاول نجيب المبررات للي وصلناله ، أنا مش باخدها كده خالص... أنا بابُص ع النتيجة النهائية (واقعي شوية)... النتيجة لا تسر عدو ولا حبيب!

كنت بارُد على برنسيس في نقطة المواطن المصري البسيط (اللي أحمد سيف عاوز يقضي عليه ). وأوضح وجهة نظري شوية في النقطة دي بالذات...

بنتكلم دايماً على إن المصري البسيط ده اللي هوّه تراب البلد زي ما ساعات بنقول ، وفيه طيبة ونقاء المصري ، واللي بنضرب بيه المثل في الأصالة. أساس مشاكل البلد ، أو 90% منها جاي من المواطن المصري البسيط ده. وممكن يكون المواطن ده أنا أو هشام أو د. الشامي برضه... إحنا مش بهوات! لما أنا هنا ع البريمة مثلاً ما أشوفش شغلي صح ، وأسيب الكامبوس (مدير شركة التغذية) يستلم طلبية الأكل وفيها حاجات بايظة أو منتهية الصلاحية أو عفنت عشان هوّه مستخسر إنه يرميها ، وأتقاعس عن القيام بشغلي... أبقى كده ضريت كل الموجودين معايا في الشغل.

لما أكون أنا - المواطن البسيط - بأؤذي مواطن مصري تاني بدخان سيجارتي ، أو براديو العربية الأجرة بتاعتي اللي باسوقها ، أو إني أمد إيدي على مواطن مصري تاني أنثوي لا لشئ إلا لأني مستمتع بكده ، أو إني أعطل مصالح الناس عشان باطلب ما لا حق لي فيه ، أو إني أكسر ع العربية اللي جمبي عشان شايف نفسي أحق بالمتر اللي فضي من نهر الطريق ، أو إني أقدم خدمة طبية دون المستوى عشان ببلاش في المستشفى لكن في عيادتي هيكون التعامل أصح وأنضف (إلى حد ما) ، وفي كل المجالات هنشوف وهنلمس ده. طبعاً أنا ما جيتش ناحية الجرائم واللي الشرطة متقاعسة عنها تماماً! كل كلامي على سلوكيات يومية بنعايشها كلنا ، وسببها... المواطن المصري البسيط!

أنا باتكلم عن سلوكيات لا ليها علاقة بحكومة ، ولا برئيس ، ولا بشرطة ، ولا بأي حاجة في الدنيا... دي من مواطن بسيط لمواطن بسيط تاني... واحد منهم بينغص حياة اللي جمبه!

ومعلش يا برنسيس... مبدأ البلد اللي علمتك وأكّلتك وربتك وعملتك بني آدم ده مبدأ مش قادر أستسيغه! البلد دي شئ مالوش وجود... ممكن تقولي الناس اللي عملت كده ، مش البلد!

الفلاح اللي زرع وأكّلني أخد مقابل الزرع ده ، يعني واحدة بواحدة وخلصت. دكتور الجامعة اللي كان بيدرّسلي كان بياخد مرتب ارتضاه لنفسه و وافق عليه. بابا الله يرحمه لما كان بيعالج الناس ، أو بينقذ ناس جايين من حادثة كان بيقبض مرتب أقل ما يوصف بيه إنه مرتب عرّة ، لسّه جايب بيه من 4 تيّام سماعة هيدسيت Bose من الدوحة! بس هوّه كان مرتضيه ، ومالوش الحق يشتكي! موظف الحكومة اللي بيشتكي من قلة المرتب اللي بيقبضه وبيضطر ياخد رشوة (مالهاش مسمّى تاني) عشان يعمل شغله كان هيموت عشان يتعيّن في الحكومة ويضمن شغل ثابت وأنتخة ومعاش قليل بس مضمون!

ومفيش دولة متحضرة بتعمل كده مع مواطنينها ، ولا بتعايرهم إنها عملت لهم وسوّت لهم! يمكن احنا اللي دايماً شايفين أي خدمة حتى لو من حقنا إنها منحة بناخدها من الحكومة أو من البلد علينا ، والمفروض نكون عبيد إحسانها بالخدمة دي! مش هنقول بقى إننا كنا بندفع ضرايب ، وراضيين بمرتبات حقيرة ، وجودة حياة متدنية... هننسى كل ده ، ونفتكر إن البلد أكّلتنا وشربتنا من نيلها (اللي هوّه مش بتاعنا) ، وحمتنا وخدتنا تحت جناحها ، إلى آخر الاسطوانة المهينة ، اللي لا يرضاها أي إنسان عنده كرامة!

يا برنسيس... في كندا وأوروبا والدول المتقدمة ، تربية الطفل حق للطفل ، و واجب على أولياء الأمر ، وليس منحة منهم له. الوالدين عندهم التزامات تجاه الطفل بما إنهم أنجبوه لهذه الدنيا ، ولو أحبوا يتنصلوا من هذه المسئولية ، هتقوم بيها مؤسسات الدولة عن طيب خاطر ، والمهم في الموضوع ده إن الطفل ينشأ في جو يحميه ، ويخرجه إنسان صالح. في مصر الأهل بيعتبروا إن مجرد تربية الإبن أو الإبنة جميل في رقبة أبنائهم ، ممكن بعضهم يذلوا بيه الأبناء فيما بعد ، لو لمسوا منهم تكاسلاً عن رد الجميل!

ونفس الأسلوب بتتبعه البلد أو بالأدق الحكومة معانا في أداءها لواجباتها ، وآدينا احنا نفسنا بنعمله بيننا وبين بعض!

وتأكيداً على كلام د. الشامي...

الناس بينقسموا لفئتين من حيث الـ Tolerance لأحوال البلد والمعيشة فيها... قسم متعايش وما عندوش مشاكل ، أو مش متأزم أوي من الحياة فيها ، وده يا بخته بالحياة في مصر. العيشة رخيصة وممكن الواحد يعيش بأي مبلغ فيها! مش هنتكلم على الكواليتي أوف لايف طبعاً... بس آهي عيشة والسلام ، طالما مرتاح نفسياً.

وقسم تاني مش قادر يتأقلم مع الحياة دي ، وده حرام نطلب منه يرضى بما لا يطيقه ، وحرام برضه نطلب منه يخرس ، وما يتكلمش ولا يفضفض حتى! القسم ده من حقه يعيش في مكان تاني يرتاح فيه ، ومن حقه برضه يتكلم عن بلده زي ما يحب... هوّه مش مصري ولاّ إيه؟!

وأنا أرى إن حقي إني أغلط في بلدي ده حق من حقوق المواطنة! بلدي وأنا حر أغلط فيها زي ما أحب ، ولا حقي بس إني أمجّد في حبها بس ، لكن التذمر ده حق غير موجود؟!

أفتكر كلمة كان الواد ديبو قالهالي أيام ما كان عايش في كاليفورنيا... في مصر إنتا ممكن في أي قعدة تشتم وتلعن في أم البلد ، ومحدّش بيمنعك من كده ، لكن هنا لو برطمت وشتمت في البلد ، ممكن تلاقي واحد يطلع لك ويقول لك بكل بساطة (مش عاجباك البلد ، سيبها وارجع بلدك. قاعد فيها ليه؟!)... ساعتها الكلمة دي بتوجعك أوي

ونقطة أحب أوضحها للجميع... علاء ده لو ما كانش حاسس بمصريته ، ما كانش جه وقعد وسطنا واتكلم ، أو حتى كتب كلمتين على بعض! يمكن الكلام (اتدلدق) منه شوية ، بس نلتمس له العذر ، ونحاول نكلمه برفق. مش رد العنف بالعنف هوّه الحل! الـ 2 عبارة عن Extremes ، وده مش الحل! سواء العنف ضد مصر ... أو معاها!

