كندا التي رأيتها :)

[dcfarouk]

إقتباس(moheltohamy @ Jan 6 2010, 10:24 AM)

النقطة التانية بقى... كنت راكب تاكسي في القاهرة ، والحوار أخدني مع السوّاق ، ولقيته بينصحني:

بص يا بيه ، لو انتا سايق عربيتك ، وعدّيت على كمين ، ولقيت الأمين بيدخل براسه من الشباك اللي الناحية التانية وبيتفحّص سدر مراتك ، إعمل نفسك مش واخد بالك ، وآهي بصّة وتعدّي... لأنه ممكن يتلكك ويقرفك ، ويبهدلك ويبهدلها... البصة ما بتلزقش!

الراجل كان بيتكلم جد ، ومش عاوزني أتبهدل في موقف ممكن أتهان فيه!

طبعاً الموقف ده ما حصلش معايا ، بس حصل موقف مشابه له من بعيد...

تاني يوم بعد الجواز... وانا داخل بالعربية على شرم الشيخ ، ألاقي الأمين في الكمين اللي ع المدخل بيوقفني ، ويدخل براسه جوّه العربية ويسألني مين اللي معاك؟ المدام دي؟! كان العادي بتاعي إني أقول له (وانتا مال أهلك؟) ، خصوصاً إن البعيد ما بيميّزش... مكتوب بالبنط العريض ع العربية من قدّام ومن ورا Just Married... أعمل له إيه تاني الغبي؟!

لكن طبعاً لما يكون معاك واحدة ست بتبلع الجزمة عشان ما تهينهاش!

حاجة هم...

نرجع بقى نرد ع المداخلات القديمة...

والله يا دكتور تهامي معاك حق في كلامك...

معرفش ليه بقي شئ عادي جداا دلوقتي إهانة البنات و السيدات في الشارع المصري، سواء قولاً أو فعلاً

مرة كنت ماشية في الشارع مع صديقة فرنسية كانت عايشة في مصر لفترة مؤقتة، و انا ماشية معاها سمعت ولد قرب من منها و قال ليها شتمية وحشة تبدأ بحرف ال F

مع ان البنت كان بتلبس ملابس محتشمة....

وحكت لي هذه الصديقة ان في مصر تعرض 6مرات لحوادث تحرش بلمس من شباب و اطفال صغار، في حين ان في فرنسا لم يحدث لها ذلك طوال 24 عام إلا مرة او مرتين.

شئ غريب على ثقافتنا المصرية المتدنية انتشار التحرش بالسيدات...

على مدي تعاملي مع جنسيات مختلفة لم اري احد يهن السيدات مثلما يحدث في مصر

حتى المعاكسة عند الاوروبيين و الكنديين بتكون شيك و مهذبة...احترم الناس دي حداا لانها صريحة.

قد يحدث ان يعجب شاب غربي بفتاة و يقول لها غرضه بكل وضوح و صراحة ، اكيد هذا الوضوح بيكون صادم في ثقافتنا العربية و لكن يكفي ان هذا الشاب ترك لهذه الفتاة حرية قبول او رفض الدعوة...أما في شوارع المحروسة الفتاة ليس لها اي اختيار لان الشاب سوف يتحرش بها غصب عنها و بعنف و في وسط الشارع و امام الجميع.

والله انتي جيتي علي الجرح يا برنسيس

اعتقد ان الثقافه المصريه بترجع لورا لغايه ما ابتدينا نرجع لعصر الغريزه وثقافه الغصب وده متمثله في حجات كتير منها التعدي علي البنات ومنها كمان لو انتي اختلفتي مع

اي واحد في الشارع سواق او غيره اللي هتطغي علي الموضوع هي ثقافه الشراسه مش الحوار وطبعا مش هقولك علي افراد الامن في مصر والعوجان

بجد انا بقولها تاني

مصر محتله

دي الكلمه اللي ممكن اعزي بيها نفسي مش شعبها اللي عايش فيها ولا حكامها

[د هشام ابراهيم]

قالك المستحيلات بقوا أربعة ....الغول و العنقاء و الخل الوفي و موضوع الشوبنج بتاع لو كابتين تيه :blush2:

أو أقولك ..واحد يناير ...واحد يناير

اتنين يناير .....اتنين يناير

تلاتة يناير ...تلاتة يناير ....إلخ إلخ إلخ :blink:

[moheltohamy]

لأ في عرضك... أبوس إيدك ، بلاش الأغنية دي... خلاص حرّمت :blush2:

ما كان ممكن أنزل الموضوع اللي قلتلك عليه ، وانتا ما ردّيشت سعادتك...

