كندا التي رأيتها :)

[عبدوس الوزير]

أخي الدكتور الفاضل هشام

أحب بس أوضح لحضرتك إني مش متبني فكرة إن الدفاع عن مصر يبدأ بالهجوم على كندا على الإطلاق. بل على العكس أنا عايش في كندا من فترة مش بسيطة وتقدر تقول لحم كتافي من خيرها. أنا فقط حبيت أبين إن طريقة الأستاذ قناوي في سرد قصص الفشل والإحباط في مصر كان خارج الموضوع تماما لأن الأستاذ زناتي لم ينكر إحباطات الحياة المصرية ولا كان ده وجهة اعتراضه. إنما لو الموضوع موضوع سرد المساوئ فمش هنخلص.

وعلى هذا فمداخلتي كانت من باب التركيز على أصل النقاش وليس تمييعه أكثر.

إنما سبب اهتمامي بالموضوع أصلا هو بالخصوص قول الفاضل التهامي شيء ما معناه إنه سيبنا بقى من الهجص اللي اتربينا عليه (ربما ليس نصا ولكن معنى). يعني ايه؟ يعني كل السنين اللي فاتت دي من نوع ارمي ورا ضهرك؟ يعني لازم نكون أكثر ملكية من الملك علشان يتم قبولنا؟

مساوئ المعيشة في كندا مش مساوئ مادية ولكن مخاطر مسح الشخصية من النوع اللي تخلي الواحد لما يشوف الغلط هنا الأول ما يهتمش، وبعدين يتقبله، وبعدين يشجع عليه. فيه ناس بتواجه المشكلة دي بالتقوقع، وناس بتواجه المشكله دي بالانخراط التام، إنما اللي يقول لك أنا في كندا ميت فل وعشرة محافظ على نفسي وأسرتي بس برده عايش عيشه آدمية وكلام من ده بس اديله عشرة خمستاشر سنة واسأله تاني.

عموما ربنا يكتب لكل الناس اللي فيه الخير.

[moheltohamy]

يؤسفني أقفل النقاش في الموضوع ده... لافتقارنا لأبسط مبادئ ثقافة الحوار!

إحنا لا نعترف بالحوار الهادئ ، وبناخده بانفعال ، وممكن نحتد على بعض! وده شئ ملاحظ في ثقافاتنا المصريين بصفة خاصة ، والعرب بصفة عامة! واللي مش مصدق يشوف أي من برامج التوك شو المصرية ، أو أي اجتماع من اجتماعات القمة العربية ، أو ببساطة... جلسة لمجلس الشعب المصري!

البداية كانت ردي على العزيزة برنسيس عن حاجات كتير خانقاني من البلد ، والغريب إن مش كتير اللي تفهموا وجهة نظري ، ناس كمّلت سب للبلد واللي فيها ، وناس تانية انبرت للدفاع عنها ، وناس اكتفت بموقف المتفرج عشان ما يدخلش في الخناقة ، وناس قليلة حاولت تهدّي اللعب.

الموضوع مش مستاهل الفيلم ده كله... محدّش محتاج يدوّر على مبررات لترك البلد ، والحصول على بلد أم إضافية (مش بديلة) بجوار بلده الأصلي. كل واحد حر يا سادة ، واحنا كما أعتقد راشدين ، ومسئولين عن اختياراتنا ، ومحدش وصي على حد.

كنت أتمنى يستمر الحوار بهدوء وموضوعية و واقعية ، بدون مبالغات لا في حب مصر ولا في كرهها! لكن بكل أسف من الواضح إنه صعب... يمكن عشان ثقافتنا اللي اتربينا عليها.

قبل ما أنهي الحوار في النقطة دي... فيه موقفين ع السريع أحب أذكرهم...

بالنسبة للأخ بتاع البيبسي كان يا برنسيس ، أنا شفت بعيني في شارع جامعة الدول العربية في المهندسين واحد راكب عربية محترمة (مش فيات يعني ;) ) وفي وسط الشارع ، وبيطلع إيده من زجاج العربية وبيرمي زجاجة عصير (زجاج) في وسط الشارع! تعتقدي ده بني آدم متربّي أصلاً؟! ده كده تعدّى مرحلة عدم النضافة بكتير!

الإهمال ده برضه هتشوفيه في كندا ، يعني مثلاً شوفي كده المنظر ده... أنا استغربت أصلاً من وجود يافطة بتقول إن مخالفة إلقاء قمامة عقوبتها 500 دولار!