وعلى قد ما استغلطت علاء في تحامله على البلد ، على قد ما استغلط Z أفندي في تصديه لمن يقول كلمة مش ولا بد عن مصر. الرفق والحوار الهادئ يا سادة هو السبيل لنقاش ثري ومفيد. أنا مش عاوز حد يطبل ليّا أو لغيري ، أو يقوللي الله يا ست... أنا فقط أطلب حوار على نار هادية

وأستأذنكم بلاش سكتم بكتم... إحنا هنا مش عشان سكتم بكتم

مش كده ولا إيه يا هشام؟! إنتا بالذات بأسعد بحوارك ، وباحس إنه حوار باستمخ وباعمل دماغ وانا باقراه...

أستأذنك ما تحرمنيش من المخمخة ، خصوصاً وانا في البريمة... أرض الدماغ والمزاج... العنب

--------------------------------------------------------------------------------

يسلم فمك يا دكترة...

أنا عن نفسي من الفئة التانية...أنا الحمدلله بشتغل في ال-oilfield ومرتبي كبير...يمكن أكتر من إلي ممكن اخده في كندا لم أروح انشاالله...لكن أنا بصراحة مخنوق في مصر وحاسس اني لزم أفضل طول عمري أحوش فلوس عشان مفيش حاجة مضمونة...وكمان الفلوس دي مش بتدمنلك عيش كريمة في مصر....برد هتقرف من الزحمة والدوشة والتلوث والإحساس الدائم بعدم الأمان...ناهيك عن مشوار المعاناة الصبحي والمسائي مع زحمة الشوارع وقلة الأدب..لم الواحد بيبئة مضطر إنه يعال أدبه وذوقه عشان يعرف يعيش...

أنا ابني الصغير اتولد في أمريكا...تلعتله الباسبور الامريكاني في نص ساعة...وهنا في مصر عايل هم اني أرح الجوازات أعمله الجواز المصري...

الواحد مهما يحول يمسك نفسه ويقول هبتدي بنفسي وأبئة متحضر....كل إلي بتعمله يضيع في الهوى أدام سلوكيات الناس إلي بتتعامل معاهم...

الواحد يشكر ربنا مليون مرة على الفيزا إلي أخادناه...ربنا يجمعنا في كندا ونعرف على الأقل نعيش صح....

لا الأكل ولا الشرب هو الحياه...لا المصمت الفلاني ولا مطعم الستيك...المهم اني أحس اني بني أدم.

أنا عن نفسي...مع الفرقة التهامية....حتى الموت....

أسف على الرغي د كله...

سلام

[Princesse]

.

عارف يا أخ علاء, أنا مصر عندي مش هي أمي ولا عمتي ولا ستي, أنا مصر عندي هي إبني, أدعي عليه, وأكره اللي يقول آمين. بجد والله مصر عندي هي إبني بالضبط, بس إبن فلتان وأخلاقه تعبانة عشان كده ماعنديش مانع إني ادعي عليه ساعات, وأكره اللي يقول آمين عشان أنا طول عمري لحد ماموت زيي زي أي بني آدم خلقه ربنا بيفضل عنده أمل إن ابنه الفلتان حالُه ينصلح. واقولك كمان إني عارف إن مصير حالُه ينصلح, يمكن بعد ما أنا أتكل بس هينصلح هينصلح, عشان كده عمري ماهأفقد الأمل في ابني حبيبي اللي بحبه من غير مايكون فيه حاجة حلوة, بحبه ياخي عشان أبني! بحبه بجد وهو فلتان كده, بيكسفني في كل حته بس بحبه! الله! وهادعي عليه, وهاكره اللي يقول آمين. بحب مصر من غير مايبقى فيها حاجة عدلة, مش لازم تكون أحسن بلد, مش لازم تكون أحسن من 75 بلد تانية في العالم حتى لو كان ده معناه المباشر إنها أوحش من 125 بلد تانيين, ياخي أنا حبي للواد الفلتان ده مالهوش دعوة بحاجة حلوة ولا وحشة فيها, انشالله الـ 200 بلد اللي فالدنيا كلهم بما فيهم زائير وزامبيا وزيمبابوي يكونوا أحسن منها بحبها. من غير مايكون فيها بورسعيد بحبها, ياخي استظراف شعبها على قلبي زي العسل. هي مصر تبقى مصر من غير ما الفلاح يحرق القش ولا الناس تكسر الاشارة الحمرة مادام مفيش كاميرا انشالله يطسوا عيل ويجيبوله شلل اطفال.

عارف ليه بحب ابني؟ عشان هو ده الوحيد اللي هاحس إنه ابني اللي من لحمي ودمي. وعن تجربة في بلاد عرب وغير عرب, ترجع لمصر, بعبلها وقرفها واستظراف ناسها, بس تحس إن هم دول اللي إنت بجد حتة منهم, خلاص لزقت زي ما الابن مهما اتبرّيت منه هتفضل عينيه شبه عينيك ومناخيره هي مناخيرك وشعره حتة من شعرك. ولا سعودية ولا امارات ولا كندا هتعرف تتلفت فيها حواليك وتحس إنك منهم وعليهم, هتحس دايما إن فيه حاجة مش مضبوطة, إنك البطة السودة, بلاش السودة, خليها البلدي, ولو إنت ماحستش, هم هيشوفوك كده, بطة بلدي وسط البط الأبيض. لسانك مهما تعوجه هايواك واك بلدي, سعودية امارات كندا, اللسان بلدي. بقول لحضرتك لزقت خلاص وماتعرفش تتبرى منها, وانا عن نفسي مش عايز اتبرى منها, مش عشان حلوة وعجبه, لا, عشان أنا لو اتبرّيت منها كإني بتبرى من نفسي, شحمي ولحمي. قوم أعمل إيه؟ أبدأ بنفسي و "طوبى لمن شغله عيبه عن عيوب الناس". انصلح حال ابني فحياتي, يبقى أنا كنت سبب لاني كنت من اللي اصلحوا انفسهم, ماكانش فحياتي مش هازعل لاني عارف إن هييجي اليوم اللي هيكون فيه العدد الكافي اللي همه إنه يصلح نفسه أكبر من همه إنه يصلح غيره, ساعتها هتبدأ الصحوة وابني حاله هينصلح.

أنا أحب إني ابص شوية على نص الكوباية المليان وما أفضلش معلق عيني على النص الفاضي. اللي بيحترمني بره مصر مش بيحترمني عشان أنا بقيت واحد منهم, بيحترمني عشان ده جزء من ثقافته, مش معنى كده إنه شايفني واحد منهم. واللي مش بيحترمني في مصر مش بيحترمني وهو عارف إني واحد منهم. صحيح مش عادل, بس هو ده اللي أنا عارف إني منه وهو مني. إبن طالح, عاق, عاصي, الوجه القبيح بتاعي, بس ابني أنا مش ابن الجيران. ابن يعر آه, بس أنا مقدرش اتبرى منه, عشان أنا اللي اتهببت على عيني وجبته. بحبه.

عجبني اوي يا استاذ MaYousof وصفك لمصر بأنها ابنك ، الي هتفضل تحبه مهما كان ولد تلفان و اخلاقه وحشة.