عموماً... خلاص متفقين...

هاعمل فكرة د. بريكانيديان وأنزل الشوبنج على مراحل... ده هيسهّل الحياة عليّا شوية.

ننزل بالجزء الأول قريباً... تتر إعلانات يا وديع :blink:

(أشكرك بجد يا مايوسف... بجد مشاركة تحفة wst:: )

[د هشام ابراهيم]

رديت يا باشا و كان رأيي أنزل بالجزء الأول ......

السوق جاهز تماما طبقا لنظرية صديقي شهوبة :blush2:

تم تعديل 8 يناير 2010 بواسطة د هشام ابراهيم

[MaYousof]

لأ في عرضك... أبوس إيدك ، بلاش الأغنية دي... خلاص حرّمت :blush2:

ما كان ممكن أنزل الموضوع اللي قلتلك عليه ، وانتا ما ردّيشت سعادتك...

عموماً... خلاص متفقين...

هاعمل فكرة د. بريكانيديان وأنزل الشوبنج على مراحل... ده هيسهّل الحياة عليّا شوية.

ننزل بالجزء الأول قريباً... تتر إعلانات يا وديع :blink:

(أشكرك بجد يا مايوسف... بجد مشاركة تحفة :ninja: )

تهااااامي باشا (وش وديع)

"الشوبنج في كندا" هينزل أجزاء! زي "عمر وسلمى" كده!

(ببص للناس اللي في القهوة كلهم)

مش قلتلكوا ...

(ببص للدكتور تهامي تاني)

أستااااااااااااااااااااااااذ wst::

[bent misr]

تهامي يا أخويا :happy:

بجد مفتقدينك :lol:

بس أنا عرفت نقطت ضعفك :lol:

انزل بموضوع الشووووووبينج بقه لحسن هاغنيلك

أغنيت د / هشام :D

[arabi]

تعليقا على قصة أستاذ محمد يوسف...

الكل بيستحسنها وبيقول جامدة جدا وكدة..

وأنا مش فاهمة حاجة :happy:

مين وديع دة؟؟؟

هو فى أفلام جديدة طلعت وأنا فى كندا ماعرفهاش

أرجو الأبديت عشان مابقاش زى الأطرش فى الزفة...

شكرا

الأستاذه الكبيرة سوسوراني

الكليب ده هايفهمك الموضوع بتاع تهامي و وديع

http://www.youtube.com/watch?v=F-rGCwe-XP0...feature=related

تحياتي

عربي

[اسكندرانيةكنداوية]

د/ تهامى إنت فين

يارب تكون بخير طمنا عن أحوالك :blink:

[moheltohamy]

د/ تهامى إنت فين

يارب تكون بخير طمنا عن أحوالك :lol:

في الجبنة حضرتك... وداخل ع العيش! :)

مش انتو زانقينني في الشوبنج... آديني عمال باحضّر ساندوتشات آهوه! :lol:

[اسكندرانيةكنداوية]

د/ تهامى إنت فين

يارب تكون بخير طمنا عن أحوالك :lol:

في الجبنة حضرتك... وداخل ع العيش! hypr:

مش انتو زانقينني في الشوبنج... آديني عمال باحضّر ساندوتشات آهوه! :closedeyes:

:lol: لأ لأ لأ يا د / تهامى ما ليكش حق تتعب نفسك بالشكل دة

بقى يبقى الشوبينج فى كندا و تفطرنا و تغدينا سندويتشات جبنة

أمال فين التيم بيتس أياها بتاعة أخونا تيمو و الهوت سموزى و الفرينش كا بوتشينو و الذى منه و ما فيش أسهل من إنك تلاقى تيمو دة بين كل تيمو و تيمو برضه حتلاقى تيمو :lol:

و أهى فرصة نبدأ اليوم من أوله عند تيم هورتنز و نتسوق شوية وأما ييجى ميعاد الغدا كلها خطوتين ونتغدى et:( عند الأخ الأفغانى فى أقرب فرع تورونتو والا مسيسوجا مش حنختلف و نكمل تسوق و إنت و شطارتك خلصنا شوبينج قبل ميعاد العشاء كل واحد يتعشى فى بيته أما إذا ما خلصناش نتعشى فين بقى دى عايزة تفكيرة و لفة فى المنتدى ندور على مكان

شوفت الموضوع بسيط ومش محتاج التعب و السندويتشات ووفرنا كمان لا أكلنا سناكس :lol: ولا ستيك و لا مأكولات بحرية عشان الميزانية ما تخرمش :lol:

لما ينزل توبيك المطاعم نعمل حساب الميزانية مبحبحة شوية

تحياتى يا د / تهامى :

[cherie]

د. تهامى, :waf:

اسمحلى احط اللينك دوت على بال ما تنزل بالموضوع بتاعك...