والأغرب بقى إن فيه بهوات راميين الزبالة تحت اليافطة! زي ما بنعمل في مصر ، لما دايماً تلاقي فيه عربية راكنة تحت يافطة ممنوع الانتظار! (معلش الصورة مهزوزة شوية)!

يعني دايماً الغلط موجود والمخالفات موجودة طالما فيه بنو بشر (على رأي هشام)... البوينت هيه النسبة كام.

النقطة التانية بقى... كنت راكب تاكسي في القاهرة ، والحوار أخدني مع السوّاق ، ولقيته بينصحني:

بص يا بيه ، لو انتا سايق عربيتك ، وعدّيت على كمين ، ولقيت الأمين بيدخل براسه من الشباك اللي الناحية التانية وبيتفحّص سدر مراتك ، إعمل نفسك مش واخد بالك ، وآهي بصّة وتعدّي... لأنه ممكن يتلكك ويقرفك ، ويبهدلك ويبهدلها... البصة ما بتلزقش! :lol:

الراجل كان بيتكلم جد ، ومش عاوزني أتبهدل في موقف ممكن أتهان فيه!

طبعاً الموقف ده ما حصلش معايا ، بس حصل موقف مشابه له من بعيد...

تاني يوم بعد الجواز... وانا داخل بالعربية على شرم الشيخ ، ألاقي الأمين في الكمين اللي ع المدخل بيوقفني ، ويدخل براسه جوّه العربية ويسألني مين اللي معاك؟ المدام دي؟! كان العادي بتاعي إني أقول له (وانتا مال أهلك؟) ، خصوصاً إن البعيد ما بيميّزش... مكتوب بالبنط العريض ع العربية من قدّام ومن ورا Just Married... أعمل له إيه تاني الغبي؟!

لكن طبعاً لما يكون معاك واحدة ست بتبلع الجزمة عشان ما تهينهاش! :lol:

حاجة هم... :lol:

نرجع بقى نرد ع المداخلات القديمة...

[znaty]

أخي الدكتور الفاضل هشام

أحب بس أوضح لحضرتك إني مش متبني فكرة إن الدفاع عن مصر يبدأ بالهجوم على كندا على الإطلاق. بل على العكس أنا عايش في كندا من فترة مش بسيطة وتقدر تقول لحم كتافي من خيرها. أنا فقط حبيت أبين إن طريقة الأستاذ قناوي في سرد قصص الفشل والإحباط في مصر كان خارج الموضوع تماما لأن الأستاذ زناتي لم ينكر إحباطات الحياة المصرية ولا كان ده وجهة اعتراضه. إنما لو الموضوع موضوع سرد المساوئ فمش هنخلص.

وعلى هذا فمداخلتي كانت من باب التركيز على أصل النقاش وليس تمييعه أكثر.

إنما سبب اهتمامي بالموضوع أصلا هو بالخصوص قول الفاضل التهامي شيء ما معناه إنه سيبنا بقى من الهجص اللي اتربينا عليه (ربما ليس نصا ولكن معنى). يعني ايه؟ يعني كل السنين اللي فاتت دي من نوع ارمي ورا ضهرك؟ يعني لازم نكون أكثر ملكية من الملك علشان يتم قبولنا؟

مساوئ المعيشة في كندا مش مساوئ مادية ولكن مخاطر مسح الشخصية من النوع اللي تخلي الواحد لما يشوف الغلط هنا الأول ما يهتمش، وبعدين يتقبله، وبعدين يشجع عليه. فيه ناس بتواجه المشكلة دي بالتقوقع، وناس بتواجه المشكله دي بالانخراط التام، إنما اللي يقول لك أنا في كندا ميت فل وعشرة محافظ على نفسي وأسرتي بس برده عايش عيشه آدمية وكلام من ده بس اديله عشرة خمستاشر سنة واسأله تاني.

عموما ربنا يكتب لكل الناس اللي فيه الخير.

ياااه

اخيرا فيه حد فهم انا باتكلم على ايه ؟؟

يا سبحان الله

قعدت افر المداخلات اللي فاتت كلها كدة بالسكرول بسرعة واقول لنفسي

ماهو يا اما انا باعرفش اكتب ..او باكتب هندي مثلا

ياما الناس دي اساسا مابتقراش ..زي الاخ رامي فتح الله اللي واضح اوي انه مابقيراش ..بيخش يدور بس على معلومات علشان ماحدش جاب سيرة كندا من اساسه والا قال ان الهجرة وحشة ماتهاجروش

ياما انا باستخدم نوع من الحوار ماينفعش يتكتب ..يتقال واحنا قاعدين موش يتكتب كتابة