لو في حد لسة بيتفرج على الافلام المصرية القديمة هيفتكر جملة اشهر ام في تاريخ السينما المصرية فردوس محمد : "يا ضنايا يا أبني" و على حسب علمي ان كلمة ضني في اللغة العربية معناها العذاب او الألم، بالتعبير الشعبي البسيط كلمة ضني ديما بتيجي مع كلمة ابن، زي ما يكون محكوم ديما على الاباء تحمل سخافات و اخطاء الابناء، و يحضرني مثل ثاني : قلبي على ولدي انفطر و قبل ولدي عليا حجر

و هذا المثل الاخير يلخص موقفي الشخصي عن مصر.

بخصوص البطة البلدي و البط الابيض اتفق مع حضرتك تماما اننا مهما عيشنا في اي بلد اوروبية او امريكية عمرنا ما هنكون منهم و لا هم هيعتبرونا منهم...

ديما هنفضل في نظرهم عرب

و مسلمين و مصريين حتى لو بعد ميييت جيل

[Princesse]

والله انا حاسس ان مرارتي هتتفقع مش عارف ازاي في ناس بتتكلم عن الصور الورديه في مصر

ممكن اشوف الصوره ديه من القشره بس كمنظور سائح ولكن اني اعيش فيها واقول الصوره حلوه لا والف لا واقولها بصوت عالي وانا بتكلم من مكان واحد علي درجه احتكاك عاليه جدا بالناس انا طبيب في مستشفي عام وفي نفس الوقت نائب اداري للمستشفي والله العظيم حجات تشيب سواء من المرضي ولا في الحوادث ولا من الاطباء حاله من التسيب وعدم المبالاه من كل الفئات السابقه والله كانه مرض فيروسي بينتشر

والكلام الجاي ده مش معناه اني بكره مصر لان معتقدش حد هنا بيكرها وزي ما قلنا احنا زعلانين عليها

مصر احسن دوله عربيه بلا منازع من حيث الناس والحياه وكل حاجه

كمان انا مش زعلان من السعوديه مثلا لانها متهمنيش وانا بحب مصر مش السعوديه

علي فكره جزء كبير من تعليمها بره مصر في جامعه ماكمستر في كندا ومرجعتش مصر الا عشان تراعي والدها ووالدتها ده من لسانها شخصيا

وبجد اول ما قابلتها مكنتش متخيل ان في مصري بالحب ده للعلم وبالاخلاق والتواضع ده بس عرفت السبب انهم من ام مش مصريه ومعظم تربيتهم في كندا

بجد محدش هيصدقني الا لما يعامل معاهم بجد اخلاق وتواضع فوق الوصف

وموضوع الفلاح اللي اكلنا من زرعه طول عمرنا واتربينا عليه حضرتك نسيت تقول انه اخد مرتبه تالت ومتلت بعد ما رش الارض كيماوي تمام

والللي لازم اقوله ان من ضمن اسباب فقر مصر هي الفلاح المصري عارف ليه

لانه تفكيره مادي وده مش عيب لانه من حقه يربي عياله بس مش هسقفله لما اكل من اكله وادفعله اجره

اقولك بقي ليه هو سبب فقر مصر

لما نعرف ان الفلاح المصري بيزرع الارض لب وفول سوداني بمساحات ضخمه وده حسب كلام ابراهيم عيسي ومحاصيل تانيه ملهاش لازمه واحنا عمالين نستورد قمح ومنتجات اساسيه زراعيه

برغم نصح الحكومه لهم بزراعه المحاصيل المهمه

بس في الاخر هو بيزرع اللي يكسبه كويس ملوش دعوه يعني موضوع اكل عيش وخلاص

وبالنسبه لموضوع الحضاره

مش الفلاح ده هو اللي بناها مستحيل ولا احنا احفاد بناه الاهرام مصر شعبها حصله ميوتيشن في جيناته واعتقد من بعد نظر بناه الاهرام انك لما تروح تشوف التماثيل الفرعونيه في اسوان تلافي انك واقف عند صوبع التمثال وديه رساله باعتها الفراعنه لينا يدل عن موقعنا منهم

وربنا يخلي الحكومه الالكترونيه وامير المخبرين

دكتور فاروق

اتفق معك في جوانب كثيرة من كلامك و معاك حق ان احوال الاطباء في مصر تحت الصفر و ان الهيافة و السخافة هي الي ماشية في البلد

، بس حاجة واحدة بس وجعت قلبي و هي ان والدة افضل باحثة في روماتولجي علي مستوي العالم ليست مصرية وعلشان كدة هذه الباحثة تتمتع بذوق و ادب و تواضع و حب للعلم

حضرتك تقصد ايه ان والدتها غير مصرية...هل تقصد ان الست المصرية مش بتعرف تربي اولادها؟؟؟

دكتور فاروق احب افكر حضرتك ان والدة طه حسين كانت فلاحة مصرية و امية كمان ومع ذلك انجبت لنا عميد الادب العربي، سوزان زوجة طه حسين الفرنسية لم تنجب لنا طه حسين اخر يعني الي حضرتك بتقولوا دا مش قاعدة.

و بعدين كل علماء مصر و اعظم المفكرين كانت والدتهم مصرية...

استاذي كلامك في اتهام للمرأة المصرية ...

بخصوص الفلاح المصري :

مرتب ايه الي حضرتك بتكلم عنه يا دكتور، عمري ما سمعت ان الفلاح بيأخد مرتب..

هو مين الي استورد الكيماويات السامة للفلاح؟ اظن هو مش بسافر برة و يرجع محمل بالكيماويات.

المفروض كل فلاح يأخد دورة تدريبة على كيفية استخدام المبيدات و اضرارها ، لو الحكومة قصرت في توعية الفلاح باخطار هذه المواد يبقي مش من حقنا اننا نلوم الفلاح.

الفلاح المصري هو الي سافر و زرع دول الخليج

الفلاح المصري و ارض مصر هى الي اكلت العالم وقت مجاعة سيدنا يوسف و ايام الرومان

الفلاح المصري بيزرع لب و سوداني علشان يعيش بالحلال لانه لما بيزرع قمح و قطن الحكومة مش بتشتري منه المحصول و لو اشترته بتشتريه بثمن بخس...سياسة مرسومة علشان نفضل طول عمرنا شحاتين نشحت الاكل و المعونة من امريكا و نروح نزرع القمح في كندا ....وبعدين نلوم الفلاح حرام عليك

استاذي احنا احفاد الفراعنة angl:: 100 في ال 100 بدليل اننا ورثنا عنهم الخنوع و المشي جنب الحيط و المثل بيقول ( يا فرعون ايه فرعنك قال ملقتش حد يلمني)....الفراق الوحيد بينا و بين الفراعنة ان الفرعون زمان كان بيحب البلد و عاوز يخليها احسن بلاد الدنيا

اما فرعون اليوم فلا يهمه إلا نفسه و يوم ما يحصل مصيبة هو اول واحد هيسيبنا و يهج

ارجوا ان كلامي ميكنش ضايق حضرتك، انا متفقة معاك في كل نقطة حضرتك اتكلمت فيها إلا موضوع الام الاجنبية و الفلاح المصري..