تصبيرة يعنى ;)

http://www.youtube.com/watch?v=arPGZSr3ml4

[znaty]

د. تهامى, :sad:

اسمحلى احط اللينك دوت على بال ما تنزل بالموضوع بتاعك...

تصبيرة يعنى ;)

http://www.youtube.com/watch?v=arPGZSr3ml4

واوووووووووو

والله وحشني :waf:

فاكرين يا جماعة في الانطباعات في حلقة مقتطفات من الرحلة لما قلتلكم على السوق اللي فيه كل حاجة وقضيت فيه كام ساعة الصبح

وشفت فيه الكابوريا الكينج اللي طول العيل الصغير دي wst::

هو دة السوق

واللقطة اللي متاخدة من بره فيها المبني اللي واجهته ذهب

بس موش عارف ايه الخيم اللي في الشارع دى

بس ماركت جامد جامد واحلى مكان تروحة في الويك ايند الصبح

شكرا يا شيري

[أكسيلانس]

wst::

عزيزي د/ تهامي

مشرفنا المتفاني

جاء في أحد نشرات الاخبار اليوم - في تقرير عن كارثه تاهيتي ما يلي

نتيجه لشدة الزلزال المدمره فقد دفن العديد من السكان تحت بيوتهم و كذلك أعضاء هيئة أمم المتحده بتاهيتي ,, وحتي أذاعة النبأ لم يكن أحد قد وصل أليهم -- لحد هنا عادي

الغير عادي بقه

و كان من بين من الموجدين تحت أنقاض أحد الفنادق التي أنهارة - مواطبه كنديه ,, و التي أستطاعت أن تتصل بأرقام أسعاف و أصدقاء لها في كندا -- و هو ما دفع الحكومه الكنديه للاسراع بأرسال قوات أنقاذ لاستخراج هذه المواطنه من تحت ألانقاض علي وجه السرعه

الخبر,, عايز أقول لحضرتك أن حتي مزيع ال ب ب سي كان في حاله تعجب أن ممكن حكومه تعمل كده مع مواطن في حين موظفي الامم المتحده ليس محدش أربلهم

هل ده حقيقي - هما فعلا عملوا كده

لنا الله

:waf:

[Nermin]

مساء الفل يا مشرفنا العزيز سعادة الباشا الدكتور صاحب موضوع الشوبينج الأوحد

يا أخبارك يا كندا

باين يا أولاد 2010 دى هتبقى فل ان شاء الله والبليه هتلعب

الباسبورتات وصلت امبارح وعليها الفيزا

لولولولولولللللللى

يارب عقبال الجميع

[dcfarouk]

السلام عليكم

طلب من دكتور تهامي

كنت عاوز اعرف ازاي اختار كاميرا ديجيتال تصوير

هل المقارنه بتكون عن طريق ال ميجا بيكسل ولا عن طريق نوع العدسه

يعني ازاي اعرف اختار

لاني لما شفت الصور اللي حضرتك حطيتها بصراحه انبهرت

ايه الامكانيات اللي فيها مخلياها مميزه كده من ناحيه تصوير بالليل ودرجه الوضوح

وجزاكم الله خير

[dcfarouk]

Canadian Cities

Average House Prices

September 2009

City Average House Price 12 Month Change

Vancouver, BC $611,000 + 14.0 %

Toronto, Ont $407,000 + 10.3 %

Calgary, Alb $395,000 + 1.1 %

Ottawa, Ont $306,000 + 5.5 %

Montreal, Que $285,000 + 8.2 %

Regina, Sask $242,000 + 2.7 %

Halifax, NS $234,000 + 2.1 %

Fredericton, NB $141,000 + 1.9 %

Canadian Provinces

Average House Prices

September 2009

Province Average House Price 12 Month Change

British Columbia $474,000 + 15.1 %

Alberta $347,000 + 1.3 %

Ontario $327,000 + 10.7 %

Saskatchewan $233,000 + 1.5 %

Quebec $230,000 + 7.5 %

Newfoundland / Labrador $204,000 + 14.5 %

Manitoba $203,000 + 9.0 %

Nova Scotia $193,000 + 2.1 %

New Brunswick $152,000 + 6.5 %

Prince Edward Island $142,000 + 9.9 %

Canadian Average $332,000 + 13.6 %

[moheltohamy]