علشان انا اول ماخلصت مداخلاتي ..فوجئت بكم رهيب من البهوات اللي بيرصوا في الفساد والمشكل اللي في مصر ..مع اني قلت تلاتين مرة موش بس متفق معاكم ..لا دة انا عانيت اكتر منكم بكتير اوي

بس للاسف ماينفعش اقول اللي انا شفته وحصللي في مصر هنا اطلاقا ..بس قسما بالله ..لو حد عرفه ..ماهيصدق اني ممكن اقول كدة

انتوا بتسمعوا بس ..انا حصللي اللي فعلا ما يتحكاش ..انتوا بتسمعوا بس ..انا اتبهدلت بما لا يخطر على بالكم ..ولا يقارن بالمرور والسحابة السودة والتعليم والصحة..وخرجت من مصر وبعدها قلت انا ولي امري ملك السعودية انا لا انتمي لمصر ..انا هاشتري فيزا مستثمر وموش راجع تاني ابدا

وعشت كدة 4 سنين

وبعدين فجأة اكتشفت اني غلطان.. وتقريبا كدة جبان

هو دة اللي انت قدرت تعمله لبلدك ؟

اكتشفت بردة اني ماليش غيرها وهافضل احبها ..وعمري ماهكون غير مصري .. وفعلا اللي بيحصل فيها ..غمة وهاتزول وان شتيمتك لبلدك مهما حصل شتيمتك لنفسك

لا اعني ان كلكم هنا بتشتموها طبعا لا ..علشان اوفر عليكم المداخلات ..بس فيكم اللي فعلا بيسبها علنا

ونقاشي مع د تهامي اللي رد عليه د هشام ..كان الغرض الرئيسي منه ..اننا مانزودش عدد الناس دي

مانكترش منهم ..ونزود الشعور بعدم الانتماء ..اللي للاسف بقي سمة المصريين دلوقتي

هاتقولولي طب ماحنا كمان كدة ..بندعي عليها بس بنحبها وباكره اللي يقول امين والكلام دة ..حلو ..ماشي ..طب مين اللي هايفهم ولادكم اللي هايتربوا هناك كدة ؟؟؟

ان كنت هاتعملوا كدة ..يبقوا انتوا في صفي موش في الفريق التاني زي مانتوا فاهمين

مين اللي قالكم ان انا محتاج دليل على سؤء الاوضاع في مصر علشان ترصو.. وتعددوا ا الكلام دة وقصص الفساد؟..للاسف حتى انت يا قناوي اللي كنت بافتخر انك بتفهمني بغمضة عين ؟؟

مين اللي قالكم اني ضد مشروع الهجرة من اساسه والا قلت ان كندا بلد سيئة وان انا ضد الاستقرار هناك حتى ؟؟؟علشان ذكرت في الانطباعات المخاوف ؟؟طب مانتوا

عارفينها ..وموجودة ..سؤاء شئتم ام ابيتم ..هو دة جزائي اني خايف على مصلحتكم وبانبهكم ؟؟ دة ذنبي اني حاولت اكون موضوعي وفاير علشان تاخدوا بالكم وتستعدوا وكل واحد

يقيس امكانياته وظروفة هايقدر والا لا ؟؟

ولا واحد فهم اللي انا بالمح عليه الا الاخ عبدوس ومداخلة صغيره من الاخت كوين والباقي بالصلاة على النبي دخل يهلل في حاجة انا لم اذكرها اصلا ولا هيا اساس موضوعي

يشهد الله

اني من يوم مادخلت المنتدي دة من سنة لغاية دلوقتي

كان غرضي الوحيد هو اني افيدكم انتم قد اما هاقدر ..ولا انا كنت محتاج معلومات عن الهجرة ..ولا انا كنت محتاج معلومات عن الايلتس ..ولا انا كنت محتاج اي نوع من المعلومات بفضل الله

وانتوا اكيد عارفين ان فيه ناس كتير هنا في المنتدي دة ..بيكتبوا معانا وعارفينهم كويس..مادخلوش هنا الا لمصلحتهم فقط ..ومنهم بيهللوا لناس هنا عسي ان تيجي من وراهم مصلحة او يساعدوهم في الغربة على الاقل في اول ايامها

وبرده وانا باتكلم عن علاقتك بمصر والغرض من كل المداخلات اللي ضيعت وقتي على الفاضي وكتبتها .. بعد وقبل الهجرة كان قصدي مصلحتكم فقط لا غير

لما توصل لمرحلة اللا هوية وتلاقي ولادك الصغيرين كبروا بلا هوية او بقي على غير الاخلاق اللي اتربيت عليها يبقي انت الوحيد اللي هايندم موش انا