و كل تحياتي لحضرتك لانك طبيب في مستشفى عام مازال يقوم بعمله بصدق و امانة بالرغم كل الظروف الصعبة :wub:

[qenawy]

الكرة معايا دلوقتي

نبدأ بالتعليم

وصل التعليم المصري الي اسوأ مراحله عبر التاريخ المنظور لي انا شخصيا

اولادي لا يتعلمون شيئا ذو قيمة في المدرسة فمن ناحية المنهج فهو منهج غريب وعجيب لا ينمي شخصية ولا موهبة

احفظ احفظ حتي تكل او تمل او تنام

وحتي المناهج ذات البدايات المبشرة يتم تغييرها بقوة المدرس

ويعود المدرس لطريقته القديمة حاملا العصا التي لا تعلم الا الجبن والخنوع والخضوع والاذلال

الف بيه تيه

لا يوجد شيء اسمه نشاط مدرسي الا ديكور

كومبيوترات يحمل مفاتحها المسئول كانها سر حربي فهي عهدة

سلبيات التعليم واضحة ولا تحتاج نعليق

الحل ؟

مستحيل

الا بايه؟

فصل المدرسين جميعا

اعداد اجيال حديثة من المدرسين (عاوزين عشرين سنة)

البلد بلد ديكور يا جماعة

نفسي اوريكم المدارس الداخلة في الجودة

شوية يفط برسالة المدرسة والاهداف فقط لا غير

لاادري ما الهدف من حشر مصر في مقارنة ظالمة مع كندا فكندا تكسب بدون اهدار وقت طويل في استحضار الفوارق

سبل اصلاح مصر

لا يوجد علاج ناجع الان ممكن بعد ثورة ولكن هيهات

فالاجيال الجديدة ماتش يوديها واغنية تجيبها

يتبع

[qenawy]

الصحة

لا تعلمون حجم الضيق والحزن من عملي الحكومي ويبدو ان استقالة ما قادمة في الطريق

مستشفيات غير ادمية وانا اعتبرها وصمة عار فيكي يا مصر لما المكان اللي تحب تروح تتعالج فيه يكون بمثل ذاك السوء

في باب مكافحة الفساد انا عملت موضوع اسمه صور من الوحدة الصحية موجود لمن يريد

http://www.egyptiantalks.org/invb/?showtopic=70595

اهو وبراحتكم وده شيء عادي جدا وفيه بلاوي اكتر بس خلوا الطابق مستور

الحل والنقد الايجابي ايه ؟

لا ادري

بايظة جدا من فوق لتحت وحتي انا شخصيا باعتبر نفسي متحمل جزء ولكن الحقيقة المرة انه لا يوجد حل

فاما احارب طواحين الهواء او احارب نفسي

نقطة استطرادية

في النيابة الادارية

س

ما هو قولك بانك وقعت علي الشطب يوم كذا سنة كذا (من سنتين)

ج

حضرتك استدعيتيني للنيابة عشان كده ؟

ايوة جاوب لو سمحت

ج حضرتك مين اللي قال اني مضيت علي الشطب

المفتش الاداري للمديرية

ج

حضرتك انا في الفترة دي ما كنتش اساسا علي قوة المستشفي دي وبالتالي

اكمل واتهم المفتش بالتزوير ولا كفاية

قالتلي الهانم وكيلة النيابة

لالالا خلاص متشكرة

خرجت كاره نفسي

[Queen]

السلام عليكم،

كل عام و انتم بخير.

احب اوضح رأي الكنديين في مسألة الأنتماء الى البلد الأم.

صديقة لي بتحضر دكتوراه في جامعة تورنتو، قالتلي ان هنا في كندا بيعملوا دراسات على كيفية رفع المعاناه على القادميين الجدد الى كندا، ومن خلال دراستهم لنفسية القادمين الجدد (Newcomers) وجدوا ان كل اللي بيسيب بلده و يجيي كندا بيحس بغربة و عدم ارتياح و حنين لبلده و عدم قدرة على التأقلم في البداية و اكتئاب في بعض الاحيان و غيرها من المشاعر السلبية. و هذه المشاعر سببها انه ترك بلده اللي نشأ فيها ، و ترك كل ما هو مألوف لكل ما هو جديد عليه، ساب اهله و اصحابه لبلد ميعرفش فيها حد . و كندا تعتبر ان هذه المشاعر هي الطبيعي و ان كل من لا يشعر بتلك المشاعر هو غير طبيعي بصورة او بأخرى، ممكن يكون حاقد على بلده او على اهله او ربما تعرض لتجارب سلبية اثرت على انتماؤه و بناءا عليه لا يمكن لهذا الشخص الغير طبيعي ان يكون مواطن سوي في كندا. بمعني اخر من لا يشعر بالانتماء الى بلاده لن يشعر بالانتماء الى كندا يوما ما.

هنا المدارس الكندية بتشجع الطلبة على تعلم لغتهم الام و بتعمل دروس يوم السبت مجانية لتعليم اللغات الاخرى. لانهم يعتبروا ان اللغة جزء من هوية الانسان و علشان كده بيحاولوا مساعده الاطفال على تنميتها و الاحتفاظ بها. و ايضا لان اتقان اللغة الام قراءة و كتابة بيساعد على التفوق في اللغة الانجليزية ايضا.

يعني كندا نفسها بتحاول تساعد الناس على الاحتفاظ بهويتها.

حتى لو كنت وصلت لاقصى درجات الأحباط من البلد (لاسباب كلنا نعلمها و لا ننكرها على الاطلاق) لا تترك العنان لنفسك ان تهين البلد لانك بذلك تهين لنفسك دون ان تشعر.

و لما تيجي كندا كمان اوعي تشتم في بلدك لانك بكده بتشوه صورتك انت، و الكنديين بيعتبروا ده شئ سلبي جدا.(Bad Mouthing)

سلام

[qenawy]

قصص سلبية

دخلت مكتب الصحة

طلبت استخراج مستخرج من شهادة وفاة لابي رحمه الله وكنت في اشد الحاجة اليها

اوكلني المسئول الي الموظف المختص الذي اخبرني بانه لا يوجد نماذج وفوت علينا بكرة

كنت صغيرا نسبيا وكادت الدموع تسقط من عيني كمدا وحزنا وبؤسا

وعندما هممت بالرحيل من المكتب واستدرت لاني ساعود بكرة

قال لي الموظف

انا هاخد تاكسي واجيب نماذج مخصوص عشانك

شكرته بكل سذاجة وصدق وحسن نية

( صعايدة بقي )

اتاريه عاوز فلوس وانا غلبان ما ليش في البلا ده واشعر بحرج وعرق ومرق عند هذه المواقف

بعد مرور فترة الغباء مني ولكم ان تتخيلوا فهمت المطلوب

المهم (كل ده تحت اشراف السيد الدكتور مدير مكتب الصحة سامع وشايف)

قاللي انتظر خمس دقايق

واستخرج الشهادة لانه لان حظي كويس لقي شهادة فاضية مركونة

شفت الصدف ؟

يتبع

[precanadian]

# الوطن ليس حدود جغرافيه و حفنه تراب

### الوطن =قطعه من الارض + مجموعه من البشر من بينهم اهلي الذي انا احبهم واصحابي الذين كبرت معهم+ قوانين تحكم بين هؤلاء البشر+ عادات تجمعهم في الماكل والمشرب والملبس<<<<<<<<<<< امان +كرامه حق لا يضيع +تحقيق ذات+عدل +مساواه+حريه+سعاده<<<< هذه الثمره تجعلنا نموت من اجله اذا قامت حرب ونغضب له اذا لسن عليه احد

# هذه المعادله اذا اختلت هاجر بعض الناس وخان بعض الناس ومن لم يستطيع السفر حبس بداخله فكان سجنه الاكبر

# فلا يوجد وطن بلا ارض ولا يوجد وطن بلا اهل واصدقاء ولا يوجد وطن اذا كسرت القوانين التي اتفقنا ان نحتكم اليها

# ولا اعتقد ان من بالخليج او هاجر للغرب او من داخل مصر حاليا يشعر ان قطعه الارض التي يمشي عليها هي وطن الا اذا كان ما يرمي بين يديه هو كل امله