مساء الفل يا مشرفنا العزيز سعادة الباشا الدكتور صاحب موضوع الشوبينج الأوحد

يا أخبارك يا كندا

باين يا أولاد 2010 دى هتبقى فل ان شاء الله والبليه هتلعب

الباسبورتات وصلت امبارح وعليها الفيزا

لولولولولولللللللى

يارب عقبال الجميع

تصدقي إنك بنت حلال... كنت لسّه باقول امبارح دي راحت فين بقالها زمن ، وكانت ماسكة الميكروفون وفاضحاني ع الشوبنج! دلوقتي اسكندرانية قايمة بالواجب وزيادة wst::

ألف مبروك بجد ع الفيزا ، ومرحباً بك في قافلة مندوبي المنتدى في بلاد الأبيض (مسيرك تقعدي القعدة دي عن قريب ، ونيجي نشرب عندك :old: ).

خبر رائع ، ويا رب يسعدك ويوفقك هناك ونسمع عنك دايماً كل خير.

وشوبنج أوحد مين بقى... ما خلاص... سوسوراني كلتها والعة ، وما عرفتش أخوّفها بلوني الأخضر ، والزباين عليها زي الرز! wst::

عموماً ، أنا كنت باراجع معلوماتي عن العيش ، وخلّصت الجبنة والبيض والسمنة واللبن وباقي التموين ، بدل ما تروحوا تجوعوا هناك :rolleyes:

هاخلّص البند بتاع الأكل وأنزلهولكو ، وبعدين نبقى نشوف الباقي... وموضوع الكاميرا ده حدوتة كبيرة لوحده يا د. فاروق ، فيها كتابة كتيرة جداً (من الزوم الأوبتيكال ، للميجابيكسيل ،للإكسبوجر ، لسرعة الشاتر ، للآيزو ، للستابيلايزيشن ، للذاكرة ، للفيديو ، ...) ، وهابدأ فيها بعد الشوبنج عشان خاطرك. لو مستعجل ، ممكن تشتري الكاميرا بتاعتي المذكورة سابقاً وتخلص... دي شقيت عشان أوصل لها بجد! خلاصة مجهود و... شقى عمري (وش نور الشريف في العار)

ألف مبروك مرة تانية يا نرمين ، وإبقي طمنينا على باقي أخبارك

[Nermin]

ميرسى ليكم جميعا وميرسى لأحلى مشرف فى باب كندا(واللا باينه المشرف الوحيد wst:: )

يعنى يارب يكون الخبر بتاعى حرك قلبك شوية(أو كي بوردك :unsure: )عشان تنزل لنا الشوبينج

يا اما لو مافيهاش رزالة مننا تبقى تعمل فيه بند للعكاكيز والمستلزمات اياها اللي ممكن نحتاجها فى وقت نزول البرنامج (قصدى الشوبينج) :lol: :sad:

ويجعله عامر

[Nassarlink]

:unsure:

عزيزي د/ تهامي

مشرفنا المتفاني

جاء في أحد نشرات الاخبار اليوم - في تقرير عن كارثه تاهيتي ما يلي

نتيجه لشدة الزلزال المدمره فقد دفن العديد من السكان تحت بيوتهم و كذلك أعضاء هيئة أمم المتحده بتاهيتي ,, وحتي أذاعة النبأ لم يكن أحد قد وصل أليهم -- لحد هنا عادي

الغير عادي بقه

و كان من بين من الموجدين تحت أنقاض أحد الفنادق التي أنهارة - مواطبه كنديه ,, و التي أستطاعت أن تتصل بأرقام أسعاف و أصدقاء لها في كندا -- و هو ما دفع الحكومه الكنديه للاسراع بأرسال قوات أنقاذ لاستخراج هذه المواطنه من تحت ألانقاض علي وجه السرعه

الخبر,, عايز أقول لحضرتك أن حتي مزيع ال ب ب سي كان في حاله تعجب أن ممكن حكومه تعمل كده مع مواطن في حين موظفي الامم المتحده ليس محدش أربلهم

هل ده حقيقي - هما فعلا عملوا كده

لنا الله

اعتقد ان الموضوع مش بس علشان كده

لكن لأن مدام Michaëlle Jean

وهي الحاكم العام لكندا من 2005 حتي الآن

من مواليد بورت أو برينس ب هاييتي

6 سبتمبر 1957

[hiema]

اخواني انا عندي استفسار صغير

هو الفيش و التشبيه بيكون مطلوب للmain applicant فقط ولا الزوجة كمان ؟؟؟؟؟؟؟؟؟؟