ساعتها هاتعرفوا يعني ايه انتماء .. وان الوطن ..موش بس اللي بياكلك ويشربك ويحميك ويدلعك ..والا ماكنش النبي صلي الله عليه وسلم كان خارج من مكة وطنه بيبكي عليها ..وعم

ر

ماقال ان المدينة اللي نصرته و وساعدته وعمل فيها دولة الاسلام ..احب اليه من مكة ..اللي عذبته واذته و كان مهدد فيها

لان مكة هاتفضل وطنه مهما كان

نسيتوا القصة دي والا افكركم ؟؟

اذا كانت مصر بتمر بفترة من اسوأ فترات تاريخها ..فان الوضع دة من المؤكد موش هايستمر ..التاريخ القريب بيقول كدة

دة انا كنت اللي طلبته تفضلوا منتمين لمصر وانتوا هناك مهما حصل والاوضاع اسودت اكتر واكتر ..انا كدة غلطت ؟؟

كل اللي طلبته انكم تربوا ولادكم على انهم مصريين قبل مايكونوا اي جنسية تانية ..تربطوهم باهلهم وناسهم في مصر وفي كندا ..فيها ايه دي

طلبت انك لا تلعن مصر ولا تستعر منها علشان يبقي ليك اصل تنتمي ليه غير قرشك وحياتك المرفهة ..كدة انا كفرت ؟؟؟؟؟

حبيت انبهكم ان فيه شعرة بين النقد والتنفير والتبرؤ من وطنك موش عاوزك تقع فيه ؟؟كدة انا غلطان ؟؟

خفت انكم تترموا ورا كندا فقط لمجرد الهروب من الاحوال في مصر وبدون خطة واضحة ..وان الغربة اكبر من كونها شوية صور شجر وشلالات وكلام دة ..فيها ايه دي ؟

حاولت افتح عنبكم انك تبطل تشوف مصر بعين السلبيات بس ..وكندا بعين الايجابيات فقط ..علشان تبقي عادل وفاهم اللي بيحصل حواليك ماتبقاش زي الطفل اللي شبطان في لعبه

عموما ..كان الله من وراء القصد ..وانتوا احرار ..

ودي فعلا اخر مرة افتح الموضوع دة ..على الاقل مع اخوانا بتوع الهجرة

دكتور هيتش ..ناس بعتللي على الخاص قالولي اني كنت جاف جدا معاك واني رديت رد موش حلو على موضوع المن والسلوي دة

واضح بردة اني اتفهمت غلط ...او جايز استخدمت اسلوب غلط بدليل ان اكتر من واحد فهمها كدة

هل تظن يا صديقي اني ممكن ارد عليك كدة برده؟؟

قسما بالله انا كان قصدي ان ممكن تكون بره فيه حاجات حلوة ان شاء الله من الجنة ..بس عندي البلدي يوكل ;)

موش قصدي خالص ارد على دعوتك شخصيا خالص والله

واذا كنت انفعلت بالذات في المداخلة الاخيرة ..لاني موش حاسس اني كنت منفعل قبلها ..فليها اسبابها ..واعتذر ان كنت ضايقتك ..انا كنت منفعل لوطني لا اكثر

[ramyfathalla]

ياما الناس دي اساسا مابتقراش ..زي الاخ رامي فتح الله اللي واضح اوي انه مابقيراش ..بيخش يدور بس على معلومات علشان ماحدش جاب سيرة كندا من اساسه والا قال ان الهجرة وحشة ماتهاجروش

أنا أسف يا باشمهندس زناتى و اسف لكم كلكم

[vigo]

يا أخي أنا من معجبيك جداً و فعلاً بأحس أنك جدع و ابن بلد برضه جداً بس الكلام اللي أنت بتقوله فعلاً عيب ولا يجب أن تقوله:

يشهد الله

اني من يوم مادخلت المنتدي دة من سنة لغاية دلوقتي

كان غرضي الوحيد هو اني افيدكم انتم قد اما هاقدر ..ولا انا كنت محتاج معلومات عن الهجرة ..ولا انا كنت محتاج معلومات عن الايلتس ..ولا انا كنت محتاج اي نوع من المعلومات بفضل الله

وانتوا اكيد عارفين ان فيه ناس كتير هنا في المنتدي دة ..بيكتبوا معانا وعارفينهم كويس..مادخلوش هنا الا لمصلحتهم فقط ..ومنهم بيهللوا لناس هنا عسي ان تيجي من وراهم مصلحة او يساعدوهم في الغربة على الاقل في اول ايامها