# مسكين شعب مصر يتعذب الشرفاء بداخله ومن خرجوا منه للخليج او للغرب يتعذبون بالبعد عنه وما ال اليه حاله وخصوصا ان هذه الفئه تنظر له من عن بعد وتقارن بين مستوي الوطن والمواطن ومستوي البلد المضيف –

[حسام يوسف]

دي صورة بتوضح ان سواق كساح طلبت معاه مزاج

عمل ايه

هذا مانراه فى صورة من كاميرا الاستاذ محمد سامى طاووس : صورة لاحد السائقين وقد وقف على جانب الطريق واشعل انبوبة بوتاجاز صغيرة اسفل سيارتة الكساحة واشعل الفحم وضبط الجوزة

ونتساءل عن اسباب الحوادث علي الطريق!!؟

http://www.portsaid-online.com/news/commun...mera/7758--128-

[wnam]

الف حمدلله على سلامتك يا دكتور تهامي

كان لي تعليق : مصر هتفضل طول عمرها محروسة ، يكفي ان فيها خير اجناد الارض و انها مذكورة في القرآن

العيب فينا احنا و سلوكيتنا الغلط مش في البلد

مصر زمان لما كانت الناس عندها ضمير كانت احسن البلاد

و اوعى تنسى ا دكتور تهامي انك لسة معاك البسبور المصري

يعني انت مصري رسميا سواء شئت ام ابيت

مرة تانية : نورت المحروسة wst::

الله يسلمك يا برنسيس...

أنا ما جيتش ناحية أجناد الأرض خالص دلوقتي! وحتى لو خير أجناد الأرض من غير تسليح كويّس ، هيحارب بإيه؟ بالكوع؟ :lol:

ثانياً... هيه مصر إيه يا برنسيس غير بأهلها؟! لو أهلها وحشين تبقى إيه قيمة مصر؟

اللي بيخنقني وخنق الدكتور هشام هوّه الفلاح البسيط اللي طيبة الدنيا فيه (زي ما ناس بتقول) ، اللي مُصِر يحرق قش الرز ، ويتحايل على القانون إنه يحرقه في عز الليل ، وطظ في التلوث ، هيه البيئة دي من بقية أهلنا؟

اللي بيسممني هوه العامل البسيط وصاحب المصنع اللي بيصرّف الكيماويات السامة في نهر النيل ، ومش فارقة معاه إن دي المياه اللي بنشربها ، وإن السموم دي مش رايحة بعيد... آخرها كلاوينا!

اللي بيرمي مخلفاته والحيوانات الميتة في النيل همّه البسطاء في القرى ، ولا يفرق معاهم نتيجة عمايلهم دي!

اللي بيلوث النيل والترع بالبلهارسيا هوّه برضه الفلاح البسيط ، اللي بس لو عمل دوران 180 درجة ، وعمل بيبيه ع الأرض يبقى ماتت السركاريا في كام ساعة!

اللي بيخنقني بدخان سيجارته هوّه المواطن البسيط اللي ما عندوش دم ، ولازم أطلب منه يطفيها بمذلة ومسكنة عشان يتعطف عليّا ويطفيها!

اللي بيغلّس عليّا في كمين مرور (زي اللي في طريق شرم مثلاً) هوّه حتت أمين شرطة لا عنده علم ولا عقل ولا ذوق ، لكن بوظيفته بقى له سلطة عليّا!

اللي بيعطل مصالحي الحكومية أو في المرور مثلاً هوّه مواطن مصري بسيط ، ممكن يكون ساكن جمبي مثلاً ، ولازم أشوفه بقرشين عشان آخد حقي!

اللي بيعاكس بنت ماشية في الشارع مواطن مصري بسيط مش شايف إن البنت اللي في الشارع دي أخته ولا من جنسه أصلاً ، وإلا كان ع الأقل كف أذاه عنها.

لما واحد راكب عجلة ويخبط بنت وهيه ماشية من ضهرها ، ويجري ، ومحدّش من الشارع يتحرك من مكانه! لدرجة إني أنا اتجننت وجريت وراه بالعربية ولبسته في الرصيف ، ونزلت فيه تلطيش! والناس ماشية.... عااااادي جداً! :lol:

لما أتسرق والحرامي بيجري قدامي وأقول للناس اللي في الشارع حرامي يا جدعان ، والحرامي ماشي في وسطهم ، ودول عمالين يتفرجوا علينا! تقوليلي مصريين؟!

لما أشوف كليب ع اليوتيوب لمخبر زي البغل ماسك بنت من شعرها ونازل فيها ضرب لدرجة إن قلبي وجعني أوي من المنظر ، وتقرئي تعليقات إن أكيد دي شـ***** ، وتستاهل اللي يجرالها ده! هيه بقت كده؟!

لما ألاقي مصالحي وقفت بعد عذاب 3 أسابيع بسبب غباء الموظفين! وخلاص لبست في شجرة! والدنيا قفلت ومالهاش حل خلاص... تقوليلي المصريين؟

لما يكون الأساس في أي عمل أو أي حاجة إن الحاجة هتتعمل غلط ، ولازم تحتاطي عشان ما تبوظش الدنيا منك ، ولازم تقفي فوق دماغهم عشان الشغل يمشي صح... تقوليلي مصريين؟

لما يكون المتوقع إن همبكة والفهلوة هي الطبيعي في كل حياتنا ، حتى فيما يتعلّق بأرواح الناس... تقوليلي مصريين؟

لما يكون الفساد بقى هوه الديفولت يا برنسيس ، ولم يعد استثناء... هتقوليلي مصر برضه؟

مين هوّه المصري بالتحديد يا برنسيس؟ حدديهولي يمكن أكون غلطان! :ninja:

هل هوّه أنا وانتي و د.هشام والشامي وباقي زمايلنا في المنتدى؟ في دي ما اعتقدش!

ساعات باحس إن اللي هنا دول crème de la crème. ولاّ يمكن يكون كل المصريين كده؟ mfb:

أنا مصري صحيح يا برنسيس... بس بجد تعبت من الحياة في مجتمع كله مصريين!

ساعات الفلاّح بيخفف تركيز الزرع عشان يعرف يستفيد بخيرات التربة ، وينمو صح.

يمكن ده حالنا... تركيزنا في حتة واحدة هيقضي عليها وعلينا؟!

يا نهار ابيض كل ده فى قلبك وشايله بس بجد احييك قدرت تعبر وتقول حاجات كثيرة قوى تعبانه فى البلد دى

انا مثلا موضوع حرق الرز ده كل مرة احط ايدى على قلبى لان ابنى الصغير يعانى من حساسية الصدر واول حاجة ل

علاجه البعد عن التلوث شوف بقى اروح بيه فين

عليك بالدعاء

حسبى الله لا اله الا هو عليه توكلت وهو رب العرش العظيم

عند ذكره 7 مرات صباحا ومساء لا تحمل للدنيا هم

[اسكندرانيةكنداوية]

فإنى أكاد ألمح فى كل المداخلات خيط يربطنا جميعا.....و هو اجمالا حب دفين لمصر....انبهار و اعجاب بكندا و نظامها ....و غيرة شديدة من عدم قدرتنا كمصريين أن نحذو حذو كثير من الأمم ( ومنهم كندا على سبيل المثال) و أن نعود لسابق عهدنا التليد....

أولا أسجل إعجابى بمداخلة أستاذنا الكبير د/شامى أكيد كلنا بنحب مصر وفى كتير حاولوا يغيروا السلبيات اللى شافوها وعاشوها وفشلوا ففضلوا إنهم يتغربوا أو يهاجروا بحثا عن مستوى معيشة أفضل و أكرم و فى كتير باع القضية من أولها و إتغرب أو هاجر لكن فى النهاية غالبية المغتربين أو المهاجرين جواهم إحساس الغيرة إن مصر مش زى الدول دى و الدليل إنك دايما تسمع منهم لية مصر ما تبقاش كدة إمتى حنشوف النظام دة فى مصر و غيرها من التعبيرات اللى تحسسك إن أى مصرى نفسه بلده تبقى فى أجمل صورة

وكانت مداخلة د/أحمد حسام فيها جزء ولا أجمل قال فيه

نريد جيلا جديدا من المصريين يستطيع إحداث تغيير في البلد وإعادتها الى المسار الصحيح ... هذا الجيل للأسف من الصعب تكوينه داخل مصر في ظل الأوضاع الحالية ... لذلك أنا أرى أن أفضل ما يمكن للمصري أن يفعله حاليا هو أن يربي أبناءه خارج مصر بعيدا عن المناخ الفاسد وعمليات غسيل المخ التي يتعرض لها المصريون ليل نهار آملا أن يستطيعوا يوما العودة وإحداث التغيير المنشود إذا تغيرت الظروف.

كل الشكاوى و المعاناة اللى بنعانيها سببها أفراد من الجيل الحالى أو السابق ما أتعلموش يحبوا مصر صح حب مصر بالنسبة لهم شعارات فقط من غير عمل وعطاء

لكن الجيل دة مش باقى للأبد لازم حيحل محله جيل تانى و رسالتنا هى إعداد الجيل الإيجابى ده مش مهم فين فى مصر أوخارج مصر لكن المهم يكون مستعد إن يكون له دور فى مصر لإنه بيحبها وإذا فضلنا نعدد السلبيات اللى بنشوفها و نعيشها دلوقت بنرة اليأس من الإصلاح اللى أنا حاسها من معظم المشاركين يبقى مش حنعرف نربى جيل بيحب مصر صح لأن المشاعر دى حتتنقل لهم ولو فى منهم جزء متربى خارج مصر يبقى قضينا على الإنتماء كمان

أنا مش باقول ما نناقش السلبيات لكن يا ريت لو نقول ممكن نعمل إية عشان تتصلح و لو دورنا شوية حنلاقى نماذج حلوة فى الشباب الجديد و يمكن أولادنا يكون عندهم عزيمة وإصرار ويقدروا يعملوا اللى إحنا ما قدرناش نعمله لمصر خلينا نديهم فرصة من غير نأثر عليهم تأثير سلبى و أعتذر على الإطالة

[wnam]

صباح الخير يا بهوات...

هوه لا كده لا كده؟!

يا نقول كل اللي نفسنا فيه يا سكتم بكتم؟! حتى هشام اللي كان بيتكلّم بهدوء وبكل عقلانية برضه جاب مارشدير لورا؟

يا نغلط في البلد ونستعر منها ، يا ناخد أتيتيود عنيف في الدفاع عنها كما لو كنا حماة الحمى؟!

أولى خطوات الإصلاح يا سادة الإدراك... أولاً ندرك إن فيه مشكلة ، وبعدين نعترف إن عندنا مشكلة ، وبعدين نحللها ونشوف إيه اللي ممكن نعمله عشان تتصلح. وحتى لو اعترفنا بعدم قدرتنا على إحداث تغيير ، فده مش معناه إننا نعمل زي النعامة.

بصوا بقى... كلنا هنا لامسين كل العيوب اللي اتذكرت ، ومحدّش يقدر ينكرها ، هنحاول نجيب المبررات للي وصلناله ، أنا مش باخدها كده خالص... أنا بابُص ع النتيجة النهائية (واقعي شوية)... النتيجة لا تسر عدو ولا حبيب!

كنت بارُد على برنسيس في نقطة المواطن المصري البسيط (اللي أحمد سيف عاوز يقضي عليه ). وأوضح وجهة نظري شوية في النقطة دي بالذات...

بنتكلم دايماً على إن المصري البسيط ده اللي هوّه تراب البلد زي ما ساعات بنقول ، وفيه طيبة ونقاء المصري ، واللي بنضرب بيه المثل في الأصالة. أساس مشاكل البلد ، أو 90% منها جاي من المواطن المصري البسيط ده. وممكن يكون المواطن ده أنا أو هشام أو د. الشامي برضه... إحنا مش بهوات! لما أنا هنا ع البريمة مثلاً ما أشوفش شغلي صح ، وأسيب الكامبوس (مدير شركة التغذية) يستلم طلبية الأكل وفيها حاجات بايظة أو منتهية الصلاحية أو عفنت عشان هوّه مستخسر إنه يرميها ، وأتقاعس عن القيام بشغلي... أبقى كده ضريت كل الموجودين معايا في الشغل.

لما أكون أنا - المواطن البسيط - بأؤذي مواطن مصري تاني بدخان سيجارتي ، أو براديو العربية الأجرة بتاعتي اللي باسوقها ، أو إني أمد إيدي على مواطن مصري تاني أنثوي لا لشئ إلا لأني مستمتع بكده ، أو إني أعطل مصالح الناس عشان باطلب ما لا حق لي فيه ، أو إني أكسر ع العربية اللي جمبي عشان شايف نفسي أحق بالمتر اللي فضي من نهر الطريق ، أو إني أقدم خدمة طبية دون المستوى عشان ببلاش في المستشفى لكن في عيادتي هيكون التعامل أصح وأنضف (إلى حد ما) ، وفي كل المجالات هنشوف وهنلمس ده. طبعاً أنا ما جيتش ناحية الجرائم واللي الشرطة متقاعسة عنها تماماً! كل كلامي على سلوكيات يومية بنعايشها كلنا ، وسببها... المواطن المصري البسيط!

أنا باتكلم عن سلوكيات لا ليها علاقة بحكومة ، ولا برئيس ، ولا بشرطة ، ولا بأي حاجة في الدنيا... دي من مواطن بسيط لمواطن بسيط تاني... واحد منهم بينغص حياة اللي جمبه!

ومعلش يا برنسيس... مبدأ البلد اللي علمتك وأكّلتك وربتك وعملتك بني آدم ده مبدأ مش قادر أستسيغه! البلد دي شئ مالوش وجود... ممكن تقولي الناس اللي عملت كده ، مش البلد!

الفلاح اللي زرع وأكّلني أخد مقابل الزرع ده ، يعني واحدة بواحدة وخلصت. دكتور الجامعة اللي كان بيدرّسلي كان بياخد مرتب ارتضاه لنفسه و وافق عليه. بابا الله يرحمه لما كان بيعالج الناس ، أو بينقذ ناس جايين من حادثة كان بيقبض مرتب أقل ما يوصف بيه إنه مرتب عرّة ، لسّه جايب بيه من 4 تيّام سماعة هيدسيت Bose من الدوحة! بس هوّه كان مرتضيه ، ومالوش الحق يشتكي! موظف الحكومة اللي بيشتكي من قلة المرتب اللي بيقبضه وبيضطر ياخد رشوة (مالهاش مسمّى تاني) عشان يعمل شغله كان هيموت عشان يتعيّن في الحكومة ويضمن شغل ثابت وأنتخة ومعاش قليل بس مضمون!