كلام غير صحيح فالكل يفيد الكل هنا و إرجع لمداخلتك قبل كام يوم و التي أقسمت فيها بالله أن الدكتور "أظن هشام" قد أفادك جدا في موضوع Landing

برضه سنظل نحبك في الله و قول على كيفك

فيجو - أوتاوا

تم تعديل 6 يناير 2010 بواسطة vigo

[znaty]

يا أخي أنا من معجبيك جداً و فعلاً بأحس أنك جدع و ابن بلد برضه جداً بس الكلام اللي أنت بتقوله فعلاً عيب ولا يجب أن تقوله:

يشهد الله

اني من يوم مادخلت المنتدي دة من سنة لغاية دلوقتي

كان غرضي الوحيد هو اني افيدكم انتم قد اما هاقدر ..ولا انا كنت محتاج معلومات عن الهجرة ..ولا انا كنت محتاج معلومات عن الايلتس ..ولا انا كنت محتاج اي نوع من المعلومات بفضل الله

وانتوا اكيد عارفين ان فيه ناس كتير هنا في المنتدي دة ..بيكتبوا معانا وعارفينهم كويس..مادخلوش هنا الا لمصلحتهم فقط ..ومنهم بيهللوا لناس هنا عسي ان تيجي من وراهم مصلحة او يساعدوهم في الغربة على الاقل في اول ايامها

كلام غير صحيح فالكل يفيد الكل هنا و إرجع لمداخلتك قبل كام يوم و التي أقسمت فيها بالله أن الدكتور "أظن هشام" قد أفادك جدا في موضوع Landing

برضه سنظل نحبك في الله و قول على كيفك

فيجو - أوتاوا

القصد من ورا الكلام ..اني ماقلتش اللي قلته الا علشان المصلحة العامة لا اكثر

والعينات اللي انا ذكرتها موجودة يا صديقي موش باخترعها

لم اكن اعني اني موش محتاج حاجة من حد والا انا باتنطط يا فيدو..حاشي لله ..انا كان قصدي ان كانت نيتي كلمة الحق لا اكثر

افهمني صح من فضلك

تم تعديل 6 يناير 2010 بواسطة moheltohamy

[znaty]

ياما الناس دي اساسا مابتقراش ..زي الاخ رامي فتح الله اللي واضح اوي انه مابقيراش ..بيخش يدور بس على معلومات علشان ماحدش جاب سيرة كندا من اساسه والا قال ان الهجرة وحشة ماتهاجروش

أنا أسف يا باشمهندس زناتى و اسف لكم كلكم

انا اللي اسف يا رامي

بس احنا عشرة من زمان هنا

ازعل والا مازعلش لما الاقيك كاتب الرد ده :

و أنا كمان معاك يا د/ ايهاب حانام علشان الموضوع بقى دمه ثقيل

د/ تهامى أنا عايز أسألك سؤال هو أحنا فى باب الهجرة الى كندا و لا فى باب حب مصر و كلام و خلاص الباب ده مفتوح لتناقل الخبرات و النصائح للهجرة الى كندا و الهدف مساعدة بعض

و بصراحة الموضوع قلب على عكس الاتجاه اللى المفروض يمشى فيه اللى شايف كندا وحشة ليه بيدخل فى موضوع الهجرة خليك قاعد فى مصر

الوقتي جاي تقوللي ..بتدخل في موضوع الهجرة ليه خليك قاعد في مصر ؟؟ اصل هاتقولها لمين تاني ؟؟ماهو انا اللي غلطت ورضيت وقلت راي؟؟

لما تطلع من واحد يعني نعرف بعض ولينا مداخلات مع بعض من زمان ..تزعل والا لا ؟؟؟؟

تم تعديل 6 يناير 2010 بواسطة znaty

[znaty]

معلش يا اخوانا ..ياريت نقفل الموضوع دة ونرجع لتوبيك د تهامي تاني

انزل يا تومي بالشوبنج الله يكرمك

الموضوع فعلا باخ بسببي انا

اصحي يا بوب

[vigo]

القصد من ورا الكلام ..اني ماقلتش اللي قلته الا علشان المصلحة العامة لا اكثر

والعينات اللي انا ذكرتها موجودة يا صديقي موش باخترعها

لم اكن اعني اني موش محتاج حاجة من حد والا انا باتنطط يا فيدو..حاشي لله ..انا كان قصدي ان كانت نيتي كلمة الحق لا اكثر

افهمني صح من فضلك

جزاك الله كل خير يا زناتي على التوضيح

و أنا كمان عاوز أوضح لك أن مافيش حد مختلف جزرياً معاك. . . . .أرجو وأتمنى عليك أن تنسى لأنك لست في محل دفاع عن نفسك و كذلك الآخرون و ياريت يا أخي العزيز نلتمس العزر لبعضنا البعض.

جزاكم الله جميعا كل خير على هذا المجهود الرائع و أخص بالشكر الزعيمان الكبيران حبايبي (و حبايب زناتي من قبلي) الدكتور تهامي و الدكتور هشام

فيجو - أوتاوا

[ehabtaher]

عند الدكتوره سوسورانى الان عاصفه ثلجيه

وبرد

ادعو لها العاصفه تعدى على خير

[د هشام ابراهيم]

أنا جيت

كلمة مني أخيرة في موضوع موال مصر و كندا و الكلمة للمعلم Z اللي مغلبني

عايز الحق يا باشمهندس Z ..... أنت الفولت عندك بيعلي بسرعة و ما فيش فيوز بيفصل :rolleyes:

لا بجد زي ما أنت قلت بالظبط الحوار كتابة حاجة و الحوار وجه لوجه و إنت شايف عينين و تعبيرات وش اللي قدامك حاجة ......كلام كتير من اللي إنت قلته أنا فهمته غلط و شكلها كده مش أنا بس ...يبقى المشكلة فين

أكيد كلنا عايزين المصلحة انما لو عايز توصل رسالة لحد عمرها ما حتيجي بالنرفزة و العصبية و ايكال الأتهامات أو السخرية ...بالعكس اللي أنت عايز توصله الرسالة حيبعد عنك و ياخد موقف

تهامي..... أخلص بقي و أنزل بالموضوع يا مغلبني إنت كمان

تحياتي للجميع :rolleyes:

تم تعديل 6 يناير 2010 بواسطة د هشام ابراهيم

[ehabtaher]

معلهش يا زناتى بالرغم من اننى حاسس انك عاطفى زياده

والموضوع قلب موضوع باحب او ماحبش

بص يا اخى جايز القعده فى الخليج خليتنى اكثر واقعيه

انا او انت او غيرنا مسافرين فى الدنيا دى وعمرنا مهما طول قصير

الوطن والعرض لا يختلف عليهم احد لو حد داسلك على طرف حا تدوس فيه على طول

بس انا بقولك اهو لو انت عشت فى كندا وولادك اتربوا فى كندا واولادهم اتربوا فى كندا ... حييجى يوم ويقول انا زمان كان ليا جد اصله من مصر وما يعرفش عنها غير اللى ابوه قالهوله ويمكن ما يقدرش يزورها الا فى فترات اجازه او غيره ... ماتزعلش .... احنا كلنا دلوقت عايشين بره مصر .. ومانقدرش نزورها الا فى الاجازات

لكن انت من حقك تزعل ان ابنك ليه وطن ينتمى اليه ويكون مثلا كندا . لانك عايزه ينتمى لمصر ايضا . بس ده يمكن للجيل الاول فقط الجيل الثانى حيبقى الصراع بين وطنين اقل بكتير

انت اللى تاعب نفسك زياده ومش متخيل ان ابنك يقول لك انا كندى مش مصرى

لكن ان اجلا او عاجلا حد امن اولادك حيقولها

وعارف انك نفسك ان ماحدش منهم يقول ده

ومش مصدق ان ممكن ده يحصل

ودى مخاوفنا كلنا

لكن حا تعمل ايه

دى ضريبه الحجره يا زنزن

[ehabtaher]

بص يا زناتى

جايز انا كلامى مش مظبوط بص هى جت كده

واحد بيفكر يهاجر بيبقى معناه انه ناوى يروح وما يرجعش ولو عمل كده وغرقى المراكب وراه وعرف انه مالهوش الا هدف واحد انه يعيش فى البلد الجديد يبقى احتمالات النجاح بتبقى كبيره جدا

لكن وبما ان احنا كلنا مصريين ومش هاين علينا مصر بيبقى الواحد سايب لنفسه خط رجعه (بيت العيله )

زى ما كان فى الارياف فيه بيت العيله اللى بنتلم فيه كلنا

وبعدين كل واحد راح فى سكه او محافظه او مدينه

وقلت التجمعات فى بيت العائله

اعتقد ان ده حا يحصل فى كندا ان اجلا او عاجلا

قول عليا غريب او مش بافكر صح

بس دى الحقيقه

واحنا عايشين عل امل ان مصر حالها ينصلح لان الحياه فى مصر اجمل من كندا لو نقلت كندا مصر