ومفيش دولة متحضرة بتعمل كده مع مواطنينها ، ولا بتعايرهم إنها عملت لهم وسوّت لهم! يمكن احنا اللي دايماً شايفين أي خدمة حتى لو من حقنا إنها منحة بناخدها من الحكومة أو من البلد علينا ، والمفروض نكون عبيد إحسانها بالخدمة دي! مش هنقول بقى إننا كنا بندفع ضرايب ، وراضيين بمرتبات حقيرة ، وجودة حياة متدنية... هننسى كل ده ، ونفتكر إن البلد أكّلتنا وشربتنا من نيلها (اللي هوّه مش بتاعنا) ، وحمتنا وخدتنا تحت جناحها ، إلى آخر الاسطوانة المهينة ، اللي لا يرضاها أي إنسان عنده كرامة!

يا برنسيس... في كندا وأوروبا والدول المتقدمة ، تربية الطفل حق للطفل ، و واجب على أولياء الأمر ، وليس منحة منهم له. الوالدين عندهم التزامات تجاه الطفل بما إنهم أنجبوه لهذه الدنيا ، ولو أحبوا يتنصلوا من هذه المسئولية ، هتقوم بيها مؤسسات الدولة عن طيب خاطر ، والمهم في الموضوع ده إن الطفل ينشأ في جو يحميه ، ويخرجه إنسان صالح. في مصر الأهل بيعتبروا إن مجرد تربية الإبن أو الإبنة جميل في رقبة أبنائهم ، ممكن بعضهم يذلوا بيه الأبناء فيما بعد ، لو لمسوا منهم تكاسلاً عن رد الجميل!

ونفس الأسلوب بتتبعه البلد أو بالأدق الحكومة معانا في أداءها لواجباتها ، وآدينا احنا نفسنا بنعمله بيننا وبين بعض!

وتأكيداً على كلام د. الشامي...

الناس بينقسموا لفئتين من حيث الـ Tolerance لأحوال البلد والمعيشة فيها... قسم متعايش وما عندوش مشاكل ، أو مش متأزم أوي من الحياة فيها ، وده يا بخته بالحياة في مصر. العيشة رخيصة وممكن الواحد يعيش بأي مبلغ فيها! مش هنتكلم على الكواليتي أوف لايف طبعاً... بس آهي عيشة والسلام ، طالما مرتاح نفسياً.

وقسم تاني مش قادر يتأقلم مع الحياة دي ، وده حرام نطلب منه يرضى بما لا يطيقه ، وحرام برضه نطلب منه يخرس ، وما يتكلمش ولا يفضفض حتى! القسم ده من حقه يعيش في مكان تاني يرتاح فيه ، ومن حقه برضه يتكلم عن بلده زي ما يحب... هوّه مش مصري ولاّ إيه؟!

وأنا أرى إن حقي إني أغلط في بلدي ده حق من حقوق المواطنة! بلدي وأنا حر أغلط فيها زي ما أحب ، ولا حقي بس إني أمجّد في حبها بس ، لكن التذمر ده حق غير موجود؟!

أفتكر كلمة كان الواد ديبو قالهالي أيام ما كان عايش في كاليفورنيا... في مصر إنتا ممكن في أي قعدة تشتم وتلعن في أم البلد ، ومحدّش بيمنعك من كده ، لكن هنا لو برطمت وشتمت في البلد ، ممكن تلاقي واحد يطلع لك ويقول لك بكل بساطة (مش عاجباك البلد ، سيبها وارجع بلدك. قاعد فيها ليه؟!)... ساعتها الكلمة دي بتوجعك أوي

ونقطة أحب أوضحها للجميع... علاء ده لو ما كانش حاسس بمصريته ، ما كانش جه وقعد وسطنا واتكلم ، أو حتى كتب كلمتين على بعض! يمكن الكلام (اتدلدق) منه شوية ، بس نلتمس له العذر ، ونحاول نكلمه برفق. مش رد العنف بالعنف هوّه الحل! الـ 2 عبارة عن Extremes ، وده مش الحل! سواء العنف ضد مصر ... أو معاها!

وعلى قد ما استغلطت علاء في تحامله على البلد ، على قد ما استغلط Z أفندي في تصديه لمن يقول كلمة مش ولا بد عن مصر. الرفق والحوار الهادئ يا سادة هو السبيل لنقاش ثري ومفيد. أنا مش عاوز حد يطبل ليّا أو لغيري ، أو يقوللي الله يا ست... أنا فقط أطلب حوار على نار هادية

وأستأذنكم بلاش سكتم بكتم... إحنا هنا مش عشان سكتم بكتم

مش كده ولا إيه يا هشام؟! إنتا بالذات بأسعد بحوارك ، وباحس إنه حوار باستمخ وباعمل دماغ وانا باقراه...

أستأذنك ما تحرمنيش من المخمخة ، خصوصاً وانا في البريمة... أرض الدماغ والمزاج... العنب

--------------------------------------------------------------------------------

يسلم فمك يا دكترة...

أنا عن نفسي من الفئة التانية...أنا الحمدلله بشتغل في ال-oilfield ومرتبي كبير...يمكن أكتر من إلي ممكن اخده في كندا لم أروح انشاالله...لكن أنا بصراحة مخنوق في مصر وحاسس اني لزم أفضل طول عمري أحوش فلوس عشان مفيش حاجة مضمونة...وكمان الفلوس دي مش بتدمنلك عيش كريمة في مصر....برد هتقرف من الزحمة والدوشة والتلوث والإحساس الدائم بعدم الأمان...ناهيك عن مشوار المعاناة الصبحي والمسائي مع زحمة الشوارع وقلة الأدب..لم الواحد بيبئة مضطر إنه يعال أدبه وذوقه عشان يعرف يعيش...

أنا ابني الصغير اتولد في أمريكا...تلعتله الباسبور الامريكاني في نص ساعة...وهنا في مصر عايل هم اني أرح الجوازات أعمله الجواز المصري...

الواحد مهما يحول يمسك نفسه ويقول هبتدي بنفسي وأبئة متحضر....كل إلي بتعمله يضيع في الهوى أدام سلوكيات الناس إلي بتتعامل معاهم...

الواحد يشكر ربنا مليون مرة على الفيزا إلي أخادناه...ربنا يجمعنا في كندا ونعرف على الأقل نعيش صح....

لا الأكل ولا الشرب هو الحياه...لا المصمت الفلاني ولا مطعم الستيك...المهم اني أحس اني بني أدم.

أنا عن نفسي...مع الفرقة التهامية....حتى الموت....

أسف على الرغي د كله...