لكن لو نقلت الوضع الحالى فى مصر الى كندا يبقى مش عايز اقول

علشان كده شئنا او ابينا لو كندا عايزه تجذب مهاجرين لازم تبقى كده ونظامها يبقى كده ولازم يعملو كده علشان ترضى تقعد فيها

لكن مصر بتطردك وبرضه انت ما تقدرش على بعدها

تعمل ايه بقى ضرب الحبيب زى اكل الزبيب

لكن ماعتقدش ان ده ممكن يكون حال اولاد اولاد اولادك يا زنزن

[حسام يوسف]

أنا جيت :lol:

كلمة مني أخيرة في موضوع موال مصر و كندا و الكلمة للمعلم Z اللي مغلبني

عايز الحق يا باشمهندس Z ..... أنت الفولت عندك بيعلي بسرعة و ما فيش فيوز بيفصل

لا بجد زي ما أنت قلت بالظبط الحوار كتابة حاجة و الحوار وجه لوجه و إنت شايف عينين و تعبيرات وش اللي قدامك حاجة ......كلام كتير من اللي إنت قلته أنا فهمته غلط و شكلها كده مش أنا بس ...يبقى المشكلة فين

أكيد كلنا عايزين المصلحة انما لو عايز توصل رسالة لحد عمرها ما حتيجي بالنرفزة و العصبية و ايكال الأتهامات أو السخرية ...بالعكس اللي أنت عايز توصله الرسالة حيبعد عنك و ياخد موقف

تهامي..... أخلص بقي و أنزل بالموضوع يا مغلبني إنت كمان

تحياتي للجميع :rolleyes:

كلامك مظبوط يا بروفيسور هشام

احنا بنستخدم 7%بس من أدوات التواصل الانساني بتواصلنا على المنتديات

وده اللى كتير بيسبب سوء التفاهم

تحياتى يا بروف :rolleyes:

[dcfarouk]

انا ناوي انزل بلسته كامله للاسعار وتحدي انها تكون اكبر وادق من ليسته دكتور تهامي

بس هجيب لسته باسعار الاكل في مصر gt:

[MaYousof]

- تهااااااااااامي باشا (وش وديع)

أنا جايبلك معايا حتت فيلم, حيعمل ثورة في حوارات المصريين. فيلم عن ستة أكتوبر بس إيه, حاجة سخنة آخر حاجة. مدخّلك فيه ريتشارد قلب الأسد على محمود ياسين على تنتنك وكله فقلب الصحراء

- كلب السحراء, سحراء إيه يا وديع اللي إنت جاي تكلمني عنها السعادي

- استنى بس يا باشا لما اوريك المشهد ده. يلا. اشتغلوا

(خلفية لقلب الأسد راكب السفينة تنتنك وبيعبر قناة السويس ومحمود ياسين بيطلع الرصاصة من جيبه عشان يصطاده قبل مايعدي القناة)

- إيه اللي إنت بتعملهولي ده يا وديع. السفينة تنتنك غرقت ومحمود ياسين بطـّل يشيل رصاص في جيوبه من ساعة مانجلاء فتحي سابت التمثيل. مش قلتلك عايزين حاجة فرفشة يا وديع. خد اعمل ده "الشوبنج في كندا!"

- أستاااااااااااااذ

الشوبنج في كندا!

نزل بعد ماخلصت تولتوميت صفحة في أكبر قهوة فالمحاورات

عمل تلخيص لأهم طرق الشوبينج فكندا

هاجر عشرين واحد كندا بسبب الموضوع ده

قهوة دكتور تهامي

افلام مصري ..

أم الكندي!

تم تعديل 6 يناير 2010 بواسطة MaYousof

[ELSHAMY]

بعد اذن قائدنا المفدى تهامى

عشان نفضى القهوة لما هو "أهم"....

ونحاول نصلح الكراسى و الكبايات اللى اتكسرت

إخوانى الأفاضل zika - myusernme

سعدت جدا بتواصلكم على طريق الأصلاح و محاولة بعث هذا الموضوع من جديد بعد مرور حوالى العام على أخر مداخلاته....

و ارى أن هذا الأمر جيد جدا....و مما سيزيد سعادتى أن أرى كل الأقلام المخلصة صاحبة الحماسة تدلى بدلوها فى هذا الموضوع....

حتى و لو لم نشارك كتابة....فمجرد القراءة ترفع من رصيد المعرفة التى قد نحتاجها فى الوقت المطلوب

شكرا للجميع و على بركة الله...