سلام

معلش بس مقدرتش مسألش طلعت شهادة ميلاد مصرية؟

هحكيلكم قصة ظريفة اوووى

حبيت اطلع لابنى شهادة ميلاد مصرية لانه مولود بكندا فرحنا لمكان بالعباسية المختص بذلك بصراحة مش فاكرة الاسم ده كان من 7سنوات

المهم طلبوا شوية اوراق وشهادة الميلاد الكندية وسألت الموظف انا ممعيش غيرها فقالى هترجع طبعا احنا مبناخدش اصول ده للتأكد فقط علما ان الولد مثبت على الجواز المصرى الخاص بى

بصراحة كل شئ مشى تمام وبيسر وسهولة لكن وهنا نحط ميت خط تحت لكن دى

عند استلام الشهادة المصرية فين يا عم الشهادة الكندية قال لأ احنا بنحتفظ بيها يهديك يرضيك دا زميلك قالنا قال دى التعليمات طب فين مدير المكتب

المهم رحنا للبيه المدير وحكينا وروينا فقال لن ترجع لماذا يا حاج والله خسارة فيه الكلمة

قال لانه ليس لكم عذر فالتعليمات معلقة بالخارج على العمود

فقلت العمود ليس عليه اى لوحه

فقال ايوه اصلها اتقطعت من زمان ومعملناش واحدة ثانية والكلام خلص

ايه رأيكم

وعلى فكرة اكتشفنا بس بعد فوات الاوان انه فيه طريقة للتقديم والاحتفاظ بالشهادة الكندية

[عبدوس الوزير]

أخي دكتور قناوي

أنا ممكن ألعب معاك ماتش القصص السلبية ده من ناحية كندا. تحب؟

[صعيدي من مونتريال]

هااااه

النتيجه كام كام ؟؟ ;)

يا اخوانا الجدال ما منهوش فايدة

كل واحد يحاول يصلح حاله واللي حواليه الاول

بعدين اقروا التاريخ

انتم متخيلين ان وضع مصر حاليا هو الاسوأ ؟؟

لااااااا

مصر جات عليها ازمنه الناس كانت بتاكل بعض حرفيا مش مجازا

وكونك تفكر ان المشكلة مصرية غلط كبير

المشكلة اسلااااامية اولا واخيرا

وللاسف هو ده اللي نجح الاستعمار فيه

تحويل القضية من اسلامية الى قومية الى وطنية الى ,,,,,

الايام دول

يعني هل اوربا كانت متقدمه كده على طول ؟؟

لا طبعا

كانت فيها فترات متردية

لاتقولي بلهارسيا ولا فساد ولا كل القصص دي

تم تعديل 6 يناير 2010 بواسطة صعيدي من مونتريال

[د هشام ابراهيم]

أخي دكتور قناوي

أنا ممكن ألعب معاك ماتش القصص السلبية ده من ناحية كندا. تحب؟

يا ريت .... يبقى كتر خير حضرتك ...بس استأذنك تجمل جميلك و تفتح موضوع مخصوص لمساويء كندا أو تكمل علي المواضيع اللي أتفتحت قبل كده زي "كندا وحشة " اللي جاب رجلي للمنتدي ده كله أصلا ..ده بعد إذن حضرتك و د تهامي طبعا

عرض الصورة كاملة قدام الناس خصوصا اللي بتفكر تهاجر أو قررت و قربت تيجي مهمة جدا .....لا كندا الجنة و لا مشروع الهجرة ينفع كل واحد و النصيحة ضرورية جدا في كل مرحلة من دول

الحاجة الوحيدة بس اللي مش فاهمها و قلتها قبل كده ليه الدفاع عن مصر يبقى بالهجوم علي كندا ...... صراحة مش فاهم الأرتباط الشرطي ده .....أكيد كندا فيها حاجات وحشة كتير بس أي مقارنة موضوعية بين مصر و كندا مش حتصب في صالح مصر ....

تحياتي للجميع و خصوصا لو كابتين تومي .....أبقي أسمع كلام د ناجي بعد كده ;)

[dcfarouk]

، بس حاجة واحدة بس وجعت قلبي و هي ان والدة افضل باحثة في روماتولجي علي مستوي العالم ليست مصرية وعلشان كدة هذه الباحثة تتمتع بذوق و ادب و تواضع و حب للعلم

حضرتك تقصد ايه ان والدتها غير مصرية...هل تقصد ان الست المصرية مش بتعرف تربي اولادها؟؟؟

دكتور فاروق احب افكر حضرتك ان والدة طه حسين كانت فلاحة مصرية و امية كمان ومع ذلك انجبت لنا عميد الادب العربي، سوزان زوجة طه حسين الفرنسية لم تنجب لنا طه حسين اخر يعني الي حضرتك بتقولوا دا مش قاعدة.

و بعدين كل علماء مصر و اعظم المفكرين كانت والدتهم مصرية...

استاذي كلامك في اتهام للمرأة المصرية ...

السلام عليكم برنسيس

انا مقلتش نصا ان عشان امها مصريه هي كويسه هي ممكن جت في سياق الحديث من غير قصد هو انا كنت بسرد معلومات عنها وكنت عاوز اوصل انها ثقافه غربيه بطابع مصري وبجد ديه احسن توليفه ممكن توصليلها

اوضح لحضرتك

هي دكتوره معتزه جدا بدينها وده واضح من كلامها وكمان بتحب والدتها وابوها بطريقه غير عاديه ولغايه كده هي مصريه تمام لان كل المصريين كده

لما يكون كل همها العلم بس والبحث العلمي هو حياتها وحبها لنشر العلم

لما تكون بتعامل كل واحد في مجموعتها باهتمام شديد ومراعاه وود من غير كبر

لما تكون البسمه مش بتفارق وشها في وش مرضاها وطلابها حتي وهي زعلانه

لما تكون بتحافظ علي كل اللي حواليها وبتحترم كل الناس

انا متاكد ان ديه ثقافه بقت قليله اوي في مصر وهي ثقافه غربيه

برينسيس

والله العظيم الام المصريه احسن ام في الدنيا بلا منازع واحط صبعي اي حد يقول غير كده وده اكيد راي اي حد حتي لو مش مصري وعاشر ام مصريه وشاف انها ممكن تموت عشان ولادها في حين ان في اي حته تانيه همها نفسها وبس والواحد بينحني احتراما لكل ام مصريه بجد لان كل واحده بمعني كل واحده ليها قصه كفاح واكيد كل واحد فينا عارف قصص كتير تثبت كده

حادث حصل من كام يوم عرفت ان البلد ديه الامبالاه هي الديفلت علي راي دكتور تهامي

كنت في البنزينه الساعه واحده بالليل راجع متاخر

اللهم اجعله خير ببص علي تانك البنزبن علي الراجل اللي بيمون العربيه الاقي (بعيد عن السامعين )

حاجه وقفت قلبي

والله بجد الاقي الراجل ا بيمون العربيه بنزين بايد وايده التانيه بيشرب سيجاره

انا برقت واذا بيه بلتفت لليمين الاقي زميله واقف بيشرب سيجاره جنب ماكينه تموين البنزين وواحد تاني قدام العربيه بشرب سيجاره انا في لحظتها بصيت فوق

اتاكد ان ديه بنزينه

وللاسف الصدمه انها طلعت بنزينه مكتوبه بالبنط العريض

انا سعتها عرفت اني في اسرائيل واني وقعت في كمين انتحاريين فاكرين اني اسرائيلي وخلاص هيفجروا نفسهم

والله العظيم انا اتشاهدت

في مثل مصري كان بيقول احنا اللي دهنا الهوا دوكو

الجديد بتاعه

احنا اللي شربنا سجاير في البزينه

عمار يا مصر وربنا يطول في عمر امير المخبرين

سؤال بس عشان ارد علي موضوع ان اللي بنتقدوا مصر لازم يحبوا بلادهم اكتر وحجات كده

لو قامت حرب بين كندا ومصر هتحارب مع مين؟

لو قامت حرب بين مصر واسرائيل هترجع تحارب مع مصر؟

الاجابه كلنا من غير تردد هتكون واحده

حتي لو اكلت المن والسلوي علي رأي Z في كندا

احنا كمصريين اعز من اني اكتب الاجابه علي الاسئله ولا ايه

(اللهم انصر اهل غزه وحماس )

تم تعديل 6 يناير 2010 بواسطة dcfarouk