تم تعديل 6 يناير 2010 بواسطة ELSHAMY

[precanadian]

دكتور تهامي

ناس كتير منتظره منك موضوع ال شوبينج رجاء تقسيمه حلقات وتنزله انا اول واحد منتظر من زمان

لي ملاحظه قد تكون سليمه وهي انسي الرد علي القديم وخليك في الجديد

تحياتي

[Princesse]

النقطة التانية بقى... كنت راكب تاكسي في القاهرة ، والحوار أخدني مع السوّاق ، ولقيته بينصحني:

بص يا بيه ، لو انتا سايق عربيتك ، وعدّيت على كمين ، ولقيت الأمين بيدخل براسه من الشباك اللي الناحية التانية وبيتفحّص سدر مراتك ، إعمل نفسك مش واخد بالك ، وآهي بصّة وتعدّي... لأنه ممكن يتلكك ويقرفك ، ويبهدلك ويبهدلها... البصة ما بتلزقش!

الراجل كان بيتكلم جد ، ومش عاوزني أتبهدل في موقف ممكن أتهان فيه!

طبعاً الموقف ده ما حصلش معايا ، بس حصل موقف مشابه له من بعيد...

تاني يوم بعد الجواز... وانا داخل بالعربية على شرم الشيخ ، ألاقي الأمين في الكمين اللي ع المدخل بيوقفني ، ويدخل براسه جوّه العربية ويسألني مين اللي معاك؟ المدام دي؟! كان العادي بتاعي إني أقول له (وانتا مال أهلك؟) ، خصوصاً إن البعيد ما بيميّزش... مكتوب بالبنط العريض ع العربية من قدّام ومن ورا Just Married... أعمل له إيه تاني الغبي؟!

لكن طبعاً لما يكون معاك واحدة ست بتبلع الجزمة عشان ما تهينهاش! :closedeyes:

حاجة هم... :wub:

نرجع بقى نرد ع المداخلات القديمة...

والله يا دكتور تهامي معاك حق في كلامك...

معرفش ليه بقي شئ عادي جداا دلوقتي إهانة البنات و السيدات في الشارع المصري، سواء قولاً أو فعلاً

مرة كنت ماشية في الشارع مع صديقة فرنسية كانت عايشة في مصر لفترة مؤقتة، و انا ماشية معاها سمعت ولد قرب من منها و قال ليها شتمية وحشة تبدأ بحرف ال F

مع ان البنت كان بتلبس ملابس محتشمة....

وحكت لي هذه الصديقة ان في مصر تعرض 6مرات لحوادث تحرش بلمس من شباب و اطفال صغار، في حين ان في فرنسا لم يحدث لها ذلك طوال 24 عام إلا مرة او مرتين.

شئ غريب على ثقافتنا المصرية المتدنية انتشار التحرش بالسيدات...

على مدي تعاملي مع جنسيات مختلفة لم اري احد يهن السيدات مثلما يحدث في مصر

حتى المعاكسة عند الاوروبيين و الكنديين بتكون شيك و مهذبة...احترم الناس دي حداا لانها صريحة.

قد يحدث ان يعجب شاب غربي بفتاة و يقول لها غرضه بكل وضوح و صراحة ، اكيد هذا الوضوح بيكون صادم في ثقافتنا العربية و لكن يكفي ان هذا الشاب ترك لهذه الفتاة حرية قبول او رفض الدعوة...أما في شوارع المحروسة الفتاة ليس لها اي اختيار لان الشاب سوف يتحرش بها غصب عنها و بعنف و في وسط الشارع و امام الجميع.

بلاش تغيب عنا يا دكتور في مشاركاتك

[MZohairy]

مانتي لو بتتابعي الموقع بتاع فومني على النت اللي بيجيب كل المحطات المصريه مكانش فاتك حاجه

www.fomny.com

ده اعلان مشهور بييجي على قناة ميلودي

كنت عايز اشير لنقطه مهمه و هي مساعدة وزارة الإسكان للمقيمين و المواطنين اصحاب الدخول المنخفضه (اقل من 21 الف دولار سنويا) في تكاليف الايجار

و المساعده بتكون قرابة 75% من قيمة الايجار الشهري

و ده طبعا بعد ما تقدم على الطلب و بياخد من سنه الى سنتين و فجأه تلاقي نفسك ساكن ب 300 او 400 دولار في الشهر و في حتت فخمه مش في مساكن الزلزال يعني

عيبها الوحيد ان المهاجر الجديد مايقدرش يحصل عليها مباشرة عشان الطلبات عليها كتير و لازم يستنى دوره و اللي بياخد الفتره المذكوره